ஶ்ரீரகு⁴ராஜபதா³ப்³ஜனிகேதன பங்கஜலோசன மங்கள³ராஶே
சண்ட³மஹாபு⁴ஜத³ண்ட³ ஸுராரிவிக²ண்ட³னபண்டி³த பாஹி த³யாளோ ।
பாதகினம் ச ஸமுத்³த⁴ர மாம் மஹதாம் ஹி ஸதாமபி மானமுதா³ரம்
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 1 ॥
ஸம்ஸ்ருதிதாபமஹானலத³க்³த⁴தனூருஹமர்மதனோரதிவேலம்
புத்ரத⁴னஸ்வஜனாத்மக்³ருஹாதி³ஷு ஸக்தமதேரதிகில்பி³ஷமூர்தே: ।
கேனசித³ப்யமலேன புராக்ருதபுண்யஸுபுஞ்ஜலவேன விபோ⁴ வை
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 2 ॥
ஸம்ஸ்ருதிகூபமனல்பமகோ⁴ரனிதா³க⁴னிதா³னமஜஸ்ரமஶேஷம்
ப்ராப்ய ஸுது³:க²ஸஹஸ்ரபு⁴ஜங்க³விஷைகஸமாகுலஸர்வதனோர்மே ।
கோ⁴ரமஹாக்ருபணாபத³மேவ க³தஸ்ய ஹரே பதிதஸ்ய ப⁴வாப்³தௌ⁴
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 3 ॥
ஸம்ஸ்ருதிஸின்து⁴விஶாலகராலமஹாப³லகாலஜ²ஷக்³ரஸனார்தம்
வ்யக்³ரஸமக்³ரதி⁴யம் க்ருபணம் ச மஹாமத³னக்ரஸுசக்ரஹ்ருதாஸும் ।
காலமஹாரஸனோர்மினிபீடி³தமுத்³த⁴ர தீ³னமனந்யக³திம் மாம்
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 4 ॥
ஸம்ஸ்ருதிகோ⁴ரமஹாக³ஹனே சரதோ மணிரஞ்ஜிதபுண்யஸுமூர்தே:
மன்மத²பீ⁴கரகோ⁴ரமஹோக்³ரம்ருக³ப்ரவரார்தி³தகா³த்ரஸுஸன்தே⁴: ।
மத்ஸரதாபவிஶேஷனிபீடி³தபா³ஹ்யமதேஶ்ச கத²ம் சித³மேயம்
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 5 ॥
ஸம்ஸ்ருதிவ்ருக்ஷமனேகஶதாக⁴னிதா³னமனந்தவிகர்மஸுஶாக²ம்
து³:க²ப²லம் கரணாதி³பலாஶமனங்க³ஸுபுஷ்பமசின்த்யஸுமூலம் ।
தம் ஹ்யதி⁴ருஹ்ய ஹரே பதிதம் ஶரணாக³தமேவ விமோசய மூட⁴ம்
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 6 ॥
ஸம்ஸ்ருதிபன்னக³வக்த்ரப⁴யங்கரத³ம்ஷ்ட்ரமஹாவிஷத³க்³த⁴ஶரீரம்
ப்ராணவினிர்க³மபீ⁴திஸமாகுலமன்த³மனாத²மதீவ விஷண்ணம் ।
மோஹமஹாகுஹரே பதிதம் த³யயோத்³த⁴ர மாமஜிதேன்த்³ரியகாமம்
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 7 ॥
இன்த்³ரியனாமகசோரக³ணைர்ஹ்ருததத்த்வவிவேகமஹாத⁴னராஶிம்
ஸம்ஸ்ருதிஜாலனிபாதிதமேவ மஹாப³லிபி⁴ஶ்ச விக²ண்டி³தகாயம் ।
த்வத்பத³பத்³மமனுத்தமமாஶ்ரிதமாஶு கபீஶ்வர பாஹி க்ருபாளோ
த்வாம் பஜ⁴தோ மம தே³ஹி த³யாக⁴ன ஹே ஹனுமன் ஸ்வபதா³ம்பு³ஜதா³ஸ்யம் ॥ 8 ॥
ப்³ரஹ்மமருத்³க³ணருத்³ரமஹேன்த்³ரகிரீடஸுகோடிலஸத்பத³பீட²ம்
தா³ஶரதி²ம் ஜபதி க்ஷிதிமண்ட³ல ஏஷ நிதா⁴ய ஸதை³வ ஹ்ருத³ப்³ஜே ।
தஸ்ய ஹனூமத ஏவ ஶிவங்கரமஷ்டகமேதத³னிஷ்டஹரம் வை
ய: ஸததம் ஹி படே²த்ஸ நரோ லப⁴தேச்யுதராமபதா³ப்³ஜனிவாஸம் ॥ 9 ॥
இதி ஶ்ரீ மது⁴ஸூத³னாஶ்ரம ஶிஷ்யாச்யுதவிரசிதம் ஶ்ரீமத்³த³னுமத³ஷ்டகம் ।