ଓଂ ଅସ୍ୟ ଶ୍ରୀହନୁମତ୍ସହସ୍ରନାମସ୍ତୋତ୍ର ମଂତ୍ରସ୍ୟ ଶ୍ରୀରାମଚଂଦ୍ରୃଷିଃ ଅନୁଷ୍ଟୁପ୍ଛଂଦଃ ଶ୍ରୀହନୁମାନ୍ମହାରୁଦ୍ରୋ ଦେଵତା ହ୍ରୀଂ ଶ୍ରୀଂ ହ୍ରୌଂ ହ୍ରାଂ ବୀଜଂ ଶ୍ରୀଂ ଇତି ଶକ୍ତିଃ କିଲିକିଲ ବୁବୁ କାରେଣ ଇତି କୀଲକଂ ଲଂକାଵିଧ୍ଵଂସନେତି କଵଚଂ ମମ ସର୍ଵୋପଦ୍ରଵଶାଂତ୍ୟର୍ଥେ ମମ ସର୍ଵକାର୍ୟସିଦ୍ଧ୍ୟର୍ଥେ ଜପେ ଵିନିୟୋଗଃ ।
ଧ୍ୟାନମ୍
ପ୍ରତପ୍ତସ୍ଵର୍ଣଵର୍ଣାଭଂ ସଂରକ୍ତାରୁଣଲୋଚନମ୍ ।
ସୁଗ୍ରୀଵାଦିୟୁତଂ ଧ୍ୟାୟେତ୍ ପୀତାଂବରସମାଵୃତମ୍ ॥
ଗୋଷ୍ପଦୀକୃତଵାରାଶିଂ ପୁଚ୍ଛମସ୍ତକମୀଶ୍ଵରମ୍ ।
ଜ୍ଞାନମୁଦ୍ରାଂ ଚ ବିଭ୍ରାଣଂ ସର୍ଵାଲଂକାରଭୂଷିତମ୍ ॥
ଵାମହସ୍ତସମାକୃଷ୍ଟଦଶାସ୍ୟାନନମଂଡଲମ୍ ।
ଉଦ୍ୟଦ୍ଦକ୍ଷିଣଦୋର୍ଦଂଡଂ ହନୂମଂତଂ ଵିଚିଂତୟେତ୍ ॥
ସ୍ତୋତ୍ରମ୍
ହନୂମାନ୍ ଶ୍ରୀପ୍ରଦୋ ଵାୟୁପୁତ୍ରୋ ରୁଦ୍ରୋ ନୟୋଽଜରଃ ।
ଅମୃତ୍ୟୁର୍ଵୀରଵୀରଶ୍ଚ ଗ୍ରାମଵାସୋ ଜନାଶ୍ରୟଃ ॥ 1 ॥
ଧନଦୋ ନିର୍ଗୁଣାକାରୋ ଵୀରୋ ନିଧିପତିର୍ମୁନିଃ ।
ପିଂଗାକ୍ଷୋ ଵରଦୋ ଵାଗ୍ମୀ ସୀତାଶୋକଵିନାଶନଃ ॥ 2 ॥
ଶିଵଃ ଶର୍ଵଃ ପରୋଽଵ୍ୟକ୍ତୋ ଵ୍ୟକ୍ତାଵ୍ୟକ୍ତୋ ଧରାଧରଃ ।
ପିଂଗକେଶଃ ପିଂଗରୋମା ଶ୍ରୁତିଗମ୍ୟଃ ସନାତନଃ ॥ 3 ॥
ଅନାଦିର୍ଭଗଵାନ୍ ଦିଵ୍ୟୋ ଵିଶ୍ଵହେତୁର୍ନରାଶ୍ରୟଃ ।
ଆରୋଗ୍ୟକର୍ତା ଵିଶ୍ଵେଶୋ ଵିଶ୍ଵନାଥୋ ହରୀଶ୍ଵରଃ ॥ 4 ॥
ଭର୍ଗୋ ରାମୋ ରାମଭକ୍ତଃ କଲ୍ୟାଣପ୍ରକୃତୀଶ୍ଵରଃ ।
ଵିଶ୍ଵଂଭରୋ ଵିଶ୍ଵମୂର୍ତିର୍ଵିଶ୍ଵାକାରୋଽଥ ଵିଶ୍ଵପଃ ॥ 5 ॥
ଵିଶ୍ଵାତ୍ମା ଵିଶ୍ଵସେଵ୍ୟୋଽଥ ଵିଶ୍ଵୋ ଵିଶ୍ଵଧରୋ ରଵିଃ ।
ଵିଶ୍ଵଚେଷ୍ଟୋ ଵିଶ୍ଵଗମ୍ୟୋ ଵିଶ୍ଵଧ୍ୟେୟଃ କଲାଧରଃ ॥ 6 ॥
ପ୍ଲଵଂଗମଃ କପିଶ୍ରେଷ୍ଠୋ ଜ୍ୟେଷ୍ଠୋ ଵେଦ୍ୟୋ ଵନେଚରଃ ।
ବାଲୋ ଵୃଦ୍ଧୋ ୟୁଵା ତତ୍ତ୍ଵଂ ତତ୍ତ୍ଵଗମ୍ୟଃ ସଖା ହ୍ୟଜଃ ॥ 7 ॥
ଅଂଜନାସୂନୁରଵ୍ୟଗ୍ରୋ ଗ୍ରାମସ୍ୟାଂତୋ ଧରାଧରଃ ।
ଭୂର୍ଭୁଵଃସ୍ଵର୍ମହର୍ଲୋକୋ ଜନୋଲୋକସ୍ତପୋଽଵ୍ୟୟଃ ॥ 8 ॥
ସତ୍ୟମୋଂକାରଗମ୍ୟଶ୍ଚ ପ୍ରଣଵୋ ଵ୍ୟାପକୋଽମଲଃ ।
ଶିଵଧର୍ମପ୍ରତିଷ୍ଠାତା ରାମେଷ୍ଟଃ ଫଲ୍ଗୁନପ୍ରିୟଃ ॥ 9 ॥
ଗୋଷ୍ପଦୀକୃତଵାରୀଶଃ ପୂର୍ଣକାମୋ ଧରାପତିଃ ।
ରକ୍ଷୋଘ୍ନଃ ପୁଂଡରୀକାକ୍ଷଃ ଶରଣାଗତଵତ୍ସଲଃ ॥ 10 ॥
ଜାନକୀପ୍ରାଣଦାତା ଚ ରକ୍ଷଃପ୍ରାଣାପହାରକଃ ।
ପୂର୍ଣଃ ସତ୍ୟଃ ପୀତଵାସା ଦିଵାକରସମପ୍ରଭଃ ॥ 11 ॥
ଦ୍ରୋଣହର୍ତା ଶକ୍ତିନେତା ଶକ୍ତିରାକ୍ଷସମାରକଃ ।
ଅକ୍ଷଘ୍ନୋ ରାମଦୂତଶ୍ଚ ଶାକିନୀଜୀଵିତାହରଃ ॥ 12 ॥
ବୁଭୂକାରହତାରାତିର୍ଗର୍ଵପର୍ଵତମର୍ଦନଃ ।
ହେତୁସ୍ତ୍ଵହେତୁଃ ପ୍ରାଂଶୁଶ୍ଚ ଵିଶ୍ଵକର୍ତା ଜଗଦ୍ଗୁରୁଃ ॥ 13 ॥
ଜଗନ୍ନାଥୋ ଜଗନ୍ନେତା ଜଗଦୀଶୋ ଜନେଶ୍ଵରଃ ।
ଜଗତ୍ଶ୍ରିତୋ ହରିଃ ଶ୍ରୀଶୋ ଗରୁଡସ୍ମୟଭଂଜକଃ ॥ 14 ॥
ପାର୍ଥଧ୍ଵଜୋ ଵାୟୁପୁତ୍ରଃ ସିତପୁଚ୍ଛୋଽମିତପ୍ରଭଃ ।
ବ୍ରହ୍ମପୁଚ୍ଛଃ ପରବ୍ରହ୍ମପୁଚ୍ଛୋ ରାମେଷ୍ଟକାରକଃ ॥ 15 ॥
ସୁଗ୍ରୀଵାଦିୟୁତୋ ଜ୍ଞାନୀ ଵାନରୋ ଵାନରେଶ୍ଵରଃ ।
କଲ୍ପସ୍ଥାୟୀ ଚିରଂଜୀଵୀ ପ୍ରସନ୍ନଶ୍ଚ ସଦାଶିଵଃ ॥ 16 ॥
ସନ୍ମତିଃ ସଦ୍ଗତିର୍ଭୁକ୍ତିମୁକ୍ତିଦଃ କୀର୍ତିଦାୟକଃ ।
କୀର୍ତିଃ କୀର୍ତିପ୍ରଦଶ୍ଚୈଵ ସମୁଦ୍ରଃ ଶ୍ରୀପ୍ରଦଃ ଶିଵଃ ॥ 17 ॥
ଉଦଧିକ୍ରମଣୋ ଦେଵଃ ସଂସାରଭୟନାଶନଃ ।
ଵାଲିବଂଧନକୃଦ୍ଵିଶ୍ଵଜେତା ଵିଶ୍ଵପ୍ରତିଷ୍ଠିତଃ ॥ 18 ॥
ଲଂକାରିଃ କାଲପୁରୁଷୋ ଲଂକେଶଗୃହଭଂଜନଃ ।
ଭୂତାଵାସୋ ଵାସୁଦେଵୋ ଵସୁସ୍ତ୍ରିଭୁଵନେଶ୍ଵରଃ ॥
ଶ୍ରୀରାମରୂପଃ କୃଷ୍ଣସ୍ତୁ ଲଂକାପ୍ରାସାଦଭଂଜନଃ ।
କୃଷ୍ଣଃ କୃଷ୍ଣସ୍ତୁତଃ ଶାଂତଃ ଶାଂତିଦୋ ଵିଶ୍ଵଭାଵନଃ ॥ 20 ॥
ଵିଶ୍ଵଭୋକ୍ତାଽଥ ମାରଘ୍ନୋ ବ୍ରହ୍ମଚାରୀ ଜିତେଂଦ୍ରିୟଃ ।
ଊର୍ଧ୍ଵଗୋ ଲାଂଗୁଲୀ ମାଲୀ ଲାଂଗୂଲାହତରାକ୍ଷସଃ ॥ 21 ॥
ସମୀରତନୁଜୋ ଵୀରୋ ଵୀରମାରୋ ଜୟପ୍ରଦଃ ।
ଜଗନ୍ମଂଗଳଦଃ ପୁଣ୍ୟଃ ପୁଣ୍ୟଶ୍ରଵଣକୀର୍ତନଃ ॥ 22 ॥
ପୁଣ୍ୟକୀର୍ତିଃ ପୁଣ୍ୟଗୀତିର୍ଜଗତ୍ପାଵନପାଵନଃ ।
ଦେଵେଶୋଽମିତରୋମାଽଥ ରାମଭକ୍ତଵିଧାୟକଃ ॥ 23 ॥
ଧ୍ୟାତା ଧ୍ୟେୟୋ ଜଗତ୍ସାକ୍ଷୀ ଚେତା ଚୈତନ୍ୟଵିଗ୍ରହଃ ।
ଜ୍ଞାନଦଃ ପ୍ରାଣଦଃ ପ୍ରାଣୋ ଜଗତ୍ପ୍ରାଣଃ ସମୀରଣଃ ॥ 24 ॥
ଵିଭୀଷଣପ୍ରିୟଃ ଶୂରଃ ପିପ୍ପଲାଶ୍ରୟସିଦ୍ଧିଦଃ ।
ସିଦ୍ଧଃ ସିଦ୍ଧାଶ୍ରୟଃ କାଲଃ କାଲଭକ୍ଷକପୂଜିତଃ ॥ 25 ॥
ଲଂକେଶନିଧନସ୍ଥାୟୀ ଲଂକାଦାହକ ଈଶ୍ଵରଃ ।
ଚଂଦ୍ରସୂର୍ୟାଗ୍ନିନେତ୍ରଶ୍ଚ କାଲାଗ୍ନିଃ ପ୍ରଲୟାଂତକଃ ॥ 26 ॥
କପିଲଃ କପିଶଃ ପୁଣ୍ୟରାତିର୍ଦ୍ଵାଦଶରାଶିଗଃ ।
ସର୍ଵାଶ୍ରୟୋଽପ୍ରମେୟାତ୍ମା ରେଵତ୍ୟାଦିନିଵାରକଃ ॥ 27 ॥
ଲକ୍ଷ୍ମଣପ୍ରାଣଦାତା ଚ ସୀତାଜୀଵନହେତୁକଃ ।
ରାମଧ୍ୟାୟୀ ହୃଷୀକେଶୋ ଵିଷ୍ଣୁଭକ୍ତୋ ଜଟୀ ବଲୀ ॥ 28 ॥
ଦେଵାରିଦର୍ପହା ହୋତା ଧାତା କର୍ତା ଜଗତ୍ପ୍ରଭୁଃ ।
ନଗରଗ୍ରାମପାଲଶ୍ଚ ଶୁଦ୍ଧୋ ବୁଦ୍ଧୋ ନିରଂତରଃ ॥ 29 ॥
ନିରଂଜନୋ ନିର୍ଵିକଲ୍ପୋ ଗୁଣାତୀତୋ ଭୟଂକରଃ ।
ହନୁମାଂଶ୍ଚ ଦୁରାରାଧ୍ୟସ୍ତପଃସାଧ୍ୟୋ ମହେଶ୍ଵରଃ ॥ 30 ॥
ଜାନକୀଘନଶୋକୋତ୍ଥତାପହର୍ତା ପରାଶରଃ ।
ଵାଙ୍ମୟଃ ସଦସଦ୍ରୂପଃ କାରଣଂ ପ୍ରକୃତେଃ ପରଃ ॥ 31 ॥
ଭାଗ୍ୟଦୋ ନିର୍ମଲୋ ନେତା ପୁଚ୍ଛଲଂକାଵିଦାହକଃ ।
ପୁଚ୍ଛବଦ୍ଧୋ ୟାତୁଧାନୋ ୟାତୁଧାନରିପୁପ୍ରିୟଃ ॥ 32 ॥
ଛାୟାପହାରୀ ଭୂତେଶୋ ଲୋକେଶଃ ସଦ୍ଗତିପ୍ରଦଃ ।
ପ୍ଲଵଂଗମେଶ୍ଵରଃ କ୍ରୋଧଃ କ୍ରୋଧସଂରକ୍ତଲୋଚନଃ ॥ 33 ॥
କ୍ରୋଧହର୍ତା ତାପହର୍ତା ଭକ୍ତାଭୟଵରପ୍ରଦଃ ।
ଭକ୍ତାନୁକଂପୀ ଵିଶ୍ଵେଶଃ ପୁରୁହୂତଃ ପୁରଂଦରଃ ॥ 34 ॥
ଅଗ୍ନିର୍ଵିଭାଵସୁର୍ଭାସ୍ଵାନ୍ ୟମୋ ନିରୃତିରେଵ ଚ ।
ଵରୁଣୋ ଵାୟୁଗତିମାନ୍ ଵାୟୁଃ କୁବେର ଈଶ୍ଵରଃ ॥ 35 ॥
ରଵିଶ୍ଚଂଦ୍ରଃ କୁଜଃ ସୌମ୍ୟୋ ଗୁରୁଃ କାଵ୍ୟଃ ଶନୈଶ୍ଚରଃ ।
ରାହୁଃ କେତୁର୍ମରୁଦ୍ଦାତା ଧାତା ହର୍ତା ସମୀରଜଃ ॥ 36 ॥
ମଶକୀକୃତଦେଵାରିର୍ଦୈତ୍ୟାରିର୍ମଧୁସୂଦନଃ ।
କାମଃ କପିଃ କାମପାଲଃ କପିଲୋ ଵିଶ୍ଵଜୀଵନଃ ॥ 37 ॥
ଭାଗୀରଥୀପଦାଂଭୋଜଃ ସେତୁବଂଧଵିଶାରଦଃ ।
ସ୍ଵାହା ସ୍ଵଧା ହଵିଃ କଵ୍ୟଂ ହଵ୍ୟଵାହଃ ପ୍ରକାଶକଃ ॥ 38 ॥
ସ୍ଵପ୍ରକାଶୋ ମହାଵୀରୋ ମଧୁରୋଽମିତଵିକ୍ରମଃ ।
ଉଡ୍ଡୀନୋଡ୍ଡୀନଗତିମାନ୍ ସଦ୍ଗତିଃ ପୁରୁଷୋତ୍ତମଃ ॥ 39 ॥
ଜଗଦାତ୍ମା ଜଗଦ୍ୟୋନିର୍ଜଗଦଂତୋ ହ୍ୟନଂତରଃ ।
ଵିପାପ୍ମା ନିଷ୍କଲଂକୋଽଥ ମହାନ୍ ମହଦହଂକୃତିଃ ॥ 40 ॥
ଖଂ ଵାୟୁଃ ପୃଥିଵୀ ଚାପୋ ଵହ୍ନିର୍ଦିକ୍ କାଲ ଏକଲଃ ।
କ୍ଷେତ୍ରଜ୍ଞଃ କ୍ଷେତ୍ରପାଲଶ୍ଚ ପଲ୍ଵଲୀକୃତସାଗରଃ ॥ 41 ॥
ହିରଣ୍ମୟଃ ପୁରାଣଶ୍ଚ ଖେଚରୋ ଭୂଚରୋ ମନୁଃ ।
ହିରଣ୍ୟଗର୍ଭଃ ସୂତ୍ରାତ୍ମା ରାଜରାଜୋ ଵିଶାଂ ପତିଃ ॥ 42 ॥
ଵେଦାଂତଵେଦ୍ୟ ଉଦ୍ଗୀଥୋ ଵେଦାଂଗୋ ଵେଦପାରଗଃ ।
ପ୍ରତିଗ୍ରାମସ୍ଥିତଃ ସଦ୍ୟଃ ସ୍ଫୂର୍ତିଦାତା ଗୁଣାକରଃ ॥ 43 ॥
ନକ୍ଷତ୍ରମାଲୀ ଭୂତାତ୍ମା ସୁରଭିଃ କଲ୍ପପାଦପଃ ।
ଚିଂତାମଣିର୍ଗୁଣନିଧିଃ ପ୍ରଜାଦ୍ଵାରମନୁତ୍ତମଃ ॥ 44 ॥
ପୁଣ୍ୟଶ୍ଲୋକଃ ପୁରାରାତିଃ ମତିମାନ୍ ଶର୍ଵରୀପତିଃ ।
କିଲ୍କିଲାରାଵସଂତ୍ରସ୍ତଭୂତପ୍ରେତପିଶାଚକଃ ॥ 45 ॥
ଋଣତ୍ରୟହରଃ ସୂକ୍ଷ୍ମଃ ସ୍ଥୂଲଃ ସର୍ଵଗତିଃ ପୁମାନ୍ ।
ଅପସ୍ମାରହରଃ ସ୍ମର୍ତା ଶ୍ରୁତିର୍ଗାଥା ସ୍ମୃତିର୍ମନୁଃ ॥ 46 ॥
ସ୍ଵର୍ଗଦ୍ଵାରଂ ପ୍ରଜାଦ୍ଵାରଂ ମୋକ୍ଷଦ୍ଵାରଂ ୟତୀଶ୍ଵରଃ ।
ନାଦରୂପଂ ପରଂ ବ୍ରହ୍ମ ବ୍ରହ୍ମ ବ୍ରହ୍ମପୁରାତନଃ ॥ 47 ॥
ଏକୋଽନେକୋ ଜନଃ ଶୁକ୍ଲଃ ସ୍ଵୟଂଜ୍ୟୋତିରନାକୁଲଃ ।
ଜ୍ୟୋତିର୍ଜ୍ୟୋତିରନାଦିଶ୍ଚ ସାତ୍ତ୍ଵିକୋ ରାଜସସ୍ତମଃ ॥ 48 ॥
ତମୋହର୍ତା ନିରାଲଂବୋ ନିରାକାରୋ ଗୁଣାକରଃ ।
ଗୁଣାଶ୍ରୟୋ ଗୁଣମୟୋ ବୃହତ୍କାୟୋ ବୃହଦ୍ୟଶାଃ ॥
ବୃହଦ୍ଧନୁର୍ବୃହତ୍ପାଦୋ ବୃହନ୍ମୂର୍ଧା ବୃହତ୍ସ୍ଵନଃ ।
ବୃହତ୍କର୍ଣୋ ବୃହନ୍ନାସୋ ବୃହଦ୍ବାହୁର୍ବୃହତ୍ତନୁଃ ॥ 50 ॥
ବୃହଦ୍ଗଲୋ ବୃହତ୍କାୟୋ ବୃହତ୍ପୁଚ୍ଛୋ ବୃହତ୍କରଃ ।
ବୃହଦ୍ଗତିର୍ବୃହତ୍ସେଵୋ ବୃହଲ୍ଲୋକଫଲପ୍ରଦଃ ॥ 51 ॥
ବୃହଦ୍ଭକ୍ତିର୍ବୃହଦ୍ଵାଂଛାଫଲଦୋ ବୃହଦୀଶ୍ଵରଃ ।
ବୃହଲ୍ଲୋକନୁତୋ ଦ୍ରଷ୍ଟା ଵିଦ୍ୟାଦାତା ଜଗଦ୍ଗୁରୁଃ ॥ 52 ॥
ଦେଵାଚାର୍ୟଃ ସତ୍ୟଵାଦୀ ବ୍ରହ୍ମଵାଦୀ କଲାଧରଃ ।
ସପ୍ତପାତାଲଗାମୀ ଚ ମଲୟାଚଲସଂଶ୍ରୟଃ ॥ 53 ॥
ଉତ୍ତରାଶାସ୍ଥିତଃ ଶ୍ରୀଶୋ ଦିଵ୍ୟୌଷଧିଵଶଃ ଖଗଃ ।
ଶାଖାମୃଗଃ କପୀଂଦ୍ରୋଽଥ ପୁରାଣଃ ପ୍ରାଣଚଂଚୁରଃ ॥ 54 ॥
ଚତୁରୋ ବ୍ରାହ୍ମଣୋ ୟୋଗୀ ୟୋଗିଗମ୍ୟଃ ପରୋଽଵରଃ ।
ଅନାଦିନିଧନୋ ଵ୍ୟାସୋ ଵୈକୁଂଠଃ ପୃଥିଵୀପତିଃ ॥ 55 ॥
ଅପରାଜିତୋ ଜିତାରାତିଃ ସଦାନଂଦଦ ଈଶିତା ।
ଗୋପାଲୋ ଗୋପତିର୍ୟୋଦ୍ଧା କଲିଃ ସ୍ଫାଲଃ ପରାତ୍ପରଃ ॥ 56 ॥
ମନୋଵେଗୀ ସଦାୟୋଗୀ ସଂସାରଭୟନାଶନଃ ।
ତତ୍ତ୍ଵଦାତାଽଥ ତତ୍ତ୍ଵଜ୍ଞସ୍ତତ୍ତ୍ଵଂ ତତ୍ତ୍ଵପ୍ରକାଶକଃ ॥ 57 ॥
ଶୁଦ୍ଧୋ ବୁଦ୍ଧୋ ନିତ୍ୟୟୁକ୍ତୋ ଭକ୍ତାକାରୋ ଜଗଦ୍ରଥଃ ।
ପ୍ରଲୟୋଽମିତମାୟଶ୍ଚ ମାୟାତୀତୋ ଵିମତ୍ସରଃ ॥ 58 ॥
ମାୟାନିର୍ଜିତରକ୍ଷାଶ୍ଚ ମାୟାନିର୍ମିତଵିଷ୍ଟପଃ ।
ମାୟାଶ୍ରୟଶ୍ଚ ନିର୍ଲେପୋ ମାୟାନିର୍ଵର୍ତକଃ ସୁଖୀ ॥
ସୁଖୀ ସୁଖପ୍ରଦୋ ନାଗୋ ମହେଶକୃତସଂସ୍ତଵଃ ।
ମହେଶ୍ଵରଃ ସତ୍ୟସଂଧଃ ଶରଭଃ କଲିପାଵନଃ ॥ 60 ॥
ରସୋ ରସଜ୍ଞଃ ସନ୍ମାନୋ ରୂପଂ ଚକ୍ଷୁଃ ଶ୍ରୁତୀ ରଵଃ ।
ଘ୍ରାଣଂ ଗଂଧଃ ସ୍ପର୍ଶନଂ ଚ ସ୍ପର୍ଶୋ ହିଂକାରମାନଗଃ ॥ 61 ॥
ନେତି ନେତୀତି ଗମ୍ୟଶ୍ଚ ଵୈକୁଂଠଭଜନପ୍ରିୟଃ ।
ଗିରିଶୋ ଗିରିଜାକାଂତୋ ଦୁର୍ଵାସାଃ କଵିରଂଗିରାଃ ॥ 62 ॥
ଭୃଗୁର୍ଵସିଷ୍ଠଶ୍ଚ୍ୟଵନୋ ନାରଦସ୍ତୁଂବୁରୁର୍ହରଃ ।
ଵିଶ୍ଵକ୍ଷେତ୍ରଂ ଵିଶ୍ଵବୀଜଂ ଵିଶ୍ଵନେତ୍ରଂ ଚ ଵିଶ୍ଵପଃ ॥ 63 ॥
ୟାଜକୋ ୟଜମାନଶ୍ଚ ପାଵକଃ ପିତରସ୍ତଥା ।
ଶ୍ରଦ୍ଧା ବୁଦ୍ଧିଃ କ୍ଷମା ତଂଦ୍ରା ମଂତ୍ରୋ ମଂତ୍ରୟିତା ସୁରଃ ॥ 64 ॥
ରାଜେଂଦ୍ରୋ ଭୂପତୀ ରୂଢୋ ମାଲୀ ସଂସାରସାରଥିଃ ।
ନିତ୍ୟଃ ସଂପୂର୍ଣକାମଶ୍ଚ ଭକ୍ତକାମଧୁଗୁତ୍ତମଃ ॥ 65 ॥
ଗଣପଃ କେଶଵୋ ଭ୍ରାତା ପିତା ମାତାଽଥ ମାରୁତିଃ ।
ସହସ୍ରମୂର୍ଧା ସହସ୍ରାସ୍ୟଃ ସହସ୍ରାକ୍ଷଃ ସହସ୍ରପାତ୍ ॥ 66 ॥
କାମଜିତ୍ କାମଦହନଃ କାମଃ କାମ୍ୟଫଲପ୍ରଦଃ ।
ମୁଦ୍ରୋପହାରୀ ରକ୍ଷୋଘ୍ନଃ କ୍ଷିତିଭାରହରୋ ବଲଃ ॥ 67 ॥
ନଖଦଂଷ୍ଟ୍ରାୟୁଧୋ ଵିଷ୍ଣୁଭକ୍ତୋ ଭକ୍ତାଭୟପ୍ରଦଃ ।
ଦର୍ପହା ଦର୍ପଦୋ ଦଂଷ୍ଟ୍ରାଶତମୂର୍ତିରମୂର୍ତିମାନ୍ ॥ 68 ॥
ମହାନିଧିର୍ମହାଭାଗୋ ମହାଭର୍ଗୋ ମହର୍ଧିଦଃ ।
ମହାକାରୋ ମହାୟୋଗୀ ମହାତେଜା ମହାଦ୍ୟୁତିଃ ॥
ମହାକର୍ମା ମହାନାଦୋ ମହାମଂତ୍ରୋ ମହାମତିଃ ।
ମହାଶମୋ ମହୋଦାରୋ ମହାଦେଵାତ୍ମକୋ ଵିଭୁଃ ॥ 70 ॥
ରୁଦ୍ରକର୍ମା କ୍ରୂରକର୍ମା ରତ୍ନନାଭଃ କୃତାଗମଃ ।
ଅଂଭୋଧିଲଂଘନଃ ସିଦ୍ଧଃ ସତ୍ୟଧର୍ମା ପ୍ରମୋଦନଃ ॥ 71 ॥
ଜିତାମିତ୍ରୋ ଜୟଃ ସୋମୋ ଵିଜୟୋ ଵାୟୁଵାହନଃ ।
ଜୀଵୋ ଧାତା ସହସ୍ରାଂଶୁର୍ମୁକୁଂଦୋ ଭୂରିଦକ୍ଷିଣଃ ॥ 72 ॥
ସିଦ୍ଧାର୍ଥଃ ସିଦ୍ଧିଦଃ ସିଦ୍ଧଃ ସଂକଲ୍ପଃ ସିଦ୍ଧିହେତୁକଃ ।
ସପ୍ତପାତାଲଚରଣଃ ସପ୍ତର୍ଷିଗଣଵଂଦିତଃ ॥ 73 ॥
ସପ୍ତାବ୍ଧିଲଂଘନୋ ଵୀରଃ ସପ୍ତଦ୍ଵୀପୋରୁମଂଡଲଃ ।
ସପ୍ତାଂଗରାଜ୍ୟସୁଖଦଃ ସପ୍ତମାତୃନିଷେଵିତଃ ॥ 74 ॥
ସପ୍ତଲୋକୈକମକୁଟଃ ସପ୍ତହୋତ୍ରଃ ସ୍ଵରାଶ୍ରୟଃ ।
ସପ୍ତସାମୋପଗୀତଶ୍ଚ ସପ୍ତପାତାଲସଂଶ୍ରୟଃ ॥ 75 ॥
ସପ୍ତଚ୍ଛଂଦୋନିଧିଃ ସପ୍ତଚ୍ଛଂଦଃ ସପ୍ତଜନାଶ୍ରୟଃ ।
ମେଧାଦଃ କୀର୍ତିଦଃ ଶୋକହାରୀ ଦୌର୍ଭାଗ୍ୟନାଶନଃ ॥ 76 ॥
ସର୍ଵଵଶ୍ୟକରୋ ଗର୍ଭଦୋଷହା ପୁତ୍ରପୌତ୍ରଦଃ ।
ପ୍ରତିଵାଦିମୁଖସ୍ତଂଭୋ ରୁଷ୍ଟଚିତ୍ତପ୍ରସାଦନଃ ॥ 77 ॥
ପରାଭିଚାରଶମନୋ ଦୁଃଖହା ବଂଧମୋକ୍ଷଦଃ ।
ନଵଦ୍ଵାରପୁରାଧାରୋ ନଵଦ୍ଵାରନିକେତନଃ ॥ 78 ॥
ନରନାରାୟଣସ୍ତୁତ୍ୟୋ ନଵନାଥମହେଶ୍ଵରଃ ।
ମେଖଲୀ କଵଚୀ ଖଡ୍ଗୀ ଭ୍ରାଜିଷ୍ଣୁର୍ଜିଷ୍ଣୁସାରଥିଃ ॥
ବହୁୟୋଜନଵିସ୍ତୀର୍ଣପୁଚ୍ଛଃ ପୁଚ୍ଛହତାସୁରଃ ।
ଦୁଷ୍ଟହଂତା ନିୟମିତା ପିଶାଚଗ୍ରହଶାତନଃ ॥ 80 ॥
ବାଲଗ୍ରହଵିନାଶୀ ଚ ଧର୍ମନେତା କୃପାକରଃ ।
ଉଗ୍ରକୃତ୍ୟଶ୍ଚୋଗ୍ରଵେଗ ଉଗ୍ରନେତ୍ରଃ ଶତକ୍ରତୁଃ ॥ 81 ॥
ଶତମନ୍ୟୁସ୍ତୁତଃ ସ୍ତୁତ୍ୟଃ ସ୍ତୁତିଃ ସ୍ତୋତା ମହାବଲଃ ।
ସମଗ୍ରଗୁଣଶାଲୀ ଚ ଵ୍ୟଗ୍ରୋ ରକ୍ଷୋଵିନାଶନଃ ॥ 82 ॥
ରକ୍ଷୋଽଗ୍ନିଦାଵୋ ବ୍ରହ୍ମେଶଃ ଶ୍ରୀଧରୋ ଭକ୍ତଵତ୍ସଲଃ ।
ମେଘନାଦୋ ମେଘରୂପୋ ମେଘଵୃଷ୍ଟିନିଵାରଣଃ ॥ 83 ॥
ମେଘଜୀଵନହେତୁଶ୍ଚ ମେଘଶ୍ୟାମଃ ପରାତ୍ମକଃ ।
ସମୀରତନୟୋ ଧାତା ତତ୍ତ୍ଵଵିଦ୍ୟାଵିଶାରଦଃ ॥ 84 ॥
ଅମୋଘୋଽମୋଘଵୃଷ୍ଟିଶ୍ଚାଭୀଷ୍ଟଦୋଽନିଷ୍ଟନାଶନଃ ।
ଅର୍ଥୋଽନର୍ଥାପହାରୀ ଚ ସମର୍ଥୋ ରାମସେଵକଃ ॥ 85 ॥
ଅର୍ଥୀ ଧନ୍ୟୋଽସୁରାରାତିଃ ପୁଂଡରୀକାକ୍ଷ ଆତ୍ମଭୂଃ ।
ସଂକର୍ଷଣୋ ଵିଶୁଦ୍ଧାତ୍ମା ଵିଦ୍ୟାରାଶିଃ ସୁରେଶ୍ଵରଃ ॥ 86 ॥
ଅଚଲୋଦ୍ଧାରକୋ ନିତ୍ୟଃ ସେତୁକୃଦ୍ରାମସାରଥିଃ ।
ଆନଂଦଃ ପରମାନଂଦୋ ମତ୍ସ୍ୟଃ କୂର୍ମୋ ନିଧିଃ ଶୟଃ ॥ 87 ॥
ଵରାହୋ ନାରସିଂହଶ୍ଚ ଵାମନୋ ଜମଦଗ୍ନିଜଃ ।
ରାମଃ କୃଷ୍ଣଃ ଶିଵୋ ବୁଦ୍ଧଃ କଲ୍କୀ ରାମାଶ୍ରୟୋ ହରିଃ ॥ 88 ॥
ନଂଦୀ ଭୃଂଗୀ ଚ ଚଂଡୀ ଚ ଗଣେଶୋ ଗଣସେଵିତଃ ।
କର୍ମାଧ୍ୟକ୍ଷଃ ସୁରାରାମୋ ଵିଶ୍ରାମୋ ଜଗତୀପତିଃ ॥
ଜଗନ୍ନାଥଃ କପୀଶଶ୍ଚ ସର୍ଵାଵାସଃ ସଦାଶ୍ରୟଃ ।
ସୁଗ୍ରୀଵାଦିସ୍ତୁତୋ ଦାଂତଃ ସର୍ଵକର୍ମା ପ୍ଲଵଂଗମଃ ॥ 90 ॥
ନଖଦାରିତରକ୍ଷଶ୍ଚ ନଖୟୁଦ୍ଧଵିଶାରଦଃ ।
କୁଶଲଃ ସୁଧନଃ ଶେଷୋ ଵାସୁକିସ୍ତକ୍ଷକସ୍ତଥା ॥ 91 ॥
ସ୍ଵର୍ଣଵର୍ଣୋ ବଲାଢ୍ୟଶ୍ଚ ପୁରୁଜେତାଽଘନାଶନଃ ।
କୈଵଲ୍ୟଦୀପଃ କୈଵଲ୍ୟୋ ଗରୁଡଃ ପନ୍ନଗୋ ଗୁରୁଃ ॥ 92 ॥
କ୍ଲୀକ୍ଲୀରାଵହତାରାତିଗର୍ଵଃ ପର୍ଵତଭେଦନଃ ।
ଵଜ୍ରାଂଗୋ ଵଜ୍ରଵକ୍ତ୍ରଶ୍ଚ ଭକ୍ତଵଜ୍ରନିଵାରକଃ ॥ 93 ॥
ନଖାୟୁଧୋ ମଣିଗ୍ରୀଵୋ ଜ୍ଵାଲାମାଲୀ ଚ ଭାସ୍କରଃ ।
ପ୍ରୌଢପ୍ରତାପସ୍ତପନୋ ଭକ୍ତତାପନିଵାରକଃ ॥ 94 ॥
ଶରଣଂ ଜୀଵନଂ ଭୋକ୍ତା ନାନାଚେଷ୍ଟୋଽଥ ଚଂଚଲଃ ।
ସ୍ଵସ୍ଥସ୍ତ୍ଵସ୍ଵାସ୍ଥ୍ୟହା ଦୁଃଖଶାତନଃ ପଵନାତ୍ମଜଃ ॥ 95 ॥
ପଵନଃ ପାଵନଃ କାଂତୋ ଭକ୍ତାଂଗଃ ସହନୋ ବଲଃ ।
ମେଘନାଦରିପୁର୍ମେଘନାଦସଂହୃତରାକ୍ଷସଃ ॥ 96 ॥
କ୍ଷରୋଽକ୍ଷରୋ ଵିନୀତାତ୍ମା ଵାନରେଶଃ ସତାଂଗତିଃ ।
ଶ୍ରୀକଂଠଃ ଶିତିକଂଠଶ୍ଚ ସହାୟଃ ସହନାୟକଃ ॥ 97 ॥
ଅସ୍ଥୂଲସ୍ତ୍ଵନଣୁର୍ଭର୍ଗୋ ଦେଵସଂସୃତିନାଶନଃ ।
ଅଧ୍ୟାତ୍ମଵିଦ୍ୟାସାରଶ୍ଚାପ୍ୟଧ୍ୟାତ୍ମକୁଶଲଃ ସୁଧୀଃ ॥ 98 ॥
ଅକଲ୍ମଷଃ ସତ୍ୟହେତୁଃ ସତ୍ୟଦଃ ସତ୍ୟଗୋଚରଃ ।
ସତ୍ୟଗର୍ଭଃ ସତ୍ୟରୂପଃ ସତ୍ୟଃ ସତ୍ୟପରାକ୍ରମଃ ॥ 99 ॥
ଅଂଜନାପ୍ରାଣଲିଂଗଂ ଚ ଵାୟୁଵଂଶୋଦ୍ଭଵଃ ଶ୍ରୁତିଃ ।
ଭଦ୍ରରୂପୋ ରୁଦ୍ରରୂପଃ ସୁରୂପଶ୍ଚିତ୍ରରୂପଧୃକ୍ ॥ 100 ॥
ମୈନାକଵଂଦିତଃ ସୂକ୍ଷ୍ମଦର୍ଶନୋ ଵିଜୟୋ ଜୟଃ ।
କ୍ରାଂତଦିଙ୍ମଂଡଲୋ ରୁଦ୍ରଃ ପ୍ରକଟୀକୃତଵିକ୍ରମଃ ॥ 101 ॥
କଂବୁକଂଠଃ ପ୍ରସନ୍ନାତ୍ମା ହ୍ରସ୍ଵନାସୋ ଵୃକୋଦରଃ ।
ଲଂବୋଷ୍ଠଃ କୁଂଡଲୀ ଚିତ୍ରମାଲୀ ୟୋଗଵିଦାଂ ଵରଃ ॥ 102 ॥
ଵିପଶ୍ଚିତ୍ କଵିରାନଂଦଵିଗ୍ରହୋଽନଲ୍ପନାଶନଃ ।
ଫାଲ୍ଗୁନୀସୂନୁରଵ୍ୟଗ୍ରୋ ୟୋଗାତ୍ମା ୟୋଗତତ୍ପରଃ ॥ 103 ॥
ୟୋଗଵିଦ୍ୟୋଗକର୍ତା ଚ ୟୋଗୟୋନିର୍ଦିଗଂବରଃ ।
ଅକାରାଦିକ୍ଷକାରାଂତଵର୍ଣନିର୍ମିତଵିଗ୍ରହଃ ॥ 104 ॥
ଉଲୂଖଲମୁଖଃ ସିଦ୍ଧସଂସ୍ତୁତଃ ପରମେଶ୍ଵରଃ ।
ଶ୍ଲିଷ୍ଟଜଂଘଃ ଶ୍ଲିଷ୍ଟଜାନୁଃ ଶ୍ଲିଷ୍ଟପାଣିଃ ଶିଖାଧରଃ ॥ 105 ॥
ସୁଶର୍ମାଽମିତଧର୍ମା ଚ ନାରାୟଣପରାୟଣଃ ।
ଜିଷ୍ଣୁର୍ଭଵିଷ୍ଣୂ ରୋଚିଷ୍ଣୁର୍ଗ୍ରସିଷ୍ଣୁଃ ସ୍ଥାଣୁରେଵ ଚ ॥ 106 ॥
ହରୀ ରୁଦ୍ରାନୁକୃଦ୍ଵୃକ୍ଷକଂପନୋ ଭୂମିକଂପନଃ ।
ଗୁଣପ୍ରଵାହଃ ସୂତ୍ରାତ୍ମା ଵୀତରାଗଃ ସ୍ତୁତିପ୍ରିୟଃ ॥ 107 ॥
ନାଗକନ୍ୟାଭୟଧ୍ଵଂସୀ କୃତପୂର୍ଣଃ କପାଲଭୃତ୍ ।
ଅନୁକୂଲୋଽକ୍ଷୟୋଽପାୟୋଽନପାୟୋ ଵେଦପାରଗଃ ॥ 108 ॥
ଅକ୍ଷରଃ ପୁରୁଷୋ ଲୋକନାଥସ୍ତ୍ର୍ୟକ୍ଷଃ ପ୍ରଭୁର୍ଦୃଢଃ ।
ଅଷ୍ଟାଂଗୟୋଗଫଲଭୂଃ ସତ୍ୟସଂଧଃ ପୁରୁଷ୍ଟୁତଃ ॥ 109 ॥
ଶ୍ମଶାନସ୍ଥାନନିଲୟଃ ପ୍ରେତଵିଦ୍ରାଵଣକ୍ଷମଃ ।
ପଂଚାକ୍ଷରପରଃ ପଂଚମାତୃକୋ ରଂଜନୋ ଧ୍ଵଜଃ ॥ 110 ॥
ୟୋଗିନୀଵୃଂଦଵଂଦ୍ୟଶ୍ରୀଃ ଶତ୍ରୁଘ୍ନୋଽନଂତଵିକ୍ରମଃ ।
ବ୍ରହ୍ମଚାରୀଂଦ୍ରିୟଵପୁର୍ଧୃତଦଂଡୋ ଦଶାତ୍ମକଃ ॥ 111 ॥
ଅପ୍ରପଂଚଃ ସଦାଚାରଃ ଶୂରସେନୋ ଵିଦାରକଃ ।
ବୁଦ୍ଧଃ ପ୍ରମୋଦ ଆନଂଦଃ ସପ୍ତଜିହ୍ଵପତିର୍ଧରଃ ॥ 112 ॥
ନଵଦ୍ଵାରପୁରାଧାରଃ ପ୍ରତ୍ୟଗ୍ରଃ ସାମଗାୟନଃ ।
ଷଟ୍ଚକ୍ରଧାମା ସ୍ଵର୍ଲୋକଭୟହୃନ୍ମାନଦୋ ମଦଃ ॥ 113 ॥
ସର୍ଵଵଶ୍ୟକରଃ ଶକ୍ତିରନଂତୋଽନଂତମଂଗଳଃ ।
ଅଷ୍ଟମୂର୍ତିଧରୋ ନେତା ଵିରୂପଃ ସ୍ଵରସୁଂଦରଃ ॥ 114 ॥
ଧୂମକେତୁର୍ମହାକେତୁଃ ସତ୍ୟକେତୁର୍ମହାରଥଃ ।
ନଂଦୀପ୍ରିୟଃ ସ୍ଵତଂତ୍ରଶ୍ଚ ମେଖଲୀ ଡମରୁପ୍ରିୟଃ ॥ 115 ॥
ଲୋହିତାଂଗଃ ସମିଦ୍ଵହ୍ନିଃ ଷଡୃତୁଃ ଶର୍ଵ ଈଶ୍ଵରଃ ।
ଫଲଭୁକ୍ ଫଲହସ୍ତଶ୍ଚ ସର୍ଵକର୍ମଫଲପ୍ରଦଃ ॥ 116 ॥
ଧର୍ମାଧ୍ୟକ୍ଷୋ ଧର୍ମଫଲୋ ଧର୍ମୋ ଧର୍ମପ୍ରଦୋଽର୍ଥଦଃ ।
ପଂଚଵିଂଶତିତତ୍ତ୍ଵଜ୍ଞସ୍ତାରକୋ ବ୍ରହ୍ମତତ୍ପରଃ ॥ 117 ॥
ତ୍ରିମାର୍ଗଵସତିର୍ଭୀମଃ ସର୍ଵଦୁଷ୍ଟନିବର୍ହଣଃ ।
ଊର୍ଜଃସ୍ଵାମୀ ଜଲସ୍ଵାମୀ ଶୂଲୀ ମାଲୀ ନିଶାକରଃ ॥ 118 ॥
ରକ୍ତାଂବରଧରୋ ରକ୍ତୋ ରକ୍ତମାଲ୍ୟଵିଭୂଷଣଃ ।
ଵନମାଲୀ ଶୁଭାଂଗଶ୍ଚ ଶ୍ଵେତଃ ଶ୍ଵେତାଂବରୋ ୟୁଵା ॥ 119 ॥
ଜୟୋଽଜେୟପରୀଵାରଃ ସହସ୍ରଵଦନଃ କଵିଃ ।
ଶାକିନୀଡାକିନୀୟକ୍ଷରକ୍ଷୋଭୂତପ୍ରଭଂଜନଃ ॥ 120 ॥
ସଦ୍ୟୋଜାତଃ କାମଗତିର୍ଜ୍ଞାନମୂର୍ତିର୍ୟଶସ୍କରଃ ।
ଶଂଭୁତେଜାଃ ସାର୍ଵଭୌମୋ ଵିଷ୍ଣୁଭକ୍ତଃ ପ୍ଲଵଂଗମଃ ॥ 121 ॥
ଚତୁର୍ଣଵତିମଂତ୍ରଜ୍ଞଃ ପୌଲସ୍ତ୍ୟବଲଦର୍ପହା ।
ସର୍ଵଲକ୍ଷ୍ମୀପ୍ରଦଃ ଶ୍ରୀମାନଂଗଦପ୍ରିୟଵର୍ଧନଃ ॥ 122 ॥
ସ୍ମୃତିବୀଜଂ ସୁରେଶାନଃ ସଂସାରଭୟନାଶନଃ ।
ଉତ୍ତମଃ ଶ୍ରୀପରୀଵାରଃ ଶ୍ରୀଭୂରୁଗ୍ରଶ୍ଚ କାମଧୁକ୍ ॥ 123 ॥
ସଦାଗତିର୍ମାତରିଶ୍ଵା ରାମପାଦାବ୍ଜଷଟ୍ପଦଃ ।
ନୀଲପ୍ରିୟୋ ନୀଲଵର୍ଣୋ ନୀଲଵର୍ଣପ୍ରିୟଃ ସୁହୃତ୍ ॥ 124 ॥
ରାମଦୂତୋ ଲୋକବଂଧୁରଂତରାତ୍ମା ମନୋରମଃ ।
ଶ୍ରୀରାମଧ୍ୟାନକୃଦ୍ଵୀରଃ ସଦା କିଂପୁରୁଷସ୍ତୁତଃ ॥ 125 ॥
ରାମକାର୍ୟାଂତରଂଗଶ୍ଚ ଶୁଦ୍ଧିର୍ଗତିରନାମୟଃ ।
ପୁଣ୍ୟଶ୍ଲୋକଃ ପରାନଂଦଃ ପରେଶପ୍ରିୟସାରଥିଃ ॥ 126 ॥
ଲୋକସ୍ଵାମୀ ମୁକ୍ତିଦାତା ସର୍ଵକାରଣକାରଣଃ ।
ମହାବଲୋ ମହାଵୀରଃ ପାରାଵାରଗତିର୍ଗୁରୁଃ ॥ 127 ॥
ତାରକୋ ଭଗଵାଂସ୍ତ୍ରାତା ସ୍ଵସ୍ତିଦାତା ସୁମଂଗଳଃ ।
ସମସ୍ତଲୋକସାକ୍ଷୀ ଚ ସମସ୍ତସୁରଵଂଦିତଃ ।
ସୀତାସମେତଶ୍ରୀରାମପାଦସେଵାଧୁରଂଧରଃ ॥ 128 ॥
ଇଦଂ ନାମସହସ୍ରଂ ତୁ ୟୋଽଧୀତେ ପ୍ରତ୍ୟହଂ ନରଃ ।
ଦୁଃଖୌଘୋ ନଶ୍ୟତେ କ୍ଷିପ୍ରଂ ସଂପତ୍ତିର୍ଵର୍ଧତେ ଚିରମ୍ ।
ଵଶ୍ୟଂ ଚତୁର୍ଵିଧଂ ତସ୍ୟ ଭଵତ୍ୟେଵ ନ ସଂଶୟଃ ॥ 129 ॥
ରାଜାନୋ ରାଜପୁତ୍ରାଶ୍ଚ ରାଜକୀୟାଶ୍ଚ ମଂତ୍ରିଣଃ ।
ତ୍ରିକାଲଂ ପଠନାଦସ୍ୟ ଦୃଶ୍ୟଂତେ ଚ ତ୍ରିପକ୍ଷତଃ ॥ 130 ॥
ଅଶ୍ଵତ୍ଥମୂଲେ ଜପତାଂ ନାସ୍ତି ଵୈରିକୃତଂ ଭୟମ୍ ।
ତ୍ରିକାଲପଠନାଦସ୍ୟ ସିଦ୍ଧିଃ ସ୍ୟାତ୍ କରସଂସ୍ଥିତା ॥ 131 ॥
ବ୍ରାହ୍ମେ ମୁହୂର୍ତେ ଚୋତ୍ଥାୟ ପ୍ରତ୍ୟହଂ ୟଃ ପଠେନ୍ନରଃ ।
ଐହିକାମୁଷ୍ମିକାନ୍ ସୋଽପି ଲଭତେ ନାତ୍ର ସଂଶୟଃ ॥ 132 ॥
ସଂଗ୍ରାମେ ସନ୍ନିଵିଷ୍ଟାନାଂ ଵୈରିଵିଦ୍ରାଵଣଂ ଭଵେତ୍ ।
ଜ୍ଵରାପସ୍ମାରଶମନଂ ଗୁଲ୍ମାଦିଵ୍ୟାଧିଵାରଣମ୍ ॥ 133 ॥
ସାମ୍ରାଜ୍ୟସୁଖସଂପତ୍ତିଦାୟକଂ ଜପତାଂ ନୃଣାମ୍ ।
ୟ ଇଦଂ ପଠତେ ନିତ୍ୟଂ ପାଠୟେଦ୍ଵା ସମାହିତଃ ।
ସର୍ଵାନ୍ କାମାନଵାପ୍ନୋତି ଵାୟୁପୁତ୍ରପ୍ରସାଦତଃ ॥ 134 ॥
ଇତି ଶ୍ରୀଆଂଜନେୟ ସହସ୍ରନାମ ସ୍ତୋତ୍ରମ୍ ।