അഥ ചരണശൃംഗരഹിത ശ്രീ നടരാജ സ്തോത്രം
സദംചിത-മുദംചിത നികുംചിത പദം ഝലഝലം-ചലിത മംജു കടകമ് ।
പതംജലി ദൃഗംജന-മനംജന-മചംചലപദം ജനന ഭംജന കരമ് ।
കദംബരുചിമംബരവസം പരമമംബുദ കദംബ കവിഡംബക ഗലമ്
ചിദംബുധി മണിം ബുധ ഹൃദംബുജ രവിം പര ചിദംബര നടം ഹൃദി ഭജ ॥ 1 ॥
ഹരം ത്രിപുര ഭംജന-മനംതകൃതകംകണ-മഖംഡദയ-മംതരഹിതം
വിരിംചിസുരസംഹതിപുരംധര വിചിംതിതപദം തരുണചംദ്രമകുടമ് ।
പരം പദ വിഖംഡിതയമം ഭസിത മംഡിതതനും മദനവംചന പരം
ചിരംതനമമും പ്രണവസംചിതനിധിം പര ചിദംബര നടം ഹൃദി ഭജ ॥ 2 ॥
അവംതമഖിലം ജഗദഭംഗ ഗുണതുംഗമമതം ധൃതവിധും സുരസരിത്-
തരംഗ നികുരുംബ ധൃതി ലംപട ജടം ശമനദംഭസുഹരം ഭവഹരമ് ।
ശിവം ദശദിഗംതര വിജൃംഭിതകരം കരലസന്മൃഗശിശും പശുപതിം
ഹരം ശശിധനംജയപതംഗനയനം പര ചിദംബര നടം ഹൃദി ഭജ ॥ 3 ॥
അനംതനവരത്നവിലസത്കടകകിംകിണിഝലം ഝലഝലം ഝലരവം
മുകുംദവിധി ഹസ്തഗതമദ്ദല ലയധ്വനിധിമിദ്ധിമിത നര്തന പദമ് ।
ശകുംതരഥ ബര്ഹിരഥ നംദിമുഖ ഭൃംഗിരിടിസംഘനികടം ഭയഹരമ്
സനംദ സനക പ്രമുഖ വംദിത പദം പര ചിദംബര നടം ഹൃദി ഭജ ॥ 4 ॥
അനംതമഹസം ത്രിദശവംദ്യ ചരണം മുനി ഹൃദംതര വസംതമമലമ്
കബംധ വിയദിംദ്വവനി ഗംധവഹ വഹ്നിമഖ ബംധുരവിമംജു വപുഷമ് ।
അനംതവിഭവം ത്രിജഗദംതര മണിം ത്രിനയനം ത്രിപുര ഖംഡന പരമ്
സനംദ മുനി വംദിത പദം സകരുണം പര ചിദംബര നടം ഹൃദി ഭജ ॥ 5 ॥
അചിംത്യമലിവൃംദ രുചി ബംധുരഗലം കുരിത കുംദ നികുരുംബ ധവലമ്
മുകുംദ സുര വൃംദ ബല ഹംതൃ കൃത വംദന ലസംതമഹികുംഡല ധരമ് ।
അകംപമനുകംപിത രതിം സുജന മംഗലനിധിം ഗജഹരം പശുപതിമ്
ധനംജയ നുതം പ്രണത രംജനപരം പര ചിദംബര നടം ഹൃദി ഭജ ॥ 6 ॥
പരം സുരവരം പുരഹരം പശുപതിം ജനിത ദംതിമുഖ ഷണ്മുഖമമും
മൃഡം കനക പിംഗല ജടം സനക പംകജ രവിം സുമനസം ഹിമരുചിമ് ।
അസംഘമനസം ജലധി ജന്മഗരലം കവലയംത മതുലം ഗുണനിധിമ്
സനംദ വരദം ശമിതമിംദു വദനം പര ചിദംബര നടം ഹൃദി ഭജ ॥ 7 ॥
അജം ക്ഷിതിരഥം ഭുജഗപുംഗവഗുണം കനക ശൃംഗി ധനുഷം കരലസത്
കുരംഗ പൃഥു ടംക പരശും രുചിര കുംകുമ രുചിം ഡമരുകം ച ദധതമ് ।
മുകുംദ വിശിഖം നമദവംധ്യ ഫലദം നിഗമ വൃംദ തുരഗം നിരുപമം
സ ചംഡികമമും ഝടിതി സംഹൃതപുരം പര ചിദംബര നടം ഹൃദി ഭജ ॥ 8 ॥
അനംഗപരിപംഥിനമജം ക്ഷിതി ധുരംധരമലം കരുണയംതമഖിലം
ജ്വലംതമനലം ദധതമംതകരിപും സതതമിംദ്ര സുരവംദിതപദമ് ।
ഉദംചദരവിംദകുല ബംധുശത ബിംബരുചി സംഹതി സുഗംധി വപുഷം
പതംജലി നുതം പ്രണവ പംജര ശുകം പര ചിദംബര നടം ഹൃദി ഭജ ॥ 9 ॥
ഇതി സ്തവമമും ഭുജഗപുംഗവ കൃതം പ്രതിദിനം പഠതി യഃ കൃതമുഖഃ
സദഃ പ്രഭുപദ ദ്വിതയദര്ശനപദം സുലലിതം ചരണ ശൃംഗ രഹിതമ് ।
സരഃ പ്രഭവ സംഭവ ഹരിത്പതി ഹരിപ്രമുഖ ദിവ്യനുത ശംകരപദം
സ ഗച്ഛതി പരം ന തു ജനുര്ജലനിധിം പരമദുഃഖജനകം ദുരിതദമ് ॥ 10 ॥
ഇതി ശ്രീ പതംജലിമുനി പ്രണീതം ചരണശൃംഗരഹിത നടരാജ സ്തോത്രം സംപൂര്ണമ് ॥