1. কলশ প্রতিষ্ঠাপন মংত্রাঃ
ব্রহ্ম॑জজ্ঞা॒নং প্র॑থ॒মং পু॒রস্তা॒-দ্বিসী॑ম॒ত-স্সু॒রুচো॑ বে॒ন আ॑বঃ ।
স বু॒ধ্নিযা॑ উপ॒মা অ॑স্য বি॒ষ্ঠা-স্স॒তশ্চ॒ যোনি॒-মস॑তশ্চ॒ বিবঃ॑ ।
নাকে॑ সুপ॒র্ণ মুপ॒যত্ পতং॑তগ্ম্ হৃ॒দা বেনং॑তো অ॒ভ্যচ॑ক্ষ-তত্বা ।
হির॑ণ্যপক্ষং॒-বঁরু॑ণস্য দূ॒তং-যঁ॒মস্য॒ যোনৌ॑ শকু॒নং ভু॑র॒ণ্যুম্ ।
আপ্যা॑যস্ব॒ সমে॑তু তে বি॒শ্বতঃ॑ সোম॒ বৃষ্ণি॑যম্ । ভবা॒ বাজ॑স্য সংগ॒থে ।
যো রু॒দ্রো অ॒গ্নৌ যো অ॒ফ্সু য ওষ॑ধীষু॒ যো রু॒দ্রো বিশ্বা॒
ভুব॑নাঽঽবি॒বেশ॒ তস্মৈ॑ রু॒দ্রায॒ নমো॑ অস্তু । 1 (অপ উপস্পৃশ্য)
ই॒দং-বিঁষ্ণু॒ র্বিচ॑ক্রমে ত্রে॒ধা নিদ॑ধে প॒দম্ । সমূ॑ঢমস্য পাগ্ম্ সু॒রে ।
ইংদ্রং॒-বিঁশ্বা॑ অবীবৃধংথ্ সমু॒দ্রব্য॑চসং॒ গিরঃ॑ ।
র॒থীত॑মগ্ম্ রথী॒নাং-বাঁজা॑না॒গ্ম্॒ সত্প॑তিং॒ পতি᳚ম্ ।
আপো॒ বা ই॒দংগ্ম্ সর্বং॒-বিঁশ্বা॑ ভূ॒তান্যাপঃ॑ প্রা॒ণা বা আপঃ॑ প॒শব॒ আপোঽন্ন॒মাপো-ঽমৃ॑ত॒মাপ॑-স্স॒ম্রাডাপো॑ বি॒রাডাপ॑-স্স্ব॒রাডাপ॒-শ্ছংদা॒গ্॒শ্যাপো॒ জ্যোতী॒গ্॒ষ্যাপো॒ যজূ॒গ্॒ষ্যাপ॑-স্স॒ত্যমাপ॒-স্সর্বা॑ দে॒বতা॒ আপো॒ ভূর্ভুব॒স্সুব॒রাপ॒ ওম্ । 2
অ॒পঃ প্রণ॑যতি । শ্র॒দ্ধা বা আপঃ॑ । শ্র॒দ্ধামে॒বারভ্য॑ প্র॒ণীয॒ প্রচ॑রতি ।
অ॒পঃ প্রণ॑যতি ।
য॒জ্ঞো বা আপঃ॑ । য॒জ্ঞমে॒বারভ্য॑ প্র॒ণীয॒ প্রচ॑রতি । অ॒পঃ প্রণ॑যতি ।
বজ্রো॒ বা আপঃ॑ । বজ্র॑মে॒ব ভ্রাতৃ॑ব্যেভ্যঃ প্র॒হৃত্য॑ প্র॒ণীয॒ প্রচ॑রতি ।
অ॒পঃ প্রণ॑যতি ।
আপো॒ বৈ র॑ক্ষো॒ঘ্নীঃ । রক্ষ॑সা॒মপ॑হত্যৈ । অ॒পঃ প্রণ॑যতি ।
আপো॒ বৈ দে॒বানাং᳚ প্রি॒যং ধাম॑ । দে॒বানা॑মে॒ব প্রি॒যং ধাম॑ প্র॒ণীয॒ প্রচ॑রতি । অ॒পঃ প্রণ॑যতি ।
আপো॒ বৈ সর্বা॑ দে॒বতাঃ᳚ । দে॒বতা॑ এ॒বারভ্য॑ প্র॒ণীয॒ প্রচ॑রতি ।
অ॒পঃ প্রণ॑যতি ।
আপো॒ বৈ শাং॒তাঃ । শাং॒তাভি॑রে॒বাস্য॒ শুচগ্ম্॑ শমযতি । দে॒বো বঃ॑
সবি॒তোত্ পু॑না॒ত্ব-চ্ছি॑দ্রেণ প॒বিত্রে॑ণ॒ বসো॒স্সূর্য॑স্য র॒শ্মিভিঃ॑ ॥ 3
কূর্চাগ্রৈ র্রাক্ষসান্ ঘোরান্ ছিংধি কর্মবিঘাতিনঃ ।
ত্বামর্পযামি কুংভেঽস্মিন্ সাফল্যং কুরু কর্মণি ।
বৃক্ষরাজ সমুদ্ভূতাঃ শাখাযাঃ পল্লবত্ব চঃ ।
যুষ্মান্ কুংভেষ্বর্পযামি সর্বপাপাপনুত্তযে ।
নালিকের-সমুদ্ভূত ত্রিনেত্র হর সম্মিত ।
শিখযা দুরিতং সর্বং পাপং পীডাং চ মে নুদ ।
স॒ হি রত্না॑নি দা॒শুষে॑ সু॒বাতি॑ সবি॒তা ভগঃ॑ ।
তং ভা॒গং চি॒ত্রমী॑মহে । (ঋগ্বেদ মংত্রঃ)
তত্বা॑ যামি॒ ব্রহ্ম॑ণা॒ বংদ॑মান॒-স্তদাশা᳚স্তে॒ যজ॑মানো হ॒বির্ভিঃ॑ ।
অহে॑ডমানো বরুণে॒হ বো॒দ্ধ্যুরু॑শগ্ম্স॒ মা ন॒ আযুঃ॒ প্রমো॑ষীঃ ॥
ওং ভূর্ভুব॒স্সুব॒রোম্ । অস্মিন্ কুংভে বরুণমাবাহযামি ।
বরুণস্য ইদমাসনম্ । বরুণায নমঃ । সকলারাধনৈঃ স্বর্চিতম্ ।
রত্নসিংহাসনং সমর্পযামি । পাদ্যং সমর্পযামি ।
অর্ঘ্যং সমর্পযামি । আচমনীযং সমর্পযামি ।
মধুপর্ক্কং সমর্পযামি । স্নানং সমর্পযামি ।
স্নানানংতরং আচমনীযং সমর্পযামি ।
বস্ত্রোত্তরীযং সমর্পযামি । উপবীতং সমর্পযামি ।
গংধান্ ধারযামি । অক্ষতান্ সমর্পযামি ।
পুষ্পাণি সমর্পযামি ।
1. ওং-বঁরুণায নমঃ
2. ওং প্রচেতসে নমঃ
3. ওং সুরূপিণে নমঃ
4. ওং অপাংপতযে নমঃ
5. ওং মকরবাহনায নমঃ
6. জলাধিপতযে নমঃ
7. ওং পাশহস্তায নমঃ
8. ওং তীর্থরাজায নমঃ
ওং-বঁরুণায নমঃ । নানাবিধ পরিমল পত্র পুষ্পাণি সমর্পযামি ।
ধূপং আঘ্রাপযামি । দীপং দর্শযামি ।
ধূপদীপানংতরং আচমনীযং সমর্পযামি ।
ওং ভূর্ভুবস্সুবঃ । তথ্স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি ।
ধিযো॒ যোন॑ প্রচো॒দযা᳚ত্ ।
দেব সবিতঃ প্রসুবঃ । সত্যং ত্বর্তেন পরিষিংচামি ।
(রাত্রৌ – ঋতং ত্বা সত্যেন পরিষিংচামি) ।
ওং-বঁরুণায নমঃ । অমৃতং ভবতু । অমৃতোপস্তরণমসি ।
ওং প্রাণায স্বাহা । ওং অপানায স্বাহা । ওং-ব্যাঁনায স্বাহা ।
ওং উদানায স্বাহা । ওং সমানায স্বাহা । ওং ব্রহ্মণে স্বাহা ।
কদলীফলং নিবেদযামি । মদ্ধ্যেমদ্ধ্যে অমৃতপানীযং সমর্পযামি । অমৃতাপিধানমসি । নৈবেদ্যানংতরং আচমনীযং সমর্পযামি ।
তাংবূলং সমর্পযামি । কর্পূর নীরাজনং প্রদর্শযামি ।
নীরাজনানংতরং আচমনীযং সমর্পযামি । মংত্র পুষ্পং সমর্পযামি ।
সুবর্ণ পুষ্পং সমর্পযামি । সমস্তোপচারান্ সমর্পযামি ॥
2. মহান্যাস মংত্রপাঠ প্রারংভঃ
অথাতঃ পংচাংগরুদ্রাণাং ন্যাসপূর্বকং জপ-হোমা-র্চনা-ভিষেক-বিধিং-ব্যাঁখ্যাস্যামঃ
অথাতঃ পংচাংগরুদ্রাণাং ন্যাসপূর্বকং জপ-হোমা-র্চনাভিষেকং করিষ্যমাণঃ ।
হরিঃ ওং অথাতঃ পংচাংগ রুদ্রাণাম্ ॥
ওংকারমংত্র সংযুঁক্তং নিত্যং ধ্যাযংতি যোগিনঃ ।
কামদং মোক্ষদং তস্মৈ ওংকারায নমো নমঃ ॥
নমস্তে দেব দেবেশ নমস্তে পরমেশ্বর ।
নমস্তে বৃষভারূঢ নকারায নমো নমঃ ॥
ওং নমো ভগবতে॑ রুদ্রা॒য ॥ ওং ভূর্ভুব॒স্সুবঃ॑ ॥ ওং নম্ ॥
নম॑স্তে রুদ্র ম॒ন্যব॑ উ॒তোত॒ ইষ॑বে॒ নমঃ॑ ।
নম॑স্তে অস্তু॒ ধন্ব॑নে বা॒হুভ্যা॑মু॒ত তে॒ নমঃ॑ ॥
যা ত॒ ইষুঃ॑ শি॒বত॑মা শি॒বং ব॒ভূব॑ তে॒ ধনুঃ॑ ।
শি॒বা শ॑র॒ব্যা॑ যা তব॒ তযা॑ নো রুদ্র মৃডয ।
ওং নমো ভগবতে॑ রুদ্রা॒য ॥ ওং নম্ । পূর্বাংগ রুদ্রায॒ নমঃ ॥ (প্রাচ্যৈ দিশ)
মহাদেবং মহাত্মানং মহাপাতকনাশনম্ ।
মহাপাপহরং-বংঁদে মকারায নমো নমঃ ॥
ওং ভূর্ভুব॒স্সুবঃ॒ ॥ ওং মম্ ॥
ওং নিধ॑নপতযে॒ নমঃ । নিধনপতাংতিকায॒ নমঃ ।
ঊর্ধ্বায॒ নমঃ । ঊর্ধ্বলিংগায॒ নমঃ ।
হিরণ্যায॒ নমঃ । হিরণ্যলিংগায॒ নমঃ ।
সুবর্ণায॒ নমঃ । সুবর্ণলিংগায॒ নমঃ ।
দিব্যায॒ নমঃ । দিব্যলিংগায॒ নমঃ ।
ভবাযঃ॒ নমঃ । ভবলিংগায॒ নমঃ ।
শর্বায॒ নমঃ । শর্বলিংগায॒ নমঃ ।
শিবায॒ নমঃ । শিবলিংগায॒ নমঃ ।
জ্বলায॒ নমঃ । জ্বললিংগায॒ নমঃ ।
আত্মায॒ নমঃ । আত্মলিংগায॒ নমঃ ।
পরমায॒ নমঃ । পরমলিংগায॒ নমঃ ।
এতত্সোমস্য॑ সূর্য॒স্য সর্বলিংগগ্গ্॑ স্থাপ॒য॒তি॒ পাণিমংত্রং পবি॒ত্রম্ ॥
ওং নমো ভগবতে॑ রুদ্রা॒য ॥ ওং মম্ ॥ দক্ষিণাংগ রুদ্রায॒ নমঃ ॥ (দক্ষিণ দিশ)
শিবং শাংতং জগন্নাথং-লোঁকানুগ্রহকারণম্ ।
শিবমেকং পরং-বংঁদে শিকারায নমো নমঃ ॥
ওং ভূর্ভুব॒স্সুবঃ॒ ॥ ওং শিম্ ॥ অপৈ॑তুমৃ॒ত্যুরমৃতং॑ ন॒ আগ॑ন্ বৈবস্ব॒তো নো॒ অ॑ভযং কৃণোতু । প॒র্ণং-বঁন॒স্পতেরিবা॒ভিনশ্শীযতাগ্ম্ র॒যিস্সচ॑তাং ন॒শ্শচী॒পতিঃ॑ ॥
ওং নমো ভগবতে॑ রুদ্রা॒য ॥ ওং শিম্ ॥ পশ্চিমাংগ রুদ্রায॒ নমঃ ॥ (পশ্চিম দিশ)
বাহনং-বৃঁষভো যস্য বাসুকী কংঠভূষণম্ ।
বামে শক্তিধরং-বংঁদে বকারায নমো নমঃ ॥
ওং ভূর্ভুব॒স্সুবঃ॒ ॥ ওং-বাঁম্ ॥ প্রাণানাং গ্রংথিরসি রুদ্রো মা॑ বিশাং॒তকঃ । তেনান্নেনা᳚প্যায॒স্ব ॥ ওং নমো ভগবতে রুদ্রায বিষ্ণবে মৃত্যু॑র্মে পা॒হি ॥
ওং নমো ভগবতে॑ রুদ্রা॒য ॥ ওং-বাঁম্ ॥ উত্তরাংগ রুদ্রায॒ নমঃ ॥ (উত্তর দিশ)
যত্র কুত্র স্থিতং দেবং সর্বব্যাপিনমীশ্বরম্ ।
যল্লিংগং পূজযেন্নিত্যং-যঁকারায নমো নমঃ ॥
ওং ভূর্ভুব॒স্সুবঃ॒ ॥ ওং-যঁম্ ॥ যো রু॒দ্রো অ॒গ্নৌ যো অ॒প্সু য ওষ॑ধীষু॒ যো রু॒দ্রো বিশ্বা॒ ভুব॑না বি॒বেশ॒ তস্মৈ॑ রু॒দ্রায॒ নমো॑ অস্তু ॥
ওং নমো ভগবতে॑ রুদ্রা॒য ॥ ওং-যঁম্ ॥ ঊর্ধ্বাংগ রুদ্রায॒ নমঃ ॥ (ঊর্ধ্ব দিশ)
পংচমুখ ধ্যানম্
ওং নম্ ॥ তত্পুরু॒ষায বি॒দ্মহে॑ মহাদে॒বায॑ ধীমহি । তন্নো॑ রুদ্রঃ প্রচোদযা᳚ত্ ॥
সংবঁর্তাগ্নি তটিত্প্রদীপ্ত কনক প্রস্পর্থি তেজোমযম্ ।
গংভীরধ্বনি সামবেদজনকং তাম্রাধরং সুংদরম্ ।
অর্ধেংদুদ্যুতি লোলপিংগল জটাভারপ্রবদ্ধোরগম্ ।
বংদে সিদ্ধ সুরাসুরেংদ্রনমিতং পূর্বং মুখং শূলিনঃ ॥
ওং নমো ভগবতে॑ রুদ্রা॒য ॥ ওং নম্ ॥ পূর্ব মুখায॒ নমঃ ॥
অ॒ঘোরে᳚ভ্যোঽথঘো॒রে᳚ভ্যো॒ ঘোর॒ঘোর॑তরেভ্যঃ ॥ সর্বে᳚ভ্যস্সর্ব শর্বে᳚ভ্যো॒ নম॑স্তে অস্তু রু॒দ্ররূ॑পেভ্যঃ ॥
কালাভ্রভ্রমরাংজনদ্যুতিনিভং-ব্যাঁবৃত্ত পিংগেক্ষণম্
কর্ণোদ্ভাসিত ভোগিমস্তক মণিপ্রোদ্গীর্ণ দংষ্ট্রাংকুরম্ ।
সর্পপ্রোত কপাল শুক্তি শকল ব্যাকীর্ণ সচ্ছেখরম্
বংদে দক্ষিণমীশ্বরস্য কুটিল ভ্রূভংগ রৌদ্রং মুখম্ ॥
ওং নমো ভগবতে॑ রুদ্রা॒য ॥ ওং মম্ ॥ দক্ষিণ মুখায॒ নমঃ ॥
স॒দ্যো জা॒তং প্র॑পদ্যা॒মি॒ স॒দ্যো জা॒তায॒ বৈ নমো॒ নমঃ॑ । ভ॒বে ভ॑বে॒ নাতি॑ ভবে ভবস্ব॒ মাম্ । ভ॒বোদ্-ভ॑বায॒ নমঃ॑ ॥
প্রালেযাচলমিংদুকুংদ ধবলং গোক্ষীরফেনপ্রভম্
ভস্মাভ্যক্তমনংগ দেহ দহন জ্বালাবলী লোচনম্ ।
ব্রহ্মেংদ্রাদি মরুদ্গণৈস্পুতিপদৈ রভ্যর্চিতং-যোঁগিভিঃ
বংদেঽহং সকলং কলংকরহিতং স্থাণোর্মুখং পশ্চিমম্ ॥
ওং নমো ভগবতে॑ রুদ্রা॒য ॥ ওং শিম্ ॥ পশ্চিম মুখায॒ নমঃ ॥
বা॒ম॒দে॒বায॒ নমো᳚ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒ কালা॑য॒ নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒ বল॑প্রমথনায॒ নমঃ॒ সর্ব॑ভূতদমনায॒ নমো॑ ম॒নোন্ম॑নায॒ নমঃ॑ ॥
গৌরং কুংকুম পংকিলং স্তিলকং-ব্যাঁপাংডু গংডস্থলম্
ভ্রূবিক্ষেপ কটাক্ষ লসত্সংসক্ত কর্ণোত্ফলম্ ।
স্নিগ্ধং বিংবফলাধরং প্রহসিতং নীলালকালং কৃতম্
বংদে পূর্ণ শশাংক মংডলনিভং-বঁক্ত্রং হরস্যোত্তরম্ ॥
ওং নমো ভগবতে॑ রুদ্রা॒য ॥ ওং-বাঁম্ ॥ উত্তর মুখায॒ নমঃ ॥
ঈশানঃ সর্ব॑বিদ্যা॒না॒-মীশ্বরঃ সর্ব॑ভূতা॒নাং॒ ব্রহ্মাধি॑পতি॒-র্ব্রহ্ম॒ণো ঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥ (কনিষ্ঠিকাভ্যাং নমঃ) 14এ
ব্যক্তাব্যক্ত গুণেতরং পরতরং ষট্ত্রিংশতত্ত্বাত্মকম্
তস্মাদুত্তম তত্ত্বমক্ষরমিদং ধ্যেযং সদা যোগিভিঃ ।
ওংকারাদি সমস্ত মংত্রজনকং সূক্ষ্মাদি সূক্ষ্মং পরং
শাংতং পংচমমীশ্বরস্য বদনং খংব্যাঁপ্তি তেজোমযম্ ॥
ওং নমো ভগবতে॑ রুদ্রা॒য ॥ ওং-বাঁম্ ॥ ঊর্ধ্ব মুখায॒ নমঃ ॥
পূর্বে পশুপতিঃ পাতু ।
দক্ষিণে পাতু শংকরঃ ।
পশ্চিমে পাতু বিশ্বেশঃ ।
নীলকংঠস্তদোত্তরে ।
ঈশান্যাং পাতু মে শর্বঃ ।
আগ্নেযাং পার্বতীপতিঃ ।
নৈঋত্যাং পাতু মে রুদ্রঃ ।
বাযব্যাং নীললোহিতঃ ।
ঊর্ধ্বে ত্রিলোচনঃ পাতু ।
অধরাযাং মহেশ্বরঃ ।
এতাভ্যো দশ দিগ্ভ্যস্তু ।
সর্বতঃ পাতু শংকরঃ ॥
(ন্যাসপূর্বকং জপহোমার্চনাঽভিষেকবিধি ব্যাখ্যাস্যামঃ)
3. প্রথমঃ ন্যাসঃ
যা তে॑ রুদ্র শি॒বা ত॒নূরঘো॒রা-ঽপা॑পকাশিনী । তযা॑ ন স্ত॒নুবা॒ শংত॑মযা॒ গিরি॑শংতা॒ভি চা॑কশীহি । (শিখাযৈ নমঃ) । 1
অ॒স্মিন্ ম॑হ॒ত্য॑র্ণ॒বে᳚-ঽংতরি॑ক্ষে ভ॒বা অধি॑ ।
তেষাগ্ম্॑ সহস্রযোজ॒নে-ঽব॒ধন্বা॑নি তন্মসি । (শিরসে নমঃ) । 2
স॒হস্রা॑ণি সহস্র॒শো যে রু॒দ্রা অধি॒ ভূম্যা᳚ম্ ।
তেষাগ্ম্॑ সহস্র-যোজ॒নে-ঽব॒ধন্বা॑নি তন্মসি । (ললাটায নমঃ) । 3
হ॒গ্ম্॒স-শ্শু॑চি॒ষ-দ্বসু॑রংতরিক্ষ॒সদ্ধোতা॑ বেদি॒ষদতি॑থি-র্দুরোণ॒সত্ । নৃ॒ষদ্ব॑র॒-সদৃ॑ত॒-সদ্ব্যো॑ম॒ সদ॒ব্জা গো॒জা ঋ॑ত॒জা অ॑দ্রি॒জা ঋ॒তং বৃ॒হত্ । (ভ্রুবোর্মদ্ধ্যায নমঃ) । 4
ত্র্য॑বংকং-যঁজামহে সুগং॒ধিং পু॑ষ্টি॒বর্ধ॑নম্ । উ॒র্বা॒রু॒কমি॑ব॒ বংধ॑নান্
মৃ॒ত্যো-র্মু॑ক্ষীয॒ মাঽমৃতা᳚ত্ । (নেত্রাভ্যাং নমঃ) । 5
নমঃ॒ স্রুত্যা॑য চ॒ পথ্যা॑য চ॒ নমঃ॑ কা॒ট্যা॑য চ নী॒প্যা॑য চ । (কর্ণাভ্যাং নমঃ) । 6
মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ ।
বী॒রান্মানো॑ রুদ্র ভামি॒তো ব॑ধী-র্হ॒বিষ্মং॑তো॒ নম॑সা বিধেম তে । (নাসিকাভ্যাং নমঃ) । 7
অ॒ব॒তত্য॒ ধনু॒স্ত্বগ্ম্ সহ॑স্রাক্ষ॒ শতে॑ষুধে ।
নি॒শীর্য॑ শ॒ল্যানাং॒ মুখা॑ শি॒বো নঃ॑ সু॒মনা॑ ভব । (মুখায নমঃ) । 8
নীল॑গ্রীবা শ্শিতি॒কংঠাঃ᳚ শ॒র্বা অ॒ধঃ ক্ষ॑মাচ॒রাঃ ।
তেষাগ্ম্॑ সহস্রযোজ॒নেঽ ব॒ধন্বা॑নি তন্মসি । (কংঠায নমঃ) । 9.1
নীল॑গ্রীবা-শ্শিতি॒কংঠা॒ দিবগ্ম্॑ রু॒দ্রা উপ॑শ্রিতাঃ ।
তেষাগ্ম্॑ সহস্রযোজ॒নেঽ ব॒ধন্বা॑নি তন্মসি । (উপকংঠায নমঃ) । 9.2
নম॑স্তে অ॒স্ত্বাযু॑ধা॒যা-না॑ততায ধৃ॒ষ্ণবে᳚ ।
উ॒ভাভ্যা॑মু॒ত তে॒ নমো॑ বা॒হুভ্যাং॒ তব॒ ধন্ব॑নে । (বাহুভ্যাং নমঃ) । 10
যা তে॑ হে॒তি-র্মী॑ঢুষ্টম॒ হস্তে॑ ব॒ভূব॑ তে॒ ধনুঃ॑ ।
তযা॒ঽস্মান্ বি॒শ্বত॒স্ত্ব-ম॑য॒ক্ষ্মযা॒ পরি॑ব্ভুজ । (উপবাহুভ্যাং নমঃ) । 11
পরি॑ণো রু॒দ্রস্য॑ হে॒তি-র্বৃ॑ণক্তু॒ পরি॑ত্বে॒ষস্য॑ দুর্ম॒তির॑ঘা॒যোঃ ।
অব॑ স্থি॒রা ম॒ঘব॑দ্ভ্যঃ তনুষ্ব॒ মীঢ্ব॑স্তো॒কায॒ তন॑যায মৃডয । (মণিবংধাভ্যাং নমঃ) । 12
যে তী॒র্থানি॑ প্র॒চরং॑তি সৃ॒কাবং॑তো নিষং॒গিণঃ॑ । তেষাগ্ম্॑ সহস্রযোজ॒নেঽ ব॒ধন্বা॑নি তন্মসি । (হস্তাভ্যাং নমঃ) । 13
স॒দ্যো জা॒তং প্র॑পদ্যা॒মি॒ স॒দ্যো জা॒তায॒ বৈ নমো॒ নমঃ॑ । ভ॒বে ভ॑বে॒ নাতি॑ ভবে ভবস্ব॒ মাম্ । ভ॒বোদ্-ভ॑বায॒ নমঃ॑ ॥ (অগুংষ্ঠাভ্যাং নমঃ ) । 14.1
বা॒ম॒দে॒বায॒ নমো᳚ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒ কালা॑য॒ নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒ বল॑প্রমথনায॒ নমঃ॒ সর্ব॑ভূতদমনায॒ নমো॑ ম॒নোন্ম॑নায॒ নমঃ॑ । (তর্জনীভ্যাং নমঃ) 14.2
অ॒ঘোরে᳚ভ্যো ঽথ॒ঘোরে᳚ভ্যো॒ ঘোর॒ঘোর॑তরেভ্যঃ । সর্বে᳚ভ্যঃ সর্ব॒ শর্বে᳚ভ্যো॒ নম॑স্তে অস্তু রু॒দ্র রূ॑পেভ্যঃ ॥ (মদ্ধ্যমাভ্যাং নমঃ) । 14.3
তত্পুরু॑ষায বি॒দ্মহে॑ মহাদে॒বায॑ ধীমহি ।
তন্নো॑ রুদ্রঃ প্রচো॒দযা᳚ত্ ॥ (অনামিকাভ্যাং নমঃ) । 14.4
ঈশানঃ সর্ব॑বিদ্যা॒না॒-মীশ্বরঃ সর্ব॑ভূতা॒নাং॒ ব্রহ্মাধি॑পতি॒-র্ব্রহ্ম॒ণো ঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥ (কনিষ্ঠিকাভ্যাং নমঃ) 14এ
নমো॑ বঃ কিরি॒কেভ্যো॑ দে॒বানা॒গ্ম্॒ হৃদ॑যেভ্যঃ । (হৃদযায নমঃ) । 15
নমো॑ গ॒ণেভ্যো॑ গ॒ণপ॑তিভ্যশ্চ বো॒ নমঃ॑ । (পৃষ্ঠায নমঃ) । 16
নমো॒ হির॑ণ্যবাহবে সেনা॒ন্যে॑ দি॒শাংচ॒ পত॑যে॒ নমঃ॑ । (পার্শ্বাভ্যাং নমঃ) । 17
বিজ্যং॒ ধনুঃ॑ কপ॒র্দিনো॒ বিশ॑ল্যো॒ বাণ॑বাগ্ম্ উ॒ত ।
অনে॑শন্ন॒স্যেষ॑ব আ॒ভুর॑স্য নিষং॒গথিঃ॑ । (জঠরায নমঃ) । 18
হি॒র॒ণ্য॒গ॒র্ভ স্সম॑বর্ত॒তাগ্রে॑ ভূ॒তস্য॑ জা॒তঃ পতি॒রেক॑ আসীত্ । সদা॑ধার পৃথি॒বীং দ্যামু॒তেমাং কস্মৈ॑ দে॒বায॑ হ॒বিষা॑ বিধেম । (নাভ্যৈ নমঃ) । 19
মীঢু॑ষ্টম॒ শিব॑তম শি॒বো ন॑স্সু॒মনা॑ ভব । প॒র॒মে বৃ॒ক্ষ আযু॑ধং নি॒ধায॒ কৃত্তিং॒-বঁসা॑ন॒ আচ॑র॒ পিনা॑কং॒ বিভ্র॒দাগ॑হি । (কঠ্যৈ নমঃ) । 20
যে ভূ॒তানা॒-মধি॑পতযো বিশি॒খাসঃ॑ কপ॒র্দি॑নঃ ।
তেষাগ্ম্॑ সহস্রযোজ॒নে ঽব॒ধন্বা॑নি তন্মসি । (গুহ্যায নমঃ) । 21
যে অন্নে॑ষু বি॒বিদ্ধ্যং॑তি॒ পাত্রে॑ষু॒ পিব॑তো॒ জনান্॑ ।
তেষাগ্ম্॑ সহস্রযোজ॒নেঽ ব॒ধন্বা॑নি তন্মসি । (অংডাভ্যাং নমঃ ) । 22
স॒ শি॒রা জা॒তবে॑দা অ॒ক্ষরং॑ পর॒মং প॒দম্ । বেদা॑না॒গ্ম্॒ শির॑সি মা॒তা॒
আ॒যু॒ষ্মংতং॑ করোতু॒ মাম্ । (অপানায নমঃ) । 23
মা নো॑ ম॒হাংত॑মু॒ত মা নো॑ অর্ভ॒কং মা ন॒ উক্ষং॑তমু॒ত মা ন॑ উক্ষি॒তম্ ।
মা নো॑ বধীঃ পি॒তরং॒ মোত মা॒তরং॑ প্রি॒যা মা ন॑স্ত॒নুবো॑ রুদ্র রীরিষঃ । (ঊরুভ্যাং নমঃ) । 24
এ॒ষ তে॑ রুদ্রভা॒গ-স্তংজু॑ষস্ব॒ তেনা॑ব॒সেন॑ প॒রো মূজ॑ব॒তো-ঽতী॒হ্যব॑তত-ধন্বা॒ পিনা॑কহস্তঃ॒ কৃত্তি॑বাসাঃ । (জানুভ্যাং নমঃ) 25
স॒গ্ম্॒ সৃ॒ষ্ট॒জিথ্সো॑ম॒পা বা॑হু-শ॒র্ধ্যূ᳚র্ধ্ব ধ॑ন্বা॒ প্রতি॑হিতা-ভি॒রস্তা᳚ ।
বৃহ॑স্পতে॒ পরি॑দীযা॒ রথে॑ন রক্ষো॒হা-ঽমিত্রাগ্ম্॑ অপ॒বাধ॑মানঃ ।
(জংঘাভ্যাং নমঃ ) 26
বিশ্বং॑ ভূ॒তং ভুব॑নং চি॒ত্রং ব॑হু॒ধা জা॒তং জায॑মানং চ॒ যত্ ।
সর্বো॒ হ্যে॑ষ রু॒দ্র-স্তস্মৈ॑ রু॒দ্রায॒ নমো॑ অস্তু ॥ (গুল্ফাভ্যাং নমঃ) 27
যে প॒থাং প॑থি॒রক্ষ॑য ঐলবৃ॒দা য॒ব্যুধঃ॑ । তেষাগ্ম্॑ সহস্রযোজ॒নে ঽব॒ধন্বা॑নি তন্মসি । (পাদাভ্যাং নমঃ) । 28
অদ্ধ্য॑বোচ-দধিব॒ক্তা প্র॑থ॒মো দৈব্যো॑ ভি॒ষক্ । অহীগ্গ্॑শ্চ॒ সর্বা᳚ন্ জ॒ভংযঁ॒ন্ থ্সর্বা᳚শ্চ যাতু ধা॒ন্যঃ॑ । (কবচায হুং) । 29
নমো॑ বি॒ল্মিনে॑ চ কব॒চিনে॑ চ॒ নমঃ॑ শ্রু॒তায॑ চ শ্রুতসে॒নায॑ চ । (উপকবচায হুং) 30
নমো॑ অস্তু॒ নীল॑গ্রীবায সহস্রা॒ক্ষায॑ মী॒ঢুষে᳚ । অথো॒ যে অ॑স্য॒ সত্বা॑নো॒ঽহং তেভ্যো॑ঽকর॒ন্নমঃ॑ । (নেত্রত্রযায বৌষট্) 31
প্রমুং॑চ॒ ধন্ব॑ন॒স্ত্ব-মু॒ভযো॒-রার্ত্নি॑যো॒র্জ্যাম্ । যাশ্চ॑ তে॒ হস্ত॒ ইষ॑বঃ॒ পরা॒ তা ভ॑গবো বপ । (অস্ত্রায ফট্) 32
য এ॒তাবং॑তশ্চ॒ ভূযাগ্ম্॑সশ্চ॒ দিশো॑ রু॒দ্রা বি॑তস্থি॒রে ।
তেষাগ্ম্॑॑ সহস্রযোজ॒নে ঽব॒ধন্বা॑নি তন্মসি । (ইতি দিগ্বংধঃ) 33
———–ইতি প্রথম ন্যাসঃ————
(শিখাদি অস্ত্রপর্যংতং একত্রিংশদংগন্যাসঃ দিগ্বংধ সহিতঃ প্রথমঃ)
4. দ্বিতীয ন্যাসঃ
(ওং নমো ভগবতে রুদ্রায । ইতি নমস্কারান্ ন্যসে᳚ত্)
ওং ওং মূর্থ্নে নমঃ (মূর্ধ্নি) ।
ওং নং নাসিকাযৈ নমঃ (নাসিকাগ্রঃ) ।
ওং মোং-লঁলটায নমঃ (ললাটঃ) ।
ওং ভং মুখায নমঃ (মুখাম্) ।
ওং গং কংঠায নমঃ (কংঠঃ) ।
ওং-বংঁ হৃদযায নমঃ (হৃদযঃ) ।
ওং তেং দক্ষিণ হস্তায নমঃ (দক্ষিণ হস্তঃ) ।
ওং রুং-বাঁম হস্তায নমঃ (বাম হস্তঃ) ।
ওং দ্রাং নাভ্যৈ নমঃ (নাভ্হী) ।
ওং-যংঁ পাদাভ্যাং নমঃ (পাদৌ) ॥
———–ইতি দ্বিতীয ন্যাসঃ———-
মূর্ধাদি পাদাংতং দশাংগ ন্যাসঃ দ্বিতীযঃ
5. তৃতীযন্যাসঃ
স॒দ্যো জা॒তং প্র॑পদ্যা॒মি॒ স॒দ্যো জা॒তায॒ বৈ নমো॒ নমঃ॑ । ভ॒বে ভ॑বে॒ নাতি॑ভবে ভবস্ব॒ মাম্ । ভ॒বো-দ্ভ॑বায॒ নমঃ॑ ॥ (পাদাভ্যাং নমঃ) । 1
বা॒ম॒দে॒বায॒ নমো᳚ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒ কালা॑য॒ নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒ বল॑প্রমথনায॒ নম॒ স্সর্ব॑ভূতদমনায॒ নমো॑ ম॒নোন্ম॑নায॒ নমঃ॑ । (ঊরুভ্যাং নমঃ) । 2
অ॒ঘোরে᳚ভ্যো ঽথ॒ঘোরে᳚ভ্যো॒ ঘোর॒ঘোর॑তরেভ্যঃ । সর্বে᳚ভ্যঃ সর্ব॒ শর্বে᳚ভ্যো॒ নম॑স্তে অস্তু রু॒দ্ররূ॑পেভ্যঃ ॥ (হৃদযায নমঃ) । 3
তত্পুরু॑ষায বি॒দ্মহে॑ মহাদে॒বায॑ ধীমহি ।
তন্নো॑ রুদ্রঃ প্রচো॒দযা᳚ত্ ॥ (মুখায নমঃ) । 4
ঈশানঃ সর্ব॑বিদ্যা॒না॒-মীশ্বরসর্ব॑ ভূতা॒নাং॒ ব্রহ্মাধি॑পতি॒-র্
ব্রহ্ম॒ণোঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥
হংস হংস । (মূর্ধ্নে নমঃ) । 5
5.1 হংস গাযত্রী
অস্য শ্রী হংসগাযত্রী মহামংত্রস্য, অব্যক্ত পরব্রহ্ম ঋষিঃ,
অনুষ্টুপ্ ছংদঃ, পরমহংসো দেবতা ।
হংসাং বীজং, হংসীং শক্তিঃ । হংসূং কীলকম্ ।
পরমহংস প্রসাদ সিদ্ধ্যর্থে জপে বিনিযোগঃ ॥ 1
হংসাং অগুংষ্ঠাভ্যাং নমঃ । হংসীং তর্জনীভ্যাং নমঃ ।
হংসূং – মদ্ধ্যমাভ্যাং নমঃ । হংসৈং – অনামিকাভ্যাং নমঃ ।
হংসৌং – কনিষ্ঠিকাভ্যাং নমঃ । হংসঃ-করতল করপৃষ্ঠাভ্যাং নমঃ । 2
হংসাং – হৃদযায নমঃ । হংসীং – শিরসে স্বাহা ।
হংসূং – শিখাযৈ বষট্ । হংসৈং – কবচায হুম্ ।
হংসৌং – নেত্রত্রযায বৌষট্ । হংসঃ – অস্ত্রায ফট্ ॥
ওং ভূর্ভুব॒স্সুব॒রোমিতি দিগ্বংধঃ । 3
॥ ধ্যানম্ ॥
গমাগমস্থং গমনাদিশূন্যং চি-দ্রূপদীপং তিমিরাপহারম্ ।
পশ্যামি তে সর্বজনাংতরস্থং নমামি হংসং পরমাত্মরূপম্ ॥ 4
হং॒স হং॒সায॑ বি॒দ্মহে॑ পরমহং॒সায॑ ধীমহি । তন্নো॑ হংসঃ প্রচো॒দযা᳚ত্ ॥ 5
(ইতি ত্রিবারং জপিত্বা)
হংস হং॒সেতি যো ব্রূযা-ধংসো (ব্রূযাদ্ধংসো) নাম সদাশিবঃ ।
এবং ন্যাস বিধিং কৃত্বা ততঃ সংপুটমারভেত্ ॥ 6
5.2 দিক্ সংপুটন্যাসঃ
দেবতা – ইংদ্রঃ
দিক্ – পূর্বং
ওং ভূর্ভুব॒স্সুব॒রোম্ । লম্ ।
ত্রা॒তার॒মিংদ্র॑-মবি॒তার॒-মিংদ্র॒গ্ম্॒ হবে॑ হবে সু॒হব॒গ্ম্॒ শূর॒মিংদ্র᳚ম্ ।
হু॒বে নু শ॒ক্রং পু॑রুহূ॒তমিংদ্রগ্গ্॑ স্ব॒স্তি নো॑ ম॒ঘবা॑ ধ॒॒ত্বিংদ্রঃ॑ ॥
লং ইংদ্রায বজ্রহস্তায সুরাধিপতযে ঐরাবত বাহনায সাংগায সাযুধায সশক্তি পরিবারায উমামহেশ্বর পার্ষদায নমঃ । লং ইংদ্রায নমঃ ।
পূর্ব দিগ্ভাগে (ললাটস্থানে) ইংদ্রঃ সুপ্রীতো বরদো ভবতু । 1
দেবতা- অগ্নিঃ দিক্- দক্ষিণপূর্বং (আগ্নেয দিক্)
ওং ভূর্ভুব॒স্সুব॒রোম্ । রম্ ।
ত্বন্নো॑ অগ্নে॒ বরু॑ণস্য বি॒দ্বান্ দে॒বস্য॒ হেডোঽব॑ যাসিসীষ্ঠাঃ ।
যজি॑ষ্ঠো॒ বহ্নি॑তমঃ॒ শোশু॑চানো॒ বিশ্বা॒ দ্বেষাগ্ম্॑সি॒ প্রমু॑মুগ্দ্ধ্য॒স্মত্ ॥
রং অগ্নযে শক্তিহস্তায তেজোঽধিপতযে অজবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ । রং অগ্নযে নমঃ । আগ্নেয দিগ্ভাগে (নেত্রস্থানে) অগ্নিঃ সুপ্রীতো বরদো ভবতু । 2
দেবতা- যমঃ
দিক্ – দক্ষিণং
ওং ভূর্ভুব॒স্সুব॒রোম্ । হম্ ।
সু॒গন্নঃ॒ পংথা॒মভ॑যং কৃণোতু । যস্মি॒ন্নক্ষ॑ত্রে য॒ম এতি॒ রাজা᳚ ।
যস্মি॑ন্নেন-ম॒ভ্যষিং॑চংত দে॒বাঃ । তদ॑স্য চি॒ত্রগ্ম্ হ॒বিষা॑ যজাম ।
অপ॑ পা॒প্মানং॒ ভর॑ণী র্ভরংতু ।
হং-যঁমায দংডহস্তায ধর্মাধিপতযে মহিষবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ । হং-যঁমায নমঃ । দক্ষিণদিগ্ভাগে (কর্ণস্থানে) যমঃ সুপ্রীতো বরদো ভবতু । 3
দেবতা- নির্ঋতি
দিক্ – দক্ষিণ পশ্চিমং
ওং ভূর্ভুব॒স্সুব॒রোম্ । ষম্ ।
অসু॑ন্বংত॒ম য॑জমান-মিচ্ছ স্তে॒ন-স্যে॒ত্যাংত-স্ক॑র॒স্যান্বে॑ষি ।
অ॒ন্য-ম॒স্ম-দি॑চ্ছ॒ সা ত॑ ই॒ত্যা নমো॑ দেবি নির্ঋতে॒ তুভ্য॑মস্তু ॥
ষং নির্ঋতযে খড্গহস্তায রক্ষোধিপতযে নরবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ ।
ষং নির্ঋতযে নমঃ । নৈর্ঋত দিগ্ভাগে (মুখস্থানে) নির্ঋতিঃ সুপ্রীতো
বরদো ভবতু । 4
দেবতা- বরুণঃ
দিক্ – পশ্চিমং
ওং ভূর্ভুব॒স্সুব॒রোম্ । বম্ ।
তত্বা॑ যামি॒ ব্রহ্ম॑ণা॒ বংদ॑মান॒স্তদা শা᳚স্তে॒ যজ॑মানো হ॒বির্ভিঃ॑ ।
অহে॑ডমানো বরুণে॒হ বো॒দ্দ্ধ্যুরু॑শগ্ম্ স॒ মা ন॒ আযুঃ॒ প্রমো॑ষীঃ ॥
বং-বঁরুণায পাশহস্তায জলাধিপতযে মকরবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ । বং-বঁরুণায নমঃ । পশ্চিমদিগ্ভাগে (বাহুস্থানে) বরুণঃ সুপ্রীতো বরদো ভবতু । 5
দেবতা – বাযুঃ
দিক্- উত্তর পশ্চিমং
ওং ভূর্ভুব॒স্সুব॒রোম্ । যম্ ।
আ নো॑ নি॒যুদ্ভি॑-শ্শ॒তিনী॑-ভিরধ্ব॒রম্ । স॒হ॒স্রিণী॑ভি॒রুপ॑যাহি য॒জ্ঞম্ ।
বাযো॑ অ॒স্মিন্. হ॒বিষি॑ মাদযস্ব । যূ॒যং পা॑ত স্ব॒স্তিভি॒স্সদা॑ নঃ ॥
যং-বাঁযবে সাংকুশধ্বজ হস্তায প্রাণাধিপতযে মৃগবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ ।
যং-বাঁযবে নমঃ । বাযব্য দিগ্ভাগে (নাসিকাস্থানে) বাযুঃ সুপ্রীতো বরদো ভবতু ॥ 6
দেবতা – সোমঃ
দিক্ – উত্তরং
ওং ভূর্ভুব॒স্সুব॒রোম্ । সম্ । ব॒যগ্ম্ সো॑ম ব্র॒তে তব॑ । মন॑স্ত॒নূষু॒ বিভ্র॑তঃ । প্র॒জাবং॑তো অশীমহি ॥ সং সোমায অমৃতকলশ হস্তায নক্ষত্রাধিপতযে অশ্ববাহনায
সাংগায সাযুধায সশক্তি পরিবারায উমামহেশ্বর পার্ষদায নমঃ ।
সং সোমায নমঃ । উত্তর দিগ্ভাগে (হৃদযস্থানে) সোমঃ সুপ্রীতো বরদো ভবতু ॥ 7
দেবতা- ঈশানঃ
দিক্ -উত্তর পূর্বং
ওং ভূর্ভুব॒স্সুব॒রোম্ । শম্ ।
তমীশা᳚নং॒ (তমীশা॑নং॒) জগ॑ত-স্ত॒স্থুষ॒স্পতি᳚ম্ । ধি॒যং॒ জি॒ন্বমব॑সে হূমহে ব॒যম্ । পূ॒ষা নো॒ যথা॒ বেদ॑ সা॒মস॑-দ্বৃ॒ধে র॑ক্ষি॒তা পা॒যুরদ॑ব্ধঃ স্ব॒স্তযে᳚ ॥
শং ঈশানায শূলহস্তায বিদ্যাধিপতযে বৃষভবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ ।
শং ঈশানায নমঃ । ঐশান দিগ্ভাগে (নাভিস্থানে) ঈশানঃ সুপ্রীতো বরদো ভবতু ॥ 8
দেবতা- ব্রহ্ম
দিক্ – ঊর্ধ্বং
ওং ভূর্ভুব॒স্সুব॒রোম্ । অম্ ।
অ॒স্মে রু॒দ্রা মে॒হনা॒ পর্ব॑তাসো বৃ॒ত্রহত্যে॒ ভর॑ হূতৌ স॒জোষাঃ᳚ । যশ্শংস॑তে স্তুব॒তে ধাযি॑ প॒জ্র ইংদ্র॑জ্যেষ্ঠা অ॒স্মা অ॑বংতু দে॒বাঃ ॥
অং ব্রহ্মণে পদ্মহস্তায লোকাধিপতযে হংসবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ । অং ব্রহ্মণে নমঃ । ঊর্ধ্বদিগ্ভাগে (মূর্ধস্থানে) ব্রহ্মা সুপ্রীতো বরদো ভবতু ॥ 9
দেবতা-বিষ্ণুঃ
দিক্ – অধো দিক্
ওং ভূর্ভুব॒স্সুব॒রোম্ । হ্রীম্ ।
স্যো॒না পৃ॑থি॒বি ভবা॑ ঽনৃক্ষ॒রা নি॒বেশ॑নী । যচ্ছা॑ নঃ॒ শর্ম॑ স॒প্রথাঃ᳚ ॥
হ্রীং-বিঁষ্ণবে চক্রহস্তায নাগাধিপতযে গরুডবাহনায সাংগায সাযুধায সশক্তি পরিবারায উমামহেশ্বর পার্ষদায নমঃ । হ্রীং-বিঁষ্ণবে নমঃ ।
অধো দিগ্ভাগে (পাদস্থানে) বিষ্ণুস্সুপ্রীতো বরদো ভবতু ॥ 10
5.3 ষোডশাংগ রৌদ্রীকরণং
(তৈ. সং. 1.3.3.1 )
বি॒ভূর॑সি প্র॒বাহ॑ণো॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 1
বহ্নি॑রসি হব্য॒বাহ॑নো॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 2
শ্বা॒ত্রো॑সি॒ প্রচে॑তা॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 3
তু॒থো॑সি বি॒শ্ববে॑দা॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 4
উ॒শিগ॑সি ক॒বী রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 5
অঘাং॑রিরসি॒ বংভা॑রী॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 6
অ॒ব॒স্যু॑রসি॒ দুব॑স্বা॒ন্ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 7
শুং॒দ্ধ্যূর॑সি মার্জা॒লীযো॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 8
স॒ম্রাড॑সি কৃ॒শানূ॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 9
প॒রি॒ষদ্যো॑সি॒ পব॑মানো॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 10
প্র॒তক্বা॑সি॒ নভ॑স্বা॒ন্ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 11
অসং॑মৃষ্টোসি হব্য॒সূদো॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 12
ঋ॒তধা॑মাসি॒ সুব॑র্জ্যোতী॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 13
ব্রহ্ম॑জ্যোতিরসি॒ সুব॑র্ধামা॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 14
অ॒জো᳚স্যেক॑পা॒-দ্রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 15
অহি॑রসি বু॒ধ্নিযো॒ রৌদ্রে॒ণানী॑কেন পা॒হি মা᳚ঽগ্নে
পিপৃ॒হি মা॒ মা মা॑ হিগ্ম্সীঃ । 16
ত্বগস্থিগতৈঃ সর্বপাপৈঃ প্রমুচ্যতে । সর্বভূতেষ্বপরাজিতো ভবতি ।
তথো ভূত-প্রেত-পিশাচ-ব্রহ্মরাক্ষস-যক্ষ-যমদূত-শাকিনী-ডাকিনী-সর্প-শ্বাপদ-বৃশ্চিক-তস্করা-দুপদ্রবা-দুপঘাতাঃ ।
সর্বে (গ্রহাঃ) জ্বলংতং পশ্যংতু । মাং রক্ষংতু ।
যজমানং সকুটুংবং রক্ষংতু । সর্বান্ মহাজনান্ রক্ষংতু ।
———–ইতি তৃতীযঃ ন্যাসঃ————
পাদাতি মূর্ধাংতং পংচাংগ ন্যাসঃ
6. চতুর্থঃ ন্যাসঃ
6.1 মনো জ্যোতিঃ
মনো॒ জ্যোতি॑ র্জুষতা॒-মাজ্যং॒-বিঁচ্ছি॑ন্নং-যঁ॒জ্ঞগ্ম্ সমি॒মং দ॑ধাতু ।
যা ই॒ষ্টা উ॒ষসো॑ নি॒ম্রুচ॑শ্চ॒ তাস্সংদ॑ধামি হ॒বিষা॑ ঘৃ॒তেন॑ ।
(গুহ্যায নমঃ) । 1 (তৈ. সং. 1.5.10.2)
অবো᳚দ্ধ্য॒গ্নিঃ স॒মিধা॒ জনা॑নাং॒ প্রতি॑ধে॒নু-মি॑বায॒তী মু॒ষাস᳚ম্ ।
য॒হ্বা ই॑ব॒ প্রব॒যা-মু॒জ্জিহা॑নাঃ॒ প্রভা॒নবঃ॑ সিস্রতে॒ নাক॒মচ্ছ॑ ।
(নাভ্যৈ নমঃ) । 2 (তৈ. সং. 4.4.4.2)
অ॒গ্নি র্মূ॒র্ধা দি॒বঃ ক॒কুত্পতিঃ॑ পৃথি॒ব্যা অ॒যম্ ।
অ॒পাগ্ম্ রেতাগ্ম্॑সি জিন্বতি । (হৃদযায নমঃ) । 3 (তৈ. সং. 1.5.5.1)
মূ॒র্ধানং॑ দি॒বো অ॑র॒তিং পৃ॑থি॒ব্যা বৈ᳚শ্বান॒র-মৃ॒তায॑ জা॒তম॒গ্নিম্ ।
ক॒বিগ্ম্ স॒ম্রাজ॒-মতি॑থিং॒ জনা॑না-মা॒সন্না পাত্রং॑ জনযংত দে॒বাঃ । (কংঠায নমঃ) । 4 (তৈ. সং. 1.4.13.1)
মর্মা॑ণি তে॒ বর্ম॑ভিশ্ছা-দযামি॒ সোম॑স্ত্বা॒ রাজা॒ঽমৃ॑তে না॒ভিব॑স্তাম্ ।
উ॒রো র্বরী॑যো॒ বরি॑বস্তে অস্তু॒ জ॑যংতং॒ ত্বা মনু॑মদংতু দে॒বাঃ ।
(মুখায নমঃ) । 5 (তৈ. সং. 4.6.4.5)
জা॒তবে॑দা॒ যদি॑ বা পাব॒কোঽসি॑ । বৈ॒শ্বা॒ন॒রো যদি॑ বা বৈদ্যু॒তোঽসি॑ ।
শং প্র॒জাভ্যো॒ যজ॑মানায লো॒কম্ । ঊর্জং॒ পুষ্টিং॒ দদ॑ দ॒ভ্যাব॑ বৃথ্স্ব ॥ (শিরসে নমঃ) ॥ 6 (তৈ. ব্রা. 3.10.5.1)
6.2 আত্মরক্ষা
(তৈ. ব্রা. 2.3.11.1 – তৈ. ব্রা. 2.3.11.4)
ব্রহ্মা᳚ত্ম॒ন্ বদ॑সৃজত । তদ॑কামযত । সমা॒ত্মনা॑ পদ্যে॒যেতি॑ ।
আত্ম॒ন্না-ত্ম॒ন্নিত্যা-মং॑ত্রযত । তস্মৈ॑ দশ॒মগ্ম্ হূ॒তঃ প্রত্য॑শৃণোত্ ।
স দশ॑হূতোঽভবত্ । দশ॑হূতো হ॒বৈ নামৈ॒ষঃ । তং-বাঁ এ॒তং দশ॑হূত॒গ্ম্॒ সংত᳚ম্ ।
দশ॑হো॒তেত্যা চ॑ক্ষতে প॒রোক্ষে॑ণ । প॒রোক্ষ॑প্রিযা ইব॒ হি দে॒বাঃ ॥ 1
আত্ম॒ন্না-ত্ম॒ন্নিত্যা-মং॑ত্রযত । তস্মৈ॑ সপ্ত॒মগ্ম্ হূ॒তঃ প্রত্য॑শৃণোত্ ।
স স॒প্তহূ॑তোঽভবত্ । স॒প্তহূ॑তো হ॒বৈ নামৈ॒ষঃ । তং-বাঁ এ॒তগ্ম্ স॒প্তহূ॑ত॒গ্ম্॒ সংত᳚ম্ । স॒প্তহো॒তেত্যা চ॑ক্ষতে প॒রোক্ষে॑ণ । প॒রোক্ষ॑প্রিযা ইব॒ হি দে॒বাঃ ॥ 2
আত্ম॒ন্না-ত্ম॒ন্নিত্যা-মং॑ত্রযত । তস্মৈ॑ ষ॒ষ্ঠগ্ম্ হূ॒তঃ প্রত্য॑শৃণোত্ ।
স ষড্ঢূ॑তোঽভবত্ । ষড্ঢূ॑তো হ॒বৈ নামৈ॒ষঃ । তং-বাঁ এ॒তগ্ম্ ষড্ঢূ॑ত॒গ্ম্॒ সংত᳚ম্ ।
ষড্ঢো॒তেত্যা চ॑ক্ষতে প॒রোক্ষে॑ণ । প॒রোক্ষ॑প্রিযা ইব॒ হি দে॒বাঃ ॥ 3
আত্ম॒ন্না-ত্ম॒ন্নিত্যা-মং॑ত্রযত । তস্মৈ॑ পংচ॒মগ্ম্ হূ॒তঃ প্রত্য॑শৃণোত্ ।
স পংচ॑হূতোঽভবত্ । পংচ॑হূতো হ॒বৈ নামৈ॒ষঃ । তং-বাঁ এ॒তং পংচ॑হূত॒গ্ম্॒ সংত᳚ম্ । পংচ॑হো॒তেত্যা চ॑ক্ষতে প॒রোক্ষে॑ণ । প॒রোক্ষ॑প্রিযা ইব॒ হি দে॒বাঃ ॥ 4
আত্ম॒ন্না-ত্ম॒ন্নিত্যা-মং॑ত্রযত । তস্মৈ॑ চতু॒র্থগ্ম্ হূ॒তঃ প্রত্য॑শৃণোত্ ।
স চতু॑র্হূতোঽভবত্ । চতু॑র্হূতো হ॒বৈ নামৈ॒ষঃ । তং-বাঁ এ॒তং চতু॑র্হূত॒গ্ম্॒
সংত᳚ম্ । চতু॑র্হো॒তেত্যা চ॑ক্ষতে প॒রোক্ষে॑ণ । প॒রোক্ষ॑প্রিযা ইব॒ হি দে॒বাঃ ॥ 5
তম॑ব্রবীত্ । ত্বং-বৈঁ মে॒ নেদি॑ষ্ঠগ্ম্ হূ॒তঃ প্রত্য॑শ্রৌষীঃ ।
ত্বযৈ॑ নানাখ্যা॒তার॒ ইতি॑ । তস্মা॒ন্নুহৈ॑না॒গ্গ্॒-শ্চ॑তু র্হোতার॒ ইত্যাচ॑ক্ষতে ।
তস্মা᳚চ্ছুশ্রূ॒ষুঃ পু॒ত্রাণা॒গ্ম্॒ হৃদ্য॑তমঃ । নেদি॑ষ্ঠো॒ হৃদ্য॑তমঃ ।
নেদি॑ষ্ঠো॒ ব্রহ্ম॑ণো ভবতি । য এ॒বং-বেঁদ॑ ॥ 6 (আত্মনে॒ নমঃ॑)
————ইতি চতুর্থ ন্যাসঃ————
গুহ্যাদি মস্তকাংত ষডংগন্যাসঃ চতুর্থঃ
7. পংচমঃ ন্যাসঃ
7.1 শিব সংকল্পঃ
(ঋগ্ বেদ খিল কাংডং 4.11 9.1)
যেনে॒দং ভূ॒তং ভুব॑নং ভবি॒ষ্যত্ পরি॑গৃহীত-ম॒মৃতে॑ন॒ সর্ব᳚ম্ । যেন॑ য॒জ্ঞস্তা॑যতে
(য॒জ্ঞস্ত্রা॑যতে) স॒প্তহো॑তা॒ তন্মে॒ মনঃ॑ শি॒বসং॑ক॒ল্পম॑স্তু ॥ 1
যেন॒ কর্মা॑ণি প্র॒চরং॑তি॒ ধীরা॒ যতো॑ বা॒চা মন॑সা॒ চারু॒যংতি॑ ।
যথ্ স॒ম্মিত॒মনু॑ সং॒যংঁতি॑ প্রা॒ণিন॒স্তন্মে॒ মনঃ॑ শি॒বসং॑ক॒ল্পম॑স্তু ॥ 2
যেন॒ কর্মা᳚ণ্য॒পসো॑ মনী॒ষিণো॑ য॒জ্ঞে কৃ॑ণ্বংতি বি॒দথে॑ষু॒ ধীরাঃ᳚ ।
যদ॑পূ॒র্বং-যঁ॒ক্ষ্মমং॒তঃ প্র॒জানাং॒ তন্মে॒ মনঃ॑ শি॒বসং॑ক॒ল্পম॑স্তু ॥ 3
যত্প্র॒জ্ঞান॑-মু॒ত চেতো॒ ধৃতি॑শ্চ॒ যজ্জ্যোতি॑ রং॒তর॒মৃতং॑ প্র॒জাসু॑ ।
যস্মা॒ন্ন ঋ॒তে কিংচ॒ন কর্ম॑ ক্রি॒যতে॒ তন্মে॒ মনঃ॑ শি॒বসং॑ক॒ল্পম॑স্তু ॥ 4
সু॒ষা॒র॒থি-রশ্বা॑নিব॒ যন্ম॑নু॒ষ্যা᳚ন্নে নী॒যতে॑-ঽভী॒শু॑ভি র্বা॒জিন॑ ইব ।
হৃত্প্র॑তিষ্ঠং॒-যঁদ॑জিরং॒ জবি॑ষ্ঠং॒ তন্মে॒ মনঃ॑ শি॒বসং॑ক॒ল্পম॑স্তু ॥ 5
যস্মি॒ন্ ঋচ॒স্সাম॒-যজূগ্ম্॑ষি॒ যস্মি॑ন্ প্রতিষ্ঠি॒তা র॑থ॒নাভা॑ বি॒বারাঃ᳚ ।
যস্মিগ্গ্॑শ্চি॒ত্তগ্ম্ সর্ব॒মোতং॑ প্র॒জানাং॒ তন্মে॒ মনঃ॑ শি॒বসং॑ক॒ল্পম॑স্তু ॥ 6
যদত্র॑ ষ॒ষ্ঠং ত্রি॒শতগ্ম্॑ সু॒বীরং॑-যঁ॒জ্ঞস্য॑ গু॒হ্যং নব॑ নাব॒মায্য᳚ম্ ।
দশ॒ পংচ॑ ত্রি॒গ্ম্॒শতং॒-যঁত্পরং॑ চ॒ তন্মে॒ মনঃ॑ শি॒বসং॑ক॒ল্পম॑স্তু ॥ 7
যজ্জাগ্র॑তো দূ॒রমু॒দৈতি॒ দৈবং॒ তদু॑ সু॒প্তস্য॒ তথৈ॒বৈতি॑ ।
দূ॒র॒গং॒মং জ্যোতি॑ষাং॒ জ্যোতি॒রেকং॒ তন্মে॒ মনঃ॑ শি॒বসং॑ক॒ল্পম॑স্তু ॥ 8
যেনে॒দং-বিঁশ্বং॒ জগ॑তো ব॒ভূব॒ যে দে॒বাপি॑ মহ॒তো জা॒তবে॑দাঃ ।
তদে॒বাগ্নি-স্তম॑সো॒ জ্যোতি॒রেকং॒ তন্মে॒ মনঃ॑ শি॒বসং॑ক॒ল্পম॑স্তু ॥ 9
যেন॒ দ্যৌঃ পৃ॑থি॒বী চাং॒তরি॑ক্ষং চ॒ যে পর্ব॑তাঃ প্র॒দিশো॒ দিশ॑শ্চ ।
যেনে॒দং জগ॒-দ্ব্যাপ্তং॑ প্র॒জানাং॒ তন্মে॒ মনঃ॑ শি॒বসং॑ক॒ল্পম॑স্তু ॥ 10
যে ম॑নো॒ হৃদ॑যং॒-যেঁ চ॑ দে॒বা যে দি॒ব্যা আপো॒ যে সূর্য॑রশ্মিঃ ।
তে শ্রোত্রে॒ চক্ষু॑ষী সং॒চরং॑তং॒ তন্মে॒ মনঃ॑ শি॒বসং॑ক॒ল্পম॑স্তু ॥ 11
অচিং॑ত্যং॒ চা প্র॑মেযং॒ চ ব্য॒ক্তা-ব্যক্ত॑ পরং॒ চ য॑ত্ ।
সূক্ষ্মা᳚ত্ সূক্ষ্মত॑রং জ্ঞে॒যং॒ তন্মে॒ মনঃ॑ শি॒বসং॑ক॒ল্পম॑স্তু ॥ 12
একা॑ চ দ॒শ শ॒তং চ॑ স॒হস্রং॑ চা॒যুতং॑ চ নি॒যুতং॑ চ প্র॒যুতং॒
চার্বু॑দং চ॒ ন্য॑র্বুদং চ সমু॒দ্রশ্চ॒ মদ্ধ্যং॒ চাংত॑শ্চ পরা॒র্ধশ্চ॒ তন্মে॒ মনঃ॑
শি॒বসং॑ক॒ল্পম॑স্তু ॥ 13
যে পং॑চ॒ পংচ॑ দশ শ॒তগ্ম্ স॒হস্র॑-ম॒যুত॒-ন্ন্য॑র্বুদং চ ।
তে অ॑গ্নি-চি॒ত্যেষ্ট॑কা॒স্তগ্ম্ শরী॑রং॒ তন্মে॒ মনঃ॑ শি॒বসং॑ক॒ল্পম॑স্তু ॥ 14
বেদা॒হমে॒তং পু॑রুষং ম॒হাংত॑-মাদি॒ত্য-ব॑র্ণং॒ তম॑সঃ॒ পর॑স্তাত্ ।
যস্য॒ যোনিং॒ পরি॒পশ্যং॑তি॒ ধীরা॒স্তন্মে॒ মনঃ॑ শি॒বসং॑ক॒ল্পম॑স্তু ॥ 15
যস্যে॒দং ধীরাঃ᳚ পু॒নংতি॑ ক॒বযো᳚ ব্র॒হ্মাণ॑মে॒তং ত্বা॑ বৃণত॒ ইংদু᳚ম্ ।
স্থা॒ব॒রং জংগ॑মং॒-দ্যৌ॑রাকা॒শং তন্মে॒ মনঃ॑ শি॒বসং॑ক॒ল্পম॑স্তু ॥ 16
পরা᳚ত্ প॒রত॑রং চৈ॒ব॒ য॒ত্ পরা᳚শ্চৈব॒ যত্প॑রম্ ।
য॒ত্পরা᳚ত্ পর॑তো জ্ঞে॒যং॒ তন্মে॒ মনঃ॑ শি॒বসং॑ক॒ল্পম॑স্তু ॥ 17
পরা᳚ত্ পরত॑রো ব্র॒হ্মা॒ ত॒ত্পরা᳚ত্ পর॒তো হ॑রিঃ ।
ত॒ত্পরা᳚ত্ পর॑তো ঽধী॒শ॒স্তন্মে॒ মনঃ॑ শি॒বসং॑ক॒ল্পম॑স্তু ॥ 18
যা বে॑দা॒দিষু॑ গায॒ত্রী॒ স॒র্ব॒ব্যাপি॑ মহে॒শ্বরী ।
ঋগ্ য॑জু-স্সামা-থর্বৈ॒শ্চ॒ তন্মে॒ মনঃ॑ শি॒বসং॑ক॒ল্পম॑স্তু ॥ 19
যো বৈ॑ দে॒বং ম॑হাদে॒বং॒ প্র॒ণবং॑ পর॒মেশ্ব॑রম্ ।
যঃ সর্বে॑ সর্ব॑ বেদৈ॒শ্চ॒ তন্মে॒ মনঃ॑ শি॒বসং॑ক॒ল্পম॑স্তু ॥ 20
প্রয॑তঃ॒ প্রণ॑বোংকা॒রং॒ প্র॒ণবং॑ পুরু॒ষোত্ত॑মম্ ।
ওকাং॑রং॒ প্রণ॑বাত্মা॒নং॒ তন্মে॒ মনঃ॑ শি॒বসং॑ক॒ল্পম॑স্তু ॥ 21
যোঽসৌ॑ স॒র্বেষু॑ বেদে॒ষু॒ প॒ঠ্যতে᳚ হ্যজ॒ ঈশ্ব॑রঃ । অ॒কাযো॑ নির্গু॑ণো হ্যা॒ত্মা॒ তন্মে॒ মনঃ॑ শি॒বসং॑ক॒ল্পম॑স্তু ॥ 22
গোভি॒ র্জুষ্টং॒ ধনে॑ন॒ হ্যাযু॑ষা চ॒ বলে॑ন চ । প্র॒জযা॑ প॒শুভিঃ॑ পুষ্করা॒ক্ষং॒ তন্মে॒ মনঃ॑ শি॒বসং॑ক॒ল্পম॑স্তু ॥ 23
কৈলা॑স॒ শিখ॑রে র॒ম্যে॒ শং॒কর॑স্য শি॒বাল॑যে ।
দে॒বতা᳚স্তত্র॑ মোদং॒তে॒ তন্মে॒ মনঃ॑ শি॒বসং॑ক॒ল্পম॑স্তু ॥ 24
ত্র্য॑বংকং-যঁজামহে সুগং॒ধিং পু॑ষ্টি॒বর্ধ॑নম্ । উ॒র্বা॒রু॒কমি॑ব॒ বংধ॑নান্ মৃ॒ত্যো-র্মু॑ক্ষীয॒ মাঽমৃতা॒ত্ তন্মে॒ মনঃ॑ শি॒বসং॑ক॒ল্পম॑স্তু ॥ 25
বি॒শ্বত॑-শ্চক্ষুরু॒ত বি॒শ্বতো॑ মুখো বি॒শ্বতো॑ হস্ত উ॒ত বি॒শ্বত॑স্পাত্ ।
সংবা॒হুভ্যাং॒-নম॑তি॒ সংপ॑তত্রৈ॒ র্দ্যাবা॑ পৃথি॒বী জ॒নয॑ন্ দে॒ব এক॒স্তন্মে॒ মনঃ॑ শি॒বসং॑ক॒ল্পম॑স্তু ॥ 26
চ॒তুরো॑ বে॒দান॑ধীযী॒ত॒ স॒র্ব শা᳚স্ত্রম॒যং-বিঁ॑দুঃ । ই॒তি॒হা॒স॒ পু॒রা॒ণা॒নাং॒ তন্মে॒ মনঃ॑ শি॒বসং॑ক॒ল্পম॑স্তু ॥ 27
মা নো॑ ম॒হাংত॑মু॒ত মা নো॑ অর্ভ॒কং মা ন॒ উক্ষং॑তমু॒ত মা ন॑ উক্ষি॒তম্ । মা নো॑ বধীঃ পি॒তরং॒ মোত মা॒তরং॑ প্রি॒যা মা ন॑স্ত॒নুবো॑ রুদ্র রীরিষ॒স্তন্মে॒ মনঃ॑ শি॒বসং॑ক॒ল্পম॑স্তু ॥ 28
মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ ।
বী॒রান্মানো॑ রুদ্র ভামি॒তোব॑ধী র্হ॒বিষ্মং॑তো॒ নম॑সা বিধেম তে॒ তন্মে॒ মনঃ॑ শি॒বসং॑ক॒ল্পম॑স্তু ॥ 29
ঋ॒তগ্ম্ স॒ত্যং প॑রং ব্র॒হ্ম॒ পু॒রুষং॑ কৃষ্ণ॒পিংগ॑লম্ । ঊ॒র্ধ্বরে॑তং-বিঁ॑রূপা॒ক্ষং॒
বি॒শ্বরূ॑পায॒ বৈ নমো॒ নম॒স্তন্মে॒ মনঃ॑ শি॒বসং॑ক॒ল্পম॑স্তু ॥ 30
ক-দ্রু॒দ্রায॒ প্রচে॑তসে মী॒ঢুষ্ট॑মায॒ তব্য॑সে । বো॒চেম॒ শংত॑মগ্ম্ হৃ॒দে ।
সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু॒ তন্মে॒ মনঃ॑ শি॒বসং॑ক॒ল্পম॑স্তু ॥ 31
ব্রহ্ম॑জজ্ঞা॒নং প্র॑থ॒মং পু॒রস্তা॒-দ্বিসী॑ম॒ত-স্সু॒রুচো॑ বে॒ন আ॑বঃ ।
স বু॒ধ্নিযা॑ উপ॒মা অ॑স্য বি॒ষ্ঠা-স্স॒তশ্চ॒ যোনি॒-মস॑তশ্চ॒ বিব॒স্তন্মে॒ মনঃ॑ শি॒বসং॑ক॒ল্পম॑স্তু ॥ 32
যঃ প্রা॑ণ॒তো নি॑মিষ॒তো ম॑হি॒ত্বৈক॒ ইদ্রাজা॒ জগ॑তো ব॒ভূব॑ । য ঈশে॑ অ॒স্য দ্বি॒পদ॒-শ্চতু॑ষ্পদঃ॒ কস্মৈ॑ দে॒বায॑ হ॒বিষা॑ বিধেম॒ তন্মে॒ মনঃ॑ শি॒বসং॑ক॒ল্পম॑স্তু ॥ 33
য আ᳚ত্ম॒দা ব॑ল॒দা যস্য॒ বিশ্ব॑ উ॒পাস॑তে প্র॒শিষং॒-যঁস্য॑ দে॒বাঃ ।
যস্য॑ ছা॒যাঽমৃতং॒-যঁস্য॑ মৃ॒ত্যুঃ কস্মৈ॑ দে॒বায॑ হ॒বিষা॑ বিধেম॒ তন্মে॒ মনঃ॑ শি॒বসং॑ক॒ল্পম॑স্তু ॥ 34
যো রু॒দ্রো অ॒গ্নৌ যো অ॒ফ্সু য ওষ॑ধীষু॒ যো রু॒দ্রো বিশ্বা॒ ভুব॑নাঽঽবি॒বেশ॒ তস্মৈ॑ রু॒দ্রায॒ নমো॑ অস্তু॒ তন্মে॒ মনঃ॑ শি॒বসং॑ক॒ল্পম॑স্তু ॥ 35
গং॒ধ॒দ্বা॒রাং দু॑রাধ॒র্ষাং॒ নি॒ত্যপু॑ষ্টাং করী॒ষিণী᳚ম্ । ঈ॒শ্বরীগ্ম্॑ সর্ব॑ ভূতা॒নাং॒ তামি॒হোপ॑হ্বযে॒ শ্রিযং॒ তন্মে॒ মনঃ॑ শি॒বসং॑ক॒ল্পম॑স্তু ॥ 36
য ইদগ্ম্॑ শিব॑সংক॒ল্প॒গ্ম্॒ স॒দা ধ্যা॑যংতি॒ ব্রাহ্ম॑ণাঃ । তে প॑রং মোক্ষং॑ গমিষ্যং॒তি॒ তন্মে॒ মনঃ॑ শি॒বসং॑ক॒ল্পম॑স্তু ॥ 37
(হৃদযায নমঃ॑)
7.2 পুরুষ সূক্তং
(তৈ. অর. 3.12.1 – তৈ. অর. 3.12.7)
স॒হস্র॑শীর্ষা॒ পুরু॑ষঃ । স॒হ॒স্রা॒ক্ষঃ স॒হস্র॑পাত্ । স ভূমিং॑-বিঁ॒শ্বতো॑ বৃ॒ত্বা । অত্য॑তিষ্ঠ-দ্দশাংগু॒লম্ । পুরু॑ষ এ॒বেদগ্ম্ সর্ব᳚ম্ । য-দ্ভূ॒তং-যঁচ্চ॒ ভব্য᳚ম্ ।
উ॒তামৃ॑ত॒ত্বস্যেশা॑নঃ । যদন্নে॑না-তি॒রোহ॑তি ।
এ॒তাবা॑নস্য মহি॒মা । অতো॒ জ্যাযাগ্গ্॑শ্চ॒ পূরু॑ষঃ ॥ 1
পাদো᳚ঽস্য॒ বিশ্বা॑ ভূ॒তানি॑ । ত্রি॒পাদ॑স্যা॒-মৃতং॑ দি॒বি । ত্রি॒পাদূ॒র্ধ্ব উদৈ॒ত্ পুরু॑ষঃ । পাদো᳚ ঽস্যে॒হাঽঽভ॑বা॒ত্ পুনঃ॑ ।
ততো॒ বিষ্বং॒-ব্যঁ॑ক্রামত্ । সা॒শ॒না॒ন॒শ॒নে অ॒ভি ॥ তস্মা᳚-দ্বি॒রাড॑জাযত । বি॒রাজো॒ অধি॒ পূরু॑ষঃ । স জা॒তো অত্য॑রিচ্যত । প॒শ্চা-দ্ভূমি॒মথো॑ পু॒রঃ ॥ 2
যত্পুরু॑ষেণ হ॒বিষা᳚ । দে॒বা য॒জ্ঞমত॑ন্বত । ব॒সং॒তো অ॑স্যাসী॒দাজ্য᳚ম্ । গ্রী॒ষ্ম ই॒দ্ধ্ম শ্শ॒রদ্ধ॒বিঃ । স॒প্তাস্যা॑সন্ পরি॒ধযঃ॑ । ত্রিঃ স॒প্ত স॒মিধঃ॑ কৃ॒তাঃ । দে॒বায-দ্য॒জ্ঞং ত॑ন্বা॒নাঃ । অব॑ধ্ন॒ন্ পুরু॑ষং প॒শুম্ ॥
তং-যঁ॒জ্ঞং ব॒র্হিষি॒ প্রৌক্ষন্ন্॑ । পুরু॑ষং জা॒তম॑গ্র॒তঃ ॥ 3
তেন॑ দে॒বা অয॑জংত । সা॒দ্ধ্যা ঋষ॑যশ্চ॒ যে ।
তস্মা᳚-দ্য॒জ্ঞাত্ স॑র্ব॒হুতঃ॑ । সংভৃ॑তং পৃষদা॒জ্যম্ । প॒শূগ্গ্স্তাগ্গ্শ্চ॑ক্রে বায॒ব্যান্॑ । আ॒র॒ণ্যান্ গ্রা॒ম্যাশ্চ॒ যে । তস্মা᳚-দ্য॒জ্ঞাত্ স॑র্ব॒হুতঃ॑ । ঋচঃ॒ সামা॑নি জজ্ঞিরে ।
ছংদাগ্ম্॑সি জজ্ঞিরে॒ তস্মা᳚ত্ । যজু॒স্তস্মা॑-দজাযত ॥ 4
তস্মা॒দশ্বা॑ অজাযংত । যে কে চো॑ভ॒যাদ॑তঃ ।
গাবো॑ হ জজ্ঞিরে॒ তস্মা᳚ত্ । তস্মা᳚জ্জা॒তা অ॑জা॒বযঃ॑ ।
যত্পুরু॑ষং॒-ব্যঁ॑দধুঃ । ক॒তি॒ধা ব্য॑কল্পযন্ন্ ।
মুখং॒ কিম॑স্য॒ কৌ বা॒হূ । কাবূ॒রূ পাদা॑বুচ্যেতে । ব্রা॒হ্ম॒ণো᳚ঽস্য॒ মুখ॑মাসীত্ । বা॒হূ রা॑জ॒ন্যঃ॑ কৃ॒তঃ ॥ 5
ঊ॒রূ তদ॑স্য॒ য-দ্বৈশ্যঃ॑ । প॒দ্ভ্যাগ্ম্ শূ॒দ্রো অ॑জাযত । চং॒দ্রমা॒ মন॑সো জা॒তঃ । চক্ষোঃ॒ সূর্যো॑ অজাযত । মুখা॒-দিংদ্র॑শ্চা॒গ্নিশ্চ॑ ।
প্রা॒ণা-দ্বা॒যুর॑জাযত । নাভ্যা॑ আসীদং॒তরি॑ক্ষম্ । শী॒র্ষ্ণো দ্যৌঃ সম॑বর্তত । প॒দ্ভ্যাং ভূমি॒ র্দিশঃ॒ শ্রোত্রা᳚ত্ । তথা॑ লো॒কাগ্ম্ অ॑কল্পযন্ন্ ॥ 6
বেদা॒হমে॒তং পুরু॑ষং ম॒হাংত᳚ম্ । আ॒দি॒ত্যব॑র্ণং॒ তম॑স॒স্তু পা॒রে ।
সর্বা॑ণি রূ॒পাণি॑ বি॒চিত্য॒ ধীরঃ॑ । নামা॑নি কৃ॒ত্বাভি॒বদ॒ন্ যদাস্তে᳚ । ধা॒তা পু॒রস্তা॒-দ্যমু॑দাজ॒হার॑ । শ॒ক্রঃ প্রবি॒দ্বান্ প্র॒দিশ॒শ্চত॑স্রঃ । তমে॒বং-বিঁ॒দ্বান॒মৃত॑ ই॒হ ভ॑বতি । নান্যঃ পংথা॒ অয॑নায বিদ্যতে ।
য॒জ্ঞেন॑ য॒জ্ঞম॑যজংত দে॒বাঃ । তানি॒ ধর্মা॑ণি প্রথ॒মান্যা॑সন্ন্ । তে হ॒ নাকং॑ মহি॒মান॑-স্সচংতে । যত্র॒ পূর্বে॑ সা॒দ্ধ্যাঃ সংতি॑ দে॒বাঃ ॥ 7
(শিরসে স্বাহা)
7.3 উত্তর নারাযণং
(তৈ. অর. 3.13.1 – তৈ. অর. 3.13.2)
অ॒দ্ভ্যঃ সংভূ॑তঃ পৃথি॒ব্যৈ রসা᳚চ্চ । বি॒শ্বক॑র্মণঃ॒ সম॑বর্ত॒তাধি॑ ।
তস্য॒ ত্বষ্টা॑ বি॒দধ॑-দ্রূ॒পমে॑তি । তত্পুরু॑ষস্য॒ বিশ্ব॒মাজা॑ন॒মগ্রে᳚ ।
বেদা॒হমে॒তং পুরু॑ষং ম॒হাংত᳚ম্ । আ॒দি॒ত্যব॑র্ণং॒ তম॑সঃ॒ পর॑স্তাত্ ।
তমে॒বং-বিঁ॒দ্বান॒মৃত॑ ই॒হ ভ॑বতি । নান্যঃ পংথা॑ বিদ্য॒তেঽয॑নায । প্র॒জাপ॑তিশ্চরতি॒ গর্ভে॑ অং॒তঃ । অ॒জায॑মানো বহু॒ধা বিজা॑যতে ।
তস্য॒ ধীরাঃ॒ পরি॑জানংতি॒ যোনি᳚ম্ । মরী॑চীনাং প॒দমি॑চ্ছংতি বে॒ধসঃ॑ ॥ 1
যো দে॒বেভ্য॒ আত॑পতি । যো দে॒বানাং᳚ পু॒রোহি॑তঃ ।
পূর্বো॒ যো দে॒বেভ্যো॑ জা॒তঃ । নমো॑ রু॒চায॒ ব্রাহ্ম॑যে । রুচং॑ ব্রা॒হ্মং জ॒নযং॑তঃ । দে॒বা অগ্রে॒ তদ॑ব্রুবন্ন্ । যস্ত্বৈ॒বং ব্রা᳚হ্ম॒ণো বি॒দ্যাত্ । তস্য॑ দে॒বা অস॒ন্ বশে᳚ । হ্রীশ্চ॑ তে ল॒ক্ষ্মীশ্চ॒ পত্ন্যৌ᳚ । অ॒হো॒রা॒ত্রে পা॒র্শ্বে । নক্ষ॑ত্রাণি রূ॒পম্ । অ॒শ্বিনৌ॒ ব্যাত্ত᳚ম্ । ই॒ষ্টং ম॑নিষাণ ।
অ॒মুং ম॑নিষাণ । সর্বং॑ মনিষাণ ॥ 2
(শিখাযৈ বষট্)
7.4 অপ্রতিরথং
(তৈ. সং. 4.6.4.1 – তৈ. সং. 4.6.4.5)
আ॒শুঃ শিশা॑নো বৃষ॒ভো ন যু॒ধ্মো ঘ॑নাঘ॒নঃ ক্ষোভ॑ণ-শ্চর্ষণী॒নাম্ ।
সং॒॒ক্রংদ॑নো-ঽনিমি॒ষ এ॑ক বী॒রশ্শ॒তগ্ম্ সেনা॑ অজযথ্সা॒-কমিংদ্রঃ॑ ।
সং॒ক্রংদ॑নেনা নিমি॒ষেণ॑ জি॒ষ্ণুনা॑ যুত্কা॒রেণ॑ দুশ্চ্যব॒নেন॑ ধৃ॒ষ্ণুনা᳚ ।
তদিংদ্রে॑ণ জযত॒ তথ্স॑হধ্বং॒-যুঁধো॑ নর॒ ইষু॑ হস্তেন॒ বৃষ্ণা᳚ ।
স ইষু॑হস্তৈঃ॒ স নি॑ষং॒গিভি॑ র্ব॒শী সগ্গ্স্র॑ষ্টা॒ সযুধ॒ ইংদ্রো॑ গ॒ণেন॑ ।
স॒গ্ম্॒সৃ॒ষ্ট॒-জিথ্সো॑ম॒পা বা॑হু শ॒র্ধ্যূ᳚র্ধ্ব-ধ॑ন্বা॒ প্রতি॑হিতা-ভি॒রস্তা᳚ ।
বৃহ॑স্পতে॒ পরি॑দীযা॒ রথে॑ন রক্ষো॒হাঽমিত্রাগ্ম্॑ অপ॒ বাধ॑মানঃ । 1
প্র॒ভং॒জন্ থ্সেনাঃ᳚ প্রমৃ॒ণো যু॒ধা জয॑ন্ন॒স্মাক॑-মেদ্ধ্যবি॒তা রথা॑নাম্ ।
গো॒ত্র॒ভিদং॑ গো॒বিদং॒-বঁজ্র॑বাহুং॒ জযং॑ত॒মজ্ম॑ প্রমৃ॒ণংত॒-মোজ॑সা ।
ই॒মগ্ম্ স॑জাতা॒ অনু॑বীর-যধ্ব॒মিংদ্রগ্ম্॑ সখা॒যোঽনু॒ সর॑ভধ্বম্ ।
ব॒ল॒বি॒জ্ঞা॒য-স্স্থবি॑রঃ॒ প্রবী॑র॒-স্সহ॑স্বান্ বা॒জী সহ॑মান উ॒গ্রঃ ।
অ॒ভিবী॑রো অ॒ভিস॑ত্বা সহো॒জা জৈত্র॑মিংদ্র॒ রথ॒মাতি॑ষ্ঠ গো॒বিত্ । 2
অ॒ভি গো॒ত্রাণি॒ সহ॑সা॒ গাহ॑মানো-ঽদা॒যো বী॒র শ্শ॒ত-ম॑ন্যু॒রিংদ্রঃ॑ ।
দু॒শ্চ্য॒ব॒নঃ পৃ॑তনা॒ষাড॑ যু॒দ্ধ্যো᳚-ঽস্মাক॒গ্ম্॒ সেনা॑ অবতু॒ প্রযু॒থ্সু ।
ইংদ্র॑ আসাং নে॒তা বৃহ॒স্পতি॒ র্দক্ষি॑ণা য॒জ্ঞঃ পু॒র এ॑তু॒ সোমঃ॑ ।
দে॒ব॒সে॒নানা॑-মভিভং জতী॒নাং জযং॑তীনাং ম॒রুতো॑ যং॒ত্বগ্রে᳚ ।
ইংদ্র॑স্য॒ বৃষ্ণো॒ বরু॑ণস্য॒ রাজ্ঞ॑ আদি॒ত্যানাং᳚ ম॒রুতা॒গ্ম্॒ শর্ধ॑ উ॒গ্রম্ ।
ম॒হাম॑নসাং ভুবনচ্য॒বানাং॒ ঘোষো॑ দে॒বানাং॒ জয॑তা॒ মুদ॑স্থাত্ ।
অ॒স্মাক॒-মিংদ্রঃ॒-সমৃ॑তেষু-ধ্ব॒জে-ষ্ব॒স্মাকং॒-যাঁ ইষ॑ব॒স্তা জ॑যংতু । 3
অ॒স্মাকং॑-বীঁ॒রা উত্ত॑রে ভবংত্ব॒স্মানু॑ দেবা অবতা॒ হবে॑ষু । উদ্ধ॑র্ষয মঘব॒ন্না-যু॑ধা॒-ন্যুথ্সত্ব॑নাং মাম॒কানাং॒ মহাগ্ম্॑সি ।
উদ্বৃ॑ত্রহন্ বা॒জিনাং॒-বাঁজি॑না॒-ন্যুদ্রথা॑নাং॒ জয॑তামেতু॒ ঘোষঃ॑ ।
উপ॒প্রেত॒ জয॑তা নরঃ স্থি॒রা বঃ॑ সংতু বা॒হবঃ॑ । ইংদ্রো॑ বঃ॒ শর্ম॑ যচ্ছত্বনা-ধৃ॒ষ্যা যথাঽস॑থ । অব॑সৃষ্টা॒ পরা॑পত॒ শর॑ব্যে॒ ব্রহ্ম॑ সগ্ম্শিতা । গচ্ছা॒মিত্রা॒ন্ প্রবি॑শ॒ মৈষাং॒ কংচ॒নোচ্ছি॑ষঃ ।
মর্মা॑ণি তে॒ বর্ম॑ভিশ্ছা-দযামি॒ সোম॑স্ত্বা॒ রাজা॒ঽমৃতে॑না॒-ভিব॑স্তাম্ । উ॒রো র্বরী॑যো॒ বরি॑বস্তে অস্তু॒ জযং॑তং॒ ত্বামনু॑ মদংতু দে॒বাঃ । যত্র॑ বা॒ণাঃ সং॒পতং॑তি কুমা॒রা বি॑শি॒খা ই॑ব ।
ইংদ্রো॑ ন॒স্তত্র॑ বৃত্র॒হা বি॑শ্বা॒হা শর্ম॑ যচ্ছতু ॥ 4 ॥ (কবচায হুং)
7.5 প্রতি পূরুষদ্বযং
(তৈ. সং. 1.8.6.1 – তৈ. সং. 1.8.6.2)
(তৈ. ব্রা. 1.6.10.1 – তৈ. ব্রা. 1.6.10.5)
প্র॒তি॒পূ॒রু॒ষ মেক॑কপালা॒ন্ নির্ব॑প॒ত্যে-ক॒মতি॑রিক্তং॒-যাঁবং॑তো গৃ॒হ্যাঃ᳚ স্মস্তেভ্যঃ॒ কম॑করং পশূ॒নাগ্ম্ শর্মা॑সি॒ শর্ম॒ যজ॑মানস্য॒ শর্ম॑ মে
য॒চ্ছৈক॑ এ॒ব রু॒দ্রো ন দ্বি॒তীযা॑য তস্থ আ॒খুস্তে॑ রুদ্র প॒শুস্তং জু॑ষস্বৈ॒ষ তে॑ রুদ্র ভা॒গঃ স॒হ স্বস্রাং-ঽবি॑কযা॒ তংজু॑ষস্ব ভেষ॒জং গবেঽশ্বা॑য॒
পুরু॑ষায ভেষ॒জমথো॑ অ॒স্মভ্যং॑ ভেষ॒জগ্ম্ সুভে॑ষজং॒-যঁথাঽস॑তি । 1
সু॒গং মে॒ষায॑ মে॒ষ্যা॑ অবা᳚বং রু॒দ্রম॑দি-ম॒হ্যব॑ দে॒বং ত্র্য॑বংকম্ ।
যথা॑ নঃ॒ শ্রেয॑সঃ॒ কর॒দ্যথা॑ নো॒ বস্য॑ সঃ॒ কর॒দ্যথা॑ নঃ পশু॒মতঃ॒
কর॒দ্যথা॑ নো ব্যবসা॒যযা᳚ত্ । ত্র্য॑বংকং-যঁজামহে সুগং॒ধিং পু॑ষ্টি॒বর্ধ॑নম্ ।
উ॒র্বা॒রু॒কমি॑ব॒ বংধ॑নান্ মৃ॒ত্যো র্মু॑ক্ষীয॒ মাঽমৃতা᳚ত্ । এ॒ষতে॑ রুদ্র ভা॒গ স্তংজু॑ষস্ব॒ তেনা॑ব॒সেন॑ প॒রো মূজ॑ব॒তো-ঽতী॒হ্যব॑তত
ধন্বা॒ পিনা॑কহস্তঃ॒ কৃত্তি॑বাসাঃ ॥ 2
প্র॒তি॒পূ॒রু॒ষ-মেক॑কপালা॒ন্ নির্ব॑পতি । জা॒তা এ॒ব প্র॒জা রু॒দ্রান্ নি॒রব॑দযতে । এক॒মতি॑রিক্তম্ । জ॒নি॒ষ্যমা॑ণা এ॒ব প্র॒জা রু॒দ্রান্ নি॒রব॑দযতে । এক॑কপালা ভবংতি । এ॒ক॒ধৈব রু॒দ্রং নি॒রব॑দযতে । নাভিঘা॑রযতি । যদ॑ভিঘা॒রযে᳚ত্ । অং॒ত॒র॒ব॒-চা॒রিণগ্ম্॑ রু॒দ্রং কু॑র্যাত্ ।
এ॒কো॒ল্মু॒কেন॑ যংতি । 3
তদ্ধি রু॒দ্রস্য॑ ভাগ॒ধেয᳚ম্ । ই॒মাং দিশং॑-যংঁতি । এ॒ষা বৈ রু॒দ্রস্য॒ দিক্ । স্বাযা॑ মে॒ব দি॒শি রু॒দ্রং নি॒রব॑দযতে । রু॒দ্রো বা অ॑প॒শুকা॑যা॒ আহু॑ত্যৈ॒ নাতি॑ষ্ঠত । অ॒সৌ তে॑ প॒শুরিতি॒ নির্দি॑শে॒দ্যং দ্বি॒ষ্যাত্ । যমে॒ব দ্বেষ্টি॑ ।
তম॑স্মৈ প॒শুং নির্দি॑শতি । যদি॒ ন দ্বি॒ষ্যাত্ ।
আ॒খুস্তে॑ প॒শুরিতি॑ ব্রূযাত্ । 4
ন গ্রা॒ম্যান্ প॒শূন্ হি॒নস্তি॑ । নার॒ণ্যান্ । চ॒তু॒ষ্প॒থে জু॑হোতি । এ॒ষ বা অ॑গ্নী॒নাং পড্বী॑শো॒ নাম॑ । অ॒গ্নি॒বত্যে॒ব জু॑হোতি ।
ম॒দ্ধ্য॒মেন॑ প॒র্ণেন॑ জুহোতি । স্রুগ্ঘ্যে॑ষা । অথো॒ খলু॑ । অং॒ত॒মেনৈ॒ব হো॑ত॒ব্য᳚ম্ । অং॒ত॒ত এ॒ব রু॒দ্রং নি॒রব॑দযতে । 5
এষ॒ তে॑ রুদ্রভা॒গঃ স॒হস্বস্রাং-ঽবি॑ক॒যেত্যা॑হ । শ॒রদ্বা অ॒স্যাংবি॑কা॒ স্বসা᳚ ।
তযা॒ বা এ॒ষ হি॑নস্তি । যগ্ম্ হি॒নস্তি॑ । তযৈ॒বৈনগ্ম্॑ স॒হ শ॑মযতি ।
ভে॒ষ॒জংগব॒ ইত্যা॑হ । যাবং॑ত এ॒ব গ্রা॒ম্যাঃ প॒শবঃ॑ । তেভ্যো॑ ভেষ॒জং ক॑রোতি । অবা᳚বং রু॒দ্রম॑দি ম॒হীত্যা॑হ । আ॒শিষ॑মে॒বৈ-তামা শা᳚স্তে । 6
ত্র্য॑বংকং-যঁজামহ॒ ইত্যা॑হ । মৃ॒ত্যো র্মু॑ক্ষীয॒ মাঽমৃতা॒-দিতি॒ বা বৈ তদা॑হ ।
উত্কি॑রংতি । ভগ॑স্য লীফ্সংতে । মূতে॑ কৃ॒ত্বা স॑জংতি ।
যথা॒ জনং॑-যঁ॒তে॑ঽব॒সং ক॒রোতি॑ । তা॒দৃগে॒ব তত্ । এ॒ষ তে॑ রুদ্রভা॒গ ইত্যা॑হ নি॒রব॑ত্যৈ । অপ্র॑তীক্ষ॒-মাযং॑তি । অ॒পঃ পরি॑ষিংচতি । রু॒দ্রস্যাং॒ত র্হি॑ত্যৈ । প্রবা এ॒তে᳚ঽস্মা-ল্লো॒কা-চ্চ্য॑বংতে । যে ত্র্য॑বংকৈ॒-শ্চরং॑তি । আ॒দি॒ত্যং চ॒রুং পুন॒রেত্য॒ নির্ব॑পতি । ই॒যং-বাঁ অদি॑তিঃ । অ॒স্যামে॒ব প্রতি॑তিষ্ঠংতি ॥ 7 (নেত্রত্রযা॑য বৌ॒ষট্)
7.6 শত রুদ্রীযং
তৈ. ব্রা. 3.11.2.1 – তৈ. ব্রা. 3.11.2.4
ত্বম॑গ্নে রু॒দ্রো অসু॑রো ম॒হো দি॒বঃ । ত্বগ্ম্ শর্ধো॒ মারু॑তং পৃ॒ক্ষ ঈ॑শিষে ।
ত্বং-বাঁতৈ॑ররু॒ণৈ র্যা॑সি শংগ॒যঃ । ত্বং পূ॒ষা বি॑ধ॒তঃ পা॑সি॒ নুত্মনাঃ᳚ ।
দেবা॑ দে॒বেষু॑ শ্রযদ্ধ্বম্ । প্রথ॑মা দ্বি॒তীযে॑ষু শ্রযদ্ধ্বম্ ।
দ্বিতী॑যা-স্তৃ॒তীযে॑ষু শ্রযদ্ধ্বম্ । তৃতী॑যা-শ্চতু॒র্থেষু॑ শ্রযদ্ধ্বম্ ।
চ॒তু॒র্থাঃ পং॑চ॒মেষু॑ শ্রযদ্ধ্বম্ । পং॒চ॒মাঃ ষ॒ষ্ঠেষু॑ শ্রযদ্ধ্বম্ । 1
ষ॒ষ্ঠাঃ স॑প্ত॒মেষু॑ শ্রযদ্ধ্বম্ । স॒প্ত॒মা অ॑ষ্ট॒মেষু॑ শ্রযদ্ধ্বম্ ।
অ॒ষ্ট॒মা ন॑ব॒মেষু॑ শ্রযদ্ধ্বম্ । ন॒ব॒মা দ॑শ॒মেষু॑ শ্রযদ্ধ্বম্ ।
দ॒শ॒মা এ॑কাদ॒শেষু॑ শ্রযদ্ধ্বম্ । এ॒ক॒দ॒শা দ্বা॑দ॒শেষু॑ শ্রযদ্ধ্বম্ ।
দ্বা॒দ॒শা-স্ত্র॑যোদ॒শেষু॑ শ্রযদ্ধ্বম্ । ত্র॒যো॒দ॒শা-শ্চ॑তু র্দে॒শেষু॑ শ্রযদ্ধ্বম্ ।
চ॒তু॒র্দ॒শাঃ পং॑চদ॒শেষু॑ শ্রযদ্ধ্বম্ । পং॒চ॒দ॒শাঃ ষো॑ড॒শেষু॑ শ্রযদ্ধ্বম্ । 2
ষো॒ড॒শাঃ স॑প্তদ॒শেষু॑ শ্রযদ্ধ্বম্ । স॒প্ত॒দ॒শা অ॑ষ্টাদ॒শেষু॑ শ্রযদ্ধ্বম্ ।
অ॒ষ্টা॒দ॒শা এ॑কান্নবি॒গ্ম্॒শেষু॑ শ্রযদ্ধ্বম্ ।
এ॒কা॒ন্ন॒বি॒গ্ম্॒শা বি॒গ্ম্॒শেষু॑ শ্রযদ্ধ্বম্ ।
বি॒গ্ম্॒শা এ॑কবি॒গ্ম্॒শেষু॑ শ্রযদ্ধ্বম্ ।
এ॒ক॒বি॒গ্ম্॒শা দ্বা॑বি॒গ্ম্॒শেষু॑ শ্রযদ্ধ্বম্ ।
দ্বা॒বি॒গ্ম্॒শা স্ত্র॑যোবি॒গ্ম্॒শেষু॑ শ্রযদ্ধ্বম্ ।
ত্র॒যো॒বি॒গ্ম্॒শা শ্চ॑তুর্বি॒গ্ম্॒শেষু॑ শ্রযদ্ধ্বম্ । চ॒তু॒র্বি॒গ্ম্॒শাঃ পং॑চবি॒গ্ম্॒শেষু॑ শ্রযদ্ধ্বম্ ।
পং॒চ॒বি॒গ্ম্॒শাঃ ষ॑ড্বি॒গ্ম্॒শেষু॑ শ্রযদ্ধ্বম্ । 3
ষ॒ড্বি॒গ্ম্॒শা স্স॑প্তবি॒গ্ম্॒শেষু॑ শ্রযদ্ধ্বম্ । স॒প্ত॒বি॒গ্ম্॒শা অ॑ষ্টাবি॒গ্ম্॒শেষু॑ শ্রযদ্ধ্বম্ । অ॒ষ্টা॒বি॒গ্ম্॒শা এ॑কান্নত্রি॒গ্ম্॒শেষু॑ শ্রযদ্ধ্বম্ । এ॒কা॒ন্ন॒ত্রি॒গ্ম্॒শা স্ত্রি॒গ্ম্॒শেষু॑ শ্রযদ্ধ্বম্ । ত্রি॒গ্ম্॒শা এ॑কত্রি॒গ্ম্॒শেষু॑ শ্রযদ্ধ্বম্ । এ॒ক॒ত্রি॒গ্ম্॒শা দ্বা᳚ত্রি॒গ্ম্॒শেষু॑ শ্রযদ্ধ্বম্ । দ্বা॒ত্রি॒গ্ম্॒শা ত্র॑যস্ত্রি॒গ্ম্॒শেষু॑ শ্রযদ্ধ্বম্ । দেবা᳚স্ত্রিরেকাদশা॒ স্ত্রিস্ত্র॑যস্ত্রিগ্ম্শাঃ । উত্ত॑রে ভবত । উত্ত॑র বর্ত্মান॒ উত্ত॑র সত্বানঃ । যত্কা॑ম ই॒দং জু॒হোমি॑ । তন্মে॒ সমৃ॑দ্ধ্যতাম্ । ব॒যগ্গ্স্যা॑ম॒ পত॑যো রযী॒ণাম্ । ভূর্ভুব॒স্ব॑স্স্বাহা᳚ । 4
(অস্ত্রায ফট্ )
7.7 পংচাংগ জপঃ
হ॒গ্ম্॒স॑-শ্শুচি॒ষ-দ্বসু॑রংতরিক্ষ॒ সদ্ধোতা॑ বেদি॒ষ দতি॑থি-র্দুরোণ॒সত্ । নৃ॒ষদ্ব॑র॒-সধৃ॑ত॒-সদ্ব্যো॑ম॒ সদ॒ব্জা গো॒জা ঋ॑ত॒জা
অ॑দ্রি॒জা ঋ॒তং বৃ॒হত্ । 1 (তৈ. সং. 4.2.1.5)
প্রতদ্বিষ্ণু॑-স্তবতে বী॒র্যা॑য । মৃ॒গো ন ভী॒মঃ কু॑চ॒রো গি॑রি॒ষ্ঠাঃ । যস্যো॒রুষু॑ ত্রি॒ষু বি॒ক্রম॑ণেষু । অধি॑ক্ষি॒যংতি॒ ভুব॑নানি॒ বিশ্বা᳚ ॥ 2 (তৈ. ব্রা. 2.4.3.4)
ত্র্য॑বংকং-যঁজামহে সুগং॒ধিং পু॑ষ্টি॒বর্ধ॑নম্ । উ॒র্বা॒রু॒কমি॑ব॒ বংধ॑নান্ মৃ॒ত্যো র্মু॑ক্ষীয॒ মাঽমৃতা᳚ত্ । 3
তথ্স॑বি॒তু র্বৃ॑ণীমহে । ব॒যং দে॒বস্য॒ ভোজ॑নম্ । শ্রেষ্ঠগ্ম্॑ সর্ব॒-ধাত॑মম্ । তুরং॒ ভগ॑স্য ধীমহি । 4 (তৈ. অর. 1.11.3)
বিষ্ণু॒ র্যোনিং॑ কল্পযতু । ত্বষ্টা॑ রূ॒পাণি॑ পিগ্ম্শতু । আসিং॑চতু প্র॒জাপ॑তিঃ । ধা॒তা গর্ভং॑ দধাতু তে । 5 (এআখ্ 1.13.1)
7.8 অষ্টাংগ প্রণামঃ
হি॒র॒ণ্য॒গ॒র্ভ-স্সম॑বর্ত॒-তাগ্রে॑ ভূ॒তস্য॑ জা॒তঃ পতি॒রেক॑ আসীত্ । সদা॑ধার পৃথি॒বীং দ্যামু॒তেমাং কস্মৈ॑ দে॒বায॑ হ॒বিষা॑ বিধেম । (উমামহেশ্বরাভ্যাং নমঃ) । 1 (তৈ. সং. 4.1.8.3)
যঃ প্রা॑ণ॒তো নি॑মিষ॒তো ম॑হি॒ত্বৈক॒ ইদ্রাজা॒ জগ॑তো ব॒ভূব॑ । য ঈশে॑ অ॒স্য দ্বি॒পদ॒-শ্চতু॑ষ্পদঃ॒ কস্মৈ॑ দে॒বায॑ হ॒বিষা॑ বিধেম ॥ (উমামহেশ্বরাভ্যাং নমঃ) । 2 (তৈ. সং. 4.1.8.4)
ব্রহ্ম॑জজ্ঞা॒নং প্র॑থ॒মং পু॒রস্তা॒-দ্বিসী॑ম॒ত-স্সু॒রুচো॑ বে॒ন আ॑বঃ ।
স বু॒ধ্নিযা॑ উপ॒মা অ॑স্য বি॒ষ্ঠা-স্স॒তশ্চ॒ যোনি॒ম-স॑তশ্চ॒ বিবঃ॑ । (উমামহেশ্বরাভ্যাং নমঃ) । 3 (তৈ. সং. 4.2.8.2.)
ম॒হী দ্যৌঃ পৃ॑থি॒বী চ॑ ন ই॒মং-যঁ॒জ্ঞং মি॑মিক্ষতাম্ । পি॒পৃ॒তান্নো॒ ভরী॑মভিঃ । (উমামহেশ্বরাভ্যাং নমঃ) । 4 (তৈ. সং. 3.3.10.2)
উপ॑শ্বাসয পৃথি॒বী-মু॒ত দ্যাং পু॑রু॒ত্রা তে॑ মনুতাং॒-বিঁষ্ঠি॑তং॒ জগ॑ত্ ।
স দুং॑দুভে স॒জূরিংদ্রে॑ণ দে॒বৈ-র্দূ॒রাদ্দবী॑যো॒ অপ॑সেধ॒ শত্রূন্॑ । (উমামহেশ্বরাভ্যাং নমঃ) । 5 (তৈ. সং. 4.6.6.6)
অগ্নে॒ নয॑ সু॒পথা॑ রা॒যে অ॒স্মান্ বিশ্বা॑নি দেব ব॒যুনা॑নি বি॒দ্বান্ । যু॒যো॒দ্ধ্য॑স্ম-জ্জু॑হুরা॒ণ-মেনো॒ ভূযি॑ষ্ঠাংতে॒ নম॑ উক্তিং-বিঁধেম ॥ (উমামহেশ্বরাভ্যাং নমঃ) । 6 (তৈ. সং. 1.1.14.3)
যা তে॑ অগ্নে॒ রুদ্রি॑যা ত॒নূস্তযা॑ নঃ পাহি॒ তস্যা᳚স্তে॒ স্বাহা᳚ । (উমামহেশ্বরাভ্যাং নমঃ) । 7 (তৈ. সং. 1.2.11.2)
ই॒মং-যঁ॑ম প্রস্ত॒রমাহি সীদাংগি॑রোভিঃ পি॒তৃভি॑-স্সংবিঁদা॒নঃ । আত্বা॒ মংত্রাঃ᳚ কবিশ॒স্তা ব॑হংত্বে॒না রা॑জন্ হ॒বিষা॑ মাদযস্ব ॥ (উমামহেশ্বরাভ্যাং নমঃ) । 8 (তৈ. সং. 2.6.12.6)