కృష్ణ యజుర్వేదీయ తైత్తిరీయ సంహితాయాం సప్తమకాణ్డే ప్రథమః ప్రశ్నః- అశ్వమేధగతమన్త్రాణామభిధానం
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
ప్ర॒జన॑న॒-ఞ్జ్యోతి॑ర॒గ్ని-ర్దే॒వతా॑నా॒-ఞ్జ్యోతి॑ర్వి॒రాట్ ఛన్ద॑సా॒-ఞ్జ్యోతి॑ర్వి॒రా-డ్వా॒చో᳚-ఽగ్నౌ స-న్తి॑ష్ఠతే వి॒రాజ॑మ॒భి సమ్ప॑ద్యతే॒ తస్మా॒-త్తజ్జ్యోతి॑రుచ్యతే॒ ద్వౌ స్తోమౌ᳚ ప్రాతస్సవ॒నం-వఀ ॑హతో॒ యథా᳚ ప్రా॒ణశ్చా॑-ఽపా॒నశ్చ॒ ద్వౌ మాద్ధ్య॑దిన్న॒గ్ం॒ సవ॑నం॒-యఀథా॒ చఖ్షు॑శ్చ॒ శ్రోత్ర॑-ఞ్చ॒ ద్వౌ తృ॑తీయసవ॒నం-యఀథా॒ వాక్చ॑ ప్రతి॒ష్ఠా చ॒ పురు॑షసమ్మితో॒ వా ఏ॒ష య॒జ్ఞో-ఽస్థూ॑రి॒- [య॒జ్ఞో-ఽస్థూ॑రిః, య-ఙ్కామ॑-ఙ్కా॒మయ॑తే॒] 1
-ర్య-ఙ్కామ॑-ఙ్కా॒మయ॑తే॒ తమే॒తేనా॒భ్య॑శ్ఞుతే॒ సర్వ॒గ్గ్॒ హ్యస్థూ॑రిణా-ఽభ్యశ్ఞు॒తే᳚ ఽగ్నిష్టో॒మేన॒ వై ప్ర॒జాప॑తిః ప్ర॒జా అ॑సృజత॒ తా అ॑గ్నిష్టో॒మేనై॒వ పర్య॑గృహ్ణా॒-త్తాసా॒-మ్పరి॑గృహీతానా-మశ్వత॒రో-ఽత్య॑ప్రవత॒ తస్యా॑ను॒హాయ॒రేత॒ ఆ-ఽద॑త్త॒ త-ద్గ॑ర్ద॒భే న్య॑మా॒ర్-ట్తస్మా᳚-ద్గర్ద॒భో ద్వి॒రేతా॒ అథో॑ ఆహు॒ర్వడ॑బాయా॒-న్న్య॑మా॒ర్డితి॒ తస్మా॒-ద్వడ॑బా ద్వి॒రేతా॒ అథో॑ ఆహు॒-రోష॑ధీషు॒- [ఆహు॒-రోష॑ధీషు, న్య॑మా॒ర్డితి॒] 2
-న్య॑మా॒ర్డితి॒ తస్మా॒దోష॑ధ॒యో ఽన॑భ్యక్తా రేభ॒న్త్యథో॑ ఆహుః ప్ర॒జాసు॒ న్య॑మా॒ర్డితి॒ తస్మా᳚-ద్య॒మౌ జా॑యేతే॒ తస్మా॑దశ్వత॒రో న ప్ర జా॑యత॒ ఆత్త॑రేతా॒ హి తస్మా᳚-ద్బ॒ర్॒హిష్యన॑వకౢప్త-స్సర్వవేద॒సే వా॑ స॒హస్రే॒ వా-ఽవ॑ కౢ॒ప్తో-ఽతి॒ హ్యప్ర॑వత॒ య ఏ॒వం-విఀ॒ద్వాన॑గ్నిష్టో॒మేన॒ యజ॑తే॒ ప్రాజా॑తాః ప్ర॒జా జ॒నయ॑తి॒ పరి॒ ప్రజా॑తా గృహ్ణాతి॒ తస్మా॑దాహుర్జ్యేష్ఠయ॒జ్ఞ ఇతి॑ [ ] 3
ప్ర॒జాప॑తి॒ర్వావ జ్యేష్ఠ॒-స్స హ్యే॑తేనాగ్రే-ఽయ॑జత ప్ర॒జాప॑తిరకామయత॒ ప్ర జా॑యే॒యేతి॒ స ము॑ఖ॒తస్త్రి॒వృత॒-న్నిర॑మిమీత॒ తమ॒గ్నిర్దే॒వతా ఽన్వ॑సృజ్యత గాయ॒త్రీ ఛన్దో॑ రథన్త॒రగ్ం సామ॑ బ్రాహ్మ॒ణో మ॑ను॒ష్యా॑ణామ॒జః ప॑శూ॒నా-న్తస్మా॒-త్తే ముఖ్యా॑ ముఖ॒తో హ్యసృ॑జ్య॒న్తోర॑సో బా॒హుభ్యా᳚-మ్పఞ్చద॒శ-న్నిర॑మిమీత॒ తమిన్ద్రో॑ దే॒వతా ఽన్వ॑సృజ్యత త్రి॒ష్టు-ప్ఛన్దో॑ బృ॒హ- [బృ॒హత్, సామ॑ రాజ॒న్యో॑] 4
-థ్సామ॑ రాజ॒న్యో॑ మను॒ష్యా॑ణా॒మవిః॑ పశూ॒నా-న్తస్మా॒-త్తే వీ॒ర్యా॑వన్తో వీ॒ర్యా᳚ద్ధ్యసృ॑జ్యన్త మద్ధ్య॒త-స్స॑ప్తద॒శ-న్నిర॑మిమీత॒ తం-విఀశ్వే॑ దే॒వా దే॒వతా॒ అన్వ॑సృజ్యన్త॒ జగ॑తీ॒ ఛన్దో॑ వై రూ॒పగ్ం సామ॒ వైశ్యో॑ మను॒ష్యా॑ణా॒-ఙ్గావః॑ పశూ॒నా-న్తస్మా॒-త్త ఆ॒ద్యా॑ అన్న॒ధానా॒ద్ధ్య సృ॑జ్యన్త॒ తస్మా॒-ద్భూయాగ్ం॑సో॒ ఽన్యేభ్యో॒ భూయి॑ష్ఠా॒ హి దే॒వతా॒ అన్వసృ॑జ్యన్త ప॒త్త ఏ॑కవి॒గ్ం॒ శ-న్నిర॑మిమీత॒ తమ॑ను॒ష్టు-ప్ఛన్దో- [తమ॑ను॒ష్టు-ప్ఛన్దః॑, అన్వ॑సృజ్యత] 5
-ఽన్వ॑సృజ్యత వైరా॒జగ్ం సామ॑ శూ॒ద్రో మ॑ను॒ష్యా॑ణా॒-మశ్వః॑ పశూ॒నా-న్తస్మా॒-త్తౌ భూ॑తస-ఙ్క్రా॒మిణా॒వశ్వ॑శ్చ శూ॒ద్రశ్చ॒ తస్మా᳚చ్ఛూ॒ద్రో య॒జ్ఞే-ఽన॑వకౢప్తో॒ న హి దే॒వతా॒ అన్వసృ॑జ్యత॒ తస్మా॒-త్పాదా॒వుప॑ జీవతః ప॒త్తో హ్యసృ॑జ్యేతా-మ్ప్రా॒ణా వై త్రి॒వృద॑ర్ధమా॒సాః ప॑ఞ్చద॒శః ప్ర॒జాప॑తి-స్సప్తద॒శస్త్రయ॑ ఇ॒మే లో॒కా అ॒సావా॑ది॒త్య ఏ॑కవి॒గ్ం॒శ ఏ॒తస్మి॒న్ వా ఏ॒తే శ్రి॒తా ఏ॒తస్మి॒-న్ప్రతి॑ష్ఠితా॒ య ఏ॒వం-వేఀదై॒తస్మి॑న్నే॒వ శ్ర॑యత ఏ॒తస్మి॒-న్ప్రతి॑ తిష్ఠతి ॥ 6 ॥
(అస్థూ॑రి॒ – రోష॑ధీషు – జ్యేష్ఠయ॒జ్ఞ ఇతి॑ – బృ॒హ – ద॑ను॒ష్టు-ప్ఛన్దః॒ – ప్రతి॑ష్ఠితా॒ – నవ॑ చ) (అ. 1)
ప్రా॒త॒స్స॒వ॒నే వై గా॑య॒త్రేణ॒ ఛన్ద॑సా త్రి॒వృతే॒ స్తోమా॑య॒ జ్యోతి॒ర్దధ॑దేతి త్రి॒వృతా᳚ బ్రహ్మవర్చ॒సేన॑ పఞ్చద॒శాయ॒ జ్యోతి॒ర్దధ॑దేతి పఞ్చద॒శేనౌజ॑సా వీ॒ర్యే॑ణ సప్తద॒శాయ॒ జ్యోతి॒ర్దధ॑దేతి సప్తద॒శేన॑ ప్రాజాప॒త్యేన॑ ప్ర॒జన॑నేనైకవి॒గ్ం॒శాయ॒ జ్యోతి॒ర్దధ॑దేతి॒ స్తోమ॑ ఏ॒వ త-థ్స్తోమా॑య॒ జ్యోతి॒ర్దధ॑దే॒త్యథో॒ స్తోమ॑ ఏ॒వ స్తోమ॑మ॒భి ప్ర ణ॑యతి॒ యావ॑న్తో॒ వై స్తోమా॒స్తావ॑న్తః॒ కామా॒స్తావ॑న్తో లో॒కా -స్తావ॑న్తి॒ జ్యోతీగ్॑ష్యే॒తావ॑త ఏ॒వ స్తోమా॑నే॒తావ॑తః॒ కామా॑నే॒తావ॑తో లో॒కానే॒తావ॑న్తి॒ జ్యోతీ॒గ్॒ష్యవ॑ రున్ధే ॥ 7 ॥
(తావ॑న్తో లో॒కా – స్త్రయో॑దశ చ) (అ. 2)
బ్ర॒హ్మ॒వా॒దినో॑ వదన్తి॒ స త్వై య॑జేత॒ యో᳚-ఽగ్నిష్టో॒మేన॒ యజ॑మా॒నో-ఽథ॒ సర్వ॑స్తోమేన॒ యజే॒తేతి॒ యస్య॑ త్రి॒వృత॑మన్త॒ర్యన్తి॑ ప్రా॒ణాగ్-స్తస్యా॒న్తర్య॑న్తి ప్రా॒ణేషు॒ మే-ఽప్య॑స॒దితి॒ ఖలు॒ వై య॒జ్ఞేన॒ యజ॑మానో యజతే॒ యస్య॑ పఞ్చద॒శమ॑న్త॒ర్యన్తి॑ వీ॒ర్య॑-న్తస్యా॒న్తర్య॑న్తి వీ॒ర్యే॑ మే-ఽప్య॑స॒దితి॒ ఖలు॒ వై య॒జ్ఞేన॒ యజ॑మానో యజతే॒ యస్య॑ సప్తద॒శ-మ॑న్త॒ర్యన్తి॑ [ ] 8
ప్ర॒జా-న్తస్యా॒న్తర్య॑న్తి ప్ర॒జాయా॒-మ్మే-ఽప్య॑స॒దితి॒ ఖలు॒ వై య॒జ్ఞేన॒ యజ॑మానో యజతే॒ యస్యై॑కవి॒గ్ం॒శమ॑న్త॒ర్యన్తి॑ ప్రతి॒ష్ఠా-న్తస్యా॒న్తర్య॑న్తి ప్రతి॒ష్ఠాయా॒-మ్మే-ఽప్య॑స॒దితి॒ ఖలు॒ వై య॒జ్ఞేన॒ యజ॑మానో యజతే॒ యస్య॑ త్రిణ॒వమ॑న్త॒ర్యన్త్యృ॒తూగ్శ్చ॒ తస్య॑ నఖ్ష॒త్రియా᳚-ఞ్చ వి॒రాజ॑మ॒న్తర్య॑న్త్యృ॒తుషు॒ మే-ఽప్య॑సన్నఖ్ష॒త్రియా॑యా-ఞ్చ వి॒రాజీతి॒ [వి॒రాజీతి॑, ఖలు॒ వై] 9
ఖలు॒ వై య॒జ్ఞేన॒ యజ॑మానో యజతే॒ యస్య॑ త్రయస్త్రి॒గ్ం॒శమ॑న్త॒ర్యన్తి॑ దే॒వతా॒స్తస్యా॒న్తర్య॑న్తి దే॒వతా॑సు॒ మే-ఽప్య॑స॒దితి॒ ఖలు॒ వై య॒జ్ఞేన॒ యజ॑మానో యజతే॒ యో వై స్తోమా॑నామవ॒మ-మ్ప॑ర॒మతా॒-ఙ్గచ్ఛ॑న్తం॒-వేఀద॑ పర॒మతా॑మే॒వ గ॑చ్ఛతి త్రి॒వృద్వై స్తోమా॑నామవ॒మస్త్రి॒వృ-త్ప॑ర॒మో య ఏ॒వం-వేఀద॑ పర॒మతా॑మే॒వ గ॑చ్ఛతి ॥ 10 ॥
(స॒ప్త॒ద॒శమ॑న్త॒ర్యన్తి॑ – వి॒రాజీతి॒ – చతు॑శ్చత్వారిగ్ంశచ్చ) (అ. 3)
అఙ్గి॑రసో॒ వై స॒త్రమా॑సత॒ తే సు॑వ॒ర్గం-లోఀ॒కమా॑య॒-న్తేషాగ్ం॑ హ॒విష్మాగ్॑శ్చ హవి॒ష్కృచ్చా॑-ఽహీయేతా॒-న్తావ॑కామయేతాగ్ం సువ॒ర్గం-లోఀ॒కమి॑యా॒వేతి॒ తావే॒త-న్ద్వి॑రా॒త్రమ॑పశ్యతా॒-న్తమా-ఽహ॑రతా॒-న్తేనా॑యజేతా॒-న్తతో॒ వై తౌ సు॑వ॒ర్గం-లోఀ॒కమై॑తాం॒-యఀ ఏ॒వం-విఀ॒ద్వా-న్ద్వి॑రా॒త్రేణ॒ యజ॑తే సువ॒ర్గమే॒వ లో॒కమే॑తి॒ తావైతా॒-మ్పూర్వే॒ణాహ్నా ఽగ॑చ్ఛతా॒-ముత్త॑రేణా- [-ముత్త॑రేణ, అ॒భి॒ప్ల॒వః పూర్వ॒] 11
-భిప్ల॒వః పూర్వ॒-మహ॑ర్భవతి॒ గతి॒రుత్త॑ర॒-ఞ్జ్యోతి॑ష్టోమో-ఽగ్నిష్టో॒మః పూర్వ॒మహ॑ర్భవతి॒ తేజ॒స్తేనావ॑ రున్ధే॒ సర్వ॑స్తోమో-ఽతిరా॒త్ర ఉత్త॑ర॒గ్ం॒ సర్వ॒స్యా-ఽఽప్త్యై॒ సర్వ॒స్యా-ఽవ॑రుద్ధ్యై గాయ॒త్ర-మ్పూర్వే-ఽహ॒న్థ్సామ॑ భవతి॒ తేజో॒ వై గా॑య॒త్రీ గా॑య॒త్రీ బ్ర॑హ్మవర్చ॒స-న్తేజ॑ ఏ॒వ బ్ర॑హ్మవర్చ॒సమా॒త్మ-న్ధ॑త్తే॒ త్రైష్టు॑భ॒ముత్త॑ర॒ ఓజో॒ వై వీ॒ర్య॑-న్త్రి॒ష్టుగోజ॑ ఏ॒వ వీ॒ర్య॑మా॒త్మ-న్ధ॑త్తే రథన్త॒ర-మ్పూర్వే॑- [రథన్త॒ర-మ్పూర్వే᳚, అహ॒న్-థ్సామ॑] 12
-ఽహ॒న్-థ్సామ॑ భవతీ॒యం-వైఀ ర॑థన్త॒రమ॒స్యామే॒వ ప్రతి॑ తిష్ఠతి బృ॒హదుత్త॑రే॒-ఽసౌ వై బృ॒హద॒ముష్యా॑మే॒వ ప్రతి॑ తిష్ఠతి॒ తదా॑హుః॒ క్వ॑ జగ॑తీ చా-ఽను॒ష్టు-ప్చేతి॑ వైఖాన॒స-మ్పూర్వే-ఽహ॒న్-థ్సామ॑ భవతి॒ తేన॒ జగ॑త్యై॒ నైతి॑ షోడ॒శ్యుత్త॑రే॒ తేనా॑ను॒ష్టుభో-ఽథా॑ ఽఽహు॒ర్య-థ్స॑మా॒నే᳚-ఽర్ధమా॒సే స్యాతా॑-మన్యత॒రస్యాహ్నో॑ వీ॒ర్య॑మను॑ పద్యే॒తేత్య॑-మావా॒స్యా॑యా॒-మ్పూర్వ॒మహ॑-ర్భవ॒త్యుత్త॑రస్మి॒-న్నుత్త॑ర॒-న్నానై॒వా ఽర్ధ॑మా॒సయో᳚ర్భవతో॒ నానా॑వీర్యే భవతో హ॒విష్మ॑న్నిధన॒-మ్పూర్వ॒మహ॑ర్భవతి హవి॒ష్కృన్ని॑ధన॒-ముత్త॑ర॒-మ్ప్రతి॑ష్ఠిత్యై ॥ 13 ॥
(ఉత్త॑రేణ – రథన్త॒ర-మ్పూర్వే – ఽన్వే – క॑విగ్ంశతిశ్చ) (అ. 4)
ఆపో॒ వా ఇ॒దమగ్రే॑ సలి॒లమా॑సీ॒-త్తస్మి॑-న్ప్ర॒జాప॑తి-ర్వా॒యుర్భూ॒త్వా ఽచ॑ర॒-థ్స ఇ॒మామ॑పశ్య॒-త్తాం-వఀ ॑రా॒హో భూ॒త్వా-ఽహ॑ర॒-త్తాం-విఀ॒శ్వక॑ర్మా భూ॒త్వా వ్య॑మా॒ట్ర్-థ్సా-ఽప్ర॑థత॒ సా పృ॑థి॒వ్య॑భవ॒-త్త-త్పృ॑థి॒వ్యై పృ॑థివి॒త్వ-న్తస్యా॑మశ్రామ్య-త్ప్ర॒జాప॑తి॒-స్స దే॒వాన॑సృజత॒ వసూ᳚-న్రు॒ద్రానా॑ది॒త్యా-న్తే దే॒వాః ప్ర॒జాప॑తిమబ్రువ॒-న్ప్రజా॑యామహా॒ ఇతి॒ సో᳚-ఽబ్రవీ॒- [సో᳚-ఽబ్రవీత్, యథా॒-ఽహం-] 14
-ద్యథా॒-ఽహం-యుఀ॒ష్మాగ్స్తప॒సా ఽసృ॑ఖ్ష్యే॒వ-న్తప॑సి ప్ర॒జన॑న-మిచ్ఛద్ధ్వ॒మితి॒ తేభ్యో॒-ఽగ్నిమా॒యత॑న॒-మ్ప్రా-ఽయ॑చ్ఛదే॒తేనా॒-ఽఽయత॑నేన శ్రామ్య॒తేతి॒ తే᳚-ఽగ్నినా॒-ఽఽయత॑నేనా-ఽ-శ్రామ్య॒-న్తే సం॑వఀథ్స॒ర ఏకా॒-ఙ్గామ॑సృజన్త॒ తాం-వఀసు॑భ్యో రు॒ద్రేభ్య॑ ఆది॒త్యేభ్యః॒ ప్రా-ఽయ॑చ్ఛన్నే॒తాగ్ం ర॑ఖ్షద్ధ్వ॒మితి॒ తాం-వఀస॑వో రు॒ద్రా ఆ॑ది॒త్యా అ॑రఖ్షన్త॒ సా వసు॑భ్యో రు॒ద్రేభ్య॑ ఆది॒త్యేభ్యః॒ ప్రాజా॑యత॒త్రీణి॑ చ [ ] 15
శ॒తాని॒ త్రయ॑స్త్రిగ్ంశత॒-ఞ్చాథ॒ సైవ స॑హస్రత॒మ్య॑భవ॒-త్తే దే॒వాః ప్ర॒జాప॑తిమబ్రువన్-థ్స॒హస్రే॑ణ నో యాజ॒యేతి॒ సో᳚-ఽగ్నిష్టో॒మేన॒ వసూ॑నయాజయ॒-త్త ఇ॒మం-లోఀ॒కమ॑జయ॒-న్తచ్చా॑దదు॒-స్స ఉ॒క్థ్యే॑న రు॒ద్రాన॑యాజయ॒-త్తే᳚-ఽన్తరి॑ఖ్షమజయ॒-న్తచ్చా॑దదు॒-స్సో॑-ఽతిరా॒త్రేణా॑-ఽఽది॒త్యాన॑యాజయ॒-త్తే॑-ఽముం-లోఀ॒కమ॑జయ॒-న్తచ్చా॑-ఽదదు॒-స్తద॒న్తరి॑ఖ్షం॒- [-స్తద॒న్తరి॑ఖ్షమ్, వ్యవై᳚ర్యత॒] 16
-వ్యఀవై᳚ర్యత॒ తస్మా᳚-ద్రు॒ద్రా ఘాతు॑కా అనాయత॒నా హి తస్మా॑దాహు-శ్శిథి॒లం-వైఀ మ॑ద్ధ్య॒మ-మహ॑స్త్రిరా॒త్రస్య॒ వి హి తద॒వైర్య॒తేతి॒ త్రైష్టు॑భ-మ్మద్ధ్య॒మస్యాహ్న॒ ఆజ్య॑-మ్భవతి సం॒యాఀనా॑ని సూ॒క్తాని॑ శగ్ంసతి షోడ॒శినగ్ం॑ శగ్ంస॒త్యహ్నో॒ ధృత్యా॒ అశి॑థిలమ్భావాయ॒ తస్మా᳚-త్త్రిరా॒త్రస్యా᳚గ్నిష్టో॒మ ఏ॒వ ప్ర॑థ॒మమహ॑-స్స్యా॒దథో॒క్థ్యో ఽథా॑-ఽతిరా॒త్ర ఏ॒షాం-లోఀ॒కానాం॒-విఀధృ॑త్యై॒ త్రీణి॑త్రీణి శ॒తా-న్య॑నూచీనా॒హ-మవ్య॑వచ్ఛిన్నాని దదా- [దదాతి, ఏ॒షాం-లోఀ॒కానా॒-] 17
-త్యే॒షాం-లోఀ॒కానా॒-మను॒ సన్త॑త్యై ద॒శత॒-న్న విచ్ఛి॑న్ద్యా-ద్వి॒రాజ॒-న్నేద్వి॑చ్ఛి॒నదా॒నీత్యథ॒ యా స॑హస్రత॒మ్యాసీ॒-త్తస్యా॒మిన్ద్ర॑శ్చ॒ విష్ణు॑శ్చ॒ వ్యాయ॑చ్ఛేతా॒గ్ం॒ స ఇన్ద్రో॑-ఽమన్యతా॒నయా॒ వా ఇ॒దం-విఀష్ణు॑-స్స॒హస్రం॑-వఀర్ఖ్ష్యత॒ ఇతి॒ తస్యా॑మకల్పేతా॒-న్ద్విభా॑గ॒ ఇన్ద్ర॒స్తృతీ॑యే॒ విష్ణు॒స్తద్వా ఏ॒షా-ఽభ్యనూ᳚చ్యత ఉ॒భా జి॑గ్యథు॒రితి॒ తాం-వాఀ ఏ॒తామ॑చ్ఛావా॒క [ఏ॒తామ॑చ్ఛావా॒కః, ఏ॒వ] 18
ఏ॒వ శగ్ం॑స॒త్యథ॒ యా స॑హస్రత॒మీ సా హోత్రే॒ దేయేతి॒ హోతా॑రం॒-వాఀ అ॒భ్యతి॑రిచ్యతే॒ యద॑తి॒రిచ్య॑తే॒ హోతా ఽనా᳚ప్తస్యా-ఽఽపయి॒తా ఽథా॑-ఽహురున్నే॒త్రే దేయేత్యతి॑రిక్తా॒ వా ఏ॒షా స॒హస్ర॒స్యాతి॑రిక్త ఉన్నే॒తర్త్విజా॒మథా॑-ఽఽహు॒-స్సర్వే᳚భ్య-స్సద॒స్యే᳚భ్యో॒ దేయేత్యథా॑-ఽఽహురుదా॒ కృత్యా॒ సా వశ॑-ఞ్చరే॒దిత్యథా॑-ఽఽహుర్బ్ర॒హ్మణే॑ చా॒గ్నీధే॑ చ॒ దేయేతి॒ [దేయేతి, ద్విభా॑గ-] 19
ద్విభా॑గ-మ్బ్ర॒హ్మణే॒ తృతీ॑యమ॒గ్నీధ॑ ఐ॒న్ద్రో వై బ్ర॒హ్మా వై᳚ష్ణ॒వో᳚-ఽగ్నీద్యథై॒వ తావక॑ల్పేతా॒మిత్యథా॑ ఽఽహు॒ర్యా క॑ల్యా॒ణీ బ॑హురూ॒పా సా దేయేత్యథా॑ ఽఽహు॒ర్యా ద్వి॑రూ॒పోభ॒యత॑ఏనీ॒ సా దేయేతి॑ స॒హస్ర॑స్య॒ పరి॑గృహీత్యై॒ తద్వా ఏ॒త-థ్స॒హస్ర॒స్యా-ఽయ॑నగ్ం స॒హస్రగ్గ్॑ స్తో॒త్రీయా᳚-స్స॒హస్ర॒-న్దఖ్షి॑ణా-స్స॒హస్ర॑సమ్మిత-స్సువ॒ర్గో లో॒క-స్సు॑వ॒ర్గస్య॑ లో॒కస్యా॒భిజి॑త్యై ॥ 20 ॥
(అ॒బ్ర॒వీ॒ – చ్చ॒ – తద॒న్తరి॑ఖ్షం – దదాత్య – చ్ఛావా॒క – శ్చ॒ దేయేతి॑ – స॒ప్తచ॑త్వారిగ్ంశచ్చ) (అ. 5)
సోమో॒ వై స॒హస్ర॑మవిన్ద॒-త్తమిన్ద్రో ఽన్వ॑విన్ద॒-త్తౌ య॒మో న్యాగ॑చ్ఛ॒-త్తావ॑బ్రవీ॒దస్తు॒ మే-ఽత్రా-ఽపీత్యస్తు॒ హీ(3) ఇత్య॑బ్రూతా॒గ్ం॒ స య॒మ ఏక॑స్యాం-వీఀ॒ర్య॑-మ్పర్య॑పశ్యది॒యం-వాఀ అ॒స్య స॒హస్ర॑స్య వీ॒ర్య॑-మ్బిభ॒ర్తీతి॒ తావ॑బ్రవీది॒య-మ్మమాస్త్వే॒త-ద్యు॒వయో॒రితి॒ తావ॑బ్రూతా॒గ్ం॒ సర్వే॒ వా ఏ॒తదే॒తస్యాం᳚-వీఀ॒ర్య॑- [ఏ॒తదే॒తస్యాం᳚-వీఀ॒ర్య᳚మ్, పరి॑] 21
-మ్పరి॑ పశ్యా॒మో-ఽగ్ంశ॒మా హ॑రామహా॒ ఇతి॒ తస్యా॒మగ్ంశ॒మా-ఽహ॑రన్త॒ తామ॒ఫ్సు ప్రా-ఽవే॑శయ॒న్-థ్సోమా॑యో॒దేహీతి॒ సా రోహి॑ణీ పిఙ్గ॒లైక॑హాయనీ రూ॒ప-ఙ్కృ॒త్వా త్రయ॑స్త్రిగ్ంశతా చ త్రి॒భిశ్చ॑ శ॒తై-స్స॒హోదై-త్తస్మా॒-ద్రోహి॑ణ్యా పిఙ్గ॒లయైక॑హాయన్యా॒ సోమ॑-ఙ్క్రీణీయా॒ద్య ఏ॒వం-విఀ॒ద్వా-న్రోహి॑ణ్యా పిఙ్గ॒లయైక॑హాయన్యా॒ సోమ॑-ఙ్క్రీ॒ణాతి॒ త్రయ॑స్త్రిగ్ంశతా చై॒వాస్య॑ త్రి॒భిశ్చ॑ [ ] 22
శ॒తై-స్సోమః॑ క్రీ॒తో భ॑వతి॒ సుక్రీ॑తేన యజతే॒ తామ॒ఫ్సు ప్రావే॑శయ॒-న్నిన్ద్రా॑యో॒దేహీతి॒ సా రోహి॑ణీ లఖ్ష్మ॒ణా ప॑ష్ఠౌ॒హీ వార్త్ర॑ఘ్నీ రూ॒ప-ఙ్కృ॒త్వా త్రయ॑స్త్రిగ్ంశతా చ త్రి॒భిశ్చ॑ శ॒తై-స్స॒హోదై-త్తస్మా॒-ద్రోహి॑ణీం-లఀఖ్ష్మ॒ణా-మ్ప॑ష్ఠౌ॒హీం-వాఀర్త్ర॑ఘ్నీ-న్దద్యా॒ద్య ఏ॒వం-విఀ॒ద్వా-న్రోహి॑ణీం-లఀఖ్ష్మ॒ణా-మ్ప॑ష్ఠౌ॒హీం-వాఀర్త్ర॑ఘ్నీ॒-న్దదా॑తి॒ త్రయ॑స్త్రిగ్ంశచ్చై॒వాస్య॒ త్రీణి॑ చ శ॒తాని॒ సా ద॒త్తా [ద॒త్తా, భ॒వ॒తి॒ తామ॒ఫ్సు] 23
భ॑వతి॒ తామ॒ఫ్సు ప్రావే॑శయన్ య॒మాయో॒దేహీతి॒ సా జర॑తీ మూ॒ర్ఖా త॑జ్జఘ॒న్యా రూ॒ప-ఙ్కృ॒త్వా త్రయ॑స్త్రిగ్ంశతా చ త్రి॒భిశ్చ॑ శ॒తై-స్స॒హోదై-త్తస్మా॒జ్జర॑తీ-మ్మూ॒ర్ఖా-న్త॑జ్జఘ॒న్యా-మ॑ను॒స్తర॑ణీ-ఙ్కుర్వీత॒ య ఏ॒వం-విఀ॒ద్వాఞ్జర॑తీ-మ్మూ॒ర్ఖా-న్త॑జ్జఘ॒న్యా-మ॑ను॒స్తర॑ణీ-ఙ్కురు॒తే త్రయ॑స్త్రిగ్ంశచ్చై॒వాస్య॒ త్రీణి॑ చ శ॒తాని॒ సా-ఽముష్మి॑ల్లోఀ॒కే భ॑వతి॒ వాగే॒వ స॑హస్రత॒మీ తస్మా॒- [తస్మా᳚త్, వరో॒ దేయ॒-స్సా] 24
-ద్వరో॒ దేయ॒-స్సా హి వర॑-స్స॒హస్ర॑మస్య॒ సా ద॒త్తా భ॑వతి॒ తస్మా॒-ద్వరో॒ న ప్ర॑తి॒గృహ్య॒-స్సా హి వర॑-స్స॒హస్ర॑మస్య॒ ప్రతి॑గృహీత-మ్భవతీ॒యం-వఀర॒ ఇతి॑ బ్రూయా॒దథా॒న్యా-మ్బ్రూ॑యాది॒య-మ్మమేతి॒ తథా᳚-ఽస్య॒ త-థ్స॒హస్ర॒-మప్ర॑తిగృహీత-మ్భవత్యుభయతఏ॒నీ స్యా॒-త్తదా॑హురన్యత ఏ॒నీ స్యా᳚-థ్స॒హస్ర॑-మ్ప॒రస్తా॒దేత॒మితి॒ యైవ వరః॑ [వరః॑, క॒ల్యా॒ణీ రూ॒పస॑మృద్ధా॒ సా] 25
కల్యా॒ణీ రూ॒పస॑మృద్ధా॒ సా స్యా॒-థ్సా హి వర॒-స్సమృ॑ద్ధ్యై॒ తాముత్త॑రే॒ణా-ఽఽగ్నీ᳚ద్ధ్ర-మ్పర్యా॒ణీయా॑-ఽఽహవ॒నీయ॒స్యాన్తే᳚ ద్రోణకల॒శమవ॑ ఘ్రాపయే॒దా జి॑ఘ్ర క॒లశ॑-మ్మహ్యు॒రుధా॑రా॒ పయ॑స్వ॒త్యా త్వా॑ విశ॒న్త్విన్ద॑వ-స్సము॒ద్రమి॑వ॒ సిన్ధ॑వ॒-స్సా మా॑ స॒హస్ర॒ ఆ భ॑జ ప్ర॒జయా॑ ప॒శుభి॑-స్స॒హ పున॒ర్మా ఽఽవి॑శతా-ద్ర॒యిరితి॑ ప్ర॒జయై॒వైన॑-మ్ప॒శుభీ॑ ర॒య్యా స- [ర॒య్యా సమ్, అ॒ర్ధ॒య॒తి॒ ప్ర॒జావా᳚-] 26
-మ॑ర్ధయతి ప్ర॒జావా᳚-న్పశు॒మా-న్ర॑యి॒మా-న్భ॑వతి॒ య ఏ॒వం-వేఀద॒ తయా॑ స॒హా-ఽఽగ్నీ᳚ద్ధ్ర-మ్ప॒రేత్య॑ పు॒రస్తా᳚-త్ప్ర॒తీచ్యా॒-న్తిష్ఠ॑న్త్యా-ఞ్జుహుయాదు॒భా జి॑గ్యథు॒ర్న పరా॑ జయేథే॒ న పరా॑ జిగ్యే కత॒రశ్చ॒నైనోః᳚ । ఇన్ద్ర॑శ్చ విష్ణో॒ యదప॑స్పృధేథా-న్త్రే॒ధా స॒హస్రం॒-విఀ తదై॑రయేథా॒మితి॑, త్రేధావిభ॒క్తం-వైఀ త్రి॑రా॒త్రే స॒హస్రగ్ం॑ సాహ॒స్రీమే॒వైనా᳚-ఙ్కరోతి స॒హస్ర॑స్యై॒వైనా॒-మ్మాత్రా᳚- [-మ్మాత్రా᳚మ్, క॒రో॒తి॒ రూ॒పాణి॑ జుహోతి] 27
-ఙ్కరోతి రూ॒పాణి॑ జుహోతి రూ॒పైరే॒వైనా॒గ్ం॒ సమ॑ర్ధయతి॒ తస్యా॑ ఉపో॒త్థాయ॒ కర్ణ॒మా జ॑పే॒దిడే॒ రన్తే-ఽది॑తే॒ సర॑స్వతి॒ ప్రియే॒ ప్రేయ॑సి॒ మహి॒ విశ్రు॑త్యే॒తాని॑ తే అఘ్నియే॒ నామా॑ని సు॒కృత॑-మ్మా దే॒వేషు॑ బ్రూతా॒దితి॑ దే॒వేభ్య॑ ఏ॒వైన॒మా వే॑దయ॒త్యన్వే॑న-న్దే॒వా బు॑ద్ధ్యన్తే ॥ 28 ॥
( ఏ॒తదే॒తస్యాం᳚-వీఀ॒ర్య॑ – మస్య త్రి॒భిశ్చ॑ – ద॒త్తా – స॑హస్రత॒మీ తస్మా॑ – దే॒వ వరః॒ – సం – మాత్రా॒ – మేకా॒న్నచ॑త్వారి॒గ్ం॒శచ్చ॑) (అ. 6)
స॒హ॒స్ర॒త॒మ్యా॑ వై యజ॑మాన-స్సువ॒ర్గం-లోఀ॒కమే॑తి॒ సైనగ్ం॑ సువ॒ర్గం-లోఀ॒క-ఙ్గ॑మయతి॒ సా మా॑ సువ॒ర్గం-లోఀ॒క-ఙ్గ॑మ॒యేత్యా॑హ సువ॒ర్గమే॒వైనం॑-లోఀ॒క-ఙ్గ॑మయతి॒ సా మా॒ జ్యోతి॑ష్మన్తం-లోఀ॒క-ఙ్గ॑మ॒యేత్యా॑హ॒ జ్యోతి॑ష్మన్తమే॒వైనం॑-లోఀ॒క-ఙ్గ॑మయతి॒ సా మా॒ సర్వా॒-న్పుణ్యా᳚-ల్లోఀ॒కా-న్గ॑మ॒యేత్యా॑హ॒ సర్వా॑నే॒వైన॒-మ్పుణ్యాం᳚-లోఀ॒కా-న్గ॑మయతి॒ సా [సా, మా॒ ప్ర॒తి॒ష్ఠా-ఙ్గ॑మయ ప్ర॒జయా॑] 29
మా᳚ ప్రతి॒ష్ఠా-ఙ్గ॑మయ ప్ర॒జయా॑ ప॒శుభి॑-స్స॒హ పున॒ర్మా-ఽఽ వి॑శతా-ద్ర॒యిరితి॑ ప్ర॒జయై॒వైన॑-మ్ప॒శుభీ॑ ర॒య్యా-మ్ప్రతి॑ ష్ఠాపయతి ప్ర॒జావా᳚-న్పశు॒మా-న్ర॑యి॒మా-న్భ॑వతి॒ య ఏ॒వం-వేఀద॒ తామ॒గ్నీధే॑ వా బ్ర॒హ్మణే॑ వా॒ హోత్రే॑ వోద్గా॒త్రే వా᳚-ఽద్ధ్వ॒ర్యవే॑ వా దద్యా-థ్స॒హస్ర॑మస్య॒ సా ద॒త్తా భ॑వతి స॒హస్ర॑మస్య॒ ప్రతి॑గృహీత-మ్భవతి॒ యస్తామవి॑ద్వా- [యస్తామవి॑ద్వాన్, ప్ర॒తి॒గృ॒హ్ణాతి॒] 30
-న్ప్రతిగృ॒హ్ణాతి॒ తా-మ్ప్రతి॑గృహ్ణీయా॒దేకా॑-ఽసి॒ న స॒హస్ర॒మేకా᳚-న్త్వా భూ॒తా-మ్ప్రతి॑ గృహ్ణామి॒ న స॒హస్ర॒మేకా॑ మా భూ॒తా-ఽఽ వి॑శ॒ మా స॒హస్ర॒మిత్యేకా॑మే॒వైనా᳚-మ్భూ॒తా-మ్ప్రతి॑గృహ్ణాతి॒ న స॒హస్రం॒-యఀ ఏ॒వం-వేఀద॑ స్యో॒నా-ఽసి॑ సు॒షదా॑ సు॒శేవా᳚ స్యో॒నా మా ఽఽవి॑శ సు॒షదా॒ మా ఽఽవి॑శ సు॒శేవా॒ మా ఽఽవి॒శే- [మా ఽఽవి॑శ, ఇత్యా॑హ] 31
-త్యా॑హ స్యో॒నైవైనగ్ం॑ సు॒షదా॑ సు॒శేవా॑ భూ॒తా-ఽఽ వి॑శతి॒ నైనగ్ం॑ హినస్తి బ్రహ్మవా॒దినో॑ వదన్తి స॒హస్రగ్ం॑ సహస్రత॒మ్యన్వే॒తీ(3) స॑హస్రత॒మీగ్ం స॒హస్రా(3)మితి॒ య-త్ప్రాచీ॑ము-థ్సృ॒జే-థ్స॒హస్రగ్ం॑ సహస్రత॒మ్యన్వి॑యా॒-త్త-థ్స॒హస్ర॑మప్రజ్ఞా॒త్రగ్ం సు॑వ॒ర్గం-లోఀ॒క-న్న ప్ర జా॑నీయా-త్ప్ర॒తీచీ॒-ముథ్సృ॑జతి॒ తాగ్ం స॒హస్ర॒మను॑ ప॒ర్యావ॑ర్తతే॒ సా ప్ర॑జాన॒తీ సు॑వ॒ర్గం-లోఀ॒కమే॑తి॒ యజ॑మాన -మ॒భ్యు-థ్సృ॑జతి ఖ్షి॒ప్రే స॒హస్ర॒-మ్ప్ర జా॑యత ఉత్త॒మా నీ॒యతే᳚ ప్రథ॒మా దే॒వా-న్గ॑చ్ఛతి ॥ 32 ॥
(లో॒కా-న్గ॑మయతి॒ సా – ఽవి॑ద్వాన్థ్ – సు॒శేవా॒ మా-ఽఽ వి॑శ॒ – యజ॑మానం॒ – ద్వాద॑శ చ) (అ. 7)
అత్రి॑రదదా॒దౌర్వా॑య ప్ర॒జా-మ్పు॒త్రకా॑మాయ॒ స రి॑రిచా॒నో॑-ఽమన్యత॒ నిర్వీ᳚ర్య-శ్శిథి॒లో యా॒తయా॑మా॒ స ఏ॒త-ఞ్చ॑తూరా॒త్ర-మ॑పశ్య॒-త్తమా-ఽహ॑ర॒-త్తేనా॑యజత॒ తతో॒ వై తస్య॑ చ॒త్వారో॑ వీ॒రా ఆ-ఽజా॑యన్త॒ సుహో॑తా॒ సూ᳚ద్గాతా॒ స్వ॑ద్ధ్వర్యు॒-స్సుస॑భేయో॒ య ఏ॒వం-విఀ॒ద్వాగ్శ్చ॑తూరా॒త్రేణ॒ యజ॑త॒ ఆ-ఽస్య॑ చ॒త్వారో॑ వీ॒రా జా॑యన్తే॒ సుహో॑తా॒ సూ᳚ద్గాతా॒ స్వ॑ద్ధ్వర్యు॒-స్సుస॑భేయో॒ యే చ॑తుర్వి॒గ్ం॒శాః పవ॑మానా బ్రహ్మవర్చ॒స-న్త- [బ్రహ్మవర్చ॒స-న్తత్, య ఉ॒ద్యన్త॒-] 33
-ద్య ఉ॒ద్యన్త॒-స్స్తోమా॒-శ్శ్రీ-స్సా ఽత్రిగ్గ్॑ శ్ర॒ద్ధాదే॑వం॒-యఀజ॑మాన-ఞ్చ॒త్వారి॑ వీ॒ర్యా॑ణి॒ నోపా॑-ఽనమ॒-న్తేజ॑ ఇన్ద్రి॒య-మ్బ్ర॑హ్మవర్చ॒స-మ॒న్నాద్య॒గ్ం॒ స ఏ॒తాగ్శ్చ॒తుర॒శ్చతు॑ష్టోమా॒న్-థ్సోమా॑న-పశ్య॒-త్తానా-ఽహ॑ర॒-త్తైర॑యజత॒ తేజ॑ ఏ॒వ ప్ర॑థ॒మేనా ఽవా॑రున్ధేన్ద్రి॒య-న్ద్వి॒తీయే॑న బ్రహ్మవర్చ॒స-న్తృ॒తీయే॑నా॒న్నాద్య॑-ఞ్చతు॒ర్థేన॒ య ఏ॒వం-విఀ॒ద్వాగ్శ్చ॒తుర॒శ్చతు॑ష్టోమా॒న్-థ్సోమా॑నా॒హర॑తి॒ తైర్యజ॑తే॒ తేజ॑ ఏ॒వ ప్ర॑థ॒మేనావ॑ రున్ధ ఇన్ద్రి॒య-న్ద్వి॒తీయే॑న బ్రహ్మవర్చ॒స-న్తృ॒తీయే॑నా॒-ఽన్నాద్య॑-ఞ్చతు॒ర్థేన॒ యామే॒వాత్రి॒ర్॒ ఋద్ధి॒మార్ధ్నో॒-త్తామే॒వ యజ॑మాన ఋద్ధ్నోతి ॥ 34 ॥
( తత్-తేజ॑ ఏ॒వా-ష్టాద॑శ చ) (అ. 8)
జ॒మద॑గ్నిః॒ పుష్టి॑కామ-శ్చతూరా॒త్రేణా॑-యజత॒ స ఏ॒తా-న్పోషాగ్ం॑ అపుష్య॒-త్తస్మా᳚-త్పలి॒తౌ జామ॑దగ్నియౌ॒ న స-ఞ్జా॑నాతే ఏ॒తానే॒వ పోషా᳚-న్పుష్యతి॒ య ఏ॒వం-విఀ॒ద్వాగ్శ్చ॑తూరా॒త్రేణ॒ యజ॑తే పురోడా॒శిన్య॑ ఉప॒సదో॑ భవన్తి ప॒శవో॒ వై పు॑రో॒డాశః॑ ప॒శూనే॒వావ॑ రు॒న్ధే ఽన్నం॒-వైఀ పు॑రో॒డాశో-ఽన్న॑మే॒వావ॑ రున్ధే ఽన్నా॒దః ప॑శు॒మా-న్భ॑వతి॒ య ఏ॒వం-విఀ॒ద్వాగ్శ్చ॑తూరా॒త్రేణ॒ యజ॑తే ॥ 35 ॥
(జ॒మద॑గ్ని – ర॒ష్టాచ॑త్వారిగ్ంశత్) (అ. 9)
సం॒వఀ॒థ్స॒రో వా ఇ॒దమేక॑ ఆసీ॒-థ్సో॑-ఽకామయత॒ర్తూన్-థ్సృ॑జే॒యేతి॒ స ఏ॒త-మ్ప॑ఞ్చరా॒త్రమ॑పశ్య॒-త్తమా-ఽహ॑ర॒-త్తేనా॑యజత॒ తతో॒ వై స ఋ॒తూన॑సృజత॒ య ఏ॒వం-విఀ॒ద్వా-న్ప॑ఞ్చరా॒త్రేణ॒ యజ॑తే॒ ప్రైవ జా॑యతే॒ త ఋ॒తవ॑-స్సృ॒ష్టా న వ్యావ॑ర్తన్త॒ త ఏ॒త-మ్ప॑ఞ్చరా॒త్రమ॑పశ్య॒-న్తమా-ఽహ॑ర॒-న్తేనా॑యజన్త॒ తతో॒ వై తే వ్యావ॑ర్తన్త॒ [వ్యావ॑ర్తన్త, య ఏ॒వం-విఀ॒ద్వా-న్ప॑ఞ్చరా॒త్రేణ॒] 36
య ఏ॒వం-విఀ॒ద్వా-న్ప॑ఞ్చరా॒త్రేణ॒ యజ॑తే॒ వి పా॒ప్మనా॒ భ్రాతృ॑వ్యే॒ణా-ఽఽ వ॑ర్తతే॒ సార్వ॑సేని-శ్శౌచే॒యో॑-ఽకామయత పశు॒మాన్-థ్స్యా॒మితి॒ స ఏ॒త-మ్ప॑ఞ్చరా॒త్రమా-ఽహ॑ర॒-త్తేనా॑-ఽయజత॒ తతో॒ వై స స॒హస్ర॑-మ్ప॒శూ-న్ప్రా-ఽఽప్నో॒ద్య ఏ॒వం-విఀ॒ద్వా-న్ప॑ఞ్చరా॒త్రేణ॒ యజ॑తే॒ ప్ర స॒హస్ర॑-మ్ప॒శూనా᳚ప్నోతి బబ॒రః ప్రావా॑హణి-రకామయత వా॒చః ప్ర॑వది॒తా స్యా॒మితి॒ స ఏ॒త-మ్ప॑ఞ్చరా॒త్రమా- [ఏ॒త-మ్ప॑ఞ్చరా॒త్రమా, ఆ॒హ॒ర॒-త్తేనా॑-] 37
-ఽహ॑ర॒-త్తేనా॑-యజత॒ తతో॒ వై స వా॒చః ప్ర॑వది॒తా-ఽభ॑వ॒ద్య ఏ॒వం-విఀ॒ద్వా-న్ప॑ఞ్చరా॒త్రేణ॒ యజ॑తే ప్రవది॒తైవ వా॒చో భ॑వ॒త్యథో॑ ఏనం-వాఀ॒చస్పతి॒-రిత్యా॑హు॒రనా᳚ప్త-శ్చతూరా॒త్రో-ఽతి॑రిక్త-ష్షడ్-రా॒త్రో-ఽథ॒ వా ఏ॒ష స॑ప్ర॒న్తి య॒జ్ఞో య-త్ప॑ఞ్చరా॒త్రో య ఏ॒వం-విఀ॒ద్వా-న్ప॑ఞ్చరా॒త్రేణ॒ యజ॑తే సమ్ప్ర॒త్యే॑వ య॒జ్ఞేన॑ యజతే పఞ్చరా॒త్రో భ॑వతి॒ పఞ్చ॒ వా ఋ॒తవ॑-స్సంవఀథ్స॒ర [ఋ॒తవ॑-స్సంవఀథ్స॒రః, ఋ॒తుష్వే॒వ సం॑వఀథ్స॒రే] 38
ఋ॒తుష్వే॒వ సం॑వఀథ్స॒రే ప్రతి॑ తిష్ఠ॒త్యథో॒ పఞ్చా᳚ఖ్షరా ప॒ఙ్క్తిః పాఙ్క్తో॑ య॒జ్ఞో య॒జ్ఞమే॒వావ॑ రున్ధే త్రి॒వృద॑గ్నిష్టో॒మో భ॑వతి॒ తేజ॑ ఏ॒వావ॑ రున్ధే పఞ్చద॒శో భ॑వతీన్ద్రి॒యమే॒వావ॑ రున్ధే సప్తద॒శో భ॑వత్య॒న్నాద్య॒స్యా-వ॑రుద్ధ్యా॒ అథో॒ ప్రైవ తేన॑ జాయతే పఞ్చవి॒గ్ం॒శో᳚ ఽగ్నిష్టో॒మో భ॑వతి ప్ర॒జాప॑తే॒రాప్త్యై॑ మహావ్ర॒తవా॑-న॒న్నాద్య॒స్యా-వ॑రుద్ధ్యై విశ్వ॒జి-థ్సర్వ॑పృష్ఠో-ఽతిరా॒త్రో భ॑వతి॒ సర్వ॑స్యా॒భిజి॑త్యై ॥ 39 ॥
(తే వ్యావ॑ర్తన్త – ప్రవది॒తా స్యా॒మితి॒ స ఏ॒త-మ్ప॑ఞ్చరా॒త్రమా – సం॑వఀథ్స॒రో॑- భిజి॑త్యై) (అ. 10)
దే॒వస్య॑త్వా సవి॒తుః ప్ర॑స॒వే᳚-ఽశ్వినో᳚ర్బా॒హుభ్యా᳚-మ్పూ॒ష్ణో హస్తా᳚భ్యా॒మా ద॑ద ఇ॒మామ॑గృభ్ణ-న్రశ॒నామృ॒తస్య॒ పూర్వ॒ ఆయు॑షి వి॒దథే॑షు క॒వ్యా । తయా॑ దే॒వా-స్సు॒తమా బ॑భూవుర్-ఋ॒తస్య॒ సామ᳚న్-థ్స॒రమా॒రప॑న్తీ ॥ అ॒భి॒ధా అ॑సి॒ భువ॑నమసి య॒న్తా-ఽసి॑ ధ॒ర్తా-ఽసి॒ సో᳚-ఽగ్నిం-వైఀ᳚శ్వాన॒రగ్ం సప్ర॑థస-ఙ్గచ్ఛ॒ స్వాహా॑కృతః పృథి॒వ్యాం-యఀ॒న్తా రాడ్ య॒న్తా-ఽసి॒ యమ॑నో ధ॒ర్తా-ఽసి॑ ధ॒రుణః॑ కృ॒ష్యై త్వా॒ ఖ్షేమా॑య త్వా ర॒య్యై త్వా॒ పోషా॑య త్వా పృథి॒వ్యై త్వా॒ ఽన్తరి॑ఖ్షాయ త్వా ది॒వే త్వా॑ స॒తే త్వా-ఽస॑తే త్వా॒ద్భ్యస్త్వౌ-ష॑ధీభ్యస్త్వా॒ విశ్వే᳚భ్యస్త్వా భూ॒తేభ్యః॑ ॥ 40 ॥
(ధ॒రుణః॒ – పఞ్చ॑విగ్ంశతిశ్చ) (అ. 11)
వి॒భూర్మా॒త్రా ప్ర॒భూః పి॒త్రాశ్వో॑-ఽసి॒ హయో॒-ఽస్యత్యో॑-ఽసి॒ నరో॒-ఽస్యర్వా॑-ఽసి॒ సప్తి॑రసి వా॒జ్య॑సి॒ వృషా॑-ఽసి నృ॒మణా॑ అసి॒ యయు॒ర్నామా᳚స్యాది॒త్యానా॒-మ్పత్వాన్వి॑హ్య॒గ్నయే॒ స్వాహా॒ స్వాహే᳚న్ద్రా॒గ్నిభ్యా॒గ్॒ స్వాహా᳚ ప్ర॒జాప॑తయే॒ స్వాహా॒ విశ్వే᳚భ్యో దే॒వేభ్య॒-స్స్వాహా॒ సర్వా᳚భ్యో దే॒వేతా᳚భ్య ఇ॒హ ధృతి॒-స్స్వాహే॒హ విధృ॑తి॒-స్స్వాహే॒హ రన్తి॒-స్స్వాహే॒ -హ రమ॑తి॒-స్స్వాహా॒ భూర॑సి భు॒వే త్వా॒ భవ్యా॑య త్వా భవిష్య॒తే త్వా॒ విశ్వే᳚భ్యస్త్వా భూ॒తేభ్యో॒ దేవా॑ ఆశాపాలా ఏ॒త-న్దే॒వేభ్యో-ఽశ్వ॒-మ్మేధా॑య॒ ప్రోఖ్షి॑త-ఙ్గోపాయత ॥ 41 ॥
(రన్తి॒-స్స్వాహా॒ – ద్వావిగ్ం॑శతిశ్చ) (అ. 12)
ఆయ॑నాయ॒ స్వాహా॒ ప్రాయ॑ణాయ॒ స్వాహో᳚ద్ద్రా॒వాయ॒ స్వాహోద్ద్రు॑తాయ॒ స్వాహా॑ శూకా॒రాయ॒ స్వాహా॒ శూకృ॑తాయ॒ స్వాహా॒ పలా॑యితాయ॒ స్వాహా॒ ఽఽపలా॑యితాయ॒ స్వాహా॒ ఽఽవల్గ॑తే॒ స్వాహా॑ పరా॒వల్గ॑తే॒ స్వాహా॑ ఽఽయ॒తే స్వాహా᳚ ప్రయ॒తే స్వాహా॒ సర్వ॑స్మై॒ స్వాహా᳚ ॥ 42 ॥
(ఆయ॑నా॒యోత్త॑రమా॒పలా॑యితాయ॒ షడ్విగ్ం॑శతిః) (అ. 13)
అ॒గ్నయే॒ స్వాహా॒ సోమా॑య॒ స్వాహా॑ వా॒యవే॒ స్వాహా॒ ఽపా-మ్మోదా॑య॒ స్వాహా॑ సవి॒త్రే స్వాహా॒ సర॑స్వత్యై॒ స్వాహే-న్ద్రా॑య॒ స్వాహా॒ బృహ॒స్పత॑యే॒ స్వాహా॑ మి॒త్రాయ॒ స్వాహా॒ వరు॑ణాయ॒ స్వాహా॒ సర్వ॑స్మై॒ స్వాహా᳚ ॥ 43 ॥
(అ॒గ్నయే॑ వా॒యవే॒-ఽపా-మ్మోదా॒యేన్ద్రా॑య॒ త్రయో॑విగ్ంశతిః) (అ. 14)
పృ॒థి॒వ్యై స్వాహా॒ ఽన్తరి॑ఖ్షాయ॒ స్వాహా॑ ది॒వే స్వాహా॒ సూర్యా॑య॒ స్వాహా॑ చ॒న్ద్రమ॑సే॒ స్వాహా॒ నఖ్ష॑త్రేభ్య॒-స్స్వాహా॒ ప్రాచ్యై॑ ది॒శే స్వాహా॒ దఖ్షి॑ణాయై ది॒శే స్వాహా᳚ ప్ర॒తీచ్యై॑ ది॒శే స్వాహో-దీ᳚చ్యై ది॒శే స్వాహో॒ర్ధ్వాయై॑ ది॒శే స్వాహా॑ ది॒గ్భ్య-స్స్వాహా॑ ఽవాన్తరది॒శాభ్య॒-స్స్వాహా॒ సమా᳚భ్య॒-స్స్వాహా॑ శ॒రద్భ్య॒-స్స్వాహా॑ ఽహోరా॒త్రేభ్య॒-స్స్వాహా᳚ ఽర్ధమా॒సేభ్య॒-స్స్వాహా॒ మాసే᳚భ్య॒-స్స్వాహ॒ర్తుభ్య॒-స్స్వాహా॑ సంవఀథ్స॒రాయ॒ స్వాహా॒ సర్వ॑స్మై॒ స్వాహా᳚ ॥ 44 ॥
(పృ॒థి॒వ్యై సూర్యా॑య॒ నఖ్ష॑త్రేభ్యః॒ ప్రాచ్యై॑ స॒ప్తచ॑త్వారిగ్ంశత్) (అ. 15)
అ॒గ్నయే॒ స్వాహా॒ సోమా॑య॒ స్వాహా॑ సవి॒త్రే స్వాహా॒ సర॑స్వత్యై॒ స్వాహా॑ పూ॒ష్ణే స్వాహా॒ బృహ॒స్పత॑యే॒ స్వాహా॒ ఽపా-మ్మోదా॑య॒ స్వాహా॑ వా॒యవే॒ స్వాహా॑ మి॒త్రాయ॒ స్వాహా॒ వరు॑ణాయ॒ స్వాహా॒ సర్వ॑స్మై॒ స్వాహా᳚ ॥ 45 ॥
(అ॒గ్నయే॑ సవి॒త్రే పూ॒ష్ణే॑-ఽపా-మ్మోదా॑య వా॒యవే॒ త్రయో॑విగ్ంశతిః) (అ. 16)
పృ॒థి॒వ్యై స్వాహా॒ ఽన్తరి॑ఖ్షాయ॒ స్వాహా॑ ది॒వే స్వాహా॒ ఽగ్నయే॒ స్వాహా॒ సోమా॑య॒ స్వాహా॒ సూర్యా॑య॒ స్వాహా॑ చ॒న్ద్రమ॑సే॒ స్వాహా ఽహ్నే॒ స్వాహా॒ రాత్రి॑యై॒ స్వాహ॒ర్జవే॒ స్వాహా॑ సా॒ధవే॒ స్వాహా॑ సుఖ్షి॒త్యై స్వాహా᳚ ఖ్షు॒ధే స్వాహా॑ ఽఽశితి॒మ్నే స్వాహా॒ రోగా॑య॒ స్వాహా॑ హి॒మాయ॒ స్వాహా॑ శీ॒తాయ॒ స్వాహా॑ ఽఽత॒పాయ॒ స్వాహా ఽర॑ణ్యాయ॒ స్వాహా॑ సువ॒ర్గాయ॒ స్వాహా॑ లో॒కాయ॒ స్వాహా॒ సర్వ॑స్మై॒ స్వాహా᳚ ॥ 46 ॥
(పృ॒థి॒వ్యా అ॒గ్నయే-ఽహ్నే॒ రాత్రి॑యై॒ చతు॑శ్చత్వారిగ్ంశత్) (అ. 17)
భువో॑ దే॒వానా॒-ఙ్కర్మ॑ణా॒-ఽపస॒ర్తస్య॑ ప॒థ్యా॑-ఽసి॒ వసు॑భి-ర్దే॒వేభి॑-ర్దే॒వత॑యా గాయ॒త్రేణ॑ త్వా॒ ఛన్ద॑సా యునజ్మి వస॒న్తేన॑ త్వ॒ర్తునా॑ హ॒విషా॑ దీఖ్షయామి రు॒ద్రేభి॑-ర్దే॒వేభి॑-ర్దే॒వత॑యా॒ త్రైష్టు॑భేన త్వా॒ ఛన్ద॑సా యునజ్మి గ్రీ॒ష్మేణ॑ త్వ॒ర్తునా॑ హ॒విషా॑ దీఖ్షయా-మ్యాది॒త్యేభి॑-ర్దే॒వేభి॑-ర్దే॒వత॑యా॒ జాగ॑తేన త్వా॒ ఛన్ద॑సా యునజ్మి వ॒ర్॒షాభి॑స్త్వ॒ర్తునా॑ హ॒విషా॑ దీఖ్షయామి॒ విశ్వే॑భి-ర్దే॒వేభి॑-ర్దే॒వత॒యా ఽఽను॑ష్టుభేన త్వా॒ ఛన్ద॑సా యునజ్మి [ ] 47
శ॒రదా᳚ త్వ॒ర్తునా॑ హ॒విషా॑ దీఖ్షయా॒మ్యఙ్గి॑రోభి-ర్దే॒వేభి॑-ర్దే॒వత॑యా॒ పాఙ్క్తే॑న త్వా॒ ఛన్ద॑సా యునజ్మి హేమన్తశిశి॒రాభ్యా᳚-న్త్వ॒ర్తునా॑ హ॒విషా॑ దీఖ్షయా॒మ్యా-ఽహ-న్దీ॒ఖ్షామ॑రుహమృ॒తస్య॒ పత్నీ᳚-ఙ్గాయ॒త్రేణ॒ ఛన్ద॑సా॒ బ్రహ్మ॑ణా చ॒ర్తగ్ం స॒త్యే॑-ఽధాగ్ం స॒త్యమృ॒తే॑-ఽధామ్ ॥ మ॒హీ మూ ॒షు >1సు॒త్రామా॑ణ >2-మి॒హ ధృతి॒-స్స్వాహే॒హ విధృ॑తి॒-స్స్వాహే॒హ రన్తి॒-స్స్వాహే॒హ రమ॑తి॒-స్స్వాహా᳚ ॥ 48 ॥
(ఆను॑ష్టుభేన త్వా॒ ఛన్ద॑సా యున॒జ్మ్యే – కా॒న్న ప॑ఞ్చా॒శచ్చ॑) (అ. 18)
ఈ॒కాం॒రాయ॒ స్వాహే-ఙ్కృ॑తాయ॒ స్వాహా॒ క్రన్ద॑తే॒ స్వాహా॑ ఽవ॒క్రన్ద॑తే॒ స్వాహా॒ ప్రోథ॑తే॒ స్వాహా᳚ ప్ర॒ప్రోథ॑తే॒ స్వాహా॑ గ॒న్ధాయ॒ స్వాహా᳚ ఘ్రా॒తాయ॒ స్వాహా᳚ ప్రా॒ణాయ॒ స్వాహా᳚ వ్యా॒నాయ॒ స్వాహా॑ ఽపా॒నాయ॒ స్వాహా॑ సన్దీ॒యమా॑నాయ॒ స్వాహా॒ సన్ది॑తాయ॒ స్వాహా॑ విచృ॒త్యమా॑నాయ॒ స్వాహా॒ విచృ॑త్తాయ॒ స్వాహా॑ పలాయి॒ష్యమా॑ణాయ॒ స్వాహా॒ పలా॑యితాయ॒ స్వాహో॑పరగ్గ్స్య॒తే స్వాహోప॑రతాయ॒ స్వాహా॑ నివేఖ్ష్య॒తే స్వాహా॑ నివి॒శమా॑నాయ॒ స్వాహా॒ నివి॑ష్టాయ॒ స్వాహా॑ నిషథ్స్య॒తే స్వాహా॑ ని॒షీద॑తే॒ స్వాహా॒ నిష॑ణ్ణాయ॒ స్వాహా॑- [నిష॑ణ్ణాయ॒ స్వాహా᳚, ఆ॒సి॒ష్య॒తే స్వాహా] 49
-ఽఽసిష్య॒తే స్వాహా ఽఽసీ॑నాయ॒ స్వాహా॑ ఽఽసి॒తాయ॒ స్వాహా॑ నిపథ్స్య॒తే స్వాహా॑ ని॒పద్య॑మానాయ॒ స్వాహా॒ నిప॑న్నాయ॒ స్వాహా॑ శయిష్య॒తే స్వాహా॒ శయా॑నాయ॒ స్వాహా॑ శయి॒తాయ॒ స్వాహా॑ సమ్మీలిష్య॒తే స్వాహా॑ స॒మీంలఀ ॑తే॒ స్వాహా॒ సమ్మీ॑లితాయ॒ స్వాహా᳚ స్వఫ్స్య॒తే స్వాహా᳚ స్వప॒తే స్వాహా॑ సు॒ప్తాయ॒ స్వాహా᳚ ప్రభోథ్స్య॒తే స్వాహా᳚ ప్ర॒బుద్ధ్య॑మానాయ॒ స్వాహా॒ ప్రబు॑ద్ధాయ॒ స్వాహా॑ జాగరిష్య॒తే స్వాహా॒ జాగ్ర॑తే॒ స్వాహా॑ జాగరి॒తాయ॒ స్వాహా॒ శుశ్రూ॑షమాణాయ॒ స్వాహా॑ శృణ్వ॒తే స్వాహా᳚ శ్రు॒తాయ॒ స్వాహా॑ వీఖ్షిష్య॒తే స్వాహా॒ [వీఖ్షిష్య॒తే స్వాహా᳚, వీఖ్ష॑మాణాయ॒ స్వాహా॒] 50
వీఖ్ష॑మాణాయ॒ స్వాహా॒ వీఖ్షి॑తాయ॒ స్వాహా॑ సగ్ంహాస్య॒తే స్వాహా॑ స॒జింహా॑నాయ॒ స్వాహో॒-జ్జిహా॑నాయ॒ స్వాహా॑ వివర్థ్స్య॒తే స్వాహా॑ వి॒వర్త॑మానాయ॒ స్వాహా॒ వివృ॑త్తాయ॒ స్వాహో᳚-త్థాస్య॒తే స్వాహో॒త్తిష్ఠ॑తే॒ స్వాహోత్థి॑తాయ॒ స్వాహా॑ విధవిష్య॒తే స్వాహా॑ విధూన్వా॒నాయ॒ స్వాహా॒ విధూ॑తాయ॒ స్వాహో᳚-త్క్రగ్గ్స్య॒తే స్వాహో॒త్క్రామ॑తే॒ స్వాహోత్క్రా᳚న్తాయ॒ స్వాహా॑ చఙ్క్రమిష్య॒తే స్వాహా॑ చఙ్క్ర॒మ్యమా॑ణాయ॒ స్వాహా॑ చఙ్క్రమి॒తాయ॒ స్వాహా॑ కణ్డూయిష్య॒తే స్వాహా॑ కణ్డూ॒యమా॑నాయ॒ స్వాహా॑ కణ్డూయి॒తాయ॒ స్వాహా॑ నికషిష్య॒తే స్వాహా॑ ని॒కష॑మాణాయ॒ స్వాహా॒ నిక॑షితాయ॒ స్వాహా॒ యదత్తి॒ తస్మై॒ స్వాహా॒ య-త్పిబ॑తి॒ తస్మై॒ స్వాహా॒ యన్మేహ॑తి॒ తస్మై॒ స్వాహా॒ యచ్ఛకృ॑-త్క॒రోతి॒ తస్మై॒ స్వాహా॒ రేత॑సే॒ స్వాహా᳚ ప్ర॒జాభ్య॒-స్స్వాహా᳚ ప్ర॒జన॑నాయ॒ స్వాహా॒ సర్వ॑స్మై॒ స్వాహా᳚ ॥ 51 ॥
(నిష॑ణ్ణాయ॒ స్వాహా॑ – వీఖ్షిష్య॒తే స్వాహా॑ – ని॒కష॑మాణాయ॒ స్వాహా॑ – స॒ప్తవిగ్ం॑శతిశ్చ) (అ. 19)
అ॒గ్నయే॒ స్వాహా॑ వా॒యవే॒ స్వాహా॒ సూర్యా॑య॒ స్వాహ॒ర్త-మ॑స్యృ॒తస్య॒ర్తమ॑సి స॒త్యమ॑సి స॒త్యస్య॑ స॒త్య-మ॑స్యృ॒తస్య॒ పన్థా॑ అసి దే॒వానా᳚-ఞ్ఛా॒యా-ఽమృత॑స్య॒ నామ॒ త-థ్స॒త్యం-యఀ-త్త్వ-మ్ప్ర॒జాప॑తి॒రస్యధి॒ యద॑స్మిన్ వా॒జినీ॑వ॒ శుభ॒-స్స్పర్ధ॑న్తే॒ దివ॒-స్సూర్యే॑ణ॒ విశో॒-ఽపో వృ॑ణా॒నః ప॑వతే క॒వ్య-న్ప॒శు-న్న గో॒పా ఇర్యః॒ పరి॑జ్మా ॥ 52 ॥
(అ॒గ్నయే॑ వా॒యవే॒ సూర్యా॑యా॒ – ఽష్టాచ॑త్వారిగ్ంశత్) (అ. 20)
(ప్ర॒జన॑నం – ప్రాతస్సవ॒నే వై – బ్ర॑హ్మవా॒దిన॒-స్స త్వా – అఙ్గి॑రస॒- ఆపో॒ వై – సోమో॒ వై – స॑హస్రత॒మ్యా – త్రి॑ – ర్జ॒మద॑గ్నిః – సంవఀథ్స॒రో – దే॒వస్య॑ -వి॒భూ – రాయ॑నాయా॒- ఽగ్నయే॑ – పృథి॒వ్యా – అ॒గ్నయే॑ – పృథి॒వ్యై – భువ॑ – ఈకాం॒రాయా॒ – గ్నయే॑ వా॒యవే॒ సూర్యా॑య – విగ్ంశ॒తిః )
(ప్ర॒జన॑న॒ – మఙ్గి॑రసః॒ – సోమో॒ వై – ప్ర॑తిగృ॒హ్ణాతి॑ – వి॒భూ – ర్వీఖ్ష॑మాణాయ॒ – ద్విప॑ఞ్చా॒శత్)
(ప్ర॒జన॑న॒, మ్పరి॑జ్మా)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయాం సప్తమకాణ్డే ప్రథమః ప్రశ్న-స్సమాప్తః ॥