କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ପ୍ରଥମଃ ପ୍ରଶ୍ନଃ- ଅଶ୍ଵମେଧଗତମନ୍ତ୍ରାଣାମଭିଧାନଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ପ୍ର॒ଜନ॑ନ॒-ଞ୍ଜ୍ୟୋତି॑ର॒ଗ୍ନି-ର୍ଦେ॒ଵତା॑ନା॒-ଞ୍ଜ୍ୟୋତି॑ର୍ଵି॒ରାଟ୍ ଛନ୍ଦ॑ସା॒-ଞ୍ଜ୍ୟୋତି॑ର୍ଵି॒ରା-ଡ୍ଵା॒ଚୋ᳚-ଽଗ୍ନୌ ସ-ନ୍ତି॑ଷ୍ଠତେ ଵି॒ରାଜ॑ମ॒ଭି ସମ୍ପ॑ଦ୍ୟତେ॒ ତସ୍ମା॒-ତ୍ତଜ୍ଜ୍ୟୋତି॑ରୁଚ୍ୟତେ॒ ଦ୍ଵୌ ସ୍ତୋମୌ᳚ ପ୍ରାତସ୍ସଵ॒ନଂ-ଵଁ॑ହତୋ॒ ୟଥା᳚ ପ୍ରା॒ଣଶ୍ଚା॑-ଽପା॒ନଶ୍ଚ॒ ଦ୍ଵୌ ମାଦ୍ଧ୍ୟ॑ଦିନ୍ନ॒ଗ୍ମ୍॒ ସଵ॑ନଂ॒-ୟଁଥା॒ ଚକ୍ଷୁ॑ଶ୍ଚ॒ ଶ୍ରୋତ୍ର॑-ଞ୍ଚ॒ ଦ୍ଵୌ ତୃ॑ତୀୟସଵ॒ନଂ-ୟଁଥା॒ ଵାକ୍ଚ॑ ପ୍ରତି॒ଷ୍ଠା ଚ॒ ପୁରୁ॑ଷସମ୍ମିତୋ॒ ଵା ଏ॒ଷ ୟ॒ଜ୍ଞୋ-ଽସ୍ଥୂ॑ରି॒- [ୟ॒ଜ୍ଞୋ-ଽସ୍ଥୂ॑ରିଃ, ୟ-ଙ୍କାମ॑-ଙ୍କା॒ମୟ॑ତେ॒] 1
-ର୍ୟ-ଙ୍କାମ॑-ଙ୍କା॒ମୟ॑ତେ॒ ତମେ॒ତେନା॒ଭ୍ୟ॑ଶ୍ଞୁତେ॒ ସର୍ଵ॒ଗ୍ଗ୍॒ ହ୍ୟସ୍ଥୂ॑ରିଣା-ଽଭ୍ୟଶ୍ଞୁ॒ତେ᳚ ଽଗ୍ନିଷ୍ଟୋ॒ମେନ॒ ଵୈ ପ୍ର॒ଜାପ॑ତିଃ ପ୍ର॒ଜା ଅ॑ସୃଜତ॒ ତା ଅ॑ଗ୍ନିଷ୍ଟୋ॒ମେନୈ॒ଵ ପର୍ୟ॑ଗୃହ୍ଣା॒-ତ୍ତାସା॒-ମ୍ପରି॑ଗୃହୀତାନା-ମଶ୍ଵତ॒ରୋ-ଽତ୍ୟ॑ପ୍ରଵତ॒ ତସ୍ୟା॑ନୁ॒ହାୟ॒ରେତ॒ ଆ-ଽଦ॑ତ୍ତ॒ ତ-ଦ୍ଗ॑ର୍ଦ॒ଭେ ନ୍ୟ॑ମା॒ର୍-ଟ୍ତସ୍ମା᳚-ଦ୍ଗର୍ଦ॒ଭୋ ଦ୍ଵି॒ରେତା॒ ଅଥୋ॑ ଆହୁ॒ର୍ଵଡ॑ବାୟା॒-ନ୍ନ୍ୟ॑ମା॒ର୍ଡିତି॒ ତସ୍ମା॒-ଦ୍ଵଡ॑ବା ଦ୍ଵି॒ରେତା॒ ଅଥୋ॑ ଆହୁ॒-ରୋଷ॑ଧୀଷୁ॒- [ଆହୁ॒-ରୋଷ॑ଧୀଷୁ, ନ୍ୟ॑ମା॒ର୍ଡିତି॒] 2
-ନ୍ୟ॑ମା॒ର୍ଡିତି॒ ତସ୍ମା॒ଦୋଷ॑ଧ॒ୟୋ ଽନ॑ଭ୍ୟକ୍ତା ରେଭ॒ନ୍ତ୍ୟଥୋ॑ ଆହୁଃ ପ୍ର॒ଜାସୁ॒ ନ୍ୟ॑ମା॒ର୍ଡିତି॒ ତସ୍ମା᳚-ଦ୍ୟ॒ମୌ ଜା॑ୟେତେ॒ ତସ୍ମା॑ଦଶ୍ଵତ॒ରୋ ନ ପ୍ର ଜା॑ୟତ॒ ଆତ୍ତ॑ରେତା॒ ହି ତସ୍ମା᳚-ଦ୍ବ॒ର୍॒ହିଷ୍ୟନ॑ଵକୢପ୍ତ-ସ୍ସର୍ଵଵେଦ॒ସେ ଵା॑ ସ॒ହସ୍ରେ॒ ଵା-ଽଵ॑ କୢ॒ପ୍ତୋ-ଽତି॒ ହ୍ୟପ୍ର॑ଵତ॒ ୟ ଏ॒ଵଂ-ଵିଁ॒ଦ୍ଵାନ॑ଗ୍ନିଷ୍ଟୋ॒ମେନ॒ ୟଜ॑ତେ॒ ପ୍ରାଜା॑ତାଃ ପ୍ର॒ଜା ଜ॒ନୟ॑ତି॒ ପରି॒ ପ୍ରଜା॑ତା ଗୃହ୍ଣାତି॒ ତସ୍ମା॑ଦାହୁର୍ଜ୍ୟେଷ୍ଠୟ॒ଜ୍ଞ ଇତି॑ [ ] 3
ପ୍ର॒ଜାପ॑ତି॒ର୍ଵାଵ ଜ୍ୟେଷ୍ଠ॒-ସ୍ସ ହ୍ୟେ॑ତେନାଗ୍ରେ-ଽୟ॑ଜତ ପ୍ର॒ଜାପ॑ତିରକାମୟତ॒ ପ୍ର ଜା॑ୟେ॒ୟେତି॒ ସ ମୁ॑ଖ॒ତସ୍ତ୍ରି॒ଵୃତ॒-ନ୍ନିର॑ମିମୀତ॒ ତମ॒ଗ୍ନିର୍ଦେ॒ଵତା ଽନ୍ଵ॑ସୃଜ୍ୟତ ଗାୟ॒ତ୍ରୀ ଛନ୍ଦୋ॑ ରଥନ୍ତ॒ରଗ୍ମ୍ ସାମ॑ ବ୍ରାହ୍ମ॒ଣୋ ମ॑ନୁ॒ଷ୍ୟା॑ଣାମ॒ଜଃ ପ॑ଶୂ॒ନା-ନ୍ତସ୍ମା॒-ତ୍ତେ ମୁଖ୍ୟା॑ ମୁଖ॒ତୋ ହ୍ୟସୃ॑ଜ୍ୟ॒ନ୍ତୋର॑ସୋ ବା॒ହୁଭ୍ୟା᳚-ମ୍ପଞ୍ଚଦ॒ଶ-ନ୍ନିର॑ମିମୀତ॒ ତମିନ୍ଦ୍ରୋ॑ ଦେ॒ଵତା ଽନ୍ଵ॑ସୃଜ୍ୟତ ତ୍ରି॒ଷ୍ଟୁ-ପ୍ଛନ୍ଦୋ॑ ବୃ॒ହ- [ବୃ॒ହତ୍, ସାମ॑ ରାଜ॒ନ୍ୟୋ॑] 4
-ଥ୍ସାମ॑ ରାଜ॒ନ୍ୟୋ॑ ମନୁ॒ଷ୍ୟା॑ଣା॒ମଵିଃ॑ ପଶୂ॒ନା-ନ୍ତସ୍ମା॒-ତ୍ତେ ଵୀ॒ର୍ୟା॑ଵନ୍ତୋ ଵୀ॒ର୍ୟା᳚ଦ୍ଧ୍ୟସୃ॑ଜ୍ୟନ୍ତ ମଦ୍ଧ୍ୟ॒ତ-ସ୍ସ॑ପ୍ତଦ॒ଶ-ନ୍ନିର॑ମିମୀତ॒ ତଂ-ଵିଁଶ୍ଵେ॑ ଦେ॒ଵା ଦେ॒ଵତା॒ ଅନ୍ଵ॑ସୃଜ୍ୟନ୍ତ॒ ଜଗ॑ତୀ॒ ଛନ୍ଦୋ॑ ଵୈ ରୂ॒ପଗ୍ମ୍ ସାମ॒ ଵୈଶ୍ୟୋ॑ ମନୁ॒ଷ୍ୟା॑ଣା॒-ଙ୍ଗାଵଃ॑ ପଶୂ॒ନା-ନ୍ତସ୍ମା॒-ତ୍ତ ଆ॒ଦ୍ୟା॑ ଅନ୍ନ॒ଧାନା॒ଦ୍ଧ୍ୟ ସୃ॑ଜ୍ୟନ୍ତ॒ ତସ୍ମା॒-ଦ୍ଭୂୟାଗ୍ମ୍॑ସୋ॒ ଽନ୍ୟେଭ୍ୟୋ॒ ଭୂୟି॑ଷ୍ଠା॒ ହି ଦେ॒ଵତା॒ ଅନ୍ଵସୃ॑ଜ୍ୟନ୍ତ ପ॒ତ୍ତ ଏ॑କଵି॒ଗ୍ମ୍॒ ଶ-ନ୍ନିର॑ମିମୀତ॒ ତମ॑ନୁ॒ଷ୍ଟୁ-ପ୍ଛନ୍ଦୋ- [ତମ॑ନୁ॒ଷ୍ଟୁ-ପ୍ଛନ୍ଦଃ॑, ଅନ୍ଵ॑ସୃଜ୍ୟତ] 5
-ଽନ୍ଵ॑ସୃଜ୍ୟତ ଵୈରା॒ଜଗ୍ମ୍ ସାମ॑ ଶୂ॒ଦ୍ରୋ ମ॑ନୁ॒ଷ୍ୟା॑ଣା॒-ମଶ୍ଵଃ॑ ପଶୂ॒ନା-ନ୍ତସ୍ମା॒-ତ୍ତୌ ଭୂ॑ତସ-ଙ୍କ୍ରା॒ମିଣା॒ଵଶ୍ଵ॑ଶ୍ଚ ଶୂ॒ଦ୍ରଶ୍ଚ॒ ତସ୍ମା᳚ଚ୍ଛୂ॒ଦ୍ରୋ ୟ॒ଜ୍ଞେ-ଽନ॑ଵକୢପ୍ତୋ॒ ନ ହି ଦେ॒ଵତା॒ ଅନ୍ଵସୃ॑ଜ୍ୟତ॒ ତସ୍ମା॒-ତ୍ପାଦା॒ଵୁପ॑ ଜୀଵତଃ ପ॒ତ୍ତୋ ହ୍ୟସୃ॑ଜ୍ୟେତା-ମ୍ପ୍ରା॒ଣା ଵୈ ତ୍ରି॒ଵୃଦ॑ର୍ଧମା॒ସାଃ ପ॑ଞ୍ଚଦ॒ଶଃ ପ୍ର॒ଜାପ॑ତି-ସ୍ସପ୍ତଦ॒ଶସ୍ତ୍ରୟ॑ ଇ॒ମେ ଲୋ॒କା ଅ॒ସାଵା॑ଦି॒ତ୍ୟ ଏ॑କଵି॒ଗ୍ମ୍॒ଶ ଏ॒ତସ୍ମି॒ନ୍ ଵା ଏ॒ତେ ଶ୍ରି॒ତା ଏ॒ତସ୍ମି॒-ନ୍ପ୍ରତି॑ଷ୍ଠିତା॒ ୟ ଏ॒ଵଂ-ଵେଁଦୈ॒ତସ୍ମି॑ନ୍ନେ॒ଵ ଶ୍ର॑ୟତ ଏ॒ତସ୍ମି॒-ନ୍ପ୍ରତି॑ ତିଷ୍ଠତି ॥ 6 ॥
(ଅସ୍ଥୂ॑ରି॒ – ରୋଷ॑ଧୀଷୁ – ଜ୍ୟେଷ୍ଠୟ॒ଜ୍ଞ ଇତି॑ – ବୃ॒ହ – ଦ॑ନୁ॒ଷ୍ଟୁ-ପ୍ଛନ୍ଦଃ॒ – ପ୍ରତି॑ଷ୍ଠିତା॒ – ନଵ॑ ଚ) (ଅ. 1)
ପ୍ରା॒ତ॒ସ୍ସ॒ଵ॒ନେ ଵୈ ଗା॑ୟ॒ତ୍ରେଣ॒ ଛନ୍ଦ॑ସା ତ୍ରି॒ଵୃତେ॒ ସ୍ତୋମା॑ୟ॒ ଜ୍ୟୋତି॒ର୍ଦଧ॑ଦେତି ତ୍ରି॒ଵୃତା᳚ ବ୍ରହ୍ମଵର୍ଚ॒ସେନ॑ ପଞ୍ଚଦ॒ଶାୟ॒ ଜ୍ୟୋତି॒ର୍ଦଧ॑ଦେତି ପଞ୍ଚଦ॒ଶେନୌଜ॑ସା ଵୀ॒ର୍ୟେ॑ଣ ସପ୍ତଦ॒ଶାୟ॒ ଜ୍ୟୋତି॒ର୍ଦଧ॑ଦେତି ସପ୍ତଦ॒ଶେନ॑ ପ୍ରାଜାପ॒ତ୍ୟେନ॑ ପ୍ର॒ଜନ॑ନେନୈକଵି॒ଗ୍ମ୍॒ଶାୟ॒ ଜ୍ୟୋତି॒ର୍ଦଧ॑ଦେତି॒ ସ୍ତୋମ॑ ଏ॒ଵ ତ-ଥ୍ସ୍ତୋମା॑ୟ॒ ଜ୍ୟୋତି॒ର୍ଦଧ॑ଦେ॒ତ୍ୟଥୋ॒ ସ୍ତୋମ॑ ଏ॒ଵ ସ୍ତୋମ॑ମ॒ଭି ପ୍ର ଣ॑ୟତି॒ ୟାଵ॑ନ୍ତୋ॒ ଵୈ ସ୍ତୋମା॒ସ୍ତାଵ॑ନ୍ତଃ॒ କାମା॒ସ୍ତାଵ॑ନ୍ତୋ ଲୋ॒କା -ସ୍ତାଵ॑ନ୍ତି॒ ଜ୍ୟୋତୀଗ୍॑ଷ୍ୟେ॒ତାଵ॑ତ ଏ॒ଵ ସ୍ତୋମା॑ନେ॒ତାଵ॑ତଃ॒ କାମା॑ନେ॒ତାଵ॑ତୋ ଲୋ॒କାନେ॒ତାଵ॑ନ୍ତି॒ ଜ୍ୟୋତୀ॒ଗ୍॒ଷ୍ୟଵ॑ ରୁନ୍ଧେ ॥ 7 ॥
(ତାଵ॑ନ୍ତୋ ଲୋ॒କା – ସ୍ତ୍ରୟୋ॑ଦଶ ଚ) (ଅ. 2)
ବ୍ର॒ହ୍ମ॒ଵା॒ଦିନୋ॑ ଵଦନ୍ତି॒ ସ ତ୍ଵୈ ୟ॑ଜେତ॒ ୟୋ᳚-ଽଗ୍ନିଷ୍ଟୋ॒ମେନ॒ ୟଜ॑ମା॒ନୋ-ଽଥ॒ ସର୍ଵ॑ସ୍ତୋମେନ॒ ୟଜେ॒ତେତି॒ ୟସ୍ୟ॑ ତ୍ରି॒ଵୃତ॑ମନ୍ତ॒ର୍ୟନ୍ତି॑ ପ୍ରା॒ଣାଗ୍-ସ୍ତସ୍ୟା॒ନ୍ତର୍ୟ॑ନ୍ତି ପ୍ରା॒ଣେଷୁ॒ ମେ-ଽପ୍ୟ॑ସ॒ଦିତି॒ ଖଲୁ॒ ଵୈ ୟ॒ଜ୍ଞେନ॒ ୟଜ॑ମାନୋ ୟଜତେ॒ ୟସ୍ୟ॑ ପଞ୍ଚଦ॒ଶମ॑ନ୍ତ॒ର୍ୟନ୍ତି॑ ଵୀ॒ର୍ୟ॑-ନ୍ତସ୍ୟା॒ନ୍ତର୍ୟ॑ନ୍ତି ଵୀ॒ର୍ୟେ॑ ମେ-ଽପ୍ୟ॑ସ॒ଦିତି॒ ଖଲୁ॒ ଵୈ ୟ॒ଜ୍ଞେନ॒ ୟଜ॑ମାନୋ ୟଜତେ॒ ୟସ୍ୟ॑ ସପ୍ତଦ॒ଶ-ମ॑ନ୍ତ॒ର୍ୟନ୍ତି॑ [ ] 8
ପ୍ର॒ଜା-ନ୍ତସ୍ୟା॒ନ୍ତର୍ୟ॑ନ୍ତି ପ୍ର॒ଜାୟା॒-ମ୍ମେ-ଽପ୍ୟ॑ସ॒ଦିତି॒ ଖଲୁ॒ ଵୈ ୟ॒ଜ୍ଞେନ॒ ୟଜ॑ମାନୋ ୟଜତେ॒ ୟସ୍ୟୈ॑କଵି॒ଗ୍ମ୍॒ଶମ॑ନ୍ତ॒ର୍ୟନ୍ତି॑ ପ୍ରତି॒ଷ୍ଠା-ନ୍ତସ୍ୟା॒ନ୍ତର୍ୟ॑ନ୍ତି ପ୍ରତି॒ଷ୍ଠାୟା॒-ମ୍ମେ-ଽପ୍ୟ॑ସ॒ଦିତି॒ ଖଲୁ॒ ଵୈ ୟ॒ଜ୍ଞେନ॒ ୟଜ॑ମାନୋ ୟଜତେ॒ ୟସ୍ୟ॑ ତ୍ରିଣ॒ଵମ॑ନ୍ତ॒ର୍ୟନ୍ତ୍ୟୃ॒ତୂଗ୍ଶ୍ଚ॒ ତସ୍ୟ॑ ନକ୍ଷ॒ତ୍ରିୟା᳚-ଞ୍ଚ ଵି॒ରାଜ॑ମ॒ନ୍ତର୍ୟ॑ନ୍ତ୍ୟୃ॒ତୁଷୁ॒ ମେ-ଽପ୍ୟ॑ସନ୍ନକ୍ଷ॒ତ୍ରିୟା॑ୟା-ଞ୍ଚ ଵି॒ରାଜୀତି॒ [ଵି॒ରାଜୀତି॑, ଖଲୁ॒ ଵୈ] 9
ଖଲୁ॒ ଵୈ ୟ॒ଜ୍ଞେନ॒ ୟଜ॑ମାନୋ ୟଜତେ॒ ୟସ୍ୟ॑ ତ୍ରୟସ୍ତ୍ରି॒ଗ୍ମ୍॒ଶମ॑ନ୍ତ॒ର୍ୟନ୍ତି॑ ଦେ॒ଵତା॒ସ୍ତସ୍ୟା॒ନ୍ତର୍ୟ॑ନ୍ତି ଦେ॒ଵତା॑ସୁ॒ ମେ-ଽପ୍ୟ॑ସ॒ଦିତି॒ ଖଲୁ॒ ଵୈ ୟ॒ଜ୍ଞେନ॒ ୟଜ॑ମାନୋ ୟଜତେ॒ ୟୋ ଵୈ ସ୍ତୋମା॑ନାମଵ॒ମ-ମ୍ପ॑ର॒ମତା॒-ଙ୍ଗଚ୍ଛ॑ନ୍ତଂ॒-ଵେଁଦ॑ ପର॒ମତା॑ମେ॒ଵ ଗ॑ଚ୍ଛତି ତ୍ରି॒ଵୃଦ୍ଵୈ ସ୍ତୋମା॑ନାମଵ॒ମସ୍ତ୍ରି॒ଵୃ-ତ୍ପ॑ର॒ମୋ ୟ ଏ॒ଵଂ-ଵେଁଦ॑ ପର॒ମତା॑ମେ॒ଵ ଗ॑ଚ୍ଛତି ॥ 10 ॥
(ସ॒ପ୍ତ॒ଦ॒ଶମ॑ନ୍ତ॒ର୍ୟନ୍ତି॑ – ଵି॒ରାଜୀତି॒ – ଚତୁ॑ଶ୍ଚତ୍ଵାରିଗ୍ମ୍ଶଚ୍ଚ) (ଅ. 3)
ଅଙ୍ଗି॑ରସୋ॒ ଵୈ ସ॒ତ୍ରମା॑ସତ॒ ତେ ସୁ॑ଵ॒ର୍ଗଂ-ଲୋଁ॒କମା॑ୟ॒-ନ୍ତେଷାଗ୍ମ୍॑ ହ॒ଵିଷ୍ମାଗ୍॑ଶ୍ଚ ହଵି॒ଷ୍କୃଚ୍ଚା॑-ଽହୀୟେତା॒-ନ୍ତାଵ॑କାମୟେତାଗ୍ମ୍ ସୁଵ॒ର୍ଗଂ-ଲୋଁ॒କମି॑ୟା॒ଵେତି॒ ତାଵେ॒ତ-ନ୍ଦ୍ଵି॑ରା॒ତ୍ରମ॑ପଶ୍ୟତା॒-ନ୍ତମା-ଽହ॑ରତା॒-ନ୍ତେନା॑ୟଜେତା॒-ନ୍ତତୋ॒ ଵୈ ତୌ ସୁ॑ଵ॒ର୍ଗଂ-ଲୋଁ॒କମୈ॑ତାଂ॒-ୟଁ ଏ॒ଵଂ-ଵିଁ॒ଦ୍ଵା-ନ୍ଦ୍ଵି॑ରା॒ତ୍ରେଣ॒ ୟଜ॑ତେ ସୁଵ॒ର୍ଗମେ॒ଵ ଲୋ॒କମେ॑ତି॒ ତାଵୈତା॒-ମ୍ପୂର୍ଵେ॒ଣାହ୍ନା ଽଗ॑ଚ୍ଛତା॒-ମୁତ୍ତ॑ରେଣା- [-ମୁତ୍ତ॑ରେଣ, ଅ॒ଭି॒ପ୍ଲ॒ଵଃ ପୂର୍ଵ॒] 11
-ଭିପ୍ଲ॒ଵଃ ପୂର୍ଵ॒-ମହ॑ର୍ଭଵତି॒ ଗତି॒ରୁତ୍ତ॑ର॒-ଞ୍ଜ୍ୟୋତି॑ଷ୍ଟୋମୋ-ଽଗ୍ନିଷ୍ଟୋ॒ମଃ ପୂର୍ଵ॒ମହ॑ର୍ଭଵତି॒ ତେଜ॒ସ୍ତେନାଵ॑ ରୁନ୍ଧେ॒ ସର୍ଵ॑ସ୍ତୋମୋ-ଽତିରା॒ତ୍ର ଉତ୍ତ॑ର॒ଗ୍ମ୍॒ ସର୍ଵ॒ସ୍ୟା-ଽଽପ୍ତ୍ୟୈ॒ ସର୍ଵ॒ସ୍ୟା-ଽଵ॑ରୁଦ୍ଧ୍ୟୈ ଗାୟ॒ତ୍ର-ମ୍ପୂର୍ଵେ-ଽହ॒ନ୍ଥ୍ସାମ॑ ଭଵତି॒ ତେଜୋ॒ ଵୈ ଗା॑ୟ॒ତ୍ରୀ ଗା॑ୟ॒ତ୍ରୀ ବ୍ର॑ହ୍ମଵର୍ଚ॒ସ-ନ୍ତେଜ॑ ଏ॒ଵ ବ୍ର॑ହ୍ମଵର୍ଚ॒ସମା॒ତ୍ମ-ନ୍ଧ॑ତ୍ତେ॒ ତ୍ରୈଷ୍ଟୁ॑ଭ॒ମୁତ୍ତ॑ର॒ ଓଜୋ॒ ଵୈ ଵୀ॒ର୍ୟ॑-ନ୍ତ୍ରି॒ଷ୍ଟୁଗୋଜ॑ ଏ॒ଵ ଵୀ॒ର୍ୟ॑ମା॒ତ୍ମ-ନ୍ଧ॑ତ୍ତେ ରଥନ୍ତ॒ର-ମ୍ପୂର୍ଵେ॑- [ରଥନ୍ତ॒ର-ମ୍ପୂର୍ଵେ᳚, ଅହ॒ନ୍-ଥ୍ସାମ॑] 12
-ଽହ॒ନ୍-ଥ୍ସାମ॑ ଭଵତୀ॒ୟଂ-ଵୈଁ ର॑ଥନ୍ତ॒ରମ॒ସ୍ୟାମେ॒ଵ ପ୍ରତି॑ ତିଷ୍ଠତି ବୃ॒ହଦୁତ୍ତ॑ରେ॒-ଽସୌ ଵୈ ବୃ॒ହଦ॒ମୁଷ୍ୟା॑ମେ॒ଵ ପ୍ରତି॑ ତିଷ୍ଠତି॒ ତଦା॑ହୁଃ॒ କ୍ଵ॑ ଜଗ॑ତୀ ଚା-ଽନୁ॒ଷ୍ଟୁ-ପ୍ଚେତି॑ ଵୈଖାନ॒ସ-ମ୍ପୂର୍ଵେ-ଽହ॒ନ୍-ଥ୍ସାମ॑ ଭଵତି॒ ତେନ॒ ଜଗ॑ତ୍ୟୈ॒ ନୈତି॑ ଷୋଡ॒ଶ୍ୟୁତ୍ତ॑ରେ॒ ତେନା॑ନୁ॒ଷ୍ଟୁଭୋ-ଽଥା॑ ଽଽହୁ॒ର୍ୟ-ଥ୍ସ॑ମା॒ନେ᳚-ଽର୍ଧମା॒ସେ ସ୍ୟାତା॑-ମନ୍ୟତ॒ରସ୍ୟାହ୍ନୋ॑ ଵୀ॒ର୍ୟ॑ମନୁ॑ ପଦ୍ୟେ॒ତେତ୍ୟ॑-ମାଵା॒ସ୍ୟା॑ୟା॒-ମ୍ପୂର୍ଵ॒ମହ॑-ର୍ଭଵ॒ତ୍ୟୁତ୍ତ॑ରସ୍ମି॒-ନ୍ନୁତ୍ତ॑ର॒-ନ୍ନାନୈ॒ଵା ଽର୍ଧ॑ମା॒ସୟୋ᳚ର୍ଭଵତୋ॒ ନାନା॑ଵୀର୍ୟେ ଭଵତୋ ହ॒ଵିଷ୍ମ॑ନ୍ନିଧନ॒-ମ୍ପୂର୍ଵ॒ମହ॑ର୍ଭଵତି ହଵି॒ଷ୍କୃନ୍ନି॑ଧନ॒-ମୁତ୍ତ॑ର॒-ମ୍ପ୍ରତି॑ଷ୍ଠିତ୍ୟୈ ॥ 13 ॥
(ଉତ୍ତ॑ରେଣ – ରଥନ୍ତ॒ର-ମ୍ପୂର୍ଵେ – ଽନ୍ଵେ – କ॑ଵିଗ୍ମ୍ଶତିଶ୍ଚ) (ଅ. 4)
ଆପୋ॒ ଵା ଇ॒ଦମଗ୍ରେ॑ ସଲି॒ଲମା॑ସୀ॒-ତ୍ତସ୍ମି॑-ନ୍ପ୍ର॒ଜାପ॑ତି-ର୍ଵା॒ୟୁର୍ଭୂ॒ତ୍ଵା ଽଚ॑ର॒-ଥ୍ସ ଇ॒ମାମ॑ପଶ୍ୟ॒-ତ୍ତାଂ-ଵଁ॑ରା॒ହୋ ଭୂ॒ତ୍ଵା-ଽହ॑ର॒-ତ୍ତାଂ-ଵିଁ॒ଶ୍ଵକ॑ର୍ମା ଭୂ॒ତ୍ଵା ଵ୍ୟ॑ମା॒ଟ୍ର୍-ଥ୍ସା-ଽପ୍ର॑ଥତ॒ ସା ପୃ॑ଥି॒ଵ୍ୟ॑ଭଵ॒-ତ୍ତ-ତ୍ପୃ॑ଥି॒ଵ୍ୟୈ ପୃ॑ଥିଵି॒ତ୍ଵ-ନ୍ତସ୍ୟା॑ମଶ୍ରାମ୍ୟ-ତ୍ପ୍ର॒ଜାପ॑ତି॒-ସ୍ସ ଦେ॒ଵାନ॑ସୃଜତ॒ ଵସୂ᳚-ନ୍ରୁ॒ଦ୍ରାନା॑ଦି॒ତ୍ୟା-ନ୍ତେ ଦେ॒ଵାଃ ପ୍ର॒ଜାପ॑ତିମବ୍ରୁଵ॒-ନ୍ପ୍ରଜା॑ୟାମହା॒ ଇତି॒ ସୋ᳚-ଽବ୍ରଵୀ॒- [ସୋ᳚-ଽବ୍ରଵୀତ୍, ୟଥା॒-ଽହଂ-] 14
-ଦ୍ୟଥା॒-ଽହଂ-ୟୁଁ॒ଷ୍ମାଗ୍ସ୍ତପ॒ସା ଽସୃ॑କ୍ଷ୍ୟେ॒ଵ-ନ୍ତପ॑ସି ପ୍ର॒ଜନ॑ନ-ମିଚ୍ଛଦ୍ଧ୍ଵ॒ମିତି॒ ତେଭ୍ୟୋ॒-ଽଗ୍ନିମା॒ୟତ॑ନ॒-ମ୍ପ୍ରା-ଽୟ॑ଚ୍ଛଦେ॒ତେନା॒-ଽଽୟତ॑ନେନ ଶ୍ରାମ୍ୟ॒ତେତି॒ ତେ᳚-ଽଗ୍ନିନା॒-ଽଽୟତ॑ନେନା-ଽ-ଶ୍ରାମ୍ୟ॒-ନ୍ତେ ସଂ॑ଵଁଥ୍ସ॒ର ଏକା॒-ଙ୍ଗାମ॑ସୃଜନ୍ତ॒ ତାଂ-ଵଁସୁ॑ଭ୍ୟୋ ରୁ॒ଦ୍ରେଭ୍ୟ॑ ଆଦି॒ତ୍ୟେଭ୍ୟଃ॒ ପ୍ରା-ଽୟ॑ଚ୍ଛନ୍ନେ॒ତାଗ୍ମ୍ ର॑କ୍ଷଦ୍ଧ୍ଵ॒ମିତି॒ ତାଂ-ଵଁସ॑ଵୋ ରୁ॒ଦ୍ରା ଆ॑ଦି॒ତ୍ୟା ଅ॑ରକ୍ଷନ୍ତ॒ ସା ଵସୁ॑ଭ୍ୟୋ ରୁ॒ଦ୍ରେଭ୍ୟ॑ ଆଦି॒ତ୍ୟେଭ୍ୟଃ॒ ପ୍ରାଜା॑ୟତ॒ତ୍ରୀଣି॑ ଚ [ ] 15
ଶ॒ତାନି॒ ତ୍ରୟ॑ସ୍ତ୍ରିଗ୍ମ୍ଶତ॒-ଞ୍ଚାଥ॒ ସୈଵ ସ॑ହସ୍ରତ॒ମ୍ୟ॑ଭଵ॒-ତ୍ତେ ଦେ॒ଵାଃ ପ୍ର॒ଜାପ॑ତିମବ୍ରୁଵନ୍-ଥ୍ସ॒ହସ୍ରେ॑ଣ ନୋ ୟାଜ॒ୟେତି॒ ସୋ᳚-ଽଗ୍ନିଷ୍ଟୋ॒ମେନ॒ ଵସୂ॑ନୟାଜୟ॒-ତ୍ତ ଇ॒ମଂ-ଲୋଁ॒କମ॑ଜୟ॒-ନ୍ତଚ୍ଚା॑ଦଦୁ॒-ସ୍ସ ଉ॒କ୍ଥ୍ୟେ॑ନ ରୁ॒ଦ୍ରାନ॑ୟାଜୟ॒-ତ୍ତେ᳚-ଽନ୍ତରି॑କ୍ଷମଜୟ॒-ନ୍ତଚ୍ଚା॑ଦଦୁ॒-ସ୍ସୋ॑-ଽତିରା॒ତ୍ରେଣା॑-ଽଽଦି॒ତ୍ୟାନ॑ୟାଜୟ॒-ତ୍ତେ॑-ଽମୁଂ-ଲୋଁ॒କମ॑ଜୟ॒-ନ୍ତଚ୍ଚା॑-ଽଦଦୁ॒-ସ୍ତଦ॒ନ୍ତରି॑କ୍ଷଂ॒- [-ସ୍ତଦ॒ନ୍ତରି॑କ୍ଷମ୍, ଵ୍ୟଵୈ᳚ର୍ୟତ॒] 16
-ଵ୍ୟଁଵୈ᳚ର୍ୟତ॒ ତସ୍ମା᳚-ଦ୍ରୁ॒ଦ୍ରା ଘାତୁ॑କା ଅନାୟତ॒ନା ହି ତସ୍ମା॑ଦାହୁ-ଶ୍ଶିଥି॒ଲଂ-ଵୈଁ ମ॑ଦ୍ଧ୍ୟ॒ମ-ମହ॑ସ୍ତ୍ରିରା॒ତ୍ରସ୍ୟ॒ ଵି ହି ତଦ॒ଵୈର୍ୟ॒ତେତି॒ ତ୍ରୈଷ୍ଟୁ॑ଭ-ମ୍ମଦ୍ଧ୍ୟ॒ମସ୍ୟାହ୍ନ॒ ଆଜ୍ୟ॑-ମ୍ଭଵତି ସଂ॒ୟାଁନା॑ନି ସୂ॒କ୍ତାନି॑ ଶଗ୍ମ୍ସତି ଷୋଡ॒ଶିନଗ୍ମ୍॑ ଶଗ୍ମ୍ସ॒ତ୍ୟହ୍ନୋ॒ ଧୃତ୍ୟା॒ ଅଶି॑ଥିଲମ୍ଭାଵାୟ॒ ତସ୍ମା᳚-ତ୍ତ୍ରିରା॒ତ୍ରସ୍ୟା᳚ଗ୍ନିଷ୍ଟୋ॒ମ ଏ॒ଵ ପ୍ର॑ଥ॒ମମହ॑-ସ୍ସ୍ୟା॒ଦଥୋ॒କ୍ଥ୍ୟୋ ଽଥା॑-ଽତିରା॒ତ୍ର ଏ॒ଷାଂ-ଲୋଁ॒କାନାଂ॒-ଵିଁଧୃ॑ତ୍ୟୈ॒ ତ୍ରୀଣି॑ତ୍ରୀଣି ଶ॒ତା-ନ୍ୟ॑ନୂଚୀନା॒ହ-ମଵ୍ୟ॑ଵଚ୍ଛିନ୍ନାନି ଦଦା- [ଦଦାତି, ଏ॒ଷାଂ-ଲୋଁ॒କାନା॒-] 17
-ତ୍ୟେ॒ଷାଂ-ଲୋଁ॒କାନା॒-ମନୁ॒ ସନ୍ତ॑ତ୍ୟୈ ଦ॒ଶତ॒-ନ୍ନ ଵିଚ୍ଛି॑ନ୍ଦ୍ୟା-ଦ୍ଵି॒ରାଜ॒-ନ୍ନେଦ୍ଵି॑ଚ୍ଛି॒ନଦା॒ନୀତ୍ୟଥ॒ ୟା ସ॑ହସ୍ରତ॒ମ୍ୟାସୀ॒-ତ୍ତସ୍ୟା॒ମିନ୍ଦ୍ର॑ଶ୍ଚ॒ ଵିଷ୍ଣୁ॑ଶ୍ଚ॒ ଵ୍ୟାୟ॑ଚ୍ଛେତା॒ଗ୍ମ୍॒ ସ ଇନ୍ଦ୍ରୋ॑-ଽମନ୍ୟତା॒ନୟା॒ ଵା ଇ॒ଦଂ-ଵିଁଷ୍ଣୁ॑-ସ୍ସ॒ହସ୍ରଂ॑-ଵଁର୍କ୍ଷ୍ୟତ॒ ଇତି॒ ତସ୍ୟା॑ମକଲ୍ପେତା॒-ନ୍ଦ୍ଵିଭା॑ଗ॒ ଇନ୍ଦ୍ର॒ସ୍ତୃତୀ॑ୟେ॒ ଵିଷ୍ଣୁ॒ସ୍ତଦ୍ଵା ଏ॒ଷା-ଽଭ୍ୟନୂ᳚ଚ୍ୟତ ଉ॒ଭା ଜି॑ଗ୍ୟଥୁ॒ରିତି॒ ତାଂ-ଵାଁ ଏ॒ତାମ॑ଚ୍ଛାଵା॒କ [ଏ॒ତାମ॑ଚ୍ଛାଵା॒କଃ, ଏ॒ଵ] 18
ଏ॒ଵ ଶଗ୍ମ୍॑ସ॒ତ୍ୟଥ॒ ୟା ସ॑ହସ୍ରତ॒ମୀ ସା ହୋତ୍ରେ॒ ଦେୟେତି॒ ହୋତା॑ରଂ॒-ଵାଁ ଅ॒ଭ୍ୟତି॑ରିଚ୍ୟତେ॒ ୟଦ॑ତି॒ରିଚ୍ୟ॑ତେ॒ ହୋତା ଽନା᳚ପ୍ତସ୍ୟା-ଽଽପୟି॒ତା ଽଥା॑-ଽହୁରୁନ୍ନେ॒ତ୍ରେ ଦେୟେତ୍ୟତି॑ରିକ୍ତା॒ ଵା ଏ॒ଷା ସ॒ହସ୍ର॒ସ୍ୟାତି॑ରିକ୍ତ ଉନ୍ନେ॒ତର୍ତ୍ଵିଜା॒ମଥା॑-ଽଽହୁ॒-ସ୍ସର୍ଵେ᳚ଭ୍ୟ-ସ୍ସଦ॒ସ୍ୟେ᳚ଭ୍ୟୋ॒ ଦେୟେତ୍ୟଥା॑-ଽଽହୁରୁଦା॒ କୃତ୍ୟା॒ ସା ଵଶ॑-ଞ୍ଚରେ॒ଦିତ୍ୟଥା॑-ଽଽହୁର୍ବ୍ର॒ହ୍ମଣେ॑ ଚା॒ଗ୍ନୀଧେ॑ ଚ॒ ଦେୟେତି॒ [ଦେୟେତି, ଦ୍ଵିଭା॑ଗ-] 19
ଦ୍ଵିଭା॑ଗ-ମ୍ବ୍ର॒ହ୍ମଣେ॒ ତୃତୀ॑ୟମ॒ଗ୍ନୀଧ॑ ଐ॒ନ୍ଦ୍ରୋ ଵୈ ବ୍ର॒ହ୍ମା ଵୈ᳚ଷ୍ଣ॒ଵୋ᳚-ଽଗ୍ନୀଦ୍ୟଥୈ॒ଵ ତାଵକ॑ଲ୍ପେତା॒ମିତ୍ୟଥା॑ ଽଽହୁ॒ର୍ୟା କ॑ଲ୍ୟା॒ଣୀ ବ॑ହୁରୂ॒ପା ସା ଦେୟେତ୍ୟଥା॑ ଽଽହୁ॒ର୍ୟା ଦ୍ଵି॑ରୂ॒ପୋଭ॒ୟତ॑ଏନୀ॒ ସା ଦେୟେତି॑ ସ॒ହସ୍ର॑ସ୍ୟ॒ ପରି॑ଗୃହୀତ୍ୟୈ॒ ତଦ୍ଵା ଏ॒ତ-ଥ୍ସ॒ହସ୍ର॒ସ୍ୟା-ଽୟ॑ନଗ୍ମ୍ ସ॒ହସ୍ରଗ୍ଗ୍॑ ସ୍ତୋ॒ତ୍ରୀୟା᳚-ସ୍ସ॒ହସ୍ର॒-ନ୍ଦକ୍ଷି॑ଣା-ସ୍ସ॒ହସ୍ର॑ସମ୍ମିତ-ସ୍ସୁଵ॒ର୍ଗୋ ଲୋ॒କ-ସ୍ସୁ॑ଵ॒ର୍ଗସ୍ୟ॑ ଲୋ॒କସ୍ୟା॒ଭିଜି॑ତ୍ୟୈ ॥ 20 ॥
(ଅ॒ବ୍ର॒ଵୀ॒ – ଚ୍ଚ॒ – ତଦ॒ନ୍ତରି॑କ୍ଷଂ – ଦଦାତ୍ୟ – ଚ୍ଛାଵା॒କ – ଶ୍ଚ॒ ଦେୟେତି॑ – ସ॒ପ୍ତଚ॑ତ୍ଵାରିଗ୍ମ୍ଶଚ୍ଚ) (ଅ. 5)
ସୋମୋ॒ ଵୈ ସ॒ହସ୍ର॑ମଵିନ୍ଦ॒-ତ୍ତମିନ୍ଦ୍ରୋ ଽନ୍ଵ॑ଵିନ୍ଦ॒-ତ୍ତୌ ୟ॒ମୋ ନ୍ୟାଗ॑ଚ୍ଛ॒-ତ୍ତାଵ॑ବ୍ରଵୀ॒ଦସ୍ତୁ॒ ମେ-ଽତ୍ରା-ଽପୀତ୍ୟସ୍ତୁ॒ ହୀ(3) ଇତ୍ୟ॑ବ୍ରୂତା॒ଗ୍ମ୍॒ ସ ୟ॒ମ ଏକ॑ସ୍ୟାଂ-ଵୀଁ॒ର୍ୟ॑-ମ୍ପର୍ୟ॑ପଶ୍ୟଦି॒ୟଂ-ଵାଁ ଅ॒ସ୍ୟ ସ॒ହସ୍ର॑ସ୍ୟ ଵୀ॒ର୍ୟ॑-ମ୍ବିଭ॒ର୍ତୀତି॒ ତାଵ॑ବ୍ରଵୀଦି॒ୟ-ମ୍ମମାସ୍ତ୍ଵେ॒ତ-ଦ୍ୟୁ॒ଵୟୋ॒ରିତି॒ ତାଵ॑ବ୍ରୂତା॒ଗ୍ମ୍॒ ସର୍ଵେ॒ ଵା ଏ॒ତଦେ॒ତସ୍ୟାଂ᳚-ଵୀଁ॒ର୍ୟ॑- [ଏ॒ତଦେ॒ତସ୍ୟାଂ᳚-ଵୀଁ॒ର୍ୟ᳚ମ୍, ପରି॑] 21
-ମ୍ପରି॑ ପଶ୍ୟା॒ମୋ-ଽଗ୍ମ୍ଶ॒ମା ହ॑ରାମହା॒ ଇତି॒ ତସ୍ୟା॒ମଗ୍ମ୍ଶ॒ମା-ଽହ॑ରନ୍ତ॒ ତାମ॒ଫ୍ସୁ ପ୍ରା-ଽଵେ॑ଶୟ॒ନ୍-ଥ୍ସୋମା॑ୟୋ॒ଦେହୀତି॒ ସା ରୋହି॑ଣୀ ପିଙ୍ଗ॒ଲୈକ॑ହାୟନୀ ରୂ॒ପ-ଙ୍କୃ॒ତ୍ଵା ତ୍ରୟ॑ସ୍ତ୍ରିଗ୍ମ୍ଶତା ଚ ତ୍ରି॒ଭିଶ୍ଚ॑ ଶ॒ତୈ-ସ୍ସ॒ହୋଦୈ-ତ୍ତସ୍ମା॒-ଦ୍ରୋହି॑ଣ୍ୟା ପିଙ୍ଗ॒ଲୟୈକ॑ହାୟନ୍ୟା॒ ସୋମ॑-ଙ୍କ୍ରୀଣୀୟା॒ଦ୍ୟ ଏ॒ଵଂ-ଵିଁ॒ଦ୍ଵା-ନ୍ରୋହି॑ଣ୍ୟା ପିଙ୍ଗ॒ଲୟୈକ॑ହାୟନ୍ୟା॒ ସୋମ॑-ଙ୍କ୍ରୀ॒ଣାତି॒ ତ୍ରୟ॑ସ୍ତ୍ରିଗ୍ମ୍ଶତା ଚୈ॒ଵାସ୍ୟ॑ ତ୍ରି॒ଭିଶ୍ଚ॑ [ ] 22
ଶ॒ତୈ-ସ୍ସୋମଃ॑ କ୍ରୀ॒ତୋ ଭ॑ଵତି॒ ସୁକ୍ରୀ॑ତେନ ୟଜତେ॒ ତାମ॒ଫ୍ସୁ ପ୍ରାଵେ॑ଶୟ॒-ନ୍ନିନ୍ଦ୍ରା॑ୟୋ॒ଦେହୀତି॒ ସା ରୋହି॑ଣୀ ଲକ୍ଷ୍ମ॒ଣା ପ॑ଷ୍ଠୌ॒ହୀ ଵାର୍ତ୍ର॑ଘ୍ନୀ ରୂ॒ପ-ଙ୍କୃ॒ତ୍ଵା ତ୍ରୟ॑ସ୍ତ୍ରିଗ୍ମ୍ଶତା ଚ ତ୍ରି॒ଭିଶ୍ଚ॑ ଶ॒ତୈ-ସ୍ସ॒ହୋଦୈ-ତ୍ତସ୍ମା॒-ଦ୍ରୋହି॑ଣୀଂ-ଲଁକ୍ଷ୍ମ॒ଣା-ମ୍ପ॑ଷ୍ଠୌ॒ହୀଂ-ଵାଁର୍ତ୍ର॑ଘ୍ନୀ-ନ୍ଦଦ୍ୟା॒ଦ୍ୟ ଏ॒ଵଂ-ଵିଁ॒ଦ୍ଵା-ନ୍ରୋହି॑ଣୀଂ-ଲଁକ୍ଷ୍ମ॒ଣା-ମ୍ପ॑ଷ୍ଠୌ॒ହୀଂ-ଵାଁର୍ତ୍ର॑ଘ୍ନୀ॒-ନ୍ଦଦା॑ତି॒ ତ୍ରୟ॑ସ୍ତ୍ରିଗ୍ମ୍ଶଚ୍ଚୈ॒ଵାସ୍ୟ॒ ତ୍ରୀଣି॑ ଚ ଶ॒ତାନି॒ ସା ଦ॒ତ୍ତା [ଦ॒ତ୍ତା, ଭ॒ଵ॒ତି॒ ତାମ॒ଫ୍ସୁ] 23
ଭ॑ଵତି॒ ତାମ॒ଫ୍ସୁ ପ୍ରାଵେ॑ଶୟନ୍ ୟ॒ମାୟୋ॒ଦେହୀତି॒ ସା ଜର॑ତୀ ମୂ॒ର୍ଖା ତ॑ଜ୍ଜଘ॒ନ୍ୟା ରୂ॒ପ-ଙ୍କୃ॒ତ୍ଵା ତ୍ରୟ॑ସ୍ତ୍ରିଗ୍ମ୍ଶତା ଚ ତ୍ରି॒ଭିଶ୍ଚ॑ ଶ॒ତୈ-ସ୍ସ॒ହୋଦୈ-ତ୍ତସ୍ମା॒ଜ୍ଜର॑ତୀ-ମ୍ମୂ॒ର୍ଖା-ନ୍ତ॑ଜ୍ଜଘ॒ନ୍ୟା-ମ॑ନୁ॒ସ୍ତର॑ଣୀ-ଙ୍କୁର୍ଵୀତ॒ ୟ ଏ॒ଵଂ-ଵିଁ॒ଦ୍ଵାଞ୍ଜର॑ତୀ-ମ୍ମୂ॒ର୍ଖା-ନ୍ତ॑ଜ୍ଜଘ॒ନ୍ୟା-ମ॑ନୁ॒ସ୍ତର॑ଣୀ-ଙ୍କୁରୁ॒ତେ ତ୍ରୟ॑ସ୍ତ୍ରିଗ୍ମ୍ଶଚ୍ଚୈ॒ଵାସ୍ୟ॒ ତ୍ରୀଣି॑ ଚ ଶ॒ତାନି॒ ସା-ଽମୁଷ୍ମି॑ଲ୍ଲୋଁ॒କେ ଭ॑ଵତି॒ ଵାଗେ॒ଵ ସ॑ହସ୍ରତ॒ମୀ ତସ୍ମା॒- [ତସ୍ମା᳚ତ୍, ଵରୋ॒ ଦେୟ॒-ସ୍ସା] 24
-ଦ୍ଵରୋ॒ ଦେୟ॒-ସ୍ସା ହି ଵର॑-ସ୍ସ॒ହସ୍ର॑ମସ୍ୟ॒ ସା ଦ॒ତ୍ତା ଭ॑ଵତି॒ ତସ୍ମା॒-ଦ୍ଵରୋ॒ ନ ପ୍ର॑ତି॒ଗୃହ୍ୟ॒-ସ୍ସା ହି ଵର॑-ସ୍ସ॒ହସ୍ର॑ମସ୍ୟ॒ ପ୍ରତି॑ଗୃହୀତ-ମ୍ଭଵତୀ॒ୟଂ-ଵଁର॒ ଇତି॑ ବ୍ରୂୟା॒ଦଥା॒ନ୍ୟା-ମ୍ବ୍ରୂ॑ୟାଦି॒ୟ-ମ୍ମମେତି॒ ତଥା᳚-ଽସ୍ୟ॒ ତ-ଥ୍ସ॒ହସ୍ର॒-ମପ୍ର॑ତିଗୃହୀତ-ମ୍ଭଵତ୍ୟୁଭୟତଏ॒ନୀ ସ୍ୟା॒-ତ୍ତଦା॑ହୁରନ୍ୟତ ଏ॒ନୀ ସ୍ୟା᳚-ଥ୍ସ॒ହସ୍ର॑-ମ୍ପ॒ରସ୍ତା॒ଦେତ॒ମିତି॒ ୟୈଵ ଵରଃ॑ [ଵରଃ॑, କ॒ଲ୍ୟା॒ଣୀ ରୂ॒ପସ॑ମୃଦ୍ଧା॒ ସା] 25
କଲ୍ୟା॒ଣୀ ରୂ॒ପସ॑ମୃଦ୍ଧା॒ ସା ସ୍ୟା॒-ଥ୍ସା ହି ଵର॒-ସ୍ସମୃ॑ଦ୍ଧ୍ୟୈ॒ ତାମୁତ୍ତ॑ରେ॒ଣା-ଽଽଗ୍ନୀ᳚ଦ୍ଧ୍ର-ମ୍ପର୍ୟା॒ଣୀୟା॑-ଽଽହଵ॒ନୀୟ॒ସ୍ୟାନ୍ତେ᳚ ଦ୍ରୋଣକଲ॒ଶମଵ॑ ଘ୍ରାପୟେ॒ଦା ଜି॑ଘ୍ର କ॒ଲଶ॑-ମ୍ମହ୍ୟୁ॒ରୁଧା॑ରା॒ ପୟ॑ସ୍ଵ॒ତ୍ୟା ତ୍ଵା॑ ଵିଶ॒ନ୍ତ୍ଵିନ୍ଦ॑ଵ-ସ୍ସମୁ॒ଦ୍ରମି॑ଵ॒ ସିନ୍ଧ॑ଵ॒-ସ୍ସା ମା॑ ସ॒ହସ୍ର॒ ଆ ଭ॑ଜ ପ୍ର॒ଜୟା॑ ପ॒ଶୁଭି॑-ସ୍ସ॒ହ ପୁନ॒ର୍ମା ଽଽଵି॑ଶତା-ଦ୍ର॒ୟିରିତି॑ ପ୍ର॒ଜୟୈ॒ଵୈନ॑-ମ୍ପ॒ଶୁଭୀ॑ ର॒ୟ୍ୟା ସ- [ର॒ୟ୍ୟା ସମ୍, ଅ॒ର୍ଧ॒ୟ॒ତି॒ ପ୍ର॒ଜାଵା᳚-] 26
-ମ॑ର୍ଧୟତି ପ୍ର॒ଜାଵା᳚-ନ୍ପଶୁ॒ମା-ନ୍ର॑ୟି॒ମା-ନ୍ଭ॑ଵତି॒ ୟ ଏ॒ଵଂ-ଵେଁଦ॒ ତୟା॑ ସ॒ହା-ଽଽଗ୍ନୀ᳚ଦ୍ଧ୍ର-ମ୍ପ॒ରେତ୍ୟ॑ ପୁ॒ରସ୍ତା᳚-ତ୍ପ୍ର॒ତୀଚ୍ୟା॒-ନ୍ତିଷ୍ଠ॑ନ୍ତ୍ୟା-ଞ୍ଜୁହୁୟାଦୁ॒ଭା ଜି॑ଗ୍ୟଥୁ॒ର୍ନ ପରା॑ ଜୟେଥେ॒ ନ ପରା॑ ଜିଗ୍ୟେ କତ॒ରଶ୍ଚ॒ନୈନୋଃ᳚ । ଇନ୍ଦ୍ର॑ଶ୍ଚ ଵିଷ୍ଣୋ॒ ୟଦପ॑ସ୍ପୃଧେଥା-ନ୍ତ୍ରେ॒ଧା ସ॒ହସ୍ରଂ॒-ଵିଁ ତଦୈ॑ରୟେଥା॒ମିତି॑, ତ୍ରେଧାଵିଭ॒କ୍ତଂ-ଵୈଁ ତ୍ରି॑ରା॒ତ୍ରେ ସ॒ହସ୍ରଗ୍ମ୍॑ ସାହ॒ସ୍ରୀମେ॒ଵୈନା᳚-ଙ୍କରୋତି ସ॒ହସ୍ର॑ସ୍ୟୈ॒ଵୈନା॒-ମ୍ମାତ୍ରା᳚- [-ମ୍ମାତ୍ରା᳚ମ୍, କ॒ରୋ॒ତି॒ ରୂ॒ପାଣି॑ ଜୁହୋତି] 27
-ଙ୍କରୋତି ରୂ॒ପାଣି॑ ଜୁହୋତି ରୂ॒ପୈରେ॒ଵୈନା॒ଗ୍ମ୍॒ ସମ॑ର୍ଧୟତି॒ ତସ୍ୟା॑ ଉପୋ॒ତ୍ଥାୟ॒ କର୍ଣ॒ମା ଜ॑ପେ॒ଦିଡେ॒ ରନ୍ତେ-ଽଦି॑ତେ॒ ସର॑ସ୍ଵତି॒ ପ୍ରିୟେ॒ ପ୍ରେୟ॑ସି॒ ମହି॒ ଵିଶ୍ରୁ॑ତ୍ୟେ॒ତାନି॑ ତେ ଅଘ୍ନିୟେ॒ ନାମା॑ନି ସୁ॒କୃତ॑-ମ୍ମା ଦେ॒ଵେଷୁ॑ ବ୍ରୂତା॒ଦିତି॑ ଦେ॒ଵେଭ୍ୟ॑ ଏ॒ଵୈନ॒ମା ଵେ॑ଦୟ॒ତ୍ୟନ୍ଵେ॑ନ-ନ୍ଦେ॒ଵା ବୁ॑ଦ୍ଧ୍ୟନ୍ତେ ॥ 28 ॥
( ଏ॒ତଦେ॒ତସ୍ୟାଂ᳚-ଵୀଁ॒ର୍ୟ॑ – ମସ୍ୟ ତ୍ରି॒ଭିଶ୍ଚ॑ – ଦ॒ତ୍ତା – ସ॑ହସ୍ରତ॒ମୀ ତସ୍ମା॑ – ଦେ॒ଵ ଵରଃ॒ – ସଂ – ମାତ୍ରା॒ – ମେକା॒ନ୍ନଚ॑ତ୍ଵାରି॒ଗ୍ମ୍॒ଶଚ୍ଚ॑) (ଅ. 6)
ସ॒ହ॒ସ୍ର॒ତ॒ମ୍ୟା॑ ଵୈ ୟଜ॑ମାନ-ସ୍ସୁଵ॒ର୍ଗଂ-ଲୋଁ॒କମେ॑ତି॒ ସୈନଗ୍ମ୍॑ ସୁଵ॒ର୍ଗଂ-ଲୋଁ॒କ-ଙ୍ଗ॑ମୟତି॒ ସା ମା॑ ସୁଵ॒ର୍ଗଂ-ଲୋଁ॒କ-ଙ୍ଗ॑ମ॒ୟେତ୍ୟା॑ହ ସୁଵ॒ର୍ଗମେ॒ଵୈନଂ॑-ଲୋଁ॒କ-ଙ୍ଗ॑ମୟତି॒ ସା ମା॒ ଜ୍ୟୋତି॑ଷ୍ମନ୍ତଂ-ଲୋଁ॒କ-ଙ୍ଗ॑ମ॒ୟେତ୍ୟା॑ହ॒ ଜ୍ୟୋତି॑ଷ୍ମନ୍ତମେ॒ଵୈନଂ॑-ଲୋଁ॒କ-ଙ୍ଗ॑ମୟତି॒ ସା ମା॒ ସର୍ଵା॒-ନ୍ପୁଣ୍ୟା᳚-ଲ୍ଲୋଁ॒କା-ନ୍ଗ॑ମ॒ୟେତ୍ୟା॑ହ॒ ସର୍ଵା॑ନେ॒ଵୈନ॒-ମ୍ପୁଣ୍ୟାଂ᳚-ଲୋଁ॒କା-ନ୍ଗ॑ମୟତି॒ ସା [ସା, ମା॒ ପ୍ର॒ତି॒ଷ୍ଠା-ଙ୍ଗ॑ମୟ ପ୍ର॒ଜୟା॑] 29
ମା᳚ ପ୍ରତି॒ଷ୍ଠା-ଙ୍ଗ॑ମୟ ପ୍ର॒ଜୟା॑ ପ॒ଶୁଭି॑-ସ୍ସ॒ହ ପୁନ॒ର୍ମା-ଽଽ ଵି॑ଶତା-ଦ୍ର॒ୟିରିତି॑ ପ୍ର॒ଜୟୈ॒ଵୈନ॑-ମ୍ପ॒ଶୁଭୀ॑ ର॒ୟ୍ୟା-ମ୍ପ୍ରତି॑ ଷ୍ଠାପୟତି ପ୍ର॒ଜାଵା᳚-ନ୍ପଶୁ॒ମା-ନ୍ର॑ୟି॒ମା-ନ୍ଭ॑ଵତି॒ ୟ ଏ॒ଵଂ-ଵେଁଦ॒ ତାମ॒ଗ୍ନୀଧେ॑ ଵା ବ୍ର॒ହ୍ମଣେ॑ ଵା॒ ହୋତ୍ରେ॑ ଵୋଦ୍ଗା॒ତ୍ରେ ଵା᳚-ଽଦ୍ଧ୍ଵ॒ର୍ୟଵେ॑ ଵା ଦଦ୍ୟା-ଥ୍ସ॒ହସ୍ର॑ମସ୍ୟ॒ ସା ଦ॒ତ୍ତା ଭ॑ଵତି ସ॒ହସ୍ର॑ମସ୍ୟ॒ ପ୍ରତି॑ଗୃହୀତ-ମ୍ଭଵତି॒ ୟସ୍ତାମଵି॑ଦ୍ଵା- [ୟସ୍ତାମଵି॑ଦ୍ଵାନ୍, ପ୍ର॒ତି॒ଗୃ॒ହ୍ଣାତି॒] 30
-ନ୍ପ୍ରତିଗୃ॒ହ୍ଣାତି॒ ତା-ମ୍ପ୍ରତି॑ଗୃହ୍ଣୀୟା॒ଦେକା॑-ଽସି॒ ନ ସ॒ହସ୍ର॒ମେକା᳚-ନ୍ତ୍ଵା ଭୂ॒ତା-ମ୍ପ୍ରତି॑ ଗୃହ୍ଣାମି॒ ନ ସ॒ହସ୍ର॒ମେକା॑ ମା ଭୂ॒ତା-ଽଽ ଵି॑ଶ॒ ମା ସ॒ହସ୍ର॒ମିତ୍ୟେକା॑ମେ॒ଵୈନା᳚-ମ୍ଭୂ॒ତା-ମ୍ପ୍ରତି॑ଗୃହ୍ଣାତି॒ ନ ସ॒ହସ୍ରଂ॒-ୟଁ ଏ॒ଵଂ-ଵେଁଦ॑ ସ୍ୟୋ॒ନା-ଽସି॑ ସୁ॒ଷଦା॑ ସୁ॒ଶେଵା᳚ ସ୍ୟୋ॒ନା ମା ଽଽଵି॑ଶ ସୁ॒ଷଦା॒ ମା ଽଽଵି॑ଶ ସୁ॒ଶେଵା॒ ମା ଽଽଵି॒ଶେ- [ମା ଽଽଵି॑ଶ, ଇତ୍ୟା॑ହ] 31
-ତ୍ୟା॑ହ ସ୍ୟୋ॒ନୈଵୈନଗ୍ମ୍॑ ସୁ॒ଷଦା॑ ସୁ॒ଶେଵା॑ ଭୂ॒ତା-ଽଽ ଵି॑ଶତି॒ ନୈନଗ୍ମ୍॑ ହିନସ୍ତି ବ୍ରହ୍ମଵା॒ଦିନୋ॑ ଵଦନ୍ତି ସ॒ହସ୍ରଗ୍ମ୍॑ ସହସ୍ରତ॒ମ୍ୟନ୍ଵେ॒ତୀ(3) ସ॑ହସ୍ରତ॒ମୀଗ୍ମ୍ ସ॒ହସ୍ରା(3)ମିତି॒ ୟ-ତ୍ପ୍ରାଚୀ॑ମୁ-ଥ୍ସୃ॒ଜେ-ଥ୍ସ॒ହସ୍ରଗ୍ମ୍॑ ସହସ୍ରତ॒ମ୍ୟନ୍ଵି॑ୟା॒-ତ୍ତ-ଥ୍ସ॒ହସ୍ର॑ମପ୍ରଜ୍ଞା॒ତ୍ରଗ୍ମ୍ ସୁ॑ଵ॒ର୍ଗଂ-ଲୋଁ॒କ-ନ୍ନ ପ୍ର ଜା॑ନୀୟା-ତ୍ପ୍ର॒ତୀଚୀ॒-ମୁଥ୍ସୃ॑ଜତି॒ ତାଗ୍ମ୍ ସ॒ହସ୍ର॒ମନୁ॑ ପ॒ର୍ୟାଵ॑ର୍ତତେ॒ ସା ପ୍ର॑ଜାନ॒ତୀ ସୁ॑ଵ॒ର୍ଗଂ-ଲୋଁ॒କମେ॑ତି॒ ୟଜ॑ମାନ -ମ॒ଭ୍ୟୁ-ଥ୍ସୃ॑ଜତି କ୍ଷି॒ପ୍ରେ ସ॒ହସ୍ର॒-ମ୍ପ୍ର ଜା॑ୟତ ଉତ୍ତ॒ମା ନୀ॒ୟତେ᳚ ପ୍ରଥ॒ମା ଦେ॒ଵା-ନ୍ଗ॑ଚ୍ଛତି ॥ 32 ॥
(ଲୋ॒କା-ନ୍ଗ॑ମୟତି॒ ସା – ଽଵି॑ଦ୍ଵାନ୍ଥ୍ – ସୁ॒ଶେଵା॒ ମା-ଽଽ ଵି॑ଶ॒ – ୟଜ॑ମାନଂ॒ – ଦ୍ଵାଦ॑ଶ ଚ) (ଅ. 7)
ଅତ୍ରି॑ରଦଦା॒ଦୌର୍ଵା॑ୟ ପ୍ର॒ଜା-ମ୍ପୁ॒ତ୍ରକା॑ମାୟ॒ ସ ରି॑ରିଚା॒ନୋ॑-ଽମନ୍ୟତ॒ ନିର୍ଵୀ᳚ର୍ୟ-ଶ୍ଶିଥି॒ଲୋ ୟା॒ତୟା॑ମା॒ ସ ଏ॒ତ-ଞ୍ଚ॑ତୂରା॒ତ୍ର-ମ॑ପଶ୍ୟ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ତସ୍ୟ॑ ଚ॒ତ୍ଵାରୋ॑ ଵୀ॒ରା ଆ-ଽଜା॑ୟନ୍ତ॒ ସୁହୋ॑ତା॒ ସୂ᳚ଦ୍ଗାତା॒ ସ୍ଵ॑ଦ୍ଧ୍ଵର୍ୟୁ॒-ସ୍ସୁସ॑ଭେୟୋ॒ ୟ ଏ॒ଵଂ-ଵିଁ॒ଦ୍ଵାଗ୍ଶ୍ଚ॑ତୂରା॒ତ୍ରେଣ॒ ୟଜ॑ତ॒ ଆ-ଽସ୍ୟ॑ ଚ॒ତ୍ଵାରୋ॑ ଵୀ॒ରା ଜା॑ୟନ୍ତେ॒ ସୁହୋ॑ତା॒ ସୂ᳚ଦ୍ଗାତା॒ ସ୍ଵ॑ଦ୍ଧ୍ଵର୍ୟୁ॒-ସ୍ସୁସ॑ଭେୟୋ॒ ୟେ ଚ॑ତୁର୍ଵି॒ଗ୍ମ୍॒ଶାଃ ପଵ॑ମାନା ବ୍ରହ୍ମଵର୍ଚ॒ସ-ନ୍ତ- [ବ୍ରହ୍ମଵର୍ଚ॒ସ-ନ୍ତତ୍, ୟ ଉ॒ଦ୍ୟନ୍ତ॒-] 33
-ଦ୍ୟ ଉ॒ଦ୍ୟନ୍ତ॒-ସ୍ସ୍ତୋମା॒-ଶ୍ଶ୍ରୀ-ସ୍ସା ଽତ୍ରିଗ୍ଗ୍॑ ଶ୍ର॒ଦ୍ଧାଦେ॑ଵଂ॒-ୟଁଜ॑ମାନ-ଞ୍ଚ॒ତ୍ଵାରି॑ ଵୀ॒ର୍ୟା॑ଣି॒ ନୋପା॑-ଽନମ॒-ନ୍ତେଜ॑ ଇନ୍ଦ୍ରି॒ୟ-ମ୍ବ୍ର॑ହ୍ମଵର୍ଚ॒ସ-ମ॒ନ୍ନାଦ୍ୟ॒ଗ୍ମ୍॒ ସ ଏ॒ତାଗ୍ଶ୍ଚ॒ତୁର॒ଶ୍ଚତୁ॑ଷ୍ଟୋମା॒ନ୍-ଥ୍ସୋମା॑ନ-ପଶ୍ୟ॒-ତ୍ତାନା-ଽହ॑ର॒-ତ୍ତୈର॑ୟଜତ॒ ତେଜ॑ ଏ॒ଵ ପ୍ର॑ଥ॒ମେନା ଽଵା॑ରୁନ୍ଧେନ୍ଦ୍ରି॒ୟ-ନ୍ଦ୍ଵି॒ତୀୟେ॑ନ ବ୍ରହ୍ମଵର୍ଚ॒ସ-ନ୍ତୃ॒ତୀୟେ॑ନା॒ନ୍ନାଦ୍ୟ॑-ଞ୍ଚତୁ॒ର୍ଥେନ॒ ୟ ଏ॒ଵଂ-ଵିଁ॒ଦ୍ଵାଗ୍ଶ୍ଚ॒ତୁର॒ଶ୍ଚତୁ॑ଷ୍ଟୋମା॒ନ୍-ଥ୍ସୋମା॑ନା॒ହର॑ତି॒ ତୈର୍ୟଜ॑ତେ॒ ତେଜ॑ ଏ॒ଵ ପ୍ର॑ଥ॒ମେନାଵ॑ ରୁନ୍ଧ ଇନ୍ଦ୍ରି॒ୟ-ନ୍ଦ୍ଵି॒ତୀୟେ॑ନ ବ୍ରହ୍ମଵର୍ଚ॒ସ-ନ୍ତୃ॒ତୀୟେ॑ନା॒-ଽନ୍ନାଦ୍ୟ॑-ଞ୍ଚତୁ॒ର୍ଥେନ॒ ୟାମେ॒ଵାତ୍ରି॒ର୍॒ ଋଦ୍ଧି॒ମାର୍ଧ୍ନୋ॒-ତ୍ତାମେ॒ଵ ୟଜ॑ମାନ ଋଦ୍ଧ୍ନୋତି ॥ 34 ॥
( ତତ୍-ତେଜ॑ ଏ॒ଵା-ଷ୍ଟାଦ॑ଶ ଚ) (ଅ. 8)
ଜ॒ମଦ॑ଗ୍ନିଃ॒ ପୁଷ୍ଟି॑କାମ-ଶ୍ଚତୂରା॒ତ୍ରେଣା॑-ୟଜତ॒ ସ ଏ॒ତା-ନ୍ପୋଷାଗ୍ମ୍॑ ଅପୁଷ୍ୟ॒-ତ୍ତସ୍ମା᳚-ତ୍ପଲି॒ତୌ ଜାମ॑ଦଗ୍ନିୟୌ॒ ନ ସ-ଞ୍ଜା॑ନାତେ ଏ॒ତାନେ॒ଵ ପୋଷା᳚-ନ୍ପୁଷ୍ୟତି॒ ୟ ଏ॒ଵଂ-ଵିଁ॒ଦ୍ଵାଗ୍ଶ୍ଚ॑ତୂରା॒ତ୍ରେଣ॒ ୟଜ॑ତେ ପୁରୋଡା॒ଶିନ୍ୟ॑ ଉପ॒ସଦୋ॑ ଭଵନ୍ତି ପ॒ଶଵୋ॒ ଵୈ ପୁ॑ରୋ॒ଡାଶଃ॑ ପ॒ଶୂନେ॒ଵାଵ॑ ରୁ॒ନ୍ଧେ ଽନ୍ନଂ॒-ଵୈଁ ପୁ॑ରୋ॒ଡାଶୋ-ଽନ୍ନ॑ମେ॒ଵାଵ॑ ରୁନ୍ଧେ ଽନ୍ନା॒ଦଃ ପ॑ଶୁ॒ମା-ନ୍ଭ॑ଵତି॒ ୟ ଏ॒ଵଂ-ଵିଁ॒ଦ୍ଵାଗ୍ଶ୍ଚ॑ତୂରା॒ତ୍ରେଣ॒ ୟଜ॑ତେ ॥ 35 ॥
(ଜ॒ମଦ॑ଗ୍ନି – ର॒ଷ୍ଟାଚ॑ତ୍ଵାରିଗ୍ମ୍ଶତ୍) (ଅ. 9)
ସଂ॒ଵଁ॒ଥ୍ସ॒ରୋ ଵା ଇ॒ଦମେକ॑ ଆସୀ॒-ଥ୍ସୋ॑-ଽକାମୟତ॒ର୍ତୂନ୍-ଥ୍ସୃ॑ଜେ॒ୟେତି॒ ସ ଏ॒ତ-ମ୍ପ॑ଞ୍ଚରା॒ତ୍ରମ॑ପଶ୍ୟ॒-ତ୍ତମା-ଽହ॑ର॒-ତ୍ତେନା॑ୟଜତ॒ ତତୋ॒ ଵୈ ସ ଋ॒ତୂନ॑ସୃଜତ॒ ୟ ଏ॒ଵଂ-ଵିଁ॒ଦ୍ଵା-ନ୍ପ॑ଞ୍ଚରା॒ତ୍ରେଣ॒ ୟଜ॑ତେ॒ ପ୍ରୈଵ ଜା॑ୟତେ॒ ତ ଋ॒ତଵ॑-ସ୍ସୃ॒ଷ୍ଟା ନ ଵ୍ୟାଵ॑ର୍ତନ୍ତ॒ ତ ଏ॒ତ-ମ୍ପ॑ଞ୍ଚରା॒ତ୍ରମ॑ପଶ୍ୟ॒-ନ୍ତମା-ଽହ॑ର॒-ନ୍ତେନା॑ୟଜନ୍ତ॒ ତତୋ॒ ଵୈ ତେ ଵ୍ୟାଵ॑ର୍ତନ୍ତ॒ [ଵ୍ୟାଵ॑ର୍ତନ୍ତ, ୟ ଏ॒ଵଂ-ଵିଁ॒ଦ୍ଵା-ନ୍ପ॑ଞ୍ଚରା॒ତ୍ରେଣ॒] 36
ୟ ଏ॒ଵଂ-ଵିଁ॒ଦ୍ଵା-ନ୍ପ॑ଞ୍ଚରା॒ତ୍ରେଣ॒ ୟଜ॑ତେ॒ ଵି ପା॒ପ୍ମନା॒ ଭ୍ରାତୃ॑ଵ୍ୟେ॒ଣା-ଽଽ ଵ॑ର୍ତତେ॒ ସାର୍ଵ॑ସେନି-ଶ୍ଶୌଚେ॒ୟୋ॑-ଽକାମୟତ ପଶୁ॒ମାନ୍-ଥ୍ସ୍ୟା॒ମିତି॒ ସ ଏ॒ତ-ମ୍ପ॑ଞ୍ଚରା॒ତ୍ରମା-ଽହ॑ର॒-ତ୍ତେନା॑-ଽୟଜତ॒ ତତୋ॒ ଵୈ ସ ସ॒ହସ୍ର॑-ମ୍ପ॒ଶୂ-ନ୍ପ୍ରା-ଽଽପ୍ନୋ॒ଦ୍ୟ ଏ॒ଵଂ-ଵିଁ॒ଦ୍ଵା-ନ୍ପ॑ଞ୍ଚରା॒ତ୍ରେଣ॒ ୟଜ॑ତେ॒ ପ୍ର ସ॒ହସ୍ର॑-ମ୍ପ॒ଶୂନା᳚ପ୍ନୋତି ବବ॒ରଃ ପ୍ରାଵା॑ହଣି-ରକାମୟତ ଵା॒ଚଃ ପ୍ର॑ଵଦି॒ତା ସ୍ୟା॒ମିତି॒ ସ ଏ॒ତ-ମ୍ପ॑ଞ୍ଚରା॒ତ୍ରମା- [ଏ॒ତ-ମ୍ପ॑ଞ୍ଚରା॒ତ୍ରମା, ଆ॒ହ॒ର॒-ତ୍ତେନା॑-] 37
-ଽହ॑ର॒-ତ୍ତେନା॑-ୟଜତ॒ ତତୋ॒ ଵୈ ସ ଵା॒ଚଃ ପ୍ର॑ଵଦି॒ତା-ଽଭ॑ଵ॒ଦ୍ୟ ଏ॒ଵଂ-ଵିଁ॒ଦ୍ଵା-ନ୍ପ॑ଞ୍ଚରା॒ତ୍ରେଣ॒ ୟଜ॑ତେ ପ୍ରଵଦି॒ତୈଵ ଵା॒ଚୋ ଭ॑ଵ॒ତ୍ୟଥୋ॑ ଏନଂ-ଵାଁ॒ଚସ୍ପତି॒-ରିତ୍ୟା॑ହୁ॒ରନା᳚ପ୍ତ-ଶ୍ଚତୂରା॒ତ୍ରୋ-ଽତି॑ରିକ୍ତ-ଷ୍ଷଡ୍-ରା॒ତ୍ରୋ-ଽଥ॒ ଵା ଏ॒ଷ ସ॑ପ୍ର॒ନ୍ତି ୟ॒ଜ୍ଞୋ ୟ-ତ୍ପ॑ଞ୍ଚରା॒ତ୍ରୋ ୟ ଏ॒ଵଂ-ଵିଁ॒ଦ୍ଵା-ନ୍ପ॑ଞ୍ଚରା॒ତ୍ରେଣ॒ ୟଜ॑ତେ ସମ୍ପ୍ର॒ତ୍ୟେ॑ଵ ୟ॒ଜ୍ଞେନ॑ ୟଜତେ ପଞ୍ଚରା॒ତ୍ରୋ ଭ॑ଵତି॒ ପଞ୍ଚ॒ ଵା ଋ॒ତଵ॑-ସ୍ସଂଵଁଥ୍ସ॒ର [ଋ॒ତଵ॑-ସ୍ସଂଵଁଥ୍ସ॒ରଃ, ଋ॒ତୁଷ୍ଵେ॒ଵ ସଂ॑ଵଁଥ୍ସ॒ରେ] 38
ଋ॒ତୁଷ୍ଵେ॒ଵ ସଂ॑ଵଁଥ୍ସ॒ରେ ପ୍ରତି॑ ତିଷ୍ଠ॒ତ୍ୟଥୋ॒ ପଞ୍ଚା᳚କ୍ଷରା ପ॒ଙ୍କ୍ତିଃ ପାଙ୍କ୍ତୋ॑ ୟ॒ଜ୍ଞୋ ୟ॒ଜ୍ଞମେ॒ଵାଵ॑ ରୁନ୍ଧେ ତ୍ରି॒ଵୃଦ॑ଗ୍ନିଷ୍ଟୋ॒ମୋ ଭ॑ଵତି॒ ତେଜ॑ ଏ॒ଵାଵ॑ ରୁନ୍ଧେ ପଞ୍ଚଦ॒ଶୋ ଭ॑ଵତୀନ୍ଦ୍ରି॒ୟମେ॒ଵାଵ॑ ରୁନ୍ଧେ ସପ୍ତଦ॒ଶୋ ଭ॑ଵତ୍ୟ॒ନ୍ନାଦ୍ୟ॒ସ୍ୟା-ଵ॑ରୁଦ୍ଧ୍ୟା॒ ଅଥୋ॒ ପ୍ରୈଵ ତେନ॑ ଜାୟତେ ପଞ୍ଚଵି॒ଗ୍ମ୍॒ଶୋ᳚ ଽଗ୍ନିଷ୍ଟୋ॒ମୋ ଭ॑ଵତି ପ୍ର॒ଜାପ॑ତେ॒ରାପ୍ତ୍ୟୈ॑ ମହାଵ୍ର॒ତଵା॑-ନ॒ନ୍ନାଦ୍ୟ॒ସ୍ୟା-ଵ॑ରୁଦ୍ଧ୍ୟୈ ଵିଶ୍ଵ॒ଜି-ଥ୍ସର୍ଵ॑ପୃଷ୍ଠୋ-ଽତିରା॒ତ୍ରୋ ଭ॑ଵତି॒ ସର୍ଵ॑ସ୍ୟା॒ଭିଜି॑ତ୍ୟୈ ॥ 39 ॥
(ତେ ଵ୍ୟାଵ॑ର୍ତନ୍ତ – ପ୍ରଵଦି॒ତା ସ୍ୟା॒ମିତି॒ ସ ଏ॒ତ-ମ୍ପ॑ଞ୍ଚରା॒ତ୍ରମା – ସଂ॑ଵଁଥ୍ସ॒ରୋ॑- ଭିଜି॑ତ୍ୟୈ) (ଅ. 10)
ଦେ॒ଵସ୍ୟ॑ତ୍ଵା ସଵି॒ତୁଃ ପ୍ର॑ସ॒ଵେ᳚-ଽଶ୍ଵିନୋ᳚ର୍ବା॒ହୁଭ୍ୟା᳚-ମ୍ପୂ॒ଷ୍ଣୋ ହସ୍ତା᳚ଭ୍ୟା॒ମା ଦ॑ଦ ଇ॒ମାମ॑ଗୃଭ୍ଣ-ନ୍ରଶ॒ନାମୃ॒ତସ୍ୟ॒ ପୂର୍ଵ॒ ଆୟୁ॑ଷି ଵି॒ଦଥେ॑ଷୁ କ॒ଵ୍ୟା । ତୟା॑ ଦେ॒ଵା-ସ୍ସୁ॒ତମା ବ॑ଭୂଵୁର୍-ଋ॒ତସ୍ୟ॒ ସାମ᳚ନ୍-ଥ୍ସ॒ରମା॒ରପ॑ନ୍ତୀ ॥ ଅ॒ଭି॒ଧା ଅ॑ସି॒ ଭୁଵ॑ନମସି ୟ॒ନ୍ତା-ଽସି॑ ଧ॒ର୍ତା-ଽସି॒ ସୋ᳚-ଽଗ୍ନିଂ-ଵୈଁ᳚ଶ୍ଵାନ॒ରଗ୍ମ୍ ସପ୍ର॑ଥସ-ଙ୍ଗଚ୍ଛ॒ ସ୍ଵାହା॑କୃତଃ ପୃଥି॒ଵ୍ୟାଂ-ୟଁ॒ନ୍ତା ରାଡ୍ ୟ॒ନ୍ତା-ଽସି॒ ୟମ॑ନୋ ଧ॒ର୍ତା-ଽସି॑ ଧ॒ରୁଣଃ॑ କୃ॒ଷ୍ୟୈ ତ୍ଵା॒ କ୍ଷେମା॑ୟ ତ୍ଵା ର॒ୟ୍ୟୈ ତ୍ଵା॒ ପୋଷା॑ୟ ତ୍ଵା ପୃଥି॒ଵ୍ୟୈ ତ୍ଵା॒ ଽନ୍ତରି॑କ୍ଷାୟ ତ୍ଵା ଦି॒ଵେ ତ୍ଵା॑ ସ॒ତେ ତ୍ଵା-ଽସ॑ତେ ତ୍ଵା॒ଦ୍ଭ୍ୟସ୍ତ୍ଵୌ-ଷ॑ଧୀଭ୍ୟସ୍ତ୍ଵା॒ ଵିଶ୍ଵେ᳚ଭ୍ୟସ୍ତ୍ଵା ଭୂ॒ତେଭ୍ୟଃ॑ ॥ 40 ॥
(ଧ॒ରୁଣଃ॒ – ପଞ୍ଚ॑ଵିଗ୍ମ୍ଶତିଶ୍ଚ) (ଅ. 11)
ଵି॒ଭୂର୍ମା॒ତ୍ରା ପ୍ର॒ଭୂଃ ପି॒ତ୍ରାଶ୍ଵୋ॑-ଽସି॒ ହୟୋ॒-ଽସ୍ୟତ୍ୟୋ॑-ଽସି॒ ନରୋ॒-ଽସ୍ୟର୍ଵା॑-ଽସି॒ ସପ୍ତି॑ରସି ଵା॒ଜ୍ୟ॑ସି॒ ଵୃଷା॑-ଽସି ନୃ॒ମଣା॑ ଅସି॒ ୟୟୁ॒ର୍ନାମା᳚ସ୍ୟାଦି॒ତ୍ୟାନା॒-ମ୍ପତ୍ଵାନ୍ଵି॑ହ୍ୟ॒ଗ୍ନୟେ॒ ସ୍ଵାହା॒ ସ୍ଵାହେ᳚ନ୍ଦ୍ରା॒ଗ୍ନିଭ୍ୟା॒ଗ୍॒ ସ୍ଵାହା᳚ ପ୍ର॒ଜାପ॑ତୟେ॒ ସ୍ଵାହା॒ ଵିଶ୍ଵେ᳚ଭ୍ୟୋ ଦେ॒ଵେଭ୍ୟ॒-ସ୍ସ୍ଵାହା॒ ସର୍ଵା᳚ଭ୍ୟୋ ଦେ॒ଵେତା᳚ଭ୍ୟ ଇ॒ହ ଧୃତି॒-ସ୍ସ୍ଵାହେ॒ହ ଵିଧୃ॑ତି॒-ସ୍ସ୍ଵାହେ॒ହ ରନ୍ତି॒-ସ୍ସ୍ଵାହେ॒ -ହ ରମ॑ତି॒-ସ୍ସ୍ଵାହା॒ ଭୂର॑ସି ଭୁ॒ଵେ ତ୍ଵା॒ ଭଵ୍ୟା॑ୟ ତ୍ଵା ଭଵିଷ୍ୟ॒ତେ ତ୍ଵା॒ ଵିଶ୍ଵେ᳚ଭ୍ୟସ୍ତ୍ଵା ଭୂ॒ତେଭ୍ୟୋ॒ ଦେଵା॑ ଆଶାପାଲା ଏ॒ତ-ନ୍ଦେ॒ଵେଭ୍ୟୋ-ଽଶ୍ଵ॒-ମ୍ମେଧା॑ୟ॒ ପ୍ରୋକ୍ଷି॑ତ-ଙ୍ଗୋପାୟତ ॥ 41 ॥
(ରନ୍ତି॒-ସ୍ସ୍ଵାହା॒ – ଦ୍ଵାଵିଗ୍ମ୍॑ଶତିଶ୍ଚ) (ଅ. 12)
ଆୟ॑ନାୟ॒ ସ୍ଵାହା॒ ପ୍ରାୟ॑ଣାୟ॒ ସ୍ଵାହୋ᳚ଦ୍ଦ୍ରା॒ଵାୟ॒ ସ୍ଵାହୋଦ୍ଦ୍ରୁ॑ତାୟ॒ ସ୍ଵାହା॑ ଶୂକା॒ରାୟ॒ ସ୍ଵାହା॒ ଶୂକୃ॑ତାୟ॒ ସ୍ଵାହା॒ ପଲା॑ୟିତାୟ॒ ସ୍ଵାହା॒ ଽଽପଲା॑ୟିତାୟ॒ ସ୍ଵାହା॒ ଽଽଵଲ୍ଗ॑ତେ॒ ସ୍ଵାହା॑ ପରା॒ଵଲ୍ଗ॑ତେ॒ ସ୍ଵାହା॑ ଽଽୟ॒ତେ ସ୍ଵାହା᳚ ପ୍ରୟ॒ତେ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 42 ॥
(ଆୟ॑ନା॒ୟୋତ୍ତ॑ରମା॒ପଲା॑ୟିତାୟ॒ ଷଡ୍ଵିଗ୍ମ୍॑ଶତିଃ) (ଅ. 13)
ଅ॒ଗ୍ନୟେ॒ ସ୍ଵାହା॒ ସୋମା॑ୟ॒ ସ୍ଵାହା॑ ଵା॒ୟଵେ॒ ସ୍ଵାହା॒ ଽପା-ମ୍ମୋଦା॑ୟ॒ ସ୍ଵାହା॑ ସଵି॒ତ୍ରେ ସ୍ଵାହା॒ ସର॑ସ୍ଵତ୍ୟୈ॒ ସ୍ଵାହେ-ନ୍ଦ୍ରା॑ୟ॒ ସ୍ଵାହା॒ ବୃହ॒ସ୍ପତ॑ୟେ॒ ସ୍ଵାହା॑ ମି॒ତ୍ରାୟ॒ ସ୍ଵାହା॒ ଵରୁ॑ଣାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 43 ॥
(ଅ॒ଗ୍ନୟେ॑ ଵା॒ୟଵେ॒-ଽପା-ମ୍ମୋଦା॒ୟେନ୍ଦ୍ରା॑ୟ॒ ତ୍ରୟୋ॑ଵିଗ୍ମ୍ଶତିଃ) (ଅ. 14)
ପୃ॒ଥି॒ଵ୍ୟୈ ସ୍ଵାହା॒ ଽନ୍ତରି॑କ୍ଷାୟ॒ ସ୍ଵାହା॑ ଦି॒ଵେ ସ୍ଵାହା॒ ସୂର୍ୟା॑ୟ॒ ସ୍ଵାହା॑ ଚ॒ନ୍ଦ୍ରମ॑ସେ॒ ସ୍ଵାହା॒ ନକ୍ଷ॑ତ୍ରେଭ୍ୟ॒-ସ୍ସ୍ଵାହା॒ ପ୍ରାଚ୍ୟୈ॑ ଦି॒ଶେ ସ୍ଵାହା॒ ଦକ୍ଷି॑ଣାୟୈ ଦି॒ଶେ ସ୍ଵାହା᳚ ପ୍ର॒ତୀଚ୍ୟୈ॑ ଦି॒ଶେ ସ୍ଵାହୋ-ଦୀ᳚ଚ୍ୟୈ ଦି॒ଶେ ସ୍ଵାହୋ॒ର୍ଧ୍ଵାୟୈ॑ ଦି॒ଶେ ସ୍ଵାହା॑ ଦି॒ଗ୍ଭ୍ୟ-ସ୍ସ୍ଵାହା॑ ଽଵାନ୍ତରଦି॒ଶାଭ୍ୟ॒-ସ୍ସ୍ଵାହା॒ ସମା᳚ଭ୍ୟ॒-ସ୍ସ୍ଵାହା॑ ଶ॒ରଦ୍ଭ୍ୟ॒-ସ୍ସ୍ଵାହା॑ ଽହୋରା॒ତ୍ରେଭ୍ୟ॒-ସ୍ସ୍ଵାହା᳚ ଽର୍ଧମା॒ସେଭ୍ୟ॒-ସ୍ସ୍ଵାହା॒ ମାସେ᳚ଭ୍ୟ॒-ସ୍ସ୍ଵାହ॒ର୍ତୁଭ୍ୟ॒-ସ୍ସ୍ଵାହା॑ ସଂଵଁଥ୍ସ॒ରାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 44 ॥
(ପୃ॒ଥି॒ଵ୍ୟୈ ସୂର୍ୟା॑ୟ॒ ନକ୍ଷ॑ତ୍ରେଭ୍ୟଃ॒ ପ୍ରାଚ୍ୟୈ॑ ସ॒ପ୍ତଚ॑ତ୍ଵାରିଗ୍ମ୍ଶତ୍) (ଅ. 15)
ଅ॒ଗ୍ନୟେ॒ ସ୍ଵାହା॒ ସୋମା॑ୟ॒ ସ୍ଵାହା॑ ସଵି॒ତ୍ରେ ସ୍ଵାହା॒ ସର॑ସ୍ଵତ୍ୟୈ॒ ସ୍ଵାହା॑ ପୂ॒ଷ୍ଣେ ସ୍ଵାହା॒ ବୃହ॒ସ୍ପତ॑ୟେ॒ ସ୍ଵାହା॒ ଽପା-ମ୍ମୋଦା॑ୟ॒ ସ୍ଵାହା॑ ଵା॒ୟଵେ॒ ସ୍ଵାହା॑ ମି॒ତ୍ରାୟ॒ ସ୍ଵାହା॒ ଵରୁ॑ଣାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 45 ॥
(ଅ॒ଗ୍ନୟେ॑ ସଵି॒ତ୍ରେ ପୂ॒ଷ୍ଣେ॑-ଽପା-ମ୍ମୋଦା॑ୟ ଵା॒ୟଵେ॒ ତ୍ରୟୋ॑ଵିଗ୍ମ୍ଶତିଃ) (ଅ. 16)
ପୃ॒ଥି॒ଵ୍ୟୈ ସ୍ଵାହା॒ ଽନ୍ତରି॑କ୍ଷାୟ॒ ସ୍ଵାହା॑ ଦି॒ଵେ ସ୍ଵାହା॒ ଽଗ୍ନୟେ॒ ସ୍ଵାହା॒ ସୋମା॑ୟ॒ ସ୍ଵାହା॒ ସୂର୍ୟା॑ୟ॒ ସ୍ଵାହା॑ ଚ॒ନ୍ଦ୍ରମ॑ସେ॒ ସ୍ଵାହା ଽହ୍ନେ॒ ସ୍ଵାହା॒ ରାତ୍ରି॑ୟୈ॒ ସ୍ଵାହ॒ର୍ଜଵେ॒ ସ୍ଵାହା॑ ସା॒ଧଵେ॒ ସ୍ଵାହା॑ ସୁକ୍ଷି॒ତ୍ୟୈ ସ୍ଵାହା᳚ କ୍ଷୁ॒ଧେ ସ୍ଵାହା॑ ଽଽଶିତି॒ମ୍ନେ ସ୍ଵାହା॒ ରୋଗା॑ୟ॒ ସ୍ଵାହା॑ ହି॒ମାୟ॒ ସ୍ଵାହା॑ ଶୀ॒ତାୟ॒ ସ୍ଵାହା॑ ଽଽତ॒ପାୟ॒ ସ୍ଵାହା ଽର॑ଣ୍ୟାୟ॒ ସ୍ଵାହା॑ ସୁଵ॒ର୍ଗାୟ॒ ସ୍ଵାହା॑ ଲୋ॒କାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 46 ॥
(ପୃ॒ଥି॒ଵ୍ୟା ଅ॒ଗ୍ନୟେ-ଽହ୍ନେ॒ ରାତ୍ରି॑ୟୈ॒ ଚତୁ॑ଶ୍ଚତ୍ଵାରିଗ୍ମ୍ଶତ୍) (ଅ. 17)
ଭୁଵୋ॑ ଦେ॒ଵାନା॒-ଙ୍କର୍ମ॑ଣା॒-ଽପସ॒ର୍ତସ୍ୟ॑ ପ॒ଥ୍ୟା॑-ଽସି॒ ଵସୁ॑ଭି-ର୍ଦେ॒ଵେଭି॑-ର୍ଦେ॒ଵତ॑ୟା ଗାୟ॒ତ୍ରେଣ॑ ତ୍ଵା॒ ଛନ୍ଦ॑ସା ୟୁନଜ୍ମି ଵସ॒ନ୍ତେନ॑ ତ୍ଵ॒ର୍ତୁନା॑ ହ॒ଵିଷା॑ ଦୀକ୍ଷୟାମି ରୁ॒ଦ୍ରେଭି॑-ର୍ଦେ॒ଵେଭି॑-ର୍ଦେ॒ଵତ॑ୟା॒ ତ୍ରୈଷ୍ଟୁ॑ଭେନ ତ୍ଵା॒ ଛନ୍ଦ॑ସା ୟୁନଜ୍ମି ଗ୍ରୀ॒ଷ୍ମେଣ॑ ତ୍ଵ॒ର୍ତୁନା॑ ହ॒ଵିଷା॑ ଦୀକ୍ଷୟା-ମ୍ୟାଦି॒ତ୍ୟେଭି॑-ର୍ଦେ॒ଵେଭି॑-ର୍ଦେ॒ଵତ॑ୟା॒ ଜାଗ॑ତେନ ତ୍ଵା॒ ଛନ୍ଦ॑ସା ୟୁନଜ୍ମି ଵ॒ର୍॒ଷାଭି॑ସ୍ତ୍ଵ॒ର୍ତୁନା॑ ହ॒ଵିଷା॑ ଦୀକ୍ଷୟାମି॒ ଵିଶ୍ଵେ॑ଭି-ର୍ଦେ॒ଵେଭି॑-ର୍ଦେ॒ଵତ॒ୟା ଽଽନୁ॑ଷ୍ଟୁଭେନ ତ୍ଵା॒ ଛନ୍ଦ॑ସା ୟୁନଜ୍ମି [ ] 47
ଶ॒ରଦା᳚ ତ୍ଵ॒ର୍ତୁନା॑ ହ॒ଵିଷା॑ ଦୀକ୍ଷୟା॒ମ୍ୟଙ୍ଗି॑ରୋଭି-ର୍ଦେ॒ଵେଭି॑-ର୍ଦେ॒ଵତ॑ୟା॒ ପାଙ୍କ୍ତେ॑ନ ତ୍ଵା॒ ଛନ୍ଦ॑ସା ୟୁନଜ୍ମି ହେମନ୍ତଶିଶି॒ରାଭ୍ୟା᳚-ନ୍ତ୍ଵ॒ର୍ତୁନା॑ ହ॒ଵିଷା॑ ଦୀକ୍ଷୟା॒ମ୍ୟା-ଽହ-ନ୍ଦୀ॒କ୍ଷାମ॑ରୁହମୃ॒ତସ୍ୟ॒ ପତ୍ନୀ᳚-ଙ୍ଗାୟ॒ତ୍ରେଣ॒ ଛନ୍ଦ॑ସା॒ ବ୍ରହ୍ମ॑ଣା ଚ॒ର୍ତଗ୍ମ୍ ସ॒ତ୍ୟେ॑-ଽଧାଗ୍ମ୍ ସ॒ତ୍ୟମୃ॒ତେ॑-ଽଧାମ୍ ॥ ମ॒ହୀ ମୂ ॒ଷୁ >1ସୁ॒ତ୍ରାମା॑ଣ >2-ମି॒ହ ଧୃତି॒-ସ୍ସ୍ଵାହେ॒ହ ଵିଧୃ॑ତି॒-ସ୍ସ୍ଵାହେ॒ହ ରନ୍ତି॒-ସ୍ସ୍ଵାହେ॒ହ ରମ॑ତି॒-ସ୍ସ୍ଵାହା᳚ ॥ 48 ॥
(ଆନୁ॑ଷ୍ଟୁଭେନ ତ୍ଵା॒ ଛନ୍ଦ॑ସା ୟୁନ॒ଜ୍ମ୍ୟେ – କା॒ନ୍ନ ପ॑ଞ୍ଚା॒ଶଚ୍ଚ॑) (ଅ. 18)
ଈ॒କାଂ॒ରାୟ॒ ସ୍ଵାହେ-ଙ୍କୃ॑ତାୟ॒ ସ୍ଵାହା॒ କ୍ରନ୍ଦ॑ତେ॒ ସ୍ଵାହା॑ ଽଵ॒କ୍ରନ୍ଦ॑ତେ॒ ସ୍ଵାହା॒ ପ୍ରୋଥ॑ତେ॒ ସ୍ଵାହା᳚ ପ୍ର॒ପ୍ରୋଥ॑ତେ॒ ସ୍ଵାହା॑ ଗ॒ନ୍ଧାୟ॒ ସ୍ଵାହା᳚ ଘ୍ରା॒ତାୟ॒ ସ୍ଵାହା᳚ ପ୍ରା॒ଣାୟ॒ ସ୍ଵାହା᳚ ଵ୍ୟା॒ନାୟ॒ ସ୍ଵାହା॑ ଽପା॒ନାୟ॒ ସ୍ଵାହା॑ ସନ୍ଦୀ॒ୟମା॑ନାୟ॒ ସ୍ଵାହା॒ ସନ୍ଦି॑ତାୟ॒ ସ୍ଵାହା॑ ଵିଚୃ॒ତ୍ୟମା॑ନାୟ॒ ସ୍ଵାହା॒ ଵିଚୃ॑ତ୍ତାୟ॒ ସ୍ଵାହା॑ ପଲାୟି॒ଷ୍ୟମା॑ଣାୟ॒ ସ୍ଵାହା॒ ପଲା॑ୟିତାୟ॒ ସ୍ଵାହୋ॑ପରଗ୍ଗ୍ସ୍ୟ॒ତେ ସ୍ଵାହୋପ॑ରତାୟ॒ ସ୍ଵାହା॑ ନିଵେକ୍ଷ୍ୟ॒ତେ ସ୍ଵାହା॑ ନିଵି॒ଶମା॑ନାୟ॒ ସ୍ଵାହା॒ ନିଵି॑ଷ୍ଟାୟ॒ ସ୍ଵାହା॑ ନିଷଥ୍ସ୍ୟ॒ତେ ସ୍ଵାହା॑ ନି॒ଷୀଦ॑ତେ॒ ସ୍ଵାହା॒ ନିଷ॑ଣ୍ଣାୟ॒ ସ୍ଵାହା॑- [ନିଷ॑ଣ୍ଣାୟ॒ ସ୍ଵାହା᳚, ଆ॒ସି॒ଷ୍ୟ॒ତେ ସ୍ଵାହା] 49
-ଽଽସିଷ୍ୟ॒ତେ ସ୍ଵାହା ଽଽସୀ॑ନାୟ॒ ସ୍ଵାହା॑ ଽଽସି॒ତାୟ॒ ସ୍ଵାହା॑ ନିପଥ୍ସ୍ୟ॒ତେ ସ୍ଵାହା॑ ନି॒ପଦ୍ୟ॑ମାନାୟ॒ ସ୍ଵାହା॒ ନିପ॑ନ୍ନାୟ॒ ସ୍ଵାହା॑ ଶୟିଷ୍ୟ॒ତେ ସ୍ଵାହା॒ ଶୟା॑ନାୟ॒ ସ୍ଵାହା॑ ଶୟି॒ତାୟ॒ ସ୍ଵାହା॑ ସମ୍ମୀଲିଷ୍ୟ॒ତେ ସ୍ଵାହା॑ ସ॒ମୀଂଲଁ॑ତେ॒ ସ୍ଵାହା॒ ସମ୍ମୀ॑ଲିତାୟ॒ ସ୍ଵାହା᳚ ସ୍ଵଫ୍ସ୍ୟ॒ତେ ସ୍ଵାହା᳚ ସ୍ଵପ॒ତେ ସ୍ଵାହା॑ ସୁ॒ପ୍ତାୟ॒ ସ୍ଵାହା᳚ ପ୍ରଭୋଥ୍ସ୍ୟ॒ତେ ସ୍ଵାହା᳚ ପ୍ର॒ବୁଦ୍ଧ୍ୟ॑ମାନାୟ॒ ସ୍ଵାହା॒ ପ୍ରବୁ॑ଦ୍ଧାୟ॒ ସ୍ଵାହା॑ ଜାଗରିଷ୍ୟ॒ତେ ସ୍ଵାହା॒ ଜାଗ୍ର॑ତେ॒ ସ୍ଵାହା॑ ଜାଗରି॒ତାୟ॒ ସ୍ଵାହା॒ ଶୁଶ୍ରୂ॑ଷମାଣାୟ॒ ସ୍ଵାହା॑ ଶୃଣ୍ଵ॒ତେ ସ୍ଵାହା᳚ ଶ୍ରୁ॒ତାୟ॒ ସ୍ଵାହା॑ ଵୀକ୍ଷିଷ୍ୟ॒ତେ ସ୍ଵାହା॒ [ଵୀକ୍ଷିଷ୍ୟ॒ତେ ସ୍ଵାହା᳚, ଵୀକ୍ଷ॑ମାଣାୟ॒ ସ୍ଵାହା॒] 50
ଵୀକ୍ଷ॑ମାଣାୟ॒ ସ୍ଵାହା॒ ଵୀକ୍ଷି॑ତାୟ॒ ସ୍ଵାହା॑ ସଗ୍ମ୍ହାସ୍ୟ॒ତେ ସ୍ଵାହା॑ ସ॒ଜିଂହା॑ନାୟ॒ ସ୍ଵାହୋ॒-ଜ୍ଜିହା॑ନାୟ॒ ସ୍ଵାହା॑ ଵିଵର୍ଥ୍ସ୍ୟ॒ତେ ସ୍ଵାହା॑ ଵି॒ଵର୍ତ॑ମାନାୟ॒ ସ୍ଵାହା॒ ଵିଵୃ॑ତ୍ତାୟ॒ ସ୍ଵାହୋ᳚-ତ୍ଥାସ୍ୟ॒ତେ ସ୍ଵାହୋ॒ତ୍ତିଷ୍ଠ॑ତେ॒ ସ୍ଵାହୋତ୍ଥି॑ତାୟ॒ ସ୍ଵାହା॑ ଵିଧଵିଷ୍ୟ॒ତେ ସ୍ଵାହା॑ ଵିଧୂନ୍ଵା॒ନାୟ॒ ସ୍ଵାହା॒ ଵିଧୂ॑ତାୟ॒ ସ୍ଵାହୋ᳚-ତ୍କ୍ରଗ୍ଗ୍ସ୍ୟ॒ତେ ସ୍ଵାହୋ॒ତ୍କ୍ରାମ॑ତେ॒ ସ୍ଵାହୋତ୍କ୍ରା᳚ନ୍ତାୟ॒ ସ୍ଵାହା॑ ଚଙ୍କ୍ରମିଷ୍ୟ॒ତେ ସ୍ଵାହା॑ ଚଙ୍କ୍ର॒ମ୍ୟମା॑ଣାୟ॒ ସ୍ଵାହା॑ ଚଙ୍କ୍ରମି॒ତାୟ॒ ସ୍ଵାହା॑ କଣ୍ଡୂୟିଷ୍ୟ॒ତେ ସ୍ଵାହା॑ କଣ୍ଡୂ॒ୟମା॑ନାୟ॒ ସ୍ଵାହା॑ କଣ୍ଡୂୟି॒ତାୟ॒ ସ୍ଵାହା॑ ନିକଷିଷ୍ୟ॒ତେ ସ୍ଵାହା॑ ନି॒କଷ॑ମାଣାୟ॒ ସ୍ଵାହା॒ ନିକ॑ଷିତାୟ॒ ସ୍ଵାହା॒ ୟଦତ୍ତି॒ ତସ୍ମୈ॒ ସ୍ଵାହା॒ ୟ-ତ୍ପିବ॑ତି॒ ତସ୍ମୈ॒ ସ୍ଵାହା॒ ୟନ୍ମେହ॑ତି॒ ତସ୍ମୈ॒ ସ୍ଵାହା॒ ୟଚ୍ଛକୃ॑-ତ୍କ॒ରୋତି॒ ତସ୍ମୈ॒ ସ୍ଵାହା॒ ରେତ॑ସେ॒ ସ୍ଵାହା᳚ ପ୍ର॒ଜାଭ୍ୟ॒-ସ୍ସ୍ଵାହା᳚ ପ୍ର॒ଜନ॑ନାୟ॒ ସ୍ଵାହା॒ ସର୍ଵ॑ସ୍ମୈ॒ ସ୍ଵାହା᳚ ॥ 51 ॥
(ନିଷ॑ଣ୍ଣାୟ॒ ସ୍ଵାହା॑ – ଵୀକ୍ଷିଷ୍ୟ॒ତେ ସ୍ଵାହା॑ – ନି॒କଷ॑ମାଣାୟ॒ ସ୍ଵାହା॑ – ସ॒ପ୍ତଵିଗ୍ମ୍॑ଶତିଶ୍ଚ) (ଅ. 19)
ଅ॒ଗ୍ନୟେ॒ ସ୍ଵାହା॑ ଵା॒ୟଵେ॒ ସ୍ଵାହା॒ ସୂର୍ୟା॑ୟ॒ ସ୍ଵାହ॒ର୍ତ-ମ॑ସ୍ୟୃ॒ତସ୍ୟ॒ର୍ତମ॑ସି ସ॒ତ୍ୟମ॑ସି ସ॒ତ୍ୟସ୍ୟ॑ ସ॒ତ୍ୟ-ମ॑ସ୍ୟୃ॒ତସ୍ୟ॒ ପନ୍ଥା॑ ଅସି ଦେ॒ଵାନା᳚-ଞ୍ଛା॒ୟା-ଽମୃତ॑ସ୍ୟ॒ ନାମ॒ ତ-ଥ୍ସ॒ତ୍ୟଂ-ୟଁ-ତ୍ତ୍ଵ-ମ୍ପ୍ର॒ଜାପ॑ତି॒ରସ୍ୟଧି॒ ୟଦ॑ସ୍ମିନ୍ ଵା॒ଜିନୀ॑ଵ॒ ଶୁଭ॒-ସ୍ସ୍ପର୍ଧ॑ନ୍ତେ॒ ଦିଵ॒-ସ୍ସୂର୍ୟେ॑ଣ॒ ଵିଶୋ॒-ଽପୋ ଵୃ॑ଣା॒ନଃ ପ॑ଵତେ କ॒ଵ୍ୟ-ନ୍ପ॒ଶୁ-ନ୍ନ ଗୋ॒ପା ଇର୍ୟଃ॒ ପରି॑ଜ୍ମା ॥ 52 ॥
(ଅ॒ଗ୍ନୟେ॑ ଵା॒ୟଵେ॒ ସୂର୍ୟା॑ୟା॒ – ଽଷ୍ଟାଚ॑ତ୍ଵାରିଗ୍ମ୍ଶତ୍) (ଅ. 20)
(ପ୍ର॒ଜନ॑ନଂ – ପ୍ରାତସ୍ସଵ॒ନେ ଵୈ – ବ୍ର॑ହ୍ମଵା॒ଦିନ॒-ସ୍ସ ତ୍ଵା – ଅଙ୍ଗି॑ରସ॒- ଆପୋ॒ ଵୈ – ସୋମୋ॒ ଵୈ – ସ॑ହସ୍ରତ॒ମ୍ୟା – ତ୍ରି॑ – ର୍ଜ॒ମଦ॑ଗ୍ନିଃ – ସଂଵଁଥ୍ସ॒ରୋ – ଦେ॒ଵସ୍ୟ॑ -ଵି॒ଭୂ – ରାୟ॑ନାୟା॒- ଽଗ୍ନୟେ॑ – ପୃଥି॒ଵ୍ୟା – ଅ॒ଗ୍ନୟେ॑ – ପୃଥି॒ଵ୍ୟୈ – ଭୁଵ॑ – ଈକାଂ॒ରାୟା॒ – ଗ୍ନୟେ॑ ଵା॒ୟଵେ॒ ସୂର୍ୟା॑ୟ – ଵିଗ୍ମ୍ଶ॒ତିଃ )
(ପ୍ର॒ଜନ॑ନ॒ – ମଙ୍ଗି॑ରସଃ॒ – ସୋମୋ॒ ଵୈ – ପ୍ର॑ତିଗୃ॒ହ୍ଣାତି॑ – ଵି॒ଭୂ – ର୍ଵୀକ୍ଷ॑ମାଣାୟ॒ – ଦ୍ଵିପ॑ଞ୍ଚା॒ଶତ୍)
(ପ୍ର॒ଜନ॑ନ॒, ମ୍ପରି॑ଜ୍ମା)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ସପ୍ତମକାଣ୍ଡେ ପ୍ରଥମଃ ପ୍ରଶ୍ନ-ସ୍ସମାପ୍ତଃ ॥