𑌪𑍍𑌰𑌭𑌾𑌤 𑌶𑍍𑌲𑍋𑌕𑌃
𑌕𑌰𑌾𑌗𑍍𑌰𑍇 𑌵𑌸𑌤𑍇 𑌲𑌕𑍍𑌷𑍍𑌮𑍀𑌃 𑌕𑌰𑌮𑌧𑍍𑌯𑍇 𑌸𑌰𑌸𑍍𑌵𑌤𑍀 ।
𑌕𑌰𑌮𑍂𑌲𑍇 𑌸𑍍𑌥𑌿𑌤𑌾 𑌗𑍌𑌰𑍀 𑌪𑍍𑌰𑌭𑌾𑌤𑍇 𑌕𑌰𑌦𑌰𑍍​𑌶𑌨𑌮𑍍 ॥
[𑌪𑌾𑌠𑌭𑍇𑌦𑌃 – 𑌕𑌰𑌮𑍂𑌲𑍇 𑌤𑍁 𑌗𑍋𑌵𑌿𑌂𑌦𑌃 𑌪𑍍𑌰𑌭𑌾𑌤𑍇 𑌕𑌰𑌦𑌰𑍍​𑌶𑌨𑌮𑍍 ॥]

𑌪𑍍𑌰𑌭𑌾𑌤 𑌭𑍂𑌮𑌿 𑌶𑍍𑌲𑍋𑌕𑌃
𑌸𑌮𑍁𑌦𑍍𑌰 𑌵𑌸𑌨𑍇 𑌦𑍇𑌵𑍀 𑌪𑌰𑍍𑌵𑌤 𑌸𑍍𑌤𑌨 𑌮𑌂𑌡𑌲𑍇 ।
𑌵𑌿𑌷𑍍𑌣𑍁𑌪𑌤𑍍𑌨𑌿 𑌨𑌮𑌸𑍍𑌤𑍁𑌭𑍍𑌯𑌂, 𑌪𑌾𑌦𑌸𑍍𑌪𑌰𑍍​𑌶𑌂 𑌕𑍍𑌷𑌮𑌸𑍍𑌵𑌮𑍇 ॥

𑌸𑍂𑌰𑍍𑌯𑍋𑌦𑌯 𑌶𑍍𑌲𑍋𑌕𑌃
𑌬𑍍𑌰𑌹𑍍𑌮𑌸𑍍𑌵𑌰𑍂𑌪 𑌮𑍁𑌦𑌯𑍇 𑌮𑌧𑍍𑌯𑌾𑌹𑍍𑌨𑍇𑌤𑍁 𑌮𑌹𑍇𑌶𑍍𑌵𑌰𑌮𑍍 ।
𑌸𑌾𑌹𑌂 𑌧𑍍𑌯𑌾𑌯𑍇𑌤𑍍𑌸𑌦𑌾 𑌵𑌿𑌷𑍍𑌣𑍁𑌂 𑌤𑍍𑌰𑌿𑌮𑍂𑌰𑍍𑌤𑌿𑌂 𑌚 𑌦𑌿𑌵𑌾𑌕𑌰𑌮𑍍 ॥

𑌸𑍍𑌨𑌾𑌨 𑌶𑍍𑌲𑍋𑌕𑌃
𑌗𑌂𑌗𑍇 𑌚 𑌯𑌮𑍁𑌨𑍇 𑌚𑍈𑌵 𑌗𑍋𑌦𑌾𑌵𑌰𑍀 𑌸𑌰𑌸𑍍𑌵𑌤𑍀
𑌨𑌰𑍍𑌮𑌦𑍇 𑌸𑌿𑌂𑌧𑍁 𑌕𑌾𑌵𑍇𑌰𑍀 𑌜𑌲𑍇𑌸𑍍𑌮𑌿𑌨𑍍 𑌸𑌨𑍍𑌨𑌿𑌧𑌿𑌂 𑌕𑍁𑌰𑍁 ॥

𑌨𑌮𑌸𑍍𑌕𑌾𑌰 𑌶𑍍𑌲𑍋𑌕𑌃
𑌤𑍍𑌵𑌮𑍇𑌵 𑌮𑌾𑌤𑌾 𑌚 𑌪𑌿𑌤𑌾 𑌤𑍍𑌵𑌮𑍇𑌵, 𑌤𑍍𑌵𑌮𑍇𑌵 𑌬𑌂𑌧𑍁𑌶𑍍𑌚 𑌸𑌖𑌾 𑌤𑍍𑌵𑌮𑍇𑌵 ।
𑌤𑍍𑌵𑌮𑍇𑌵 𑌵𑌿𑌦𑍍𑌯𑌾 𑌦𑍍𑌰𑌵𑌿𑌣𑌂 𑌤𑍍𑌵𑌮𑍇𑌵, 𑌤𑍍𑌵𑌮𑍇𑌵 𑌸𑌰𑍍𑌵𑌂 𑌮𑌮 𑌦𑍇𑌵𑌦𑍇𑌵 ॥

𑌭𑌸𑍍𑌮 𑌧𑌾𑌰𑌣 𑌶𑍍𑌲𑍋𑌕𑌃
𑌶𑍍𑌰𑍀𑌕𑌰𑌂 𑌚 𑌪𑌵𑌿𑌤𑍍𑌰𑌂 𑌚 𑌶𑍋𑌕 𑌨𑌿𑌵𑌾𑌰𑌣𑌮𑍍 ।
𑌲𑍋𑌕𑍇 𑌵𑌶𑍀𑌕𑌰𑌂 𑌪𑍁𑌂𑌸𑌾𑌂 𑌭𑌸𑍍𑌮𑌂 𑌤𑍍𑌰𑍍𑌯𑍈𑌲𑍋𑌕𑍍𑌯 𑌪𑌾𑌵𑌨𑌮𑍍 ॥

𑌭𑍋𑌜𑌨 𑌪𑍂𑌰𑍍𑌵 𑌶𑍍𑌲𑍋𑌕𑌾𑌃
𑌬𑍍𑌰𑌹𑍍𑌮𑌾𑌰𑍍𑌪𑌣𑌂 𑌬𑍍𑌰𑌹𑍍𑌮 𑌹𑌵𑌿𑌃 𑌬𑍍𑌰𑌹𑍍𑌮𑌾𑌗𑍍𑌨𑍌 𑌬𑍍𑌰𑌹𑍍𑌮𑌣𑌾𑌹𑍁𑌤𑌮𑍍 ।
𑌬𑍍𑌰𑌹𑍍𑌮𑍈𑌵 𑌤𑍇𑌨 𑌗𑌂𑌤𑌵𑍍𑌯𑌂 𑌬𑍍𑌰𑌹𑍍𑌮 𑌕𑌰𑍍𑌮 𑌸𑌮𑌾𑌧𑌿𑌨𑌃 ॥

𑌅𑌹𑌂-𑌵𑍈𑌁𑌶𑍍𑌵𑌾𑌨𑌰𑍋 𑌭𑍂𑌤𑍍𑌵𑌾 𑌪𑍍𑌰𑌾𑌣𑌿𑌨𑌾𑌂 𑌦𑍇𑌹𑌮𑌾𑌶𑍍𑌰𑌿𑌤𑌃 ।
𑌪𑍍𑌰𑌾𑌣𑌾𑌪𑌾𑌨 𑌸𑌮𑌾𑌯𑍁𑌕𑍍𑌤𑌃 𑌪𑌚𑌾𑌮𑍍𑌯𑌨𑍍𑌨𑌂 𑌚𑌤𑍁𑌰𑍍𑌵𑌿𑌧𑌮𑍍 ॥

𑌅𑌨𑍍𑌨𑌪𑍂𑌰𑍍𑌣𑍇 𑌸𑌦𑌾 𑌪𑍂𑌰𑍍𑌣𑍇 𑌶𑌂𑌕𑌰𑌪𑍍𑌰𑌾𑌣𑌵𑌲𑍍𑌲𑌭𑍇 ।
𑌜𑍍𑌞𑌾𑌨𑌵𑍈𑌰𑌾𑌗𑍍𑌯 𑌸𑌿𑌦𑍍𑌧𑍍𑌯𑌰𑍍𑌥𑌂 𑌭𑌿𑌕𑍍𑌷𑌾𑌂 𑌦𑍇𑌹𑌿 𑌚 𑌪𑌾𑌰𑍍𑌵𑌤𑌿 ॥

𑌤𑍍𑌵𑌦𑍀𑌯𑌂-𑌵𑌁𑌸𑍍𑌤𑍁 𑌗𑍋𑌵𑌿𑌂𑌦 𑌤𑍁𑌭𑍍𑌯𑌮𑍇𑌵 𑌸𑌮𑌰𑍍𑌪𑌯𑍇 ।
𑌗𑍃𑌹𑌾𑌣 𑌸𑍁𑌮𑍁𑌖𑍋 𑌭𑍂𑌤𑍍𑌵𑌾 𑌪𑍍𑌰𑌸𑍀𑌦 𑌪𑌰𑌮𑍇𑌶𑍍𑌵𑌰 ॥

𑌭𑍋𑌜𑌨𑌾𑌨𑌂𑌤𑌰 𑌶𑍍𑌲𑍋𑌕𑌃
𑌅𑌗𑌸𑍍𑌤𑍍𑌯𑌂-𑌵𑍈𑌁𑌨𑌤𑍇𑌯𑌂 𑌚 𑌶𑌮𑍀𑌂 𑌚 𑌬𑌡𑌬𑌾𑌲𑌨𑌮𑍍 ।
𑌆𑌹𑌾𑌰 𑌪𑌰𑌿𑌣𑌾𑌮𑌾𑌰𑍍𑌥𑌂 𑌸𑍍𑌮𑌰𑌾𑌮𑌿 𑌚 𑌵𑍃𑌕𑍋𑌦𑌰𑌮𑍍 ॥

𑌸𑌂𑌧𑍍𑌯𑌾 𑌦𑍀𑌪 𑌦𑌰𑍍​𑌶𑌨 𑌶𑍍𑌲𑍋𑌕𑌃
𑌦𑍀𑌪𑌜𑍍𑌯𑍋𑌤𑌿𑌃 𑌪𑌰𑌂 𑌬𑍍𑌰𑌹𑍍𑌮 𑌦𑍀𑌪𑌜𑍍𑌯𑍋𑌤𑌿𑌰𑍍𑌜𑌨𑌾𑌰𑍍𑌦𑌨𑌃 ।
𑌦𑍀𑌪𑍋 𑌹𑌰𑌤𑍁 𑌮𑍇 𑌪𑌾𑌪𑌂 𑌦𑍀𑌪𑌜𑍍𑌯𑍋𑌤𑌿𑌰𑍍𑌨𑌮𑍋𑌽𑌸𑍍𑌤𑍁𑌤𑍇 ॥

𑌶𑍁𑌭𑌂 𑌕𑌰𑍋𑌤𑌿 𑌕𑌳𑍍𑌯𑌾𑌣𑌂 𑌆𑌰𑍋𑌗𑍍𑌯𑌂 𑌧𑌨𑌸𑌂𑌪𑌦𑌃 ।
𑌶𑌤𑍍𑌰𑍁-𑌬𑍁𑌦𑍍𑌧𑌿-𑌵𑌿𑌨𑌾𑌶𑌾𑌯 𑌦𑍀𑌪𑌜𑍍𑌯𑍋𑌤𑌿𑌰𑍍𑌨𑌮𑍋𑌽𑌸𑍍𑌤𑍁𑌤𑍇 ॥

𑌨𑌿𑌦𑍍𑌰𑌾 𑌶𑍍𑌲𑍋𑌕𑌃
𑌰𑌾𑌮𑌂 𑌸𑍍𑌕𑌂𑌧𑌂 𑌹𑌨𑍁𑌮𑌂𑌤𑌂-𑌵𑍈𑌁𑌨𑌤𑍇𑌯𑌂-𑌵𑍃𑌁𑌕𑍋𑌦𑌰𑌮𑍍 ।
𑌶𑌯𑌨𑍇 𑌯𑌃 𑌸𑍍𑌮𑌰𑍇𑌨𑍍𑌨𑌿𑌤𑍍𑌯𑌂 𑌦𑍁𑌸𑍍𑌵𑌪𑍍𑌨-𑌸𑍍𑌤𑌸𑍍𑌯𑌨𑌶𑍍𑌯𑌤𑌿 ॥

𑌅𑌪𑌰𑌾𑌧 𑌕𑍍𑌷𑌮𑌾𑌪𑌣 𑌸𑍍𑌤𑍋𑌤𑍍𑌰𑌂
𑌅𑌪𑌰𑌾𑌧 𑌸𑌹𑌸𑍍𑌰𑌾𑌣𑌿, 𑌕𑍍𑌰𑌿𑌯𑌂𑌤𑍇𑌽𑌹𑌰𑍍𑌨𑌿𑌶𑌂 𑌮𑌯𑌾 ।
𑌦𑌾𑌸𑍋𑌽𑌯𑌮𑌿𑌤𑌿 𑌮𑌾𑌂 𑌮𑌤𑍍𑌵𑌾, 𑌕𑍍𑌷𑌮𑌸𑍍𑌵 𑌪𑌰𑌮𑍇𑌶𑍍𑌵𑌰 ॥

𑌕𑌰𑌚𑌰𑌣 𑌕𑍃𑌤𑌂-𑌵𑌾𑌁 𑌕𑌰𑍍𑌮 𑌵𑌾𑌕𑍍𑌕𑌾𑌯𑌜𑌂-𑌵𑌾𑌁
𑌶𑍍𑌰𑌵𑌣 𑌨𑌯𑌨𑌜𑌂-𑌵𑌾𑌁 𑌮𑌾𑌨𑌸𑌂-𑌵𑌾𑌁𑌪𑌰𑌾𑌧𑌮𑍍 ।
𑌵𑌿𑌹𑌿𑌤 𑌮𑌵𑌿𑌹𑌿𑌤𑌂-𑌵𑌾𑌁 𑌸𑌰𑍍𑌵𑌮𑍇𑌤𑌤𑍍 𑌕𑍍𑌷𑌮𑌸𑍍𑌵
𑌶𑌿𑌵 𑌶𑌿𑌵 𑌕𑌰𑍁𑌣𑌾𑌬𑍍𑌧𑍇 𑌶𑍍𑌰𑍀 𑌮𑌹𑌾𑌦𑍇𑌵 𑌶𑌂𑌭𑍋 ॥

𑌕𑌾𑌯𑍇𑌨 𑌵𑌾𑌚𑌾 𑌮𑌨𑌸𑍇𑌂𑌦𑍍𑌰𑌿𑌯𑍈𑌰𑍍𑌵𑌾
𑌬𑍁𑌦𑍍𑌧𑍍𑌯𑌾𑌤𑍍𑌮𑌨𑌾 𑌵𑌾 𑌪𑍍𑌰𑌕𑍃𑌤𑍇𑌃 𑌸𑍍𑌵𑌭𑌾𑌵𑌾𑌤𑍍 ।
𑌕𑌰𑍋𑌮𑌿 𑌯𑌦𑍍𑌯𑌤𑍍𑌸𑌕𑌲𑌂 𑌪𑌰𑌸𑍍𑌮𑍈
𑌨𑌾𑌰𑌾𑌯𑌣𑌾𑌯𑍇𑌤𑌿 𑌸𑌮𑌰𑍍𑌪𑌯𑌾𑌮𑌿 ॥

𑌦𑍇𑌵𑌤𑌾 𑌸𑍍𑌤𑍋𑌤𑍍𑌰𑌾𑌃

𑌕𑌾𑌰𑍍𑌯 𑌪𑍍𑌰𑌾𑌰𑌂𑌭 𑌸𑍍𑌤𑍋𑌤𑍍𑌰𑌾𑌃
𑌶𑍁𑌕𑍍𑌲𑌾𑌂 𑌬𑌰𑌧𑌰𑌂-𑌵𑌿𑌁𑌷𑍍𑌣𑍁𑌂 𑌶𑌶𑌿𑌵𑌰𑍍𑌣𑌂 𑌚𑌤𑍁𑌰𑍍𑌭𑍁𑌜𑌮𑍍 ।
𑌪𑍍𑌰𑌸𑌨𑍍𑌨𑌵𑌦𑌨𑌂 𑌧𑍍𑌯𑌾𑌯𑍇𑌤𑍍 𑌸𑌰𑍍𑌵 𑌵𑌿𑌘𑍍𑌨𑍋𑌪𑌶𑌾𑌂𑌤𑌯𑍇 ॥

𑌯𑌸𑍍𑌯𑌦𑍍𑌵𑌿𑌰𑌦 𑌵𑌕𑍍𑌤𑍍𑌰𑌾𑌦𑍍𑌯𑌾𑌃 𑌪𑌾𑌰𑌿𑌷𑌦𑍍𑌯𑌾𑌃 𑌪𑌰𑌶𑍍𑌶𑌤𑌮𑍍 ।
𑌵𑌿𑌘𑍍𑌨𑌂 𑌨𑌿𑌘𑍍𑌨𑌂𑌤𑍁 𑌸𑌤𑌤𑌂-𑌵𑌿𑌁𑌷𑍍𑌵𑌕𑍍𑌸𑍇𑌨𑌂 𑌤𑌮𑌾𑌶𑍍𑌰𑌯𑍇 ॥

𑌗𑌣𑍇𑌶 𑌸𑍍𑌤𑍋𑌤𑍍𑌰𑌂
𑌵𑌕𑍍𑌰𑌤𑍁𑌂𑌡 𑌮𑌹𑌾𑌕𑌾𑌯 𑌸𑍂𑌰𑍍𑌯𑌕𑍋𑌟𑌿 𑌸𑌮𑌪𑍍𑌰𑌭𑌃 ।
𑌨𑌿𑌰𑍍𑌵𑌿𑌘𑍍𑌨𑌂 𑌕𑍁𑌰𑍁 𑌮𑍇 𑌦𑍇𑌵 𑌸𑌰𑍍𑌵 𑌕𑌾𑌰𑍍𑌯𑍇𑌷𑍁 𑌸𑌰𑍍𑌵𑌦𑌾 ॥

𑌅𑌗𑌜𑌾𑌨𑌨 𑌪𑌦𑍍𑌮𑌾𑌰𑍍𑌕𑌂 𑌗𑌜𑌾𑌨𑌨 𑌮𑌹𑌰𑍍𑌨𑌿𑌶𑌮𑍍 ।
𑌅𑌨𑍇𑌕𑌦𑌂-𑌤𑌂 𑌭𑌕𑍍𑌤𑌾𑌨𑌾𑌮𑍍-𑌏𑌕𑌦𑌂𑌤-𑌮𑍁𑌪𑌾𑌸𑍍𑌮𑌹𑍇 ॥

𑌵𑌿𑌷𑍍𑌣𑍁 𑌸𑍍𑌤𑍋𑌤𑍍𑌰𑌂
𑌶𑌾𑌂𑌤𑌾𑌕𑌾𑌰𑌂 𑌭𑍁𑌜𑌗𑌶𑌯𑌨𑌂 𑌪𑌦𑍍𑌮𑌨𑌾𑌭𑌂 𑌸𑍁𑌰𑍇𑌶𑌂
𑌵𑌿𑌶𑍍𑌵𑌾𑌧𑌾𑌰𑌂 𑌗𑌗𑌨 𑌸𑌦𑍃𑌶𑌂 𑌮𑍇𑌘𑌵𑌰𑍍𑌣𑌂 𑌶𑍁𑌭𑌾𑌂𑌗𑌮𑍍 ।
𑌲𑌕𑍍𑌷𑍍𑌮𑍀𑌕𑌾𑌂𑌤𑌂 𑌕𑌮𑌲𑌨𑌯𑌨𑌂-𑌯𑍋𑌁𑌗𑌿𑌹𑍃𑌦𑍍𑌧𑍍𑌯𑌾𑌨𑌗𑌮𑍍𑌯𑌂
𑌵𑌂𑌦𑍇 𑌵𑌿𑌷𑍍𑌣𑍁𑌂 𑌭𑌵𑌭𑌯𑌹𑌰𑌂 𑌸𑌰𑍍𑌵𑌲𑍋𑌕𑍈𑌕𑌨𑌾𑌥𑌮𑍍 ॥

𑌗𑌾𑌯𑌤𑍍𑌰𑌿 𑌮𑌂𑌤𑍍𑌰𑌂
𑌓𑌂 𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॒ । 𑌤𑌥𑍍𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯𑌂॒ ।
𑌭𑌰𑍍𑌗𑍋॑ 𑌦𑍇॒𑌵𑌸𑍍𑌯॑ 𑌧𑍀𑌮𑌹𑌿 । 𑌧𑌿𑌯𑍋॒ 𑌯𑍋 𑌨𑌃॑ 𑌪𑍍𑌰𑌚𑍋𑌦𑌯𑌾᳚𑌤𑍍 ॥

𑌶𑌿𑌵 𑌸𑍍𑌤𑍋𑌤𑍍𑌰𑌂
𑌤𑍍𑌰𑍍𑌯𑌂॑𑌬𑌕𑌂-𑌯𑌁𑌜𑌾𑌮𑌹𑍇 𑌸𑍁𑌗𑌂॒𑌧𑌿𑌂 𑌪𑍁॑𑌷𑍍𑌟𑌿॒𑌵𑌰𑍍𑌧॑𑌨𑌮𑍍 ।
𑌉॒𑌰𑍍𑌵𑌾॒𑌰𑍁॒𑌕𑌮𑌿॑𑌵॒ 𑌬𑌂𑌧॑𑌨𑌾𑌨𑍍-𑌮𑍃𑌤𑍍𑌯𑍋॑𑌰𑍍-𑌮𑍁𑌕𑍍𑌷𑍀𑌯॒ 𑌮𑌾𑌽𑌮𑍃𑌤𑌾᳚𑌤𑍍 ॥

𑌵𑌂𑌦𑍇 𑌶𑌂𑌭𑍁𑌮𑍁𑌮𑌾𑌪𑌤𑌿𑌂 𑌸𑍁𑌰𑌗𑍁𑌰𑍁𑌂-𑌵𑌂𑌁𑌦𑍇 𑌜𑌗𑌤𑍍𑌕𑌾𑌰𑌣𑌂
𑌵𑌂𑌦𑍇 𑌪𑌨𑍍𑌨𑌗𑌭𑍂𑌷𑌣𑌂 𑌶𑌶𑌿𑌧𑌰𑌂-𑌵𑌂𑌁𑌦𑍇 𑌪𑌶𑍂𑌨𑌾𑌂 𑌪𑌤𑌿𑌮𑍍‌ ।
𑌵𑌂𑌦𑍇 𑌸𑍂𑌰𑍍𑌯𑌶𑌶𑌾𑌂𑌕 𑌵𑌹𑍍𑌨𑌿𑌨𑌯𑌨𑌂-𑌵𑌂𑌁𑌦𑍇 𑌮𑍁𑌕𑍁𑌂𑌦𑌪𑍍𑌰𑌿𑌯𑌂
𑌵𑌂𑌦𑍇 𑌭𑌕𑍍𑌤𑌜𑌨𑌾𑌶𑍍𑌰𑌯𑌂 𑌚 𑌵𑌰𑌦𑌂-𑌵𑌂𑌁𑌦𑍇 𑌶𑌿𑌵𑌂 𑌶𑌂𑌕𑌰𑌮𑍍‌ ॥

𑌸𑍁𑌬𑍍𑌰𑌹𑍍𑌮𑌣𑍍𑌯 𑌸𑍍𑌤𑍋𑌤𑍍𑌰𑌂
𑌶𑌕𑍍𑌤𑌿𑌹𑌸𑍍𑌤𑌂-𑌵𑌿𑌁𑌰𑍂𑌪𑌾𑌕𑍍𑌷𑌂 𑌶𑌿𑌖𑌿𑌵𑌾𑌹𑌂 𑌷𑌡𑌾𑌨𑌨𑌂
𑌦𑌾𑌰𑍁𑌣𑌂 𑌰𑌿𑌪𑍁𑌰𑍋𑌗𑌘𑍍𑌨𑌂 𑌭𑌾𑌵𑌯𑍇 𑌕𑍁𑌕𑍍𑌕𑍁𑌟 𑌧𑍍𑌵𑌜𑌮𑍍 ।
𑌸𑍍𑌕𑌂𑌦𑌂 𑌷𑌣𑍍𑌮𑍁𑌖𑌂 𑌦𑍇𑌵𑌂 𑌶𑌿𑌵𑌤𑍇𑌜𑌂 𑌚𑌤𑍁𑌰𑍍𑌭𑍁𑌜𑌂
𑌕𑍁𑌮𑌾𑌰𑌂 𑌸𑍍𑌵𑌾𑌮𑌿𑌨𑌾𑌧𑌂 𑌤𑌂 𑌕𑌾𑌰𑍍𑌤𑌿𑌕𑍇𑌯𑌂 𑌨𑌮𑌾𑌮𑍍𑌯𑌹𑌮𑍍 ॥

𑌗𑍁𑌰𑍁 𑌶𑍍𑌲𑍋𑌕𑌃
𑌗𑍁𑌰𑍁𑌰𑍍𑌬𑍍𑌰𑌹𑍍𑌮𑌾 𑌗𑍁𑌰𑍁𑌰𑍍𑌵𑌿𑌷𑍍𑌣𑍁𑌃 𑌗𑍁𑌰𑍁𑌰𑍍𑌦𑍇𑌵𑍋 𑌮𑌹𑍇𑌶𑍍𑌵𑌰𑌃 ।
𑌗𑍁𑌰𑍁𑌃 𑌸𑌾𑌕𑍍𑌷𑌾𑌤𑍍 𑌪𑌰𑌬𑍍𑌰𑌹𑍍𑌮𑌾 𑌤𑌸𑍍𑌮𑍈 𑌶𑍍𑌰𑍀 𑌗𑍁𑌰𑌵𑍇 𑌨𑌮𑌃 ॥

𑌹𑌨𑍁𑌮 𑌸𑍍𑌤𑍋𑌤𑍍𑌰𑌾𑌃
𑌮𑌨𑍋𑌜𑌵𑌂 𑌮𑌾𑌰𑍁𑌤 𑌤𑍁𑌲𑍍𑌯𑌵𑍇𑌗𑌂 𑌜𑌿𑌤𑍇𑌂𑌦𑍍𑌰𑌿𑌯𑌂 𑌬𑍁𑌦𑍍𑌧𑌿𑌮𑌤𑌾𑌂-𑌵𑌁𑌰𑌿𑌷𑍍𑌟𑌮𑍍 ।
𑌵𑌾𑌤𑌾𑌤𑍍𑌮𑌜𑌂-𑌵𑌾𑌁𑌨𑌰𑌯𑍂𑌧 𑌮𑍁𑌖𑍍𑌯𑌂 𑌶𑍍𑌰𑍀𑌰𑌾𑌮𑌦𑍂𑌤𑌂 𑌶𑌿𑌰𑌸𑌾 𑌨𑌮𑌾𑌮𑌿 ॥

𑌬𑍁𑌦𑍍𑌧𑌿𑌰𑍍𑌬𑌲𑌂-𑌯𑌁𑌶𑍋𑌧𑍈𑌰𑍍𑌯𑌂 𑌨𑌿𑌰𑍍𑌭𑌯𑌤𑍍𑌵𑌮𑌰𑍋𑌗𑌤𑌾 ।
𑌅𑌜𑌾𑌡𑍍𑌯𑌂-𑌵𑌾𑌁𑌕𑍍𑌪𑌟𑍁𑌤𑍍𑌵𑌂 𑌚 𑌹𑌨𑍁𑌮𑌸𑍍𑌸𑍍𑌮𑌰𑌣𑌾𑌦𑍍-𑌭𑌵𑍇𑌤𑍍 ॥

𑌜𑌯𑌤𑍍𑌯𑌤𑌿 𑌬𑌲𑍋 𑌰𑌾𑌮𑍋 𑌲𑌕𑍍𑌷𑍍𑌮𑌣𑌸𑍍𑌯 𑌮𑌹𑌾𑌬𑌲𑌃 ।
𑌰𑌾𑌜𑌾 𑌜𑌯𑌤𑌿 𑌸𑍁𑌗𑍍𑌰𑍀𑌵𑍋 𑌰𑌾𑌘𑌵𑍇𑌣𑌾𑌭𑌿 𑌪𑌾𑌲𑌿𑌤𑌃 ॥

𑌦𑌾𑌸𑍋𑌽𑌹𑌂 𑌕𑍋𑌸𑌲𑍇𑌂𑌦𑍍𑌰𑌸𑍍𑌯 𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟 𑌕𑌰𑍍𑌮𑌣𑌃 ।
𑌹𑌨𑍁𑌮𑌾𑌨𑍍 𑌶𑌤𑍍𑌰𑍁𑌸𑍈𑌨𑍍𑌯𑌾𑌨𑌾𑌂 𑌨𑌿𑌹𑌂𑌤𑌾 𑌮𑌾𑌰𑍁𑌤𑌾𑌤𑍍𑌮𑌜𑌃 ॥

𑌶𑍍𑌰𑍀𑌰𑌾𑌮 𑌸𑍍𑌤𑍋𑌤𑍍𑌰𑌾𑌂
𑌶𑍍𑌰𑍀 𑌰𑌾𑌮 𑌰𑌾𑌮 𑌰𑌾𑌮𑍇𑌤𑌿 𑌰𑌮𑍇 𑌰𑌾𑌮𑍇 𑌮𑌨𑍋𑌰𑌮𑍇
𑌸𑌹𑌸𑍍𑌰𑌨𑌾𑌮 𑌤𑌤𑍍𑌤𑍁𑌲𑍍𑌯𑌂 𑌰𑌾𑌮 𑌨𑌾𑌮 𑌵𑌰𑌾𑌨𑌨𑍇

𑌶𑍍𑌰𑍀 𑌰𑌾𑌮𑌚𑌂𑌦𑍍𑌰𑌃 𑌶𑍍𑌰𑌿𑌤𑌪𑌾𑌰𑌿𑌜𑌾𑌤𑌃 𑌸𑌮𑌸𑍍𑌤 𑌕𑌳𑍍𑌯𑌾𑌣 𑌗𑍁𑌣𑌾𑌭𑌿𑌰𑌾𑌮𑌃 ।
𑌸𑍀𑌤𑌾𑌮𑍁𑌖𑌾𑌂𑌭𑍋𑌰𑍁𑌹𑌾𑌚𑌂𑌚𑌰𑍀𑌕𑍋 𑌨𑌿𑌰𑌂𑌤𑌰𑌂 𑌮𑌂𑌗𑌳𑌮𑌾𑌤𑌨𑍋𑌤𑍁 ॥

𑌶𑍍𑌰𑍀𑌕𑍃𑌷𑍍𑌣 𑌸𑍍𑌤𑍋𑌤𑍍𑌰𑌂
𑌮𑌂𑌦𑌾𑌰𑌮𑍂𑌲𑍇 𑌮𑌦𑌨𑌾𑌭𑌿𑌰𑌾𑌮𑌂
𑌬𑌿𑌂𑌬𑌾𑌧𑌰𑌾𑌪𑍂𑌰𑌿𑌤 𑌵𑍇𑌣𑍁𑌨𑌾𑌦𑌮𑍍 ।
𑌗𑍋𑌗𑍋𑌪 𑌗𑍋𑌪𑍀𑌜𑌨 𑌮𑌧𑍍𑌯𑌸𑌂𑌸𑍍𑌥𑌂
𑌗𑍋𑌪𑌂 𑌭𑌜𑍇 𑌗𑍋𑌕𑍁𑌲 𑌪𑍂𑌰𑍍𑌣𑌚𑌂𑌦𑍍𑌰𑌮𑍍 ॥

𑌗𑌰𑍁𑌡 𑌸𑍍𑌵𑌾𑌮𑌿 𑌸𑍍𑌤𑍋𑌤𑍍𑌰𑌂
𑌕𑍁𑌂𑌕𑍁𑌮𑌾𑌂𑌕𑌿𑌤𑌵𑌰𑍍𑌣𑌾𑌯 𑌕𑍁𑌂𑌦𑍇𑌂𑌦𑍁 𑌧𑌵𑌳𑌾𑌯 𑌚 ।
𑌵𑌿𑌷𑍍𑌣𑍁 𑌵𑌾𑌹 𑌨𑌮𑌸𑍍𑌤𑍁𑌭𑍍𑌯𑌂 𑌪𑌕𑍍𑌷𑌿𑌰𑌾𑌜𑌾𑌯 𑌤𑍇 𑌨𑌮𑌃 ॥

𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌸𑍍𑌤𑍋𑌤𑍍𑌰𑌂
𑌗𑍁𑌰𑌵𑍇 𑌸𑌰𑍍𑌵𑌲𑍋𑌕𑌾𑌨𑌾𑌂 𑌭𑌿𑌷𑌜𑍇 𑌭𑌵𑌰𑍋𑌗𑌿𑌣𑌾𑌮𑍍 ।
𑌨𑌿𑌧𑌯𑍇 𑌸𑌰𑍍𑌵 𑌵𑌿𑌦𑍍𑌯𑌾𑌨𑌾𑌂 𑌶𑍍𑌰𑍀 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮 ॥

𑌸𑌰𑌸𑍍𑌵𑌤𑍀 𑌶𑍍𑌲𑍋𑌕𑌃
𑌸𑌰𑌸𑍍𑌵𑌤𑍀 𑌨𑌮𑌸𑍍𑌤𑍁𑌭𑍍𑌯𑌂-𑌵𑌁𑌰𑌦𑍇 𑌕𑌾𑌮𑌰𑍂𑌪𑌿𑌣𑍀 ।
𑌵𑌿𑌦𑍍𑌯𑌾𑌰𑌂𑌭𑌂 𑌕𑌰𑌿𑌷𑍍𑌯𑌾𑌮𑌿 𑌸𑌿𑌦𑍍𑌧𑌿𑌰𑍍𑌭𑌵𑌤𑍁 𑌮𑍇 𑌸𑌦𑌾 ॥

𑌯𑌾 𑌕𑍁𑌂𑌦𑍇𑌂𑌦𑍁 𑌤𑍁𑌷𑌾𑌰 𑌹𑌾𑌰 𑌧𑌵𑌳𑌾, 𑌯𑌾 𑌶𑍁𑌭𑍍𑌰 𑌵𑌸𑍍𑌤𑍍𑌰𑌾𑌵𑍃𑌤𑌾 ।
𑌯𑌾 𑌵𑍀𑌣𑌾 𑌵𑌰𑌦𑌂𑌡 𑌮𑌂𑌡𑌿𑌤 𑌕𑌰𑌾, 𑌯𑌾 𑌶𑍍𑌵𑍇𑌤 𑌪𑌦𑍍𑌮𑌾𑌸𑌨𑌾 ।
𑌯𑌾 𑌬𑍍𑌰𑌹𑍍𑌮𑌾𑌚𑍍𑌯𑍁𑌤 𑌶𑌂𑌕𑌰 𑌪𑍍𑌰𑌭𑍃𑌤𑌿𑌭𑌿𑌰𑍍-𑌦𑍇𑌵𑍈𑌃 𑌸𑌦𑌾 𑌪𑍂𑌜𑌿𑌤𑌾 ।
𑌸𑌾 𑌮𑌾𑌂 𑌪𑌾𑌤𑍁 𑌸𑌰𑌸𑍍𑌵𑌤𑍀 𑌭𑌗𑌵𑌤𑍀 𑌨𑌿𑌶𑍍𑌶𑍇𑌷𑌜𑌾𑌡𑍍𑌯𑌾𑌪𑌹𑌾 ॥

𑌲𑌕𑍍𑌷𑍍𑌮𑍀 𑌶𑍍𑌲𑍋𑌕𑌃
𑌲𑌕𑍍𑌷𑍍𑌮𑍀𑌂 𑌕𑍍𑌷𑍀𑌰𑌸𑌮𑍁𑌦𑍍𑌰 𑌰𑌾𑌜 𑌤𑌨𑌯𑌾𑌂 𑌶𑍍𑌰𑍀𑌰𑌂𑌗 𑌧𑌾𑌮𑍇𑌶𑍍𑌵𑌰𑍀𑌮𑍍 ।
𑌦𑌾𑌸𑍀𑌭𑍂𑌤 𑌸𑌮𑌸𑍍𑌤 𑌦𑍇𑌵 𑌵𑌨𑌿𑌤𑌾𑌂-𑌲𑍋𑌁𑌕𑍈𑌕 𑌦𑍀𑌪𑌾𑌂𑌕𑍁𑌰𑌾𑌮𑍍 ।
𑌶𑍍𑌰𑍀𑌮𑌨𑍍𑌮𑌂𑌧 𑌕𑌟𑌾𑌕𑍍𑌷 𑌲𑌬𑍍𑌧 𑌵𑌿𑌭𑌵 𑌬𑍍𑌰𑌹𑍍𑌮𑍇𑌂𑌦𑍍𑌰 𑌗𑌂𑌗𑌾𑌧𑌰𑌾𑌮𑍍 ।
𑌤𑍍𑌵𑌾𑌂 𑌤𑍍𑌰𑍈𑌲𑍋𑌕𑍍𑌯𑌕𑍁𑌟𑍁𑌂𑌬𑌿𑌨𑍀𑌂 𑌸𑌰𑌸𑌿𑌜𑌾𑌂-𑌵𑌂𑌁𑌦𑍇 𑌮𑍁𑌕𑍁𑌂𑌦𑌪𑍍𑌰𑌿𑌯𑌾𑌮𑍍 ॥

𑌦𑍁𑌰𑍍𑌗𑌾 𑌦𑍇𑌵𑍀 𑌸𑍍𑌤𑍋𑌤𑍍𑌰𑌂
𑌸𑌰𑍍𑌵 𑌸𑍍𑌵𑌰𑍂𑌪𑍇 𑌸𑌰𑍍𑌵𑍇𑌶𑍇 𑌸𑌰𑍍𑌵 𑌶𑌕𑍍𑌤𑌿 𑌸𑌮𑌨𑍍𑌵𑌿𑌤𑍇 ।
𑌭𑌯𑍇𑌭𑍍𑌯𑌸𑍍𑌤𑌾𑌹𑌿 𑌨𑍋 𑌦𑍇𑌵𑌿 𑌦𑍁𑌰𑍍𑌗𑌾𑌦𑍇𑌵𑌿 𑌨𑌮𑍋𑌸𑍍𑌤𑍁𑌤𑍇 ॥

𑌤𑍍𑌰𑌿𑌪𑍁𑌰𑌸𑍁𑌂𑌦𑌰𑍀 𑌸𑍍𑌤𑍋𑌤𑍍𑌰𑌂
𑌓𑌂𑌕𑌾𑌰 𑌪𑌂𑌜𑌰 𑌶𑍁𑌕𑍀𑌂 𑌉𑌪𑌨𑌿𑌷𑌦𑍁𑌦𑍍𑌯𑌾𑌨 𑌕𑍇𑌳𑌿 𑌕𑌲𑌕𑌂𑌠𑍀𑌮𑍍 ।
𑌆𑌗𑌮 𑌵𑌿𑌪𑌿𑌨 𑌮𑌯𑍂𑌰𑍀𑌂 𑌆𑌰𑍍𑌯𑌾𑌂 𑌅𑌂𑌤𑌰𑍍𑌵𑌿𑌭𑌾𑌵𑌯𑍇𑌦𑍍𑌗𑍌𑌰𑍀𑌮𑍍 ॥

𑌦𑍇𑌵𑍀 𑌶𑍍𑌲𑍋𑌕𑌃
𑌸𑌰𑍍𑌵 𑌮𑌂𑌗𑌲 𑌮𑌾𑌂𑌗𑌲𑍍𑌯𑍇 𑌶𑌿𑌵𑍇 𑌸𑌰𑍍𑌵𑌾𑌰𑍍𑌥 𑌸𑌾𑌧𑌿𑌕𑍇 ।
𑌶𑌰𑌣𑍍𑌯𑍇 𑌤𑍍𑌰𑍍𑌯𑌂𑌬𑌕𑍇 𑌦𑍇𑌵𑌿 𑌨𑌾𑌰𑌾𑌯𑌣𑌿 𑌨𑌮𑍋𑌸𑍍𑌤𑍁𑌤𑍇 ॥

𑌵𑍇𑌂𑌕𑌟𑍇𑌶𑍍𑌵𑌰 𑌶𑍍𑌲𑍋𑌕𑌃
𑌶𑍍𑌰𑌿𑌯𑌃 𑌕𑌾𑌂𑌤𑌾𑌯 𑌕𑌳𑍍𑌯𑌾𑌣𑌨𑌿𑌧𑌯𑍇 𑌨𑌿𑌧𑌯𑍇𑌽𑌰𑍍𑌥𑌿𑌨𑌾𑌮𑍍 ।
𑌶𑍍𑌰𑍀 𑌵𑍇𑌂𑌕𑌟 𑌨𑌿𑌵𑌾𑌸𑌾𑌯 𑌶𑍍𑌰𑍀𑌨𑌿𑌵𑌾𑌸𑌾𑌯 𑌮𑌂𑌗𑌳𑌮𑍍 ॥

𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌿 𑌶𑍍𑌲𑍋𑌕𑌃
𑌗𑍁𑌰𑌵𑍇 𑌸𑌰𑍍𑌵𑌲𑍋𑌕𑌾𑌨𑌾𑌂 𑌭𑌿𑌷𑌜𑍇 𑌭𑌵𑌰𑍋𑌗𑌿𑌣𑌾𑌮𑍍 ।
𑌨𑌿𑌧𑌯𑍇 𑌸𑌰𑍍𑌵𑌵𑌿𑌦𑍍𑌯𑌾𑌨𑌾𑌂 𑌦𑌕𑍍𑌷𑌿𑌣𑌾𑌮𑍂𑌰𑍍𑌤𑌯𑍇 𑌨𑌮𑌃 ॥

𑌬𑍌𑌦𑍍𑌧 𑌪𑍍𑌰𑌾𑌰𑍍𑌥𑌨
𑌬𑍁𑌦𑍍𑌧𑌂 𑌶𑌰𑌣𑌂 𑌗𑌚𑍍𑌛𑌾𑌮𑌿
𑌧𑌰𑍍𑌮𑌂 𑌶𑌰𑌣𑌂 𑌗𑌚𑍍𑌛𑌾𑌮𑌿
𑌸𑌂𑌘𑌂 𑌶𑌰𑌣𑌂 𑌗𑌚𑍍𑌛𑌾𑌮𑌿

𑌶𑌾𑌂𑌤𑌿 𑌮𑌂𑌤𑍍𑌰𑌂
𑌅𑌸𑌤𑍋𑌮𑌾 𑌸𑌦𑍍𑌗𑌮𑌯𑌾 ।
𑌤𑌮𑌸𑍋𑌮𑌾 𑌜𑍍𑌯𑍋𑌤𑌿𑌰𑍍𑌗𑌮𑌯𑌾 ।
𑌮𑍃𑌤𑍍𑌯𑍋𑌰𑍍𑌮𑌾 𑌅𑌮𑍃𑌤𑌂𑌗𑌮𑌯𑌾 ।
𑌓𑌂 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃

𑌸𑌰𑍍𑌵𑍇 𑌭𑌵𑌂𑌤𑍁 𑌸𑍁𑌖𑌿𑌨𑌃 𑌸𑌰𑍍𑌵𑍇 𑌸𑌂𑌤𑍁 𑌨𑌿𑌰𑌾𑌮𑌯𑌾𑌃 ।
𑌸𑌰𑍍𑌵𑍇 𑌭𑌦𑍍𑌰𑌾𑌣𑌿 𑌪𑌶𑍍𑌯𑌂𑌤𑍁 𑌮𑌾 𑌕𑌶𑍍𑌚𑌿𑌦𑍍𑌦𑍁𑌃𑌖 𑌭𑌾𑌗𑍍𑌭𑌵𑍇𑌤𑍍 ॥
𑌓𑌂 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃

𑌓𑌂 𑌸𑌰𑍍𑌵𑍇𑌷𑌾𑌂 𑌸𑍍𑌵𑌸𑍍𑌤𑌿𑌰𑍍𑌭𑌵𑌤𑍁,
𑌸𑌰𑍍𑌵𑍇𑌷𑌾𑌂 𑌶𑌾𑌂𑌤𑌿𑌰𑍍𑌭𑌵𑌤𑍁 ।
𑌸𑌰𑍍𑌵𑍇𑌷𑌾𑌂 𑌪𑍂𑌰𑍍𑌣𑌂 𑌭𑌵𑌤𑍁,
𑌸𑌰𑍍𑌵𑍇𑌷𑌾𑌂 𑌮𑌂𑌗𑌳𑌂 𑌭𑌵𑌤𑍁 ।
𑌓𑌂 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃 𑌶𑌾𑌂𑌤𑌿𑌃

𑌓𑌂 𑌸॒𑌹 𑌨𑌾॑𑌵𑌵𑌤𑍁 । 𑌸॒ 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯𑌂॑ 𑌕𑌰𑌵𑌾𑌵𑌹𑍈 ।
𑌤𑍇॒𑌜॒𑌸𑍍𑌵𑌿𑌨𑌾॒𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ ॥
𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

𑌸𑍍𑌵𑌸𑍍𑌤𑌿 𑌮𑌂𑌤𑍍𑌰𑌾𑌃
𑌸𑍍𑌵𑌸𑍍𑌤𑌿 𑌪𑍍𑌰𑌜𑌾𑌭𑍍𑌯𑌃 𑌪𑌰𑌿𑌪𑌾𑌲𑌯𑌂𑌤𑌾𑌂
𑌨𑍍𑌯𑌾𑌯𑍇𑌨 𑌮𑌾𑌰𑍍𑌗𑍇𑌣 𑌮𑌹𑍀𑌂 𑌮𑌹𑍀𑌶𑌾𑌃 ।
𑌗𑍋𑌬𑍍𑌰𑌾𑌹𑍍𑌮𑌣𑍇𑌭𑍍𑌯-𑌶𑍍𑌶𑍁𑌭𑌮𑌸𑍍𑌤𑍁 𑌨𑌿𑌤𑍍𑌯𑌂
𑌲𑍋𑌕𑌾-𑌸𑍍𑌸𑌮𑌸𑍍𑌤𑌾-𑌸𑍍𑌸𑍁𑌖𑌿𑌨𑍋 𑌭𑌵𑌂𑌤𑍁 ॥

𑌕𑌾𑌲𑍇 𑌵𑌰𑍍​𑌷𑌤𑍁 𑌪𑌰𑍍𑌜𑌨𑍍𑌯𑌃 𑌪𑍃𑌥𑌿𑌵𑍀 𑌸𑌸𑍍𑌯𑌶𑌾𑌲𑌿𑌨𑍀 ।
𑌦𑍇𑌶𑍋𑌯𑌂 𑌕𑍍𑌷𑍋𑌭𑌰𑌹𑌿𑌤𑍋 𑌬𑍍𑌰𑌾𑌹𑍍𑌮𑌣𑌾𑌸𑍍𑌸𑌂𑌤𑍁 𑌨𑌿𑌰𑍍𑌭𑌯𑌾𑌃 ॥

𑌵𑌿𑌶𑍇𑌷 𑌮𑌂𑌤𑍍𑌰𑌾𑌃
𑌪𑌂𑌚𑌾𑌕𑍍𑌷𑌰𑍀 𑌮𑌂𑌤𑍍𑌰𑌂 – 𑌓𑌂 𑌨𑌮𑌶𑍍𑌶𑌿𑌵𑌾𑌯
𑌅𑌷𑍍𑌟𑌾𑌕𑍍𑌷𑌰𑍀 𑌮𑌂𑌤𑍍𑌰𑌂 – 𑌓𑌂 𑌨𑌮𑍋 𑌨𑌾𑌰𑌾𑌯𑌣𑌾𑌯
𑌦𑍍𑌵𑌾𑌦𑌶𑌾𑌕𑍍𑌷𑌰𑍀 𑌮𑌂𑌤𑍍𑌰𑌂 – 𑌓𑌂 𑌨𑌮𑍋 𑌭𑌗𑌵𑌤𑍇 𑌵𑌾𑌸𑍁𑌦𑍇𑌵𑌾𑌯