શ્રીગોપાલકૃષ્ણાય નમઃ ॥
શ્રીશેષ ઉવાચ ॥
ઓં અસ્ય શ્રીકૃષ્ણાષ્ટોત્તરશતનામસ્તોત્રસ્ય।
શ્રીશેષ ઋષિઃ ॥ અનુષ્ટુપ્ છંદઃ ॥ શ્રીકૃષ્ણોદેવતા ॥
શ્રીકૃષ્ણાષ્ટોત્તરશતનામજપે વિનિયોગઃ ॥
ઓં શ્રીકૃષ્ણઃ કમલાનાથો વાસુદેવઃ સનાતનઃ ।
વસુદેવાત્મજઃ પુણ્યો લીલામાનુષવિગ્રહઃ ॥ 1 ॥
શ્રીવત્સકૌસ્તુભધરો યશોદાવત્સલો હરિઃ ।
ચતુર્ભુજાત્તચક્રાસિગદા શંખાદ્યુદાયુધઃ ॥ 2 ॥
દેવકીનંદનઃ શ્રીશો નંદગોપપ્રિયાત્મજઃ ।
યમુનાવેગસંહારી બલભદ્રપ્રિયાનુજઃ ॥ 3 ॥
પૂતનાજીવિતહરઃ શકટાસુરભંજનઃ ।
નંદવ્રજજનાનંદી સચ્ચિદાનંદવિગ્રહઃ ॥ 4 ॥
નવનીતવિલિપ્તાંગો નવનીતનટોઽનઘઃ ।
નવનીતનવાહારો મુચુકુંદપ્રસાદકઃ ॥ 5 ॥
ષોડશસ્ત્રી સહસ્રેશ સ્રિભંગિ મધુરાકૃતિઃ ।
શુકવાગમૃતાબ્ધીંદુર્ગોવિંદો ગોવિદાંપતિઃ ॥ 6 ॥
વત્સવાટચરોઽનંતો ધેનુકાસુરભંજનઃ ।
તૃણીકૃતતૃણાવર્તો યમળાર્જુનભંજનઃ ॥ 7 ॥
ઉત્તાનતાલભેત્તા ચ તમાલશ્યામલાકૃતિઃ ।
ગોપગોપીશ્વરો યોગી સૂર્યકોટિસમપ્રભઃ ॥ 8 ॥
ઇલાપતિઃ પરંજ્યોતિર્યાદવેંદ્રો યદૂદ્વહઃ ।
વનમાલી પીતવાસાઃ પારિજાતાપહારકઃ ॥ 9 ॥
ગોવર્ધનાચલોદ્ધર્તા ગોપાલઃ સર્વપાલકઃ ।
અજો નિરંજનઃ કામજનકઃ કંજલોચનઃ ॥ 10 ॥
મધુહા મથુરાનાથો દ્વારકાનાયકો બલી ।
વૃંદાવનાંતસંચારી તુલસીદામભૂષણઃ ॥ 11 ॥
શ્યમંતકમણેર્હર્તા નરનારાયણાત્મકઃ ।
કુબ્જાકૃષ્ણાંબરધરો માયી પરમપૂરુષઃ ॥ 12 ॥
મુષ્ટિકાસુરચાણૂરમહાયુદ્ધવિશારદઃ ।
સંસારવૈરી કંસારિર્મુરારિર્નરકાંતકઃ ॥ 13 ॥
અનાદિબ્રહ્મચારી ચ કૃષ્ણાવ્યસનકર્ષકઃ ।
શિશુપાલશિરશ્છેત્તા દુર્યોધનકુલાંતકઃ ॥ 14 ॥
વિદુરાક્રૂરવરદો વિશ્વરૂપપ્રદર્શકઃ ।
સત્યવાક્ સત્યસંકલ્પઃ સત્યભામારતો જયી ॥ 15 ॥
સુભદ્રાપૂર્વજો વિષ્ણુર્ભીષ્મમુક્તિપ્રદાયકઃ ।
જગદ્ગુરુર્જગન્નાથો વેણુનાદવિશારદઃ ॥ 16 ॥
વૃષભાસુરવિધ્વંસી બાણાસુરબલાંતકઃ ।
યુધિષ્ઠિરપ્રતિષ્ઠાતા બર્હિબર્હાવતંસકઃ ॥ 17 ॥
પાર્થસારથિરવ્યક્તો ગીતામૃતમહોદધિઃ ।
કાલીયફણિમાણિક્યરંજિતશ્રીપદાંબુજઃ ॥ 18 ॥
દામોદરો યજ્ઞભોક્તા દાનવેંદ્રવિનાશકઃ ।
નારાયણઃ પરંબ્રહ્મ પન્નગાશનવાહનઃ ॥ 19 ॥
જલક્રીડાસમાસક્ત ગોપીવસ્ત્રાપહારકઃ ।
પુણ્યશ્લોકસ્તીર્થપાદો વેદવેદ્યો દયાનિધિઃ ॥ 20 ॥
સર્વતીર્થાત્મકઃ સર્વગ્રહરુપી પરાત્પરઃ ।
એવં શ્રીકૃષ્ણદેવસ્ય નામ્નામષ્ટોત્તરં શતમ્ ॥ 21 ॥
કૃષ્ણનામામૃતં નામ પરમાનંદકારકમ્ ।
અત્યુપદ્રવદોષઘ્નં પરમાયુષ્યવર્ધનમ્ ॥ 22 ॥
॥ ઇતિ શ્રીનારદપંચરાત્રે જ્ઞાનામૃતસારે ચતુર્થરાત્રે ઉમામહેશ્વરસંવાદે
ધરણીશેષસંવાદે શ્રીકૃષ્ણાષ્ટોત્તરશતનામસ્તોત્રં સંપૂર્ણમ્ ॥