അഥ ദ്വിതീയസ്തോത്രമ്
സ്വജനോദധിസംവൃദ്ധി പൂര്ണചംദ്രോ ഗുണാര്ണവഃ । (സുജനോദധിസംവൃദ്ധി)
അമംദാനംദ സാംദ്രോ നഃ സദാവ്യാദിംദിരാപതിഃ ॥ 1॥ (പ്രീയാതാമിംദിരാപതിഃ)
രമാചകോരീവിധവേ ദുഷ്ടദര്പോദവഹ്നയേ । (ദുഷ്ടസര്പോദവഹ്നയേ)
സത്പാംഥജനഗേഹായ നമോ നാരായണായ തേ ॥ 2॥
ചിദചിദ്ഭേദം അഖിലം വിധായാധായ ഭുംജതേ ।
അവ്യാകൃതഗുഹസ്ഥായ രമാപ്രണയിനേ നമഃ ॥ 3॥
അമംദഗുണസാരോഽപി മംദഹാസേന വീക്ഷിതഃ ।
നിത്യമിംദിരയാഽനംദസാംദ്രോ യോ നൌമി തം ഹരിമ് ॥ 4॥
വശീ വശോ (വശേ) ന കസ്യാപി യോഽജിതോ വിജിതാഖിലഃ ।
സര്വകര്താ ന ക്രിയതേ തം നമാമി രമാപതിമ് ॥ 5॥
അഗുണായഗുണോദ്രേക സ്വരൂപായാദികാരിണേ ।
വിദാരിതാരിസംഘായ വാസുദേവായ തേ നമഃ ॥ 6॥
ആദിദേവായ ദേവാനാം പതയേ സാദിതാരയേ ।
അനാദ്യജ്ഞാനപാരായ നമഃ പാരാവരാശ്രയ ॥ 7॥ (നമോ വരവരായ തേ)
അജായ ജനയിത്രേഽസ്യ വിജിതാഖിലദാനവ ।
അജാദി പൂജ്യപാദായ നമസ്തേ ഗരുഡധ്വജ ॥ 8॥
ഇംദിരാമംദസാംദ്രാഗ്ര്യ കടാക്ഷപ്രേക്ഷിതാത്മനേ ।
അസ്മദിഷ്ടൈക കാര്യായ പൂര്ണായ ഹരയേ നമഃ ॥ 9॥
ഇതി ശ്രീമദാനംദതീര്ഥഭഗവത്പാദാചാര്യ വിരചിതം
ദ്വാദശസ്തോത്രേഷു ദ്വിതീയസ്തോത്രം സംപൂര്ണമ്