അഥ പംചമസ്തോത്രമ്
വാസുദേവാപരിമേയസുധാമന് ശുദ്ധസദോദിത സുംദരീകാംത ।
ധരാധരധാരണ വേധുരധര്തഃ സൌധൃതിദീധിതിവേധൃവിധാതഃ ॥ 1॥
അധികബംധം രംധയ ബോധാ ച്ഛിംധിപിധാനം ബംധുരമദ്ധാ ।
കേശവ കേശവ ശാസക വംദേ പാശധരാര്ചിത ശൂരപരേശ (ശൂരവരേശ) ॥ 2॥
നാരായണാമലതാരണ (കാരണ) വംദേ കാരണകാരണ പൂര്ണ വരേണ്യ ।
മാധവ മാധവ സാധക വംദേ ബാധക ബോധക ശുദ്ധ സമാധേ ॥ 3॥
ഗോവിംദ ഗോവിംദ പുരംദര വംദേ സ്കംദ സനംദന വംദിത പാദ ।
വിഷ്ണു സൃജിഷ്ണു ഗ്രസിഷ്ണു വിവംദേ കൃഷ്ണ സദുഷ്ണ വധിഷ്ണ സുധൃഷ്ണോ ॥ 4॥
വിഷ്ണോ സൃജിഷ്ണോ ഗ്രസിഷ്ണോ വിവംദേ കൃഷ്ണ സദുഷ്ണവധിഷ്ണോ സുധൃഷ്ണോ
മധുസൂദന ദാനവസാദന വംദേ ദൈവതമോദന (ദൈവതമോദിത) വേദിത പാദ ।
ത്രിവിക്രമ നിഷ്ക്രമ വിക്രമ വംദേ സുക്രമ സംക്രമഹുംകൃതവക്ത്ര ॥ 5॥ (സംക്രമ സുക്രമ ഹുംകൃതവക്ത്ര)
വാമന വാമന ഭാമന വംദേ സാമന സീമന സാമന സാനോ ।
ശ്രീധര ശ്രീധര ശംധര വംദേ ഭൂധര വാര്ധര കംധരധാരിന് ॥ 6॥
ഹൃഷീകേശ സുകേശ പരേശ വിവംദേ ശരണേശ കലേശ ബലേശ സുഖേശ ।
പദ്മനാഭ ശുഭോദ്ഭവ വംദേ സംഭൃതലോകഭരാഭര ഭൂരേ ।
ദാമോദര ദൂരതരാംതര വംദേ ദാരിതപാരക പാര (ദാരിതപാരഗപാര) പരസ്മാത് ॥ 7॥
ആനംദസുതീര്ഥ മുനീംദ്രകൃതാ ഹരിഗീതിരിയം പരമാദരതഃ ।
പരലോകവിലോകന സൂര്യനിഭാ ഹരിഭക്തി വിവര്ധന ശൌംഡതമാ ॥ 8॥
ഇതി ശ്രീമദാനംദതീര്ഥഭഗവത്പാദാചാര്യ വിരചിതം
ദ്വാദശസ്തോത്രേഷു പംചമസ്തോത്രം സംപൂര്ണമ്