Download as PDF 📄

અથ સપ્તમસ્તોત્રમ્

વિશ્વસ્થિતિપ્રળયસર્ગમહાવિભૂતિ વૃત્તિપ્રકાશનિયમાવૃતિ બંધમોક્ષાઃ ।
યસ્યા અપાંગલવમાત્રત ઊર્જિતા સા શ્રીઃ યત્કટાક્ષબલવત્યજિતં નમામિ ॥ 1॥

બ્રહ્મેશશક્રરવિધર્મશશાંકપૂર્વ ગીર્વાણસંતતિરિયં યદપાંગલેશમ્ ।
આશ્રિત્ય વિશ્વવિજયં વિસૃજત્યચિંત્યા શ્રીઃ યત્કટાક્ષબલવત્યજિતં નમામિ ॥ 2॥

ધર્માર્થકામસુમતિપ્રચયાદ્યશેષસન્મંગલં વિદધતે યદપાંગલેશમ્ ।
આશ્રિત્ય તત્પ્રણતસત્પ્રણતા અપીડ્યા શ્રીઃ યત્કટાક્ષબલવતિ અજિતં નમામિ ॥ 3॥

ષડ્વર્ગનિગ્રહનિરસ્તસમસ્તદોષા ધ્યાયંતિ વિષ્ણુમૃષયો યદપાંગલેશમ્ ।
આશ્રિત્ય યાનપિ સમેત્ય ન યાતિ દુઃખં શ્રીઃ યત્કટાક્ષબલવતિ અજિતં નમામિ ॥ 4॥

શેષાહિવૈરિશિવશક્રમનુપ્રધાન ચિત્રોરુકર્મરચનં યદપાંગલેશમ્ ।
આશ્રિત્ય વિશ્વમખિલં વિદધાતિ ધાતા શ્રીઃ યત્કટાક્ષબલવતિ અજિતં નમામિ ॥ 5॥

શક્રોગ્રદીધિતિહિમાકરસૂર્યસૂનુ પૂર્વં નિહત્ય નિખિલં યદપાંગલેશમ્ ।
આશ્રિત્ય નૃત્યતિ શિવઃ પ્રકટોરુશક્તિઃ શ્રીઃ યત્કટાક્ષ બલવતિ અજિતં નમામિ ॥ 6॥

તત્પાદપંકજમહાસનતામવાપ શર્વાદિવંદ્યચરણો યદપાંગલેશમ્ ।
આશ્રિત્ય નાગપતિઃ અન્યસુરૈર્દુરાપાં શ્રીઃ યત્કટાક્ષબલવતિ અજિતં નમામિ ॥ 7॥

નાગારિરુગ્રબલપૌરુષ આપ વિષ્ણુવાહત્વમુત્તમજવો યદપાંગલેશમ્ । વર્
વિષ્ણોર્વાહ
આશ્રિત્ય શક્રમુખદેવગણૈઃ અચિંત્યં શ્રીઃ યત્કટાક્ષ બલવતિ અજિતં નમામિ ॥ 8॥

આનંદતીર્થમુનિસન્મુખપંકજોત્થં સાક્ષાદ્રમાહરિમનઃ પ્રિયં ઉત્તમાર્થમ્ ।
ભક્ત્યા પઠતિ અજિતમાત્મનિ સન્નિધાય યઃ સ્તોત્રમેતભિયાતિ તયોરભીષ્ટમ્ ॥ 9॥

ઇતિ શ્રીમદાનંદતીર્થભગવત્પાદાચાર્ય વિરચિતં
દ્વાદશસ્તોત્રેષુ સપ્તમસ્તોત્રં સંપૂર્ણમ્