Download as PDF 📄

అథ ఏకాదశస్తోత్రం

ఉదీర్ణమజరం దివ్యం అమృతస్యంద్యధీశితుః ।
ఆనందస్య పదం వందే బ్రహ్మేంద్రాది అభివందితమ్ ॥ 1॥

సర్వవేదపదోద్గీతం ఇందిరావాసముత్తమం (ఇందిరాధారముత్తమం) ।
ఆనందస్య పదం వందే బ్రహ్మేంద్రాది అభివందితమ్ ॥ 2॥

సర్వదేవాదిదేవస్య విదారితమహత్తమః ।
ఆనందస్య పదం వందే బ్రహ్మేంద్రాది అభివందితమ్ ॥ 3॥

ఉదారమాదరాన్నిత్యం అనింద్యం సుందరీపతేః ।
ఆనందస్య పదం వందే బ్రహ్మేంద్రాది అభివందితమ్ ॥ 4॥

ఇందీవరోదరనిభం సుపూర్ణం వాదిమోహనం (వాదిమోహదం) ।
ఆనందస్య పదం వందే బ్రహ్మేంద్రాది అభివందితమ్ ॥ 5॥

దాతృసర్వామరైశ్వర్యవిముక్త్యాదేరహో పరం (వరం) ।
ఆనందస్య పదం వందే బ్రహ్మేంద్రాది అభివందితమ్ ॥ 6॥

దూరాద్దురతరం యత్తు తదేవాంతికమంతికాత్ ।
ఆనందస్య పదం వందే బ్రహ్మేంద్రాది అభివందితమ్ ॥ 7॥

పూర్ణసర్వగుణైకార్ణమనాద్యంతం సురేశితుః ।
ఆనందస్య పదం వందే బ్రహ్మేంద్రాది అభివందితమ్ ॥ 8॥

ఆనందతీర్థమునినా హరేరానందరూపిణః ।
కృతం స్తోత్రమిదం పుణ్యం పఠన్నానందమాప్నుయాత్ ॥ 9॥

ఇతి శ్రీమదానందతీర్థభగవత్పాదాచార్య విరచితం
ద్వాదశస్తోత్రేషు ఏకాదశస్తోత్రం సంపూర్ణం