দশাবতার স্তুতি

নামস্মরণাদন্যোপাযং ন হি পশ্যামো ভবতরণে ।
রাম হরে কৃষ্ণ হরে তব নাম বদামি সদা নৃহরে ॥

বেদোদ্ধারবিচারমতে সোমকদানবসংহরণে ।
মীনাকারশরীর নমো ভক্তং তে পরিপালয মাম্ ॥ 1 ॥

মংথানাচলধারণহেতো দেবাসুর পরিপাল বিভো ।
কূর্মাকারশরীর নমো ভক্তং তে পরিপালয মাম্ ॥ 2 ॥

ভূচোরকহর পুণ্যমতে ক্রীডোদ্ধৃতভূদেবহরে ।
ক্রোডাকারশরীর নমো ভক্তং তে পরিপালয মাম্ ॥ 3 ॥

হিরণ্যকশিপুচ্ছেদনহেতো প্রহ্লাদাঽভযধারণহেতো ।
নরসিংহাচ্যুতরূপ নমো ভক্তং তে পরিপালয মাম্ ॥ 4 ॥

ভববংধনহর বিততমতে পাদোদকবিহতাঘততে ।
বটুপটুবেষমনোজ্ঞ নমো ভক্তং তে পরিপালয মাম্ ॥ 5 ॥

ক্ষিতিপতিবংশক্ষযকরমূর্তে ক্ষিতিপতিকর্তাহরমূর্তে ।
ভৃগুকুলরাম পরেশ নমো ভক্তং তে পরিপালয মাম্ ॥ 6 ॥

সীতাবল্লভ দাশরথে দশরথনংদন লোকগুরো ।
রাবণমর্দন রাম নমো ভক্তং তে পরিপালয মাম্ ॥ 7 ॥

কৃষ্ণানংত কৃপাজলধে কংসারে কমলেশ হরে ।
কালিযমর্দন লোকগুরো ভক্তং তে পরিপালয মাম্ ॥ 8 ॥

দানবসতিমানাপহর ত্রিপুরবিজযমর্দনরূপ ।
বুদ্ধজ্ঞায চ বৌদ্ধ নমো ভক্তং তে পরিপালয মাম্ ॥ 9 ॥

শিষ্টজনাবন দুষ্টহর খগতুরগোত্তমবাহন তে ।
কল্কিরূপপরিপাল নমো ভক্তং তে পরিপালয মাম্ ॥ 10 ॥

নামস্মরণাদন্যোপাযং ন হি পশ্যামো ভবতরণে ।
রাম হরে কৃষ্ণ হরে তব নাম বদামি সদা নৃহরে ॥

ইতি দশাবতার স্তুতিঃ ।