પ્રતિભટશ્રેણિભીષણ વરગુણસ્તોમભૂષણ
જનિભયસ્થાનતારણ જગદવસ્થાનકારણ ।
નિખિલદુષ્કર્મકર્શન નિગમસદ્ધર્મદર્શન
જય જય શ્રીસુદર્શન જય જય શ્રીસુદર્શન ॥ 1 ॥
શુભજગદ્રૂપમંડન સુરજનત્રાસખંડન
શતમખબ્રહ્મવંદિત શતપથબ્રહ્મનંદિત ।
પ્રથિતવિદ્વત્સપક્ષિત ભજદહિર્બુધ્ન્યલક્ષિત
જય જય શ્રીસુદર્શન જય જય શ્રીસુદર્શન ॥ 2 ॥
નિજપદપ્રીતસદ્ગણ નિરુપથિસ્ફીતષડ્ગુણ
નિગમનિર્વ્યૂઢવૈભવ નિજપરવ્યૂહવૈભવ ।
હરિહયદ્વેષિદારણ હરપુરપ્લોષકારણ
જય જય શ્રીસુદર્શન જય જય શ્રીસુદર્શન ॥ 3 ॥
સ્ફુટતટિજ્જાલપિંજર પૃથુતરજ્વાલપંજર
પરિગતપ્રત્નવિગ્રહ પરિમિતપ્રજ્ઞદુર્ગ્રહ ।
પ્રહરણગ્રામમંડિત પરિજનત્રાણપંડિત
જય જય શ્રીસુદર્શન જય જય શ્રીસુદર્શન ॥ 4 ॥
ભુવનનેતસ્ત્રયીમય સવનતેજસ્ત્રયીમય
નિરવધિસ્વાદુચિન્મય નિખિલશક્તેજગન્મય ।
અમિતવિશ્વક્રિયામય શમિતવિશ્વગ્ભયામય
જય જય શ્રીસુદર્શન જય જય શ્રીસુદર્શન ॥ 5 ॥
મહિતસંપત્સદક્ષર વિહિતસંપત્ષડક્ષર
ષડરચક્રપ્રતિષ્ઠિત સકલતત્ત્વપ્રતિષ્ઠિત ।
વિવિધસંકલ્પકલ્પક વિબુધસંકલ્પકલ્પક
જય જય શ્રીસુદર્શન જય જય શ્રીસુદર્શન ॥ 6 ॥
પ્રતિમુખાલીઢબંધુર પૃથુમહાહેતિદંતુર
વિકટમાલાપરિષ્કૃત વિવિધમાયાબહિષ્કૃત ।
સ્થિરમહાયંત્રયંત્રિત દૃઢદયાતંત્રયંત્રિત
જય જય શ્રીસુદર્શન જય જય શ્રીસુદર્શન ॥ 7 ॥
દનુજવિસ્તારકર્તન દનુજવિદ્યાવિકર્તન
જનિતમિસ્રાવિકર્તન ભજદવિદ્યાનિકર્તન ।
અમરદૃષ્ટસ્વવિક્રમ સમરજુષ્ટભ્રમિક્રમ
જય જય શ્રીસુદર્શન જય જય શ્રીસુદર્શન ॥ 8 ॥
દ્વિચતુષ્કમિદં પ્રભૂતસારં
પઠતાં વેંકટનાયકપ્રણીતમ્ ।
વિષમેઽપિ મનોરથઃ પ્રધાવન્
ન વિહન્યેત રથાંગધુર્યગુપ્તઃ ॥ 9 ॥
ઇતિ શ્રી વેદાંતાચાર્યસ્ય કૃતિષુ સુદર્શનાષ્ટકમ્ ।