କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ଷଷ୍ଠକାଣ୍ଡେ ତୃତୀୟଃ ପ୍ରଶ୍ନଃ – ସୋମମନ୍ତ୍ରବ୍ରାହ୍ମଣନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତୟେ ନମଃ,
ଶ୍ରୀ ଗୁରୁଭ୍ୟୋ ନମଃ । ହ॒ରିଃ॒ ଓମ୍ ॥
ଚାତ୍ଵା॑ଲା॒-ଦ୍ଧିଷ୍ଣି॑ୟା॒ନୁପ॑ ଵପତି॒ ୟୋନି॒ର୍ଵୈ ୟ॒ଜ୍ଞସ୍ୟ॒ ଚାତ୍ଵା॑ଲଂ-ୟଁ॒ଜ୍ଞସ୍ୟ॑ ସୟୋନି॒ତ୍ଵାୟ॑ ଦେ॒ଵା ଵୈ ୟ॒ଜ୍ଞ-ମ୍ପରା॑-ଽଜୟନ୍ତ॒ ତମାଗ୍ନୀ᳚ଦ୍ଧ୍ରା॒-ତ୍ପୁନ॒ରପା॑ଜୟନ୍ନେ॒ତଦ୍ଵୈ ୟ॒ଜ୍ଞସ୍ୟା-ପ॑ରାଜିତଂ॒-ୟଁଦାଗ୍ନୀ᳚ଦ୍ଧ୍ରଂ॒-ୟଁଦାଗ୍ନୀ᳚ଦ୍ଧ୍ରା॒ଦ୍ଧିଷ୍ଣି॑ୟାନ୍. ଵି॒ହର॑ତି॒ ୟଦେ॒ଵ ୟ॒ଜ୍ଞସ୍ୟା-ପ॑ରାଜିତ॒-ନ୍ତତ॑ ଏ॒ଵୈନ॒-ମ୍ପୁନ॑ସ୍ତନୁତେ ପରା॒ଜିତ୍ୟେ॑ଵ॒ ଖଲୁ॒ ଵା ଏ॒ତେ ୟ॑ନ୍ତି॒ ୟେ ବ॑ହିଷ୍ପଵମା॒ନଗ୍ମ୍ ସର୍ପ॑ନ୍ତି ବହିଷ୍ପଵମା॒ନେ ସ୍ତୁ॒ତ [ସ୍ତୁ॒ତେ, ଆ॒ହାଗ୍ନୀ॑ଦ॒ଗ୍ନୀନ୍. ଵି] 1
ଆ॒ହାଗ୍ନୀ॑ଦ॒ଗ୍ନୀନ୍. ଵି ହ॑ର ବ॒ର୍॒ହି-ସ୍ସ୍ତୃ॑ଣାହି ପୁରୋ॒ଡାଶା॒ଗ୍ମ୍॒ ଅଲ॑-ଙ୍କୁ॒ର୍ଵିତି॑ ୟ॒ଜ୍ଞମେ॒ଵାପ॒ଜିତ୍ୟ॒ ପୁନ॑ସ୍ତନ୍ଵା॒ନା ୟ॒ନ୍ତ୍ୟଙ୍ଗା॑ରୈ॒ର୍ଦ୍ଵେ ସଵ॑ନେ॒ ଵି ହ॑ରତି ଶ॒ଲାକା॑ଭି-ସ୍ତୃ॒ତୀୟଗ୍ମ୍॑ ସଶୁକ୍ର॒ତ୍ଵାୟାଥୋ॒ ସ-ମ୍ଭ॑ରତ୍ୟେ॒ଵୈନ॒ଦ୍ଧିଷ୍ଣି॑ୟା॒ ଵା ଅ॒ମୁଷ୍ମି॑-ଲ୍ଲୋଁ॒କେ ସୋମ॑ମରକ୍ଷ॒-ନ୍ତେଭ୍ୟୋ-ଽଧି॒ ସୋମ॒ମା-ଽହ॑ର॒-ନ୍ତ ମ॑ନ୍ଵ॒ଵାୟ॒ନ୍ତ-ମ୍ପର୍ୟ॑ଵିଶ॒ନ୍॒. ୟ ଏ॒ଵଂ-ଵେଁଦ॑ ଵି॒ନ୍ଦତେ॑ [ୟ ଏ॒ଵଂ-ଵେଁଦ॑ ଵି॒ନ୍ଦତେ᳚, ପ॒ରି॒ଵେ॒ଷ୍ଟାର॒-ନ୍ତେ] 2
ପରିଵେ॒ଷ୍ଟାର॒-ନ୍ତେ ସୋ॑ମପୀ॒ଥେନ॒ ଵ୍ୟା᳚ର୍ଧ୍ୟନ୍ତ॒ ତେ ଦେ॒ଵେଷୁ॑ ସୋମପୀ॒ଥମୈ᳚ଚ୍ଛନ୍ତ॒ ତା-ନ୍ଦେ॒ଵା ଅ॑ବ୍ରୁଵ॒-ନ୍ଦ୍ଵେଦ୍ଵେ॒ ନାମ॑ନୀ କୁରୁଦ୍ଧ୍ଵ॒ମଥ॒ ପ୍ର ଵା॒-ଽଽଫ୍ସ୍ୟଥ॒ ନ ଵେତ୍ୟ॒ଗ୍ନୟୋ॒ ଵା ଅଥ॒ ଧିଷ୍ଣି॑ୟା॒ସ୍ତସ୍ମା᳚-ଦ୍ଦ୍ଵି॒ନାମା᳚ ବ୍ରାହ୍ମ॒ଣୋ-ଽର୍ଧୁ॑କ॒ସ୍ତେଷାଂ॒-ୟେଁ ନେଦି॑ଷ୍ଠ-ମ୍ପ॒ର୍ୟଵି॑ଶ॒-ନ୍ତେ ସୋ॑ମପୀ॒ଥ-ମ୍ପ୍ରା-ଽପ୍ନୁ॑ଵନ୍ନାହଵ॒ନୀୟ॑ ଆଗ୍ନୀ॒ଦ୍ଧ୍ରୀୟୋ॑ ହୋ॒ତ୍ରୀୟୋ॑ ମାର୍ଜା॒ଲୀୟ॒ସ୍ତସ୍ମା॒-ତ୍ତେଷୁ॑ ଜୁହ୍ଵତ୍ୟତି॒ହାୟ॒ ଵଷ॑-ଟ୍କରୋତି॒ ଵି ହ୍ୟେ॑ [ଵି ହି, ଏ॒ତେ ସୋ॑ମପୀ॒ଥେନା-ଽଽର୍ଧ୍ୟ॑ନ୍ତ] 3
-ତେ ସୋ॑ମପୀ॒ଥେନା-ଽଽର୍ଧ୍ୟ॑ନ୍ତ ଦେ॒ଵା ଵୈ ୟାଃ ପ୍ରାଚୀ॒-ରାହୁ॑ତୀ॒-ରଜୁ॑ହଵୁ॒ର୍ୟେ ପୁ॒ରସ୍ତା॒ଦସୁ॑ରା॒ ଆସ॒-ନ୍ତାଗ୍ ସ୍ତାଭିଃ॒ ପ୍ରାଣୁ॑ଦନ୍ତ॒ ୟାଃ ପ୍ର॒ତୀଚୀ॒ର୍ୟେ ପ॒ଶ୍ଚାଦସୁ॑ରା॒ ଆସ॒-ନ୍ତାଗ୍ସ୍ତାଭି॒-ରପା॑ନୁଦନ୍ତ॒ ପ୍ରାଚୀ॑ର॒ନ୍ୟା ଆହୁ॑ତୟୋ ହୂ॒ୟନ୍ତେ᳚ ପ୍ର॒ତ୍ୟଙ୍ଙାସୀ॑ନୋ॒ ଧିଷ୍ଣି॑ୟା॒ନ୍. ଵ୍ୟାଘା॑ରୟତି ପ॒ଶ୍ଚାଚ୍ଚୈ॒ଵ ପୁରସ୍ତା᳚ଚ୍ଚ॒ ୟଜ॑ମାନୋ॒ ଭ୍ରାତୃ॑ଵ୍ୟା॒-ନ୍ପ୍ର ଣୁ॑ଦତେ॒ ତସ୍ମା॒-ତ୍ପରା॑ଚୀଃ ପ୍ର॒ଜାଃ ପ୍ର ଵୀ॑ୟନ୍ତେ ପ୍ର॒ତୀଚୀ᳚- [ପ୍ର॒ତୀଚୀଃ᳚, ଜା॒ୟ॒ନ୍ତେ॒ ପ୍ରା॒ଣା ଵା ଏ॒ତେ] 4
-ର୍ଜାୟନ୍ତେ ପ୍ରା॒ଣା ଵା ଏ॒ତେ ୟଦ୍ଧିଷ୍ଣି॑ୟା॒ ୟଦ॑ଦ୍ଧ୍ଵ॒ର୍ୟୁଃ ପ୍ର॒ତ୍ୟ-ନ୍ଧିଷ୍ଣି॑ୟା-ନତି॒ସର୍ପେ᳚-ତ୍ପ୍ରା॒ଣାନ୍-ଥ୍ସଙ୍କ॑ର୍ଷେ-ତ୍ପ୍ର॒ମାୟୁ॑କ-ସ୍ସ୍ୟା॒ନ୍ନାଭି॒ର୍ଵା ଏ॒ଷା ୟ॒ଜ୍ଞସ୍ୟ॒ ୟଦ୍ଧୋତୋ॒ର୍ଧ୍ଵଃ ଖଲୁ॒ ଵୈ ନାଭ୍ୟୈ᳚ ପ୍ରା॒ଣୋ-ଽଵାଂ॑ଅପା॒ନୋ ୟଦ॑ଧ୍ଵ॒ର୍ୟୁଃ ପ୍ର॒ତ୍ୟଂ ହୋତା॑ରମତି॒ସର୍ପେ॑ଦପା॒ନେ ପ୍ରା॒ଣ-ନ୍ଦ॑ଧ୍ୟା-ତ୍ପ୍ର॒ମାୟୁ॑କ-ସ୍ସ୍ୟା॒ନ୍ନାଦ୍ଧ୍ଵ॒ର୍ୟୁରୁପ॑ ଗାୟେ॒-ଦ୍ଵାଗ୍ଵୀ᳚ର୍ୟୋ॒ ଵା ଅ॑ଦ୍ଧ୍ଵ॒ର୍ୟୁ-ର୍ୟଦ॑ଦ୍ଧ୍ଵ॒ର୍ୟୁରୁ॑ପ॒-ଗାୟେ॑ଦୁ-ଦ୍ଗା॒ତ୍ରେ [ ] 5
ଵାଚ॒ଗ୍ମ୍॒ ସ-ମ୍ପ୍ର ୟ॑ଚ୍ଛେ-ଦୁପ॒ଦାସୁ॑କା-ଽସ୍ୟ॒ ଵା-ଖ୍ସ୍ୟା᳚ଦ୍ବ୍ରହ୍ମଵା॒ଦିନୋ॑ ଵଦନ୍ତି॒ ନାସଗ୍ଗ୍॑ସ୍ଥିତେ॒ ସୋମେ᳚-ଽଦ୍ଧ୍ଵ॒ର୍ୟୁଃ ପ୍ର॒ତ୍ୟଙ୍-ଖ୍ସଦୋ-ଽତୀ॑ୟା॒ଦଥ॑ କ॒ଥା ଦା᳚କ୍ଷି॒ଣାନି॒ ହୋତୁ॑ମେତି॒ ୟାମୋ॒ ହି ସ ତେଷା॒-ଙ୍କସ୍ମା॒ ଅହ॑ ଦେ॒ଵା ୟାମଂ॒-ଵାଁ-ଽୟା॑ମଂ॒-ଵାଁ-ଽନୁ॑ ଜ୍ଞାସ୍ୟ॒ନ୍ତୀତ୍ୟୁ-ତ୍ତ॑ରେ॒ଣା-ଽଽଗ୍ନୀ᳚ଦ୍ଧ୍ର-ମ୍ପ॒ରୀତ୍ୟ॑ ଜୁହୋତି ଦାକ୍ଷି॒ଣାନି॒ ନ ପ୍ରା॒ଣାନ୍ଥ୍ସ-ଙ୍କ॑ର୍ଷତି॒ ନ୍ୟ॑ନ୍ୟେ ଧିଷ୍ଣି॑ୟା ଉ॒ପ୍ୟନ୍ତେ॒ ନାନ୍ୟେ ୟା-ନ୍ନି॒ଵପ॑ତି॒ ତେନ॒ ତା-ନ୍ପ୍ରୀ॑ଣାତି॒ ୟା-ନ୍ନନି॒ଵପ॑ତି॒ ୟଦ॑ନୁଦି॒ଶତି॒ ତେନ॒ ତାନ୍ ॥ 6 ॥
(ସ୍ତୁ॒ତେ – ଵି॒ନ୍ଦତେ॒ – ହି – ଵୀ॑ୟନ୍ତେ ପ୍ର॒ତୀଚୀ॑ – ରୁଦ୍ଗ୍ରା॒ତ୍ର – ଉ॒ପ୍ୟନ୍ତେ॒ – ଚତୁ॑ର୍ଦଶ ଚ) (ଅ. 1)
ସୁ॒ଵ॒ର୍ଗାୟ॒ ଵା ଏ॒ତାନି॑ ଲୋ॒କାୟ॑ ହୂୟନ୍ତେ॒ ୟ-ଦ୍ଵୈ॑ସର୍ଜ॒ନାନି॒ ଦ୍ଵାଭ୍ୟା॒-ଙ୍ଗାର୍ହ॑ପତ୍ୟେ ଜୁହୋତି ଦ୍ଵି॒ପା-ଦ୍ୟଜ॑ମାନଃ॒ ପ୍ରତି॑ଷ୍ଠିତ୍ୟା॒ ଆଗ୍ନୀ᳚ଦ୍ଧ୍ରେ ଜୁହୋତ୍ୟ॒ନ୍ତରି॑କ୍ଷ ଏ॒ଵା-ଽଽକ୍ର॑ମତ ଆହଵ॒ନୀୟେ॑ ଜୁହୋତି ସୁଵ॒ର୍ଗମେ॒ଵୈନଂ॑-ଲୋଁ॒କ-ଙ୍ଗ॑ମୟତି ଦେ॒ଵାନ୍. ଵୈ ସୁ॑ଵ॒ର୍ଗଂ-ଲୋଁ॒କଂ-ୟଁ॒ତୋ ରକ୍ଷାଗ୍॑ସ୍ୟ ଜିଘାଗ୍ମ୍ସ॒ନ୍ତେ ସୋମେ॑ନ॒ ରାଜ୍ଞା॒ ରକ୍ଷାଗ୍॑-ସ୍ୟପ॒ହତ୍ୟା॒ପ୍ତୁ-ମା॒ତ୍ମାନ॑-ଙ୍କୃ॒ତ୍ଵା ସୁ॑ଵ॒ର୍ଗଂ-ଲୋଁ॒କମା॑ୟ॒-ନ୍ରକ୍ଷ॑ସା॒-ମନୁ॑ପଲାଭା॒ୟା ଽଽତ୍ତ॒-ସ୍ସୋମୋ॑ ଭଵ॒ତ୍ୟଥ॑ [ଭଵ॒ତ୍ୟଥ॑, ଵୈ॒ସ॒ର୍ଜ॒ନାନି॑ ଜୁହୋତି॒] 7
ଵୈସର୍ଜ॒ନାନି॑ ଜୁହୋତି॒ ରକ୍ଷ॑ସା॒ମପ॑ହତ୍ୟୈ॒ ତ୍ଵଗ୍ମ୍ ସୋ॑ମ ତନୂ॒କୃଦ୍ଭ୍ୟ॒ ଇତ୍ୟା॑ହ ତନୂ॒କୃଦ୍ଧ୍ୟ॑ଷ ଦ୍ଵେଷୋ᳚ଭ୍ୟୋ॒-ଽନ୍ୟକୃ॑ତେଭ୍ୟ॒ ଇତ୍ୟା॑ହା॒ନ୍ୟକୃ॑ତାନି॒ ହି ରକ୍ଷାଗ୍॑ସ୍ୟୁ॒ରୁ ୟ॒ନ୍ତା-ଽସି॒ ଵରୂ॑ଥ॒ମିତ୍ୟା॑ହୋ॒ରୁ ଣ॑ସ୍କୃ॒ଧୀତି॒ ଵାଵୈତଦା॑ହ ଜୁଷା॒ଣୋ ଅ॒ପ୍ତୁରାଜ୍ୟ॑ସ୍ୟ ଵେ॒ତ୍ଵିତ୍ୟା॑ହା॒ପ୍ତୁମେ॒ଵ ୟଜ॑ମାନ-ଙ୍କୃ॒ତ୍ଵା ସୁ॑ଵ॒ର୍ଗଂ-ଲୋଁ॒କ-ଙ୍ଗ॑ମୟତି॒ ରକ୍ଷ॑ସା॒-ମନୁ॑ପଲାଭା॒ୟା-ଽଽ ସୋମ॑-ନ୍ଦଦତ॒ [ସୋମ॑-ନ୍ଦଦତେ, ଆ ଗ୍ରାଵ୍ଣ୍ଣ॒ ଆ] 8
ଆ ଗ୍ରାଵ୍ଣ୍ଣ॒ ଆ ଵା॑ୟ॒ଵ୍ୟା᳚ନ୍ୟା ଦ୍ରୋ॑ଣକଲ॒ଶମୁ-ତ୍ପତ୍ନୀ॒ମା ନ॑ୟ॒ନ୍ତ୍ୟନ୍ଵନାଗ୍ମ୍॑ସି॒ ପ୍ର ଵ॑ର୍ତୟନ୍ତି॒ ୟାଵ॑ଦେ॒ଵାସ୍ୟାସ୍ତି॒ ତେନ॑ ସ॒ହ ସୁ॑ଵ॒ର୍ଗଂ-ଲୋଁ॒କମେ॑ତି॒ ନୟ॑ଵତ୍ୟ॒ର୍ଚା-ଽଽଗ୍ନୀ᳚ଦ୍ଧ୍ରେ ଜୁହୋତି ସୁଵ॒ର୍ଗସ୍ୟ॑ ଲୋ॒କସ୍ୟା॒ଭିନୀ᳚ତ୍ୟୈ॒ ଗ୍ରାଵ୍ଣ୍ଣୋ॑ ଵାୟ॒ଵ୍ୟା॑ନି ଦ୍ରୋଣକଲ॒ଶମାଗ୍ନୀ᳚ଦ୍ଧ୍ର॒ ଉପ॑ ଵାସୟତି॒ ଵି ହ୍ୟେ॑ନ॒-ନ୍ତୈର୍ଗୃ॒ହ୍ଣତେ॒ ୟ-ଥ୍ସ॒ହୋପ॑ଵା॒ସୟେ॑-ଦପୁଵା॒ୟେତ॑ ସୌ॒ମ୍ୟର୍ଚା ପ୍ର ପା॑ଦୟତି॒ ସ୍ଵୟୈ॒- [ପ୍ର ପା॑ଦୟତି॒ ସ୍ଵୟ᳚, ଏ॒ଵୈନ॑-ନ୍ଦେ॒ଵତ॑ୟା॒] 9
-ଵୈନ॑-ନ୍ଦେ॒ଵତ॑ୟା॒ ପ୍ର ପା॑ଦୟ॒ତ୍ୟଦି॑ତ୍ୟା॒-ସ୍ସଦୋ॒-ଽସ୍ୟଦି॑ତ୍ୟା॒-ସ୍ସଦ॒ ଆ ସୀ॒ଦେତ୍ୟା॑ହ ୟଥାୟ॒ଜୁରେ॒ଵୈତ-ଦ୍ୟଜ॑ମାନୋ॒ ଵା ଏ॒ତସ୍ୟ॑ ପୁ॒ରା ଗୋ॒ପ୍ତା ଭ॑ଵତ୍ୟେ॒ଷ ଵୋ॑ ଦେଵ ସଵିତ॒-ସ୍ସୋମ॒ ଇତ୍ୟା॑ହ ସଵି॒ତୃପ୍ର॑ସୂତ ଏ॒ଵୈନ॑-ନ୍ଦେ॒ଵତା᳚ଭ୍ୟ॒-ସ୍ସ-ମ୍ପ୍ରୟ॑ଚ୍ଛତ୍ୟେ॒ତ-ତ୍ତ୍ଵଗ୍ମ୍ ସୋ॑ମ ଦେ॒ଵୋ ଦେ॒ଵାନୁପା॑ଗା॒ ଇତ୍ୟା॑ହ ଦେ॒ଵୋ ହ୍ୟେ॑ଷ ସ- [ଦେ॒ଵୋ ହ୍ୟେ॑ଷ ସନ୍ନ୍, ଦେ॒ଵାନୁ॒ପୈତୀ॒ଦମ॒ହ-] 10
-ନ୍ଦେ॒ଵାନୁ॒ପୈତୀ॒ଦମ॒ହ-ମ୍ମ॑ନୁ॒ଷ୍ୟୋ॑ ମନୁ॒ଷ୍ୟା॑ନିତ୍ୟା॑ହ ମନୁ॒ଷ୍ୟୋ᳚(1॒) ହ୍ୟେ॑ଷ ସ-ନ୍ମ॑ନୁ॒ଷ୍ୟା॑ନୁ॒ପୈତି॒ ୟଦେ॒ତ-ଦ୍ୟଜୁ॒ର୍ନ ବ୍ରୂ॒ୟାଦପ୍ର॑ଜା ଅପ॒ଶୁର୍ୟଜ॑ମାନ-ସ୍ସ୍ୟା-ଥ୍ସ॒ହ ପ୍ର॒ଜୟା॑ ସହ ରା॒ୟସ୍ପୋଷେ॒ଣେତ୍ୟା॑ହ ପ୍ର॒ଜୟୈ॒ଵ ପ॒ଶୁଭି॑-ସ୍ସ॒ହେମଂ-ଲୋଁ॒କମୁ॒ପାଵ॑ର୍ତତେ॒ ନମୋ॑ ଦେ॒ଵେଭ୍ୟ॒ ଇତ୍ୟା॑ହ ନମସ୍କା॒ରୋ ହି ଦେ॒ଵାନାଗ୍॑ ସ୍ଵ॒ଧା ପି॒ତୃଭ୍ୟ॒ ଇତ୍ୟା॑ହ ସ୍ଵଧାକା॒ରୋ ହି [ସ୍ଵଧାକା॒ରୋ ହି, ପି॒ତୃ॒ଣାମି॒ଦମ॒ହ-] 11
ପି॑ତୃ॒ଣାମି॒ଦମ॒ହ-ନ୍ନିର୍ଵରୁ॑ଣସ୍ୟ॒ ପାଶା॒ଦିତ୍ୟା॑ହ ଵରୁଣପା॒ଶାଦେ॒ଵ ନିର୍ମୁ॑ଚ୍ୟ॒ତେ ଽଗ୍ନେ᳚ ଵ୍ରତପତ ଆ॒ତ୍ମନଃ॒ ପୂର୍ଵା॑ ତ॒ନୂରା॒ଦେୟେତ୍ୟା॑ହୁଃ॒ କୋ ହି ତଦ୍ଵେଦ॒ ୟ-ଦ୍ଵସୀ॑ୟା॒ନ୍-ଥ୍ସ୍ଵେ ଵଶେ॑ ଭୂ॒ତେ ପୁନ॑ର୍ଵା॒ ଦଦା॑ତି॒ ନ ଵେତି॒ ଗ୍ରାଵା॑ଣୋ॒ ଵୈ ସୋମ॑ସ୍ୟ॒ ରାଜ୍ଞୋ॑ ମଲିମ୍ଲୁସେ॒ନା ୟ ଏ॒ଵଂ-ଵିଁ॒ଦ୍ଵା-ନ୍ଗ୍ରାଵ୍ଣ୍ଣ॒ ଆଗ୍ନୀ᳚ଦ୍ଧ୍ର ଉପଵା॒ସୟ॑ତି॒ ନୈନ॑-ମ୍ମଲିମ୍ଲୁସେ॒ନା ଵି॑ନ୍ଦତି ॥ 12 ॥
(ଅଥ॑-ଦଦତେ॒ – ସ୍ଵୟା॒ – ସନ୍ଥ୍ – ସ୍ଵ॑ଧାକା॒ରୋ ହି – ଵି॑ନ୍ଦତି) (ଅ. 2)
ଵୈ॒ଷ୍ଣ॒ଵ୍ୟର୍ଚା ହୁ॒ତ୍ଵା ୟୂପ॒ମଚ୍ଛୈ॑ତି ଵୈଷ୍ଣ॒ଵୋ ଵୈ ଦେ॒ଵତ॑ୟା॒ ୟୂପ॒-ସ୍ସ୍ଵୟୈ॒ଵୈନ॑-ନ୍ଦେ॒ଵତ॒ୟା ଽଚ୍ଛୈ॒ତ୍ୟତ୍ୟ॒ନ୍ୟାନଗା॒-ନ୍ନାନ୍ୟା-ନୁପା॑ଗା॒ମିତ୍ୟା॒ହାତି॒ ହ୍ୟ॑ନ୍ୟାନେତି॒ ନାନ୍ୟା-ନୁ॒ପୈତ୍ୟ॒ର୍ଵାକ୍ତ୍ଵା॒ ପରୈ॑ରଵିଦ-ମ୍ପ॒ରୋ-ଽଵ॑ରୈ॒ରିତ୍ୟା॑ହା॒ର୍ଵାଘ୍ୟେ॑ନ॒-ମ୍ପରୈ᳚ର୍ଵି॒ନ୍ଦତି॑ ପ॒ରୋ-ଽଵ॑ରୈ॒ସ୍ତ-ନ୍ତ୍ଵା॑ ଜୁଷେ [ଜୁଷେ, ଵୈ॒ଷ୍ଣ॒ଵ-ନ୍ଦେ॑ଵୟ॒ଜ୍ୟାୟା॒] 13
ଵୈଷ୍ଣ॒ଵ-ନ୍ଦେ॑ଵୟ॒ଜ୍ୟାୟା॒ ଇତ୍ୟା॑ହ ଦେଵୟ॒ଜ୍ୟାୟୈ॒ ହ୍ୟେ॑ନ-ଞ୍ଜୁ॒ଷତେ॑ ଦେ॒ଵସ୍ତ୍ଵା॑ ସଵି॒ତା ମଦ୍ଧ୍ଵା॑-ଽନ॒କ୍ତ୍ଵିତ୍ୟା॑ହ॒ ତେଜ॑ସୈ॒ଵୈନ॑-ମନ॒କ୍ତ୍ୟୋଷ॑ଧେ॒ ତ୍ରାୟ॑ସ୍ଵୈନ॒ଗ୍ଗ୍॒ ସ୍ଵଧି॑ତେ॒ ମୈନଗ୍ମ୍॑ ହିଗ୍ମ୍ସୀ॒ରିତ୍ୟା॑ହ॒ ଵଜ୍ରୋ॒ ଵୈ ସ୍ଵଧି॑ତି॒-ଶ୍ଶାନ୍ତ୍ୟୈ॒ ସ୍ଵଧି॑ତେର୍ଵୃ॒କ୍ଷସ୍ୟ॒ ବିଭ୍ୟ॑ତଃ ପ୍ରଥ॒ମେନ॒ ଶକ॑ଲେନ ସ॒ହ ତେଜଃ॒ ପରା॑ ପତତି॒ ୟଃ ପ୍ର॑ଥ॒ମ-ଶ୍ଶକ॑ଲଃ ପରା॒ପତେ॒-ତ୍ତମପ୍ୟା ହ॑ରେ॒-ଥ୍ସତେ॑ଜସ- [ହ॑ରେ॒-ଥ୍ସତେ॑ଜସମ୍, ଏ॒ଵୈନ॒ମା] 14
-ମେ॒ଵୈନ॒ମା ହ॑ରତୀ॒ମେ ଵୈ ଲୋ॒କା ୟୂପା᳚-ତ୍ପ୍ରୟ॒ତୋ ବି॑ଭ୍ୟତି॒ ଦିଵ॒ମଗ୍ରେ॑ଣ॒ ମା ଲେ॑ଖୀର॒ନ୍ତରି॑କ୍ଷ॒-ମ୍ମଦ୍ଧ୍ୟେ॑ନ॒ ମା ହିଗ୍ମ୍॑ସୀ॒ରିତ୍ୟା॑ହୈ॒ଭ୍ୟ ଏ॒ଵୈନଂ॑-ଲୋଁ॒କେଭ୍ୟ॑-ଶ୍ଶମୟତି॒ ଵନ॑ସ୍ପତେ ଶ॒ତଵ॑ଲ୍ଶୋ॒ ଵି ରୋ॒ହେତ୍ୟା॒ଵ୍ରଶ୍ଚ॑ନେ ଜୁହୋତି॒ ତସ୍ମା॑-ଦା॒ଵ୍ରଶ୍ଚ॑ନା-ଦ୍ଵୃ॒କ୍ଷାଣା॒-ମ୍ଭୂୟାଗ୍ମ୍॑ସ॒ ଉତ୍ତି॑ଷ୍ଠନ୍ତି ସ॒ହସ୍ର॑ଵଲ୍ଶା॒ ଵି ଵ॒ୟଗ୍ମ୍ ରୁ॑ହେ॒ମେତ୍ୟା॑ହା॒- ଽଽଶିଷ॑ମେ॒ଵୈତାମା ଶା॒ସ୍ତେ ଽନ॑କ୍ଷସଙ୍ଗ- [ଶା॒ସ୍ତେ ଽନ॑କ୍ଷସଙ୍ଗମ୍, ଵୃ॒ଶ୍ଚେ॒-ଦ୍ୟଦ॑କ୍ଷସ॒ଙ୍ଗଂ-] 15
-ଵୃଁଶ୍ଚେ॒-ଦ୍ୟଦ॑କ୍ଷସ॒ଙ୍ଗଂ-ଵୃଁ॒ଶ୍ଚେଦ॑ଧଈ॒ଷଂ-ୟଁଜ॑ମାନସ୍ୟ ପ୍ର॒ମାୟୁ॑କଗ୍ଗ୍ ସ୍ୟା॒ଦ୍ୟ-ଙ୍କା॒ମୟେ॒ତାପ୍ର॑ତିଷ୍ଠିତ-ସ୍ସ୍ୟା॒ଦିତ୍ୟା॑ରୋ॒ହ-ନ୍ତସ୍ମ॑ ଵୃଶ୍ଚେଦେ॒ଷ ଵୈ ଵନ॒ସ୍ପତୀ॑ନା॒-ମପ୍ର॑ତିଷ୍ଠି॒ତୋ-ଽପ୍ର॑ତିଷ୍ଠିତ ଏ॒ଵ ଭ॑ଵତି॒ ୟ-ଙ୍କା॒ମୟେ॑ତାପ॒ଶୁ-ସ୍ସ୍ୟା॒ଦିତ୍ୟ॑ପ॒ର୍ଣ-ନ୍ତସ୍ମୈ॒ ଶୁଷ୍କା᳚ଗ୍ରଂ-ଵୃଁଶ୍ଚେଦେ॒ଷ ଵୈ ଵନ॒ସ୍ପତୀ॑ନା-ମପଶ॒ଵ୍ୟୋ॑-ଽପ॒ଶୁରେ॒ଵ ଭ॑ଵତି॒ ୟ-ଙ୍କା॒ମୟେ॑ତ ପଶୁ॒ମାନ୍-ଥ୍ସ୍ୟା॒ଦିତି॑ ବହୁପ॒ର୍ଣ-ନ୍ତସ୍ମୈ॑ ବହୁଶା॒ଖଂ-ଵୃଁ॑ଶ୍ଚେଦେ॒ଷ ଵୈ [ ] 16
ଵନ॒ସ୍ପତୀ॑ନା-ମ୍ପଶ॒ଵ୍ୟଃ॑ ପଶୁ॒ମାନେ॒ଵ ଭ॑ଵତି॒ ପ୍ରତି॑ଷ୍ଠିତଂ-ଵୃଁଶ୍ଚେ-ତ୍ପ୍ରତି॒ଷ୍ଠାକା॑ମସ୍ୟୈ॒ଷ ଵୈ ଵନ॒ସ୍ପତୀ॑ନା॒-ମ୍ପ୍ରତି॑ଷ୍ଠିତୋ॒ ୟ-ସ୍ସ॒ମେ ଭୂମ୍ୟୈ॒ ସ୍ଵାଦ୍ୟୋନେ॑ ରୂ॒ଢଃ ପ୍ରତ୍ୟେ॒ଵ ତି॑ଷ୍ଠତି॒ ୟଃ ପ୍ର॒ତ୍ୟଙ୍ଙୁପ॑ନତ॒ସ୍ତଂ-ଵୃଁ॑ଶ୍ଚେ॒-ଥ୍ସ ହି ମେଧ॑ମ॒ଭ୍ୟୁପ॑ନତଃ॒ ପଞ୍ଚା॑ରତ୍ନି॒-ନ୍ତସ୍ମୈ॑ ଵୃଶ୍ଚେ॒ଦ୍ୟ-ଙ୍କା॒ମୟେ॒ତୋପୈ॑ନ॒ମୁତ୍ତ॑ରୋ ୟ॒ଜ୍ଞୋ ନ॑ମେ॒ଦିତି॒ ପଞ୍ଚା᳚କ୍ଷରା ପ॒ଙ୍କ୍ତିଃ ପାଙ୍କ୍ତୋ॑ ୟ॒ଜ୍ଞ ଉପୈ॑ନ॒ମୁତ୍ତ॑ରୋ ୟ॒ଜ୍ଞୋ [ୟ॒ଜ୍ଞଃ, ନ॒ମ॒ତି॒ ଷଡ॑ରତ୍ନି] 17
ନ॑ମତି॒ ଷଡ॑ରତ୍ନି-ମ୍ପ୍ରତି॒ଷ୍ଠାକା॑ମସ୍ୟ॒ ଷଡ୍ଵା ଋ॒ତଵ॑ ଋ॒ତୁଷ୍ଵେ॒ଵ ପ୍ରତି॑ ତିଷ୍ଠତି ସ॒ପ୍ତାର॑ତ୍ନି-ମ୍ପ॒ଶୁକା॑ମସ୍ୟ ସ॒ପ୍ତପ॑ଦା॒ ଶକ୍ଵ॑ରୀ ପ॒ଶଵ॒-ଶ୍ଶକ୍ଵ॑ରୀ ପ॒ଶୂନେ॒ଵାଵ॑ ରୁନ୍ଧେ॒ ନଵା॑ରତ୍ନି॒-ନ୍ତେଜ॑ସ୍କାମସ୍ୟ ତ୍ରି॒ଵୃତା॒ ସ୍ତୋମେ॑ନ॒ ସମ୍ମି॑ତ॒-ନ୍ତେଜ॑ସ୍ତ୍ରି॒ଵୃ-ତ୍ତେ॑ଜ॒ସ୍ଵ୍ୟେ॑ଵ ଭ॑ଵ॒-ତ୍ୟେକା॑ଦଶାରତ୍ନି-ମିନ୍ଦ୍ରି॒ୟକା॑ମ॒-ସ୍ୟୈକା॑ଦଶାକ୍ଷରା ତ୍ରି॒ଷ୍ଟୁଗି॑ନ୍ଦ୍ରି॒ୟ-ନ୍ତ୍ରି॒ଷ୍ଟୁଗି॑ନ୍ଦ୍ରିୟା॒ଵ୍ୟେ॑ଵ ଭ॑ଵତି॒ ପଞ୍ଚ॑ଦଶାରତ୍ନି॒-ମ୍ଭ୍ରାତୃ॑ଵ୍ୟଵତଃ ପଞ୍ଚଦ॒ଶୋ ଵଜ୍ରୋ॒ ଭ୍ରାତୃ॑ଵ୍ୟାଭିଭୂତ୍ୟୈ ସ॒ପ୍ତଦ॑ଶାରତ୍ନି-ମ୍ପ୍ର॒ଜାକା॑ମସ୍ୟ ସପ୍ତଦ॒ଶଃ ପ୍ର॒ଜାପ॑ତିଃ ପ୍ର॒ଜାପ॑ତେ॒ରାପ୍ତ୍ୟା॒ ଏକ॑ଵିଗ୍ମ୍ଶତ୍ୟରତ୍ନି-ମ୍ପ୍ରତି॒ଷ୍ଠାକା॑ମ-ସ୍ୟୈକଵି॒ଗ୍ମ୍॒ଶ-ସ୍ସ୍ତୋମା॑ନା-ମ୍ପ୍ରତି॒ଷ୍ଠା ପ୍ରତି॑ଷ୍ଠିତ୍ୟା ଅ॒ଷ୍ଟାଶ୍ରି॑ର୍ଭଵ-ତ୍ୟ॒ଷ୍ଟାକ୍ଷ॑ରା ଗାୟ॒ତ୍ରୀ ତେଜୋ॑ ଗାୟ॒ତ୍ରୀ ଗା॑ୟ॒ତ୍ରୀ ୟ॑ଜ୍ଞମୁ॒ଖ-ନ୍ତେଜ॑ସୈ॒ଵ ଗା॑ୟତ୍ରି॒ୟା ୟ॑ଜ୍ଞମୁ॒ଖେନ॒ ସମ୍ମି॑ତଃ ॥ 18 ॥
(ଜୁ॒ଷେ॒ – ସତେ॑ଜସ॒ – ମନ॑କ୍ଷସଙ୍ଗଂ – ବହୁଶା॒ଖଂ-ଵୃଁ॑ଶ୍ଚେଦେ॒ଷ ଵୈ – ୟ॒ଜ୍ଞ ଉପୈ॑ନ॒ମୁତ୍ତ॑ରୋ ୟ॒ଜ୍ଞ – ଆପ୍ତ୍ୟା॒ – ଏକା॒ନ୍ନଵିଗ୍ମ୍॑ଶ॒ତିଶ୍ଚ॑) (ଅ. 3)
ପୃ॒ଥି॒ଵ୍ୟୈ ତ୍ଵା॒-ଽନ୍ତରି॑କ୍ଷାୟ ତ୍ଵା ଦି॒ଵେ ତ୍ଵେତ୍ୟା॑ହୈ॒ଭ୍ୟ ଏ॒ଵୈନଂ॑-ଲୋଁ॒କେଭ୍ୟଃ॒ ପ୍ରୋକ୍ଷ॑ତି॒ ପରା᳚ଞ୍ଚ॒-ମ୍ପ୍ରୋକ୍ଷ॑ତି॒ ପରା॑ଙିଵ॒ ହି ସୁ॑ଵ॒ର୍ଗୋ ଲୋ॒କଃ କ୍ରୂ॒ରମି॑ଵ॒ ଵା ଏ॒ତ-ତ୍କ॑ରୋତି॒ ୟ-ତ୍ଖନ॑ତ୍ୟ॒ପୋ-ଽଵ॑ ନୟତି॒ ଶାନ୍ତ୍ୟୈ॒ ୟଵ॑ମତୀ॒ରଵ॑ ନୟ॒ତ୍ୟୂର୍ଗ୍ଵୈ ୟଵୋ॒ ୟଜ॑ମାନେନ॒ ୟୂପ॒-ସ୍ସମ୍ମି॑ତୋ॒ ୟାଵା॑ନେ॒ଵ ୟଜ॑ମାନ॒-ସ୍ତାଵ॑ତୀ-ମେ॒ଵାସ୍ମି॒-ନ୍ନୂର୍ଜ॑-ନ୍ଦଧାତି [ମେ॒ଵାସ୍ମି॒-ନ୍ନୂର୍ଜ॑-ନ୍ଦଧାତି, ପି॒ତୃ॒ଣାଗ୍ମ୍ ସଦ॑ନମ॒ସୀତି॑] 19
ପିତୃ॒ଣାଗ୍ମ୍ ସଦ॑ନମ॒ସୀତି॑ ବ॒ର୍॒ହିରଵ॑ ସ୍ତୃଣାତି ପିତୃଦେଵ॒ତ୍ୟା᳚(1॒)ଗ୍ଗ୍॒ ହ୍ୟେ॑ତ-ଦ୍ୟନ୍ନିଖା॑ତଂ॒-ୟଁ-ଦ୍ବ॒ର୍॒ହିରନ॑ଵସ୍ତୀର୍ୟ ମିନୁ॒ୟା-ତ୍ପି॑ତୃଦେଵ॒ତ୍ୟୋ॑ ନିଖା॑ତ-ସ୍ସ୍ୟା-ଦ୍ବ॒ର୍॒ହିର॑ଵ॒ସ୍ତୀର୍ୟ॑ ମିନୋତ୍ୟ॒ସ୍ୟାମେ॒ଵୈନ॑-ମ୍ମିନୋତି ୟୂପଶକ॒ଲମଵା᳚ସ୍ୟତି॒ ସତେ॑ଜସମେ॒ଵୈନ॑-ମ୍ମିନୋତି ଦେ॒ଵସ୍ତ୍ଵା॑ ସଵି॒ତା ମଦ୍ଧ୍ଵା॑-ଽନ॒କ୍ତ୍ଵିତ୍ୟା॑ହ॒ ତେଜ॑ସୈ॒ଵୈନ॑ମନକ୍ତି ସୁପିପ୍ପ॒ଲାଭ୍ୟ॒-ସ୍ତ୍ଵୌଷ॑ଧୀଭ୍ୟ॒ ଇତି॑ ଚ॒ଷାଲ॒-ମ୍ପ୍ରତି॑- [ଚ॒ଷାଲ॒-ମ୍ପ୍ରତି॑, ମୁ॒ଞ୍ଚ॒ତି॒ ତସ୍ମା᳚ଚ୍ଛୀର୍ଷ॒ତ] 20
-ମୁଞ୍ଚତି॒ ତସ୍ମା᳚ଚ୍ଛୀର୍ଷ॒ତ ଓଷ॑ଧୟଃ॒ ଫଲ॑-ଙ୍ଗୃହ୍ଣନ୍ତ୍ୟ॒ନକ୍ତି॒ ତେଜୋ॒ ଵା ଆଜ୍ୟଂ॒-ୟଁଜ॑ମାନେନାଗ୍ନି॒ଷ୍ଠା-ଽଶ୍ରି॒-ସ୍ସମ୍ମି॑ତା॒ ୟଦ॑ଗ୍ନି॒ଷ୍ଠା-ମଶ୍ରି॑ମ॒ନକ୍ତି॒ ୟଜ॑ମାନମେ॒ଵ ତେଜ॑ସା ଽନକ୍ତ୍ୟା॒ନ୍ତ-ମ॑ନକ୍ତ୍ୟା॒ନ୍ତମେ॒ଵ ୟଜ॑ମାନ॒-ନ୍ତେଜ॑ସାନକ୍ତି ସ॒ର୍ଵତଃ॒ ପରି॑ ମୃଶ॒ତ୍ୟପ॑ରିଵର୍ଗ-ମେ॒ଵାସ୍ମି॒-ନ୍ତେଜୋ॑ ଦଧା॒ତ୍ୟୁ-ଦ୍ଦିଵଗ୍ଗ୍॑ ସ୍ତଭା॒ନା-ଽନ୍ତରି॑କ୍ଷ-ମ୍ପୃ॒ଣେତ୍ୟା॑ହୈ॒ଷାଂ-ଲୋଁ॒କାନାଂ॒-ଵିଁଧୃ॑ତ୍ୟୈ ଵୈଷ୍ଣ॒ଵ୍ୟର୍ଚା [ଵୈଷ୍ଣ॒ଵ୍ୟର୍ଚା, କ॒ଲ୍ପ॒ୟ॒ତି॒ ଵୈ॒ଷ୍ଣ॒ଵୋ ଵୈ] 21
କ॑ଲ୍ପୟତି ଵୈଷ୍ଣ॒ଵୋ ଵୈ ଦେ॒ଵତ॑ୟା॒ ୟୂପ॒-ସ୍ସ୍ଵୟୈ॒ଵୈନ॑-ନ୍ଦେ॒ଵତ॑ୟା କଲ୍ପୟତି॒ ଦ୍ଵାଭ୍ୟା᳚-ଙ୍କଲ୍ପୟତି ଦ୍ଵି॒ପା-ଦ୍ୟଜ॑ମାନଃ॒ ପ୍ରତି॑ଷ୍ଠିତ୍ୟୈ॒ ୟ-ଙ୍କା॒ମୟେ॑ତ॒ ତେଜ॑ସୈନ-ନ୍ଦେ॒ଵତା॑ଭିରିନ୍ଦ୍ରି॒ୟେଣ॒ ଵ୍ୟ॑ର୍ଧୟେୟ॒-ମିତ୍ୟ॑ଗ୍ନି॒ଷ୍ଠା-ନ୍ତସ୍ୟାଶ୍ରି॑-ମାହଵ॒ନୀୟା॑ଦି॒ତ୍ଥଂ-ଵେଁ॒ତ୍ଥଂ-ଵାଁ-ଽତି॑ ନାଵୟେ॒-ତ୍ତେଜ॑ସୈ॒ଵୈନ॑-ନ୍ଦେ॒ଵତା॑ଭିରିନ୍ଦ୍ରି॒ୟେଣ॒ ଵ୍ୟ॑ର୍ଧୟତି॒ ୟ-ଙ୍କା॒ମୟେ॑ତ॒ ତେଜ॑ସୈନ-ନ୍ଦେ॒ଵତା॑ଭିରିନ୍ଦ୍ରି॒ୟେଣ॒ ସମ॑ର୍ଧୟେୟ॒ମି- [ସମ॑ର୍ଧୟେୟ॒ମିତି॑, ଅ॒ଗ୍ନି॒ଷ୍ଠା-] 22
-ତ୍ୟ॑ଗ୍ନି॒ଷ୍ଠା-ନ୍ତସ୍ୟାଶ୍ରି॑ମାହଵ॒ନୀୟେ॑ନ॒ ସ-ମ୍ମି॑ନୁୟା॒-ତ୍ତେଜ॑ସୈ॒ଵୈନ॑-ନ୍ଦେ॒ଵତା॑ଭିରିନ୍ଦ୍ରି॒ୟେଣ॒ ସମ॑ର୍ଧୟତି ବ୍ରହ୍ମ॒ଵନି॑-ନ୍ତ୍ଵା କ୍ଷତ୍ର॒ଵନି॒ମିତ୍ୟା॑ହ ୟଥାୟ॒ଜୁରେ॒ଵୈତ-ତ୍ପରି॑ ଵ୍ୟୟ॒ତ୍ୟୂର୍ଗ୍ଵୈ ର॑ଶ॒ନା ୟଜ॑ମାନେନ॒ ୟୂପ॒-ସ୍ସମ୍ମି॑ତୋ॒ ୟଜ॑ମାନମେ॒ଵୋର୍ଜା ସମ॑ର୍ଧୟତି ନାଭିଦ॒ଘ୍ନେ ପରି॑ ଵ୍ୟୟତି ନାଭିଦ॒ଘ୍ନ ଏ॒ଵାସ୍ମା॒ ଊର୍ଜ॑-ନ୍ଦଧାତି॒ ତସ୍ମା᳚ନ୍ନାଭିଦ॒ଘ୍ନ ଊ॒ର୍ଜା ଭୁ॑ଞ୍ଜତେ॒ ୟ-ଙ୍କା॒ମୟେ॑ତୋ॒ର୍ଜୈନଂ॒- [ୟ-ଙ୍କା॒ମୟେ॑ତୋ॒ର୍ଜୈନ᳚ମ୍, ଵ୍ୟ॑ର୍ଧୟେୟ॒-] 23
ଵ୍ୟଁ॑ର୍ଧୟେୟ॒-ମିତ୍ୟୂ॒ର୍ଧ୍ଵାଂ-ଵାଁ॒ ତସ୍ୟାଵା॑ଚୀଂ॒-ଵାଁ-ଽଵୋ॑ହେଦୂ॒ର୍ଜୈଵୈନଂ॒-ଵ୍ୟଁ॑ର୍ଧୟତି॒ ୟଦି॑ କା॒ମୟେ॑ତ॒ ଵର୍ଷୁ॑କଃ ପ॒ର୍ଜନ୍ୟ॑-ସ୍ସ୍ୟା॒ଦିତ୍ୟ-ଵା॑ଚୀ॒ମଵୋ॑ହେ॒-ଦ୍ଵୃଷ୍ଟି॑ମେ॒ଵ ନି ୟ॑ଚ୍ଛତି॒ ୟଦି॑ କା॒ମୟେ॒ତାଵ॑ର୍ଷୁକ-ସ୍ସ୍ୟା॒ଦିତ୍ୟୂ॒ର୍ଧ୍ଵାମୁଦୂ॑ହେ॒-ଦ୍ଵୃଷ୍ଟି॑ମେ॒ଵୋ-ଦ୍ୟ॑ଚ୍ଛତି ପିତୃ॒ଣା-ନ୍ନିଖା॑ତ-ମ୍ମନୁ॒ଷ୍ୟା॑ଣାମୂ॒ର୍ଧ୍ଵ-ନ୍ନିଖା॑ତା॒ଦା ର॑ଶ॒ନାୟା॒ ଓଷ॑ଧୀନାଗ୍ମ୍ ରଶ॒ନା ଵିଶ୍ଵେ॑ଷା- [ଵିଶ୍ଵେ॑ଷାମ୍, ଦେ॒ଵାନା॑-] 24
-ନ୍ଦେ॒ଵାନା॑-ମୂ॒ର୍ଧ୍ଵଗ୍ମ୍ ର॑ଶ॒ନାୟା॒ ଆ ଚ॒ଷାଲା॒ଦିନ୍ଦ୍ର॑ସ୍ୟ ଚ॒ଷାଲଗ୍ମ୍॑ ସା॒ଦ୍ଧ୍ୟାନା॒ମତି॑ରିକ୍ତ॒ଗ୍ମ୍॒ ସ ଵା ଏ॒ଷ ସ॑ର୍ଵଦେଵ॒ତ୍ୟୋ॑ ୟଦ୍ୟୂପୋ॒ ୟଦ୍ୟୂପ॑-ମ୍ମି॒ନୋତି॒ ସର୍ଵା॑ ଏ॒ଵ ଦେ॒ଵତାଃ᳚ ପ୍ରୀଣାତି ୟ॒ଜ୍ଞେନ॒ ଵୈ ଦେ॒ଵା-ସ୍ସୁ॑ଵ॒ର୍ଗଂ-ଲୋଁ॒କମା॑ୟ॒-ନ୍ତେ॑-ଽମନ୍ୟନ୍ତ ମନୁ॒ଷ୍ୟା॑ ନୋ॒-ଽନ୍ଵାଭ॑ଵିଷ୍ୟ॒ନ୍ତୀତି॒ ତେ ୟୂପେ॑ନ ୟୋପୟି॒ତ୍ଵା ସୁ॑ଵ॒ର୍ଗଂ ଲୋଁ॒କମା॑ୟ॒-ନ୍ତମୃଷ॑ୟୋ॒ ୟୂପେ॑ନୈ॒ଵାନୁ॒ ପ୍ରାଜା॑ନ॒-ନ୍ତ-ଦ୍ୟୂପ॑ସ୍ୟ ୟୂପ॒ତ୍ଵଂ- [ୟୂପ॒ତ୍ଵମ୍, ୟ-ଦ୍ୟୂପ॑-] 25
ୟଁ-ଦ୍ୟୂପ॑-ମ୍ମି॒ନୋତି॑ ସୁଵ॒ର୍ଗସ୍ୟ॑ ଲୋ॒କସ୍ୟ॒ ପ୍ରଜ୍ଞା᳚ତ୍ୟୈ ପୁ॒ରସ୍ତା᳚-ନ୍ମିନୋତି ପୁ॒ରସ୍ତା॒ଦ୍ଧି ୟ॒ଜ୍ଞସ୍ୟ॑ ପ୍ରଜ୍ଞା॒ୟତେ ପ୍ର॑ଜ୍ଞାତ॒ଗ୍ମ୍॒ ହି ତ-ଦ୍ୟଦତି॑ପନ୍ନ ଆ॒ହୁରି॒ଦ-ଙ୍କା॒ର୍ୟ॑ମାସୀ॒ଦିତି॑ ସା॒ଦ୍ଧ୍ୟା ଵୈ ଦେ॒ଵା ୟ॒ଜ୍ଞମତ୍ୟ॑ମନ୍ୟନ୍ତ॒ ତାନ୍. ୟ॒ଜ୍ଞୋ ନାସ୍ପୃ॑ଶ॒-ତ୍ତାନ୍. ୟ-ଦ୍ୟ॒ଜ୍ଞସ୍ୟାତି॑ରିକ୍ତ॒ମାସୀ॒-ତ୍ତଦ॑ସ୍ପୃଶ॒ଦତି॑ରିକ୍ତଂ॒-ଵାଁ ଏ॒ତ-ଦ୍ୟ॒ଜ୍ଞସ୍ୟ॒ ୟଦ॒ଗ୍ନାଵ॒ଗ୍ନି-ମ୍ମ॑ଥି॒ତ୍ଵା ପ୍ର॒ହର॒ତ୍ୟତି॑ରିକ୍ତମେ॒ତ- [ପ୍ର॒ହର॒ତ୍ୟତି॑ରିକ୍ତମେ॒ତତ୍, ୟୂପ॑ସ୍ୟ॒] 26
-ଦ୍ୟୂପ॑ସ୍ୟ॒ ୟଦୂ॒ର୍ଧ୍ଵ-ଞ୍ଚ॒ଷାଲା॒-ତ୍ତେଷା॒-ନ୍ତ-ଦ୍ଭା॑ଗ॒ଧେୟ॒-ନ୍ତାନେ॒ଵ ତେନ॑ ପ୍ରୀଣାତି ଦେ॒ଵା ଵୈ ସଗ୍ଗ୍ସ୍ଥି॑ତେ॒ ସୋମେ॒ ପ୍ର ସ୍ରୁଚୋ-ଽହ॑ର॒-ନ୍ପ୍ର ୟୂପ॒-ନ୍ତେ॑-ଽମନ୍ୟନ୍ତ ୟଜ୍ଞଵେଶ॒ସଂ-ଵାଁ ଇ॒ଦ-ଙ୍କୁ॑ର୍ମ॒ ଇତି॒ ତେ ପ୍ର॑ସ୍ତ॒ରଗ୍ଗ୍ ସ୍ରୁ॒ଚା-ନ୍ନି॒ଷ୍କ୍ରୟ॑ଣ-ମପଶ୍ୟ॒ନ୍-ଥ୍ସ୍ଵରୁଂ॒-ୟୂଁପ॑ସ୍ୟ॒ ସଗ୍ଗ୍ସ୍ଥି॑ତେ॒ ସୋମେ॒ ପ୍ର ପ୍ର॑ସ୍ତ॒ରଗ୍ମ୍ ହର॑ତି ଜୁ॒ହୋତି॒ ସ୍ଵରୁ॒ମୟ॑ଜ୍ଞଵେଶସାୟ ॥ 27 ॥
(ଦ॒ଧା॒ତି॒ – ପ୍ରତ୍ୟୃ॒ – ଚା – ସମ॑ର୍ଧୟେୟ॒ମିତ୍ୟୂ॒ – ର୍ଜୈନଂ॒ – ଵିଁଶ୍ଵେ॑ଷାଂ – ୟୂଁପ॒ତ୍ଵ – ମତି॑ରିକ୍ତମେ॒ତ-ଦ୍- ଦ୍ଵିଚ॑ତ୍ଵାରିଗ୍ମ୍ଶଚ୍ଚ) (ଅ. 4)
ସା॒ଦ୍ଧ୍ୟା ଵୈ ଦେ॒ଵା ଅ॒ସ୍ମିଲ୍ଲୋଁ॒କ ଆ॑ସ॒-ନ୍ନାନ୍ୟ-ତ୍କି॑-ଞ୍ଚ॒ନ ମି॒ଷ-ତ୍ତେ᳚-ଽଗ୍ନିମେ॒ଵାଗ୍ନୟେ॒ ମେଧା॒ୟା ଽଲ॑ଭନ୍ତ॒ ନ ହ୍ୟ॑ନ୍ୟଦା॑ଲ॒ଭ୍ୟଂ॑-ମଵି॑ନ୍ଦ॒-ନ୍ତତୋ॒ ଵା ଇ॒ମାଃ ପ୍ର॒ଜାଃ ପ୍ରାଜା॑ୟନ୍ତ॒ ୟଦ॒ଗ୍ନାଵ॒ଗ୍ନି-ମ୍ମ॑ଥି॒ତ୍ଵା ପ୍ର॒ହର॑ତି ପ୍ର॒ଜାନା᳚-ମ୍ପ୍ର॒ଜନ॑ନାୟ ରୁ॒ଦ୍ରୋ ଵା ଏ॒ଷ ୟଦ॒ଗ୍ନିର୍ୟଜ॑ମାନଃ ପ॒ଶୁର୍ୟ-ତ୍ପ॒ଶୁମା॒ଲଭ୍ୟା॒ଗ୍ନି-ମ୍ମନ୍ଥେ᳚-ଦ୍ରୁ॒ଦ୍ରାୟ॒ ୟଜ॑ମାନ॒- [ୟଜ॑ମାନମ୍, ଅପି॑ ଦଦ୍ଧ୍ୟା-] 28
-ମପି॑ ଦଦ୍ଧ୍ୟା-ତ୍ପ୍ର॒ମାୟୁ॑କ-ସ୍ସ୍ୟା॒ଦଥୋ॒ ଖଲ୍ଵା॑ହୁର॒ଗ୍ନି-ସ୍ସର୍ଵା॑ ଦେ॒ଵତା॑ ହ॒ଵିରେ॒ତଦ୍ୟ-ତ୍ପ॒ଶୁରିତି॒ ୟ-ତ୍ପ॒ଶୁମା॒ଲଭ୍ୟା॒ଗ୍ନି-ମ୍ମନ୍ଥ॑ତି ହ॒ଵ୍ୟାୟୈ॒ଵା-ଽଽସ॑ନ୍ନାୟ॒ ସର୍ଵା॑ ଦେ॒ଵତା॑ ଜନୟ-ତ୍ୟୁପା॒କୃତ୍ୟୈ॒ଵ ମନ୍ଥ୍ୟ॒-ସ୍ତନ୍ନେଵା-ଽଽଲ॑ବ୍ଧ॒-ନ୍ନେଵାନା॑ଲବ୍ଧ-ମ॒ଗ୍ନେ-ର୍ଜ॒ନିତ୍ର॑-ମ॒ସୀତ୍ୟା॑ହା॒ଗ୍ନେର୍ହ୍ୟେ॑ତ-ଜ୍ଜ॒ନିତ୍ରଂ॒-ଵୃଁଷ॑ଣୌ ସ୍ଥ॒ ଇତ୍ୟା॑ହ॒ ଵୃଷ॑ଣୌ॒ [ଵୃଷ॑ଣୌ, ହ୍ୟେ॑ତା-] 29
ହ୍ୟେ॑ତା-ଵୁ॒ର୍ଵଶ୍ୟ॑ସ୍ୟା॒ୟୁ-ର॒ସୀତ୍ୟା॑ହ ମିଥୁନ॒ତ୍ଵାୟ॑ ଘୃ॒ତେନା॒କ୍ତେ ଵୃଷ॑ଣ-ନ୍ଦଧାଥା॒ମିତ୍ୟା॑ହ॒ ଵୃଷ॑ଣ॒ଗ୍ଗ୍॒ ହ୍ୟେ॑ତେ ଦଧା॑ତେ॒ ୟେ ଅ॒ଗ୍ନି-ଙ୍ଗା॑ୟ॒ତ୍ର-ଞ୍ଛନ୍ଦୋ-ଽନୁ॒ ପ୍ର ଜା॑ୟ॒ସ୍ଵେତ୍ୟା॑ହ॒ ଛନ୍ଦୋ॑ଭିରେ॒ଵୈନ॒-ମ୍ପ୍ର ଜ॑ନୟତ୍ୟ॒ଗ୍ନୟେ॑ ମ॒ଥ୍ୟମା॑ନା॒ୟାନୁ॑ ବ୍ରୂ॒ହୀତ୍ୟା॑ହ ସାଵି॒ତ୍ରୀମୃଚ॒ମନ୍ଵା॑ହ ସଵି॒ତୃପ୍ର॑ସୂତ ଏ॒ଵୈନ॑-ମ୍ମନ୍ଥତି ଜା॒ତାୟାନୁ॑ ବ୍ରୂହି [ବ୍ରୂହି, ପ୍ର॒ହ୍ରି॒ୟମା॑ଣା॒ୟା-ଽନୁ॑] 30
ପ୍ରହ୍ରି॒ୟମା॑ଣା॒ୟା-ଽନୁ॑ ବ୍ରୂ॒ହୀତ୍ୟା॑ହ॒ କାଣ୍ଡେ॑କାଣ୍ଡ ଏ॒ଵୈନ॑-ଙ୍କ୍ରି॒ୟମା॑ଣେ॒ ସମ॑ର୍ଧୟତି ଗାୟ॒ତ୍ରୀ-ସ୍ସର୍ଵା॒ ଅନ୍ଵା॑ହ ଗାୟ॒ତ୍ରଛ॑ନ୍ଦା॒ ଵା ଅ॒ଗ୍ନି-ସ୍ସ୍ଵେନୈ॒ଵୈନ॒-ଞ୍ଛନ୍ଦ॑ସା॒ ସମ॑ର୍ଧୟତ୍ୟ॒ଗ୍ନିଃ ପୁ॒ରା ଭଵ॑ତ୍ୟ॒ଗ୍ନି-ମ୍ମ॑ଥି॒ତ୍ଵା ପ୍ର ହ॑ରତି॒ ତୌ ସ॒ଭଂଵଁ॑ନ୍ତୌ॒ ୟଜ॑ମାନମ॒ଭି ସ-ମ୍ଭ॑ଵତୋ॒ ଭଵ॑ତ-ନ୍ନ॒-ସ୍ସମ॑ନସା॒ଵିତ୍ୟା॑ହ॒ ଶାନ୍ତ୍ୟୈ᳚ ପ୍ର॒ହୃତ୍ୟ॑ ଜୁହୋତି ଜା॒ତାୟୈ॒ଵାସ୍ମା॒ ଅନ୍ନ॒ମପି॑ ଦଧା॒ତ୍ୟାଜ୍ୟେ॑ନ ଜୁହୋତ୍ୟେ॒ତଦ୍ଵା ଅ॒ଗ୍ନେଃ ପ୍ରି॒ୟ-ନ୍ଧାମ॒ ୟଦାଜ୍ୟ॑-ମ୍ପ୍ରି॒ୟେଣୈ॒ଵୈନ॒-ନ୍ଧାମ୍ନା॒ ସମ॑ର୍ଧୟ॒ତ୍ୟଥୋ॒ ତେଜ॑ସା ॥ 31 ॥
(ୟଜ॑ମାନ-ମାହ॒ ଵୃଷ॑ଣୌ-ଜା॒ତାୟାନୁ॑ ବ୍ରୂ॒ହ୍ୟା-ପ୍ୟ॒ -ଷ୍ଟାଦ॑ଶ ଚ) (ଅ. 5)
ଇ॒ଷେ ତ୍ଵେତି॑ ବ॒ର୍॒ହିରା ଦ॑ତ୍ତ ଇ॒ଚ୍ଛତ॑ ଇଵ॒ ହ୍ୟେ॑ଷ ୟୋ ୟଜ॑ତ ଉପ॒ଵୀର॒ସୀତ୍ୟା॒ହୋପ॒ ହ୍ୟେ॑ନାନାକ॒ରୋତ୍ୟୁପୋ॑ ଦେ॒ଵା-ନ୍ଦୈଵୀ॒ର୍ଵିଶଃ॒ ପ୍ରାଗୁ॒ରିତ୍ୟା॑ହ॒ ଦୈଵୀ॒ର୍ହ୍ୟେ॑ତା ଵିଶ॑-ସ୍ସ॒ତୀର୍ଦେ॒ଵାନୁ॑ପ॒ୟନ୍ତି॒ ଵହ୍ନୀ॑ରୁ॒ଶିଜ॒ ଇତ୍ୟା॑ହ॒ର୍ତ୍ଵିଜୋ॒ ଵୈ ଵହ୍ନ॑ୟ ଉ॒ଶିଜ॒-ସ୍ତସ୍ମା॑ଦେ॒ଵମା॑ହ॒ ବୃହ॑ସ୍ପତେ ଧା॒ରୟା॒ ଵସୂ॒ନୀ- [ଵସୂ॒ନୀତି॑, ଆ॒ହ॒ ବ୍ରହ୍ମ॒ ଵୈ] 32
-ତ୍ୟା॑ହ॒ ବ୍ରହ୍ମ॒ ଵୈ ଦେ॒ଵାନା॒-ମ୍ବୃହ॒ସ୍ପତି॒ ର୍ବ୍ରହ୍ମ॑ଣୈ॒ଵାସ୍ମୈ॑ ପ॒ଶୂନଵ॑ ରୁନ୍ଧେ ହ॒ଵ୍ୟା ତେ᳚ ସ୍ଵଦନ୍ତା॒ମିତ୍ୟା॑ହ ସ୍ଵ॒ଦୟ॑ତ୍ୟେ॒ଵୈନା॒-ନ୍ଦେଵ॑ ତ୍ଵଷ୍ଟ॒ର୍ଵସୁ॑ ର॒ଣ୍ଵେତ୍ୟା॑ହ॒ ତ୍ଵଷ୍ଟା॒ ଵୈ ପ॑ଶୂ॒ନା-ମ୍ମି॑ଥୁ॒ନାନାଗ୍ମ୍॑ ରୂପ॒କୃ-ଦ୍ରୂ॒ପମେ॒ଵ ପ॒ଶୁଷୁ॑ ଦଧାତି॒ ରେଵ॑ତୀ॒ ରମ॑ଦ୍ଧ୍ଵ॒ମିତ୍ୟା॑ହ ପ॒ଶଵୋ॒ ଵୈ ରେ॒ଵତୀଃ᳚ ପ॒ଶୂନେ॒ଵାସ୍ମୈ॑ ରମୟତି ଦେ॒ଵସ୍ୟ॑ ତ୍ଵା ସଵି॒ତୁଃ ପ୍ର॑ସ॒ଵ ଇତି॑ [ଇତି॑, ର॒ଶ॒ନାମା ଦ॑ତ୍ତେ॒] 33
ରଶ॒ନାମା ଦ॑ତ୍ତେ॒ ପ୍ରସୂ᳚ତ୍ୟା ଅ॒ଶ୍ଵିନୋ᳚ର୍ବା॒ହୁଭ୍ୟା॒-ମିତ୍ୟା॑ହା॒ଶ୍ଵିନୌ॒ ହି ଦେ॒ଵାନା॑ମଦ୍ଧ୍ଵ॒ର୍ୟୂ ଆସ୍ତା᳚-ମ୍ପୂ॒ଷ୍ଣୋ ହସ୍ତା᳚ଭ୍ୟା॒ମିତ୍ୟା॑ହ॒ ୟତ୍ୟା॑ ଋ॒ତସ୍ୟ॑ ତ୍ଵା ଦେଵହଵିଃ॒ ପାଶେ॒ନା-ଽଽ ର॑ଭ॒ ଇତ୍ୟା॑ହ ସ॒ତ୍ୟଂ-ଵାଁ ଋ॒ତଗ୍ମ୍ ସ॒ତ୍ୟେନୈ॒ଵୈନ॑ମୃ॒ତେନା ଽଽର॑ଭତେ ଽକ୍ଷ୍ଣ॒ୟା ପରି॑ ହରତି॒ ଵଦ୍ଧ୍ୟ॒ଗ୍ମ୍॒ ହି ପ୍ର॒ତ୍ୟଞ୍ଚ॑-ମ୍ପ୍ରତି ମୁ॒ଞ୍ଚନ୍ତି॒ ଵ୍ୟାଵୃ॑ତ୍ତ୍ୟୈ॒ ଧର୍ଷା॒ ମାନୁ॑ଷା॒ନିତି॒ ନି ୟୁ॑ନକ୍ତି॒ ଧୃତ୍ୟା॑ ଅ॒ଦ୍ଭ୍ୟ- [ଅ॒ଦ୍ଭ୍ୟଃ, ତ୍ଵୌଷ॑ଧୀଭ୍ୟଃ॒] 34
-ସ୍ତ୍ଵୌଷ॑ଧୀଭ୍ୟଃ॒ ପ୍ରୋକ୍ଷା॒ମୀତ୍ୟା॑ହା॒ଦ୍ଭ୍ୟୋ ହ୍ୟେ॑ଷ ଓଷ॑ଧୀଭ୍ୟ-ସ୍ସ॒ଭଂଵଁ॑ତି॒ ୟ-ତ୍ପ॒ଶୁର॒ପା-ମ୍ପେ॒ରୁର॒ସୀତ୍ୟା॑ହୈ॒ଷ ହ୍ୟ॑ପା-ମ୍ପା॒ତା ୟୋ ମେଧା॑ୟା-ଽଽ ର॒ଭ୍ୟତେ᳚ ସ୍ଵା॒ତ୍ତ-ଞ୍ଚି॒-ଥ୍ସଦେ॑ଵଗ୍ମ୍ ହ॒ଵ୍ୟମାପୋ॑ ଦେଵୀ॒-ସ୍ସ୍ଵଦ॑ତୈନ॒ମିତ୍ୟା॑ହ ସ୍ଵ॒ଦୟ॑ତ୍ୟେ॒ଵୈନ॑-ମୁ॒ପରି॑ଷ୍ଟା॒-ତ୍ପ୍ରୋକ୍ଷ॑ତ୍ୟୁ॒ପରି॑ଷ୍ଟାଦେ॒ଵୈନ॒-ମ୍ମେଦ୍ଧ୍ୟ॑-ଙ୍କରୋତି ପା॒ୟୟ॑ତ୍ୟନ୍ତର॒ତ ଏ॒ଵୈନ॒-ମ୍ମେଦ୍ଧ୍ୟ॑-ଙ୍କରୋତ୍ୟ॒ଧସ୍ତା॒ଦୁପୋ᳚କ୍ଷତି ସ॒ର୍ଵତ॑ ଏ॒ଵୈନ॒-ମ୍ମେଦ୍ଧ୍ୟ॑-ଙ୍କରୋତି ॥ 35 ॥
(ଵସୂ॒ନୀତି॑-ପ୍ରସ॒ଵ ଇତ୍ୟ॒-ଦ୍ଭ୍ୟୋ᳚-ଽନ୍ତର॒ତ ଏ॒ଵୈନଂ॒ – ଦଶ॑ ଚ) (ଅ. 6)
ଅ॒ଗ୍ନିନା॒ ଵୈ ହୋତ୍ରା॑ ଦେ॒ଵା ଅସୁ॑ରା-ନ॒ଭ୍ୟ॑ଭଵ-ନ୍ନ॒ଗ୍ନୟେ॑ ସମି॒ଦ୍ଧ୍ୟମା॑ନା॒ୟାନୁ॑ ବ୍ରୂ॒ହୀତ୍ୟା॑ହ॒ ଭ୍ରାତୃ॑ଵ୍ୟାଭିଭୂତ୍ୟୈ ସ॒ପ୍ତଦ॑ଶ ସାମିଧେ॒ନୀରନ୍ଵା॑ହ ସପ୍ତଦ॒ଶଃ ପ୍ର॒ଜାପ॑ତିଃ ପ୍ର॒ଜାପ॑ତେ॒ରାପ୍ତ୍ୟୈ॑ ସ॒ପ୍ତଦ॒ଶାନ୍ଵା॑ହ॒ ଦ୍ଵାଦ॑ଶ॒ ମାସାଃ॒ ପଞ୍ଚ॒ର୍ତଵ॒-ସ୍ସ ସଂ॑ଵଁଥ୍ସ॒ର-ସ୍ସଂ॑ଵଁଥ୍ସ॒ର-ମ୍ପ୍ର॒ଜା ଅନୁ॒ ପ୍ରଜା॑ୟନ୍ତେ ପ୍ର॒ଜାନା᳚-ମ୍ପ୍ର॒ଜନ॑ନାୟ ଦେ॒ଵା ଵୈ ସା॑ମିଧେ॒ନୀର॒ନୂଚ୍ୟ॑ ୟ॒ଜ୍ଞ-ନ୍ନାନ୍ଵ॑ପଶ୍ୟ॒ନ୍-ଥ୍ସ ପ୍ର॒ଜାପ॑ତି-ସ୍ତୂ॒ଷ୍ଣୀ-ମା॑ଘା॒ର- [-ମା॑ଘା॒ରମ୍, ଆ ଽଘା॑ରୟ॒-ତ୍ତତୋ॒ ଵୈ] 36
-ମା ଽଘା॑ରୟ॒-ତ୍ତତୋ॒ ଵୈ ଦେ॒ଵା ୟ॒ଜ୍ଞମନ୍ଵ॑ପଶ୍ୟ॒ନ୍॒. ୟ-ତ୍ତୂ॒ଷ୍ଣୀ-ମା॑ଘା॒ର-ମା॑ଘା॒ରୟ॑ତି ୟ॒ଜ୍ଞସ୍ୟାନୁ॑ଖ୍ୟାତ୍ୟା॒ ଅସୁ॑ରେଷୁ॒ ଵୈ ୟ॒ଜ୍ଞ ଆ॑ସୀ॒-ତ୍ତ-ନ୍ଦେ॒ଵାସ୍ତୂ᳚ଷ୍ଣୀଗ୍ମ୍ ହୋ॒ମେନା॑ଵୃଞ୍ଜତ॒ ୟ-ତ୍ତୂ॒ଷ୍ଣୀ-ମା॑ଘା॒ର-ମା॑ଘା॒ରୟ॑ତି॒ ଭ୍ରାତୃ॑ଵ୍ୟସ୍ୟୈ॒ ଵ ତ-ଦ୍ୟ॒ଜ୍ଞଂ-ଵୃଁ॑ଙ୍କ୍ତେ ପରି॒ଧୀ॑ନ୍-ଥ୍ସ-ମ୍ମା᳚ର୍ଷ୍ଟି ପୁ॒ନାତ୍ୟେ॒ଵୈନା॒-ନ୍ତ୍ରିସ୍ତ୍ରି॒-ସ୍ସ-ମ୍ମା᳚ର୍ଷ୍ଟି॒ ତ୍ର୍ୟା॑ଵୃ॒ଦ୍ଧି ୟ॒ଜ୍ଞୋ-ଽଥୋ॒ ରକ୍ଷ॑ସା॒ମପ॑ହତ୍ୟୈ॒ ଦ୍ଵାଦ॑ଶ॒ ସ-ମ୍ପ॑ଦ୍ୟନ୍ତେ॒ ଦ୍ଵାଦ॑ଶ॒ [ଦ୍ଵାଦ॑ଶ, ମାସା᳚-ସ୍ସଂଵଁଥ୍ସ॒ର-] 37
ମାସା᳚-ସ୍ସଂଵଁଥ୍ସ॒ର-ସ୍ସଂ॑ଵଁଥ୍ସ॒ରମେ॒ଵ ପ୍ରୀ॑ଣା॒ତ୍ୟଥୋ॑ ସଂଵଁଥ୍ସ॒ରମେ॒ଵାସ୍ମା॒ ଉପ॑ ଦଧାତି ସୁଵ॒ର୍ଗସ୍ୟ॑ ଲୋ॒କସ୍ୟ॒ ସମ॑ଷ୍ଟ୍ୟୈ॒ ଶିରୋ॒ ଵା ଏ॒ତ-ଦ୍ୟ॒ଜ୍ଞସ୍ୟ॒ ୟଦା॑ଘା॒ରୋ᳚-ଽଗ୍ନି-ସ୍ସର୍ଵା॑ ଦେ॒ଵତା॒ ୟଦା॑ଘା॒ର-ମା॑ଘା॒ରୟ॑ତି ଶୀର୍ଷ॒ତ ଏ॒ଵ ୟ॒ଜ୍ଞସ୍ୟ॒ ୟଜ॑ମାନ॒-ସ୍ସର୍ଵା॑ ଦେ॒ଵତା॒ ଅଵ॑ ରୁନ୍ଧେ॒ ଶିରୋ॒ ଵା ଏ॒ତ-ଦ୍ୟ॒ଜ୍ଞସ୍ୟ॒ ୟଦା॑ଘା॒ର ଆ॒ତ୍ମା ପ॒ଶୁରା॑ଘା॒ରମା॒ଘାର୍ୟ॑ ପ॒ଶୁଗ୍ମ୍ ସମ॑ନକ୍ତ୍ୟା॒ତ୍ମନ୍ନେ॒ଵ ୟ॒ଜ୍ଞସ୍ୟ॒ [ୟ॒ଜ୍ଞସ୍ୟ॑, ଶିରଃ॒ ପ୍ରତି॑ ଦଧାତି॒] 38
ଶିରଃ॒ ପ୍ରତି॑ ଦଧାତି॒ ସ-ନ୍ତେ᳚ ପ୍ରା॒ଣୋ ଵା॒ୟୁନା॑ ଗଚ୍ଛତା॒ମିତ୍ୟା॑ହ ଵାୟୁଦେଵ॒ତ୍ୟୋ॑ ଵୈ ପ୍ରା॒ଣୋ ଵା॒ୟାଵେ॒ଵାସ୍ୟ॑ ପ୍ରା॒ଣ-ଞ୍ଜୁ॑ହୋତି॒ ସଂ-ୟଁଜ॑ତ୍ରୈ॒ରଙ୍ଗା॑ନି॒ ସଂ-ୟଁ॒ଜ୍ଞପ॑ତିରା॒ଶିଷେତ୍ୟା॑ହ ୟ॒ଜ୍ଞପ॑ତିମେ॒ଵାସ୍ୟା॒-ଽଽଶିଷ॑-ଙ୍ଗମୟତି ଵି॒ଶ୍ଵରୂ॑ପୋ॒ ଵୈ ତ୍ଵା॒ଷ୍ଟ୍ର ଉ॒ପରି॑ଷ୍ଟା-ତ୍ପ॒ଶୁମ॒ଭ୍ୟ॑ଵମୀ॒-ତ୍ତସ୍ମା॑-ଦୁ॒ପରି॑ଷ୍ଟା-ତ୍ପ॒ଶୋର୍ନାଵ॑ ଦ୍ୟନ୍ତି॒ ୟଦୁ॒ପରି॑ଷ୍ଟା-ତ୍ପ॒ଶୁଗ୍ମ୍ ସ॑ମ॒ନକ୍ତି॒ ମେଦ୍ଧ୍ୟ॑ମେ॒ଵୈ- [ମେଦ୍ଧ୍ୟ॑ମେ॒ଵ, ଏ॒ନ॒-ଙ୍କ॒ରୋ॒ତ୍ୟୃ॒ତ୍ଵିଜୋ॑] 39
-ନ॑-ଙ୍କରୋତ୍ୟୃ॒ତ୍ଵିଜୋ॑ ଵୃଣୀତେ॒ ଛନ୍ଦାଗ୍॑ସ୍ୟେ॒ଵ ଵୃ॑ଣୀତେ ସ॒ପ୍ତ ଵୃ॑ଣୀତେ ସ॒ପ୍ତ ଗ୍ରା॒ମ୍ୟାଃ ପ॒ଶଵ॑-ସ୍ସ॒ପ୍ତା-ଽଽର॒ଣ୍ୟା-ସ୍ସ॒ପ୍ତ ଛନ୍ଦାଗ୍॑ସ୍ୟୁ॒ଭୟ॒ସ୍ୟା ଵ॑ରୁଦ୍ଧ୍ୟା॒ ଏକା॑ଦଶ ପ୍ରୟା॒ଜାନ୍. ୟ॑ଜତି॒ ଦଶ॒ ଵୈ ପ॒ଶୋଃ ପ୍ରା॒ଣା ଆ॒ତ୍ମୈକା॑ଦ॒ଶୋ ୟାଵା॑ନେ॒ଵ ପ॒ଶୁସ୍ତ-ମ୍ପ୍ର ୟ॑ଜତି ଵ॒ପାମେକଃ॒ ପରି॑ ଶୟ ଆ॒ତ୍ମୈଵା-ଽଽତ୍ମାନ॒-ମ୍ପରି॑ ଶୟେ॒ ଵଜ୍ରୋ॒ ଵୈ ସ୍ଵଧି॑ତି॒ର୍ଵଜ୍ରୋ॑ ୟୂପଶକ॒ଲୋ ଘୃ॒ତ-ଙ୍ଖଲୁ॒ ଵୈ ଦେ॒ଵା ଵଜ୍ର॑-ଙ୍କୃ॒ତ୍ଵା ସୋମ॑ମଘ୍ନ-ନ୍ଘୃ॒ତେନା॒କ୍ତୌ ପ॒ଶୁ-ନ୍ତ୍ରା॑ୟେଥା॒ମିତ୍ୟା॑ହ॒ ଵଜ୍ରେ॑ଣୈ॒ଵୈନଂ॒-ଵଁଶେ॑ କୃ॒ତ୍ଵା-ଽଽଲ॑ଭତେ ॥ 40 ॥
(ଆ॒ଘା॒ରଂ – ପ॑ଦ୍ୟନ୍ତେ॒ ଦ୍ଵାଦ॑ଶା॒ – ଽଽତ୍ମନ୍ନେ॒ଵ ୟ॒ଜ୍ଞସ୍ୟ॒ – ମେଧ୍ୟ॑ମେ॒ଵ – ଖଲୁ॒ ଵା – ଅ॒ଷ୍ଟାଦ॑ଶ ଚ) (ଅ. 7)
ପର୍ୟ॑ଗ୍ନି କରୋତି ସର୍ଵ॒ହୁତ॑ମେ॒ଵୈନ॑-ଙ୍କରୋ॒ତ୍ୟ-ସ୍କ॑ନ୍ଦା॒ୟା-ସ୍କ॑ନ୍ନ॒ଗ୍ମ୍॒ ହି ତ-ଦ୍ୟ-ଦ୍ଧୁ॒ତସ୍ୟ॒ ସ୍କନ୍ଦ॑ତି॒ ତ୍ରିଃ ପର୍ୟ॑ଗ୍ନି କରୋତି॒ ତ୍ର୍ୟା॑ଵୃ॒ଦ୍ଧି ୟ॒ଜ୍ଞୋ-ଽଥୋ॒ ରକ୍ଷ॑ସା॒ମପ॑ହତ୍ୟୈ ବ୍ରହ୍ମଵା॒ଦିନୋ॑ ଵଦନ୍ତ୍ୟନ୍ଵା॒ରଭ୍ୟଃ॑ ପ॒ଶୂ(3)-ର୍ନାନ୍ଵା॒ରଭ୍ୟା(3) ଇତି॑ ମୃ॒ତ୍ୟଵେ॒ ଵା ଏ॒ଷ ନୀ॑ୟତେ॒ ୟ-ତ୍ପ॒ଶୁସ୍ତଂ-ୟଁଦ॑ନ୍ଵା॒ରଭେ॑ତ ପ୍ର॒ମାୟୁ॑କୋ॒ ୟଜ॑ମାନ-ସ୍ସ୍ୟା॒ଦଥୋ॒ ଖଲ୍ଵା॑ହୁ-ସ୍ସୁଵ॒ର୍ଗାୟ॒ ଵା ଏ॒ଷ ଲୋ॒କାୟ॑ ନୀୟତେ॒ ୟ- [ୟତ୍, ପ॒ଶୁରିତି॒] 41
-ତ୍ପ॒ଶୁରିତି॒ ୟନ୍ନାନ୍ଵା॒ରଭେ॑ତ ସୁଵ॒ର୍ଗାଲ୍ଲୋ॒କା-ଦ୍ୟଜ॑ମାନୋ ହୀୟେତ ଵପା॒ଶ୍ରପ॑ଣୀଭ୍ୟା-ମ॒ନ୍ଵାର॑ଭତେ॒ ତନ୍ନେଵା॒ନ୍ଵାର॑ବ୍ଧ॒-ନ୍ନେଵାନ॑ନ୍ଵାରବ୍ଧ॒ମୁପ॒ ପ୍ରେଷ୍ୟ॑ ହୋତର୍ହ॒ଵ୍ୟା ଦେ॒ଵେଭ୍ୟ॒ ଇତ୍ୟା॑ହେଷି॒ତଗ୍ମ୍ ହି କର୍ମ॑ କ୍ରି॒ୟତେ॒ ରେଵ॑ତୀର୍ୟ॒ଜ୍ଞପ॑ତି-ମ୍ପ୍ରିୟ॒ଧା ଽଽଵି॑ଶ॒ତେତ୍ୟା॑ହ ୟଥାୟ॒ଜୁରେ॒ଵୈତଦ॒ଗ୍ନିନା॑ ପୁ॒ରସ୍ତା॑ଦେତି॒ ରକ୍ଷ॑ସା॒ମପ॑ହତ୍ୟୈ ପୃଥି॒ଵ୍ୟା-ସ୍ସ॒ପୃଞ୍ଚଃ॑ ପା॒ହୀତି॑ ବ॒ର୍॒ହି- [ବ॒ର୍॒ହିଃ, ଉପା᳚-ଽସ୍ୟ॒ତ୍ୟ-ସ୍କ॑ନ୍ଦା॒ୟା-] 42
-ରୁପା᳚-ଽସ୍ୟ॒ତ୍ୟ-ସ୍କ॑ନ୍ଦା॒ୟା-ସ୍କ॑ନ୍ନ॒ଗ୍ମ୍॒ ହି ତ-ଦ୍ୟ-ଦ୍ବ॒ର୍॒ହିଷି॒ ସ୍କନ୍ଦ॒ତ୍ୟଥୋ॑ ବର୍ହି॒ଷଦ॑ମେ॒ଵୈନ॑-ଙ୍କରୋତି॒ ପରାଂ॒ଆ ଵ॑ର୍ତତେ-ଽଦ୍ଧ୍ଵ॒ର୍ୟୁଃ ପ॒ଶୋ-ସ୍ସ᳚ଜ୍ଞ॒ମ୍ପ୍ୟମା॑ନା-ତ୍ପ॒ଶୁଭ୍ୟ॑ ଏ॒ଵ ତନ୍ନି ହ୍ନୁ॑ତ ଆ॒ତ୍ମନୋ-ଽନା᳚ଵ୍ରସ୍କାୟ॒ ଗଚ୍ଛ॑ତି॒ ଶ୍ରିୟ॒-ମ୍ପ୍ର ପ॒ଶୂନା᳚ପ୍ନୋତି॒ ୟ ଏ॒ଵଂ-ଵେଁଦ॑ ପ॒ଶ୍ଚାଲ୍ଲୋ॑କା॒ ଵା ଏ॒ଷା ପ୍ରାଚ୍ୟୁ॒ଦାନୀ॑ୟତେ॒ ୟ-ତ୍ପତ୍ନୀ॒ ନମ॑ସ୍ତ ଆତା॒ନେତ୍ୟା॑ହା-ଽଽଦି॒ତ୍ୟସ୍ୟ॒ ଵୈ ର॒ଶ୍ମୟ॑ [ର॒ଶ୍ମୟଃ॑, ଆ॒ତା॒ନାସ୍ତେଭ୍ୟ॑] 43
ଆତା॒ନାସ୍ତେଭ୍ୟ॑ ଏ॒ଵ ନମ॑ସ୍କରୋତ୍ୟନ॒ର୍ଵା ପ୍ରେହୀତ୍ୟା॑ହ॒ ଭ୍ରାତୃ॑ଵ୍ୟୋ॒ ଵା ଅର୍ଵା॒ ଭ୍ରାତୃ॑ଵ୍ୟାପନୁତ୍ତ୍ୟୈ ଘୃ॒ତସ୍ୟ॑ କୁ॒ଲ୍ୟାମନୁ॑ ସ॒ହ ପ୍ର॒ଜୟା॑ ସ॒ହ ରା॒ୟସ୍ପୋଷେ॒ଣେ-ତ୍ୟା॑ହା॒ ଽଽଶିଷ॑ମେ॒ଵୈତାମା ଶା᳚ସ୍ତ॒ ଆପୋ॑ ଦେଵୀ-ଶ୍ଶୁଦ୍ଧାୟୁଵ॒ ଇତ୍ୟା॑ହ ୟଥାୟ॒ଜୁରେ॒ଵୈତତ୍ ॥ 44 ॥
(ଲୋ॒କାୟ॑ ନୀୟତେ॒ ୟ-ଦ୍- ବ॒ର॒ଃଈ – ର॒ଶ୍ମୟଃ॑ – ସ॒ପ୍ତତ୍ରିଗ୍ମ୍॑ଶଚ୍ଚ) (ଅ. 8)
ପ॒ଶୋର୍ଵା ଆଲ॑ବ୍ଧସ୍ୟ ପ୍ରା॒ଣାଞ୍ଛୁଗୃ॑ଚ୍ଛତି॒ ଵାକ୍ତ॒ ଆ ପ୍ୟା॑ୟତା-ମ୍ପ୍ରା॒ଣସ୍ତ॒ ଆ ପ୍ୟା॑ୟତା॒ମିତ୍ୟା॑ହ ପ୍ରା॒ଣେଭ୍ୟ॑ ଏ॒ଵାସ୍ୟ॒ ଶୁଚଗ୍ମ୍॑ ଶମୟତି॒ ସା ପ୍ରା॒ଣେଭ୍ୟୋ-ଽଧି॑ ପୃଥି॒ଵୀଗ୍ମ୍ ଶୁ-କ୍ପ୍ର ଵି॑ଶତି॒ ଶମହୋ᳚ଭ୍ୟା॒ମିତି॒ ନି ନ॑ୟତ୍ୟହୋରା॒ତ୍ରାଭ୍ୟା॑ମେ॒ଵ ପୃ॑ଥି॒ଵ୍ୟୈ ଶୁଚଗ୍ମ୍॑ ଶମୟ॒ତ୍ୟୋଷ॑ଧେ॒ ତ୍ରା॑ୟସ୍ଵୈନ॒ଗ୍ଗ୍॒ ସ୍ଵଧି॑ତେ॒ ମୈନଗ୍ମ୍॑ ହିଗ୍ମ୍ସୀ॒ରିତ୍ୟା॑ହ॒ ଵଜ୍ରୋ॒ ଵୈ ସ୍ଵଧି॑ତି॒- [ସ୍ଵଧି॑ତିଃ, ଶାନ୍ତ୍ୟୈ॑ ପାର୍ଶ୍ଵ॒ତ] 45
-ଶ୍ଶାନ୍ତ୍ୟୈ॑ ପାର୍ଶ୍ଵ॒ତ ଆ ଚ୍ଛ୍ୟ॑ତି ମଦ୍ଧ୍ୟ॒ତୋ ହି ମ॑ନୁ॒ଷ୍ୟା॑ ଆ॒ ଚ୍ଛ୍ୟନ୍ତି॑ ତିର॒ଶ୍ଚୀନ॒ମା ଚ୍ଛ୍ୟ॑ତ୍ୟନୂ॒ଚୀନ॒ଗ୍ମ୍॒ ହି ମ॑ନୁ॒ଷ୍ୟା॑ ଆ॒ଚ୍ଛ୍ୟନ୍ତି॒ ଵ୍ୟାଵୃ॑ତ୍ତ୍ୟୈ॒ ରକ୍ଷ॑ସା-ମ୍ଭା॒ଗୋ॑-ଽସୀତି॑ ସ୍ଥଵିମ॒ତୋ ବ॒ର୍॒ହିର॒କ୍ତ୍ଵା-ଽପା᳚ସ୍ୟତ୍ୟ॒ସ୍ନୈଵ ରକ୍ଷାଗ୍ମ୍॑ସି ନି॒ରଵ॑ଦୟତ ଇ॒ଦମ॒ହଗ୍ମ୍ ରକ୍ଷୋ॑-ଽଧ॒ମ-ନ୍ତମୋ॑ ନୟାମି॒ ୟୋ᳚-ଽସ୍ମା-ନ୍ଦ୍ଵେଷ୍ଟି॒ ୟ-ଞ୍ଚ॑ ଵ॒ୟ-ନ୍ଦ୍ଵି॒ଷ୍ମ ଇତ୍ୟା॑ହ॒ ଦ୍ଵୌ ଵାଵ ପୁରୁ॑ଷୌ॒ ୟ-ଞ୍ଚୈ॒ଵ [ ] 46
ଦ୍ଵେଷ୍ଟି॒ ୟଶ୍ଚୈ॑ନ॒-ନ୍ଦ୍ଵେଷ୍ଟି॒ ତାଵୁ॒ଭାଵ॑ଧ॒ମ-ନ୍ତମୋ॑ ନୟତୀ॒ଷେ ତ୍ଵେତି॑ ଵ॒ପାମୁତ୍ଖି॑ଦତୀ॒ଚ୍ଛତ॑ ଇଵ॒ ହ୍ୟେ॑ଷ ୟୋ ୟଜ॑ତେ॒ ୟଦୁ॑ପତୃ॒ନ୍ଦ୍ୟା-ଦ୍ରୁ॒ଦ୍ରୋ᳚-ଽସ୍ୟ ପ॒ଶୂ-ନ୍ଘାତୁ॑କ-ସ୍ସ୍ୟା॒-ଦ୍ୟନ୍ନୋପ॑ତୃ॒ନ୍ଦ୍ୟା-ଦୟ॑ତା ସ୍ୟା-ଦ॒ନ୍ୟୟୋ॑ପତୃ॒ଣତ୍ତ୍ୟ॒ନ୍ୟୟା॒ ନ ଧୃତ୍ୟୈ॑ ଘୃ॒ତେନ॑ ଦ୍ୟାଵାପୃଥିଵୀ॒ ପ୍ରୋର୍ଣ୍ଵା॑ଥା॒ମିତ୍ୟା॑ହ॒ ଦ୍ୟାଵା॑ପୃଥି॒ଵୀ ଏ॒ଵ ରସେ॑ନାନ॒କ୍ତ୍ୟଚ୍ଛି॑ନ୍ନୋ॒ [ରସେ॑ନାନ॒କ୍ତ୍ୟଚ୍ଛି॑ନ୍ନଃ, ରାୟ॑-ସ୍ସୁ॒ଵୀର॒] 47
ରାୟ॑-ସ୍ସୁ॒ଵୀର॒ ଇତ୍ୟା॑ହ ୟଥାୟ॒ଜୁରେ॒ଵୈତ-ତ୍କ୍ରୂ॒ରମି॑ଵ॒ ଵା ଏ॒ତ-ତ୍କ॑ରୋତି॒ ୟ-ଦ୍ଵ॒ପା-ମୁ॑ତ୍ଖି॒ଦ-ତ୍ୟୁ॒ର୍ଵ॑ନ୍ତରି॑କ୍ଷ॒-ମନ୍ଵି॒ହୀତ୍ୟା॑ହ॒ ଶାନ୍ତ୍ୟୈ॒ ପ୍ର ଵା ଏ॒ଷୋ᳚-ଽସ୍ମାଲ୍ଲୋ॒କାଚ୍ଚ୍ୟ॑ଵତେ॒ ୟଃ ପ॒ଶୁ-ମ୍ମୃ॒ତ୍ୟଵେ॑ ନୀ॒ୟମା॑ନମନ୍ଵା॒ରଭ॑ତେ ଵପା॒ଶ୍ରପ॑ଣୀ॒ ପୁନ॑ର॒ନ୍ଵାର॑ଭତେ॒-ଽସ୍ମିନ୍ନେ॒ଵ ଲୋ॒କେ ପ୍ରତି॑ ତିଷ୍ଠତ୍ୟ॒ଗ୍ନିନା॑ ପୁ॒ରସ୍ତା॑ଦେତି॒ ରକ୍ଷ॑ସା॒ମପ॑ହତ୍ୟା॒ ଅଥୋ॑ ଦେ॒ଵତା॑ ଏ॒ଵ ହ॒ଵ୍ୟେନା- [ଏ॒ଵ ହ॒ଵ୍ୟେନ॑, ଅନ୍ଵେ॑ତି॒] 48
-ନ୍ଵେ॑ତି॒ ନାନ୍ତ॒ମମଙ୍ଗା॑ର॒ମତି॑ ହରେ॒-ଦ୍ୟଦ॑ନ୍ତ॒ମମଙ୍ଗା॑ରମତି॒ ହରେ᳚-ଦ୍ଦେ॒ଵତା॒ ଅତି॑ ମନ୍ୟେତ॒ ଵାୟୋ॒ ଵୀହି॑ ସ୍ତୋ॒କାନା॒ମିତ୍ୟା॑ହ॒ ତସ୍ମା॒-ଦ୍ଵିଭ॑କ୍ତା-ସ୍ସ୍ତୋ॒କା ଅଵ॑ ପଦ୍ୟ॒ନ୍ତେ-ଽଗ୍ରଂ॒-ଵାଁ ଏ॒ତ-ତ୍ପ॑ଶୂ॒ନାଂ-ୟଁ-ଦ୍ଵ॒ପା-ଽଗ୍ର॒ମୋଷ॑ଧୀନା-ମ୍ବ॒ର୍॒ହିରଗ୍ରେ॑ଣୈ॒ଵାଗ୍ର॒ଗ୍ମ୍॒ ସମ॑ର୍ଧୟ॒ତ୍ୟଥୋ॒ ଓଷ॑ଧୀଷ୍ଵେ॒ଵ ପ॒ଶୂ-ନ୍ପ୍ରତି॑ଷ୍ଠାପୟତି॒ ସ୍ଵାହା॑କୃତୀଭ୍ୟଃ॒ ପ୍ରେଷ୍ୟେତ୍ୟା॑ହ [ ] 49
ୟ॒ଜ୍ଞସ୍ୟ॒ ସମି॑ଷ୍ଟ୍ୟୈ ପ୍ରାଣାପା॒ନୌ ଵା ଏ॒ତୌ ପ॑ଶୂ॒ନାଂ-ୟଁ-ତ୍ପୃ॑ଷଦା॒ଜ୍ୟମା॒ତ୍ମା ଵ॒ପା ପୃ॑ଷଦା॒ଜ୍ୟମ॑ଭି॒ଘାର୍ୟ॑ ଵ॒ପାମ॒ଭି ଘା॑ରୟତ୍ୟା॒ତ୍ମନ୍ନେ॒ଵ ପ॑ଶୂ॒ନା-ମ୍ପ୍ରା॑ଣାପା॒ନୌ ଦ॑ଧାତି॒ ସ୍ଵାହୋ॒ର୍ଧ୍ଵନ॑ଭସ-ମ୍ମାରୁ॒ତ-ଙ୍ଗ॑ଚ୍ଛତ॒ମିତ୍ୟା॑ହୋ॒ର୍ଧ୍ଵନ॑ଭା ହ ସ୍ମ॒ ଵୈ ମା॑ରୁ॒ତୋ ଦେ॒ଵାନାଂ᳚-ଵଁପା॒ଶ୍ରପ॑ଣୀ॒ ପ୍ର ହ॑ରତି॒ ତେନୈ॒ଵୈନେ॒ ପ୍ର ହ॑ରତି॒ ଵିଷୂ॑ଚୀ॒ ପ୍ର ହ॑ରତି॒ ତସ୍ମା॒-ଦ୍ଵିଷ୍ଵ॑ଞ୍ଚୌ ପ୍ରାଣାପା॒ନୌ ॥ 50 ॥
(ସ୍ଵଧି॑ତି – ଶ୍ଚୈ॒ଵା – ଚ୍ଛି॑ନ୍ନୋ – ହ॒ଵ୍ୟେନେ॒ – ଷ୍ୟେତ୍ୟା॑ହ॒ – ଷଟ୍ଚ॑ତ୍ଵାରିଗ୍ମ୍ଶଚ୍ଚ) (ଅ. 9)
ପ॒ଶୁମା॒ଲଭ୍ୟ॑ ପୁରୋ॒ଡାଶ॒-ନ୍ନିର୍ଵ॑ପତି॒ ସମେ॑ଧମେ॒ଵୈନ॒ମା ଲ॑ଭତେ ଵ॒ପୟା᳚ ପ୍ର॒ଚର୍ୟ॑ ପୁରୋ॒ଡାଶେ॑ନ॒ ପ୍ର ଚ॑ର॒ତ୍ୟୂର୍ଗ୍ଵୈ ପୁ॑ରୋ॒ଡାଶ॒ ଊର୍ଜ॑ମେ॒ଵ ପ॑ଶୂ॒ନା-ମ୍ମ॑ଦ୍ଧ୍ୟ॒ତୋ ଦ॑ଧା॒ତ୍ୟଥୋ॑ ପ॒ଶୋରେ॒ଵ ଛି॒ଦ୍ରମପି॑ ଦଧାତି ପୃଷଦା॒ଜ୍ୟସ୍ୟୋ॑ପ॒ହତ୍ୟ॒ ତ୍ରିଃ ପୃ॑ଚ୍ଛତି ଶୃ॒ତଗ୍ମ୍ ହ॒ଵୀ(3)-ଶ୍ଶ॑ମିତ॒ରିତି॒ ତ୍ରିଷ॑ତ୍ୟା॒ ହି ଦେ॒ଵା ୟୋ-ଽଶୃ॑ତଗ୍ମ୍ ଶୃ॒ତମାହ॒ ସ ଏନ॑ସା ପ୍ରାଣାପା॒ନୌ ଵା ଏ॒ତୌ ପ॑ଶୂ॒ନାଂ- [ଏ॒ତୌ ପ॑ଶୂ॒ନାମ୍, ୟ-ତ୍ପୃ॑ଷଦା॒ଜ୍ୟ-ମ୍ପ॒ଶୋଃ] 51
-ୟଁ-ତ୍ପୃ॑ଷଦା॒ଜ୍ୟ-ମ୍ପ॒ଶୋଃ ଖଲୁ॒ ଵା ଆଲ॑ବ୍ଧସ୍ୟ॒ ହୃଦ॑ୟମା॒ତ୍ମା-ଽଭି ସମେ॑ତି॒ ୟ-ତ୍ପୃ॑ଷଦା॒ଜ୍ୟେନ॒ ହୃଦ॑ୟ-ମଭିଘା॒ରୟ॑ତ୍ୟା॒ତ୍ମନ୍ନେ॒ଵ ପ॑ଶୂ॒ନା-ମ୍ପ୍ରା॑ଣାପା॒ନୌ ଦ॑ଧାତି ପ॒ଶୁନା॒ ଵୈ ଦେ॒ଵା-ସ୍ସୁ॑ଵ॒ର୍ଗଂ-ଲୋଁ॒କମା॑ୟ॒-ନ୍ତେ॑-ଽମନ୍ୟନ୍ତ ମନୁ॒ଷ୍ୟା॑ ନୋ॒-ଽନ୍ଵାଭ॑ଵିଷ୍ୟ॒ନ୍ତୀତି॒ ତସ୍ୟ॒ ଶିର॑-ଶ୍ଛି॒ତ୍ତ୍ଵା ମେଧ॒-ମ୍ପ୍ରାକ୍ଷା॑ରୟ॒ନ୍ଥ୍ସ ପ୍ର॒କ୍ଷୋ॑-ଽଭଵ॒-ତ୍ତ-ତ୍ପ୍ର॒କ୍ଷସ୍ୟ॑ ପ୍ରକ୍ଷ॒ତ୍ଵଂ-ୟଁ-ତ୍ପ୍ଲ॑କ୍ଷଶା॒ଖୋ-ତ୍ତ॑ରବ॒ର୍॒ହି-ର୍ଭଵ॑ତି॒ ସମେ॑ଧସ୍ୟୈ॒ଵ [ ] 52
ପ॒ଶୋରଵ॑ ଦ୍ୟତି ପ॒ଶୁଂ-ଵୈଁ ହ୍ରି॒ୟମା॑ଣ॒ଗ୍ମ୍॒ ରକ୍ଷା॒ଗ୍॒ସ୍ୟନୁ॑ ସଚନ୍ତେ-ଽନ୍ତ॒ରା ୟୂପ॑-ଞ୍ଚା-ଽଽହଵ॒ନୀୟ॑-ଞ୍ଚ ହରତି॒ ରକ୍ଷ॑ସା॒ମପ॑ହତ୍ୟୈ ପ॒ଶୋର୍ଵା ଆଲ॑ବ୍ଧସ୍ୟ॒ ମନୋ-ଽପ॑ କ୍ରାମତି ମ॒ନୋତା॑ୟୈ ହ॒ଵିଷୋ॑-ଽଵଦୀ॒ୟମା॑ନ॒ସ୍ୟାନୁ॑ ବ୍ରୂ॒ହୀତ୍ୟା॑ହ॒ ମନ॑ ଏ॒ଵାସ୍ୟାଵ॑ ରୁନ୍ଧ॒ ଏକା॑ଦଶାଵ॒ଦାନା॒ନ୍ୟଵ॑ ଦ୍ୟତି॒ ଦଶ॒ ଵୈ ପ॒ଶୋଃ ପ୍ରା॒ଣା ଆ॒ତ୍ମୈକା॑ଦ॒ଶୋ ୟାଵା॑ନେ॒ଵ ପ॒ଶୁସ୍ତସ୍ୟା-ଽଵ॑- [ପ॒ଶୁସ୍ତସ୍ୟା-ଽଵ॑, ଦ୍ୟ॒ତି॒ ହୃଦ॑ୟ॒ସ୍ୟା-] 53
-ଦ୍ୟତି॒ ହୃଦ॑ୟ॒ସ୍ୟା-ଗ୍ରେ-ଽଵ॑ ଦ୍ୟ॒ତ୍ୟଥ॑ ଜି॒ହ୍ଵାୟା॒ ଅଥ॒ ଵକ୍ଷ॑ସୋ॒ ୟଦ୍ଵୈ ହୃଦ॑ୟେନାଭି॒ଗଚ୍ଛ॑ତି॒ ତଜ୍ଜି॒ହ୍ଵୟା॑ ଵଦତି॒ ୟଜ୍ଜି॒ହ୍ଵୟା॒ ଵଦ॑ତି॒ ତଦୁର॒ସୋ-ଽଧି॒ ନିର୍ଵ॑ଦତ୍ୟେ॒ତଦ୍ଵୈ ପ॒ଶୋର୍ୟ॑ଥାପୂ॒ର୍ଵଂ-ୟଁସ୍ୟୈ॒ଵମ॑ଵ॒ଦାୟ॑ ୟଥା॒କାମ॒-ମୁତ୍ତ॑ରେଷାମଵ॒ଦ୍ୟତି॑ ୟଥା ପୂ॒ର୍ଵମେ॒ଵାସ୍ୟ॑ ପ॒ଶୋରଵ॑ତ୍ତ-ମ୍ଭଵତି ମଦ୍ଧ୍ୟ॒ତୋ ଗୁ॒ଦସ୍ୟାଵ॑ ଦ୍ୟତି ମଦ୍ଧ୍ୟ॒ତୋ ହି ପ୍ରା॒ଣ ଉ॑ତ୍ତ॒ମସ୍ୟାଵ॑ ଦ୍ୟ- [ଉ॑ତ୍ତ॒ମସ୍ୟାଵ॑ ଦ୍ୟତି, ଉ॒ତ୍ତ॒ମୋ ହି ପ୍ରା॒ଣୋ] 54
-ତ୍ୟୁତ୍ତ॒ମୋ ହି ପ୍ରା॒ଣୋ ୟଦୀତ॑ରଂ॒-ୟଁଦୀତ॑ର-ମୁ॒ଭୟ॑ମେ॒ଵାଜା॑ମି॒ ଜାୟ॑ମାନୋ॒ ଵୈ ବ୍ରା᳚ହ୍ମ॒ଣ-ସ୍ତ୍ରି॒ଭିର୍-ଋ॑ଣ॒ଵା ଜା॑ୟତେ ବ୍ରହ୍ମ॒ଚର୍ୟେ॒ଣର୍ଷି॑ଭ୍ୟୋ ୟ॒ଜ୍ଞେନ॑ ଦେ॒ଵେଭ୍ୟଃ॑ ପ୍ର॒ଜୟା॑ ପି॒ତୃଭ୍ୟ॑ ଏ॒ଷ ଵା ଅ॑ନୃ॒ଣୋ ୟଃ ପୁ॒ତ୍ରୀ ୟଜ୍ଵା᳚ ବ୍ରହ୍ମଚାରିଵା॒ସୀ ତଦ॑ଵ॒ଦାନୈ॑-ରେ॒ଵା-ଽଵ॑ ଦୟତେ॒ ତଦ॑ଵ॒ଦାନା॑ନା-ମଵଦାନ॒ତ୍ଵ-ନ୍ଦେ॑ଵାସୁ॒ରା-ସ୍ସଂୟଁ॑ତ୍ତା ଆସ॒-ନ୍ତେ ଦେ॒ଵା ଅ॒ଗ୍ନିମ॑ବ୍ରୁଵ॒-ନ୍ତ୍ଵୟା॑ ଵୀ॒ରେଣାସୁ॑ରାନ॒ଭି ଭ॑ଵା॒ମେତି॒ [ଭ॑ଵା॒ମେତି॑, ସୋ᳚-ଽବ୍ରଵୀ॒-ଦ୍ଵରଂ॑-ଵୃଁଣୈ] 55
ସୋ᳚-ଽବ୍ରଵୀ॒-ଦ୍ଵରଂ॑-ଵୃଁଣୈ ପ॒ଶୋରୁ॑ଦ୍ଧା॒ରମୁଦ୍ଧ॑ରା॒ ଇତି॒ ସ ଏ॒ତମୁ॑ଦ୍ଧା॒ରମୁଦ॑ହରତ॒ ଦୋଃ ପୂ᳚ର୍ଵା॒ର୍ଧସ୍ୟ॑ ଗୁ॒ଦ-ମ୍ମ॑ଦ୍ଧ୍ୟ॒ତ-ଶ୍ଶ୍ରୋଣି॑-ଞ୍ଜଘନା॒ର୍ଧସ୍ୟ॒ ତତୋ॑ ଦେ॒ଵା ଅଭ॑ଵ॒-ନ୍ପରା-ଽସୁ॑ରା॒ ୟ-ତ୍ତ୍ର୍ୟ॒ଙ୍ଗାଣାଗ୍ମ୍॑ ସମଵ॒ଦ୍ୟତି॒ ଭ୍ରାତୃ॑ଵ୍ୟାଭିଭୂତ୍ୟୈ॒ ଭଵ॑ତ୍ୟା॒ତ୍ମନା॒ ପରା᳚-ଽସ୍ୟ॒ ଭ୍ରାତୃ॑ଵ୍ୟୋ ଭଵତ୍ୟକ୍ଷ୍ଣ॒ୟା-ଽଵ॑ ଦ୍ୟତି॒ ତସ୍ମା॑ଦକ୍ଷ୍ଣ॒ୟା ପ॒ଶଵୋ-ଽଙ୍ଗା॑ନି॒ ପ୍ର ହ॑ରନ୍ତି॒ ପ୍ରତି॑ଷ୍ଠିତ୍ୟୈ ॥ 56 ॥
(ଏ॒ତୌ ପ॑ଶୂ॒ନାଗ୍ମ୍ – ସମେ॑ଧସ୍ୟୈ॒ଵ – ତସ୍ୟା-ଽଵୋ᳚ – ତ୍ତ॒ମସ୍ୟାଵ॑ ଦ୍ୟ॒ତୀ – ତି॒ – ପଞ୍ଚ॑ଚତ୍ଵାରିଗ୍ମ୍ଶଚ୍ଚ) (ଅ. 10)
ମେଦ॑ସା॒ ସ୍ରୁଚୌ॒ ପ୍ରୋର୍ଣୋ॑ତି॒ ମେଦୋ॑ରୂପା॒ ଵୈ ପ॒ଶଵୋ॑ ରୂ॒ପମେ॒ଵ ପ॒ଶୁଷୁ॑ ଦଧାତି ୟୂ॒ଷନ୍ନ॑ଵ॒ଧାୟ॒ ପ୍ରୋର୍ଣୋ॑ତି॒ ରସୋ॒ ଵା ଏ॒ଷ ପ॑ଶୂ॒ନାଂ-ୟଁଦ୍ୟୂ ରସ॑ମେ॒ଵ ପ॒ଶୁଷୁ॑ ଦଧାତି ପା॒ର୍ଶ୍ଵେନ॑ ଵସାହୋ॒ମ-ମ୍ପ୍ରୟୌ॑ତି॒ ମଦ୍ଧ୍ୟଂ॒-ଵାଁ ଏ॒ତ-ତ୍ପ॑ଶୂ॒ନାଂ-ୟଁ-ତ୍ପା॒ର୍ଶ୍ଵଗ୍ମ୍ ରସ॑ ଏ॒ଷ ପ॑ଶୂ॒ନାଂ-ୟଁଦ୍ଵସା॒ ୟ-ତ୍ପା॒ର୍ଶ୍ଵେନ॑ ଵସାହୋ॒ମ-ମ୍ପ୍ର॒ୟୌତି॑ ମଦ୍ଧ୍ୟ॒ତ ଏ॒ଵ ପ॑ଶୂ॒ନାଗ୍ମ୍ ରସ॑-ନ୍ଦଧାତି॒ ଘ୍ନନ୍ତି॒ [ଘ୍ନନ୍ତି॑, ଵା ଏ॒ତ-ତ୍ପ॒ଶୁ-] 57
ଵା ଏ॒ତ-ତ୍ପ॒ଶୁଂ-ୟଁ-ଥ୍ସ᳚ଜ୍ଞ॒ମ୍ପୟ॑ନ୍ତ୍ୟୈ॒ନ୍ଦ୍ରଃ ଖଲୁ॒ ଵୈ ଦେ॒ଵତ॑ୟା ପ୍ରା॒ଣ ଐ॒ନ୍ଦ୍ରୋ॑-ଽପା॒ନ ଐ॒ନ୍ଦ୍ରଃ ପ୍ରା॒ଣୋ ଅଙ୍ଗେ॑ଅଙ୍ଗେ॒ ନି ଦେ᳚ଦ୍ଧ୍ୟ॒ଦିତ୍ୟା॑ହ ପ୍ରାଣାପା॒ନାଵେ॒ଵ ପ॒ଶୁଷୁ॑ ଦଧାତି॒ ଦେଵ॑ ତ୍ଵଷ୍ଟ॒ର୍ଭୂରି॑ ତେ॒ ସଗ୍ମ୍ ସ॑ମେ॒ତ୍ଵିତ୍ୟା॑ହ ତ୍ଵା॒ଷ୍ଟ୍ରା ହି ଦେ॒ଵତ॑ୟା ପ॒ଶଵୋ॒ ଵିଷୁ॑ରୂପା॒ ୟ-ଥ୍ସଲ॑କ୍ଷ୍ମାଣୋ॒ ଭଵ॒ଥେତ୍ୟା॑ହ॒ ଵିଷୁ॑ରୂପା॒ ହ୍ୟେ॑ତେ ସନ୍ତ॒-ସ୍ସଲ॑କ୍ଷ୍ମାଣ ଏ॒ତର୍ହି॒ ଭଵ॑ନ୍ତି ଦେଵ॒ତ୍ରା ୟନ୍ତ॒- [ଦେଵ॒ତ୍ରା ୟନ୍ତ᳚ମ୍, ଅଵ॑ସେ॒] 58
-ମଵ॑ସେ॒ ସଖା॒ୟୋ-ଽନୁ॑ ତ୍ଵା ମା॒ତା ପି॒ତରୋ॑ ମଦ॒ନ୍ତ୍ଵିତ୍ୟା॒ହା-ନୁ॑ମତମେ॒ଵୈନ॑-ମ୍ମା॒ତ୍ରା ପି॒ତ୍ରା ସୁ॑ଵ॒ର୍ଗଂ-ଲୋଁ॒କ-ଙ୍ଗ॑ମୟତ୍ୟର୍ଧ॒ର୍ଚେ ଵ॑ସାହୋ॒ମ-ଞ୍ଜୁ॑ହୋତ୍ୟ॒ସୌ ଵା ଅ॑ର୍ଧ॒ର୍ଚ ଇ॒ୟମ॑ର୍ଧ॒ର୍ଚ ଇ॒ମେ ଏ॒ଵ ରସେ॑ନାନକ୍ତି॒ ଦିଶୋ॑ ଜୁହୋତି॒ ଦିଶ॑ ଏ॒ଵ ରସେ॑ନାନ॒କ୍ତ୍ୟଥୋ॑ ଦି॒ଗ୍ଭ୍ୟ ଏ॒ଵୋର୍ଜ॒ଗ୍ମ୍॒ ରସ॒ମଵ॑ ରୁନ୍ଧେ ପ୍ରାଣାପା॒ନୌ ଵା ଏ॒ତୌ ପ॑ଶୂ॒ନାଂ-ୟଁ-ତ୍ପୃ॑ଷଦା॒ଜ୍ୟଂ-ଵାଁ॑ନସ୍ପ॒ତ୍ୟାଃ ଖଲୁ॒ [ଖଲୁ॑, ଵୈ ଦେ॒ଵତ॑ୟା ପ॒ଶଵୋ॒] 59
ଵୈ ଦେ॒ଵତ॑ୟା ପ॒ଶଵୋ॒ ୟ-ତ୍ପୃ॑ଷଦା॒ଜ୍ୟସ୍ୟୋ॑-ପ॒ହତ୍ୟା-ଽଽହ॒ ଵନ॒ସ୍ପତ॒ୟେ-ଽନୁ॑ ବ୍ରୂହି॒ ଵନ॒ସ୍ପତ॑ୟେ॒ ପ୍ରେଷ୍ୟେତି॑ ପ୍ରାଣାପା॒ନାଵେ॒ଵ ପ॒ଶୁଷୁ॑ ଦଧାତ୍ୟ॒ନ୍ୟସ୍ୟା᳚ନ୍ୟସ୍ୟ ସମଵ॒ତ୍ତଗ୍ମ୍ ସ॒ମଵ॑ଦ୍ୟତି॒ ତସ୍ମା॒ନ୍ନାନା॑ରୂପାଃ ପ॒ଶଵୋ॑ ୟୂ॒ଷ୍ଣୋପ॑ ସିଞ୍ଚତି॒ ରସୋ॒ ଵା ଏ॒ଷ ପ॑ଶୂ॒ନାଂ-ୟଁଦ୍ୟୂ ରସ॑ମେ॒ଵ ପ॒ଶୁଷୁ॑ ଦଧା॒ତୀଡା॒ମୁପ॑ ହ୍ଵୟତେ ପ॒ଶଵୋ॒ ଵା ଇଡା॑ ପ॒ଶୂନେ॒ଵୋପ॑ ହ୍ଵୟତେ ଚ॒ତୁରୁପ॑ ହ୍ଵୟତେ॒ [ଚ॒ତୁରୁପ॑ ହ୍ଵୟତେ, ଚତୁ॑ଷ୍ପାଦୋ॒ ହି] 60
ଚତୁ॑ଷ୍ପାଦୋ॒ ହି ପ॒ଶଵୋ॒ ୟ-ଙ୍କା॒ମୟେ॑ତା ପ॒ଶୁ-ସ୍ସ୍ୟା॒ଦିତ୍ୟ॑ମେ॒ଦସ୍କ॒-ନ୍ତସ୍ମା॒ ଆ ଦ॑ଦ୍ଧ୍ୟା॒ନ୍ମେଦୋ॑ରୂପା॒ ଵୈ ପ॒ଶଵୋ॑ ରୂ॒ପେଣୈ॒ଵୈନ॑-ମ୍ପ॒ଶୁଭ୍ୟୋ॒ ନିର୍ଭ॑ଜତ୍ୟପ॒ଶୁରେ॒ଵ ଭ॑ଵତି॒ ୟ-ଙ୍କା॒ମୟେ॑ତ ପଶୁ॒ମାନ୍-ଥ୍ସ୍ୟା॒ଦିତି॒ ମେଦ॑ସ୍ଵ॒-ତ୍ତସ୍ମା॒ ଆ ଦ॑ଦ୍ଧ୍ୟା॒ନ୍ମେଦୋ॑ରୂପା॒ ଵୈ ପ॒ଶଵୋ॑ ରୂ॒ପେଣୈ॒ଵାସ୍ମୈ॑ ପ॒ଶୂନଵ॑ ରୁନ୍ଧେ ପଶୁ॒ମାନେ॒ଵ ଭ॑ଵତି ପ୍ର॒ଜାପ॑ତିର୍ୟ॒ଜ୍ଞମ॑ସୃଜତ॒ ସ ଆଜ୍ୟ॑- [ସ ଆଜ୍ୟ᳚ମ୍, ପୁ॒ରସ୍ତା॑ଦସୃଜତ] 61
-ମ୍ପୁ॒ରସ୍ତା॑ଦସୃଜତ ପ॒ଶୁ-ମ୍ମ॑ଦ୍ଧ୍ୟ॒ତଃ ପୃ॑ଷଦା॒ଜ୍ୟ-ମ୍ପ॒ଶ୍ଚା-ତ୍ତସ୍ମା॒ଦାଜ୍ୟେ॑ନ ପ୍ରୟା॒ଜା ଇ॑ଜ୍ୟନ୍ତେ ପ॒ଶୁନା॑ ମଦ୍ଧ୍ୟ॒ତଃ ପୃ॑ଷଦା॒ଜ୍ୟେନା॑-ନୂୟା॒ଜା-ସ୍ତସ୍ମା॑ଦେ॒ତନ୍ମି॒ଶ୍ରମି॑ଵ ପଶ୍ଚା-ଥ୍ସୃ॒ଷ୍ଟଗ୍ଗ୍ ହ୍ୟେକା॑ଦଶାନୂୟା॒ଜାନ୍. ୟ॑ଜତି॒ ଦଶ॒ ଵୈ ପ॒ଶୋଃ ପ୍ରା॒ଣା ଆ॒ତ୍ମୈକା॑ଦ॒ଶୋ ୟାଵା॑ନେ॒ଵ ପ॒ଶୁସ୍ତମନୁ॑ ୟଜତି॒ ଘ୍ନନ୍ତି॒ ଵା ଏ॒ତ-ତ୍ପ॒ଶୁଂ-ୟଁ-ଥ୍ସଂ᳚(2)ଜ୍ଞ॒ପୟ॑ନ୍ତି ପ୍ରାଣାପା॒ନୌ ଖଲୁ॒ ଵା ଏ॒ତୌ ପ॑ଶୂ॒ନାଂ-ୟଁ-ତ୍ପୃ॑ଷଦା॒ଜ୍ୟଂ-ୟଁ-ତ୍ପୃ॑ଷଦା॒ଜ୍ୟେନା॑ ନୂୟା॒ଜାନ୍. ୟଜ॑ତି ପ୍ରାଣାପା॒ନାଵେ॒ଵ ପ॒ଶୁଷୁ॑ ଦଧାତି ॥ 62 ॥
(ଘ୍ନନ୍ତି॒ – ୟନ୍ତଂ॒ – ଖଲୁ॑ – ଚ॒ତୁରୁପ॑ ହ୍ଵୟତ॒ – ଆଜ୍ୟଂ॒ – ୟଁ-ତ୍ପୃ॑ଷଦା॒ଜ୍ୟେନ॒ – ଷଟ୍ ଚ॑) (ଅ. 11)
(ଚାତ୍ଵା॑ଲାଥ୍ – ସୁଵ॒ର୍ଗାୟ॒ ୟ-ଦ୍ଵୈ॑ସର୍ଜ॒ନାନି॑ – ଵୈଷ୍ଣ॒ଵ୍ୟର୍ଚା – ପୃ॑ଥି॒ଵ୍ୟୈ – ସା॒ଧ୍ୟା – ଇ॒ଷେ ତ୍ଵେ – ତ୍ୟ॒ଗ୍ନିନା॒ – ପର୍ୟ॑ଗ୍ନି – ପ॒ଶୋଃ – ପ॒ଶୁମା॒ଲଭ୍ୟ॒ – ମେଦ॑ସା॒ ସ୍ରୁଚା॒ – ଵେକା॑ଦଶ)
(ଚାତ୍ଵା॑ଲା-ଦ୍- ଦେ॒ଵାନୁ॒ପୈତି॑ – ମୁଞ୍ଚତି – ପ୍ରହ୍ରି॒ୟମା॑ଣାୟ॒ – ପର୍ୟ॑ଗ୍ନି – ପ॒ଶୁମା॒ଲଭ୍ୟ॒ – ଚତୁ॑ଷ୍ପାଦୋ॒ – ଦ୍ଵିଷ॑ଷ୍ଟିଃ)
(ଚାତ୍ଵା॑ଲା, ତ୍ପ॒ଶୁଷୁ॑ ଦଧାତି)
॥ ହରିଃ॑ ଓମ୍ ॥
॥ କୃଷ୍ଣ ୟଜୁର୍ଵେଦୀୟ ତୈତ୍ତିରୀୟ ସଂହିତାୟାଂ ଷଷ୍ଠକାଣ୍ଡେ ତୃତୀୟଃ ପ୍ରଶ୍ନ-ସ୍ସମାପ୍ତଃ ॥