5.1 – 𑌸𑌾𑌵𑌿𑌤𑍍𑌰𑌾𑌣𑌿 𑌜𑍁𑌹𑍋𑌤𑌿 𑌪𑍍𑌰𑌸𑍂𑌤𑍍𑌯𑍈 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃 – 𑌉𑌖𑍍𑌯𑌾𑌗𑍍𑌨𑌿𑌕𑌥𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌸𑌾॒𑌵𑌿॒𑌤𑍍𑌰𑌾𑌣𑌿॑ 𑌜𑍁𑌹𑍋𑌤𑌿॒ 𑌪𑍍𑌰𑌸𑍂᳚𑌤𑍍𑌯𑍈 𑌚𑌤𑍁𑌰𑍍𑌗𑍃𑌹𑍀॒𑌤𑍇𑌨॑ 𑌜𑍁𑌹𑍋𑌤𑌿॒ 𑌚𑌤𑍁॑𑌷𑍍𑌪𑌾𑌦𑌃 𑌪॒𑌶𑌵𑌃॑ 𑌪॒𑌶𑍂𑌨𑍇॒𑌵𑌾-𑌽𑌵॑ 𑌰𑍁𑌨𑍍𑌧𑍇॒ 𑌚𑌤॑𑌸𑍍𑌰𑍋॒ 𑌦𑌿𑌶𑍋॑ 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌦𑍇॒𑌵𑍇𑌭𑍍𑌯𑍋 𑌽𑌪𑌾᳚-𑌽𑌕𑍍𑌰𑌾𑌮॒-𑌨𑍍𑌨 𑌵𑍋॑ 𑌭𑌾॒𑌗𑌾𑌨𑌿॑ 𑌹॒𑌵𑍍𑌯𑌂-𑌵𑌁॑𑌕𑍍𑌷𑍍𑌯𑌾𑌮॒ 𑌇𑌤𑌿॒ 𑌤𑍇𑌭𑍍𑌯॑ 𑌏॒𑌤𑌚𑍍𑌚॑𑌤𑍁-𑌰𑍍𑌗𑍃𑌹𑍀॒𑌤𑌮॑-𑌧𑌾𑌰𑌯-𑌨𑍍𑌪𑍁𑌰𑍋-𑌽𑌨𑍁 𑌵𑌾॒𑌕𑍍𑌯𑌾॑𑌯𑍈 𑌯𑌾॒𑌜𑍍𑌯𑌾॑𑌯𑍈 𑌦𑍇॒𑌵𑌤𑌾॑𑌯𑍈 𑌵𑌷𑌟𑍍𑌕𑌾॒𑌰𑌾𑌯॒ 𑌯𑌚𑍍𑌚॑𑌤𑍁𑌰𑍍𑌗𑍃𑌹𑍀॒𑌤-𑌞𑍍𑌜𑍁॒𑌹𑍋𑌤𑌿॒ 𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌤-𑌤𑍍𑌪𑍍𑌰𑍀॑𑌣𑌾𑌤𑌿॒ 𑌤𑌾𑌨𑍍𑌯॑𑌸𑍍𑌯 𑌪𑍍𑌰𑍀॒𑌤𑌾𑌨𑌿॑ 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁॑𑌹𑌨𑍍𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ [𑌯-𑌙𑍍𑌕𑌾॒𑌮𑌯𑍇॑𑌤, 𑌪𑌾𑌪𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑍇𑌕𑍈॑𑌕॒-] 1

𑌪𑌾𑌪𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑍇𑌕𑍈॑𑌕॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾॒-𑌦𑌾𑌹𑍁॑𑌤𑍀𑌭𑌿𑌰𑍇॒𑌵𑍈𑌨॒𑌮𑌪॑ 𑌗𑍃𑌹𑍍𑌣𑌾𑌤𑌿॒ 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌵𑌸𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॒ 𑌸𑌰𑍍𑌵𑌾॑𑌣𑌿॒ 𑌤𑌸𑍍𑌯𑌾॑-𑌽𑌨𑍁॒𑌦𑍍𑌰𑍁𑌤𑍍𑌯॑ 𑌜𑍁𑌹𑍁𑌯𑌾॒𑌦𑌾𑌹𑍁॑𑌤𑍍𑌯𑍈॒𑌵𑍈𑌨॑𑌮॒𑌭𑌿 𑌕𑍍𑌰॑𑌮𑌯𑌤𑌿॒ 𑌵𑌸𑍀॑𑌯𑌾-𑌨𑍍𑌭𑌵॒𑌤𑍍𑌯𑌥𑍋॑ 𑌯॒𑌜𑍍𑌞𑌸𑍍𑌯𑍈॒𑌵𑍈𑌷𑌾-𑌽𑌭𑌿𑌕𑍍𑌰𑌾᳚𑌨𑍍𑌤𑌿॒𑌰𑍇𑌤𑌿॒ 𑌵𑌾 𑌏॒𑌷 𑌯॑𑌜𑍍𑌞𑌮𑍁॒𑌖𑌾-𑌦𑍃𑌦𑍍𑌧𑍍𑌯𑌾॒ 𑌯𑍋᳚-𑌽𑌗𑍍𑌨𑍇𑌰𑍍𑌦𑍇॒𑌵𑌤𑌾॑𑌯𑌾॒ 𑌏𑌤𑍍𑌯॒𑌷𑍍𑌟𑌾𑌵𑍇॒𑌤𑌾𑌨𑌿॑ 𑌸𑌾𑌵𑌿॒𑌤𑍍𑌰𑌾𑌣𑌿॑ 𑌭𑌵𑌨𑍍𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚- [𑌗𑌾॑𑌯॒𑌤𑍍𑌰𑌃, 𑌅॒𑌗𑍍𑌨𑌿𑌸𑍍𑌤𑍇𑌨𑍈॒𑌵] 2

-𑌽𑌗𑍍𑌨𑌿𑌸𑍍𑌤𑍇𑌨𑍈॒𑌵 𑌯॑𑌜𑍍𑌞𑌮𑍁॒𑌖𑌾𑌦𑍃𑌦𑍍𑌧𑍍𑌯𑌾॑ 𑌅॒𑌗𑍍𑌨𑍇𑌰𑍍𑌦𑍇॒𑌵𑌤𑌾॑𑌯𑍈॒ 𑌨𑍈𑌤𑍍𑌯॒𑌷𑍍𑌟𑍌 𑌸𑌾॑𑌵𑌿॒𑌤𑍍𑌰𑌾𑌣𑌿॑ 𑌭𑌵॒𑌨𑍍𑌤𑍍𑌯𑌾𑌹𑍁॑𑌤𑌿𑌰𑍍𑌨𑌵॒𑌮𑍀 𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌯॑𑌜𑍍𑌞𑌮𑍁॒𑌖𑍇 𑌵𑌿𑌯𑌾॑𑌤𑌯𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌯𑌜𑍍𑌞𑌯𑌶॒𑌸𑍇𑌨𑌾᳚ 𑌽𑌰𑍍𑌪𑌯𑍇𑌯॒𑌮𑌿𑌤𑍍𑌯𑍃𑌚॑𑌮𑌨𑍍𑌤॒𑌮𑌾-𑌙𑍍𑌕𑍁॑𑌰𑍍𑌯𑌾॒𑌚𑍍𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌯॑𑌜𑍍𑌞𑌯𑌶॒𑌸𑍇𑌨𑌾᳚ 𑌽𑌰𑍍𑌪𑌯𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌯𑌜॑𑌮𑌾𑌨𑌂-𑌯𑌁𑌜𑍍𑌞𑌯𑌶॒𑌸𑍇𑌨𑌾᳚-𑌽𑌰𑍍𑌪𑌯𑍇𑌯॒𑌮𑌿𑌤𑌿॒ 𑌯𑌜𑍁॑𑌰𑌨𑍍𑌤॒𑌮-𑌙𑍍𑌕𑍁॑𑌰𑍍𑌯𑌾॒-𑌦𑍍𑌯𑌜॑𑌮𑌾𑌨𑌮𑍇॒𑌵 𑌯॑𑌜𑍍𑌞𑌯𑌶॒𑌸𑍇𑌨𑌾᳚-𑌽𑌰𑍍𑌪𑌯𑌤𑍍𑌯𑍃॒𑌚𑌾 𑌸𑍍𑌤𑍋𑌮॒𑌗𑍍​𑌮𑍍॒ 𑌸𑌮॑𑌰𑍍𑌧॒𑌯𑍇- [𑌸𑌮॑𑌰𑍍𑌧॒𑌯𑍇𑌤𑌿॑, 𑌆॒𑌹॒ 𑌸𑌮𑍃॑𑌦𑍍𑌧𑍍𑌯𑍈] 3

-𑌤𑍍𑌯𑌾॑𑌹॒ 𑌸𑌮𑍃॑𑌦𑍍𑌧𑍍𑌯𑍈 𑌚॒𑌤𑍁𑌰𑍍𑌭𑌿॒𑌰𑌭𑍍𑌰𑌿॒𑌮𑌾 𑌦॑𑌤𑍍𑌤𑍇 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑍍𑌯𑌾॑𑌹॒ 𑌪𑍍𑌰𑌸𑍂᳚𑌤𑍍𑌯𑌾 𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌸 𑌵𑍇𑌣𑍁॒-𑌮𑍍𑌪𑍍𑌰𑌾-𑌽𑌵𑌿॑𑌶॒-𑌥𑍍𑌸 𑌏॒𑌤𑌾𑌮𑍂॒𑌤𑌿𑌮𑌨𑍁॒ 𑌸𑌮॑𑌚𑌰॒-𑌦𑍍𑌯-𑌦𑍍𑌵𑍇𑌣𑍋᳚-𑌸𑍍𑌸𑍁𑌷𑌿॒𑌰𑌗𑍍​𑌮𑍍 𑌸𑍁॑𑌷𑌿॒𑌰𑌾-𑌽𑌭𑍍𑌰𑌿॑𑌰𑍍𑌭𑌵𑌤𑌿 𑌸𑌯𑍋𑌨𑌿॒𑌤𑍍𑌵𑌾𑌯॒ 𑌸 𑌯𑌤𑍍𑌰॑𑌯॒𑌤𑍍𑌰𑌾-𑌽𑌵॑𑌸॒-𑌤𑍍𑌤-𑌤𑍍𑌕𑍃॒𑌷𑍍𑌣𑌮॑𑌭𑌵-𑌤𑍍𑌕𑌲𑍍𑌮𑌾॒𑌷𑍀 𑌭॑𑌵𑌤𑌿 𑌰𑍂॒𑌪𑌸॑𑌮𑍃𑌦𑍍𑌧𑍍𑌯𑌾 𑌉𑌭𑌯𑌤𑌃॒, 𑌕𑍍𑌷𑍍𑌣𑍂𑌰𑍍𑌭॑𑌵𑌤𑍀॒𑌤𑌶𑍍𑌚𑌾॒-𑌽-𑌮𑍁𑌤॑𑌶𑍍𑌚𑌾॒-𑌽𑌰𑍍𑌕𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 𑌵𑍍𑌯𑌾𑌮𑌮𑌾॒𑌤𑍍𑌰𑍀 𑌭॑𑌵𑌤𑍍𑌯𑍇॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯𑌂॑-𑌵𑍀𑌁॒𑌰𑍍𑌯॑𑌸𑌮𑍍𑌮𑌿॒𑌤𑌾 𑌽𑌪॑𑌰𑌿𑌮𑌿𑌤𑌾 𑌭𑌵॒𑌤𑍍𑌯-𑌪॑𑌰𑌿𑌮𑌿𑌤॒𑌸𑍍𑌯𑌾-𑌽 𑌵॑𑌰𑍁𑌦𑍍𑌧𑍍𑌯𑍈॒ 𑌯𑍋 𑌵𑌨॒𑌸𑍍𑌪𑌤𑍀॑𑌨𑌾-𑌮𑍍𑌫𑌲॒𑌗𑍍𑌰𑌹𑌿॒-𑌸𑍍𑌸 𑌏॑𑌷𑌾𑌂-𑌵𑍀𑌁॒𑌰𑍍𑌯𑌾॑𑌵𑌾-𑌨𑍍𑌫𑌲॒𑌗𑍍𑌰𑌹𑌿॒𑌰𑍍𑌵𑍇𑌣𑍁॑-𑌰𑍍𑌵𑍈𑌣॒𑌵𑍀 𑌭॑𑌵𑌤𑌿 𑌵𑍀॒𑌰𑍍𑌯॑𑌸𑍍𑌯𑌾 𑌵॑𑌰𑍁𑌦𑍍𑌧𑍍𑌯𑍈 ॥ 4 ॥
(𑌕𑌾॒𑌮𑌯𑍇॑𑌤 – 𑌗𑌾𑌯॒𑌤𑍍𑌰𑍋᳚ – 𑌽𑌰𑍍𑌧॒𑌯𑍇𑌤𑌿॑ – 𑌚 – 𑌸॒𑌪𑍍𑌤𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 1)

𑌵𑍍𑌯𑍃॑𑌦𑍍𑌧𑌂॒-𑌵𑌾𑌁 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦॑𑌯॒𑌜𑍁𑌷𑍍𑌕𑍇॑𑌣 𑌕𑍍𑌰𑌿॒𑌯𑌤॑ 𑌇॒𑌮𑌾𑌮॑𑌗𑍃𑌭𑍍𑌣-𑌨𑍍𑌰𑌶॒𑌨𑌾-𑌮𑍃॒𑌤𑌸𑍍𑌯𑍇𑌤𑍍𑌯॑𑌶𑍍𑌵𑌾𑌭𑌿॒𑌧𑌾𑌨𑍀॒𑌮𑌾 𑌦॑𑌤𑍍𑌤𑍇॒ 𑌯𑌜𑍁॑𑌷𑍍𑌕𑍃𑌤𑍍𑌯𑍈 𑌯॒𑌜𑍍𑌞𑌸𑍍𑌯॒ 𑌸𑌮𑍃॑𑌦𑍍𑌧𑍍𑌯𑍈॒ 𑌪𑍍𑌰𑌤𑍂᳚𑌰𑍍𑌤𑌂-𑌵𑌾𑌁𑌜𑌿॒𑌨𑍍𑌨𑌾 𑌦𑍍𑌰॒𑌵𑍇𑌤𑍍𑌯𑌶𑍍𑌵॑-𑌮॒𑌭𑌿 𑌦॑𑌧𑌾𑌤𑌿 𑌰𑍂॒𑌪𑌮𑍇॒𑌵𑌾-𑌽𑌸𑍍𑌯𑍈॒𑌤-𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 𑌯𑍁॒𑌞𑍍𑌜𑌾𑌥𑌾॒𑌗𑍍​𑌮𑍍॒ 𑌰𑌾𑌸॑𑌭𑌂-𑌯𑍁𑌁॒𑌵𑌮𑌿𑌤𑌿॑ 𑌗𑌰𑍍𑌦॒𑌭-𑌮𑌸॑𑌤𑍍𑌯𑍇॒𑌵 𑌗॑𑌰𑍍𑌦॒𑌭-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑌿॒ 𑌤𑌸𑍍𑌮𑌾॒𑌦𑌶𑍍𑌵𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌸॑𑌤𑍍𑌤𑌰𑍋॒ 𑌯𑍋𑌗𑍇॑𑌯𑍋𑌗𑍇 𑌤॒𑌵𑌸𑍍𑌤॑𑌰॒𑌮𑌿𑌤𑍍𑌯𑌾॑𑌹॒ [𑌤॒𑌵𑌸𑍍𑌤॑𑌰॒𑌮𑌿𑌤𑍍𑌯𑌾॑𑌹, 𑌯𑍋𑌗𑍇॑𑌯𑍋𑌗] 5

𑌯𑍋𑌗𑍇॑𑌯𑍋𑌗 𑌏॒𑌵𑍈𑌨𑌂॑-𑌯𑍁𑌁𑌙𑍍𑌕𑍍𑌤𑍇॒ 𑌵𑌾𑌜𑍇॑𑌵𑌾𑌜𑍇 𑌹𑌵𑌾𑌮𑌹॒ 𑌇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌵𑌾𑌜𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌸𑌖𑌾॑𑌯॒ 𑌇𑌨𑍍𑌦𑍍𑌰॑𑌮𑍂॒𑌤𑌯॒ 𑌇𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌤-𑌮𑍍𑌪𑍍𑌰॒𑌜𑌾𑌪॑𑌤𑌿॒𑌰𑌨𑍍𑌵॑𑌵𑌿𑌨𑍍𑌦-𑌤𑍍𑌪𑍍𑌰𑌾𑌜𑌾𑌪॒𑌤𑍍𑌯𑍋-𑌽𑌶𑍍𑌵𑍋 𑌽𑌶𑍍𑌵𑍇॑𑌨॒ 𑌸-𑌮𑍍𑌭॑𑌰॒𑌤𑍍𑌯𑌨𑍁॑𑌵𑌿𑌤𑍍𑌤𑍍𑌯𑍈 𑌪𑌾𑌪𑌵𑌸𑍍𑌯॒𑌸𑌂-𑌵𑌾𑌁 𑌏॒𑌤-𑌤𑍍𑌕𑍍𑌰𑌿॑𑌯𑌤𑍇॒ 𑌯𑌚𑍍𑌛𑍍𑌰𑍇𑌯॑𑌸𑌾 𑌚॒ 𑌪𑌾𑌪𑍀॑𑌯𑌸𑌾 𑌚 𑌸𑌮𑌾॒𑌨-𑌙𑍍𑌕𑌰𑍍𑌮॑ 𑌕𑍁॒𑌰𑍍𑌵𑌨𑍍𑌤𑌿॒ 𑌪𑌾𑌪𑍀॑𑌯𑌾॒𑌨𑍍॒.- [𑌪𑌾𑌪𑍀॑𑌯𑌾𑌨𑍍, 𑌹𑍍𑌯𑌶𑍍𑌵𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌶𑍍𑌵॒-] 6

-𑌹𑍍𑌯𑌶𑍍𑌵𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌶𑍍𑌵॒-𑌮𑍍𑌪𑍂𑌰𑍍𑌵॑-𑌨𑍍𑌨𑌯𑌨𑍍𑌤𑌿 𑌪𑌾𑌪𑌵𑌸𑍍𑌯॒-𑌸𑌸𑍍𑌯॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ 𑌤𑌸𑍍𑌮𑌾॒𑌚𑍍𑌛𑍍𑌰𑍇𑌯𑌾𑌗𑍍​𑌮𑍍॑𑌸॒-𑌮𑍍𑌪𑌾𑌪𑍀॑𑌯𑌾-𑌨𑍍𑌪॒𑌶𑍍𑌚𑌾𑌦𑌨𑍍𑌵𑍇॑𑌤𑌿 𑌬॒𑌹𑍁𑌰𑍍𑌵𑍈 𑌭𑌵॑𑌤𑍋॒ 𑌭𑍍𑌰𑌾𑌤𑍃॑𑌵𑍍𑌯𑍋॒ 𑌭𑌵॑𑌤𑍀𑌵॒ 𑌖𑌲𑍁॒ 𑌵𑌾 𑌏॒𑌷 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌵॒𑌜𑍍𑌰𑍍𑌯𑌶𑍍𑌵𑌃॑ 𑌪𑍍𑌰॒𑌤𑍂𑌰𑍍𑌵॒𑌨𑍍𑌨𑍇𑌹𑍍𑌯॑𑌵॒-𑌕𑍍𑌰𑌾𑌮॒𑌨𑍍𑌨-𑌶॑𑌸𑍍𑌤𑍀॒𑌰𑌿𑌤𑍍𑌯𑌾॑𑌹॒ 𑌵𑌜𑍍𑌰𑍇॑𑌣𑍈॒𑌵 𑌪𑌾॒𑌪𑍍𑌮𑌾𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯॒𑌮𑌵॑ 𑌕𑍍𑌰𑌾𑌮𑌤𑌿 𑌰𑍁॒𑌦𑍍𑌰𑌸𑍍𑌯॒ 𑌗𑌾𑌣॑𑌪𑌤𑍍𑌯𑌾॒𑌦𑌿𑌤𑍍𑌯𑌾॑𑌹 𑌰𑍌॒𑌦𑍍𑌰𑌾 𑌵𑍈 𑌪॒𑌶𑌵𑍋॑ 𑌰𑍁॒𑌦𑍍𑌰𑌾𑌦𑍇॒𑌵 [ ] 𑍭

𑌪॒𑌶𑍂-𑌨𑍍𑌨𑌿॒𑌰𑍍𑌯𑌾𑌚𑍍𑌯𑌾॒-𑌽𑌽𑌤𑍍𑌮𑌨𑍇॒ 𑌕𑌰𑍍𑌮॑ 𑌕𑍁𑌰𑍁𑌤𑍇 𑌪𑍂॒𑌷𑍍𑌣𑌾 𑌸॒𑌯𑍁𑌜𑌾॑ 𑌸॒𑌹𑍇𑌤𑍍𑌯𑌾॑𑌹 𑌪𑍂॒𑌷𑌾 𑌵𑌾 𑌅𑌦𑍍𑌧𑍍𑌵॑𑌨𑌾𑌗𑍍​𑌮𑍍 𑌸𑌨𑍍𑌨𑍇॒𑌤𑌾 𑌸𑌮॑𑌷𑍍𑌟𑍍𑌯𑍈॒ 𑌪𑍁𑌰𑍀॑𑌷𑌾𑌯𑌤𑌨𑍋॒ 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑌙𑍍𑌗𑌿॑𑌰𑌸𑍋॒ 𑌵𑌾 𑌏॒𑌤𑌮𑌗𑍍𑌰𑍇॑ 𑌦𑍇॒𑌵𑌤𑌾॑𑌨𑌾॒𑌗𑍍​𑌮𑍍॒ 𑌸𑌮॑𑌭𑌰-𑌨𑍍𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑𑌦॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑌚𑍍𑌛𑍇॒𑌹𑍀𑌤𑍍𑌯𑌾॑𑌹॒ 𑌸𑌾𑌯॑𑌤𑌨𑌮𑍇॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌭𑌿॒-𑌸𑍍𑌸-𑌮𑍍𑌭॑𑌰𑌤𑍍𑌯॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵- 𑌦𑌚𑍍𑌛𑍇॑𑌮॒ 𑌇𑌤𑍍𑌯𑌾॑𑌹॒ 𑌯𑍇𑌨॑ [ ] 𑍮

𑌸॒𑌙𑍍𑌗𑌚𑍍𑌛॑𑌤𑍇॒ 𑌵𑌾𑌜॑𑌮𑍇॒𑌵𑌾𑌸𑍍𑌯॑ 𑌵𑍃𑌙𑍍𑌕𑍍𑌤𑍇 𑌪𑍍𑌰॒𑌜𑌾𑌪॑𑌤𑌯𑍇 𑌪𑍍𑌰𑌤𑌿॒𑌪𑍍𑌰𑍋𑌚𑍍𑌯𑌾॒𑌗𑍍𑌨𑌿-𑌸𑍍𑌸॒𑌮𑍍𑌭𑍃𑌤𑍍𑌯॒ 𑌇𑌤𑍍𑌯𑌾॑𑌹𑍁𑌰𑌿॒𑌯𑌂-𑌵𑍈𑌁 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌸𑍍𑌯𑌾॑ 𑌏॒𑌤𑌚𑍍𑌛𑍍𑌰𑍋𑌤𑍍𑌰𑌂॒-𑌯𑌁𑌦𑍍𑌵॒𑌲𑍍𑌮𑍀𑌕𑍋॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌿𑌷𑍍𑌯𑌾𑌮॒ 𑌇𑌤𑌿॑ 𑌵𑌲𑍍𑌮𑍀𑌕𑌵॒𑌪𑌾𑌮𑍁𑌪॑ 𑌤𑌿𑌷𑍍𑌠𑌤𑍇 𑌸𑌾॒𑌕𑍍𑌷𑌾𑌦𑍇॒𑌵 𑌪𑍍𑌰॒𑌜𑌾𑌪॑𑌤𑌯𑍇 𑌪𑍍𑌰𑌤𑌿॒𑌪𑍍𑌰𑍋𑌚𑍍𑌯𑌾॒-𑌽𑌗𑍍𑌨𑌿𑌗𑍍​𑌮𑍍 𑌸-𑌮𑍍𑌭॑𑌰𑌤𑍍𑌯॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌾𑌮॒ 𑌇𑌤𑍍𑌯𑌾॑𑌹॒ 𑌯𑍇𑌨॑ 𑌸॒𑌗𑌞𑍍𑌚𑍍𑌛॑𑌤𑍇॒ 𑌵𑌾𑌜॑𑌮𑍇॒𑌵𑌾𑌸𑍍𑌯॑ 𑌵𑍃॒𑌙𑍍𑌕𑍍𑌤𑍇 𑌽𑌨𑍍𑌵॒𑌗𑍍𑌨𑌿𑌰𑍁॒𑌷𑌸𑌾॒𑌮𑌗𑍍𑌰॑- [-𑌽𑌨𑍍𑌵॒𑌗𑍍𑌨𑌿𑌰𑍁॒𑌷𑌸𑌾॒𑌮𑌗𑍍𑌰᳚𑌮𑍍, 𑌅॒𑌖𑍍𑌯॒𑌦𑌿𑌤𑍍𑌯𑌾॒𑌹𑌾-] 𑍯

-𑌮𑌖𑍍𑌯॒𑌦𑌿𑌤𑍍𑌯𑌾॒𑌹𑌾-𑌨𑍁॑𑌖𑍍𑌯𑌾𑌤𑍍𑌯𑌾 𑌆॒𑌗𑌤𑍍𑌯॑ 𑌵𑌾॒𑌜𑍍𑌯𑌦𑍍𑌧𑍍𑌵॑𑌨 𑌆॒𑌕𑍍𑌰𑌮𑍍𑌯॑ 𑌵𑌾𑌜𑌿-𑌨𑍍𑌪𑍃𑌥𑌿॒𑌵𑍀𑌮𑌿𑌤𑍍𑌯𑌾॑𑌹𑍇॒𑌚𑍍𑌛𑌤𑍍𑌯𑍇॒𑌵𑍈𑌨॒-𑌮𑍍𑌪𑍂𑌰𑍍𑌵॑𑌯𑌾 𑌵𑌿॒𑌨𑍍𑌦𑌤𑍍𑌯𑍁𑌤𑍍𑌤॑𑌰𑌯𑌾॒ 𑌦𑍍𑌵𑌾𑌭𑍍𑌯𑌾॒𑌮𑌾 𑌕𑍍𑌰॑𑌮𑌯𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌅𑌨𑍁॑𑌰𑍂𑌪𑌾𑌭𑍍𑌯𑌾॒-𑌨𑍍𑌤𑌸𑍍𑌮𑌾॒𑌦𑌨𑍁॑𑌰𑍂𑌪𑌾𑌃 𑌪॒𑌶𑌵𑌃॒ 𑌪𑍍𑌰𑌜𑌾॑𑌯𑌨𑍍𑌤𑍇॒ 𑌦𑍍𑌯𑍌𑌸𑍍𑌤𑍇॑ 𑌪𑍃॒𑌷𑍍𑌠-𑌮𑍍𑌪𑍃॑𑌥𑌿॒𑌵𑍀 𑌸॒𑌧𑌸𑍍𑌥॒𑌮𑌿𑌤𑍍𑌯𑌾॑𑌹𑍈॒𑌭𑍍𑌯𑍋 𑌵𑌾 𑌏॒𑌤𑌂-𑌲𑍋𑌁॒𑌕𑍇𑌭𑍍𑌯𑌃॑ 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌮𑍈॑𑌰𑌯-𑌦𑍍𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒-𑌤𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 𑌵॒𑌜𑍍𑌰𑍀 𑌵𑌾 𑌏॒𑌷 𑌯𑌦𑌶𑍍𑌵𑍋॑ 𑌦॒-𑌦𑍍𑌭𑌿𑌰॒𑌨𑍍𑌯𑌤𑍋॑𑌦𑌦𑍍𑌭𑍍𑌯𑍋॒ 𑌭𑍂𑌯𑌾𑌂॒-𑌲𑍋𑌁𑌮॑𑌭𑌿𑌰𑍁𑌭॒𑌯𑌾𑌦॑𑌦𑍍𑌭𑍍𑌯𑍋॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤𑌮॑𑌧𑌸𑍍𑌪॒𑌦-𑌨𑍍𑌧𑍍𑌯𑌾॑𑌯𑍇॒-𑌦𑍍𑌵𑌜𑍍𑌰𑍇॑𑌣𑍈॒𑌵𑍈𑌨𑌗𑍍𑌗𑍍॑ 𑌸𑍍𑌤𑍃𑌣𑍁𑌤𑍇 ॥ 10 ॥
(𑌆॒𑌹॒ – 𑌪𑌾𑌪𑍀॑𑌯𑌾𑌨𑍍 – 𑌰𑍁॒𑌦𑍍𑌰𑌾𑌦𑍇॒𑌵 – 𑌯𑍇𑌨𑌾 – 𑌽𑌗𑍍𑌰𑌂॑ – ​𑌵𑌁॒𑌜𑍍𑌰𑍀 𑌵𑍈 – 𑌸॒𑌪𑍍𑌤𑌦॑𑌶 𑌚) (𑌅. 2)

𑌉𑌤𑍍𑌕𑍍𑌰𑌾॒𑌮𑍋-𑌦॑𑌕𑍍𑌰𑌮𑍀॒𑌦𑌿𑌤𑌿॒ 𑌦𑍍𑌵𑌾𑌭𑍍𑌯𑌾॒𑌮𑍁𑌤𑍍𑌕𑍍𑌰॑𑌮𑌯𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌅𑌨𑍁॑𑌰𑍂𑌪𑌾𑌭𑍍𑌯𑌾॒-𑌨𑍍𑌤𑌸𑍍𑌮𑌾॒𑌦𑌨𑍁॑𑌰𑍂𑌪𑌾𑌃 𑌪॒𑌶𑌵𑌃॒ 𑌪𑍍𑌰𑌜𑌾॑𑌯𑌨𑍍𑌤𑍇॒ 𑌽𑌪 𑌉𑌪॑ 𑌸𑍃𑌜𑌤𑌿॒ 𑌯𑌤𑍍𑌰॒ 𑌵𑌾 𑌆𑌪॑ 𑌉𑌪॒ 𑌗𑌚𑍍𑌛॑𑌨𑍍𑌤𑌿॒ 𑌤𑌦𑍋𑌷॑𑌧𑌯𑌃॒ 𑌪𑍍𑌰𑌤𑌿॑ 𑌤𑌿𑌷𑍍𑌠॒𑌨𑍍𑌤𑍍𑌯𑍋𑌷॑𑌧𑍀𑌃 𑌪𑍍𑌰𑌤𑌿॒𑌤𑌿𑌷𑍍𑌠॑𑌨𑍍𑌤𑍀𑌃 𑌪॒𑌶𑌵𑍋-𑌽𑌨𑍁॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 𑌪॒𑌶𑍂𑌨𑍍. 𑌯॒𑌜𑍍𑌞𑍋 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑍋॒ 𑌯𑌜॑𑌮𑌾𑌨-𑌮𑍍𑌪𑍍𑌰॒𑌜𑌾𑌸𑍍𑌤𑌸𑍍𑌮𑌾॑𑌦॒𑌪 𑌉𑌪॑ 𑌸𑍃𑌜𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑌦॑𑌦𑍍𑌧𑍍𑌵॒𑌰𑍍𑌯𑍁-𑌰॑𑌨॒𑌗𑍍𑌨𑌾𑌵𑌾𑌹𑍁॑𑌤𑌿-𑌞𑍍𑌜𑍁𑌹𑍁॒𑌯𑌾𑌦॒𑌨𑍍𑌧𑍋᳚ 𑌽𑌦𑍍𑌧𑍍𑌵॒𑌰𑍍𑌯𑍁- [-𑌽𑌦𑍍𑌧𑍍𑌵॒𑌰𑍍𑌯𑍁𑌃, 𑌸𑍍𑌯𑌾॒-𑌦𑍍𑌰𑌕𑍍𑌷𑌾𑌗𑍍​𑌮𑍍॑𑌸𑌿] 11

-𑌸𑍍𑌸𑍍𑌯𑌾॒-𑌦𑍍𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌯॒𑌜𑍍𑌞𑌗𑍍​𑌮𑍍 𑌹॑𑌨𑍍𑌯𑍁॒𑌰𑍍॒𑌹𑌿𑌰॑𑌣𑍍𑌯𑌮𑍁॒𑌪𑌾𑌸𑍍𑌯॑ 𑌜𑍁𑌹𑍋𑌤𑍍𑌯𑌗𑍍𑌨𑌿॒𑌵𑌤𑍍𑌯𑍇॒𑌵 𑌜𑍁॑𑌹𑍋𑌤𑌿॒ 𑌨𑌾𑌨𑍍𑌧𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁𑌰𑍍𑌭𑌵॑𑌤𑌿॒ 𑌨 𑌯॒𑌜𑍍𑌞𑌗𑍍​𑌮𑍍 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌘𑍍𑌨𑌨𑍍𑌤𑌿॒ 𑌜𑌿𑌘॑𑌰𑍍𑌮𑍍𑌯॒𑌗𑍍𑌨𑌿-𑌮𑍍𑌮𑌨॑𑌸𑌾 𑌘𑍃॒𑌤𑍇𑌨𑍇𑌤𑍍𑌯𑌾॑𑌹॒ 𑌮𑌨॑𑌸𑌾॒ 𑌹𑌿 𑌪𑍁𑌰𑍁॑𑌷𑍋 𑌯॒𑌜𑍍𑌞𑌮॑𑌭𑌿॒𑌗𑌚𑍍𑌛॑𑌤𑌿 𑌪𑍍𑌰𑌤𑌿॒𑌕𑍍𑌷𑍍𑌯𑌨𑍍𑌤॒-𑌮𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑍇𑌤𑍍𑌯𑌾॑𑌹॒ 𑌸𑌰𑍍𑌵॒𑌗𑍍𑌗𑍍॒ 𑌹𑍍𑌯𑍇॑𑌷 𑌪𑍍𑌰॒𑌤𑍍𑌯-𑌙𑍍𑌕𑍍𑌷𑍇𑌤𑌿॑ 𑌪𑍃॒𑌥𑍁-𑌨𑍍𑌤𑌿॑𑌰॒𑌶𑍍𑌚𑌾 𑌵𑌯॑𑌸𑌾 𑌬𑍃॒𑌹𑌨𑍍𑌤॒𑌮𑌿𑌤𑍍𑌯𑌾॒𑌹𑌾-𑌽𑌲𑍍𑌪𑍋॒ 𑌹𑍍𑌯𑍇॑𑌷 𑌜𑌾॒𑌤𑍋 𑌮॒𑌹𑌾- [𑌮॒𑌹𑌾𑌨𑍍, 𑌭𑌵॑𑌤𑌿॒] 12

-𑌨𑍍𑌭𑌵॑𑌤𑌿॒ 𑌵𑍍𑌯𑌚𑌿॑𑌷𑍍𑌠॒𑌮𑌨𑍍𑌨𑌗𑍍​𑌮𑍍॑ 𑌰𑌭॒𑌸𑌂-𑌵𑌿𑌁𑌦𑌾॑𑌨॒𑌮𑌿𑌤𑍍𑌯𑌾॒𑌹𑌾 𑌽𑌨𑍍𑌨॑𑌮𑍇॒𑌵𑌾-𑌽𑌸𑍍𑌮𑍈᳚ 𑌸𑍍𑌵𑌦𑌯𑌤𑌿॒ 𑌸𑌰𑍍𑌵॑𑌮𑌸𑍍𑌮𑍈 𑌸𑍍𑌵𑌦𑌤𑍇॒ 𑌯 𑌏॒𑌵𑌂-𑌵𑍇𑌁𑌦𑌾 𑌽𑌽𑌤𑍍𑌵𑌾॑ 𑌜𑌿𑌘𑌰𑍍𑌮𑌿॒ 𑌵𑌚॑𑌸𑌾 𑌘𑍃॒𑌤𑍇𑌨𑍇𑌤𑍍𑌯𑌾॑𑌹॒ 𑌤𑌸𑍍𑌮𑌾॒-𑌦𑍍𑌯-𑌤𑍍𑌪𑍁𑌰𑍁॑𑌷𑍋॒ 𑌮𑌨॑𑌸𑌾-𑌽𑌭𑌿॒𑌗𑌚𑍍𑌛॑𑌤𑌿॒ 𑌤-𑌦𑍍𑌵𑌾॒𑌚𑌾 𑌵॑𑌦𑌤𑍍𑌯 𑌰॒𑌕𑍍𑌷𑌸𑍇𑌤𑍍𑌯𑌾॑𑌹॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌮𑌰𑍍𑌯॑𑌶𑍍𑌰𑍀-𑌸𑍍𑌸𑍍𑌪𑍃𑌹॒𑌯-𑌦𑍍𑌵॑𑌰𑍍𑌣𑍋 𑌅॒𑌗𑍍𑌨𑌿𑌰𑌿𑌤𑍍𑌯𑌾॒𑌹𑌾-𑌪॑𑌚𑌿𑌤𑌿𑌮𑍇॒𑌵𑌾-𑌽𑌸𑍍𑌮𑌿॑-𑌨𑍍𑌦𑌧𑌾॒𑌤𑍍𑌯-𑌪॑𑌚𑌿𑌤𑌿𑌮𑌾-𑌨𑍍𑌭𑌵𑌤𑌿॒ 𑌯 𑌏॒𑌵𑌂- [𑌯 𑌏॒𑌵𑌮𑍍, 𑌵𑍇𑌦॒ 𑌮𑌨॑𑌸𑌾॒ 𑌤𑍍𑌵𑍈] 13

-​𑌵𑍇𑌁𑌦॒ 𑌮𑌨॑𑌸𑌾॒ 𑌤𑍍𑌵𑍈 𑌤𑌾𑌮𑌾𑌪𑍍𑌤𑍁॑𑌮𑌰𑍍​𑌹𑌤𑌿॒ 𑌯𑌾𑌮॑𑌦𑍍𑌧𑍍𑌵॒𑌰𑍍𑌯𑍁𑌰॑-𑌨॒𑌗𑍍𑌨𑌾𑌵𑌾𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑌿॒ 𑌮𑌨॑𑌸𑍍𑌵𑌤𑍀𑌭𑍍𑌯𑌾-𑌞𑍍𑌜𑍁𑌹𑍋॒𑌤𑍍𑌯𑌾𑌹𑍁॑𑌤𑍍𑌯𑍋॒𑌰𑌾𑌪𑍍𑌤𑍍𑌯𑍈॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌯𑌜𑍍𑌞𑌮𑍁॒𑌖𑍇 𑌯॑𑌜𑍍𑌞𑌮𑍁𑌖𑍇॒ 𑌵𑍈 𑌕𑍍𑌰𑌿॒𑌯𑌮𑌾॑𑌣𑍇 𑌯॒𑌜𑍍𑌞𑌗𑍍​𑌮𑍍 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌜𑌿𑌘𑌾𑌗𑍍​𑌮𑍍 𑌸𑌨𑍍𑌤𑍍𑌯𑍇॒𑌤𑌰𑍍​𑌹𑌿॒ 𑌖𑌲𑍁॒ 𑌵𑌾 𑌏॒𑌤-𑌦𑍍𑌯॑𑌜𑍍𑌞𑌮𑍁॒𑌖𑌂-𑌯𑌁𑌰𑍍​𑌹𑍍𑌯𑍇॑𑌨॒-𑌦𑌾𑌹𑍁॑𑌤𑌿-𑌰𑌶𑍍𑌞𑍁॒𑌤𑍇 𑌪𑌰𑌿॑ 𑌲𑌿𑌖𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌤𑌿॒𑌸𑍃𑌭𑌿𑌃॒ 𑌪𑌰𑌿॑ 𑌲𑌿𑌖𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤𑌸𑍍𑌮𑌾॒-𑌦𑍍𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿 [𑌹𑌨𑍍𑌤𑌿, 𑌗𑌾॒𑌯॒𑌤𑍍𑌰𑌿॒𑌯𑌾 𑌪𑌰𑌿॑] 14

𑌗𑌾𑌯𑌤𑍍𑌰𑌿॒𑌯𑌾 𑌪𑌰𑌿॑ 𑌲𑌿𑌖𑌤𑌿॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 𑌤𑍇𑌜॑𑌸𑍈॒𑌵𑍈𑌨॒-𑌮𑍍𑌪𑌰𑌿॑𑌗𑍃𑌹𑍍𑌣𑌾𑌤𑌿 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌪𑌰𑌿॑ 𑌲𑌿𑌖𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌤𑍍𑌰𑌿॒𑌷𑍍𑌟𑍁-𑌗𑌿॑𑌨𑍍𑌦𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌮𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑍍𑌯𑌨𑍁॒𑌷𑍍𑌟𑍁𑌭𑌾॒ 𑌪𑌰𑌿॑ 𑌲𑌿𑌖𑌤𑍍𑌯𑌨𑍁॒𑌷𑍍𑌟𑍁-𑌫𑍍𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌪𑌰𑌿॒𑌭𑍂𑌃 𑌪𑌰𑍍𑌯𑌾᳚𑌪𑍍𑌤𑍍𑌯𑍈 𑌮𑌦𑍍𑌧𑍍𑌯॒𑌤𑍋॑-𑌽𑌨𑍁॒𑌷𑍍𑌟𑍁𑌭𑌾॒ 𑌵𑌾𑌗𑍍𑌵𑌾 𑌅॑𑌨𑍁॒𑌷𑍍𑌟𑍁-𑌪𑍍𑌤𑌸𑍍𑌮𑌾᳚-𑌨𑍍𑌮𑌦𑍍𑌧𑍍𑌯॒𑌤𑍋 𑌵𑌾॒𑌚𑌾 𑌵॑𑌦𑌾𑌮𑍋 𑌗𑌾𑌯𑌤𑍍𑌰𑌿॒𑌯𑌾 𑌪𑍍𑌰॑𑌥॒𑌮𑌯𑌾॒ 𑌪𑌰𑌿॑ 𑌲𑌿𑌖॒𑌤𑍍𑌯𑌥𑌾॑-𑌽𑌨𑍁॒𑌷𑍍𑌟𑍁𑌭𑌾-𑌽𑌥॑ 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 𑌯॒𑌜𑍍𑌞𑍋॑ 𑌽𑌨𑍁॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿॒𑌯-𑌨𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌤𑍇𑌜॑𑌸𑌾 𑌚𑍈॒𑌵𑍇𑌨𑍍𑌦𑍍𑌰𑌿॒𑌯𑍇𑌣॑ 𑌚𑍋𑌭॒𑌯𑌤𑍋॑ 𑌯॒𑌜𑍍𑌞-𑌮𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑌿 ॥ 15 ॥
(𑌅॒𑌨𑍍𑌧𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁 – 𑌰𑍍𑌮॒𑌹𑌾𑌨𑍍 – 𑌭॑𑌵𑌤𑌿॒ 𑌯 𑌏॒𑌵𑌗𑍍​𑌮𑍍 – 𑌹॑𑌨𑍍𑌤𑌿 – 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 – 𑌤𑍍𑌰𑌯𑍋॑𑌦𑌶 𑌚) (𑌅. 3)

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑌿॑ 𑌖𑌨𑌤𑌿॒ 𑌪𑍍𑌰𑌸𑍂᳚𑌤𑍍𑌯𑌾॒ 𑌅𑌥𑍋॑ 𑌧𑍂॒𑌮-𑌮𑍇॒𑌵𑍈𑌤𑍇𑌨॑ 𑌜𑌨𑌯𑌤𑌿॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌸𑍁॒𑌪𑍍𑌰𑌤𑍀॑𑌕॒-𑌮𑌿𑌤𑍍𑌯𑌾॑𑌹॒ 𑌜𑍍𑌯𑍋𑌤𑌿॑𑌰𑍇॒𑌵𑍈𑌤𑍇𑌨॑ 𑌜𑌨𑌯𑌤𑌿॒ 𑌸𑍋᳚-𑌽𑌗𑍍𑌨𑌿𑌰𑍍𑌜𑌾॒𑌤𑌃 𑌪𑍍𑌰॒𑌜𑌾-𑌶𑍍𑌶𑍁॒𑌚𑌾-𑌽𑌽𑌰𑍍𑌪॑𑌯॒-𑌤𑍍𑌤-𑌨𑍍𑌦𑍇॒𑌵𑌾 𑌅॑𑌰𑍍𑌧॒𑌰𑍍𑌚𑍇𑌨𑌾॑-𑌶𑌮𑌯𑌞𑍍𑌛𑌿॒𑌵-𑌮𑍍𑌪𑍍𑌰॒𑌜𑌾𑌭𑍍𑌯𑍋-𑌽𑌹𑌿𑌗𑍍​𑌮𑍍॑ 𑌸𑌨𑍍𑌤॒𑌮𑌿𑌤𑍍𑌯𑌾॑𑌹 𑌪𑍍𑌰॒𑌜𑌾𑌭𑍍𑌯॑ 𑌏॒𑌵𑍈𑌨𑌗𑍍​𑌮𑍍॑ 𑌶𑌮𑌯𑌤𑌿॒ 𑌦𑍍𑌵𑌾𑌭𑍍𑌯𑌾᳚-𑌙𑍍𑌖𑌨𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅॒𑌪𑌾-𑌮𑍍𑌪𑍃॒𑌷𑍍𑌠𑌮॒𑌸𑍀𑌤𑌿॑ 𑌪𑍁𑌷𑍍𑌕𑌰𑌪॒𑌰𑍍𑌣𑌮𑌾 [𑌪𑍁𑌷𑍍𑌕𑌰𑌪॒𑌰𑍍𑌣𑌮𑌾, 𑌹॒𑌰॒𑌤𑍍𑌯॒𑌪𑌾𑌂-𑌵𑌾𑌁] 16

𑌹॑𑌰𑌤𑍍𑌯॒𑌪𑌾𑌂-𑌵𑌾𑌁 𑌏॒𑌤-𑌤𑍍𑌪𑍃॒𑌷𑍍𑌠𑌂-𑌯𑌁-𑌤𑍍𑌪𑍁॑𑌷𑍍𑌕𑌰𑌪॒𑌰𑍍𑌣𑌗𑍍​𑌮𑍍 𑌰𑍂॒𑌪𑍇𑌣𑍈॒𑌵𑍈𑌨॒𑌦𑌾 𑌹॑𑌰𑌤𑌿 𑌪𑍁𑌷𑍍𑌕𑌰𑌪॒𑌰𑍍𑌣𑍇𑌨॒ 𑌸-𑌮𑍍𑌭॑𑌰𑌤𑌿॒ 𑌯𑍋𑌨𑌿॒𑌰𑍍𑌵𑌾 𑌅॒𑌗𑍍𑌨𑍇𑌃 𑌪𑍁॑𑌷𑍍𑌕𑌰𑌪॒𑌰𑍍𑌣𑌗𑍍​𑌮𑍍 𑌸𑌯𑍋॑𑌨𑌿𑌮𑍇॒𑌵𑌾𑌗𑍍𑌨𑌿𑌗𑍍​𑌮𑍍 𑌸𑌮𑍍𑌭॑𑌰𑌤𑌿 𑌕𑍃𑌷𑍍𑌣𑌾𑌜𑌿॒𑌨𑍇𑌨॒ 𑌸𑌮𑍍𑌭॑𑌰𑌤𑌿 𑌯॒𑌜𑍍𑌞𑍋 𑌵𑍈 𑌕𑍃॑𑌷𑍍𑌣𑌾𑌜𑌿॒𑌨𑌂-𑌯𑌁॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞𑌗𑍍​𑌮𑍍 𑌸𑌮𑍍𑌭॑𑌰𑌤𑌿॒ 𑌯-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾-𑌞𑍍𑌚𑌰𑍍𑌮॑𑌣𑌾 𑌸॒𑌮𑍍𑌭𑌰𑍇᳚-𑌦𑍍𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑍇-𑌤𑍍𑌕𑍃𑌷𑍍𑌣𑌾𑌜𑌿॒𑌨𑍇𑌨॒ 𑌸𑌮𑍍𑌭॑𑌰𑌤𑍍𑌯𑌾𑌰॒𑌣𑍍𑌯𑌾𑌨𑍇॒𑌵 𑌪॒𑌶𑍂- [𑌪॒𑌶𑍂𑌨𑍍, 𑌶𑍁॒𑌚𑌾-𑌽𑌰𑍍𑌪॑𑌯𑌤𑌿॒] 1𑍭

-𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑌤𑌿॒ 𑌤𑌸𑍍𑌮𑌾᳚-𑌥𑍍𑌸॒𑌮𑌾𑌵॑-𑌤𑍍𑌪𑌶𑍂॒𑌨𑌾-𑌮𑍍𑌪𑍍𑌰॒𑌜𑌾𑌯॑𑌮𑌾𑌨𑌾𑌨𑌾-𑌮𑌾𑌰॒𑌣𑍍𑌯𑌾𑌃 𑌪॒𑌶𑌵𑌃॒ 𑌕𑌨𑍀॑𑌯𑌾𑌗𑍍​𑌮𑍍𑌸-𑌶𑍍𑌶𑍁॒𑌚𑌾 𑌹𑍍𑌯𑍃॑𑌤𑌾 𑌲𑍋॑𑌮॒𑌤-𑌸𑍍𑌸𑌮𑍍𑌭॑𑌰॒𑌤𑍍𑌯𑌤𑍋॒ 𑌹𑍍𑌯॑𑌸𑍍𑌯॒ 𑌮𑍇𑌦𑍍𑌧𑍍𑌯॑-𑌙𑍍𑌕𑍃𑌷𑍍𑌣𑌾𑌜𑌿॒𑌨-𑌞𑍍𑌚॑ 𑌪𑍁𑌷𑍍𑌕𑌰𑌪॒𑌰𑍍𑌣-𑌞𑍍𑌚॒ 𑌸𑌗𑍍𑌗𑍍​ 𑌸𑍍𑌤𑍃॑𑌣𑌾𑌤𑍀॒𑌯𑌂-𑌵𑍈𑌁 𑌕𑍃॑𑌷𑍍𑌣𑌾𑌜𑌿॒𑌨𑌮॒𑌸𑍌 𑌪𑍁॑𑌷𑍍𑌕𑌰𑌪॒𑌰𑍍𑌣-𑌮𑌾॒𑌭𑍍𑌯𑌾-𑌮𑍇॒𑌵𑍈𑌨॑-𑌮𑍁𑌭॒𑌯𑌤𑌃॒ 𑌪𑌰𑌿॑𑌗𑍃𑌹𑍍𑌣𑌾𑌤𑍍𑌯॒-𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌤𑌮𑌥॒𑌰𑍍𑌵𑌾-𑌽𑌨𑍍𑌵॑𑌪𑌶𑍍𑌯॒𑌦𑌥॑𑌰𑍍𑌵𑌾 𑌤𑍍𑌵𑌾 𑌪𑍍𑌰𑌥॒𑌮𑍋 𑌨𑌿𑌰॑𑌮𑌨𑍍𑌥𑌦𑌗𑍍𑌨॒ 𑌇- [𑌨𑌿𑌰॑𑌮𑌨𑍍𑌥𑌦𑌗𑍍𑌨॒ 𑌇𑌤𑌿॑, 𑌆॒𑌹॒ 𑌯 𑌏॒𑌵𑍈𑌨॑-] 1𑍮

-𑌤𑍍𑌯𑌾॑𑌹॒ 𑌯 𑌏॒𑌵𑍈𑌨॑-𑌮॒𑌨𑍍𑌵𑌪॑𑌶𑍍𑌯॒-𑌤𑍍𑌤𑍇𑌨𑍈॒𑌵𑍈𑌨॒𑌗𑍍​𑌮𑍍॒ 𑌸𑌮𑍍𑌭॑𑌰𑌤𑌿॒ 𑌤𑍍𑌵𑌾𑌮॑𑌗𑍍𑌨𑍇॒ 𑌪𑍁𑌷𑍍𑌕॑𑌰𑌾॒𑌦𑌧𑍀𑌤𑍍𑌯𑌾॑𑌹 𑌪𑍁𑌷𑍍𑌕𑌰𑌪॒𑌰𑍍𑌣𑍇 𑌹𑍍𑌯𑍇॑𑌨॒𑌮𑍁𑌪॑𑌶𑍍𑌰𑌿𑌤॒-𑌮𑌵𑌿॑𑌨𑍍𑌦॒-𑌤𑍍𑌤𑌮𑍁॑ 𑌤𑍍𑌵𑌾 𑌦॒𑌦𑍍𑌧𑍍𑌯𑌙𑍍𑌙𑍃𑌷𑌿॒𑌰𑌿𑌤𑍍𑌯𑌾॑𑌹 𑌦॒𑌦𑍍𑌧𑍍𑌯𑌙𑍍 𑌵𑌾 𑌆॑𑌥𑌰𑍍𑌵॒𑌣-𑌸𑍍𑌤𑍇॑𑌜॒𑌸𑍍𑌵𑍍𑌯𑌾॑𑌸𑍀॒-𑌤𑍍𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿॒ 𑌤𑌮𑍁॑ 𑌤𑍍𑌵𑌾 𑌪𑌾॒𑌥𑍍𑌯𑍋 𑌵𑍃𑌷𑍇𑌤𑍍𑌯𑌾॑𑌹॒ 𑌪𑍂𑌰𑍍𑌵॑𑌮𑍇॒𑌵𑍋𑌦𑌿॒𑌤-𑌮𑍁𑌤𑍍𑌤॑𑌰𑍇𑌣𑌾॒𑌭𑌿 𑌗𑍃॑𑌣𑌾𑌤𑌿 [𑌗𑍃॑𑌣𑌾𑌤𑌿, 𑌚॒𑌤॒𑌸𑍃𑌭𑌿॒-𑌸𑍍𑌸𑌮𑍍𑌭॑𑌰𑌤𑌿] 1𑍯

𑌚𑌤॒𑌸𑍃𑌭𑌿॒-𑌸𑍍𑌸𑌮𑍍𑌭॑𑌰𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵 𑌗𑌾॑𑌯॒𑌤𑍍𑌰𑍀𑌭𑌿॑𑌰𑍍𑌬𑍍𑌰𑌾𑌹𑍍𑌮॒𑌣𑌸𑍍𑌯॑ 𑌗𑌾𑌯॒𑌤𑍍𑌰𑍋 𑌹𑌿 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌤𑍍𑌰𑌿॒𑌷𑍍𑌟𑍁𑌗𑍍𑌭𑍀॑ 𑌰𑌾𑌜॒𑌨𑍍𑌯॑𑌸𑍍𑌯॒ 𑌤𑍍𑌰𑍈𑌷𑍍𑌟𑍁॑𑌭𑍋॒ 𑌹𑌿 𑌰𑌾॑𑌜॒𑌨𑍍𑌯𑍋॑ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌵𑌸𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑍁॒𑌭𑌯𑍀॑𑌭𑌿॒𑌸𑍍𑌤𑌸𑍍𑌯॒ 𑌸𑌮𑍍𑌭॑𑌰𑍇॒-𑌤𑍍𑌤𑍇𑌜॑𑌶𑍍𑌚𑍈॒𑌵𑌾-𑌽𑌸𑍍𑌮𑌾॑ 𑌇𑌨𑍍𑌦𑍍𑌰𑌿॒𑌯-𑌞𑍍𑌚॑ 𑌸॒𑌮𑍀𑌚𑍀॑ 𑌦𑌧𑌾𑌤𑍍𑌯𑌷𑍍𑌟𑌾॒𑌭𑌿-𑌸𑍍𑌸𑌮𑍍𑌭॑𑌰𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚ 𑌽𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤𑌗𑍍​𑌮𑍍 𑌸𑌮𑍍𑌭॑𑌰𑌤𑌿॒ 𑌸𑍀𑌦॑ 𑌹𑍋𑌤॒𑌰𑌿𑌤𑍍𑌯𑌾॑- -𑌹 𑌦𑍇॒𑌵𑌤𑌾॑ 𑌏॒𑌵𑌾𑌸𑍍𑌮𑍈॒ 𑌸𑌗𑍍​𑌮𑍍 𑌸𑌾॑𑌦𑌯𑌤𑌿॒ 𑌨𑌿 𑌹𑍋𑌤𑍇𑌤𑌿॑ 𑌮𑌨𑍁॒𑌷𑍍𑌯𑌾᳚𑌨𑍍-𑌥𑍍𑌸𑌗𑍍​𑌮𑍍 𑌸𑍀॑𑌦॒𑌸𑍍𑌵𑍇𑌤𑌿॒ 𑌵𑌯𑌾𑌗𑍍​𑌮𑍍॑𑌸𑌿॒ 𑌜𑌨𑌿॑𑌷𑍍𑌵𑌾॒ 𑌹𑌿 𑌜𑍇𑌨𑍍𑌯𑍋॒ 𑌅𑌗𑍍𑌰𑍇॒ 𑌅𑌹𑍍𑌨𑌾॒𑌮𑌿𑌤𑍍𑌯𑌾॑𑌹 𑌦𑍇𑌵 𑌮𑌨𑍁॒𑌷𑍍𑌯𑌾𑌨𑍇॒𑌵𑌾-𑌽𑌸𑍍𑌮𑍈॒ 𑌸𑌗𑍍​𑌮𑍍𑌸॑𑌨𑍍𑌨𑌾॒-𑌨𑍍𑌪𑍍𑌰𑌜॑𑌨𑌯𑌤𑌿 ॥ 20
(𑌐 – 𑌵 𑌪॒𑌶𑍂 – 𑌨𑌿𑌤𑌿॑ – 𑌗𑍃𑌣𑌾𑌤𑌿 – 𑌹𑍋𑌤॒𑌰𑌿𑌤𑌿॑ – 𑌸॒𑌪𑍍𑌤𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 4)

𑌕𑍍𑌰𑍂॒𑌰𑌮𑌿॑𑌵॒ 𑌵𑌾 𑌅॑𑌸𑍍𑌯𑌾 𑌏॒𑌤-𑌤𑍍𑌕॑𑌰𑍋𑌤𑌿॒ 𑌯-𑌤𑍍𑌖𑌨॑𑌤𑍍𑌯॒𑌪 𑌉𑌪॑ 𑌸𑍃𑌜॒𑌤𑍍𑌯𑌾𑌪𑍋॒ 𑌵𑍈 𑌶𑌾॒𑌨𑍍𑌤𑌾-𑌶𑍍𑌶𑌾॒𑌨𑍍𑌤𑌾𑌭𑌿॑𑌰𑍇॒𑌵𑌾-𑌽𑌸𑍍𑌯𑍈॒ 𑌶𑍁𑌚𑌗𑍍​𑌮𑍍॑ 𑌶𑌮𑌯𑌤𑌿॒ 𑌸-𑌨𑍍𑌤𑍇॑ 𑌵𑌾॒𑌯𑍁𑌰𑍍𑌮𑌾॑𑌤॒𑌰𑌿𑌶𑍍𑌵𑌾॑ 𑌦𑌧𑌾॒𑌤𑍍𑌵𑌿𑌤𑍍𑌯𑌾॑𑌹 𑌪𑍍𑌰𑌾॒𑌣𑍋 𑌵𑍈 𑌵𑌾॒𑌯𑍁𑌃 𑌪𑍍𑌰𑌾॒𑌣𑍇𑌨𑍈॒𑌵𑌾𑌸𑍍𑌯𑍈᳚ 𑌪𑍍𑌰𑌾॒𑌣𑌗𑍍​𑌮𑍍 𑌸-𑌨𑍍𑌦॑𑌧𑌾𑌤𑌿॒ 𑌸-𑌨𑍍𑌤𑍇॑ 𑌵𑌾॒𑌯𑍁𑌰𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾᳚-𑌦𑍍𑌵𑌾॒𑌯𑍁𑌪𑍍𑌰॑𑌚𑍍𑌯𑍁𑌤𑌾 𑌦𑌿॒𑌵𑍋 𑌵𑍃𑌷𑍍𑌟𑌿॑𑌰𑍀𑌰𑍍𑌤𑍇॒ 𑌤𑌸𑍍𑌮𑍈॑ 𑌚 𑌦𑍇𑌵𑌿॒ 𑌵𑌷॑𑌡𑌸𑍍𑌤𑍁॒ [𑌵𑌷॑𑌡𑌸𑍍𑌤𑍁, 𑌤𑍁𑌭𑍍𑌯॒𑌮𑌿𑌤𑍍𑌯𑌾॑𑌹॒] 21

𑌤𑍁𑌭𑍍𑌯॒𑌮𑌿𑌤𑍍𑌯𑌾॑𑌹॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌷𑍍𑌵𑍇॒𑌵 𑌵𑍃𑌷𑍍𑌟𑌿॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾॒-𑌥𑍍𑌸𑌰𑍍𑌵𑌾॑𑌨𑍃॒𑌤𑍂𑌨𑍍. 𑌵॑𑌰𑍍​𑌷𑌤𑌿॒ 𑌯-𑌦𑍍𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌯𑌾॒𑌤𑌯𑌾॑𑌮𑌾-𑌽𑌸𑍍𑌯 𑌵𑌷𑌟𑍍𑌕𑌾॒𑌰-𑌸𑍍𑌸𑍍𑌯𑌾॒𑌦𑍍𑌯𑌨𑍍𑌨 𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌯॒𑌜𑍍𑌞𑌗𑍍​𑌮𑍍 𑌹॑𑌨𑍍𑌯𑍁॒𑌰𑍍𑌵𑌡𑌿𑌤𑍍𑌯𑌾॑𑌹 𑌪॒𑌰𑍋𑌕𑍍𑌷॑𑌮𑍇॒𑌵 𑌵𑌷॑-𑌟𑍍𑌕𑌰𑍋𑌤𑌿॒ 𑌨𑌾𑌸𑍍𑌯॑ 𑌯𑌾॒𑌤𑌯𑌾॑𑌮𑌾 𑌵𑌷𑌟𑍍𑌕𑌾॒𑌰𑍋 𑌭𑌵॑𑌤𑌿॒ 𑌨 𑌯॒𑌜𑍍𑌞𑌗𑍍​𑌮𑍍 𑌰𑌕𑍍𑌷𑌾𑌗𑍍​𑌮𑍍॑𑌸𑌿 𑌘𑍍𑌨𑌨𑍍𑌤𑌿॒ 𑌸𑍁𑌜𑌾॑𑌤𑍋॒ 𑌜𑍍𑌯𑍋𑌤𑌿॑𑌷𑌾 𑌸॒𑌹𑍇𑌤𑍍𑌯॑𑌨𑍁॒𑌷𑍍𑌟𑍁𑌭𑍋𑌪॑ 𑌨𑌹𑍍𑌯𑌤𑍍𑌯𑌨𑍁॒𑌷𑍍𑌟𑍁- [𑌨𑌹𑍍𑌯𑌤𑍍𑌯𑌨𑍁॒𑌷𑍍𑌟𑍁𑌪𑍍, 𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒] 22

-𑌫𑍍𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌖𑌲𑍁॒ 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌃 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾॒ 𑌪𑌰𑌿॑ 𑌦𑌧𑌾𑌤𑌿॒ 𑌵𑍇𑌦𑍁॑𑌕𑍋॒ 𑌵𑌾𑌸𑍋॑ 𑌭𑌵𑌤𑌿॒𑌯 𑌏॒𑌵𑌂-𑌵𑍇𑌁𑌦॑ 𑌵𑌾𑌰𑍁॒𑌣𑍋 𑌵𑌾 𑌅॒𑌗𑍍𑌨𑌿𑌰𑍁𑌪॑𑌨𑌦𑍍𑌧॒ 𑌉𑌦𑍁॑ 𑌤𑌿𑌷𑍍𑌠 𑌸𑍍𑌵𑌦𑍍𑌧𑍍𑌵𑌰𑍋॒𑌰𑍍𑌧𑍍𑌵 𑌊॒ 𑌷𑍁𑌣॑ 𑌊॒𑌤𑌯॒ 𑌇𑌤𑌿॑ 𑌸𑌾𑌵𑌿॒𑌤𑍍𑌰𑍀𑌭𑍍𑌯𑌾॒𑌮𑍁-𑌤𑍍𑌤𑌿॑𑌷𑍍𑌠𑌤𑌿 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑌾𑌸𑍍𑌯𑍋॒𑌰𑍍𑌧𑍍𑌵𑌾𑌂-𑌵𑌁॑𑌰𑍁𑌣𑌮𑍇॒𑌨𑌿𑌮𑍁-𑌥𑍍𑌸𑍃॑𑌜𑌤𑌿॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌸 𑌜𑌾॒𑌤𑍋 𑌗𑌰𑍍𑌭𑍋॑ 𑌅𑌸𑌿॒ [𑌗𑌰𑍍𑌭𑍋॑ 𑌅𑌸𑌿, 𑌰𑍋𑌦॑𑌸𑍍𑌯𑍋॒𑌰𑌿𑌤𑍍𑌯𑌾॑𑌹𑍇॒𑌮𑍇] 23

𑌰𑍋𑌦॑𑌸𑍍𑌯𑍋॒𑌰𑌿𑌤𑍍𑌯𑌾॑𑌹𑍇॒𑌮𑍇 𑌵𑍈 𑌰𑍋𑌦॑𑌸𑍀॒ 𑌤𑌯𑍋॑𑌰𑍇॒𑌷 𑌗𑌰𑍍𑌭𑍋॒ 𑌯𑌦॒𑌗𑍍𑌨𑌿-𑌸𑍍𑌤𑌸𑍍𑌮𑌾॑-𑌦𑍇॒𑌵𑌮𑌾॒𑌹𑌾𑌗𑍍𑌨𑍇॒ 𑌚𑌾𑌰𑍁॒𑌰𑍍𑌵𑌿𑌭𑍃॑𑌤॒ 𑌓𑌷॑𑌧𑍀॒𑌷𑍍𑌵𑌿𑌤𑍍𑌯𑌾॑𑌹 𑌯॒𑌦𑌾 𑌹𑍍𑌯𑍇॑𑌤𑌂-𑌵𑌿𑌁॒𑌭𑌰॒𑌨𑍍𑌤𑍍𑌯𑌥॒ 𑌚𑌾𑌰𑍁॑𑌤𑌰𑍋॒ 𑌭𑌵॑𑌤𑌿॒ 𑌪𑍍𑌰 𑌮𑌾॒𑌤𑍃𑌭𑍍𑌯𑍋॒ 𑌅𑌧𑌿॒ 𑌕𑌨𑌿॑𑌕𑍍𑌰𑌦-𑌦𑍍𑌗𑌾॒ 𑌇𑌤𑍍𑌯𑌾॒𑌹𑍌𑌷॑𑌧𑌯𑍋॒ 𑌵𑌾 𑌅॑𑌸𑍍𑌯 𑌮𑌾॒𑌤𑌰॒𑌸𑍍𑌤𑌾𑌭𑍍𑌯॑ 𑌏॒𑌵𑍈𑌨॒-𑌮𑍍𑌪𑍍𑌰𑌚𑍍𑌯𑌾॑𑌵𑌯𑌤𑌿 𑌸𑍍𑌥𑌿॒𑌰𑍋 𑌭॑𑌵 𑌵𑍀॒𑌡𑍍𑌵॑𑌙𑍍𑌗॒ 𑌇𑌤𑌿॑ 𑌗𑌰𑍍𑌦॒𑌭 𑌆 𑌸𑌾॑𑌦𑌯𑌤𑌿॒ [𑌆 𑌸𑌾॑𑌦𑌯𑌤𑌿, 𑌸-𑌨𑍍𑌨॑𑌹𑍍𑌯𑌤𑍍𑌯𑍇॒𑌵𑍈𑌨॑-] 24

𑌸-𑌨𑍍𑌨॑𑌹𑍍𑌯𑌤𑍍𑌯𑍇॒𑌵𑍈𑌨॑-𑌮𑍇॒𑌤𑌯𑌾᳚ 𑌸𑍍𑌥𑍇॒𑌮𑍍𑌨𑍇 𑌗॑𑌰𑍍𑌦॒𑌭𑍇𑌨॒ 𑌸𑌮𑍍𑌭॑𑌰𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑌃 𑌪॑𑌶𑍂॒𑌨𑌾-𑌮𑍍𑌭𑌾॑𑌰𑌭𑌾॒𑌰𑌿𑌤॑𑌮𑍋 𑌗𑌰𑍍𑌦॒𑌭𑍇𑌨॒ 𑌸-𑌮𑍍𑌭॑𑌰𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌪𑍍𑌯॑𑌨𑌾𑌲𑍇॒𑌶𑍇-𑌽𑌤𑍍𑌯॒𑌨𑍍𑌯𑌾-𑌨𑍍𑌪॒𑌶𑍂-𑌨𑍍𑌮𑍇᳚𑌦𑍍𑌯॒𑌤𑍍𑌯𑌨𑍍𑌨॒𑌗𑍍𑌗𑍍॒ 𑌹𑍍𑌯𑍇॑𑌨𑍇𑌨𑌾॒-𑌽𑌰𑍍𑌕𑌗𑍍​𑌮𑍍 𑌸॒𑌮𑍍𑌭𑌰॑𑌨𑍍𑌤𑌿 𑌗𑌰𑍍𑌦॒𑌭𑍇𑌨॒ 𑌸𑌮𑍍𑌭॑𑌰𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑍋 𑌦𑍍𑌵𑌿॒𑌰𑍇𑌤𑌾॒-𑌸𑍍𑌸𑌨𑍍 𑌕𑌨𑌿॑𑌷𑍍𑌠-𑌮𑍍𑌪𑌶𑍂॒𑌨𑌾-𑌮𑍍𑌪𑍍𑌰𑌜𑌾॑𑌯𑌤𑍇॒-𑌽𑌗𑍍𑌨𑌿𑌰𑍍​𑌹𑍍𑌯॑𑌸𑍍𑌯॒ 𑌯𑍋𑌨𑌿॑-𑌨𑍍𑌨𑌿॒𑌰𑍍𑌦𑌹॑𑌤𑌿 𑌪𑍍𑌰॒𑌜𑌾𑌸𑍁॒ 𑌵𑌾 𑌏॒𑌷 𑌏॒𑌤𑌰𑍍​𑌹𑍍𑌯𑌾𑌰𑍂॑𑌢॒- [𑌏॒𑌤𑌰𑍍​𑌹𑍍𑌯𑌾𑌰𑍂॑𑌢𑌃, 𑌸 𑌈᳚𑌶𑍍𑌵॒𑌰𑌃 𑌪𑍍𑌰॒𑌜𑌾-𑌶𑍍𑌶𑍁॒𑌚𑌾] 25

-𑌸𑍍𑌸 𑌈᳚𑌶𑍍𑌵॒𑌰𑌃 𑌪𑍍𑌰॒𑌜𑌾-𑌶𑍍𑌶𑍁॒𑌚𑌾 𑌪𑍍𑌰॒𑌦𑌹॑-𑌶𑍍𑌶𑌿॒𑌵𑍋 𑌭॑𑌵 𑌪𑍍𑌰॒𑌜𑌾𑌭𑍍𑌯॒ 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾𑌭𑍍𑌯॑ 𑌏॒𑌵𑍈𑌨𑌗𑍍​𑌮𑍍॑ 𑌶𑌮𑌯𑌤𑌿॒ 𑌮𑌾𑌨𑍁॑𑌷𑍀𑌭𑍍𑌯॒𑌸𑍍𑌤𑍍𑌵𑌮॑𑌙𑍍𑌗𑌿𑌰॒ 𑌇𑌤𑍍𑌯𑌾॑𑌹 𑌮𑌾𑌨॒𑌵𑍍𑌯𑍋॑ 𑌹𑌿 𑌪𑍍𑌰॒𑌜𑌾 𑌮𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌭𑌿 𑌶𑍂॑𑌶𑍁𑌚𑍋॒ 𑌮𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌾 𑌵𑌨॒𑌸𑍍𑌪𑌤𑍀॒𑌨𑌿𑌤𑍍𑌯𑌾॑𑌹𑍈॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯॑-𑌶𑍍𑌶𑌮𑌯𑌤𑌿॒ 𑌪𑍍𑌰𑍈𑌤𑍁॑ 𑌵𑌾॒𑌜𑍀 𑌕𑌨𑌿॑𑌕𑍍𑌰𑌦॒𑌦𑌿𑌤𑍍𑌯𑌾॑𑌹 𑌵𑌾॒𑌜𑍀 𑌹𑍍𑌯𑍇॑𑌷 𑌨𑌾𑌨॑𑌦॒-𑌦𑍍𑌰𑌾𑌸॑𑌭𑌃॒ 𑌪𑌤𑍍𑌵𑍇- [𑌪𑌤𑍍𑌵𑍇𑌤𑌿, 𑌆॒𑌹॒ 𑌰𑌾𑌸॑𑌭॒ 𑌇𑌤𑌿॒] 26

-𑌤𑍍𑌯𑌾॑𑌹॒ 𑌰𑌾𑌸॑𑌭॒ 𑌇𑌤𑌿॒ 𑌹𑍍𑌯𑍇॑𑌤𑌮𑍃𑌷॒𑌯𑍋-𑌽𑌵॑𑌦॒-𑌨𑍍𑌭𑌰॑𑌨𑍍𑌨॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑𑌮𑌿𑌤𑍍𑌯𑌾॑𑌹𑌾॒-𑌽𑌗𑍍𑌨𑌿𑌗𑍍𑌗𑍍​ 𑌹𑍍𑌯𑍇॑𑌷 𑌭𑌰॑𑌤𑌿॒ 𑌮𑌾 𑌪𑌾॒𑌦𑍍𑌯𑌾𑌯𑍁॑𑌷𑌃 𑌪𑍁॒𑌰𑍇𑌤𑍍𑌯𑌾॒𑌹𑌾-𑌽𑌽𑌯𑍁॑𑌰𑍇॒𑌵𑌾-𑌽𑌸𑍍𑌮𑌿॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭-𑌸𑍍𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑍇 𑌪𑍁॒𑌰𑌾-𑌽𑌽𑌯𑍁॑𑌷𑌃॒ 𑌪𑍍𑌰𑌮𑍀॑𑌤𑍇 𑌬𑌿𑌭𑍍𑌯𑌤𑌿॒ 𑌵𑍃𑌷𑌾॒-𑌽𑌗𑍍𑌨𑌿𑌂-𑌵𑍃𑌁𑌷॑𑌣॒-𑌮𑍍𑌭𑌰॒𑌨𑍍𑌨𑌿𑌤𑍍𑌯𑌾॑𑌹॒ 𑌵𑍃𑌷𑌾॒ 𑌹𑍍𑌯𑍇॑𑌷 𑌵𑍃𑌷𑌾॒-𑌽𑌗𑍍𑌨𑌿𑌰॒𑌪𑌾-𑌙𑍍𑌗𑌰𑍍𑌭𑌗𑍍​𑌮𑍍॑ – [𑌵𑍃𑌷𑌾॒-𑌽𑌗𑍍𑌨𑌿𑌰॒𑌪𑌾-𑌙𑍍𑌗𑌰𑍍𑌭᳚𑌮𑍍, 𑌸॒𑌮𑍁॒𑌦𑍍𑌰𑌿𑌯॒-] 2𑍭

𑌸𑌮𑍁॒𑌦𑍍𑌰𑌿𑌯॒-𑌮𑌿𑌤𑍍𑌯𑌾॑𑌹𑌾॒-𑌽𑌪𑌾𑌗𑍍​ 𑌹𑍍𑌯𑍇॑𑌷 𑌗𑌰𑍍𑌭𑍋॒ 𑌯𑌦॒𑌗𑍍𑌨𑌿𑌰𑌗𑍍𑌨॒ 𑌆 𑌯𑌾॑𑌹𑌿 𑌵𑍀॒𑌤𑌯॒ 𑌇𑌤𑌿॒ 𑌵𑌾 𑌇॒𑌮𑍌 𑌲𑍋॒𑌕𑍌 𑌵𑍍𑌯𑍈॑𑌤𑌾॒𑌮𑌗𑍍𑌨॒ 𑌆 𑌯𑌾॑𑌹𑌿 𑌵𑍀॒𑌤𑌯॒ 𑌇𑌤𑌿॒ 𑌯𑌦𑌾𑌹𑌾॒ 𑌽𑌨𑌯𑍋᳚𑌰𑍍𑌲𑍋॒𑌕𑌯𑍋॒-𑌰𑍍𑌵𑍀𑌤𑍍𑌯𑍈॒ 𑌪𑍍𑌰𑌚𑍍𑌯𑍁॑𑌤𑍋॒ 𑌵𑌾 𑌏॒𑌷 𑌆॒𑌯𑌤॑𑌨𑌾॒𑌦𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾𑌗𑍍​𑌮𑍍 𑌸 𑌏॒𑌤𑌰𑍍​𑌹𑍍𑌯॑𑌦𑍍𑌧𑍍𑌵॒𑌰𑍍𑌯𑍁-𑌞𑍍𑌚॒ 𑌯𑌜॑𑌮𑌾𑌨-𑌞𑍍𑌚 𑌦𑍍𑌧𑍍𑌯𑌾𑌯𑌤𑍍𑌯𑍃॒𑌤𑌗𑍍​𑌮𑍍 𑌸॒𑌤𑍍𑌯𑌮𑌿𑌤𑍍𑌯𑌾॑𑌹𑍇॒𑌯𑌂-𑌵𑌾𑌁 𑌋॒𑌤𑌮॒𑌸𑍌 [ ] 2𑍮

𑌸॒𑌤𑍍𑌯𑌮॒𑌨𑌯𑍋॑𑌰𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨𑍋॒ 𑌵𑌰𑍁॑𑌣𑍋॒ 𑌵𑌾 𑌏॒𑌷 𑌯𑌜॑𑌮𑌾𑌨𑌮॒𑌭𑍍𑌯𑍈𑌤𑌿॒ 𑌯𑌦॒𑌗𑍍𑌨𑌿𑌰𑍁𑌪॑𑌨𑌦𑍍𑌧॒ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑍀𑌤𑌾॒𑌗𑍍𑌨𑌿𑌮𑍇॒𑌤-𑌮𑌿𑌤𑍍𑌯𑌾॑𑌹॒ 𑌶𑌾𑌨𑍍𑌤𑍍𑌯𑍈॒ 𑌵𑍍𑌯𑌸𑍍𑌯॒𑌨𑍍 𑌵𑌿𑌶𑍍𑌵𑌾॒ 𑌅𑌮॑𑌤𑍀॒𑌰𑌰𑌾॑𑌤𑍀॒-𑌰𑌿𑌤𑍍𑌯𑌾॑𑌹॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌨𑌿॒𑌷𑍀𑌦॑-𑌨𑍍𑌨𑍋॒ 𑌅𑌪॑ 𑌦𑍁𑌰𑍍𑌮॒𑌤𑌿𑌗𑍍​𑌮𑍍 𑌹॑𑌨॒𑌦𑌿𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑𑌮𑍋𑌦𑌦𑍍𑌧𑍍𑌵- [𑌪𑍍𑌰𑌤𑌿॑𑌮𑍋𑌦𑌦𑍍𑌧𑍍𑌵𑌮𑍍, 𑌏॒𑌨॒𑌮𑌿𑌤𑍍𑌯𑌾॒𑌹𑍌𑌷॑𑌧𑌯𑍋॒] 2𑍯

-𑌮𑍇𑌨॒𑌮𑌿𑌤𑍍𑌯𑌾॒𑌹𑍌𑌷॑𑌧𑌯𑍋॒ 𑌵𑌾 𑌅॒𑌗𑍍𑌨𑍇𑌰𑍍𑌭𑌾॑𑌗॒𑌧𑍇𑌯॒-𑌨𑍍𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍​𑌮𑍍॒ 𑌸𑌮॑𑌰𑍍𑌧𑌯𑌤𑌿॒ 𑌪𑍁𑌷𑍍𑌪𑌾॑𑌵𑌤𑍀-𑌸𑍍𑌸𑍁𑌪𑌿𑌪𑍍𑌪॒𑌲𑌾 𑌇𑌤𑍍𑌯𑌾॑𑌹॒ 𑌤𑌸𑍍𑌮𑌾॒𑌦𑍋𑌷॑𑌧𑌯𑌃॒ 𑌫𑌲॑-𑌙𑍍𑌗𑍃𑌹𑍍𑌣𑌨𑍍𑌤𑍍𑌯॒ 𑌯𑌂-𑌵𑍋𑌁॒ 𑌗𑌰𑍍𑌭॑ 𑌋॒𑌤𑍍𑌵𑌿𑌯𑌃॑ 𑌪𑍍𑌰॒𑌤𑍍𑌨𑌗𑍍​𑌮𑍍 𑌸॒𑌧𑌸𑍍𑌥॒𑌮𑌾-𑌽𑌸॑𑌦॒𑌦𑌿𑌤𑍍𑌯𑌾॑𑌹॒ 𑌯𑌾𑌭𑍍𑌯॑ 𑌏॒𑌵𑍈𑌨॑-𑌮𑍍𑌪𑍍𑌰𑌚𑍍𑌯𑌾॒𑌵𑌯॑𑌤𑌿॒ 𑌤𑌾𑌸𑍍𑌵𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌦𑍍𑌵𑌾𑌭𑍍𑌯𑌾॑𑌮𑍁॒𑌪𑌾𑌵॑𑌹𑌰𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 30 ॥
(𑌅॒𑌸𑍍𑌤𑍍𑌵॒ – 𑌨𑍁॒𑌷𑍍𑌟𑍁 – 𑌬॑𑌸𑌿 – 𑌸𑌾𑌦𑌯॒𑌤𑍍𑌯𑌾 – 𑌰𑍂॑𑌢𑌃॒-𑌪𑌤𑍍𑌵𑍇𑌤𑌿॒-𑌗𑌰𑍍𑌭॑-𑌮॒𑌸𑍌 – 𑌮𑍋॑𑌦𑌦𑍍𑌧𑍍𑌵𑌂॒ – 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 5)

𑌵𑌾॒𑌰𑍁॒𑌣𑍋 𑌵𑌾 𑌅॒𑌗𑍍𑌨𑌿𑌰𑍁𑌪॑𑌨𑌦𑍍𑌧𑍋॒ 𑌵𑌿 𑌪𑌾𑌜॒𑌸𑍇𑌤𑌿॒ 𑌵𑌿𑌸𑍍𑌰𑌗𑍍​𑌮𑍍॑𑌸𑌯𑌤𑌿 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑌾𑌸𑍍𑌯॒ 𑌵𑌿𑌷𑍂॑𑌚𑍀𑌂-𑌵𑌁𑌰𑍁𑌣𑌮𑍇॒𑌨𑌿𑌂-𑌵𑌿𑌁𑌸𑍃॑𑌜𑌤𑍍𑌯॒𑌪 𑌉𑌪॑ 𑌸𑍃𑌜॒𑌤𑍍𑌯𑌾𑌪𑍋॒ 𑌵𑍈 𑌶𑌾॒𑌨𑍍𑌤𑌾-𑌶𑍍𑌶𑌾॒𑌨𑍍𑌤𑌾𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍​𑌮𑍍॑ 𑌶𑌮𑌯𑌤𑌿 𑌤𑌿॒𑌸𑍃𑌭𑌿॒𑌰𑍁𑌪॑ 𑌸𑍃𑌜𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌗𑍍𑌨𑌿𑌸𑍍𑌤𑌸𑍍𑌯॒ 𑌶𑍁𑌚𑌗𑍍​𑌮𑍍॑ 𑌶𑌮𑌯𑌤𑌿 𑌮𑌿॒𑌤𑍍𑌰-𑌸𑍍𑌸॒𑌗𑍍​𑌮𑍍॒𑌸𑍃𑌜𑍍𑌯॑ 𑌪𑍃𑌥𑌿॒𑌵𑍀𑌮𑌿𑌤𑍍𑌯𑌾॑𑌹 𑌮𑌿॒𑌤𑍍𑌰𑍋 𑌵𑍈 𑌶𑌿॒𑌵𑍋 𑌦𑍇॒𑌵𑌾𑌨𑌾॒-𑌨𑍍𑌤𑍇𑌨𑍈॒𑌵𑍈- [𑌦𑍇॒𑌵𑌾𑌨𑌾॒-𑌨𑍍𑌤𑍇𑌨𑍈॒𑌵, 𑌏॒𑌨॒𑌗𑍍​𑌮𑍍॒ 𑌸𑌗𑍍​𑌮𑍍 𑌸𑍃॑𑌜𑌤𑌿॒] 31

-𑌨॒𑌗𑍍​𑌮𑍍॒ 𑌸𑌗𑍍​𑌮𑍍 𑌸𑍃॑𑌜𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌯𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾॒-𑌮𑍍𑌪𑌾𑌤𑍍𑌰𑌾॑𑌣𑌾-𑌙𑍍𑌕॒𑌪𑌾𑌲𑍈᳚-𑌸𑍍𑌸𑌗𑍍​𑌮𑍍𑌸𑍃॒𑌜𑍇-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌿॒ 𑌪𑌾𑌤𑍍𑌰𑌾॑𑌣𑌿 𑌶𑍁॒𑌚𑌾-𑌽𑌰𑍍𑌪॑𑌯𑍇𑌦𑌰𑍍𑌮𑌕𑌪𑌾॒𑌲𑍈-𑌸𑍍𑌸𑌗𑍍​𑌮𑍍 𑌸𑍃॑𑌜𑌤𑍍𑌯𑍇॒𑌤𑌾𑌨𑌿॒ 𑌵𑌾 𑌅॑𑌨𑍁𑌪𑌜𑍀𑌵𑌨𑍀॒𑌯𑌾𑌨𑌿॒ 𑌤𑌾𑌨𑍍𑌯𑍇॒𑌵 𑌶𑍁॒𑌚𑌾-𑌽𑌰𑍍𑌪॑𑌯𑌤𑌿॒ 𑌶𑌰𑍍𑌕॑𑌰𑌾𑌭𑌿॒-𑌸𑍍𑌸𑌗𑍍​𑌮𑍍 𑌸𑍃॑𑌜𑌤𑌿॒ 𑌧𑍃𑌤𑍍𑌯𑌾॒ 𑌅𑌥𑍋॑ 𑌶॒𑌨𑍍𑌤𑍍𑌵𑌾𑌯𑌾॑ 𑌜𑌲𑍋॒𑌮𑍈-𑌸𑍍𑌸𑌗𑍍​𑌮𑍍 𑌸𑍃॑𑌜𑌤𑍍𑌯𑍇॒𑌷𑌾 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌰𑍍𑌯𑌦॒𑌜𑌾 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾॒ 𑌸𑌗𑍍​𑌮𑍍 𑌸𑍃॑𑌜॒𑌤𑍍𑌯𑌥𑍋॒ 𑌤𑍇𑌜॑𑌸𑌾 𑌕𑍃𑌷𑍍𑌣𑌾𑌜𑌿॒𑌨𑌸𑍍𑌯॒ 𑌲𑍋𑌮॑𑌭𑌿॒-𑌸𑍍𑌸𑌗𑍍​𑌮𑍍 – [𑌲𑍋𑌮॑𑌭𑌿॒-𑌸𑍍𑌸𑌮𑍍, 𑌸𑍃॒𑌜॒𑌤𑌿॒ 𑌯॒𑌜𑍍𑌞𑍋 𑌵𑍈] 32

𑌸𑍃॑𑌜𑌤𑌿 𑌯॒𑌜𑍍𑌞𑍋 𑌵𑍈 𑌕𑍃॑𑌷𑍍𑌣𑌾𑌜𑌿॒𑌨𑌂-𑌯𑌁॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞𑌗𑍍​𑌮𑍍 𑌸𑌗𑍍​𑌮𑍍 𑌸𑍃॑𑌜𑌤𑌿 𑌰𑍁॒𑌦𑍍𑌰𑌾-𑌸𑍍𑌸॒𑌭𑍃𑌤𑍍𑌯॑ 𑌪𑍃𑌥𑌿॒𑌵𑍀𑌮𑌿𑌤𑍍𑌯𑌾॑𑌹𑍈॒𑌤𑌾 𑌵𑌾 𑌏॒𑌤-𑌨𑍍𑌦𑍇॒𑌵𑌤𑌾॒ 𑌅𑌗𑍍𑌰𑍇॒ 𑌸𑌮॑𑌭𑌰॒-𑌨𑍍𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍​𑌮𑍍॒ 𑌸𑌮𑍍𑌭॑𑌰𑌤𑌿 𑌮॒𑌖𑌸𑍍𑌯॒ 𑌶𑌿𑌰𑍋॒-𑌽𑌸𑍀𑌤𑍍𑌯𑌾॑𑌹 𑌯॒𑌜𑍍𑌞𑍋 𑌵𑍈 𑌮॒𑌖𑌸𑍍𑌤𑌸𑍍𑌯𑍈॒𑌤-𑌚𑍍𑌛𑌿𑌰𑍋॒ 𑌯𑌦𑍁॒𑌖𑌾 𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹 𑌯॒𑌜𑍍𑌞𑌸𑍍𑌯॑ 𑌪॒𑌦𑍇 𑌸𑍍𑌥॒ 𑌇𑌤𑍍𑌯𑌾॑𑌹 𑌯॒𑌜𑍍𑌞𑌸𑍍𑌯॒ 𑌹𑍍𑌯𑍇॑𑌤𑍇 [ ] 33

𑌪॒𑌦𑍇 𑌅𑌥𑍋॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌪𑍍𑌰𑌾-𑌽𑌨𑍍𑌯𑌾𑌭𑌿॒-𑌰𑍍𑌯𑌚𑍍𑌛॒𑌤𑍍𑌯𑌨𑍍𑌵॒𑌨𑍍𑌯𑍈-𑌰𑍍𑌮॑𑌨𑍍𑌤𑍍𑌰𑌯𑌤𑍇 𑌮𑌿𑌥𑍁𑌨॒𑌤𑍍𑌵𑌾𑌯॒ 𑌤𑍍𑌰𑍍𑌯𑍁॑𑌦𑍍𑌧𑌿-𑌙𑍍𑌕𑌰𑍋𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒𑌮𑌾𑌪𑍍𑌤𑍍𑌯𑍈॒ 𑌛𑌨𑍍𑌦𑍋॑𑌭𑌿𑌃 𑌕𑌰𑍋𑌤𑌿 𑌵𑍀॒𑌰𑍍𑌯𑌂॑-𑌵𑍈𑌁 𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌵𑍀॒𑌰𑍍𑌯𑍇॑𑌣𑍈॒𑌵𑍈𑌨𑌾᳚-𑌙𑍍𑌕𑌰𑍋𑌤𑌿॒ 𑌯𑌜𑍁॑𑌷𑌾॒ 𑌬𑌿𑌲॑-𑌙𑍍𑌕𑌰𑍋𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑌾॒ 𑌇𑌯॑𑌤𑍀-𑌙𑍍𑌕𑌰𑍋𑌤𑌿 𑌪𑍍𑌰॒𑌜𑌾𑌪॑𑌤𑌿𑌨𑌾 𑌯𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤𑌾-𑌨𑍍𑌦𑍍𑌵𑌿𑌸𑍍𑌤॒𑌨𑌾-𑌙𑍍𑌕॑𑌰𑍋𑌤𑌿॒ 𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌰𑍍𑌦𑍋𑌹𑌾॑𑌯॒ 𑌚𑌤𑍁॑𑌸𑍍𑌸𑍍𑌤𑌨𑌾-𑌙𑍍𑌕𑌰𑍋𑌤𑌿 𑌪𑌶𑍂॒𑌨𑌾-𑌨𑍍𑌦𑍋𑌹𑌾॑𑌯𑌾॒𑌷𑍍𑌟𑌾𑌸𑍍𑌤॑𑌨𑌾-𑌙𑍍𑌕𑌰𑍋𑌤𑌿॒ 𑌛𑌨𑍍𑌦॑𑌸𑌾॒-𑌨𑍍𑌦𑍋𑌹𑌾॑𑌯॒ 𑌨𑌵𑌾᳚𑌶𑍍𑌰𑌿-𑌮𑌭𑌿॒𑌚𑌰॑𑌤𑌃 𑌕𑍁𑌰𑍍𑌯𑌾-𑌤𑍍𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌵𑌜𑍍𑌰𑌗𑍍​𑌮𑍍॑ 𑌸॒𑌮𑍍𑌭𑍃𑌤𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑍈॑ 𑌕𑍃॒𑌤𑍍𑌵𑌾𑌯॒ 𑌸𑌾 𑌮॒𑌹𑍀𑌮𑍁॒𑌖𑌾𑌮𑌿𑌤𑌿॒ 𑌨𑌿 𑌦॑𑌧𑌾𑌤𑌿 𑌦𑍇॒𑌵𑌤𑌾᳚𑌸𑍍𑌵𑍇॒𑌵𑍈𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 34 ॥
(𑌤𑍇𑌨𑍈॒𑌵 – 𑌲𑍋𑌮॑𑌭𑌿॒-𑌸𑍍𑌸 – 𑌮𑍇॒𑌤𑍇 – 𑌅॑𑌭𑌿॒𑌚𑌰॑𑌤॒ – 𑌏𑌕॑𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 6)

𑌸॒𑌪𑍍𑌤𑌭𑌿॑𑌰𑍍𑌧𑍂𑌪𑌯𑌤𑌿 𑌸॒𑌪𑍍𑌤 𑌵𑍈 𑌶𑍀॑𑌰𑍍​𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾-𑌶𑍍𑌶𑌿𑌰॑ 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑍁॒𑌖𑌾 𑌶𑍀॒𑌰𑍍॒𑌷𑌨𑍍𑌨𑍇॒𑌵 𑌯॒𑌜𑍍𑌞𑌸𑍍𑌯॑ 𑌪𑍍𑌰𑌾॒𑌣𑌾-𑌨𑍍𑌦॑𑌧𑌾𑌤𑌿॒ 𑌤𑌸𑍍𑌮𑌾᳚-𑌥𑍍𑌸॒𑌪𑍍𑌤 𑌶𑍀॒𑌰𑍍॒𑌷-𑌨𑍍𑌪𑍍𑌰𑌾॒𑌣𑌾 𑌅॑𑌶𑍍𑌵𑌶॒𑌕𑍇𑌨॑ 𑌧𑍂𑌪𑌯𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌵𑌾 𑌅𑌶𑍍𑌵॑-𑌸𑍍𑌸𑌯𑍋𑌨𑌿॒𑌤𑍍𑌵𑌾𑌯𑌾-𑌦𑌿॑𑌤𑌿॒𑌸𑍍𑌤𑍍𑌵𑍇𑌤𑍍𑌯𑌾॑𑌹𑍇॒𑌯𑌂-𑌵𑌾𑌁 𑌅𑌦𑌿॑𑌤𑌿॒𑌰𑌦𑌿॑𑌤𑍍𑌯𑍈॒𑌵𑌾𑌦𑌿॑𑌤𑍍𑌯𑌾-𑌙𑍍𑌖𑌨𑌤𑍍𑌯॒𑌸𑍍𑌯𑌾 𑌅𑌕𑍍𑌰𑍂॑𑌰𑌙𑍍𑌕𑌾𑌰𑌾𑌯॒ 𑌨 𑌹𑌿 𑌸𑍍𑌵-𑌸𑍍𑌸𑍍𑌵𑌗𑍍​𑌮𑍍 𑌹𑌿॒𑌨𑌸𑍍𑌤𑌿॑ 𑌦𑍇॒𑌵𑌾𑌨𑌾᳚-𑌨𑍍𑌤𑍍𑌵𑌾॒ 𑌪𑌤𑍍𑌨𑍀॒𑌰𑌿𑌤𑍍𑌯𑌾॑𑌹 𑌦𑍇॒𑌵𑌾𑌨𑌾𑌂॒- [𑌦𑍇॒𑌵𑌾𑌨𑌾᳚𑌮𑍍, 𑌵𑌾 𑌏॒𑌤𑌾-𑌮𑍍𑌪𑌤𑍍𑌨॒𑌯𑍋-𑌽𑌗𑍍𑌰𑍇॑-𑌽] 35

-​𑌵𑌾𑌁 𑌏॒𑌤𑌾-𑌮𑍍𑌪𑌤𑍍𑌨॒𑌯𑍋-𑌽𑌗𑍍𑌰𑍇॑-𑌽-𑌕𑍁𑌰𑍍𑌵॒-𑌨𑍍𑌤𑌾𑌭𑌿॑𑌰𑍇॒𑌵𑍈𑌨𑌾᳚-𑌨𑍍𑌦𑌧𑌾𑌤𑌿 𑌧𑌿॒𑌷𑌣𑌾॒𑌸𑍍𑌤𑍍𑌵𑍇𑌤𑍍𑌯𑌾॑𑌹 𑌵𑌿॒𑌦𑍍𑌯𑌾 𑌵𑍈 𑌧𑌿॒𑌷𑌣𑌾॑ 𑌵𑌿॒𑌦𑍍𑌯𑌾𑌭𑌿॑-𑌰𑍇॒𑌵𑍈𑌨𑌾॑-𑌮॒𑌭𑍀𑌨𑍍𑌧𑍇॒ 𑌗𑍍𑌨𑌾𑌸𑍍𑌤𑍍𑌵𑍇𑌤𑍍𑌯𑌾॑𑌹॒ 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌵𑍈 𑌗𑍍𑌨𑌾 𑌶𑍍𑌛𑌨𑍍𑌦𑍋॑𑌭𑌿-𑌰𑍇॒𑌵𑍈𑌨𑌾𑌗𑍍॑ 𑌶𑍍𑌰𑌪𑌯𑌤𑌿॒ 𑌵𑌰𑍂᳚𑌤𑍍𑌰𑌯॒𑌸𑍍𑌤𑍍𑌵𑍇𑌤𑍍𑌯𑌾॑𑌹॒ 𑌹𑍋𑌤𑍍𑌰𑌾॒ 𑌵𑍈 𑌵𑌰𑍂᳚𑌤𑍍𑌰𑌯𑍋॒ 𑌹𑍋𑌤𑍍𑌰𑌾॑𑌭𑌿𑌰𑍇॒𑌵𑍈𑌨𑌾᳚-𑌮𑍍𑌪𑌚𑌤𑌿॒ 𑌜𑌨॑𑌯॒𑌸𑍍𑌤𑍍𑌵𑍇𑌤𑍍𑌯𑌾॑𑌹 𑌦𑍇॒𑌵𑌾𑌨𑌾𑌂॒-𑌵𑍈𑌁 𑌪𑌤𑍍𑌨𑍀॒- [𑌪𑌤𑍍𑌨𑍀𑌃᳚, 𑌜𑌨॑𑌯॒𑌸𑍍𑌤𑌾𑌭𑌿॑-] 36

-𑌰𑍍𑌜𑌨॑𑌯॒𑌸𑍍𑌤𑌾𑌭𑌿॑-𑌰𑍇॒𑌵𑍈𑌨𑌾᳚-𑌮𑍍𑌪𑌚𑌤𑌿 𑌷॒𑌡𑍍𑌭𑌿𑌃 𑌪॑𑌚𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨𑌾᳚-𑌮𑍍𑌪𑌚𑌤𑌿॒ 𑌦𑍍𑌵𑌿𑌃 𑌪𑌚॒𑌨𑍍𑌤𑍍𑌵𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾॒-𑌦𑍍𑌦𑍍𑌵𑌿-𑌸𑍍𑌸𑌂॑​𑌵𑌁𑌥𑍍𑌸॒𑌰𑌸𑍍𑌯॑ 𑌸॒𑌸𑍍𑌯-𑌮𑍍𑌪॑𑌚𑍍𑌯𑌤𑍇 𑌵𑌾𑌰𑍁॒𑌣𑍍𑌯𑍁॑𑌖𑌾-𑌽𑌭𑍀𑌦𑍍𑌧𑌾॑ 𑌮𑍈॒𑌤𑍍𑌰𑌿𑌯𑍋𑌪𑍈॑𑌤𑌿॒ 𑌶𑌾𑌨𑍍𑌤𑍍𑌯𑍈॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋-𑌦𑍍𑌵॑𑌪॒𑌤𑍍𑌵𑌿𑌤𑍍𑌯𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨𑌾॒-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌤𑌾॑𑌭𑌿॒𑌰𑍁-𑌦𑍍𑌵॑𑌪॒𑌤𑍍𑌯𑌪॑𑌦𑍍𑌯𑌮𑌾𑌨𑌾 𑌪𑍃𑌥𑌿॒𑌵𑍍𑌯𑌾𑌶𑌾॒ 𑌦𑌿𑌶॒ 𑌆 𑌪𑍃॒𑌣𑍇- [𑌆 𑌪𑍃॒𑌣, 𑌇𑌤𑍍𑌯𑌾॑𑌹॒] 3𑍭

-𑌤𑍍𑌯𑌾॑𑌹॒ 𑌤𑌸𑍍𑌮𑌾॑𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌵𑌿𑌭𑌾॒𑌤𑍍𑌯𑍁𑌤𑍍𑌤𑌿॑𑌷𑍍𑌠 𑌬𑍃𑌹॒𑌤𑍀 𑌭॑𑌵𑍋॒𑌰𑍍𑌧𑍍𑌵𑌾 𑌤𑌿॑𑌷𑍍𑌠 𑌧𑍍𑌰𑍁॒𑌵𑌾 𑌤𑍍𑌵𑌮𑌿𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅𑌸𑍁॒𑌰𑍍𑌯॑-𑌮𑍍𑌪𑌾𑌤𑍍𑌰॒𑌮𑌨𑌾᳚𑌚𑍍𑌛𑍃𑌣𑍍𑌣॒𑌮𑌾-𑌚𑍍𑌛𑍃॑𑌣𑌤𑍍𑌤𑌿 𑌦𑍇𑌵॒𑌤𑍍𑌰𑌾-𑌽𑌕॑𑌰𑌜𑌕𑍍𑌷𑍀॒𑌰𑍇𑌣𑌾-𑌽𑌽𑌚𑍍𑌛𑍃॑𑌣𑌤𑍍𑌤𑌿 𑌪𑌰॒𑌮𑌂-𑌵𑌾𑌁 𑌏॒𑌤-𑌤𑍍𑌪𑌯𑍋॒ 𑌯𑌦॑𑌜𑌕𑍍𑌷𑍀॒𑌰-𑌮𑍍𑌪॑𑌰॒𑌮𑍇𑌣𑍈॒𑌵𑍈𑌨𑌾॒-𑌮𑍍𑌪𑌯॒𑌸𑌾-𑌽𑌽𑌚𑍍𑌛𑍃॑𑌣𑌤𑍍𑌤𑌿॒ 𑌯𑌜𑍁॑𑌷𑌾॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ 𑌛𑌨𑍍𑌦𑍋॑𑌭𑌿॒𑌰𑌾 𑌚𑍍𑌛𑍃॑𑌣𑌤𑍍𑌤𑌿॒ 𑌛𑌨𑍍𑌦𑍋॑𑌭𑌿॒𑌰𑍍𑌵𑌾 𑌏॒𑌷𑌾 𑌕𑍍𑌰𑌿॑𑌯𑌤𑍇॒ 𑌛𑌨𑍍𑌦𑍋॑𑌭𑌿𑌰𑍇॒𑌵 𑌛𑌨𑍍𑌦𑌾॒𑌗𑍍॒𑌸𑍍𑌯𑌾 𑌚𑍍𑌛𑍃॑𑌣𑌤𑍍𑌤𑌿 ॥ 3𑍮 ॥
(𑌆॒𑌹॒ 𑌦𑍇॒𑌵𑌾𑌨𑌾𑌂॒ – ​𑌵𑍈𑌁 𑌪𑌤𑍍𑌨𑍀𑌃᳚ – 𑌪𑍃𑌣𑍈॒ – 𑌷𑌾 – 𑌷𑌟𑍍 𑌚॑) (𑌅. 𑍭)

𑌏𑌕॑𑌵𑌿𑌗𑍍​𑌮𑍍𑌶𑌤𑍍𑌯𑌾॒ 𑌮𑌾𑌷𑍈𑌃᳚ 𑌪𑍁𑌰𑍁𑌷𑌶𑍀॒𑌰𑍍॒𑌷-𑌮𑌚𑍍𑌛𑍈᳚𑌤𑍍𑌯𑌮𑍇॒𑌦𑍍𑌧𑍍𑌯𑌾 𑌵𑍈 𑌮𑌾𑌷𑌾॑ 𑌅𑌮𑍇॒𑌦𑍍𑌧𑍍𑌯-𑌮𑍍𑌪𑍁॑𑌰𑍁𑌷𑌶𑍀॒𑌰𑍍॒𑌷-𑌮॑𑌮𑍇॒𑌦𑍍𑌧𑍍𑌯𑍈𑌰𑍇॒𑌵𑌾-𑌸𑍍𑌯𑌾॑-𑌮𑍇॒𑌦𑍍𑌧𑍍𑌯-𑌨𑍍𑌨𑌿॑𑌰𑌵॒𑌦𑌾𑌯॒ 𑌮𑍇𑌦𑍍𑌧𑍍𑌯॑-𑌙𑍍𑌕𑍃॒𑌤𑍍𑌵𑌾 𑌽𑌽𑌹॑𑌰॒𑌤𑍍𑌯𑍇𑌕॑𑌵𑌿𑌗𑍍​𑌮𑍍𑌶𑌤𑌿-𑌰𑍍𑌭𑌵𑌨𑍍𑌤𑍍𑌯𑍇𑌕𑌵𑌿॒𑌗𑍍​𑌮𑍍॒𑌶𑍋 𑌵𑍈 𑌪𑍁𑌰𑍁॑𑌷𑌃॒ 𑌪𑍁𑌰𑍁॑𑌷॒𑌸𑍍𑌯𑌾-𑌽𑌽𑌪𑍍𑌤𑍍𑌯𑍈॒ 𑌵𑍍𑌯𑍃॑𑌦𑍍𑌧𑌂॒-𑌵𑌾𑌁 𑌏॒𑌤-𑌤𑍍𑌪𑍍𑌰𑌾॒𑌣𑍈𑌰॑𑌮𑍇॒𑌦𑍍𑌧𑍍𑌯𑌂-𑌯𑌁-𑌤𑍍𑌪𑍁॑𑌰𑍁𑌷𑌶𑍀॒𑌰𑍍॒𑌷𑌗𑍍​𑌮𑍍 𑌸॑𑌪𑍍𑌤॒𑌧𑌾 𑌵𑌿𑌤𑍃॑𑌣𑍍𑌣𑌾𑌂-𑌵𑌁𑌲𑍍𑌮𑍀𑌕𑌵॒𑌪𑌾-𑌮𑍍𑌪𑍍𑌰𑌤𑌿॒ 𑌨𑌿 𑌦॑𑌧𑌾𑌤𑌿 𑌸॒𑌪𑍍𑌤 𑌵𑍈 𑌶𑍀॑𑌰𑍍​𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾𑌃 𑌪𑍍𑌰𑌾॒𑌣𑍈𑌰𑍇॒𑌵𑍈𑌨॒-𑌥𑍍𑌸𑌮॑𑌰𑍍𑌧𑌯𑌤𑌿 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॒ 𑌯𑌾𑌵॑𑌨𑍍𑌤𑍋॒ [𑌯𑌾𑌵॑𑌨𑍍𑌤𑌃, 𑌵𑍈 𑌮𑍃॒𑌤𑍍𑌯𑍁𑌬॑𑌨𑍍𑌧𑌵॒-] 3𑍯

𑌵𑍈 𑌮𑍃॒𑌤𑍍𑌯𑍁𑌬॑𑌨𑍍𑌧𑌵॒-𑌸𑍍𑌤𑍇𑌷𑌾𑌂᳚-𑌯𑌁॒𑌮 𑌆𑌧𑌿॑𑌪𑌤𑍍𑌯॒-𑌮𑍍𑌪𑌰𑍀॑𑌯𑌾𑌯 𑌯𑌮𑌗𑌾॒𑌥𑌾𑌭𑌿𑌃॒ 𑌪𑌰𑌿॑𑌗𑌾𑌯𑌤𑌿 𑌯॒𑌮𑌾𑌦𑍇॒𑌵𑍈𑌨॑-𑌦𑍍𑌵𑍃𑌙𑍍𑌕𑍍𑌤𑍇 𑌤𑌿॒𑌸𑍃𑌭𑌿𑌃॒ 𑌪𑌰𑌿॑𑌗𑌾𑌯𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑍍𑌯 𑌏॒𑌵𑍈𑌨॑𑌲𑍍𑌲𑍋॒𑌕𑍇𑌭𑍍𑌯𑍋॑ 𑌵𑍃𑌙𑍍𑌕𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌗𑌾𑌯॑𑌤𑍇॒ 𑌨 𑌦𑍇𑌯॒-𑌙𑍍𑌗𑌾𑌥𑌾॒ 𑌹𑌿 𑌤-𑌦𑍍𑌵𑍃॒𑌙𑍍𑌕𑍍𑌤𑍇᳚ 𑌽𑌗𑍍𑌨𑌿𑌭𑍍𑌯𑌃॑ 𑌪॒𑌶𑍂𑌨𑌾 𑌲॑𑌭𑌤𑍇॒ 𑌕𑌾𑌮𑌾॒ 𑌵𑌾 𑌅॒𑌗𑍍𑌨𑌯𑌃॒ 𑌕𑌾𑌮𑌾॑𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯-𑌤𑍍𑌪॒𑌶𑍂-𑌨𑍍𑌨𑌾-𑌽𑌽𑌲𑌭𑍇॒𑌤𑌾-𑌽𑌨॑𑌵𑌰𑍁𑌦𑍍𑌧𑌾 𑌅𑌸𑍍𑌯 [ ] 40

𑌪॒𑌶𑌵॑-𑌸𑍍𑌸𑍍𑌯𑍁॒𑌰𑍍𑌯-𑌤𑍍𑌪𑌰𑍍𑌯॑𑌗𑍍𑌨𑌿𑌕𑍃𑌤𑌾𑌨𑍁-𑌥𑍍𑌸𑍃॒𑌜𑍇-𑌦𑍍𑌯॑𑌜𑍍𑌞𑌵𑍇𑌶॒𑌸-𑌙𑍍𑌕𑍁॑𑌰𑍍𑌯𑌾॒-𑌦𑍍𑌯-𑌥𑍍𑌸𑌗𑍍𑌗𑍍॑𑌸𑍍𑌥𑌾॒𑌪𑌯𑍇᳚-𑌦𑍍𑌯𑌾॒𑌤𑌯𑌾॑𑌮𑌾𑌨𑌿 𑌶𑍀॒𑌰𑍍॒𑌷𑌾𑌣𑌿॑ 𑌸𑍍𑌯𑍁॒𑌰𑍍𑌯-𑌤𑍍𑌪॒𑌶𑍂𑌨𑌾॒𑌲𑌭॑𑌤𑍇॒ 𑌤𑍇𑌨𑍈॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌯-𑌤𑍍𑌪𑌰𑍍𑌯॑𑌗𑍍𑌨𑌿𑌕𑍃𑌤𑌾𑌨𑍁-𑌥𑍍𑌸𑍃॒𑌜𑌤𑌿॑ 𑌶𑍀॒𑌰𑍍​𑌷𑍍𑌣𑌾-𑌮𑌯𑌾॑𑌤𑌯𑌾𑌮𑌤𑍍𑌵𑌾𑌯 𑌪𑍍𑌰𑌾𑌜𑌾𑌪॒𑌤𑍍𑌯𑍇𑌨॒ 𑌸𑌗𑍍𑌗𑍍​ 𑌸𑍍𑌥𑌾॑𑌪𑌯𑌤𑌿 𑌯॒𑌜𑍍𑌞𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿𑌰𑍍𑌯॒𑌜𑍍𑌞 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌸 𑌰𑌿॑𑌰𑌿𑌚𑌾॒𑌨𑍋॑-𑌽𑌮𑌨𑍍𑌯𑌤॒ 𑌸 𑌏॒𑌤𑌾 𑌆॒𑌪𑍍𑌰𑍀𑌰॑𑌪𑌶𑍍𑌯॒-𑌤𑍍𑌤𑌾𑌭𑌿॒𑌰𑍍𑌵𑍈 𑌸 𑌮𑍁॑𑌖॒𑌤 [𑌸 𑌮𑍁॑𑌖॒𑌤𑌃, 𑌆॒𑌤𑍍𑌮𑌾𑌨॒𑌮𑌾 𑌽𑌪𑍍𑌰𑍀॑𑌣𑍀𑌤॒] 41

𑌆॒𑌤𑍍𑌮𑌾𑌨॒𑌮𑌾 𑌽𑌪𑍍𑌰𑍀॑𑌣𑍀𑌤॒ 𑌯𑌦𑍇॒𑌤𑌾 𑌆॒𑌪𑍍𑌰𑌿𑌯𑍋॒ 𑌭𑌵॑𑌨𑍍𑌤𑌿 𑌯॒𑌜𑍍𑌞𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿-𑌰𑍍𑌯॒𑌜𑍍𑌞𑌮𑍇॒𑌵𑍈𑌤𑌾𑌭𑌿॑𑌰𑍍𑌮𑍁𑌖॒𑌤 𑌆 𑌪𑍍𑌰𑍀॑𑌣𑌾॒𑌤𑍍𑌯-𑌪॑𑌰𑌿𑌮𑌿𑌤𑌛𑌨𑍍𑌦𑌸𑍋 𑌭𑌵॒𑌨𑍍𑌤𑍍𑌯𑌪॑𑌰𑌿𑌮𑌿𑌤𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑌾॑ 𑌊𑌨𑌾𑌤𑌿𑌰𑌿॒𑌕𑍍𑌤𑌾 𑌮𑌿॑𑌥𑍁॒𑌨𑌾𑌃 𑌪𑍍𑌰𑌜𑌾᳚𑌤𑍍𑌯𑍈 𑌲𑍋𑌮॒𑌶𑌂-𑌵𑍈𑌁 𑌨𑌾𑌮𑍈॒𑌤𑌚𑍍𑌛𑌨𑍍𑌦𑌃॑ 𑌪𑍍𑌰॒𑌜𑌾𑌪॑𑌤𑍇𑌃 𑌪॒𑌶𑌵𑍋॑ 𑌲𑍋𑌮॒𑌶𑌾𑌃 𑌪॒𑌶𑍂𑌨𑍇॒𑌵𑌾-𑌽𑌵॑ 𑌰𑍁𑌨𑍍𑌧𑍇॒ 𑌸𑌰𑍍𑌵𑌾॑𑌣𑌿॒ 𑌵𑌾 𑌏॒𑌤𑌾 𑌰𑍂॒𑌪𑌾𑌣𑌿॒ 𑌸𑌰𑍍𑌵𑌾॑𑌣𑌿 𑌰𑍂॒𑌪𑌾𑌣𑍍𑌯॒𑌗𑍍𑌨𑍌 𑌚𑌿𑌤𑍍𑌯𑍇᳚ 𑌕𑍍𑌰𑌿𑌯𑌨𑍍𑌤𑍇॒ 𑌤𑌸𑍍𑌮𑌾॑𑌦𑍇॒𑌤𑌾 𑌅॒𑌗𑍍𑌨𑍇𑌶𑍍𑌚𑌿𑌤𑍍𑌯॑𑌸𑍍𑌯 [𑌅॒𑌗𑍍𑌨𑍇𑌶𑍍𑌚𑌿𑌤𑍍𑌯॑𑌸𑍍𑌯, 𑌭॒𑌵॒𑌨𑍍𑌤𑍍𑌯𑍇𑌕॑𑌵𑌿𑌗𑍍​𑌮𑍍 𑌶𑌤𑌿𑌗𑍍​𑌮𑍍] 42

𑌭𑌵॒𑌨𑍍𑌤𑍍𑌯𑍇𑌕॑𑌵𑌿𑌗𑍍​𑌮𑍍 𑌶𑌤𑌿𑌗𑍍​𑌮𑍍 𑌸𑌾𑌮𑌿𑌧𑍇॒𑌨𑍀𑌰𑌨𑍍𑌵𑌾॑𑌹॒ 𑌰𑍁𑌗𑍍𑌵𑌾 𑌏॑𑌕𑌵𑌿॒𑌗𑍍​𑌮𑍍॒𑌶𑍋 𑌰𑍁𑌚॑𑌮𑍇॒𑌵 𑌗॑𑌚𑍍𑌛॒𑌤𑍍𑌯𑌥𑍋᳚ 𑌪𑍍𑌰𑌤𑌿॒𑌷𑍍𑌠𑌾𑌮𑍇॒𑌵 𑌪𑍍𑌰॑𑌤𑌿॒𑌷𑍍𑌠𑌾 𑌹𑍍𑌯𑍇॑𑌕𑌵𑌿॒𑌗𑍍​𑌮𑍍॒𑌶-𑌶𑍍𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿॒𑌮𑌨𑍍𑌵𑌾॑𑌹॒ 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿𑌰𑌰𑍍𑌧𑌮𑌾॒𑌸𑌾-𑌸𑍍𑌸𑌂॑​𑌵𑌁𑌥𑍍𑌸॒𑌰-𑌸𑍍𑌸𑌂॑​𑌵𑌁𑌥𑍍𑌸॒𑌰𑍋᳚-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧𑍇॒ 𑌪𑌰𑌾॑𑌚𑍀॒𑌰𑌨𑍍𑌵𑌾॑𑌹॒ 𑌪𑌰𑌾॑𑌙𑌿𑌵॒ 𑌹𑌿 𑌸𑍁॑𑌵॒𑌰𑍍𑌗𑍋 𑌲𑍋॒𑌕-𑌸𑍍𑌸𑌮𑌾᳚𑌸𑍍𑌤𑍍𑌵𑌾-𑌽𑌗𑍍𑌨 𑌋॒𑌤𑌵𑍋॑ 𑌵𑌰𑍍𑌧𑌯॒𑌨𑍍𑌤𑍍𑌵𑌿𑌤𑍍𑌯𑌾॑𑌹॒ 𑌸𑌮𑌾॑𑌭𑌿𑌰𑍇॒𑌵𑌾-𑌽𑌗𑍍𑌨𑌿𑌂-𑌵𑌁॑𑌰𑍍𑌧𑌯- [-𑌽𑌗𑍍𑌨𑌿𑌂-𑌵𑌁॑𑌰𑍍𑌧𑌯𑌤𑌿, 𑌋॒𑌤𑍁𑌭𑌿॑-𑌸𑍍𑌸𑌂​𑌵𑌁𑌥𑍍𑌸॒𑌰𑌂-𑌵𑌿𑌁𑌶𑍍𑌵𑌾॒] 43

-𑌤𑍍𑌯𑍃॒𑌤𑍁𑌭𑌿॑-𑌸𑍍𑌸𑌂​𑌵𑌁𑌥𑍍𑌸॒𑌰𑌂-𑌵𑌿𑌁𑌶𑍍𑌵𑌾॒ 𑌆 𑌭𑌾॑𑌹𑌿 𑌪𑍍𑌰॒𑌦𑌿𑌶𑌃॑ 𑌪𑍃𑌥𑌿॒𑌵𑍍𑌯𑌾 𑌇𑌤𑍍𑌯𑌾॑𑌹॒ 𑌤𑌸𑍍𑌮𑌾॑𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌵𑌿𑌭𑌾॑𑌤𑌿॒ 𑌪𑍍𑌰𑌤𑍍𑌯𑍌॑𑌹𑌤𑌾𑌮॒𑌶𑍍𑌵𑌿𑌨𑌾॑ 𑌮𑍃॒𑌤𑍍𑌯𑍁𑌮॑𑌸𑍍𑌮𑌾॒𑌦𑌿𑌤𑍍𑌯𑌾॑𑌹 𑌮𑍃॒𑌤𑍍𑌯𑍁𑌮𑍇॒𑌵𑌾-𑌽𑌸𑍍𑌮𑌾॒𑌦𑌪॑ 𑌨𑍁𑌦॒𑌤𑍍𑌯𑍁𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑍀𑌤𑍍𑌯𑌾॑𑌹 𑌪𑌾॒𑌪𑍍𑌮𑌾 𑌵𑍈 𑌤𑌮𑌃॑ 𑌪𑌾॒𑌪𑍍𑌮𑌾𑌨॑𑌮𑍇॒𑌵𑌾𑌸𑍍𑌮𑌾॒𑌦𑌪॑ 𑌹॒𑌨𑍍𑌤𑍍𑌯𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮-𑌮𑌿𑌤𑍍𑌯𑌾॑𑌹𑌾॒-𑌽𑌸𑍌 𑌵𑌾 𑌆॑𑌦𑌿॒𑌤𑍍𑌯𑍋 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮-𑌮𑌾॑𑌦𑌿॒𑌤𑍍𑌯𑌸𑍍𑌯𑍈॒𑌵 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿॒ 𑌨 𑌸𑌂॑​𑌵𑌁𑌥𑍍𑌸॒𑌰𑌸𑍍𑌤𑌿॑𑌷𑍍𑌠𑌤𑌿॒ 𑌨𑌾𑌸𑍍𑌯॒ 𑌶𑍍𑌰𑍀𑌸𑍍𑌤𑌿॑𑌷𑍍𑌠𑌤𑌿॒ 𑌯𑌸𑍍𑌯𑍈॒𑌤𑌾𑌃 𑌕𑍍𑌰𑌿॒𑌯𑌨𑍍𑌤𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌮𑍁𑌤𑍍𑌤॒𑌮𑌾𑌮𑌨𑍍𑌵𑌾॑𑌹॒ 𑌜𑍍𑌯𑍋𑌤𑌿॑𑌰𑍇॒𑌵𑌾𑌸𑍍𑌮𑌾॑ 𑌉॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑍈 ॥ 44 ॥
(𑌯𑌾𑌵॑𑌨𑍍𑌤𑍋 – 𑌽𑌸𑍍𑌯 – 𑌮𑍁𑌖॒𑌤 – 𑌶𑍍𑌚𑌿𑌤𑍍𑌯॑𑌸𑍍𑌯 – 𑌵𑌰𑍍𑌧𑌯 – 𑌤𑍍𑌯𑌾𑌦𑌿॒𑌤𑍍𑌯𑍋᳚ – 𑌽𑌷𑍍𑌟𑌾𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚) (𑌅. 𑍮)

𑌷॒𑌡𑍍𑌭𑌿𑌰𑍍𑌦𑍀᳚𑌕𑍍𑌷𑌯𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨॑-𑌨𑍍𑌦𑍀𑌕𑍍𑌷𑌯𑌤𑌿 𑌸॒𑌪𑍍𑌤𑌭𑌿॑𑌰𑍍𑌦𑍀𑌕𑍍𑌷𑌯𑌤𑌿 𑌸॒𑌪𑍍𑌤 𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॑-𑌨𑍍𑌦𑍀𑌕𑍍𑌷𑌯𑌤𑌿॒ 𑌵𑌿𑌶𑍍𑌵𑍇॑ 𑌦𑍇॒𑌵𑌸𑍍𑌯॑ 𑌨𑍇॒𑌤𑍁𑌰𑌿𑌤𑍍𑌯॑-𑌨𑍁॒𑌷𑍍𑌟𑍁𑌭𑍋᳚𑌤𑍍𑌤॒𑌮𑌯𑌾॑ 𑌜𑍁𑌹𑍋𑌤𑌿॒ 𑌵𑌾𑌗𑍍𑌵𑌾 𑌅॑𑌨𑍁॒𑌷𑍍𑌟𑍁-𑌪𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣𑌾𑌨𑌾𑌂॒-𑌵𑌾𑌁𑌗𑍁॑𑌤𑍍𑌤॒𑌮𑍈- 𑌕॑𑌸𑍍𑌮𑌾𑌦॒𑌕𑍍𑌷𑌰𑌾॒𑌦𑌨𑌾᳚𑌪𑍍𑌤-𑌮𑍍𑌪𑍍𑌰𑌥॒𑌮-𑌮𑍍𑌪॒𑌦-𑌨𑍍𑌤𑌸𑍍𑌮𑌾॒-𑌦𑍍𑌯-𑌦𑍍𑌵𑌾॒𑌚𑍋-𑌽𑌨𑌾᳚𑌪𑍍𑌤॒-𑌨𑍍𑌤𑌨𑍍𑌮॑𑌨𑍁॒𑌷𑍍𑌯𑌾॑ 𑌉𑌪॑ 𑌜𑍀𑌵𑌨𑍍𑌤𑌿 𑌪𑍂॒𑌰𑍍𑌣𑌯𑌾॑ 𑌜𑍁𑌹𑍋𑌤𑌿 𑌪𑍂॒𑌰𑍍𑌣 𑌇॑𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 [𑌪𑍍𑌰॒𑌜𑌾𑌪॑𑌤𑌿𑌃, 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑌤𑍍𑌯𑍈॒] 45

𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈॒ 𑌨𑍍𑌯𑍂॑𑌨𑌯𑌾 𑌜𑍁𑌹𑍋𑌤𑌿॒ 𑌨𑍍𑌯𑍂॑𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅𑌸𑍃॑𑌜𑌤 𑌪𑍍𑌰॒𑌜𑌾𑌨𑌾॒𑌗𑍍​𑌮𑍍॒ 𑌸𑍃𑌷𑍍𑌟𑍍𑌯𑍈॒ 𑌯𑌦॒𑌰𑍍𑌚𑌿𑌷𑌿॑ 𑌪𑍍𑌰𑌵𑍃॒𑌞𑍍𑌜𑍍𑌯𑌾-𑌦𑍍𑌭𑍂॒𑌤𑌮𑌵॑ 𑌰𑍁𑌨𑍍𑌧𑍀𑌤॒ 𑌯𑌦𑌙𑍍𑌗𑌾॑𑌰𑍇𑌷𑍁 𑌭𑌵𑌿॒𑌷𑍍𑌯𑌦𑌙𑍍𑌗𑌾॑𑌰𑍇𑌷𑍁॒ 𑌪𑍍𑌰𑌵𑍃॑𑌣𑌕𑍍𑌤𑌿 𑌭𑌵𑌿॒𑌷𑍍𑌯 𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌭𑌵𑌿॒𑌷𑍍𑌯𑌦𑍍𑌧𑌿 𑌭𑍂𑌯𑍋॑ 𑌭𑍂॒𑌤𑌾-𑌦𑍍𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌵𑍃॑𑌣𑌕𑍍𑌤𑌿 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌬𑍍𑌰𑌹𑍍𑌮॑𑌣𑌾॒ 𑌵𑌾 𑌏॒𑌷𑌾 𑌯𑌜𑍁॑𑌷𑌾॒ 𑌸𑌮𑍍𑌭𑍃॑𑌤𑌾॒ 𑌯𑌦𑍁॒𑌖𑌾 𑌸𑌾 𑌯𑌦𑍍𑌭𑌿𑌦𑍍𑌯𑍇॒𑌤𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇॒- [-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇᳚𑌤𑍍, 𑌯𑌜॑𑌮𑌾𑌨𑍋] 46

-𑌦𑍍𑌯𑌜॑𑌮𑌾𑌨𑍋 𑌹॒𑌨𑍍𑌯𑍇𑌤𑌾᳚-𑌽𑌸𑍍𑌯 𑌯॒𑌜𑍍𑌞𑍋 𑌮𑌿𑌤𑍍𑌰𑍈॒𑌤𑌾𑌮𑍁॒𑌖𑌾-𑌨𑍍𑌤॒𑌪𑍇𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॒ 𑌵𑍈 𑌮𑌿॒𑌤𑍍𑌰𑍋 𑌬𑍍𑌰𑌹𑍍𑌮॑𑌨𑍍𑌨𑍇॒𑌵𑍈𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑍋॒ 𑌨𑌾𑌸𑍍𑌯॑ 𑌯॒𑌜𑍍𑌞𑍋 𑌹॑𑌨𑍍𑌯𑌤𑍇॒ 𑌯𑌦𑌿॒ 𑌭𑌿𑌦𑍍𑌯𑍇॑𑌤॒ 𑌤𑍈𑌰𑍇॒𑌵 𑌕॒𑌪𑌾𑌲𑍈॒-𑌸𑍍𑌸𑌗𑍍​𑌮𑍍 𑌸𑍃॑𑌜𑍇॒-𑌥𑍍𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿॒𑌰𑍍𑌯𑍋 𑌗॒𑌤𑌶𑍍𑌰𑍀॒-𑌸𑍍𑌸𑍍𑌯𑌾𑌨𑍍𑌮॑𑌥𑌿॒𑌤𑍍𑌵𑌾 𑌤𑌸𑍍𑌯𑌾𑌵॑ 𑌦𑌦𑍍𑌧𑍍𑌯𑌾-𑌦𑍍𑌭𑍂॒𑌤𑍋 𑌵𑌾 𑌏॒𑌷 𑌸 𑌸𑍍𑌵𑌾- [𑌏॒𑌷 𑌸 𑌸𑍍𑌵𑌾𑌮𑍍, 𑌦𑍇॒𑌵𑌤𑌾॒𑌮𑍁𑌪𑍈॑𑌤𑌿॒] 4𑍭

-𑌨𑍍𑌦𑍇॒𑌵𑌤𑌾॒𑌮𑍁𑌪𑍈॑𑌤𑌿॒ 𑌯𑍋 𑌭𑍂𑌤𑌿॑𑌕𑌾𑌮॒-𑌸𑍍𑌸𑍍𑌯𑌾𑌦𑍍𑌯 𑌉॒𑌖𑌾𑌯𑍈॑ 𑌸॒𑌮𑍍𑌭𑌵𑍇॒-𑌥𑍍𑌸 𑌏॒𑌵 𑌤𑌸𑍍𑌯॑ 𑌸𑍍𑌯𑌾॒𑌦𑌤𑍋॒ 𑌹𑍍𑌯𑍇॑𑌷 𑌸॒𑌮𑍍𑌭𑌵॑𑌤𑍍𑌯𑍇॒𑌷 𑌵𑍈 𑌸𑍍𑌵॑𑌯॒𑌮𑍍𑌭𑍂𑌰𑍍𑌨𑌾𑌮॒ 𑌭𑌵॑𑌤𑍍𑌯𑍇॒𑌵 𑌯-𑌙𑍍𑌕𑌾॒𑌮𑌯𑍇॑𑌤॒ 𑌭𑍍𑌰𑌾𑌤𑍃॑𑌵𑍍𑌯𑌮𑌸𑍍𑌮𑍈 𑌜𑌨𑌯𑍇𑌯॒𑌮𑌿𑌤𑍍𑌯॒-𑌨𑍍𑌯𑌤॒𑌸𑍍𑌤𑌸𑍍𑌯𑌾॒-𑌽𑌽𑌹𑍃𑌤𑍍𑌯𑌾-𑌽𑌵॑ 𑌦𑌦𑍍𑌧𑍍𑌯𑌾-𑌥𑍍𑌸𑌾॒𑌕𑍍𑌷𑌾𑌦𑍇॒𑌵𑌾𑌸𑍍𑌮𑍈॒ 𑌭𑍍𑌰𑌾𑌤𑍃॑𑌵𑍍𑌯-𑌞𑍍𑌜𑌨𑌯𑌤𑍍𑌯𑌮𑍍𑌬॒𑌰𑍀𑌷𑌾॒𑌦𑌨𑍍𑌨॑ 𑌕𑌾𑌮॒𑌸𑍍𑌯𑌾𑌵॑ 𑌦𑌦𑍍𑌧𑍍𑌯𑌾𑌦𑌮𑍍𑌬॒𑌰𑍀𑌷𑍇॒ 𑌵𑌾 𑌅𑌨𑍍𑌨॑-𑌮𑍍𑌭𑍍𑌰𑌿𑌯𑌤𑍇॒ 𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒- [𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨᳚𑌮𑍍, 𑌅𑌵॑ 𑌰𑍁𑌨𑍍𑌧𑍇॒] 4𑍮

-𑌮𑌵॑ 𑌰𑍁𑌨𑍍𑌧𑍇॒ 𑌮𑍁𑌞𑍍𑌜𑌾॒𑌨𑌵॑ 𑌦𑌧𑌾॒𑌤𑍍𑌯𑍂𑌰𑍍𑌗𑍍𑌵𑍈 𑌮𑍁𑌞𑍍𑌜𑌾॒ 𑌊𑌰𑍍𑌜॑𑌮𑍇॒𑌵𑌾𑌸𑍍𑌮𑌾॒ 𑌅𑌪𑌿॑ 𑌦𑌧𑌾𑌤𑍍𑌯॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌸 𑌕𑍍𑌰𑍁॑𑌮𑍁॒𑌕-𑌮𑍍𑌪𑍍𑌰𑌾-𑌽𑌵𑌿॑𑌶-𑌤𑍍𑌕𑍍𑌰𑍁𑌮𑍁॒𑌕𑌮𑌵॑ 𑌦𑌧𑌾𑌤𑌿॒ 𑌯𑌦𑍇॒𑌵𑌾𑌸𑍍𑌯॒ 𑌤𑌤𑍍𑌰॒ 𑌨𑍍𑌯॑𑌕𑍍𑌤॒-𑌨𑍍𑌤 𑌦𑍇॒𑌵𑌾𑌵॑ 𑌰𑍁𑌨𑍍𑌧॒ 𑌆𑌜𑍍𑌯𑍇॑𑌨॒ 𑌸𑌂-𑌯𑍌𑌁᳚𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮॒ 𑌯𑌦𑌾𑌜𑍍𑌯॑-𑌮𑍍𑌪𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌨𑍍𑌧𑌾𑌮𑍍𑌨𑌾॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॒ 𑌤𑍇𑌜॑𑌸𑌾॒ [𑌤𑍇𑌜॑𑌸𑌾, 𑌵𑍈 𑌕॑𑌕𑌨𑍍𑌤𑍀॒𑌮𑌾 𑌦॑𑌧𑌾𑌤𑌿॒] 4𑍯

𑌵𑍈 𑌕॑𑌙𑍍𑌕𑌤𑍀॒𑌮𑌾 𑌦॑𑌧𑌾𑌤𑌿॒ 𑌭𑌾 𑌏॒𑌵𑌾𑌵॑ 𑌰𑍁𑌨𑍍𑌧𑍇 𑌶𑌮𑍀॒𑌮𑌯𑍀॒𑌮𑌾 𑌦॑𑌧𑌾𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌸𑍀𑌦॒ 𑌤𑍍𑌵-𑌮𑍍𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥॒ 𑌇𑌤𑌿॑ 𑌤𑌿॒𑌸𑍃𑌭𑌿॑𑌰𑍍𑌜𑌾॒𑌤𑌮𑍁𑌪॑ 𑌤𑌿𑌷𑍍𑌠𑌤𑍇॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑍍𑌵𑍇॑𑌵 𑌲𑍋॒𑌕𑍇𑌷𑍍𑌵𑌾॒𑌵𑌿𑌦॑-𑌙𑍍𑌗𑌚𑍍𑌛॒𑌤𑍍𑌯𑌥𑍋᳚ 𑌪𑍍𑌰𑌾॒𑌣𑌾𑌨𑍇॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇 ॥ 50 ॥
( 𑌪𑍍𑌰॒𑌜𑌾𑌪॑𑌤𑌿–𑌰𑍍 𑌋𑌚𑍍𑌛𑍇॒𑌥𑍍 – 𑌸𑍍𑌵𑌾 – 𑌮𑍇॒𑌵𑌾𑌨𑍍𑌨𑌂॒ – 𑌤𑍇𑌜॑𑌸𑌾॒ – 𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶𑌚𑍍𑌚) (𑌅. 𑍯)

𑌨 𑌹॑ 𑌸𑍍𑌮॒ 𑌵𑍈 𑌪𑍁॒𑌰𑌾-𑌽𑌗𑍍𑌨𑌿𑌰𑌪॑𑌰𑌶𑍁𑌵𑍃𑌕𑍍𑌣-𑌨𑍍𑌦𑌹𑌤𑌿॒ 𑌤𑌦॑𑌸𑍍𑌮𑍈 𑌪𑍍𑌰𑌯𑍋॒𑌗 𑌏॒𑌵𑌰𑍍​𑌷𑌿॑𑌰𑌸𑍍𑌵𑌦𑌯॒-𑌦𑍍𑌯𑌦॑𑌗𑍍𑌨𑍇॒ 𑌯𑌾𑌨𑌿॒ 𑌕𑌾𑌨𑌿॒ 𑌚𑍇𑌤𑌿॑ 𑌸॒𑌮𑌿𑌧॒𑌮𑌾 𑌦॑𑌧𑌾॒𑌤𑍍𑌯𑌪॑𑌰𑌶𑍁𑌵𑍃𑌕𑍍𑌣-𑌮𑍇॒𑌵𑌾𑌸𑍍𑌮𑍈᳚ 𑌸𑍍𑌵𑌦𑌯𑌤𑌿॒ 𑌸𑌰𑍍𑌵॑𑌮𑌸𑍍𑌮𑍈 𑌸𑍍𑌵𑌦𑌤𑍇॒ 𑌯 𑌏॒𑌵𑌂-𑌵𑍇𑌁𑌦𑍌𑌦𑍁॑𑌮𑍍𑌬𑌰𑍀॒𑌮𑌾 𑌦॑𑌧𑌾॒𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌜॑𑌮𑍇॒𑌵𑌾𑌸𑍍𑌮𑌾॒ 𑌅𑌪𑌿॑ 𑌦𑌧𑌾𑌤𑌿 𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿-𑌮॑𑌸𑍃𑌜𑌤॒ 𑌤𑌗𑍍​𑌮𑍍 𑌸𑍃॒𑌷𑍍𑌟𑌗𑍍​𑌮𑍍 𑌰𑌕𑍍𑌷𑌾𑌗𑍍॑- [𑌸𑍃॒𑌷𑍍𑌟𑌗𑍍​𑌮𑍍 𑌰𑌕𑍍𑌷𑌾𑌗𑍍​𑌮𑍍॑𑌸𑌿, 𑌅॒𑌜𑌿॒𑌘𑌾॒𑌗𑍍​𑌮𑍍॒𑌸॒𑌨𑍍​𑌥𑍍𑌸 𑌏॒𑌤-] 51

-𑌸𑍍𑌯𑌜𑌿𑌘𑌾𑌗𑍍​𑌮𑍍𑌸॒𑌨𑍍​𑌥𑍍𑌸 𑌏॒𑌤-𑌦𑍍𑌰𑌾᳚𑌕𑍍𑌷𑍋॒𑌘𑍍𑌨𑌮॑𑌪𑌶𑍍𑌯॒-𑌤𑍍𑌤𑍇𑌨॒ 𑌵𑍈 𑌸𑌰𑌕𑍍𑌷𑌾॒𑌗𑍍॒𑌸𑍍𑌯𑌪𑌾॑-𑌽𑌹𑌤॒ 𑌯-𑌦𑍍𑌰𑌾᳚𑌕𑍍𑌷𑍋॒𑌘𑍍𑌨-𑌮𑍍𑌭𑌵॑𑌤𑍍𑌯॒𑌗𑍍𑌨𑍇𑌰𑍇॒𑌵 𑌤𑍇𑌨॑ 𑌜𑌾॒𑌤𑌾-𑌦𑍍𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹॒𑌨𑍍𑌤𑍍𑌯𑌾𑌶𑍍𑌵॑𑌤𑍍𑌥𑍀॒𑌮𑌾 𑌦॑𑌧𑌾𑌤𑍍𑌯𑌶𑍍𑌵॒𑌤𑍍𑌥𑍋 𑌵𑍈 𑌵𑌨॒𑌸𑍍𑌪𑌤𑍀॑𑌨𑌾𑌗𑍍​𑌮𑍍 𑌸𑌪𑌤𑍍𑌨𑌸𑌾॒𑌹𑍋 𑌵𑌿𑌜𑌿॑𑌤𑍍𑌯𑍈॒ 𑌵𑍈𑌕॑𑌙𑍍𑌕𑌤𑍀॒𑌮𑌾 𑌦॑𑌧𑌾𑌤𑌿॒ 𑌭𑌾 𑌏॒𑌵𑌾𑌵॑ 𑌰𑍁𑌨𑍍𑌧𑍇 𑌶𑌮𑍀॒𑌮𑌯𑍀॒𑌮𑌾 𑌦॑𑌧𑌾𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌸𑌗𑍍​𑌮𑍍𑌶𑌿॑𑌤-𑌮𑍍𑌮𑍇॒ 𑌬𑍍𑌰𑌹𑍍𑌮𑍋𑌦𑍇॑𑌷𑌾-𑌮𑍍𑌬𑌾॒𑌹𑍂 𑌅॑𑌤𑌿𑌰॒𑌮𑌿𑌤𑍍𑌯𑍁॑𑌤𑍍𑌤॒𑌮𑍇 𑌔𑌦𑍁॑𑌮𑍍𑌬𑌰𑍀 [𑌔𑌦𑍁॑𑌮𑍍𑌬𑌰𑍀, 𑌵𑌾॒𑌚॒𑌯॒𑌤𑌿॒ 𑌬𑍍𑌰𑌹𑍍𑌮॑𑌣𑍈॒𑌵] 52

𑌵𑌾𑌚𑌯𑌤𑌿॒ 𑌬𑍍𑌰𑌹𑍍𑌮॑𑌣𑍈॒𑌵 𑌕𑍍𑌷॒𑌤𑍍𑌰𑌗𑍍​𑌮𑍍 𑌸𑌗𑍍𑌗𑍍​ 𑌶𑍍𑌯॑𑌤𑌿 𑌕𑍍𑌷॒𑌤𑍍𑌰𑍇𑌣॒ 𑌬𑍍𑌰𑌹𑍍𑌮॒ 𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑍋 𑌰𑌾॑𑌜॒𑌨𑍍𑌯॑𑌵𑌾॒𑌨𑌤𑍍𑌯॒𑌨𑍍𑌯-𑌮𑍍𑌬𑍍𑌰𑌾᳚𑌹𑍍𑌮॒𑌣-𑌨𑍍𑌤𑌸𑍍𑌮𑌾᳚-𑌦𑍍𑌰𑌾𑌜॒𑌨𑍍𑌯𑍋᳚ 𑌬𑍍𑌰𑌾𑌹𑍍𑌮॒𑌣𑌵𑌾॒𑌨𑌤𑍍𑌯॒𑌨𑍍𑌯𑌗𑍍​𑌮𑍍 𑌰𑌾॑𑌜॒𑌨𑍍𑌯॑-𑌮𑍍𑌮𑍃॒𑌤𑍍𑌯𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰॒𑌮𑍃𑌤॒𑌗𑍍​𑌮𑍍॒ 𑌹𑌿𑌰॑𑌣𑍍𑌯𑌗𑍍​𑌮𑍍 𑌰𑍁॒𑌕𑍍𑌮𑌮𑌨𑍍𑌤॑𑌰॒-𑌮𑍍𑌪𑍍𑌰𑌤𑌿॑𑌮𑍁𑌞𑍍𑌚𑌤𑍇॒ 𑌽𑌮𑍃𑌤॑𑌮𑍇॒𑌵 𑌮𑍃॒𑌤𑍍𑌯𑍋𑌰॒𑌨𑍍𑌤𑌰𑍍𑌧॑𑌤𑍍𑌤॒ 𑌏𑌕॑𑌵𑌿𑌗𑍍​𑌮𑍍𑌶𑌤𑌿𑌨𑌿𑌰𑍍𑌬𑌾𑌧𑍋 𑌭𑌵॒𑌤𑍍𑌯𑍇𑌕॑𑌵𑌿𑌗𑍍​𑌮𑍍𑌶𑌤𑌿॒𑌰𑍍𑌵𑍈 𑌦𑍇॑𑌵𑌲𑍋॒𑌕𑌾 𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵॒𑌸𑍍𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌅॒𑌸𑌾𑌵𑌾॑𑌦𑌿॒𑌤𑍍𑌯 [𑌅॒𑌸𑌾𑌵𑌾॑𑌦𑌿॒𑌤𑍍𑌯𑌃, 𑌏॒𑌕॒𑌵𑌿॒𑌗𑍍​𑌮𑍍॒𑌶 𑌏॒𑌤𑌾𑌵॑𑌨𑍍𑌤𑍋॒ 𑌵𑍈] 53

𑌏॑𑌕𑌵𑌿॒𑌗𑍍​𑌮𑍍॒𑌶 𑌏॒𑌤𑌾𑌵॑𑌨𑍍𑌤𑍋॒ 𑌵𑍈 𑌦𑍇॑𑌵𑌲𑍋॒𑌕𑌾𑌸𑍍𑌤𑍇𑌭𑍍𑌯॑ 𑌏॒𑌵 𑌭𑍍𑌰𑌾𑌤𑍃॑𑌵𑍍𑌯𑌮॒𑌨𑍍𑌤𑌰𑍇॑𑌤𑌿 𑌨𑌿𑌰𑍍𑌬𑌾॒𑌧𑍈𑌰𑍍𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾-𑌨𑍍𑌨𑌿𑌰𑍍𑌬𑌾॒𑌧𑍇॑-𑌽𑌕𑍁𑌰𑍍𑌵𑌤॒ 𑌤𑌨𑍍𑌨𑌿॑𑌰𑍍𑌬𑌾॒𑌧𑌾𑌨𑌾᳚-𑌨𑍍𑌨𑌿𑌰𑍍𑌬𑌾𑌧॒𑌤𑍍𑌵-𑌨𑍍𑌨𑌿॑𑌰𑍍𑌬𑌾॒𑌧𑍀 𑌭॑𑌵𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌨𑍇॒𑌵 𑌨𑌿॑𑌰𑍍𑌬𑌾॒𑌧𑍇 𑌕𑍁॑𑌰𑍁𑌤𑍇 𑌸𑌾𑌵𑌿𑌤𑍍𑌰𑌿॒𑌯𑌾 𑌪𑍍𑌰𑌤𑌿॑𑌮𑍁𑌞𑍍𑌚𑌤𑍇॒ 𑌪𑍍𑌰𑌸𑍂᳚𑌤𑍍𑌯𑍈॒ 𑌨𑌕𑍍𑌤𑍋॒𑌷𑌾𑌸𑍇𑌤𑍍𑌯𑍁𑌤𑍍𑌤॑𑌰𑌯𑌾 𑌽𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵𑍈𑌨॒-𑌮𑍁𑌦𑍍𑌯॑𑌚𑍍𑌛𑌤𑍇 𑌦𑍇॒𑌵𑌾 𑌅॒𑌗𑍍𑌨𑌿-𑌨𑍍𑌧𑌾॑𑌰𑌯-𑌨𑍍𑌦𑍍𑌰𑌵𑌿𑌣𑍋॒𑌦𑌾 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾 𑌵𑍈 𑌦𑍇॒𑌵𑌾 𑌦𑍍𑌰॑𑌵𑌿𑌣𑍋॒𑌦𑌾 𑌅॑𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵𑍈𑌨॑𑌮𑍁॒𑌦𑍍𑌯𑌤𑍍𑌯॑ [ ] 54

𑌪𑍍𑌰𑌾॒𑌣𑍈𑌰𑍍𑌦𑌾॑𑌧𑌾॒𑌰𑌾 𑌽𑌽𑌸𑍀॑𑌨𑌃॒ 𑌪𑍍𑌰𑌤𑌿॑𑌮𑍁𑌞𑍍𑌚𑌤𑍇॒ 𑌤𑌸𑍍𑌮𑌾॒𑌦𑌾𑌸𑍀॑𑌨𑌾𑌃 𑌪𑍍𑌰॒𑌜𑌾𑌃 𑌪𑍍𑌰𑌜𑌾॑𑌯𑌨𑍍𑌤𑍇 𑌕𑍃𑌷𑍍𑌣𑌾𑌜𑌿॒𑌨𑌮𑍁𑌤𑍍𑌤॑𑌰॒-𑌨𑍍𑌤𑍇𑌜𑍋॒ 𑌵𑍈 𑌹𑌿𑌰॑𑌣𑍍𑌯॒-𑌮𑍍𑌬𑍍𑌰𑌹𑍍𑌮॑ 𑌕𑍃𑌷𑍍𑌣𑌾𑌜𑌿॒𑌨-𑌨𑍍𑌤𑍇𑌜॑𑌸𑌾 𑌚𑍈॒𑌵𑍈𑌨॒-𑌮𑍍𑌬𑍍𑌰𑌹𑍍𑌮॑𑌣𑌾 𑌚𑍋𑌭॒𑌯𑌤𑌃॒ 𑌪𑌰𑌿॑𑌗𑍃𑌹𑍍𑌣𑌾𑌤𑌿॒ 𑌷𑌡𑍁॑𑌦𑍍𑌯𑌾𑌮𑌗𑍍​𑌮𑍍 𑌶𑌿॒𑌕𑍍𑌯॑-𑌮𑍍𑌭𑌵𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨॒-𑌮𑍁𑌦𑍍𑌯॑𑌚𑍍𑌛𑌤𑍇॒ 𑌯-𑌦𑍍𑌦𑍍𑌵𑌾𑌦॑𑌶𑍋𑌦𑍍𑌯𑌾𑌮𑌗𑍍​𑌮𑍍 𑌸𑌂​𑌵𑌁𑌥𑍍𑌸॒𑌰𑍇𑌣𑍈॒𑌵 𑌮𑍌॒𑌞𑍍𑌜-𑌮𑍍𑌭॑𑌵॒𑌤𑍍𑌯𑍂𑌰𑍍𑌗𑍍𑌵𑍈 𑌮𑍁𑌞𑍍𑌜𑌾॑ 𑌊॒𑌰𑍍𑌜𑍈𑌵𑍈𑌨॒𑌗𑍍​𑌮𑍍॒ 𑌸 𑌮॑𑌰𑍍𑌧𑌯𑌤𑌿 𑌸𑍁𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾॒𑌨𑌿𑌤𑍍𑌯𑌵𑍇᳚𑌕𑍍𑌷𑌤𑍇 𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒𑌤𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇॒ 𑌦𑌿𑌵॑-𑌙𑍍𑌗𑌚𑍍𑌛॒ 𑌸𑍁𑌵𑌃॑ 𑌪॒𑌤𑍇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌮𑍇॒𑌵𑍈𑌨𑌂॑-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 ॥ 55 ॥
(𑌰𑌕𑍍𑌷𑌾॒𑌗𑍍॒𑌸𑍍𑌯𑍌 – 𑌦𑍁॑𑌬𑌂𑌰𑌿 – 𑌆𑌦𑌿॒𑌤𑍍𑌯 – 𑌉॒𑌦𑍍𑌯𑌤𑍍𑌯॒ – 𑌸𑌂 – 𑌚𑌤𑍁॑𑌰𑍍𑌵𑌿𑌗𑍍​𑌮𑍍𑌶𑌤𑌿𑌶𑍍𑌚) (𑌅. 10)

𑌸𑌮𑌿॑𑌦𑍍𑌧𑍋 𑌅॒𑌞𑍍𑌜𑌨𑍍 𑌕𑍃𑌦॑𑌰-𑌮𑍍𑌮𑌤𑍀॒𑌨𑌾-𑌙𑍍𑌘𑍃॒𑌤𑌮॑𑌗𑍍𑌨𑍇॒ 𑌮𑌧𑍁॑𑌮॒-𑌤𑍍𑌪𑌿𑌨𑍍𑌵॑𑌮𑌾𑌨𑌃 । 𑌵𑌾॒𑌜𑍀 𑌵𑌹॑𑌨𑍍 𑌵𑌾॒𑌜𑌿𑌨॑-𑌞𑍍𑌜𑌾𑌤𑌵𑍇𑌦𑍋 𑌦𑍇॒𑌵𑌾𑌨𑌾𑌂᳚-𑌵𑌁𑌕𑍍𑌷𑌿 𑌪𑍍𑌰𑌿॒𑌯𑌮𑌾 𑌸॒𑌧𑌸𑍍𑌥᳚𑌮𑍍 ॥ 𑌘𑍃॒𑌤𑍇𑌨𑌾॒𑌞𑍍𑌜𑌨𑍍​𑌥𑍍𑌸-𑌮𑍍𑌪॒𑌥𑍋 𑌦𑍇॑𑌵॒𑌯𑌾𑌨𑌾᳚-𑌨𑍍𑌪𑍍𑌰𑌜𑌾॒𑌨𑌨𑍍 𑌵𑌾॒𑌜𑍍𑌯𑌪𑍍𑌯𑍇॑𑌤𑍁 𑌦𑍇॒𑌵𑌾𑌨𑍍 । 𑌅𑌨𑍁॑ 𑌤𑍍𑌵𑌾 𑌸𑌪𑍍𑌤𑍇 𑌪𑍍𑌰॒𑌦𑌿𑌶॑-𑌸𑍍𑌸𑌚𑌨𑍍𑌤𑌾𑌗𑍍​ 𑌸𑍍𑌵॒𑌧𑌾𑌮॒𑌸𑍍𑌮𑍈 𑌯𑌜॑𑌮𑌾𑌨𑌾𑌯 𑌧𑍇𑌹𑌿 ॥ 𑌈𑌡𑍍𑌯॒𑌶𑍍𑌚𑌾𑌸𑌿॒ 𑌵𑌨𑍍𑌦𑍍𑌯॑𑌶𑍍𑌚 𑌵𑌾𑌜𑌿𑌨𑍍𑌨𑌾॒𑌶𑍁𑌶𑍍𑌚𑌾𑌸𑌿॒ 𑌮𑍇𑌦𑍍𑌧𑍍𑌯॑𑌶𑍍𑌚 𑌸𑌪𑍍𑌤𑍇 । 𑌅॒𑌗𑍍𑌨𑌿𑌷𑍍𑌟𑍍𑌵𑌾॑ [𑌅॒𑌗𑍍𑌨𑌿𑌷𑍍𑌟𑍍𑌵𑌾᳚, 𑌦𑍇॒𑌵𑍈𑌰𑍍𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾𑌃᳚] 56

𑌦𑍇॒𑌵𑍈𑌰𑍍𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾𑌃᳚ 𑌪𑍍𑌰𑍀॒𑌤𑌂-𑌵𑌁𑌹𑍍𑌨𑌿𑌂॑-𑌵𑌁𑌹𑌤𑍁 𑌜𑌾॒𑌤𑌵𑍇॑𑌦𑌾𑌃 ॥ 𑌸𑍍𑌤𑍀॒𑌰𑍍𑌣-𑌮𑍍𑌬॒𑌰𑍍॒𑌹𑌿-𑌸𑍍𑌸𑍁॒𑌷𑍍𑌟𑌰𑍀॑𑌮𑌾 𑌜𑍁𑌷𑌾॒𑌣𑍋𑌰𑍁 𑌪𑍃॒𑌥𑍁 𑌪𑍍𑌰𑌥॑𑌮𑌾𑌨-𑌮𑍍𑌪𑍃𑌥𑌿॒𑌵𑍍𑌯𑌾𑌮𑍍 । 𑌦𑍇॒𑌵𑍇𑌭𑌿॑𑌰𑍍𑌯𑍁॒𑌕𑍍𑌤𑌮𑌦𑌿॑𑌤𑌿-𑌸𑍍𑌸॒𑌜𑍋𑌷𑌾᳚-𑌸𑍍𑌸𑍍𑌯𑍋॒𑌨-𑌙𑍍𑌕𑍃॑𑌣𑍍𑌵𑌾॒𑌨𑌾 𑌸𑍁॑𑌵𑌿॒𑌤𑍇 𑌦॑𑌧𑌾𑌤𑍁 ॥ 𑌏॒𑌤𑌾 𑌉॑ 𑌵-𑌸𑍍𑌸𑍁॒𑌭𑌗𑌾॑ 𑌵𑌿॒𑌶𑍍𑌵𑌰𑍂॑𑌪𑌾॒ 𑌵𑌿𑌪𑌕𑍍𑌷𑍋॑𑌭𑌿॒-𑌶𑍍𑌶𑍍𑌰𑌯॑𑌮𑌾𑌣𑌾॒ 𑌉𑌦𑌾𑌤𑍈𑌃᳚ । 𑌋॒𑌷𑍍𑌵𑌾-𑌸𑍍𑌸॒𑌤𑍀𑌃 𑌕॒𑌵𑌷॒-𑌶𑍍𑌶𑍁𑌮𑍍𑌭॑𑌮𑌾𑌨𑌾॒ 𑌦𑍍𑌵𑌾𑌰𑍋॑ 𑌦𑍇॒𑌵𑍀-𑌸𑍍𑌸𑍁॑𑌪𑍍𑌰𑌾𑌯॒𑌣𑌾 𑌭॑𑌵𑌨𑍍𑌤𑍁 ॥ 𑌅॒𑌨𑍍𑌤॒𑌰𑌾 𑌮𑌿॒𑌤𑍍𑌰𑌾𑌵𑌰𑍁॑𑌣𑌾॒ 𑌚𑌰॑𑌨𑍍𑌤𑍀॒ 𑌮𑍁𑌖𑌂॑-𑌯𑌁॒𑌜𑍍𑌞𑌾𑌨𑌾॑𑌮॒𑌭𑌿 𑌸𑌂॑​𑌵𑌿𑌁𑌦𑌾॒𑌨𑍇 । 𑌉॒𑌷𑌾𑌸𑌾॑ 𑌵𑌾𑌗𑍍​𑌮𑍍 [𑌉॒𑌷𑌾𑌸𑌾॑ 𑌵𑌾𑌮𑍍, 𑌸𑍁॒𑌹𑌿॒𑌰॒𑌣𑍍𑌯𑍇 𑌸𑍁॑𑌶𑌿॒𑌲𑍍𑌪𑍇] 5𑍭

𑌸𑍁𑌹𑌿𑌰॒𑌣𑍍𑌯𑍇 𑌸𑍁॑𑌶𑌿॒𑌲𑍍𑌪𑍇 𑌋॒𑌤𑌸𑍍𑌯॒ 𑌯𑍋𑌨𑌾॑𑌵𑌿॒𑌹 𑌸𑌾॑𑌦𑌯𑌾𑌮𑌿 ॥ 𑌪𑍍𑌰॒𑌥॒𑌮𑌾 𑌵𑌾𑌗𑍍​𑌮𑍍॑ 𑌸𑌰॒𑌥𑌿𑌨𑌾॑ 𑌸𑍁॒𑌵𑌰𑍍𑌣𑌾॑ 𑌦𑍇॒𑌵𑍌 𑌪𑌶𑍍𑌯॑𑌨𑍍𑌤𑍌॒ 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌅𑌪𑌿॑𑌪𑍍𑌰𑌯॒-𑌞𑍍𑌚𑍋𑌦॑𑌨𑌾 𑌵𑌾॒-𑌮𑍍𑌮𑌿𑌮𑌾॑𑌨𑌾॒ 𑌹𑍋𑌤𑌾॑𑌰𑌾॒ 𑌜𑍍𑌯𑍋𑌤𑌿𑌃॑ 𑌪𑍍𑌰॒𑌦𑌿𑌶𑌾॑ 𑌦𑌿॒𑌶𑌨𑍍𑌤𑌾᳚ ॥ 𑌆॒𑌦𑌿॒𑌤𑍍𑌯𑍈𑌰𑍍𑌨𑍋॒ 𑌭𑌾𑌰॑𑌤𑍀 𑌵𑌷𑍍𑌟𑍁 𑌯॒𑌜𑍍𑌞𑌗𑍍​𑌮𑍍 𑌸𑌰॑𑌸𑍍𑌵𑌤𑍀 𑌸॒𑌹 𑌰𑍁॒𑌦𑍍𑌰𑍈𑌰𑍍𑌨॑ 𑌆𑌵𑍀𑌤𑍍 । 𑌇𑌡𑍋𑌪॑𑌹𑍂𑌤𑌾॒ 𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾॑ 𑌯॒𑌜𑍍𑌞-𑌨𑍍𑌨𑍋॑ 𑌦𑍇𑌵𑍀𑌰॒𑌮𑍃𑌤𑍇॑𑌷𑍁 𑌧𑌤𑍍𑌤 ॥ 𑌤𑍍𑌵𑌷𑍍𑌟𑌾॑ 𑌵𑍀॒𑌰-𑌨𑍍𑌦𑍇॒𑌵𑌕𑌾॑𑌮-𑌞𑍍𑌜𑌜𑌾𑌨॒ 𑌤𑍍𑌵𑌷𑍍𑌟𑍁॒𑌰𑌰𑍍𑌵𑌾॑ 𑌜𑌾𑌯𑌤 𑌆॒𑌶𑍁𑌰𑌶𑍍𑌵𑌃॑ । 5𑍮

𑌤𑍍𑌵𑌷𑍍𑌟𑍇॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨-𑌞𑍍𑌜𑌜𑌾𑌨 𑌬॒𑌹𑍋𑌃 𑌕॒𑌰𑍍𑌤𑌾𑌰॑𑌮𑌿॒𑌹 𑌯॑𑌕𑍍𑌷𑌿 𑌹𑍋𑌤𑌃 ॥ 𑌅𑌶𑍍𑌵𑍋॑ 𑌘𑍃॒𑌤𑍇𑌨॒ 𑌤𑍍𑌮𑌨𑍍𑌯𑌾॒ 𑌸𑌮॑𑌕𑍍𑌤॒ 𑌉𑌪॑ 𑌦𑍇॒𑌵𑌾𑌗𑍍​𑌮𑍍 𑌋॑𑌤𑍁॒𑌶𑌃 𑌪𑌾𑌥॑ 𑌏𑌤𑍁 । 𑌵𑌨॒𑌸𑍍𑌪𑌤𑌿॑-𑌰𑍍𑌦𑍇𑌵𑌲𑍋॒𑌕-𑌮𑍍𑌪𑍍𑌰॑𑌜𑌾॒𑌨𑌨𑍍𑌨॒𑌗𑍍𑌨𑌿𑌨𑌾॑ 𑌹॒𑌵𑍍𑌯𑌾 𑌸𑍍𑌵॑𑌦𑌿॒𑌤𑌾𑌨𑌿॑ 𑌵𑌕𑍍𑌷𑌤𑍍 ॥ 𑌪𑍍𑌰॒𑌜𑌾𑌪॑𑌤𑍇॒𑌸𑍍𑌤𑌪॑𑌸𑌾 𑌵𑌾𑌵𑍃𑌧𑌾॒𑌨-𑌸𑍍𑌸॒𑌦𑍍𑌯𑍋 𑌜𑌾॒𑌤𑍋 𑌦॑𑌧𑌿𑌷𑍇 𑌯॒𑌜𑍍𑌞𑌮॑𑌗𑍍𑌨𑍇 । 𑌸𑍍𑌵𑌾𑌹𑌾॑𑌕𑍃𑌤𑍇𑌨 𑌹॒𑌵𑌿𑌷𑌾॑ 𑌪𑍁𑌰𑍋𑌗𑌾 𑌯𑌾॒𑌹𑌿 𑌸𑌾॒𑌦𑍍𑌧𑍍𑌯𑌾 𑌹॒𑌵𑌿𑌰॑𑌦𑌨𑍍𑌤𑍁 𑌦𑍇॒𑌵𑌾𑌃 ॥ 5𑍯 ॥
(𑌅॒𑌗𑍍𑌨𑌿𑌷𑍍𑌟𑍍𑌵𑌾॑ – 𑌵𑌾॒ – 𑌮𑌶𑍍𑌵𑍋॒ – 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 11)

(𑌸𑌾॒𑌵𑌿॒𑌤𑍍𑌰𑌾𑌣𑌿॒ – 𑌵𑍍𑌯𑍃॑𑌦𑍍𑌧॒ – 𑌮𑍁𑌤𑍍𑌕𑍍𑌰𑌾॑𑌮 – 𑌦𑍇॒𑌵𑌸𑍍𑌯॑ 𑌖𑌨𑌤𑌿 – 𑌕𑍍𑌰𑍂॒𑌰𑌂 -​𑌵𑌾𑌁॑𑌰𑍁॒𑌣𑌃 – 𑌸॒𑌪𑍍𑌤𑌭𑌿॒ – 𑌰𑍇𑌕॑𑌵𑌿𑌗𑍍​𑌮𑍍𑌶𑌤𑍍𑌯𑌾 – 𑌷॒𑌡𑍍𑌭𑌿 – 𑌰𑍍𑌨 𑌹॑ 𑌸𑍍𑌮॒ – 𑌸𑌮𑌿॑𑌦𑍍𑌧𑍋 𑌅॒𑌞𑍍𑌜 – 𑌨𑍍𑌨𑍇𑌕𑌾॑𑌦𑌶 )

(𑌸𑌾॒𑌵𑌿॒𑌤𑍍𑌰𑌾 – 𑌣𑍍𑌯𑍁𑌤𑍍𑌕𑍍𑌰𑌾॑𑌮 – 𑌕𑍍𑌰𑍂॒𑌰𑌂 -​𑌵𑌾𑌁॑𑌰𑍁॒𑌣𑌃 – 𑌪॒𑌶𑌵॑-𑌸𑍍𑌸𑍍𑌯𑍁॒ – 𑌰𑍍𑌨 𑌹॑ 𑌸𑍍𑌮॒ – 𑌨𑌵॑𑌪𑌞𑍍𑌚𑌾॒𑌶𑌤𑍍)

(𑌸𑌾॒𑌵𑌿॒𑌤𑍍𑌰𑌾𑌣𑌿॑, 𑌹॒𑌵𑌿𑌰॑𑌦𑌨𑍍𑌤𑍁 𑌦𑍇॒𑌵𑌾𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥