ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ಷಷ್ಠಃ ಪ್ರಶ್ನಃ – ಉಪಾನುವಾಕ್ಯಾಭಿಧಾನಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಹಿರ॑ಣ್ಯವರ್ಣಾ॒-ಶ್ಶುಚ॑ಯಃ ಪಾವ॒ಕಾ ಯಾಸು॑ ಜಾ॒ತಃ ಕ॒ಶ್ಯಪೋ॒ ಯಾಸ್ವಿನ್ದ್ರಃ॑ । ಅ॒ಗ್ನಿಂ-ಯಾಁ ಗರ್ಭ॑-ನ್ದಧಿ॒ರೇ ವಿರೂ॑ಪಾ॒ಸ್ತಾ ನ॒ ಆಪ॒-ಶ್ಶಗ್ಗ್ ಸ್ಯೋ॒ನಾ ಭ॑ವನ್ತು ॥ ಯಾಸಾ॒ಗ್ಂ॒ ರಾಜಾ॒ ವರು॑ಣೋ॒ ಯಾತಿ॒ ಮದ್ಧ್ಯೇ॑ ಸತ್ಯಾನೃ॒ತೇ ಅ॑ವ॒ಪಶ್ಯ॒ನ್ ಜನಾ॑ನಾಮ್ । ಮ॒ಧು॒ಶ್ಚುತ॒-ಶ್ಶುಚ॑ಯೋ॒ ಯಾಃ ಪಾ॑ವ॒ಕಾಸ್ತಾ ನ॒ ಆಪ॒-ಶ್ಶಗ್ಗ್ ಸ್ಯೋ॒ನಾ ಭ॑ವನ್ತು ॥ ಯಾಸಾ᳚-ನ್ದೇ॒ವಾ ದಿ॒ವಿ ಕೃ॒ಣ್ವನ್ತಿ॑ ಭ॒ಖ್ಷಂ-ಯಾಁ ಅ॒ನ್ತರಿ॑ಖ್ಷೇ ಬಹು॒ಧಾ ಭವ॑ನ್ತಿ । ಯಾಃ ಪೃ॑ಥಿ॒ವೀ-ಮ್ಪಯ॑ಸೋ॒ನ್ದನ್ತಿ॑ – [ ] 1
ಶು॒ಕ್ರಾಸ್ತಾ ನ॒ ಆಪ॒-ಶ್ಶಗ್ಗ್ ಸ್ಯೋ॒ನಾ ಭ॑ವನ್ತು ॥ ಶಿ॒ವೇನ॑ ಮಾ॒ ಚಖ್ಷು॑ಷಾ ಪಶ್ಯತಾ-ಽಽಪ-ಶ್ಶಿ॒ವಯಾ॑ ತ॒ನುವೋಪ॑ ಸ್ಪೃಶತ॒ ತ್ವಚ॑-ಮ್ಮೇ । ಸರ್ವಾಗ್ಂ॑ ಅ॒ಗ್ನೀಗ್ಂ ರ॑ಫ್ಸು॒ಷದೋ॑ ಹುವೇ ವೋ॒ ಮಯಿ॒ ವರ್ಚೋ॒ ಬಲ॒ಮೋಜೋ॒ ನಿ ಧ॑ತ್ತ ॥ ಯದ॒ದ-ಸ್ಸ॑-ಮ್ಪ್ರಯ॒ತೀರಹಾ॒ ವನ॑ದತಾಹ॒ತೇ । ತಸ್ಮಾ॒ದಾ ನ॒ದ್ಯೋ॑ ನಾಮ॑ ಸ್ಥ॒ ತಾ ವೋ॒ ನಾಮಾ॑ನಿ ಸಿನ್ಧವಃ ॥ ಯ-ತ್ಪ್ರೇಷಿ॑ತಾ॒ ವರು॑ಣೇನ॒ ತಾ-ಶ್ಶೀಭಗ್ಂ॑ ಸ॒ಮವ॑ಲ್ಗತ । 2
ತದಾ᳚ಪ್ನೋ॒-ದಿನ್ದ್ರೋ॑ ವೋ ಯ॒ತೀ-ಸ್ತಸ್ಮಾ॒-ದಾಪೋ॒ ಅನು॑ ಸ್ಥನ ॥ ಅ॒ಪ॒ಕಾ॒ಮಗ್ಗ್ ಸ್ಯನ್ದ॑ಮಾನಾ॒ ಅವೀ॑ವರತ ವೋ॒ ಹಿಕ᳚ಮ್ । ಇನ್ದ್ರೋ॑ ವ॒-ಶ್ಶಕ್ತಿ॑ಭಿ ರ್ದೇವೀ॒-ಸ್ತಸ್ಮಾ॒-ದ್ವಾರ್ಣಾಮ॑ ವೋ ಹಿ॒ತಮ್ ॥ ಏಕೋ॑ ದೇ॒ವೋ ಅಪ್ಯ॑ತಿಷ್ಠ॒-ಥ್ಸ್ಯನ್ದ॑ಮಾನಾ ಯಥಾ ವ॒ಶಮ್ । ಉದಾ॑ನಿಷು-ರ್ಮ॒ಹೀರಿತಿ॒ ತಸ್ಮಾ॑-ದುದ॒ಕ-ಮು॑ಚ್ಯತೇ ॥ ಆಪೋ॑ ಭ॒ದ್ರಾ ಘೃ॒ತಮಿದಾಪ॑ ಆಸುರ॒ಗ್ನೀ-ಷೋಮೌ॑ ಬಿಭ್ರ॒ತ್ಯಾಪ॒ ಇ-ತ್ತಾಃ । ತೀ॒ವ್ರೋ ರಸೋ॑ ಮಧು॒ಪೃಚಾ॑- [ಮಧು॒ಪೃಚಾ᳚ಮ್, ಅ॒ರ॒ಙ್ಗ॒ಮ ಆ ಮಾ᳚] 3
-ಮರಙ್ಗ॒ಮ ಆ ಮಾ᳚ ಪ್ರಾ॒ಣೇನ॑ ಸ॒ಹ ವರ್ಚ॑ಸಾ ಗನ್ನ್ ॥ ಆದಿ-ತ್ಪ॑ಶ್ಯಾಮ್ಯು॒ತ ವಾ॑ ಶೃಣೋ॒ಮ್ಯಾ ಮಾ॒ ಘೋಷೋ॑ ಗಚ್ಛತಿ॒ ವಾನ್ನ॑ ಆಸಾಮ್ । ಮನ್ಯೇ॑ ಭೇಜಾ॒ನೋ ಅ॒ಮೃತ॑ಸ್ಯ॒ ತರ್ಹಿ॒ ಹಿರ॑ಣ್ಯವರ್ಣಾ॒ ಅತೃ॑ಪಂ-ಯಁ॒ದಾ ವಃ॑ ॥ ಆಪೋ॒ ಹಿ ಷ್ಠಾ ಮ॑ಯೋ॒ ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇ ರಣಾ॑ಯ॒ ಚಖ್ಷ॑ಸೇ ॥ ಯೋ ವ॑-ಶ್ಶಿ॒ವತ॑ಮೋ॒ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ । ಉ॒ಶ॒ತೀರಿ॑ವ ಮಾ॒ತರಃ॑ ॥ ತಸ್ಮಾ॒ ಅರ॑-ಙ್ಗಮಾಮ ವೋ॒ ಯಸ್ಯ॒ ಖ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ॥ ದಿ॒ವಿ ಶ್ರ॑ಯ ಸ್ವಾ॒ನ್ತರಿ॑ಖ್ಷೇ ಯತಸ್ವ ಪೃಥಿ॒ವ್ಯಾ ಸ-ಮ್ಭ॑ವ ಬ್ರಹ್ಮವರ್ಚ॒-ಸಮ॑ಸಿ ಬ್ರಹ್ಮವರ್ಚ॒ಸಾಯ॑ ತ್ವಾ ॥ 4
(ಉ॒ದನ್ತಿ॑ – ಸ॒ಮವ॑ಲ್ಗತ – ಮಧು॒ಪೃಚಾಂ᳚ – ಮಾ॒ತರೋ॒ – ದ್ವಾವಿಗ್ಂ॑ಶತಿಶ್ಚ) (ಅ. 1)
ಅ॒ಪಾ-ಙ್ಗ್ರಹಾ᳚-ನ್ಗೃಹ್ಣಾತ್ಯೇ॒ತದ್ವಾವ ರಾ॑ಜ॒ಸೂಯಂ॒-ಯಁದೇ॒ತೇ ಗ್ರಹಾ᳚-ಸ್ಸ॒ವೋ᳚ ಽಗ್ನಿರ್ವ॑ರುಣಸ॒ವೋ ರಾ॑ಜ॒ಸೂಯ॑-ಮಗ್ನಿಸ॒ವ-ಶ್ಚಿತ್ಯ॒ಸ್ತಾಭ್ಯಾ॑-ಮೇ॒ವ ಸೂ॑ಯ॒ತೇ-ಽಥೋ॑ ಉ॒ಭಾವೇ॒ವ ಲೋ॒ಕಾವ॒ಭಿ ಜ॑ಯತಿ॒ ಯಶ್ಚ॑ ರಾಜ॒ಸೂಯೇ॑ನೇಜಾ॒ನಸ್ಯ॒ ಯಶ್ಚಾ᳚-ಽಗ್ನಿ॒ಚಿತ॒ ಆಪೋ॑ ಭವ॒ನ್ತ್ಯಾಪೋ॒ ವಾ ಅ॒ಗ್ನೇರ್ಭ್ರಾತೃ॑ವ್ಯಾ॒ ಯದ॒ಪೋ᳚ ಽಗ್ನೇರ॒ಧಸ್ತಾ॑ದುಪ॒ ದಧಾ॑ತಿ॒ ಭ್ರಾತೃ॑ವ್ಯಾಭಿಭೂತ್ಯೈ॒ ಭವ॑ತ್ಯಾ॒ತ್ಮನಾ॒ ಪರಾ᳚-ಽಸ್ಯ॒ ಭ್ರಾತೃ॑ವ್ಯೋ ಭವತ್ಯ॒ಮೃತಂ॒- [ಭ್ರಾತೃ॑ವ್ಯೋ ಭವತ್ಯ॒ಮೃತ᳚ಮ್, ವಾ ಆಪ॒ಸ್ತಸ್ಮಾ॑-] 5
-ವಾಁ ಆಪ॒ಸ್ತಸ್ಮಾ॑-ದ॒ದ್ಭಿರವ॑ತಾನ್ತ-ಮ॒ಭಿ ಷಿ॑ಞ್ಚನ್ತಿ॒ ನಾ-ಽಽರ್ತಿ॒ಮಾರ್ಚ್ಛ॑ತಿ॒ ಸರ್ವ॒ಮಾಯು॑ರೇತಿ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ ಚೈನಾ ಏ॒ವಂ-ವೇಁದಾನ್ನಂ॒-ವಾಁ ಆಪಃ॑ ಪ॒ಶವ॒ ಆಪೋ-ಽನ್ನ॑-ಮ್ಪ॒ಶವೋ᳚-ಽನ್ನಾ॒ದಃ ಪ॑ಶು॒ಮಾ-ನ್ಭ॑ವತಿ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ ಚೈನಾ ಏ॒ವಂ-ವೇಁದ॒ ದ್ವಾದ॑ಶ ಭವನ್ತಿ॒ ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೇಣೈ॒ವಾಸ್ಮಾ॒ [-ಸ್ಸಂ॑ವಁಥ್ಸ॒ರೇಣೈ॒ವಾಸ್ಮಾ᳚, ಅನ್ನ॒ಮವ॑ ರುನ್ಧೇ॒] 6
ಅನ್ನ॒ಮವ॑ ರುನ್ಧೇ॒ ಪಾತ್ರಾ॑ಣಿ ಭವನ್ತಿ॒ ಪಾತ್ರೇ॒ ವಾ ಅನ್ನ॑ಮದ್ಯತೇ॒ ಸಯೋ᳚ನ್ಯೇ॒ವಾನ್ನ॒ಮವ॑ ರುನ್ಧ॒ ಆ ದ್ವಾ॑ದ॒ಶಾ-ತ್ಪುರು॑ಷಾ॒ದನ್ನ॑-ಮ॒ತ್ತ್ಯಥೋ॒ ಪಾತ್ರಾ॒ನ್ನ ಛಿ॑ದ್ಯತೇ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ ಚೈನಾ ಏ॒ವಂ-ವೇಁದ॑ ಕು॒ಮ್ಭಾಶ್ಚ॑ ಕು॒ಮ್ಭೀಶ್ಚ॑ ಮಿಥು॒ನಾನಿ॑ ಭವನ್ತಿ ಮಿಥು॒ನಸ್ಯ॒ ಪ್ರಜಾ᳚ತ್ಯೈ॒ ಪ್ರ ಪ್ರ॒ಜಯಾ॑ ಪ॒ಶುಭಿ॑-ರ್ಮಿಥು॒ನೈ-ರ್ಜಾ॑ಯತೇ॒ ಯಸ್ಯೈ॒ತಾ ಉ॑ಪಧೀ॒ಯನ್ತೇ॒ ಯ ಉ॑ [ಯ ಉ॑, ಚೈ॒ನಾ॒ ಏ॒ವಂ-ವೇಁದ॒] 7
ಚೈನಾ ಏ॒ವಂ-ವೇಁದ॒ ಶುಗ್ವಾ ಅ॒ಗ್ನಿ-ಸ್ಸೋ᳚-ಽದ್ಧ್ವ॒ರ್ಯುಂ-ಯಁಜ॑ಮಾನ-ಮ್ಪ್ರ॒ಜಾ-ಶ್ಶು॒ಚಾ-ಽರ್ಪ॑ಯತಿ॒ ಯದ॒ಪ ಉ॑ಪ॒ದಧಾ॑ತಿ॒ ಶುಚ॑ಮೇ॒ವಾಸ್ಯ॑ ಶಮಯತಿ॒ ನಾ-ಽಽರ್ತಿ॒ಮಾರ್ಚ್ಛ॑ತ್ಯದ್ಧ್ವ॒ರ್ಯುರ್ನ ಯಜ॑ಮಾನ॒-ಶ್ಶಾಮ್ಯ॑ನ್ತಿ ಪ್ರ॒ಜಾ ಯತ್ರೈ॒ತಾ ಉ॑ಪಧೀ॒ಯನ್ತೇ॒ ಽಪಾಂ-ವಾಁ ಏ॒ತಾನಿ॒ ಹೃದ॑ಯಾನಿ॒ ಯದೇ॒ತಾ ಆಪೋ॒ ಯದೇ॒ತಾ ಅ॒ಪ ಉ॑ಪ॒ದಧಾ॑ತಿ ದಿ॒ವ್ಯಾಭಿ॑ರೇ॒ವೈನಾ॒-ಸ್ಸಗ್ಂ ಸೃ॑ಜತಿ॒ ವರ್ಷು॑ಕಃ ಪ॒ರ್ಜನ್ಯೋ॑ [ಪ॒ರ್ಜನ್ಯಃ॑, ಭ॒ವ॒ತಿ॒ ಯೋ ವಾ] 8
ಭವತಿ॒ ಯೋ ವಾ ಏ॒ತಾಸಾ॑ಮಾ॒ಯತ॑ನ॒-ಙ್ಕೢಪ್ತಿಂ॒-ವೇಁದಾ॒-ಽಽಯತ॑ನವಾ-ನ್ಭವತಿ॒ ಕಲ್ಪ॑ತೇ ಽಸ್ಮಾ ಅನುಸೀ॒ತಮುಪ॑ ದಧಾತ್ಯೇ॒ತದ್ವಾ ಆ॑ಸಾಮಾ॒ಯತ॑ನಮೇ॒ಷಾ ಕೢಪ್ತಿ॒ರ್ಯ ಏ॒ವಂ-ವೇಁದಾ॒-ಽಽಯತ॑ನವಾ-ನ್ಭವತಿ॒ ಕಲ್ಪ॑ತೇ-ಽಸ್ಮೈ ದ್ವ॒ದ್ವಮ್ಮ॒ನ್ಯಾ ಉಪ॑ ದಧಾತಿ॒ ಚತ॑ಸ್ರೋ॒ ಮದ್ಧ್ಯೇ॒ ಧೃತ್ಯಾ॒ ಅನ್ನಂ॒-ವಾಁ ಇಷ್ಟ॑ಕಾ ಏ॒ತ-ತ್ಖಲು॒ ವೈ ಸಾ॒ಖ್ಷಾದನ್ನಂ॒-ಯಁದೇ॒ಷ ಚ॒ರುರ್ಯದೇ॒ತ-ಞ್ಚ॒ರುಮು॑ಪ॒ ದಧಾ॑ತಿ ಸಾ॒ಖ್ಷಾ- [ಸಾ॒ಖ್ಷಾತ್, ಏ॒ವಾ-ಽಸ್ಮಾ॒ ಅನ್ನ॒ಮವ॑ ರುನ್ಧೇ] 9
-ದೇ॒ವಾ-ಽಸ್ಮಾ॒ ಅನ್ನ॒ಮವ॑ ರುನ್ಧೇ ಮದ್ಧ್ಯ॒ತ ಉಪ॑ ದಧಾತಿ ಮದ್ಧ್ಯ॒ತ ಏ॒ವಾಸ್ಮಾ॒ ಅನ್ನ॑-ನ್ದಧಾತಿ॒ ತಸ್ಮಾ᳚-ನ್ಮದ್ಧ್ಯ॒ತೋ-ಽನ್ನ॑ಮದ್ಯತೇ ಬಾರ್ಹಸ್ಪ॒ತ್ಯೋ ಭ॑ವತಿ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒-ರ್ಬ್ರಹ್ಮ॑ಣೈ॒ವಾಸ್ಮಾ॒ ಅನ್ನ॒ಮವ॑ ರುನ್ಧೇ ಬ್ರಹ್ಮವರ್ಚ॒ಸಮ॑ಸಿ ಬ್ರಹ್ಮವರ್ಚ॒ಸಾಯ॒ ತ್ವೇತ್ಯಾ॑ಹ ತೇಜ॒ಸ್ವೀ ಬ್ರ॑ಹ್ಮವರ್ಚ॒ಸೀ ಭ॑ವತಿ॒ ಯಸ್ಯೈ॒ಷ ಉ॑ಪಧೀ॒ಯತೇ॒ ಯ ಉ॑ ಚೈನಮೇ॒ವಂ-ವೇಁದ॑ ॥ 10 ॥
(ಅ॒ಮೃತ॑ – ಮಸ್ಮೈ – ಜಾಯತೇ॒ ಯಸ್ಯೈ॒ತಾ – ಉ॑ಪಧೀ॒ಯನ್ತೇ॒ ಯ ಉ॑ – ಪ॒ರ್ಜನ್ಯ॑ – ಉಪ॒ದಧಾ॑ತಿ ಸಾ॒ಖ್ಷಾಥ್ – ಸ॒ಪ್ತಚ॑ತ್ವಾರಿಗ್ಂಶಚ್ಚ) (ಅ. 2)
ಭೂ॒ತೇ॒ಷ್ಟ॒ಕಾ ಉಪ॑ ದಧಾ॒ತ್ಯತ್ರಾ᳚ತ್ರ॒ ವೈ ಮೃ॒ತ್ಯುರ್ಜಾ॑ಯತೇ॒ ಯತ್ರ॑ಯತ್ರೈ॒ವ ಮೃ॒ತ್ಯುರ್ಜಾಯ॑ತೇ॒ ತತ॑ ಏ॒ವೈನ॒ಮವ॑ ಯಜತೇ॒ ತಸ್ಮಾ॑ದಗ್ನಿ॒ಚಿ-ಥ್ಸರ್ವ॒ಮಾಯು॑ರೇತಿ॒ ಸರ್ವೇ॒ ಹ್ಯ॑ಸ್ಯ ಮೃ॒ತ್ಯವೋ ಽವೇ᳚ಷ್ಟಾ॒ಸ್ತಸ್ಮಾ॑-ದಗ್ನಿ॒ಚಿನ್ನಾ-ಭಿಚ॑ರಿತ॒ವೈ ಪ್ರ॒ತ್ಯಗೇ॑ನ-ಮಭಿಚಾ॒ರ-ಸ್ಸ್ತೃ॑ಣುತೇ ಸೂ॒ಯತೇ॒ ವಾ ಏ॒ಷ ಯೋ᳚-ಽಗ್ನಿ-ಞ್ಚಿ॑ನು॒ತೇ ದೇ॑ವಸು॒ವಾಮೇ॒ತಾನಿ॑ ಹ॒ವೀಗ್ಂಷಿ॑ ಭವನ್ತ್ಯೇ॒ತಾವ॑ನ್ತೋ॒ ವೈ ದೇ॒ವಾನಾಗ್ಂ॑ ಸ॒ವಾಸ್ತ ಏ॒ವಾ- [ಸ॒ವಾಸ್ತ ಏ॒ವ, ಅ॒ಸ್ಮೈ॒ ಸ॒ವಾ-ನ್ಪ್ರ] 11
-ಽಸ್ಮೈ॑ ಸ॒ವಾ-ನ್ಪ್ರ ಯ॑ಚ್ಛನ್ತಿ॒ ತ ಏ॑ನಗ್ಂ ಸುವನ್ತೇ ಸ॒ವೋ᳚-ಽಗ್ನಿರ್ವ॑ರುಣಸ॒ವೋ ರಾ॑ಜ॒ಸೂಯ॑-ಮ್ಬ್ರಹ್ಮಸ॒ವಶ್ಚಿತ್ಯೋ॑ ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವ ಇತ್ಯಾ॑ಹ ಸವಿ॒ತೃಪ್ರ॑ಸೂತ ಏ॒ವೈನ॒-ಮ್ಬ್ರಹ್ಮ॑ಣಾ ದೇ॒ವತಾ॑ಭಿರ॒ಭಿ ಷಿ॑ಞ್ಚ॒ತ್ಯನ್ನ॑-ಸ್ಯಾನ್ನಸ್ಯಾ॒ಭಿ ಷಿ॑ಞ್ಚ॒ತ್ಯನ್ನ॑-ಸ್ಯಾನ್ನ॒ಸ್ಯಾ-ವ॑ರುದ್ಧ್ಯೈ ಪು॒ರಸ್ತಾ᳚-ತ್ಪ್ರ॒ತ್ಯಞ್ಚ॑ಮ॒ಭಿ ಷಿ॑ಞ್ಚತಿ ಪು॒ರಸ್ತಾ॒ದ್ಧಿ ಪ್ರ॑ತೀ॒ಚೀ-ನ॒ಮನ್ನ॑ಮ॒ದ್ಯತೇ॑ ಶೀರ್ಷ॒ತೋ॑-ಽಭಿ ಷಿ॑ಞ್ಚತಿ ಶೀರ್ಷ॒ತೋ ಹ್ಯನ್ನ॑ಮ॒ದ್ಯತ॒ ಆ ಮುಖಾ॑-ದ॒ನ್ವವ॑ಸ್ರಾವಯತಿ [ಮುಖಾ॑-ದ॒ನ್ವವ॑ಸ್ರಾವಯತಿ, ಮು॒ಖ॒ತ ಏ॒ವಾ-ಽಸ್ಮಾ॑] 12
ಮುಖ॒ತ ಏ॒ವಾ-ಽಸ್ಮಾ॑ ಅ॒ನ್ನಾದ್ಯ॑-ನ್ದಧಾತ್ಯ॒ಗ್ನೇಸ್ತ್ವಾ॒ ಸಾಮ್ರಾ᳚ಜ್ಯೇನಾ॒ಭಿ ಷಿ॑ಞ್ಚಾ॒ಮೀತ್ಯಾ॑ಹೈ॒ಷ ವಾ ಅ॒ಗ್ನೇ-ಸ್ಸ॒ವಸ್ತೇನೈ॒ವೈನ॑ಮ॒ಭಿ ಷಿ॑ಞ್ಚತಿ॒ ಬೃಹ॒ಸ್ಪತೇ᳚ಸ್ತ್ವಾ॒ ಸಾಮ್ರಾ᳚ಜ್ಯೇನಾ॒ಭಿಷಿ॑ಞ್ಚಾ॒ಮೀತ್ಯಾ॑ಹ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒ರ್ಬ್ರಹ್ಮ॑ಣೈ॒ವೈನ॑ಮ॒ಭಿ ಷಿ॑ಞ್ಚ॒ತೀನ್ದ್ರ॑ಸ್ಯ ತ್ವಾ॒ ಸಾಮ್ರಾ᳚ಜ್ಯೇನಾ॒ಭಿ ಷಿ॑ಞ್ಚಾ॒-ಮೀತ್ಯಾ॑ಹೇನ್ದ್ರಿ॒ಯಮೇ॒ವಾಸ್ಮಿ॑-ನ್ನು॒ಪರಿ॑ಷ್ಟಾ-ದ್ದಧಾತ್ಯೇ॒ತ- [-ದ್ದಧಾತ್ಯೇ॒ತತ್, ವೈ ರಾ॑ಜ॒ಸೂಯ॑ಸ್ಯ] 13
-ದ್ವೈ ರಾ॑ಜ॒ಸೂಯ॑ಸ್ಯ ರೂ॒ಪಂ-ಯಁ ಏ॒ವಂ-ವಿಁ॒ದ್ವಾನ॒ಗ್ನಿ-ಞ್ಚಿ॑ನು॒ತ ಉ॒ಭಾವೇ॒ವ ಲೋ॒ಕಾವ॒ಭಿ ಜ॑ಯತಿ॒ ಯಶ್ಚ॑ ರಾಜ॒ಸೂಯೇ॑ನೇಜಾ॒ನಸ್ಯ॒ ಯಶ್ಚಾ᳚ಗ್ನಿ॒ಚಿತ॒ ಇನ್ದ್ರ॑ಸ್ಯ ಸುಷುವಾ॒ಣಸ್ಯ॑ ದಶ॒ಧೇನ್ದ್ರಿ॒ಯಂ-ವೀಁ॒ರ್ಯ॑-ಮ್ಪರಾ॑-ಽಪತ॒-ತ್ತದ್ದೇ॒ವಾ-ಸ್ಸೌ᳚ತ್ರಾಮ॒ಣ್ಯಾ ಸಮ॑ಭರನ್-ಥ್ಸೂ॒ಯತೇ॒ ವಾ ಏ॒ಷ ಯೋ᳚-ಽಗ್ನಿ-ಞ್ಚಿ॑ನು॒ತೇ᳚-ಽಗ್ನಿ-ಞ್ಚಿ॒ತ್ವಾ ಸೌ᳚ತ್ರಾಮ॒ಣ್ಯಾ ಯ॑ಜೇತೇನ್ದ್ರಿ॒ಯಮೇ॒ವ ವೀ॒ರ್ಯಗ್ಂ॑ ಸ॒ಭೃನ್ತ್ಯಾ॒-ಽಽತ್ಮ-ನ್ಧ॑ತ್ತೇ ॥ 14 ॥
(ತ ಏ॒ವಾ – ನ್ವವ॑ಸ್ರಾವಯತ್ಯೇ॒ – ತ – ದ॒ಷ್ಟಾಚ॑ತ್ವಾರಿಗ್ಂಶಚ್ಚ) (ಅ. 3)
ಸ॒ಜೂರಬ್ದೋ-ಽಯಾ॑ವಭಿ-ಸ್ಸ॒ಜೂರು॒ಷಾ ಅರು॑ಣೀಭಿ-ಸ್ಸ॒ಜೂ-ಸ್ಸೂರ್ಯ॒ ಏತ॑ಶೇನ ಸ॒ಜೋಷಾ॑ವ॒ಶ್ವಿನಾ॒ ದಗ್ಂಸೋ॑ಭಿ-ಸ್ಸ॒ಜೂರ॒ಗ್ನಿರ್ವೈ᳚ಶ್ವಾನ॒ರ ಇಡಾ॑ಭಿರ್ಘೃ॒ತೇನ॒ ಸ್ವಾಹಾ॑ ಸಂವಁಥ್ಸ॒ರೋ ವಾ ಅಬ್ದೋ॒ ಮಾಸಾ॒ ಅಯಾ॑ವಾ ಉ॒ಷಾ ಅರು॑ಣೀ॒ ಸೂರ್ಯ॒ ಏತ॑ಶ ಇ॒ಮೇ ಅ॒ಶ್ವಿನಾ॑ ಸಂವಁಥ್ಸ॒ರೋ᳚-ಽಗ್ನಿರ್ವೈ᳚ಶ್ವಾನ॒ರಃ ಪ॒ಶವ॒ ಇಡಾ॑ ಪ॒ಶವೋ॑ ಘೃ॒ತಗ್ಂ ಸಂ॑ವಁಥ್ಸ॒ರ-ಮ್ಪ॒ಶವೋ-ಽನು॒ ಪ್ರ ಜಾ॑ಯನ್ತೇ ಸಂವಁಥ್ಸ॒ರೇಣೈ॒ವಾಸ್ಮೈ॑ ಪ॒ಶೂ-ನ್ಪ್ರಜ॑ನಯತಿ ದರ್ಭಸ್ತ॒ಮ್ಬೇ ಜು॑ಹೋತಿ॒ ಯ – [ ] 15
-ದ್ವಾ ಅ॒ಸ್ಯಾ ಅ॒ಮೃತಂ॒-ಯಁ-ದ್ವೀ॒ರ್ಯ॑-ನ್ತ-ದ್ದ॒ರ್ಭಾಸ್ತಸ್ಮಿ॑ನ್ ಜುಹೋತಿ॒ ಪ್ರೈವ ಜಾ॑ಯತೇ ಽನ್ನಾ॒ದೋ ಭ॑ವತಿ॒ ಯಸ್ಯೈ॒ವ-ಞ್ಜುಹ್ವ॑ತ್ಯೇ॒ತಾ ವೈ ದೇ॒ವತಾ॑ ಅ॒ಗ್ನೇಃ ಪು॒ರಸ್ತಾ᳚ದ್ಭಾಗಾ॒ಸ್ತಾ ಏ॒ವ ಪ್ರೀ॑ಣಾ॒ತ್ಯಥೋ॒ ಚಖ್ಷು॑ರೇ॒ವಾಗ್ನೇಃ ಪು॒ರಸ್ತಾ॒-ತ್ಪ್ರತಿ॑ ದಧಾ॒ತ್ಯನ॑ನ್ಧೋ ಭವತಿ॒ ಯ ಏ॒ವಂ-ವೇಁದಾ-ಽಽಪೋ॒ ವಾ ಇ॒ದಮಗ್ರೇ॑ ಸಲಿ॒ಲಮಾ॑ಸೀ॒-ಥ್ಸ ಪ್ರ॒ಜಾಪ॑ತಿಃ ಪುಷ್ಕರಪ॒ರ್ಣೇ ವಾತೋ॑ ಭೂ॒ತೋ॑-ಽಲೇಲಾಯ॒-ಥ್ಸ [ಭೂ॒ತೋ॑-ಽಲೇಲಾಯ॒-ಥ್ಸಃ, ಪ್ರ॒ತಿ॒ಷ್ಠಾ-ನ್ನಾ-ಽವಿ॑ನ್ದತ॒] 16
ಪ್ರ॑ತಿ॒ಷ್ಠಾ-ನ್ನಾ-ಽವಿ॑ನ್ದತ॒ ಸ ಏ॒ತದ॒ಪಾ-ಙ್ಕು॒ಲಾಯ॑ಮಪಶ್ಯ॒-ತ್ತಸ್ಮಿ॑ನ್ನ॒ಗ್ನಿಮ॑ಚಿನುತ॒ ತದಿ॒ಯಮ॑ಭವ॒-ತ್ತತೋ॒ ವೈ ಸ ಪ್ರತ್ಯ॑ತಿಷ್ಠ॒ದ್ಯಾ-ಮ್ಪು॒ರಸ್ತಾ॑ದು॒ಪಾ-ದ॑ಧಾ॒-ತ್ತಚ್ಛಿರೋ॑ ಽಭವ॒-ಥ್ಸಾ ಪ್ರಾಚೀ॒ ದಿಗ್ಯಾ-ನ್ದ॑ಖ್ಷಿಣ॒ತ ಉ॒ಪಾದ॑ಧಾ॒-ಥ್ಸ ದಖ್ಷಿ॑ಣಃ ಪ॒ಖ್ಷೋ॑-ಽಭವ॒-ಥ್ಸಾ ದ॑ಖ್ಷಿ॒ಣಾ ದಿಗ್ಯಾ-ಮ್ಪ॒ಶ್ಚಾ-ದು॒ಪಾದ॑ಧಾ॒-ತ್ತ-ತ್ಪುಚ್ಛ॑ಮಭವ॒-ಥ್ಸಾ ಪ್ರ॒ತೀಚೀ॒ ದಿಗ್ಯಾಮು॑ತ್ತರ॒ತ ಉ॒ಪಾದ॑ಧಾ॒- [ಉ॒ಪಾದ॑ಧಾತ್, ಸ ಉತ್ತ॑ರಃ] 17
-ಥ್ಸ ಉತ್ತ॑ರಃ ಪ॒ಖ್ಷೋ॑-ಽಭವ॒-ಥ್ಸೋದೀ॑ಚೀ॒ ದಿಗ್ಯಾಮು॒ಪರಿ॑ಷ್ಟಾ-ದು॒ಪಾದ॑ಧಾ॒-ತ್ತ-ತ್ಪೃ॒ಷ್ಠಮ॑ಭವ॒-ಥ್ಸೋರ್ಧ್ವಾ ದಿಗಿ॒ಯಂ-ವಾಁ ಅ॒ಗ್ನಿಃ ಪಞ್ಚೇ᳚ಷ್ಟಕ॒-ಸ್ತಸ್ಮಾ॒-ದ್ಯದ॒ಸ್ಯಾ-ಙ್ಖನ॑ನ್ತ್ಯ॒ಭೀಷ್ಟ॑ಕಾ-ನ್ತೃ॒ನ್ದನ್ತ್ಯ॒ಭಿ ಶರ್ಕ॑ರಾ॒ಗ್ಂ॒ ಸರ್ವಾ॒ ವಾ ಇ॒ಯಂ-ವಁಯೋ᳚ಭ್ಯೋ॒ ನಕ್ತ॑-ನ್ದೃ॒ಶೇ ದೀ᳚ಪ್ಯತೇ॒ ತಸ್ಮಾ॑ದಿ॒ಮಾಂ-ವಁಯಾಗ್ಂ॑ಸಿ॒ ನಕ್ತ॒-ನ್ನಾದ್ಧ್ಯಾ॑ಸತೇ॒ ಯ ಏ॒ವಂ-ವಿಁ॒ದ್ವಾನ॒ಗ್ನಿ-ಞ್ಚಿ॑ನು॒ತೇ ಪ್ರತ್ಯೇ॒ವ [ಪ್ರತ್ಯೇ॒ವ, ತಿ॒ಷ್ಠ॒ತ್ಯ॒ಭಿ ದಿಶೋ॑] 18
ತಿ॑ಷ್ಠತ್ಯ॒ಭಿ ದಿಶೋ॑ ಜಯತ್ಯಾಗ್ನೇ॒ಯೋ ವೈ ಬ್ರಾ᳚ಹ್ಮ॒ಣಸ್ತಸ್ಮಾ᳚-ದ್ಬ್ರಾಹ್ಮ॒ಣಾಯ॒ ಸರ್ವಾ॑ಸು ದಿ॒ಖ್ಷ್ವರ್ಧು॑ಕ॒ಗ್ಗ್॒ ಸ್ವಾಮೇ॒ವ ತ-ದ್ದಿಶ॒ಮನ್ವೇ᳚ತ್ಯ॒ಪಾಂ-ವಾಁ ಅ॒ಗ್ನಿಃ ಕು॒ಲಾಯ॒-ನ್ತಸ್ಮಾ॒ದಾಪೋ॒-ಽಗ್ನಿಗ್ಂ ಹಾರು॑ಕಾ॒-ಸ್ಸ್ವಾಮೇ॒ವ ತ-ದ್ಯೋನಿ॒-ಮ್ಪ್ರವಿ॑ಶನ್ತಿ ॥ 19 ॥
(ಯದ॑- ಲೇಲಾಯ॒-ಥ್ಸ-ಉ॑ತ್ತರ॒ತ ಉ॒ಪಾದ॑ಧಾ-ದೇ॒ವ – ದ್ವಾತ್ರಿಗ್ಂ॑ಶಚ್ಚ) (ಅ. 4)
ಸಂ॒ವಁ॒ಥ್ಸ॒ರಮುಖ್ಯ॑-ಮ್ಭೃ॒ತ್ವಾ ದ್ವಿ॒ತೀಯೇ॑ ಸಂವಁಥ್ಸ॒ರ ಆ᳚ಗ್ನೇ॒ಯಮ॒ಷ್ಟಾಕ॑ಪಾಲ॒-ನ್ನಿರ್ವ॑ಪೇದೈ॒ನ್ದ್ರ-ಮೇಕಾ॑ದಶಕಪಾಲಂ-ವೈಁಶ್ವದೇ॒ವ-ನ್ದ್ವಾದ॑ಶಕಪಾಲ-ಮ್ಬಾರ್ಹಸ್ಪ॒ತ್ಯ-ಞ್ಚ॒ರುಂ-ವೈಁ᳚ಷ್ಣ॒ವ-ನ್ತ್ರಿ॑ಕಪಾ॒ಲ-ನ್ತೃ॒ತೀಯೇ॑ ಸಂವಁಥ್ಸ॒ರೇ॑-ಽಭಿ॒ಜಿತಾ॑ ಯಜೇತ॒ ಯದ॒ಷ್ಟಾಕ॑ಪಾಲೋ॒ ಭವ॑ತ್ಯ॒ಷ್ಟಾಖ್ಷ॑ರಾ ಗಾಯ॒ತ್ರ್ಯಾ᳚ಗ್ನೇ॒ಯ-ಙ್ಗಾ॑ಯ॒ತ್ರ-ಮ್ಪ್ರಾ॑ತಸ್ಸವ॒ನ-ಮ್ಪ್ರಾ॑ತಸ್ಸವ॒ನಮೇ॒ವ ತೇನ॑ ದಾಧಾರ ಗಾಯ॒ತ್ರೀ-ಞ್ಛನ್ದೋ॒ ಯದೇಕಾ॑ದಶಕಪಾಲೋ॒ ಭವ॒ತ್ಯೇಕಾ॑ದಶಾಖ್ಷರಾ ತ್ರಿ॒ಷ್ಟುಗೈ॒ನ್ದ್ರ-ನ್ತ್ರೈಷ್ಟು॑ಭ॒-ಮ್ಮಾದ್ಧ್ಯ॑ನ್ದಿನ॒ಗ್ಂ॒ ಸವ॑ನ॒-ಮ್ಮಾದ್ಧ್ಯ॑ನ್ದಿನಮೇ॒ವ ಸವ॑ನ॒-ನ್ತೇನ॑ ದಾಧಾರ ತ್ರಿ॒ಷ್ಟುಭ॒- [ತ್ರಿ॒ಷ್ಟುಭ᳚ಮ್, ಛನ್ದೋ॒ ಯ-ದ್ದ್ವಾದ॑ಶಕಪಾಲೋ॒ ಭವ॑ತಿ॒] 20
-ಞ್ಛನ್ದೋ॒ ಯ-ದ್ದ್ವಾದ॑ಶಕಪಾಲೋ॒ ಭವ॑ತಿ॒ ದ್ವಾದ॑ಶಾಖ್ಷರಾ॒ ಜಗ॑ತೀ ವೈಶ್ವದೇ॒ವ-ಞ್ಜಾಗ॑ತ-ನ್ತೃತೀಯಸವ॒ನ-ನ್ತೃ॑ತೀಯಸವ॒ನಮೇ॒ವ ತೇನ॑ ದಾಧಾರ॒ ಜಗ॑ತೀ॒-ಞ್ಛನ್ದೋ॒ ಯ-ದ್ಬಾ॑ರ್ಹಸ್ಪ॒ತ್ಯಶ್ಚ॒ರುರ್ಭವ॑ತಿ॒ ಬ್ರಹ್ಮ॒ ವೈ ದೇ॒ವಾನಾ॒-ಮ್ಬೃಹ॒ಸ್ಪತಿ॒ರ್ಬ್ರಹ್ಮೈ॒ವ ತೇನ॑ ದಾಧಾರ॒ ಯ-ದ್ವೈ᳚ಷ್ಣ॒ವಸ್ತ್ರಿ॑ಕಪಾ॒ಲೋ ಭವ॑ತಿ ಯ॒ಜ್ಞೋ ವೈ ವಿಷ್ಣು॑ರ್ಯ॒ಜ್ಞಮೇ॒ವ ತೇನ॑ ದಾಧಾರ॒ ಯ-ತ್ತೃ॒ತೀಯೇ॑ ಸಂವಁಥ್ಸ॒ರೇ॑-ಽಭಿ॒ಜಿತಾ॒ ಯಜ॑ತೇ॒-ಽಭಿಜಿ॑ತ್ಯೈ॒ ಯ-ಥ್ಸಂ॑ವಁಥ್ಸ॒ರಮುಖ್ಯ॑-ಮ್ಬಿ॒ಭರ್ತೀ॒ಮಮೇ॒ವ [ ] 21
ತೇನ॑ ಲೋ॒ಕಗ್ಗ್ ಸ್ಪೃ॑ಣೋತಿ॒ ಯ-ದ್ದ್ವಿ॒ತೀಯೇ॑ ಸಂವಁಥ್ಸ॒ರೇ᳚-ಽಗ್ನಿ-ಞ್ಚಿ॑ನು॒ತೇ᳚ ಽನ್ತರಿ॑ಖ್ಷಮೇ॒ವ ತೇನ॑ ಸ್ಪೃಣೋತಿ॒ ಯ-ತ್ತೃ॒ತೀಯೇ॑ ಸಂವಁಥ್ಸ॒ರೇ ಯಜ॑ತೇ॒-ಽಮುಮೇ॒ವ ತೇನ॑ ಲೋ॒ಕಗ್ಗ್ ಸ್ಪೃ॑ಣೋತ್ಯೇ॒ತಂ-ವೈಁ ಪರ॑ ಆಟ್ಣಾ॒ರಃ ಕ॒ಖ್ಷೀವಾಗ್ಂ॑ ಔಶಿ॒ಜೋ ವೀ॒ತಹ॑ವ್ಯ-ಶ್ಶ್ರಾಯ॒ಸಸ್ತ್ರ॒ಸದ॑ಸ್ಯುಃ ಪೌರುಕು॒ಥ್ಸ್ಯಃ ಪ್ರ॒ಜಾಕಾ॑ಮಾ ಅಚಿನ್ವತ॒ ತತೋ॒ ವೈ ತೇ ಸ॒ಹಸ್ರಗ್ಂ॑ ಸಹಸ್ರ-ಮ್ಪು॒ತ್ರಾನ॑ವಿನ್ದನ್ತ॒ ಪ್ರಥ॑ತೇ ಪ್ರ॒ಜಯಾ॑ ಪ॒ಶುಭಿ॒ಸ್ತಾ-ಮ್ಮಾತ್ರಾ॑ಮಾಪ್ನೋತಿ॒ ಯಾ-ನ್ತೇ-ಽಗ॑ಚ್ಛ॒ನ್॒ ಯ ಏ॒ವಂ ವಿಁ॒ದ್ವಾನೇ॒ತಮ॒ಗ್ನಿ-ಞ್ಚಿ॑ನು॒ತೇ ॥ 22 ॥
(ದಾ॒ಧಾ॒ರ॒ ತ್ರಿ॒ಷ್ಟುಭ॑ – ಮಿ॒ಮಮೇ॒ವೈ – ವಂ – ಚ॒ತ್ವಾರಿ॑ ಚ) (ಅ. 5)
ಪ್ರ॒ಜಾಪ॑ತಿರ॒ಗ್ನಿಮ॑ಚಿನುತ॒ ಸ ಖ್ಷು॒ರಪ॑ವಿರ್ಭೂ॒ತ್ವಾ-ಽತಿ॑ಷ್ಠ॒-ತ್ತ-ನ್ದೇ॒ವಾ ಬಿಭ್ಯ॑ತೋ॒ ನೋಪಾ॑-ಽಽಯ॒-ನ್ತೇ ಛನ್ದೋ॑ಭಿರಾ॒ತ್ಮಾನ॑-ಞ್ಛಾದಯಿ॒ತ್ವೋಪಾ॑-ಽಽಯ॒-ನ್ತಚ್ಛನ್ದ॑ಸಾ-ಞ್ಛನ್ದ॒ಸ್ತ್ವ-ಮ್ಬ್ರಹ್ಮ॒ ವೈ ಛನ್ದಾಗ್ಂ॑ಸಿ॒ ಬ್ರಹ್ಮ॑ಣ ಏ॒ತ-ದ್ರೂ॒ಪಂ-ಯಁ-ತ್ಕೃ॑ಷ್ಣಾಜಿ॒ನ-ಙ್ಕಾರ್ಷ್ಣೀ॑ ಉಪಾ॒ನಹಾ॒ವುಪ॑ ಮುಞ್ಚತೇ॒ ಛನ್ದೋ॑ಭಿರೇ॒ವಾ-ಽಽತ್ಮಾನ॑-ಞ್ಛಾದಯಿ॒ತ್ವಾ-ಽಗ್ನಿಮುಪ॑ ಚರತ್ಯಾ॒ತ್ಮನೋ-ಽಹಿಗ್ಂ॑ಸಾಯೈ ದೇವನಿ॒ಧಿರ್ವಾ ಏ॒ಷ ನಿ ಧೀ॑ಯತೇ॒ ಯದ॒ಗ್ನಿ- [ಯದ॒ಗ್ನಿಃ, ಅ॒ನ್ಯೇ ವಾ॒ ವೈ] 23
-ರ॒ನ್ಯೇ ವಾ॒ ವೈ ನಿ॒ಧಿಮಗು॑ಪ್ತಂ-ವಿಁ॒ನ್ದನ್ತಿ॒ ನ ವಾ॒ ಪ್ರತಿ॒ ಪ್ರ ಜಾ॑ನಾತ್ಯು॒ಖಾಮಾ ಕ್ರಾ॑ಮತ್ಯಾ॒ತ್ಮಾನ॑ಮೇ॒ವಾಧಿ॒ಪಾ-ಙ್ಕು॑ರುತೇ॒ ಗುಪ್ತ್ಯಾ॒ ಅಥೋ॒ ಖಲ್ವಾ॑ಹು॒ರ್ನಾ-ಽಽಕ್ರಮ್ಯೇತಿ॑ ನೈರ್-ಋ॒ತ್ಯು॑ಖಾ ಯದಾ॒ಕ್ರಾಮೇ॒ನ್ನಿರ್-ಋ॑ತ್ಯಾ ಆ॒ತ್ಮಾನ॒ಮಪಿ॑ ದದ್ಧ್ಯಾ॒-ತ್ತಸ್ಮಾ॒ನ್ನಾ-ಽಽಕ್ರಮ್ಯಾ॑ ಪುರುಷಶೀ॒ರ್॒ಷಮುಪ॑ ದಧಾತಿ॒ ಗುಪ್ತ್ಯಾ॒ ಅಥೋ॒ ಯಥಾ᳚ ಬ್ರೂ॒ಯಾದೇ॒ತನ್ಮೇ॑ ಗೋಪಾ॒ಯೇತಿ॑ ತಾ॒ದೃಗೇ॒ವ ತ- [ತತ್, ಪ್ರ॒ಜಾಪ॑ತಿ॒ರ್ವಾ] 24
-ತ್ಪ್ರ॒ಜಾಪ॑ತಿ॒ರ್ವಾ ಅಥ॑ರ್ವಾ॒ ಽಗ್ನಿರೇ॒ವ ದ॒ದ್ಧ್ಯಙ್ಙಾ॑ಥರ್ವ॒ಣಸ್ತಸ್ಯೇಷ್ಟ॑ಕಾ ಅ॒ಸ್ಥಾನ್ಯೇ॒ತಗ್ಂ ಹ॒ ವಾವ ತದ್-ಋಷಿ॑ರ॒ಭ್ಯನೂ॑ವಾ॒ಚೇನ್ದ್ರೋ॑ ದಧೀ॒ಚೋ ಅ॒ಸ್ಥಭಿ॒ರಿತಿ॒ ಯದಿಷ್ಟ॑ಕಾಭಿರ॒ಗ್ನಿ-ಞ್ಚಿ॒ನೋತಿ॒ ಸಾತ್ಮಾ॑ನಮೇ॒ವಾಗ್ನಿ-ಞ್ಚಿ॑ನುತೇ॒ ಸಾತ್ಮಾ॒ಮುಷ್ಮಿ॑-ಲ್ಲೋಁ॒ಕೇ ಭ॑ವತಿ॒ ಯ ಏ॒ವಂ-ವೇಁದ॒ ಶರೀ॑ರಂ॒-ವಾಁ ಏ॒ತದ॒ಗ್ನೇರ್ಯಚ್ಚಿತ್ಯ॑ ಆ॒ತ್ಮಾ ವೈ᳚ಶ್ವಾನ॒ರೋ ಯಚ್ಚಿ॒ತೇ ವೈ᳚ಶ್ವಾನ॒ರ-ಞ್ಜು॒ಹೋತಿ॒ ಶರೀ॑ರಮೇ॒ವ ಸ॒ಗ್ಗ್॒ಸ್ಕೃತ್ಯಾ॒- [ಸ॒ಗ್ಗ್॒ಸ್ಕೃತ್ಯಾ॑, ಅ॒ಭ್ಯಾರೋ॑ಹತಿ॒] 25
-ಽಭ್ಯಾರೋ॑ಹತಿ॒ ಶರೀ॑ರಂ॒-ವಾಁ ಏ॒ತ-ದ್ಯಜ॑ಮಾನ॒-ಸ್ಸಗ್ಗ್ ಸ್ಕು॑ರುತೇ॒ ಯದ॒ಗ್ನಿ-ಞ್ಚಿ॑ನು॒ತೇ ಯಚ್ಚಿ॒ತೇ ವೈ᳚ಶ್ವಾನ॒ರ-ಞ್ಜು॒ಹೋತಿ॒ ಶರೀ॑ರಮೇ॒ವ ಸ॒ಗ್ಗ್॒ಸ್ಕೃತ್ಯಾ॒ ಽಽತ್ಮನಾ॒-ಽಭ್ಯಾರೋ॑ಹತಿ॒ ತಸ್ಮಾ॒-ತ್ತಸ್ಯ॒ ನಾವ॑ ದ್ಯನ್ತಿ॒ ಜೀವ॑ನ್ನೇ॒ವ ದೇ॒ವಾನಪ್ಯೇ॑ತಿ ವೈಶ್ವಾನ॒ರ್ಯರ್ಚಾ ಪುರೀ॑ಷ॒ಮುಪ॑ ದಧಾತೀ॒ಯಂ-ವಾಁ ಅ॒ಗ್ನಿರ್ವೈ᳚ಶ್ವಾನ॒ರಸ್ತಸ್ಯೈ॒ಷಾ ಚಿತಿ॒ರ್ಯ-ತ್ಪುರೀ॑ಷಮ॒ಗ್ನಿಮೇ॒ವ ವೈ᳚ಶ್ವಾನ॒ರ-ಞ್ಚಿ॑ನುತ ಏ॒ಷಾ ವಾ ಅ॒ಗ್ನೇಃ ಪ್ರಿ॒ಯಾ ತ॒ನೂರ್ಯ-ದ್ವೈ᳚ಶ್ವಾನ॒ರಃ ಪ್ರಿ॒ಯಾಮೇ॒ವಾಸ್ಯ॑ ತ॒ನುವ॒ಮವ॑ ರುನ್ಧೇ ॥ 26 ॥
(ಅ॒ಗ್ನಿ – ಸ್ತಥ್ – ಸ॒ಗ್ಗ್॒ಸ್ಕೃತ್ಯಾ॒ – ಗ್ನೇ – ರ್ದಶ॑ ಚ) (ಅ. 6)
ಅ॒ಗ್ನೇರ್ವೈ ದೀ॒ಖ್ಷಯಾ॑ ದೇ॒ವಾ ವಿ॒ರಾಜ॑ಮಾಪ್ನುವ-ನ್ತಿ॒ಸ್ರೋ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ᳚-ತ್ತ್ರಿ॒ಪದಾ॑ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಷಡ್-ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ಥ್ಷ-ಡ್ವಾ ಋ॒ತವ॑-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ದಶ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ದ್ದಶಾ᳚ಖ್ಷರಾ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ದ್ವಾದ॑ಶ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ದ್ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ತ್ರಯೋ॑ದಶ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ತ್ತ್ರಯೋ॑ದಶ॒ [ತ್ರಯೋ॑ದಶ, ಮಾಸಾ᳚-] 27
ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಪಞ್ಚ॑ದಶ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ತ್ಪಞ್ಚ॑ದಶ॒ ವಾ ಅ॑ರ್ಧಮಾ॒ಸಸ್ಯ॒ ರಾತ್ರ॑ಯೋ-ಽರ್ಧಮಾಸ॒ಶ-ಸ್ಸಂ॑ವಁಥ್ಸ॒ರ ಆ᳚ಪ್ಯತೇ ಸಂವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ ಸ॒ಪ್ತದ॑ಶ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ದ್ದ್ವಾದ॑ಶ॒ ಮಾಸಾಃ॒ ಪಞ್ಚ॒ರ್ತವ॒-ಸ್ಸ ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಚತು॑ರ್ವಿಗ್ಂಶತಿ॒ಗ್ಂ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ಚ್ಚತು॑ರ್ವಿಗ್ಂಶತಿರರ್ಧಮಾ॒ಸಾ-ಸ್ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ ತ್ರಿ॒ಗ್ಂ॒ಶತ॒ಗ್ಂ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ᳚- [ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ᳚ತ್, ತ್ರಿ॒ಗ್ಂ॒ಶದ॑ಖ್ಷರಾ] 28
-ತ್ತ್ರಿ॒ಗ್ಂ॒ಶದ॑ಖ್ಷರಾ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ॒ ಮಾಸ॑-ನ್ದೀಖ್ಷಿ॒ತ-ಸ್ಸ್ಯಾ॒-ದ್ಯೋ ಮಾಸ॒-ಸ್ಸ ಸಂ॑ವಁಥ್ಸ॒ರ-ಸ್ಸಂ॑ವಁಥ್ಸ॒ರೋ ವಿ॒ರಾ-ಡ್ವಿ॒ರಾಜ॑ಮಾಪ್ನೋತಿ ಚ॒ತುರೋ॑ ಮಾ॒ಸೋ ದೀ᳚ಖ್ಷಿ॒ತ-ಸ್ಸ್ಯಾ᳚ಚ್ಚ॒ತುರೋ॒ ವಾ ಏ॒ತ-ಮ್ಮಾ॒ಸೋ ವಸ॑ವೋ-ಽಬಿಭರು॒ಸ್ತೇ ಪೃ॑ಥಿ॒ವೀಮಾ-ಽಜ॑ಯ-ನ್ಗಾಯ॒ತ್ರೀ-ಞ್ಛನ್ದೋ॒-ಽಷ್ಟೌ ರು॒ದ್ರಾಸ್ತೇ᳚-ಽನ್ತರಿ॑ಖ್ಷ॒ಮಾ-ಽಜ॑ಯ-ನ್ತ್ರಿ॒ಷ್ಟುಭ॒-ಞ್ಛನ್ದೋ॒ ದ್ವಾದ॑ಶಾ-ಽಽದಿ॒ತ್ಯಾಸ್ತೇ ದಿವ॒ಮಾ-ಽಜ॑ಯ॒ನ್ ಜಗ॑ತೀ॒-ಞ್ಛನ್ದ॒ಸ್ತತೋ॒ ವೈ ತೇ ವ್ಯಾ॒ವೃತ॑-ಮಗಚ್ಛ॒ಞ್ಛ್ರೈಷ್ಠ್ಯ॑-ನ್ದೇ॒ವಾನಾ॒-ನ್ತಸ್ಮಾ॒-ದ್ದ್ವಾದ॑ಶ ಮಾ॒ಸೋ ಭೃ॒ತ್ವಾ-ಽಗ್ನಿ-ಞ್ಚಿ॑ನ್ವೀತ॒ ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರೋ᳚ -ಽಗ್ನಿಶ್ಚಿತ್ಯ॒ಸ್ತಸ್ಯಾ॑-ಹೋರಾ॒ತ್ರಾಣೀಷ್ಟ॑ಕಾ ಆ॒ಪ್ತೇಷ್ಟ॑ಕಮೇನ-ಞ್ಚಿನು॒ತೇ-ಽಥೋ᳚ ವ್ಯಾ॒ವೃತ॑ಮೇ॒ವ ಗ॑ಚ್ಛತಿ॒ ಶ್ರೈಷ್ಠ್ಯಗ್ಂ॑ ಸಮಾ॒ನಾನಾ᳚ಮ್ ॥ 29 ॥
(ಸ್ಯಾ॒-ತ್ತ್ರಯೋ॑ದಶ – ತ್ರಿ॒ಗ್ಂ॒ಶತ॒ಗ್ಂ॒ ರಾತ್ರೀ᳚ರ್ದೀಖ್ಷಿ॒ತ-ಸ್ಸ್ಯಾ॒-ದ್- ವೈ ತೇ᳚ – ಽಷ್ಟಾವಿಗ್ಂ॑ಶತಿಶ್ಚ) (ಅ. 7)
ಸು॒ವ॒ರ್ಗಾಯ॒ ವಾ ಏ॒ಷ ಲೋ॒ಕಾಯ॑ ಚೀಯತೇ॒ ಯದ॒ಗ್ನಿಸ್ತಂ-ಯಁನ್ನಾನ್ವಾ॒ರೋಹೇ᳚-ಥ್ಸುವ॒ರ್ಗಾಲ್ಲೋ॒ಕಾ-ದ್ಯಜ॑ಮಾನೋ ಹೀಯೇತ ಪೃಥಿ॒ವೀಮಾ-ಽಕ್ರ॑ಮಿಷ-ಮ್ಪ್ರಾ॒ಣೋ ಮಾ॒ ಮಾ ಹಾ॑ಸೀದ॒ನ್ತರಿ॑ಖ್ಷ॒ಮಾ-ಽಕ್ರ॑ಮಿಷ-ಮ್ಪ್ರ॒ಜಾ ಮಾ॒ ಮಾ ಹಾ॑ಸೀ॒-ದ್ದಿವ॒ಮಾ-ಽಕ್ರ॑ಮಿಷ॒ಗ್ಂ॒ ಸುವ॑ರಗ॒ನ್ಮೇತ್ಯಾ॑ಹೈ॒ಷ ವಾ ಅ॒ಗ್ನೇರ॑ನ್ವಾರೋ॒ಹಸ್ತೇನೈ॒ವೈನ॑-ಮ॒ನ್ವಾರೋ॑ಹತಿ ಸುವ॒ರ್ಗಸ್ಯ॑ ಲೋ॒ಕಸ್ಯ॒ ಸಮ॑ಷ್ಟ್ಯೈ॒ ಯ-ತ್ಪ॒ಖ್ಷಸ॑ಮ್ಮಿತಾ-ಮ್ಮಿನು॒ಯಾ- [ಮಿನು॒ಯಾತ್, ಕನೀ॑ಯಾಗ್ಂಸ-] 30
-ತ್ಕನೀ॑ಯಾಗ್ಂಸಂ-ಯಁಜ್ಞಕ್ರ॒ತುಮುಪೇ॑ಯಾ॒-ತ್ಪಾಪೀ॑ಯಸ್ಯಸ್ಯಾ॒ ಽಽತ್ಮನಃ॑ ಪ್ರ॒ಜಾ ಸ್ಯಾ॒-ದ್ವೇದಿ॑ಸಮ್ಮಿತಾ-ಮ್ಮಿನೋತಿ॒ ಜ್ಯಾಯಾಗ್ಂ॑ಸಮೇ॒ವ ಯ॑ಜ್ಞಕ್ರ॒ತುಮುಪೈ॑ತಿ॒ ನಾಸ್ಯಾ॒-ಽಽತ್ಮನಃ॒ ಪಾಪೀ॑ಯಸೀ ಪ್ರ॒ಜಾ ಭ॑ವತಿ ಸಾಹ॒ಸ್ರ-ಞ್ಚಿ॑ನ್ವೀತ ಪ್ರಥ॒ಮ-ಞ್ಚಿ॑ನ್ವಾ॒ನ-ಸ್ಸ॒ಹಸ್ರ॑ಸಮ್ಮಿತೋ॒ ವಾ ಅ॒ಯಂ-ಲೋಁ॒ಕ ಇ॒ಮಮೇ॒ವ ಲೋ॒ಕಮ॒ಭಿ ಜ॑ಯತಿ॒ ದ್ವಿಷಾ॑ಹಸ್ರ-ಞ್ಚಿನ್ವೀತ ದ್ವಿ॒ತೀಯ॑-ಞ್ಚಿನ್ವಾ॒ನೋ ದ್ವಿಷಾ॑ಹಸ್ರಂ॒-ವಾಁ ಅ॒ನ್ತರಿ॑ಖ್ಷ-ಮ॒ನ್ತರಿ॑ಖ್ಷಮೇ॒ವಾಭಿ ಜ॑ಯತಿ॒ ತ್ರಿಷಾ॑ಹಸ್ರ-ಞ್ಚಿನ್ವೀತ ತೃ॒ತೀಯ॑-ಞ್ಚಿನ್ವಾ॒ನ- [ತೃ॒ತೀಯ॑-ಞ್ಚಿನ್ವಾ॒ನಃ, ತ್ರಿಷಾ॑ಹಸ್ರೋ॒ ವಾ ಅ॒ಸೌ] 31
-ಸ್ತ್ರಿಷಾ॑ಹಸ್ರೋ॒ ವಾ ಅ॒ಸೌ ಲೋ॒ಕೋ॑ ಽಮುಮೇ॒ವ ಲೋ॒ಕಮ॒ಭಿ ಜ॑ಯತಿ ಜಾನುದ॒ಘ್ನ-ಞ್ಚಿ॑ನ್ವೀತ ಪ್ರಥ॒ಮ-ಞ್ಚಿ॑ನ್ವಾ॒ನೋ ಗಾ॑ಯತ್ರಿ॒ಯೈವೇಮಂ-ಲೋಁ॒ಕಮ॒ಭ್ಯಾರೋ॑ಹತಿ ನಾಭಿದ॒ಘ್ನ-ಞ್ಚಿ॑ನ್ವೀತ ದ್ವಿ॒ತೀಯ॑-ಞ್ಚಿನ್ವಾ॒ನಸ್ತ್ರಿ॒ಷ್ಟುಭೈ॒ವಾ-ನ್ತರಿ॑ಖ್ಷ-ಮ॒ಭ್ಯಾರೋ॑ಹತಿ ಗ್ರೀವದ॒ಘ್ನ-ಞ್ಚಿ॑ನ್ವೀತ ತೃ॒ತೀಯ॑-ಞ್ಚಿನ್ವಾ॒ನೋ ಜಗ॑ತ್ಯೈ॒ವಾಮು-ಲ್ಲೋಁ॒ಕಮ॒ಭ್ಯಾರೋ॑ಹತಿ॒ ನಾಗ್ನಿ-ಞ್ಚಿ॒ತ್ವಾ ರಾ॒ಮಾಮುಪೇ॑ಯಾದಯೋ॒ನೌ ರೇತೋ॑ ಧಾಸ್ಯಾ॒ಮೀತಿ॒ ನ ದ್ವಿ॒ತೀಯ॑-ಞ್ಚಿ॒ತ್ವಾ-ಽನ್ಯಸ್ಯ॒ ಸ್ತ್ರಿಯ॒- [ಸ್ತ್ರಿಯ᳚ಮ್, ಉಪೇ॑ಯಾ॒ನ್ನ] 32
-ಮುಪೇ॑ಯಾ॒ನ್ನ ತೃ॒ತೀಯ॑-ಞ್ಚಿ॒ತ್ವಾ ಕಾ-ಞ್ಚ॒ನೋಪೇ॑ಯಾ॒-ದ್ರೇತೋ॒ ವಾ ಏ॒ತನ್ನಿ ಧ॑ತ್ತೇ॒ ಯದ॒ಗ್ನಿ-ಞ್ಚಿ॑ನು॒ತೇ ಯದು॑ಪೇ॒ಯಾ-ದ್ರೇತ॑ಸಾ॒ ವ್ಯೃ॑ದ್ಧ್ಯೇ॒ತಾ-ಽಥೋ॒ ಖಲ್ವಾ॑ಹುರ ಪ್ರಜ॒ಸ್ಯ-ನ್ತ-ದ್ಯನ್ನೋಪೇ॒ಯಾದಿತಿ॒ ಯ-ದ್ರೇ॑ತ॒ಸ್ಸಿಚಾ॑ವುಪ॒ದಧಾ॑ತಿ॒ ತೇ ಏ॒ವ ಯಜ॑ಮಾನಸ್ಯ॒ ರೇತೋ॑ ಬಿಭೃತ॒ಸ್ತಸ್ಮಾ॒-ದುಪೇ॑ಯಾ॒-ದ್ರೇತ॒ಸೋ-ಽಸ್ಕ॑ನ್ದಾಯ॒ ತ್ರೀಣಿ॒ ವಾವ ರೇತಾಗ್ಂ॑ಸಿ ಪಿ॒ತಾ ಪು॒ತ್ರಃ ಪೌತ್ರೋ॒ [ಪೌತ್ರಃ॑, ಯ-ದ್ದ್ವೇ ರೇ॑ತ॒ಸ್ಸಿಚಾ॑] 33
ಯ-ದ್ದ್ವೇ ರೇ॑ತ॒ಸ್ಸಿಚಾ॑-ವುಪದ॒ದ್ಧ್ಯಾ-ದ್ರೇತೋ᳚-ಽಸ್ಯ॒ ವಿಚ್ಛಿ॑ನ್ದ್ಯಾ-ತ್ತಿ॒ಸ್ರ ಉಪ॑ ದಧಾತಿ॒ ರೇತ॑ಸ॒-ಸ್ಸನ್ತ॑ತ್ಯಾ ಇ॒ಯಂ-ವಾಁವ ಪ್ರ॑ಥ॒ಮಾ ರೇ॑ತ॒ಸ್ಸಿಗ್ ವಾಗ್ವಾ ಇ॒ಯ-ನ್ತಸ್ಮಾ॒-ತ್ಪಶ್ಯ॑ನ್ತೀ॒ಮಾ-ಮ್ಪಶ್ಯ॑ನ್ತಿ॒ ವಾಚಂ॒-ವಁದ॑ನ್ತೀಮ॒ನ್ತರಿ॑ಖ್ಷ-ನ್ದ್ವಿ॒ತೀಯಾ᳚ ಪ್ರಾ॒ಣೋ ವಾ ಅ॒ನ್ತರಿ॑ಖ್ಷ॒-ನ್ತಸ್ಮಾ॒ನ್ನಾ-ಽನ್ತರಿ॑ಖ್ಷ॒-ಮ್ಪಶ್ಯ॑ನ್ತಿ॒ ನ ಪ್ರಾ॒ಣಮ॒ಸೌ ತೃ॒ತೀಯಾ॒ ಚಖ್ಷು॒ರ್ವಾ ಅ॒ಸೌ ತಸ್ಮಾ॒-ತ್ಪಶ್ಯ॑ನ್ತ್ಯ॒ಮೂ-ಮ್ಪಶ್ಯ॑ನ್ತಿ॒ ಚಖ್ಷು॒-ರ್ಯಜು॑ಷೇ॒ಮಾ-ಞ್ಚಾ॒- [ಚಖ್ಷು॒-ರ್ಯಜು॑ಷೇ॒ಮಾ-ಞ್ಚಾ॑, ಅ॒ಮೂ-ಞ್ಚೋಪ॑] 34
-ಽಮೂ-ಞ್ಚೋಪ॑ ದಧಾತಿ॒ ಮನ॑ಸಾ ಮದ್ಧ್ಯ॒ಮಾಮೇ॒ಷಾಂ-ಲೋಁ॒ಕಾನಾ॒-ಙ್ಕೢಪ್ತ್ಯಾ॒ ಅಥೋ᳚ ಪ್ರಾ॒ಣಾನಾ॑ಮಿ॒ಷ್ಟೋ ಯ॒ಜ್ಞೋ ಭೃಗು॑ಭಿರಾಶೀ॒ರ್ದಾ ವಸು॑ಭಿ॒ಸ್ತಸ್ಯ॑ ತ ಇ॒ಷ್ಟಸ್ಯ॑ ವೀ॒ತಸ್ಯ॒ ದ್ರವಿ॑ಣೇ॒ಹ ಭ॑ಖ್ಷೀ॒ಯೇತ್ಯಾ॑ಹ ಸ್ತುತಶ॒ಸ್ತ್ರೇ ಏ॒ವೈತೇನ॑ ದುಹೇ ಪಿ॒ತಾ ಮಾ॑ತ॒ರಿಶ್ವಾ-ಽಚ್ಛಿ॑ದ್ರಾ ಪ॒ದಾ ಧಾ॒ ಅಚ್ಛಿ॑ದ್ರಾ ಉ॒ಶಿಜಃ॑ ಪ॒ದಾ-ಽನು॑ ತಖ್ಷು॒-ಸ್ಸೋಮೋ॑ ವಿಶ್ವ॒ವಿನ್ನೇ॒ತಾ ನೇ॑ಷ॒-ದ್ಬೃಹ॒ಸ್ಪತಿ॑ರುಕ್ಥಾಮ॒ದಾನಿ॑ ಶಗ್ಂಸಿಷ॒ದಿತ್ಯಾ॑ಹೈ॒ತದ್ವಾ ಅ॒ಗ್ನೇರು॒ಕ್ಥ-ನ್ತೇನೈ॒ವೈನ॒ಮನು॑ ಶಗ್ಂಸತಿ ॥ 35 ॥
(ಮಿ॒ನು॒ಯಾತ್ – ತೃ॒ತೀಯ॑-ಞ್ಚಿನ್ವಾ॒ನಃ – ಸ್ತ್ರಿಯಂ॒ – ಪೌತ್ರ॑ – ಶ್ಚ॒ – ವೈ – ಸ॒ಪ್ತ ಚ॑) (ಅ. 8)
ಸೂ॒ಯತೇ॒ ವಾ ಏ॒ಷೋ᳚-ಽಗ್ನೀ॒ನಾಂ-ಯಁ ಉ॒ಖಾಯಾ᳚-ಮ್ಭ್ರಿ॒ಯತೇ॒ ಯದ॒ಧ-ಸ್ಸಾ॒ದಯೇ॒-ದ್ಗರ್ಭಾಃ᳚ ಪ್ರ॒ಪಾದು॑ಕಾ-ಸ್ಸ್ಯು॒ರಥೋ॒ ಯಥಾ॑ ಸ॒ವಾ-ತ್ಪ್ರ॑ತ್ಯವ॒ರೋಹ॑ತಿ ತಾ॒ದೃಗೇ॒ವ ತದಾ॑ಸ॒ನ್ದೀ ಸಾ॑ದಯತಿ॒ ಗರ್ಭಾ॑ಣಾ॒-ನ್ಧೃತ್ಯಾ॒ ಅಪ್ರ॑ಪಾದಾ॒ಯಾಥೋ॑ ಸ॒ವಮೇ॒ವೈನ॑-ಙ್ಕರೋತಿ॒ ಗರ್ಭೋ॒ ವಾ ಏ॒ಷ ಯದುಖ್ಯೋ॒ ಯೋನಿ॑-ಶ್ಶಿ॒ಕ್ಯಂ॑-ಯಁಚ್ಛಿ॒ಕ್ಯಾ॑ದು॒ಖಾ-ನ್ನಿ॒ರೂಹೇ॒-ದ್ಯೋನೇ॒ರ್ಗರ್ಭ॒-ನ್ನಿರ್ಹ॑ಣ್ಯಾ॒-ಥ್ಷಡು॑ದ್ಯಾಮಗ್ಂ ಶಿ॒ಕ್ಯ॑-ಮ್ಭವತಿ ಷೋಢಾ ವಿಹಿ॒ತೋ ವೈ [ ] 36
ಪುರು॑ಷ ಆ॒ತ್ಮಾ ಚ॒ ಶಿರ॑ಶ್ಚ ಚ॒ತ್ವಾರ್ಯಙ್ಗಾ᳚ನ್ಯಾ॒ತ್ಮನ್ನೇ॒ವೈನ॑-ಮ್ಬಿಭರ್ತಿ ಪ್ರ॒ಜಾಪ॑ತಿ॒ರ್ವಾ ಏ॒ಷ ಯದ॒ಗ್ನಿಸ್ತಸ್ಯೋ॒ಖಾ ಚೋ॒ಲೂಖ॑ಲ-ಞ್ಚ॒ ಸ್ತನೌ॒ ತಾವ॑ಸ್ಯ ಪ್ರ॒ಜಾ ಉಪ॑ ಜೀವನ್ತಿ॒ ಯದು॒ಖಾ-ಞ್ಚೋ॒ಲೂಖ॑ಲ-ಞ್ಚೋಪ॒ದಧಾ॑ತಿ॒ ತಾಭ್ಯಾ॑ಮೇ॒ವ ಯಜ॑ಮಾನೋ॒-ಽಮುಷ್ಮಿ॑-ಲ್ಲೋಁ॒ಕೇ᳚-ಽಗ್ನಿ-ನ್ದು॑ಹೇ ಸಂವಁಥ್ಸ॒ರೋ ವಾ ಏ॒ಷ ಯದ॒ಗ್ನಿಸ್ತಸ್ಯ॑ ತ್ರೇಧಾವಿಹಿ॒ತಾ ಇಷ್ಟ॑ಕಾಃ ಪ್ರಾಜಾಪ॒ತ್ಯಾ ವೈ᳚ಷ್ಣ॒ವೀ- [ವೈ᳚ಷ್ಣ॒ವೀಃ, ವೈ॒ಶ್ವ॒ಕ॒ರ್ಮ॒ಣೀ-] 37
-ರ್ವೈ᳚ಶ್ವಕರ್ಮ॒ಣೀ-ರ॑ಹೋರಾ॒ತ್ರಾಣ್ಯೇ॒ವಾ-ಽಸ್ಯ॑ ಪ್ರಾಜಾಪ॒ತ್ಯಾ ಯದುಖ್ಯ॑-ಮ್ಬಿ॒ಭರ್ತಿ॑ ಪ್ರಾಜಾಪ॒ತ್ಯಾ ಏ॒ವ ತದುಪ॑ ಧತ್ತೇ॒ ಯ-ಥ್ಸ॒ಮಿಧ॑ ಆ॒ದಧಾ॑ತಿ ವೈಷ್ಣ॒ವಾ ವೈ ವನ॒ಸ್ಪತ॑ಯೋ ವೈಷ್ಣ॒ವೀರೇ॒ವ ತದುಪ॑ ಧತ್ತೇ॒ ಯದಿಷ್ಟ॑ಕಾಭಿರ॒ಗ್ನಿ-ಞ್ಚಿ॒ನೋತೀ॒ಯಂ-ವೈಁ ವಿ॒ಶ್ವಕ॑ರ್ಮಾ ವೈಶ್ವಕರ್ಮ॒ಣೀರೇ॒ವ ತದುಪ॑ ಧತ್ತೇ॒ ತಸ್ಮಾ॑-ದಾಹು-ಸ್ತ್ರಿ॒ವೃದ॒ಗ್ನಿರಿತಿ॒ ತಂ-ವಾಁ ಏ॒ತಂ-ಯಁಜ॑ಮಾನ ಏ॒ವ ಚಿ॑ನ್ವೀತ॒ ಯದ॑ಸ್ಯಾ॒ನ್ಯ ಶ್ಚಿ॑ನು॒ಯಾದ್ಯ-ತ್ತ-ನ್ದಖ್ಷಿ॑ಣಾಭಿ॒ರ್ನ ರಾ॒ಧಯೇ॑ದ॒ಗ್ನಿಮ॑ಸ್ಯ ವೃಞ್ಜೀತ॒ ಯೋ᳚-ಽಸ್ಯಾ॒-ಽಗ್ನಿ-ಞ್ಚಿ॑ನು॒ಯಾ-ತ್ತ-ನ್ದಖ್ಷಿ॑ಣಾಭೀ ರಾಧಯೇದ॒ಗ್ನಿಮೇ॒ವ ತ-ಥ್ಸ್ಪೃ॑ಣೋತಿ ॥ 38 ॥
(ಷೋ॒ಢಾ॒ವಿ॒ಹಿ॒ತೋ ವೈ – ವೈ᳚ಷ್ಣ॒ವೀ – ರ॒ನ್ಯೋ – ವಿಗ್ಂ॑ಶ॒ತಿಶ್ಚ॑) (ಅ. 9)
ಪ್ರ॒ಜಾಪ॑ತಿ-ರ॒ಗ್ನಿ-ಮ॑ಚಿನುತ॒ರ್ತುಭಿ॑-ಸ್ಸಂವಁಥ್ಸ॒ರಂ-ವಁ॑ಸ॒ನ್ತೇನೈ॒ವಾಸ್ಯ॑ ಪೂರ್ವಾ॒ರ್ಧಮ॑ಚಿನುತ ಗ್ರೀ॒ಷ್ಮೇಣ॒ ದಖ್ಷಿ॑ಣ-ಮ್ಪ॒ಖ್ಷಂ-ವಁ॒ರ್॒ಷಾಭಿಃ॒ ಪುಚ್ಛಗ್ಂ॑ ಶ॒ರದೋತ್ತ॑ರ-ಮ್ಪ॒ಖ್ಷಗ್ಂ ಹೇ॑ಮ॒ನ್ತೇನ॒ ಮದ್ಧ್ಯ॒-ಮ್ಬ್ರಹ್ಮ॑ಣಾ॒ ವಾ ಅ॑ಸ್ಯ॒ ತ-ತ್ಪೂ᳚ರ್ವಾ॒ರ್ಧಮ॑ಚಿನುತ ಖ್ಷ॒ತ್ರೇಣ॒ ದಖ್ಷಿ॑ಣ-ಮ್ಪ॒ಖ್ಷ-ಮ್ಪ॒ಶುಭಿಃ॒ ಪುಚ್ಛಂ॑-ವಿಁ॒ಶೋತ್ತ॑ರ-ಮ್ಪ॒ಖ್ಷಮಾ॒ಶಯಾ॒ ಮದ್ಧ್ಯಂ॒-ಯಁ ಏ॒ವಂ-ವಿಁ॒ದ್ವಾನ॒ಗ್ನಿ-ಞ್ಚಿ॑ನು॒ತ ಋ॒ತುಭಿ॑ರೇ॒ವೈನ॑-ಞ್ಚಿನು॒ತೇ-ಽಥೋ॑ ಏ॒ತದೇ॒ವ ಸರ್ವ॒ಮವ॑ – [ಸರ್ವ॒ಮವ॑, ರು॒ನ್ಧೇ॒ ಶೃ॒ಣ್ವನ್ತ್ಯೇ॑ನ] 39
ರುನ್ಧೇ ಶೃ॒ಣ್ವನ್ತ್ಯೇ॑ನ-ಮ॒ಗ್ನಿ-ಞ್ಚಿ॑ಕ್ಯಾ॒ನಮತ್ತ್ಯನ್ನ॒ಗ್ಂ॒ ರೋಚ॑ತ ಇ॒ಯಂ-ವಾಁವ ಪ್ರ॑ಥ॒ಮಾ ಚಿತಿ॒ರೋಷ॑ಧಯೋ॒ ವನ॒ಸ್ಪತ॑ಯಃ॒ ಪುರೀ॑ಷಮ॒ನ್ತರಿ॑ಖ್ಷ-ನ್ದ್ವಿ॒ತೀಯಾ॒ ವಯಾಗ್ಂ॑ಸಿ॒ ಪುರೀ॑ಷಮ॒ಸೌ ತೃ॒ತೀಯಾ॒ ನಖ್ಷ॑ತ್ರಾಣಿ॒ ಪುರೀ॑ಷಂ-ಯಁ॒ಜ್ಞಶ್ಚ॑ತು॒ರ್ಥೀ ದಖ್ಷಿ॑ಣಾ॒ ಪುರೀ॑ಷಂ॒-ಯಁಜ॑ಮಾನಃ ಪಞ್ಚ॒ಮೀ ಪ್ರ॒ಜಾ ಪುರೀ॑ಷಂ॒-ಯಁ-ತ್ತ್ರಿಚಿ॑ತೀಕ-ಞ್ಚಿನ್ವೀ॒ತ ಯ॒ಜ್ಞ-ನ್ದಖ್ಷಿ॑ಣಾಮಾ॒ತ್ಮಾನ॑-ಮ್ಪ್ರ॒ಜಾಮ॒ನ್ತರಿ॑ಯಾ॒-ತ್ತಸ್ಮಾ॒-ತ್ಪಞ್ಚ॑ಚಿತೀಕಶ್ಚೇತ॒ವ್ಯ॑ ಏ॒ತದೇ॒ವ ಸರ್ವಗ್ಗ್॑ ಸ್ಪೃಣೋತಿ॒ ಯ-ತ್ತಿ॒ಸ್ರಶ್ಚಿತ॑ಯ- [ಯ-ತ್ತಿ॒ಸ್ರಶ್ಚಿತ॑ಯಃ, ತ್ರಿ॒ವೃದ್ಧ್ಯ॑ಗ್ನಿರ್ಯ-ದ್ದ್ವೇ] 40
-ಸ್ತ್ರಿ॒ವೃದ್ಧ್ಯ॑ಗ್ನಿರ್ಯ-ದ್ದ್ವೇ ದ್ವಿ॒ಪಾ-ದ್ಯಜ॑ಮಾನಃ॒ ಪ್ರತಿ॑ಷ್ಠಿತ್ಯೈ॒ ಪಞ್ಚ॒ ಚಿತ॑ಯೋ ಭವನ್ತಿ॒ ಪಾಙ್ಕ್ತಃ॒ ಪುರು॑ಷ ಆ॒ತ್ಮಾನ॑ಮೇ॒ವ ಸ್ಪೃ॑ಣೋತಿ॒ ಪಞ್ಚ॒ ಚಿತ॑ಯೋ ಭವನ್ತಿ ಪ॒ಞ್ಚಭಿಃ॒ ಪುರೀ॑ಷೈರ॒ಭ್ಯೂ॑ಹತಿ॒ ದಶ॒ ಸ-ಮ್ಪ॑ದ್ಯನ್ತೇ॒ ದಶಾ᳚ಖ್ಷರೋ॒ ವೈ ಪುರು॑ಷೋ॒ ಯಾವಾ॑ನೇ॒ವ ಪುರು॑ಷ॒ಸ್ತಗ್ಗ್ ಸ್ಪೃ॑ಣೋ॒ತ್ಯಥೋ॒ ದಶಾ᳚ಖ್ಷರಾ ವಿ॒ರಾಡನ್ನಂ॑-ವಿಁ॒ರಾ-ಡ್ವಿ॒ರಾಜ್ಯೇ॒ವಾನ್ನಾದ್ಯೇ॒ ಪ್ರತಿ॑ ತಿಷ್ಠತಿ ಸಂವಁಥ್ಸ॒ರೋ ವೈ ಷ॒ಷ್ಠೀ ಚಿತಿ॑ರ್-ಋ॒ತವಃ॒ ಪುರೀ॑ಷ॒ಗ್ಂ॒ ಷಟ್ ಚಿತ॑ಯೋ ಭವನ್ತಿ॒ ಷಟ್ ಪುರೀ॑ಷಾಣಿ॒ ದ್ವಾದ॑ಶ॒ ಸ-ಮ್ಪ॑ದ್ಯನ್ತೇ॒ ದ್ವಾದ॑ಶ॒ ಮಾಸಾ᳚-ಸ್ಸಂವಁಥ್ಸ॒ರ-ಸ್ಸಂ॑ವಁಥ್ಸ॒ರ ಏ॒ವ ಪ್ರತಿ॑ ತಿಷ್ಠತಿ ॥ 41 ॥
(ಅವ॒ – ಚಿತ॑ಯಃ॒ – ಪುರೀ॑ಷಂ॒ – ಪಞ್ಚ॑ದಶ ಚ) (ಅ. 10)
ರೋಹಿ॑ತೋ ಧೂ॒ಮ್ರರೋ॑ಹಿತಃ ಕ॒ರ್ಕನ್ಧು॑ರೋಹಿತ॒ಸ್ತೇ ಪ್ರಾ॑ಜಾಪ॒ತ್ಯಾ ಬ॒ಭ್ರುರ॑ರು॒ಣಬ॑ಭ್ರು॒-ಶ್ಶುಕ॑ಬಭ್ರು॒ಸ್ತೇ ರೌ॒ದ್ರಾ-ಶ್ಶ್ಯೇತ॑-ಶ್ಶ್ಯೇತಾ॒ಖ್ಷ-ಶ್ಶ್ಯೇತ॑ಗ್ರೀವ॒ಸ್ತೇ ಪಿ॑ತೃದೇವ॒ತ್ಯಾ᳚ಸ್ತಿ॒ಸ್ರಃ ಕೃ॒ಷ್ಣಾ ವ॒ಶಾ ವಾ॑ರು॒ಣ್ಯ॑ಸ್ತಿ॒ಸ್ರ-ಶ್ಶ್ವೇ॒ತಾ ವ॒ಶಾ-ಸ್ಸೌ॒ರ್ಯೋ॑ ಮೈತ್ರಾಬಾರ್ಹಸ್ಪ॒ತ್ಯಾ ಧೂ॒ಮ್ರಲ॑ಲಾಮಾಸ್ತೂಪ॒ರಾಃ ॥ 42 ॥
(ರೋಹಿ॑ತಃ॒-ಷಡ್ವಗ್ಂ॑ಶತಿಃ) (ಅ. 11)
ಪೃಶ್ಞಿ॑-ಸ್ತಿರ॒ಶ್ಚೀನ॑-ಪೃಶ್ಞಿರೂ॒ರ್ಧ್ವ-ಪೃ॑ಶ್ಞಿ॒ಸ್ತೇ ಮಾ॑ರು॒ತಾಃ ಫ॒ಲ್ಗೂರ್ಲೋ॑ಹಿತೋ॒ರ್ಣೀ ಬ॑ಲ॒ಖ್ಷೀ ತಾ-ಸ್ಸಾ॑ರಸ್ವ॒ತ್ಯಃ॑ ಪೃಷ॑ತೀ ಸ್ಥೂ॒ಲಪೃ॑ಷತೀ ಖ್ಷು॒ದ್ರಪೃ॑ಷತೀ॒ ತಾ ವೈ᳚ಶ್ವದೇ॒ವ್ಯ॑ಸ್ತಿ॒ಸ್ರ-ಶ್ಶ್ಯಾ॒ಮಾ ವ॒ಶಾಃ ಪೌ॒ಷ್ಣಿಯ॑ಸ್ತಿ॒ಸ್ರೋ ರೋಹಿ॑ಣೀರ್ವ॒ಶಾ ಮೈ॒ತ್ರಿಯ॑ ಐನ್ದ್ರಾಬಾರ್ಹಸ್ಪ॒ತ್ಯಾ ಅ॑ರು॒ಣಲ॑ಲಾಮಾಸ್ತೂಪ॒ರಾಃ ॥ 43 ॥
(ಪೃಶ್ಞಿಃ॒ – ಷಡ್ವಿಗ್ಂ॑ಶತಿಃ) (ಅ. 12)
ಶಿ॒ತಿ॒ಬಾ॒ಹು-ರ॒ನ್ಯತ॑ಶ್ಶಿತಿಬಾಹು-ಸ್ಸಮ॒ನ್ತ ಶಿ॑ತಿಬಾಹು॒ಸ್ತ ಐ᳚ನ್ದ್ರವಾಯ॒ವಾ-ಶ್ಶಿ॑ತಿ॒ರನ್ಧ್ರೋ॒ ಽನ್ಯತ॑ಶ್ಶಿತಿರನ್ಧ್ರ-ಸ್ಸಮ॒ನ್ತಶಿ॑ತಿರನ್ಧ್ರ॒ಸ್ತೇ ಮೈ᳚ತ್ರಾವರು॒ಣಾ-ಶ್ಶು॒ದ್ಧವಾ॑ಲ-ಸ್ಸ॒ರ್ವಶು॑ದ್ಧವಾಲೋ ಮ॒ಣಿವಾ॑ಲ॒ಸ್ತ ಆ᳚ಶ್ವಿ॒ನಾಸ್ತಿ॒ಸ್ರ-ಶ್ಶಿ॒ಲ್ಪಾ ವ॒ಶಾ ವೈ᳚ಶ್ವದೇ॒ವ್ಯ॑ಸ್ತಿ॒ಸ್ರ-ಶ್ಶ್ಯೇನೀಃ᳚ ಪರಮೇ॒ಷ್ಠಿನೇ॑ ಸೋಮಾಪೌ॒ಷ್ಣಾ-ಶ್ಶ್ಯಾ॒ಮಲ॑ಲಾಮಾಸ್ತೂಪ॒ರಾಃ ॥ 44 ॥
(ಶಿ॒ತಿ॒ಬಾ॒ಹುಃ ಪಞ್ಚ॑ವಿಗ್ಂಶತಿಃ) (ಅ. 13)
ಉ॒ನ್ನ॒ತ ಋ॑ಷ॒ಭೋ ವಾ॑ಮ॒ನಸ್ತ ಐ᳚ನ್ದ್ರಾವರು॒ಣಾ-ಶ್ಶಿತಿ॑ಕಕುಚ್ಛಿತಿಪೃ॒ಷ್ಠ-ಶ್ಶಿತಿ॑ಭಸ॒-ತ್ತ ಐ᳚ನ್ದ್ರಾಬಾರ್ಹಸ್ಪ॒ತ್ಯಾ-ಶ್ಶಿ॑ತಿ॒ಪಾಚ್ಛಿ॒ತ್ಯೋಷ್ಠ॑-ಶ್ಶಿತಿ॒ಭ್ರುಸ್ತ ಐ᳚ನ್ದ್ರಾವೈಷ್ಣ॒ವಾಸ್ತಿ॒ಸ್ರ-ಸ್ಸಿ॒ದ್ಧ್ಮಾ ವ॒ಶಾ ವೈ᳚ಶ್ವಕರ್ಮ॒ಣ್ಯ॑ಸ್ತಿ॒ಸ್ರೋ ಧಾ॒ತ್ರೇ ಪೃ॑ಷೋದ॒ರಾ ಐ᳚ನ್ದ್ರಾಪೌ॒ಷ್ಣಾ-ಶ್ಶ್ಯೇತ॑ಲಲಾಮಾಸ್ತೂಪ॒ರಾಃ ॥ 45 ॥
(ಉ॒ನ್ನ॒ತಃ ಪಞ್ಚ॑ವಿಗ್ಂಶತಿಃ) (ಅ. 14)
ಕ॒ರ್ಣಾಸ್ತ್ರಯೋ॑ ಯಾ॒ಮಾ-ಸ್ಸೌ॒ಮ್ಯಾಸ್ತ್ರಯ॑-ಶ್ಶ್ವಿತಿ॒ಙ್ಗಾ ಅ॒ಗ್ನಯೇ॒ ಯವಿ॑ಷ್ಠಾಯ॒ ತ್ರಯೋ॑ ನಕು॒ಲಾಸ್ತಿ॒ಸ್ರೋ ರೋಹಿ॑ಣೀ॒ಸ್ತ್ರ್ಯವ್ಯ॒ಸ್ತಾ ವಸೂ॑ನಾ-ನ್ತಿ॒ಸ್ರೋ॑-ಽರು॒ಣಾ ದಿ॑ತ್ಯೌ॒ಹ್ಯ॑ಸ್ತಾ ರು॒ದ್ರಾಣಾಗ್ಂ॑ ಸೋಮೈ॒ನ್ದ್ರಾ ಬ॒ಭ್ರುಲ॑ಲಾಮಾಸ್ತೂಪ॒ರಾಃ ॥ 46 ॥
(ಕ॒ರ್ಣಾಸ್ತ್ರಯೋ॑ – ವಿಗ್ಂಶತಿಃ) (ಅ. 15)
ಶು॒ಣ್ಠಾಸ್ತ್ರಯೋ॑ ವೈಷ್ಣ॒ವಾ ಅ॑ಧೀಲೋಧ॒ಕರ್ಣಾ॒ಸ್ತ್ರಯೋ॒ ವಿಷ್ಣ॑ವ ಉರುಕ್ರ॒ಮಾಯ॑ ಲಫ್ಸು॒ದಿನ॒ಸ್ತ್ರಯೋ॒ ವಿಷ್ಣ॑ವ ಉರುಗಾ॒ಯಾಯ॒ ಪಞ್ಚಾ॑ವೀಸ್ತಿ॒ಸ್ರ ಆ॑ದಿ॒ತ್ಯಾನಾ᳚-ನ್ತ್ರಿವ॒ಥ್ಸಾ-ಸ್ತಿ॒ಸ್ರೋ-ಽಙ್ಗಿ॑ರಸಾಮೈನ್ದ್ರಾವೈಷ್ಣ॒ವಾ ಗೌ॒ರಲ॑ಲಾಮಾಸ್ತೂಪ॒ರಾಃ ॥ 47 ॥
(ಶು॒ಣ್ಠಾ – ವಿಗ್ಂ॑ಶ॒ತಿಃ) (ಅ. 16)
ಇನ್ದ್ರಾ॑ಯ॒ ರಾಜ್ಞೇ॒ ತ್ರಯ॑-ಶ್ಶಿತಿಪೃ॒ಷ್ಠಾ ಇನ್ದ್ರಾ॑ಯಾ-ಧಿರಾ॒ಜಾಯ॒ ತ್ರಯ॒-ಶ್ಶಿತಿ॑ಕಕುದ॒ ಇನ್ದ್ರಾ॑ಯ ಸ್ವ॒ರಾಜ್ಞೇ॒ ತ್ರಯ॒-ಶ್ಶಿತಿ॑ಭಸ-ದಸ್ತಿ॒ಸ್ರಸ್ತು॑ರ್ಯೌ॒ಹ್ಯ॑-ಸ್ಸಾ॒ದ್ಧ್ಯಾನಾ᳚-ನ್ತಿ॒ಸ್ರಃ ಪ॑ಷ್ಠೌ॒ಹ್ಯೋ॑ ವಿಶ್ವೇ॑ಷಾ-ನ್ದೇ॒ವಾನಾ॑ಮಾಗ್ನೇ॒ನ್ದ್ರಾಃ ಕೃ॒ಷ್ಣಲ॑ಲಾಮಾಸ್ತೂಪ॒ರಾಃ ॥ 48 ॥
(ಇನ್ದ್ರಾ॑ಯ॒ ರಾಜ್ಞೇ॒ – ದ್ವಾವಿಗ್ಂ॑ಶತಿಃ) (ಅ. 17)
ಅದಿ॑ತ್ಯೈ॒ ತ್ರಯೋ॑ ರೋಹಿತೈ॒ತಾ ಇ॑ನ್ದ್ರಾ॒ಣ್ಯೈ ತ್ರಯಃ॑ ಕೃಷ್ಣೈ॒ತಾಃ ಕು॒ಹ್ವೈ᳚ ತ್ರಯೋ॑-ಽರುಣೈ॒ತಾಸ್ತಿ॒ಸ್ರೋ ಧೇ॒ನವೋ॑ ರಾ॒ಕಾಯೈ॒ ತ್ರಯೋ॑-ಽನ॒ಡ್ವಾಹ॑-ಸ್ಸಿನೀವಾ॒ಲ್ಯಾ ಆ᳚ಗ್ನಾವೈಷ್ಣ॒ವಾ ರೋಹಿ॑ತಲಲಾಮಾಸ್ತೂಪ॒ರಾಃ ॥ 49 ॥
(ಅದಿ॑ತ್ಯಾ-ಅ॒ಷ್ಟಾದ॑ಶ) (ಅ. 18)
ಸೌ॒ಮ್ಯಾಸ್ತ್ರಯಃ॑ ಪಿ॒ಶಙ್ಗಾ॒-ಸ್ಸೋಮಾ॑ಯ॒ ರಾಜ್ಞೇ॒ ತ್ರಯ॑-ಸ್ಸಾ॒ರಙ್ಗಾಃ᳚ ಪಾರ್ಜ॒ನ್ಯಾ ನಭೋ॑ರೂಪಾಸ್ತಿ॒ಸ್ರೋ॑-ಽಜಾ ಮ॒ಲ॒ಃಆ ಇ॑ನ್ದ್ರಾ॒ಣ್ಯೈ ತಿ॒ಸ್ರೋ ಮೇ॒ಷ್ಯ॑ ಆದಿ॒ತ್ಯಾ ದ್ಯಾ॑ವಾಪೃಥಿ॒ವ್ಯಾ॑ ಮಾ॒ಲಙ್ಗಾ᳚ಸ್ತೂಪ॒ರಾಃ ॥ 50 ॥
(ಸೌ॒ಮ್ಯಾ – ಏಕಾ॒ನ್ನವಿಗ್ಂ॑ಶ॒ತಿಃ) (ಅ. 19)
ವಾ॒ರು॒ಣಾಸ್ತ್ರಯಃ॑ ಕೃ॒ಷ್ಣಲ॑ಲಾಮಾ॒ ವರು॑ಣಾಯ॒ ರಾಜ್ಞೇ॒ ತ್ರಯೋ॒ ರೋಹಿ॑ತಲಲಾಮಾ॒ ವರು॑ಣಾಯ ರಿ॒ಶಾದ॑ಸೇ॒ ತ್ರಯೋ॑-ಽರು॒ಣಲ॑ಲಾಮಾ-ಶ್ಶಿ॒ಲ್ಪಾಸ್ತ್ರಯೋ॑ ವೈಶ್ವದೇ॒ವಾಸ್ತ್ರಯಃ॒ ಪೃಶ್ಞ॑ಯ-ಸ್ಸರ್ವದೇವ॒ತ್ಯಾ॑ ಐನ್ದ್ರಾಸೂ॒ರಾ-ಶ್ಶ್ಯೇತ॑ಲಲಾಮಾಸ್ತೂಪ॒ರಾಃ ॥ 51 ॥
(ವಾ॒ರು॒ಣಾ – ವಿಗ್ಂ॑ಶ॒ತಿಃ) (ಅ. 20)
ಸೋಮಾ॑ಯ ಸ್ವ॒ರಾಜ್ಞೇ॑-ಽನೋವಾ॒ಹಾವ॑ನ॒ಡ್ವಾಹಾ॑-ವಿನ್ದ್ರಾ॒ಗ್ನಿಭ್ಯಾ॑-ಮೋಜೋ॒ದಾಭ್ಯಾ॒ಮುಷ್ಟಾ॑ರಾ-ವಿನ್ದ್ರಾ॒ಗ್ನಿಭ್ಯಾ᳚-ಮ್ಬಲ॒ದಾಭ್ಯಾಗ್ಂ॑ ಸೀರವಾ॒ಹಾವವೀ॒ ದ್ವೇ ಧೇ॒ನೂ ಭೌ॒ಮೀ ದಿ॒ಗ್ಭ್ಯೋ ವಡ॑ಬೇ॒ ದ್ವೇ ಧೇ॒ನೂ ಭೌ॒ಮೀ ವೈ॑ರಾ॒ಜೀ ಪು॑ರು॒ಷೀ ದ್ವೇ ಧೇ॒ನೂ ಭೌ॒ಮೀ ವಾ॒ಯವ॑ ಆರೋಹಣವಾ॒ಹಾವ॑ನ॒ಡ್ವಾಹೌ॑ ವಾರು॒ಣೀ ಕೃ॒ಷ್ಣೇ ವ॒ಶೇ ಅ॑ರಾ॒ಡ್ಯೌ॑ ದಿ॒ವ್ಯಾವೃ॑ಷ॒ಭೌ ಪ॑ರಿಮ॒ರೌ ॥ 52 ॥
(ಸೋಮಾ॑ಯ ಸ್ವ॒ರಾಜ್ಞೇ॒ – ಚತು॑ಸ್ತ್ರಿಗ್ಂಶತ್) (ಅ. 21)
ಏಕಾ॑ದಶ ಪ್ರಾ॒ತರ್ಗ॒ವ್ಯಾಃ ಪ॒ಶವ॒ ಆ ಲ॑ಭ್ಯನ್ತೇ ಛಗ॒ಲಃ ಕ॒ಲ್ಮಾಷಃ॑ ಕಿಕಿದೀ॒ವಿರ್ವಿ॑ದೀ॒ಗಯ॒ಸ್ತೇ ತ್ವಾ॒ಷ್ಟ್ರಾ-ಸ್ಸೌ॒ರೀರ್ನವ॑ ಶ್ವೇ॒ತಾ ವ॒ಶಾ ಅ॑ನೂಬ॒ನ್ಧ್ಯಾ॑ ಭವನ್ತ್ಯಾಗ್ನೇ॒ಯ ಐ᳚ನ್ದ್ರಾ॒ಗ್ನ ಆ᳚ಶ್ವಿ॒ನಸ್ತೇ ವಿ॑ಶಾಲಯೂ॒ಪ ಆ ಲ॑ಭ್ಯನ್ತೇ ॥ 53 ॥
(ಐಕಾ॑ದಶ ಪ್ರಾ॒ತಃ – ಪಞ್ಚ॑ವಿಗ್ಂಶತಿಃ) (ಅ. 22)
ಪಿ॒ಶಙ್ಗಾ॒ಸ್ತ್ರಯೋ॑ ವಾಸ॒ನ್ತಾ-ಸ್ಸಾ॒ರಙ್ಗಾ॒ಸ್ತ್ರಯೋ॒ ಗ್ರೈಷ್ಮಾಃ॒ ಪೃಷ॑ನ್ತ॒ಸ್ತ್ರಯೋ॒ ವಾರ್ಷಿ॑ಕಾಃ॒ ಪೃಶ್ಞ॑ಯ॒ಸ್ತ್ರಯ॑-ಶ್ಶಾರ॒ದಾಃ ಪೃ॑ಶ್ಞಿಸ॒ಕ್ಥಾ-ಸ್ತ್ರಯೋ॒ ಹೈಮ॑ನ್ತಿಕಾ ಅವಲಿ॒ಪ್ತಾಸ್ತ್ರಯ॑-ಶ್ಶೈಶಿ॒ರಾ-ಸ್ಸಂ॑ವಁಥ್ಸ॒ರಾಯ॒ ನಿವ॑ಖ್ಷಸಃ ॥ 54 ॥
(ಪಿ॒ಶಙ್ಗಾ॑ – ವಿಗ್ಂಶ॒ತಿಃ) (ಅ. 23)
(ರೋಹಿ॑ತಃ ಕೃ॒ಷ್ಣಾ ಧೂ॒ಮ್ರಲ॑ಲಾಮಾಃ॒ – ಪೃಶ್ಞಿ॑-ಶ್ಶ್ಯಾ॒ಮಾ ಅ॑ರು॒ಣಲ॑ಲಾಮಾಃ -ಶಿತಿಬಾ॒ಹು-ಶ್ಶಿ॒ಲ್ಪಾ-ಶ್ಶ್ಯೇನೀ᳚-ಶ್ಶ್ಯಾ॒ಮಲ॑ಲಾಮಾ – ಉನ್ನ॒ತ-ಸ್ಸಿ॒ದ್ಧ್ಮಾ ಧಾ॒ತ್ರೇ ಪೌ॒ಷ್ಣಾ-ಶ್ಶ್ಯೇತ॑ಲಲಾಮಾಃ – ಕ॒ರ್ಣಾ ಬ॒ಭ್ರುಲ॑ಲಾಮಾಃ – ಶು॒ಣ್ಠಾ ಗೌ॒ರಲ॑ಲಾಮಾ॒ – ಇನ್ದ್ರಾ॑ಯ ಕೃ॒ಷ್ಣಾಲ॑ಲಾಮಾ॒ – ಅದಿ॑ತ್ಯೈ॒ ರೋಹಿ॑ತ ಲಲಾಮಃ -ಸೌ॒ಮ್ಯಾ ಮಾ॒ಲಙ್ಗಾ॑ – ವಾರು॒ಣಾ-ಸ್ಸೂ॒ರಾ-ಶ್ಶ್ಯೇತ॑ಲಲಾಮಾ॒ – ದಶ॑ ।)
(ಹಿರ॑ಣ್ಯವರ್ಣಾ – ಅ॒ಪಾ-ಙ್ಗ್ರಹಾ᳚ನ್ – ಭೂತೇಷ್ಟ॒ಕಾಃ – ಸ॒ಜೂಃ – ಸಂ॑ವಁಥ್ಸ॒ರಂ – ಪ್ರ॒ಜಾಪ॑ತಿ॒-ಸ್ಸ ಖ್ಷು॒ರಪ॑ವಿ – ರ॒ವಗ್ನೇರ್ವೈ ದೀ॒ಖ್ಷಯಾ॑ – ಸುವ॒ರ್ಗಾಯ॒ ತಂ-ಯಁನ್ನ – ಸೂ॒ಯತೇ᳚ – ಪ್ರ॒ಜಾಪ॑ತಿರ್-ಋ॒ತುಭೀ॒ – ರೋಹಿ॑ತಃ॒ – ಪೃಞಿಃ॑ – ಶಿತಿಬಾ॒ಹು – ರು॑ನ್ನ॒ತಃ – ಕ॒ರ್ಣಾಃ – ಶು॒ಣ್ಠಾ – ಇನ್ದ್ರಾ॒ಯಾ- ದಿ॑ತ್ಯೈ – ಸೌ॒ಮ್ಯಾ – ವಾ॑ರು॒ಣಾಃ – ಸೋಮಾ॒ಯೈ – ಕಾ॑ದಶ – ಪಿ॒ಶಙ್ಗಾ॒ – ಸ್ತ್ರಯೋ॑ವಿಗ್ಂಶತಿಃ)
(ಹಿರ॑ಣ್ಯವರ್ಣಾ – ಭೂತೇಷ್ಟ॒ಕಾಃ – ಛನ್ದೋ॒ ಯತ್ – ಕನೀ॑ಯಾಗ್ಂಸನ್-ತ್ರಿ॒ವೃದ್ಧ್ಯ॑ಗ್ನಿ – ರ್ವಾ॑ರು॒ಣಾ – ಶ್ಚತು॑ಷ್ಪಞ್ಚಾ॒ಶತ್ )
(ಹಿರ॑ಣ್ಯವರ್ಣಾ॒, ನಿವ॑ಖ್ಷಸಃ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪಞ್ಚಮಕಾಣ್ಡೇ ಷಷ್ಠಃ ಪ್ರಶ್ನ-ಸ್ಸಮಾಪ್ತಃ ॥