కృష్ణ యజుర్వేదీయ తైత్తిరీయ సంహితాయా-ఞ్చతుర్థకాణ్డే పఞ్చమః ప్రశ్నః – హోమవిధినిరూపణం
ఓ-న్నమః పరమాత్మనే, శ్రీ మహాగణపతయే నమః,
శ్రీ గురుభ్యో నమః । హ॒రిః॒ ఓమ్ ॥
నమ॑స్తే రుద్ర మ॒న్యవ॑ ఉ॒తోత॒ ఇష॑వే॒ నమః॑ । నమ॑స్తే అస్తు॒ ధన్వ॑నే బా॒హుభ్యా॑ము॒త తే॒ నమః॑ ॥ యా త॒ ఇషు॑-శ్శి॒వత॑మా శి॒వ-మ్బ॒భూవ॑ తే॒ ధనుః॑ । శి॒వా శ॑ర॒వ్యా॑ యా తవ॒ తయా॑ నో రుద్ర మృడయ ॥ యా తే॑ రుద్ర శి॒వా త॒నూరఘో॒రా ఽపా॑పకాశినీ । తయా॑ నస్త॒నువా॒ శన్త॑మయా॒ గిరి॑శన్తా॒భి చా॑కశీహి ॥ యామిషు॑-ఙ్గిరిశన్త॒ హస్తే॒ [హస్తే᳚, బిభ॒ర్ష్యస్త॑వే ।] 1
బిభ॒ర్ష్యస్త॑వే । శి॒వా-ఙ్గి॑రిత్ర॒ తా-ఙ్కు॑రు॒ మా హిగ్ం॑సీః॒ పురు॑ష॒-ఞ్జగ॑త్ ॥ శి॒వేన॒ వచ॑సా త్వా॒ గిరి॒శాచ్ఛా॑ వదామసి । యథా॑ న॒-స్సర్వ॒మి-జ్జగ॑దయ॒ఖ్ష్మగ్ం సు॒మనా॒ అస॑త్ ॥ అద్ధ్య॑వోచదధివ॒క్తా ప్ర॑థ॒మో దైవ్యో॑ భి॒షక్ । అహీగ్॑శ్చ॒ సర్వా᳚న్ జ॒భంయఀ॒న్-థ్సర్వా᳚శ్చ యాతు ధా॒న్యః॑ ॥ అ॒సౌ యస్తా॒మ్రో అ॑రు॒ణ ఉ॒త బ॒భ్రు-స్సు॑మ॒ఙ్గలః॑ । యే చే॒మాగ్ం రు॒ద్రా అ॒భితో॑ ది॒ఖ్షు [ ] 2
శ్రి॒తా-స్స॑హస్ర॒శో ఽవై॑షా॒గ్ం॒ హేడ॑ ఈమహే ॥ అ॒సౌ యో॑ ఽవ॒సర్ప॑తి॒ నీల॑గ్రీవో॒ విలో॑హితః । ఉ॒తైన॑-ఙ్గో॒పా అ॑దృశ॒-న్నదృ॑శ-న్నుదహా॒ర్యః॑ । ఉ॒తైనం॒-విఀశ్వా॑ భూ॒తాని॒ స దృ॒ష్టో మృ॑డయాతి నః ॥ నమో॑ అస్తు॒ నీల॑గ్రీవాయ సహస్రా॒ఖ్షాయ॑ మీ॒ఢుషే᳚ । అథో॒ యే అ॑స్య॒ సత్వా॑నో॒-ఽహ-న్తేభ్యో॑ ఽకర॒న్నమః॑ ॥ ప్రము॑ఞ్చ॒ ధన్వ॑న॒స్త్వ ము॒భయో॒-రార్త్ని॑యో॒ర్జ్యామ్ । యాశ్చ॑ తే॒ హస్త॒ ఇష॑వః॒ [ఇష॑వః, పరా॒ తా భ॑గవో వప ।] 3
పరా॒ తా భ॑గవో వప ॥ అ॒వ॒తత్య॒ ధను॒స్త్వగ్ం సహ॑స్రాఖ్ష॒ శతే॑షుధే । ని॒శీర్య॑ శ॒ల్యానా॒-మ్ముఖా॑ శి॒వో న॑-స్సు॒మనా॑ భవ ॥ విజ్య॒-న్ధనుః॑ కప॒ర్దినో॒ విశ॑ల్యో॒ బాణ॑వాగ్ం ఉ॒త । అనే॑శన్న॒స్యేష॑వ ఆ॒భుర॑స్య నిష॒ఙ్గథిః॑ ॥ యా తే॑ హే॒తి-ర్మీ॑ఢుష్టమ॒ హస్తే॑ బ॒భూవ॑ తే॒ ధనుః॑ । తయా॒-ఽస్మాన్. వి॒శ్వత॒ స్త్వమ॑య॒ఖ్ష్మయా॒ పరి॑బ్భుజ ॥ నమ॑స్తే అ॒స్త్వాయు॑ధా॒యా-నా॑తతాయ ధృ॒ష్ణవే᳚ । ఉ॒భాభ్యా॑ ము॒త తే॒ నమో॑ బా॒హుభ్యా॒-న్తవ॒ ధన్వ॑నే ॥ పరి॑ తే॒ ధన్వ॑నో హే॒తిర॒స్మాన్-వృ॑ణక్తు వి॒శ్వతః॑ । అథో॒ య ఇ॑షు॒ధిస్తవా॒రే అ॒స్మ-న్నిధే॑హి॒ తమ్ ॥ 4 ॥
(హస్తే॑ – ది॒ఖ్ష్వి – ష॑వ – ఉ॒భాభ్యాం॒ – ద్వావిగ్ం॑శతిశ్చ) (అ. 1)
నమో॒ హిర॑ణ్య బాహవే సేనా॒న్యే॑ ది॒శాఞ్చ॒ పత॑యే॒ నమో॒ నమో॑ వృ॒ఖ్షేభ్యో॒ హరి॑కేశేభ్యః పశూ॒నా-మ్పత॑యే॒ నమో॒ నమ॑-స్స॒స్పిఞ్జ॑రాయ॒ త్విషీ॑మతే పథీ॒నా-మ్పత॑యే॒ నమో॒ నమో॑ బభ్లు॒శాయ॑ వివ్యా॒ధినే-ఽన్నా॑నా॒-మ్పత॑యే॒ నమో॒ నమో॒ హరి॑కేశాయో-పవీ॒తినే॑ పు॒ష్టానా॒-మ్పత॑యే॒ నమో॒ నమో॑ భ॒వస్య॑ హే॒త్యై జగ॑తా॒-మ్పత॑యే॒ నమో॒ నమో॑ రు॒ద్రాయా॑-తతా॒వినే॒ ఖ్షేత్రా॑ణా॒-మ్పత॑యే॒ నమో॒ నమ॑-స్సూ॒తాయా-హ॑న్త్యాయ॒ వనా॑నా॒-మ్పత॑యే॒ నమో॒ నమో॒ [నమః॑, రోహి॑తాయ] 5
రోహి॑తాయ స్థ॒పత॑యే వృ॒ఖ్షాణా॒-మ్పత॑యే॒ నమో॒ నమో॑ మ॒న్త్రిణే॑ వాణి॒జాయ॒ కఖ్షా॑ణా॒-మ్పత॑యే॒ నమో॒ నమో॑ భువ॒న్తయే॑ వారివస్కృ॒తా-యౌష॑ధీనా॒-మ్పత॑యే॒ నమో॒ నమ॑ ఉ॒చ్చై-ర్ఘో॑షాయా క్ర॒న్దయ॑తే పత్తీ॒నా-మ్పత॑యే॒ నమో॒ నమః॑ కృథ్స్నవీ॒తాయ॒ ధావ॑తే॒ సత్త్వ॑నా॒-మ్పత॑యే॒ నమః॑ ॥ 6 ॥
(వనా॑నా॒-మ్పత॑యే॒ నమో॒ నమ॒ – ఏకా॒న్నత్రి॒గ్ం॒శచ్చ॑ ) (అ. 2)
నమ॒-స్సహ॑మానాయ నివ్యా॒ధిన॑ ఆవ్యా॒ధినీ॑నా॒-మ్పత॑యే॒ నమో॒ నమః॑ కకు॒భాయ॑ నిష॒ఙ్గిణే᳚ స్తే॒నానా॒-మ్పత॑యే॒ నమో॒ నమో॑ నిష॒ఙ్గిణ॑ ఇషుధి॒మతే॒ తస్క॑రాణా॒-మ్పత॑యే॒ నమో॒ నమో॒ వఞ్చ॑తే పరి॒వఞ్చ॑తే స్తాయూ॒నా-మ్పత॑యే॒ నమో॒ నమో॑ నిచే॒రవే॑ పరిచ॒రాయార॑ణ్యానా॒-మ్పత॑యే॒ నమో॒ నమ॑-స్సృకా॒విభ్యో॒ జిఘాగ్ం॑సద్భ్యో ముష్ణ॒తా-మ్పత॑యే॒ నమో॒ నమో॑ ఽసి॒మద్భ్యో॒ నక్త॒-ఞ్చర॑ద్భ్యః ప్రకృ॒న్తానా॒-మ్పత॑యే॒ నమో॒ నమ॑ ఉష్ణీ॒షిణే॑ గిరిచ॒రాయ॑ కులు॒ఞ్చానా॒-మ్పత॑యే॒ నమో॒ నమ॒ [నమః॑, ఇషు॑మద్భ్యో] 7
ఇషు॑మద్భ్యో ధన్వా॒విభ్య॑శ్చ వో॒ నమో॒ నమ॑ ఆతన్వా॒నేభ్యః॑ ప్రతి॒దధా॑నేభ్యశ్చ వో॒ నమో॒ నమ॑ ఆ॒యచ్ఛ॑ద్భ్యో విసృ॒జద్భ్య॑శ్చ వో॒ నమో॒ నమో-ఽస్య॑ద్భ్యో॒ విద్ధ్య॑ద్భ్యశ్చ వో॒ నమో॒ నమ॒ ఆసీ॑నేభ్య॒-శ్శయా॑నేభ్యశ్చ వో॒ నమో॒ నమ॑-స్స్వ॒పద్భ్యో॒ జాగ్ర॑ద్భ్యశ్చ వో॒ నమో॒ నమ॒స్తిష్ఠ॑ద్భ్యో॒ ధావ॑ద్భ్యశ్చ వో॒ నమో॒ నమ॑-స్స॒భాభ్య॑-స్స॒భాప॑తిభ్యశ్చ వో॒ నమో॒ నమో॒ అశ్వే॒భ్యో ఽశ్వ॑పతిభ్య శ్చ వో॒ నమః॑ ॥ 8 ॥
(కు॒లు॒ఞ్చానా॒-మ్పత॑యే॒ నమో॒ నమో – ఽశ్వ॑పతిభ్య॒ – స్త్రీణి॑ చ) (అ. 3)
నమ॑ ఆవ్యా॒ధినీ᳚భ్యో వి॒విద్ధ్య॑న్తీభ్యశ్చ వో॒ నమో॒ నమ॒ ఉగ॑ణాభ్య-స్తృగ్ంహ॒తీభ్య॑శ్చ వో॒ నమో॒ నమో॑ గృ॒థ్సేభ్యో॑ గృ॒థ్సప॑తిభ్యశ్చ వో॒ నమో॒ నమో॒ వ్రాతే᳚భ్యో॒ వ్రాత॑పతిభ్యశ్చ వో॒ నమో॒ నమో॑ గ॒ణేభ్యో॑ గ॒ణప॑తిభ్యశ్చ వో॒ నమో॒ నమో॒ విరూ॑పేభ్యో వి॒శ్వరూ॑పేభ్యశ్చ వో॒ నమో॒ నమో॑ మ॒హద్భ్యః॑, ఖ్షుల్ల॒కేభ్య॑శ్చ వో॒ నమో॒ నమో॑ ర॒థిభ్యో॑-ఽర॒థేభ్య॑శ్చ వో॒ నమో॒ నమో॒ రథే᳚భ్యో॒ [నమో॒ రథే᳚భ్యః, రథ॑పతిభ్యశ్చ] 9
రథ॑పతిభ్యశ్చ వో॒ నమో॒ నమ॒-స్సేనా᳚భ్య-స్సేనా॒నిభ్య॑శ్చ వో॒ నమో॒ నమః॑, ఖ్ష॒త్తృభ్య॑-స్సఙ్గ్రహీ॒తృభ్య॑శ్చ వో॒ నమో॒ నమ॒స్తఖ్ష॑భ్యో రథకా॒రేభ్య॑శ్చ వో॒ నమో॒ నమః॒ కులా॑లేభ్యః క॒ర్మారే᳚భ్యశ్చ వో॒ నమో॒ నమః॑ పు॒ఞ్జిష్టే᳚భ్యో నిషా॒దేభ్య॑శ్చ వో॒ నమో॒ నమ॑ ఇషు॒కృద్భ్యో॑ ధన్వ॒కృద్భ్య॑శ్చ వో॒ నమో॒ నమో॑ మృగ॒యుభ్య॑-శ్శ్వ॒నిభ్య॑శ్చ వో॒ నమో॒ నమ॒-శ్శ్వభ్య॒-శ్శ్వప॑తిభ్యశ్చ వో॒ నమః॑ ॥ 10 ॥
(రథే᳚భ్యః॒ – శ్వప॑తిభ్యశ్చ॒ – ద్వే చ॑ ) (అ. 4)
నమో॑ భ॒వాయ॑ చ రు॒ద్రాయ॑ చ॒ నమ॑-శ్శ॒ర్వాయ॑ చ పశు॒పత॑యే చ॒ నమో॒ నీల॑గ్రీవాయ చ శితి॒కణ్ఠా॑య చ॒ నమః॑ కప॒ర్దినే॑ చ॒ వ్యు॑ప్తకేశాయ చ॒ నమ॑-స్సహస్రా॒ఖ్షాయ॑ చ శ॒తధ॑న్వనే చ॒ నమో॑ గిరి॒శాయ॑ చ శిపివి॒ష్టాయ॑ చ॒ నమో॑ మీ॒ఢుష్ట॑మాయ॒ చేషు॑మతే చ॒ నమో᳚ హ్ర॒స్వాయ॑ చ వామ॒నాయ॑ చ॒ నమో॑ బృహ॒తే చ॒ వర్షీ॑యసే చ॒ నమో॑ వృ॒ద్ధాయ॑ చ సం॒వృఀద్ధ్వ॑నే చ॒ [సం॒వృఀద్ధ్వ॑నే చ, నమో॒ అగ్రి॑యాయ చ] 11
నమో॒ అగ్రి॑యాయ చ ప్రథ॒మాయ॑ చ॒ నమ॑ ఆ॒శవే॑ చాజి॒రాయ॑ చ॒ నమQస్శీఘ్రి॑యాయ చ॒ శీభ్యా॑య చ॒ నమ॑ ఊ॒ర్మ్యా॑య చావస్వ॒న్యా॑య చ॒ నమ॑-స్స్రోత॒స్యా॑య చ॒ ద్వీప్యా॑య చ ॥ 12 ॥
(సం॒వృఀద్ధ్వ॑నే చ॒ – పఞ్చ॑విగ్ంశతిశ్చ) (అ. 5)
నమో᳚ జ్యే॒ష్ఠాయ॑ చ కని॒ష్ఠాయ॑ చ॒ నమః॑ పూర్వ॒జాయ॑ చాపర॒జాయ॑ చ॒ నమో॑ మద్ధ్య॒మాయ॑ చాపగ॒ల్భాయ॑ చ॒ నమో॑ జఘ॒న్యా॑య చ॒ బుద్ధ్ని॑యాయ చ॒ నమ॑-స్సో॒భ్యా॑య చ ప్రతిస॒ర్యా॑య చ॒ నమో॒ యామ్యా॑య చ॒ ఖ్షేమ్యా॑య చ॒ నమ॑ ఉర్వ॒ర్యా॑య చ॒ ఖల్యా॑య చ॒ నమ॒-శ్శ్లోక్యా॑య చావసా॒న్యా॑య చ॒ నమో॒ వన్యా॑య చ॒ కఖ్ష్యా॑య చ॒ నమ॑-శ్శ్ర॒వాయ॑ చ ప్రతిశ్ర॒వాయ॑ చ॒ [ప్రతిశ్ర॒వాయ॑ చ, నమ॑ ఆ॒శుషే॑ణాయ] 13
నమ॑ ఆ॒శుషే॑ణాయ చా॒శుర॑థాయ చ॒ నమ॒-శ్శూరా॑య చావభిన్ద॒తే చ॒ నమో॑ వ॒ర్మిణే॑ చ వరూ॒థినే॑ చ॒ నమో॑ బి॒ల్మినే॑ చ కవ॒చినే॑ చ॒ నమ॑-శ్శ్రు॒తాయ॑ చ శ్రుతసే॒నాయ॑ చ ॥ 14 ॥
(ప్ర॒తి॒శ్ర॒వాయ॑ చ॒ – పఞ్చ॑విగ్ంశతిశ్చ) (అ. 6)
నమో॑ దున్దు॒భ్యా॑య చాహన॒న్యా॑య చ॒ నమో॑ ధృ॒ష్ణవే॑ చ ప్రమృ॒శాయ॑ చ॒ నమో॑ దూ॒తాయ॑ చ॒ ప్రహి॑తాయ చ॒ నమో॑ నిష॒ఙ్గిణే॑ చేషుధి॒మతే॑ చ॒ నమ॑ స్తీ॒ఖ్ష్ణేష॑వే చాయు॒ధినే॑ చ॒ నమ॑-స్స్వాయు॒ధాయ॑ చ సు॒ధన్వ॑నే చ॒ నమ॒-స్స్రుత్యా॑య చ॒ పథ్యా॑య చ॒ నమః॑ కా॒ట్యా॑య చ నీ॒ప్యా॑య చ॒ నమ॒-స్సూద్యా॑య చ సర॒స్యా॑య చ॒ నమో॑ నా॒ద్యాయ॑ చ వైశ॒న్తాయ॑ చ॒ [వైశ॒న్తాయ॑ చ, నమః॒ కూప్యా॑య] 15
నమః॒ కూప్యా॑య చావ॒ట్యా॑య చ॒ నమో॒ వర్ష్యా॑య చావ॒ర్ష్యాయ॑ చ॒ నమో॑ మే॒ఘ్యా॑య చ విద్యు॒త్యా॑య చ॒ నమ॑ ఈ॒ద్ధ్రియా॑య చాత॒ప్యా॑య చ॒ నమో॒ వాత్యా॑య చ॒ రేష్మి॑యాయ చ॒ నమో॑ వాస్త॒వ్యా॑య చ వాస్తు॒పాయ॑ చ ॥ 16 ॥
(వై॒శ॒న్తాయ॑ చ – త్రి॒గ్ం॒శచ్చ॑) (అ. 7)
నమ॒-స్సోమా॑య చ రు॒ద్రాయ॑ చ॒ నమ॑స్తా॒మ్రాయ॑ చారు॒ణాయ॑ చ॒ నమ॑-శ్శ॒ఙ్గాయ॑ చ పశు॒పత॑యే చ॒ నమ॑ ఉ॒గ్రాయ॑ చ భీ॒మాయ॑ చ॒ నమో॑ అగ్రేవ॒ధాయ॑ చ దూరేవ॒ధాయ॑ చ॒ నమో॑ హ॒న్త్రే చ॒ హనీ॑యసే చ॒ నమో॑ వృ॒ఖ్షేభ్యో॒ హరి॑కేశేభ్యో॒ నమ॑స్తా॒రాయ॒ నమ॑-శ్శ॒మ్భవే॑ చ మయో॒భవే॑ చ॒ నమ॑-శ్శఙ్క॒రాయ॑ చ మయస్క॒రాయ॑ చ॒ నమ॑-శ్శి॒వాయ॑ చ శి॒వత॑రాయ చ॒ [శి॒వత॑రాయ చ, నమ॒స్తీర్థ్యా॑య చ॒] 17
నమ॒స్తీర్థ్యా॑య చ॒ కూల్యా॑య చ॒ నమః॑ పా॒ర్యా॑య చావా॒ర్యా॑య చ॒ నమః॑ ప్ర॒తర॑ణాయ చో॒త్తర॑ణాయ చ॒ నమ॑ ఆతా॒ర్యా॑య చాలా॒ద్యా॑య చ॒ నమ॒-శ్శష్ప్యా॑య చ॒ ఫేన్యా॑య చ॒ నమ॑-స్సిక॒త్యా॑య చ ప్రవా॒హ్యా॑య చ ॥ 18 ॥
(శి॒వత॑రాయ చ – త్రి॒గ్ం॒శచ్చ॑) (అ. 8)
నమ॑ ఇరి॒ణ్యా॑య చ ప్రప॒థ్యా॑య చ॒ నమః॑ కిగ్ంశి॒లాయ॑ చ॒ ఖ్షయ॑ణాయ చ॒ నమః॑ కప॒ర్దినే॑ చ పుల॒స్తయే॑ చ॒ నమో॒ గోష్ఠ్యా॑య చ॒ గృహ్యా॑య చ॒ నమ॒స్తల్ప్యా॑య చ॒ గేహ్యా॑య చ॒ నమః॑ కా॒ట్యా॑య చ గహ్వరే॒ష్ఠాయ॑ చ॒ నమో᳚ హ్రద॒య్యా॑య చ నివే॒ష్ప్యా॑య చ॒ నమః॑ పాగ్ంస॒వ్యా॑య చ రజ॒స్యా॑య చ॒ నమ॒-శ్శుష్క్యా॑య చ హరి॒త్యా॑య చ॒ నమో॒ లోప్యా॑య చోల॒ప్యా॑య చ॒ [చోల॒ప్యా॑య చ, నమ॑ ఊ॒ర్వ్యా॑య చ] 19
నమ॑ ఊ॒ర్వ్యా॑య చ సూ॒ర్మ్యా॑య చ॒ నమః॑ ప॒ర్ణ్యా॑య చ పర్ణశ॒ద్యా॑య చ॒ నమో॑-ఽపగు॒రమా॑ణాయ చాభిఘ్న॒తే చ॒ నమ॑ ఆక్ఖిద॒తే చ॑ ప్రక్ఖిద॒తే చ॒ నమో॑ వః కిరి॒కేభ్యో॑ దే॒వానా॒గ్ం॒ హృద॑యేభ్యో॒ నమో॑ విఖ్షీణ॒కేభ్యో॒ నమో॑ విచిన్వ॒త్కేభ్యో॒ నమ॑ ఆనిర్-హ॒తేభ్యో॒ నమ॑ ఆమీవ॒త్కేభ్యః॑ ॥ 20 ॥
(ఉ॒ల॒ప్యా॑య చ॒ – త్రయ॑స్త్రిగ్ంశచ్చ॑) (అ. 9)
ద్రాపే॒ అన్ధ॑సస్పతే॒ దరి॑ద్ర॒న్నీల॑లోహిత । ఏ॒షా-మ్పురు॑షాణామే॒షా-మ్ప॑శూ॒నా-మ్మా భే ర్మా-ఽరో॒ మో ఏ॑షా॒-ఙ్కిఞ్చ॒నామ॑మత్ ॥ యా తే॑ రుద్ర శి॒వా త॒నూ-శ్శి॒వా వి॒శ్వాహ॑భేషజీ । శి॒వా రు॒ద్రస్య॑ భేష॒జీ తయా॑ నో మృడ జీ॒వసే᳚ ॥ ఇ॒మాగ్ం రు॒ద్రాయ॑ త॒వసే॑ కప॒ర్దినే᳚ ఖ్ష॒యద్వీ॑రాయ॒ ప్రభ॑రామహే మ॒తిమ్ । యథా॑ న॒-శ్శమస॑-ద్ద్వి॒పదే॒ చతు॑ష్పదే॒ విశ్వ॑-మ్పు॒ష్ట-ఙ్గ్రామే॑ అ॒స్మి- [అ॒స్మిన్న్, అనా॑తురమ్ ।] 21
-న్ననా॑తురమ్ ॥ మృ॒డా నో॑ రుద్రో॒ తనో॒ మయ॑స్కృధి ఖ్ష॒యద్వీ॑రాయ॒ నమ॑సా విధేమ తే । యచ్ఛ-ఞ్చ॒ యోశ్చ॒ మను॑రాయ॒జే పి॒తా తద॑శ్యామ॒ తవ॑ రుద్ర॒ ప్రణీ॑తౌ ॥ మా నో॑ మ॒హాన్త॑ము॒త మా నో॑ అర్భ॒క-మ్మా న॒ ఉఖ్ష॑న్తము॒త మా న॑ ఉఖ్షి॒తమ్ । మా నో॑ వధీః పి॒తర॒-మ్మోత మా॒తర॑-మ్ప్రి॒యా మా న॑స్త॒నువో॑ [మా న॑స్త॒నువః॑, రు॒ద్ర॒ రీ॒రి॒షః॒ ।] 22
రుద్ర రీరిషః ॥ మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః । వీ॒రా-న్మానో॑ రుద్ర భామి॒తో వ॑ధీర్-హ॒విష్మ॑న్తో॒ నమ॑సా విధేమ తే ॥ ఆ॒రాత్తే॑ గో॒ఘ్న ఉ॒త పూ॑రుష॒ఘ్నే ఖ్ష॒యద్వీ॑రాయ సు॒మ్నమ॒స్మే తే॑ అస్తు । రఖ్షా॑ చ నో॒ అధి॑ చ దేవ బ్రూ॒హ్యధా॑ చ న॒-శ్శర్మ॑ యచ్ఛ ద్వి॒బర్హాః᳚ ॥ స్తు॒హి [ ] 23
శ్రు॒త-ఙ్గ॑ర్త॒సదం॒-యుఀవా॑న-మ్మృ॒గ-న్న భీ॒మ-ము॑పహ॒త్ను-ము॒గ్రమ్ । మృ॒డా జ॑రి॒త్రే రు॑ద్ర॒ స్తవా॑నో అ॒న్యన్తే॑ అ॒స్మన్నివ॑పన్తు॒ సేనాః᳚ ॥ పరి॑ణో రు॒ద్రస్య॑ హే॒తి ర్వృ॑ణక్తు॒ పరి॑త్వే॒షస్య॑ దుర్మ॒తిర॑ఘా॒యోః । అవ॑ స్థి॒రా మ॒ఘవ॑ద్భ్య-స్తనుష్వ॒ మీఢ్వ॑స్తో॒కాయ॒ తన॑యాయ మృడయ ॥ మీఢు॑ష్టమ॒ శివ॑తమ శి॒వో న॑-స్సు॒మనా॑ భవ । ప॒ర॒మే వృ॒ఖ్ష ఆయు॑ధ-న్ని॒ధాయ॒ కృత్తిం॒-వఀసా॑న॒ ఆచ॑ర॒ పినా॑క॒- [ఆచ॑ర॒ పినా॑కమ్, బిభ్ర॒దాగ॑హి ।] 24
-మ్బిభ్ర॒దాగ॑హి ॥ వికి॑రిద॒ విలో॑హిత॒ నమ॑స్తే అస్తు భగవః । యాస్తే॑ స॒హస్రగ్ం॑ హే॒తయో॒-ఽన్య-మ॒స్మన్ని వ॑పన్తు॒ తాః ॥ స॒హస్రా॑ణి సహస్ర॒ధా బా॑హు॒వోస్తవ॑ హే॒తయః॑ । తాసా॒మీశా॑నో భగవః పరా॒చీనా॒ ముఖా॑ కృధి ॥ 25 ॥
(అ॒స్మిగ్గ్-స్త॒నువః॑-స్తు॒హి-పినా॑క॒-మేకా॒న్నత్రి॒గ్ం॒శచ్చ॑) (అ. 10)
స॒హస్రా॑ణి సహస్ర॒శో యే రు॒ద్రా అధి॒ భూమ్యా᳚మ్ । తేషాగ్ం॑ సహస్రయోజ॒నే ఽవ॒ధన్వా॑ని తన్మసి ॥ అ॒స్మి-న్మ॑హ॒త్య॑ర్ణ॒వే᳚-ఽన్తరి॑ఖ్షే భ॒వా అధి॑ ॥ నీల॑గ్రీవా-శ్శితి॒కణ్ఠా᳚-శ్శ॒ర్వా అ॒ధః, ఖ్ష॑మాచ॒రాః ॥ నీల॑గ్రీవా-శ్శితి॒కణ్ఠా॒ దివగ్ం॑ రు॒ద్రా ఉప॑శ్రితాః ॥ యే వృ॒ఖ్షేషు॑ స॒స్పిఞ్జ॑రా॒ నీల॑గ్రీవా॒ విలో॑హితాః ॥ యే భూ॒తానా॒-మధి॑పతయో విశి॒ఖాసః॑ కప॒ర్ది॑నః ॥ యే అన్నే॑షు వి॒విద్ధ్య॑న్తి॒ పాత్రే॑షు॒ పిబ॑తో॒ జనాన్॑ ॥ యే ప॒థా-మ్ప॑థి॒రఖ్ష॑య ఐలబృ॒దా య॒వ్యుధః॑ ॥ యే తీ॒ర్థాని॑ – [ ] 26
ప్ర॒చర॑న్తి సృ॒కావ॑న్తో నిష॒ఙ్గిణః॑ ॥ య ఏ॒తావ॑న్తశ్చ॒ భూయాగ్ం॑సశ్చ॒ దిశో॑ రు॒ద్రా వి॑తస్థి॒రే ॥ తేషాగ్ం॑ సహస్రయోజ॒నే ఽవ॒ధన్వా॑ని తన్మసి ॥ నమో॑ రు॒ద్రేభ్యో॒ యే పృ॑థి॒వ్యాం-యేఀ᳚-ఽన్తరి॑ఖ్షే॒ యే ది॒వి యేషా॒మన్నం॒ వాఀతో॑ వ॒ర్॒షమిష॑వ॒స్తేభ్యో॒ దశ॒ ప్రాచీ॒ ర్దశ॑దఖ్షి॒ణా దశ॑ప్ర॒తీచీ॒ ర్దశోదీ॑చీ॒ ర్దశో॒ర్ధ్వా-స్తేభ్యో॒ నమ॒స్తే నో॑ మృడయన్తు॒ తే య-న్ద్వి॒ష్మో యశ్చ॑ నో॒ ద్వేష్టి॒ తం-వోఀ॒ జమ్భే॑ దధామి ॥ 27 ॥
(తీ॒ర్థాని॒ – యశ్చ॒ – షట్ చ॑ ) (అ. 11)
(నమ॑స్తే రుద్ర॒ – నమో॒ హిర॑ణ్యబాహవే॒ – నమ॒-స్సహ॑మానాయ॒ – నమ॑ ఆవ్యా॒ధినీ᳚భ్యో॒ – నమో॑ భ॒వాయ॒ – నమో᳚ జ్యే॒ష్ఠాయ॒ – నమో॑ దున్దు॒భ్యా॑య॒ – నమ॒-స్సోమా॑య॒ – నమ॑ ఇరి॒ణ్యా॑య॒ – ద్రాప॑ – స॒హస్రా॒ – ణ్యేకా॑దశ)
(నమ॑స్తే రుద్ర॒ – నమో॑ భ॒వాయ॒ – ద్రాపే॑ – స॒ప్తవిగ్ం॑శతిః)
(నమ॑స్తే రుద్ర॒, తం-వోఀ॒ జమ్భే॑ దధామి)
॥ హరిః॑ ఓమ్ ॥
॥ కృష్ణ యజుర్వేదీయ తైత్తిరీయ సంహితాయా-ఞ్చతుర్థ కాణ్డే పఞ్చమః ప్రశ్న-స్సమాప్తః ॥