കൃഷ്ണ യജുര്വേദീയ തൈത്തിരീയ സംഹിതായാ-ഞ്ചതുര്ഥകാണ്ഡേ പഞ്ചമഃ പ്രശ്നഃ – ഹോമവിധിനിരൂപണം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
നമ॑സ്തേ രുദ്ര മ॒ന്യവ॑ ഉ॒തോത॒ ഇഷ॑വേ॒ നമഃ॑ । നമ॑സ്തേ അസ്തു॒ ധന്വ॑നേ ബാ॒ഹുഭ്യാ॑മു॒ത തേ॒ നമഃ॑ ॥ യാ ത॒ ഇഷു॑-ശ്ശി॒വത॑മാ ശി॒വ-മ്ബ॒ഭൂവ॑ തേ॒ ധനുഃ॑ । ശി॒വാ ശ॑ര॒വ്യാ॑ യാ തവ॒ തയാ॑ നോ രുദ്ര മൃഡയ ॥ യാ തേ॑ രുദ്ര ശി॒വാ ത॒നൂരഘോ॒രാ ഽപാ॑പകാശിനീ । തയാ॑ നസ്ത॒നുവാ॒ ശന്ത॑മയാ॒ ഗിരി॑ശന്താ॒ഭി ചാ॑കശീഹി ॥ യാമിഷു॑-ങ്ഗിരിശന്ത॒ ഹസ്തേ॒ [ഹസ്തേ᳚, ബിഭ॒ര്ഷ്യസ്ത॑വേ ।] 1
ബിഭ॒ര്ഷ്യസ്ത॑വേ । ശി॒വാ-ങ്ഗി॑രിത്ര॒ താ-ങ്കു॑രു॒ മാ ഹിഗ്മ്॑സീഃ॒ പുരു॑ഷ॒-ഞ്ജഗ॑ത് ॥ ശി॒വേന॒ വച॑സാ ത്വാ॒ ഗിരി॒ശാച്ഛാ॑ വദാമസി । യഥാ॑ ന॒-സ്സര്വ॒മി-ജ്ജഗ॑ദയ॒ക്ഷ്മഗ്മ് സു॒മനാ॒ അസ॑ത് ॥ അദ്ധ്യ॑വോചദധിവ॒ക്താ പ്ര॑ഥ॒മോ ദൈവ്യോ॑ ഭി॒ഷക് । അഹീഗ്॑ശ്ച॒ സര്വാ᳚ന് ജ॒ഭംയഁ॒ന്-ഥ്സര്വാ᳚ശ്ച യാതു ധാ॒ന്യഃ॑ ॥ അ॒സൌ യസ്താ॒മ്രോ അ॑രു॒ണ ഉ॒ത ബ॒ഭ്രു-സ്സു॑മ॒ങ്ഗലഃ॑ । യേ ചേ॒മാഗ്മ് രു॒ദ്രാ അ॒ഭിതോ॑ ദി॒ക്ഷു [ ] 2
ശ്രി॒താ-സ്സ॑ഹസ്ര॒ശോ ഽവൈ॑ഷാ॒ഗ്മ്॒ ഹേഡ॑ ഈമഹേ ॥ അ॒സൌ യോ॑ ഽവ॒സര്പ॑തി॒ നീല॑ഗ്രീവോ॒ വിലോ॑ഹിതഃ । ഉ॒തൈന॑-ങ്ഗോ॒പാ അ॑ദൃശ॒-ന്നദൃ॑ശ-ന്നുദഹാ॒ര്യഃ॑ । ഉ॒തൈനം॒-വിഁശ്വാ॑ ഭൂ॒താനി॒ സ ദൃ॒ഷ്ടോ മൃ॑ഡയാതി നഃ ॥ നമോ॑ അസ്തു॒ നീല॑ഗ്രീവായ സഹസ്രാ॒ക്ഷായ॑ മീ॒ഢുഷേ᳚ । അഥോ॒ യേ അ॑സ്യ॒ സത്വാ॑നോ॒-ഽഹ-ന്തേഭ്യോ॑ ഽകര॒ന്നമഃ॑ ॥ പ്രമു॑ഞ്ച॒ ധന്വ॑ന॒സ്ത്വ മു॒ഭയോ॒-രാര്ത്നി॑യോ॒ര്ജ്യാമ് । യാശ്ച॑ തേ॒ ഹസ്ത॒ ഇഷ॑വഃ॒ [ഇഷ॑വഃ, പരാ॒ താ ഭ॑ഗവോ വപ ।] 3
പരാ॒ താ ഭ॑ഗവോ വപ ॥ അ॒വ॒തത്യ॒ ധനു॒സ്ത്വഗ്മ് സഹ॑സ്രാക്ഷ॒ ശതേ॑ഷുധേ । നി॒ശീര്യ॑ ശ॒ല്യാനാ॒-മ്മുഖാ॑ ശി॒വോ ന॑-സ്സു॒മനാ॑ ഭവ ॥ വിജ്യ॒-ന്ധനുഃ॑ കപ॒ര്ദിനോ॒ വിശ॑ല്യോ॒ ബാണ॑വാഗ്മ് ഉ॒ത । അനേ॑ശന്ന॒സ്യേഷ॑വ ആ॒ഭുര॑സ്യ നിഷ॒ങ്ഗഥിഃ॑ ॥ യാ തേ॑ ഹേ॒തി-ര്മീ॑ഢുഷ്ടമ॒ ഹസ്തേ॑ ബ॒ഭൂവ॑ തേ॒ ധനുഃ॑ । തയാ॒-ഽസ്മാന്. വി॒ശ്വത॒ സ്ത്വമ॑യ॒ക്ഷ്മയാ॒ പരി॑ബ്ഭുജ ॥ നമ॑സ്തേ അ॒സ്ത്വായു॑ധാ॒യാ-നാ॑തതായ ധൃ॒ഷ്ണവേ᳚ । ഉ॒ഭാഭ്യാ॑ മു॒ത തേ॒ നമോ॑ ബാ॒ഹുഭ്യാ॒-ന്തവ॒ ധന്വ॑നേ ॥ പരി॑ തേ॒ ധന്വ॑നോ ഹേ॒തിര॒സ്മാന്-വൃ॑ണക്തു വി॒ശ്വതഃ॑ । അഥോ॒ യ ഇ॑ഷു॒ധിസ്തവാ॒രേ അ॒സ്മ-ന്നിധേ॑ഹി॒ തമ് ॥ 4 ॥
(ഹസ്തേ॑ – ദി॒ക്ഷ്വി – ഷ॑വ – ഉ॒ഭാഭ്യാം॒ – ദ്വാവിഗ്മ്॑ശതിശ്ച) (അ. 1)
നമോ॒ ഹിര॑ണ്യ ബാഹവേ സേനാ॒ന്യേ॑ ദി॒ശാഞ്ച॒ പത॑യേ॒ നമോ॒ നമോ॑ വൃ॒ക്ഷേഭ്യോ॒ ഹരി॑കേശേഭ്യഃ പശൂ॒നാ-മ്പത॑യേ॒ നമോ॒ നമ॑-സ്സ॒സ്പിഞ്ജ॑രായ॒ ത്വിഷീ॑മതേ പഥീ॒നാ-മ്പത॑യേ॒ നമോ॒ നമോ॑ ബഭ്ലു॒ശായ॑ വിവ്യാ॒ധിനേ-ഽന്നാ॑നാ॒-മ്പത॑യേ॒ നമോ॒ നമോ॒ ഹരി॑കേശായോ-പവീ॒തിനേ॑ പു॒ഷ്ടാനാ॒-മ്പത॑യേ॒ നമോ॒ നമോ॑ ഭ॒വസ്യ॑ ഹേ॒ത്യൈ ജഗ॑താ॒-മ്പത॑യേ॒ നമോ॒ നമോ॑ രു॒ദ്രായാ॑-തതാ॒വിനേ॒ ക്ഷേത്രാ॑ണാ॒-മ്പത॑യേ॒ നമോ॒ നമ॑-സ്സൂ॒തായാ-ഹ॑ന്ത്യായ॒ വനാ॑നാ॒-മ്പത॑യേ॒ നമോ॒ നമോ॒ [നമഃ॑, രോഹി॑തായ] 5
രോഹി॑തായ സ്ഥ॒പത॑യേ വൃ॒ക്ഷാണാ॒-മ്പത॑യേ॒ നമോ॒ നമോ॑ മ॒ന്ത്രിണേ॑ വാണി॒ജായ॒ കക്ഷാ॑ണാ॒-മ്പത॑യേ॒ നമോ॒ നമോ॑ ഭുവ॒ന്തയേ॑ വാരിവസ്കൃ॒താ-യൌഷ॑ധീനാ॒-മ്പത॑യേ॒ നമോ॒ നമ॑ ഉ॒ച്ചൈ-ര്ഘോ॑ഷായാ ക്ര॒ന്ദയ॑തേ പത്തീ॒നാ-മ്പത॑യേ॒ നമോ॒ നമഃ॑ കൃഥ്സ്നവീ॒തായ॒ ധാവ॑തേ॒ സത്ത്വ॑നാ॒-മ്പത॑യേ॒ നമഃ॑ ॥ 6 ॥
(വനാ॑നാ॒-മ്പത॑യേ॒ നമോ॒ നമ॒ – ഏകാ॒ന്നത്രി॒ഗ്മ്॒ശച്ച॑ ) (അ. 2)
നമ॒-സ്സഹ॑മാനായ നിവ്യാ॒ധിന॑ ആവ്യാ॒ധിനീ॑നാ॒-മ്പത॑യേ॒ നമോ॒ നമഃ॑ കകു॒ഭായ॑ നിഷ॒ങ്ഗിണേ᳚ സ്തേ॒നാനാ॒-മ്പത॑യേ॒ നമോ॒ നമോ॑ നിഷ॒ങ്ഗിണ॑ ഇഷുധി॒മതേ॒ തസ്ക॑രാണാ॒-മ്പത॑യേ॒ നമോ॒ നമോ॒ വഞ്ച॑തേ പരി॒വഞ്ച॑തേ സ്തായൂ॒നാ-മ്പത॑യേ॒ നമോ॒ നമോ॑ നിചേ॒രവേ॑ പരിച॒രായാര॑ണ്യാനാ॒-മ്പത॑യേ॒ നമോ॒ നമ॑-സ്സൃകാ॒വിഭ്യോ॒ ജിഘാഗ്മ്॑സദ്ഭ്യോ മുഷ്ണ॒താ-മ്പത॑യേ॒ നമോ॒ നമോ॑ ഽസി॒മദ്ഭ്യോ॒ നക്ത॒-ഞ്ചര॑ദ്ഭ്യഃ പ്രകൃ॒ന്താനാ॒-മ്പത॑യേ॒ നമോ॒ നമ॑ ഉഷ്ണീ॒ഷിണേ॑ ഗിരിച॒രായ॑ കുലു॒ഞ്ചാനാ॒-മ്പത॑യേ॒ നമോ॒ നമ॒ [നമഃ॑, ഇഷു॑മദ്ഭ്യോ] 7
ഇഷു॑മദ്ഭ്യോ ധന്വാ॒വിഭ്യ॑ശ്ച വോ॒ നമോ॒ നമ॑ ആതന്വാ॒നേഭ്യഃ॑ പ്രതി॒ദധാ॑നേഭ്യശ്ച വോ॒ നമോ॒ നമ॑ ആ॒യച്ഛ॑ദ്ഭ്യോ വിസൃ॒ജദ്ഭ്യ॑ശ്ച വോ॒ നമോ॒ നമോ-ഽസ്യ॑ദ്ഭ്യോ॒ വിദ്ധ്യ॑ദ്ഭ്യശ്ച വോ॒ നമോ॒ നമ॒ ആസീ॑നേഭ്യ॒-ശ്ശയാ॑നേഭ്യശ്ച വോ॒ നമോ॒ നമ॑-സ്സ്വ॒പദ്ഭ്യോ॒ ജാഗ്ര॑ദ്ഭ്യശ്ച വോ॒ നമോ॒ നമ॒സ്തിഷ്ഠ॑ദ്ഭ്യോ॒ ധാവ॑ദ്ഭ്യശ്ച വോ॒ നമോ॒ നമ॑-സ്സ॒ഭാഭ്യ॑-സ്സ॒ഭാപ॑തിഭ്യശ്ച വോ॒ നമോ॒ നമോ॒ അശ്വേ॒ഭ്യോ ഽശ്വ॑പതിഭ്യ ശ്ച വോ॒ നമഃ॑ ॥ 8 ॥
(കു॒ലു॒ഞ്ചാനാ॒-മ്പത॑യേ॒ നമോ॒ നമോ – ഽശ്വ॑പതിഭ്യ॒ – സ്ത്രീണി॑ ച) (അ. 3)
നമ॑ ആവ്യാ॒ധിനീ᳚ഭ്യോ വി॒വിദ്ധ്യ॑ന്തീഭ്യശ്ച വോ॒ നമോ॒ നമ॒ ഉഗ॑ണാഭ്യ-സ്തൃഗ്മ്ഹ॒തീഭ്യ॑ശ്ച വോ॒ നമോ॒ നമോ॑ ഗൃ॒ഥ്സേഭ്യോ॑ ഗൃ॒ഥ്സപ॑തിഭ്യശ്ച വോ॒ നമോ॒ നമോ॒ വ്രാതേ᳚ഭ്യോ॒ വ്രാത॑പതിഭ്യശ്ച വോ॒ നമോ॒ നമോ॑ ഗ॒ണേഭ്യോ॑ ഗ॒ണപ॑തിഭ്യശ്ച വോ॒ നമോ॒ നമോ॒ വിരൂ॑പേഭ്യോ വി॒ശ്വരൂ॑പേഭ്യശ്ച വോ॒ നമോ॒ നമോ॑ മ॒ഹദ്ഭ്യഃ॑, ക്ഷുല്ല॒കേഭ്യ॑ശ്ച വോ॒ നമോ॒ നമോ॑ ര॒ഥിഭ്യോ॑-ഽര॒ഥേഭ്യ॑ശ്ച വോ॒ നമോ॒ നമോ॒ രഥേ᳚ഭ്യോ॒ [നമോ॒ രഥേ᳚ഭ്യഃ, രഥ॑പതിഭ്യശ്ച] 9
രഥ॑പതിഭ്യശ്ച വോ॒ നമോ॒ നമ॒-സ്സേനാ᳚ഭ്യ-സ്സേനാ॒നിഭ്യ॑ശ്ച വോ॒ നമോ॒ നമഃ॑, ക്ഷ॒ത്തൃഭ്യ॑-സ്സങ്ഗ്രഹീ॒തൃഭ്യ॑ശ്ച വോ॒ നമോ॒ നമ॒സ്തക്ഷ॑ഭ്യോ രഥകാ॒രേഭ്യ॑ശ്ച വോ॒ നമോ॒ നമഃ॒ കുലാ॑ലേഭ്യഃ ക॒ര്മാരേ᳚ഭ്യശ്ച വോ॒ നമോ॒ നമഃ॑ പു॒ഞ്ജിഷ്ടേ᳚ഭ്യോ നിഷാ॒ദേഭ്യ॑ശ്ച വോ॒ നമോ॒ നമ॑ ഇഷു॒കൃദ്ഭ്യോ॑ ധന്വ॒കൃദ്ഭ്യ॑ശ്ച വോ॒ നമോ॒ നമോ॑ മൃഗ॒യുഭ്യ॑-ശ്ശ്വ॒നിഭ്യ॑ശ്ച വോ॒ നമോ॒ നമ॒-ശ്ശ്വഭ്യ॒-ശ്ശ്വപ॑തിഭ്യശ്ച വോ॒ നമഃ॑ ॥ 10 ॥
(രഥേ᳚ഭ്യഃ॒ – ശ്വപ॑തിഭ്യശ്ച॒ – ദ്വേ ച॑ ) (അ. 4)
നമോ॑ ഭ॒വായ॑ ച രു॒ദ്രായ॑ ച॒ നമ॑-ശ്ശ॒ര്വായ॑ ച പശു॒പത॑യേ ച॒ നമോ॒ നീല॑ഗ്രീവായ ച ശിതി॒കണ്ഠാ॑യ ച॒ നമഃ॑ കപ॒ര്ദിനേ॑ ച॒ വ്യു॑പ്തകേശായ ച॒ നമ॑-സ്സഹസ്രാ॒ക്ഷായ॑ ച ശ॒തധ॑ന്വനേ ച॒ നമോ॑ ഗിരി॒ശായ॑ ച ശിപിവി॒ഷ്ടായ॑ ച॒ നമോ॑ മീ॒ഢുഷ്ട॑മായ॒ ചേഷു॑മതേ ച॒ നമോ᳚ ഹ്ര॒സ്വായ॑ ച വാമ॒നായ॑ ച॒ നമോ॑ ബൃഹ॒തേ ച॒ വര്ഷീ॑യസേ ച॒ നമോ॑ വൃ॒ദ്ധായ॑ ച സം॒വൃഁദ്ധ്വ॑നേ ച॒ [സം॒വൃഁദ്ധ്വ॑നേ ച, നമോ॒ അഗ്രി॑യായ ച] 11
നമോ॒ അഗ്രി॑യായ ച പ്രഥ॒മായ॑ ച॒ നമ॑ ആ॒ശവേ॑ ചാജി॒രായ॑ ച॒ നമQസ്ശീഘ്രി॑യായ ച॒ ശീഭ്യാ॑യ ച॒ നമ॑ ഊ॒ര്മ്യാ॑യ ചാവസ്വ॒ന്യാ॑യ ച॒ നമ॑-സ്സ്രോത॒സ്യാ॑യ ച॒ ദ്വീപ്യാ॑യ ച ॥ 12 ॥
(സം॒വൃഁദ്ധ്വ॑നേ ച॒ – പഞ്ച॑വിഗ്മ്ശതിശ്ച) (അ. 5)
നമോ᳚ ജ്യേ॒ഷ്ഠായ॑ ച കനി॒ഷ്ഠായ॑ ച॒ നമഃ॑ പൂര്വ॒ജായ॑ ചാപര॒ജായ॑ ച॒ നമോ॑ മദ്ധ്യ॒മായ॑ ചാപഗ॒ല്ഭായ॑ ച॒ നമോ॑ ജഘ॒ന്യാ॑യ ച॒ ബുദ്ധ്നി॑യായ ച॒ നമ॑-സ്സോ॒ഭ്യാ॑യ ച പ്രതിസ॒ര്യാ॑യ ച॒ നമോ॒ യാമ്യാ॑യ ച॒ ക്ഷേമ്യാ॑യ ച॒ നമ॑ ഉര്വ॒ര്യാ॑യ ച॒ ഖല്യാ॑യ ച॒ നമ॒-ശ്ശ്ലോക്യാ॑യ ചാവസാ॒ന്യാ॑യ ച॒ നമോ॒ വന്യാ॑യ ച॒ കക്ഷ്യാ॑യ ച॒ നമ॑-ശ്ശ്ര॒വായ॑ ച പ്രതിശ്ര॒വായ॑ ച॒ [പ്രതിശ്ര॒വായ॑ ച, നമ॑ ആ॒ശുഷേ॑ണായ] 13
നമ॑ ആ॒ശുഷേ॑ണായ ചാ॒ശുര॑ഥായ ച॒ നമ॒-ശ്ശൂരാ॑യ ചാവഭിന്ദ॒തേ ച॒ നമോ॑ വ॒ര്മിണേ॑ ച വരൂ॒ഥിനേ॑ ച॒ നമോ॑ ബി॒ല്മിനേ॑ ച കവ॒ചിനേ॑ ച॒ നമ॑-ശ്ശ്രു॒തായ॑ ച ശ്രുതസേ॒നായ॑ ച ॥ 14 ॥
(പ്ര॒തി॒ശ്ര॒വായ॑ ച॒ – പഞ്ച॑വിഗ്മ്ശതിശ്ച) (അ. 6)
നമോ॑ ദുന്ദു॒ഭ്യാ॑യ ചാഹന॒ന്യാ॑യ ച॒ നമോ॑ ധൃ॒ഷ്ണവേ॑ ച പ്രമൃ॒ശായ॑ ച॒ നമോ॑ ദൂ॒തായ॑ ച॒ പ്രഹി॑തായ ച॒ നമോ॑ നിഷ॒ങ്ഗിണേ॑ ചേഷുധി॒മതേ॑ ച॒ നമ॑ സ്തീ॒ക്ഷ്ണേഷ॑വേ ചായു॒ധിനേ॑ ച॒ നമ॑-സ്സ്വായു॒ധായ॑ ച സു॒ധന്വ॑നേ ച॒ നമ॒-സ്സ്രുത്യാ॑യ ച॒ പഥ്യാ॑യ ച॒ നമഃ॑ കാ॒ട്യാ॑യ ച നീ॒പ്യാ॑യ ച॒ നമ॒-സ്സൂദ്യാ॑യ ച സര॒സ്യാ॑യ ച॒ നമോ॑ നാ॒ദ്യായ॑ ച വൈശ॒ന്തായ॑ ച॒ [വൈശ॒ന്തായ॑ ച, നമഃ॒ കൂപ്യാ॑യ] 15
നമഃ॒ കൂപ്യാ॑യ ചാവ॒ട്യാ॑യ ച॒ നമോ॒ വര്ഷ്യാ॑യ ചാവ॒ര്ഷ്യായ॑ ച॒ നമോ॑ മേ॒ഘ്യാ॑യ ച വിദ്യു॒ത്യാ॑യ ച॒ നമ॑ ഈ॒ദ്ധ്രിയാ॑യ ചാത॒പ്യാ॑യ ച॒ നമോ॒ വാത്യാ॑യ ച॒ രേഷ്മി॑യായ ച॒ നമോ॑ വാസ്ത॒വ്യാ॑യ ച വാസ്തു॒പായ॑ ച ॥ 16 ॥
(വൈ॒ശ॒ന്തായ॑ ച – ത്രി॒ഗ്മ്॒ശച്ച॑) (അ. 7)
നമ॒-സ്സോമാ॑യ ച രു॒ദ്രായ॑ ച॒ നമ॑സ്താ॒മ്രായ॑ ചാരു॒ണായ॑ ച॒ നമ॑-ശ്ശ॒ങ്ഗായ॑ ച പശു॒പത॑യേ ച॒ നമ॑ ഉ॒ഗ്രായ॑ ച ഭീ॒മായ॑ ച॒ നമോ॑ അഗ്രേവ॒ധായ॑ ച ദൂരേവ॒ധായ॑ ച॒ നമോ॑ ഹ॒ന്ത്രേ ച॒ ഹനീ॑യസേ ച॒ നമോ॑ വൃ॒ക്ഷേഭ്യോ॒ ഹരി॑കേശേഭ്യോ॒ നമ॑സ്താ॒രായ॒ നമ॑-ശ്ശ॒മ്ഭവേ॑ ച മയോ॒ഭവേ॑ ച॒ നമ॑-ശ്ശങ്ക॒രായ॑ ച മയസ്ക॒രായ॑ ച॒ നമ॑-ശ്ശി॒വായ॑ ച ശി॒വത॑രായ ച॒ [ശി॒വത॑രായ ച, നമ॒സ്തീര്ഥ്യാ॑യ ച॒] 17
നമ॒സ്തീര്ഥ്യാ॑യ ച॒ കൂല്യാ॑യ ച॒ നമഃ॑ പാ॒ര്യാ॑യ ചാവാ॒ര്യാ॑യ ച॒ നമഃ॑ പ്ര॒തര॑ണായ ചോ॒ത്തര॑ണായ ച॒ നമ॑ ആതാ॒ര്യാ॑യ ചാലാ॒ദ്യാ॑യ ച॒ നമ॒-ശ്ശഷ്പ്യാ॑യ ച॒ ഫേന്യാ॑യ ച॒ നമ॑-സ്സിക॒ത്യാ॑യ ച പ്രവാ॒ഹ്യാ॑യ ച ॥ 18 ॥
(ശി॒വത॑രായ ച – ത്രി॒ഗ്മ്॒ശച്ച॑) (അ. 8)
നമ॑ ഇരി॒ണ്യാ॑യ ച പ്രപ॒ഥ്യാ॑യ ച॒ നമഃ॑ കിഗ്മ്ശി॒ലായ॑ ച॒ ക്ഷയ॑ണായ ച॒ നമഃ॑ കപ॒ര്ദിനേ॑ ച പുല॒സ്തയേ॑ ച॒ നമോ॒ ഗോഷ്ഠ്യാ॑യ ച॒ ഗൃഹ്യാ॑യ ച॒ നമ॒സ്തല്പ്യാ॑യ ച॒ ഗേഹ്യാ॑യ ച॒ നമഃ॑ കാ॒ട്യാ॑യ ച ഗഹ്വരേ॒ഷ്ഠായ॑ ച॒ നമോ᳚ ഹ്രദ॒യ്യാ॑യ ച നിവേ॒ഷ്പ്യാ॑യ ച॒ നമഃ॑ പാഗ്മ്സ॒വ്യാ॑യ ച രജ॒സ്യാ॑യ ച॒ നമ॒-ശ്ശുഷ്ക്യാ॑യ ച ഹരി॒ത്യാ॑യ ച॒ നമോ॒ ലോപ്യാ॑യ ചോല॒പ്യാ॑യ ച॒ [ചോല॒പ്യാ॑യ ച, നമ॑ ഊ॒ര്വ്യാ॑യ ച] 19
നമ॑ ഊ॒ര്വ്യാ॑യ ച സൂ॒ര്മ്യാ॑യ ച॒ നമഃ॑ പ॒ര്ണ്യാ॑യ ച പര്ണശ॒ദ്യാ॑യ ച॒ നമോ॑-ഽപഗു॒രമാ॑ണായ ചാഭിഘ്ന॒തേ ച॒ നമ॑ ആക്ഖിദ॒തേ ച॑ പ്രക്ഖിദ॒തേ ച॒ നമോ॑ വഃ കിരി॒കേഭ്യോ॑ ദേ॒വാനാ॒ഗ്മ്॒ ഹൃദ॑യേഭ്യോ॒ നമോ॑ വിക്ഷീണ॒കേഭ്യോ॒ നമോ॑ വിചിന്വ॒ത്കേഭ്യോ॒ നമ॑ ആനിര്-ഹ॒തേഭ്യോ॒ നമ॑ ആമീവ॒ത്കേഭ്യഃ॑ ॥ 20 ॥
(ഉ॒ല॒പ്യാ॑യ ച॒ – ത്രയ॑സ്ത്രിഗ്മ്ശച്ച॑) (അ. 9)
ദ്രാപേ॒ അന്ധ॑സസ്പതേ॒ ദരി॑ദ്ര॒ന്നീല॑ലോഹിത । ഏ॒ഷാ-മ്പുരു॑ഷാണാമേ॒ഷാ-മ്പ॑ശൂ॒നാ-മ്മാ ഭേ ര്മാ-ഽരോ॒ മോ ഏ॑ഷാ॒-ങ്കിഞ്ച॒നാമ॑മത് ॥ യാ തേ॑ രുദ്ര ശി॒വാ ത॒നൂ-ശ്ശി॒വാ വി॒ശ്വാഹ॑ഭേഷജീ । ശി॒വാ രു॒ദ്രസ്യ॑ ഭേഷ॒ജീ തയാ॑ നോ മൃഡ ജീ॒വസേ᳚ ॥ ഇ॒മാഗ്മ് രു॒ദ്രായ॑ ത॒വസേ॑ കപ॒ര്ദിനേ᳚ ക്ഷ॒യദ്വീ॑രായ॒ പ്രഭ॑രാമഹേ മ॒തിമ് । യഥാ॑ ന॒-ശ്ശമസ॑-ദ്ദ്വി॒പദേ॒ ചതു॑ഷ്പദേ॒ വിശ്വ॑-മ്പു॒ഷ്ട-ങ്ഗ്രാമേ॑ അ॒സ്മി- [അ॒സ്മിന്ന്, അനാ॑തുരമ് ।] 21
-ന്നനാ॑തുരമ് ॥ മൃ॒ഡാ നോ॑ രുദ്രോ॒ തനോ॒ മയ॑സ്കൃധി ക്ഷ॒യദ്വീ॑രായ॒ നമ॑സാ വിധേമ തേ । യച്ഛ-ഞ്ച॒ യോശ്ച॒ മനു॑രായ॒ജേ പി॒താ തദ॑ശ്യാമ॒ തവ॑ രുദ്ര॒ പ്രണീ॑തൌ ॥ മാ നോ॑ മ॒ഹാന്ത॑മു॒ത മാ നോ॑ അര്ഭ॒ക-മ്മാ ന॒ ഉക്ഷ॑ന്തമു॒ത മാ ന॑ ഉക്ഷി॒തമ് । മാ നോ॑ വധീഃ പി॒തര॒-മ്മോത മാ॒തര॑-മ്പ്രി॒യാ മാ ന॑സ്ത॒നുവോ॑ [മാ ന॑സ്ത॒നുവഃ॑, രു॒ദ്ര॒ രീ॒രി॒ഷഃ॒ ।] 22
രുദ്ര രീരിഷഃ ॥ മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । വീ॒രാ-ന്മാനോ॑ രുദ്ര ഭാമി॒തോ വ॑ധീര്-ഹ॒വിഷ്മ॑ന്തോ॒ നമ॑സാ വിധേമ തേ ॥ ആ॒രാത്തേ॑ ഗോ॒ഘ്ന ഉ॒ത പൂ॑രുഷ॒ഘ്നേ ക്ഷ॒യദ്വീ॑രായ സു॒മ്നമ॒സ്മേ തേ॑ അസ്തു । രക്ഷാ॑ ച നോ॒ അധി॑ ച ദേവ ബ്രൂ॒ഹ്യധാ॑ ച ന॒-ശ്ശര്മ॑ യച്ഛ ദ്വി॒ബര്ഹാഃ᳚ ॥ സ്തു॒ഹി [ ] 23
ശ്രു॒ത-ങ്ഗ॑ര്ത॒സദം॒-യുഁവാ॑ന-മ്മൃ॒ഗ-ന്ന ഭീ॒മ-മു॑പഹ॒ത്നു-മു॒ഗ്രമ് । മൃ॒ഡാ ജ॑രി॒ത്രേ രു॑ദ്ര॒ സ്തവാ॑നോ അ॒ന്യന്തേ॑ അ॒സ്മന്നിവ॑പന്തു॒ സേനാഃ᳚ ॥ പരി॑ണോ രു॒ദ്രസ്യ॑ ഹേ॒തി ര്വൃ॑ണക്തു॒ പരി॑ത്വേ॒ഷസ്യ॑ ദുര്മ॒തിര॑ഘാ॒യോഃ । അവ॑ സ്ഥി॒രാ മ॒ഘവ॑ദ്ഭ്യ-സ്തനുഷ്വ॒ മീഢ്വ॑സ്തോ॒കായ॒ തന॑യായ മൃഡയ ॥ മീഢു॑ഷ്ടമ॒ ശിവ॑തമ ശി॒വോ ന॑-സ്സു॒മനാ॑ ഭവ । പ॒ര॒മേ വൃ॒ക്ഷ ആയു॑ധ-ന്നി॒ധായ॒ കൃത്തിം॒-വഁസാ॑ന॒ ആച॑ര॒ പിനാ॑ക॒- [ആച॑ര॒ പിനാ॑കമ്, ബിഭ്ര॒ദാഗ॑ഹി ।] 24
-മ്ബിഭ്ര॒ദാഗ॑ഹി ॥ വികി॑രിദ॒ വിലോ॑ഹിത॒ നമ॑സ്തേ അസ്തു ഭഗവഃ । യാസ്തേ॑ സ॒ഹസ്രഗ്മ്॑ ഹേ॒തയോ॒-ഽന്യ-മ॒സ്മന്നി വ॑പന്തു॒ താഃ ॥ സ॒ഹസ്രാ॑ണി സഹസ്ര॒ധാ ബാ॑ഹു॒വോസ്തവ॑ ഹേ॒തയഃ॑ । താസാ॒മീശാ॑നോ ഭഗവഃ പരാ॒ചീനാ॒ മുഖാ॑ കൃധി ॥ 25 ॥
(അ॒സ്മിഗ്ഗ്-സ്ത॒നുവഃ॑-സ്തു॒ഹി-പിനാ॑ക॒-മേകാ॒ന്നത്രി॒ഗ്മ്॒ശച്ച॑) (അ. 10)
സ॒ഹസ്രാ॑ണി സഹസ്ര॒ശോ യേ രു॒ദ്രാ അധി॒ ഭൂമ്യാ᳚മ് । തേഷാഗ്മ്॑ സഹസ്രയോജ॒നേ ഽവ॒ധന്വാ॑നി തന്മസി ॥ അ॒സ്മി-ന്മ॑ഹ॒ത്യ॑ര്ണ॒വേ᳚-ഽന്തരി॑ക്ഷേ ഭ॒വാ അധി॑ ॥ നീല॑ഗ്രീവാ-ശ്ശിതി॒കണ്ഠാ᳚-ശ്ശ॒ര്വാ അ॒ധഃ, ക്ഷ॑മാച॒രാഃ ॥ നീല॑ഗ്രീവാ-ശ്ശിതി॒കണ്ഠാ॒ ദിവഗ്മ്॑ രു॒ദ്രാ ഉപ॑ശ്രിതാഃ ॥ യേ വൃ॒ക്ഷേഷു॑ സ॒സ്പിഞ്ജ॑രാ॒ നീല॑ഗ്രീവാ॒ വിലോ॑ഹിതാഃ ॥ യേ ഭൂ॒താനാ॒-മധി॑പതയോ വിശി॒ഖാസഃ॑ കപ॒ര്ദി॑നഃ ॥ യേ അന്നേ॑ഷു വി॒വിദ്ധ്യ॑ന്തി॒ പാത്രേ॑ഷു॒ പിബ॑തോ॒ ജനാന്॑ ॥ യേ പ॒ഥാ-മ്പ॑ഥി॒രക്ഷ॑യ ഐലബൃ॒ദാ യ॒വ്യുധഃ॑ ॥ യേ തീ॒ര്ഥാനി॑ – [ ] 26
പ്ര॒ചര॑ന്തി സൃ॒കാവ॑ന്തോ നിഷ॒ങ്ഗിണഃ॑ ॥ യ ഏ॒താവ॑ന്തശ്ച॒ ഭൂയാഗ്മ്॑സശ്ച॒ ദിശോ॑ രു॒ദ്രാ വി॑തസ്ഥി॒രേ ॥ തേഷാഗ്മ്॑ സഹസ്രയോജ॒നേ ഽവ॒ധന്വാ॑നി തന്മസി ॥ നമോ॑ രു॒ദ്രേഭ്യോ॒ യേ പൃ॑ഥി॒വ്യാം-യേഁ᳚-ഽന്തരി॑ക്ഷേ॒ യേ ദി॒വി യേഷാ॒മന്നം॒ വാഁതോ॑ വ॒ര്॒ഷമിഷ॑വ॒സ്തേഭ്യോ॒ ദശ॒ പ്രാചീ॒ ര്ദശ॑ദക്ഷി॒ണാ ദശ॑പ്ര॒തീചീ॒ ര്ദശോദീ॑ചീ॒ ര്ദശോ॒ര്ധ്വാ-സ്തേഭ്യോ॒ നമ॒സ്തേ നോ॑ മൃഡയന്തു॒ തേ യ-ന്ദ്വി॒ഷ്മോ യശ്ച॑ നോ॒ ദ്വേഷ്ടി॒ തം-വോഁ॒ ജമ്ഭേ॑ ദധാമി ॥ 27 ॥
(തീ॒ര്ഥാനി॒ – യശ്ച॒ – ഷട് ച॑ ) (അ. 11)
(നമ॑സ്തേ രുദ്ര॒ – നമോ॒ ഹിര॑ണ്യബാഹവേ॒ – നമ॒-സ്സഹ॑മാനായ॒ – നമ॑ ആവ്യാ॒ധിനീ᳚ഭ്യോ॒ – നമോ॑ ഭ॒വായ॒ – നമോ᳚ ജ്യേ॒ഷ്ഠായ॒ – നമോ॑ ദുന്ദു॒ഭ്യാ॑യ॒ – നമ॒-സ്സോമാ॑യ॒ – നമ॑ ഇരി॒ണ്യാ॑യ॒ – ദ്രാപ॑ – സ॒ഹസ്രാ॒ – ണ്യേകാ॑ദശ)
(നമ॑സ്തേ രുദ്ര॒ – നമോ॑ ഭ॒വായ॒ – ദ്രാപേ॑ – സ॒പ്തവിഗ്മ്॑ശതിഃ)
(നമ॑സ്തേ രുദ്ര॒, തം-വോഁ॒ ജമ്ഭേ॑ ദധാമി)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-ഞ്ചതുര്ഥ കാണ്ഡേ പഞ്ചമഃ പ്രശ്ന-സ്സമാപ്തഃ ॥