4.6 – 𑌅𑌶𑍍𑌮𑌨𑍍𑌨𑍂𑌰𑍍𑌜𑌂 𑌪𑌰𑍍𑌵𑌤𑍇 – 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾 𑌪𑌾𑌠𑌃Download PDF

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨𑌃 – 𑌪𑌰𑌿𑌷𑍇𑌚𑌨-𑌸𑌂𑌸𑍍𑌕𑌾𑌰𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌶𑍍𑌮॒𑌨𑍍𑌨𑍂𑌰𑍍𑌜॒-𑌮𑍍𑌪𑌰𑍍𑌵॑𑌤𑍇 𑌶𑌿𑌶𑍍𑌰𑌿𑌯𑌾॒𑌣𑌾𑌂-𑌵𑌾𑌁𑌤𑍇॑ 𑌪॒𑌰𑍍𑌜𑌨𑍍𑌯𑍇॒ 𑌵𑌰𑍁॑𑌣𑌸𑍍𑌯॒ 𑌶𑍁𑌷𑍍𑌮𑍇᳚ । 𑌅॒𑌦𑍍𑌭𑍍𑌯 𑌓𑌷॑𑌧𑍀𑌭𑍍𑌯𑍋॒ 𑌵𑌨॒𑌸𑍍𑌪𑌤𑌿॒𑌭𑍍𑌯𑍋-𑌽𑌧𑌿॒ 𑌸𑌮𑍍𑌭𑍃॑𑌤𑌾॒-𑌨𑍍𑌤𑌾-𑌨𑍍𑌨॒ 𑌇𑌷॒𑌮𑍂𑌰𑍍𑌜॑-𑌨𑍍𑌧𑌤𑍍𑌤 𑌮𑌰𑍁𑌤-𑌸𑍍𑌸𑌗𑍍​𑌮𑍍 𑌰𑌰𑌾॒𑌣𑌾𑌃 ॥ 𑌅𑌶𑍍𑌮𑌗𑍍𑌗𑍍॑𑌸𑍍𑌤𑍇॒ 𑌕𑍍𑌷𑍁𑌦॒𑌮𑍁-𑌨𑍍𑌤𑍇॒ 𑌶𑍁𑌗𑍃॑𑌚𑍍𑌛𑌤𑍁॒ 𑌯-𑌨𑍍𑌦𑍍𑌵𑌿॒𑌷𑍍𑌮𑌃 ॥ 𑌸॒𑌮𑍁॒𑌦𑍍𑌰𑌸𑍍𑌯॑ 𑌤𑍍𑌵𑌾॒-𑌽𑌵𑌾𑌕॒𑌯𑌾-𑌽𑌗𑍍𑌨𑍇॒ 𑌪𑌰𑌿॑ 𑌵𑍍𑌯𑌯𑌾𑌮𑌸𑌿 । 𑌪𑌾॒𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍​𑌮𑍍॑ 𑌶𑌿॒𑌵𑍋 𑌭॑𑌵 ॥ 𑌹𑌿॒𑌮𑌸𑍍𑌯॑ 𑌤𑍍𑌵𑌾 𑌜॒𑌰𑌾𑌯𑍁॒𑌣𑌾-𑌽𑌗𑍍𑌨𑍇॒ 𑌪𑌰𑌿॑ 𑌵𑍍𑌯𑌯𑌾𑌮𑌸𑌿 । 𑌪𑌾॒𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍​𑌮𑍍॑ 𑌶𑌿॒𑌵𑍋 𑌭॑𑌵 ॥ 𑌉𑌪॒- [𑌉𑌪॑, 𑌜𑍍𑌮𑌨𑍍𑌨𑍁𑌪॑] 1

-𑌜𑍍𑌮𑌨𑍍𑌨𑍁𑌪॑ 𑌵𑍇𑌤॒𑌸𑍇-𑌽𑌵॑𑌤𑍍𑌤𑌰-𑌨𑍍𑌨॒𑌦𑍀𑌷𑍍𑌵𑌾 । 𑌅𑌗𑍍𑌨𑍇॑ 𑌪𑌿॒𑌤𑍍𑌤𑌮॒𑌪𑌾𑌮॑𑌸𑌿 ॥ 𑌮𑌣𑍍𑌡𑍂॑𑌕𑌿॒ 𑌤𑌾𑌭𑌿॒𑌰𑌾 𑌗॑𑌹𑌿॒ 𑌸𑍇𑌮-𑌨𑍍𑌨𑍋॑ 𑌯॒𑌜𑍍𑌞𑌮𑍍 । 𑌪𑌾॒𑌵॒𑌕𑌵॑𑌰𑍍𑌣𑌗𑍍​𑌮𑍍 𑌶𑌿॒𑌵-𑌙𑍍𑌕𑍃॑𑌧𑌿 ॥ 𑌪𑌾॒𑌵॒𑌕 𑌆 𑌚𑌿॒𑌤𑌯॑𑌨𑍍𑌤𑍍𑌯𑌾 𑌕𑍃॒𑌪𑌾 । 𑌕𑍍𑌷𑌾𑌮॑-𑌨𑍍𑌰𑍁𑌰𑍁॒𑌚 𑌉॒𑌷𑌸𑍋॒ 𑌨 𑌭𑌾॒𑌨𑍁𑌨𑌾᳚ ॥ 𑌤𑍂𑌰𑍍𑌵॒-𑌨𑍍𑌨 𑌯𑌾𑌮॒𑌨𑍍𑌨𑍇𑌤॑𑌶𑌸𑍍𑌯॒ 𑌨𑍂 𑌰𑌣॒ 𑌆 𑌯𑍋 𑌘𑍃॒𑌣𑍇 । 𑌨 𑌤॑𑌤𑍃𑌷𑌾॒𑌣𑍋 𑌅॒𑌜𑌰𑌃॑ ॥ 𑌅𑌗𑍍𑌨𑍇॑ 𑌪𑌾𑌵𑌕 𑌰𑍋॒𑌚𑌿𑌷𑌾॑ 𑌮॒𑌨𑍍𑌦𑍍𑌰𑌯𑌾॑ 𑌦𑍇𑌵 𑌜𑌿॒𑌹𑍍𑌵𑌯𑌾᳚ । 𑌆 𑌦𑍇॒𑌵𑌾𑌨𑍍 [𑌆 𑌦𑍇॒𑌵𑌾𑌨𑍍, 𑌵॒𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ।] 2

𑌵॑𑌕𑍍𑌷𑌿॒ 𑌯𑌕𑍍𑌷𑌿॑ 𑌚 ॥ 𑌸 𑌨𑌃॑ 𑌪𑌾𑌵𑌕 𑌦𑍀𑌦𑌿॒𑌵𑍋-𑌽𑌗𑍍𑌨𑍇॑ 𑌦𑍇॒𑌵𑌾𑌗𑍍​𑌮𑍍 𑌇॒𑌹𑌾-𑌽𑌽 𑌵॑𑌹 । 𑌉𑌪॑ 𑌯॒𑌜𑍍𑌞𑌗𑍍​𑌮𑍍 𑌹॒𑌵𑌿𑌶𑍍𑌚॑ 𑌨𑌃 ॥ 𑌅॒𑌪𑌾𑌮𑌿॒𑌦-𑌨𑍍𑌨𑍍𑌯𑌯॑𑌨𑌗𑍍​𑌮𑍍 𑌸𑌮𑍁॒𑌦𑍍𑌰𑌸𑍍𑌯॑ 𑌨𑌿॒𑌵𑍇𑌶॑𑌨𑌮𑍍 । 𑌅॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯𑌃॑ 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍​𑌮𑍍॑ 𑌶𑌿॒𑌵𑍋 𑌭॑𑌵 ॥ 𑌨𑌮॑𑌸𑍍𑌤𑍇॒ 𑌹𑌰॑𑌸𑍇 𑌶𑍋॒𑌚𑌿𑌷𑍇॒ 𑌨𑌮॑𑌸𑍍𑌤𑍇 𑌅𑌸𑍍𑌤𑍍𑌵॒𑌰𑍍𑌚𑌿𑌷𑍇᳚ । 𑌅॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯𑌃॑ 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍​𑌮𑍍॑ 𑌶𑌿॒𑌵𑍋 𑌭॑𑌵 ॥ 𑌨𑍃॒𑌷𑌦𑍇॒ 𑌵- [𑌨𑍃॒𑌷𑌦𑍇॒ 𑌵𑌟𑍍, 𑌅॒𑌫𑍍𑌸𑍁॒𑌷𑌦𑍇॒ 𑌵-𑌡𑍍𑌵॑𑌨॒𑌸𑌦𑍇॒] 3

-𑌡॑𑌫𑍍𑌸𑍁॒𑌷𑌦𑍇॒ 𑌵-𑌡𑍍𑌵॑𑌨॒𑌸𑌦𑍇॒ 𑌵-𑌡𑍍𑌬॑𑌰𑍍​𑌹𑌿॒𑌷𑌦𑍇॒ 𑌵𑌟𑍍-𑌥𑍍𑌸𑍁॑𑌵॒𑌰𑍍𑌵𑌿𑌦𑍇॒ 𑌵𑌟𑍍 ॥ 𑌯𑍇 𑌦𑍇॒𑌵𑌾 𑌦𑍇॒𑌵𑌾𑌨𑌾𑌂᳚-𑌯𑌁॒𑌜𑍍𑌞𑌿𑌯𑌾॑ 𑌯॒𑌜𑍍𑌞𑌿𑌯𑌾॑𑌨𑌾𑌗𑍍​𑌮𑍍 𑌸𑌂​𑌵𑌁-𑌥𑍍𑌸॒𑌰𑍀𑌣॒𑌮𑍁𑌪॑ 𑌭𑌾॒𑌗𑌮𑌾𑌸॑𑌤𑍇 । 𑌅॒𑌹𑍁॒𑌤𑌾𑌦𑍋॑ 𑌹॒𑌵𑌿𑌷𑍋॑ 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍-𑌥𑍍𑌸𑍍𑌵॒𑌯-𑌞𑍍𑌜𑍁॑𑌹𑍁𑌦𑍍𑌧𑍍𑌵॒-𑌮𑍍𑌮𑌧𑍁॑𑌨𑍋 𑌘𑍃॒𑌤𑌸𑍍𑌯॑ ॥ 𑌯𑍇 𑌦𑍇॒𑌵𑌾 𑌦𑍇॒𑌵𑍇𑌷𑍍𑌵𑌧𑌿॑ 𑌦𑍇𑌵॒𑌤𑍍𑌵𑌮𑌾𑌯॒𑌨𑍍॒ 𑌯𑍇 𑌬𑍍𑌰𑌹𑍍𑌮॑𑌣𑌃 𑌪𑍁𑌰 𑌏॒𑌤𑌾𑌰𑍋॑ 𑌅॒𑌸𑍍𑌯 । 𑌯𑍇𑌭𑍍𑌯𑍋॒ 𑌨𑌰𑍍𑌤𑍇 𑌪𑌵॑𑌤𑍇॒ 𑌧𑌾𑌮॒ 𑌕𑌿-𑌞𑍍𑌚॒𑌨 𑌨 𑌤𑍇 𑌦𑌿॒𑌵𑍋 𑌨 𑌪𑍃॑𑌥𑌿॒𑌵𑍍𑌯𑌾 𑌅𑌧𑌿॒ 𑌸𑍍𑌨𑍁𑌷𑍁॑ ॥ 𑌪𑍍𑌰𑌾॒𑌣॒𑌦𑌾 [𑌪𑍍𑌰𑌾॒𑌣॒𑌦𑌾𑌃, 𑌅॒𑌪𑌾॒𑌨॒𑌦𑌾 𑌵𑍍𑌯𑌾॑𑌨॒𑌦𑌾-] 4

𑌅॑𑌪𑌾𑌨॒𑌦𑌾 𑌵𑍍𑌯𑌾॑𑌨॒𑌦𑌾-𑌶𑍍𑌚॑𑌕𑍍𑌷𑍁॒𑌰𑍍𑌦𑌾 𑌵॑𑌰𑍍𑌚𑍋॒𑌦𑌾 𑌵॑𑌰𑌿𑌵𑍋॒𑌦𑌾𑌃 । 𑌅॒𑌨𑍍𑌯-𑌨𑍍𑌤𑍇॑ 𑌅॒𑌸𑍍𑌮-𑌤𑍍𑌤॑𑌪𑌨𑍍𑌤𑍁 𑌹𑍇॒𑌤𑌯𑌃॑ 𑌪𑌾𑌵॒𑌕𑍋 𑌅॒𑌸𑍍𑌮𑌭𑍍𑌯𑌗𑍍​𑌮𑍍॑ 𑌶𑌿॒𑌵𑍋 𑌭॑𑌵 ॥ 𑌅॒𑌗𑍍𑌨𑌿𑌸𑍍𑌤𑌿॒𑌗𑍍𑌮𑍇𑌨॑ 𑌶𑍋॒𑌚𑌿𑌷𑌾॒ 𑌯𑌗𑍍​𑌮𑍍𑌸॒𑌦𑍍𑌵𑌿𑌶𑍍𑌵॒-𑌨𑍍𑌨𑍍𑌯॑𑌤𑍍𑌰𑌿𑌣᳚𑌮𑍍 । 𑌅॒𑌗𑍍𑌨𑌿𑌰𑍍𑌨𑍋॑ 𑌵𑌗𑍍​𑌮𑍍𑌸𑌤𑍇 𑌰॒𑌯𑌿𑌮𑍍 ॥ 𑌸𑍈𑌨𑌾-𑌽𑌨𑍀॑𑌕𑍇𑌨 𑌸𑍁𑌵𑌿॒𑌦𑌤𑍍𑌰𑍋॑ 𑌅॒𑌸𑍍𑌮𑍇 𑌯𑌷𑍍𑌟𑌾॑ 𑌦𑍇॒𑌵𑌾𑌗𑍍​𑌮𑍍 𑌆𑌯॑𑌜𑌿𑌷𑍍𑌠-𑌸𑍍𑌸𑍍𑌵॒𑌸𑍍𑌤𑌿 । 𑌅𑌦॑𑌬𑍍𑌧𑍋 𑌗𑍋॒𑌪𑌾 𑌉॒𑌤 𑌨𑌃॑ 𑌪𑌰॒𑌸𑍍𑌪𑌾 𑌅𑌗𑍍𑌨𑍇᳚ 𑌦𑍍𑌯𑍁॒𑌮𑌦𑍁॒𑌤 𑌰𑍇॒𑌵-𑌦𑍍𑌦𑌿॑𑌦𑍀𑌹𑌿 ॥ 5 ॥
(𑌉𑌪॑-𑌦𑍇॒𑌵𑌾𑌨𑍍-𑌵𑌟𑍍-𑌪𑍍𑌰𑌾॑𑌣॒𑌦𑌾-𑌶𑍍𑌚𑌤𑍁॑𑌶𑍍𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 1)

𑌯 𑌇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿॒ 𑌜𑍁𑌹𑍍𑌵॒𑌦𑍃𑌷𑌿॒𑌰𑍍॒𑌹𑍋𑌤𑌾॑ 𑌨𑌿𑌷॒𑌸𑌾𑌦𑌾॑ 𑌪𑌿॒𑌤𑌾 𑌨𑌃॑ । 𑌸 𑌆॒𑌶𑌿𑌷𑌾॒ 𑌦𑍍𑌰𑌵𑌿॑𑌣𑌮𑌿॒𑌚𑍍𑌛𑌮𑌾॑𑌨𑌃 𑌪𑌰𑌮॒𑌚𑍍𑌛𑌦𑍋॒ 𑌵𑌰॒ 𑌆 𑌵𑌿॑𑌵𑍇𑌶 ॥ 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌮𑌨॑𑌸𑌾॒ 𑌯𑌦𑍍𑌵𑌿𑌹𑌾॑𑌯𑌾 𑌧𑌾॒𑌤𑌾 𑌵𑌿॑𑌧𑌾॒𑌤𑌾 𑌪॑𑌰॒𑌮𑍋𑌤 𑌸॒𑌨𑍍𑌦𑍃𑌕𑍍 । 𑌤𑍇𑌷𑌾॑𑌮𑌿॒𑌷𑍍𑌟𑌾𑌨𑌿॒ 𑌸𑌮𑌿॒𑌷𑌾 𑌮॑𑌦𑌨𑍍𑌤𑌿॒ 𑌯𑌤𑍍𑌰॑ 𑌸𑌪𑍍𑌤॒𑌰𑍍॒𑌷𑍀-𑌨𑍍𑌪॒𑌰 𑌏𑌕॑𑌮𑌾॒𑌹𑍁𑌃 ॥ 𑌯𑍋 𑌨𑌃॑ 𑌪𑌿॒𑌤𑌾 𑌜॑𑌨𑌿॒𑌤𑌾 𑌯𑍋 𑌵𑌿॑𑌧𑌾॒𑌤𑌾 𑌯𑍋 𑌨॑-𑌸𑍍𑌸॒𑌤𑍋 𑌅॒𑌭𑍍𑌯𑌾 𑌸𑌜𑍍𑌜॒𑌜𑌾𑌨॑ । 6

𑌯𑍋 𑌦𑍇॒𑌵𑌾𑌨𑌾᳚-𑌨𑍍𑌨𑌾𑌮॒𑌧𑌾 𑌏𑌕॑ 𑌏॒𑌵 𑌤𑌗𑍍​𑌮𑍍 𑌸॑𑌮𑍍𑌪𑍍𑌰॒𑌶𑍍𑌞-𑌮𑍍𑌭𑍁𑌵॑𑌨𑌾 𑌯𑌨𑍍𑌤𑍍𑌯॒𑌨𑍍𑌯𑌾 ॥ 𑌤 𑌆-𑌽𑌯॑𑌜𑌨𑍍𑌤॒ 𑌦𑍍𑌰𑌵𑌿॑𑌣॒𑌗𑍍​𑌮𑍍॒ 𑌸𑌮॑𑌸𑍍𑌮𑌾॒ 𑌋𑌷॑𑌯𑌃॒ 𑌪𑍂𑌰𑍍𑌵𑍇॑ 𑌜𑌰𑌿॒𑌤𑌾𑌰𑍋॒ 𑌨 𑌭𑍂॒𑌨𑌾 । 𑌅॒𑌸𑍂𑌰𑍍𑌤𑌾॒ 𑌸𑍂𑌰𑍍𑌤𑌾॒ 𑌰𑌜॑𑌸𑍋 𑌵𑌿॒𑌮𑌾𑌨𑍇॒ 𑌯𑍇 𑌭𑍂॒𑌤𑌾𑌨𑌿॑ 𑌸॒𑌮𑌕𑍃॑𑌣𑍍𑌵𑌨𑍍𑌨𑌿॒𑌮𑌾𑌨𑌿॑ ॥ 𑌨 𑌤𑌂-𑌵𑌿𑌁॑𑌦𑌾𑌥॒ 𑌯 𑌇॒𑌦-𑌞𑍍𑌜॒𑌜𑌾𑌨𑌾॒𑌨𑍍𑌯-𑌦𑍍𑌯𑍁॒𑌷𑍍𑌮𑌾𑌕॒𑌮𑌨𑍍𑌤॑𑌰-𑌮𑍍𑌭𑌵𑌾𑌤𑌿 । 𑌨𑍀॒𑌹𑌾॒𑌰𑍇𑌣॒ 𑌪𑍍𑌰𑌾𑌵𑍃॑𑌤𑌾॒ 𑌜𑌲𑍍𑌪𑍍𑌯𑌾॑ 𑌚𑌾𑌸𑍁॒𑌤𑍃𑌪॑ 𑌉𑌕𑍍𑌥॒ 𑌶𑌾𑌸॑𑌶𑍍𑌚𑌰𑌨𑍍𑌤𑌿 ॥ 𑌪॒𑌰𑍋 𑌦𑌿॒𑌵𑌾 𑌪॒𑌰 𑌏॒𑌨𑌾 [𑌪॒𑌰 𑌏॒𑌨𑌾, 𑌪𑍃॒𑌥𑌿॒𑌵𑍍𑌯𑌾 𑌪॒𑌰𑍋] 𑍭

𑌪𑍃॑𑌥𑌿॒𑌵𑍍𑌯𑌾 𑌪॒𑌰𑍋 𑌦𑍇॒𑌵𑍇𑌭𑌿॒𑌰𑌸𑍁॑𑌰𑍈॒𑌰𑍍𑌗𑍁𑌹𑌾॒ 𑌯𑌤𑍍 । 𑌕𑌗𑍍𑌗𑍍​ 𑌸𑍍𑌵𑌿॒𑌦𑍍𑌗𑌰𑍍𑌭॑-𑌮𑍍𑌪𑍍𑌰𑌥॒𑌮-𑌨𑍍𑌦॑𑌦𑍍𑌧𑍍𑌰॒ 𑌆𑌪𑍋॒ 𑌯𑌤𑍍𑌰॑ 𑌦𑍇॒𑌵𑌾-𑌸𑍍𑌸॒𑌮𑌗॑𑌚𑍍𑌛𑌨𑍍𑌤॒ 𑌵𑌿𑌶𑍍𑌵𑍇᳚ ॥ 𑌤𑌮𑌿𑌦𑍍𑌗𑌰𑍍𑌭॑-𑌮𑍍𑌪𑍍𑌰𑌥॒𑌮-𑌨𑍍𑌦॑𑌦𑍍𑌧𑍍𑌰॒ 𑌆𑌪𑍋॒ 𑌯𑌤𑍍𑌰॑ 𑌦𑍇॒𑌵𑌾-𑌸𑍍𑌸॒𑌮𑌗॑𑌚𑍍𑌛𑌨𑍍𑌤॒ 𑌵𑌿𑌶𑍍𑌵𑍇᳚ । 𑌅॒𑌜𑌸𑍍𑌯॒ 𑌨𑌾𑌭𑌾॒𑌵𑌦𑍍𑌧𑍍𑌯𑍇𑌕॒-𑌮𑌰𑍍𑌪𑌿॑𑌤𑌂॒-𑌯𑌁𑌸𑍍𑌮𑌿॑𑌨𑍍𑌨𑌿॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨॒𑌮𑌧𑌿॑ 𑌶𑍍𑌰𑌿॒𑌤𑌮𑍍 ॥ 𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌹𑍍𑌯𑌜॑𑌨𑌿𑌷𑍍𑌟 𑌦𑍇॒𑌵 𑌆𑌦𑌿-𑌦𑍍𑌗॑𑌨𑍍𑌧॒𑌰𑍍𑌵𑍋 𑌅॑𑌭𑌵-𑌦𑍍𑌦𑍍𑌵𑌿॒𑌤𑍀𑌯𑌃॑ । 𑌤𑍃॒𑌤𑍀𑌯𑌃॑ 𑌪𑌿॒𑌤𑌾 𑌜॑𑌨𑌿॒𑌤𑍌𑌷॑𑌧𑍀𑌨𑌾- [𑌪𑌿॒𑌤𑌾 𑌜॑𑌨𑌿॒𑌤𑍌𑌷॑𑌧𑍀𑌨𑌾𑌮𑍍, 𑌅॒𑌪𑌾-𑌙𑍍𑌗𑌰𑍍𑌭𑌂॒-𑌵𑍍𑌯𑌁॑𑌦𑌧𑌾-𑌤𑍍𑌪𑍁𑌰𑍁॒𑌤𑍍𑌰𑌾 ।] 𑍮

-𑌮॒𑌪𑌾-𑌙𑍍𑌗𑌰𑍍𑌭𑌂॒-𑌵𑍍𑌯𑌁॑𑌦𑌧𑌾-𑌤𑍍𑌪𑍁𑌰𑍁॒𑌤𑍍𑌰𑌾 ॥ 𑌚𑌕𑍍𑌷𑍁॑𑌷𑌃 𑌪𑌿॒𑌤𑌾 𑌮𑌨॑𑌸𑌾॒ 𑌹𑌿 𑌧𑍀𑌰𑍋॑ 𑌘𑍃॒𑌤𑌮𑍇॑𑌨𑍇 𑌅𑌜𑌨॒𑌨𑍍𑌨॑𑌮𑌾𑌨𑍇 । 𑌯॒𑌦𑍇𑌦𑌨𑍍𑌤𑌾॒ 𑌅𑌦॑𑌦𑍃𑌗𑍍​𑌮𑍍𑌹𑌨𑍍𑌤॒ 𑌪𑍂𑌰𑍍𑌵॒ 𑌆𑌦𑌿-𑌦𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॑𑌪𑍍𑌰𑌥𑍇𑌤𑌾𑌮𑍍 ॥ 𑌵𑌿॒𑌶𑍍𑌵𑌤॑-𑌶𑍍𑌚𑌕𑍍𑌷𑍁𑌰𑍁॒𑌤 𑌵𑌿॒𑌶𑍍𑌵𑌤𑍋॑𑌮𑍁𑌖𑍋 𑌵𑌿॒𑌶𑍍𑌵𑌤𑍋॑𑌹𑌸𑍍𑌤 𑌉॒𑌤 𑌵𑌿॒𑌶𑍍𑌵𑌤॑𑌸𑍍𑌪𑌾𑌤𑍍 । 𑌸-𑌮𑍍𑌬𑌾॒𑌹𑍁𑌭𑍍𑌯𑌾॒-𑌨𑍍𑌨𑌮॑𑌤𑌿॒ 𑌸-𑌮𑍍𑌪𑌤॑𑌤𑍍𑌰𑍈॒ 𑌰𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌜॒𑌨𑌯॑-𑌨𑍍𑌦𑍇॒𑌵 𑌏𑌕𑌃॑ ॥ 𑌕𑌿𑌗𑍍𑌗𑍍​ 𑌸𑍍𑌵𑌿॑𑌦𑌾𑌸𑍀-𑌦𑌧𑌿॒𑌷𑍍𑌠𑌾𑌨॑-𑌮𑌾॒𑌰𑌮𑍍𑌭॑𑌣-𑌙𑍍𑌕𑌤॒𑌮-𑌥𑍍𑌸𑍍𑌵𑌿॒-𑌤𑍍𑌕𑌿𑌮𑌾॑𑌸𑍀𑌤𑍍 । 𑌯𑌦𑍀॒ 𑌭𑍂𑌮𑌿॑-𑌞𑍍𑌜॒𑌨𑌯॑- [𑌯𑌦𑍀॒ 𑌭𑍂𑌮𑌿॑-𑌞𑍍𑌜॒𑌨𑌯𑌨𑍍𑌨𑍍॑, 𑌵𑌿॒𑌶𑍍𑌵𑌕॑𑌰𑍍𑌮𑌾॒] 𑍯

-𑌨𑍍𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌵𑌿 𑌦𑍍𑌯𑌾𑌮𑍌𑌰𑍍𑌣𑍋᳚-𑌨𑍍𑌮𑌹𑌿॒𑌨𑌾 𑌵𑌿॒𑌶𑍍𑌵𑌚॑𑌕𑍍𑌷𑌾𑌃 ॥ 𑌕𑌿𑌗𑍍𑌗𑍍​ 𑌸𑍍𑌵𑌿॒𑌦𑍍𑌵𑌨॒-𑌙𑍍𑌕 𑌉॒ 𑌸 𑌵𑍃॒𑌕𑍍𑌷 𑌆॑𑌸𑍀॒𑌦𑍍𑌯𑌤𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌨𑌿॑𑌷𑍍𑌟𑌤॒𑌕𑍍𑌷𑍁𑌃 । 𑌮𑌨𑍀॑𑌷𑌿𑌣𑍋॒ 𑌮𑌨॑𑌸𑌾 𑌪𑍃॒𑌚𑍍𑌛𑌤𑍇𑌦𑍁॒ 𑌤𑌦𑍍𑌯𑌦॒𑌦𑍍𑌧𑍍𑌯𑌤𑌿॑𑌷𑍍𑌠॒-𑌦𑍍𑌭𑍁𑌵॑𑌨𑌾𑌨𑌿 𑌧𑌾॒𑌰𑌯𑌨𑍍𑌨𑍍॑ ॥ 𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌪𑌰॒𑌮𑌾𑌣𑌿॒ 𑌯𑌾-𑌽𑌵॒𑌮𑌾 𑌯𑌾 𑌮॑𑌦𑍍𑌧𑍍𑌯॒𑌮𑌾 𑌵𑌿॑𑌶𑍍𑌵𑌕𑌰𑍍𑌮𑌨𑍍𑌨𑍁॒𑌤𑍇𑌮𑌾 । 𑌶𑌿𑌕𑍍𑌷𑌾॒ 𑌸𑌖𑌿॑𑌭𑍍𑌯𑍋 𑌹॒𑌵𑌿𑌷𑌿॑ 𑌸𑍍𑌵𑌧𑌾𑌵-𑌸𑍍𑌸𑍍𑌵॒𑌯𑌂-𑌯𑌁॑𑌜𑌸𑍍𑌵 𑌤॒𑌨𑍁𑌵॑-𑌞𑍍𑌜𑍁𑌷𑌾॒𑌣𑌃 ॥ 𑌵𑌾॒𑌚𑌸𑍍𑌪𑌤𑌿𑌂॑-𑌵𑌿𑌁॒𑌶𑍍𑌵𑌕॑𑌰𑍍𑌮𑌾𑌣-𑌮𑍂॒𑌤𑌯𑍇॑ [-𑌮𑍂॒𑌤𑌯𑍇᳚, 𑌮॒𑌨𑍋॒𑌯𑍁𑌜𑌂॒-𑌵𑌾𑌁𑌜𑍇॑] 10

𑌮𑌨𑍋॒𑌯𑍁𑌜𑌂॒-𑌵𑌾𑌁𑌜𑍇॑ 𑌅॒𑌦𑍍𑌯𑌾 𑌹𑍁॑𑌵𑍇𑌮 । 𑌸 𑌨𑍋॒ 𑌨𑍇𑌦𑌿॑𑌷𑍍𑌠𑌾॒ 𑌹𑌵॑𑌨𑌾𑌨𑌿 𑌜𑍋𑌷𑌤𑍇 𑌵𑌿॒𑌶𑍍𑌵𑌶॑𑌭𑍂𑌂॒𑌰𑌵॑𑌸𑍇 𑌸𑌾॒𑌧𑍁𑌕॑𑌰𑍍𑌮𑌾 ॥ 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॑ 𑌵𑌾𑌵𑍃𑌧𑌾॒𑌨-𑌸𑍍𑌸𑍍𑌵॒𑌯𑌂-𑌯𑌁॑𑌜𑌸𑍍𑌵 𑌤॒𑌨𑍁𑌵॑-𑌞𑍍𑌜𑍁𑌷𑌾॒𑌣𑌃 । 𑌮𑍁𑌹𑍍𑌯॑𑌨𑍍𑌤𑍍𑌵॒𑌨𑍍𑌯𑍇 𑌅॒𑌭𑌿𑌤॑-𑌸𑍍𑌸॒𑌪𑌤𑍍𑌨𑌾॑ 𑌇॒𑌹𑌾𑌸𑍍𑌮𑌾𑌕॑-𑌮𑍍𑌮॒𑌘𑌵𑌾॑ 𑌸𑍂॒𑌰𑌿𑌰॑𑌸𑍍𑌤𑍁 ॥ 𑌵𑌿𑌶𑍍𑌵॑𑌕𑌰𑍍𑌮𑌨𑍍. 𑌹॒𑌵𑌿𑌷𑌾॒ 𑌵𑌰𑍍𑌧॑𑌨𑍇𑌨 𑌤𑍍𑌰𑌾॒𑌤𑌾𑌰॒𑌮𑌿𑌨𑍍𑌦𑍍𑌰॑-𑌮𑌕𑍃𑌣𑍋𑌰𑌵॒𑌦𑍍𑌧𑍍𑌯𑌮𑍍 । 𑌤𑌸𑍍𑌮𑍈॒ 𑌵𑌿𑌶॒-𑌸𑍍𑌸𑌮॑𑌨𑌮𑌨𑍍𑌤 𑌪𑍂॒𑌰𑍍𑌵𑍀𑌰॒𑌯𑌮𑍁॒𑌗𑍍𑌰𑍋 𑌵𑌿॑𑌹॒𑌵𑍍𑌯𑍋॑ 𑌯𑌥𑌾-𑌽𑌸॑𑌤𑍍 ॥ 𑌸॒𑌮𑍁॒𑌦𑍍𑌰𑌾𑌯॑ 𑌵॒𑌯𑍁𑌨𑌾॑𑌯॒ 𑌸𑌿𑌨𑍍𑌧𑍂॑𑌨𑌾॒-𑌮𑍍𑌪𑌤॑𑌯𑍇॒ 𑌨𑌮𑌃॑ । 𑌨॒𑌦𑍀𑌨𑌾॒𑌗𑍍​𑌮𑍍॒ 𑌸𑌰𑍍𑌵𑌾॑𑌸𑌾-𑌮𑍍𑌪𑌿॒𑌤𑍍𑌰𑍇 𑌜𑍁॑𑌹𑍁॒𑌤𑌾 𑌵𑌿॒𑌶𑍍𑌵𑌕॑𑌰𑍍𑌮𑌣𑍇॒ 𑌵𑌿𑌶𑍍𑌵𑌾-𑌽𑌹𑌾𑌮॑𑌰𑍍𑌤𑍍𑌯𑌗𑍍​𑌮𑍍 𑌹॒𑌵𑌿𑌃 ॥ 11 ॥
(𑌜॒𑌜𑌾𑌨𑍈॒ – 𑌨𑍌 – 𑌷॑𑌧𑍀𑌨𑌾𑌂॒ – 𑌭𑍂𑌮𑌿॑-𑌞𑍍𑌜॒𑌨𑌯॑ – 𑌨𑍍𑌨𑍂॒𑌤𑌯𑍇॒ – 𑌨𑌮𑍋॒ – 𑌨𑌵॑ 𑌚) (𑌅. 2)

𑌉𑌦𑍇॑𑌨𑌮𑍁𑌤𑍍𑌤॒𑌰𑌾-𑌨𑍍𑌨॒𑌯𑌾𑌗𑍍𑌨𑍇॑ 𑌘𑍃𑌤𑍇𑌨𑌾-𑌽𑌽𑌹𑍁𑌤 । 𑌰𑌾॒𑌯𑌸𑍍𑌪𑍋𑌷𑍇॑𑌣॒ 𑌸𑌗𑍍​𑌮𑍍 𑌸𑍃॑𑌜 𑌪𑍍𑌰॒𑌜𑌯𑌾॑ 𑌚॒ 𑌧𑌨𑍇॑𑌨 𑌚 ॥ 𑌇𑌨𑍍𑌦𑍍𑌰𑍇॒𑌮-𑌮𑍍𑌪𑍍𑌰॑𑌤॒𑌰𑌾-𑌙𑍍𑌕𑍃॑𑌧𑌿 𑌸𑌜𑌾॒𑌤𑌾𑌨𑌾॑-𑌮𑌸𑌦𑍍𑌵॒𑌶𑍀 । 𑌸𑌮𑍇॑𑌨𑌂॒-𑌵𑌁𑌰𑍍𑌚॑𑌸𑌾 𑌸𑍃𑌜 𑌦𑍇॒𑌵𑍇𑌭𑍍𑌯𑍋॑ 𑌭𑌾𑌗॒𑌧𑌾 𑌅॑𑌸𑌤𑍍 ॥ 𑌯𑌸𑍍𑌯॑ 𑌕𑍁॒𑌰𑍍𑌮𑍋 𑌹॒𑌵𑌿𑌰𑍍𑌗𑍃॒𑌹𑍇 𑌤𑌮॑𑌗𑍍𑌨𑍇 𑌵𑌰𑍍𑌧𑌯𑌾॒ 𑌤𑍍𑌵𑌮𑍍 । 𑌤𑌸𑍍𑌮॑ 𑌦𑍇॒𑌵𑌾 𑌅𑌧𑌿॑ 𑌬𑍍𑌰𑌵𑌨𑍍𑌨॒𑌯-𑌞𑍍𑌚॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿𑌃॑ ॥ 𑌉𑌦𑍁॑ 𑌤𑍍𑌵𑌾॒ 𑌵𑌿𑌶𑍍𑌵𑍇॑ 𑌦𑍇॒𑌵𑌾 [𑌵𑌿𑌶𑍍𑌵𑍇॑ 𑌦𑍇॒𑌵𑌾𑌃, 𑌅𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿𑌃 ।] 12

𑌅𑌗𑍍𑌨𑍇॒ 𑌭𑌰॑𑌨𑍍𑌤𑍁॒ 𑌚𑌿𑌤𑍍𑌤𑌿॑𑌭𑌿𑌃 । 𑌸 𑌨𑍋॑ 𑌭𑌵 𑌶𑌿॒𑌵𑌤॑𑌮-𑌸𑍍𑌸𑍁॒𑌪𑍍𑌰𑌤𑍀॑𑌕𑍋 𑌵𑌿॒𑌭𑌾𑌵॑𑌸𑍁𑌃 ॥ 𑌪𑌞𑍍𑌚॒ 𑌦𑌿𑌶𑍋॒ 𑌦𑍈𑌵𑍀᳚𑌰𑍍𑌯॒𑌜𑍍𑌞𑌮॑𑌵𑌨𑍍𑌤𑍁 𑌦𑍇॒𑌵𑍀𑌰𑌪𑌾𑌮॑𑌤𑌿-𑌨𑍍𑌦𑍁𑌰𑍍𑌮॒𑌤𑌿-𑌮𑍍𑌬𑌾𑌧॑𑌮𑌾𑌨𑌾𑌃 । 𑌰𑌾॒𑌯𑌸𑍍𑌪𑍋𑌷𑍇॑ 𑌯॒𑌜𑍍𑌞𑌪॑𑌤𑌿-𑌮𑌾॒𑌭𑌜॑𑌨𑍍𑌤𑍀𑌃 ॥ 𑌰𑌾॒𑌯𑌸𑍍𑌪𑍋𑌷𑍇॒ 𑌅𑌧𑌿॑ 𑌯॒𑌜𑍍𑌞𑍋 𑌅॑𑌸𑍍𑌥𑌾॒-𑌥𑍍𑌸𑌮𑌿॑𑌦𑍍𑌧𑍇 𑌅॒𑌗𑍍𑌨𑌾𑌵𑌧𑌿॑ 𑌮𑌾𑌮𑌹𑌾॒𑌨𑌃 । 𑌉॒𑌕𑍍𑌥𑌪॑𑌤𑍍𑌰॒ 𑌈𑌡𑍍𑌯𑍋॑ 𑌗𑍃𑌭𑍀॒𑌤𑌸𑍍𑌤॒𑌪𑍍𑌤-𑌙𑍍𑌘॒𑌰𑍍𑌮-𑌮𑍍𑌪॑𑌰𑌿॒𑌗𑍃𑌹𑍍𑌯𑌾॑𑌯𑌜𑌨𑍍𑌤 ॥ 𑌊॒𑌰𑍍𑌜𑌾 𑌯-𑌦𑍍𑌯॒𑌜𑍍𑌞𑌮𑌶॑𑌮𑌨𑍍𑌤 𑌦𑍇॒𑌵𑌾 𑌦𑍈𑌵𑍍𑌯𑌾॑𑌯 𑌧॒𑌰𑍍𑌤𑍍𑌰𑍇 𑌜𑍋𑌷𑍍𑌟𑍍𑌰𑍇᳚ । 𑌦𑍇॒𑌵॒𑌶𑍍𑌰𑍀-𑌶𑍍𑌶𑍍𑌰𑍀𑌮॑𑌣𑌾-𑌶𑍍𑌶॒𑌤𑌪॑𑌯𑌾𑌃 [𑌦𑍇॒𑌵॒𑌶𑍍𑌰𑍀-𑌶𑍍𑌶𑍍𑌰𑍀𑌮॑𑌣𑌾-𑌶𑍍𑌶॒𑌤𑌪॑𑌯𑌾𑌃, 𑌪॒𑌰𑌿॒𑌗𑍃𑌹𑍍𑌯॑] 13

𑌪𑌰𑌿॒𑌗𑍃𑌹𑍍𑌯॑ 𑌦𑍇॒𑌵𑌾 𑌯॒𑌜𑍍𑌞𑌮𑌾॑𑌯𑌨𑍍𑌨𑍍 ॥ 𑌸𑍂𑌰𑍍𑌯॑𑌰𑌶𑍍𑌮𑌿॒𑌰𑍍॒𑌹𑌰𑌿॑𑌕𑍇𑌶𑌃 𑌪𑍁॒𑌰𑌸𑍍𑌤𑌾᳚-𑌥𑍍𑌸𑌵𑌿॒𑌤𑌾 𑌜𑍍𑌯𑍋𑌤𑌿॒𑌰𑍁𑌦॑𑌯𑌾॒𑌗𑍍​𑌮𑍍॒ 𑌅𑌜॑𑌸𑍍𑌰𑌮𑍍 । 𑌤𑌸𑍍𑌯॑ 𑌪𑍂॒𑌷𑌾 𑌪𑍍𑌰॑𑌸॒𑌵𑌂-𑌯𑌾𑌁॑𑌤𑌿 𑌦𑍇॒𑌵-𑌸𑍍𑌸॒𑌪𑌂𑌶𑍍𑌯॒𑌨𑍍 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌗𑍋॒𑌪𑌾𑌃 ॥ 𑌦𑍇॒𑌵𑌾 𑌦𑍇॒𑌵𑍇𑌭𑍍𑌯𑍋॑ 𑌅𑌦𑍍𑌧𑍍𑌵॒𑌰𑍍𑌯𑌨𑍍𑌤𑍋॑ 𑌅𑌸𑍍𑌥𑍁𑌰𑍍𑌵𑍀॒𑌤𑌗𑍍​𑌮𑍍 𑌶॑𑌮𑌿॒𑌤𑍍𑌰𑍇 𑌶॑𑌮𑌿॒𑌤𑌾 𑌯॒𑌜𑌦𑍍𑌧𑍍𑌯𑍈᳚ । 𑌤𑍁॒𑌰𑍀𑌯𑍋॑ 𑌯॒𑌜𑍍𑌞𑍋 𑌯𑌤𑍍𑌰॑ 𑌹॒𑌵𑍍𑌯𑌮𑍇𑌤𑌿॒ 𑌤𑌤𑌃॑ 𑌪𑌾𑌵॒𑌕𑌾 𑌆॒𑌶𑌿𑌷𑍋॑ 𑌨𑍋 𑌜𑍁𑌷𑌨𑍍𑌤𑌾𑌮𑍍 ॥ 𑌵𑌿॒𑌮𑌾𑌨॑ 𑌏॒𑌷 𑌦𑌿॒𑌵𑍋 𑌮𑌦𑍍𑌧𑍍𑌯॑ 𑌆𑌸𑍍𑌤 𑌆𑌪𑌪𑍍𑌰𑌿॒𑌵𑌾-𑌨𑍍𑌰𑍋𑌦॑𑌸𑍀 𑌅॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌸 𑌵𑌿॒𑌶𑍍𑌵𑌾𑌚𑍀॑𑌰॒𑌭𑌿- [𑌸 𑌵𑌿॒𑌶𑍍𑌵𑌾𑌚𑍀॑𑌰॒𑌭𑌿, 𑌚॒𑌷𑍍𑌟𑍇॒ 𑌘𑍃॒𑌤𑌾𑌚𑍀॑𑌰𑌨𑍍𑌤॒𑌰𑌾] 14

-𑌚॑𑌷𑍍𑌟𑍇 𑌘𑍃॒𑌤𑌾𑌚𑍀॑𑌰𑌨𑍍𑌤॒𑌰𑌾 𑌪𑍂𑌰𑍍𑌵॒𑌮𑌪॑𑌰-𑌞𑍍𑌚 𑌕𑍇॒𑌤𑍁𑌮𑍍 ॥ 𑌉॒𑌕𑍍𑌷𑌾 𑌸॑𑌮𑍁॒𑌦𑍍𑌰𑍋 𑌅॑𑌰𑍁॒𑌣-𑌸𑍍𑌸𑍁॑𑌪॒𑌰𑍍𑌣𑌃 𑌪𑍂𑌰𑍍𑌵॑𑌸𑍍𑌯॒ 𑌯𑍋𑌨𑌿॑-𑌮𑍍𑌪𑌿॒𑌤𑍁𑌰𑌾 𑌵𑌿॑𑌵𑍇𑌶 । 𑌮𑌦𑍍𑌧𑍍𑌯𑍇॑ 𑌦𑌿॒𑌵𑍋 𑌨𑌿𑌹𑌿॑𑌤𑌃॒ 𑌪𑍃𑌶𑍍𑌞𑌿॒𑌰𑌶𑍍𑌮𑌾॒ 𑌵𑌿 𑌚॑𑌕𑍍𑌰𑌮𑍇॒ 𑌰𑌜॑𑌸𑌃 𑌪𑌾॒𑌤𑍍𑌯𑌨𑍍𑌤𑍌᳚ ॥ 𑌇𑌨𑍍𑌦𑍍𑌰𑌂॒-𑌵𑌿𑌁𑌶𑍍𑌵𑌾॑ 𑌅𑌵𑍀𑌵𑍃𑌧𑌨𑍍-𑌥𑍍𑌸𑌮𑍁॒𑌦𑍍𑌰𑌵𑍍𑌯॑𑌚𑌸॒-𑌙𑍍𑌗𑌿𑌰𑌃॑ । 𑌰॒𑌥𑍀𑌤॑𑌮𑌗𑍍​𑌮𑍍 𑌰𑌥𑍀॒𑌨𑌾𑌂-𑌵𑌾𑌁𑌜𑌾॑𑌨𑌾॒𑌗𑍍​𑌮𑍍॒ 𑌸𑌤𑍍𑌪॑𑌤𑌿॒-𑌮𑍍𑌪𑌤𑌿᳚𑌮𑍍 ॥ 𑌸𑍁॒𑌮𑍍𑌨॒𑌹𑍂𑌰𑍍𑌯॒𑌜𑍍𑌞𑍋 𑌦𑍇॒𑌵𑌾𑌗𑍍​𑌮𑍍 𑌆 𑌚॑ 𑌵𑌕𑍍𑌷॒𑌦𑍍𑌯𑌕𑍍𑌷॑𑌦॒𑌗𑍍𑌨𑌿𑌰𑍍𑌦𑍇॒𑌵𑍋 𑌦𑍇॒𑌵𑌾𑌗𑍍​𑌮𑍍 𑌆 𑌚॑ 𑌵𑌕𑍍𑌷𑌤𑍍 ॥ 𑌵𑌾𑌜॑𑌸𑍍𑌯 𑌮𑌾 𑌪𑍍𑌰𑌸॒𑌵𑍇𑌨𑍋᳚-𑌦𑍍𑌗𑍍𑌰𑌾॒𑌭𑍇𑌣𑍋-𑌦॑𑌗𑍍𑌰𑌭𑍀𑌤𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॒𑌗𑍍​𑌮𑍍॒ 𑌇𑌨𑍍𑌦𑍍𑌰𑍋॑ 𑌮𑍇 𑌨𑌿𑌗𑍍𑌰𑌾॒𑌭𑍇𑌣𑌾𑌧॑𑌰𑌾𑌗𑍍​𑌮𑍍 𑌅𑌕𑌃 ॥ 𑌉॒𑌦𑍍𑌗𑍍𑌰𑌾॒𑌭-𑌞𑍍𑌚॑ 𑌨𑌿𑌗𑍍𑌰𑌾॒𑌭-𑌞𑍍𑌚॒ 𑌬𑍍𑌰𑌹𑍍𑌮॑ 𑌦𑍇॒𑌵𑌾 𑌅॑𑌵𑍀𑌵𑍃𑌧𑌨𑍍𑌨𑍍 । 𑌅𑌥𑌾॑ 𑌸॒𑌪𑌤𑍍𑌨𑌾॑𑌨𑌿𑌨𑍍𑌦𑍍𑌰𑌾॒𑌗𑍍𑌨𑍀 𑌮𑍇॑ 𑌵𑌿𑌷𑍂॒𑌚𑍀𑌨𑌾॒𑌨𑍍 𑌵𑍍𑌯॑𑌸𑍍𑌯𑌤𑌾𑌮𑍍 ॥ 15 ॥
(𑌦𑍇॒𑌵𑌾𑌃 – 𑌶॒𑌤𑌪॑𑌯𑌾 – 𑌅॒𑌭𑌿 – 𑌵𑌾𑌜॑𑌸𑍍𑌯॒ – 𑌷𑌡𑍍𑌵𑌿𑌗𑍍​𑌮𑍍॑𑌶𑌤𑌿𑌶𑍍𑌚 ) (𑌅. 3)

𑌆॒𑌶𑍁-𑌶𑍍𑌶𑌿𑌶𑌾॑𑌨𑍋 𑌵𑍃𑌷॒𑌭𑍋 𑌨 𑌯𑍁॒𑌦𑍍𑌧𑍍𑌮𑍋 𑌘॑𑌨𑌾𑌘॒𑌨𑌃, 𑌕𑍍𑌷𑍋𑌭॑𑌣-𑌶𑍍𑌚𑌰𑍍​𑌷𑌣𑍀॒𑌨𑌾𑌮𑍍 । 𑌸॒𑌙𑍍𑌕𑍍𑌰𑌨𑍍𑌦॑𑌨𑍋-𑌽𑌨𑌿𑌮𑌿॒𑌷 𑌏॑𑌕 𑌵𑍀॒𑌰-𑌶𑍍𑌶॒𑌤𑌗𑍍​𑌮𑍍 𑌸𑍇𑌨𑌾॑ 𑌅𑌜𑌯-𑌥𑍍𑌸𑌾॒𑌕𑌮𑌿𑌨𑍍𑌦𑍍𑌰𑌃॑ ॥ 𑌸॒𑌙𑍍𑌕𑍍𑌰𑌨𑍍𑌦॑𑌨𑍇𑌨𑌾 𑌨𑌿𑌮𑌿॒𑌷𑍇𑌣॑ 𑌜𑌿॒𑌷𑍍𑌣𑍁𑌨𑌾॑ 𑌯𑍁𑌤𑍍𑌕𑌾॒𑌰𑍇𑌣॑ 𑌦𑍁𑌶𑍍𑌚𑍍𑌯𑌵॒𑌨𑍇𑌨॑ 𑌧𑍃॒𑌷𑍍𑌣𑍁𑌨𑌾᳚ । 𑌤𑌦𑌿𑌨𑍍𑌦𑍍𑌰𑍇॑𑌣 𑌜𑌯𑌤॒ 𑌤-𑌥𑍍𑌸॑𑌹𑌦𑍍𑌧𑍍𑌵𑌂॒-𑌯𑍁𑌁𑌧𑍋॑ 𑌨𑌰॒ 𑌇𑌷𑍁॑𑌹𑌸𑍍𑌤𑍇𑌨॒ 𑌵𑍃𑌷𑍍𑌣𑌾᳚ ॥ 𑌸 𑌇𑌷𑍁॑𑌹𑌸𑍍𑌤𑍈॒-𑌸𑍍𑌸 𑌨𑌿॑𑌷॒𑌙𑍍𑌗𑌿𑌭𑌿॑𑌰𑍍𑌵॒𑌶𑍀 𑌸𑌗𑍍𑌗𑍍​𑌸𑍍𑌰॑𑌷𑍍𑌟𑌾॒ 𑌸 𑌯𑍁𑌧॒ 𑌇𑌨𑍍𑌦𑍍𑌰𑍋॑ 𑌗॒𑌣𑍇𑌨॑ । 𑌸॒𑌗𑍍​𑌮𑍍॒𑌸𑍃॒𑌷𑍍𑌟॒𑌜𑌿-𑌥𑍍𑌸𑍋॑𑌮॒𑌪𑌾 𑌬𑌾॑𑌹𑍁𑌶॒𑌰𑍍𑌧𑍍𑌯𑍂᳚𑌰𑍍𑌧𑍍𑌵𑌧॑𑌨𑍍𑌵𑌾॒ 𑌪𑍍𑌰𑌤𑌿॑𑌹𑌿𑌤𑌾𑌭𑌿॒𑌰𑌸𑍍𑌤𑌾᳚ ॥ 𑌬𑍃𑌹॑𑌸𑍍𑌪𑌤𑍇॒ 𑌪𑌰𑌿॑ 𑌦𑍀𑌯𑌾॒ [𑌪𑌰𑌿॑ 𑌦𑍀𑌯, 𑌰𑌥𑍇॑𑌨] 16

𑌰𑌥𑍇॑𑌨 𑌰𑌕𑍍𑌷𑍋॒𑌹𑌾 𑌽𑌮𑌿𑌤𑍍𑌰𑌾𑌗𑍍​𑌮𑍍॑ 𑌅𑌪॒ 𑌬𑌾𑌧॑𑌮𑌾𑌨𑌃 । 𑌪𑍍𑌰॒𑌭॒𑌞𑍍𑌜𑌨𑍍-𑌥𑍍𑌸𑍇𑌨𑌾𑌃᳚ 𑌪𑍍𑌰𑌮𑍃॒𑌣𑍋 𑌯𑍁॒𑌧𑌾 𑌜𑌯॑𑌨𑍍𑌨॒𑌸𑍍𑌮𑌾𑌕॑-𑌮𑍇𑌦𑍍𑌧𑍍𑌯𑌵𑌿॒𑌤𑌾 𑌰𑌥𑌾॑𑌨𑌾𑌮𑍍 ॥ 𑌗𑍋॒𑌤𑍍𑌰॒𑌭𑌿𑌦॑-𑌙𑍍𑌗𑍋॒𑌵𑌿𑌦𑌂॒-𑌵𑌁𑌜𑍍𑌰॑𑌬𑌾𑌹𑍁॒-𑌞𑍍𑌜𑌯॑𑌨𑍍𑌤॒𑌮𑌜𑍍𑌮॑ 𑌪𑍍𑌰𑌮𑍃॒𑌣𑌨𑍍𑌤॒-𑌮𑍋𑌜॑𑌸𑌾 । 𑌇॒𑌮𑌗𑍍​𑌮𑍍 𑌸॑𑌜𑌾𑌤𑌾॒ 𑌅𑌨𑍁॑𑌵𑍀𑌰-𑌯𑌦𑍍𑌧𑍍𑌵॒𑌮𑌿𑌨𑍍𑌦𑍍𑌰𑌗𑍍​𑌮𑍍॑ 𑌸𑌖𑌾॒𑌯𑍋-𑌽𑌨𑍁॒ 𑌸𑌗𑍍​𑌮𑍍 𑌰॑𑌭𑌦𑍍𑌧𑍍𑌵𑌮𑍍 ॥ 𑌬॒𑌲॒𑌵𑌿॒𑌜𑍍𑌞𑌾॒𑌯𑌃-𑌸𑍍𑌥𑌵𑌿॑𑌰𑌃॒ 𑌪𑍍𑌰𑌵𑍀॑𑌰॒-𑌸𑍍𑌸𑌹॑𑌸𑍍𑌵𑌾𑌨𑍍. 𑌵𑌾॒𑌜𑍀 𑌸𑌹॑𑌮𑌾𑌨 𑌉॒𑌗𑍍𑌰𑌃 । 𑌅॒𑌭𑌿𑌵𑍀॑𑌰𑍋 𑌅॒𑌭𑌿𑌸॑𑌤𑍍𑌵𑌾 𑌸𑌹𑍋॒𑌜𑌾 𑌜𑍈𑌤𑍍𑌰॑𑌮𑌿𑌨𑍍𑌦𑍍𑌰॒ 𑌰𑌥॒𑌮𑌾𑌤𑌿॑𑌷𑍍𑌠 𑌗𑍋॒𑌵𑌿𑌤𑍍 ॥ 𑌅॒𑌭𑌿 𑌗𑍋॒𑌤𑍍𑌰𑌾𑌣𑌿॒ 𑌸𑌹॑𑌸𑌾॒ 𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑍋 [𑌗𑌾𑌹॑𑌮𑌾𑌨𑍋-𑌽𑌦𑌾॒𑌯𑌃, 𑌵𑍀॒𑌰-𑌶𑍍𑌶॒𑌤𑌮॑𑌨𑍍𑌯𑍁॒𑌰𑌿𑌨𑍍𑌦𑍍𑌰𑌃॑ ।] 1𑍭

𑌵𑍀॒𑌰-𑌶𑍍𑌶॒𑌤𑌮॑𑌨𑍍𑌯𑍁॒𑌰𑌿𑌨𑍍𑌦𑍍𑌰𑌃॑ । 𑌦𑍁॒𑌶𑍍𑌚𑍍𑌯॒𑌵॒𑌨𑌃 𑌪𑍃॑𑌤𑌨𑌾॒𑌷𑌾𑌡॑ 𑌯𑍁॒𑌦𑍍𑌧𑍍𑌯𑍋᳚-𑌸𑍍𑌮𑌾𑌕॒𑌗𑍍​𑌮𑍍॒ 𑌸𑍇𑌨𑌾॑ 𑌅𑌵𑌤𑍁॒ 𑌪𑍍𑌰 𑌯𑍁॒𑌥𑍍𑌸𑍁 ॥ 𑌇𑌨𑍍𑌦𑍍𑌰॑ 𑌆𑌸𑌾𑌂-𑌨𑍇॒𑌤𑌾 𑌬𑍃𑌹॒𑌸𑍍𑌪𑌤𑌿॒ 𑌰𑍍𑌦𑌕𑍍𑌷𑌿॑𑌣𑌾 𑌯॒𑌜𑍍𑌞𑌃 𑌪𑍁॒𑌰 𑌏॑𑌤𑍁॒ 𑌸𑍋𑌮𑌃॑ । 𑌦𑍇॒𑌵॒𑌸𑍇॒𑌨𑌾𑌨𑌾॑-𑌮𑌭𑌿𑌭𑌞𑍍𑌜𑌤𑍀॒𑌨𑌾-𑌞𑍍𑌜𑌯॑𑌨𑍍𑌤𑍀𑌨𑌾-𑌮𑍍𑌮॒𑌰𑍁𑌤𑍋॑ 𑌯॒𑌨𑍍𑌤𑍍𑌵𑌗𑍍𑌰𑍇᳚ ॥ 𑌇𑌨𑍍𑌦𑍍𑌰॑𑌸𑍍𑌯॒ 𑌵𑍃𑌷𑍍𑌣𑍋॒ 𑌵𑌰𑍁॑𑌣𑌸𑍍𑌯॒ 𑌰𑌾𑌜𑍍𑌞॑ 𑌆𑌦𑌿॒𑌤𑍍𑌯𑌾𑌨𑌾᳚-𑌮𑍍𑌮॒𑌰𑍁𑌤𑌾॒𑌗𑍍​𑌮𑍍॒ 𑌶𑌰𑍍𑌧॑ 𑌉॒𑌗𑍍𑌰𑌮𑍍 । 𑌮॒𑌹𑌾𑌮॑𑌨𑌸𑌾-𑌮𑍍𑌭𑍁𑌵𑌨𑌚𑍍𑌯॒𑌵𑌾𑌨𑌾॒-𑌙𑍍𑌘𑍋𑌷𑍋॑ 𑌦𑍇॒𑌵𑌾𑌨𑌾॒-𑌞𑍍𑌜𑌯॑𑌤𑌾॒ 𑌮𑍁𑌦॑𑌸𑍍𑌥𑌾𑌤𑍍 ॥ 𑌅॒𑌸𑍍𑌮𑌾𑌕॒-𑌮𑌿𑌨𑍍𑌦𑍍𑌰॒-𑌸𑍍𑌸𑌮𑍃॑𑌤𑍇𑌷𑍁 𑌧𑍍𑌵॒𑌜𑍇𑌷𑍍𑌵॒𑌸𑍍𑌮𑌾𑌕𑌂॒-𑌯𑌾𑌁 𑌇𑌷॑𑌵॒𑌸𑍍𑌤𑌾 𑌜॑𑌯𑌨𑍍𑌤𑍁 । 1𑍮

𑌅॒𑌸𑍍𑌮𑌾𑌕𑌂॑-𑌵𑍀𑌁॒𑌰𑌾 𑌉𑌤𑍍𑌤॑𑌰𑍇 𑌭𑌵𑌨𑍍𑌤𑍍𑌵॒𑌸𑍍𑌮𑌾𑌨𑍁॑ 𑌦𑍇𑌵𑌾 𑌅𑌵𑌤𑌾॒ 𑌹𑌵𑍇॑𑌷𑍁 ॥ 𑌉𑌦𑍍𑌧॑𑌰𑍍​𑌷𑌯 𑌮𑌘𑌵॒𑌨𑍍𑌨𑌾-𑌯𑍁॑𑌧𑌾॒-𑌨𑍍𑌯𑍁𑌥𑍍𑌸𑌤𑍍𑌵॑𑌨𑌾-𑌮𑍍𑌮𑌾𑌮॒𑌕𑌾𑌨𑌾॒-𑌮𑍍𑌮𑌹𑌾𑌗𑍍​𑌮𑍍॑𑌸𑌿 । 𑌉𑌦𑍍𑌵𑍃॑𑌤𑍍𑌰𑌹𑌨𑍍 𑌵𑌾॒𑌜𑌿𑌨𑌾𑌂॒-𑌵𑌾𑌁𑌜𑌿॑𑌨𑌾॒𑌨𑍍𑌯𑍁-𑌦𑍍𑌰𑌥𑌾॑𑌨𑌾॒-𑌞𑍍𑌜𑌯॑𑌤𑌾𑌮𑍇𑌤𑍁॒ 𑌘𑍋𑌷𑌃॑ ॥ 𑌉𑌪॒ 𑌪𑍍𑌰𑍇𑌤॒ 𑌜𑌯॑𑌤𑌾 𑌨𑌰𑌸𑍍𑌸𑍍𑌥𑌿॒𑌰𑌾 𑌵॑-𑌸𑍍𑌸𑌨𑍍𑌤𑍁 𑌬𑌾॒𑌹𑌵𑌃॑ । 𑌇𑌨𑍍𑌦𑍍𑌰𑍋॑ 𑌵॒-𑌶𑍍𑌶𑌰𑍍𑌮॑ 𑌯𑌚𑍍𑌛 𑌤𑍍𑌵𑌨𑌾-𑌧𑍃॒𑌷𑍍𑌯𑌾 𑌯𑌥𑌾𑌸॑𑌥 ॥ 𑌅𑌵॑𑌸𑍃𑌷𑍍𑌟𑌾॒ 𑌪𑌰𑌾॑ 𑌪𑌤॒ 𑌶𑌰॑𑌵𑍍𑌯𑍇॒ 𑌬𑍍𑌰𑌹𑍍𑌮॑ 𑌸𑌗𑍍​𑌮𑍍𑌶𑌿𑌤𑌾 । 𑌗𑌚𑍍𑌛𑌾॒-𑌽𑌮𑌿𑌤𑍍𑌰𑌾॒-𑌨𑍍𑌪𑍍𑌰- [𑌗𑌚𑍍𑌛𑌾॒-𑌽𑌮𑌿𑌤𑍍𑌰𑌾॒-𑌨𑍍𑌪𑍍𑌰, 𑌵𑌿॒𑌶॒ 𑌮𑍈𑌷𑌾॒-] 1𑍯

-𑌵𑌿॑𑌶॒ 𑌮𑍈𑌷𑌾॒-𑌙𑍍𑌕𑌞𑍍𑌚॒𑌨𑍋𑌚𑍍𑌛𑌿॑𑌷𑌃 ॥ 𑌮𑌰𑍍𑌮𑌾॑𑌣𑌿 𑌤𑍇॒ 𑌵𑌰𑍍𑌮॑𑌭𑌿𑌶𑍍𑌛𑌾𑌦𑌯𑌾𑌮𑌿॒ 𑌸𑍋𑌮॑𑌸𑍍𑌤𑍍𑌵𑌾॒ 𑌰𑌾𑌜𑌾॒ 𑌽𑌮𑍃𑌤𑍇॑𑌨𑌾॒𑌭𑌿-𑌵॑𑌸𑍍𑌤𑌾𑌮𑍍 । 𑌉॒𑌰𑍋𑌰𑍍𑌵𑌰𑍀॑𑌯𑍋॒ 𑌵𑌰𑌿॑𑌵𑌸𑍍𑌤𑍇 𑌅𑌸𑍍𑌤𑍁॒ 𑌜𑌯॑𑌨𑍍𑌤॒-𑌨𑍍𑌤𑍍𑌵𑌾𑌮𑌨𑍁॑ 𑌮𑌦𑌨𑍍𑌤𑍁 𑌦𑍇॒𑌵𑌾𑌃 ॥ 𑌯𑌤𑍍𑌰॑ 𑌬𑌾॒𑌣𑌾-𑌸𑍍𑌸॒𑌮𑍍𑌪𑌤॑𑌨𑍍𑌤𑌿 𑌕𑍁𑌮𑌾॒𑌰𑌾 𑌵𑌿॑𑌶𑌿॒𑌖𑌾 𑌇॑𑌵 । 𑌇𑌨𑍍𑌦𑍍𑌰𑍋॑ 𑌨॒𑌸𑍍𑌤𑌤𑍍𑌰॑ 𑌵𑍃𑌤𑍍𑌰॒𑌹𑌾 𑌵𑌿॑𑌶𑍍𑌵𑌾॒𑌹𑌾 𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 20 ॥
(𑌦𑍀॒𑌯𑌾॒ – 𑌽𑌦𑌾॒𑌯𑍋 – 𑌜॑𑌯𑌨𑍍𑌤𑍍𑌵॒ – 𑌮𑌿𑌤𑍍𑌰𑌾॒-𑌨𑍍𑌪𑍍𑌰 – 𑌚॑𑌤𑍍𑌵𑌾𑌰𑌿॒𑌗𑍍​𑌮𑍍॒𑌶𑌚𑍍𑌚॑) (𑌅. 4)

𑌪𑍍𑌰𑌾𑌚𑍀॒𑌮𑌨𑍁॑ 𑌪𑍍𑌰॒𑌦𑌿𑌶॒-𑌮𑍍𑌪𑍍𑌰𑍇𑌹𑌿॑ 𑌵𑌿॒𑌦𑍍𑌵𑌾𑌨॒𑌗𑍍𑌨𑍇𑌰॑𑌗𑍍𑌨𑍇 𑌪𑍁॒𑌰𑍋 𑌅॑𑌗𑍍𑌨𑌿𑌰𑍍𑌭𑌵𑍇॒𑌹 । 𑌵𑌿𑌶𑍍𑌵𑌾॒ 𑌆𑌶𑌾॒ 𑌦𑍀𑌦𑍍𑌯𑌾॑𑌨𑍋॒ 𑌵𑌿 𑌭𑌾॒𑌹𑍍𑌯𑍂𑌰𑍍𑌜॑-𑌨𑍍𑌨𑍋 𑌧𑍇𑌹𑌿 𑌦𑍍𑌵𑌿॒𑌪𑌦𑍇॒ 𑌚𑌤𑍁॑𑌷𑍍𑌪𑌦𑍇 ॥ 𑌕𑍍𑌰𑌮॑𑌦𑍍𑌧𑍍𑌵𑌮॒𑌗𑍍𑌨𑌿𑌨𑌾॒ 𑌨𑌾𑌕॒𑌮𑍁𑌖𑍍𑌯॒𑌗𑍍​𑌮𑍍॒ 𑌹𑌸𑍍𑌤𑍇॑𑌷𑍁॒ 𑌬𑌿𑌭𑍍𑌰॑𑌤𑌃 । 𑌦𑌿॒𑌵𑌃 𑌪𑍃॒𑌷𑍍𑌠𑌗𑍍​𑌮𑍍 𑌸𑍁𑌵॑𑌰𑍍𑌗॒𑌤𑍍𑌵𑌾 𑌮𑌿॒𑌶𑍍𑌰𑌾 𑌦𑍇॒𑌵𑍇𑌭𑌿॑𑌰𑌾𑌦𑍍𑌧𑍍𑌵𑌮𑍍 ॥ 𑌪𑍃॒𑌥𑌿॒𑌵𑍍𑌯𑌾 𑌅॒𑌹𑌮𑍁𑌦॒𑌨𑍍𑌤𑌰𑌿॑𑌕𑍍𑌷॒-𑌮𑌾-𑌽𑌰𑍁॑𑌹-𑌮॒𑌨𑍍𑌤𑌰𑌿॑𑌕𑍍𑌷𑌾॒-𑌦𑍍𑌦𑌿𑌵॒𑌮𑌾-𑌽𑌰𑍁॑𑌹𑌮𑍍 । 𑌦𑌿॒𑌵𑍋 𑌨𑌾𑌕॑𑌸𑍍𑌯 𑌪𑍃॒𑌷𑍍𑌠𑌾-𑌥𑍍𑌸𑍁𑌵॒𑌰𑍍𑌜𑍍𑌯𑍋𑌤𑌿॑𑌰𑌗𑌾- [𑌪𑍃॒𑌷𑍍𑌠𑌾-𑌥𑍍𑌸𑍁𑌵॒𑌰𑍍𑌜𑍍𑌯𑍋𑌤𑌿॑𑌰𑌗𑌾𑌮𑍍, 𑌅॒𑌹𑌮𑍍 ।] 21

-𑌮॒𑌹𑌮𑍍 ॥ 𑌸𑍁𑌵॒𑌰𑍍𑌯𑌨𑍍𑌤𑍋॒ 𑌨𑌾𑌪𑍇᳚𑌕𑍍𑌷𑌨𑍍𑌤॒ 𑌆 𑌦𑍍𑌯𑌾𑌗𑍍​𑌮𑍍 𑌰𑍋॑𑌹𑌨𑍍𑌤𑌿॒ 𑌰𑍋𑌦॑𑌸𑍀 । 𑌯॒𑌜𑍍𑌞𑌂-𑌯𑍇𑌁 𑌵𑌿॒𑌶𑍍𑌵𑌤𑍋॑𑌧𑌾𑌰॒𑌗𑍍​𑌮𑍍॒ 𑌸𑍁𑌵𑌿॑𑌦𑍍𑌵𑌾𑌗𑍍​𑌮𑍍𑌸𑍋 𑌵𑌿𑌤𑍇𑌨𑌿॒𑌰𑍇 ॥ 𑌅𑌗𑍍𑌨𑍇॒ 𑌪𑍍𑌰𑍇𑌹𑌿॑ 𑌪𑍍𑌰𑌥॒𑌮𑍋 𑌦𑍇॑𑌵𑌯॒𑌤𑌾-𑌞𑍍𑌚𑌕𑍍𑌷𑍁॑𑌰𑍍𑌦𑍇॒𑌵𑌾𑌨𑌾॑𑌮𑍁॒𑌤 𑌮𑌰𑍍𑌤𑍍𑌯𑌾॑𑌨𑌾𑌮𑍍 । 𑌇𑌯॑𑌕𑍍𑌷𑌮𑌾𑌣𑌾॒ 𑌭𑍃𑌗𑍁॑𑌭𑌿-𑌸𑍍𑌸॒𑌜𑍋𑌷𑌾॒-𑌸𑍍𑌸𑍁𑌵॑𑌰𑍍𑌯𑌨𑍍𑌤𑍁॒ 𑌯𑌜॑𑌮𑌾𑌨𑌾-𑌸𑍍𑌸𑍍𑌵॒𑌸𑍍𑌤𑌿 ॥ 𑌨𑌕𑍍𑌤𑍋॒𑌷𑌾𑌸𑌾॒ 𑌸𑌮॑𑌨𑌸𑌾॒ 𑌵𑌿𑌰𑍂॑𑌪𑍇 𑌧𑌾॒𑌪𑌯𑍇॑𑌤𑍇॒ 𑌶𑌿𑌶𑍁॒𑌮𑍇𑌕𑌗𑍍​𑌮𑍍॑ 𑌸𑌮𑍀॒𑌚𑍀 । 𑌦𑍍𑌯𑌾𑌵𑌾॒ 𑌕𑍍𑌷𑌾𑌮𑌾॑ 𑌰𑍁॒𑌕𑍍𑌮𑍋 𑌅॒𑌨𑍍𑌤𑌰𑍍𑌵𑌿 𑌭𑌾॑𑌤𑌿 𑌦𑍇॒𑌵𑌾 𑌅॒𑌗𑍍𑌨𑌿-𑌨𑍍𑌧𑌾॑𑌰𑌯-𑌨𑍍𑌦𑍍𑌰𑌵𑌿𑌣𑍋॒𑌦𑌾𑌃 ॥ 𑌅𑌗𑍍𑌨𑍇॑ 𑌸𑌹𑌸𑍍𑌰𑌾𑌕𑍍𑌷 [𑌅𑌗𑍍𑌨𑍇॑ 𑌸𑌹𑌸𑍍𑌰𑌾𑌕𑍍𑌷, 𑌶॒𑌤॒𑌮𑍂॒𑌰𑍍𑌧॒𑌞𑍍𑌛॒𑌤-𑌨𑍍𑌤𑍇᳚] 22

𑌶𑌤𑌮𑍂𑌰𑍍𑌧𑌞𑍍𑌛॒𑌤-𑌨𑍍𑌤𑍇᳚ 𑌪𑍍𑌰𑌾॒𑌣𑌾-𑌸𑍍𑌸॒𑌹𑌸𑍍𑌰॑𑌮𑌪𑌾॒𑌨𑌾𑌃 । 𑌤𑍍𑌵𑌗𑍍​𑌮𑍍 𑌸𑌾॑𑌹॒𑌸𑍍𑌰𑌸𑍍𑌯॑ 𑌰𑌾॒𑌯 𑌈॑𑌶𑌿𑌷𑍇॒ 𑌤𑌸𑍍𑌮𑍈॑ 𑌤𑍇 𑌵𑌿𑌧𑍇𑌮॒ 𑌵𑌾𑌜𑌾॑𑌯॒ 𑌸𑍍𑌵𑌾𑌹𑌾᳚ ॥ 𑌸𑍁॒𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾᳚-𑌨𑍍𑌪𑍃𑌥𑌿॒𑌵𑍍𑌯𑌾𑌗𑍍​𑌮𑍍 𑌸𑍀॑𑌦 𑌪𑍃॒𑌷𑍍𑌠𑍇 𑌪𑍃॑𑌥𑌿॒𑌵𑍍𑌯𑌾-𑌸𑍍𑌸𑍀॑𑌦 𑌭𑌾॒𑌸𑌾-𑌽𑌨𑍍𑌤𑌰𑌿॑𑌕𑍍𑌷॒𑌮𑌾 𑌪𑍃॑𑌣॒ 𑌜𑍍𑌯𑍋𑌤𑌿॑𑌷𑌾॒ 𑌦𑌿𑌵॒𑌮𑍁𑌤𑍍𑌤॑𑌭𑌾𑌨॒ 𑌤𑍇𑌜॑𑌸𑌾॒ 𑌦𑌿𑌶॒ 𑌉-𑌦𑍍𑌦𑍃𑌗𑍍​𑌮𑍍॑𑌹 ॥ 𑌆॒𑌜𑍁𑌹𑍍𑌵𑌾॑𑌨-𑌸𑍍𑌸𑍁॒𑌪𑍍𑌰𑌤𑍀॑𑌕𑌃 𑌪𑍁॒𑌰𑌸𑍍𑌤𑌾॒𑌦𑌗𑍍𑌨𑍇॒ 𑌸𑍍𑌵𑌾𑌂-𑌯𑍋𑌁𑌨𑌿॒𑌮𑌾 𑌸𑍀॑𑌦 𑌸𑌾॒𑌦𑍍𑌧𑍍𑌯𑌾 । 𑌅॒𑌸𑍍𑌮𑌿𑌨𑍍-𑌥𑍍𑌸॒𑌧𑌸𑍍𑌥𑍇॒ 𑌅𑌦𑍍𑌧𑍍𑌯𑍁𑌤𑍍𑌤॑𑌰𑌸𑍍𑌮𑌿॒𑌨𑍍 𑌵𑌿𑌶𑍍𑌵𑍇॑ 𑌦𑍇𑌵𑌾॒ [𑌅𑌦𑍍𑌧𑍍𑌯𑍁𑌤𑍍𑌤॑𑌰𑌸𑍍𑌮𑌿॒𑌨𑍍 𑌵𑌿𑌶𑍍𑌵𑍇॑ 𑌦𑍇𑌵𑌾𑌃, 𑌯𑌜॑𑌮𑌾𑌨𑌶𑍍𑌚 𑌸𑍀𑌦𑌤 ।] 23

𑌯𑌜॑𑌮𑌾𑌨𑌶𑍍𑌚 𑌸𑍀𑌦𑌤 ॥ 𑌪𑍍𑌰𑍇𑌦𑍍𑌧𑍋॑ 𑌅𑌗𑍍𑌨𑍇 𑌦𑍀𑌦𑌿𑌹𑌿 𑌪𑍁॒𑌰𑍋 𑌨𑍋-𑌽𑌜॑𑌸𑍍𑌰𑌯𑌾 𑌸𑍂॒𑌰𑍍𑌮𑍍𑌯𑌾॑ 𑌯𑌵𑌿𑌷𑍍𑌠 । 𑌤𑍍𑌵𑌾𑌗𑍍​𑌮𑍍 𑌶𑌶𑍍𑌵॑𑌨𑍍𑌤॒ 𑌉𑌪॑ 𑌯𑌨𑍍𑌤𑌿॒ 𑌵𑌾𑌜𑌾𑌃᳚ ॥ 𑌵𑌿॒𑌧𑍇𑌮॑ 𑌤𑍇 𑌪𑌰॒𑌮𑍇 𑌜𑌨𑍍𑌮॑𑌨𑍍𑌨𑌗𑍍𑌨𑍇 𑌵𑌿॒𑌧𑍇𑌮॒ 𑌸𑍍𑌤𑍋𑌮𑍈॒𑌰𑌵॑𑌰𑍇 𑌸॒𑌧𑌸𑍍𑌥𑍇᳚ । 𑌯𑌸𑍍𑌮𑌾॒-𑌦𑍍𑌯𑍋𑌨𑍇॑𑌰𑍁॒𑌦𑌾𑌰𑌿॑𑌥𑌾॒ 𑌯𑌜𑍇॒ 𑌤-𑌮𑍍𑌪𑍍𑌰𑌤𑍍𑌵𑍇 𑌹॒𑌵𑍀𑌗𑍍​𑌮𑍍𑌷𑌿॑ 𑌜𑍁𑌹𑍁𑌰𑍇॒ 𑌸𑌮𑌿॑𑌦𑍍𑌧𑍇 ॥ 𑌤𑌾𑌗𑍍​𑌮𑍍 𑌸॑𑌵𑌿॒𑌤𑍁𑌰𑍍𑌵𑌰𑍇᳚𑌣𑍍𑌯𑌸𑍍𑌯 𑌚𑌿॒𑌤𑍍𑌰𑌾𑌮𑌾-𑌽𑌹𑌂-𑌵𑍃𑌁॑𑌣𑍇 𑌸𑍁𑌮॒𑌤𑌿𑌂-𑌵𑌿𑌁॒𑌶𑍍𑌵𑌜॑𑌨𑍍𑌯𑌾𑌮𑍍 । 𑌯𑌾𑌮॑𑌸𑍍𑌯॒ 𑌕𑌣𑍍𑌵𑍋॒ 𑌅𑌦𑍁॑𑌹॒-𑌤𑍍𑌪𑍍𑌰𑌪𑍀॑𑌨𑌾𑌗𑍍​𑌮𑍍 𑌸॒𑌹𑌸𑍍𑌰॑𑌧𑌾𑌰𑌾॒- [𑌸॒𑌹𑌸𑍍𑌰॑𑌧𑌾𑌰𑌾𑌮𑍍, 𑌪𑌯॑𑌸𑌾 𑌮॒𑌹𑍀-𑌙𑍍𑌗𑌾𑌮𑍍 ।] 24

-𑌮𑍍𑌪𑌯॑𑌸𑌾 𑌮॒𑌹𑍀-𑌙𑍍𑌗𑌾𑌮𑍍 ॥ 𑌸॒𑌪𑍍𑌤 𑌤𑍇॑ 𑌅𑌗𑍍𑌨𑍇 𑌸॒𑌮𑌿𑌧॑-𑌸𑍍𑌸॒𑌪𑍍𑌤 𑌜𑌿॒𑌹𑍍𑌵𑌾-𑌸𑍍𑌸॒𑌪𑍍𑌤𑌰𑍍​𑌷॑𑌯-𑌸𑍍𑌸॒𑌪𑍍𑌤 𑌧𑌾𑌮॑ 𑌪𑍍𑌰𑌿॒𑌯𑌾𑌣𑌿॑ । 𑌸॒𑌪𑍍𑌤 𑌹𑍋𑌤𑍍𑌰𑌾᳚-𑌸𑍍𑌸𑌪𑍍𑌤॒𑌧𑌾 𑌤𑍍𑌵𑌾॑ 𑌯𑌜𑌨𑍍𑌤𑌿 𑌸॒𑌪𑍍𑌤 𑌯𑍋𑌨𑍀॒𑌰𑌾 𑌪𑍃॑𑌣𑌸𑍍𑌵𑌾 𑌘𑍃॒𑌤𑍇𑌨॑ ॥ 𑌈॒𑌦𑍃-𑌞𑍍𑌚𑌾᳚𑌨𑍍𑌯𑌾॒𑌦𑍃-𑌞𑍍𑌚𑍈॑𑌤𑌾॒𑌦𑍃𑌞𑍍𑌚॑ 𑌪𑍍𑌰𑌤𑌿॒𑌦𑍃-𑌞𑍍𑌚॑ 𑌮𑌿॒𑌤𑌶𑍍𑌚॒ 𑌸𑌮𑍍𑌮𑌿॑𑌤𑌶𑍍𑌚॒ 𑌸𑌭॑𑌰𑌾𑌃 ॥ 𑌶𑍁॒𑌕𑍍𑌰𑌜𑍍𑌯𑍋॑𑌤𑌿𑌶𑍍𑌚 𑌚𑌿॒𑌤𑍍𑌰𑌜𑍍𑌯𑍋॑𑌤𑌿𑌶𑍍𑌚 𑌸॒𑌤𑍍𑌯𑌜𑍍𑌯𑍋॑𑌤𑌿𑌶𑍍𑌚॒ 𑌜𑍍𑌯𑍋𑌤𑌿॑𑌷𑍍𑌮𑌾𑌗𑍍​𑌶𑍍𑌚 𑌸॒𑌤𑍍𑌯𑌶𑍍𑌚॑𑌰𑍍𑌤॒𑌪𑌾𑌶𑍍𑌚𑌾𑌤𑍍𑌯𑌗𑍍​𑌮𑍍॑𑌹𑌾𑌃 । 25

𑌋॒𑌤॒𑌜𑌿𑌚𑍍𑌚॑ 𑌸𑌤𑍍𑌯॒𑌜𑌿𑌚𑍍𑌚॑ 𑌸𑍇𑌨॒𑌜𑌿𑌚𑍍𑌚॑ 𑌸𑍁॒𑌷𑍇𑌣॒𑌶𑍍𑌚𑌾𑌨𑍍𑌤𑍍𑌯॑𑌮𑌿𑌤𑍍𑌰𑌶𑍍𑌚 𑌦𑍂॒𑌰𑍇 𑌅॑𑌮𑌿𑌤𑍍𑌰𑌶𑍍𑌚 𑌗॒𑌣𑌃 ॥ 𑌋॒𑌤𑌶𑍍𑌚॑ 𑌸॒𑌤𑍍𑌯𑌶𑍍𑌚॑ 𑌧𑍍𑌰𑍁॒𑌵𑌶𑍍𑌚॑ 𑌧॒𑌰𑍁𑌣॑𑌶𑍍𑌚 𑌧॒𑌰𑍍𑌤𑌾 𑌚॑ 𑌵𑌿𑌧॒𑌰𑍍𑌤𑌾 𑌚॑ 𑌵𑌿𑌧𑌾𑌰॒𑌯𑌃 ॥ 𑌈॒𑌦𑍃𑌕𑍍𑌷𑌾॑𑌸 𑌏𑌤𑌾॒𑌦𑍃𑌕𑍍𑌷𑌾॑𑌸 𑌊॒ 𑌷𑍁𑌣॑-𑌸𑍍𑌸॒𑌦𑍃𑌕𑍍𑌷𑌾॑𑌸𑌃॒ 𑌪𑍍𑌰𑌤𑌿॑𑌸𑌦𑍃𑌕𑍍𑌷𑌾𑌸॒ 𑌏𑌤॑𑌨 । 𑌮𑌿॒𑌤𑌾𑌸॑𑌶𑍍𑌚॒ 𑌸𑌮𑍍𑌮𑌿॑𑌤𑌾𑌸𑌶𑍍𑌚 𑌨 𑌊॒𑌤𑌯𑍇॒ 𑌸𑌭॑𑌰𑌸𑍋 𑌮𑌰𑍁𑌤𑍋 𑌯॒𑌜𑍍𑌞𑍇 𑌅॒𑌸𑍍𑌮𑌿𑌨𑍍𑌨𑌿𑌨𑍍𑌦𑍍𑌰॒-𑌨𑍍𑌦𑍈𑌵𑍀॒𑌰𑍍𑌵𑌿𑌶𑍋॑ 𑌮॒𑌰𑍁𑌤𑍋-𑌽𑌨𑍁॑𑌵𑌰𑍍𑌤𑍍𑌮𑌾𑌨𑍋॒ 𑌯𑌥𑍇𑌨𑍍𑌦𑍍𑌰॒-𑌨𑍍𑌦𑍈𑌵𑍀॒𑌰𑍍𑌵𑌿𑌶𑍋॑ 𑌮॒𑌰𑍁𑌤𑍋-𑌽𑌨𑍁॑𑌵𑌰𑍍𑌤𑍍𑌮𑌾𑌨 𑌏॒𑌵𑌮𑌿॒𑌮𑌂-𑌯𑌁𑌜॑𑌮𑌾𑌨॒-𑌨𑍍𑌦𑍈𑌵𑍀᳚𑌶𑍍𑌚॒ 𑌵𑌿𑌶𑍋॒ 𑌮𑌾𑌨𑍁॑𑌷𑍀॒𑌶𑍍𑌚𑌾𑌨𑍁॑𑌵𑌰𑍍𑌤𑍍𑌮𑌾𑌨𑍋 𑌭𑌵𑌨𑍍𑌤𑍁 ॥ 26 ॥
(𑌅॒𑌗𑌾॒𑌗𑍍​𑌮𑍍॒ – 𑌸॒𑌹॒𑌸𑍍𑌰𑌾॒𑌕𑍍𑌷॒ – 𑌦𑍇॒𑌵𑌾𑌃॒ – 𑌸॒𑌹𑌸𑍍𑌰॑𑌧𑌾𑌰𑌾॒ – 𑌮𑌤𑍍𑌯𑌗𑍍​𑌮𑍍॑𑌹𑌾॒ – 𑌅𑌨𑍁॑𑌵𑌰𑍍𑌤𑍍𑌮𑌾𑌨𑌃॒ – 𑌷𑍋𑌡॑𑌶 𑌚) (𑌅. 5)

𑌜𑍀॒𑌮𑍂𑌤॑𑌸𑍍𑌯𑍇𑌵 𑌭𑌵𑌤𑌿॒ 𑌪𑍍𑌰𑌤𑍀॑𑌕𑌂॒-𑌯𑌁𑌦𑍍𑌵॒𑌰𑍍𑌮𑍀 𑌯𑌾𑌤𑌿॑ 𑌸॒𑌮𑌦𑌾॑𑌮𑍁॒𑌪𑌸𑍍𑌥𑍇᳚ । 𑌅𑌨𑌾॑𑌵𑌿𑌦𑍍𑌧𑌯𑌾 𑌤॒𑌨𑍁𑌵𑌾॑ 𑌜𑌯॒ 𑌤𑍍𑌵𑌗𑍍​𑌮𑍍 𑌸 𑌤𑍍𑌵𑌾॒ 𑌵𑌰𑍍𑌮॑𑌣𑍋 𑌮𑌹𑌿॒𑌮𑌾 𑌪𑌿॑𑌪𑌰𑍍𑌤𑍁 ॥ 𑌧𑌨𑍍𑌵॑𑌨𑌾॒ 𑌗𑌾 𑌧𑌨𑍍𑌵॑𑌨𑌾॒-𑌽𑌽𑌜𑌿-𑌞𑍍𑌜॑𑌯𑍇𑌮॒ 𑌧𑌨𑍍𑌵॑𑌨𑌾 𑌤𑍀॒𑌵𑍍𑌰𑌾-𑌸𑍍𑌸॒𑌮𑌦𑍋॑ 𑌜𑌯𑍇𑌮 । 𑌧𑌨𑍁॒-𑌶𑍍𑌶𑌤𑍍𑌰𑍋॑𑌰𑌪𑌕𑌾॒𑌮-𑌙𑍍𑌕𑍃॑𑌣𑍋𑌤𑌿॒ 𑌧𑌨𑍍𑌵॑𑌨𑌾॒ 𑌸𑌰𑍍𑌵𑌾𑌃᳚ 𑌪𑍍𑌰॒𑌦𑌿𑌶𑍋॑ 𑌜𑌯𑍇𑌮 ॥ 𑌵॒𑌕𑍍𑌷𑍍𑌯𑌨𑍍𑌤𑍀॒𑌵𑍇𑌦𑌾 𑌗॑𑌨𑍀𑌗𑌨𑍍𑌤𑌿॒ 𑌕𑌰𑍍𑌣॑-𑌮𑍍𑌪𑍍𑌰𑌿॒𑌯𑌗𑍍​𑌮𑍍 𑌸𑌖𑌾॑𑌯-𑌮𑍍𑌪𑌰𑌿𑌷𑌸𑍍𑌵𑌜𑌾॒𑌨𑌾 । 𑌯𑍋𑌷𑍇॑𑌵 𑌶𑌿𑌙𑍍𑌕𑍍𑌤𑍇॒ 𑌵𑌿𑌤॒𑌤𑌾-𑌽𑌧𑌿॒ 𑌧𑌨𑍍𑌵॒- [𑌧𑌨𑍍𑌵𑌨𑍍𑌨𑍍॑, 𑌜𑍍𑌯𑌾 𑌇॒𑌯𑌗𑍍​𑌮𑍍] 2𑍭

-𑌞𑍍𑌜𑍍𑌯𑌾 𑌇॒𑌯𑌗𑍍​𑌮𑍍 𑌸𑌮॑𑌨𑍇 𑌪𑌾॒𑌰𑌯॑𑌨𑍍𑌤𑍀 ॥ 𑌤𑍇 𑌆॒𑌚𑌰॑𑌨𑍍𑌤𑍀॒ 𑌸𑌮॑𑌨𑍇𑌵॒ 𑌯𑍋𑌷𑌾॑ 𑌮𑌾॒𑌤𑍇𑌵॑ 𑌪𑍁॒𑌤𑍍𑌰-𑌮𑍍𑌬𑌿॑𑌭𑍃𑌤𑌾𑌮𑍁॒𑌪𑌸𑍍𑌥𑍇᳚ । 𑌅𑌪॒ 𑌶𑌤𑍍𑌰𑍂𑌨𑍍॑ 𑌵𑌿𑌦𑍍𑌧𑍍𑌯𑌤𑌾𑌗𑍍​𑌮𑍍 𑌸𑌂​𑌵𑌿𑌁𑌦𑌾॒𑌨𑍇 𑌆𑌰𑍍𑌤𑍍𑌨𑍀॑ 𑌇॒𑌮𑍇 𑌵𑌿॑𑌷𑍍𑌫𑍁॒𑌰𑌨𑍍𑌤𑍀॑ 𑌅॒𑌮𑌿𑌤𑍍𑌰𑌾𑌨𑍍॑ ॥ 𑌬॒𑌹𑍍𑌵𑍀॒𑌨𑌾-𑌮𑍍𑌪𑌿॒𑌤𑌾 𑌬॒𑌹𑍁𑌰॑𑌸𑍍𑌯 𑌪𑍁॒𑌤𑍍𑌰𑌶𑍍𑌚𑌿॒𑌶𑍍𑌚𑌾 𑌕𑍃॑𑌣𑍋𑌤𑌿॒ 𑌸𑌮॑𑌨𑌾-𑌽𑌵॒𑌗𑌤𑍍𑌯॑ । 𑌇॒𑌷𑍁॒𑌧𑌿-𑌸𑍍𑌸𑌙𑍍𑌕𑌾𑌃॒ 𑌪𑍃𑌤॑𑌨𑌾𑌶𑍍𑌚॒ 𑌸𑌰𑍍𑌵𑌾𑌃᳚ 𑌪𑍃॒𑌷𑍍𑌠𑍇 𑌨𑌿𑌨॑𑌦𑍍𑌧𑍋 𑌜𑌯𑌤𑌿॒ 𑌪𑍍𑌰𑌸𑍂॑𑌤𑌃 ॥ 𑌰𑌥𑍇॒ 𑌤𑌿𑌷𑍍𑌠॑-𑌨𑍍𑌨𑌯𑌤𑌿 𑌵𑌾॒𑌜𑌿𑌨𑌃॑ 𑌪𑍁॒𑌰𑍋 𑌯𑌤𑍍𑌰॑𑌯𑌤𑍍𑌰 𑌕𑌾॒𑌮𑌯॑𑌤𑍇 𑌸𑍁𑌷𑌾𑌰॒𑌥𑌿𑌃 । 𑌅॒𑌭𑍀𑌶𑍂॑𑌨𑌾-𑌮𑍍𑌮𑌹𑌿॒𑌮𑌾𑌨॑- [𑌮𑌹𑌿॒𑌮𑌾𑌨᳚𑌮𑍍, 𑌪॒𑌨𑌾॒𑌯॒𑌤॒ 𑌮𑌨𑌃॑] 2𑍮

-𑌮𑍍𑌪𑌨𑌾𑌯𑌤॒ 𑌮𑌨𑌃॑ 𑌪॒𑌶𑍍𑌚𑌾𑌦𑌨𑍁॑ 𑌯𑌚𑍍𑌛𑌨𑍍𑌤𑌿 𑌰॒𑌶𑍍𑌮𑌯𑌃॑ ॥ 𑌤𑍀॒𑌵𑍍𑌰𑌾-𑌨𑍍𑌘𑍋𑌷𑌾᳚𑌨𑍍 𑌕𑍃𑌣𑍍𑌵𑌤𑍇॒ 𑌵𑍃𑌷॑𑌪𑌾𑌣॒𑌯𑍋-𑌽𑌶𑍍𑌵𑌾॒ 𑌰𑌥𑍇॑𑌭𑌿-𑌸𑍍𑌸॒𑌹 𑌵𑌾॒𑌜𑌯॑𑌨𑍍𑌤𑌃 । 𑌅॒𑌵॒𑌕𑍍𑌰𑌾𑌮॑𑌨𑍍𑌤𑌃॒ 𑌪𑍍𑌰𑌪॑𑌦𑍈𑌰॒𑌮𑌿𑌤𑍍𑌰𑌾᳚𑌨𑍍 𑌕𑍍𑌷𑌿॒𑌣𑌨𑍍𑌤𑌿॒ 𑌶𑌤𑍍𑌰𑍂॒𑌗𑍍​𑌮𑍍॒𑌰𑌨॑𑌪𑌵𑍍𑌯𑌯𑌨𑍍𑌤𑌃 ॥ 𑌰॒𑌥॒𑌵𑌾𑌹॑𑌨𑌗𑍍​𑌮𑍍 𑌹॒𑌵𑌿𑌰॑𑌸𑍍𑌯॒ 𑌨𑌾𑌮॒ 𑌯𑌤𑍍𑌰𑌾-𑌽𑌽𑌯𑍁॑𑌧॒-𑌨𑍍𑌨𑌿𑌹𑌿॑𑌤𑌮𑌸𑍍𑌯॒ 𑌵𑌰𑍍𑌮॑ । 𑌤𑌤𑍍𑌰𑌾॒ 𑌰𑌥॒𑌮𑍁𑌪॑ 𑌶॒𑌗𑍍𑌮𑌗𑍍​𑌮𑍍 𑌸॑𑌦𑍇𑌮 𑌵𑌿॒𑌶𑍍𑌵𑌾𑌹𑌾॑ 𑌵॒𑌯𑌗𑍍​𑌮𑍍 𑌸𑍁॑𑌮𑌨॒𑌸𑍍𑌯𑌮𑌾॑𑌨𑌾𑌃 ॥ 𑌸𑍍𑌵𑌾॒𑌦𑍁॒𑌷॒𑌗𑍍​𑌮𑍍॒ 𑌸𑌦𑌃॑ 𑌪𑌿॒𑌤𑌰𑍋॑ 𑌵𑌯𑍋॒𑌧𑌾𑌃 𑌕𑍃॑𑌚𑍍𑌛𑍍𑌰𑍇॒𑌶𑍍𑌰𑌿𑌤॒-𑌶𑍍𑌶𑌕𑍍𑌤𑍀॑𑌵𑌨𑍍𑌤𑍋 𑌗𑌭𑍀॒𑌰𑌾𑌃 । 𑌚𑌿॒𑌤𑍍𑌰𑌸𑍇॑𑌨𑌾॒ 𑌇𑌷𑍁॑𑌬𑌲𑌾॒ 𑌅𑌮𑍃॑𑌦𑍍𑌧𑍍𑌰𑌾-𑌸𑍍𑌸॒𑌤𑍋𑌵𑍀॑𑌰𑌾 𑌉॒𑌰𑌵𑍋᳚ 𑌵𑍍𑌰𑌾𑌤𑌸𑌾॒𑌹𑌾𑌃 ॥ 𑌬𑍍𑌰𑌾𑌹𑍍𑌮॑𑌣𑌾𑌸𑌃॒ [𑌬𑍍𑌰𑌾𑌹𑍍𑌮॑𑌣𑌾𑌸𑌃, 𑌪𑌿𑌤॑𑌰॒-] 2𑍯

𑌪𑌿𑌤॑𑌰॒-𑌸𑍍𑌸𑍋𑌮𑍍𑌯𑌾॑𑌸-𑌶𑍍𑌶𑌿॒𑌵𑍇 𑌨𑍋॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॑𑌨𑍇॒𑌹𑌸𑌾᳚ । 𑌪𑍂॒𑌷𑌾 𑌨𑌃॑ 𑌪𑌾𑌤𑍁 𑌦𑍁𑌰𑌿॒𑌤𑌾𑌦𑍃॑𑌤𑌾𑌵𑍃𑌧𑍋॒ 𑌰𑌕𑍍𑌷𑌾॒ 𑌮𑌾𑌕𑌿॑𑌰𑍍𑌨𑍋 𑌅॒𑌘𑌶𑌗𑍍​𑌮𑍍॑𑌸 𑌈𑌶𑌤 ॥ 𑌸𑍁॒𑌪॒𑌰𑍍𑌣𑌂-𑌵𑌁॑𑌸𑍍𑌤𑍇 𑌮𑍃॒𑌗𑍋 𑌅॑𑌸𑍍𑌯𑌾॒ 𑌦𑌨𑍍𑌤𑍋॒ 𑌗𑍋𑌭𑌿॒-𑌸𑍍𑌸𑌨𑍍𑌨॑𑌦𑍍𑌧𑌾 𑌪𑌤𑌤𑌿॒ 𑌪𑍍𑌰𑌸𑍂॑𑌤𑌾 । 𑌯𑌤𑍍𑌰𑌾॒ 𑌨𑌰॒-𑌸𑍍𑌸-𑌞𑍍𑌚॒ 𑌵𑌿 𑌚॒ 𑌦𑍍𑌰𑌵॑𑌨𑍍𑌤𑌿॒ 𑌤𑌤𑍍𑌰𑌾॒𑌸𑍍𑌮𑌭𑍍𑌯॒𑌮𑌿𑌷॑𑌵॒-𑌶𑍍𑌶𑌰𑍍𑌮॑ 𑌯𑌗𑍍​𑌮𑍍𑌸𑌨𑍍𑌨𑍍 ॥ 𑌋𑌜𑍀॑𑌤𑍇॒ 𑌪𑌰𑌿॑ 𑌵𑍃𑌙𑍍𑌗𑍍𑌧𑌿॒ 𑌨𑍋-𑌽𑌶𑍍𑌮𑌾॑ 𑌭𑌵𑌤𑍁 𑌨𑌸𑍍𑌤॒𑌨𑍂𑌃 । 𑌸𑍋𑌮𑍋॒ 𑌅𑌧𑌿॑ 𑌬𑍍𑌰𑌵𑍀𑌤𑍁॒ 𑌨𑍋-𑌽𑌦𑌿॑𑌤𑌿॒- [𑌨𑍋-𑌽𑌦𑌿॑𑌤𑌿𑌃, 𑌶𑌰𑍍𑌮॑ 𑌯𑌚𑍍𑌛𑌤𑍁 ।] 30

-𑌶𑍍𑌶𑌰𑍍𑌮॑ 𑌯𑌚𑍍𑌛𑌤𑍁 ॥ 𑌆 𑌜॑𑌙𑍍𑌘𑌨𑍍𑌤𑌿॒ 𑌸𑌾𑌨𑍍𑌵𑍇॑𑌷𑌾-𑌞𑍍𑌜॒𑌘𑌨𑌾॒𑌗𑍍​𑌮𑍍॒ 𑌉𑌪॑ 𑌜𑌿𑌘𑍍𑌨𑌤𑍇 । 𑌅𑌶𑍍𑌵𑌾॑𑌜𑌨𑌿॒ 𑌪𑍍𑌰𑌚𑍇॑𑌤॒𑌸𑍋-𑌽𑌶𑍍𑌵𑌾᳚𑌨𑍍-𑌥𑍍𑌸॒𑌮𑌥𑍍𑌸𑍁॑ 𑌚𑍋𑌦𑌯 ॥ 𑌅𑌹𑌿॑𑌰𑌿𑌵 𑌭𑍋॒𑌗𑍈𑌃 𑌪𑌰𑍍𑌯𑍇॑𑌤𑌿 𑌬𑌾॒𑌹𑍁-𑌞𑍍𑌜𑍍𑌯𑌾𑌯𑌾॑ 𑌹𑍇॒𑌤𑌿-𑌮𑍍𑌪॑𑌰𑌿॒𑌬𑌾𑌧॑𑌮𑌾𑌨𑌃 । 𑌹॒𑌸𑍍𑌤॒𑌘𑍍𑌨𑍋 𑌵𑌿𑌶𑍍𑌵𑌾॑ 𑌵॒𑌯𑍁𑌨𑌾॑𑌨𑌿 𑌵𑌿॒𑌦𑍍𑌵𑌾-𑌨𑍍𑌪𑍁𑌮𑌾॒-𑌨𑍍𑌪𑍁𑌮𑌾𑌗𑍍​𑌮𑍍॑𑌸॒-𑌮𑍍𑌪𑌰𑌿॑ 𑌪𑌾𑌤𑍁 𑌵𑌿॒𑌶𑍍𑌵𑌤𑌃॑ ॥ 𑌵𑌨॑𑌸𑍍𑌪𑌤𑍇 𑌵𑍀॒𑌡𑍍𑌵॑𑌙𑍍𑌗𑍋॒ 𑌹𑌿 𑌭𑍂॒𑌯𑌾 𑌅॒𑌸𑍍𑌮-𑌥𑍍𑌸॑𑌖𑌾 𑌪𑍍𑌰॒𑌤𑌰॑𑌣-𑌸𑍍𑌸𑍁॒𑌵𑍀𑌰𑌃॑ । 𑌗𑍋𑌭𑌿॒-𑌸𑍍𑌸𑌨𑍍𑌨॑𑌦𑍍𑌧𑍋 𑌅𑌸𑌿 𑌵𑍀॒𑌡𑌯॑𑌸𑍍𑌵𑌾-𑌽𑌽𑌸𑍍𑌥𑌾॒𑌤𑌾 𑌤𑍇॑ 𑌜𑌯𑌤𑍁॒ 𑌜𑍇𑌤𑍍𑌵𑌾॑𑌨𑌿 ॥ 𑌦𑌿॒𑌵𑌃 𑌪𑍃॑𑌥𑌿॒𑌵𑍍𑌯𑌾𑌃 𑌪- [𑌪𑌰𑌿॑, 𑌓𑌜॒ 𑌉-𑌦𑍍𑌭𑍃॑𑌤𑌂॒-] 31

-𑌰𑍍𑌯𑍋𑌜॒ 𑌉-𑌦𑍍𑌭𑍃॑𑌤𑌂॒-𑌵𑌁𑌨॒𑌸𑍍𑌪𑌤𑌿॑𑌭𑍍𑌯𑌃॒ 𑌪𑌰𑍍𑌯𑌾𑌭𑍃॑𑌤॒𑌗𑍍​𑌮𑍍॒ 𑌸𑌹𑌃॑ । 𑌅॒𑌪𑌾𑌮𑍋॒𑌜𑍍𑌮𑌾𑌨॒-𑌮𑍍𑌪𑌰𑌿॒ 𑌗𑍋𑌭𑌿॒𑌰𑌾𑌵𑍃॑𑌤॒𑌮𑌿𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑌗𑍍​𑌮𑍍॑ 𑌹॒𑌵𑌿𑌷𑌾॒ 𑌰𑌥𑌂॑-𑌯𑌁𑌜 ॥ 𑌇𑌨𑍍𑌦𑍍𑌰॑𑌸𑍍𑌯॒ 𑌵𑌜𑍍𑌰𑍋॑ 𑌮॒𑌰𑍁𑌤𑌾॒𑌮𑌨𑍀॑𑌕-𑌮𑍍𑌮𑌿॒𑌤𑍍𑌰𑌸𑍍𑌯॒ 𑌗𑌰𑍍𑌭𑍋॒ 𑌵𑌰𑍁॑𑌣𑌸𑍍𑌯॒ 𑌨𑌾𑌭𑌿𑌃॑ । 𑌸𑍇𑌮𑌾-𑌨𑍍𑌨𑍋॑ 𑌹॒𑌵𑍍𑌯𑌦𑌾॑𑌤𑌿-𑌞𑍍𑌜𑍁𑌷𑌾॒𑌣𑍋 𑌦𑍇𑌵॑ 𑌰𑌥॒ 𑌪𑍍𑌰𑌤𑌿॑ 𑌹॒𑌵𑍍𑌯𑌾 𑌗𑍃॑𑌭𑌾𑌯 ॥ 𑌉𑌪॑ 𑌶𑍍𑌵𑌾𑌸𑌯 𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾-𑌮𑍍𑌪𑍁॑𑌰𑍁॒𑌤𑍍𑌰𑌾 𑌤𑍇॑ 𑌮𑌨𑍁𑌤𑌾𑌂॒-𑌵𑌿𑌁𑌷𑍍𑌠𑌿॑𑌤॒-𑌞𑍍𑌜𑌗॑𑌤𑍍 । 𑌸 𑌦𑍁॑𑌨𑍍𑌦𑍁𑌭𑍇 𑌸॒𑌜𑍂𑌰𑌿𑌨𑍍𑌦𑍍𑌰𑍇॑𑌣 𑌦𑍇॒𑌵𑍈𑌰𑍍𑌦𑍂॒𑌰𑌾- [𑌦𑍇॒𑌵𑍈𑌰𑍍𑌦𑍂॒𑌰𑌾𑌤𑍍, 𑌦𑌵𑍀॑𑌯𑍋॒] 32

-𑌦𑍍𑌦𑌵𑍀॑𑌯𑍋॒ 𑌅𑌪॑𑌸𑍇𑌧॒ 𑌶𑌤𑍍𑌰𑍂𑌨𑍍॑ ॥ 𑌆 𑌕𑍍𑌰॑𑌨𑍍𑌦𑌯॒ 𑌬𑌲॒𑌮𑍋𑌜𑍋॑ 𑌨॒ 𑌆 𑌧𑌾॒ 𑌨𑌿𑌷𑍍𑌟॑𑌨𑌿𑌹𑌿 𑌦𑍁𑌰𑌿॒𑌤𑌾 𑌬𑌾𑌧॑𑌮𑌾𑌨𑌃 । 𑌅𑌪॑ 𑌪𑍍𑌰𑍋𑌥 𑌦𑍁𑌨𑍍𑌦𑍁𑌭𑍇 𑌦𑍁॒𑌚𑍍𑌛𑍁𑌨𑌾𑌗𑍍​𑌮𑍍॑ 𑌇॒𑌤 𑌇𑌨𑍍𑌦𑍍𑌰॑𑌸𑍍𑌯 𑌮𑍁॒𑌷𑍍𑌟𑌿𑌰॑𑌸𑌿 𑌵𑍀॒𑌡𑌯॑𑌸𑍍𑌵 ॥ 𑌆-𑌽𑌮𑍂𑌰॑𑌜 𑌪𑍍𑌰॒𑌤𑍍𑌯𑌾𑌵॑𑌰𑍍𑌤𑌯𑍇॒𑌮𑌾𑌃 𑌕𑍇॑𑌤𑍁॒𑌮-𑌦𑍍𑌦𑍁॑𑌨𑍍𑌦𑍁॒𑌭𑌿 𑌰𑍍𑌵𑌾॑𑌵𑌦𑍀𑌤𑌿 । 𑌸𑌮𑌶𑍍𑌵॑𑌪𑌰𑍍𑌣𑌾॒𑌶𑍍𑌚𑌰॑𑌨𑍍𑌤𑌿 𑌨𑍋॒ 𑌨𑌰𑍋॒-𑌽𑌸𑍍𑌮𑌾𑌕॑𑌮𑌿𑌨𑍍𑌦𑍍𑌰 𑌰॒𑌥𑌿𑌨𑍋॑ 𑌜𑌯𑌨𑍍𑌤𑍁 ॥ 33 ॥
(𑌧𑌨𑍍𑌵॑𑌨𑍍 – 𑌮𑌹𑌿॒𑌮𑌾𑌨𑌂॒ – 𑌬𑍍𑌰𑌾𑌹𑍍𑌮॑𑌣𑌾॒𑌸𑍋 – 𑌽𑌦𑌿॑𑌤𑌿𑌃 – 𑌪𑍃𑌥𑌿॒𑌵𑍍𑌯𑌾𑌃 𑌪𑌰𑌿॑ – 𑌦𑍂॒𑌰𑌾 – 𑌦𑍇𑌕॑𑌚𑌤𑍍𑌵𑌾𑌰𑌿𑌗𑍍​𑌮𑍍𑌶𑌚𑍍𑌚) (𑌅. 6)

𑌯𑌦𑌕𑍍𑌰॑𑌨𑍍𑌦𑌃 𑌪𑍍𑌰𑌥॒𑌮-𑌞𑍍𑌜𑌾𑌯॑𑌮𑌾𑌨 𑌉॒𑌦𑍍𑌯𑌨𑍍-𑌥𑍍𑌸॑𑌮𑍁॒𑌦𑍍𑌰𑌾𑌦𑍁॒𑌤 𑌵𑌾॒ 𑌪𑍁𑌰𑍀॑𑌷𑌾𑌤𑍍 । 𑌶𑍍𑌯𑍇॒𑌨𑌸𑍍𑌯॑ 𑌪॒𑌕𑍍𑌷𑌾 𑌹॑𑌰𑌿॒𑌣𑌸𑍍𑌯॑ 𑌬𑌾॒𑌹𑍂 𑌉॑𑌪॒𑌸𑍍𑌤𑍁𑌤𑍍𑌯॒-𑌮𑍍𑌮𑌹𑌿॑ 𑌜𑌾॒𑌤-𑌨𑍍𑌤𑍇॑ 𑌅𑌰𑍍𑌵𑌨𑍍𑌨𑍍 ॥ 𑌯॒𑌮𑍇𑌨॑ 𑌦॒𑌤𑍍𑌤-𑌨𑍍𑌤𑍍𑌰𑌿॒𑌤 𑌏॑𑌨𑌮𑌾𑌯𑍁𑌨॒𑌗𑌿𑌨𑍍𑌦𑍍𑌰॑ 𑌏𑌣-𑌮𑍍𑌪𑍍𑌰𑌥॒𑌮𑍋 𑌅𑌦𑍍𑌧𑍍𑌯॑𑌤𑌿𑌷𑍍𑌠𑌤𑍍 । 𑌗॒𑌨𑍍𑌧॒𑌰𑍍𑌵𑍋 𑌅॑𑌸𑍍𑌯 𑌰𑌶॒𑌨𑌾𑌮॑-𑌗𑍃𑌭𑍍𑌣𑌾॒-𑌥𑍍𑌸𑍂𑌰𑌾॒𑌦𑌶𑍍𑌵𑌂॑-𑌵𑌁𑌸𑌵𑍋॒ 𑌨𑌿𑌰॑𑌤𑌷𑍍𑌟 ॥ 𑌅𑌸𑌿॑ 𑌯॒𑌮𑍋 𑌅𑌸𑍍𑌯𑌾॑𑌦𑌿॒𑌤𑍍𑌯𑍋 𑌅॑𑌰𑍍𑌵॒𑌨𑍍𑌨𑌸𑌿॑ 𑌤𑍍𑌰𑌿॒𑌤𑍋 𑌗𑍁𑌹𑍍𑌯𑍇॑𑌨 𑌵𑍍𑌰॒𑌤𑍇𑌨॑ । 𑌅𑌸𑌿॒ 𑌸𑍋𑌮𑍇॑𑌨 𑌸॒𑌮𑌯𑌾॒ 𑌵𑌿𑌪𑍃॑𑌕𑍍𑌤 [𑌵𑌿𑌪𑍃॑𑌕𑍍𑌤𑌃, 𑌆॒𑌹𑍁𑌸𑍍𑌤𑍇॒ 𑌤𑍍𑌰𑍀𑌣𑌿॑ 𑌦𑌿॒𑌵𑌿 𑌬𑌨𑍍𑌧॑𑌨𑌾𑌨𑌿 ।] 34

𑌆॒𑌹𑍁𑌸𑍍𑌤𑍇॒ 𑌤𑍍𑌰𑍀𑌣𑌿॑ 𑌦𑌿॒𑌵𑌿 𑌬𑌨𑍍𑌧॑𑌨𑌾𑌨𑌿 ॥ 𑌤𑍍𑌰𑍀𑌣𑌿॑ 𑌤 𑌆𑌹𑍁𑌰𑍍𑌦𑌿॒𑌵𑌿 𑌬𑌨𑍍𑌧॑𑌨𑌾𑌨𑌿॒ 𑌤𑍍𑌰𑍀𑌣𑍍𑌯॒𑌫𑍍𑌸𑍁 𑌤𑍍𑌰𑍀𑌣𑍍𑌯॒𑌨𑍍𑌤-𑌸𑍍𑌸॑𑌮𑍁॒𑌦𑍍𑌰𑍇 । 𑌉॒𑌤𑍇𑌵॑ 𑌮𑍇॒ 𑌵𑌰𑍁॑𑌣𑌶𑍍𑌛𑌨𑍍-𑌥𑍍𑌸𑍍𑌯𑌰𑍍𑌵॒𑌨𑍍॒. 𑌯𑌤𑍍𑌰𑌾॑ 𑌤 𑌆॒𑌹𑍁𑌃 𑌪॑𑌰॒𑌮-𑌞𑍍𑌜॒𑌨𑌿𑌤𑍍𑌰᳚𑌮𑍍 ॥ 𑌇॒𑌮𑌾 𑌤𑍇॑ 𑌵𑌾𑌜𑌿𑌨𑍍𑌨𑌵॒𑌮𑌾𑌰𑍍𑌜॑𑌨𑌾𑌨𑍀॒𑌮𑌾 𑌶॒𑌫𑌾𑌨𑌾𑌗𑍍​𑌮𑍍॑ 𑌸𑌨𑌿॒𑌤𑍁𑌰𑍍𑌨𑌿॒𑌧𑌾𑌨𑌾᳚ । 𑌅𑌤𑍍𑌰𑌾॑ 𑌤𑍇 𑌭॒𑌦𑍍𑌰𑌾 𑌰॑𑌶॒𑌨𑌾 𑌅॑𑌪𑌶𑍍𑌯𑌮𑍃॒𑌤𑌸𑍍𑌯॒ 𑌯𑌾 𑌅॑𑌭𑌿॒𑌰𑌕𑍍𑌷॑𑌨𑍍𑌤𑌿 𑌗𑍋॒𑌪𑌾𑌃 ॥ 𑌆॒𑌤𑍍𑌮𑌾𑌨॑-𑌨𑍍𑌤𑍇॒ 𑌮𑌨॑𑌸𑌾॒-𑌽𑌽𑌰𑌾𑌦॑𑌜𑌾𑌨𑌾𑌮॒𑌵𑍋 𑌦𑌿॒𑌵𑌾 [ ] 35

𑌪॒𑌤𑌯॑𑌨𑍍𑌤-𑌮𑍍𑌪𑌤॒𑌙𑍍𑌗𑌮𑍍 । 𑌶𑌿𑌰𑍋॑ 𑌅𑌪𑌶𑍍𑌯-𑌮𑍍𑌪॒𑌥𑌿𑌭𑌿॑-𑌸𑍍𑌸𑍁॒𑌗𑍇𑌭𑌿॑𑌰𑌰𑍇॒𑌣𑍁𑌭𑌿॒𑌰𑍍𑌜𑍇𑌹॑𑌮𑌾𑌨-𑌮𑍍𑌪𑌤॒𑌤𑍍𑌰𑌿 ॥ 𑌅𑌤𑍍𑌰𑌾॑ 𑌤𑍇 𑌰𑍂॒𑌪𑌮𑍁॑𑌤𑍍𑌤॒𑌮𑌮॑𑌪𑌶𑍍𑌯॒-𑌞𑍍𑌜𑌿𑌗𑍀॑𑌷𑌮𑌾𑌣𑌮𑌿॒𑌷 𑌆 𑌪॒𑌦𑍇 𑌗𑍋𑌃 । 𑌯॒𑌦𑌾 𑌤𑍇॒ 𑌮𑌰𑍍𑌤𑍋॒ 𑌅𑌨𑍁॒ 𑌭𑍋𑌗॒𑌮𑌾𑌨॒𑌡𑌾𑌦𑌿-𑌦𑍍𑌗𑍍𑌰𑌸𑌿॑𑌷𑍍𑌠॒ 𑌓𑌷॑𑌧𑍀𑌰𑌜𑍀𑌗𑌃 ॥ 𑌅𑌨𑍁॑ 𑌤𑍍𑌵𑌾॒ 𑌰𑌥𑍋॒ 𑌅𑌨𑍁॒ 𑌮𑌰𑍍𑌯𑍋॑ 𑌅𑌰𑍍𑌵॒𑌨𑍍𑌨𑌨𑍁॒ 𑌗𑌾𑌵𑍋-𑌽𑌨𑍁॒ 𑌭𑌗𑌃॑ 𑌕॒𑌨𑍀𑌨𑌾᳚𑌮𑍍 । 𑌅𑌨𑍁॒ 𑌵𑍍𑌰𑌾𑌤𑌾॑𑌸॒𑌸𑍍𑌤𑌵॑ 𑌸॒𑌖𑍍𑌯𑌮𑍀॑𑌯𑍁॒𑌰𑌨𑍁॑ 𑌦𑍇॒𑌵𑌾 𑌮॑𑌮𑌿𑌰𑍇 𑌵𑍀॒𑌰𑍍𑌯॑- [𑌵𑍀॒𑌰𑍍𑌯᳚𑌮𑍍, 𑌤𑍇 ।] 36

-𑌨𑍍𑌤𑍇 ॥ 𑌹𑌿𑌰॑𑌣𑍍𑌯𑌶𑍃॒𑌙𑍍𑌗𑍋-𑌽𑌯𑍋॑ 𑌅𑌸𑍍𑌯॒ 𑌪𑌾𑌦𑌾॒ 𑌮𑌨𑍋॑𑌜𑌵𑌾॒ 𑌅𑌵॑𑌰॒ 𑌇𑌨𑍍𑌦𑍍𑌰॑ 𑌆𑌸𑍀𑌤𑍍 । 𑌦𑍇॒𑌵𑌾 𑌇𑌦॑𑌸𑍍𑌯 𑌹𑌵𑌿॒𑌰𑌦𑍍𑌯॑𑌮𑌾𑌯॒𑌨𑍍॒. 𑌯𑍋 𑌅𑌰𑍍𑌵॑𑌨𑍍𑌤-𑌮𑍍𑌪𑍍𑌰𑌥॒𑌮𑍋 𑌅॒𑌦𑍍𑌧𑍍𑌯𑌤𑌿॑𑌷𑍍𑌠𑌤𑍍 ॥ 𑌈॒𑌰𑍍𑌮𑌾𑌨𑍍𑌤𑌾॑𑌸॒-𑌸𑍍𑌸𑌿𑌲𑌿॑𑌕𑌮𑌦𑍍𑌧𑍍𑌯𑌮𑌾𑌸॒-𑌸𑍍𑌸𑌗𑍍​𑌮𑍍 𑌶𑍂𑌰॑𑌣𑌾𑌸𑍋 𑌦𑌿॒𑌵𑍍𑌯𑌾𑌸𑍋॒ 𑌅𑌤𑍍𑌯𑌾𑌃᳚ । 𑌹॒𑌗𑍍​𑌮𑍍॒𑌸𑌾 𑌇॑𑌵 𑌶𑍍𑌰𑍇𑌣𑌿॒𑌶𑍋 𑌯॑𑌤𑌨𑍍𑌤𑍇॒ 𑌯𑌦𑌾𑌕𑍍𑌷𑌿॑𑌷𑍁𑌰𑍍𑌦𑌿॒𑌵𑍍𑌯-𑌮𑌜𑍍𑌮॒𑌮𑌶𑍍𑌵𑌾𑌃᳚ ॥ 𑌤𑌵॒ 𑌶𑌰𑍀॑𑌰-𑌮𑍍𑌪𑌤𑌯𑌿॒𑌷𑍍𑌣𑍍𑌵॑𑌰𑍍𑌵॒-𑌨𑍍𑌤𑌵॑ 𑌚𑌿॒𑌤𑍍𑌤𑌂-𑌵𑌾𑌁𑌤॑ 𑌇𑌵॒ 𑌧𑍍𑌰𑌜𑍀॑𑌮𑌾𑌨𑍍 । 𑌤𑌵॒ 𑌶𑍃𑌙𑍍𑌗𑌾॑𑌣𑌿॒ 𑌵𑌿𑌷𑍍𑌠𑌿॑𑌤𑌾 𑌪𑍁𑌰𑍁॒𑌤𑍍𑌰𑌾-𑌽𑌰॑𑌣𑍍𑌯𑍇𑌷𑍁॒ 𑌜𑌰𑍍𑌭𑍁॑𑌰𑌾𑌣𑌾 𑌚𑌰𑌨𑍍𑌤𑌿 ॥ 𑌉𑌪॒ [𑌉𑌪॑, 𑌪𑍍𑌰𑌾𑌗𑌾॒𑌚𑍍𑌛𑌸॑𑌨𑌂-] 3𑍭

𑌪𑍍𑌰𑌾𑌗𑌾॒𑌚𑍍𑌛𑌸॑𑌨𑌂-𑌵𑌾𑌁॒𑌜𑍍𑌯𑌰𑍍𑌵𑌾॑ 𑌦𑍇𑌵॒𑌦𑍍𑌰𑍀𑌚𑌾॒ 𑌮𑌨॑𑌸𑌾॒ 𑌦𑍀𑌦𑍍𑌧𑍍𑌯𑌾॑𑌨𑌃 । 𑌅॒𑌜𑌃 𑌪𑍁॒𑌰𑍋 𑌨𑍀॑𑌯𑌤𑍇॒ 𑌨𑌾𑌭𑌿॑𑌰॒𑌸𑍍𑌯𑌾𑌨𑍁॑ 𑌪॒𑌶𑍍𑌚𑌾-𑌤𑍍𑌕॒𑌵𑌯𑍋॑ 𑌯𑌨𑍍𑌤𑌿 𑌰𑍇॒𑌭𑌾𑌃 ॥ 𑌉𑌪॒ 𑌪𑍍𑌰𑌾𑌗𑌾᳚-𑌤𑍍𑌪𑌰॒𑌮𑌂-𑌯𑌁-𑌥𑍍𑌸॒𑌧𑌸𑍍𑌥॒𑌮𑌰𑍍𑌵𑌾॒𑌗𑍍​𑌮𑍍॒ 𑌅𑌚𑍍𑌛𑌾॑ 𑌪𑌿॒𑌤𑌰॑-𑌮𑍍𑌮𑌾॒𑌤𑌰॑-𑌞𑍍𑌚 । 𑌅॒𑌦𑍍𑌯𑌾 𑌦𑍇॒𑌵𑌾𑌨𑍍 𑌜𑍁𑌷𑍍𑌟॑𑌤𑌮𑍋॒ 𑌹𑌿 𑌗॒𑌮𑍍𑌯𑌾 𑌅𑌥𑌾-𑌽𑌽𑌶𑌾᳚𑌸𑍍𑌤𑍇 𑌦𑌾॒𑌶𑍁𑌷𑍇॒ 𑌵𑌾𑌰𑍍𑌯𑌾॑𑌣𑌿 ॥ 3𑍮 ॥
(𑌵𑌿𑌪𑍃॑𑌕𑍍𑌤𑍋 – 𑌦𑌿॒𑌵𑌾 – 𑌵𑍀॒𑌰𑍍𑌯॑ – 𑌮𑍁𑌪𑍈 – 𑌕𑌾॒𑌨𑍍𑌨𑌚॑𑌤𑍍𑌵𑌾𑌰𑌿॒𑌗𑍍​𑌮𑍍॒𑌶𑌚𑍍𑌚॑) (𑌅. 𑍭)

𑌮𑌾 𑌨𑍋॑ 𑌮𑌿॒𑌤𑍍𑌰𑍋 𑌵𑌰𑍁॑𑌣𑍋 𑌅𑌰𑍍𑌯॒𑌮𑌾-𑌽𑌽𑌯𑍁𑌰𑌿𑌨𑍍𑌦𑍍𑌰॑ 𑌋𑌭𑍁॒𑌕𑍍𑌷𑌾 𑌮॒𑌰𑍁𑌤𑌃॒ 𑌪𑌰𑌿॑ 𑌖𑍍𑌯𑌨𑍍𑌨𑍍 । 𑌯-𑌦𑍍𑌵𑌾॒𑌜𑌿𑌨𑍋॑ 𑌦𑍇॒𑌵𑌜𑌾॑𑌤𑌸𑍍𑌯॒ 𑌸𑌪𑍍𑌤𑍇𑌃᳚ 𑌪𑍍𑌰𑌵॒𑌕𑍍𑌷𑍍𑌯𑌾𑌮𑍋॑ 𑌵𑌿॒𑌦𑌥𑍇॑ 𑌵𑍀॒𑌰𑍍𑌯𑌾॑𑌣𑌿 ॥ 𑌯𑌨𑍍𑌨𑌿॒𑌰𑍍𑌣𑌿𑌜𑌾॒ 𑌰𑍇𑌕𑍍𑌣॑𑌸𑌾॒ 𑌪𑍍𑌰𑌾𑌵𑍃॑𑌤𑌸𑍍𑌯 𑌰𑌾॒𑌤𑌿-𑌙𑍍𑌗𑍃॑𑌭𑍀॒𑌤𑌾-𑌮𑍍𑌮𑍁॑𑌖॒𑌤𑍋 𑌨𑌯॑𑌨𑍍𑌤𑌿 । 𑌸𑍁𑌪𑍍𑌰𑌾॑𑌙॒𑌜𑍋 𑌮𑍇𑌮𑍍𑌯॑-𑌦𑍍𑌵𑌿॒𑌶𑍍𑌵𑌰𑍂॑𑌪 𑌇𑌨𑍍𑌦𑍍𑌰𑌾𑌪𑍂॒𑌷𑍍𑌣𑍋𑌃 𑌪𑍍𑌰𑌿॒𑌯𑌮𑌪𑍍𑌯𑍇॑𑌤𑌿॒ 𑌪𑌾𑌥𑌃॑ ॥ 𑌏॒𑌷 𑌚𑍍𑌛𑌾𑌗𑌃॑ 𑌪𑍁॒𑌰𑍋 𑌅𑌶𑍍𑌵𑍇॑𑌨 𑌵𑌾॒𑌜𑌿𑌨𑌾॑ 𑌪𑍂॒𑌷𑍍𑌣𑍋 𑌭𑌾॒𑌗𑍋 𑌨𑍀॑𑌯𑌤𑍇 𑌵𑌿॒𑌶𑍍𑌵𑌦𑍇᳚𑌵𑍍𑌯𑌃 । 𑌅॒𑌭𑌿॒𑌪𑍍𑌰𑌿𑌯𑌂॒-𑌯𑌁-𑌤𑍍𑌪𑍁॑𑌰𑍋॒𑌡𑌾𑌶॒𑌮𑌰𑍍𑌵॑𑌤𑌾॒ 𑌤𑍍𑌵𑌷𑍍𑌟𑍇- [𑌤𑍍𑌵𑌷𑍍𑌟𑍇𑌤𑍍, 𑌏॒𑌨॒𑌗𑍍​𑌮𑍍॒ 𑌸𑍌॒𑌶𑍍𑌰॒𑌵॒𑌸𑌾𑌯॑ 𑌜𑌿𑌨𑍍𑌵𑌤𑌿 ।] 3𑍯

-𑌦𑍇॑𑌨𑌗𑍍​𑌮𑍍 𑌸𑍌𑌶𑍍𑌰𑌵॒𑌸𑌾𑌯॑ 𑌜𑌿𑌨𑍍𑌵𑌤𑌿 ॥ 𑌯𑌦𑍍𑌧॒𑌵𑌿𑌷𑍍𑌯॑𑌮𑍃𑌤𑍁॒𑌶𑍋 𑌦𑍇॑𑌵॒𑌯𑌾𑌨॒-𑌨𑍍𑌤𑍍𑌰𑌿𑌰𑍍𑌮𑌾𑌨𑍁॑𑌷𑌾𑌃॒ 𑌪𑌰𑍍𑌯𑌶𑍍𑌵॒-𑌨𑍍𑌨𑌯॑𑌨𑍍𑌤𑌿 । 𑌅𑌤𑍍𑌰𑌾॑ 𑌪𑍂॒𑌷𑍍𑌣𑌃 𑌪𑍍𑌰॑𑌥॒𑌮𑍋 𑌭𑌾॒𑌗 𑌏॑𑌤𑌿 𑌯॒𑌜𑍍𑌞-𑌨𑍍𑌦𑍇॒𑌵𑍇𑌭𑍍𑌯𑌃॑ 𑌪𑍍𑌰𑌤𑌿𑌵𑍇॒𑌦𑌯॑𑌨𑍍𑌨॒𑌜𑌃 ॥ 𑌹𑍋𑌤𑌾᳚-𑌽𑌦𑍍𑌧𑍍𑌵॒𑌰𑍍𑌯𑍁𑌰𑌾𑌵॑𑌯𑌾 𑌅𑌗𑍍𑌨𑌿𑌮𑌿॒𑌨𑍍𑌧𑍋 𑌗𑍍𑌰𑌾॑𑌵𑌗𑍍𑌰𑌾॒𑌭 𑌉॒𑌤 𑌶𑌗𑍍𑌗𑍍​𑌸𑍍𑌤𑌾॒ 𑌸𑍁𑌵𑌿॑𑌪𑍍𑌰𑌃 । 𑌤𑍇𑌨॑ 𑌯॒𑌜𑍍𑌞𑍇𑌨॒ 𑌸𑍍𑌵॑𑌰𑌙𑍍𑌕𑍃𑌤𑍇𑌨॒ 𑌸𑍍𑌵𑌿॑𑌷𑍍𑌟𑍇𑌨 𑌵॒𑌕𑍍𑌷𑌣𑌾॒ 𑌆 𑌪𑍃॑𑌣𑌦𑍍𑌧𑍍𑌵𑌮𑍍 ॥ 𑌯𑍂॒𑌪॒𑌵𑍍𑌰॒𑌸𑍍𑌕𑌾 𑌉॒𑌤 𑌯𑍇 𑌯𑍂॑𑌪𑌵𑌾॒𑌹𑌾𑌶𑍍𑌚॒𑌷𑌾𑌲𑌂॒-𑌯𑍇𑌁 𑌅॑𑌶𑍍𑌵𑌯𑍂॒𑌪𑌾𑌯॒ 𑌤𑌕𑍍𑌷॑𑌤𑌿 । 𑌯𑍇 𑌚𑌾𑌰𑍍𑌵॑𑌤𑍇॒ 𑌪𑌚॑𑌨𑌗𑍍​𑌮𑍍 𑌸॒𑌭𑌂𑌰॑𑌨𑍍𑌤𑍍𑌯𑍁॒𑌤𑍋 [ ] 40

𑌤𑍇𑌷𑌾॑-𑌮॒𑌭𑌿𑌗𑍂᳚𑌰𑍍𑌤𑌿𑌰𑍍𑌨 𑌇𑌨𑍍𑌵𑌤𑍁 ॥ 𑌉𑌪॒ 𑌪𑍍𑌰𑌾𑌗𑌾᳚-𑌥𑍍𑌸𑍁॒𑌮𑌨𑍍𑌮𑍇॑-𑌽𑌧𑌾𑌯𑌿॒ 𑌮𑌨𑍍𑌮॑ 𑌦𑍇॒𑌵𑌾𑌨𑌾॒𑌮𑌾𑌶𑌾॒ 𑌉𑌪॑ 𑌵𑍀॒𑌤𑌪𑍃॑𑌷𑍍𑌠𑌃 । 𑌅𑌨𑍍𑌵𑍇॑𑌨𑌂॒-𑌵𑌿𑌁𑌪𑍍𑌰𑌾॒ 𑌋𑌷॑𑌯𑍋 𑌮𑌦𑌨𑍍𑌤𑌿 𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌷𑍍𑌟𑍇 𑌚॑𑌕𑍃𑌮𑌾 𑌸𑍁॒𑌬𑌨𑍍𑌧𑍁᳚𑌮𑍍 ॥ 𑌯-𑌦𑍍𑌵𑌾॒𑌜𑌿𑌨𑍋॒ 𑌦𑌾𑌮॑ 𑌸॒𑌦𑌾𑌨𑍍𑌨॒𑌮𑌰𑍍𑌵॑𑌤𑍋॒ 𑌯𑌾 𑌶𑍀॑𑌰𑍍​𑌷॒𑌣𑍍𑌯𑌾॑ 𑌰𑌶॒𑌨𑌾 𑌰𑌜𑍍𑌜𑍁॑𑌰𑌸𑍍𑌯 । 𑌯𑌦𑍍𑌵𑌾॑ 𑌘𑌾𑌸𑍍𑌯॒ 𑌪𑍍𑌰𑌭𑍃॑𑌤𑌮𑌾॒𑌸𑍍𑌯𑍇॑ 𑌤𑍃𑌣॒𑌗𑍍​𑌮𑍍॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌅𑌪𑌿॑ 𑌦𑍇॒𑌵𑍇𑌷𑍍𑌵॑𑌸𑍍𑌤𑍁 ॥ 𑌯𑌦𑌶𑍍𑌵॑𑌸𑍍𑌯 𑌕𑍍𑌰॒𑌵𑌿𑌷𑍋॒ [𑌯𑌦𑌶𑍍𑌵॑𑌸𑍍𑌯 𑌕𑍍𑌰॒𑌵𑌿𑌷𑌃॑, 𑌮𑌕𑍍𑌷𑌿॒𑌕𑌾-𑌽𑌽𑌶॒] 41

𑌮𑌕𑍍𑌷𑌿॒𑌕𑌾-𑌽𑌽𑌶॒ 𑌯𑌦𑍍𑌵𑌾॒ 𑌸𑍍𑌵𑌰𑍌॒ 𑌸𑍍𑌵𑌧𑌿॑𑌤𑍌 𑌰𑌿॒𑌪𑍍𑌤𑌮𑌸𑍍𑌤𑌿॑ । 𑌯𑌦𑍍𑌧𑌸𑍍𑌤॑𑌯𑍋-𑌶𑍍𑌶𑌮𑌿॒𑌤𑍁𑌰𑍍𑌯𑌨𑍍𑌨॒𑌖𑍇𑌷𑍁॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌅𑌪𑌿॑ 𑌦𑍇॒𑌵𑍇𑌷𑍍𑌵॑𑌸𑍍𑌤𑍁 ॥ 𑌯𑌦𑍂𑌵॑𑌦𑍍𑌧𑍍𑌯𑌮𑍁॒𑌦𑌰॑𑌸𑍍𑌯𑌾𑌪॒𑌵𑌾𑌤𑌿॒ 𑌯 𑌆॒𑌮𑌸𑍍𑌯॑ 𑌕𑍍𑌰॒𑌵𑌿𑌷𑍋॑ 𑌗॒𑌨𑍍𑌧𑍋 𑌅𑌸𑍍𑌤𑌿॑ । 𑌸𑍁॒𑌕𑍃॒𑌤𑌾 𑌤𑌚𑍍𑌛॑𑌮𑌿॒𑌤𑌾𑌰𑌃॑ 𑌕𑍃𑌣𑍍𑌵𑌨𑍍𑌤𑍂॒𑌤 𑌮𑍇𑌧𑌗𑍍​𑌮𑍍॑ 𑌶𑍃𑌤॒𑌪𑌾𑌕॑-𑌮𑍍𑌪𑌚𑌨𑍍𑌤𑍁 ॥ 𑌯-𑌤𑍍𑌤𑍇॒ 𑌗𑌾𑌤𑍍𑌰𑌾॑𑌦॒𑌗𑍍𑌨𑌿𑌨𑌾॑ 𑌪॒𑌚𑍍𑌯𑌮𑌾॑𑌨𑌾𑌦॒𑌭𑌿 𑌶𑍂𑌲॒-𑌨𑍍𑌨𑌿𑌹॑𑌤𑌸𑍍𑌯𑌾𑌵॒𑌧𑌾𑌵॑𑌤𑌿 । 𑌮𑌾 𑌤-𑌦𑍍𑌭𑍂𑌮𑍍𑌯𑌾॒𑌮𑌾 𑌶𑍍𑌰𑌿॑𑌷॒ ( )-𑌨𑍍𑌮𑌾 𑌤𑍃𑌣𑍇॑𑌷𑍁 𑌦𑍇॒𑌵𑍇𑌭𑍍𑌯॒𑌸𑍍𑌤𑌦𑍁॒𑌶𑌦𑍍𑌭𑍍𑌯𑍋॑ 𑌰𑌾॒𑌤𑌮॑𑌸𑍍𑌤𑍁 ॥ 42 ॥
(𑌇 – 𑌦𑍁॒𑌤𑍋 – 𑌕𑍍𑌰॒𑌵𑌿𑌷𑌃॑ – 𑌶𑍍𑌰𑌿𑌷𑌥𑍍 – 𑌸॒𑌪𑍍𑌤 𑌚॑) (𑌅. 𑍮)

𑌯𑍇 𑌵𑌾॒𑌜𑌿𑌨॑-𑌮𑍍𑌪𑌰𑌿॒𑌪𑌶𑍍𑌯॑𑌨𑍍𑌤𑌿 𑌪॒𑌕𑍍𑌵𑌂-𑌯𑌁 𑌈॑𑌮𑌾॒𑌹𑍁-𑌸𑍍𑌸𑍁॑𑌰॒𑌭𑌿𑌰𑍍𑌨𑌿𑌰𑍍​𑌹॒𑌰𑍇𑌤𑌿॑ । 𑌯𑍇 𑌚𑌾𑌰𑍍𑌵॑𑌤𑍋 𑌮𑌾𑌗𑍍​𑌮𑍍𑌸𑌭𑌿॒𑌕𑍍𑌷𑌾𑌮𑍁॒𑌪𑌾𑌸॑𑌤 𑌉॒𑌤𑍋 𑌤𑍇𑌷𑌾॑𑌮॒𑌭𑌿𑌗𑍂᳚𑌰𑍍𑌤𑌿𑌰𑍍𑌨 𑌇𑌨𑍍𑌵𑌤𑍁 ॥ 𑌯𑌨𑍍𑌨𑍀𑌕𑍍𑌷॑𑌣-𑌮𑍍𑌮𑌾॒𑌗𑍍॒𑌸𑍍𑌪𑌚॑𑌨𑍍𑌯𑌾 𑌉॒𑌖𑌾𑌯𑌾॒ 𑌯𑌾 𑌪𑌾𑌤𑍍𑌰𑌾॑𑌣𑌿 𑌯𑍂॒𑌷𑍍𑌣 𑌆॒𑌸𑍇𑌚॑𑌨𑌾𑌨𑌿 । 𑌊॒𑌷𑍍𑌮॒𑌣𑍍𑌯𑌾॑-𑌽𑌪𑌿॒𑌧𑌾𑌨𑌾॑ 𑌚𑌰𑍂॒𑌣𑌾𑌮॒𑌙𑍍𑌕𑌾-𑌸𑍍𑌸𑍂॒𑌨𑌾𑌃 𑌪𑌰𑌿॑ 𑌭𑍂𑌷॒𑌨𑍍𑌤𑍍𑌯𑌶𑍍𑌵᳚𑌮𑍍 ॥ 𑌨𑌿॒𑌕𑍍𑌰𑌮॑𑌣-𑌨𑍍𑌨𑌿॒𑌷𑌦॑𑌨𑌂-𑌵𑌿𑌁॒𑌵𑌰𑍍𑌤॑𑌨𑌂॒-𑌯𑌁𑌚𑍍𑌚॒ 𑌪𑌡𑍍𑌬𑍀॑𑌶॒𑌮𑌰𑍍𑌵॑𑌤𑌃 । 𑌯𑌚𑍍𑌚॑ 𑌪॒𑌪𑍌 𑌯𑌚𑍍𑌚॑ 𑌘𑌾॒𑌸𑌿- [𑌘𑌾॒𑌸𑌿𑌮𑍍, 𑌜॒𑌘𑌾𑌸॒ 𑌸𑌰𑍍𑌵𑌾॒ 𑌤𑌾] 43

-𑌞𑍍𑌜॒𑌘𑌾𑌸॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌅𑌪𑌿॑ 𑌦𑍇॒𑌵𑍇𑌷𑍍𑌵॑𑌸𑍍𑌤𑍁 ॥ 𑌮𑌾 𑌤𑍍𑌵𑌾॒-𑌽𑌗𑍍𑌨𑌿-𑌰𑍍𑌧𑍍𑌵॑𑌨𑌯𑌿-𑌦𑍍𑌧𑍂॒𑌮𑌗॑𑌨𑍍𑌧𑌿॒𑌰𑍍𑌮𑍋𑌖𑌾 𑌭𑍍𑌰𑌾𑌜॑𑌨𑍍𑌤𑍍𑌯॒𑌭𑌿 𑌵𑌿॑𑌕𑍍𑌤॒ 𑌜𑌘𑍍𑌰𑌿𑌃॑ । 𑌇॒𑌷𑍍𑌟𑌂-𑌵𑍀𑌁॒𑌤𑌮॒𑌭𑌿𑌗𑍂᳚𑌰𑍍𑌤𑌂॒-𑌵𑌁𑌷॑𑌟𑍍𑌕𑍃𑌤॒-𑌨𑍍𑌤-𑌨𑍍𑌦𑍇॒𑌵𑌾𑌸𑌃॒ 𑌪𑍍𑌰𑌤𑌿॑ 𑌗𑍃𑌭𑍍𑌣॒𑌨𑍍𑌤𑍍𑌯𑌶𑍍𑌵᳚𑌮𑍍 ॥ 𑌯𑌦𑌶𑍍𑌵𑌾॑𑌯॒ 𑌵𑌾𑌸॑ 𑌉𑌪𑌸𑍍𑌤𑍃॒𑌣𑌨𑍍𑌤𑍍𑌯॑𑌧𑍀𑌵𑌾॒𑌸𑌂-𑌯𑌾𑌁 𑌹𑌿𑌰॑𑌣𑍍𑌯𑌾𑌨𑍍𑌯𑌸𑍍𑌮𑍈 । 𑌸॒𑌨𑍍𑌦𑌾𑌨॒𑌮𑌰𑍍𑌵॑𑌨𑍍𑌤॒-𑌮𑍍𑌪𑌡𑍍𑌬𑍀॑𑌶-𑌮𑍍𑌪𑍍𑌰𑌿॒𑌯𑌾 𑌦𑍇॒𑌵𑍇𑌷𑍍𑌵𑌾 𑌯𑌾॑𑌮𑌯𑌨𑍍𑌤𑌿 ॥ 𑌯-𑌤𑍍𑌤𑍇॑ 𑌸𑌾॒𑌦𑍇 𑌮𑌹॑𑌸𑌾॒ 𑌶𑍂𑌕𑍃॑𑌤𑌸𑍍𑌯॒ 𑌪𑌾𑌰𑍍​𑌷𑍍𑌣𑌿॑𑌯𑌾 𑌵𑌾॒ 𑌕𑌶॑𑌯𑌾 [𑌵𑌾॒ 𑌕𑌶॑𑌯𑌾, 𑌵𑌾॒ 𑌤𑍁॒𑌤𑍋𑌦॑ ।] 44

𑌵𑌾 𑌤𑍁॒𑌤𑍋𑌦॑ । 𑌸𑍍𑌰𑍁॒𑌚𑍇𑌵॒ 𑌤𑌾 𑌹॒𑌵𑌿𑌷𑍋॑ 𑌅𑌦𑍍𑌧𑍍𑌵॒𑌰𑍇𑌷𑍁॒ 𑌸𑌰𑍍𑌵𑌾॒ 𑌤𑌾 𑌤𑍇॒ 𑌬𑍍𑌰𑌹𑍍𑌮॑𑌣𑌾 𑌸𑍂𑌦𑌯𑌾𑌮𑌿 ॥ 𑌚𑌤𑍁॑𑌸𑍍𑌤𑍍𑌰𑌿𑌗𑍍​𑌮𑍍𑌶-𑌦𑍍𑌵𑌾॒𑌜𑌿𑌨𑍋॑ 𑌦𑍇॒𑌵𑌬॑𑌨𑍍𑌧𑍋॒-𑌰𑍍𑌵𑌙𑍍𑌕𑍍𑌰𑍀॒-𑌰𑌶𑍍𑌵॑𑌸𑍍𑌯॒ 𑌸𑍍𑌵𑌧𑌿॑𑌤𑌿॒-𑌸𑍍𑌸𑌮𑍇॑𑌤𑌿 । 𑌅𑌚𑍍𑌛𑌿॑𑌦𑍍𑌰𑌾॒ 𑌗𑌾𑌤𑍍𑌰𑌾॑ 𑌵॒𑌯𑍁𑌨𑌾॑ 𑌕𑍃𑌣𑍋𑌤॒ 𑌪𑌰𑍁॑𑌷𑍍𑌪𑌰𑍁𑌰𑌨𑍁॒𑌘𑍁𑌷𑍍𑌯𑌾॒ 𑌵𑌿 𑌶॑𑌸𑍍𑌤 ॥ 𑌏𑌕॒𑌸𑍍𑌤𑍍𑌵𑌷𑍍𑌟𑍁॒𑌰𑌶𑍍𑌵॑𑌸𑍍𑌯𑌾 𑌵𑌿𑌶॒𑌸𑍍𑌤𑌾 𑌦𑍍𑌵𑌾 𑌯॒𑌨𑍍𑌤𑌾𑌰𑌾॑ 𑌭𑌵𑌤॒𑌸𑍍𑌤𑌥॒𑌰𑍍𑌤𑍁𑌃 । 𑌯𑌾 𑌤𑍇॒ 𑌗𑌾𑌤𑍍𑌰𑌾॑𑌣𑌾𑌮𑍃𑌤𑍁॒𑌥𑌾 𑌕𑍃॒𑌣𑍋𑌮𑌿॒ 𑌤𑌾𑌤𑌾॒ 𑌪𑌿𑌣𑍍𑌡𑌾॑𑌨𑌾॒-𑌮𑍍𑌪𑍍𑌰 𑌜𑍁॑𑌹𑍋𑌮𑍍𑌯॒𑌗𑍍𑌨𑍌 ॥ 𑌮𑌾 𑌤𑍍𑌵𑌾॑ 𑌤𑌪- [𑌤𑌪𑌤𑍍, 𑌪𑍍𑌰𑌿॒𑌯 𑌆॒𑌤𑍍𑌮𑌾-] 45

-𑌤𑍍𑌪𑍍𑌰𑌿॒𑌯 𑌆॒𑌤𑍍𑌮𑌾-𑌽𑌪𑌿॒𑌯𑌨𑍍𑌤॒-𑌮𑍍𑌮𑌾 𑌸𑍍𑌵𑌧𑌿॑𑌤𑌿𑌸𑍍𑌤॒𑌨𑍁𑌵॒ 𑌆 𑌤𑌿॑𑌷𑍍𑌠𑌿𑌪-𑌤𑍍𑌤𑍇 । 𑌮𑌾 𑌤𑍇॑ 𑌗𑍃॒𑌦𑍍𑌧𑍍𑌨𑍁-𑌰॑𑌵𑌿𑌶॒𑌸𑍍𑌤𑌾-𑌽𑌤𑌿॒𑌹𑌾𑌯॑ 𑌛𑌿॒𑌦𑍍𑌰𑌾 𑌗𑌾𑌤𑍍𑌰𑌾᳚𑌣𑍍𑌯॒𑌸𑌿𑌨𑌾॒ 𑌮𑌿𑌥𑍂॑ 𑌕𑌃 ॥ 𑌨 𑌵𑌾 𑌉॑𑌵𑍇॒𑌤𑌨𑍍𑌮𑍍𑌰𑌿॑𑌯𑌸𑍇॒ 𑌨 𑌰𑌿॑𑌷𑍍𑌯𑌸𑌿 𑌦𑍇॒𑌵𑌾𑌗𑍍​𑌮𑍍 𑌇𑌦𑍇॑𑌷𑌿 𑌪॒𑌥𑌿𑌭𑌿॑-𑌸𑍍𑌸𑍁॒𑌗𑍇𑌭𑌿𑌃॑ । 𑌹𑌰𑍀॑ 𑌤𑍇॒ 𑌯𑍁𑌞𑍍𑌜𑌾॒ 𑌪𑍃𑌷॑𑌤𑍀 𑌅𑌭𑍂𑌤𑌾॒𑌮𑍁𑌪𑌾᳚𑌸𑍍𑌥𑌾-𑌦𑍍𑌵𑌾॒𑌜𑍀 𑌧𑍁॒𑌰𑌿 𑌰𑌾𑌸॑𑌭𑌸𑍍𑌯 ॥ 𑌸𑍁॒𑌗𑌵𑍍𑌯॑-𑌨𑍍𑌨𑍋 𑌵𑌾॒𑌜𑍀 𑌸𑍍𑌵𑌶𑍍𑌵𑌿॑𑌯-𑌮𑍍𑌪𑍁॒𑌗𑍍​𑌮𑍍॒𑌸𑌃 𑌪𑍁॒𑌤𑍍𑌰𑌾𑌗𑍍​𑌮𑍍 𑌉॒𑌤 𑌵𑌿॑𑌶𑍍𑌵𑌾॒𑌪𑍁𑌷𑌗𑍍​𑌮𑍍॑ 𑌰॒𑌯𑌿𑌮𑍍 । 𑌅॒𑌨𑌾॒𑌗𑌾॒𑌸𑍍𑌤𑍍𑌵-𑌨𑍍𑌨𑍋॒ 𑌅𑌦𑌿॑𑌤𑌿𑌃 𑌕𑍃𑌣𑍋𑌤𑍁 𑌕𑍍𑌷॒𑌤𑍍𑌰-𑌨𑍍𑌨𑍋॒ 𑌅𑌶𑍍𑌵𑍋॑ 𑌵𑌨𑌤𑌾𑌗𑍍​𑌮𑍍 𑌹॒𑌵𑌿𑌷𑍍𑌮𑌾𑌨𑍍॑ ॥ 46 ॥
(𑌘𑌾॒𑌸𑌿𑌂-𑌕𑌶॑𑌯𑌾 – 𑌤𑌪-𑌦𑍍- 𑌰॒𑌯𑌿𑌂 – 𑌨𑌵॑ 𑌚 ) (𑌅. 𑍯)

(𑌅𑌶𑍍𑌮॒𑌨𑍍 – 𑌯 𑌇॒𑌮𑍋 – 𑌦𑍇॑𑌨 – 𑌮𑌾॒𑌶𑍁𑌃 – 𑌪𑍍𑌰𑌾𑌚𑍀𑌂᳚ – 𑌜𑍀॒𑌮𑍂𑌤॑𑌸𑍍𑌯॒ – 𑌯𑌦𑌕𑍍𑌰॑𑌨𑍍𑌦𑍋॒ – 𑌮𑌾 𑌨𑍋॑ 𑌮𑌿॒𑌤𑍍𑌰𑍋 – 𑌯𑍇 𑌵𑌾॒𑌜𑌿𑌨𑌂॒ – 𑌨𑌵॑)

(𑌅𑌶𑍍𑌮॑𑌨𑍍 – 𑌮𑌨𑍋॒𑌯𑍁𑌜𑌂॒ – 𑌪𑍍𑌰𑌾𑌚𑍀॒𑌮𑌨𑍁॒ – 𑌶𑌰𑍍𑌮॑ 𑌯𑌚𑍍𑌛𑌤𑍁॒ – 𑌤𑍇𑌷𑌾॑𑌮॒𑌭𑌿𑌗𑍂᳚𑌰𑍍𑌤𑌿𑌃॒ – 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍​𑌮𑍍𑌶𑌤𑍍)

(𑌅𑌶𑍍𑌮॑𑌨𑍍, 𑌹॒𑌵𑌿𑌷𑍍𑌮𑌾𑌨𑍍॑)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌞𑍍𑌚𑌤𑍁𑌰𑍍𑌥 𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇 , 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃 , 𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 , 𑌹॒𑌰𑌿𑌃॒ 𑌓𑌂