കൃഷ്ണ യജുര്വേദീയ തൈത്തിരീയ സംഹിതായാ-ഞ്ചതുര്ഥകാണ്ഡേ സപ്തമഃ പ്രശ്നഃ – വസോര്ധാരാദിശിഷ്ട സംസ്കാരാഭിധാനം
ഓ-ന്നമഃ പരമാത്മനേ, ശ്രീ മഹാഗണപതയേ നമഃ,
ശ്രീ ഗുരുഭ്യോ നമഃ । ഹ॒രിഃ॒ ഓമ് ॥
അഗ്നാ॑വിഷ്ണൂ സ॒ജോഷ॑സേ॒മാ വ॑ര്ധന്തു വാ॒-ങ്ഗിരഃ॑ । ധ്യു॒നൈംര്വാജേ॑ഭി॒രാ ഗ॑തമ് ॥ വാജ॑ശ്ച മേ പ്രസ॒വശ്ച॑ മേ॒ പ്രയ॑തിശ്ച മേ॒ പ്രസി॑തിശ്ച മേ ധീ॒തിശ്ച॑ മേ॒ ക്രതു॑ശ്ച മേ॒ സ്വര॑ശ്ച മേ॒ ശ്ലോക॑ശ്ച മേ ശ്രാ॒വശ്ച॑ മേ॒ ശ്രുതി॑ശ്ച മേ॒ ജ്യോതി॑ശ്ച മേ॒ സുവ॑ശ്ച മേ പ്രാ॒ണശ്ച॑ മേ ഽപാ॒ന- [പ്രാ॒ണശ്ച॑ മേ ഽപാ॒നഃ, ച॒ മേ॒ വ്യാ॒നശ്ച॒ മേ ഽസു॑ശ്ച മേ] 1
-ശ്ച॑ മേ വ്യാ॒നശ്ച॒ മേ ഽസു॑ശ്ച മേ ചി॒ത്ത-ഞ്ച॑ മ॒ ആധീ॑ത-ഞ്ച മേ॒ വാക്ച॑ മേ॒ മന॑ശ്ച മേ॒ ചക്ഷു॑ശ്ച മേ॒ ശ്രോത്ര॑-ഞ്ച മേ॒ ദക്ഷ॑ശ്ച മേ॒ ബല॑-ഞ്ച മ॒ ഓജ॑ശ്ച മേ॒ സഹ॑ശ്ച മ॒ ആയു॑ശ്ച മേ ജ॒രാ ച॑ മ ആ॒ത്മാ ച॑ മേ ത॒നൂശ്ച॑ മേ॒ ശര്മ॑ ച മേ॒ വര്മ॑ ച॒ മേ ഽങ്ഗാ॑നി ച മേ॒ ഽസ്ഥാനി॑ ച മേ॒ പരൂഗ്മ്॑ഷി ച മേ॒ ശരീ॑രാണി ച മേ ॥ 2 ॥
(അ॒പാ॒ന – സ്ത॒നൂശ്ച॑ മേ॒ – ഽഷ്ടാദ॑ശ ച) (അ. 1)
ജ്യൈഷ്ഠ്യ॑-ഞ്ച മ॒ ആധി॑പത്യ-ഞ്ച മേ മ॒ന്യുശ്ച॑ മേ॒ ഭാമ॑ശ്ച॒ മേ-ഽമ॑ശ്ച॒ മേ ഽഭം॑ശ്ച മേ ജേ॒മാ ച॑ മേ മഹി॒മാ ച॑ മേ വരി॒മാ ച॑ മേ പ്രഥി॒മാ ച॑ മേ വ॒ര്ഷ്മാ ച॑ മേ ദ്രാഘു॒യാ ച॑ മേ വൃ॒ദ്ധ-ഞ്ച॑ മേ॒ വൃദ്ധി॑ശ്ച മേ സ॒ത്യ-ഞ്ച॑ മേ ശ്ര॒ദ്ധാ ച॑ മേ॒ ജഗ॑ച്ച [ ] 3
-മേ॒ ധന॑-ഞ്ച മേ॒ വശ॑ശ്ച മേ॒ ത്വിഷി॑ശ്ച മേ ക്രീ॒ഡാ ച॑ മേ॒ മോദ॑ശ്ച മേ ജാ॒ത-ഞ്ച॑ മേ ജനി॒ഷ്യമാ॑ണ-ഞ്ച മേ സൂ॒ക്ത-ഞ്ച॑ മേ സുകൃ॒ത-ഞ്ച॑ മേ വി॒ത്ത-ഞ്ച॑ മേ॒ വേദ്യ॑-ഞ്ച മേ ഭൂ॒തഞ്ച॑ മേ ഭവി॒ഷ്യച്ച॑ മേ സു॒ഗ-ഞ്ച॑ മേ സു॒പഥ॑-ഞ്ച മ ഋ॒ദ്ധ-ഞ്ച॑ മ॒ ഋദ്ധി॑ ശ്ച മേ കൢ॒പ്ത-ഞ്ച॑ മേ॒ കൢപ്തി॑ശ്ച മേ മ॒തിശ്ച॑ മേ സുമ॒തിശ്ച॑ മേ ॥ 4 ॥
(ജഗ॒ച്ച – ര്ധി॒ – ശ്ചതു॑ര്ദശ ച) (അ. 2)
ശ-ഞ്ച॑ മേ॒ മയ॑ശ്ച മേ പ്രി॒യ-ഞ്ച॑ മേ ഽനുകാ॒മശ്ച॑ മേ॒ കാമ॑ശ്ച മേ സൌമന॒സശ്ച॑ മേ ഭ॒ദ്ര-ഞ്ച॑ മേ॒ ശ്രേയ॑ശ്ച മേ॒ വസ്യ॑ശ്ച മേ॒ യശ॑ശ്ച മേ॒ ഭഗ॑ശ്ച മേ॒ ദ്രവി॑ണ-ഞ്ച മേ യ॒ന്താ ച॑ മേ ധ॒ര്താ ച॑ മേ॒ക്ഷേമ॑ശ്ച മേ॒ ധൃതി॑ശ്ച മേ॒ വിശ്വ॑-ഞ്ച [ ] 5
മേ॒ മഹ॑ശ്ച മേ സം॒വിഁച്ച॑ മേ॒ ജ്ഞാത്ര॑-ഞ്ച മേ॒ സൂശ്ച॑ മേ പ്ര॒സൂശ്ച॑ മേ॒ സീര॑-ഞ്ച മേ ല॒യശ്ച॑ മ ഋ॒ത-ഞ്ച॑ മേ॒ ഽമൃത॑-ഞ്ച മേ-ഽയ॒ക്ഷ്മ-ഞ്ച॒ മേ ഽനാ॑മയച്ച മേ ജീ॒വാതു॑ശ്ച മേ ദീര്ഘായു॒ത്വ-ഞ്ച॑ മേ ഽനമി॒ത്ര-ഞ്ച॒ മേ ഽഭ॑യ-ഞ്ച മേ സു॒ഗ-ഞ്ച॑ മേ॒ ശയ॑ന-ഞ്ച മേ സൂ॒ഷാ ച॑ മേ സു॒ദിന॑-ഞ്ച മേ ॥ 6 ॥
( വിശ്വ॑-ഞ്ച॒ – ശയ॑ന – മ॒ഷ്ടൌ ച॑ ) (അ. 3)
ഊര്ക്ച॑ മേ സൂ॒നൃതാ॑ ച മേ॒ പയ॑ശ്ച മേ॒ രസ॑ശ്ച മേ ഘൃ॒ത-ഞ്ച॑ മേ॒ മധു॑ ച മേ॒ സഗ്ധി॑ശ്ച മേ॒ സപീ॑തിശ്ച മേ കൃ॒ഷിശ്ച॑ മേ॒ വൃഷ്ടി॑ശ്ച മേ॒ ജൈത്ര॑-ഞ്ച മ॒ ഔദ്ഭി॑ദ്യ-ഞ്ച മേ ര॒യിശ്ച॑ മേ॒ രായ॑ശ്ച മേ പു॒ഷ്ട-ഞ്ച॑ മേ॒ പുഷ്ടി॑ശ്ച മേ വി॒ഭു ച॑ [വി॒ഭു ച॑, മേ॒ പ്ര॒ഭു ച॑ മേ] 7
മേ പ്ര॒ഭു ച॑ മേ ബ॒ഹു ച॑ മേ॒ ഭൂയ॑ശ്ച മേ പൂ॒ര്ണ-ഞ്ച॑ മേ പൂ॒ര്ണത॑ര-ഞ്ച॒ മേ ഽക്ഷി॑തിശ്ച മേ॒ കൂയ॑വാശ്ച॒ മേ-ഽന്ന॑-ഞ്ച॒ മേ ഽക്ഷു॑ച്ച മേ വ്രീ॒ഹയ॑ശ്ച മേ॒ യവാ᳚ശ്ച മേ॒ മാഷാ᳚ശ്ച മേ॒ തിലാ᳚ശ്ച മേ മു॒ദ്ഗാശ്ച॑ മേ ഖ॒ല്വാ᳚ശ്ച മേ ഗോ॒ധൂമാ᳚ശ്ച മേ മ॒സുരാ᳚- -ശ്ച മേ പ്രി॒യങ്ഗ॑വശ്ച॒ മേ ഽണ॑വശ്ച മേ ശ്യാ॒മാകാ᳚ശ്ച മേ നീ॒വാരാ᳚ശ്ച മേ ॥ 8 ॥
(വി॒ഭു ച॑ – മ॒സുരാ॒ – ശ്ചതു॑ര്ദശ ച) (അ. 4)
അശ്മാ॑ ച മേ॒ മൃത്തി॑കാ ച മേ ഗി॒രയ॑ശ്ച മേ॒ പര്വ॑താശ്ച മേ॒ സിക॑താശ്ച മേ॒ വന॒സ്പത॑യശ്ച മേ॒ ഹിര॑ണ്യ-ഞ്ച॒ മേ ഽയ॑ശ്ച മേ॒ സീസ॑-ഞ്ച മേ॒ ത്രപു॑ശ്ച മേ ശ്യാ॒മ-ഞ്ച॑ മേ ലോ॒ഹ-ഞ്ച॑ മേ॒-ഽഗ്നിശ്ച॑ മ॒ ആപ॑ശ്ച മേവീ॒രുധ॑ശ്ച മ॒ ഓഷ॑ധയശ്ച മേ കൃഷ്ടപ॒ച്യ-ഞ്ച॑ [കൃഷ്ടപ॒ച്യ-ഞ്ച॑, മേ॒ ഽകൃ॒ഷ്ട॒പ॒ച്യ-ഞ്ച॑ മേ] 9
മേ ഽകൃഷ്ടപ॒ച്യ-ഞ്ച॑ മേ ഗ്ര്മാ॒യാശ്ച॑ മേ പ॒ശവ॑ ആര॒ണ്യാശ്ച॑ യ॒ജ്ഞേന॑ കല്പന്താം വിഁ॒ത്ത-ഞ്ച॑ മേ॒ വിത്തി॑ശ്ച മേ ഭൂ॒ത-ഞ്ച॑ മേ॒ ഭൂതി॑ശ്ച മേ॒ വസു॑ ച മേ വസ॒തിശ്ച॑ മേ॒ കര്മ॑ ച മേ॒ ശക്തി॑ശ്ച॒ മേ-ഽര്ഥ॑ശ്ച മ॒ ഏമ॑ശ്ച മ॒ ഇതി॑ശ്ച മേ॒ ഗതി॑ശ്ച മേ ॥ 10
(കൃ॒ഷ്ട॒പ॒ച്യ-ഞ്ചാ॒ – ഽഷ്ടാച॑ത്വാരിഗ്മ്ശച്ച) (അ. 5)
അ॒ഗ്നിശ്ച॑ മ॒ ഇന്ദ്ര॑ശ്ച മേ॒ സോമ॑ശ്ച മ॒ ഇന്ദ്ര॑ശ്ച മേ സവി॒താ ച॑ മ॒ ഇന്ദ്ര॑ശ്ച മേ॒ സര॑സ്വതീ ച മ॒ ഇന്ദ്ര॑ശ്ച മേ പൂ॒ഷാ ച॑ മ॒ ഇന്ദ്ര॑ശ്ച മേ॒ ബൃഹ॒സ്പതി॑ശ്ച മ॒ ഇന്ദ്ര॑ശ്ച മേ മി॒ത്രശ്ച॑ മ॒ ഇന്ദ്ര॑ശ്ച മേ॒ വരു॑ണശ്ച മ॒ ഇന്ദ്ര॑ശ്ച മേ॒ ത്വഷ്ടാ॑ ച – [ ] 11
മ॒ ഇന്ദ്ര॑ശ്ച മേ ധാ॒താ ച॑ മ॒ ഇന്ദ്ര॑ശ്ച മേ॒ വിഷ്ണു॑ശ്ച മ॒ ഇന്ദ്ര॑ശ്ച മേ॒ ഽശ്വിനൌ॑ ച മ॒ ഇന്ദ്ര॑ശ്ച മേ മ॒രുത॑ശ്ച മ॒ ഇന്ദ്ര॑ശ്ച മേ॒ വിശ്വേ॑ ച മേ ദേ॒വാ ഇന്ദ്ര॑ശ്ച മേ പൃഥി॒വീ ച॑ മ॒ ഇന്ദ്ര॑ശ്ച മേ॒-ഽന്തരി॑ക്ഷ-ഞ്ച മ॒ ഇന്ദ്ര॑ശ്ച മേ॒ ദ്യൌശ്ച॑ മ॒ ഇന്ദ്ര॑ശ്ച മേ॒ ദിശ॑ശ്ച മ॒ ഇന്ദ്ര॑ശ്ച മേ മൂ॒ര്ധാ ച॑ മ॒ ഇന്ദ്ര॑ശ്ച മേ പ്ര॒ജാപ॑തിശ്ച മ॒ ഇന്ദ്ര॑ശ്ച മേ ॥ 12 ॥
(ത്വഷ്ടാ॑ ച॒ – ദ്യൌശ്ച॑ മ॒ – ഏക॑വിഗ്മ്ശതിശ്ച) (അ. 6)
അ॒ഗ്മ്॒ശുശ്ച॑ മേ ര॒ശ്മിശ്ച॒ മേ ഽദാ᳚ഭ്യശ്ച॒ മേ-ഽധി॑പതിശ്ച മ ഉപാ॒ഗ്മ്॒ശുശ്ച॑ മേ ഽന്തര്യാ॒മശ്ച॑ മ ഐന്ദ്രവായ॒വശ്ച॑ മേ മൈത്രാവരു॒ണശ്ച॑ മ ആശ്വി॒നശ്ച॑ മേ പ്രതിപ്ര॒സ്ഥാന॑ശ്ച മേ ശു॒ക്രശ്ച॑ മേ മ॒ന്ഥീ ച॑ മ ആഗ്രയ॒ണശ്ച॑ മേ വൈശ്വദേ॒വശ്ച॑ മേ ധ്രു॒വശ്ച॑ മേ വൈശ്വാന॒രശ്ച॑ മ ഋതുഗ്ര॒ഹാശ്ച॑ [ഋതുഗ്ര॒ഹാശ്ച॑, മേ॒ ഽതി॒ഗ്രാ॒ഹ്യാ᳚ശ്ച മ] 13
മേ ഽതിഗ്രാ॒ഹ്യാ᳚ശ്ച മ ഐന്ദ്രാ॒ഗ്നശ്ച॑ മേ വൈശ്വദേ॒വശ്ച॑ മേ മരുത്വ॒തീയാ᳚ശ്ച മേ മാഹേ॒ന്ദ്രശ്ച॑ മ ആദി॒ത്യശ്ച॑ മേ സാവി॒ത്രശ്ച॑ മേ സാരസ്വ॒തശ്ച॑ മേ പൌ॒ഷ്ണശ്ച॑ മേ പാത്നീവ॒തശ്ച॑ മേ ഹാരിയോജ॒നശ്ച॑ മേ ॥ 14 ॥
(ഋ॒തു॒ഗ്ര॒ഹാശ്ച॒ – ചതു॑സ്ത്രിഗ്മ്ശച്ച ) (അ. 7)
ഇ॒ദ്ധ്മശ്ച॑ മേ ബ॒ര്॒ഹിശ്ച॑ മേ॒ വേദി॑ശ്ച മേ॒ ധിഷ്ണി॑യാശ്ച മേ॒ സ്രുച॑ശ്ച മേ ചമ॒സാശ്ച॑ മേ॒ ഗ്രാവാ॑ണശ്ച മേ॒ സ്വര॑വശ്ച മ ഉപര॒വാശ്ച॑ മേ ഽധി॒ഷവ॑ണേ ച മേ ദ്രോണകല॒ശശ്ച॑ മേ വായ॒വ്യാ॑നി ച മേ പൂത॒ഭൃച്ച॑ മ ആധവ॒നീയ॑ശ്ച മ॒ ആഗ്നീ᳚ദ്ധ്ര-ഞ്ച മേ ഹവി॒ര്ധാന॑-ഞ്ച മേ ഗൃ॒ഹാശ്ച॑ മേ॒ സദ॑ശ്ച മേ പുരോ॒ഡാശാ᳚ശ്ച മേ പച॒താശ്ച॑ മേ-ഽവഭൃ॒ഥശ്ച॑ മേ സ്വഗാകാ॒രശ്ച॑ മേ ॥ 15 ॥
(ഗൃ॒ഹാശ്ച॒ – ഷോഡ॑ശ ച) (അ. 8)
അ॒ഗ്നിശ്ച॑ മേ ഘ॒ര്മശ്ച॑ മേ॒-ഽര്കശ്ച॑ മേ॒ സൂര്യ॑ശ്ച മേ പ്രാ॒ണശ്ച॑ മേ ഽശ്വമേ॒ധശ്ച॑ മേ പൃഥി॒വീ ച॒ മേ ഽദി॑തിശ്ച മേ॒ ദിതി॑ശ്ച മേ॒ ദ്യൌശ്ച॑ മേ॒ ശക്വ॑രീര॒ങ്ഗുല॑യോ॒ ദിശ॑ശ്ച മേ യ॒ജ്ഞേന॑ കല്പന്താ॒- മൃക്ച॑ മേ॒ സാമ॑ ച മേ॒ സ്തോമ॑ശ്ച മേ॒ യജു॑ശ്ച മേ ദീ॒ക്ഷാ ച॑ മേ॒ തപ॑ശ്ച മ ഋ॒തുശ്ച॑ മേ വ്ര॒ത-ഞ്ച॑ മേ ഽഹോരാ॒ത്രയോ᳚ ര്വൃ॒ഷ്ട്യാ ബൃ॑ഹദ്രഥന്ത॒രേ ച॑ മേ യ॒ജ്ഞേന॑ കല്പേതാമ് ॥ 16 ॥
(ദീ॒ക്ഷാ-ഽ – ഷ്ടാദ॑ശ ച ) (അ. 9)
ഗര്ഭാ᳚ശ്ച മേ വ॒ഥ്സാശ്ച॑ മേ॒ ത്ര്യവി॑ശ്ച മേ ത്ര്യ॒വീ ച॑ മേ ദിത്യ॒വാട് ച॑ മേ ദിത്യൌ॒ഹീ ച॑ മേ॒ പഞ്ചാ॑വിശ്ച മേ പഞ്ചാ॒വീ ച॑ മേ ത്രിവ॒ഥ്സശ്ച॑ മേ ത്രിവ॒ഥ്സാ ച॑ മേ തുര്യ॒വാട് ച॑ മേ തുര്യൌ॒ഹീ ച॑ മേ പഷ്ഠ॒വാച്ച॑ മേ പഷ്ഠൌ॒ഹീ ച॑ മ ഉ॒ക്ഷാ ച॑ മേ വ॒ശാ ച॑ മ ഋഷ॒ഭശ്ച॑- [വ॒ശാ ച॑ മ ഋഷ॒ഭശ്ച॑, മേ॒ വേ॒ഹച്ച॑ മേ] 17
മേ വേ॒ഹച്ച॑ മേ ഽന॒ഡ്വാന് ച॑ മേ ധേ॒നുശ്ച॑ മ॒ ആയു॑ര്യ॒ജ്ഞേന॑ കല്പതാ-മ്പ്രാ॒ണോ യ॒ജ്ഞേന॑ കല്പതാ-മപാ॒നോ യ॒ജ്ഞേന॑ കല്പതാം-വ്യാഁ॒നോ യ॒ജ്ഞേന॑ കല്പതാ॒-ഞ്ചക്ഷു॑-ര്യ॒ജ്ഞേന॑ കല്പതാ॒ഗ്॒ ശ്രോത്രം॑-യഁ॒ജ്ഞേന॑ കല്പതാ॒-മ്മനോ॑ യ॒ജ്ഞേന॑ കല്പതാം॒ വാഁഗ് യ॒ജ്ഞേന॑ കല്പതാ-മാ॒ത്മാ യ॒ജ്ഞേന॑ കല്പതാം-യഁ॒ജ്ഞോ യ॒ജ്ഞേന॑ കല്പതാമ് ॥ 18 ॥
(ഋ॒ഷ॒ഭശ്ച॑ – ചത്വാരി॒ഗ്മ്॒ശച്ച॑) (അ. 10)
ഏകാ॑ ച മേ തി॒സ്രശ്ച॑ മേ॒ പഞ്ച॑ ച മേ സ॒പ്ത ച॑ മേ॒ നവ॑ ച മ॒ ഏകാ॑ദശ ച മേ॒ ത്രയോ॑ദശ ച മേ॒ പഞ്ച॑ദശ ച മേ സ॒പ്തദ॑ശ ച മേ॒ നവ॑ദശ ച മ॒ ഏക॑വിഗ്മ്ശതിശ്ച മേ॒ ത്രയോ॑വിഗ്മ്ശതിശ്ച മേ॒ പഞ്ച॑വിഗ്മ്ശതിശ്ച മേ സ॒പ്തവിഗ്മ്॑ശതിശ്ച മേ॒ നവ॑വിഗ്മ്ശതിശ്ച മ॒ ഏക॑ത്രിഗ്മ്ശച്ച മേ॒ ത്രയ॑സ്ത്രിഗ്മ്ശച്ച [ ] 19
മേ॒ ചത॑സ്രശ്ച മേ॒ ഽഷ്ടൌ ച॑ മേ॒ ദ്വാദ॑ശ ച മേ॒ ഷോഡ॑ശ ച മേ വിഗ്മ്ശ॒തിശ്ച॑ മേ॒ ചതു॑ര്വിഗ്മ്ശതിശ്ച മേ॒ ഽഷ്ടാവിഗ്മ്॑ശതിശ്ച മേ॒ ദ്വാത്രിഗ്മ്॑ശച്ച മേ॒ ഷട്-ത്രിഗ്മ്॑ശച്ച മേ ചത്വാരി॒ഗ്മ്॒ശച്ച॑ മേ॒ ചതു॑ശ്ചത്വാരിഗ്മ്ശച്ച മേ॒ ഽഷ്ടാച॑ത്വാരിഗ്മ്ശച്ച മേ॒ വാജ॑ശ്ച പ്രസ॒വശ്ചാ॑-പി॒ജശ്ച॒ ക്രതു॑ശ്ച॒ സുവ॑ശ്ച മൂ॒ര്ധാ ച॒ വ്യശ്ഞി॑യശ്ചാ- -ന്ത്യായ॒നശ്ചാ- ന്ത്യ॑ശ്ച ഭൌവ॒നശ്ച॒ ഭുവ॑ന॒ശ്ചാ-ധി॑പതിശ്ച ॥ 20 ॥
(ത്രയ॑സ്ത്രിഗ്മ്ശച്ച॒ – വ്യശ്ഞി॑യ॒ – ഏകാ॑ദശ ച ) (അ. 11)
വാജോ॑ ന-സ്സ॒പ്ത പ്ര॒ദിശ॒ശ്ചത॑സ്രോ വാ പരാ॒വതഃ॑ । വാജോ॑ നോ॒ വിശ്വൈ᳚ര്ദേ॒വൈ-ര്ധന॑സാതാവി॒ഹാവ॑തു ॥ വിശ്വേ॑ അ॒ദ്യ മ॒രുതോ॒ വിശ്വ॑ ഊ॒തീ വിശ്വേ॑ ഭവന്ത്വ॒ഗ്നയ॒-സ്സമി॑ദ്ധാഃ । വിശ്വേ॑ നോ ദേ॒വാ അവ॒സാ-ഽഽ ഗ॑മന്തു॒ വിശ്വ॑മസ്തു॒ ദ്രവി॑ണം॒-വാഁജോ॑ അ॒സ്മേ ॥ വാജ॑സ്യ പ്രസ॒വ-ന്ദേ॑വാ॒ രഥൈ᳚ര്യാതാ ഹിര॒ണ്യയൈഃ᳚ । അ॒ഗ്നിരിന്ദ്രോ॒ ബൃഹ॒സ്പതി॑ര്മ॒രുത॒-സ്സോമ॑പീതയേ ॥ വാജേ॑വാജേ ഽവത വാജിനോ നോ॒ ധനേ॑ഷു [നോ॒ ധനേ॑ഷു, വി॒പ്രാ॒ അ॒മൃ॒താ॒ ഋ॒ത॒ജ്ഞാഃ॒ ।] 21
വിപ്രാ അമൃതാ ഋതജ്ഞാഃ । അ॒സ്യ മദ്ധ്വഃ॑ പിബത മാ॒ദയ॑ദ്ധ്വ-ന്തൃ॒പ്താ യാ॑ത പ॒ഥിഭി॑ര്ദേവ॒യാനൈഃ᳚ ॥ വാജഃ॑ പു॒രസ്താ॑ദു॒ത മ॑ദ്ധ്യ॒തോ നോ॒ വാജോ॑ ദേ॒വാഗ്മ് ഋ॒തുഭിഃ॑ കല്പയാതി । വാജ॑സ്യ॒ ഹി പ്ര॑സ॒വോ നന്ന॑മീതി॒ വിശ്വാ॒ ആശാ॒ വാജ॑പതിര്ഭവേയമ് ॥ പയഃ॑ പൃഥി॒വ്യാ-മ്പയ॒ ഓഷ॑ധീഷു॒ പയോ॑ ദി॒വ്യ॑ന്തരി॑ക്ഷേ॒ പയോ॑ ധാമ് । പയ॑സ്വതീഃ പ്ര॒ദിശ॑-സ്സന്തു॒ മഹ്യ᳚മ് ॥ സ-മ്മാ॑ സൃജാമി॒ പയ॑സാ ഘൃ॒തേന॒ സ-മ്മാ॑ സൃജാമ്യ॒പ [സ-മ്മാ॑ സൃജാമ്യ॒പഃ, ഓഷ॑ധീഭിഃ ।] 22
ഓഷ॑ധീഭിഃ । സോ॑-ഽഹം-വാഁജഗ്മ്॑ സനേയമഗ്നേ ॥ നക്തോ॒ഷാസാ॒ സമ॑നസാ॒ വിരൂ॑പേ ധാ॒പയേ॑തേ॒ ശിശു॒മേകഗ്മ്॑ സമീ॒ചീ । ദ്യാവാ॒ ക്ഷാമാ॑ രു॒ക്മോ അ॒ന്തര്വി ഭാ॑തി ദേ॒വാ അ॒ഗ്നി-ന്ധാ॑രയ-ന്ദ്രവിണോ॒ദാഃ ॥ സ॒മു॒ദ്രോ॑-ഽസി॒ നഭ॑സ്വാനാ॒ര്ദ്രദാ॑നു-ശ്ശ॒ഭൂംര്മ॑യോ॒ഭൂര॒ഭി മാ॑ വാഹി॒ സ്വാഹാ॑ മാരു॒തോ॑-ഽസി മ॒രുതാ᳚-ങ്ഗ॒ണ-ശ്ശ॒ഭൂംര്മ॑യോ॒ഭൂര॒ഭി മാ॑ വാഹി॒ സ്വാഹാ॑ ഽവ॒സ്യുര॑സി॒ ദുവ॑സ്വാഞ്ഛ॒ഭൂംര്മ॑യോ॒ഭൂരഭി മാ॑ വാഹി॒ സ്വാഹാ᳚ ॥ 23 ॥
(ധനേ᳚ – ഷ്വ॒പോ – ദുവ॑സ്വാഞ്ഛ॒ഭൂംര്മ॑യോ॒ഭൂര॒ഭ മാ॒ -ദ്വേ ച॑ ) (അ. 12)
അ॒ഗ്നിം-യുഁ ॑നജ്മി॒ ശവ॑സാ ഘൃ॒തേന॑ ദി॒വ്യഗ്മ് സു॑പ॒ര്ണം-വഁയ॑സാ ബൃ॒ഹന്ത᳚മ് । തേന॑ വ॒യ-മ്പ॑തേമ ബ്ര॒ദ്ധ്നസ്യ॑ വി॒ഷ്ടപ॒ഗ്മ്॒ സുവോ॒ രുഹാ॑ണാ॒ അധി॒ നാക॑ ഉത്ത॒മേ ॥ ഇ॒മൌ തേ॑ പ॒ക്ഷാവ॒ജരൌ॑ പത॒ത്രിണോ॒ യാഭ്യാ॒ഗ്മ്॒ രക്ഷാഗ്॑-സ്യപ॒ഹഗ്ഗ്-സ്യ॑ഗ്നേ । താഭ്യാ᳚-മ്പതേമ സു॒കൃതാ॑മു ലോ॒കം-യഁത്രര്ഷ॑യഃ പ്രഥമ॒ജാ യേ പു॑രാ॒ണാഃ ॥ ചിദ॑സി സമു॒ദ്രയോ॑നി॒രിന്ദു॒ര്ദക്ഷ॑-ശ്ശ്യേ॒ന ഋ॒താവാ᳚ । ഹിര॑ണ്യപക്ഷ-ശ്ശകു॒നോ ഭു॑ര॒ണ്യു-ര്മ॒ഹാന്-ഥ്സ॒ധസ്ഥേ᳚ ധ്രു॒വ [ധ്രു॒വഃ, ആ നിഷ॑ത്തഃ ।] 24
ആ നിഷ॑ത്തഃ ॥ നമ॑സ്തേ അസ്തു॒ മാ മാ॑ ഹിഗ്മ്സീ॒ര്വിശ്വ॑സ്യ മൂ॒ര്ധന്നധി॑ തിഷ്ഠസി ശ്രി॒തഃ । സ॒മു॒ദ്രേ തേ॒ ഹൃദ॑യ-മ॒ന്തരായു॒-ര്ദ്യാവാ॑പൃഥി॒വീ ഭുവ॑നേ॒ഷ്വര്പി॑തേ ॥ ഉ॒ദ്നോ ദ॑ത്തോദ॒ധി-മ്ഭി॑ന്ത്ത ദി॒വഃ പ॒ര്ജന്യാ॑ദ॒ന്തരി॑ക്ഷാ-ത്പൃഥി॒വ്യാസ്തതോ॑ നോ॒ വൃഷ്ട്യാ॑വത । ദി॒വോ മൂ॒ര്ധാ-ഽസി॑ പൃഥി॒വ്യാ നാഭി॒രൂര്ഗ॒പാമോഷ॑ധീനാമ് । വി॒ശ്വായു॒-ശ്ശര്മ॑ സ॒പ്രഥാ॒ നമ॑സ്പ॒ഥേ ॥ യേനര്ഷ॑യ॒സ്തപ॑സാ സ॒ത്ര- [സ॒ത്രമ്, ആസ॒തേന്ധാ॑നാ] 25
-മാസ॒തേന്ധാ॑നാ അ॒ഗ്നിഗ്മ് സുവ॑രാ॒ഭര॑ന്തഃ । തസ്മി॑ന്ന॒ഹ-ന്നി ദ॑ധേ॒ നാകേ॑ അ॒ഗ്നിമേ॒തം-യഁമാ॒ഹുര്മന॑വ സ്തീ॒ര്ണബ॑ര്ഹിഷമ് ॥ ത-മ്പത്നീ॑ഭി॒രനു॑ ഗച്ഛേമ ദേവാഃ പു॒ത്രൈര്ഭ്രാതൃ॑ഭിരു॒ത വാ॒ ഹിര॑ണ്യൈഃ । നാക॑-ങ്ഗൃഹ്ണാ॒നാ-സ്സു॑കൃ॒തസ്യ॑ ലോ॒കേ തൃ॒തീയേ॑ പൃ॒ഷ്ഠേ അധി॑ രോച॒നേ ദി॒വഃ ॥ ആ വാ॒ചോ മദ്ധ്യ॑-മരുഹ-ദ്ഭുര॒ണ്യുര॒യ-മ॒ഗ്നി-സ്സത്പ॑തി॒ശ്ചേകി॑താനഃ । പൃ॒ഷ്ഠേ പൃ॑ഥി॒വ്യാ നിഹി॑തോ॒ ദവി॑ദ്യുത-ദധസ്പ॒ദ-ങ്കൃ॑ണുതേ॒ [-ദധസ്പ॒ദ-ങ്കൃ॑ണുതേ, യേ പൃ॑ത॒ന്യവഃ॑ ।] 26
യേ പൃ॑ത॒ന്യവഃ॑ ॥ അ॒യമ॒ഗ്നിര്വീ॒രത॑മോ വയോ॒ധാ-സ്സ॑ഹ॒സ്രിയോ॑ ദീപ്യതാ॒മപ്ര॑യുച്ഛന്ന് । വി॒ഭ്രാജ॑മാന-സ്സരി॒രസ്യ॒ മദ്ധ്യ॒ ഉപ॒ പ്ര യാ॑ത ദി॒വ്യാനി॒ ധാമ॑ ॥ സ-മ്പ്ര ച്യ॑വദ്ധ്വ॒മനു॒ സ-മ്പ്ര യാ॒താഗ്നേ॑ പ॒ഥോ ദേ॑വ॒യാനാ᳚ന് കൃണുദ്ധ്വമ് । അ॒സ്മിന്-ഥ്സ॒ധസ്ഥേ॒ അദ്ധ്യുത്ത॑രസ്മി॒ന് വിശ്വേ॑ ദേവാ॒ യജ॑മാനശ്ച സീദത ॥ യേനാ॑ സ॒ഹസ്രം॒-വഁഹ॑സി॒ യേനാ᳚ഗ്നേ സര്വവേദ॒സമ് । തേനേ॒മം-യഁ॒ജ്ഞ-ന്നോ॑ വഹ ദേവ॒യാനോ॒ യ [ദേവ॒യാനോ॒ യഃ, ഉ॒ത്ത॒മഃ ।] 27
ഉ॑ത്ത॒മഃ ॥ ഉ-ദ്ബു॑ദ്ധ്യസ്വാഗ്നേ॒ പ്രതി॑ ജാഗൃഹ്യേന മിഷ്ടാപൂ॒ര്തേ സഗ്മ് സൃ॑ജേഥാമ॒യ-ഞ്ച॑ । പുനഃ॑ കൃ॒ണ്വഗ്ഗ്സ്ത്വാ॑ പി॒തരം॒-യുഁവാ॑ന-മ॒ന്വാതാഗ്മ്॑സീ॒-ത്ത്വയി॒ തന്തു॑മേ॒തമ് ॥ അ॒യ-ന്തേ॒ യോനി॑ര്-ഋ॒ത്വിയോ॒ യതോ॑ ജാ॒തോ അരോ॑ചഥാഃ । ത-ഞ്ജാ॒നന്ന॑ഗ്ന॒ ആ രോ॒ഹാഥാ॑ നോ വര്ധയാ ര॒യിമ് ॥ 28 ॥
(ധ്രു॒വഃ – സ॒ത്രം – കൃ॑ണുതേ॒ – യഃ – സ॒പ്തത്രിഗ്മ്॑ശച്ച ) (അ. 13)
മമാ᳚ഗ്നേ॒ വര്ചോ॑ വിഹ॒വേഷ്വ॑സ്തു വ॒യ-ന്ത്വേന്ധാ॑നാ സ്ത॒നുവ॑-മ്പുഷേമ । മഹ്യ॑-ന്നമന്താ-മ്പ്ര॒ദിശ॒ശ്ചത॑സ്ര॒ സ്ത്വയാ-ഽദ്ധ്യ॑ക്ഷേണ॒ പൃത॑നാ ജയേമ ॥ മമ॑ ദേ॒വാ വി॑ഹ॒വേ സ॑ന്തു॒ സര്വ॒ ഇന്ദ്രാ॑വന്തോ മ॒രുതോ॒ വിഷ്ണു॑ര॒ഗ്നിഃ । മമാ॒ന്തരി॑ക്ഷ മു॒രു ഗോ॒പമ॑സ്തു॒ മഹ്യം॒-വാഁതഃ॑ പവതാ॒-ങ്കാമേ॑ അ॒സ്മിന്ന് ॥ മയി॑ ദേ॒വാ ദ്രവി॑ണ॒ മായ॑ജന്താ॒-മ്മയ്യാ॒ ശീര॑സ്തു॒ മയി॑ ദേ॒വഹൂ॑തിഃ । ദൈവ്യാ॒ ഹോതാ॑രാ വനിഷന്ത॒ [വനിഷന്ത, പൂര്വേ ഽരി॑ഷ്ടാ-സ്സ്യാമ] 29
പൂര്വേ ഽരി॑ഷ്ടാ-സ്സ്യാമ ത॒നുവാ॑ സു॒വീരാഃ᳚ ॥ മഹ്യം॑-യഁജന്തു॒ മമ॒ യാനി॑ ഹ॒വ്യാ-ഽഽകൂ॑തി-സ്സ॒ത്യാ മന॑സോ മേ അസ്തു । ഏനോ॒ മാനിഗാ᳚-ങ്കത॒മച്ച॒നാഹം-വിഁശ്വേ॑ ദേവാസോ॒ അധി॑വോച താ മേ ॥ ദേവീ᳚-ഷ്ഷഡുര്വീരു॒രുണഃ॑ കൃണോത॒ വിശ്വേ॑ ദേവാ സ ഇ॒ഹ വീ॑രയദ്ധ്വമ് । മാഹാ᳚സ്മഹി പ്ര॒ജയാ॒ മാ ത॒നൂഭി॒ര്മാ ര॑ധാമ ദ്വിഷ॒തേ സോ॑മ രാജന്ന് ॥ അ॒ഗ്നിര്മ॒ന്യു-മ്പ്ര॑തിനു॒ദ-ന്പു॒രസ്താ॒- [പ്ര॑തിനു॒ദ-ന്പു॒രസ്താ᳚ത്, അദ॑ബ്ധോ ഗോ॒പാഃ] 30
-ദദ॑ബ്ധോ ഗോ॒പാഃ പരി॑പാഹി ന॒സ്ത്വമ് । പ്ര॒ത്യഞ്ചോ॑ യന്തു നി॒ഗുതഃ॒ പുന॒സ്തേ॑ ഽമൈഷാ᳚-ഞ്ചി॒ത്ത-മ്പ്ര॒ബുധാ॒ വിനേ॑ശത് ॥ ധാ॒താ ധാ॑തൃ॒ണാ-മ്ഭുവ॑നസ്യ॒ യസ്പതി॑ ര്ദേ॒വഗ്മ് സ॑വി॒താര॑മഭി മാതി॒ഷാഹ᳚മ് । ഇ॒മം-യഁ॒ജ്ഞ മ॒ശ്വിനോ॒ഭാ ബൃഹ॒സ്പതി॑ ര്ദേ॒വാഃ പാ᳚ന്തു॒ യജ॑മാന-ന്ന്യ॒ര്ഥാത് ॥ ഉ॒രു॒വ്യചാ॑ നോ മഹി॒ഷ-ശ്ശര്മ॑ യഗ്മ് സദ॒സ്മിന്. ഹവേ॑ പുരുഹൂ॒തഃ പു॑രു॒ക്ഷു । സ നഃ॑ പ്ര॒ജായൈ॑ ഹര്യശ്വ മൃഡ॒യേന്ദ്ര॒ മാ [മൃഡ॒യേന്ദ്ര॒ മാ, നോ॒ രീ॒രി॒ഷോ॒ മാ പരാ॑ ദാഃ ।] 31
നോ॑ രീരിഷോ॒ മാ പരാ॑ ദാഃ ॥ യേ ന॑-സ്സ॒പത്നാ॒ അപ॒തേ ഭ॑വന്ത്വിന്ദ്രാ॒-ഗ്നിഭ്യാ॒മവ॑ ബാധാമഹേ॒ താന് । വസ॑വോ രു॒ദ്രാ ആ॑ദി॒ത്യാ ഉ॑പരി॒ സ്പൃശ॑-മ്മോ॒ഗ്ര-ഞ്ചേത്താ॑രമധി രാ॒ജമ॑ക്രന്ന് ॥ അ॒ര്വാഞ്ച॒ മിന്ദ്ര॑മ॒മുതോ॑ ഹവാമഹേ॒ യോ ഗോ॒ജി-ദ്ധ॑ന॒-ജിദ॑ശ്വ॒-ജിദ്യഃ । ഇ॒മന്നോ॑ യ॒ജ്ഞം-വിഁ ॑ഹ॒വേ ജു॑ഷസ്വാ॒സ്യ കു॑ര്മോ ഹരിവോ മേ॒ദിന॑-ന്ത്വാ ॥ 32 ॥
(വ॒നി॒ഷ॒ന്ത॒ – പു॒രസ്താ॒ന് – മാ – ത്രിച॑ത്വാരിഗ്മ്ശച്ച) (അ. 14)
അ॒ഗ്നേര്മ॑ന്വേ പ്രഥ॒മസ്യ॒ പ്രചേ॑തസോ॒ യ-മ്പാഞ്ച॑ജന്യ-മ്ബ॒ഹവ॑-സ്സമി॒ന്ധതേ᳚ । വിശ്വ॑സ്യാം-വിഁ॒ശി പ്ര॑വിവിശി॒വാഗ്മ് സ॑മീമഹേ॒ സ നോ॑ മുഞ്ച॒ത്വഗ്മ് ഹ॑സഃ ॥ യസ്യേ॒ദ-മ്പ്രാ॒ണന്നി॑മി॒ഷ-ദ്യദേജ॑തി॒ യസ്യ॑ ജാ॒ത-ഞ്ജന॑മാന-ഞ്ച॒ കേവ॑ലമ് । സ്തൌമ്യ॒ഗ്നി-ന്നാ॑ഥി॒തോ ജോ॑ഹവീമി॒ സ നോ॑ മുഞ്ച॒ത്വഗ്മ് ഹ॑സഃ ॥ ഇന്ദ്ര॑സ്യ മന്യേ പ്രഥ॒മസ്യ॒ പ്രചേ॑തസോ വൃത്ര॒ഘ്ന-സ്സ്തോമാ॒ ഉപ॒ മാമു॒പാഗുഃ॑ । യോ ദാ॒ശുഷ॑-സ്സു॒കൃതോ॒ ഹവ॒മുപ॒ ഗന്താ॒ [ഗന്താ᳚, സ നോ॑ മുഞ്ച॒ത്വഗ്മ് ഹ॑സഃ ।] 33
സ നോ॑ മുഞ്ച॒ത്വഗ്മ് ഹ॑സഃ ॥ യ-സ്സ॑ങ്ഗ്രാ॒മ-ന്നയ॑തി॒ സം-വഁ॒ശീ യു॒ധേ യഃ പു॒ഷ്ടാനി॑ സഗ്മ്സൃ॒ജതി॑ ത്ര॒യാണി॑ । സ്തൌമീന്ദ്ര॑-ന്നാഥി॒തോ ജോ॑ഹവീമി॒ സ നോ॑ മുഞ്ച॒ത്വഗ്മ് ഹ॑സഃ ॥ മ॒ന്വേ വാ᳚-മ്മിത്രാ വരുണാ॒ തസ്യ॑ വിത്ത॒ഗ്മ്॒ സത്യൌ॑ജസാ ദൃഗ്മ്ഹണാ॒ യ-ന്നു॒ദേഥേ᳚ । യാ രാജാ॑നഗ്മ് സ॒രഥം॑-യാഁ॒ഥ ഉ॑ഗ്രാ॒ താ നോ॑ മുഞ്ചത॒മാഗ॑സഃ ॥ യോ വാ॒ഗ്മ്॒ രഥ॑ ഋ॒ജുര॑ശ്മി-സ്സ॒ത്യധ॑ര്മാ॒ മിഥു॒ ശ്ചര॑ന്ത-മുപ॒യാതി॑ ദൂ॒ഷയന്ന്॑ । സ്തൌമി॑ [ ] 34
മി॒ത്രാവരു॑ണാ നാഥി॒തോ ജോ॑ഹവീമി॒ തൌ നോ॑ മുഞ്ചത॒മാഗ॑സഃ ॥ വാ॒യോ-സ്സ॑വി॒തു ര്വി॒ദഥാ॑നി മന്മഹേ॒ യാവാ᳚ത്മ॒ന്വ-ദ്ബി॑ഭൃ॒തോ യൌ ച॒ രക്ഷ॑തഃ । യൌ വിശ്വ॑സ്യ പരി॒ഭൂ ബ॑ഭൂ॒വതു॒സ്തൌ നോ॑ മുഞ്ചത॒മാഗ॑സഃ ॥ ഉപ॒ ശ്രേഷ്ഠാ॑ന ആ॒ശിഷോ॑ ദേ॒വയോ॒ര്ധര്മേ॑ അസ്ഥിരന്ന് । സ്തൌമി॑ വാ॒യുഗ്മ് സ॑വി॒താര॑-ന്നാഥി॒തോ ജോ॑ഹവീമി॒ തൌ നോ॑ മുഞ്ചത॒മാഗ॑സഃ ॥ ര॒ഥീത॑മൌ രഥീ॒നാമ॑ഹ്വ ഊ॒തയേ॒ ശുഭ॒-ങ്ഗമി॑ഷ്ഠൌ സു॒യമേ॑ഭി॒രശ്വൈഃ᳚ । യയോ᳚- [യയോഃ᳚, വാ॒-ന്ദേ॒വൌ॒ ദേ॒വേഷ്വ-നി॑ശിത॒-] 35
-ര്വാ-ന്ദേവൌ ദേ॒വേഷ്വ-നി॑ശിത॒-മോജ॒സ്തൌ നോ॑ മുഞ്ചത॒മാഗ॑സഃ ॥ യദയാ॑തം-വഁഹ॒തുഗ്മ് സൂ॒ര്യായാ᳚-സ്ത്രിച॒ക്രേണ॑ സ॒ഗ്മ്॒ സദ॑മി॒ച്ഛമാ॑നൌ । സ്തൌമി॑ ദേ॒വാ വ॒ശ്വിനൌ॑ നാഥി॒തോ ജോ॑ഹവീമി॒ തൌ നോ॑ മുഞ്ചത॒മാഗ॑സഃ ॥ മ॒രുതാ᳚-മ്മന്വേ॒ അധി॑നോ ബ്രുവന്തു॒ പ്രേമാം-വാഁചം॒-വിഁശ്വാ॑ മവന്തു॒ വിശ്വേ᳚ । ആ॒ശൂന്. ഹു॑വേ സു॒യമാ॑നൂ॒തയേ॒ തേ നോ॑ മുഞ്ച॒ന്ത്വേന॑സഃ ॥ തി॒ഗ്മമായു॑ധം-വീഁഡി॒തഗ്മ് സഹ॑സ്വ-ദ്ദി॒വ്യഗ്മ് ശര്ധഃ॒ [ശര്ധഃ॑, പൃത॑നാസു ജി॒ഷ്ണു ।] 36
പൃത॑നാസു ജി॒ഷ്ണു । സ്തൌമി॑ ദേ॒വാ-ന്മ॒രുതോ॑ നാഥി॒തോ ജോ॑ഹവീമി॒ തേ നോ॑ മുഞ്ച॒ന്ത്വേന॑സഃ ॥ ദേ॒വാനാ᳚-മ്മന്വേ॒ അധി॑ നോ ബ്രുവന്തു॒ പ്രേമാം-വാഁചം॒-വിഁശ്വാ॑മവന്തു॒ വിശ്വേ᳚ । ആ॒ശൂന്. ഹു॑വേ സു॒യമാ॑നൂ॒തയേ॒ തേ നോ॑ മുഞ്ച॒ന്ത്വേന॑സഃ ॥ യദി॒ദ-മ്മാ॑-ഽഭി॒ശോച॑തി॒ പൌരു॑ഷേയേണ॒ ദൈവ്യേ॑ന । സ്തൌമി॒ വിശ്വാ᳚-ന്ദേ॒വാ-ന്നാ॑ഥി॒തോ ജോ॑ഹവീമി॒ തേ നോ॑ മുഞ്ച॒ന്ത്വേന॑സഃ ॥ അനു॑നോ॒-ഽദ്യാനു॑മതി॒ ര- [അനു॑നോ॒-ഽദ്യാനു॑മതി॒ രനു॑, ഇദ॑നുമതേ॒] 37
-ന്വിദ॑നുമതേ॒ ത്വം വൈഁ᳚ശ്വാന॒രോ ന॑ ഊ॒ത്യാപൃ॒ഷ്ടോ ദി॒വി> 4 ॥ യേ അപ്ര॑ഥേതാ॒-മമി॑തേഭി॒ രോജോ॑ഭി॒ ര്യേ പ്ര॑തി॒ഷ്ഠേ അഭ॑വതാം॒-വഁസൂ॑നാമ് । സ്തൌമി॒ ദ്യാവാ॑ പൃഥി॒വീ നാ॑ഥി॒തോ ജോ॑ഹവീമി॒ തേ നോ॑ മുഞ്ചത॒മഗ്മ് ഹ॑സഃ ॥ ഉര്വീ॑ രോദസീ॒ വരി॑വഃ കൃണോത॒-ങ്ക്ഷേത്ര॑സ്യ പത്നീ॒ അധി॑ നോ ബ്രൂയാതമ് । സ്തൌമി॒ ദ്യാവാ॑ പൃഥി॒വീ നാ॑ഥി॒തോ ജോ॑ഹവീമി॒ തേ നോ॑ മുഞ്ചത॒മഗ്മ് ഹ॑സഃ ॥ യ-ത്തേ॑ വ॒യ-മ്പു॑രുഷ॒ത്രാ യ॑വി॒ഷ്ഠാ വി॑ദ്വാഗ്മ്സശ്ചകൃ॒മാ കച്ച॒നാ- [കച്ച॒ന, ആഗഃ॑ ।] 38
-ഽഽഗഃ॑ । കൃ॒ധീ സ്വ॑സ്മാഗ്മ് അദി॑തേ॒രനാ॑ഗാ॒ വ്യേനാഗ്മ്॑സി ശിശ്രഥോ॒ വിഷ്വ॑ഗഗ്നേ ॥ യഥാ॑ ഹ॒ ത-ദ്വ॑സവോ ഗൌ॒ര്യ॑-ഞ്ചി-ത്പ॒ദിഷി॒താ മമു॑ഞ്ചതാ യജത്രാഃ । ഏ॒വാ ത്വമ॒സ്മ-ത്പ്രമു॑ഞ്ചാ॒ വ്യഗ്മ്ഹഃ॒ പ്രാതാ᳚ര്യഗ്നേ പ്രത॒രാന്ന॒ ആയുഃ॑ ॥ 39 ॥
(ഗന്താ॑ – ദൂ॒ഷയ॒ന്-ഥ്സ്തൌമി॒ – യയോഃ॒ – ശര്ധോ-ഽ – നു॑മതി॒രനു॑ – ച॒ന – ചതു॑സ്ത്രിഗ്മ്ശച്ച) (അ. 15)
(അ॒ഗ്നേര്മ॑ന്വേ॒ – യസ്യേ॒ദ- മിന്ദ്ര॑സ്യ॒ – യ-സ്സ॑-ങ്ഗ്രാ॒മമിന്ദ്ര॒ഗ്മ്॒ – സ നോ॑ മുഞ്ച॒ത്വഗ്മ് ഹ॑സഃ । മ॒ന്വേ വാ॒ന്താ നോ॑ മുഞ്ചത॒മാഗ॑സഃ । യോ വാം᳚ – വാ॒യോ- രുപ॑ – ര॒ഥീത॑മൌ॒ – യദയാ॑ത-മ॒ശ്വിനൌ॒ – തൌ നോ॑ മുഞ്ചത॒മാഗ॑സഃ । മ॒രുതാ᳚ന്- തി॒ഗ്മം – മ॒രുതോ॑ – ദേ॒വാനാം॒ – യഁദി॒ദം-വിഁശ്വാ॒ന് – തേ നോ॑ മുഞ്ച॒ന്ത്വേന॑സഃ । അനു॑ ന॒ – ഉര്വീ॒ – ദ്യാവാ॑പൃഥി॒വീ – തേ നോ॑ മുഞ്ചത॒മഗ്മ്ഹ॑സോ॒ യത്തൈ᳚ । ച॒തുരഗ്മ് ഹ॑സ॒-ഷ്ഷാഡാഗ॑സശ്ച॒തുരേന॑സോ॒ ദ്വിരഗ്മ്ഹ॑സഃ ।)
(അഗ്നാ॑വിഷ്ണൂ॒ – ജ്യൈഷ്ഠയ॒ഗ്മ്॒ – ശഞ്ചോ – ര്ക്ചാ – ഽശ്മാ॑ ചാ॒ – ഗ്നിശ്ചാ॒- ഽഗ്മ്॒ശു – ശ്ചേ॒ദ്ധ്മശ്ചാ॒ -ഽഗ്നിശ്ച॑ ഘ॒ര്മാ – ഗര്ഭാ॒ – ശ്ചൈകാ॑ ച॒ – വാജോ॑ നോ – അ॒ഗ്നിം-യുഁ ॑നജ്മി॒ – മമാ᳚-ഽഗ്നേ – അ॒ഗ്നേര്മ॑ന്വേ॒ – പഞ്ച॑ദശ ।)
(അഗ്നാ॑വിഷ്ണൂ – അ॒ഗ്നിശ്ച॒ – വാജോ॑ നോ॒ – അദ॑ബ്ധോ ഗോ॒പാ – നവ॑ത്രിഗ്മ്ശത്)
(അഗ്നാ॑വിഷ്ണൂ, പ്രത॒രാന്ന॒ ആയുഃ॑)
(യുഞ്ജാ॒നോ – വിഷ്ണോ॑- രപാ॒ഗ്മ്॒ – ര॒ശ്മി – ര്നമോ -ഽശ്മ॒ – അഗ്നാ॑വിഷ്ണൂ – സ॒പ്ത ) (7)
॥ ഹരിഃ॑ ഓമ് ॥
॥ കൃഷ്ണ യജുര്വേദീയ തൈത്തിരീയ സംഹിതായാ-ഞ്ചതുര്ഥകാണ്ഡേ സപ്തമഃ പ്രശ്ന-സ്സമാപ്തഃ ॥