কৃষ্ণ যজুর্বেদীয তৈত্তিরীয সংহিতাযা-ঞ্চতুর্থকাণ্ডে সপ্তমঃ প্রশ্নঃ – বসোর্ধারাদিশিষ্ট সংস্কারাভিধানং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
অগ্না॑বিষ্ণূ স॒জোষ॑সে॒মা ব॑র্ধন্তু বা॒-ঙ্গিরঃ॑ । ধ্যু॒নৈংর্বাজে॑ভি॒রা গ॑তম্ ॥ বাজ॑শ্চ মে প্রস॒বশ্চ॑ মে॒ প্রয॑তিশ্চ মে॒ প্রসি॑তিশ্চ মে ধী॒তিশ্চ॑ মে॒ ক্রতু॑শ্চ মে॒ স্বর॑শ্চ মে॒ শ্লোক॑শ্চ মে শ্রা॒বশ্চ॑ মে॒ শ্রুতি॑শ্চ মে॒ জ্যোতি॑শ্চ মে॒ সুব॑শ্চ মে প্রা॒ণশ্চ॑ মে ঽপা॒ন- [প্রা॒ণশ্চ॑ মে ঽপা॒নঃ, চ॒ মে॒ ব্যা॒নশ্চ॒ মে ঽসু॑শ্চ মে] 1
-শ্চ॑ মে ব্যা॒নশ্চ॒ মে ঽসু॑শ্চ মে চি॒ত্ত-ঞ্চ॑ ম॒ আধী॑ত-ঞ্চ মে॒ বাক্চ॑ মে॒ মন॑শ্চ মে॒ চক্ষু॑শ্চ মে॒ শ্রোত্র॑-ঞ্চ মে॒ দক্ষ॑শ্চ মে॒ বল॑-ঞ্চ ম॒ ওজ॑শ্চ মে॒ সহ॑শ্চ ম॒ আযু॑শ্চ মে জ॒রা চ॑ ম আ॒ত্মা চ॑ মে ত॒নূশ্চ॑ মে॒ শর্ম॑ চ মে॒ বর্ম॑ চ॒ মে ঽঙ্গা॑নি চ মে॒ ঽস্থানি॑ চ মে॒ পরূগ্ম্॑ষি চ মে॒ শরী॑রাণি চ মে ॥ 2 ॥
(অ॒পা॒ন – স্ত॒নূশ্চ॑ মে॒ – ঽষ্টাদ॑শ চ) (অ. 1)
জ্যৈষ্ঠ্য॑-ঞ্চ ম॒ আধি॑পত্য-ঞ্চ মে ম॒ন্যুশ্চ॑ মে॒ ভাম॑শ্চ॒ মে-ঽম॑শ্চ॒ মে ঽভং॑শ্চ মে জে॒মা চ॑ মে মহি॒মা চ॑ মে বরি॒মা চ॑ মে প্রথি॒মা চ॑ মে ব॒র্ষ্মা চ॑ মে দ্রাঘু॒যা চ॑ মে বৃ॒দ্ধ-ঞ্চ॑ মে॒ বৃদ্ধি॑শ্চ মে স॒ত্য-ঞ্চ॑ মে শ্র॒দ্ধা চ॑ মে॒ জগ॑চ্চ [ ] 3
-মে॒ ধন॑-ঞ্চ মে॒ বশ॑শ্চ মে॒ ত্বিষি॑শ্চ মে ক্রী॒ডা চ॑ মে॒ মোদ॑শ্চ মে জা॒ত-ঞ্চ॑ মে জনি॒ষ্যমা॑ণ-ঞ্চ মে সূ॒ক্ত-ঞ্চ॑ মে সুকৃ॒ত-ঞ্চ॑ মে বি॒ত্ত-ঞ্চ॑ মে॒ বেদ্য॑-ঞ্চ মে ভূ॒তঞ্চ॑ মে ভবি॒ষ্যচ্চ॑ মে সু॒গ-ঞ্চ॑ মে সু॒পথ॑-ঞ্চ ম ঋ॒দ্ধ-ঞ্চ॑ ম॒ ঋদ্ধি॑ শ্চ মে কৢ॒প্ত-ঞ্চ॑ মে॒ কৢপ্তি॑শ্চ মে ম॒তিশ্চ॑ মে সুম॒তিশ্চ॑ মে ॥ 4 ॥
(জগ॒চ্চ – র্ধি॒ – শ্চতু॑র্দশ চ) (অ. 2)
শ-ঞ্চ॑ মে॒ ময॑শ্চ মে প্রি॒য-ঞ্চ॑ মে ঽনুকা॒মশ্চ॑ মে॒ কাম॑শ্চ মে সৌমন॒সশ্চ॑ মে ভ॒দ্র-ঞ্চ॑ মে॒ শ্রেয॑শ্চ মে॒ বস্য॑শ্চ মে॒ যশ॑শ্চ মে॒ ভগ॑শ্চ মে॒ দ্রবি॑ণ-ঞ্চ মে য॒ন্তা চ॑ মে ধ॒র্তা চ॑ মে॒ক্ষেম॑শ্চ মে॒ ধৃতি॑শ্চ মে॒ বিশ্ব॑-ঞ্চ [ ] 5
মে॒ মহ॑শ্চ মে সং॒বিঁচ্চ॑ মে॒ জ্ঞাত্র॑-ঞ্চ মে॒ সূশ্চ॑ মে প্র॒সূশ্চ॑ মে॒ সীর॑-ঞ্চ মে ল॒যশ্চ॑ ম ঋ॒ত-ঞ্চ॑ মে॒ ঽমৃত॑-ঞ্চ মে-ঽয॒ক্ষ্ম-ঞ্চ॒ মে ঽনা॑মযচ্চ মে জী॒বাতু॑শ্চ মে দীর্ঘাযু॒ত্ব-ঞ্চ॑ মে ঽনমি॒ত্র-ঞ্চ॒ মে ঽভ॑য-ঞ্চ মে সু॒গ-ঞ্চ॑ মে॒ শয॑ন-ঞ্চ মে সূ॒ষা চ॑ মে সু॒দিন॑-ঞ্চ মে ॥ 6 ॥
( বিশ্ব॑-ঞ্চ॒ – শয॑ন – ম॒ষ্টৌ চ॑ ) (অ. 3)
ঊর্ক্চ॑ মে সূ॒নৃতা॑ চ মে॒ পয॑শ্চ মে॒ রস॑শ্চ মে ঘৃ॒ত-ঞ্চ॑ মে॒ মধু॑ চ মে॒ সগ্ধি॑শ্চ মে॒ সপী॑তিশ্চ মে কৃ॒ষিশ্চ॑ মে॒ বৃষ্টি॑শ্চ মে॒ জৈত্র॑-ঞ্চ ম॒ ঔদ্ভি॑দ্য-ঞ্চ মে র॒যিশ্চ॑ মে॒ রায॑শ্চ মে পু॒ষ্ট-ঞ্চ॑ মে॒ পুষ্টি॑শ্চ মে বি॒ভু চ॑ [বি॒ভু চ॑, মে॒ প্র॒ভু চ॑ মে] 7
মে প্র॒ভু চ॑ মে ব॒হু চ॑ মে॒ ভূয॑শ্চ মে পূ॒র্ণ-ঞ্চ॑ মে পূ॒র্ণত॑র-ঞ্চ॒ মে ঽক্ষি॑তিশ্চ মে॒ কূয॑বাশ্চ॒ মে-ঽন্ন॑-ঞ্চ॒ মে ঽক্ষু॑চ্চ মে ব্রী॒হয॑শ্চ মে॒ যবা᳚শ্চ মে॒ মাষা᳚শ্চ মে॒ তিলা᳚শ্চ মে মু॒দ্গাশ্চ॑ মে খ॒ল্বা᳚শ্চ মে গো॒ধূমা᳚শ্চ মে ম॒সুরা᳚- -শ্চ মে প্রি॒যঙ্গ॑বশ্চ॒ মে ঽণ॑বশ্চ মে শ্যা॒মাকা᳚শ্চ মে নী॒বারা᳚শ্চ মে ॥ 8 ॥
(বি॒ভু চ॑ – ম॒সুরা॒ – শ্চতু॑র্দশ চ) (অ. 4)
অশ্মা॑ চ মে॒ মৃত্তি॑কা চ মে গি॒রয॑শ্চ মে॒ পর্ব॑তাশ্চ মে॒ সিক॑তাশ্চ মে॒ বন॒স্পত॑যশ্চ মে॒ হির॑ণ্য-ঞ্চ॒ মে ঽয॑শ্চ মে॒ সীস॑-ঞ্চ মে॒ ত্রপু॑শ্চ মে শ্যা॒ম-ঞ্চ॑ মে লো॒হ-ঞ্চ॑ মে॒-ঽগ্নিশ্চ॑ ম॒ আপ॑শ্চ মেবী॒রুধ॑শ্চ ম॒ ওষ॑ধযশ্চ মে কৃষ্টপ॒চ্য-ঞ্চ॑ [কৃষ্টপ॒চ্য-ঞ্চ॑, মে॒ ঽকৃ॒ষ্ট॒প॒চ্য-ঞ্চ॑ মে] 9
মে ঽকৃষ্টপ॒চ্য-ঞ্চ॑ মে গ্র্মা॒যাশ্চ॑ মে প॒শব॑ আর॒ণ্যাশ্চ॑ য॒জ্ঞেন॑ কল্পন্তাং বিঁ॒ত্ত-ঞ্চ॑ মে॒ বিত্তি॑শ্চ মে ভূ॒ত-ঞ্চ॑ মে॒ ভূতি॑শ্চ মে॒ বসু॑ চ মে বস॒তিশ্চ॑ মে॒ কর্ম॑ চ মে॒ শক্তি॑শ্চ॒ মে-ঽর্থ॑শ্চ ম॒ এম॑শ্চ ম॒ ইতি॑শ্চ মে॒ গতি॑শ্চ মে ॥ 10
(কৃ॒ষ্ট॒প॒চ্য-ঞ্চা॒ – ঽষ্টাচ॑ত্বারিগ্ম্শচ্চ) (অ. 5)
অ॒গ্নিশ্চ॑ ম॒ ইন্দ্র॑শ্চ মে॒ সোম॑শ্চ ম॒ ইন্দ্র॑শ্চ মে সবি॒তা চ॑ ম॒ ইন্দ্র॑শ্চ মে॒ সর॑স্বতী চ ম॒ ইন্দ্র॑শ্চ মে পূ॒ষা চ॑ ম॒ ইন্দ্র॑শ্চ মে॒ বৃহ॒স্পতি॑শ্চ ম॒ ইন্দ্র॑শ্চ মে মি॒ত্রশ্চ॑ ম॒ ইন্দ্র॑শ্চ মে॒ বরু॑ণশ্চ ম॒ ইন্দ্র॑শ্চ মে॒ ত্বষ্টা॑ চ – [ ] 11
ম॒ ইন্দ্র॑শ্চ মে ধা॒তা চ॑ ম॒ ইন্দ্র॑শ্চ মে॒ বিষ্ণু॑শ্চ ম॒ ইন্দ্র॑শ্চ মে॒ ঽশ্বিনৌ॑ চ ম॒ ইন্দ্র॑শ্চ মে ম॒রুত॑শ্চ ম॒ ইন্দ্র॑শ্চ মে॒ বিশ্বে॑ চ মে দে॒বা ইন্দ্র॑শ্চ মে পৃথি॒বী চ॑ ম॒ ইন্দ্র॑শ্চ মে॒-ঽন্তরি॑ক্ষ-ঞ্চ ম॒ ইন্দ্র॑শ্চ মে॒ দ্যৌশ্চ॑ ম॒ ইন্দ্র॑শ্চ মে॒ দিশ॑শ্চ ম॒ ইন্দ্র॑শ্চ মে মূ॒র্ধা চ॑ ম॒ ইন্দ্র॑শ্চ মে প্র॒জাপ॑তিশ্চ ম॒ ইন্দ্র॑শ্চ মে ॥ 12 ॥
(ত্বষ্টা॑ চ॒ – দ্যৌশ্চ॑ ম॒ – এক॑বিগ্ম্শতিশ্চ) (অ. 6)
অ॒গ্ম্॒শুশ্চ॑ মে র॒শ্মিশ্চ॒ মে ঽদা᳚ভ্যশ্চ॒ মে-ঽধি॑পতিশ্চ ম উপা॒গ্ম্॒শুশ্চ॑ মে ঽন্তর্যা॒মশ্চ॑ ম ঐন্দ্রবায॒বশ্চ॑ মে মৈত্রাবরু॒ণশ্চ॑ ম আশ্বি॒নশ্চ॑ মে প্রতিপ্র॒স্থান॑শ্চ মে শু॒ক্রশ্চ॑ মে ম॒ন্থী চ॑ ম আগ্রয॒ণশ্চ॑ মে বৈশ্বদে॒বশ্চ॑ মে ধ্রু॒বশ্চ॑ মে বৈশ্বান॒রশ্চ॑ ম ঋতুগ্র॒হাশ্চ॑ [ঋতুগ্র॒হাশ্চ॑, মে॒ ঽতি॒গ্রা॒হ্যা᳚শ্চ ম] 13
মে ঽতিগ্রা॒হ্যা᳚শ্চ ম ঐন্দ্রা॒গ্নশ্চ॑ মে বৈশ্বদে॒বশ্চ॑ মে মরুত্ব॒তীযা᳚শ্চ মে মাহে॒ন্দ্রশ্চ॑ ম আদি॒ত্যশ্চ॑ মে সাবি॒ত্রশ্চ॑ মে সারস্ব॒তশ্চ॑ মে পৌ॒ষ্ণশ্চ॑ মে পাত্নীব॒তশ্চ॑ মে হারিযোজ॒নশ্চ॑ মে ॥ 14 ॥
(ঋ॒তু॒গ্র॒হাশ্চ॒ – চতু॑স্ত্রিগ্ম্শচ্চ ) (অ. 7)
ই॒দ্ধ্মশ্চ॑ মে ব॒র্॒হিশ্চ॑ মে॒ বেদি॑শ্চ মে॒ ধিষ্ণি॑যাশ্চ মে॒ স্রুচ॑শ্চ মে চম॒সাশ্চ॑ মে॒ গ্রাবা॑ণশ্চ মে॒ স্বর॑বশ্চ ম উপর॒বাশ্চ॑ মে ঽধি॒ষব॑ণে চ মে দ্রোণকল॒শশ্চ॑ মে বায॒ব্যা॑নি চ মে পূত॒ভৃচ্চ॑ ম আধব॒নীয॑শ্চ ম॒ আগ্নী᳚দ্ধ্র-ঞ্চ মে হবি॒র্ধান॑-ঞ্চ মে গৃ॒হাশ্চ॑ মে॒ সদ॑শ্চ মে পুরো॒ডাশা᳚শ্চ মে পচ॒তাশ্চ॑ মে-ঽবভৃ॒থশ্চ॑ মে স্বগাকা॒রশ্চ॑ মে ॥ 15 ॥
(গৃ॒হাশ্চ॒ – ষোড॑শ চ) (অ. 8)
অ॒গ্নিশ্চ॑ মে ঘ॒র্মশ্চ॑ মে॒-ঽর্কশ্চ॑ মে॒ সূর্য॑শ্চ মে প্রা॒ণশ্চ॑ মে ঽশ্বমে॒ধশ্চ॑ মে পৃথি॒বী চ॒ মে ঽদি॑তিশ্চ মে॒ দিতি॑শ্চ মে॒ দ্যৌশ্চ॑ মে॒ শক্ব॑রীর॒ঙ্গুল॑যো॒ দিশ॑শ্চ মে য॒জ্ঞেন॑ কল্পন্তা॒- মৃক্চ॑ মে॒ সাম॑ চ মে॒ স্তোম॑শ্চ মে॒ যজু॑শ্চ মে দী॒ক্ষা চ॑ মে॒ তপ॑শ্চ ম ঋ॒তুশ্চ॑ মে ব্র॒ত-ঞ্চ॑ মে ঽহোরা॒ত্রযো᳚ র্বৃ॒ষ্ট্যা বৃ॑হদ্রথন্ত॒রে চ॑ মে য॒জ্ঞেন॑ কল্পেতাম্ ॥ 16 ॥
(দী॒ক্ষা-ঽ – ষ্টাদ॑শ চ ) (অ. 9)
গর্ভা᳚শ্চ মে ব॒থ্সাশ্চ॑ মে॒ ত্র্যবি॑শ্চ মে ত্র্য॒বী চ॑ মে দিত্য॒বাট্ চ॑ মে দিত্যৌ॒হী চ॑ মে॒ পঞ্চা॑বিশ্চ মে পঞ্চা॒বী চ॑ মে ত্রিব॒থ্সশ্চ॑ মে ত্রিব॒থ্সা চ॑ মে তুর্য॒বাট্ চ॑ মে তুর্যৌ॒হী চ॑ মে পষ্ঠ॒বাচ্চ॑ মে পষ্ঠৌ॒হী চ॑ ম উ॒ক্ষা চ॑ মে ব॒শা চ॑ ম ঋষ॒ভশ্চ॑- [ব॒শা চ॑ ম ঋষ॒ভশ্চ॑, মে॒ বে॒হচ্চ॑ মে] 17
মে বে॒হচ্চ॑ মে ঽন॒ড্বান্ চ॑ মে ধে॒নুশ্চ॑ ম॒ আযু॑র্য॒জ্ঞেন॑ কল্পতা-ম্প্রা॒ণো য॒জ্ঞেন॑ কল্পতা-মপা॒নো য॒জ্ঞেন॑ কল্পতাং-ব্যাঁ॒নো য॒জ্ঞেন॑ কল্পতা॒-ঞ্চক্ষু॑-র্য॒জ্ঞেন॑ কল্পতা॒গ্॒ শ্রোত্রং॑-যঁ॒জ্ঞেন॑ কল্পতা॒-ম্মনো॑ য॒জ্ঞেন॑ কল্পতাং॒ বাঁগ্ য॒জ্ঞেন॑ কল্পতা-মা॒ত্মা য॒জ্ঞেন॑ কল্পতাং-যঁ॒জ্ঞো য॒জ্ঞেন॑ কল্পতাম্ ॥ 18 ॥
(ঋ॒ষ॒ভশ্চ॑ – চত্বারি॒গ্ম্॒শচ্চ॑) (অ. 10)
একা॑ চ মে তি॒স্রশ্চ॑ মে॒ পঞ্চ॑ চ মে স॒প্ত চ॑ মে॒ নব॑ চ ম॒ একা॑দশ চ মে॒ ত্রযো॑দশ চ মে॒ পঞ্চ॑দশ চ মে স॒প্তদ॑শ চ মে॒ নব॑দশ চ ম॒ এক॑বিগ্ম্শতিশ্চ মে॒ ত্রযো॑বিগ্ম্শতিশ্চ মে॒ পঞ্চ॑বিগ্ম্শতিশ্চ মে স॒প্তবিগ্ম্॑শতিশ্চ মে॒ নব॑বিগ্ম্শতিশ্চ ম॒ এক॑ত্রিগ্ম্শচ্চ মে॒ ত্রয॑স্ত্রিগ্ম্শচ্চ [ ] 19
মে॒ চত॑স্রশ্চ মে॒ ঽষ্টৌ চ॑ মে॒ দ্বাদ॑শ চ মে॒ ষোড॑শ চ মে বিগ্ম্শ॒তিশ্চ॑ মে॒ চতু॑র্বিগ্ম্শতিশ্চ মে॒ ঽষ্টাবিগ্ম্॑শতিশ্চ মে॒ দ্বাত্রিগ্ম্॑শচ্চ মে॒ ষট্-ত্রিগ্ম্॑শচ্চ মে চত্বারি॒গ্ম্॒শচ্চ॑ মে॒ চতু॑শ্চত্বারিগ্ম্শচ্চ মে॒ ঽষ্টাচ॑ত্বারিগ্ম্শচ্চ মে॒ বাজ॑শ্চ প্রস॒বশ্চা॑-পি॒জশ্চ॒ ক্রতু॑শ্চ॒ সুব॑শ্চ মূ॒র্ধা চ॒ ব্যশ্ঞি॑যশ্চা- -ন্ত্যায॒নশ্চা- ন্ত্য॑শ্চ ভৌব॒নশ্চ॒ ভুব॑ন॒শ্চা-ধি॑পতিশ্চ ॥ 20 ॥
(ত্রয॑স্ত্রিগ্ম্শচ্চ॒ – ব্যশ্ঞি॑য॒ – একা॑দশ চ ) (অ. 11)
বাজো॑ ন-স্স॒প্ত প্র॒দিশ॒শ্চত॑স্রো বা পরা॒বতঃ॑ । বাজো॑ নো॒ বিশ্বৈ᳚র্দে॒বৈ-র্ধন॑সাতাবি॒হাব॑তু ॥ বিশ্বে॑ অ॒দ্য ম॒রুতো॒ বিশ্ব॑ ঊ॒তী বিশ্বে॑ ভবন্ত্ব॒গ্নয॒-স্সমি॑দ্ধাঃ । বিশ্বে॑ নো দে॒বা অব॒সা-ঽঽ গ॑মন্তু॒ বিশ্ব॑মস্তু॒ দ্রবি॑ণং॒-বাঁজো॑ অ॒স্মে ॥ বাজ॑স্য প্রস॒ব-ন্দে॑বা॒ রথৈ᳚র্যাতা হির॒ণ্যযৈঃ᳚ । অ॒গ্নিরিন্দ্রো॒ বৃহ॒স্পতি॑র্ম॒রুত॒-স্সোম॑পীতযে ॥ বাজে॑বাজে ঽবত বাজিনো নো॒ ধনে॑ষু [নো॒ ধনে॑ষু, বি॒প্রা॒ অ॒মৃ॒তা॒ ঋ॒ত॒জ্ঞাঃ॒ ।] 21
বিপ্রা অমৃতা ঋতজ্ঞাঃ । অ॒স্য মদ্ধ্বঃ॑ পিবত মা॒দয॑দ্ধ্ব-ন্তৃ॒প্তা যা॑ত প॒থিভি॑র্দেব॒যানৈঃ᳚ ॥ বাজঃ॑ পু॒রস্তা॑দু॒ত ম॑দ্ধ্য॒তো নো॒ বাজো॑ দে॒বাগ্ম্ ঋ॒তুভিঃ॑ কল্পযাতি । বাজ॑স্য॒ হি প্র॑স॒বো নন্ন॑মীতি॒ বিশ্বা॒ আশা॒ বাজ॑পতির্ভবেযম্ ॥ পযঃ॑ পৃথি॒ব্যা-ম্পয॒ ওষ॑ধীষু॒ পযো॑ দি॒ব্য॑ন্তরি॑ক্ষে॒ পযো॑ ধাম্ । পয॑স্বতীঃ প্র॒দিশ॑-স্সন্তু॒ মহ্য᳚ম্ ॥ স-ম্মা॑ সৃজামি॒ পয॑সা ঘৃ॒তেন॒ স-ম্মা॑ সৃজাম্য॒প [স-ম্মা॑ সৃজাম্য॒পঃ, ওষ॑ধীভিঃ ।] 22
ওষ॑ধীভিঃ । সো॑-ঽহং-বাঁজগ্ম্॑ সনেযমগ্নে ॥ নক্তো॒ষাসা॒ সম॑নসা॒ বিরূ॑পে ধা॒পযে॑তে॒ শিশু॒মেকগ্ম্॑ সমী॒চী । দ্যাবা॒ ক্ষামা॑ রু॒ক্মো অ॒ন্তর্বি ভা॑তি দে॒বা অ॒গ্নি-ন্ধা॑রয-ন্দ্রবিণো॒দাঃ ॥ স॒মু॒দ্রো॑-ঽসি॒ নভ॑স্বানা॒র্দ্রদা॑নু-শ্শ॒ভূংর্ম॑যো॒ভূর॒ভি মা॑ বাহি॒ স্বাহা॑ মারু॒তো॑-ঽসি ম॒রুতা᳚-ঙ্গ॒ণ-শ্শ॒ভূংর্ম॑যো॒ভূর॒ভি মা॑ বাহি॒ স্বাহা॑ ঽব॒স্যুর॑সি॒ দুব॑স্বাঞ্ছ॒ভূংর্ম॑যো॒ভূরভি মা॑ বাহি॒ স্বাহা᳚ ॥ 23 ॥
(ধনে᳚ – ষ্ব॒পো – দুব॑স্বাঞ্ছ॒ভূংর্ম॑যো॒ভূর॒ভ মা॒ -দ্বে চ॑ ) (অ. 12)
অ॒গ্নিং-যুঁ॑নজ্মি॒ শব॑সা ঘৃ॒তেন॑ দি॒ব্যগ্ম্ সু॑প॒র্ণং-বঁয॑সা বৃ॒হন্ত᳚ম্ । তেন॑ ব॒য-ম্প॑তেম ব্র॒দ্ধ্নস্য॑ বি॒ষ্টপ॒গ্ম্॒ সুবো॒ রুহা॑ণা॒ অধি॒ নাক॑ উত্ত॒মে ॥ ই॒মৌ তে॑ প॒ক্ষাব॒জরৌ॑ পত॒ত্রিণো॒ যাভ্যা॒গ্ম্॒ রক্ষাগ্॑-স্যপ॒হগ্গ্-স্য॑গ্নে । তাভ্যা᳚-ম্পতেম সু॒কৃতা॑মু লো॒কং-যঁত্রর্ষ॑যঃ প্রথম॒জা যে পু॑রা॒ণাঃ ॥ চিদ॑সি সমু॒দ্রযো॑নি॒রিন্দু॒র্দক্ষ॑-শ্শ্যে॒ন ঋ॒তাবা᳚ । হির॑ণ্যপক্ষ-শ্শকু॒নো ভু॑র॒ণ্যু-র্ম॒হান্-থ্স॒ধস্থে᳚ ধ্রু॒ব [ধ্রু॒বঃ, আ নিষ॑ত্তঃ ।] 24
আ নিষ॑ত্তঃ ॥ নম॑স্তে অস্তু॒ মা মা॑ হিগ্ম্সী॒র্বিশ্ব॑স্য মূ॒র্ধন্নধি॑ তিষ্ঠসি শ্রি॒তঃ । স॒মু॒দ্রে তে॒ হৃদ॑য-ম॒ন্তরাযু॒-র্দ্যাবা॑পৃথি॒বী ভুব॑নে॒ষ্বর্পি॑তে ॥ উ॒দ্নো দ॑ত্তোদ॒ধি-ম্ভি॑ন্ত্ত দি॒বঃ প॒র্জন্যা॑দ॒ন্তরি॑ক্ষা-ত্পৃথি॒ব্যাস্ততো॑ নো॒ বৃষ্ট্যা॑বত । দি॒বো মূ॒র্ধা-ঽসি॑ পৃথি॒ব্যা নাভি॒রূর্গ॒পামোষ॑ধীনাম্ । বি॒শ্বাযু॒-শ্শর্ম॑ স॒প্রথা॒ নম॑স্প॒থে ॥ যেনর্ষ॑য॒স্তপ॑সা স॒ত্র- [স॒ত্রম্, আস॒তেন্ধা॑না] 25
-মাস॒তেন্ধা॑না অ॒গ্নিগ্ম্ সুব॑রা॒ভর॑ন্তঃ । তস্মি॑ন্ন॒হ-ন্নি দ॑ধে॒ নাকে॑ অ॒গ্নিমে॒তং-যঁমা॒হুর্মন॑ব স্তী॒র্ণব॑র্হিষম্ ॥ ত-ম্পত্নী॑ভি॒রনু॑ গচ্ছেম দেবাঃ পু॒ত্রৈর্ভ্রাতৃ॑ভিরু॒ত বা॒ হির॑ণ্যৈঃ । নাক॑-ঙ্গৃহ্ণা॒না-স্সু॑কৃ॒তস্য॑ লো॒কে তৃ॒তীযে॑ পৃ॒ষ্ঠে অধি॑ রোচ॒নে দি॒বঃ ॥ আ বা॒চো মদ্ধ্য॑-মরুহ-দ্ভুর॒ণ্যুর॒য-ম॒গ্নি-স্সত্প॑তি॒শ্চেকি॑তানঃ । পৃ॒ষ্ঠে পৃ॑থি॒ব্যা নিহি॑তো॒ দবি॑দ্যুত-দধস্প॒দ-ঙ্কৃ॑ণুতে॒ [-দধস্প॒দ-ঙ্কৃ॑ণুতে, যে পৃ॑ত॒ন্যবঃ॑ ।] 26
যে পৃ॑ত॒ন্যবঃ॑ ॥ অ॒যম॒গ্নির্বী॒রত॑মো বযো॒ধা-স্স॑হ॒স্রিযো॑ দীপ্যতা॒মপ্র॑যুচ্ছন্ন্ । বি॒ভ্রাজ॑মান-স্সরি॒রস্য॒ মদ্ধ্য॒ উপ॒ প্র যা॑ত দি॒ব্যানি॒ ধাম॑ ॥ স-ম্প্র চ্য॑বদ্ধ্ব॒মনু॒ স-ম্প্র যা॒তাগ্নে॑ প॒থো দে॑ব॒যানা᳚ন্ কৃণুদ্ধ্বম্ । অ॒স্মিন্-থ্স॒ধস্থে॒ অদ্ধ্যুত্ত॑রস্মি॒ন্ বিশ্বে॑ দেবা॒ যজ॑মানশ্চ সীদত ॥ যেনা॑ স॒হস্রং॒-বঁহ॑সি॒ যেনা᳚গ্নে সর্ববেদ॒সম্ । তেনে॒মং-যঁ॒জ্ঞ-ন্নো॑ বহ দেব॒যানো॒ য [দেব॒যানো॒ যঃ, উ॒ত্ত॒মঃ ।] 27
উ॑ত্ত॒মঃ ॥ উ-দ্বু॑দ্ধ্যস্বাগ্নে॒ প্রতি॑ জাগৃহ্যেন মিষ্টাপূ॒র্তে সগ্ম্ সৃ॑জেথাম॒য-ঞ্চ॑ । পুনঃ॑ কৃ॒ণ্বগ্গ্স্ত্বা॑ পি॒তরং॒-যুঁবা॑ন-ম॒ন্বাতাগ্ম্॑সী॒-ত্ত্বযি॒ তন্তু॑মে॒তম্ ॥ অ॒য-ন্তে॒ যোনি॑র্-ঋ॒ত্বিযো॒ যতো॑ জা॒তো অরো॑চথাঃ । ত-ঞ্জা॒নন্ন॑গ্ন॒ আ রো॒হাথা॑ নো বর্ধযা র॒যিম্ ॥ 28 ॥
(ধ্রু॒বঃ – স॒ত্রং – কৃ॑ণুতে॒ – যঃ – স॒প্তত্রিগ্ম্॑শচ্চ ) (অ. 13)
মমা᳚গ্নে॒ বর্চো॑ বিহ॒বেষ্ব॑স্তু ব॒য-ন্ত্বেন্ধা॑না স্ত॒নুব॑-ম্পুষেম । মহ্য॑-ন্নমন্তা-ম্প্র॒দিশ॒শ্চত॑স্র॒ স্ত্বযা-ঽদ্ধ্য॑ক্ষেণ॒ পৃত॑না জযেম ॥ মম॑ দে॒বা বি॑হ॒বে স॑ন্তু॒ সর্ব॒ ইন্দ্রা॑বন্তো ম॒রুতো॒ বিষ্ণু॑র॒গ্নিঃ । মমা॒ন্তরি॑ক্ষ মু॒রু গো॒পম॑স্তু॒ মহ্যং॒-বাঁতঃ॑ পবতা॒-ঙ্কামে॑ অ॒স্মিন্ন্ ॥ মযি॑ দে॒বা দ্রবি॑ণ॒ মায॑জন্তা॒-ম্ময্যা॒ শীর॑স্তু॒ মযি॑ দে॒বহূ॑তিঃ । দৈব্যা॒ হোতা॑রা বনিষন্ত॒ [বনিষন্ত, পূর্বে ঽরি॑ষ্টা-স্স্যাম] 29
পূর্বে ঽরি॑ষ্টা-স্স্যাম ত॒নুবা॑ সু॒বীরাঃ᳚ ॥ মহ্যং॑-যঁজন্তু॒ মম॒ যানি॑ হ॒ব্যা-ঽঽকূ॑তি-স্স॒ত্যা মন॑সো মে অস্তু । এনো॒ মানিগা᳚-ঙ্কত॒মচ্চ॒নাহং-বিঁশ্বে॑ দেবাসো॒ অধি॑বোচ তা মে ॥ দেবী᳚-ষ্ষডুর্বীরু॒রুণঃ॑ কৃণোত॒ বিশ্বে॑ দেবা স ই॒হ বী॑রযদ্ধ্বম্ । মাহা᳚স্মহি প্র॒জযা॒ মা ত॒নূভি॒র্মা র॑ধাম দ্বিষ॒তে সো॑ম রাজন্ন্ ॥ অ॒গ্নির্ম॒ন্যু-ম্প্র॑তিনু॒দ-ন্পু॒রস্তা॒- [প্র॑তিনু॒দ-ন্পু॒রস্তা᳚ত্, অদ॑ব্ধো গো॒পাঃ] 30
-দদ॑ব্ধো গো॒পাঃ পরি॑পাহি ন॒স্ত্বম্ । প্র॒ত্যঞ্চো॑ যন্তু নি॒গুতঃ॒ পুন॒স্তে॑ ঽমৈষা᳚-ঞ্চি॒ত্ত-ম্প্র॒বুধা॒ বিনে॑শত্ ॥ ধা॒তা ধা॑তৃ॒ণা-ম্ভুব॑নস্য॒ যস্পতি॑ র্দে॒বগ্ম্ স॑বি॒তার॑মভি মাতি॒ষাহ᳚ম্ । ই॒মং-যঁ॒জ্ঞ ম॒শ্বিনো॒ভা বৃহ॒স্পতি॑ র্দে॒বাঃ পা᳚ন্তু॒ যজ॑মান-ন্ন্য॒র্থাত্ ॥ উ॒রু॒ব্যচা॑ নো মহি॒ষ-শ্শর্ম॑ যগ্ম্ সদ॒স্মিন্. হবে॑ পুরুহূ॒তঃ পু॑রু॒ক্ষু । স নঃ॑ প্র॒জাযৈ॑ হর্যশ্ব মৃড॒যেন্দ্র॒ মা [মৃড॒যেন্দ্র॒ মা, নো॒ রী॒রি॒ষো॒ মা পরা॑ দাঃ ।] 31
নো॑ রীরিষো॒ মা পরা॑ দাঃ ॥ যে ন॑-স্স॒পত্না॒ অপ॒তে ভ॑বন্ত্বিন্দ্রা॒-গ্নিভ্যা॒মব॑ বাধামহে॒ তান্ । বস॑বো রু॒দ্রা আ॑দি॒ত্যা উ॑পরি॒ স্পৃশ॑-ম্মো॒গ্র-ঞ্চেত্তা॑রমধি রা॒জম॑ক্রন্ন্ ॥ অ॒র্বাঞ্চ॒ মিন্দ্র॑ম॒মুতো॑ হবামহে॒ যো গো॒জি-দ্ধ॑ন॒-জিদ॑শ্ব॒-জিদ্যঃ । ই॒মন্নো॑ য॒জ্ঞং-বিঁ॑হ॒বে জু॑ষস্বা॒স্য কু॑র্মো হরিবো মে॒দিন॑-ন্ত্বা ॥ 32 ॥
(ব॒নি॒ষ॒ন্ত॒ – পু॒রস্তা॒ন্ – মা – ত্রিচ॑ত্বারিগ্ম্শচ্চ) (অ. 14)
অ॒গ্নের্ম॑ন্বে প্রথ॒মস্য॒ প্রচে॑তসো॒ য-ম্পাঞ্চ॑জন্য-ম্ব॒হব॑-স্সমি॒ন্ধতে᳚ । বিশ্ব॑স্যাং-বিঁ॒শি প্র॑বিবিশি॒বাগ্ম্ স॑মীমহে॒ স নো॑ মুঞ্চ॒ত্বগ্ম্ হ॑সঃ ॥ যস্যে॒দ-ম্প্রা॒ণন্নি॑মি॒ষ-দ্যদেজ॑তি॒ যস্য॑ জা॒ত-ঞ্জন॑মান-ঞ্চ॒ কেব॑লম্ । স্তৌম্য॒গ্নি-ন্না॑থি॒তো জো॑হবীমি॒ স নো॑ মুঞ্চ॒ত্বগ্ম্ হ॑সঃ ॥ ইন্দ্র॑স্য মন্যে প্রথ॒মস্য॒ প্রচে॑তসো বৃত্র॒ঘ্ন-স্স্তোমা॒ উপ॒ মামু॒পাগুঃ॑ । যো দা॒শুষ॑-স্সু॒কৃতো॒ হব॒মুপ॒ গন্তা॒ [গন্তা᳚, স নো॑ মুঞ্চ॒ত্বগ্ম্ হ॑সঃ ।] 33
স নো॑ মুঞ্চ॒ত্বগ্ম্ হ॑সঃ ॥ য-স্স॑ঙ্গ্রা॒ম-ন্নয॑তি॒ সং-বঁ॒শী যু॒ধে যঃ পু॒ষ্টানি॑ সগ্ম্সৃ॒জতি॑ ত্র॒যাণি॑ । স্তৌমীন্দ্র॑-ন্নাথি॒তো জো॑হবীমি॒ স নো॑ মুঞ্চ॒ত্বগ্ম্ হ॑সঃ ॥ ম॒ন্বে বা᳚-ম্মিত্রা বরুণা॒ তস্য॑ বিত্ত॒গ্ম্॒ সত্যৌ॑জসা দৃগ্ম্হণা॒ য-ন্নু॒দেথে᳚ । যা রাজা॑নগ্ম্ স॒রথং॑-যাঁ॒থ উ॑গ্রা॒ তা নো॑ মুঞ্চত॒মাগ॑সঃ ॥ যো বা॒গ্ম্॒ রথ॑ ঋ॒জুর॑শ্মি-স্স॒ত্যধ॑র্মা॒ মিথু॒ শ্চর॑ন্ত-মুপ॒যাতি॑ দূ॒ষযন্ন্॑ । স্তৌমি॑ [ ] 34
মি॒ত্রাবরু॑ণা নাথি॒তো জো॑হবীমি॒ তৌ নো॑ মুঞ্চত॒মাগ॑সঃ ॥ বা॒যো-স্স॑বি॒তু র্বি॒দথা॑নি মন্মহে॒ যাবা᳚ত্ম॒ন্ব-দ্বি॑ভৃ॒তো যৌ চ॒ রক্ষ॑তঃ । যৌ বিশ্ব॑স্য পরি॒ভূ ব॑ভূ॒বতু॒স্তৌ নো॑ মুঞ্চত॒মাগ॑সঃ ॥ উপ॒ শ্রেষ্ঠা॑ন আ॒শিষো॑ দে॒বযো॒র্ধর্মে॑ অস্থিরন্ন্ । স্তৌমি॑ বা॒যুগ্ম্ স॑বি॒তার॑-ন্নাথি॒তো জো॑হবীমি॒ তৌ নো॑ মুঞ্চত॒মাগ॑সঃ ॥ র॒থীত॑মৌ রথী॒নাম॑হ্ব ঊ॒তযে॒ শুভ॒-ঙ্গমি॑ষ্ঠৌ সু॒যমে॑ভি॒রশ্বৈঃ᳚ । যযো᳚- [যযোঃ᳚, বা॒-ন্দে॒বৌ॒ দে॒বেষ্ব-নি॑শিত॒-] 35
-র্বা-ন্দেবৌ দে॒বেষ্ব-নি॑শিত॒-মোজ॒স্তৌ নো॑ মুঞ্চত॒মাগ॑সঃ ॥ যদযা॑তং-বঁহ॒তুগ্ম্ সূ॒র্যাযা᳚-স্ত্রিচ॒ক্রেণ॑ স॒গ্ম্॒ সদ॑মি॒চ্ছমা॑নৌ । স্তৌমি॑ দে॒বা ব॒শ্বিনৌ॑ নাথি॒তো জো॑হবীমি॒ তৌ নো॑ মুঞ্চত॒মাগ॑সঃ ॥ ম॒রুতা᳚-ম্মন্বে॒ অধি॑নো ব্রুবন্তু॒ প্রেমাং-বাঁচং॒-বিঁশ্বা॑ মবন্তু॒ বিশ্বে᳚ । আ॒শূন্. হু॑বে সু॒যমা॑নূ॒তযে॒ তে নো॑ মুঞ্চ॒ন্ত্বেন॑সঃ ॥ তি॒গ্মমাযু॑ধং-বীঁডি॒তগ্ম্ সহ॑স্ব-দ্দি॒ব্যগ্ম্ শর্ধঃ॒ [শর্ধঃ॑, পৃত॑নাসু জি॒ষ্ণু ।] 36
পৃত॑নাসু জি॒ষ্ণু । স্তৌমি॑ দে॒বা-ন্ম॒রুতো॑ নাথি॒তো জো॑হবীমি॒ তে নো॑ মুঞ্চ॒ন্ত্বেন॑সঃ ॥ দে॒বানা᳚-ম্মন্বে॒ অধি॑ নো ব্রুবন্তু॒ প্রেমাং-বাঁচং॒-বিঁশ্বা॑মবন্তু॒ বিশ্বে᳚ । আ॒শূন্. হু॑বে সু॒যমা॑নূ॒তযে॒ তে নো॑ মুঞ্চ॒ন্ত্বেন॑সঃ ॥ যদি॒দ-ম্মা॑-ঽভি॒শোচ॑তি॒ পৌরু॑ষেযেণ॒ দৈব্যে॑ন । স্তৌমি॒ বিশ্বা᳚-ন্দে॒বা-ন্না॑থি॒তো জো॑হবীমি॒ তে নো॑ মুঞ্চ॒ন্ত্বেন॑সঃ ॥ অনু॑নো॒-ঽদ্যানু॑মতি॒ র- [অনু॑নো॒-ঽদ্যানু॑মতি॒ রনু॑, ইদ॑নুমতে॒] 37
-ন্বিদ॑নুমতে॒ ত্বং বৈঁ᳚শ্বান॒রো ন॑ ঊ॒ত্যাপৃ॒ষ্টো দি॒বি> 4 ॥ যে অপ্র॑থেতা॒-মমি॑তেভি॒ রোজো॑ভি॒ র্যে প্র॑তি॒ষ্ঠে অভ॑বতাং॒-বঁসূ॑নাম্ । স্তৌমি॒ দ্যাবা॑ পৃথি॒বী না॑থি॒তো জো॑হবীমি॒ তে নো॑ মুঞ্চত॒মগ্ম্ হ॑সঃ ॥ উর্বী॑ রোদসী॒ বরি॑বঃ কৃণোত॒-ঙ্ক্ষেত্র॑স্য পত্নী॒ অধি॑ নো ব্রূযাতম্ । স্তৌমি॒ দ্যাবা॑ পৃথি॒বী না॑থি॒তো জো॑হবীমি॒ তে নো॑ মুঞ্চত॒মগ্ম্ হ॑সঃ ॥ য-ত্তে॑ ব॒য-ম্পু॑রুষ॒ত্রা য॑বি॒ষ্ঠা বি॑দ্বাগ্ম্সশ্চকৃ॒মা কচ্চ॒না- [কচ্চ॒ন, আগঃ॑ ।] 38
-ঽঽগঃ॑ । কৃ॒ধী স্ব॑স্মাগ্ম্ অদি॑তে॒রনা॑গা॒ ব্যেনাগ্ম্॑সি শিশ্রথো॒ বিষ্ব॑গগ্নে ॥ যথা॑ হ॒ ত-দ্ব॑সবো গৌ॒র্য॑-ঞ্চি-ত্প॒দিষি॒তা মমু॑ঞ্চতা যজত্রাঃ । এ॒বা ত্বম॒স্ম-ত্প্রমু॑ঞ্চা॒ ব্যগ্ম্হঃ॒ প্রাতা᳚র্যগ্নে প্রত॒রান্ন॒ আযুঃ॑ ॥ 39 ॥
(গন্তা॑ – দূ॒ষয॒ন্-থ্স্তৌমি॒ – যযোঃ॒ – শর্ধো-ঽ – নু॑মতি॒রনু॑ – চ॒ন – চতু॑স্ত্রিগ্ম্শচ্চ) (অ. 15)
(অ॒গ্নের্ম॑ন্বে॒ – যস্যে॒দ- মিন্দ্র॑স্য॒ – য-স্স॑-ঙ্গ্রা॒মমিন্দ্র॒গ্ম্॒ – স নো॑ মুঞ্চ॒ত্বগ্ম্ হ॑সঃ । ম॒ন্বে বা॒ন্তা নো॑ মুঞ্চত॒মাগ॑সঃ । যো বাং᳚ – বা॒যো- রুপ॑ – র॒থীত॑মৌ॒ – যদযা॑ত-ম॒শ্বিনৌ॒ – তৌ নো॑ মুঞ্চত॒মাগ॑সঃ । ম॒রুতা᳚ন্- তি॒গ্মং – ম॒রুতো॑ – দে॒বানাং॒ – যঁদি॒দং-বিঁশ্বা॒ন্ – তে নো॑ মুঞ্চ॒ন্ত্বেন॑সঃ । অনু॑ ন॒ – উর্বী॒ – দ্যাবা॑পৃথি॒বী – তে নো॑ মুঞ্চত॒মগ্ম্হ॑সো॒ যত্তৈ᳚ । চ॒তুরগ্ম্ হ॑স॒-ষ্ষাডাগ॑সশ্চ॒তুরেন॑সো॒ দ্বিরগ্ম্হ॑সঃ ।)
(অগ্না॑বিষ্ণূ॒ – জ্যৈষ্ঠয॒গ্ম্॒ – শঞ্চো – র্ক্চা – ঽশ্মা॑ চা॒ – গ্নিশ্চা॒- ঽগ্ম্॒শু – শ্চে॒দ্ধ্মশ্চা॒ -ঽগ্নিশ্চ॑ ঘ॒র্মা – গর্ভা॒ – শ্চৈকা॑ চ॒ – বাজো॑ নো – অ॒গ্নিং-যুঁ॑নজ্মি॒ – মমা᳚-ঽগ্নে – অ॒গ্নের্ম॑ন্বে॒ – পঞ্চ॑দশ ।)
(অগ্না॑বিষ্ণূ – অ॒গ্নিশ্চ॒ – বাজো॑ নো॒ – অদ॑ব্ধো গো॒পা – নব॑ত্রিগ্ম্শত্)
(অগ্না॑বিষ্ণূ, প্রত॒রান্ন॒ আযুঃ॑)
(যুঞ্জা॒নো – বিষ্ণো॑- রপা॒গ্ম্॒ – র॒শ্মি – র্নমো -ঽশ্ম॒ – অগ্না॑বিষ্ণূ – স॒প্ত ) (7)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ঞ্চতুর্থকাণ্ডে সপ্তমঃ প্রশ্ন-স্সমাপ্তঃ ॥