കലിതകനകചേലം ഖംഡിതാപത്കുചേലം
ഗളധൃതവനമാലം ഗര്വിതാരാതികാലമ് ।
കലിമലഹരശീലം കാംതിധൂതേംദ്രനീലം
വിനമദവനശീലം വേണുഗോപാലമീഡേ ॥ 1 ॥
വ്രജയുവതിവിലോലം വംദനാനംദലോലം
കരധൃതഗുരുശൈലം കംജഗര്ഭാദിപാലമ് ।
അഭിമതഫലദാനം ശ്രീജിതാമര്ത്യസാലം
വിനമദവനശീലം വേണുഗോപാലമീഡേ ॥ 2 ॥
ഘനതരകരുണാശ്രീകല്പവല്ല്യാലവാലം
കലശജലധികന്യാമോദകശ്രീകപോലമ് ।
പ്ലുഷിതവിനതലോകാനംതദുഷ്കര്മതൂലം
വിനമദവനശീലം വേണുഗോപാലമീഡേ ॥ 3 ॥
ശുഭദസുഗുണജാലം സൂരിലോകാനുകൂലം
ദിതിജതതികരാലം ദിവ്യദാരായിതേലമ് ।
മൃദുമധുരവചഃശ്രീ ദൂരിതശ്രീരസാലം
വിനമദവനശീലം വേണുഗോപാലമീഡേ ॥ 4 ॥
മൃഗമദതിലകശ്രീമേദുരസ്വീയഫാലം
ജഗദുദയലയസ്ഥിത്യാത്മകാത്മീയഖേലമ് ।
സകലമുനിജനാളീമാനസാംതര്മരാളം
വിനമദവനശീലം വേണുഗോപാലമീഡേ ॥ 5 ॥
അസുരഹരണഖേലനം നംദകോത്ക്ഷേപലീലം
വിലസിതശരകാലം വിശ്വപൂര്ണാംതരാളമ് ।
ശുചിരുചിരയശശ്ശ്രീധിക്കൃത ശ്രീമൃണാലം
വിനമദവനശീലം വേണുഗോപാലമീഡേ ॥ 6 ॥
സ്വപരിചരണലബ്ധ ശ്രീധരാശാധിപാലം
സ്വമഹിമലവലീലാജാതവിധ്യംഡഗോളമ് ।
ഗുരുതരഭവദുഃഖാനീക വാഃപൂരകൂലം
വിനമദവനശീലം വേണുഗോപാലമീഡേ ॥ 7 ॥
ചരണകമലശോഭാപാലിത ശ്രീപ്രവാളം
സകലസുകൃതിരക്ഷാദക്ഷകാരുണ്യ ഹേലമ് ।
രുചിവിജിതതമാലം രുക്മിണീപുണ്യമൂലം
വിനമദവനശീലം വേണുഗോപാലമീഡേ ॥ 8 ॥
ശ്രീവേണുഗോപാല കൃപാലവാലാം
ശ്രീരുക്മിണീലോലസുവര്ണചേലാമ് ।
കൃതിം മമ ത്വം കൃപയാ ഗൃഹീത്വാ
സ്രജം യഥാ മാം കുരു ദുഃഖദൂരമ് ॥ 9 ॥
ഇതി ശ്രീ വേണുഗോപാലാഷ്ടകമ് ।