অথ সপ্তমোঽধ্যাযঃ ।
শ্রী ভগবান্ উবাচ ।
যত্ আত্থ মাং মহাভাগ তত্ চিকীর্ষিতং এব মে ।
ব্রহ্মা ভবঃ লোকপালাঃ স্বর্বাসং মে অভিকাংক্ষিণঃ ॥ 1॥
মযা নিষ্পাদিতং হি অত্র দেবকার্যং অশেষতঃ ।
যদর্থং অবতীর্ণঃ অহং অংশেন ব্রহ্মণার্থিতঃ ॥ 2॥
কুলং বৈ শাপনির্দগ্ধং নংক্ষ্যতি অন্যোন্যবিগ্রহাত্ ।
সমুদ্রঃ সপ্তমে অহ্ন্হ্যেতাং পুরীং চ প্লাবযিষ্যতি ॥ 3॥
যঃ হি এব অযং মযা ত্যক্তঃ লোকঃ অযং নষ্টমংগলঃ ।
ভবিষ্যতি অচিরাত্ সাধো কলিনাঽপি নিরাকৃতঃ ॥ 4॥
ন বস্তব্যং ত্বযা এব ইহ মযা ত্যক্তে মহীতলে ।
জনঃ অধর্মরুচিঃ ভদ্রঃ ভবিষ্যতি কলৌ যুগে ॥ 5॥
ত্বং তু সর্বং পরিত্যজ্য স্নেহং স্বজনবংধুষু ।
মযি আবেশ্য মনঃ সম্যক্ সমদৃক্ বিচরস্ব গাম্ ॥ 6॥
যত্ ইদং মনসা বাচা চক্ষুর্ভ্যাং শ্রবণাদিভিঃ ।
নশ্বরং গৃহ্যমাণং চ বিদ্ধি মাযামনোমযম্ ॥ 7॥
পুংসঃ অযুক্তস্য নানার্থঃ ভ্রমঃ সঃ গুণদোষভাক্ ।
কর্মাকর্মবিকর্ম ইতি গুণদোষধিযঃ ভিদা ॥ 8॥
তস্মাত্ যুক্তৈংদ্রিযগ্রামঃ যুক্তচিত্তঃ ইদং জগত্ ।
আত্মনি ঈক্ষস্ব বিততং আত্মানং মযি অধীশ্বরে ॥ 9॥
জ্ঞানবিজ্ঞানসংযুক্তঃ আত্মভূতঃ শরীরিণাম্ ।
আত্মানুভবতুষ্টাত্মা ন অংতরাযৈঃ বিহন্যসে ॥ 10॥
দোষবুদ্ধ্যা উভযাতীতঃ নিষেধাত্ ন নিবর্ততে ।
গুণবুদ্ধ্যা চ বিহিতং ন করোতি যথা অর্ভকঃ ॥ 11॥
সর্বভূতসুহৃত্ শাংতঃ জ্ঞানবিজ্ঞাননিশ্চযঃ ।
পশ্যন্ মদাত্মকং বিশ্বং ন বিপদ্যেত বৈ পুনঃ ॥ 12॥
শ্রী শুকঃ উবাচ ।
ইতি আদিষ্টঃ ভগবতা মহাভাগবতঃ নৃপ ।
উদ্ধবঃ প্রণিপত্য আহ তত্ত্বজিজ্ঞাসুঃ অচ্যুতম্ ॥ 13॥
উদ্ধবঃ উবাচ ।
যোগেশ যোগবিন্ন্যাস যোগাত্ম যোগসংভব ।
নিঃশ্রেযসায মে প্রোক্তঃ ত্যাগঃ সংন্যাসলক্ষণঃ ॥ 14॥
ত্যাগঃ অযং দুষ্করঃ ভূমন্ কামানাং বিষযাত্মভিঃ ।
সুতরাং ত্বযি সর্বাত্মন্ ন অভক্তৈঃ ইতি মে মতিঃ ॥ 15॥
সঃ অহং মম অহং ইতি মূঢমতিঃ বিগাঢঃ
ত্বত্ মাযযা বিরচিত আত্মনি সানুবংধে ।
তত্ তু অংজসা নিগদিতং ভবতা যথা অহম্
সংসাধযামি ভগবন্ অনুশাধি ভৃত্যম্ ॥ 16॥
সত্যস্য তে স্বদৃশঃ আত্মনঃ আত্মনঃ অন্যম্
বক্তারং ঈশ বিবুধেষু অপি ন অনুচক্ষে ।
সর্বে বিমোহিতধিযঃ তব মাযযা ইমে
ব্রহ্মাদযঃ তনুভৃতঃ বহিঃ অর্থভাবঃ ॥ 17॥
তস্মাত্ ভবংতং অনবদ্যং অনংতপারম্
সর্বজ্ঞং ঈশ্বরং অকুংঠবিকুংঠধিষ্ণি অযম্ ।
নির্বিণ্ণধীঃ অহং উ হ বৃজনাভিতপ্তঃ
নারাযণং নরসখং শরণং প্রপদ্যে ॥ 18॥
শ্রী ভগবান্ উবাচ ।
প্রাযেণ মনুজা লোকে লোকতত্ত্ববিচক্ষণাঃ ।
সমুদ্ধরংতি হি আত্মানং আত্মনা এব অশুভাশযাত্ ॥ 19॥
আত্মনঃ গুরুঃ আত্মা এব পুরুষস্য বিশেষতঃ ।
যত্ প্রত্যক্ষ অনুমানাভ্যাং শ্রেযঃ অসৌ অনুবিংদতে ॥ 20॥
পুরুষত্বে চ মাং ধীরাঃ সাংখ্যযোগবিশারদাঃ ।
আবিস্তরাং প্রপশ্যংতি সর্বশক্তি উপবৃংহিতম্ ॥ 21॥
একদ্বিত্রিচতুষ্পাদঃ বহুপাদঃ তথা অপদঃ ।
বহ্ব্যঃ সংতি পুরঃ সৃষ্টাঃ তাসাং মে পৌরুষী প্রিযা ॥ 22॥
অত্র মাং মার্গযংত্যদ্ধাঃ যুক্তাঃ হেতুভিঃ ঈশ্বরম্ ।
গৃহ্যমাণৈঃ গুণৈঃ লিংগৈঃ অগ্রাহ্যং অনুমানতঃ ॥ 23॥
অত্র অপি উদাহরংতি ইমং ইতিহাসং পুরাতনম্ ।
অবধূতস্য সংবাদং যদোঃ অমিততেজসঃ ॥ 24॥
(অথ অবধূতগীতম্ ।)
অবধূতং দ্বিজং কংচিত্ চরংতং অকুতোভযম্ ।
কবিং নিরীক্ষ্য তরুণং যদুঃ পপ্রচ্ছ ধর্মবিত্ ॥ 25॥
যদুঃ উবাচ ।
কুতঃ বুদ্ধিঃ ইযং ব্রহ্মন্ অকর্তুঃ সুবিশারদা ।
যাং আসাদ্য ভবান্ লোকং বিদ্বান্ চরতি বালবত্ ॥ 26॥
প্রাযঃ ধর্মার্থকামেষু বিবিত্সাযাং চ মানবাঃ ।
হেতুনা এব সমীহংতে আযুষঃ যশসঃ শ্রিযঃ ॥ 27॥
ত্বং তু কল্পঃ কবিঃ দক্ষঃ সুভগঃ অমৃতভাষণঃ ।
ন কর্তা নেহসে কিংচিত্ জডৌন্মত্তপিশাচবত্ ॥ 28॥
জনেষু দহ্যমানেষু কামলোভদবাগ্নিনা ।
ন তপ্যসে অগ্নিনা মুক্তঃ গংগাংভস্থঃ ইব দ্বিপঃ ॥ 29॥
ত্বং হি নঃ পৃচ্ছতাং ব্রহ্মন্ আত্মনি আনংদকারণম্ ।
ব্রূহি স্পর্শবিহীনস্য ভবতঃ কেবল আত্মনঃ ॥ 30॥
শ্রী ভগবান্ উবাচ ।
যদুনা এবং মহাভাগঃ ব্রহ্মণ্যেন সুমেধসা ।
পৃষ্টঃ সভাজিতঃ প্রাহ প্রশ্রয অবনতং দ্বিজঃ ॥ 31॥
ব্রাহ্মণঃ উবাচ ।
সংতি মে গুরবঃ রাজন্ বহবঃ বুদ্ধ্যা উপাশ্রিতাঃ ।
যতঃ বুদ্ধিং উপাদায মুক্তঃ অটামি ইহ তান্ শ্রুণু ॥ 32॥
পৃথিবী বাযুঃ আকাশং আপঃ অগ্নিঃ চংদ্রমা রবিঃ ।
কপোতঃ অজগরঃ সিংধুঃ পতংগঃ মধুকৃদ্ গজঃ ॥ 33॥
মধুহা হরিণঃ মীনঃ পিংগলা কুররঃ অর্ভকঃ ।
কুমারী শরকৃত্ সর্পঃ ঊর্ণনাভিঃ সুপেশকৃত্ ॥ 34॥
এতে মে গুরবঃ রাজন্ চতুর্বিংশতিঃ আশ্রিতাঃ ।
শিক্ষা বৃত্তিভিঃ এতেষাং অন্বশিক্ষং ইহ আত্মনঃ ॥ 35॥
যতঃ যত্ অনুশিক্ষামি যথা বা নাহুষাত্মজ ।
তত্ তথা পুরুষব্যাঘ্র নিবোধ কথযামি তে ॥ 36॥
ভূতৈঃ আক্রমাণঃ অপি ধীরঃ দৈববশানুগৈঃ ।
তত্ বিদ্বান্ ন চলেত্ মার্গাত্ অন্বশিক্ষং ক্ষিতেঃ ব্রতম্ ॥ 37॥
শশ্বত্ পরার্থসর্বেহঃ পরার্থ একাংতসংভবঃ ।
সাধুঃ শিক্ষেত ভূভৃত্তঃ নগশিষ্যঃ পরাত্মতাম্ ॥
38॥
প্রাণবৃত্ত্যা এব সংতুষ্যেত্ মুনিঃ ন এব ইংদ্রিযপ্রিযৈঃ ।
জ্ঞানং যথা ন নশ্যেত ন অবকীর্যেত বাঙ্মনঃ ॥ 39॥
বিষযেষু আবিশন্ যোগী নানাধর্মেষু সর্বতঃ ।
গুণদোষব্যপেত আত্মা ন বিষজ্জেত বাযুবত্ ॥ 40॥
পার্থিবেষু ইহ দেহেষু প্রবিষ্টঃ তত্ গুণাশ্রযঃ ।
গুণৈঃ ন যুজ্যতে যোগী গংধৈঃ বাযুঃ ইব আত্মদৃক্ ॥ 41॥
অংতঃ হিতঃ চ স্থিরজংগমেষু
ব্রহ্ম আত্মভাবেন সমন্বযেন ।
ব্যাপ্ত্য অবচ্ছেদং অসংগং আত্মনঃ
মুনিঃ নভঃ ত্বং বিততস্য ভাবযেত্ ॥ 42॥
তেজঃ অবন্নমযৈঃ ভাবৈঃ মেঘ আদ্যৈঃ বাযুনা ঈরিতৈঃ ।
ন স্পৃশ্যতে নভঃ তদ্বত্ কালসৃষ্টৈঃ গুণৈঃ পুমান্ ॥
43॥
স্বচ্ছঃ প্রকৃতিতঃ স্নিগ্ধঃ মাধুর্যঃ তীর্থভূঃ নৃণাম্ ।
মুনিঃ পুনাতি অপাং মিত্রং ঈক্ষ উপস্পর্শকীর্তনৈঃ ॥ 44॥
তেজস্বী তপসা দীপ্তঃ দুর্ধর্ষৌদরভাজনঃ ।
সর্বভক্ষঃ অপি যুক্ত আত্মা ন আদত্তে মলং অগ্নিবত্ ॥ 45॥
ক্বচিত্ শন্নঃ ক্বচিত্ স্পষ্টঃ উপাস্যঃ শ্রেযঃ ইচ্ছতাম্ ।
ভুংক্তে সর্বত্র দাতৄণাং দহন্ প্রাক্ উত্তর অশুভম্ ॥
46॥
স্বমাযযা সৃষ্টং ইদং সত্ অসত্ লক্ষণং বিভুঃ ।
প্রবিষ্টঃ ঈযতে তত্ তত্ স্বরূপঃ অগ্নিঃ ইব এধসি ॥ 47॥
বিসর্গাদ্যাঃ শ্মশানাংতাঃ ভাবাঃ দেহস্য ন আত্মনঃ ।
কলানাং ইব চংদ্রস্য কালেন অব্যক্তবর্ত্মনা ॥ 48॥
কালেন হি ওঘবেগেন ভূতানাং প্রভব অপি অযৌ ।
নিত্যৌ অপি ন দৃশ্যেতে আত্মনঃ অগ্নেঃ যথা অর্চিষাম্ ॥ 49॥
গুণৈঃ গুণান্ উপাদত্তে যথাকালং বিমুংচতি ।
ন তেষু যুজ্যতে যোগী গোভিঃ গাঃ ইব গোপতিঃ ॥ 50॥
বুধ্যতে স্বেন ভেদেন ব্যক্তিস্থঃ ইব তত্ গতঃ ।
লক্ষ্যতে স্থূলমতিভিঃ আত্মা চ অবস্থিতঃ অর্কবত্ ॥ 51॥
ন অতিস্নেহঃ প্রসংগঃ বা কর্তব্যঃ ক্ব অপি কেনচিত্ ।
কুর্বন্ বিংদেত সংতাপং কপোতঃ ইব দীনধীঃ ॥ 52॥
কপোতঃ কশ্চন অরণ্যে কৃতনীডঃ বনস্পতৌ ।
কপোত্যা ভার্যযা সার্ধং উবাস কতিচিত্ সমাঃ ॥ 53॥
কপোতৌ স্নেহগুণিতহৃদযৌ গৃহধর্মিণৌ ।
দৃষ্টিং দৃষ্ট্যাংগং অংগেন বুদ্ধিং বুদ্ধ্যা ববংধতুঃ ॥
54॥
শয্যাসনাটনস্থানবার্তাক্রীডাশনাদিকম্ ।
মিথুনীভূয বিস্রব্ধৌ চেরতুঃ বনরাজিষু ॥ 55॥
যং যং বাংছতি সা রাজন্ তর্পযংতি অনুকংপিতা ।
তং তং সমনযত্ কামং কৃচ্ছ্রেণ অপি অজিতৈংদ্রিযঃ ॥ 56॥
কপোতী প্রথমং গর্ভং গৃহ্ণতি কালঃ আগতে ।
অংডানি সুষুবে নীডে স্বপত্যুঃ সংনিধৌ সতী ॥ 57॥
তেষূ কালে ব্যজাযংত রচিতাবযবা হরেঃ ।
শক্তিভিঃ দুর্বিভাব্যাভিঃ কোমলাংগতনূরুহাঃ ॥ 58॥
প্রজাঃ পুপুষতুঃ প্রীতৌ দংপতী পুত্রবত্সলৌ ।
শঋণ্বংতৌ কূজিতং তাসাং নির্বৃতৌ কলভাষিতৈঃ ॥ 59॥
তাসাং পতত্রৈঃ সুস্পর্শৈঃ কূজিতৈঃ মুগ্ধচেষ্টিতৈঃ ।
প্রত্যুদ্গমৈঃ অদীনানাং পিতরৌ মুদং আপতুঃ ॥ 60॥
স্নেহানুবদ্ধহৃদযৌ অন্যোন্যং বিষ্ণুমাযযা ।
বিমোহিতৌ দীনধিযৌ শিশূন্ পুপুষতুঃ প্রজাঃ ॥ 61॥
একদা জগ্মতুঃ তাসাং অন্নার্থং তৌ কুটুংবিনৌ ।
পরিতঃ কাননে তস্মিন্ অর্থিনৌ চেরতুঃ চিরম্ ॥ 62॥
দৃষ্ট্বা তান্ লুব্ধকঃ কশ্চিত্ যদৃচ্ছ অতঃ বনেচরঃ ।
জগৃহে জালং আতত্য চরতঃ স্বালযাংতিকে ॥ 63॥
কপোতঃ চ কপোতী চ প্রজাপোষে সদা উত্সুকৌ ।
গতৌ পোষণং আদায স্বনীডং উপজগ্মতুঃ ॥ 64॥
কপোতী স্বাত্মজান্ বীক্ষ্য বালকান্ জালসংবৃতান্ ।
তান্ অভ্যধাবত্ ক্রোশংতী ক্রোশতঃ ভৃশদুঃখিতা ॥ 65॥
সা অসকৃত্ স্নেহগুণিতা দীনচিত্তা অজমাযযা ।
স্বযং চ অবধ্যত শিচা বদ্ধান্ পশ্যংতি অপস্মৃতিঃ ॥ 66॥
কপোতঃ চ আত্মজান্ বদ্ধান্ আত্মনঃ অপি অধিকান্ প্রিযান্ ।
ভার্যাং চ আত্মসমাং দীনঃ বিললাপ অতিদুঃখিতঃ ॥ 67॥
অহো মে পশ্যত অপাযং অল্পপুণ্যস্য দুর্মতেঃ ।
অতৃপ্তস্য অকৃতার্থস্য গৃহঃ ত্রৈবর্গিকঃ হতঃ ॥ 68॥
অনুরূপা অনুকূলা চ যস্য মে পতিদেবতা ।
শূন্যে গৃহে মাং সংত্যজ্য পুত্রৈঃ স্বর্যাতি সাধুভিঃ ॥ 69॥
সঃ অহং শূন্যে গৃহে দীনঃ মৃতদারঃ মৃতপ্রজঃ ।
জিজীবিষে কিমর্থং বা বিধুরঃ দুঃখজীবিতঃ ॥ 70॥
তান্ তথা এব আবৃতান্ শিগ্ভিঃ মৃত্যুগ্রস্তান্ বিচেষ্টতঃ ।
স্বযং চ কৃপণঃ শিক্ষু পশ্যন্ অপি অবুধঃ অপতত্ ॥ 71॥
তং লব্ধ্বা লুব্ধকঃ ক্রূরঃ কপোতং গৃহমেধিনম্ ।
কপোতকান্ কপোতীং চ সিদ্ধার্থঃ প্রযযৌ গৃহম্ ॥ 72॥
এবং কুটুংবী অশাংত আত্মা দ্বংদ্ব আরামঃ পতত্ ত্রিবত্ ।
পুষ্ণন্ কুটুংবং কৃপণঃ সানুবংধঃ অবসীদতি ॥ 73॥
যঃ প্রাপ্য মানুষং লোকং মুক্তিদ্বারং অপাবৃতম্ ।
গৃহেষু খগবত্ সক্তঃ তং আরূঢচ্যুতং বিদুঃ ॥ 74॥
ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
যদ্বধূতেতিহাসে সপ্তমোঽধ্যাযঃ ॥