অস্য শ্রী দেবীবৈভবাশ্চর্যাষ্টোত্তরশতদিব্যনাম স্তোত্রমহামংত্রস্য আনংদভৈরব ঋষিঃ, অনুষ্টুপ্ ছংদঃ, শ্রী আনংদভৈরবী শ্রীমহাত্রিপুরসুংদরী দেবতা, ঐং বীজং, হ্রীং শক্তিঃ, শ্রীং কীলকং, মম শ্রীআনংদভৈরবী শ্রীমহাত্রিপুরসুংদরী প্রসাদসিদ্ধ্যর্থে জপে বিনিযোগঃ ।
ধ্যানম্
কুংকুমপংকসমাভা-
-মংকুশপাশেক্ষুকোদংডশরাম্ ।
পংকজমধ্যনিষণ্ণাং
পংকেরুহলোচনাং পরাং বংদে ॥
পংচপূজা
লং পৃথিব্যাত্মিকাযৈ গংধং সমর্পযামি ।
হং আকাশাত্মিকাযৈ পুষ্পৈঃ পূজযামি ।
যং বায্বাত্মিকাযৈ ধূপমাঘ্রাপযামি ।
রং অগ্ন্যাত্মিকাযৈ দীপং দর্শযামি ।
বং অমৃতাত্মিকাযৈ অমৃতং মহানৈবেদ্যং নিবেদযামি ।
সং সর্বাত্মিকাযৈ সর্বোপচারান্ সমর্পযামি ॥
ওং ঐং হ্রীং শ্রীম্ ।
পরমানংদলহরী পরচৈতন্যদীপিকা ।
স্বযংপ্রকাশকিরণা নিত্যবৈভবশালিনী ॥ 1 ॥
বিশুদ্ধকেবলাখংডসত্যকালাত্মরূপিণী ।
আদিমধ্যাংতরহিতা মহামাযাবিলাসিনী ॥ 2 ॥
গুণত্রযপরিচ্ছেত্রী সর্বতত্ত্বপ্রকাশিনী ।
স্ত্রীপুংসভাবরসিকা জগত্সর্গাদিলংপটা ॥ 3 ॥
অশেষনামরূপাদিভেদচ্ছেদরবিপ্রভা ।
অনাদিবাসনারূপা বাসনোদ্যত্প্রপংচিকা ॥ 4 ॥
প্রপংচোপশমপ্রৌঢা চরাচরজগন্মযী ।
সমস্তজগদাধারা সর্বসংজীবনোত্সুকা ॥ 5 ॥
ভক্তচেতোমযানংতস্বার্থবৈভববিভ্রমা ।
সর্বাকর্ষণবশ্যাদিসর্বকর্মধুরংধরা ॥ 6 ॥
বিজ্ঞানপরমানংদবিদ্যা সংতানসিদ্ধিদা ।
আযুরারোগ্যসৌভাগ্যবলশ্রীকীর্তিভাগ্যদা ॥ 7 ॥
ধনধান্যমণীবস্ত্রভূষালেপনমাল্যদা ।
গৃহগ্রামমহারাজ্যসাম্রাজ্যসুখদাযিনী ॥ 8 ॥
সপ্তাংগশক্তিসংপূর্ণসার্বভৌমফলপ্রদা ।
ব্রহ্মবিষ্ণুশিবেংদ্রাদিপদবিশ্রাণনক্ষমা ॥ 9 ॥
ভুক্তিমুক্তিমহাভক্তিবিরক্ত্যদ্বৈতদাযিনী ।
নিগ্রহানুগ্রহাধ্যক্ষা জ্ঞাননির্দ্বৈতদাযিনী ॥ 10 ॥
পরকাযপ্রবেশাদিযোগসিদ্ধিপ্রদাযিনী ।
শিষ্টসংজীবনপ্রৌঢা দুষ্টসংহারসিদ্ধিদা ॥ 11 ॥
লীলাবিনির্মিতানেককোটিব্রহ্মাংডমংডলা ।
একানেকাত্মিকা নানারূপিণ্যর্ধাংগনেশ্বরী ॥ 12 ॥
শিবশক্তিমযী নিত্যশৃংগারৈকরসপ্রিযা ।
তুষ্টা পুষ্টাঽপরিচ্ছিন্না নিত্যযৌবনমোহিনী ॥ 13 ॥
সমস্তদেবতারূপা সর্বদেবাধিদেবতা ।
দেবর্ষিপিতৃসিদ্ধাদিযোগিনীভৈরবাত্মিকা ॥ 14 ॥
নিধিসিদ্ধিমণীমুদ্রা শস্ত্রাস্ত্রাযুধভাসুরা ।
ছত্রচামরবাদিত্রপতাকাব্যজনাংচিতা ॥ 15 ॥
হস্ত্যশ্বরথপাদাতামাত্যসেনাসুসেবিতা ।
পুরোহিতকুলাচার্যগুরুশিষ্যাদিসেবিতা ॥ 16 ॥
সুধাসমুদ্রমধ্যোদ্যত্সুরদ্রুমনিবাসিনী ।
মণিদ্বীপাংতরপ্রোদ্যত্কদংববনবাসিনী ॥ 17 ॥
চিংতামণিগৃহাংতঃস্থা মণিমংটপমধ্যগা ।
রত্নসিংহাসনপ্রোদ্যচ্ছিবমংচাধিশাযিনী ॥ 18 ॥
সদাশিবমহালিংগমূলসংঘট্টযোনিকা ।
অন্যোন্যালিংগসংঘর্ষকংডূসংক্ষুব্ধমানসা ॥ 19 ॥
কলোদ্যদ্বিংদুকালিন্যাতুর্যনাদপরংপরা ।
নাদাংতানংদসংদোহস্বযংব্যক্তবচোঽমৃতা ॥ 20 ॥
কামরাজমহাতংত্ররহস্যাচারদক্ষিণা ।
মকারপংচকোদ্ভূতপ্রৌঢাংতোল্লাসসুংদরী ॥ 21 ॥
শ্রীচক্ররাজনিলযা শ্রীবিদ্যামংত্রবিগ্রহা ।
অখংডসচ্চিদানংদশিবশক্ত্যৈক্যরূপিণী ॥ 22 ॥
ত্রিপুরা ত্রিপুরেশানী মহাত্রিপুরসুংদরী ।
ত্রিপুরাবাসরসিকা ত্রিপুরাশ্রীস্বরূপিণী ॥ 23 ॥
মহাপদ্মবনাংতস্থা শ্রীমত্ত্রিপুরমালিনী ।
মহাত্রিপুরসিদ্ধাংবা শ্রীমহাত্রিপুরাংবিকা ॥ 24 ॥
নবচক্রক্রমাদেবী মহাত্রিপুরভৈরবী ।
শ্রীমাতা ললিতা বালা রাজরাজেশ্বরী শিবা ॥ 25 ॥
উত্পত্তিস্থিতিসংহারক্রমচক্রনিবাসিনী ।
অর্ধমের্বাত্মচক্রস্থা সর্বলোকমহেশ্বরী ॥ 26 ॥
বল্মীকপুরমধ্যস্থা জংবূবননিবাসিনী ।
অরুণাচলশৃংগস্থা ব্যাঘ্রালযনিবাসিনী ॥ 27 ॥
শ্রীকালহস্তিনিলযা কাশীপুরনিবাসিনী ।
শ্রীমত্কৈলাসনিলযা দ্বাদশাংতমহেশ্বরী ॥ 28 ॥
শ্রীষোডশাংতমধ্যস্থা সর্ববেদাংতলক্ষিতা ।
শ্রুতিস্মৃতিপুরাণেতিহাসাগমকলেশ্বরী ॥ 29 ॥
ভূতভৌতিকতন্মাত্রদেবতাপ্রাণহৃন্মযী ।
জীবেশ্বরব্রহ্মরূপা শ্রীগুণাঢ্যা গুণাত্মিকা ॥ 30 ॥
অবস্থাত্রযনির্মুক্তা বাগ্রমোমামহীমযী ।
গাযত্রীভুবনেশানীদুর্গাকাল্যাদিরূপিণী ॥ 31 ॥
মত্স্যকূর্মবরাহাদিনানারূপবিলাসিনী ।
মহাযোগীশ্বরারাধ্যা মহাবীরবরপ্রদা ॥ 32 ॥
সিদ্ধেশ্বরকুলারাধ্যা শ্রীমচ্চরণবৈভবা ॥ 33 ॥
পুনর্ধ্যানম্
কুংকুমপংকসমাভা-
-মংকুশপাশেক্ষুকোদংডশরাম্ ।
পংকজমধ্যনিষণ্ণাং
পংকেরুহলোচনাং পরাং বংদে ॥
ইতি শ্রীগর্ভকুলার্ণবতংত্রে দেবী বৈভবাশ্চর্যাষ্টোত্তরশতনাম স্তোত্রম্ ।