ওং অ॒হং রু॒দ্রেভি॒র্বসু॑ভিশ্চরাম্য॒হমা᳚দি॒ত্যৈরু॒ত বি॒শ্বদে᳚বৈঃ ।
অ॒হং মি॒ত্রাবরু॑ণো॒ভা বি॑ভর্ম্য॒হমিং᳚দ্রা॒গ্নী অ॒হম॒শ্বিনো॒ভা ॥1॥
অ॒হং সোম॑মাহ॒নসং᳚ বিভর্ম্য॒হং ত্বষ্টা᳚রমু॒ত পূ॒ষণং॒ ভগম্᳚ ।
অ॒হং দ॑ধামি॒ দ্রবি॑ণং হ॒বিষ্ম॑তে সুপ্রা॒ব্যে॒ যে॑ 3 যজ॑মানায সুন্ব॒তে ॥2॥
অ॒হং রাষ্ট্রী᳚ সং॒গম॑নী॒ বসূ᳚নাং চিকি॒তুষী᳚ প্রথ॒মা য॒জ্ঞিযা᳚নাম্ ।
তাং মা᳚ দে॒বা ব্য॑দধুঃ পুরু॒ত্রা ভূরি॑স্থাত্রাং॒ ভূ~র্যা᳚বে॒শযংতী᳚ম্ ॥3॥
মযা॒ সো অন্ন॑মত্তি যো বি॒পশ্য॑তি॒ যঃ প্রাণি॑তি॒ য ঈং᳚ শৃ॒ণোত্যু॒ক্তম্ ।
অ॒মং॒ত॒বো॒মাংত উপ॑ক্ষিযংতি॒ শ্রু॒ধি শ্রু॑তং শ্রদ্ধি॒বং তে᳚ বদামি ॥4॥
অ॒হমে॒ব স্ব॒যমি॒দং-বঁদা॑মি॒ জুষ্টং᳚ দে॒বেভি॑রু॒ত মানু॑ষেভিঃ ।
যং কা॒মযে॒ তং ত॑মু॒গ্রং কৃ॑ণোমি॒ তং ব্র॒হ্মাণং॒ তমৃষিং॒ তং সু॑মে॒ধাম্ ॥5॥
অ॒হং রু॒দ্রায॒ ধনু॒রাত॑নোমি ব্রহ্ম॒দ্বিষে॒ শর॑বে হংত॒ বা উ॑ ।
অ॒হং জনা᳚য স॒মদং᳚ কৃণোম্য॒হং দ্যাবা᳚পৃথি॒বী আবি॑বেশ ॥6॥
অ॒হং সু॑বে পি॒তর॑মস্য মূ॒র্ধন্ মম॒ যোনি॑র॒প্স্বং॒তঃ স॑মু॒দ্রে ।
ততো॒ বিতি॑ষ্ঠে॒ ভুব॒নানু॒ বিশ্বো॒তামূং দ্যাং-বঁ॒র্ষ্মণোপ॑ স্পৃশামি ॥7॥
অ॒হমে॒ব বাত॑ ইব॒ প্রবা᳚ম্যা॒-রভ॑মাণা॒ ভুব॑নানি॒ বিশ্বা᳚ ।
প॒রো দি॒বাপর॒ এ॒না পৃ॑থি॒ব্যৈ-তাব॑তী মহি॒না সংব॑ভূব ॥8॥
ওং শাংতিঃ॒ শাংতিঃ॒ শাংতিঃ॑ ॥
॥ ইতি ঋগ্বেদোক্তং দেবীসূক্তং সমাপ্তম্ ॥
॥তত্ সত্ ॥