উপযাতানাং সুদৃশাং কুসুমাযুধবাণপাতবিবশানাম্ ।
অভিবাংছিতং বিধাতুং কৃতমতিরপি তা জগাথ বামমিব ॥1॥
গগনগতং মুনিনিবহং শ্রাবযিতুং জগিথ কুলবধূধর্মম্ ।
ধর্ম্যং খলু তে বচনং কর্ম তু নো নির্মলস্য বিশ্বাস্যম্ ॥2॥
আকর্ণ্য তে প্রতীপাং বাণীমেণীদৃশঃ পরং দীনাঃ ।
মা মা করুণাসিংধো পরিত্যজেত্যতিচিরং বিলেপুস্তাঃ ॥3॥
তাসাং রুদিতৈর্লপিতৈঃ করুণাকুলমানসো মুরারে ত্বম্ ।
তাভিস্সমং প্রবৃত্তো যমুনাপুলিনেষু কামমভিরংতুম্ ॥4॥
চংদ্রকরস্যংদলসত্সুংদরযমুনাতটাংতবীথীষু ।
গোপীজনোত্তরীযৈরাপাদিতসংস্তরো ন্যষীদস্ত্বম্ ॥5॥
সুমধুরনর্মালপনৈঃ করসংগ্রহণৈশ্চ চুংবনোল্লাসৈঃ ।
গাঢালিংগনসংগৈস্ত্বমংগনালোকমাকুলীচকৃষে ॥6॥
বাসোহরণদিনে যদ্বাসোহরণং প্রতিশ্রুতং তাসাম্ ।
তদপি বিভো রসবিবশস্বাংতানাং কাংত সুভ্রুবামদধাঃ ॥7॥
কংদলিতঘর্মলেশং কুংদমৃদুস্মেরবক্ত্রপাথোজম্ ।
নংদসুত ত্বাং ত্রিজগত্সুংদরমুপগূহ্য নংদিতা বালাঃ ॥8॥
বিরহেষ্বংগারমযঃ শৃংগারমযশ্চ সংগমে হি ত্বম্ নিতরামংগারমযস্তত্র পুনস্সংগমেঽপি চিত্রমিদম্ ॥9॥
রাধাতুংগপযোধরসাধুপরীরংভলোলুপাত্মানম্ ।
আরাধযে ভবংতং পবনপুরাধীশ শময সকলগদান্ ॥10॥