প্রদ্যুম্নো রৌক্মিণেযঃ স খলু তব কলা শংবরেণাহৃতস্তং
হত্বা রত্যা সহাপ্তো নিজপুরমহরদ্রুক্মিকন্যাং চ ধন্যাম্ ।
তত্পুত্রোঽথানিরুদ্ধো গুণনিধিরবহদ্রোচনাং রুক্মিপৌত্রীং
তত্রোদ্বাহে গতস্ত্বং ন্যবধি মুসলিনা রুক্ম্যপি দ্যূতবৈরাত্ ॥1॥
বাণস্য সা বলিসুতস্য সহস্রবাহো-
র্মাহেশ্বরস্য মহিতা দুহিতা কিলোষা ।
ত্বত্পৌত্রমেনমনিরুদ্ধমদৃষ্টপূর্বং
স্বপ্নেঽনুভূয ভগবন্ বিরহাতুরাঽভূত্ ॥2॥
যোগিন্যতীব কুশলা খলু চিত্রলেখা
তস্যাঃ সখী বিলিখতী তরুণানশেষান্ ।
তত্রানিরুদ্ধমুষযা বিদিতং নিশাযা-
মানেষ্ট যোগবলতো ভবতো নিকেতাত্ ॥3॥
কন্যাপুরে দযিতযা সুখমারমংতং
চৈনং কথংচন ববংধুষি শর্ববংধৌ ।
শ্রীনারদোক্ততদুদংতদুরংতরোষৈ-
স্ত্বং তস্য শোণিতপুরং যদুভির্ন্যরুংধাঃ ॥4॥
পুরীপালশ্শৈলপ্রিযদুহিতৃনাথোঽস্য ভগবান্
সমং ভূতব্রাতৈর্যদুবলমশংকং নিরুরুধে ।
মহাপ্রাণো বাণো ঝটিতি যুযুধানেনযুযুধে
গুহঃ প্রদ্যুম্নেন ত্বমপি পুরহংত্রা জঘটিষে ॥5॥
নিরুদ্ধাশেষাস্ত্রে মুমুহুষি তবাস্ত্রেণ গিরিশে
দ্রুতা ভূতা ভীতাঃ প্রমথকুলবীরাঃ প্রমথিতাঃ ।
পরাস্কংদ্ত্ স্কংদঃ কুসুমশরবাণৈশ্চ সচিবঃ
স কুংভাংডো ভাংডং নবমিব বলেনাশু বিভিদে ॥6॥
চাপানাং পংচশত্যা প্রসভমুপগতে ছিন্নচাপেঽথ বাণে
ব্যর্থে যাতে সমেতো জ্বরপতিরশনৈরজ্বরি ত্বজ্জ্বরেণ ।
জ্ঞানী স্তুত্বাঽথ দত্বা তব চরিতজুষাং বিজ্বরং স জ্বরোঽগাত্
প্রাযোঽংতর্জ্ঞানবংতোঽপি চ বহুতমসা রৌদ্রচেষ্টা হি রৌদ্রাঃ ॥7॥
বাণং নানাযুধোগ্রং পুনরভিপতিতং দর্পদোষাদ্বিতন্বন্
নির্লূনাশেষদোষং সপদি বুবুধুষা শংকরেণোপগীতঃ ।
তদ্বাচা শিষ্টবাহুদ্বিতযমুভযতো নির্ভযং তত্প্রিযং তং
মুক্ত্বা তদ্দত্তমানো নিজপুরমগমঃ সানিরুদ্ধঃ সহোষঃ ॥8॥
মুহুস্তাবচ্ছক্রং বরুণমজযো নংদহরণে
যমং বালানীতৌ দবদহনপানেঽনিলসখম্ ।
বিধিং বত্সস্তেযে গিরিশমিহ বাণস্য সমরে
বিভো বিশ্বোত্কর্ষী তদযমবতারো জযতি তে ॥9॥
দ্বিজরুষা কৃকলাসবপুর্ধরং নৃগনৃপং ত্রিদিবালযমাপযন্ ।
নিজজনে দ্বিজভক্তিমনুত্তমামুপদিশন্ পবনেশ্বর্ পাহি মাম্ ॥10॥