নমো ভূতনাথং নমো দেবদেবং
নমঃ কালকালং নমো দিব্যতেজম্ ।
নমঃ কামভস্মং নমঃ শাংতশীলং
ভজে পার্বতীবল্লভং নীলকংঠম্ ॥ 1 ॥
সদা তীর্থসিদ্ধং সদা ভক্তরক্ষং
সদা শৈবপূজ্যং সদা শুভ্রভস্মম্ ।
সদা ধ্যানযুক্তং সদা জ্ঞানতল্পং
ভজে পার্বতীবল্লভং নীলকংঠম্ ॥ 2 ॥
শ্মশানে শযানং মহাস্থানবাসং
শরীরং গজানাং সদা চর্মবেষ্টম্ ।
পিশাচাদিনাথং পশূনাং প্রতিষ্ঠং
ভজে পার্বতীবল্লভং নীলকংঠম্ ॥ 3 ॥
ফণীনাগকংঠে ভুজংগাদ্যনেকং
গলে রুংডমালং মহাবীর শূরম্ ।
কটিব্যাঘ্রচর্মং চিতাভস্মলেপং
ভজে পার্বতীবল্লভং নীলকংঠম্ ॥ 4 ॥
শিরঃ শুদ্ধগংগা শিবা বামভাগং
বিযদ্দীর্ঘকেশং সদা মাং ত্রিণেত্রম্ ।
ফণীনাগকর্ণং সদা ফালচংদ্রং
ভজে পার্বতীবল্লভং নীলকংঠম্ ॥ 5 ॥
করে শূলধারং মহাকষ্টনাশং
সুরেশং পরেশং মহেশং জনেশম্ ।
ধনেশামরেশং ধ্বজেশং গিরীশং [ধনেশস্যমিত্রং]
ভজে পার্বতীবল্লভং নীলকংঠম্ ॥ 6 ॥
উদাসং সুদাসং সুকৈলাসবাসং
ধরানির্ঝরে সংস্থিতং হ্যাদিদেবম্ ।
অজং হেমকল্পদ্রুমং কল্পসেব্যং
ভজে পার্বতীবল্লভং নীলকংঠম্ ॥ 7 ॥
মুনীনাং বরেণ্যং গুণং রূপবর্ণং
দ্বিজৈঃ সংপঠংতং শিবং বেদশাস্ত্রম্ ।
অহো দীনবত্সং কৃপালুং শিবং তং
ভজে পার্বতীবল্লভং নীলকংঠম্ ॥ 8 ॥
সদা ভাবনাথং সদা সেব্যমানং
সদা ভক্তিদেবং সদা পূজ্যমানম্ ।
মহাতীর্থবাসং সদা সেব্যমেকং
ভজে পার্বতীবল্লভং নীলকংঠম্ ॥ 9 ॥
ইতি শ্রীমচ্ছংকরযোগীংদ্র বিরচিতং পার্বতীবল্লভাষ্টকং নাম নীলকংঠ স্তবঃ ॥