বেদাংতডিংডিমাস্তত্বমেকমুদ্ধোষযংতি যত্ ।
আস্তাং পুরস্তাংতত্তেজো দক্ষিণামূর্তিসংজ্ঞিতম্ ॥ 1
আত্মাঽনাত্মা পদার্থৌ দ্বৌ ভোক্তৃভোগ্যত্বলক্ষণৌ ।
ব্রহ্মেবাঽঽত্মান দেহাদিরিতি বেদাংতডিংডিমঃ ॥ 2
জ্ঞানাঽজ্ঞানে পদার্থোং দ্বাবাত্মনো বংধমুক্তিদৌ ।
জ্ঞানান্মুক্তি নির্বংধোঽন্যদিতি বেদাংতডিংডিমঃ ॥ 3
জ্ঞাতৃ জ্ঞেযং পদার্থৌ দ্বৌ ভাস্য ভাসকলক্ষণৌ ।
জ্ঞাতা ব্রহ্ম জগত্ জ্ঞেয মিতি বেদাংতডিংডিমঃ ॥ 4
সুখদুঃখে পদার্থৌ দ্বৌ প্রিযবিপ্রিযকারকৌ ।
সুখং ব্রহ্ম জগহুঃখ মিতি বেদাংতডিংডিমঃ॥ 5
সমষ্টিব্যষ্টিরূপৌ দ্বৌ পদার্থৌ সর্বসংমতৌ ।
সমষ্টিরীশ্বরো ব্যষ্টির্জীবো বেদাংতডিংডিমঃ ॥ 6
জ্ঞানং কর্ম পদার্থৌ দ্বৌ বস্তুকত্রাত্ম তংত্রকৌ ।
জ্ঞানান্মোক্ষো ন কর্মভ্য ইতি বেদাংতডিংডিমঃ ॥ 7
শ্রোতব্যাঽশ্রব্যরূপী দ্বৌ পদার্থোং সুখদুঃখদৌ ।
শ্রোতব্যং ব্রহ্ম নৈবাঽন্য দিতি বেদাংতডিংডিমঃ॥ 8
চিংত্যাঽচিংত্যে পদাথৌ দ্বৌ বিশ্রাংতি শ্রাংতিদাযকৌ ।
চিংত্যং ব্রহ্ম পরং নাঽন্য দিতি বেদাংতডিংডিমঃ॥ 9
ধ্যেযাঽধ্বেযে পদার্থৌ দ্বৌ দ্বৌ ধীসমাধ্যসমাধিদৌ ।
ধ্যাতব্যং ব্রহ্ম নৈবাঽন্য দিতি বেদাংতডিংডিমঃ॥ 10
যোগিনো ভোগিনো বাঽপি ত্যাগিনো রাগিণোঽপি চ ।
জ্ঞানান্মোক্ষো ন সংদেহ ইতি বেদাংতডিংডিমঃ ॥ 11
ন বর্ণাশ্রম সংকেতৈঃ ন কোপাসনাদিভিঃ।
ব্রহ্মজ্ঞানং বিনা মোক্ষঃ ইতি বেদাংতডিংডিমঃ ॥ 12
অসত্যস্সর্বসংসারো রসামাসাদিদূষিতঃ ।
উপেক্ষ্যো ব্রহ্ম বিজ্ঞেয মিতি বেদাংতডিংডিমঃ ॥ 13
বৃথা ক্রিযাং বৃথাঽলাপান্ বৃথাবাদান্ মনোরথান্ ।
ত্যত্বৈকং ব্রহ্ম বিজ্ঞেয মিতি বেদাংতডিংডিমঃ ॥ 14
স্থিতো ব্রহ্মাত্মনা জীবো ব্রহ্ম জীবাত্মনা স্থিতম্ ।
ইতি সংপশ্যতাং মুক্তি রিতি বেদাংতডিংডিমঃ॥ 15
জীবো ব্রহ্মাত্মনা জ্ঞেযো জ্ঞেযং জীবাত্মনা পরম্ ।
মুক্তিস্ত দৈক্যবিজ্ঞান মিতি বেদাংতডিংডিমঃ ॥ 16
সর্বাত্মনা পরং ব্রহ্ম শ্রোতুরাত্মতযা স্থিতম্ ।
নাঽঽযাস স্তব বিজ্ঞপ্তৌ ইতি বেদাংতডিংডিমঃ ॥ 17
ঐহিকং চাঽঽমুধ্মিকং চ তাপাংতং কর্মসংচযম্ ।
ত্যত্বা ব্রহ্মৈব বিজ্ঞেয মিতি বেদাংতডিংডিমঃ ॥ 18
অদ্বৈতদ্বৈতবাদৌ দ্বৌ সূক্ষ্মস্থূলদশাং গতৌ ।
অদ্বৈতবাদান্মোক্ষস্স্যা দিতি বেদাংতডিংডিমঃ ॥19
কর্মিণো বিনিবর্তংতে নিবর্তংত উপাসকাঃ।
জ্ঞানিনো ন নিবর্তংতে ইতি বেদাংতডিংডিমঃ ॥ 20
পরোক্ষাঽসত্ফলং কর্মজ্ঞানং প্রত্যক্ষসত্ফলম্ ।
জ্ঞানমেবাঽভ্যসেত্তস্মাত্ ইতি বেদাংতডিংডিমঃ ॥21
বৃথা শ্রমোঽযং বিদুষা বৃথাঽযং-কর্মিণাং শ্রমঃ ।
যদি ন ব্রহ্মবিজ্ঞানং ইতি ॥ বেদাংতডিংডিমঃ ॥ 22
অলং যাগৈরলং যোগৈরলং ভোগৈ রলং ধনৈঃ ।
পরস্মিন্ব্রহ্মণি জ্ঞাত ইতি বেদাংতডিংডিমঃ ॥23
অলং বেদৈরলং শাস্ত্রৈরলমং স্মৃতিপুরাণকৈঃ ।
পরমাত্মনি বিজ্ঞাতে ইতি বেদাংতডিংডিমঃ ॥ 24
নর্চা ন যজুষোঽর্থোঽস্তি ন সান্নর্থোঽতি কশ্চন ।
জাতে ব্রহ্মাত্মবিজ্ঞানে ইতি বেদাংতডিংডিমঃ ॥ 25
কর্মাণি চিত্তশুদ্ধ্যর্থং মৈকাগ্র্যার্থ মুপাসনম্ ।
মোক্ষার্থং ব্রহ্মবিজ্ঞান মিতি বেদাংতডিংডিমঃ ॥ 26
সংচিতাগামিকর্মাণি দহ্যংতে জ্ঞানকর্মণা ।
প্রারব্ধানুভবান্মোক্ষ ইতি বেদাংতডিংডিমঃ॥ 27
ন পুণ্যকর্মণা বৃদ্ধিঃ ন হানিঃ পাপকর্মণা ।
নিত্যাসংগাত্মনিষ্ঠানামিতি বেদাংতডিংডিমঃ॥ 28
দৃগ্দৃশ্যৌ দ্বৌ পদার্থৌ তৌ পরস্পরবিলক্ষণৌ ।
দৃগ্ব্রহ্ম দৃশ্যং মাযা স্যাদিতি বেদাংতডিংডিমঃ ॥ 29
অবিদ্যোপাধিকো জীবো মাযোপাধিক ঈশ্বরঃ ।
মাযাঽবিদ্যাগুণাতীতঃ ইতি বেদাংতডিংডিমঃ ॥ 30
বুদ্ধিপূর্বাঽবুদ্ধিপূর্বকৃতানাং পাপকর্মণাম্ ।
প্রাযশ্চিত্তমহোজ্ঞান মিতি বেদাংতডিংডিমঃ ॥ 31
সাকারং চ নিরাকারং নির্গুণং চ গুণাত্মকম্ ।
তত্ত্বং তত্পরমং ব্রহ্ম ইতি বেদাংতডিংডিমঃ ॥ 32
দ্বিজত্বং বিধ্যনুষ্ঠানাত্ বিপ্রত্বং বেদপাঠতঃ ।
ব্রাহ্মণ্যং ব্রহ্মবিজ্ঞানাত্ ইতি বেদাংতডিংডিমঃ ॥ 33
সর্বাত্মনা স্থিতং ব্রহ্ম সর্বং ব্রহ্মাত্মনা স্থিতম্ ।
ন কার্যং কারণাদ্ভিন্ন মিতি বেদাংতডিংডিমঃ ॥ 34
সত্তাস্ফুরণসৌখ্যানি ভাসংতে সর্ববস্তুষু ।
তস্মাদ্ব্রহ্মমযং সর্ব মিতি বেদাংতডিংডিমঃ ॥ 35
অবস্থাত্রিতযং যস্য ক্রীডাভূমিতযা স্থিতম্ ।
তদেব ব্রহ্ম জানীযাত্ ইতি বেদাংতডিংডিমঃ॥ 36
যন্নাঽঽদৌ যশ্চ নাঽস্ত্যংতে তন্মধ্যে ভাতমপ্যসত্ ।
অতো মিথ্যা জগত্সর্বমিতি বেদাংতডিংডিমঃ ॥ 37
যদস্ত্যাদৌ যদস্ত্যংতে যন্মধ্যে ভাতি তত্স্বযম্ ।
প্রৌকমিদং সত্য মিতি বেদাংতডিংডিমঃ ॥ 38
পুরুষার্থত্রযাবিষ্টাঃ পুরুষাঃ পশবো ধৃবম্ ।
মোক্ষার্থী পুরুষঃ শ্রেষ্ঠঃ ইতি বেদাংতডিংডিমঃ ॥ 39
ঘটকুড্যাদিকং সর্বং মৃত্তিকামাত্রমেব চ ।
তথা ব্রহ্ম জগত্সর্ব মিতি বেদাংতডিংডিমঃ ॥ 40
ষণ্ণিহত্য ত্রযং হিত্বা দ্বযং ভিস্বাঽখিলাগতিম্ ।
একং বুদ্ধাঽঽশ্রুতে মোক্ষ মিতি বেদাংতডিংডিমঃ ॥ 41
ভিত্বা ষট্ পংচ ভিত্ত্বাঽথ ভিশ্বাঽথ চতুরখিকম্ ।
দ্বযং হিত্বা শ্রযেদেক মিতি বেদাংতডিংডিমঃ ॥ 42
দেহো নাহ মহং দেহী দেহসাক্ষীতি নিশ্চযাত্ ।
জন্মমৃত্যুপহীণোঽসৌ ইতি বেদাংতডিংডিমঃ ॥ 43
প্রাণোনাহমহং দেবঃ প্রাণস্সাক্ষীতি নিশ্চযাত্ ।
ক্ষুত্পিপাসোপশাংতি স্স্যাত্ ইতি বেদাংতডিংডিমঃ ॥ 44
মনো নাঽহ মহং দেবো মনস্সাক্ষীতি নিশ্চযাত্ ।
শোকমোহাপহানিরস্যাত্ বেদাংতডিংডিমঃ ॥ 45
বুদ্ধির্নাঽহমহং দেবো বুদ্ধিসাক্ষীতি নিশ্চযাত্ ।
কর্তৃভাবনির্বৃত্তিস্স্যাত্ ইতি বেদাংতডিংডিমঃ ॥ 46
নাজ্ঞানং স্যামহং দেবোঽজ্ঞানসাক্ষীতি নিশ্চযাত্ ।
সর্বানর্থনিবৃত্তিস্যাত্ ইতি বেদাংতডিংডিমঃ ॥ 47
অহং সাক্ষীতি যো বিদ্যাত্ বিবিচ্যৈবং পুন: পুনঃ ।
স এব মুক্তোঽসৌ বিদ্বান্ ইতি বেদাংতডিংডিমঃ ॥ 48
নাহং মাযা ন তত্কার্যং ন সাক্ষী পরমোঽস্ম্যহম্ ।
ইতি নিস্সংশযজ্ঞানাত্ মুক্তির্বে বেদাংতডিংডিমঃ ॥ 49
নাঽহং সর্ব মহং সর্বং মযি সর্বমিতি স্ফুটম্ ।
জ্ঞাতে তত্বে কুতো দুঃখ মিতি বেদাংতডিংডিমঃ ॥ 50
দেহাদিপংচকোশস্থা যা সত্তা প্রতিভাসতে ।
সা সত্তাস্স্ত্মা ন সংদেহ ইতি বেদাংতডিংডিমঃ ॥ 51
দেহাদিপংচকোশস্থা যা স্ফূর্তি রনুভূযতে ।
সা স্ফূর্তিরাত্মা নৈবাঽন্য দিতি বেদাংতডিংডিমঃ ॥ 52
দেহাদিপংচকোশস্থা যা প্রীতিরনুভূযতে ।
সা প্রীতিরাত্মা কূটস্থঃ ইতি বেদাংতডিংডিমঃ ॥ 53
ব্যোমাদিপংচভূতস্থা যাসত্তা ভাসতে নৃণাম্ ।
সা সত্তা পরমং ব্রহ্ম ইতি বেদাংতডিংডিমঃ ॥ 54
ব্যোমাদিপংচভূতস্থা যা চিদেকাঽনুভূযতে ।
সা চিদেব পরং ব্রহ্ম ইতি বেদাংতডিংডিমঃ ॥ 55
ব্যোমাদিপংচভূতস্থা যা প্রীতিরনুভূযতে ।
সাপ্রীতিরেব ব্রহ্ম স্যাত্ ইতি বেদাংতডিংডিমঃ ॥ 56
দেহাদিকোশগা সত্তা যা সা ব্যোমাদিভূতগা ।
মানোঽভাবান্ন তদ্ভেদঃ ইতি বেদাংতডিংডিমঃ ॥ 57
দেহাবিকোশগা স্ফূর্তির্যা সা ব্যোমাদিভূতগা ।
মানোঽভাবা ন তদ্ভেদ ইতি বেদাংতডিংডিমঃ ॥ 58
দেহাদিকোশগা প্রীতির্যা সা ব্যোমাদিভূতগা ।
মানাঽভাবা ন্ন তদ্ভেদ ইতি বেদাংতডিংডিমঃ॥ 59
সচ্চিদানংদরূপত্বাত্ ব্রহ্মৈবাঽত্মা ন সংশযঃ।
প্রমাণকোটিসংঘানাত্ ইতি বেদাংতডিংডিমঃ॥60
ন জীবব্রহ্মণোর্ভেদঃ সত্তারূপেণ বিদ্যতে।
সত্তাভেদে ন মানং স্যাত্ ইতি বেদাংতডিংডিমঃ॥61
ন জীবব্রহ্মণোর্ভেদঃ স্ফূর্তিরূপেণ বিদ্যতে ।
স্ফূর্তিভেদে ন মানং স্যাত্ ইতি বেদাংতডিংডিমঃ ॥62
ন জীবব্রহ্মণোর্ভেদঃ প্রিযরূপেণ বিদ্যতে ।
প্রিযভেদে ন মানং স্যাত্ ইতি বেদাংতডিংডিমঃ ॥ 63
ন জীবব্রহ্মণোর্ভেদো নানা রূপেণ বিদ্যতে ।
নাম্নো রূপস্য মিথ্যাত্বাত্ ইতি বেদাংতডিংডিমঃ ॥ 64
ন জীবব্রহ্মণোর্ভেদঃ পিংডব্রহ্মাংডভেদতঃ ।
ব্যষ্টেস্সমষ্টেরেকত্বাত্ ইতি বেদাংতডিংডিমঃ ॥ 65
ব্রহ্ম সত্যং জগন্মিথ্যা জীবো ব্রহ্মৈব নাঽপরঃ ।
জীবন্মুক্তস্তু তদ্বিদ্বান্ ইতি বেদাংতডিংডিমঃ ॥ 66
ন নামরূপে নিযতে সর্বত্র ব্যভিচারতঃ ।
অনামরূপং সর্বং স্যাত্ ইতি বেদাংতডিংডিমঃ ॥ 67
অনামরূপং সকলং সন্মযং চিন্মযং পরম্ ।
কুতো ভেদঃ কুতো বংধঃ ইতি বেদাংতডিংডিমঃ ॥ 68
ন তত্ত্বাত্কথ্যতে লোকো নামাদ্যৈর্ব্যভিচারতঃ।
বটুর্জরঠ ইত্যাদ্যৈ রিতি বেদাংতডিংডিমঃ ॥ 69
নামরূপাত্মকং বিশ্বমিংদ্রজালং বিদুর্বুধাঃ ।
অনামত্বাদযুক্তত্বাত্ ইতি বেদাংতডিংডিমঃ ॥ 70
অভেদদর্শনং মোক্ষঃ সংসাযে ভেদদর্শনম্ ।
সর্ববেদাংতসিদ্ধাংতঃ ইতি বেদাংতডিংডিমঃ ॥ 71
ন মতাভিনিবেশিত্বাত্ ন ভাষাবেশমাত্রতঃ ।
মুক্তি র্বিনাঽঽত্মবিজ্ঞানাত্ ইতি বেদাংতডিংডিমঃ ॥ 72
ন কাস্যপ্রতিষিদ্ধাভিঃ ক্রিযাভি মোক্ষবাসনা ।
ঈশ্বরানুগ্রহাত্সা স্যাত্ ইতি বেদাংতডিংডিমঃ ॥ 73
অবিজ্ঞাতে জন্ম নষ্টং বিজ্ঞাতে জন্ম সার্থকম্ ।
জ্ঞাতুরাত্মা ন দূরে স্যাত্ ইতি বেদাংতডিংডিমঃ ॥ 74
দশমস্য পরিজ্ঞানেনাঽঽযাসোঽস্তি যথাঃ তথা ।
স্বস্থ ব্রহ্মাত্মবিজ্ঞানে ইতি বেদাংতডিংডিমঃ ॥ 75
উপেক্ষ্যোপাধিকান্ দোষান্ গৃহ্যংতে বিষমা যথা ।
উপেক্ষ্য দৃশ্যং য দ্ব্রহ্ম ইতি বেদাংতডিংডিমঃ ॥ 76
সুখমল্পং বহুঃ ক্লেশোবিষযমাহিণাং নৃণাম্ ।
অনংতং ব্রহ্মনিষ্ঠানাং ইতি বেদাংতডিংডিমঃ ॥ 77
ধনৈর্বা ধনদৈঃ পুত্রৈঃ দারাগারসহোদরৈঃ ।
ধৃবং প্রাণহরৈর্দুঃখং ইতি বেদাংতডিংডিমঃ॥ 78
সুপ্তে রুত্থায সুপ্ত্যংত্যং ব্রহ্মৈকং প্রবিচিংত্যতাম্ ।
নাতিদূরে নৃণাং মৃত্যুঃ ইতি বেদাংতডিংডিমঃ ॥ 79
পংচানামপিকোশানাং মাযাঽনর্থাব্যযোচিতা ।
তত্সাক্ষি ব্রহ্ম বিজ্ঞান মিতি বেদাংতডিংডিমঃ ॥ 80
দশমত্বপরিজ্ঞানে ননজ্ঞস্য যথা সুখম্ ।
তথা জীবস্য সত্প্রাপ্তৌ ইতি বেদাংতডিংডিমঃ॥ 81
নবভ্যোঽস্তি পরং প্রত্যক্নস বেদ পরং পরম্ ।
তদ্বিজ্ঞানাদ্ভবেত্তুর্যা মুক্তি র্বেদাংতডিংডিমঃ ॥ 82
নবাঽঽভাসানবজ্ঞত্বাত্ নবোপাধীন্নবাত্মনা ।
মিথ্যা জ্ঞাত্বাঽবশিষ্টে তু মৌনং বেদাংতডিংডিমঃ॥ 83
পরমে ব্রহ্মণি স্বস্মিন্ প্রবিলাপ্যাঽখিলং জগত্ ।
গাযনদ্বতমানংদং আস্তে বেদাংতডিংডিমঃ ॥ 84
প্রতিলোমানুলোমাভ্যাং বিশ্বারোপাপবাদযোঃ ।
চিংতনে শিষ্যতে তত্বং ইতি বেদাংতডিংডিমঃ ॥ 85
নামরূপাভিমানস্থাত্ সংসারসর্বদেহিনাম্ ।
সচ্চিদানংদদৃষ্টিস্ত্যাত্ মুক্তির্বেদাংতডিংডিমঃ ॥ 86
সচিদানংদসত্যত্বে মিথ্যাত্বে নামরূপযোঃ।
বিজ্ঞাতে কিমিদং জ্ঞেযং ইতি বেদাংতডিংডিমঃ ॥ 86
সালংবনং নিরালংবং সর্বালংবাবলংবিতম্ ।
আলংবেনাঽখিলালংব মিতি বেদাংতডিংডিমঃ॥ 88
ন কুর্যা ন্ন বিজানীযাত্ সর্বং ব্রহ্মেত্যনুস্মরন্ ।
যথা সুখং তথা তিষ্ঠেত্ ইতি বেদাংতডিংডিমঃ॥ 89
স্বকর্মপাশবশগঃ প্রাজ্ঞোঽন্যো বা জনো ধ্রুবম্ ।
প্রাজ্ঞস্সুখং নযেত্কাল মিতি বেদাংতডিংডিমঃ॥ 90
ন বিদ্বান্ সংতপে চিত্তং করণাকরণে ধ্রুবম্ ।
সর্বমাত্মেতি বিজ্ঞানাত্ ইতি বেদাংতডিংডিমঃ. ॥ 91
নৈবাস্স্ভাসং স্পৃশেত্কর্মমিথ্যোপাধিমপি স্বযম্ ।
কুতোঽধিষ্ঠানমত্যচ্ছমিতি বেদাংতডিংডিমঃ॥ 92
অহোঽস্মাক মলং মোহৈরাত্মা ব্রহ্মেতি নির্ভযম্ ।
শ্রুতিভেরীরবোঽদ্যাঽপি শ্রূযতে শ্রুতিরংজনঃ ॥ 93
বেদাংতভেরীঝবারঃ প্রতিবাদিভযংকরঃ ।
শ্রূযতাং ব্রাহ্মণৈঃ শ্রীমদ্দক্ষিণামূর্ত্যনুগ্রহাত্ ॥ 94
ইতি শ্রীমত্পরমহংস পরিব্রাজকাচার্য শ্রীমচ্ছংকর-
ভগবত্পূজ্যপাদকৃতিষু বেদাংতডিংডিমঃ॥