গ্রামে নগরে সমস্তরাষ্ট্রে
রচযেম সংস্কৃতভবনং
ইষ্টিকাং বিনা মৃত্তিকাং বিনা
কেবলসংভাষণবিধযা
সংস্কৃতসংভাষণকলযা ॥
শিশুবালানাং স্মিতমৃদুবচনে
যুবযুবতীনাং মংজুভাষণে
বৃদ্ধগুরূণাং বত্সলহৃদযে
রচযেম সংস্কৃতভবনম্ ॥ 1 ॥
অরুণোদযতঃ সুপ্রভাতং
শুভরাত্রিং নিশি সংবদেম
দিবানিশং সংস্কৃতবচনেন
রচযেম সংস্কৃতভবনম্ ॥ 2 ॥
সোদর-সোদরী-ভাব-বংধুরং
মাতৃপ্রেমতো বহুজনরুচিরং
বচনললিতং শ্রবণমধুরং
রচযেম সংস্কৃতভবনম্ ॥ 3 ॥
মূলশিলা সংভাষণমস্য
হিংদুজনৈক্যং শিখরমুন্নতং
সোপানং শ্রবণাদিবিধানং
রচযেম সংস্কৃতভবনম্ ॥ 4 ॥
রচন: গু. গণপয্যহোল্লঃ