শ্রীগোপালকৃষ্ণায নমঃ ॥
শ্রীশেষ উবাচ ॥
ওং অস্য শ্রীকৃষ্ণাষ্টোত্তরশতনামস্তোত্রস্য।
শ্রীশেষ ঋষিঃ ॥ অনুষ্টুপ্ ছংদঃ ॥ শ্রীকৃষ্ণোদেবতা ॥
শ্রীকৃষ্ণাষ্টোত্তরশতনামজপে বিনিযোগঃ ॥
ওং শ্রীকৃষ্ণঃ কমলানাথো বাসুদেবঃ সনাতনঃ ।
বসুদেবাত্মজঃ পুণ্যো লীলামানুষবিগ্রহঃ ॥ 1 ॥
শ্রীবত্সকৌস্তুভধরো যশোদাবত্সলো হরিঃ ।
চতুর্ভুজাত্তচক্রাসিগদা শংখাদ্যুদাযুধঃ ॥ 2 ॥
দেবকীনংদনঃ শ্রীশো নংদগোপপ্রিযাত্মজঃ ।
যমুনাবেগসংহারী বলভদ্রপ্রিযানুজঃ ॥ 3 ॥
পূতনাজীবিতহরঃ শকটাসুরভংজনঃ ।
নংদব্রজজনানংদী সচ্চিদানংদবিগ্রহঃ ॥ 4 ॥
নবনীতবিলিপ্তাংগো নবনীতনটোঽনঘঃ ।
নবনীতনবাহারো মুচুকুংদপ্রসাদকঃ ॥ 5 ॥
ষোডশস্ত্রী সহস্রেশ স্রিভংগি মধুরাকৃতিঃ ।
শুকবাগমৃতাব্ধীংদুর্গোবিংদো গোবিদাংপতিঃ ॥ 6 ॥
বত্সবাটচরোঽনংতো ধেনুকাসুরভংজনঃ ।
তৃণীকৃততৃণাবর্তো যমলার্জুনভংজনঃ ॥ 7 ॥
উত্তানতালভেত্তা চ তমালশ্যামলাকৃতিঃ ।
গোপগোপীশ্বরো যোগী সূর্যকোটিসমপ্রভঃ ॥ 8 ॥
ইলাপতিঃ পরংজ্যোতির্যাদবেংদ্রো যদূদ্বহঃ ।
বনমালী পীতবাসাঃ পারিজাতাপহারকঃ ॥ 9 ॥
গোবর্ধনাচলোদ্ধর্তা গোপালঃ সর্বপালকঃ ।
অজো নিরংজনঃ কামজনকঃ কংজলোচনঃ ॥ 10 ॥
মধুহা মথুরানাথো দ্বারকানাযকো বলী ।
বৃংদাবনাংতসংচারী তুলসীদামভূষণঃ ॥ 11 ॥
শ্যমংতকমণের্হর্তা নরনারাযণাত্মকঃ ।
কুব্জাকৃষ্ণাংবরধরো মাযী পরমপূরুষঃ ॥ 12 ॥
মুষ্টিকাসুরচাণূরমহাযুদ্ধবিশারদঃ ।
সংসারবৈরী কংসারির্মুরারির্নরকাংতকঃ ॥ 13 ॥
অনাদিব্রহ্মচারী চ কৃষ্ণাব্যসনকর্ষকঃ ।
শিশুপালশিরশ্ছেত্তা দুর্যোধনকুলাংতকঃ ॥ 14 ॥
বিদুরাক্রূরবরদো বিশ্বরূপপ্রদর্শকঃ ।
সত্যবাক্ সত্যসংকল্পঃ সত্যভামারতো জযী ॥ 15 ॥
সুভদ্রাপূর্বজো বিষ্ণুর্ভীষ্মমুক্তিপ্রদাযকঃ ।
জগদ্গুরুর্জগন্নাথো বেণুনাদবিশারদঃ ॥ 16 ॥
বৃষভাসুরবিধ্বংসী বাণাসুরবলাংতকঃ ।
যুধিষ্ঠিরপ্রতিষ্ঠাতা বর্হিবর্হাবতংসকঃ ॥ 17 ॥
পার্থসারথিরব্যক্তো গীতামৃতমহোদধিঃ ।
কালীযফণিমাণিক্যরংজিতশ্রীপদাংবুজঃ ॥ 18 ॥
দামোদরো যজ্ঞভোক্তা দানবেংদ্রবিনাশকঃ ।
নারাযণঃ পরংব্রহ্ম পন্নগাশনবাহনঃ ॥ 19 ॥
জলক্রীডাসমাসক্ত গোপীবস্ত্রাপহারকঃ ।
পুণ্যশ্লোকস্তীর্থপাদো বেদবেদ্যো দযানিধিঃ ॥ 20 ॥
সর্বতীর্থাত্মকঃ সর্বগ্রহরুপী পরাত্পরঃ ।
এবং শ্রীকৃষ্ণদেবস্য নাম্নামষ্টোত্তরং শতম্ ॥ 21 ॥
কৃষ্ণনামামৃতং নাম পরমানংদকারকম্ ।
অত্যুপদ্রবদোষঘ্নং পরমাযুষ্যবর্ধনম্ ॥ 22 ॥
॥ ইতি শ্রীনারদপংচরাত্রে জ্ঞানামৃতসারে চতুর্থরাত্রে উমামহেশ্বরসংবাদে
ধরণীশেষসংবাদে শ্রীকৃষ্ণাষ্টোত্তরশতনামস্তোত্রং সংপূর্ণম্ ॥