নিত্যানংদকরী বরাভযকরী সৌংদর্য রত্নাকরী
নির্ধূতাখিল ঘোর পাবনকরী প্রত্যক্ষ মাহেশ্বরী ।
প্রালেযাচল বংশ পাবনকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 1 ॥
নানা রত্ন বিচিত্র ভূষণকরি হেমাংবরাডংবরী
মুক্তাহার বিলংবমান বিলসত্-বক্ষোজ কুংভাংতরী ।
কাশ্মীরাগরু বাসিতা রুচিকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 2 ॥
যোগানংদকরী রিপুক্ষযকরী ধর্মৈক্য নিষ্ঠাকরী
চংদ্রার্কানল ভাসমান লহরী ত্রৈলোক্য রক্ষাকরী ।
সর্বৈশ্বর্যকরী তপঃ ফলকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 3 ॥
কৈলাসাচল কংদরালযকরী গৌরী-হ্যুমাশাংকরী
কৌমারী নিগমার্থ-গোচরকরী-হ্যোংকার-বীজাক্ষরী ।
মোক্ষদ্বার-কবাটপাটনকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 4 ॥
দৃশ্যাদৃশ্য-বিভূতি-বাহনকরী ব্রহ্মাংড-ভাংডোদরী
লীলা-নাটক-সূত্র-খেলনকরী বিজ্ঞান-দীপাংকুরী ।
শ্রীবিশ্বেশমনঃ-প্রসাদনকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 5 ॥
উর্বীসর্বজযেশ্বরী জযকরী মাতা কৃপাসাগরী
বেণী-নীলসমান-কুংতলধরী নিত্যান্ন-দানেশ্বরী ।
সাক্ষান্মোক্ষকরী সদা শুভকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 6 ॥
আদিক্ষাংত-সমস্তবর্ণনকরী শংভোস্ত্রিভাবাকরী
কাশ্মীরা ত্রিপুরেশ্বরী ত্রিনযনি বিশ্বেশ্বরী শর্বরী ।
স্বর্গদ্বার-কপাট-পাটনকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 7 ॥
দেবী সর্ববিচিত্র-রত্নরুচিতা দাক্ষাযিণী সুংদরী
বামা-স্বাদুপযোধরা প্রিযকরী সৌভাগ্যমাহেশ্বরী ।
ভক্তাভীষ্টকরী সদা শুভকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 8 ॥
চংদ্রার্কানল-কোটিকোটি-সদৃশী চংদ্রাংশু-বিংবাধরী
চংদ্রার্কাগ্নি-সমান-কুংডল-ধরী চংদ্রার্ক-বর্ণেশ্বরী
মালা-পুস্তক-পাশসাংকুশধরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 9 ॥
ক্ষত্রত্রাণকরী মহাভযকরী মাতা কৃপাসাগরী
সর্বানংদকরী সদা শিবকরী বিশ্বেশ্বরী শ্রীধরী ।
দক্ষাক্রংদকরী নিরামযকরী কাশীপুরাধীশ্বরী
ভিক্ষাং দেহি কৃপাবলংবনকরী মাতান্নপূর্ণেশ্বরী ॥ 10 ॥
অন্নপূর্ণে সদাপূর্ণে শংকর-প্রাণবল্লভে ।
জ্ঞান-বৈরাগ্য-সিদ্ধ্যর্থং ভিক্ষাং দেহি চ পার্বতী ॥ 11 ॥
মাতা চ পার্বতীদেবী পিতাদেবো মহেশ্বরঃ ।
বাংধবা: শিবভক্তাশ্চ স্বদেশো ভুবনত্রযম্ ॥ 12 ॥
সর্ব-মংগল-মাংগল্যে শিবে সর্বার্থ-সাধিকে ।
শরণ্যে ত্র্যংবকে গৌরি নারাযণি নমোঽস্তু তে ॥ 13 ॥
ইতি শ্রীমত্পরমহংসপরিব্রাজকাচার্যস্য শ্রীগোবিংদভগবত্পূজ্যপাদশিষ্যস্য শ্রীমচ্ছংকরভগবতঃ কৃতৌ অন্নপূর্ণা স্তোত্রম্ ।