স্ফুরত্সহস্রারশিখাতিতীব্রং
সুদর্শনং ভাস্করকোটিতুল্যম্ ।
সুরদ্বিষাং প্রাণবিনাশি বিষ্ণোঃ
চক্রং সদাঽহং শরণং প্রপদ্যে ॥ 1 ॥
বিষ্ণোর্মুখোত্থানিলপূরিতস্য
যস্য ধ্বনির্দানবদর্পহংতা ।
তং পাংচজন্যং শশিকোটিশুভ্রং
শংখং সদাঽহং শরণং প্রপদ্যে ॥ 2 ॥
হিরণ্মযীং মেরুসমানসারাং
কৌমোদকীং দৈত্যকুলৈকহংত্রীম্ ।
বৈকুংঠবামাগ্রকরাগ্রমৃষ্টাং
গদাং সদাঽহং শরণং প্রপদ্যে ॥ 3 ॥
যজ্জ্যানিনাদশ্রবণাত্সুরাণাং
চেতাংসি নির্মুক্তভযানি সদ্যঃ ।
ভবংতি দৈত্যাশনিবাণবর্ষৈঃ
শার্ঙ্গং সদাঽহং শরণং প্রপদ্যে ॥ 4 ॥
রক্ষোঽসুরাণাং কঠিনোগ্রকংঠ-
-চ্ছেদক্ষরত্ক্ষোণিত দিগ্ধসারম্ ।
তং নংদকং নাম হরেঃ প্রদীপ্তং
খড্গং সদাঽহং শরণং প্রপদ্যে ॥ 5 ॥
ইমং হরেঃ পংচমহাযুধানাং
স্তবং পঠেদ্যোঽনুদিনং প্রভাতে ।
সমস্ত দুঃখানি ভযানি সদ্যঃ
পাপানি নশ্যংতি সুখানি সংতি ॥ 6 ॥
বনে রণে শত্রু জলাগ্নিমধ্যে
যদৃচ্ছযাপত্সু মহাভযেষু ।
পঠেত্বিদং স্তোত্রমনাকুলাত্মা
সুখীভবেত্তত্কৃত সর্বরক্ষঃ ॥ 7 ॥
যচ্চক্রশংখং গদখড্গশারংগিণং
পীতাংবরং কৌস্তুভবত্সলাংছিতম্ ।
শ্রিযাসমেতোজ্জ্বলশোভিতাংগং
বিষ্ণুং সদাঽহং শরণং প্রপদ্যে ॥
জলে রক্ষতু বারাহঃ স্থলে রক্ষতু বামনঃ ।
অটব্যাং নারসিংহশ্চ সর্বতঃ পাতু কেশবঃ ॥
ইতি পংচাযুধ স্তোত্রম্ ॥