মুনীংদ্র–বৃংদ–বংদিতে ত্রিলোক–শোক–হারিণি
প্রসন্ন-বক্ত্র-পণ্কজে নিকুংজ-ভূ-বিলাসিনি
ব্রজেংদ্র–ভানু–নংদিনি ব্রজেংদ্র–সূনু–সংগতে
কদা করিষ্যসীহ মাং কৃপাকটাক্ষ–ভাজনম্ ॥1॥
অশোক–বৃক্ষ–বল্লরী বিতান–মংডপ–স্থিতে
প্রবালবাল–পল্লব প্রভারুণাংঘ্রি–কোমলে ।
বরাভযস্ফুরত্করে প্রভূতসংপদালযে
কদা করিষ্যসীহ মাং কৃপাকটাক্ষ–ভাজনম্ ॥2॥
অনংগ-রণ্গ মংগল-প্রসংগ-ভংগুর-ভ্রুবাং
সবিভ্রমং সসংভ্রমং দৃগংত–বাণপাতনৈঃ ।
নিরংতরং বশীকৃতপ্রতীতনংদনংদনে
কদা করিষ্যসীহ মাং কৃপাকটাক্ষ–ভাজনম্ ॥3॥
তডিত্–সুবর্ণ–চংপক –প্রদীপ্ত–গৌর–বিগ্রহে
মুখ–প্রভা–পরাস্ত–কোটি–শারদেংদুমংডলে ।
বিচিত্র-চিত্র সংচরচ্চকোর-শাব-লোচনে
কদা করিষ্যসীহ মাং কৃপাকটাক্ষ–ভাজনম্ ॥4॥
মদোন্মদাতি–যৌবনে প্রমোদ–মান–মংডিতে
প্রিযানুরাগ–রংজিতে কলা–বিলাস – পংডিতে ।
অনন্যধন্য–কুংজরাজ্য–কামকেলি–কোবিদে
কদা করিষ্যসীহ মাং কৃপাকটাক্ষ–ভাজনম্ ॥5॥
অশেষ–হাবভাব–ধীরহীরহার–ভূষিতে
প্রভূতশাতকুংভ–কুংভকুংভি–কুংভসুস্তনি ।
প্রশস্তমংদ–হাস্যচূর্ণ পূর্ণসৌখ্য –সাগরে
কদা করিষ্যসীহ মাং কৃপাকটাক্ষ–ভাজনম্ ॥6॥
মৃণাল-বাল-বল্লরী তরংগ-রংগ-দোর্লতে
লতাগ্র–লাস্য–লোল–নীল–লোচনাবলোকনে ।
ললল্লুলন্মিলন্মনোজ্ঞ–মুগ্ধ–মোহিনাশ্রিতে
কদা করিষ্যসীহ মাং কৃপাকটাক্ষ–ভাজনম্ ॥7॥
সুবর্ণমলিকাংচিত –ত্রিরেখ–কংবু–কংঠগে
ত্রিসূত্র–মংগলী-গুণ–ত্রিরত্ন-দীপ্তি–দীধিতে ।
সলোল–নীলকুংতল–প্রসূন–গুচ্ছ–গুংফিতে
কদা করিষ্যসীহ মাং কৃপাকটাক্ষ–ভাজনম্ ॥8॥
নিতংব–বিংব–লংবমান–পুষ্পমেখলাগুণে
প্রশস্তরত্ন-কিংকিণী-কলাপ-মধ্য মংজুলে ।
করীংদ্র–শুংডদংডিকা–বরোহসৌভগোরুকে
কদা করিষ্যসীহ মাং কৃপাকটাক্ষ–ভাজনম্ ॥9॥
অনেক–মংত্রনাদ–মংজু নূপুরারব–স্খলত্
সমাজ–রাজহংস–বংশ–নিক্বণাতি–গৌরবে ।
বিলোলহেম–বল্লরী–বিডংবিচারু–চংক্রমে
কদা করিষ্যসীহ মাং কৃপাকটাক্ষ–ভাজনম্ ॥10॥
অনংত–কোটি–বিষ্ণুলোক–নম্র–পদ্মজার্চিতে
হিমাদ্রিজা–পুলোমজা–বিরিংচজা-বরপ্রদে ।
অপার–সিদ্ধি–ঋদ্ধি–দিগ্ধ–সত্পদাংগুলী-নখে
কদা করিষ্যসীহ মাং কৃপাকটাক্ষ–ভাজনম্ ॥11॥
মখেশ্বরি ক্রিযেশ্বরি স্বধেশ্বরি সুরেশ্বরি
ত্রিবেদ–ভারতীশ্বরি প্রমাণ–শাসনেশ্বরি ।
রমেশ্বরি ক্ষমেশ্বরি প্রমোদ–কাননেশ্বরি
ব্রজেশ্বরি ব্রজাধিপে শ্রীরাধিকে নমোস্তুতে ॥12॥
ইতী মমদ্ভুতং-স্তবং নিশম্য ভানুনংদিনী
করোতু সংততং জনং কৃপাকটাক্ষ-ভাজনম্ ।
ভবেত্তদৈব সংচিত ত্রিরূপ–কর্ম নাশনং
লভেত্তদা ব্রজেংদ্র–সূনু–মংডল–প্রবেশনম্ ॥13॥
রাকাযাং চ সিতাষ্টম্যাং দশম্যাং চ বিশুদ্ধধীঃ ।
একাদশ্যাং ত্রযোদশ্যাং যঃ পঠেত্সাধকঃ সুধীঃ ॥14॥
যং যং কামযতে কামং তং তমাপ্নোতি সাধকঃ ।
রাধাকৃপাকটাক্ষেণ ভক্তিঃস্যাত্ প্রেমলক্ষণা ॥15॥
ঊরুদঘ্নে নাভিদঘ্নে হৃদ্দঘ্নে কংঠদঘ্নকে ।
রাধাকুংডজলে স্থিতা যঃ পঠেত্ সাধকঃ শতম্ ॥16॥
তস্য সর্বার্থ সিদ্ধিঃ স্যাদ্ বাক্সামর্থ্যং তথা লভেত্ ।
ঐশ্বর্যং চ লভেত্ সাক্ষাদ্দৃশা পশ্যতি রাধিকাম্ ॥17॥
তেন স তত্ক্ষণাদেব তুষ্টা দত্তে মহাবরম্ ।
যেন পশ্যতি নেত্রাভ্যাং তত্ প্রিযং শ্যামসুংদরম্ ॥18॥
নিত্যলীলা–প্রবেশং চ দদাতি শ্রী-ব্রজাধিপঃ ।
অতঃ পরতরং প্রার্থ্যং বৈষ্ণবস্য ন বিদ্যতে ॥19॥
॥ ইতি শ্রীমদূর্ধ্বাম্নাযে শ্রীরাধিকাযাঃ কৃপাকটাক্ষস্তোত্রং সংপূর্ণম্ ॥