কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে দ্বিতীযঃ প্রশ্নঃ – অগ্নিষ্টোমে ক্রযঃ
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
আপ॑ উন্দন্তু জী॒বসে॑ দীর্ঘাযু॒ত্বায॒ বর্চ॑স॒ ওষ॑ধে॒ ত্রায॑স্বৈন॒গ্গ্॒ স্বধি॑তে॒ মৈনগ্ম্॑ হিগ্ম্সী-র্দেব॒শ্রূরে॒তানি॒ প্র ব॑পে স্ব॒স্ত্যুত্ত॑রাণ্যশী॒যাপো॑ অ॒স্মা-ন্মা॒তর॑-শ্শুন্ধন্তু ঘৃ॒তেন॑ নো ঘৃত॒পুবঃ॑ পুনন্তু॒ বিশ্ব॑ম॒স্ম-ত্প্র ব॑হন্তু রি॒প্রমুদা᳚ভ্য॒-শ্শুচি॒রা পূ॒ত এ॑মি॒ সোম॑স্য ত॒নূর॑সি ত॒নুব॑-ম্মে পাহি মহী॒না-ম্পযো॑-ঽসি বর্চো॒ধা অ॑সি॒ বর্চো॒- [বর্চঃ॑, মযি॑ ধেহি বৃ॒ত্রস্য॑] 1
মযি॑ ধেহি বৃ॒ত্রস্য॑ ক॒নীনি॑কা-ঽসি চক্ষু॒ষ্পা অ॑সি॒ চক্ষু॑র্মে পাহি চি॒ত্পতি॑স্ত্বা পুনাতু বা॒ক্পতি॑স্ত্বা পুনাতু দে॒বস্ত্বা॑ সবি॒তা পু॑না॒ত্বচ্ছি॑দ্রেণ প॒বিত্রে॑ণ॒ বসো॒-স্সূর্য॑স্য র॒শ্মিভি॒স্তস্য॑ তে পবিত্রপতে প॒বিত্রে॑ণ॒ যস্মৈ॒ ক-ম্পু॒নে তচ্ছ॑কেয॒মা বো॑ দেবাস ঈমহে॒ সত্য॑ধর্মাণো অদ্ধ্ব॒রে যদ্বো॑ দেবাস আগু॒রে যজ্ঞি॑যাসো॒ হবা॑মহ॒ ইন্দ্রা᳚গ্নী॒ দ্যাবা॑পৃথিবী॒ আপ॑ ওষধী॒ স্ত্ব-ন্দী॒ক্ষাণা॒-মধি॑পতিরসী॒হ মা॒ সন্ত॑-ম্পাহি ॥ 2 ॥
(বর্চ॑ – ওষধী- র॒ষ্টৌ চ॑ ) (অ. 1)
আকূ᳚ত্যৈ প্র॒যুজে॒-ঽগ্নযে॒ স্বাহা॑ মে॒ধাযৈ॒ মন॑সে॒ ঽগ্নযে॒ স্বাহা॑ দী॒ক্ষাযৈ॒ তপ॑সে॒-ঽগ্নযে॒ স্বাহা॒ সর॑স্বত্যৈ পূ॒ষ্ণে᳚-ঽগ্নযে॒ স্বাহা-ঽঽপো॑ দেবী-র্বৃহতী-র্বিশ্বশম্ভুবো॒ দ্যাবা॑পৃথি॒বী উ॒র্ব॑ন্তরি॑ক্ষ॒-ম্বৃহ॒স্পতি॑র্নো হ॒বিষা॑ বৃধাতু॒ স্বাহা॒ বিশ্বে॑ দে॒বস্য॑ নে॒তুর্মর্তো॑ বৃণীত স॒খ্যং-বিঁশ্বে॑ রা॒য ই॑ষুদ্ধ্যসি দ্যু॒ম্নং-বৃঁ॑ণীত পু॒ষ্যসে॒ স্বাহ॑র্খ্সা॒মযো॒-শ্শিল্পে᳚ স্থ॒স্তে বা॒মা র॑ভে॒ তে মা॑- [তে মা᳚, পা॒ত॒মা-ঽস্য] 3
পাত॒মা-ঽস্য য॒জ্ঞস্যো॒দৃচ॑ ই॒মা-ন্ধিয॒গ্ম্॒ শিক্ষ॑মাণস্য দেব॒ ক্রতু॒-ন্দক্ষং॑-বঁরুণ॒ সগ্ম্ শি॑শাধি॒ যযা-ঽতি॒ বিশ্বা॑ দুরি॒তা তরে॑ম সু॒তর্মা॑ণ॒মধি॒ নাবগ্ম্॑ রুহে॒মোর্গ॑স্যাঙ্গির॒স্যূর্ণ॑ম্রদা॒ ঊর্জ॑-ম্মে যচ্ছ পা॒হি মা॒ মা মা॑ হিগ্ম্সী॒-র্বিষ্ণো॒-শ্শর্মা॑সি॒ শর্ম॒ যজ॑মানস্য॒ শর্ম॑ মে যচ্ছ॒ নক্ষ॑ত্রাণা-ম্মা-ঽতীকা॒শা-ত্পা॒হীন্দ্র॑স্য॒ যোনি॑রসি॒- [যোনি॑রসি, মা মা॑ হিগ্ম্সীঃ] 4
মা মা॑ হিগ্ম্সীঃ কৃ॒ষ্যৈ ত্বা॑ সুস॒স্যাযৈ॑ সুপিপ্প॒লাভ্য॒-স্ত্বৌষ॑ধীভ্য-স্সূপ॒স্থা দে॒বো বন॒স্পতি॑রূ॒র্ধ্বো মা॑ পা॒হ্যোদৃচ॒-স্স্বাহা॑ য॒জ্ঞ-ম্মন॑সা॒ স্বাহা॒ দ্যাবা॑পৃথি॒বীভ্যা॒গ্॒ স্বাহো॒রো-র॒ন্তরি॑ক্ষা॒-থ্স্বাহা॑ য॒জ্ঞং-বাঁতা॒দা র॑ভে ॥ 5 ॥
( মা॒ – যোনি॑রসি – ত্রি॒গ্ম্॒শচ্চ॑ ) (অ. 2)
দৈবী॒-ন্ধিয॑-ম্মনামহে সুমৃডী॒কা-ম॒ভিষ্ট॑যে বর্চো॒ধাং-যঁ॒জ্ঞবা॑হসগ্ম্ সুপা॒রা নো॑ অস॒-দ্বশে᳚ । যে দে॒বা মনো॑জাতা মনো॒যুজ॑-স্সু॒দক্ষা॒ দক্ষ॑পিতার॒স্তে নঃ॑ পান্তু॒ তে নো॑-ঽবন্তু॒ তেভ্যো॒ নম॒স্তেভ্য॒-স্স্বাহা-ঽগ্নে॒ ত্বগ্ম্ সু জা॑গৃহি ব॒যগ্ম্ সু ম॑ন্দিষীমহি গোপা॒য ন॑-স্স্ব॒স্তযে᳚ প্র॒বুধে॑ নঃ॒ পুন॑র্দদঃ । ত্বম॑গ্নে ব্রত॒পা অ॑সি দে॒ব আ মর্ত্যে॒ষ্বা । ত্বং- [ত্বম্, য॒জ্ঞেষ্বীড্যঃ॑ ।] 6
য॒জ্ঞেষ্বীড্যঃ॑ ॥ বিশ্বে॑ দে॒বা অ॒ভি মামা-ঽব॑বৃত্র-ন্পূ॒ষা স॒ন্যা সোমো॒ রাধ॑সা দে॒ব-স্স॑বি॒তা বসো᳚র্বসু॒দাবা॒ রাস্বেয॑-থ্সো॒মা ঽঽভূযো॑ ভর॒ মা পৃ॒ণ-ন্পূ॒র্ত্যা বি রা॑ধি॒ মা-ঽহমাযু॑ষা চ॒ন্দ্রম॑সি॒ মম॒ ভোগা॑য ভব॒ বস্ত্র॑মসি॒ মম॒ ভোগা॑য ভবো॒স্রা-ঽসি॒ মম॒ ভোগা॑য ভব॒ হযো॑-ঽসি॒ মম॒ ভোগা॑য ভব॒- [ভোগা॑য ভব, ছাগো॑-ঽসি॒ মম॒] 7
ছাগো॑-ঽসি॒ মম॒ ভোগা॑য ভব মে॒ষো॑-ঽসি॒ মম॒ ভোগা॑য ভব বা॒যবে᳚ ত্বা॒ বরু॑ণায ত্বা॒ নির্-ঋ॑ত্যৈ ত্বা রু॒দ্রায॑ ত্বা॒ দেবী॑রাপো অপা-ন্নপা॒দ্য ঊ॒র্মির্-হ॑বি॒ষ্য॑ ইন্দ্রি॒যাবা᳚-ন্ম॒দিন্ত॑ম॒স্তং-বোঁ॒ মা-ঽব॑ ক্রমিষ॒মচ্ছি॑ন্ন॒-ন্তন্তু॑-ম্পৃথি॒ব্যা অনু॑ গেষ-ম্ভ॒দ্রাদ॒ভি শ্রেযঃ॒ প্রেহি॒ বৃহ॒স্পতিঃ॑ পুরএ॒তা তে॑ অ॒স্ত্বথে॒মব॑ স্য॒ বর॒ আ পৃ॑থি॒ব্যা আ॒রে শত্রূ᳚ন্ কৃণুহি॒ সর্ব॑বীর॒ এদম॑গন্ম দেব॒যজ॑ন-ম্পৃথি॒ব্যা বিশ্বে॑ দে॒বা যদজু॑ষন্ত॒ পূর্ব॑ ঋখ্সা॒মাভ্যাং॒-যঁজু॑ষা স॒ন্তর॑ন্তো রা॒যস্পোষে॑ণ॒ সমি॒ষা ম॑দেম ॥ 8 ॥
( আ ত্বগ্ম্-হযো॑-ঽসি॒ মম॒ ভোগা॑য ভব-স্য॒-পঞ্চ॑বিগ্ম্শতিশ্চ ) (অ. 3)
ই॒য-ন্তে॑ শুক্র ত॒নূরি॒দং-বঁর্চ॒স্তযা॒ স-ম্ভ॑ব॒ ভ্রাজ॑-ঙ্গচ্ছ॒ জূর॑সি ধৃ॒তা মন॑সা॒ জুষ্টা॒ বিষ্ণ॑বে॒ তস্যা᳚স্তে স॒ত্যস॑বসঃ প্রস॒বে বা॒চো য॒ন্ত্রম॑শীয॒ স্বাহা॑ শু॒ক্রম॑স্য॒মৃত॑মসি বৈশ্বদে॒বগ্ম্ হ॒বি-স্সূর্য॑স্য॒ চক্ষু॒রা -ঽরু॑হম॒গ্নে র॒ক্ষ্ণঃ ক॒নীনি॑কাং॒-যঁদেত॑শেভি॒রীয॑সে॒ ভ্রাজ॑মানো বিপ॒শ্চিতা॒ চিদ॑সি ম॒না-ঽসি॒ ধীর॑সি॒ দক্ষি॑ণা- [দক্ষি॑ণা, অ॒সি॒ য॒জ্ঞিযা॑-ঽসি] 9
-ঽসি য॒জ্ঞিযা॑-ঽসি ক্ষ॒ত্রিযা॒ ঽস্যদি॑তি-রস্যুভ॒যত॑॑শ্শীর্ষ্ণী॒ সা ন॒-স্সুপ্রা॑চী॒ সুপ্র॑তীচী॒ স-ম্ভ॑ব মি॒ত্রস্ত্বা॑ প॒দি ব॑দ্ধ্নাতু পূ॒ষা-ঽদ্ধ্ব॑নঃ পা॒ত্বিন্দ্রা॒যা-দ্ধ্য॑ক্ষা॒যানু॑ ত্বা মা॒তা ম॑ন্যতা॒মনু॑ পি॒তা-ঽনু॒ ভ্রাতা॒ সগ॒র্ভ্যো-ঽনু॒ সখা॒ সযূ᳚থ্য॒-স্সা দে॑বি দে॒বমচ্ছে॒হীন্দ্রা॑য॒ সোমগ্ম্॑ রু॒দ্রস্ত্বা ঽঽব॑র্তযতু মি॒ত্রস্য॑ প॒থা স্ব॒স্তি সোম॑সখা॒ পুন॒রেহি॑ স॒হ র॒য্যা ॥ 10 ॥
( দক্ষি॑ণা॒-সোম॑সখা॒, পঞ্চ॑ চ ) (অ. 4)
বস্ব্য॑সি রু॒দ্রা-ঽস্যদি॑তি-রস্যাদি॒ত্যা-ঽসি॑ শু॒ক্রা-ঽসি॑ চ॒ন্দ্রা-ঽসি॒ বৃহ॒স্পতি॑স্ত্বা সু॒ম্নে র॑ণ্বতু রু॒দ্রো বসু॑ভি॒রা চি॑কেতু পৃথি॒ব্যাস্ত্বা॑ মূ॒র্ধন্না জি॑ঘর্মি দেব॒যজ॑ন॒ ইডা॑যাঃ প॒দে ঘৃ॒তব॑তি॒ স্বাহা॒ পরি॑লিখিত॒গ্ম্॒ রক্ষঃ॒ পরি॑লিখিতা॒ অরা॑তয ই॒দম॒হগ্ম্ রক্ষ॑সো গ্রী॒বা অপি॑ কৃন্তামি॒ যো᳚-ঽস্মা-ন্দ্বেষ্টি॒ য-ঞ্চ॑ ব॒য-ন্দ্বি॒ষ্ম ই॒দম॑স্য গ্রী॒বা [গ্রী॒বাঃ, অপি॑ কৃন্তাম্য॒স্মে] 11
অপি॑ কৃন্তাম্য॒স্মে রায॒স্ত্বে রায॒স্তোতে॒ রায॒-স্স-ন্দে॑বি দে॒ব্যোর্বশ্যা॑ পশ্যস্ব॒ ত্বষ্টী॑মতী তে সপেয সু॒রেতা॒ রেতো॒ দধা॑না বী॒রং-বিঁ॑দেয॒ তব॑ স॒ন্দৃশি॒ মা-ঽহগ্ম্রা॒যস্পোষে॑ণ॒ বি যো॑ষম্ ॥ 12 ॥
( অ॒স্য॒ গ্রী॒বা-একা॒ন্ন ত্রি॒গ্ম্॒শচ্চ॑ ) (অ. 5)
অ॒গ্ম্॒শুনা॑ তে অ॒গ্ম্॒শুঃ পৃ॑চ্যতা॒-ম্পরু॑ষা॒ পরু॑-র্গ॒ন্ধস্তে॒ কাম॑মবতু॒ মদা॑য॒ রসো॒ অচ্যু॑তো॒ ঽমাত্যো॑-ঽসি শু॒ক্রস্তে॒ গ্রহো॒-ঽভি ত্য-ন্দে॒বগ্ম্ স॑বি॒তার॑মূ॒ণ্যোঃ᳚ ক॒বিক্র॑তু॒মর্চা॑মি স॒ত্যস॑বসগ্ম্ রত্ন॒ধাম॒ভি প্রি॒য-ম্ম॒তিমূ॒র্ধ্বা যস্যা॒মতি॒র্ভা অদি॑দ্যুত॒-থ্সবী॑মনি॒ হির॑ণ্যপাণিরমিমীত সু॒ক্রতুঃ॑ কৃ॒পা সুবঃ॑ । প্র॒জাভ্য॑স্ত্বা প্রা॒ণায॑ ত্বা ব্যা॒নায॑ ত্বা প্র॒জাস্ত্বমনু॒ প্রাণি॑হি প্র॒জাস্ত্বামনু॒ প্রাণ॑ন্তু ॥ 13 ॥
(অনু॑-স॒প্ত চ॑) (অ. 6)
সোম॑-ন্তে ক্রীণা॒ম্যূর্জ॑স্বন্ত॒-ম্পয॑স্বন্তং-বীঁ॒র্যা॑বন্তমভি-মাতি॒ষাহগ্ম্॑ শু॒ক্র-ন্তে॑ শু॒ক্রেণ॑ ক্রীণামি চ॒ন্দ্র-ঞ্চ॒ন্দ্রেণা॒মৃত॑ম॒মৃতে॑ন স॒ম্যত্তে॒ গোর॒স্মে চ॒ন্দ্রাণি॒ তপ॑সস্ত॒নূর॑সি প্র॒জাপ॑তে॒-র্বর্ণ॒স্তস্যা᳚স্তে সহস্রপো॒ষ-ম্পুষ্য॑ন্ত্যাশ্চর॒মেণ॑ প॒শুনা᳚ ক্রীণাম্য॒স্মে তে॒ বন্ধু॒র্মযি॑ তে॒ রায॑-শ্শ্রযন্তাম॒স্মে জ্যোতি॑-স্সোমবিক্র॒যিণি॒ তমো॑ মি॒ত্রো ন॒ এহি॒ সুমি॑ত্রধা॒ ইন্দ্র॑স্যো॒রু মা বি॑শ॒ দক্ষি॑ণ-মু॒শন্নু॒শন্তগ্গ্॑ স্যো॒ন-স্স্যো॒নগ্গ্ স্বান॒ ভ্রাজাঙ্ঘা॑রে॒ বম্ভা॑রে॒ হস্ত॒ সুহ॑স্ত॒ কৃশা॑নবে॒তে ব॑-স্সোম॒ ক্রয॑ণা॒স্তা-ন্র॑ক্ষদ্ধ্ব॒-ম্মা বো॑ দভন্ন্ ॥ 14 ॥
(উ॒রুং-দ্বাবিগ্ম্॑শতিশ্চ) (অ. 7)
উদাযু॑ষা স্বা॒যুষোদোষ॑ধীনা॒গ্ম্॒ রসে॒নো-ত্প॒র্জন্য॑স্য॒ শুষ্মে॒ণোদ॑স্থাম॒মৃতা॒গ্ম্॒ অনু॑ । উ॒র্ব॑ন্তরি॑ক্ষ॒মন্বি॒হ্যদি॑ত্যা॒-স্সদো॒-ঽস্যদি॑ত্যা॒-স্সদ॒ আ সী॒দাস্ত॑ভ্না॒-দ্দ্যামৃ॑ষ॒ভো অ॒ন্তরি॑ক্ষ॒মমি॑মীত বরি॒মাণ॑-ম্পৃথি॒ব্যা আ-ঽসী॑দ॒-দ্বিশ্বা॒ ভুব॑নানি স॒ম্রা-ড্বিশ্বেত্তানি॒ বরু॑ণস্য ব্র॒তানি॒ বনে॑ষু॒ ব্য॑ন্তরি॑ক্ষ-ন্ততান॒ বাজ॒মর্ব॑থ্সু॒ পযো॑ অঘ্নি॒যাসু॑ হৃ॒থ্সু- [ ] ॥ 15 ॥
ক্রতুং॒-বঁরু॑ণো বি॒ক্ষ্ব॑গ্নি-ন্দি॒বি সূর্য॑মদধা॒-থ্সোম॒মদ্রা॒বুদু॒ত্য-ঞ্জা॒তবে॑দস-ন্দে॒বং-বঁ॑হন্তি কে॒তবঃ॑ । দৃ॒শে বিশ্বা॑য॒ সূর্য᳚ম্ ॥ উস্রা॒বেত॑-ন্ধূর্ষাহাবন॒শ্রূ অবী॑রহণৌ ব্রহ্ম॒চোদ॑নৌ॒ বরু॑ণস্য॒ স্কম্ভ॑নমসি॒ বরু॑ণস্য স্কম্ভ॒সর্জ॑নমসি॒ প্রত্য॑স্তো॒ বরু॑ণস্য॒ পাশঃ॑ ॥ 16 ॥
( হৃ॒থ্সু-পঞ্চ॑ত্রিগ্ম্শচ্চ ) (অ. 8)
প্র চ্য॑বস্ব ভুবস্পতে॒ বিশ্বা᳚ন্য॒ভি ধামা॑নি॒ মা ত্বা॑ পরিপ॒রী বি॑দ॒ন্মা ত্বা॑ পরিপ॒ন্থিনো॑ বিদ॒ন্মা ত্বা॒ বৃকা॑ অঘা॒যবো॒ মা গ॑ন্ধ॒র্বো বি॒শ্বাব॑সু॒রা দ॑ঘচ্ছ্যে॒নো ভূ॒ত্বা পরা॑ পত॒ যজ॑মানস্য নো গৃ॒হে দে॒বৈ-স্সগ্গ্॑স্কৃ॒তং-যঁজ॑মানস্য স্ব॒স্ত্যয॑ন্য॒স্যপি॒ পন্থা॑মগস্মহি স্বস্তি॒গা-ম॑নে॒হসং॒-যেঁন॒ বিশ্বাঃ॒ পরি॒ দ্বিষো॑ বৃ॒ণক্তি॑ বি॒ন্দতে॒ বসু॒ নমো॑ মি॒ত্রস্য॒ বরু॑ণস্য॒ চক্ষ॑সে ম॒হো দে॒বায॒ তদৃ॒তগ্ম্ স॑পর্যত দূরে॒দৃশে॑ দে॒বজা॑তায কে॒তবে॑ দি॒বস্পু॒ত্রায॒ সূর্যা॑য শগ্ম্সত॒ বরু॑ণস্য॒ স্কম্ভ॑নমসি॒ বরু॑ণস্য স্কম্ভ॒সর্জ॑ন-ম॒স্যুন্মু॑ক্তো॒ বরু॑ণস্য॒ পাশঃ॑ ॥ 17 ॥
( মি॒ত্রস্য॒-ত্রযো॑বিগ্ম্শতিশ্চ ) (অ. 9)
অ॒গ্নে-রা॑তি॒থ্যম॑সি॒ বিষ্ণ॑বে ত্বা॒ সোম॑স্যা-ঽঽতি॒থ্যম॑সি॒ বিষ্ণ॑বে॒ ত্বা-ঽতি॑থেরাতি॒থ্যম॑সি॒ বিষ্ণ॑বে ত্বা॒-ঽগ্নযে᳚ ত্বা রাযস্পোষ॒দাব্ন্নে॒ বিষ্ণ॑বে ত্বা শ্যে॒নায॑ ত্বা সোম॒ভৃতে॒ বিষ্ণ॑বে ত্বা॒ যা তে॒ ধামা॑নি হ॒বিষা॒ যজ॑ন্তি॒ তা তে॒ বিশ্বা॑ পরি॒ভূর॑স্তু য॒জ্ঞ-ঙ্গ॑য॒স্ফানঃ॑ প্র॒তর॑ণ-স্সু॒বীরো-ঽবী॑রহা॒ প্রচ॑রা সোম॒ দুর্যা॒নদি॑ত্যা॒-স্সদো॒-ঽস্যদি॑ত্যা॒-স্সদ॒ আ- [সদ॒ আ, সী॒দ॒ বরু॑ণো-ঽসি] ॥ 18 ॥
সী॑দ॒ বরু॑ণো-ঽসি ধৃ॒তব্র॑তো বারু॒ণম॑সি শং॒যোঁ-র্দে॒বানাগ্ম্॑ স॒খ্যান্মা দে॒বানা॑-ম॒পস॑-শ্ছিথ্স্ম॒হ্যাপ॑তযে ত্বা গৃহ্ণামি॒ পরি॑পতযে ত্বা গৃহ্ণামি॒ তনূ॒নপ্ত্রে᳚ ত্বা গৃহ্ণামি শাক্ব॒রায॑ ত্বা গৃহ্ণামি॒ শক্ম॒ন্নোজি॑ষ্ঠায ত্বা গৃহ্ণা॒ম্য-না॑ধৃষ্টমস্য-নাধৃ॒ষ্য-ন্দে॒বানা॒মোজো॑- ঽভিষস্তি॒পা অ॑নভিশস্তে॒-ঽন্যমনু॑ মে দী॒ক্ষা-ন্দী॒ক্ষাপ॑তি-র্মন্যতা॒মনু॒ তপ॒স্তপ॑স্পতি॒রঞ্জ॑সা স॒ত্যমুপ॑ গেষগ্ম্ সুবি॒তে মা॑ ধাঃ ॥ 19 ॥
( আ-মৈ-ক॑-ঞ্চ ) (অ. 10)
অ॒গ্ম্॒শুরগ্ম্॑শুস্তে দেব সো॒মা-ঽঽপ্যা॑যতা॒-মিন্দ্রা॑যৈকধন॒বিদ॒ আ তুভ্য॒মিন্দ্রঃ॑ প্যাযতা॒মা ত্বমিন্দ্রা॑য প্যায॒স্বা-ঽঽপ্যা॑যয॒ সখী᳚ন্-থ্স॒ন্যা মে॒ধযা᳚ স্ব॒স্তি তে॑ দেব সোম সু॒ত্যাম॑শী॒যেষ্টা॒ রাযঃ॒ প্রেষে ভগা॑য॒র্তমৃ॑তবা॒দিভ্যো॒ নমো॑ দি॒বে নমঃ॑ পৃথি॒ব্যা অগ্নে᳚ ব্রতপতে॒ ত্বং-ব্রঁ॒তানাং᳚-ব্রঁ॒তপ॑তিরসি॒ যা মম॑ ত॒নূরে॒ষা সা ত্বযি॒ [ত্বযি॑, যা তব॑] ॥ 20 ॥
যা তব॑ ত॒নূরি॒যগ্ম্ সা মযি॑ স॒হ নৌ᳚ ব্রতপতে ব্র॒তিনো᳚-র্ব্র॒তানি॒ যা তে॑ অগ্নে॒ রুদ্রি॑যা ত॒নূস্তযা॑ নঃ পাহি॒ তস্যা᳚স্তে॒ স্বাহা॒ যা তে॑ অগ্নে-ঽযাশ॒যা র॑জাশ॒যা হ॑রাশ॒যা ত॒নূর্বর্ষি॑ষ্ঠা গহ্বরে॒ষ্ঠো-ঽগ্রং-বঁচো॒ অপা॑বধী-ন্ত্বে॒ষং-বঁচো॒ অপা॑বধী॒গ্॒ স্বাহা᳚ ॥ 21 ॥
( ত্বযি॑-চত্বারি॒গ্ম্॒শচ্চ॑ ) (অ. 11)
বি॒ত্তায॑নী মে-ঽসি তি॒ক্তায॑নী মে॒-ঽস্যব॑তান্মা নাথি॒তমব॑তান্মা ব্যথি॒তং-বিঁ॒দের॒গ্নির্নভো॒ নামাগ্নে॑ অঙ্গিরো॒ যো᳚-ঽস্যা-ম্পৃ॑থি॒ব্যামস্যাযু॑ষা॒ নাম্নেহি॒ যত্তে-ঽনা॑ধৃষ্ট॒-ন্নাম॑ য॒জ্ঞিয॒-ন্তেন॒ ত্বা-ঽঽদ॒ধে-ঽগ্নে॑ অঙ্গিরো॒ যো দ্বি॒তীয॑স্যা-ন্তৃ॒তীয॑স্যা-ম্পৃথি॒ব্যা-মস্যাযু॑ষা॒ নাম্নেহি॒ যত্তে-ঽনা॑ধৃষ্ট॒-ন্নাম॑- [ ] 22
য॒জ্ঞিয॒-ন্তেন॒ ত্বা-ঽঽদ॑ধে সি॒গ্ম্॒হীর॑সি মহি॒ষীর॑স্যু॒রু প্র॑থস্বো॒রু তে॑ য॒জ্ঞপ॑তিঃ প্রথতা-ন্ধ্রু॒বা-ঽসি॑ দে॒বেভ্য॑-শ্শুন্ধস্ব দে॒বেভ্য॑-শ্শুম্ভস্বেন্দ্রঘো॒ষস্ত্বা॒ বসু॑ভিঃ পু॒রস্তা᳚-ত্পাতু॒ মনো॑জবাস্ত্বা পি॒তৃভি॑-র্দক্ষিণ॒তঃ পা॑তু॒ প্রচে॑তাস্ত্বা রু॒দ্রৈঃ প॒শ্চা-ত্পা॑তু বি॒শ্বক॑র্মা ত্বা-ঽঽদি॒ত্যৈরু॑ত্তর॒তঃ পা॑তু সি॒গ্ম্॒হীর॑সি সপত্নসা॒হী স্বাহা॑ সি॒গ্ম্॒হীর॑সি সুপ্রজা॒বনি॒-স্স্বাহা॑ সি॒গ্ম্॒হী- [সি॒গ্ম্॒হীঃ, অ॒সি॒ রা॒য॒স্পো॒ষ॒বনি॒-স্স্বাহা॑] 23
র॑সি রাযস্পোষ॒বনি॒-স্স্বাহা॑ সি॒গ্ম্॒হীর॑স্যাদিত্য॒বনি॒-স্স্বাহা॑ সি॒গ্ম্॒হীর॒স্যা ব॑হ দে॒বান্দে॑বয॒তে যজ॑মানায॒ স্বাহা॑ ভূ॒তেভ্য॑স্ত্বা বি॒শ্বাযু॑রসি পৃথি॒বী-ন্দৃগ্ম্॑হ ধ্রুব॒ক্ষিদ॑স্য॒ন্তরি॑ক্ষ-ন্দৃগ্ম্হাচ্যুত॒ক্ষিদ॑সি॒ দিব॑-ন্দৃগ্ম্হা॒গ্নে-র্ভস্মা᳚স্য॒গ্নেঃ পুরী॑ষমসি ॥ 24 ॥
(নাম॑-সুপ্রজা॒বনি॒-স্স্বাহা॑ সি॒গ্ম্॒সীঃ; পঞ্চ॑ত্রিগ্ম্শচ্চ ) (অ. 12)
যু॒ঞ্জতে॒ মন॑ উ॒ত যু॑ঞ্জতে॒ ধিযো॒ বিপ্রা॒ বিপ্র॑স্য বৃহ॒তো বি॑প॒শ্চিতঃ॑ । বি হোত্রা॑ দধে বযুনা॒বিদেক॒ ইন্ম॒হী দে॒বস্য॑ সবি॒তুঃ পরি॑ষ্টুতিঃ ॥ সু॒বাগ্দে॑ব॒ দুর্যা॒গ্ম্॒ আ ব॑দ দেব॒শ্রুতৌ॑ দে॒বেষ্বা ঘো॑ষেথা॒মা নো॑ বী॒রো জা॑যতা-ঙ্কর্ম॒ণ্যো॑ যগ্ম্ সর্বে॑-ঽনু॒ জীবা॑ম॒ যো ব॑হূ॒নামস॑দ্ব॒শী ॥ ই॒দং-বিঁষ্ণু॒-র্বিচ॑ক্রমে ত্রে॒ধা নি দ॑ধে প॒দম্ ॥ সমূ॑ঢমস্য [সমূ॑ঢমস্য, পা॒গ্ম্॒সু॒র] 25
পাগ্ম্সু॒র ইরা॑বতী ধেনু॒মতী॒ হি ভূ॒তগ্ম্ সূ॑যব॒সিনী॒ মন॑বে যশ॒স্যে᳚ । ব্য॑স্কভ্না॒-দ্রোদ॑সী॒ বিষ্ণু॑রে॒তে দা॒ধার॑ পৃথি॒বীম॒ভিতো॑ ম॒যূখৈঃ᳚ ॥ প্রাচী॒ প্রেত॑মদ্ধ্ব॒র-ঙ্ক॒ল্পয॑ন্তী ঊ॒র্ধ্বং-যঁ॒জ্ঞ-ন্ন॑যত॒-ম্মা জী᳚হ্বরত॒মত্র॑ রমেথাং॒-বঁর্ষ্ম॑-ন্পৃথি॒ব্যা দি॒বো বা॑ বিষ্ণবু॒ত বা॑ পৃথি॒ব্যা ম॒হো বা॑ বিষ্ণবু॒ত বা॒-ঽন্তরি॑ক্ষা॒দ্ধস্তৌ॑ পৃণস্ব ব॒হুভি॑-র্বস॒ব্যৈ॑রা প্র য॑চ্ছ॒ [প্র য॑চ্ছ, দক্ষি॑ণা॒দোত] 26
দক্ষি॑ণা॒দোত স॒ব্যাত্ । বিষ্ণো॒র্নুকং॑-বীঁ॒র্যা॑ণি॒ প্র বো॑চং॒-যঃ ঁপার্থি॑বানি বিম॒মে রজাগ্ম্॑সি॒ যো অস্ক॑ভায॒দুত্ত॑রগ্ম্ স॒ধস্থং॑-বিঁচক্রমা॒ণ স্ত্রে॒ধোরু॑গা॒যো বিষ্ণো॑ র॒রাট॑মসি॒ বিষ্ণোঃ᳚ পৃ॒ষ্ঠম॑সি॒ বিষ্ণো॒-শ্শ্ঞপ্ত্রে᳚ স্থো॒ বিষ্ণো॒-স্স্যূর॑সি॒ বিষ্ণো᳚-র্ধ্রু॒বম॑সি বৈষ্ণ॒বম॑সি॒ বিষ্ণ॑বে ত্বা ॥ 27 ॥
( অ॒স্য॒-য॒চ্ছৈকা॒ন্ন চ॑ত্বারি॒গ্ম্॒শচ্চ॑ ) (অ. 13)
কৃ॒ণু॒ষ্ব পাজঃ॒ প্রসি॑তি॒ন্ন পৃ॒থ্বীং-যাঁ॒হি রাজে॒বাম॑বা॒গ্ম্॒ ইভে॑ন । তৃ॒ষ্বীমনু॒ প্রসি॑তিং-দ্রূণা॒নো-ঽস্তা॑-ঽসি॒ বিদ্ধ্য॑ র॒ক্ষস॒ স্তপি॑ষ্ঠৈঃ ॥ তব॑ ভ্র॒মাস॑ আশু॒যা প॑ন্ত॒ত্যনু॑ স্পৃশ-ধৃষ॒তা শোশু॑চানঃ । তপূগ্॑ষ্যগ্নে জু॒হ্বা॑ পত॒ঙ্গানস॑ন্দিতো॒ বিসৃ॑জ॒ বিষ্ব॑গু॒ল্কাঃ ॥ প্রতি॒স্পশো॒ বিসৃ॑জ॒-তূর্ণি॑তমো॒ ভবা॑ পা॒যুর্বি॒শো অ॒স্যা অদ॑ব্ধঃ । যো নো॑ দূ॒রে অ॒ঘশগ্ম্॑সো॒ [অ॒ঘশগ্ম্॑সঃ, যো অন্ত্যগ্নে॒] 28
যো অন্ত্যগ্নে॒ মাকি॑ষ্টে॒ ব্যথি॒রা দ॑ধর্ষীত্ ॥ উদ॑গ্নে তিষ্ঠ॒ প্রত্যা ঽঽত॑নুষ্ব॒ ন্য॑মিত্রাগ্ম্॑ ওষতা-ত্তিগ্মহেতে । যো নো॒ অরা॑তিগ্ম্ সমিধান চ॒ক্রে নী॒চা ত-ন্ধ॑ক্ষ্যত॒স-ন্ন শুষ্ক᳚ম্ ॥ ঊ॒র্ধ্বো ভ॑ব॒ প্রতি॑বি॒দ্ধ্যা-ঽদ্ধ্য॒স্মদা॒বিষ্কৃ॑ণুষ্ব॒ দৈব্যা᳚ন্যগ্নে । অব॑স্থি॒রা ত॑নুহি যাতু॒জূনা᳚-ঞ্জা॒মিমজা॑মিং॒ প্রমৃ॑ণীহি॒ শত্রূন্॑ ॥ স তে॑ [স তে᳚, জা॒না॒তি॒ সু॒ম॒তিং] 29
জানাতি সুম॒তিং-যঁ॑বিষ্ঠ॒য ঈব॑তে॒ ব্রহ্ম॑ণে গা॒তুমৈর॑ত্ । বিশ্বা᳚ন্যস্মৈ সু॒দিনা॑নি রা॒যো দ্যু॒ম্নান্য॒র্যো বিদুরো॑ অ॒ভি দ্যৌ᳚ত্ ॥ সেদ॑গ্নে অস্তু সু॒ভগ॑-স্সু॒দানু॒-র্যস্ত্বা॒ নিত্যে॑ন হ॒বিষা॒য উ॒ক্থৈঃ । পিপ্রী॑ষতি॒ স্ব আযু॑ষি দুরো॒ণে বিশ্বেদ॑স্মৈ সু॒দিনা॒ সা-ঽস॑দি॒ষ্টিঃ ॥ অর্চা॑মি তে সুম॒তি-ঙ্ঘোষ্য॒র্বাখ্-সন্তে॑ বা॒ বা তা॑ জরতা- [বা॒ বা তা॑ জরতাম্, ই॒যঙ্গীঃ] 30
মি॒যঙ্গীঃ । স্বশ্বা᳚স্ত্বা সু॒রথা॑ মর্জযেমা॒স্মে ক্ষ॒ত্রাণি॑ ধারযে॒রনু॒ দ্যূন্ ॥ ই॒হ ত্বা॒ ভূর্যা চ॑রে॒ দুপ॒ত্ম-ন্দোষা॑বস্ত-র্দীদি॒বাগ্ম্স॒মনু॒ দ্যূন্ । ক্রীড॑ন্তস্ত্বা সু॒মন॑স-স্সপেমা॒ভি দ্যু॒ম্না ত॑স্থি॒বাগ্ম্সো॒ জনা॑নাম্ ॥ যস্ত্বা॒-স্বশ্ব॑-স্সুহির॒ণ্যো অ॑গ্ন উপ॒যাতি॒ বসু॑মতা॒ রথে॑ন । তস্য॑ ত্রা॒তা-ভ॑বসি॒ তস্য॒ সখা॒ যস্ত॑ আতি॒থ্যমা॑নু॒ষগ্ জুজো॑ষত্ ॥ ম॒হো রু॑জামি – [ ] 31
ব॒ন্ধুতা॒ বচো॑ভি॒স্তন্মা॑ পি॒তুর্গোত॑মা॒দ-ন্বি॑যায । ত্বন্নো॑ অ॒স্য বচ॑স-শ্চিকিদ্ধি॒ হোত॑র্যবিষ্ঠ সুক্রতো॒ দমূ॑নাঃ ॥ অস্ব॑প্নজ স্ত॒রণ॑য-স্সু॒শেবা॒ অত॑ন্দ্রাসো-ঽবৃ॒কা অশ্র॑মিষ্ঠাঃ । তে পা॒যব॑-স্স॒দ্ধ্রিয॑ঞ্চো নি॒ষদ্যা-ঽগ্নে॒ তব॑নঃ পান্ত্বমূর ॥ যে পা॒যবো॑ মামতে॒য-ন্তে॑ অগ্নে॒ পশ্য॑ন্তো অ॒ন্ধ-ন্দু॑রি॒তাদর॑ক্ষন্ন্ । র॒রক্ষ॒তান্-থ্সু॒কৃতো॑ বি॒শ্ববে॑দা॒ দিফ্স॑ন্ত॒ ইদ্রি॒পবো॒ না হ॑ [না হ॑, দে॒ভুঃ॒] 32
দেভুঃ ॥ ত্বযা॑ ব॒যগ্ম্ স॑ধ॒ন্য॑-স্ত্বোতা॒-স্তব॒ প্রণী᳚ত্যশ্যাম॒ বাজান্॑ । উ॒ভা শগ্ম্সা॑ সূদয সত্যতাতে-ঽনুষ্ঠু॒যা কৃ॑ণুহ্যহ্রযাণ ॥ অ॒যা তে॑ অগ্নে স॒মিধা॑ বিধেম॒ প্রতি॒স্তোমগ্ম্॑ শ॒স্যমা॑ন-ঙ্গৃভায । দহা॒শসো॑ র॒ক্ষসঃ॑ পা॒হ্য॑স্মা-ন্দ্রু॒হো নি॒দো মি॑ত্রমহো অব॒দ্যাত্ ॥ র॒ক্ষো॒হণং॑ বাঁ॒জিন॒মাজি॑ঘর্মি মি॒ত্র-ম্প্রথি॑ষ্ঠ॒-মুপ॑যামি॒ শর্ম॑ । শিশা॑নো অ॒গ্নিঃ ক্রতু॑ভি॒-স্সমি॑দ্ধ॒স্সনো॒ দিবা॒ [দিবা᳚, সরি॒ষঃ পা॑তু॒ নক্তং᳚] 33
সরি॒ষঃ পা॑তু॒ নক্ত᳚ম্ ॥ বিজ্যোতি॑ষা বৃহ॒তা ভা᳚ত্য॒গ্নি-রা॒বি-র্বিশ্বা॑নি কৃণুতে মহি॒ত্বা । প্রাদে॑বী-র্মা॒যা-স্স॑হতে-দু॒রেবা॒-শ্শিশী॑তে॒ শৃঙ্গে॒ রক্ষ॑সে বি॒নিক্ষে᳚ ॥ উ॒ত স্বা॒নাসো॑ দি॒বিষ॑ন্ত্ব॒গ্নে স্তি॒গ্মাযু॑ধা॒ রক্ষ॑সে॒ হন্ত॒বা উ॑ । মদে॑ চিদস্য॒ প্ররু॑জন্তি॒ ভামা॒ ন ব॑রন্তে পরি॒বাধো॒ অদে॑বীঃ ॥ 34 ॥
(অ॒ঘশগ্ম্॑সঃ॒-স তে॑-জরতাগ্ম্-রুজামি-হ॒ -দিবৈ – ক॑চত্বারিগ্ম্শচ্চ) (অ. 14)
(আপ॑ উন্দ॒, ন্ত্বাকূ᳚ত্যৈ॒, দৈবী॑, মি॒যন্তে॒, বস্ব্য॑স্য॒গ্ম্॒ শুনা॑ তে॒, সোম॑ন্ত॒, উদাযু॑ষা॒, প্র চ্য॑বস্বা॒, ঽগ্নে রা॑তি॒থ্য, -ম॒গ্ম্॒শুরগ্ম্॑ শু, র্বি॒ত্তায॑নী মে-ঽসি, যু॒ঞ্চতে॑, কৃণু॒ষ্ব পাজ॒, শ্চতু॑র্দশ ।)
(আপো॒-বস্ব্য॑সি॒ যা তবে॒-যঙ্গী-শ্চতু॑স্ত্রিগ্ম্শত্ ।)
(আপ॑ উন্দ॒ন্, ত্বদে॑বীঃ)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে দ্বিতীযঃ প্রশ্ন-স্সমাপ্তঃ ॥