কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে পঞ্চমঃ প্রশ্নঃ – পুনরাধানং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
দে॒বা॒সু॒রা-স্সংযঁ॑ত্তা আস॒ন্তে দে॒বা বি॑জ॒যমু॑প॒যন্তো॒ ঽগ্নৌ বা॒মং-বঁসু॒ স-ন্ন্য॑দধতে॒দমু॑ নো ভবিষ্যতি॒ যদি॑ নো জে॒ষ্যন্তীতি॒ তদ॒গ্নির্ন্য॑কামযত॒ তেনাপা᳚ক্রাম॒-ত্তদ্দে॒বা বি॒জিত্যা॑ব॒রুরু॑থ্সমানা॒ অন্বা॑য॒-ন্তদ॑স্য॒ সহ॒সা-ঽঽদি॑থ্সন্ত॒ সো॑ ঽরোদী॒দ্যদরো॑দী॒-ত্ত-দ্রু॒দ্রস্য॑ রুদ্র॒ত্বং-যঁদশ্ব্রশী॑যত॒ ত- [তত্, র॒জ॒তগ্ম্] 1
দ্র॑জ॒তগ্ম্ হির॑ণ্যমভব॒-ত্তস্মা᳚-দ্রজ॒তগ্ম্ হির॑ণ্য-মদক্ষি॒ণ্য-ম॑শ্রু॒জগ্ম্ হি যো ব॒র্॒হিষি॒ দদা॑তি পু॒রা-ঽস্য॑ সংবঁথ্স॒রা-দ্গৃ॒হে রু॑দন্তি॒ তস্মা᳚-দ্ব॒র্॒হিষি॒ ন দেয॒গ্ম্॒ সো᳚-ঽগ্নির॑ব্রবী-দ্ভা॒গ্য॑সা॒ন্যথ॑ ব ই॒দমিতি॑ পুনরা॒ধেয॑-ন্তে॒ কেব॑ল॒মিত্য॑ব্রুব-ন্নৃ॒দ্ধ্নব॒-ত্খলু॒ স ইত্য॑ব্রবী॒দ্যো ম॑দ্দেব॒ত্য॑-ম॒গ্নি-মা॒দধা॑তা॒ ইতি॒ ত-ম্পূ॒ষা-ঽঽধ॑ত্ত॒ তেন॑ [ ] 2
পূ॒ষা-ঽঽর্ধ্নো॒-ত্তস্মা᳚-ত্পৌ॒ষ্ণাঃ প॒শব॑ উচ্যন্তে॒ ত-ন্ত্বষ্টা-ঽঽধ॑ত্ত॒ তেন॒ ত্বষ্টা᳚-ঽঽর্ধ্নো॒-ত্তস্মা᳚-ত্ত্বা॒ষ্ট্রাঃ প॒শব॑ উচ্যন্তে॒ ত-ম্মনু॒রা-ঽধ॑ত্ত॒ তেন॒ মনু॑রা॒র্ধ্নো॒-ত্তস্মা᳚ন্মান॒ব্যঃ॑ প্র॒জা উ॑চ্যন্তে॒ ত-ন্ধা॒তা-ঽঽধ॑ত্ত॒ তেন॑ ধা॒তা-ঽঽর্ধ্নো᳚-থ্সংবঁথ্স॒রো বৈ ধা॒তা তস্মা᳚-থ্সংবঁথ্স॒র-ম্প্র॒জাঃ প॒শবো-ঽনু॒ প্র জা॑যন্তে॒ য এ॒ব-ম্পু॑নরা॒ধেয॒স্যর্ধিং॒-বেঁদ॒- [এ॒ব-ম্পু॑নরা॒ধেয॒স্যর্ধিং॒-বেঁদ॑, ঋ॒ধ্নোত্যে॒ব] 3
-র্ধ্নোত্যে॒ব যো᳚-ঽস্যৈ॒ব-ম্ব॒ন্ধুতাং॒-বেঁদ॒ বন্ধু॑মা-ন্ভবতি ভাগ॒ধেযং॒-বাঁ অ॒গ্নিরাহি॑ত ই॒চ্ছমা॑নঃ প্র॒জা-ম্প॒শূন্ যজ॑মান॒স্যোপ॑ দোদ্রাবো॒দ্বাস্য॒ পুন॒রা দ॑ধীত ভাগ॒ধেযে॑নৈ॒বৈন॒গ্ম্॒ সম॑র্ধয॒ত্যথো॒ শান্তি॑রে॒বাস্যৈ॒ষা পুন॑র্বস্বো॒রা দ॑ধীতৈ॒তদ্বৈ পু॑নরা॒ধেয॑স্য॒ নক্ষ॑ত্রং॒-যঁ-ত্পুন॑র্বসূ॒ স্বাযা॑মে॒বৈন॑-ন্দে॒বতা॑যামা॒ধায॑ ব্রহ্মবর্চ॒সী ভ॑বতি দ॒র্ভৈ রা দ॑ধা॒ত্যযা॑তযামত্বায দ॒র্ভৈরা দ॑ধাত্য॒দ্ভ্য এ॒বৈন॒মোষ॑ধীভ্যো ঽব॒রুদ্ধ্যা ঽঽধ॑ত্তে॒ পঞ্চ॑কপালঃ পুরো॒ডাশো॑ ভবতি॒ পঞ্চ॒ বা ঋ॒তব॑ ঋ॒তুভ্য॑ এ॒বৈন॑মব॒রুদ্ধ্যা ঽঽধ॑ত্তে ॥ 4 ॥
(অশী॑যত॒ তত্- তেন॒-বেদ॑- দ॒র্ভৈঃ পঞ্চ॑বিগ্ম্শতিশ্চ) (অ. 1)
পরা॒ বা এ॒ষ য॒জ্ঞ-ম্প॒শূন্ ব॑পতি॒ যো᳚-ঽগ্নিমু॑দ্বা॒সয॑তে॒ পঞ্চ॑কপালঃ পুরো॒ডাশো॑ ভবতি॒ পাঙ্ক্তো॑ য॒জ্ঞঃ পাঙ্ক্তাঃ᳚ প॒শবো॑ য॒জ্ঞমে॒ব প॒শূনব॑ রুন্ধে বীর॒হা বা এ॒ষ দে॒বানাং॒-যোঁ᳚-ঽগ্নিমু॑দ্বা॒সয॑তে॒ ন বা এ॒তস্য॑ ব্রাহ্ম॒ণা ঋ॑তা॒যবঃ॑ পু॒রা-ঽন্ন॑মক্ষ-ন্প॒ঙ্ক্ত্যো॑ যাজ্যানুবা॒ক্যা॑ ভবন্তি॒ পাঙ্ক্তো॑ য॒জ্ঞঃ পাঙ্ক্তঃ॒ পুরু॑ষো দে॒বানে॒ব বী॒র-ন্নি॑রব॒দাযা॒গ্নি-ম্পুন॒রা [পুন॒রা, ধ॒ত্তে॒ শ॒তাক্ষ॑রা ভবন্তি] 5
ধ॑ত্তে শ॒তাক্ষ॑রা ভবন্তি শ॒তাযুঃ॒ পুরু॑ষ-শ্শ॒তেন্দ্রি॑য॒ আযু॑ষ্যে॒বেন্দ্রি॒যে প্রতি॑ তিষ্ঠতি॒ যদ্বা অ॒গ্নিরাহি॑তো॒ নর্ধ্যতে॒ জ্যাযো॑ ভাগ॒ধেয॑-ন্নিকা॒ময॑মানো॒ যদা᳚গ্নে॒যগ্ম্ সর্ব॒-ম্ভব॑তি॒ সৈবাস্যর্ধি॒-স্সং-বাঁ এ॒তস্য॑ গৃ॒হে বাক্ সৃ॑জ্যতে॒ যো᳚-ঽগ্নিমু॑দ্বা॒সয॑তে॒ স বাচ॒গ্ম্॒ সগ্ম্সৃ॑ষ্টাং॒-যঁজ॑মান ঈশ্ব॒রো-ঽনু॒ পরা॑ভবিতো॒-র্বিভ॑ক্তযো ভবন্তি বা॒চো বিধৃ॑ত্যৈ॒ যজ॑মান॒স্যা-ঽপ॑রাভাবায॒ [-ঽপ॑রাভাবায, বিভ॑ক্তি-ঙ্করোতি॒] 6
বিভ॑ক্তি-ঙ্করোতি॒ ব্রহ্মৈ॒ব তদ॑করুপা॒গ্ম্॒শু য॑জতি॒ যথা॑ বা॒মং-বঁসু॑ বিবিদা॒নো গূহ॑তি তা॒দৃগে॒ব তদ॒গ্নি-ম্প্রতি॑ স্বিষ্ট॒কৃত॒-ন্নিরা॑হ॒ যথা॑ বা॒মং-বঁসু॑ বিবিদা॒নঃ প্র॑কা॒শ-ঞ্জিগ॑মিষতি তা॒দৃগে॒ব তদ্বিভ॑ক্তিমু॒ক্ত্বা প্র॑যা॒জেন॒ বষ॑ট্করোত্যা॒যত॑নাদে॒ব নৈতি॒ যজ॑মানো॒ বৈ পু॑রো॒ডাশঃ॑ প॒শব॑ এ॒তে আহু॑তী॒ যদ॒ভিতঃ॑ পুরো॒ডাশ॑মে॒তে আহু॑তী [ ] 7
জু॒হোতি॒ যজ॑মানমে॒বোভ॒যতঃ॑ প॒শুভিঃ॒ পরি॑ গৃহ্ণাতি কৃ॒তয॑জু॒-স্সম্ভৃ॑তসম্ভার॒ ইত্যা॑হু॒র্ন স॒ম্ভৃত্যা᳚-স্সম্ভা॒রা ন যজুঃ॑ কর্ত॒ব্য॑মিত্যথো॒ খলু॑ স॒ম্ভৃত্যা॑ এ॒ব স॑ম্ভা॒রাঃ ক॑র্ত॒ব্যং॑-যঁজু॑-র্য॒জ্ঞস্য॒ সমৃ॑দ্ধ্যৈ পুনর্নিষ্কৃ॒তো রথো॒ দক্ষি॑ণা পুনরুথ্স্যূ॒তং-বাঁসঃ॑ পুনরুথ্সৃ॒ষ্টো॑-ঽন॒ড্বা-ন্পু॑নরা॒ধেয॑স্য॒ সমৃ॑দ্ধ্যৈ স॒প্ত তে॑ অগ্নে স॒মিধ॑-স্স॒প্ত জি॒হ্বা ইত্য॑গ্নিহো॒ত্র-ঞ্জু॑হোতি॒ যত্র॑যত্রৈ॒বাস্য॒ ন্য॑ক্ত॒-ন্তত॑ [ন্য॑ক্ত॒-ন্ততঃ॑, এ॒বৈন॒মব॑ রুন্ধে] 8
এ॒বৈন॒মব॑ রুন্ধে বীর॒হা বা এ॒ষ দে॒বানাং॒-যোঁ᳚-ঽগ্নিমু॑দ্বা॒সয॑তে॒ তস্য॒ বরু॑ণ এ॒বর্ণ॒যাদা᳚গ্নিবারু॒ণ-মেকা॑দশকপাল॒মনু॒ নির্ব॑পে॒দ্য-ঞ্চৈ॒ব হন্তি॒ যশ্চা᳚স্যর্ণ॒যাত্তৌ ভা॑গ॒ধেযে॑ন প্রীণাতি॒ না-ঽঽর্তি॒মার্চ্ছ॑তি॒ যজ॑মানঃ ॥ 9 ॥
(আ-ঽপ॑রাভাবায-পুরো॒ডাশ॑মে॒তে-আহু॑তী॒-ততঃ॒ -ষটত্রিগ্ম্॑শচ্চ) (অ. 2)
ভূমি॑-র্ভূ॒ম্না দ্যৌ-র্ব॑রি॒ণা-ঽন্তরি॑ক্ষ-ম্মহি॒ত্বা । উ॒পস্থে॑ তে দেব্যদিতে॒ ঽগ্নিম॑ন্না॒দম॒ন্নাদ্যা॒যা-ঽঽদ॑ধে ॥ আ-ঽয-ঙ্গৌঃ পৃশ্ঞি॑রক্রমী॒দস॑ন-ন্মা॒তর॒-ম্পুনঃ॑ । পি॒তর॑-ঞ্চ প্র॒যন্-থ্সুবঃ॑ ॥ ত্রি॒গ্ম্॒শদ্ধাম॒ বি রা॑জতি॒ বা-ক্প॑ত॒ঙ্গায॑ শিশ্রিযে । প্রত্য॑স্য বহ॒ দ্যুভিঃ॑ ॥ অ॒স্য প্রা॒ণাদ॑পান॒ত্য॑ন্তশ্চ॑রতি রোচ॒না । ব্য॑খ্য-ন্মহি॒ষ-স্সুবঃ॑ ॥ যত্ত্বা᳚ [ ] 10
ক্রু॒দ্ধঃ প॑রো॒বপ॑ ম॒ন্যুনা॒ যদব॑র্ত্যা । সু॒কল্প॑মগ্নে॒ তত্তব॒ পুন॒স্ত্বোদ্দী॑পযামসি ॥যত্তে॑ ম॒ন্যুপ॑রোপ্তস্য পৃথি॒বীমনু॑ দদ্ধ্ব॒সে । আ॒দি॒ত্যা বিশ্বে॒ তদ্দে॒বা বস॑বশ্চ স॒মাভ॑রন্ন্ ॥ মনো॒ জ্যোতি॑-র্জুষতা॒মাজ্যং॒-বিঁচ্ছি॑ন্নং-যঁ॒জ্ঞগ্ম্ সমি॒ম-ন্দ॑ধাতু । বৃহ॒স্পতি॑স্তনুতামি॒ম-ন্নো॒ বিশ্বে॑ দে॒বা ই॒হ মা॑দযন্তাম্ ॥ স॒প্ত তে॑ অগ্নে স॒মিধ॑-স্স॒প্ত জি॒হ্বা-স্স॒প্ত- [জি॒হ্বা-স্স॒প্ত, ঋষ॑য-স্স॒প্ত ধাম॑] 11
-র্ষ॑য-স্স॒প্ত ধাম॑ প্রি॒যাণি॑ । স॒প্ত হোত্রা᳚-স্সপ্ত॒ধা ত্বা॑ যজন্তি স॒প্ত যোনী॒রা পৃ॑ণস্বা ঘৃ॒তেন॑ ॥ পুন॑রূ॒র্জা নি ব॑র্তস্ব॒ পুন॑রগ্ন ই॒ষা-ঽঽযু॑ষা । পুন॑র্নঃ পাহি বি॒শ্বতঃ॑ ॥ স॒হ র॒য্যা নি ব॑র্ত॒স্বাগ্নে॒ পিন্ব॑স্ব॒ ধার॑যা । বি॒শ্বফ্স্নি॑যা বি॒শ্বত॒স্পরি॑ ॥ লেক॒-স্সলে॑ক-স্সু॒লেক॒স্তে ন॑ আদি॒ত্যা আজ্য॑-ঞ্জুষা॒ণা বি॑যন্তু॒ কেত॒-স্সকে॑ত-স্সু॒কেত॒স্তে ন॑ আদি॒ত্যা আজ্য॑-ঞ্জুষা॒ণা বি॑যন্তু॒ বিব॑স্বা॒গ্ম্॒ অদি॑তি॒-র্দেব॑জূতি॒স্তে ন॑ আদি॒ত্যা আজ্য॑-ঞ্জুষা॒ণা বি॑যন্তু ॥ 12 ॥
(ত্বা॒-জি॒হ্বা-স্স॒প্ত-সু॒কেত॒স্তে ন॒-স্ত্রযো॑দশ চ ) (অ. 3)
ভূমি॑-র্ভূ॒ম্না দ্যৌ-র্ব॑রি॒ণেত্যা॑হা॒-ঽঽশিষৈ॒বৈন॒মা ধ॑ত্তে স॒র্পা বৈ জীর্য॑ন্তো ঽমন্যন্ত॒ স এ॒ত-ঙ্ক॑স॒র্ণীরঃ॑ কাদ্রবে॒যো মন্ত্র॑মপশ্য॒-ত্ততো॒ বৈ তে জী॒র্ণাস্ত॒নূরপা᳚ঘ্নত সর্পরা॒জ্ঞিযা॑ ঋ॒গ্ভি-র্গার্হ॑পত্য॒মা দ॑ধাতি পুনর্ন॒বমে॒বৈন॑ম॒জর॑-ঙ্কৃ॒ত্বা ঽঽধ॒ত্তে-ঽথো॑ পূ॒তমে॒ব পৃ॑থি॒বীম॒ন্নাদ্য॒-ন্নোপা॑-ঽনম॒থ্সৈত- [নোপা॑-ঽনম॒থ্সৈতম্, মন্ত্র॑মপশ্য॒-ত্ততো॒ বৈ] 13
-ম্মন্ত্র॑মপশ্য॒-ত্ততো॒ বৈ তাম॒ন্নাদ্য॒-মুপা॑নম॒দ্যথ্ -স॑র্পরা॒জ্ঞিযা॑ ঋ॒গ্ভি-র্গার্হ॑পত্য-মা॒দধা᳚ত্য॒ন্নাদ্য॒স্যাব॑রুদ্ধ্যা॒ অথো॑ অ॒স্যামে॒বৈন॒-ম্প্রতি॑ষ্ঠিত॒মা ধ॑ত্তে॒ যত্ত্বা᳚ ক্রু॒দ্ধঃ প॑রো॒বপেত্যা॒হাপ॑হ্নুত এ॒বাস্মৈ॒ ত-ত্পুন॒স্ত্বোদ্দী॑পযাম॒সীত্যা॑হ॒ সমি॑ন্ধ এ॒বৈনং॒-যঁত্তে॑ ম॒ন্যুপ॑রোপ্ত॒স্যেত্যা॑হ দে॒বতা॑ভিরে॒বৈ- [দে॒বতা॑ভিরে॒ব, এ॒ন॒গ্ম্॒ স-ম্ভ॑রতি॒ বি বা] 14
-ন॒গ্ম্॒ স-ম্ভ॑রতি॒ বি বা এ॒তস্য॑ য॒জ্ঞশ্ছি॑দ্যতে॒ যো᳚-ঽগ্নিমু॑দ্বা॒সয॑তে॒ বৃহ॒স্পতি॑বত্য॒র্চোপ॑ তিষ্ঠতে॒ ব্রহ্ম॒ বৈ দে॒বানা॒-ম্বৃহ॒স্পতি॒-র্ব্রহ্ম॑ণৈ॒ব য॒জ্ঞগ্ম্ স-ন্দ॑ধাতি॒ বিচ্ছি॑ন্নং-যঁ॒জ্ঞগ্ম্ সমি॒ম-ন্দ॑ধা॒ত্বিত্যা॑হ॒ সন্ত॑ত্যৈ॒ বিশ্বে॑ দে॒বা ই॒হ মা॑দযন্তা॒মিত্যা॑হ স॒ন্তত্যৈ॒ব য॒জ্ঞ-ন্দে॒বেভ্যো-ঽনু॑ দিশতি স॒প্ত তে॑ অগ্নে স॒মিধ॑-স্স॒প্ত জি॒হ্বা [জি॒হ্বাঃ, ইত্যা॑হ] 15
ইত্যা॑হ স॒প্তস॑প্ত॒ বৈ স॑প্ত॒ধা-ঽগ্নেঃ প্রি॒যাস্ত॒নুব॒স্তা এ॒বাব॑ রুন্ধে॒ পুন॑রূ॒র্জা স॒হ র॒য্যেত্য॒ভিতঃ॑ পুরো॒ডাশ॒মাহু॑তী জুহোতি॒ যজ॑মানমে॒বোর্জা চ॑ র॒য্যা চো॑ভ॒যতঃ॒ পরি॑ গৃহ্ণাত্যাদি॒ত্যা বা অ॒স্মাল্লো॒কাদ॒মুং-লোঁ॒কমা॑য॒-ন্তে॑-ঽমুষ্মি॑-ল্লোঁ॒কে ব্য॑তৃষ্য॒-ন্ত ই॒মং-লোঁ॒ক-ম্পুন॑রভ্য॒বেত্যা॒ ঽগ্নিমা॒ধাযৈ॒-তান্. হোমা॑নজুহবু॒স্ত আ᳚র্ধ্নুব॒-ন্তে সু॑ব॒র্গং-লোঁ॒কমা॑য॒ন্॒. যঃ প॑রা॒চীন॑-ম্পুনরা॒ধেযা॑দ॒গ্নিমা॒দধী॑ত॒ স এ॒তান্. হোমা᳚ন্ জুহুযা॒দ্যামে॒বা-ঽঽদি॒ত্যা ঋদ্ধি॒মার্ধ্নু॑ব॒-ন্তামে॒বর্ধ্নো॑তি ॥ 16 ॥
(সৈতং-দে॒বতা॑ভিরে॒ব-জি॒হ্বা-এ॒তান্-পঞ্চ॑বিগ্ম্শতিশ্চ ) (অ. 4)
উ॒প॒প্র॒যন্তো॑ অদ্ধ্ব॒র-ম্মন্ত্রং॑-বোঁচেমা॒গ্নযে᳚ । আ॒রে অ॒স্মে চ॑ শৃণ্ব॒তে ॥ অ॒স্য প্র॒ত্নামনু॒ দ্যুতগ্ম্॑ শু॒ক্র-ন্দু॑দুহ্রে॒ অহ্র॑যঃ । পয॑-স্সহস্র॒সামৃষি᳚ম্ ॥ অ॒গ্নি-র্মূ॒র্ধা দি॒বঃ ক॒কুত্পতিঃ॑ পৃথি॒ব্যা অ॒যম্ । অ॒পাগ্ম্ রেতাগ্ম্॑সি জিন্বতি ॥ অ॒যমি॒হ প্র॑থ॒মো ধা॑যি ধা॒তৃভি॒র্॒ হোতা॒ যজি॑ষ্ঠো অধ্ব॒রেষ্বীড্যঃ॑ ॥ যমপ্ন॑বানো॒ ভৃগ॑বো বিরুরু॒চুর্বনে॑ষু চি॒ত্রং-বিঁ॒ভুবং॑-বিঁ॒শেবি॑শে ॥ উ॒ভা বা॑মিন্দ্রাগ্নী আহু॒বদ্ধ্যা॑ [আহু॒বদ্ধ্যৈ᳚, উ॒ভা] 17
উ॒ভা রাধ॑স-স্স॒হ মা॑দ॒যদ্ধ্যৈ᳚ । উ॒ভা দা॒তারা॑বি॒ষাগ্ম্ র॑যী॒ণামু॒ভা বাজ॑স্য সা॒তযে॑ হুবে বাম্ ॥ অ॒য-ন্তে॒ যোনি॑র্-ঋ॒ত্বিযো॒ যতো॑ জা॒তো অরো॑চথাঃ । ত-ঞ্জা॒নন্ন॑গ্ন॒ আ রো॒হাথা॑ নো বর্ধযা র॒যিম্ ॥ অগ্ন॒ আযূগ্ম্॑ষি পবস॒ আ সু॒বোর্জ॒মিষ॑-ঞ্চ নঃ । আ॒রে বা॑ধস্ব দু॒চ্ছুনা᳚ম্ ॥ অগ্নে॒ পব॑স্ব॒ স্বপা॑ অ॒স্মে বর্চ॑-স্সু॒বীর্য᳚ম্ । দধ॒ত্পোষগ্ম্॑ র॒যি- [র॒যিম্, ম্মযি॑ ।] 18
-ম্মযি॑ ॥ অগ্নে॑ পাবক রো॒চিষা॑ ম॒ন্দ্রযা॑ দেব জি॒হ্বযা᳚ । আ দে॒বান্. ব॑ক্ষি॒ যক্ষি॑ চ ॥ স নঃ॑ পাবক দীদি॒বো-ঽগ্নে॑ দে॒বাগ্ম্ ই॒হা ঽঽব॑হ । উপ॑ য॒জ্ঞগ্ম্ হ॒বিশ্চ॑ নঃ ॥ অ॒গ্নি-শ্শুচি॑ব্রততম॒-শ্শুচি॒-র্বিপ্র॒-শ্শুচিঃ॑ ক॒বিঃ । শুচী॑ রোচত॒ আহু॑তঃ ॥ উদ॑গ্নে॒ শুচ॑য॒স্তব॑ শু॒ক্রা ভ্রাজ॑ন্ত ঈরতে । তব॒ জ্যোতীগ্॑ষ্য॒র্চযঃ॑ ॥ আ॒যু॒র্দা অ॑গ্নে॒-ঽস্যাযু॑র্মে [অ॑গ্নে॒-ঽস্যাযু॑র্মে, দে॒হি॒ ব॒র্চো॒দা] 19
দেহি বর্চো॒দা অ॑গ্নে-ঽসি॒ বর্চো॑ মে দেহি তনূ॒পা অ॑গ্নে-ঽসি ত॒নুব॑-ম্মে পা॒হ্যগ্নে॒ যন্মে॑ ত॒নুবা॑ ঊ॒ন-ন্তন্ম॒ আ পৃ॑ণ॒ চিত্রা॑বসো স্ব॒স্তি তে॑ পা॒রম॑শী॒যেন্ধা॑নাস্ত্বা শ॒তগ্ম্ হিমা᳚ দ্যু॒মন্ত॒-স্সমি॑ধীমহি॒ বয॑স্বন্তো বয॒স্কৃতং॒-যঁশ॑স্বন্তো যশ॒স্কৃতগ্ম্॑ সু॒বীরা॑সো॒ অদা᳚ভ্যম্ । অগ্নে॑ সপত্ন॒দম্ভ॑নং॒-বঁর্ষি॑ষ্ঠে॒ অধি॒ নাকে᳚ ॥ স-ন্ত্বম॑গ্নে॒ সূর্য॑স্য॒ বর্চ॑সা ঽগথা॒-স্সমৃষী॑ণাগ্ স্তু॒তেন॒ স-ম্প্রি॒যেণ॒ ধাম্না᳚ । ত্বম॑গ্নে॒ সূর্য॑বর্চা অসি॒ স-ম্মামাযু॑ষা॒ বর্চ॑সা প্র॒জযা॑ সৃজ ॥ 20 ॥
(আ॒হু॒বদ্ধ্যৈ॒-পোষগ্ম্॑ র॒যিং-মে॒-বর্চ॑সা-স॒প্তদ॑শ চ ) (অ. 5)
স-ম্প॑শ্যামি প্র॒জা অ॒হ-মিড॑প্রজসো মান॒বীঃ । সর্বা॑ ভবন্তু নো গৃ॒হে । অম্ভ॒-স্স্থাম্ভো॑ বো ভক্ষীয॒ মহ॑-স্স্থ॒ মহো॑ বো ভক্ষীয॒ সহ॑-স্স্থ॒ সহো॑ বো ভক্ষী॒যোর্জ॒-স্স্থোর্জং॑-বোঁ ভক্ষীয॒ রেব॑তী॒ রম॑দ্ধ্ব-ম॒স্মি-ল্লোঁ॒কে᳚-ঽস্মি-ন্গো॒ষ্ঠে᳚-ঽস্মিন্ ক্ষযে॒-ঽস্মিন্ যোনা॑বি॒হৈব স্তে॒তো মা-ঽপ॑ গাত ব॒হ্বীর্মে॑ ভূযাস্ত [ভূযাস্ত, স॒গ্ম্॒হি॒তা-ঽসি॑] 21
সগ্ম্হি॒তা-ঽসি॑ বিশ্বরূ॒পীরা মো॒র্জা বি॒শা ঽঽগৌ॑প॒ত্যেনা ঽঽরা॒যস্পোষে॑ণ সহস্রপো॒ষং-বঁঃ॑ পুষ্যাস॒-ম্মযি॑ বো॒ রায॑-শ্শ্রযন্তাম্ ॥ উপ॑ ত্বা-ঽগ্নে দি॒বেদি॑বে॒ দোষা॑বস্তর্ধি॒যা ব॒যম্ । নমো॒ ভর॑ন্ত॒ এম॑সি ॥ রাজ॑ন্তমদ্ধ্ব॒রাণা᳚-ঙ্গো॒পামৃ॒তস্য॒ দীদি॑বিম্ । বর্ধ॑মান॒গ্গ্॒ স্বে দমে᳚ ॥ স নঃ॑ পি॒তেব॑ সূ॒নবে-ঽগ্নে॑ সূপায॒নো ভ॑ব । সচ॑স্বা ন-স্স্ব॒স্তযে᳚ ॥ অগ্নে॒ [অগ্নে᳚, ত্ব-ন্নো॒ অন্ত॑মঃ ।] 22
ত্ব-ন্নো॒ অন্ত॑মঃ । উ॒ত ত্রা॒তা শি॒বো ভ॑ব বরূ॒ত্থ্যঃ॑ ॥ ত-ন্ত্বা॑ শোচিষ্ঠ দীদিবঃ । সু॒ম্নায॑ নূ॒নমী॑মহে॒ সখি॑ভ্যঃ ॥ বসু॑র॒গ্নি-র্বসু॑শ্রবাঃ । অচ্ছা॑ নক্ষি দ্যু॒মত্ত॑মো র॒যি-ন্দাঃ᳚ ॥ ঊ॒র্জা বঃ॑ পশ্যাম্যূ॒র্জা মা॑ পশ্যত রা॒যস্পোষে॑ণ বঃ পশ্যামি রা॒যস্পোষে॑ণ মা পশ্য॒তেডা᳚-স্স্থ মধু॒কৃত॑-স্স্যো॒না মা ঽঽবি॑শ॒তেরা॒ মদঃ॑ । স॒হ॒স্র॒পো॒ষং-বঁঃ॑ পুষ্যাস॒- [পুষ্যাস॒ম্, মযি॑] 23
ম্মযি॑ বো॒ রায॑-শ্শ্রযন্তাম্ ॥ তথ্স॑বি॒তু-র্বরে᳚ণ্য॒-ম্ভর্গো॑ দে॒বস্য॑ ধীমহি । ধিযো॒ যোনঃ॑ প্রচো॒দযা᳚ত্ ॥ সো॒মান॒গ্গ্॒ স্বর॑ণ-ঙ্কৃণু॒হি ব্র॑হ্মণস্পতে । ক॒ক্ষীব॑ন্তং॒-যঁ ঔ॑শি॒জম্ ॥ ক॒দা চ॒ন স্ত॒রীর॑সি॒ নেন্দ্র॑ সশ্চসি দা॒শুষে᳚ ॥ উপো॒পেন্নু ম॑ঘব॒-ন্ভুয॒ ইন্নু তে॒ দান॑-ন্দে॒বস্য॑ পৃচ্যতে ॥ পরি॑ ত্বা-ঽগ্নে॒ পুরং॑-বঁ॒যং-বিঁপ্রগ্ম্॑ সহস্য ধীমহি ॥ ধৃ॒ষদ্ব॑র্ণ-ন্দি॒বেদি॑বে ভে॒ত্তার॑-ম্ভঙ্গু॒রাব॑তঃ ॥ অগ্নে॑ গৃহপতে সুগৃহপ॒তির॒হ-ন্ত্বযা॑ গৃ॒হপ॑তিনা ভূযাসগ্ম্ সুগৃহপ॒তির্মযা॒ ত্ব-ঙ্গৃ॒হপ॑তিনা ভূযা-শ্শ॒তগ্ম্ হিমা॒স্তামা॒শিষ॒মা শা॑সে॒ তন্ত॑বে॒ জ্যোতি॑ষ্মতী॒-ন্তামা॒শিষ॒মা শা॑সে॒-ঽমুষ্মৈ॒ জ্যোতি॑ষ্মতীম্ ॥ 24 ॥
(ভূ॒যা॒স্ত॒-স্ব॒স্তযে-ঽগ্নে॑-পুষ্যাসং-ধৃ॒ষদ্ব॑র্ণ॒-মেকা॒ন্নত্রি॒গ্ম্॒শচ্চ॑ ) (অ. 6)
অয॑জ্ঞো॒ বা এ॒ষ যো॑-ঽসা॒মোপ॑প্র॒যন্তো॑ অদ্ধ্ব॒রমিত্যা॑হ॒ স্তোম॑মে॒বাস্মৈ॑ যুন॒ক্ত্যুপেত্যা॑হ প্র॒জা বৈ প॒শব॒ উপে॒মং-লোঁ॒ক-ম্প্র॒জামে॒ব প॒শূনি॒মং-লোঁ॒কমুপৈ᳚ত্য॒স্য প্র॒ত্নামনু॒ দ্যুত॒মিত্যা॑হ সুব॒র্গো বৈ লো॒কঃ প্র॒ত্ন-স্সু॑ব॒র্গমে॒ব লো॒কগ্ম্ স॒মারো॑হত্য॒গ্নি-র্মূ॒র্ধা দি॒বঃ ক॒কুদিত্যা॑হ মূ॒র্ধান॑- [মূ॒র্ধান᳚ম্, এ॒বৈনগ্ম্॑] 25
মে॒বৈনগ্ম্॑ সমা॒নানা᳚-ঙ্করো॒ত্যথো॑ দেবলো॒কাদে॒ব ম॑নুষ্যলো॒কে প্রতি॑ তিষ্ঠত্য॒যমি॒হ প্র॑থ॒মো ধা॑যি ধা॒তৃভি॒রিত্যা॑হ॒ মুখ্য॑মে॒বৈন॑-ঙ্করোত্যু॒ভা বা॑মিন্দ্রাগ্নী আহু॒বদ্ধ্যা॒ ইত্যা॒হৌজো॒ বল॑মে॒বাব॑ রুন্ধে॒ ঽয-ন্তে॒ যোনি॑র্-ঋ॒ত্বিয॒ ইত্যা॑হ প॒শবো॒ বৈ র॒যিঃ প॒শূনে॒বাব॑ রুন্ধে ষ॒ড্ভিরুপ॑ তিষ্ঠতে॒ ষড্বা [ষড্বৈ, ঋ॒তব॑ ঋ॒তুষ্বে॒ব] 26
ঋ॒তব॑ ঋ॒তুষ্বে॒ব প্রতি॑ তিষ্ঠতি ষ॒ড্ভিরুত্ত॑রাভি॒রুপ॑ তিষ্ঠতে॒ দ্বাদ॑শ॒ স-ম্প॑দ্যন্তে॒ দ্বাদ॑শ॒ মাসা᳚-স্সংবঁথ্স॒র-স্সং॑বঁথ্স॒র এ॒ব প্রতি॑ তিষ্ঠতি॒ যথা॒ বৈ পুরু॒ষো-ঽশ্বো॒ গৌ-র্জীর্য॑ত্যে॒ব-ম॒গ্নিরাহি॑তো জীর্যতি সংবঁথ্স॒রস্য॑ প॒রস্তা॑দাগ্নিপাবমা॒নীভি॒-রুপ॑ তিষ্ঠতে পুনর্ন॒ব-মে॒বৈন॑-ম॒জর॑-ঙ্করো॒ত্যথো॑ পু॒নাত্যে॒বোপ॑ তিষ্ঠতে॒ যোগ॑ এ॒বাস্যৈ॒ষ উপ॑ তিষ্ঠতে॒ [উপ॑ তিষ্ঠতে, দম॑ এ॒বাস্যৈ॒ষ] 27
দম॑ এ॒বাস্যৈ॒ষ উপ॑ তিষ্ঠতে যাচংঐবাস্যৈ॒ষোপ॑ তিষ্ঠতে॒ যথা॒ পাপী॑যা॒ঞ্ছ্রেয॑স আ॒হৃত্য॑ নম॒স্যতি॑ তা॒দৃগে॒ব তদা॑যু॒র্দা অ॑গ্নে॒-ঽস্যাযু॑র্মে দে॒হীত্যা॑হা-ঽঽযু॒র্দা হ্যে॑ষ ব॑র্চো॒দা অ॑গ্নে-ঽসি॒ বর্চো॑ মে দে॒হীত্যা॑হ বর্চো॒দা হ্যে॑ষ ত॑নূ॒পা অ॑গ্নে-ঽসি ত॒নুব॑-ম্মে পা॒হীত্যা॑হ [পা॒হীত্যা॑হ, ত॒নূ॒পা] 28
তনূ॒পা হ্যে॑ষো-ঽগ্নে॒ যন্মে॑ ত॒নুবা॑ ঊ॒ন-ন্তন্ম॒ আ পৃ॒ণেত্যা॑হ॒ যন্মে᳚ প্র॒জাযৈ॑ পশূ॒নামূ॒ন-ন্তন্ম॒ আ পূ॑র॒যেতি॒ বাবৈতদা॑হ॒ চিত্রা॑বসো স্ব॒স্তি তে॑ পা॒রম॑শী॒যেত্যা॑হ॒ রাত্রি॒-র্বৈ চি॒ত্রাব॑সু॒রব্যু॑ষ্ট্যৈ॒ বা এ॒তস্যৈ॑ পু॒রা ব্রা᳚হ্ম॒ণা অ॑ভৈষু॒-র্ব্যু॑ষ্টিমে॒বাব॑ রুন্ধ॒ ইন্ধা॑নাস্ত্বা শ॒তগ্ম্ [শ॒তম্, হিমা॒ ইত্যা॑হ] 29
হিমা॒ ইত্যা॑হ শ॒তাযুঃ॒ পুরু॑ষ-শ্শ॒তেন্দ্রি॑য॒ আযু॑ষ্যে॒বেন্দ্রি॒যে প্রতি॑ তিষ্ঠত্যে॒ষা বৈ সূ॒র্মী কর্ণ॑কাবত্যে॒তযা॑ হ স্ম॒ বৈ দে॒বা অসু॑রাণাগ্ম্ শতত॒র্॒হাগ্ স্তৃগ্ম্॑হন্তি॒ যদে॒তযা॑ স॒মিধ॑মা॒দধা॑তি॒ বজ্র॑মে॒বৈতচ্ছ॑ত॒ঘ্নীং-যঁজ॑মানো॒ ভ্রাতৃ॑ব্যায॒ প্র হ॑রতি॒ স্তৃত্যা॒ অছ॑ম্বট্কার॒গ্ম্॒ স-ন্ত্বম॑গ্নে॒ সূর্য॑স্য॒ বর্চ॑সা-ঽগথা॒ ইত্যা॑হৈ॒তত্ত্বমসী॒দম॒হ-ম্ভূ॑যাস॒মিতি॒ বাবৈতদা॑হ॒ ত্বম॑গ্নে॒ সূর্য॑বর্চা অ॒সীত্যা॑হা॒-ঽঽশিষ॑মে॒বৈতামা শা᳚স্তে ॥ 30 ॥
(মূ॒র্ধান॒গ্ম্॒-ষড্বা-এ॒ষ উপ॑ তিষ্ঠতে-পা॒হীত্যা॑হ-শ॒ত-ম॒হগ্ম্ ষোড॑শ চ) (অ. 7)
স-ম্প॑শ্যামি প্র॒জা অ॒হমিত্যা॑হ॒ যাব॑ন্ত এ॒ব গ্রা॒ম্যাঃ প॒শব॒স্তানে॒বাব॑ রু॒ন্ধে-ঽম্ভ॒-স্স্থাম্ভো॑ বো ভক্ষী॒যেত্যা॒হাম্ভো॒ হ্যে॑তা মহ॑-স্স্থ॒ মহো॑ বো ভক্ষী॒যেত্যা॑হ॒ মহো॒ হ্যে॑তা-স্সহ॑-স্স্থ॒ সহো॑ বো ভক্ষী॒যেত্যা॑হ॒ সহো॒ হ্যে॑তা ঊর্জ॒-স্স্থোর্জং॑-বোঁ ভক্ষী॒যে- [ভক্ষী॒যেতি॑, আ॒হোর্জো॒ হ্যে॑তা] 31
-ত্যা॒হোর্জো॒ হ্যে॑তা রেব॑তী॒ রম॑দ্ধ্ব॒মিত্যা॑হ প॒শবো॒ বৈ রে॒বতীঃ᳚ প॒শূনে॒বাত্ম-ন্র॑মযত ই॒হৈব স্তে॒তো মা-ঽপ॑ গা॒তেত্যা॑হ ধ্রু॒বা এ॒বৈনা॒ অন॑পগাঃ কুরুত ইষ্টক॒চিদ্বা অ॒ন্যো᳚-ঽগ্নিঃ প॑শু॒চিদ॒ন্য-স্সগ্ম্॑হি॒তাসি॑ বিশ্বরূ॒পীরিতি॑ ব॒থ্সম॒ভি মৃ॑শ॒ত্যুপৈ॒বৈন॑-ন্ধত্তে পশু॒চিত॑মেন-ঙ্কুরুতে॒ প্র [ ] 32
বা এ॒ষো᳚-ঽস্মাল্লো॒কাচ্চ্য॑বতে॒ য আ॑হব॒নীয॑-মুপ॒তিষ্ঠ॑তে॒ গার্হ॑পত্য॒মুপ॑ তিষ্ঠতে॒ ঽস্মিন্নে॒ব লো॒কে প্রতি॑ তিষ্ঠ॒ত্যথো॒ গার্হ॑পত্যাযৈ॒ব নি হ্নু॑তে গায॒ত্রীভি॒রুপ॑ তিষ্ঠতে॒ তেজো॒ বৈ গা॑য॒ত্রী তেজ॑ এ॒বাত্ম-ন্ধ॒ত্তে-ঽথো॒ যদে॒ত-ন্তৃ॒চম॒ন্বাহ॒ সন্ত॑ত্যৈ॒ গার্হ॑পত্যং॒-বাঁ অনু॑ দ্বি॒পাদো॑ বী॒রাঃ প্র জা॑যন্তে॒ য এ॒বং-বিঁ॒দ্বা-ন্দ্বি॒পদা॑ভি॒-র্গার্হ॑পত্য-মুপ॒তিষ্ঠ॑ত॒ [মুপ॒তিষ্ঠ॑তে, আ-ঽস্য॑] 33
আ-ঽস্য॑ বী॒রো জা॑যত ঊ॒র্জা বঃ॑ পশ্যাম্যূ॒র্জা মা॑ পশ্য॒তেত্যা॑হা॒ ঽঽশিষ॑মে॒বৈতামা শা᳚স্তে॒ তথ্স॑বি॒তু-র্বরে᳚ণ্য॒মিত্যা॑হ॒ প্রসূ᳚ত্যৈ সো॒মান॒গ্গ্॒ স্বর॑ণ॒মিত্যা॑হ সোমপী॒থমে॒বাব॑ রুন্ধে কৃণু॒হি ব্র॑হ্মণস্পত॒ ইত্যা॑হ ব্রহ্মবর্চ॒সমে॒বাব॑ রুন্ধে ক॒দা চ॒ন স্ত॒রীর॒সীত্যা॑হ॒ ন স্ত॒রীগ্ম্ রাত্রিং॑-বঁসতি॒ [রাত্রিং॑-বঁসতি, য এ॒বং] 34
য এ॒বং-বিঁ॒দ্বান॒গ্নি-মু॑প॒তিষ্ঠ॑তে॒ পরি॑ ত্বা-ঽগ্নে॒ পুরং॑-বঁ॒যমিত্যা॑হ পরি॒ধিমে॒বৈত-ম্পরি॑ দধা॒ত্যস্ক॑ন্দা॒যাগ্নে॑ গৃহপত॒ ইত্যা॑হ যথায॒জুরে॒বৈতচ্ছ॒তগ্ম্ হিমা॒ ইত্যা॑হ শ॒ত-ন্ত্বা॑ হেম॒ন্তানি॑ন্ধিষী॒যেতি॒ বাবৈতদা॑হ পু॒ত্রস্য॒ নাম॑ গৃহ্ণাত্যন্না॒দমে॒বৈন॑-ঙ্করোতি॒ তামা॒শিষ॒মা শা॑সে॒ তন্ত॑বে॒ জ্যোতি॑ষ্মতী॒মিতি॑ ব্রূযা॒দ্যস্য॑ পু॒ত্রো-ঽজা॑ত॒-স্স্যা-ত্তে॑জ॒স্ব্যে॑বাস্য॑ ব্রহ্মবর্চ॒সী পু॒ত্রো জা॑যতে॒ তামা॒শিষ॒মা শা॑সে॒ ঽমুষ্মৈ॒ জ্যোতি॑ষ্মতী॒ মিতি॑ ব্রূযা॒দ্যস্য॑ পু॒ত্রো জা॒ত-স্স্যা-ত্তেজ॑ এ॒বাস্মি॑-ন্ব্রহ্মবর্চ॒স-ন্দ॑ধাতি ॥ 35 ॥
(ঊর্জং॑-বোঁ ভক্ষী॒যেতি॒ – প্র -গার্হ॑পত্যমুপ॒তিষ্ঠ॑তে -বসতি॒-জ্যোতি॑ষ্মতী॒ – মেকা॒ন্নত্রি॒গ্ম্॒শচ্চ॑) (অ. 8)
অ॒গ্নি॒হো॒ত্র-ঞ্জু॑হোতি॒ যদে॒ব কি-ঞ্চ॒ যজ॑মানস্য॒ স্ব-ন্তস্যৈ॒ব তদ্রেত॑-স্সিঞ্চতি প্র॒জন॑নে প্র॒জন॑ন॒গ্ম্॒ হি বা অ॒গ্নিরথৌষ॑ধী॒রন্ত॑গতা দহতি॒ তাস্ততো॒ ভূয॑সীঃ॒ প্র জা॑যন্তে॒ যথ্সা॒য-ঞ্জু॒হোতি॒ রেত॑ এ॒ব তথ্সি॑ঞ্চতি॒ প্রৈব প্রা॑ত॒স্তনে॑ন জনযতি॒ তদ্রেত॑-স্সি॒ক্ত-ন্ন ত্বষ্ট্রা-ঽবি॑কৃত॒-ম্প্রজা॑যতে যাব॒চ্ছো বৈ রেত॑স-স্সি॒ক্তস্য॒ [রেত॑স-স্সি॒ক্তস্য॑, ত্বষ্টা॑ রূ॒পাণি॑] 36
ত্বষ্টা॑ রূ॒পাণি॑ বিক॒রোতি॑ তাব॒চ্ছো বৈ তত্প্র জা॑যত এ॒ষ বৈ দৈব্য॒স্ত্বষ্টা॒ যো যজ॑তে ব॒হ্বীভি॒রুপ॑ তিষ্ঠতে॒ রেত॑স এ॒ব সি॒ক্তস্য॑ বহু॒শো রূ॒পাণি॒ বি ক॑রোতি॒ স প্রৈব জা॑যতে॒ শ্বস্শ্বো॒ ভূযা᳚-ন্ভবতি॒ য এ॒বং বিঁ॒দ্বান॒গ্নিমু॑প॒তিষ্ঠ॒তে ঽহ॑র্দে॒বানা॒মাসী॒-দ্- রাত্রি॒রসু॑রাণা॒-ন্তে-ঽসু॑রা॒ যদ্দে॒বানাং᳚-বিঁ॒ত্তং বেঁদ্য॒মাসী॒ত্তেন॑ স॒হ [ ] 37
রাত্রি॒-ম্প্রা-ঽবি॑শ॒ন্তে দে॒বা হী॒না অ॑মন্যন্ত॒ তে॑-ঽপশ্যন্নাগ্নে॒যী রাত্রি॑রাগ্নে॒যাঃ প॒শব॑ ই॒মমে॒বাগ্নিগ্গ্ স্ত॑বাম॒ স ন॑-স্স্তু॒তঃ প॒শূ-ন্পুন॑র্দাস্য॒তীতি॒ তে᳚-ঽগ্নিম॑স্তুব॒ন্-থ্স এ᳚ভ্য-স্স্তু॒তো রাত্রি॑যা॒ অদ্ধ্যহ॑র॒ভি প॒শূন্নিরা᳚র্জ॒ত্তে দে॒বাঃ প॒শূন্ বি॒ত্ত্বা কামাগ্ম্॑ অকুর্বত॒ য এ॒বং-বিঁ॒দ্বান॒গ্নিমু॑প॒তিষ্ঠ॑তে পশু॒মা-ন্ভ॑ব- [পশু॒মা-ন্ভ॑বতি, আ॒দি॒ত্যো] 38
-ত্যাদি॒ত্যো বা অ॒স্মাল্লো॒কাদ॒মুং-লোঁ॒কমৈ॒থ্সো॑-ঽমুং-লোঁ॒ক-ঙ্গ॒ত্বা পুন॑রি॒মং-লোঁ॒কম॒ভ্য॑দ্ধ্যায॒-থ্স ই॒মং-লোঁ॒কমা॒গত্য॑ মৃ॒ত্যোর॑বিভেন্মৃ॒ত্যুসং॑যুঁত ইব॒ হ্য॑যং-লোঁ॒ক-স্সো॑-ঽমন্যতে॒ম-মে॒বাগ্নিগ্গ্ স্ত॑বানি॒ স মা᳚ স্তু॒ত-স্সু॑ব॒র্গং-লোঁ॒ক-ঙ্গ॑মযিষ্য॒তীতি॒ সো᳚-ঽগ্নিম॑স্তৌ॒-থ্স এ॑নগ্গ্ স্তু॒ত-স্সু॑ব॒র্গং-লোঁ॒কম॑গময॒দ্য [লো॒কম॑গময॒দ্যঃ, এ॒বং-বিঁ॒দ্বান॒গ্নি-] 39
এ॒বং-বিঁ॒দ্বান॒গ্নিমু॑প॒তিষ্ঠ॑তে সুব॒র্গমে॒ব লো॒কমে॑তি॒ সর্ব॒মাযু॑রেত্য॒ভি বা এ॒ষো᳚-ঽগ্নী আ রো॑হতি॒ য এ॑নাবুপ॒তিষ্ঠ॑তে॒ যথা॒ খলু॒ বৈ শ্রেযা॑ন॒ভ্যারূ॑ঢঃ কা॒ময॑তে॒ তথা॑ করোতি॒ নক্ত॒মুপ॑ তিষ্ঠতে॒ ন প্রা॒ত-স্সগ্ম্ হি নক্তং॑-ব্রঁ॒তানি॑ সৃ॒জ্যন্তে॑ স॒হ শ্রেযাগ্॑শ্চ॒ পাপী॑যাগ্শ্চাসাতে॒ জ্যোতি॒র্বা অ॒গ্নিস্তমো॒ রাত্রি॒র্য- [রাত্রি॒র্যত্, নক্ত॑মুপ॒তিষ্ঠ॑তে॒] 40
-ন্নক্ত॑মুপ॒তিষ্ঠ॑তে॒ জ্যোতি॑ষৈ॒ব তম॑স্তরত্যুপ॒স্থেযো॒ ঽগ্নী(3)-র্নোপ॒স্থেযা(3) ইত্যা॑হু-র্মনু॒ষ্যা॑যেন্ন্বৈ যো-ঽহ॑রহরা॒হৃত্যা-ঽথৈ॑নং॒-যাঁচ॑তি॒ স ইন্ন্বৈ তমুপা᳚র্চ্ছ॒ত্যথ॒ কো দে॒বানহ॑রহর্যাচিষ্য॒তীতি॒ তস্মা॒ন্নোপ॒স্থেযো ঽথো॒ খল্বা॑হুরা॒শিষে॒ বৈ কং-যঁজ॑মানো যজত॒ ইত্যে॒ষা খলু॒ বা [খলু॒ বৈ, আহি॑তাগ্নে-] 41
আহি॑তাগ্নে রা॒শী-র্যদ॒গ্নিমু॑প॒তিষ্ঠ॑তে॒ তস্মা॑দুপ॒স্থেযঃ॑ প্র॒জাপ॑তিঃ প॒শূন॑সৃজত॒ তে সৃ॒ষ্টা অ॑হোরা॒ত্রে প্রা-ঽবি॑শ॒-ন্তাঞ্ছন্দো॑ভি॒-রন্ব॑॑বিন্দ॒-দ্যচ্ছন্দো॑ভি-রুপ॒তিষ্ঠ॑তে॒ স্বমে॒ব তদন্বি॑চ্ছতি॒ ন তত্র॑ জা॒ম্য॑স্তীত্যা॑হু॒র্যো-ঽহ॑রহরুপ॒ তিষ্ঠ॑ত॒ ইতি॒ যো বা অ॒গ্নি-ম্প্র॒ত্যঙ্ঙু॑প॒ তিষ্ঠ॑তে॒ প্রত্যে॑নমোষতি॒ যঃ পরাং॒-বিঁষ্ব॑-ম্প্র॒জযা॑ প॒শুভি॑ রেতি॒ কবা॑তির্যঙ্ঙি॒বোপ॑ তিষ্ঠেত॒ নৈন॑-ম্প্র॒ত্যোষ॑তি॒ ন বিষ্ব॑-ম্প্র॒জযা॑ প॒শুভি॑রেতি ॥ 42 ॥
(সি॒ক্তস্য॑-স॒হ-ভ॑বতি॒-যো-যত্-খলু॒ বৈ-প॒শুভি॒-স্ত্রযো॑দশ চ) (অ. 9)
মম॒ নাম॑ প্রথ॒ম-ঞ্জা॑তবেদঃ পি॒তা মা॒তা চ॑ দধতু॒র্যদগ্রে᳚ । তত্ত্ব-ম্বি॑ভৃহি॒ পুন॒রা মদৈতো॒স্তবা॒হ-ন্নাম॑ বিভরাণ্যগ্নে ॥ মম॒ নাম॒ তব॑ চ জাতবেদো॒ বাস॑সী ইব বি॒বসা॑নৌ॒ যে চরা॑বঃ । আযু॑ষে॒ ত্ব-ঞ্জী॒বসে॑ ব॒যং-যঁ॑থায॒থং-বিঁ পরি॑ দধাবহৈ॒ পুন॒স্তে ॥ নমো॒-ঽগ্নযে ঽপ্র॑তিবিদ্ধায॒ নমো-ঽনা॑ধৃষ্টায॒ নম॑-স্স॒ম্রাজে᳚ । অষা॑ঢো [অষা॑ঢঃ, অ॒গ্নির্বৃ॒হদ্ব॑যা] 43
অ॒গ্নির্বৃ॒হদ্ব॑যা বিশ্ব॒জি-থ্সহ॑ন্ত্য॒-শ্শ্রেষ্ঠো॑ গন্ধ॒র্বঃ । ত্বত্পি॑তারো অগ্নে দে॒বা-স্ত্বামা॑হুতয॒-স্ত্বদ্বি॑বাচনাঃ । স-ম্মামাযু॑ষা॒ স-ঙ্গৌ॑প॒ত্যেন॒ সুহি॑তে মা ধাঃ ॥ অ॒যম॒গ্নি-শ্শ্রেষ্ঠ॑তমো॒ ঽয-ম্ভগ॑বত্তমো॒ ঽযগ্ম্ স॑হস্র॒সাত॑মঃ । অ॒স্মা অ॑স্তু সু॒বীর্য᳚ম্ ॥ মনো॒ জ্যোতি॑-র্জুষতা॒মাজ্যং॒ বিঁচ্ছি॑ন্নং-যঁ॒জ্ঞগ্ম্ সমি॒ম-ন্দ॑ধাতু । যা ই॒ষ্টা উ॒ষসো॑ নি॒ম্রুচ॑শ্চ॒ তা-স্স-ন্দ॑ধামি হ॒বিষা॑ ঘৃ॒তেন॑ ॥ পয॑স্বতী॒রোষ॑ধযঃ॒- [পয॑স্বতী॒রোষ॑ধযঃ, পয॑স্ব-] 44
পয॑স্বদ্বী॒রুধা॒-ম্পযঃ॑ । অ॒পা-ম্পয॑সো॒ যত্পয॒স্তেন॒ মামি॑ন্দ্র॒ সগ্ম্ সৃ॑জ ॥ অগ্নে᳚ ব্রতপতে ব্র॒ত-ঞ্চ॑রিষ্যামি॒ তচ্ছ॑কেয॒-ন্তন্মে॑ রাদ্ধ্যতাম্ ॥ অ॒গ্নিগ্ম্ হোতা॑রমি॒হ তগ্ম্ হু॑বে দে॒বান্. য॒জ্ঞিযা॑নি॒হ যান্. হবা॑মহে ॥ আ য॑ন্তু দে॒বা-স্সু॑মন॒স্যমা॑না বি॒যন্তু॑ দে॒বা হ॒বিষো॑ মে অ॒স্য ॥ কস্ত্বা॑ যুনক্তি॒ স ত্বা॑ যুনক্তু॒ যানি॑ ঘ॒র্মে ক॒পালা᳚ন্যুপচি॒ন্বন্তি॑ [ ] 45
বে॒ধসঃ॑ । পূ॒ষ্ণস্তান্যপি॑ ব্র॒ত ই॑ন্দ্রবা॒যূ বি মু॑ঞ্চতাম্ ॥অভি॑ন্নো ঘ॒র্মো জী॒রদা॑নু॒র্যত॒ আত্ত॒স্তদ॑গ॒-ন্পুনঃ॑ । ই॒দ্ধ্মো বেদিঃ॑ পরি॒ধয॑শ্চ॒ সর্বে॑ য॒জ্ঞস্যা-ঽঽযু॒রনু॒ স-ঞ্চ॑রন্তি ॥ ত্রয॑স্ত্রিগ্ম্শ॒-ত্তন্ত॑বো॒ যে বি॑তত্নি॒রে য ই॒মং-যঁ॒জ্ঞগ্গ্ স্ব॒ধযা॒ দদ॑ন্তে॒ তেষা᳚-ঞ্ছি॒ন্ন-ম্প্রত্যে॒ত-দ্দ॑ধামি॒ স্বাহা॑ ঘ॒র্মো দে॒বাগ্ম্ অপ্যে॑তু ॥ 46 ॥
(অষা॑ঢ॒-ওষ॑ধয-উপচি॒ন্বন্তি॒-পঞ্চ॑চত্বারিগ্ম্শচ্চ) (অ. 10)
বৈ॒শ্বা॒ন॒রো ন॑ ঊ॒ত্যা-ঽঽ প্র যা॑তু পরা॒বতঃ॑ । অ॒গ্নিরু॒ক্থেন॒ বাহ॑সা ॥ ঋ॒তাবা॑নং-বৈঁশ্বান॒রমৃ॒তস্য॒ জ্যোতি॑ষ॒স্পতি᳚ম্ । অজ॑স্র-ঙ্ঘ॒র্মমী॑মহে ॥ বৈ॒শ্বা॒ন॒রস্য॑ দ॒গ্ম্॒সনা᳚ভ্যো বৃ॒হদরি॑ণা॒দেক॑-স্স্বপ॒স্য॑যা ক॒বিঃ । উ॒ভা পি॒তরা॑ ম॒হয॑ন্নজাযতা॒গ্নি-র্দ্যাবা॑পৃথি॒বী ভূরি॑রেতসা ॥ পৃ॒ষ্টো দি॒বি পৃ॒ষ্টো অ॒গ্নিঃ পৃ॑থি॒ব্যা-ম্পৃ॒ষ্টো বিশ্বা॒ ওষ॑ধী॒রা বি॑বেশ । বৈ॒শ্বা॒ন॒র-স্সহ॑সা পৃ॒ষ্টো অ॒গ্নি-স্সনো॒ দিবা॒ স- [দিবা॒ সঃ, রি॒ষঃ পা॑তু॒ নক্ত᳚ম্ ।] 47
রি॒ষঃ পা॑তু॒ নক্ত᳚ম্ ॥ জা॒তো যদ॑গ্নে॒ ভুব॑না॒ ব্যখ্যঃ॑ প॒শু-ন্ন গো॒পা ইর্যঃ॒ পরি॑জ্মা । বৈশ্বা॑নর॒ ব্রহ্ম॑ণে বিন্দ গা॒তুং-যূঁ॒য-ম্পা॑ত স্ব॒স্তিভি॒-স্সদা॑ নঃ ॥ ত্বম॑গ্নে শো॒চিষা॒ শোশু॑চান॒ আ রোদ॑সী অপৃণা॒ জায॑মানঃ । ত্ব-ন্দে॒বাগ্ম্ অ॒ভিশ॑স্তেরমুঞ্চো॒ বৈশ্বা॑নর জাতবেদো মহি॒ত্বা ॥ অ॒স্মাক॑মগ্নে ম॒ঘব॑থ্সু ধার॒যানা॑মি ক্ষ॒ত্রম॒জরগ্ম্॑ সু॒বীর্য᳚ম্ । ব॒য-ঞ্জ॑যেম শ॒তিনগ্ম্॑ সহ॒স্রিণং॒-বৈঁশ্বা॑নর॒ [বৈশ্বা॑নর, বাজ॑মগ্নে॒] 48
বাজ॑মগ্নে॒ তবো॒তিভিঃ॑ ॥ বৈ॒শ্বা॒ন॒রস্য॑ সুম॒তৌ স্যা॑ম॒ রাজা॒ হিক॒-ম্ভুব॑নানা-মভি॒শ্রীঃ । ই॒তো জা॒তো বিশ্ব॑মি॒দং-বিঁ চ॑ষ্টে বৈশ্বান॒রো য॑ততে॒ সূর্যে॑ণ ॥ অব॑ তে॒ হেডো॑ বরুণ॒ নমো॑ভি॒রব॑ য॒জ্ঞেভি॑রীমহে হ॒বির্ভিঃ॑ । ক্ষয॑ন্ন॒স্মভ্য॑মসুর প্রচেতো॒ রাজ॒ন্নেনাগ্ম্॑সি শিশ্রথঃ কৃ॒তানি॑ ॥ উদু॑ত্ত॒মং-বঁ॑রুণ॒ পাশ॑ম॒স্মদবা॑-ঽধ॒মং-বিঁম॑দ্ধ্য॒মগ্গ্ শ্র॑থায । অথা॑ ব॒যমা॑দিত্য [ ] 49
ব্র॒তে তবা-ঽনা॑গসো॒ অদি॑তযে স্যাম ॥ দ॒ধি॒ক্রাব্.ণ্ণো॑ অকারিষ-ঞ্জি॒ষ্ণোরশ্ব॑স্য বা॒জিনঃ॑ ॥ সু॒র॒ভিনো॒ মুখা॑ কর॒-ত্প্রণ॒ আযূগ্ম্॑ষি তারিষত্ ॥ আ দ॑ধি॒ক্রা-শ্শব॑স॒ পঞ্চ॑ কৃ॒ষ্টী-স্সূর্য॑ ইব॒ জ্যোতি॑ষা॒-ঽপস্ত॑তান । স॒হ॒স্র॒সা-শ্শ॑ত॒সা বা॒জ্যর্বা॑ পৃ॒ণক্তু॒ মদ্ধ্বা॒ সমি॒মা বচাগ্ম্॑সি । অ॒গ্নি-র্মূ॒র্ধা, ভুবঃ॑ । মরু॑তো॒ যদ্ধ॑বো দি॒ব-স্সু॑ম্না॒যন্তো॒ হবা॑মহে । আ তূ ন॒ [আ তূ নঃ॑, উপ॑ গন্তন ।] 50
উপ॑ গন্তন ॥ যা ব॒-শ্শর্ম॑ শশমা॒নায॒ সন্তি॑ ত্রি॒ধাতূ॑নি দা॒শুষে॑ যচ্ছ॒তাধি॑ । অ॒স্মভ্য॒-ন্তানি॑ মরুতো॒ বি য॑ন্ত র॒যি-ন্নো॑ ধত্ত বৃষণ-স্সু॒বীর᳚ম্ ॥ অদি॑তি-র্ন উরুষ্য॒ত্বদি॑তি॒-শ্শর্ম॑ যচ্ছতু । অদি॑তিঃ পা॒ত্বগ্ম্হ॑সঃ ॥ ম॒হীমূ॒ষু মা॒তরগ্ম্॑ সুব্র॒তানা॑মৃ॒তস্য॒ পত্নী॒মব॑সে হুবেম । তু॒বি॒ক্ষ॒ত্রা-ম॒জর॑ন্তী-মুরূ॒চীগ্ম্ সু॒শর্মা॑ণ॒মদি॑তিগ্ম্ সু॒প্রণী॑তিম্ ॥ সু॒ত্রামা॑ণ-ম্পৃথি॒বী-ন্দ্যাম॑নে॒হসগ্ম্॑ সু॒শর্মা॑ণ॒ মদি॑তিগ্ম্ সু॒প্রণী॑তিম্ । দৈবী॒-ন্নাবগ্গ্॑ স্বরি॒ত্রা-মনা॑গস॒-মস্র॑বন্তী॒মা রু॑হেমা স্ব॒স্তযে᳚ ॥ ই॒মাগ্ম্ সু নাব॒মা-ঽরু॑হগ্ম্ শ॒তারি॑ত্রাগ্ম্ শ॒তস্ফ্যা᳚ম্ । অচ্ছি॑দ্রা-ম্পারযি॒ষ্ণুম্ ॥ 51 ॥
(দিবা॒ স-স॑হ॒স্রিণং॒-বৈঁশ্বা॑নরা-দিত্য॒- তূ নো ॑- ঽনে॒হসগ্ম্॑ সু॒শর্মা॑ণ॒-মেকা॒ন্নবিগ্ম্॑শ॒তিশ্চ॑ ) (অ. 11)
(দে॒বা॒সু॒রাঃ-পরা॒-ভূমি॒-র্ভূমি॑-রুপপ্র॒যন্তঃ॒-স-ম্প॑শ্যা॒-ম্যয॑জ্ঞঃ॒- স-ম্প॑শ্যা – ম্যগ্নিহো॒ত্রং – মম॒ নাম॑-বৈশ্বান॒র-একা॑দশ । )
(দে॒বা॒সু॒রাঃ-ক্রু॒দ্ধঃ-স-ম্প॑শ্যামি॒-স-ম্প॑শ্যামি॒-নক্ত॒-মুপ॑গন্ত॒-নৈক॑পঞ্চা॒শত্ । )
(দে॒বা॒সু॒রাঃ, পা॑রযি॒ষ্ণুম্)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে পঞ্চমঃ প্রশ্ন-স্সমাপ্তঃ ॥