কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে সপ্তমঃ প্রশ্নঃ – যাজমান ব্রাহ্মণং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
পা॒ক॒য॒জ্ঞং-বাঁ অন্বাহি॑তাগ্নেঃ প॒শব॒ উপ॑ তিষ্ঠন্ত॒ ইডা॒ খলু॒ বৈ পা॑কয॒জ্ঞ-স্সৈষা-ঽন্ত॒রা প্র॑যাজানূযা॒জান্. যজ॑মানস্য লো॒কে-ঽব॑হিতা॒ তামা᳚হ্রি॒যমা॑ণাম॒ভি ম॑ন্ত্রযেত॒ সুরূ॑পবর্ষবর্ণ॒ এহীতি॑ প॒শবো॒ বা ইডা॑ প॒শূনে॒বোপ॑ হ্বযতে য॒জ্ঞং-বৈঁ দে॒বা অদু॑হ্রন্. য॒জ্ঞো-ঽসু॑রাগ্ম্ অদুহ॒-ত্তে-ঽসু॑রা ॒জ্ঞদু॑গ্ধাঃ॒ পরা॑-ঽভব॒ন্॒. যো বৈ য॒জ্ঞস্য॒ দোহং॑-বিঁ॒দ্বান্ [ ] 1
যজ॒তে-ঽপ্য॒ন্যং-যঁজ॑মান-ন্দুহে॒ সা মে॑ স॒ত্যা-ঽঽশীর॒স্য য॒জ্ঞস্য॑ ভূযা॒দিত্যা॑হৈ॒ষ বৈ য॒জ্ঞস্য॒ দোহ॒স্তেনৈ॒বৈন॑-ন্দুহে॒ প্রত্তা॒ বৈ গৌর্দু॑হে॒ প্রত্তেডা॒ যজ॑মানায দুহ এ॒তে বা ইডা॑যৈ॒ স্তনা॒ ইডোপ॑হূ॒তেতি॑ বা॒যুর্ব॒থ্সো যর্হি॒ হোতেডা॑মুপ॒হ্বযে॑ত॒ তর্হি॒ যজ॑মানো॒ হোতা॑র॒মীক্ষ॑মাণো বা॒যু-ম্মন॑সা ধ্যাযে- [ধ্যাযেত্, মা॒ত্রে] 2
-ন্মা॒ত্রে ব॒থ্স-মু॒পাব॑সৃজতি॒ সর্বে॑ণ॒ বৈ য॒জ্ঞেন॑ দে॒বা-স্সু॑ব॒র্গং-লোঁ॒কমা॑য-ন্পাকয॒জ্ঞেন॒ মনু॑রশ্রাম্য॒থ্সেডা॒ মনু॑মু॒পাব॑র্তত॒ তা-ন্দে॑বাসু॒রা ব্য॑হ্বযন্ত প্র॒তীচী᳚-ন্দে॒বাঃ পরা॑চী॒মসু॑রা॒-স্সা দে॒বানু॒পাব॑র্তত প॒শবো॒ বৈ ত-দ্দে॒বান॑বৃণত প॒শবো-ঽসু॑রানজহু॒র্য-ঙ্কা॒মযে॑তাপ॒শু-স্স্যা॒দিতি॒ পরা॑চী॒-ন্তস্যেডা॒মুপ॑ হ্বযেতাপ॒শুরে॒ব ভ॑বতি॒ যং- [ভ॑বতি॒ যম্, কা॒মযে॑ত] 3
-কা॒মযে॑ত পশু॒মান্-থ্স্যা॒দিতি॑ প্র॒তীচী॒-ন্তস্যেডা॒-মুপ॑ হ্বযেত পশু॒মানে॒ব ভ॑বতি ব্রহ্মবা॒দিনো॑ বদন্তি॒ স ত্বা ইডা॒মুপ॑ হ্বযেত॒ য ইডা॑- মুপ॒হূযা॒ত্মান॒-মিডা॑যা-মুপ॒হ্বযে॒তেতি॒ সা নঃ॑ প্রি॒যা সু॒প্রতূ᳚র্তি-র্ম॒ঘোনীত্যা॒হেডা॑-মে॒বোপ॒হূযা॒-ঽঽত্মান॒ -মিডা॑যা॒মুপ॑ হ্বযতে॒ ব্য॑স্তমিব॒ বা এ॒ত-দ্য॒জ্ঞস্য॒ যদিডা॑ সা॒মি প্রা॒শ্ঞন্তি॑ [ ] 4
সা॒মি মা᳚র্জযন্ত এ॒ত-ত্প্রতি॒ বা অসু॑রাণাং-যঁ॒জ্ঞো ব্য॑চ্ছিদ্যত॒ ব্রহ্ম॑ণা দে॒বা-স্সম॑দধু॒-র্বৃহ॒স্পতি॑ -স্তনুতামি॒ম-ন্ন॒ ইত্যা॑হ॒ ব্রহ্ম॒ বৈ দে॒বানা॒-ম্বৃহ॒স্পতি॒-র্ব্রহ্ম॑ণৈ॒ব য॒জ্ঞগ্ম্ স-ন্দ॑ধাতি॒ বিচ্ছি॑ন্নং-যঁ॒জ্ঞগ্ম্ সমি॒ম-ন্দ॑ধা॒ত্বিত্যা॑হ॒ সন্ত॑ত্যৈ॒ বিশ্বে॑ দে॒বা ই॒হ মা॑দযন্তা॒মিত্যা॑হ স॒ন্তত্যৈ॒ব য॒জ্ঞ-ন্দে॒বেভ্যো-ঽনু॑ দিশতি॒ যাং-বৈঁ [ ] 5
য॒জ্ঞে দক্ষি॑ণা॒-ন্দদা॑তি॒ তাম॑স্য প॒শবো-ঽনু॒ স-ঙ্ক্রা॑মন্তি॒ স এ॒ষ ঈ॑জা॒নো॑-ঽপ॒শু-র্ভাবু॑কো॒ যজ॑মানেন॒ খলু॒ বৈ তত্কা॒র্য॑-মিত্যা॑হু॒-র্যথা॑ দেব॒ত্রা দ॒ত্ত-ঙ্কু॑র্বী॒তাত্ম-ন্প॒শূ-ন্র॒মযে॒তেতি॒ ব্রদ্ধ্ন॒ পিন্ব॒স্বেত্যা॑হ য॒জ্ঞো বৈ ব্র॒দ্ধ্নো য॒জ্ঞমে॒ব তন্ম॑হয॒ত্যথো॑ দেব॒ত্রৈব দ॒ত্ত-ঙ্কু॑রুত আ॒ত্ম-ন্প॒শূ-ন্র॑মযতে॒ দদ॑তো মে॒ মা ক্ষা॒যীত্যা॒হাক্ষি॑তি-মে॒বোপৈ॑তি কুর্ব॒তো মে॒ মোপ॑ দস॒দিত্যা॑হ ভূ॒মান॑মে॒বোপৈ॑তি ॥ 6 ॥
(বি॒দ্বান্-ধ্যা॑যে-দ্ভবতি॒ যং-প্রা॒শ্ঞন্তি॒-যাং-বৈঁ-ম॒-একা॒ন্নবিগ্ম্॑শ॒তিশ্চ॑ ) (অ. 1)
সগ্গ্শ্র॑বা হ সৌবর্চন॒সঃ তুমি॑ঞ্জ॒মৌপো॑দিতি-মুবাচ॒ যথ্স॒ত্রিণা॒গ্ম্॒ হোতা-ঽভূঃ॒ কামিডা॒মুপা᳚হ্বথা॒ ইতি॒ তামুপা᳚হ্ব॒ ইতি॑ হোবাচ॒ যা প্রা॒ণেন॑ দে॒বা-ন্দা॒ধার॑ ব্যা॒নেন॑ মনু॒ষ্যা॑নপা॒নেন॑ পি॒তৃনিতি॑ ছি॒নত্তি॒ সা ন ছি॑ন॒ত্তী(3) ইতি॑ ছি॒নত্তীতি॑ হোবাচ॒ শরী॑রং॒-বাঁ অ॑স্যৈ॒ তদুপা᳚হ্বথা॒ ইতি॑ হোবাচ॒ গৌর্বা [গৌর্বৈ, অ॒স্যৈ॒ শরী॑রং॒] 7
অ॑স্যৈ॒ শরী॑র॒-ঙ্গাং-বাঁব তৌ ত-ত্পর্য॑বদতাং॒-যাঁ য॒জ্ঞে দী॒যতে॒ সা প্রা॒ণেন॑ দে॒বা-ন্দা॑ধার॒ যযা॑ মনু॒ষ্যা॑ জীব॑ন্তি॒ সা ব্যা॒নেন॑ মনু॒ষ্যান্॑ যা-ম্পি॒তৃভ্যো॒ ঘ্নন্তি॒ সা-ঽপা॒নেন॑ পি॒তৄন্. য এ॒বং বেঁদ॑ পশু॒মা-ন্ভ॑ব॒ত্যথ॒ বৈ তামুপা᳚হ্ব॒ ইতি॑ হোবাচ॒ যা প্র॒জাঃ প্র॒ভব॑ন্তীঃ॒ প্রত্যা॒ভব॒তীত্যন্নং॒ বাঁ অ॑স্যৈ॒ ত- [অ॑স্যৈ॒ তত্, উপা᳚হ্বথা॒ ইতি॑] 8
-দুপা᳚হ্বথা॒ ইতি॑ হোবা॒চৌষ॑ধযো॒ বা অ॑স্যা॒ অন্ন॒মোষ॑ধযো॒ বৈ প্র॒জাঃ প্র॒ভব॑ন্তীঃ॒ প্রত্যা ভ॑বন্তি॒ য এ॒বং-বেঁদা᳚ন্না॒দো ভ॑ব॒ত্যথ॒ বৈ তামুপা᳚হ্ব॒ ইতি॑ হোবাচ॒ যা প্র॒জাঃ প॑রা॒ভব॑ন্তী-রনুগৃ॒হ্ণাতি॒ প্রত্যা॒ভব॑ন্তী-র্গৃ॒হ্ণাতীতি॑ প্রতি॒ষ্ঠাং-বাঁ অ॑স্যৈ॒ তদুপা᳚হ্বথা॒ ইতি॑ হোবাচে॒যং-বাঁ অ॑স্যৈ প্রতি॒ষ্ঠে [প্রতি॒ষ্ঠা, ই॒যং-বৈঁ] 9
যং-বৈঁ প্র॒জাঃ প॑রা॒ভব॑ন্তী॒রনু॑ গৃহ্ণাতি॒ প্রত্যা॒ভব॑ন্তী-র্গৃহ্ণাতি॒ য এ॒বং-বেঁদ॒ প্রত্যে॒ব তি॑ষ্ঠ॒ত্যথ॒ বৈ তামুপা᳚হ্ব॒ ইতি॑ হোবাচ॒ যস্যৈ॑ নি॒ক্রম॑ণে ঘৃ॒ত-ম্প্র॒জা-স্স॒ঞ্জীব॑ন্তীঃ॒ পিব॒ন্তীতি॑ ছি॒নত্তি॒ সা ন ছি॑ন॒ত্তী (3) ইতি॒ ন ছি॑ন॒ত্তীতি॑ হোবাচ॒ প্র তু জ॑নয॒তীত্যে॒ষ বা ইডা॒মুপা᳚হ্বথা॒ ইতি॑ হোবাচ॒ বৃষ্টি॒র্॒বা ইডা॒ বৃষ্ট্যৈ॒ বৈ নি॒ক্রম॑ণে ঘৃ॒ত-ম্প্র॒জা-স্স॒ঞ্জীব॑ন্তীঃ পিবন্তি॒ য এ॒বং-বেঁদ॒ প্রৈব জা॑যতে-ঽন্না॒দো ভ॑বতি ॥ 10 ॥
(গৌর্বা-অ॑স্যৈ॒ তত্-প্র॑তি॒ষ্ঠা-ঽহ্ব॑থা॒ ইতি॑-বিগ্ম্শ॒তিশ্চ॑) (অ. 2)
প॒রোক্ষং॒-বাঁ অ॒ন্যে দে॒বা ই॒জ্যন্তে᳚ প্র॒ত্যক্ষ॑ম॒ন্যে য-দ্যজ॑তে॒ য এ॒ব দে॒বাঃ প॒রোক্ষ॑মি॒জ্যন্তে॒ তানে॒ব ত-দ্য॑জতি॒ যদ॑ন্বাহা॒র্য॑-মা॒হর॑ত্যে॒তে বৈ দে॒বাঃ প্র॒ত্যক্ষং॒-যঁ-দ্ব্রা᳚হ্ম॒ণাস্তানে॒ব তেন॑ প্রীণা॒ত্যথো॒ দক্ষি॑ণৈ॒বাস্যৈ॒ষা-ঽথো॑ য॒জ্ঞস্যৈ॒ব ছি॒দ্রমপি॑ দধাতি॒ যদ্বৈ য॒জ্ঞস্য॑ ক্রূ॒রং-যঁদ্বিলি॑ষ্ট॒-ন্তদ॑ন্বাহা॒র্যে॑ণা॒- [তদ॑ন্বাহা॒র্যে॑ণ, অ॒ন্বাহ॑রতি॒] 11
-ঽন্বাহ॑রতি॒ তদ॑ন্বাহা॒র্য॑স্যা-ন্বাহার্য॒ত্ব-ন্দে॑বদূ॒তা বা এ॒তে যদ্-ঋ॒ত্বিজো॒ যদ॑ন্বাহা॒র্য॑-মা॒হর॑তি দেবদূ॒তানে॒ব প্রী॑ণাতি প্র॒জাপ॑তি-র্দে॒বেভ্যো॑ য॒জ্ঞান্ ব্যাদি॑শ॒-থ্স রি॑রিচা॒নো॑-ঽমন্যত॒ স এ॒তম॑ন্বাহা॒র্য॑-মভ॑ক্ত-মপশ্য॒-ত্তমা॒ত্মন্ন॑ধত্ত॒স বা এ॒ষ প্রা॑জাপ॒ত্যো যদ॑ন্বাহা॒র্যো॑ যস্যৈ॒বং-বিঁ॒দুষো᳚-ঽন্বাহা॒র্য॑ আহ্রি॒যতে॑ সা॒ক্ষাদে॒ব প্র॒জাপ॑তি-মৃদ্ধ্নো॒ত্যপ॑রিমিতোনি॒রুপ্যো-ঽপ॑রিমিতঃ প্র॒জাপ॑তিঃ প্র॒জাপ॑তে॒- [প্র॒জাপ॑তেঃ, আপ্ত্যৈ॑] 12
-রাপ্ত্যৈ॑ দে॒বা বৈ য-দ্য॒জ্ঞে-ঽকু॑র্বত॒ তদসু॑রা অকুর্বত॒ তে দে॒বা এ॒ত-ম্প্রা॑জাপ॒ত্য-ম॑ন্বাহা॒র্য॑-মপশ্য॒-ন্তম॒ন্বাহ॑রন্ত॒ ততো॑ দে॒বা অভ॑ব॒-ন্পরাসু॑রা॒ যস্যৈ॒বং-বিঁ॒দুষো᳚-ঽন্বাহা॒র্য॑ আহ্রি॒যতে॒ ভব॑ত্যা॒ত্মনা॒ পরা᳚স্য॒ ভ্রাতৃ॑ব্যো ভবতি য॒জ্ঞেন॒ বা ই॒ষ্টী প॒ক্বেন॑ পূ॒র্তী যস্যৈ॒বং-বিঁ॒দুষো᳚-ঽন্বাহা॒র্য॑ আহ্রি॒যতে॒ স ত্বে॑বেষ্টা॑পূ॒র্তী প্র॒জাপ॑তের্ভা॒গো॑-ঽসী- [প্র॒জাপ॑তের্ভা॒গো॑-ঽসী, ইত্যা॑হ] 13
-ত্যা॑হ প্র॒জাপ॑তিমে॒ব ভা॑গ॒ধেযে॑ন॒ সম॑র্ধয॒ত্যূর্জ॑স্বা॒-ন্পয॑স্বা॒নিত্যা॒হোর্জ॑-মে॒বাস্মি॒-ন্পযো॑ দধাতি প্রাণাপা॒নৌ মে॑ পাহি সমানব্যা॒নৌ মে॑ পা॒হীত্যা॑হা॒-ঽঽশিষ॑মে॒বৈতামা শা॒স্তে ঽক্ষি॑তো॒ ঽস্যক্ষি॑ত্যৈ ত্বা॒ মা মে᳚ ক্ষেষ্ঠা অ॒মুত্রা॒মুষ্মি॑-ল্লোঁ॒ক ইত্যা॑হ॒ ক্ষীয॑তে॒ বা অ॒মুষ্মি॑-ল্লোঁ॒কে-ঽন্ন॑-মি॒তঃপ্র॑দান॒গ্গ্॒ হ্য॑মুষ্মি-ল্লোঁ॒কে প্র॒জা উ॑প॒জীব॑ন্তি॒ যদে॒ব-ম॑ভিমৃ॒শত্যক্ষি॑তি-মে॒বৈন॑-দ্গমযতি॒ নাস্যা॒মুষ্মি॑-ল্লোঁ॒কে-ঽন্ন॑-ঙ্ক্ষীযতে ॥ 14 ॥
(অ॒ন্বা॒হা॒র্যে॑ণ-প্র॒জাপ॑তে-রসি॒-হ্য॑মুষ্মি॑-ল্লোঁ॒কে-পঞ্চ॑দশ চ ) (অ. 3)
ব॒র্॒হিষো॒-ঽহ-ন্দে॑বয॒জ্যযা᳚ প্র॒জাবা᳚-ন্ভূযাস॒মিত্যা॑হ ব॒র্॒হিষা॒ বৈ প্র॒জাপ॑তিঃ প্র॒জা অ॑সৃজত॒ তেনৈ॒ব প্র॒জা-স্সৃ॑জতে॒ নরা॒শগ্ম্স॑স্যা॒হ-ন্দে॑বয॒জ্যযা॑ পশু॒মা-ন্ভূ॑যাস॒মিত্যা॑হ॒ নরা॒শগ্ম্সে॑ন॒ বৈ প্র॒জাপ॑তিঃ প॒শূন॑সৃজত॒ তেনৈ॒ব প॒শূন্-থ্সৃ॑জতে॒-ঽগ্নে-স্স্বি॑ষ্ট॒কৃতো॒-ঽহ-ন্দে॑বয॒জ্যযা-ঽঽযু॑ষ্মান্. য॒জ্ঞেন॑ প্রতি॒ষ্ঠা-ঙ্গ॑মেয॒মিত্যা॒হা-ঽঽযু॑রে॒বাত্ম-ন্ধ॑ত্তে॒ প্রতি॑ য॒জ্ঞেন॑ তিষ্ঠতি দর্শপূর্ণমা॒সযো॒- [দর্শপূর্ণমা॒সযোঃ᳚, বৈ দে॒বা] 15
-র্বৈ দে॒বা উজ্জি॑তি॒-মনূদ॑জয-ন্দর্শপূর্ণমা॒সাভ্যা॒- মসু॑রা॒নপা॑-নুদন্তা॒গ্নে-র॒হমুজ্জি॑তি॒-মনূজ্জে॑ষ॒-মিত্যা॑হ দর্শপূর্ণমা॒সযো॑রে॒ব দে॒বতা॑নাং॒-যঁজ॑মান॒ উজ্জি॑তি॒মনূজ্জ॑যতি দর্শপূর্ণমা॒সাভ্যা॒-ম্ভ্রাতৃ॑ব্যা॒নপ॑ নুদতে॒ বাজ॑বতীভ্যাং॒-ব্যূঁ॑হ॒ত্যন্নং॒-বৈঁ বাজো-ঽন্ন॑মে॒বাব॑ রুন্ধে॒ দ্বাভ্যা॒-ম্প্রতি॑ষ্ঠিত্যৈ॒ যো বৈ য॒জ্ঞস্য॒ দ্বৌ দোহৌ॑ বি॒দ্বান্ যজ॑ত উভ॒যত॑ [উভ॒যতঃ॑, এ॒ব য॒জ্ঞং] 16
এ॒ব য॒জ্ঞ-ন্দু॑হে পু॒রস্তা᳚চ্চো॒পরি॑ষ্টাচ্চৈ॒ষ বা অ॒ন্যো য॒জ্ঞস্য॒ দোহ॒ ইডা॑যাম॒ন্যো যর্হি॒ হোতা॒ যজ॑মানস্য॒ নাম॑ গৃহ্ণী॒যা-ত্তর্হি॑ ব্রূযা॒দেমা অ॑গ্মন্না॒শিষো॒ দোহ॑কামা॒ ইতি॒ সগ্গ্স্তু॑তা এ॒ব দে॒বতা॑ দু॒হে-ঽথো॑ উভ॒যত॑ এ॒ব য॒জ্ঞ-ন্দু॑হে পু॒রস্তা᳚চ্চো॒পরি॑ষ্টাচ্চ॒ রোহি॑তেন ত্বা॒-ঽগ্নির্দে॒বতা᳚-ঙ্গময॒ত্বিত্যা॑হৈ॒তে বৈ দে॑বা॒শ্বা [বৈ দে॑বা॒শ্বাঃ, যজ॑মানঃ প্রস্ত॒রো] 17
যজ॑মানঃ প্রস্ত॒রো যদে॒তৈঃ প্র॑স্ত॒র-ম্প্র॒হর॑তি দেবা॒শ্বৈরে॒ব যজ॑মানগ্ম্ সুব॒র্গং-লোঁ॒ক-ঙ্গ॑মযতি॒ বি তে॑ মুঞ্চামি রশ॒না বি র॒শ্মীনিত্যা॑হৈ॒ষ বা অ॒গ্নের্বি॑মো॒কস্তে-নৈ॒বৈনং॒-বিঁমু॑ঞ্চতি ॒বিষ্ণো᳚-শ্শং॒যোঁর॒হ-ন্দে॑বয॒জ্যযা॑ য॒জ্ঞেন॑ প্রতি॒ষ্ঠা-ঙ্গ॑মেয॒মিত্যা॑হ য॒জ্ঞো বৈ বিষ্ণু॑-র্য॒জ্ঞ এ॒বান্ত॒তঃ প্রতি॑ তিষ্ঠতি॒ সোম॑স্যা॒হ-ন্দে॑বয॒জ্যযা॑ সু॒রেতা॒ [সু॒রেতাঃ᳚, রেতো॑] 18
রেতো॑ ধিষী॒যেত্যা॑হ॒ সোমো॒ বৈ রে॑তো॒ধাস্তেনৈ॒ব রেত॑ আ॒ত্ম-ন্ধ॑ত্তে॒ ত্বষ্টু॑র॒হ-ন্দে॑বয॒জ্যযা॑ পশূ॒নাগ্ম্ রূ॒প-ম্পু॑ষেয॒মিত্যা॑হ॒ ত্বষ্টা॒ বৈ প॑শূ॒না-ম্মি॑থু॒নানাগ্ম্॑ রূপ॒কৃত্তেনৈ॒ব প॑শূ॒নাগ্ম্ রূ॒পমা॒ত্ম-ন্ধ॑ত্তে দে॒বানা॒-ম্পত্নী॑র॒গ্নি-র্গৃ॒হপ॑তি-র্য॒জ্ঞস্য॑ মিথু॒ন-ন্তযো॑র॒হ-ন্দে॑বয॒জ্যযা॑ মিথু॒নেন॒ প্রভূ॑যাস॒-মিত্যা॑হৈ॒তস্মা॒-দ্বৈ মি॑থু॒না-ত্প্র॒জাপ॑তি-র্মিথু॒নেন॒ [র্মিথু॒নেন॑, প্রা-ঽজা॑যত॒] 19
প্রা-ঽজা॑যত॒ তস্মা॑দে॒ব যজ॑মানো মিথু॒নেন॒ প্রজা॑যতে বে॒দো॑-ঽসি॒ বিত্তি॑রসি বি॒দেযেত্যা॑হ বে॒দেন॒ বৈ দে॒বা অসু॑রাণাং-বিঁ॒ত্তং-বেঁদ্য॑মবিন্দন্ত॒ ত-দ্বে॒দস্য॑ বেদ॒ত্বং-যঁদ্য॒-দ্ভ্রাতৃ॑ব্যস্যাভি॒দ্ধ্যাযে॒-ত্তস্য॒ নাম॑ গৃহ্ণীযা॒-ত্তদে॒বাস্য॒ সর্বং॑-বৃঁঙ্ক্তে ঘৃ॒তব॑ন্ত-ঙ্কুলা॒যিনগ্ম্॑ রা॒যস্পোষগ্ম্॑ সহ॒স্রিণং॑-বেঁ॒দো দ॑দাতু বা॒জিন॒মিত্যা॑হ॒ প্রস॒হস্র॑-ম্প॒শূনা᳚প্নো॒ত্যা স্য॑ প্র॒জাযাং᳚-বাঁ॒জী জা॑যতে॒ য এ॒বং-বেঁদ॑ ॥ 20 ॥
(দ॒র্॒শ॒পূ॒র্ণ॒মাসযো॑-রুভ॒যতো॑-দেবা॒শ্বাঃ-সু॒রেতাঃ᳚-প্র॒জাপ॑তি-র্মিথু॒নেনা᳚-প্নোত্য॒-ষ্টৌ চ॑) (অ. 4)
ধ্রু॒বাং-বৈঁ রিচ্য॑মানাং-যঁ॒জ্ঞো-ঽনু॑ রিচ্যতে য॒জ্ঞং-যঁজ॑মানো॒ যজ॑মান-ম্প্র॒জা ধ্রু॒বামা॒প্যায॑মানাং-যঁ॒জ্ঞো-ঽন্বা প্যা॑যতে য॒জ্ঞং-যঁজ॑মানো॒ যজ॑মান-ম্প্র॒জা আ প্যা॑যতা-ন্ধ্রু॒বা ঘৃ॒তেনেত্যা॑হ ধ্রু॒বামে॒বা ঽঽ প্যা॑যযতি॒ তামা॒প্যায॑মানাং-যঁ॒জ্ঞো-ঽন্বা প্যা॑যতে য॒জ্ঞং-যঁজ॑মানো॒ যজ॑মান-ম্প্র॒জাঃ প্র॒জাপ॑তে-র্বি॒ভান্নাম॑ লো॒কস্তস্মিগ্গ্॑স্ত্বা দধামি স॒হ যজ॑মানে॒নে- [যজ॑মানে॒নেতি, আ॒হা॒-ঽযং-বৈঁ] 21
-ত্যা॑হা॒-ঽযং-বৈঁ প্র॒জাপ॑তে-র্বি॒ভান্নাম॑ লো॒কস্তস্মি॑-ন্নে॒বৈন॑-ন্দধাতি স॒হ যজ॑মানেন॒ রিচ্য॑ত ইব॒ বা এ॒ত-দ্য-দ্যজ॑তে॒ য-দ্য॑জমানভা॒গ-ম্প্রা॒শ্ঞাত্যা॒ত্মান॑মে॒ব প্রী॑ণাত্যে॒তাবা॒ন্॒. বৈ য॒জ্ঞো যাবান্॑. যজমানভা॒গো য॒জ্ঞো যজ॑মানো॒ য-দ্য॑জমানভা॒গ-ম্প্রা॒শ্ঞাতি॑ য॒জ্ঞ এ॒ব য॒জ্ঞ-ম্প্রতি॑ ষ্ঠাপযত্যে॒তদ্বৈ সূ॒যব॑স॒গ্ম্॒ সোদ॑কং॒-যঁদ্ব॒র্॒হিশ্চা-ঽঽপ॑শ্চৈ॒ত- [-ঽঽপ॑শ্চৈ॒তত্, যজ॑মানস্যা॒-] 22
-দ্যজ॑মানস্যা॒-ঽঽযত॑নং॒-যঁদ্বেদি॒র্য-ত্পূ᳚র্ণপা॒ত্র-ম॑ন্তর্বে॒দি নি॒নয॑তি॒ স্ব এ॒বা-ঽঽয॑তনে সূ॒যব॑স॒গ্ম্॒ সোদ॑ক-ঙ্কুরুতে॒ সদ॑সি॒ সন্মে॑ ভূযা॒ ইত্যা॒হা-ঽঽপো॒ বৈ য॒জ্ঞ আপো॒-ঽমৃতং॑-যঁ॒জ্ঞমে॒বামৃত॑-মা॒ত্ম-ন্ধ॑ত্তে॒ সর্বা॑ণি॒ বৈ ভূ॒তানি॑ ব্র॒ত-মু॑প॒যন্ত॒ -মনূপ॑ যন্তি॒ প্রাচ্যা᳚-ন্দি॒শি দে॒বা ঋ॒ত্বিজো॑ মার্জযন্তা॒-মিত্যা॑হৈ॒ষ বৈ দ॑র্শপূর্ণমা॒সযো॑-রবভৃ॒থো [-রবভৃ॒থঃ, যান্যে॒বৈন॑-ম্ভূ॒তানি॑] 23
যান্যে॒বৈন॑-ম্ভূ॒তানি॑ ব্র॒তমু॑প॒যন্ত॑-মনূপ॒যন্তি॒ তৈরে॒ব স॒হাব॑ভৃ॒থমবৈ॑তি॒ বিষ্ণু॑মুখা॒ বৈ দে॒বা শ্ছন্দো॑ভিরি॒মা-ল্লোঁ॒কা-ন॑নপজ॒য্যম॒ভ্য॑জয॒ন্॒. য-দ্বি॑ষ্ণুক্র॒মান্ ক্রম॑তে॒ বিষ্ণু॑রে॒ব ভূ॒ত্বা যজ॑মান॒শ্ছন্দো॑ভিরি॒মা-ল্লোঁ॒কা-ন॑নপজ॒য্যম॒ভি জ॑যতি॒ বিষ্ণোঃ॒ ক্রমো᳚-ঽস্যভিমাতি॒হেত্যা॑হ গায॒ত্রী বৈ পৃ॑থি॒বী ত্রৈষ্টু॑ভম॒ন্তরি॑ক্ষ॒-ঞ্জাগ॑তী॒ দ্যৌরানু॑ষ্টুভী॒-র্দিশ॒ শ্ছন্দো॑ভিরে॒বেমা-ল্লোঁ॒কান্. য॑থাপূ॒র্বম॒ভি জ॑যতি ॥ 24 ॥
(যজ॑মানে॒নেতি॑-চৈ॒ তদ॑-বভৃ॒থো-দিশঃ॑-স॒প্ত চ॑) (অ. 5)
অগ॑ন্ম॒ সুব॒-স্সুব॑রগ॒ন্মেত্যা॑হ সুব॒র্গমে॒ব লো॒কমে॑তি স॒ন্দৃশ॑স্তে॒ মা ছি॑থ্সি॒ যত্তে॒ তপ॒স্তস্মৈ॑ তে॒ মা ঽঽ বৃ॒ক্ষীত্যা॑হ যথায॒জু-রে॒বৈত-থ্সু॒ভূর॑সি॒ শ্রেষ্ঠো॑ রশ্মী॒নামা॑যু॒র্ধা অ॒স্যাযু॑র্মে ধে॒হীত্যা॑হা॒-ঽঽশিষ॑মে॒বৈতামা শা᳚স্তে॒ প্র বা এ॒ষো᳚-ঽস্মা-ল্লোঁ॒কাচ্চ্য॑বতে॒ যো [যঃ, বি॒ষ্ণু॒ক্র॒মান্ ক্রম॑তে] 25
বি॑ষ্ণুক্র॒মান্ ক্রম॑তে সুব॒র্গায॒ হি লো॒কায॑ বিষ্ণুক্র॒মাঃ ক্র॒ম্যন্তে᳚ ব্রহ্মবা॒দিনো॑ বদন্তি॒ স ত্বৈ বি॑ষ্ণুক্র॒মান্ ক্র॑মেত॒ য ই॒মা-ল্লোঁ॒কা-ন্ভ্রাতৃ॑ব্যস্য সং॒বিঁদ্য॒ পুন॑রি॒মং-লোঁ॒ক-ম্প্র॑ত্যব॒রোহে॒দিত্যে॒ষ বা অ॒স্য লো॒কস্য॑ প্রত্যবরো॒হো যদাহে॒দম॒হম॒মু-ম্ভ্রাতৃ॑ব্যমা॒ভ্যো দি॒গ্ভ্যো᳚-ঽস্যৈ দি॒ব ইতী॒মানে॒ব লো॒কা-ন্ভ্রাতৃ॑ব্যস্য সং॒বিঁদ্য॒ পুন॑রি॒মং-লোঁ॒ক-ম্প্র॒ত্যব॑রোহতি॒ সং- [সম্, জ্যোতি॑ষা-ঽভূব॒মিত্যা॑হা॒স্মিন্নে॒ব] 26
-জ্যোতি॑ষা-ঽভূব॒মিত্যা॑হা॒স্মিন্নে॒ব লো॒কে প্রতি॑ তিষ্ঠত্যৈ॒ন্দ্রী-মা॒বৃত॑-ম॒ন্বাব॑র্ত॒ ইত্যা॑হা॒সৌ বা আ॑দি॒ত্য ইন্দ্র॒স্তস্যৈ॒বা-ঽঽবৃত॒মনু॑ প॒র্যাব॑র্ততে দক্ষি॒ণা প॒র্যাব॑র্ততে॒ স্বমে॒ব বী॒র্য॑মনু॑ প॒র্যাব॑র্ততে॒ তস্মা॒-দ্দক্ষি॒ণো-ঽর্ধ॑ আ॒ত্মনো॑ বী॒র্যা॑বত্ত॒রো-ঽথো॑ আদি॒ত্যস্যৈ॒বা-ঽঽবৃত॒মনু॑ প॒র্যাব॑র্ততে॒ সম॒হ-ম্প্র॒জযা॒ স-ম্মযা᳚ প্র॒জেত্যা॑হা॒-ঽঽশিষ॑- [প্র॒জেত্যা॑হা॒-ঽঽশিষ᳚ম্, এ॒বৈতামা] 27
-মে॒বৈতামা শা᳚স্তে॒ সমি॑দ্ধো অগ্নে মে দীদিহি সমে॒দ্ধা তে॑ অগ্নে দীদ্যাস॒মিত্যা॑হ যথায॒জু-রে॒বৈতদ্বসু॑মান্. য॒জ্ঞো বসী॑যা-ন্ভূযাস॒-মিত্যা॑হা॒-ঽঽশিষ॑মে॒বেতামা শা᳚স্তে ব॒হু বৈ গার্হ॑পত্য॒স্যান্তে॑ মি॒শ্রমি॑ব চর্যত আগ্নিপাবমা॒নীভ্যা॒-ঙ্গার্হ॑পত্য॒মুপ॑ তিষ্ঠতে পু॒নাত্যে॒বাগ্নি-ম্পু॑নী॒ত আ॒ত্মান॒-ন্দ্বাভ্যা॒-ম্প্রতি॑ষ্ঠিত্যা॒ অগ্নে॑ গৃহপত॒ ইত্যা॑হ [ইত্যা॑হ, য॒থা॒য॒জুরে॒বৈতচ্ছ॒তগ্ম্] 28
যথায॒জুরে॒বৈতচ্ছ॒তগ্ম্ হিমা॒ ইত্যা॑হ শ॒ত-ন্ত্বা॑ হেম॒ন্তানি॑ন্ধিষী॒যেতি॒ বাবৈতদা॑হ পু॒ত্রস্য॒ নাম॑ গৃহ্ণাত্যন্না॒দমে॒বৈন॑-ঙ্করোতি॒ তামা॒শিষ॒মা শা॑সে॒ তন্ত॑বে॒ জ্যোতি॑ষ্মতী॒মিতি॑ ব্রূযা॒-দ্যস্য॑ পু॒ত্রো-ঽজা॑ত॒-স্স্যা-ত্তে॑জ॒স্ব্যে॑বাস্য॑ ব্রহ্মবর্চ॒সী পু॒ত্রো জা॑যতে॒ তামা॒শিষ॒মা শা॑সে॒-ঽমুষ্মৈ॒ জ্যোতি॑ষ্মতী॒মিতি॑ ব্রূযা॒-দ্যস্য॑ পু॒ত্রো [পু॒ত্রঃ, জা॒ত-স্স্যাত্তেজ॑] 29
জা॒ত-স্স্যাত্তেজ॑ এ॒বাস্মি॑-ন্ব্রহ্মবর্চ॒স-ন্দ॑ধাতি॒ যো বৈ য॒জ্ঞ-ম্প্র॒যুজ্য॒ ন বি॑মু॒ঞ্চত্য॑প্রতিষ্ঠা॒নো বৈ স ভ॑বতি॒ কস্ত্বা॑ যুনক্তি॒ স ত্বা॒ বি মু॑ঞ্চ॒ত্বিত্যা॑হ প্র॒জাপ॑তি॒-র্বৈ কঃ প্র॒জাপ॑তিনৈ॒বৈনং॑-যুঁ॒নক্তি॑ প্র॒জাপ॑তিনা॒ বি মু॑ঞ্চতি॒ প্রতি॑ষ্ঠিত্যা ঈশ্ব॒রং-বৈঁ ব্র॒তমবি॑সৃষ্ট-ম্প্র॒দহো-ঽগ্নে᳚ ব্রতপতে ব্র॒তম॑চারিষ॒মিত্যা॑হ ব্র॒তমে॒ব [ ] 30
বি সৃ॑জতে॒ শান্ত্যা॒ অপ্র॑দাহায॒ পরাং॒অ॒. বাব য॒জ্ঞ এ॑তি॒ ন নি ব॑র্ততে॒ পুন॒র্যো বৈ য॒জ্ঞস্য॑ পুনরাল॒ম্ভং-বিঁ॒দ্বান্. যজ॑তে॒ তম॒ভি নি ব॑র্ততে য॒জ্ঞো ব॑ভূব॒ স আ ব॑ভূ॒বেত্যা॑হৈ॒ষ বৈ য॒জ্ঞস্য॑ পুনরাল॒ম্ভ-স্তেনৈ॒বৈন॒-ম্পুন॒রা ল॑ভ॒তে-ঽন॑বরুদ্ধা॒ বা এ॒তস্য॑ বি॒রাড্ য আহি॑তাগ্নি॒-স্সন্ন॑স॒ভঃ প॒শবঃ॒ খলু॒ বৈ ব্রা᳚হ্ম॒ণস্য॑ স॒ভেষ্ট্বা প্রাংউ॒ত্ক্রম্য॑ ব্রূযা॒-দ্গোমাগ্ম্॑ অ॒গ্নে-ঽবি॑মাগ্ম্ অ॒শ্বী য॒জ্ঞ ইত্যব॑ স॒ভাগ্ম্ রু॒ন্ধে প্র স॒হস্র॑-ম্প॒শূনা᳚প্নো॒ত্যা-ঽস্য॑ প্র॒জাযাং᳚-বাঁ॒জী জা॑যতে ॥ 31 ॥
(যঃ-স-মা॒সিষং॑-গৃহপত॒-ইত্যা॑হা॒-মুষ্মৈ॒ জ্যোতি॑ষ্মতী॒মিতি॑ ব্রূযা॒-দ্যস্য॑পু॒ত্রো-ব্র॒তমে॒ব-খলু॒ বৈ- চতু॑র্বিগ্ম্শতিশ্চ) (অ. 6)
দেব॑ সবিতঃ॒ প্র সু॑ব য॒জ্ঞ-ম্প্র সু॑ব য॒জ্ঞপ॑তি॒-ম্ভগা॑য দি॒ব্যো গ॑ন্ধ॒র্বঃ । কে॒ত॒পূঃ কেত॑-ন্নঃ পুনাতু বা॒চস্পতি॒-র্বাচ॑ম॒দ্য স্ব॑দাতি নঃ ॥ ইন্দ্র॑স্য॒ বজ্রো॑-ঽসি॒ বার্ত্র॑ঘ্ন॒স্ত্বযা॒-ঽযং-বৃঁ॒ত্রং-বঁ॑দ্ধ্যাত্ ॥ বাজ॑স্য॒ নু প্র॑স॒বে মা॒তর॑-ম্ম॒হীমদি॑তি॒-ন্নাম॒ বচ॑সা করামহে । যস্যা॑মি॒দং-বিঁশ্ব॒-ম্ভুব॑ন-মাবি॒বেশ॒ তস্যা᳚-ন্নো দে॒ব-স্স॑বি॒তা ধর্ম॑ সাবিষত্ ॥ অ॒- [অ॒ফ্সু, অ॒ন্তর॒মৃত॑ম॒ফ্সু] 32
ফ্স্ব॑ন্তর॒মৃত॑ম॒ফ্সু ভে॑ষ॒জম॒পামু॒ত প্রশ॑স্তি॒ষ্বশ্বা॑ ভবথ বাজিনঃ ॥ বা॒যু-র্বা᳚ ত্বা॒ মনু॑-র্বা ত্বা গন্ধ॒র্বা-স্স॒প্তবিগ্ম্॑শতিঃ । তে অগ্রে॒ অশ্ব॑মাযুঞ্জ॒ন্তে অ॑স্মিঞ্জ॒বমা-ঽদ॑ধুঃ ॥ অপা᳚-ন্নপাদাশুহেম॒ন্॒. য ঊ॒র্মিঃ ক॒কুদ্মা॒-ন্প্রতূ᳚র্তি-র্বাজ॒সাত॑ম॒স্তেনা॒যং-বাঁজগ্ম্॑ সেত্ ॥ বিষ্ণোঃ॒ ক্রমো॑-ঽসি॒ বিষ্ণোঃ᳚ ক্রা॒ন্তম॑সি॒ বিষ্ণো॒-র্বিক্রা᳚ন্তমস্য॒ঙ্কৌ ন্য॒ঙ্কা ব॒ভিতো॒ রথং॒-যৌঁ ধ্বা॒ন্তং-বাঁ॑তা॒গ্রমনু॑ স॒ঞ্চর॑ন্তৌ দূ॒রেহে॑তি-রিন্দ্রি॒যাবা᳚-ন্পত॒ত্রী তে নো॒-ঽগ্নযঃ॒ পপ্র॑যঃ পারযন্তু ॥ 33 ॥
(অ॒ফ্সু-ন্য॒ঙ্কৌ-পঞ্চ॑দশ চ) (অ. 7)
দে॒বস্যা॒হগ্ম্ স॑বি॒তুঃ প্র॑স॒বে বৃহ॒স্পতি॑না বাজ॒জিতা॒ বাজ॑-ঞ্জেষ-ন্দে॒বস্যা॒হগ্ম্ স॑বি॒তুঃ প্র॑স॒বে বৃহ॒স্পতি॑না বাজ॒জিতা॒ বর্ষি॑ষ্ঠ॒-ন্নাকগ্ম্॑ রুহেয॒মিন্দ্রা॑য॒ বাচং॑-বঁদ॒তেন্দ্রং॒-বাঁজ॑-ঞ্জাপয॒তেন্দ্রো॒ বাজ॑মজযিত্ ॥ অশ্বা॑জনি বাজিনি॒ বাজে॑ষু বাজিনীব॒ত্যশ্বা᳚ন্-থ্স॒মথ্সু॑ বাজয ॥ অর্বা॑-ঽসি॒ সপ্তি॑রসি বা॒জ্য॑সি॒ বাজি॑নো॒ বাজ॑-ন্ধাবত ম॒রুতা᳚-ম্প্রস॒বে জ॑যত॒ বি যোজ॑না মিমীদ্ধ্ব॒মদ্ধ্ব॑ন-স্স্কভ্নীত॒ [স্কভ্নীত, কাষ্ঠা᳚-ঙ্গচ্ছত॒] 34
কাষ্ঠা᳚-ঙ্গচ্ছত॒ বাজে॑বাজে-ঽবত বাজিনো নো॒ ধনে॑ষু বিপ্রা অমৃতা ঋতজ্ঞাঃ ॥ অ॒স্য মদ্ধ্বঃ॑ পিবত মা॒দয॑দ্ধ্ব-ন্তৃ॒প্তা যা॑ত প॒থিভি॑-র্দেব॒যানৈঃ᳚ ॥ তে নো॒ অর্ব॑ন্তো হবন॒শ্রুতো॒ হবং॒-বিঁশ্বে॑ শৃণ্বন্তু বা॒জিনঃ॑ ॥ মি॒তদ্র॑ব-স্সহস্র॒সা মে॒ধসা॑তা সনি॒ষ্যবঃ॑ । ম॒হো যে রত্নগ্ম্॑ সমি॒থেষু॑ জভ্রি॒রে শন্নো॑ ভবন্তু বা॒জিনো॒ হবে॑ষু ॥দে॒বতা॑তা মি॒তদ্র॑ব-স্স্ব॒র্কাঃ । জ॒ম্ভয॒ন্তো-ঽহিং॒-বৃঁক॒গ্ম্॒ রক্ষাগ্ম্॑সি॒ সনে᳚ম্য॒স্মদ্যু॑যব॒- [সনে᳚ম্য॒স্মদ্যু॑যবন্ন্, অমী॑বাঃ ।] 35
-ন্নমী॑বাঃ ॥ এ॒ষ স্য বা॒জী ক্ষি॑প॒ণি-ন্তু॑রণ্যতি গ্রী॒বাযা᳚-ম্ব॒দ্ধো অ॑পিক॒ক্ষ আ॒সনি॑ । ক্রতু॑-ন্দধি॒ক্রা অনু॑ স॒ন্তবী᳚ত্ব-ত্প॒থামঙ্কা॒গ্॒স্যন্বা॒পনী॑ফণত্ ॥উ॒ত স্মা᳚স্য॒ দ্রব॑ত-স্তুরণ্য॒তঃ প॒র্ণ-ন্ন বে-রনু॑ বাতি প্রগ॒র্ধিনঃ॑ । শ্যে॒নস্যে॑ব॒ ধ্রজ॑তো অঙ্ক॒স-ম্পরি॑ দধি॒ক্রাব্.ণ্ণ॑-স্স॒হোর্জা তরি॑ত্রতঃ ॥ আ মা॒ বাজ॑স্য প্রস॒বো জ॑গম্যা॒দা দ্যাবা॑পৃথি॒বী বি॒শ্বশ॑ম্ভূ । আ মা॑ গন্তা-ম্পি॒তরা॑ [গন্তা-ম্পি॒তরা᳚, মা॒তরা॒] 36
মা॒তরা॒ চা-ঽঽ মা॒ সোমো॑ অমৃত॒ত্বায॑ গম্যাত্ ॥ বাজি॑নো বাজজিতো॒ বাজগ্ম্॑ সরি॒ষ্যন্তো॒ বাজ॑-ঞ্জে॒ষ্যন্তো॒ বৃহ॒স্পতে᳚-র্ভা॒গমব॑ জিঘ্রত॒ বাজি॑নো বাজজিতো॒ বাজগ্ম্॑ সসৃ॒বাগ্ম্সো॒ বাজ॑-ঞ্জিগি॒বাগ্ম্সো॒ বৃহ॒স্পতে᳚-র্ভা॒গে নি মৃ॑ঢ্বমি॒যং-বঁ॒-স্সা স॒ত্যা স॒ন্ধা-ঽভূ॒দ্যামিন্দ্রে॑ণ স॒মধ॑দ্ধ্ব॒-মজী॑জিপত বনস্পতয॒ ইন্দ্রং॒-বাঁজং॒-বিঁ মু॑চ্যদ্ধ্বম্ ॥ 37 ॥
(স্ক॒ভ্নী॒ত॒-যু॒য॒ব॒ন্-পি॒তরা॒-দ্বিচ॑ত্বারিগ্ম্শচ্চ) (অ. 8)
ক্ষ॒ত্রস্যোলগ্গ্॑মসি ক্ষ॒ত্রস্য॒ যোনি॑রসি॒ জায॒ এহি॒ সুবো॒ রোহা॑ব॒ রোহা॑ব॒ হি সুব॑র॒হ-ন্না॑বু॒ভযো॒-স্সুবো॑ রোক্ষ্যামি॒ বাজ॑শ্চ প্রস॒বশ্চা॑পি॒জশ্চ॒ ক্রতু॑শ্চ॒ সুব॑শ্চ মূ॒র্ধা চ॒ ব্যশ্ন্নি॑যশ্চা-ঽঽন্ত্যায॒ন শ্চান্ত্য॑শ্চ ভৌব॒নশ্চ॒ ভুব॑ন॒শ্চাধি॑পতিশ্চ । আযু॑-র্য॒জ্ঞেন॑ কল্পতা-ম্প্রা॒ণো য॒জ্ঞেন॑ কল্পতামপা॒নো [কল্পতামপা॒নঃ, য॒জ্ঞেন॑ কল্পতাং] 38
য॒জ্ঞেন॑ কল্পতাং-ব্যাঁ॒নো য॒জ্ঞেন॑ কল্পতা॒-ঞ্চক্ষু॑-র্য॒জ্ঞেন॑ কল্পতা॒গ্॒ শ্রোত্রং॑-যঁ॒জ্ঞেন॑ কল্পতা॒-ম্মনো॑ য॒জ্ঞেন॑ কল্পতাং॒-বাঁগ্ য॒জ্ঞেন॑ কল্পতা-মা॒ত্মা য॒জ্ঞেন॑ কল্পতাং-যঁ॒জ্ঞো য॒জ্ঞেন॑ কল্পতা॒গ্ম্॒ সুব॑-র্দে॒বাগ্ম্ অ॑গন্মা॒মৃতা॑ অভূম প্র॒জাপ॑তেঃ প্র॒জা অ॑ভূম॒ সম॒হ-ম্প্র॒জযা॒ স-ম্মযা᳚ প্র॒জা সম॒হগ্ম্ রা॒যস্পোষে॑ণ॒ স-ম্মযা॑ রা॒যস্পোষো-ঽন্না॑য ত্বা॒-ঽন্নাদ্যা॑য ত্বা॒ বাজা॑য ত্বা বাজজি॒ত্যাযৈ᳚ ত্বা॒ ঽমৃত॑মসি॒ পুষ্টি॑রসি প্র॒জন॑নমসি ॥ 39 ॥
(অ॒পা॒নো-বাজা॑য॒-নব॑ চ) (অ. 9)
বাজ॑স্যে॒ম-ম্প্র॑স॒ব-স্সু॑ষুবে॒ অগ্রে॒ সোম॒গ্ম্॒ রাজা॑ন॒মোষ॑ধীষ্ব॒ফ্সু । তা অ॒স্মভ্য॒-ম্মধু॑মতী-র্ভবন্তু ব॒যগ্ম্ রা॒ষ্ট্রে জা᳚গ্রিযাম পু॒রোহি॑তাঃ । বাজ॑স্যে॒দ-ম্প্র॑স॒ব আ ব॑ভূবে॒মা চ॒ বিশ্বা॒ ভুব॑নানি স॒র্বতঃ॑ । স বি॒রাজ॒-ম্পর্যে॑তি প্রজা॒ন-ন্প্র॒জা-ম্পুষ্টিং॑-বঁ॒র্ধয॑মানো অ॒স্মে । বাজ॑স্যে॒মা-ম্প্র॑স॒ব-শ্শি॑শ্রিযে॒ দিব॑মি॒মা চ॒ বিশ্বা॒ ভুব॑নানি স॒ম্রাট্ । অদি॑থ্সন্ত-ন্দাপযতু প্রজা॒ন-ন্র॒যিং- [প্রজা॒ন-ন্র॒যিম্, চ॒ ন॒-স্সর্ব॑বীরাং॒] 40
-চ॑ ন॒-স্সর্ব॑বীরা॒-ন্নি য॑চ্ছতু ॥ অগ্নে॒ অচ্ছা॑ বদে॒হ নঃ॒ প্রতি॑ ন-স্সু॒মনা॑ ভব । প্র ণো॑ যচ্ছ ভুবস্পতে ধন॒দা অ॑সি ন॒স্ত্বম্ ॥ প্র ণো॑ যচ্ছত্বর্য॒মা প্র ভগঃ॒ প্র বৃহ॒স্পতিঃ॑ । প্র দে॒বাঃ প্রোত সূ॒নৃতা॒ প্র বাগ্ দে॒বী দ॑দাতু নঃ ॥ অ॒র্য॒মণ॒-ম্বৃহ॒স্পতি॒মিন্দ্র॒-ন্দানা॑য চোদয । বাচং॒-বিঁষ্ণু॒গ্ম্॒ সর॑স্বতীগ্ম্ সবি॒তারং॑- [সর॑স্বতীগ্ম্ সবি॒তার᳚ম্, চ বা॒জিন᳚ম্ ।] 41
-চ বা॒জিন᳚ম্ ॥ সোম॒গ্ম্॒ রাজা॑নং॒-বঁরু॑ণম॒গ্নি-ম॒ন্বার॑ভামহে । আ॒দি॒ত্যান্ বিষ্ণু॒গ্ম্॒ সূর্য॑-ম্ব্র॒হ্মাণ॑-ঞ্চ॒ বৃহ॒স্পতি᳚ম্ ॥ দে॒বস্য॑ ত্বা সবি॒তুঃ প্র॑স॒বে᳚-ঽশ্বিনো᳚-র্বা॒হুভ্যা᳚-ম্পূ॒ষ্ণো হস্তা᳚ভ্যা॒গ্ম্॒ সর॑স্বত্যৈ বা॒চো য॒ন্তু-র্য॒ন্ত্রেণা॒গ্নেস্ত্বা॒ আম্রা᳚জ্যেনা॒ভিষি॑ঞ্চা॒মীন্দ্র॑স্য॒ বৃহ॒স্পতে᳚স্ত্বা॒ সাম্রা᳚জ্যেনা॒ভিষি॑ঞ্চামি ॥ 42 ॥
(র॒যিগ্ম্-স॑বি॒তার॒গ্ম্॒-ষট্ত্রিগ্ম্॑শচ্চ) (অ. 10)
অ॒গ্নিরেকা᳚ক্ষরেণ॒ বাচ॒মুদ॑জযদ॒শ্বিনৌ॒ দ্ব্য॑ক্ষরেণ প্রাণাপা॒নাবুদ॑জযতাং॒-বিঁষ্ণু॒স্ত্য্র॑ক্ষরেণ॒ ত্রী-ল্লোঁ॒কানুদ॑জয॒-থ্সোম॒শ্চতু॑রক্ষরেণ॒ চতু॑ষ্পদঃ প॒শূনুদ॑জয-ত্পূ॒ষা পঞ্চা᳚ক্ষরেণ প॒ঙ্ক্তিমুদ॑জয-দ্ধা॒তা ষড॑ক্ষরেণ॒ ষড্-ঋ॒তূনুদ॑জয-ন্ম॒রুত॑-স্স॒প্তাক্ষ॑রেণ স॒প্তপ॑দা॒গ্ম্॒ শক্ব॑রী॒মুদ॑জয॒-ন্বৃহ॒স্পতি॑-র॒ষ্টাক্ষ॑রেণ গায॒ত্রীমুদ॑জয-ন্মি॒ত্রো নবা᳚ক্ষরেণ ত্রি॒বৃত॒গ্গ্॒ স্তোম॒মুদ॑জয॒- [স্তোম॒মুদ॑জযত্, বরু॑ণো॒ দশা᳚ক্ষরেণ] 43
-দ্বরু॑ণো॒ দশা᳚ক্ষরেণ বি॒রাজ॒-মুদ॑জয॒দিন্দ্র॒ একা॑দশাক্ষরেণ ত্রি॒ষ্টুভ॒-মুদ॑জয॒-দ্বিশ্বে॑ দে॒বা দ্বাদ॑শাক্ষরেণ॒ জগ॑তী॒মুদ॑জয॒ন্ বস॑ব॒স্ত্রযো॑ দশাক্ষরেণ ত্রযোদ॒শগ্গ্ স্তোম॒মুদ॑জয-ন্রু॒দ্রাশ্চতু॑র্দশাক্ষরেণ চতুর্দ॒শগ্গ্ স্তোম॒মুদ॑জযন্নাদি॒ত্যাঃ পঞ্চ॑দশাক্ষরেণ পঞ্চদ॒শগ্গ্ স্তোম॒মুদ॑জয॒ন্নদি॑তি॒-ষ্ষোড॑শাক্ষরেণ ষোড॒শগ্গ্ স্তোম॒মুদ॑জয-ত্প্র॒জাপ॑তি-স্স॒প্তদ॑শাক্ষরেণ সপ্তদ॒শগ্গ্ স্তোম॒মুদ॑জযত্ ॥ 44 ॥
(ত্রি॒বৃত॒গ্গ্॒ স্তোম॒মুদ॑জয॒-থ্ষট্চ॑ত্বারিগ্ম্শচ্চ) (অ. 11)
উ॒প॒যা॒মগৃ॑হীতো-ঽসি নৃ॒ষদ॑-ন্ত্বা দ্রু॒ষদ॑-ম্ভুবন॒সদ॒মিন্দ্রা॑য॒ জুষ্ট॑-ঙ্গৃহ্ণাম্যে॒ষ তে॒ যোনি॒রিন্দ্রা॑য ত্বোপযা॒মগৃ॑হীতো-ঽস্যফ্সু॒ষদ॑-ন্ত্বা ঘৃত॒সদং॑-ব্যোঁম॒সদ॒মিন্দ্রা॑য॒ জুষ্ট॑-ঙ্গৃহ্ণাম্যে॒ষ তে॒ যোনি॒রিন্দ্রা॑য ত্বোপযা॒মগৃ॑হীতো-ঽসি পৃথিবি॒ষদ॑-ন্ত্বা-ঽন্তরিক্ষ॒সদ॑-ন্নাক॒সদ॒মিন্দ্রা॑য॒ জুষ্ট॑-ঙ্গৃহ্ণাম্যে॒ষ তে॒ যোনি॒রিন্দ্রা॑য ত্বা ॥ যে গ্রহাঃ᳚ পঞ্চজ॒নীনা॒ যেষা᳚-ন্তি॒স্রঃ প॑রম॒জাঃ । দৈব্যঃ॒ কোশ॒- [দৈব্যঃ॒ কোশঃ॑, সমু॑ব্জিতঃ ।] 45
-স্সমু॑ব্জিতঃ । তেষাং॒-বিঁশি॑প্রিযাণা॒-মিষ॒মূর্জ॒গ্ম্॒ সম॑গ্রভী-মে॒ষ তে॒ যোনি॒রিন্দ্রা॑য ত্বা ॥ অ॒পাগ্ম্ রস॒মুদ্ব॑যস॒গ্ম্॒ সূর্য॑রশ্মিগ্ম্ স॒মাভৃ॑তম্ । অ॒পাগ্ম্ রস॑স্য॒ যো রস॒স্তং-বোঁ॑ গৃহ্ণাম্যুত্ত॒মমে॒ষ তে॒ যোনি॒রিন্দ্রা॑য ত্বা ॥ অ॒যা বি॒ষ্ঠা জ॒নয॒ন্ কর্ব॑রাণি॒ স হি ঘৃণি॑রু॒রু-র্বরা॑য গা॒তুঃ । স প্রত্যুদৈ᳚-দ্ধ॒রুণো মদ্ধ্বো॒ অগ্র॒গ্গ্॒ স্বাযাং॒-যঁ-ত্ত॒নুবা᳚-ন্ত॒নূমৈর॑যত । উ॒প॒যা॒মগৃ॑হীতো-ঽসি প্র॒জাপ॑তযে ত্বা॒ জুষ্ট॑-ঙ্গৃহ্ণাম্যে॒ষ তে॒ যোনিঃ॑ প্র॒জাপ॑তযে ত্বা ॥ 46 ॥
(কোশ॑-স্ত॒নুবা॒ন্-ত্রযো॑দশ চ) (অ. 12)
অন্বহ॒ মাসা॒ অন্বিদ্বনা॒ন্যন্বোষ॑ধী॒রনু॒ পর্ব॑তাসঃ । অন্বিন্দ্র॒গ্ম্॒ রোদ॑সী বাবশা॒নে অন্বাপো॑ অজিহত॒ জায॑মানম্ ॥ অনু॑ তে দাযি ম॒হ ই॑ন্দ্রি॒যায॑ স॒ত্রা তে॒ বিশ্ব॒মনু॑ বৃত্র॒হত্যে᳚ । অনু॑ ক্ষ॒ত্রমনু॒ সহো॑ যজ॒ত্রেন্দ্র॑ দে॒বেভি॒রনু॑ তে নৃ॒ষহ্যে᳚ ॥ ই॒ন্দ্রা॒ণীমা॒সু নারি॑ষু সু॒পত্নী॑-ম॒হম॑শ্রবম্ । ন হ্য॑স্যা অপ॒র-ঞ্চ॒ন জ॒রসা॒ [জ॒রসা᳚, মর॑তে॒ পতিঃ॑ ।] 47
মর॑তে॒ পতিঃ॑ ॥ নাহমি॑ন্দ্রাণি রারণ॒ সখ্যু॑-র্বৃ॒ষাক॑পের্-ঋ॒তে । যস্যে॒দমপ্যগ্ম্॑ হ॒বিঃ প্রি॒য-ন্দে॒বেষু॒ গচ্ছ॑তি ॥যো জা॒ত এ॒ব প্র॑থ॒মো মন॑স্বা-ন্দে॒বো দে॒বান্ ক্রতু॑না প॒র্যভূ॑ষত্ । যস্য॒ শুষ্মা॒দ্রোদ॑সী॒ অভ্য॑সেতা-ন্নৃং॒ণস্য॑ ম॒হ্না স জ॑নাস॒ ইন্দ্রঃ॑ ॥ আ তে॑ ম॒হ ই॑ন্দ্রো॒ত্যু॑গ্র॒ সম॑ন্যবো॒ য-থ্স॒মর॑ন্ত॒ সেনাঃ᳚ । পতা॑তি দি॒দ্যুন্নর্য॑স্য বাহু॒বো-র্মা তে॒ [বাহু॒বো-র্মা তে᳚, মনো॑] 48
মনো॑ বিষ্ব॒দ্রিয॒গ্ বি চা॑রীত্ ॥ মা নো॑ মর্ধী॒রা ভ॑রা দ॒দ্ধি তন্নঃ॒ প্র দা॒শুষে॒ দাত॑বে॒ ভূরি॒ য-ত্তে᳚ । নব্যে॑ দে॒ষ্ণে শ॒স্তে অ॒স্মি-ন্ত॑ উ॒ক্থে প্র ব্র॑বাম ব॒যমি॑ন্দ্র স্তু॒বন্তঃ॑ ॥ আ তূ ভ॑র॒ মাকি॑রে॒ত-ত্পরি॑ ষ্ঠা-দ্বি॒দ্মা হি ত্বা॒ বসু॑পতিং॒-বঁসূ॑নাম্ । ইন্দ্র॒ য-ত্তে॒ মাহি॑ন॒-ন্দত্র॒-মস্ত্য॒স্মভ্য॒-ন্তদ্ধ॑র্যশ্ব॒ [তদ্ধ॑র্যশ্ব, প্র য॑ন্ধি ।] 49
প্র য॑ন্ধি ॥ প্র॒দা॒তারগ্ম্॑ হবামহ॒ ইন্দ্র॒মা হ॒বিষা॑ ব॒যম্ । উ॒ভা হি হস্তা॒ বসু॑না পৃ॒ণস্বা ঽঽ প্র য॑চ্ছ॒ দক্ষি॑ণা॒দোত স॒ব্যাত্ ॥ প্র॒দা॒তা ব॒জ্রী বৃ॑ষ॒ভস্তু॑রা॒ষাট্ছু॒ষ্মী রাজা॑ বৃত্র॒হা সো॑ম॒পাবা᳚ । অ॒স্মিন্. য॒জ্ঞে ব॒র্॒হিষ্যা নি॒ষদ্যাথা॑ ভব॒ যজ॑মানায॒ শং-যোঃ ঁ॥ ইন্দ্র॑-স্সু॒ত্রামা॒ স্ববা॒গ্ম্॒ অবো॑ভি-স্সুমৃডী॒কো ভ॑বতু বি॒শ্ববে॑দাঃ । বাধ॑তা॒-ন্দ্বেষো॒ অভ॑য-ঙ্কৃণোতু সু॒বীর্য॑স্য॒ [সু॒বীর্য॑স্য, পত॑য-স্স্যাম ।] 50
পত॑য-স্স্যাম ॥ তস্য॑ ব॒যগ্ম্ সু॑ম॒তৌ য॒জ্ঞিয॒স্যাপি॑ ভ॒দ্রে সৌ॑মন॒সে স্যা॑ম । স সু॒ত্রামা॒ স্ববা॒গ্ম্॒ ইন্দ্রো॑ অ॒স্মে আ॒রাচ্চি॒-দ্দ্বেষ॑-স্সনু॒ত-র্যু॑যোতু ॥ রে॒বতী᳚-র্ন-স্সধ॒মাদ॒ ইন্দ্রে॑ সন্তু তু॒বিবা॑জাঃ । ক্ষু॒মন্তো॒ যাভি॒-র্মদে॑ম ॥ প্রোষ্ব॑স্মৈ পুরোর॒থমিন্দ্রা॑য শূ॒ষম॑র্চত । অ॒ভীকে॑ চিদু লোক॒কৃ-থ্স॒ঙ্গে স॒মথ্সু॑ বৃত্র॒হা । অ॒স্মাক॑-ম্বোধি চোদি॒তা নভ॑ন্তা-মন্য॒কেষা᳚ম্ । জ্যা॒কা অধি॒ ধন্ব॑সু ॥ 51 ॥
(জ॒রসা॒-মা তে॑-হর্যশ্ব-সু॒বীর্য॒স্যা-দ্ধ্যে-ক॑-ঞ্চ ) (অ. 13)
(পা॒ক॒য॒জ্ঞগ্ম্-সগ্গ্শ্র॑বাঃ-প॒রোক্ষং॑-ব॒র্॒হিষো॒-ঽহং -ধ্রু॒বা-মগ॒ন্মেত্যা॑হ॒ -দেব॑ সবিত-র্দে॒বস্যা॒হং-ক্ষ॒ত্রস্যোলগ্গ্ম্॒বাঁজ॑স্যে॒ম-ম॒গ্নিরেকা᳚ক্ষরেণো -পযা॒মগৃ॑হীতো॒-ঽ-স্যন্বহ॒ মাসা॒-স্ত্রযো॑দশ ।)
(পা॒ক॒য॒জ্ঞং-প॒রোক্ষং॑-ধ্রু॒বাংবিঁ সৃ॑জতে-চ ন॒-স্সর্ব॑বীরাং॒ – পত॑য-স্স্যো॒-মৈক॑পঞ্চা॒শত্ । )
(পা॒ক॒য॒জ্ঞম্, ধন্ব॑সু)
॥ হরি॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে সপ্তমঃ প্রশ্ন-স্সমাপ্তঃ ॥