কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে অষমঃ প্রশ্নঃ – রাজসূযঃ
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
অনু॑মত্যৈ পুরো॒ডাশ॑-ম॒ষ্টাক॑পাল॒-ন্নির্ব॑পতি ধে॒নু-র্দক্ষি॑ণা॒ যে প্র॒ত্যঞ্চ॒-শ্শম্যা॑যা অব॒শীয॑ন্তে॒ ত-ন্নৈর্-ঋ॒ত-মেক॑কপাল-ঙ্কৃ॒ষ্ণং-বাঁসঃ॑ কৃ॒ষ্ণতূ॑ষ॒-ন্দক্ষি॑ণা॒ বীহি॒ স্বাহা-ঽঽহু॑তি-ঞ্জুষা॒ণ এ॒ষ তে॑ নির্-ঋতে ভা॒গো ভূতে॑ হ॒বিষ্ম॑ত্যসি মু॒ঞ্চেম-মগ্ম্হ॑স॒-স্স্বাহা॒ নমো॒ য ই॒দ-ঞ্চ॒কারা॑-ঽঽদি॒ত্য-ঞ্চ॒রু-ন্নির্ব॑পতি॒ বরো॒ দক্ষি॑ণা-ঽঽগ্নাবৈষ্ণ॒ব-মেকা॑দশকপালং-বাঁম॒নো ব॒হী দক্ষি॑ণা ঽগ্নীষো॒মীয॒- [দক্ষি॑ণা ঽগ্নীষো॒মীয᳚ম্, একা॑দশকপাল॒গ্ম্॒ হির॑ণ্যং॒] 1
-মেকা॑দশকপাল॒গ্ম্॒ হির॑ণ্য॒-ন্দক্ষি॑ণৈ॒ন্দ্র-মেকা॑দশকপাল-মৃষ॒ভো ব॒হী দক্ষি॑ণা-ঽঽগ্নে॒য-ম॒ষ্টাক॑পালমৈ॒ন্দ্র-ন্দদ্ধ্যৃ॑ষ॒ভো ব॒হী দক্ষি॑ণৈন্দ্রা॒গ্ন-ন্দ্বাদ॑শকপালং-বৈঁশ্বদে॒ব-ঞ্চ॒রু-ম্প্র॑থম॒জো ব॒থ্সো দক্ষি॑ণা সৌ॒ম্যগ্গ্ শ্যা॑মা॒ক-ঞ্চ॒রুং-বাঁসো॒ দক্ষি॑ণা॒ সর॑স্বত্যৈ চ॒রুগ্ম্ সর॑স্বতে চ॒রু-ম্মি॑থু॒নৌ গাবৌ॒ দক্ষি॑ণা ॥ 2 ॥
(অ॒গ্নী॒ষো॒মীযং॒-চতু॑স্ত্রিগ্ম্শচ্চ) (অ. 1)
আ॒গ্নে॒যম॒ষ্টাক॑পাল॒-ন্নির্ব॑পতি সৌ॒ম্য-ঞ্চ॒রুগ্ম্ সা॑বি॒ত্রং-দ্বাদ॑শকপালগ্ম্ সারস্ব॒ত-ঞ্চ॒রু-ম্পৌ॒ষ্ণ-ঞ্চ॒রু-ম্মা॑রু॒তগ্ম্ স॒প্তক॑পালং-বৈঁশ্বদে॒বী-মা॒মিক্ষা᳚-ন্দ্যাবাপৃথি॒ব্য॑-মেক॑কপালম্ ॥ 3 ॥
(আ॒গ্নে॒যগ্ম্ সৌ॒ম্য-ম্মা॑রু॒ত-ম॒ষ্টাদ॑শ) (অ. 2)
ঐ॒ন্দ্রা॒গ্ন-মেকা॑দশকপাল-ম্মারু॒তী-মা॒মিক্ষাং᳚-বাঁরু॒ণী-মা॒মিক্ষা᳚-ঙ্কা॒যমেক॑কপাল-ম্প্রঘা॒স্যান্॑. হবামহে ম॒রুতো॑ য॒জ্ঞবা॑হসঃ কর॒ম্ভেণ॑ স॒জোষ॑সঃ ॥ মো ষূ ণ॑ ইন্দ্র পৃ॒থ্সু দে॒বাস্তু॑ স্ম তে শুষ্মিন্নব॒যা । ম॒হী হ্য॑স্য মী॒ঢুষো॑ য॒ব্যা । হ॒বিষ্ম॑তো ম॒রুতো॒ বন্দ॑তে॒ গীঃ ॥ য-দ্গ্রামে॒ যদর॑ণ্যে॒ য-থ্স॒ভাযাং॒-যঁদি॑ন্দ্রি॒যে । যচ্ছূ॒দ্রে যদ॒র্য॑ এন॑শ্চকৃ॒মা ব॒যম্ । যদে ক॒স্যাধি॒ ধর্ম॑ণি॒ তস্যা॑ব॒যজ॑নমসি॒ স্বাহা᳚ ॥ অক্র॒ন্ কর্ম॑ কর্ম॒কৃত॑-স্স॒হ বা॒চা ম॑যোভু॒বা । দে॒বেভ্যঃ॒ কর্ম॑ কৃ॒ত্বা-ঽস্ত॒-ম্প্রেত॑ সুদানবঃ ॥ 4 ॥
(ব॒যংযঁ-দ্বিগ্ম্॑শ॒তিশ্চ॑) (অ. 3)
অ॒গ্নযে-ঽনী॑কবতে পুরো॒ডাশ॑-ম॒ষ্টাক॑পাল॒-ন্নির্ব॑পতি সা॒কগ্ম্ সূর্যে॑ণোদ্য॒তা ম॒রুদ্ভ্য॑-স্সান্তপ॒নেভ্যো॑ ম॒দ্ধ্যন্দি॑নে চ॒রু-ম্ম॒রুদ্ভ্যো॑ গৃহমে॒ধিভ্য॒-স্সর্বা॑সা-ন্দু॒গ্ধে সা॒য-ঞ্চ॒রু-ম্পূ॒র্ণা দ॑র্বি॒ পরা॑পত॒ সুপূ᳚র্ণা॒ পুন॒রা প॑ত । ব॒স্নেব॒ বি ক্রী॑ণাবহা॒ ইষ॒মূর্জগ্ম্॑ শতক্রতো ॥ দে॒হি মে॒ দদা॑মি তে॒ নি মে॑ ধেহি॒ নি তে॑ দধে । নি॒হার॒মিন্নি মে॑ হরা নি॒ হার॒- [নি॒ হার᳚ম্, নি হ॑রামি তে ।] 5
-ন্নি হ॑রামি তে ॥ ম॒রুদ্ভ্যঃ॑ ক্রী॒ডিভ্যঃ॑ পুরো॒ডাশগ্ম্॑ স॒প্তক॑পাল॒-ন্নির্ব॑পতি সা॒কগ্ম্ সূর্যে॑ণোদ্য॒তা-ঽঽগ্নে॒য-ম॒ষ্টাক॑পাল॒-ন্নির্ব॑পতি সৌ॒ম্য-ঞ্চ॒রুগ্ম্ সা॑বি॒ত্র-ন্দ্বাদ॑শকপালগ্ম্ সারস্ব॒ত-ঞ্চ॒রু-ম্পৌ॒ষ্ণ-ঞ্চ॒রুমৈ᳚ন্দ্রা॒গ্ন-মেকা॑দশকপাল-মৈ॒ন্দ্র-ঞ্চ॒রুং-বৈঁ᳚শ্বকর্ম॒ণ-মেক॑কপালম্ ॥ 6 ॥
(হ॒রা॒ নি॒হার॑ন্-ত্রি॒গ্ম্॒শচ্চ॑) (অ. 4)
সোমা॑য পিতৃ॒মতে॑ পুরো॒ডাশ॒গ্ম্॒ ষট্ক॑পাল॒-ন্নির্ব॑পতি পি॒তৃভ্যো॑ বর্হি॒ষদ্ভ্যো॑ ধা॒নাঃ পি॒তৃভ্যো᳚-ঽগ্নিষ্বা॒ত্তেভ্যো॑ ঽভিবা॒ন্যা॑যৈ দু॒গ্ধে ম॒ন্থমে॒ত-ত্তে॑ তত॒ যে চ॒ ত্বা-মন্বে॒ত-ত্তে॑ পিতামহ প্রপিতামহ॒ যে চ॒ ত্বামন্বত্র॑ পিতরো যথাভা॒গ-ম্ম॑ন্দদ্ধ্বগ্ম্ সুস॒ন্দৃশ॑-ন্ত্বা ব॒য-ম্মঘ॑ব-ন্মন্দিষী॒মহি॑ । প্রনূ॒ন-ম্পূ॒র্ণব॑ন্ধুর-স্স্তু॒তো যা॑সি॒ বশা॒গ্ম্॒ অনু॑ । যোজা॒ ন্বি॑ন্দ্র তে॒ হরী᳚ ॥ 7 ॥
অক্ষ॒ন্নমী॑মদন্ত॒ হ্যব॑ প্রি॒যা অ॑ধূষত । অস্তো॑ষত॒ স্বভা॑নবো॒ বিপ্রা॒ নবি॑ষ্ঠযা ম॒তী । যোজা॒ ন্বি॑ন্দ্র তে॒ হরী᳚ ॥ অক্ষ॑-ন্পি॒তরো-ঽমী॑মদন্ত পি॒তরো-ঽতী॑তৃপন্ত পি॒তরো-ঽমী॑মৃজন্ত পি॒তরঃ॑ ॥ পরে॑ত পিতর-স্সোম্যা গম্ভী॒রৈঃ প॒থিভিঃ॑ পূ॒র্ব্যৈঃ । অথা॑ পি॒তৃন্-থ্সু॑বি॒দত্রা॒গ্ম্॒ অপী॑ত য॒মেন॒ যে স॑ধ॒মাদ॒-ম্মদ॑ন্তি ॥ মনো॒ ন্বা হু॑বামহে নারাশ॒গ্ম্॒সেন॒ স্তোমে॑ন পিতৃ॒ণা-ঞ্চ॒ মন্ম॑ভিঃ ॥ আ [আ, ন॒ এ॒তু॒ মনঃ॒ পুনঃ॒ ক্রত্বে॒] 8
ন॑ এতু॒ মনঃ॒ পুনঃ॒ ক্রত্বে॒ দক্ষা॑য জী॒বসে᳚ । জ্যোক্চ॒ সূর্য॑-ন্দৃ॒শে ॥ পুন॑র্নঃ পি॒তরো॒ মনো॒ দদা॑তু॒ দৈব্যো॒ জনঃ॑ । জী॒বং-ব্রাঁতগ্ম্॑ সচেমহি ॥ যদ॒ন্তরি॑ক্ষ-ম্পৃথি॒বীমু॒ত দ্যাং-যঁন্মা॒তর॑-ম্পি॒তরং॑-বাঁ জিহিগ্ম্সি॒ম । অ॒গ্নি-র্মা॒ তস্মা॒দেন॑সো॒ গার্হ॑পত্যঃ॒ প্র মু॑ঞ্চতু দুরি॒তা যানি॑ চকৃ॒ম ক॒রোতু॒ মা-ম॑নে॒নস᳚ম্ ॥ 9 ॥
(হরী॒-মন্ম॑ভি॒রা-চতু॑শ্চত্বারিগ্ম্শচ্চ) (অ. 5)
প্র॒তি॒পূ॒রু॒ষমেক॑কপালা॒-ন্নির্ব॑প॒ত্যেক॒-মতি॑রিক্তং॒-যাঁব॑ন্তো গৃ॒হ্যা᳚-স্স্মস্তেভ্যঃ॒ কম॑কর-ম্পশূ॒নাগ্ম্ শর্মা॑সি॒ শর্ম॒ যজ॑মানস্য॒ শর্ম॑ মে য॒চ্ছৈক॑ এ॒ব রু॒দ্রো ন দ্বি॒তীযা॑য তস্থ আ॒খুস্তে॑ রুদ্র প॒শুস্ত-ঞ্জু॑ষস্বৈ॒ষ তে॑ রুদ্র ভা॒গ-স্স॒হ স্বস্রা-ঽম্বি॑কযা॒ ত-ঞ্জু॑ষস্ব ভেষ॒জ-ঙ্গবে-ঽশ্বা॑য॒ পুরু॑ষায ভেষ॒জমথো॑ অ॒স্মভ্য॑-ম্ভেষ॒জগ্ম্ সুভে॑ষজং॒- [সুভে॑ষজম্, যথা-ঽস॑তি ।] 10
-যঁথা-ঽস॑তি । সু॒গ-ম্মে॒ষায॑ মে॒ষ্যা॑ অবা᳚ম্ব রু॒দ্র-ম॑দিম॒হ্যব॑ দে॒ব-ন্ত্য্র॑ম্বকম্ । যথা॑ ন॒-শ্শ্রেয॑সঃ॒ কর॒-দ্যথা॑ নো॒ বস্য॑সঃ॒ কর॒-দ্যথা॑ নঃ পশু॒মতঃ॒ কর॒-দ্যথা॑ নো ব্যবসা॒যযা᳚ত্ ॥ ত্য্র॑ম্বকং-যঁজামহে সুগ॒ন্ধি-ম্পু॑ষ্টি॒বর্ধ॑নম্ । উ॒র্বা॒রু॒ক-মি॑ব॒ বন্ধ॑না-ন্মৃ॒ত্যো-র্মু॑ক্ষীয॒ মা-ঽমৃতা᳚ত্ ॥ এ॒ষ তে॑ রুদ্র ভা॒গস্ত-ঞ্জু॑ষস্ব॒ তেনা॑ব॒সেন॑ প॒রো মূজ॑ব॒তো-ঽতী॒হ্য ব॑ততধন্বা॒ পিনা॑কহস্তঃ॒ কৃত্তি॑বাসাঃ ॥ 11 ॥
(সুভে॑ষজ-মিহি॒ ত্রীণি॑ চ) (অ. 6)
ঐ॒ন্দ্রা॒গ্ন-ন্দ্বাদ॑শকপালং-বৈঁশ্বদে॒ব-ঞ্চ॒রুমিন্দ্রা॑য॒ শুনা॒সীরা॑য পুরো॒ডাশ॒-ন্দ্বাদ॑শকপালং-বাঁয॒ব্য॑-ম্পয॑-স্সৌ॒র্যমেক॑কপাল-ন্দ্বাদশগ॒বগ্ম্ সীর॒-ন্দক্ষি॑ণা- ঽঽগ্নে॒য-ম॒ষ্টাক॑পাল॒-ন্নির্ব॑পতি রৌ॒দ্র-ঙ্গা॑বীধু॒ক-ঞ্চ॒রুমৈ॒ন্দ্র-ন্দধি॑ বারু॒ণং-যঁ॑ব॒ময॑-ঞ্চ॒রুং-বঁ॒হিনী॑ ধে॒নু-র্দক্ষি॑ণা॒ যে দে॒বাঃ পু॑র॒স্সদো॒-ঽগ্নিনে᳚ত্রা দক্ষিণ॒সদো॑ য॒মনে᳚ত্রাঃ পশ্চা॒থ্সদ॑-স্সবি॒তৃনে᳚ত্রা উত্তর॒সদো॒ বরু॑ণনেত্রা উপরি॒ষদো॒ বৃহ॒স্পতি॑নেত্রা রক্ষো॒হণ॒স্তে নঃ॑ পান্তু॒ তে নো॑-ঽবন্তু॒ তেভ্যো॒ [তে নো॑-ঽবন্তু॒ তেভ্যঃ॑, নম॒স্তেভ্য॒-স্স্বাহা॒] 12
নম॒স্তেভ্য॒-স্স্বাহা॒ সমূ॑ঢ॒গ্ম্॒ রক্ষ॒-স্সন্দ॑॑গ্ধ॒গ্ম্॒ রক্ষ॑ ই॒দম॒হগ্ম্ রক্ষো॒-ঽভি স-ন্দ॑হাম্য॒গ্নযে॑ রক্ষো॒ঘ্নে স্বাহা॑ য॒মায॑ সবি॒ত্রে বরু॑ণায॒ বৃহ॒স্পত॑যে॒ দুব॑স্বতে রক্ষো॒ঘ্নে স্বাহা᳚ প্রষ্টিবা॒হী রথো॒ দক্ষি॑ণা দে॒বস্য॑ ত্বা সবি॒তুঃ প্র॑স॒বে᳚-ঽশ্বিনো᳚-র্বা॒হুভ্যা᳚-ম্পূ॒ষ্ণো হস্তা᳚ভ্যা॒গ্ম্॒ রক্ষ॑সো ব॒ধ-ঞ্জু॑হোমি হ॒তগ্ম্ রক্ষো-ঽব॑ধিষ্ম॒ রক্ষো॒ য-দ্বস্তে॒ ত-দ্দক্ষি॑ণা ॥ 13 ॥
(তেভ্যঃ॒-পঞ্চ॑চত্বারিগ্ম্শচ্চ) (অ. 7)
ধা॒ত্রে পু॑রো॒ডাশ॒-ন্দ্বাদ॑শকপাল॒-ন্নির্ব॑প॒ত্যনু॑মত্যৈ চ॒রুগ্ম্ রা॒কাযৈ॑ চ॒রুগ্ম্ সি॑নীবা॒ল্যৈ চ॒রু-ঙ্কু॒হ্বৈ॑ চ॒রু-ম্মি॑থু॒নৌ গাবৌ॒ দক্ষি॑ণা ঽঽগ্নাবৈষ্ণ॒ব-মেকা॑দশকপাল॒-ন্নির্ব॑পত্যৈন্দ্রাবৈষ্ণ॒ব-মেকা॑দশকপালং-বৈঁষ্ণ॒ব-ন্ত্রি॑কপা॒লং-বাঁ॑ম॒নো ব॒হী দক্ষি॑ণা-ঽগ্নীষো॒মীয॒-মেকা॑দশকপাল॒-ন্নির্ব॑পতীন্দ্রাসো॒মীয॒- মেকা॑দশকপালগ্ম্ সৌ॒ম্য-ঞ্চ॒রু-ম্ব॒ভ্রু-র্দক্ষি॑ণা সোমাপৌ॒ষ্ণ-ঞ্চ॒রু-ন্নির্ব॑পত্যৈন্দ্রা পৌ॒ষ্ণ-ঞ্চ॒রু-ম্পৌ॒ষ্ণ-ঞ্চ॒রুগ্গ্ শ্যা॒মো দক্ষি॑ণা বৈশ্বান॒র-ন্দ্বাদ॑শকপাল॒-ন্নির্ব॑পতি॒ হির॑ণ্য॒-ন্দক্ষি॑ণা বারু॒ণং-যঁ॑ব॒ময॑-ঞ্চ॒রুমশ্বো॒ দক্ষি॑ণা ॥ 14 ॥
(বৈ॒শ্বা॒ন॒র-ন্দ্বাদ॑শকপাল॒-ন্নি॒-রষ্টৌ চ॑) (অ. 8)
বা॒র্॒হ॒স্প॒ত্য-ঞ্চ॒রু-ন্নির্ব॑পতি ব্র॒হ্মণো॑ গৃ॒হে শি॑তিপৃ॒ষ্ঠো দক্ষি॑ণৈ॒ন্দ্র-মেকা॑দশকপালগ্ম্ রাজ॒ন্য॑স্য গৃ॒হ ঋ॑ষ॒ভো দক্ষি॑ণা-ঽঽদি॒ত্য-ঞ্চ॒রু-ম্মহি॑ষ্যৈ গৃ॒হে ধে॒নু-র্দক্ষি॑ণা নৈর্-ঋ॒ত-ঞ্চ॒রু-ম্প॑রিবৃ॒ক্ত্যৈ॑ গৃ॒হে কৃ॒ষ্ণানাং᳚-ব্রীঁহী॒ণা-ন্ন॒খনি॑র্ভিন্ন-ঙ্কৃ॒ষ্ণা কূ॒টা দক্ষি॑ণা ঽঽগ্নে॒যম॒ষ্টাক॑পালগ্ম্ সেনা॒ন্যো॑ গৃ॒হে হির॑ণ্য॒-ন্দক্ষি॑ণা বারু॒ণ-ন্দশ॑কপালগ্ম্ সূ॒তস্য॑ গৃ॒হে ম॒হানি॑রষ্টো॒ দক্ষি॑ণা মারু॒তগ্ম্ স॒প্তক॑পাল-ঙ্গ্রাম॒ণ্যো॑ গৃ॒হে পৃশ্ঞি॒-র্দক্ষি॑ণা সাবি॒ত্র-ন্দ্বাদ॑শকপালং- [দ্বাদ॑শকপালম্, ক্ষ॒ত্তু-র্গৃ॒হ] 15
-ক্ষ॒ত্তু-র্গৃ॒হ উ॑পদ্ধ্ব॒স্তো দক্ষি॑ণা-ঽঽশ্বি॒ন-ন্দ্বি॑কপা॒লগ্ম্ স॑ঙ্গ্রহী॒তু-র্গৃ॒হে স॑বা॒ত্যৌ॑ দক্ষি॑ণা পৌ॒ষ্ণ-ঞ্চ॒রু-ম্ভা॑গদু॒ঘস্য॑ গৃ॒হে শ্যা॒মো দক্ষি॑ণা রৌ॒দ্র-ঙ্গা॑বীধু॒ক-ঞ্চ॒রুম॑ক্ষাবা॒পস্য॑ গৃ॒হে শ॒বল॒ উদ্বা॑রো॒ দক্ষি॒ণেন্দ্রা॑য সু॒ত্রাংণে॑ পুরো॒ডাশ॒মেকা॑দশকপাল॒-ম্প্রতি॒ নির্ব॑প॒তীন্দ্রা॑যাগ্ম্হো॒মুচে॒ ঽয-ন্নো॒ রাজা॑ বৃত্র॒হা রাজা॑ ভূ॒ত্বা বৃ॒ত্রং-বঁ॑দ্ধ্যা-ন্মৈত্রাবার্হস্প॒ত্য-ম্ভ॑বতি শ্বে॒তাযৈ᳚ শ্বে॒তব॑থ্সাযৈ দু॒গ্ধে স্ব॑যম্মূ॒র্তে স্ব॑যম্মথি॒ত আজ্য॒ আশ্ব॑ত্থে॒ [আশ্ব॑ত্থে, পাত্রে॒ চতু॑স্স্রক্তৌ] 16
পাত্রে॒ চতু॑স্স্রক্তৌ স্বযমবপ॒ন্নাযৈ॒ শাখা॑যৈ ক॒র্ণাগ্শ্চাক॑র্ণাগ্শ্চ তণ্ডু॒লান্ বি চি॑নুযা-দ্যেক॒র্ণা-স্স পয॑সি বার্হস্প॒ত্যো যে-ঽক॑র্ণা॒-স্স আজ্যে॑ মৈ॒ত্র-স্স্ব॑যঙ্কৃ॒তা বেদি॑-র্ভবতি স্বযন্দি॒ন-ম্ব॒র্॒হি-স্স্ব॑যঙ্কৃ॒ত ই॒দ্ধ্ম-স্সৈব শ্বে॒তা শ্বে॒তব॑থ্সা॒ দক্ষি॑ণা ॥ 17 ॥
(সাবি॒ত্র-ন্দ্বাদ॑শকপাল॒-মাশ্ব॑ত্থে॒ ত্রয॑স্ত্রিগ্ম্শচ্চ) (অ. 9)
অ॒গ্নযে॑ গৃ॒হপ॑তযে পুরো॒ডাশ॑ম॒ষ্টাক॑পাল॒-ন্নির্ব॑পতি কৃ॒ষ্ণানাং᳚-ব্রীঁহী॒ণাগ্ম্ সোমা॑য॒ বন॒স্পত॑যে শ্যামা॒ক-ঞ্চ॒রুগ্ম্ স॑বি॒ত্রে স॒ত্যপ্র॑সবায পুরো॒ডাশ॒-ন্দ্বাদ॑শকপাল-মাশূ॒নাং-ব্রীঁ॑হী॒ণাগ্ম্ রু॒দ্রায॑ পশু॒পত॑যে গাবীধু॒ক-ঞ্চ॒রু-ম্বৃহ॒স্পত॑যে বা॒চস্পত॑যে নৈবা॒র-ঞ্চ॒রুমিন্দ্রা॑য জ্যে॒ষ্ঠায॑ পুরো॒ডাশ॒-মেকা॑দশকপাল-ম্ম॒হাব্রী॑হীণা-ম্মি॒ত্রায॑ স॒ত্যাযা॒-ঽঽম্বানা᳚-ঞ্চ॒রুং-বঁরু॑ণায॒ ধর্ম॑পতযে যব॒ময॑-ঞ্চ॒রুগ্ম্ স॑বি॒তা ত্বা᳚ প্রস॒বানাগ্ম্॑ সুবতাম॒গ্নি-র্গৃ॒হপ॑তীনা॒গ্ম্॒ সোমো॒ বন॒স্পতী॑নাগ্ম্ রু॒দ্রঃ প॑শূ॒নাং- [প॑শূ॒নাম্, বৃহ॒স্পতি॑-র্বা॒চামিন্দ্রো᳚] 18
-বৃহ॒স্পতি॑-র্বা॒চামিন্দ্রো᳚ জ্যে॒ষ্ঠানা᳚-ম্মি॒ত্র-স্স॒ত্যানাং॒-বঁরু॑ণো॒ ধর্ম॑পতীনাং॒-যেঁ দে॑বা দেব॒সুব॒-স্স্থ ত ই॒ম-মা॑মুষ্যায॒ণ-ম॑নমি॒ত্রায॑ সুবদ্ধ্ব-ম্মহ॒তে ক্ষ॒ত্রায॑ মহ॒ত আধি॑পত্যায মহ॒তে জান॑রাজ্যাযৈ॒ষ বো॑ ভরতা॒ রাজা॒ সোমো॒-ঽস্মাক॑-ম্ব্রাহ্ম॒ণানা॒গ্ম্॒ রাজা॒ প্রতি॒ ত্যন্নাম॑ রা॒জ্য-ম॑ধাযি॒ স্বা-ন্ত॒নুবং॒-বঁরু॑ণো অশিশ্রে॒চ্ছুচে᳚-র্মি॒ত্রস্য॒ ব্রত্যা॑ অভূ॒মাম॑ন্মহি মহ॒ত ঋ॒তস্য॒ নাম॒ সর্বে॒ ব্রাতা॒ বরু॑ণস্যাভূব॒ন্ বি মি॒ত্র এবৈ॒-ররা॑তি-মতারী॒দসূ॑ষুদন্ত য॒জ্ঞিযা॑ ঋ॒তেন॒ ব্যু॑ ত্রি॒তো জ॑রি॒মাণ॑-ন্ন আন॒-ড্বিষ্ণোঃ॒ ক্রমো॑-ঽসি॒ বিষ্ণোঃ᳚ ক্রা॒ন্তম॑সি॒ বিষ্ণো॒-র্বিক্রা᳚ন্ত-মসি ॥ 19 ॥
(প॒শূ॒নাংব্রাঁতাঃ॒-পঞ্চ॑বিগ্ম্শতিশ্চ) (অ. 10)
অ॒র্থেত॑-স্স্থা॒-ঽপা-ম্পতি॑রসি॒ বৃষা᳚-ঽস্যূ॒র্মি-র্বৃ॑ষসে॒নো॑-ঽসি ব্রজ॒ক্ষিত॑-স্স্থ ম॒রুতা॒মোজ॑-স্স্থ॒ সূর্য॑বর্চস-স্স্থ॒ সূর্য॑ত্বচস-স্স্থ॒ মান্দা᳚-স্স্থ॒ বাশা᳚-স্স্থ॒ শক্ব॑রী-স্স্থ বিশ্ব॒ভৃত॑-স্স্থ জন॒ভৃত॑-স্স্থা॒-ঽগ্নেস্তে॑জ॒স্যা᳚-স্স্থা॒-ঽপামোষ॑ধীনা॒গ্ম্॒ রস॑-স্স্থা॒-ঽপো দে॒বী-র্মধু॑মতীরগৃহ্ণ॒ন্নূর্জ॑স্বতী রাজ॒সূযা॑য॒ চিতা॑নাঃ ॥ যাভি॑-র্মি॒ত্রাবরু॑ণাব॒-ভ্যষি॑ঞ্চ॒ন্॒. যাভি॒-রিন্দ্র॒মন॑য॒ন্নত্য রা॑তীঃ ॥ রা॒ষ্ট্র॒দা-স্স্থ॑ রা॒ষ্ট্র-ন্দ॑ত্ত॒ স্বাহা॑ রাষ্ট্র॒দা-স্স্থ॑ রা॒ষ্ট্রম॒মুষ্মৈ॑ দত্ত ॥ 20 ॥
(অত্যে-কা॑দশ চ) (অ. 11)
দেবী॑রাপ॒-স্স-ম্মধু॑মতী॒-র্মধু॑মতীভি-স্সৃজ্যদ্ধ্ব॒-ম্মহি॒ বর্চঃ॑, ক্ষ॒ত্রিযা॑য বন্বা॒না অনা॑ধৃষ্টা-স্সীদ॒তোর্জ॑স্বতী॒র্মহি॒ বর্চঃ॑, ক্ষ॒ত্রিযা॑য॒ দধ॑তী॒রনি॑ভৃষ্টমসি বা॒চো বন্ধু॑স্তপো॒জা-স্সোম॑স্য দা॒ত্রম॑সি শু॒ক্রা ব॑-শ্শু॒ক্রেণোত্পু॑নামি চ॒ন্দ্রাশ্চ॒ন্দ্রেণা॒মৃতা॑ অ॒মৃতে॑ন॒ স্বাহা॑ রাজ॒সূযা॑য॒ চিতা॑নাঃ । স॒ধ॒মাদো᳚ দ্যু॒ম্নিনী॒রূর্জ॑ এ॒তা অনি॑ভৃষ্টা অপ॒স্যুবো॒ বসা॑নঃ ॥ প॒স্ত্যা॑সু চক্রে॒ বরু॑ণ-স্স॒ধস্থ॑ম॒পাগ্ম্ শিশু॑- [শিশুঃ॑, মা॒তৃত॑মাস্ব॒ন্তঃ ।] 21
-র্মা॒তৃত॑মাস্ব॒ন্তঃ ॥ ক্ষ॒ত্রস্যোল্ব॑মসি ক্ষ॒ত্রস্য॒ যোনি॑র॒স্যাবি॑ন্নো অ॒গ্নি-র্গৃ॒হপ॑তি॒রাবি॑ন্ন॒ ইন্দ্রো॑ বৃ॒দ্ধশ্র॑বা॒ আবি॑ন্নঃ পূ॒ষা বি॒শ্ববে॑দা॒ আবি॑ন্নৌ মি॒ত্রাবরু॑ণা বৃতা॒বৃধা॒বাবি॑ন্নে॒ দ্যাবা॑পৃথি॒বী ধৃ॒তব্র॑তে॒ আবি॑ন্না দে॒ব্যদি॑তি-র্বিশ্বরূ॒প্যাবি॑ন্নো॒ ঽযম॒সাবা॑মুষ্যায॒ণো᳚-ঽস্যাং-বিঁ॒শ্য॑স্মি-ন্রা॒ষ্ট্রে ম॑হ॒তে ক্ষ॒ত্রায॑ মহ॒ত আধি॑পত্যায মহ॒তে জান॑রাজ্যাযৈ॒ষ বো॑ ভরতা॒ রাজা॒ সোমো॒-ঽস্মাক॑-ম্ব্রাহ্ম॒ণানা॒গ্ম্॒ রাজেন্দ্র॑স্য॒ [রাজেন্দ্র॑স্য, বজ্রো॑-ঽসি॒] 22
বজ্রো॑-ঽসি॒ বার্ত্র॑ঘ্ন॒স্ত্বযা॒ যং-বৃঁ॒ত্রং-বঁ॑দ্ধ্যাচ্ছত্রু॒বাধ॑না-স্স্থ পা॒ত মা᳚ প্র॒ত্যঞ্চ॑-ম্পা॒ত মা॑ তি॒র্যঞ্চ॑ম॒ন্বঞ্চ॑-ম্মা পাত দি॒গ্ভ্যো মা॑ পাত॒ বিশ্বা᳚ভ্যো মা না॒ষ্ট্রাভ্যঃ॑ পাত॒ হির॑ণ্যবর্ণা-বু॒ষসাং᳚ বিঁরো॒কে-ঽয॑স্স্থূণা॒-বুদি॑তৌ॒ সূর্য॒স্যা-ঽঽ রো॑হতং-বঁরুণ মিত্র॒ গর্ত॒-ন্তত॑শ্চক্ষাথা॒মদি॑তি॒-ন্দিতি॑-ঞ্চ ॥ 23 ॥
(শিশু॒-রিন্দ্র॒স্যৈ-ক॑চত্বারিগ্ম্শচ্চ) (অ. 12)
স॒মিধ॒মা তি॑ষ্ঠ গায॒ত্রী ত্বা॒ ছন্দ॑সামবতু ত্রি॒বৃথ্স্তোমো॑ রথন্ত॒রগ্ম্ সামা॒গ্নি-র্দে॒বতা॒ ব্রহ্ম॒ দ্রবি॑ণমু॒গ্রামা তি॑ষ্ঠ ত্রি॒ষ্টু-প্ত্বা॒ ছন্দ॑সামবতু পঞ্চদ॒শ-স্স্তোমো॑ বৃ॒হ-থ্সামেন্দ্রো॑ দে॒বতা᳚ ক্ষ॒ত্র-ন্দ্রবি॑ণং-বিঁ॒রাজ॒মা তি॑ষ্ঠ॒ জগ॑তী ত্বা॒ ছন্দ॑সামবতু সপ্তদ॒শ-স্স্তোমো॑ বৈরূ॒পগ্ম্ সাম॑ ম॒রুতো॑ দে॒বতা॒ বি-ড্দ্রবি॑ণ॒-মুদী॑চী॒মা-তি॑ষ্ঠানু॒ষ্টু-প্ত্বা॒ – [তি॑ষ্ঠানু॒ষ্টু-প্ত্বা᳚, ছন্দ॑সা-] 24
ছন্দ॑সা-মবত্বেকবি॒গ্ম্॒শ-স্স্তোমো॑ বৈরা॒জগ্ম্ সাম॑ মি॒ত্রাবরু॑ণৌ দে॒বতা॒ বল॒-ন্দ্রবি॑ণ-মূ॒র্ধ্বামা তি॑ষ্ঠ প॒ঙ্ক্তিস্ত্বা॒ ছন্দ॑সামবতু ত্রিণবত্রযস্ত্রি॒গ্ম্॒শৌ স্তোমৌ॑ শাক্বররৈব॒তে সাম॑নী॒ বৃহ॒স্পতি॑-র্দে॒বতা॒ বর্চো॒ দ্রবি॑ণ-মী॒দৃ-ঞ্চা᳚ন্যা॒দৃ-ঞ্চৈ॑তা॒দৃ-ঞ্চ॑ প্রতি॒দৃ-ঞ্চ॑ মি॒তশ্চ॒ সম্মি॑তশ্চ॒ সভ॑রাঃ । শু॒ক্রজ্যো॑তিশ্চ চি॒ত্রজ্যো॑তিশ্চ স॒ত্যজ্যো॑তিশ্চ॒ জ্যোতি॑ষ্মাগ্শ্চ স॒ত্যশ্চ॑র্ত॒পাশ্চা- [স॒ত্যশ্চ॑র্ত॒পাশ্চ॑, অত্যগ্ম্॑হাঃ ।] 25
-ঽত্যগ্ম্॑হাঃ । অ॒গ্নযে॒ স্বাহা॒ সোমা॑য॒ স্বাহা॑ সবি॒ত্রে স্বাহা॒ সর॑স্বত্যৈ॒ স্বাহা॑ পূ॒ষ্ণে স্বাহা॒ বৃহ॒স্পত॑যে॒ স্বাহেন্দ্রা॑য॒ স্বাহা॒ ঘোষা॑য॒ স্বাহা॒ শ্লোকা॑য॒ স্বাহা ঽগ্ম্শা॑য॒ স্বাহা॒ ভগা॑য॒ স্বাহা॒ ক্ষেত্র॑স্য॒ পত॑যে॒ স্বাহা॑ পৃথি॒ব্যৈ স্বাহা॒ ঽন্তরি॑ক্ষায॒ স্বাহা॑ দি॒বে স্বাহা॒ সূর্যা॑য॒ স্বাহা॑ চ॒ন্দ্রম॑সে॒ স্বাহা॒ নক্ষ॑ত্রেভ্য॒-স্স্বাহা॒ ঽদ্ভ্য-স্স্বাহৌষ॑ধীভ্য॒-স্স্বাহা॒ বন॒স্পতি॑ভ্য॒-স্স্বাহা॑ চরাচ॒রেভ্য॒-স্স্বাহা॑ পরিপ্ল॒বেভ্য॒-স্স্বাহা॑ সরীসৃ॒পেভ্য॒-স্স্বাহা᳚ ॥ 26 ॥
(অ॒নু॒ষ্টুপ্ত্ব॑-র্ত॒পাশ্চ॑ – সরীসৃ॒পেভ্য॒-স্স্বাহা᳚) (অ. 13)
সোম॑স্য॒ ত্বিষি॑রসি॒ তবে॑ব মে॒ ত্বিষি॑-র্ভূযাদ॒মৃত॑মসি মৃ॒ত্যো-র্মা॑ পাহি দি॒দ্যোন্মা॑ পা॒হ্যবে᳚ষ্টা দন্দ॒শূকা॒ নির॑স্ত॒-ন্নমু॑চে॒-শ্শিরঃ॑ ॥ সোমো॒ রাজা॒ বরু॑ণো দে॒বা ধ॑র্ম॒সুব॑শ্চ॒ যে । তে তে॒ বাচগ্ম্॑ সুবন্তা॒-ন্তে তে᳚ প্রা॒ণগ্ম্ সু॑বন্তা॒-ন্তে তে॒ চক্ষু॑-স্সুবন্তা॒-ন্তে তে॒ শ্রোত্রগ্ম্॑ সুবন্তা॒গ্ম্॒ সোম॑স্য ত্বা দ্যু॒ম্নেনা॒ভি ষি॑ঞ্চাম্য॒গ্নে- [ষি॑ঞ্চাম্য॒গ্নেঃ, তেজ॑সা॒ সূর্য॑স্য॒] 27
-স্তেজ॑সা॒ সূর্য॑স্য॒ বর্চ॒সেন্দ্র॑স্যেন্দ্রি॒যেণ॑ মি॒ত্রাবরু॑ণযো-র্বী॒র্যে॑ণ ম॒রুতা॒মোজ॑সা ক্ষ॒ত্রাণা᳚-ঙ্ক্ষ॒ত্রপ॑তির॒স্যতি॑ দি॒বস্পা॑হি স॒মাব॑বৃত্রন্ন-ধ॒রাগুদী॑চী॒-রহি॑-ম্বু॒দ্ধ্নিয॒মনু॑ স॒ঞ্চর॑ন্তী॒স্তাঃ পর্ব॑তস্য বৃষ॒ভস্য॑ পৃ॒ষ্ঠে নাব॑শ্চরন্তি স্ব॒সিচ॑ ইযা॒নাঃ ॥ রুদ্র॒ যত্তে॒ ক্রযী॒ পর॒-ন্নাম॒ তস্মৈ॑ হু॒তম॑সি য॒মেষ্ট॑মসি । প্রজা॑পতে॒ ন ত্বদে॒তান্য॒ন্যো বিশ্বা॑ জা॒তানি॒ পরি॒ তা ব॑ভূব । যত্কা॑মাস্তে জুহু॒মস্তন্নো॑ অস্তু ব॒যগ্গ্ স্যা॑ম॒ পত॑যো রযী॒ণাম্ ॥ 28 ॥
(অ॒গ্নে-স্তৈ-কা॑দশ চ) (অ. 14)
ইন্দ্র॑স্য॒ বজ্রো॑-ঽসি॒ বার্ত্র॑ঘ্ন॒স্ত্বযা॒-ঽযং-বৃঁ॒ত্রং-বঁ॑দ্ধ্যা-ন্মি॒ত্রাবরু॑ণযোস্ত্বা প্রশা॒স্ত্রোঃ প্র॒শিষা॑ যুনজ্মি য॒জ্ঞস্য॒ যোগে॑ন॒ বিষ্ণোঃ॒ ক্রমো॑-ঽসি॒ বিষ্ণোঃ᳚ ক্রা॒ন্তম॑সি॒ বিষ্ণো॒-র্বিক্রা᳚ন্তমসি ম॒রুতা᳚-ম্প্রস॒বে জে॑ষমা॒প্ত-ম্মন॒-স্সম॒হমি॑ন্দ্রি॒যেণ॑ বী॒র্যে॑ণ পশূ॒না-ম্ম॒ন্যুর॑সি॒ তবে॑ব মে ম॒ন্যু-র্ভূ॑যা॒ন্নমো॑ মা॒ত্রে পৃ॑থি॒ব্যৈ মা-ঽহ-ম্মা॒তর॑-ম্পৃথি॒বীগ্ম্ হিগ্ম্॑সিষ॒-ম্মা [ ] 29
মা-ম্মা॒তা পৃ॑থি॒বী হিগ্ম্॑সী॒দিয॑দ॒স্যাযু॑-র॒স্যাযু॑-র্মে ধে॒হ্যূর্গ॒স্যূর্জ॑-ম্মে ধেহি॒ যুঙ্ঙ॑সি॒ বর্চো॑-ঽসি॒ বর্চো॒ মযি॑ ধেহ্য॒গ্নযে॑ গৃ॒হপ॑তযে॒ স্বাহা॒ সোমা॑য॒ বন॒স্পত॑যে॒ স্বাহেন্দ্র॑স্য॒ বলা॑য॒ স্বাহা॑ ম॒রুতা॒মোজ॑সে॒ স্বাহা॑ হ॒গ্ম্॒স-শ্শু॑চি॒ষ-দ্বসু॑রন্তরিক্ষ॒ -সদ্ধোতা॑ বেদি॒ষদতি॑থি-র্দুরোণ॒সত্ । নৃ॒ষ-দ্ব॑র॒সদৃ॑ত॒স-দ্ব্যো॑ম॒সদ॒ব্জা গো॒জা ঋ॑ত॒জা অ॑দ্রি॒জা ঋ॒ত-ম্বৃ॒হত্ ॥ 30 ॥
(হি॒গ্ম্॒সি॒ষ॒-ম্ম-র্ত॒জা-স্ত্রীণি॑ চ) (অ. 15)
মি॒ত্রো॑-ঽসি॒ বরু॑ণো-ঽসি॒ সম॒হং-বিঁ॒শ্বৈ᳚-র্দে॒বৈঃ, ক্ষ॒ত্রস্য॒ নাভি॑রসি ক্ষ॒ত্রস্য॒ যোনি॑রসি স্যো॒নামা সী॑দ সু॒ষদা॒মা সী॑দ॒ মা ত্বা॑ হিগ্ম্সী॒ন্মা মা॑ হিগ্ম্সী॒ন্নি ষ॑সাদ ধৃ॒তব্র॑তো॒ বরু॑ণঃ প॒স্ত্যা᳚স্বা সাম্রা᳚জ্যায সু॒ক্রতু॒-র্ব্রহ্মা(3)-ন্ত্বগ্ম্ রা॑জ-ন্ব্র॒হ্মা-ঽসি॑ সবি॒তা-ঽসি॑ স॒ত্যস॑বো॒ ব্রহ্মা(3)-ন্ত্বগ্ম্ রা॑জ-ন্ব্র॒হ্মা-ঽসীন্দ্রো॑-ঽসি স॒ত্যৌজা॒ [স॒ত্যৌজাঃ᳚, ব্রহ্মা(3)ন্ত্বগ্ম্] 31
ব্রহ্মা(3)ন্ত্বগ্ম্ রা॑জ-ন্ব্র॒হ্মা-ঽসি॑ মি॒ত্রো॑-ঽসি সু॒শেবো॒ ব্রহ্মা(3)-ন্ত্বগ্ম্ রা॑জ-ন্ব্র॒হ্মা-ঽসি॒ বরু॑ণো-ঽসি স॒ত্যধ॒র্মেন্দ্র॑স্য॒ বজ্রো॑-ঽসি॒ বার্ত্র॑ঘ্ন॒স্তেন॑ মে রদ্ধ্য॒ দিশো॒-ঽভ্য॑যগ্ম্ রাজা॑-ঽভূ॒-থ্সুশ্লো॒কা(4) সুম॑ঙ্গ॒লা(4) সত্য॑রা॒জা(3)ন্ । অ॒পা-ন্নপ্ত্রে॒ স্বাহো॒র্জো নপ্ত্রে॒ স্বাহা॒-ঽগ্নযে॑ গৃ॒হপ॑তযে॒ স্বাহা᳚ ॥ 32 ॥
(স॒ত্যৌজা᳚-শ্চত্বারি॒গ্ম্॒শচ্চ॑) (অ. 16)
আ॒গ্নে॒যম॒ষ্টাক॑পাল॒-ন্নির্ব॑পতি॒ হির॑ণ্য॒-ন্দক্ষি॑ণা সারস্ব॒ত-ঞ্চ॒রুং-বঁ॑থ্সত॒রী দক্ষি॑ণা সাবি॒ত্র-ন্দ্বাদ॑শকপাল-মুপদ্ধ্ব॒স্তো দক্ষি॑ণা পৌ॒ষ্ণ-ঞ্চ॒রুগ্গ্ শ্যা॒মো দক্ষি॑ণা বার্হস্প॒ত্য-ঞ্চ॒রুগ্ম্ শি॑তিপৃ॒ষ্ঠো দক্ষি॑ণৈ॒ন্দ্র-মেকা॑দশকপাল-মৃষ॒ভো দক্ষি॑ণা বারু॒ণ-ন্দশ॑কপাল-ম্ম॒হানি॑রষ্টো॒ দক্ষি॑ণা সৌ॒ম্য-ঞ্চ॒রু-ম্ব॒ভ্রু-র্দক্ষি॑ণা ত্বা॒ষ্ট্রম॒ষ্টাক॑পালগ্ম্ শু॒ণ্ঠো দক্ষি॑ণা বৈষ্ণ॒ব-ন্ত্রি॑কপা॒লং-বাঁ॑ম॒নো দক্ষি॑ণা ॥ 33 ॥
(আ॒গ্নে॒যগ্ম্ হির॑ণ্যগ্ম্ সারস্ব॒তং-দ্বিচ॑ত্বারিগ্ম্শত্ ) (অ. 17)
স॒দ্যো দী᳚ক্ষযন্তি স॒দ্য-স্সোম॑-ঙ্ক্রীণন্তি পুণ্ডরিস্র॒জা-ম্প্র য॑চ্ছতি দ॒শভি॑-র্বথ্সত॒রৈ-স্সোম॑-ঙ্ক্রীণাতি দশ॒পেযো॑ ভবতি শ॒ত-ম্ব্রা᳚হ্ম॒ণাঃ পি॑বন্তি সপ্তদ॒শগ্গ্ স্তো॒ত্র-ম্ভ॑বতি প্রাকা॒শাব॑দ্ধ্ব॒র্যবে॑ দদাতি॒ স্রজ॑-মুদ্গা॒ত্রে রু॒ক্মগ্ম্ হোত্রে-ঽশ্ব॑-ম্প্রস্তোতৃপ্রতিহ॒র্তৃভ্যা॒-ন্দ্বাদ॑শ পষ্ঠৌ॒হী-র্ব্র॒হ্মণে॑ ব॒শা-ম্মৈ᳚ত্রাবরু॒ণায॑র্ষ॒ভ-ম্ব্রা᳚হ্মণাচ্ছ॒গ্ম্॒সিনে॒ বাস॑সী নেষ্টাপো॒তৃভ্যা॒গ্॒ স্থূরি॑ যবাচি॒ত-ম॑চ্ছাবা॒কাযা॑-ঽন॒ড্বাহ॑-ম॒গ্নীধে॑ ভার্গ॒বো হোতা॑ ভবতি শ্রায॒ন্তীয॑-ম্ব্রহ্মসা॒ম-ম্ভ॑বতি বারব॒ন্তীয॑ মগ্নিষ্টোমসা॒মগ্ম্ সা॑রস্ব॒তী-র॒পো গৃ॑হ্ণাতি ॥ 34 ॥
(বা॒র॒ব॒ন্তীয॑-ঞ্চ॒ত্বারি॑ চ)(আ18)
আ॒গ্নে॒য-ম॒ষ্টাক॑পাল॒-ন্নির্ব॑পতি॒ হির॑ণ্য॒-ন্দক্ষি॑ণৈ॒ন্দ্র-মেকা॑দশকপাল-মৃষ॒ভো দক্ষি॑ণা বৈশ্বদে॒ব-ঞ্চ॒রু-ম্পি॒শঙ্গী॑ পষ্ঠৌ॒হী দক্ষি॑ণা মৈত্রাবরু॒ণী-মা॒মিক্ষাং᳚-বঁ॒শা দক্ষি॑ণা বার্হস্প॒ত্য-ঞ্চ॒রুগ্ম্ শি॑তিপৃ॒ষ্ঠো দক্ষি॑ণা-ঽঽদি॒ত্যা-ম্ম॒ল্॒ঃআ-ঙ্গ॒র্ভিণী॒মা ল॑ভতে মারু॒তী-ম্পৃশ্ঞি॑-ম্পষ্ঠৌ॒হী-ম॒শ্বিভ্যা᳚-ম্পূ॒ষ্ণে পু॑রো॒ডাশ॒-ন্দ্বাদ॑শকপাল॒-ন্নির্ব॑পতি॒ সর॑স্বতে সত্য॒বাচে॑ চ॒রুগ্ম্ স॑বি॒ত্রে স॒ত্যপ্র॑সবায পুরো॒ডাশ॒-ন্দ্বাদ॑শকপাল-ন্তিসৃধ॒ন্বগ্ম্ শু॑ষ্কদৃ॒তি-র্দক্ষি॑ণা ॥ 35 ॥
(অ॒গ্নে॒যগ্ম্ হির॑ণ্যমৈ॒দ্রমৃ॑ষ॒ভো বৈ᳚শ্বদে॒ব-ম্পি॒শঙ্গী॑ বার্হস্প॒ত্যগ্ম্-স॒প্তচ॑ত্বারিগ্ম্শত্) (অ. 19)
আ॒গ্নে॒য-ম॒ষ্টাক॑পাল॒-ন্নির্ব॑পতি সৌ॒ম্য-ঞ্চ॒রুগ্ম্ সা॑বি॒ত্র-ন্দ্বাদ॑শকপাল-ম্বার্হস্প॒ত্য-ঞ্চ॒রু-ন্ত্বা॒ষ্ট্রম॒ষ্টাক॑পালং-বৈঁশ্বান॒র-ন্দ্বাদ॑শকপাল॒-ন্দক্ষি॑ণো রথবাহনবা॒হো দক্ষি॑ণা সারস্ব॒ত-ঞ্চ॒রু-ন্নির্ব॑পতি পৌ॒ষ্ণ-ঞ্চ॒রু-ম্মৈ॒ত্র-ঞ্চ॒রুং-বাঁ॑রু॒ণ-ঞ্চ॒রু-ঙ্ক্ষৈ᳚ত্রপ॒ত্য-ঞ্চ॒রুমা॑দি॒ত্য-ঞ্চ॒রুমুত্ত॑রো রথবাহনবা॒হো দক্ষি॑ণা ॥ 36 ॥
(আ॒গ্নে॒যগ্ম্ সৌ॒ম্য-ম্বা॑র্হস্প॒ত্যং-চতু॑স্ত্রিগ্ম্শত্) (অ. 20)
স্বা॒দ্বী-ন্ত্বা᳚ স্বা॒দুনা॑ তী॒ব্রা-ন্তী॒ব্রেণা॒-ঽমৃতা॑-ম॒মৃতে॑ন সৃ॒জামি॒ সগ্ম্ সোমে॑ন॒ সোমো᳚-ঽস্য॒শ্বিভ্যা᳚-ম্পচ্যস্ব॒ সর॑স্বত্যৈ পচ্য॒স্বেন্দ্রা॑য সু॒ত্রাংণে॑ পচ্যস্ব পু॒নাতু॑ তে পরি॒স্রুত॒গ্ম্॒ সোম॒গ্ম্॒ সূর্য॑স্য দুহি॒তা । বারে॑ণ॒ শশ্ব॑তা॒ তনা᳚ ॥ বা॒যুঃ পূ॒তঃ প॒বিত্রে॑ণ প্র॒ত্যং সোমো॒ অতি॑দ্রুতঃ । ইন্দ্র॑স্য॒ যুজ্য॒-স্সখা᳚ ॥ কু॒বিদং॒-যঁব॑মন্তো॒ যব॑-ঞ্চি॒-দ্যথা॒ দান্ত্য॑নুপূ॒র্বং-বিঁ॒যূয॑ । ই॒হেহৈ॑ষা-ঙ্কৃণুত॒ ভোজ॑নানি॒ যে ব॒র্॒হিষো॒ নমো॑বৃক্তি॒-ন্ন জ॒গ্মুঃ ॥ আ॒শ্বি॒ন-ন্ধূ॒ম্রমা ল॑ভতে সারস্ব॒ত-ম্মে॒ষমৈ॒ন্দ্রমৃ॑ষ॒ভ-মৈ॒ন্দ্র-মেকা॑দশকপাল॒-ন্নির্ব॑পতি সাবি॒ত্র-ন্দ্বাদ॑শকপালং-বাঁরু॒ণ-ন্দশ॑কপাল॒গ্ম্॒ সোম॑প্রতীকাঃ পিতরস্তৃপ্ণুত॒ বড॑বা॒ দক্ষি॑ণা ॥ 37 ॥
(ভোজ॑নানি॒-ষড্বিগ্ম্॑শতিশ্চ) (অ. 21)
অগ্না॑বিষ্ণূ॒ মহি॒ ত-দ্বা᳚-ম্মহি॒ত্বং-বীঁ॒ত-ঙ্ঘৃ॒তস্য॒ গুহ্যা॑নি॒ নাম॑ । দমে॑দমে স॒প্ত রত্না॒ দধা॑না॒ প্রতি॑ বা-ঞ্জি॒হ্বা ঘৃ॒তমা চ॑রণ্যেত্ ॥ অগ্না॑বিষ্ণূ॒ মহি॒ ধাম॑ প্রি॒যং-বাঁং᳚-বীঁ॒থো ঘৃ॒তস্য॒ গুহ্যা॑ জুষা॒ণা । দমে॑দমে সুষ্টু॒তী-র্বা॑বৃধা॒না প্রতি॑ বা-ঞ্জি॒হ্বা ঘৃ॒তমুচ্চ॑রণ্যেত্ ॥ প্র ণো॑ দে॒বী সর॑স্বতী॒ বাজে॑ভি-র্বা॒জিনী॑বতী । ধী॒না-ম॑বি॒ত্য্র॑বতু । আ নো॑ দি॒বো বৃ॑হ॒তঃ – [বৃ॑হ॒তঃ, পর্ব॑তা॒দা] 38
পর্ব॑তা॒দা সর॑স্বতী যজ॒তা গ॑ন্তু য॒জ্ঞম্ । হব॑-ন্দে॒বী জু॑জুষা॒ণা ঘৃ॒তাচী॑ শ॒গ্মা-ন্নো॒ বাচ॑মুশ॒তী শৃ॑ণোতু ॥ বৃহ॑স্পতে জু॒ষস্ব॑ নো হ॒ব্যানি॑ বিশ্বদেব্য । রাস্ব॒ রত্না॑নি দা॒শুষে᳚ ॥ এ॒বা পি॒ত্রে বি॒শ্বদে॑বায॒ বৃষ্ণে॑ য॒জ্ঞৈ-র্বি॑ধেম॒ নম॑সা হ॒বির্ভিঃ॑ । বৃহ॑স্পতে সুপ্র॒জা বী॒রব॑ন্তো ব॒যগ্গ্ স্যা॑ম॒ পত॑যো রযী॒ণাম্ ॥ বৃহ॑স্পতে॒ অতি॒ যদ॒র্যো অর্হা᳚-দ্দ্যু॒ম-দ্বি॒ভাতি॒ ক্রতু॑ম॒জ্জনে॑ষু । য-দ্দী॒দয॒চ্ছব॑স- [য-দ্দী॒দয॒চ্ছব॑সঃ, ঋ॒ত॒প্র॒জা॒ত॒ তদ॒স্মাসু॒] 39
-র্তপ্রজাত॒ তদ॒স্মাসু॒ দ্রবি॑ণ-ন্ধেহি চি॒ত্রম্ ॥ আ নো॑ মিত্রাবরুণা ঘৃ॒তৈ-র্গব্যূ॑তিমুক্ষতম্ । মদ্ধ্বা॒ রজাগ্ম্॑সি সুক্রতূ ॥ প্র বা॒হবা॑ সিসৃত-ঞ্জী॒বসে॑ ন॒ আ নো॒ গব্যূ॑তি-মুক্ষত-ঙ্ঘৃ॒তেন॑ । আ নো॒ জনে᳚ শ্রবযতং-যুঁবানা শ্রু॒ত-ম্মে॑ মিত্রাবরুণা॒ হবে॒মা ॥ অ॒গ্নিং-বঁঃ॑ পূ॒র্ব্য-ঙ্গি॒রা দে॒বমী॑ডে॒ বসূ॑নাম্ । স॒প॒র্যন্তঃ॑ পুরুপ্রি॒য-ম্মি॒ত্র-ন্ন ক্ষে᳚ত্র॒সাধ॑সম্ ॥ ম॒ক্ষূ দে॒বব॑তো॒ রথ॒- [রথঃ॑, শূরো॑ বা পৃ॒থ্সু] 40
-শ্শূরো॑ বা পৃ॒থ্সু কাসু॑ চিত্ । দে॒বানাং॒-যঁ ইন্মনো॒ যজ॑মান॒ ইয॑ক্ষত্য॒ভীদয॑জ্বনো ভুবত্ ॥ ন য॑জমান রিষ্যসি॒ ন সু॑ন্বান॒ ন দে॑বযো ॥ অস॒দত্র॑ সু॒বীর্য॑মু॒ত ত্যদা॒শ্বশ্বি॑যম্ ॥ নকি॒ষ্ট-ঙ্কর্ম॑ণা নশ॒ন্ন প্র যো॑ষ॒ন্ন যো॑ষতি ॥ উপ॑ ক্ষরন্তি॒ সিন্ধ॑বো মযো॒ভুব॑ ঈজা॒ন-ঞ্চ॑ য॒ক্ষ্যমা॑ণ-ঞ্চ ধে॒নবঃ॑ । পৃ॒ণন্ত॑-ঞ্চ॒ পপু॑রি-ঞ্চ [পপু॑রি-ঞ্চ, শ্র॒ব॒স্যবো॑ ঘৃ॒তস্য॒] 41
শ্রব॒স্যবো॑ ঘৃ॒তস্য॒ ধারা॒ উপ॑ যন্তি বি॒শ্বতঃ॑ ॥সোমা॑রুদ্রা॒ বি বৃ॑হতং॒-বিঁষূ॑চী॒মমী॑বা॒ যা নো॒ গয॑-মাবি॒বেশ॑ । আ॒রে বা॑ধেথা॒-ন্নির্-ঋ॑তি-ম্পরা॒চৈঃ কৃ॒ত-ঞ্চি॒দেনঃ॒ প্র মু॑মুক্ত-ম॒স্মত্ ॥ সোমা॑রুদ্রা যু॒ব-মে॒তান্য॒স্মে বিশ্বা॑ ত॒নূষু॑ ভেষ॒জানি॑ ধত্তম্ । অব॑ স্যত-ম্মু॒ঞ্চতং॒-যঁন্নো॒ অস্তি॑ ত॒নূষু॑ ব॒দ্ধ-ঙ্কৃ॒তমেনো॑ অ॒স্মত্ ॥ সোমা॑পূষণা॒ জন॑না রযী॒ণা-ঞ্জন॑না দি॒বো জন॑না পৃথি॒ব্যাঃ । জা॒তৌ বিশ্ব॑স্য॒ ভুব॑নস্য গো॒পৌ দে॒বা অ॑কৃণ্বন্ন॒মৃত॑স্য॒ নাভি᳚ম্ ॥ ই॒মৌ দে॒বৌ জায॑মানৌ জুষন্তে॒মৌ তমাগ্ম্॑সি গূহতা॒-মজু॑ষ্টা । আ॒ভ্যামিন্দ্রঃ॑ প॒ক্বমা॒মাস্ব॒ন্ত-স্সো॑মাপূ॒ষভ্যা᳚-ঞ্জনদু॒স্রিযা॑সু ॥ 42 ॥
(বৃ॒হ॒তঃ-শব॑সা॒-রথঃ॒-পপু॑রি-ঞ্চ-দি॒বো জন॑না॒-পঞ্চ॑বিগ্ম্শতিশ্চ) (অ. 22)
(অনু॑মত্যা-আগ্নে॒য-মৈ᳚ন্দ্রা॒গ্নম॒গ্নযে॒-সোমা॑য-প্রতিপূ॒রুষ-মৈ᳚ন্দ্রাগ্নং-ধা॒ত্রে বা॑র্হস্প॒ত্য-ম॒গ্নযে॒-র্-ঽথতো॒-দেবীঃ᳚-স॒মিধ॒গ্ম্॒-সোম॒স্যে-ন্দ্র॑স্য -মি॒ত্র-আ᳚গ্নে॒যগ্ম্-স॒দ্য-আ᳚গ্নে॒যগ্ম্-মা᳚গ্নে॒যগ্গ্-স্বা॒দ্বী-ন্ত্বা-ঽগ্না॑বিষ্ণূ॒-দ্বাবিগ্ম্॑শতিঃ । )
(অনু॑মত্যৈ॒-যথা-ঽস॑তি॒-দেবী॑রাপো-মি॒ত্রো॑-ঽসি॒-শূরো॑ বা॒-দ্বিচ॑ত্বারিগ্ম্শত্ । )
(অনু॑মত্যা, উ॒স্রিযা॑সু)
(ই॒ষ, আপো॑, দে॒বস্যা, ঽঽদ॑দে, দেবাসু॒রা, স্সন্ত্বা॑, পাকয॒জ্ঞ, মনু॒মত্যা, অ॒ষ্টৌ) (8)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ম্প্রথমকাণ্ডে অষ্তমঃ প্রশ্ন-স্সমাপ্তঃ ॥