কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে তৃতীযঃ প্রশ্নঃ – ইষ্টিবিধানং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
আ॒দি॒ত্যেভ্যো॒ ভুব॑দ্বদ্ভ্যশ্চ॒রু-ন্নির্ব॑পে॒-দ্ভূতি॑কাম আদি॒ত্যা বা এ॒ত-ম্ভূত্যৈ॒ প্রতি॑ নুদন্তে॒ যো-ঽল॒-ম্ভূত্যৈ॒ স-ন্ভূতি॒-ন্ন প্রা॒প্নোত্যা॑দি॒ত্যানে॒ব ভুব॑দ্বত॒-স্স্বেন॑ ভাগ॒ধেযে॒নোপ॑ ধাবতি॒ ত এ॒বৈন॒-ম্ভূতি॑-ঙ্গমযন্তি॒ ভব॑ত্যে॒বা ঽঽদি॒ত্যেভ্যো॑ ধা॒রয॑দ্ব-দ্ভ্যশ্চ॒রু-ন্নির্ব॑পে॒-দপ॑রুদ্ধো বা-ঽপরু॒দ্ধ্যমা॑নো বা-ঽঽদি॒ত্যা বা অ॑পরো॒দ্ধার॑ আদি॒ত্যা অ॑বগমযি॒তার॑ আদি॒ত্যানে॒ব ধা॒রয॑দ্বত॒- [ধা॒রয॑দ্বতঃ, স্বেন॑] 1
-স্স্বেন॑ ভাগ॒ধেযে॒নোপ॑ ধাবতি॒ ত এ॒বৈনং॑-বিঁ॒শি দা᳚দ্ধ্রত্যনপরু॒দ্ধ্যো ভ॑ব॒ত্যদি॒তে-ঽনু॑ মন্য॒স্বে-ত্য॑পরু॒দ্ধ্যমা॑নো-ঽস্য প॒দমা দ॑দীতে॒যং-বাঁ অদি॑তিরি॒যমে॒বাস্মৈ॑ রা॒জ্যমনু॑ মন্যতে স॒ত্যা-ঽঽশীরিত্যা॑হ স॒ত্যামে॒বা-ঽঽশিষ॑-ঙ্কুরুত ই॒হ মন॒ ইত্যা॑হ প্র॒জা এ॒বাস্মৈ॒ সম॑নসঃ করো॒ত্যুপ॒ প্রেত॑ মরুত- [প্রেত॑ মরুতঃ, সু॒দা॒ন॒ব॒ এ॒না] 2
-স্সুদানব এ॒না বি॒শ্পতি॑না॒-ঽভ্য॑মুগ্ম্ রাজা॑ন॒মিত্যা॑হ মারু॒তী বৈ বি-ড্জ্যে॒ষ্ঠো বি॒শ্পতি॑-র্বি॒শৈবৈনগ্ম্॑ রা॒ষ্ট্রেণ॒ সম॑র্ধযতি॒ যঃ প॒রস্তা᳚-দ্গ্রাম্যবা॒দী স্যা-ত্তস্য॑ গৃ॒হা-দ্ব্রী॒হীনা হ॑রেচ্ছু॒ক্লাগ্শ্চ॑ কৃ॒ষ্ণাগ্শ্চ॒ বি চি॑নুযা॒দ্যে শু॒ক্লা-স্স্যুস্তমা॑দি॒ত্য-ঞ্চ॒রু-ন্নির্ব॑পেদাদি॒ত্যা বৈ দে॒বত॑যা॒ বিড্বিশ॑মে॒বা-ঽব॑ গচ্ছ॒- [গচ্ছতি, অব॑গতা-ঽস্য॒] 3
-ত্যব॑গতা-ঽস্য॒ বিডন॑বগতগ্ম্ রা॒ষ্ট্র-মিত্যা॑হু॒র্যে কৃ॒ষ্ণা-স্স্যুস্তং-বাঁ॑রু॒ণ-ঞ্চ॒রু-ন্নির্ব॑পে-দ্বারু॒ণং-বৈঁ রা॒ষ্ট্রমু॒ভে এ॒ব বিশ॑-ঞ্চ রা॒ষ্ট্র-ঞ্চাব॑ গচ্ছতি॒ যদি॒ নাব॒গচ্ছে॑দি॒ম-ম॒হমা॑দি॒ত্যেভ্যো॑ ভা॒গ-ন্নির্ব॑পা॒ম্যা ঽমুষ্মা॑-দ॒মুষ্যৈ॑ বি॒শো-ঽব॑গন্তো॒-রিতি॒ নির্ব॑পে-দাদি॒ত্যা এ॒বৈন॑-ম্ভাগ॒ধেয॑-ম্প্রে॒ফ্সন্তো॒ বিশ॒মব॑ [বিশ॒মব॑, গ॒ম॒য॒ন্তি॒ যদি॒] 4
গমযন্তি॒ যদি॒ নাব॒গচ্ছে॒দাশ্ব॑ত্থা-ন্ম॒যূখা᳚ন্-থ্স॒প্ত ম॑দ্ধ্যমে॒ষাযা॒মুপ॑- হন্যাদি॒দম॒হ-মা॑দি॒ত্যা-ন্ব॑ধ্না॒ম্যা ঽমুষ্মা॑দ॒মুষ্যৈ॑ বি॒শো-ঽব॑গন্তো॒রিত্যা॑দি॒ত্যা এ॒বৈন॑-ম্ব॒দ্ধবী॑রা॒ বিশ॒মব॑ গমযন্তি॒ যদি॒ না-ঽব॒গচ্ছে॑-দে॒ত-মে॒বা-ঽঽদি॒ত্য-ঞ্চ॒রু-ন্নির্ব॑পে-দি॒দ্ধ্মে-ঽপি॑ ম॒যূখা॒ন্-থ্স-ন্ন॑হ্যে-দনপরু॒দ্ধ্য-মে॒বাব॑ গচ্ছ॒ত্যাশ্ব॑ত্থা ভবন্তিম॒রুতাং॒-বাঁ এ॒ত -দোজো॒ যদ॑শ্ব॒ত্থ ওজ॑সৈ॒ব বিশ॒মব॑ গচ্ছতি স॒প্ত ভ॑বন্তি স॒প্ত গ॑ণা॒ বৈ ম॒রুতো॑ গণ॒শ এ॒ব বিশ॒মব॑ গচ্ছতি । 5
(ধা॒রয॑দ্বতো – মরুতো – গচ্ছতি॒ – বিশ॒মবৈ॒ – ত – দ॒ষ্টাদ॑শ চ) (অ. 1)
দে॒বা বৈ মৃ॒ত্যো-র॑বিভযু॒স্তে প্র॒জাপ॑তি॒-মুপা॑ধাব॒-ন্তেভ্য॑ এ॒তা-ম্প্রা॑জাপ॒ত্যাগ্ম্ শ॒তকৃ॑ষ্ণলা॒-ন্নির॑বপ॒-ত্তযৈ॒বৈষ্ব॒মৃত॑-মদধা॒দ্যো মৃ॒ত্যো-র্বি॑ভী॒যা-ত্তস্মা॑ এ॒তা-ম্প্রা॑জাপ॒ত্যাগ্ম্ শ॒তকৃ॑ষ্ণলা॒-ন্নির্ব॑পে-ত্প্র॒জাপ॑তি-মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বা-ঽস্মি॒-ন্নাযু॑-র্দধাতি॒ সর্ব॒মাযু॑রেতি শ॒তকৃ॑ষ্ণলা ভবতি শ॒তাযুঃ॒ পুরু॑ষ॒-শ্শ॒তেন্দ্রি॑য॒ আযু॑ষ্যে॒বেন্দ্রি॒যে [ ] 6
প্রতি॑ তিষ্ঠতি ঘৃ॒তে ভ॑ব॒ত্যাযু॒র্বৈ ঘৃ॒ত-ম॒মৃত॒গ্ম্॒ হির॑ণ্য॒-মাযু॑শ্চৈ॒বাস্মা॑ অ॒মৃত॑-ঞ্চ স॒মীচী॑ দধাতি চ॒ত্বারি॑ চত্বারি কৃ॒ষ্ণলা॒ন্যব॑ দ্যতি চতুরব॒-ত্তস্যা-ঽঽপ্ত্যা॑ এক॒ধা ব্র॒হ্মণ॒ উপ॑ হরত্যেক॒ধৈব যজ॑মান॒ আযু॑র্দধাত্য॒- সাবা॑দি॒ত্যো ন ব্য॑রোচত॒ তস্মৈ॑ দে॒বাঃ প্রায॑শ্চিত্তি-মৈচ্ছ॒-ন্তস্মা॑ এ॒তগ্ম্ সৌ॒র্য-ঞ্চ॒রু-ন্নির॑বপ॒-ন্তেনৈ॒বা-ঽস্মি॒- [-তেনৈ॒বা-ঽস্মিন্ন্॑, রুচ॑-মদধু॒র্যো] 7
-ন্রুচ॑-মদধু॒র্যো ব্র॑হ্মবর্চ॒সকা॑ম॒-স্স্যা-ত্তস্মা॑ এ॒তগ্ম্ সৌ॒র্য-ঞ্চ॒রু-ন্নির্ব॑পে-দ॒মু-মে॒বা-ঽঽদি॒ত্যগ্গ্ স্বেন॑ ভাগ॒ধেযে॒নোপ॑ ধাবতি॒ স এ॒বাস্মি॑-ন্ব্রহ্মবর্চ॒স-ন্দ॑ধাতি ব্রহ্মবর্চ॒স্যে॑ব ভ॑বত্যুভ॒যতো॑ রু॒ক্মৌ ভ॑বত উভ॒যত॑ এ॒বাস্মি॒-ন্রুচ॑-ন্দধাতি প্রযা॒জে প্র॑যাজে কৃ॒ষ্ণল॑-ঞ্জুহোতি দি॒গ্ভ্য এ॒বাস্মৈ᳚ ব্রহ্মবর্চ॒সমব॑ রুন্ধ আগ্নে॒য-ম॒ষ্টাক॑পাল॒-ন্নির্ব॑পে-থ্সাবি॒ত্র-ন্দ্বাদ॑শকপাল॒-ম্ভূম্যৈ॑ [-ভূম্যৈ᳚, চ॒রুং-যঃ ঁকা॒মযে॑ত॒] 8
চ॒রুং-যঃ ঁকা॒মযে॑ত॒ হির॑ণ্যং-বিঁন্দেয॒ হির॑ণ্য॒-ম্মোপ॑ নমে॒দিতি॒ যদা᳚গ্নে॒যো ভব॑ত্যাগ্নে॒যং-বৈঁ হির॑ণ্যং॒-যঁস্যৈ॒ব হির॑ণ্য॒-ন্তেনৈ॒বৈন॑-দ্বিন্দতে সাবি॒ত্রো ভ॑বতি সবি॒তৃপ্র॑সূত এ॒বৈন॑-দ্বিন্দতে॒ ভূম্যৈ॑ চ॒রুর্ভ॑বত্য॒স্যামে॒বৈন॑-দ্বিন্দত॒ উপৈ॑ন॒গ্ম্॒ হির॑ণ্য-ন্নমতি॒ বি বা এ॒ষ ই॑ন্দ্রি॒যেণ॑ বী॒র্যে॑ণর্ধ্যতে॒ যো হির॑ণ্যং-বিঁ॒ন্দত॑ এ॒তা- [এ॒তাম্, এ॒ব] 9
-মে॒ব নির্ব॑পে॒দ্ধির॑ণ্যং-বিঁ॒ত্ত্বা নেন্দ্রি॒যেণ॑ বী॒র্যে॑ণ॒ ব্যৃ॑দ্ধ্যত এ॒তামে॒ব নির্ব॑পে॒দ্যস্য॒ হির॑ণ্য॒-ন্নশ্যে॒দ্যদা᳚গ্নে॒যো ভব॑ত্যাগ্নে॒যং-বৈঁ হির॑ণ্যং॒-যঁস্যৈ॒ ব হির॑ণ্য॒-ন্তেনৈ॒বৈন॑-দ্বিন্দতি সাবি॒ত্রো ভ॑বতি সবি॒তৃ-প্র॑সূত এ॒বৈন॑-দ্বিন্দতি॒ ভূম্যৈ॑ চ॒রুর্ভ॑বত্য॒স্যাং-বাঁ এ॒তন্ন॑শ্যতি॒ যন্নশ্য॑ত্য॒স্যামে॒বৈন॑-দ্বিন্দ॒তীন্দ্র॒- [দ্বিন্দ॒তীন্দ্রঃ॑, ত্বষ্টু॒-স্সোম॑] 10
-স্ত্বষ্টু॒-স্সোম॑-মভী॒ষহা॑-ঽ পিব॒-থ্স বিষ্বং॒-ব্যাঁ᳚র্চ্ছ॒-থ্স ই॑ন্দ্রি॒যেণ॑ সোমপী॒থেন॒ ব্যা᳚র্ধ্যত॒ স যদূ॒র্ধ্বমু॒দব॑মী॒-ত্তে শ্যা॒মাকা॑ অভব॒ন্থ্স প্র॒জাপ॑তি॒মুপা॑ধাব॒-ত্তস্মা॑ এ॒তগ্ম্ সো॑মে॒ন্দ্রগ্গ্ শ্যা॑মা॒ক-ঞ্চ॒রু-ন্নির॑বপ॒-ত্তেনৈ॒বাস্মি॑ন্নিন্দ্রি॒যগ্ম্ সো॑মপী॒থম॑দধা॒দ্বি বা এ॒ষ ই॑ন্দ্রি॒যেণ॑ সোম॒পীথেন॑র্ধ্যতে॒ য-স্সোমং॒-বঁমি॑তি॒ য-স্সো॑মবা॒মী স্যা-ত্তস্মা॑ [স্যা-ত্তস্মৈ᳚, এ॒তগ্ম্] 11
এ॒তগ্ম্ সো॑মে॒ন্দ্রগ্গ্ শ্যা॑মা॒ক-ঞ্চ॒রু-ন্নির্ব॑পে॒-থ্সোম॑-ঞ্চৈ॒বেন্দ্র॑-ঞ্চ॒ স্বেন॑ ভাগ॒ধেযে॒নোপ॑ ধাবতি॒ তাবে॒বাস্মি॑ন্নিন্দ্রি॒যগ্ম্ সো॑মপী॒থ-ন্ধ॑ত্তো॒ নেন্দ্রি॒যেণ॑ সোমপী॒থেন॒ ব্যৃ॑দ্ধ্যতে॒ য-থ্সৌ॒ম্যো ভব॑তি সোমপী॒থমে॒বাব॑ রুন্ধে॒ যদৈ॒ন্দ্রো ভব॑তীন্দ্রি॒যং-বৈঁ সো॑মপী॒থ ই॑ন্দ্রি॒যমে॒ব সো॑মপী॒থমব॑ রুন্ধে শ্যামা॒কো ভ॑বত্যে॒ষ বাব স সোম॑- [স সোমঃ॑, সা॒ক্ষাদে॒ব] 12
-স্সা॒ক্ষাদে॒ব সো॑মপী॒থমব॑ রুন্ধে॒ ঽগ্নযে॑ দা॒ত্রে পু॑রো॒ডাশ॑ম॒ষ্টাক॑পাল॒-ন্নির্ব॑পে॒দিন্দ্রা॑য প্রদা॒ত্রে পু॑রো॒ডাশ॒মেকা॑দশকপাল-ম্প॒শুকা॑মো॒-ঽগ্নিরে॒বাস্মৈ॑ প॒শূ-ন্প্র॑জ॒নয॑তি বৃ॒দ্ধানিন্দ্রঃ॒ প্র য॑চ্ছতি॒ দধি॒ মধু॑ ঘৃ॒তমাপো॑ ধা॒না ভ॑বন্ত্যে॒তদ্বৈ প॑শূ॒নাগ্ম্ রূ॒পগ্ম্ রূ॒পেণৈ॒ব প॒শূনব॑ রুন্ধে পঞ্চ-গৃহী॒ত-ম্ভ॑বতি॒ পাঙ্ক্তা॒ হি প॒শবো॑ বহু রূ॒প-ম্ভ॑বতি বহু রূ॒পা হি প॒শব॒- [প॒শবঃ॑, সমৃ॑দ্ধ্যৈ] 13
-স্সমৃ॑দ্ধ্যৈ প্রাজাপ॒ত্য-ম্ভ॑বতি প্রাজাপ॒ত্যা বৈ প॒শবঃ॑ প্র॒জাপ॑তিরে॒বাস্মৈ॑ প॒শূ-ন্প্রজ॑নযত্যা॒ত্মা বৈ পুরু॑ষস্য॒ মধু॒ যন্মদ্ধ্ব॒গ্নৌ জু॒হোত্যা॒ত্মান॑মে॒ব ত-দ্যজ॑মানো॒-ঽগ্নৌ প্রদ॑ধাতি প॒ঙ্ক্ত্যৌ॑ যাজ্যানুবা॒ক্যে॑ ভবতঃ॒ পাঙ্ক্তঃ॒ পুরু॑ষঃ॒ পাঙ্ক্তাঃ᳚ প॒শব॑ আ॒ত্মান॑মে॒ব মৃ॒ত্যোর্নি॒ষ্ক্রীয॑প॒শূনব॑ রুন্ধে ॥ 14 ॥
(ই॒ন্দ্রি॒যে᳚ – ঽস্মি॒ন্ – ভূম্যা॑ – এ॒তা – মিন্দ্রঃ॒ – স্যা-ত্তস্মৈ॒ – সোমো॑ – বহু রূ॒পা হি প॒শব॒ – এক॑চত্বারিগ্ম্শচ্চ ) (অ. 2)
দে॒বা বৈ স॒ত্রমা॑স॒ত-র্ধি॑পরিমিতং॒-যঁশ॑স্কামা॒স্তেষা॒গ্ম্॒ সোম॒গ্ম্॒ রাজা॑নং॒-যঁশ॑ আর্চ্ছ॒-থ্স গি॒রিমুদৈ॒-ত্তম॒গ্নিরনূদৈ॒-ত্তাব॒গ্নীষোমৌ॒ সম॑ভবতা॒-ন্তাবিন্দ্রো॑ য॒জ্ঞবি॑ভ্র॒ষ্টো-ঽনু॒ পরৈ॒-ত্তাব॑ব্রবীদ্যা॒জয॑ত॒-ম্মেতি॒ তস্মা॑ এ॒তামিষ্টি॒-ন্নির॑বপতামাগ্নে॒য-ম॒ষ্টাক॑পালমৈ॒ন্দ্র-মেকা॑দশকপালগ্ম্ সৌ॒ম্য-ঞ্চ॒রু-ন্তযৈ॒বা-ঽস্মি॒-ন্তেজ॑ [তযৈ॒বা-ঽস্মি॒-ন্তেজঃ॑, ই॒ন্দ্রি॒য-ম্ব্র॑হ্মবর্চ॒স-] 15
ইন্দ্রি॒য-ম্ব্র॑হ্মবর্চ॒স-ম॑ধত্তাং॒-যোঁ য॒জ্ঞবি॑ভ্রষ্ট॒-স্স্যা-ত্তস্মা॑ এ॒তামিষ্টি॒-ন্নির্ব॑পেদাগ্নে॒য-ম॒ষ্টাক॑পালমৈ॒ন্দ্র-মেকা॑দশকপালগ্ম্ সৌ॒ম্য-ঞ্চ॒রুং-যঁদা᳚গ্নে॒যো ভব॑তি॒ তেজ॑ এ॒বাস্মি॒-ন্তেন॑ দধাতি॒ যদৈ॒ন্দ্রো ভব॑তীন্দ্রি॒যমে॒বাস্মি॒-ন্তেন॑ দধাতি॒ য-থ্সৌ॒ম্যো ব্র॑হ্মবর্চ॒স-ন্তেনা᳚ ঽঽগ্নে॒যস্য॑ চ সৌ॒ম্যস্য॑ চৈ॒ন্দ্রে স॒মাশ্লে॑ষযে॒-ত্তেজ॑শ্চৈ॒বাস্মি॑-ন্ব্রহ্মবর্চ॒স-ঞ্চ॑ স॒মীচী॑ [স॒মীচী᳚, দ॒ধা॒ত্য॒গ্নী॒ষো॒মীয॒-] 16
দধাত্যগ্নীষো॒মীয॒-মেকা॑দশকপাল॒-ন্নির্ব॑পে॒দ্য-ঙ্কামো॒ নোপ॒নমে॑দাগ্নে॒যো বৈ ব্রা᳚হ্ম॒ণ-স্স সোম॑-ম্পিবতি॒ স্বামে॒ব দে॒বতা॒গ্॒ স্বেন॑ ভাগ॒ধেযে॒নোপ॑ ধাবতি॒ সৈবৈন॒-ঙ্কামে॑ন॒ সম॑র্ধয॒ত্যুপৈ॑ন॒-ঙ্কামো॑ নমত্যগ্নীষো॒মীয॑-ম॒ষ্টাক॑পাল॒-ন্নির্ব॑পে-দ্ব্রহ্মবর্চ॒সকা॑মো॒-ঽগ্নীষোমা॑ বে॒ব স্বেন॑ ভাগ॒ধেযে॒নোপ॑ ধাবতি॒ তাবে॒বাস্মি॑-ন্ব্রহ্মবর্চ॒স-ন্ধ॑ত্তো ব্রহ্মবর্চ॒স্যে॑ব [ব্রহ্মবর্চ॒স্যে॑ব, ভ॒ব॒তি॒ যদ॒ষ্টাক॑পাল॒-] 17
ভ॑বতি॒ যদ॒ষ্টাক॑পাল॒-স্তেনা᳚-ঽঽগ্নে॒যো যচ্ছ্যা॑মা॒কস্তেন॑ সৌ॒ম্য-স্সমৃ॑দ্ধ্যৈ॒ সোমা॑য বা॒জিনে᳚ শ্যামা॒ক-ঞ্চ॒রু-ন্নির্ব॑পে॒দ্যঃ ক্লৈব্যা᳚দ্বিভী॒যা-দ্রেতো॒ হি বা এ॒তস্মা॒-দ্বাজি॑নমপ॒ক্রাম॒ত্যথৈ॒ষ ক্লৈব্যা᳚দ্বিভায॒ সোম॑মে॒ব বা॒জিন॒গ্গ্॒ স্বেন॑ ভাগ॒ধেযে॒নোপ॑ ধাবতি॒ স এ॒বাস্মি॒-ন্রেতো॒ বাজি॑ন-ন্দধাতি॒ ন ক্লী॒বো ভ॑বতিব্রাহ্মণস্প॒ত্য-মেকা॑দশকপাল॒-ন্নির্ব॑পে॒-দ্গ্রাম॑কামো॒ [-নির্ব॑পে॒-দ্গ্রাম॑কামঃ, ব্রহ্ম॑ণ॒স্পতি॑মে॒ব] 18
ব্রহ্ম॑ণ॒স্পতি॑মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বাস্মৈ॑ সজা॒তা-ন্প্র য॑চ্ছতি গ্রা॒ম্যে॑ব ভ॑বতি গ॒ণব॑তী যাজ্যানুবা॒ক্যে॑ ভবত-স্সজা॒তৈরে॒বৈন॑-ঙ্গ॒ণব॑ন্ত-ঙ্করোত্যে॒তামে॒ব নির্ব॑পে॒দ্যঃ কা॒মযে॑ত॒ ব্রহ্ম॒ন্ বিশং॒-বিঁ না॑শযেয॒মিতি॑ মারু॒তী যা᳚জ্যানুবা॒ক্যে॑ কুর্যা॒-দ্ব্রহ্ম॑ন্নে॒ব বিশং॒-বিঁ না॑শযতি ॥ 19
(তেজঃ॑ – স॒মীচী᳚ – ব্রহ্মবর্চ॒স্যে॑ব – গ্রাম॑কাম॒ – স্ত্রিচ॑ত্বারিগ্ম্শচ্চ ) (অ. 3)
অ॒র্য॒ম্ণে চ॒রু-ন্নির্ব॑প-থ্সুব॒র্গকা॑মো॒-ঽসৌ বা আ॑দি॒ত্যো᳚-ঽর্য॒মা-ঽর্য॒মণ॑মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বৈনগ্ম্॑ সুব॒র্গং-লোঁ॒ক-ঙ্গ॑মযত্যর্য॒ম্ণে চ॒রু-ন্নির্ব॑পে॒দ্যঃ কা॒মযে॑ত॒ দান॑কামা মে প্র॒জা-স্স্যু॒রিত্য॒সৌ বা আ॑দি॒ত্যো᳚-ঽর্য॒মা যঃ খলু॒ বৈ দদা॑তি॒ সো᳚-ঽর্য॒মা-ঽর্য॒মণ॑মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বা- [স এ॒ব, অ॒স্মৈ॒ দান॑কামাঃ] 20
-ঽস্মৈ॒ দান॑কামাঃ প্র॒জাঃ ক॑রোতি॒ দান॑কামা অস্মৈ প্র॒জা ভ॑বন্ত্যর্য॒ম্ণে চ॒রু-ন্নির্ব॑পে॒দ্যঃ কা॒মযে॑ত স্ব॒স্তি জ॒নতা॑মিযা॒মিত্য॒সৌ বা আ॑দি॒ত্যো᳚-ঽর্য॒মা- ঽর্য॒মণ॑মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বৈন॒-ন্ত-দ্গ॑মযতি॒ যত্র॒ জিগ॑মিষ॒তীন্দ্রো॒ বৈ দে॒বানা॑মানুজাব॒র আ॑সী॒-থ্স প্র॒জাপ॑তি॒ -মুপা॑ধাব॒-ত্তস্মা॑ এ॒তমৈ॒ন্দ্রমা॑নুষূ॒ক-মেকা॑দশকপাল॒-ন্নি- [-মেকা॑দশকপাল॒-ন্নিঃ, অ॒ব॒প॒-ত্তেনৈ॒বৈন॒মগ্রং॑-] 21
-র॑বপ॒-ত্তেনৈ॒বৈন॒-মগ্র॑-ন্দে॒বতা॑না॒-ম্পর্য॑ণয-দ্বু॒দ্ধ্নব॑তী॒ অগ্র॑বতী যাজ্যানুবা॒ক্যে॑ অকরো-দ্বু॒দ্ধ্না-দে॒বৈন॒মগ্র॒-ম্পর্য॑ণয॒দ্যো রা॑জ॒ন্য॑ আনুজাব॒র-স্স্যা-ত্তস্মা॑ এ॒তমৈ॒ন্দ্র-মা॑নুষূ॒ক-মেকা॑দশকপাল॒-ন্নির্ব॑পে॒-দিন্দ্র॑মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বৈন॒-মগ্রগ্ম্॑ সমা॒নানা॒-ম্পরি॑ণযতি বু॒দ্ধ্নব॑তী॒ অগ্র॑বতী যাজ্যানুবা॒ক্যে॑ ভবতো বু॒দ্ধ্না-দে॒বৈন॒-মগ্র॒ম্- [বু॒দ্ধ্না-দে॒বৈন॒-মগ্র᳚ম্, পরি॑] 22
-পরি॑ ণযত্যানুষূ॒কো ভ॑বত্যে॒ষা হ্যে॑তস্য॑ দে॒বতা॒ য আ॑নুজাব॒র-স্সমৃ॑দ্ধ্যৈ॒ যো ব্রা᳚হ্ম॒ণ আ॑নুজাব॒র-স্স্যা-ত্তস্মা॑ এ॒ত-ম্বা॑র্হস্প॒ত্য-মা॑নুষূ॒ক-ঞ্চ॒রু-ন্নির্ব॑পে॒-দ্বৃহ॒স্পতি॑-মে॒ব স্বেন॑ ভাগ॒ধেযে॒নোপ॑ ধাবতি॒ স এ॒বৈন॒মগ্রগ্ম্॑ সমা॒নানা॒-ম্পরি॑ণযতি বু॒দ্ধ্নব॑তী॒ অগ্র॑বতী যাজ্যানুবা॒ক্যে॑ ভবতো বু॒দ্ধ্না-দে॒বৈন॒-মগ্র॒-ম্পরি॑ ণযত্যানুষূ॒কো ভ॑বত্যে॒ষা হ্যে॑তস্য॑ দে॒বতা॒ য আ॑নুজাব॒র-স্সমৃ॑দ্ধ্যৈ ॥ 23 ॥
(এ॒ব – নির – গ্র॑-মে॒তস্য॑ – চ॒ত্বারি॑ চ) (অ. 4)
প্র॒জাপ॑তে॒-স্ত্রয॑স্ত্রিগ্ম্শ-দ্দুহি॒তর॑ আস॒-ন্তা-স্সোমা॑য॒ রাজ্ঞে॑-ঽদদা॒-ত্তাসাগ্ম্॑ রোহি॒ণীমুপৈ॒-ত্তা ঈর্ষ্য॑ন্তীঃ॒ পুন॑রগচ্ছ॒-ন্তা অন্বৈ॒-ত্তাঃ পুন॑রযাচত॒ তা অ॑স্মৈ॒ ন পুন॑রদদা॒-থ্সো᳚-ঽব্রবী-দৃ॒ত-ম॑মীষ্ব॒ যথা॑ সমাব॒চ্ছ উ॑পৈ॒ষ্যাম্যথ॑ তে॒ পুন॑-র্দাস্যা॒মীতি॒ স ঋ॒তমা॑মী॒-ত্তা অ॑স্মৈ॒ পুন॑রদদা॒-ত্তাসাগ্ম্॑ রোহি॒ণীমে॒বোপ॒- [রোহি॒ণীমে॒বোপ॑, ঐ॒ত্তং-যঁক্ষ্ম॑] 24
-ত্তং-যঁক্ষ্ম॑ আর্চ্ছ॒-দ্রাজা॑নং॒-যঁক্ষ্ম॑ আর॒দিতি॒ তদ্রা॑জয॒ক্ষ্মস্য॒ জন্ম॒ য-ত্পাপী॑যা॒নভ॑ব॒-ত্ত-ত্পা॑পয॒ক্ষ্মস্য॒ যজ্জা॒যাভ্যো-ঽবি॑ন্দ॒-ত্তজ্জা॒যেন্য॑স্য॒য এ॒বমে॒তেষাং॒-যঁক্ষ্মা॑ণা॒-ঞ্জন্ম॒ বেদ॒ নৈন॑মে॒তে যক্ষ্মা॑ বিন্দন্তি॒স এ॒তা এ॒ব ন॑ম॒স্য-ন্নুপা॑-ঽধাব॒-ত্তা অ॑ব্রুব॒ন্. বরং॑-বৃঁণামহৈ সমাব॒চ্ছ এ॒ব ন॒ উপা॑য॒ ইতি॒ তস্মা॑ এ॒ত- [তস্মা॑ এ॒তম্, আ॑দি॒ত্য-ঞ্চ॒রুং] 25
-মা॑দি॒ত্য-ঞ্চ॒রু-ন্নির॑বপ॒-ন্তেনৈ॒বৈন॑-ম্পা॒পা-থ্স্রামা॑দমুঞ্চ॒ন্. যঃ পা॑পয॒ক্ষ্মগৃ॑হীত॒-স্স্যা-ত্তস্মা॑ এ॒তমা॑দি॒ত্য-ঞ্চ॒রু-ন্নির্ব॑পেদাদি॒ত্যানে॒ব স্বেন॑ ভাগ॒ধেযে॒নোপ॑ ধাবতি॒ ত এ॒বৈন॑-ম্পা॒পা-থ্স্রামা᳚ন্মুঞ্চন্ত্য-মাবা॒স্যা॑যা॒-ন্নির্ব॑পে-দ॒মুমে॒বৈন-॑মা॒প্যায॑মান॒-মন্বা প্যা॑যযতি॒ নবো॑নবো ভবতি॒ জায॑মান॒ ইতি॑ পুরো-ঽনুবা॒ক্যা॑ ভব॒ত্যাযু॑রে॒বাস্মি॒-ন্তযা॑ দধাতি॒ যমা॑দি॒ত্যা অ॒গ্ম্॒শুমা᳚প্যা॒যয॒ন্তীতি॑ যা॒জ্যৈবৈন॑মে॒তযা᳚ প্যাযযতি ॥ 26 ॥
(এ॒বোপৈ॒ -ত- ম॑স্মি॒ন্ – ত্রযো॑দশচ) (অ. 5)
প্র॒জাপ॑তি র্দে॒বেভ্যো॒-ঽন্নাদ্যং॒-ব্যাঁদি॑শ॒-থ্সো᳚-ঽব্রবী॒দ্যদি॒মা-ল্লোঁ॒কা-ন॒ভ্য॑তি॒রিচ্যা॑তৈ॒ তন্মমা॑স॒দিতি॒ তদি॒মা-ল্লোঁ॒কা-ন॒ভ্যত্য॑রিচ্য॒তেন্দ্র॒গ্ম্॒ রাজা॑ন॒-মিন্দ্র॑-মধিরা॒জ-মিন্দ্রগ্গ্॑ স্ব॒রাজা॑ন॒-ন্ততো॒ বৈ স ই॒মা-ল্লোঁ॒কাগ্ স্ত্রে॒ধা-ঽদু॑হ॒-ত্ত-ত্ত্রি॒ধাতো᳚-স্ত্রিধাতু॒ত্বং-যঁ-ঙ্কা॒মযে॑তান্না॒দ-স্স্যা॒দিতি॒ তস্মা॑ এ॒ত-ন্ত্রি॒ধাতু॒-ন্নির্ব॑পে॒দিন্দ্রা॑য॒ রাজ্ঞে॑ পুরো॒ডাশ॒- [পুরো॒ডাশ᳚ম্, একা॑দশকপাল॒-] 27
-মেকা॑দশকপাল॒-মিন্দ্রা॑যা-ধিরা॒জাযেন্দ্রা॑য স্ব॒রাজ্ঞে॒-ঽযং-বাঁ ইন্দ্রো॒ রাজা॒-ঽযমিন্দ্রো॑-ঽধিরা॒জো॑-ঽসাবিন্দ্র॑-স্স্ব॒রাডি॒মানে॒ব লো॒কান্-থ্স্বেন॑ ভাগ॒ধেযে॒নোপ॑ ধাবতি॒ ত এ॒বাস্মা॒ অন্ন॒-ম্প্রয॑চ্ছন্ত্যন্না॒দ এ॒ব ভ॑বতি॒ যথা॑ ব॒থ্সেন॒ প্রত্তা॒-ঙ্গা-ন্দু॒হ এ॒বমে॒বেমা-ল্লোঁ॒কা-ন্প্রত্তা॒ন্ কাম॑ম॒ন্নাদ্য॑-ন্দুহ উত্তা॒নেষু॑ ক॒পালে॒ষ্বধি॑ শ্রয॒ত্যযা॑তযামত্বায॒ ত্রযঃ॑ পুরো॒ডাশা॑ ভবন্তি॒ ত্রয॑ ই॒মে লো॒কা এ॒ষাং-লোঁ॒কানা॒মাপ্ত্যা॒ উত্ত॑রউত্তরো॒ জ্যাযা᳚-ন্ভবত্যে॒বমি॑ব॒ হীমে লো॒কা-স্সমৃ॑দ্ধ্যৈ॒ সর্বে॑ষামভি-গ॒ময॒ন্নব॑ দ্য॒ত্যছ॑ম্বট্কারং-ব্যঁ॒ত্যাস॒মন্বা॒হানি॑র্দাহায ॥ 28 ॥
(পু॒রো॒ডাশং॒ – ত্রযঃ॒ – ষড্বিগ্ম্॑শতিশ্চ) (অ. 6)
দে॒বা॒সু॒রা-স্সংযঁ॑ত্তা আস॒-ন্তা-ন্দে॒বানসু॑রা অজয॒-ন্তে দে॒বাঃ প॑রাজিগ্যা॒না অসু॑রাণাং॒-বৈঁশ্য॒মুপা॑-ঽঽয॒-ন্তেভ্য॑ ইন্দ্রি॒যং-বীঁ॒র্য॑মপা᳚ক্রাম॒-ত্তদিন্দ্রো॑-ঽচায॒-ত্তদন্বপা᳚ক্রাম॒-ত্তদ॑ব॒রুধ॒-ন্নাশ॑ক্নো॒-ত্তদ॑স্মাদভ্য॒র্ধো॑ ঽচর॒-থ্স প্র॒জাপ॑তি॒মুপা॑ধাব॒-ত্তমে॒তযা॒ সর্ব॑পৃষ্ঠযা-ঽযাজয॒-ত্তযৈ॒বা-ঽস্মি॑-ন্নিন্দ্রি॒যং-বীঁ॒র্য॑-মদধা॒দ্য ই॑ন্দ্রি॒যকা॑মো [ই॑ন্দ্রি॒যকা॑মঃ, বী॒র্য॑কাম॒-স্স্যাত্-] 29
বী॒র্য॑কাম॒-স্স্যা-ত্তমে॒তযা॒ সর্ব॑পৃষ্ঠযা যাজযেদে॒তা এ॒ব দে॒বতা॒-স্স্বেন॑ ভাগ॒ধেযে॒নোপ॑ ধাবতি॒ তা এ॒বাস্মি॑-ন্নিন্দ্রি॒যং-বীঁ॒র্য॑-ন্দধতি॒যদিন্দ্রা॑য॒ রাথ॑ন্তরায নি॒র্বপ॑তি॒ যদে॒বাগ্নে-স্তেজ॒স্তদে॒বাব॑ রুন্ধে॒যদিন্দ্রা॑য॒ বার্হ॑তায॒ যদে॒বেন্দ্র॑স্য॒ তেজ॒স্তদে॒বাব॑ রুন্ধে॒ যদিন্দ্রা॑য বৈরূ॒পায॒ যদে॒ব স॑বি॒তু-স্তেজ॒স্ত- [স॑বি॒তু-স্তেজ॒স্তত্, এ॒বাব॑ রুন্ধে॒] 30
-দে॒বাব॑ রুন্ধে॒ যদিন্দ্রা॑য বৈরা॒জায॒ যদে॒ব ধা॒তু-স্তেজ॒স্ত-দে॒বাব॑ রুন্ধে॒ যদিন্দ্রা॑য শাক্ব॒রায॒ যদে॒ব ম॒রুতা॒-ন্তেজ॒স্ত-দে॒বাব॑ রুন্ধে॒ যদিন্দ্রা॑য রৈব॒তায॒ যদে॒ব বৃহ॒স্পতে॒-স্তেজ॒স্ত-দে॒বা-ঽব॑ রুন্ধ এ॒তাব॑ন্তি॒ বৈ তেজাগ্ম্॑সি॒ তান্যে॒বাব॑ রুন্ধ উত্তা॒নেষু॑ ক॒পালে॒ষ্বধি॑ শ্রয॒ত্যযা॑তযামত্বায॒ দ্বাদ॑শকপালঃ পুরো॒ডাশো॑ [পুরো॒ডাশঃ॑, ভ॒ব॒তি॒ বৈ॒শ্ব॒দে॒ব॒ত্বায॑] 31
ভবতি বৈশ্বদেব॒ত্বায॑ সম॒ন্ত-ম্প॒র্যব॑দ্যতি সম॒ন্ত-মে॒বেন্দ্রি॒যং-বীঁ॒র্যং॑-যঁজ॑মানে দধাতি ব্য॒ত্যাস॒-মন্বা॒হানি॑র্দাহা॒যাশ্ব॑ ঋষ॒ভো বৃ॒ষ্ণির্ব॒স্ত-স্সা-দক্ষি॑ণা-বৃষ॒ত্বাযৈ॒তযৈ॒ব য॑জেতা-ঽভিশ॒স্যমা॑ন এ॒তাশ্চেদ্বা অ॑স্যদে॒বতা॒ অন্ন॑-ম॒দন্ত্য॒দন্ত্যু॑-বে॒বা-ঽস্য॑ মনু॒ষ্যাঃ᳚ ॥ 32 ॥
(ই॒ন্দ্রি॒য॒কা॑মঃ-সবি॒তুস্তেজ॒স্তত্ – পু॑রো॒ডাশো॒ -ঽষ্টাত্রিগ্ম্॑শচ্চ) (অ. 7)
রজ॑নো॒ বৈ কৌ॑ণে॒যঃ ক্র॑তু॒জিত॒-ঞ্জান॑কি-ঞ্চক্ষু॒র্বন্য॑মযা॒-ত্তস্মা॑ এ॒তামিষ্টি॒-ন্নির॑বপ-দ॒গ্নযে॒ ভ্রাজ॑স্বতে পুরো॒ডাশ॑-ম॒ষ্টাক॑পালগ্ম্ সৌ॒র্য-ঞ্চ॒রুম॒গ্নযে॒ ভ্রাজ॑স্বতে পুরো॒ডাশ॑-ম॒ষ্টাক॑পাল॒-ন্তযৈ॒বাস্মি॒ন্ চক্ষু॑রদধা॒-দ্য-শ্চক্ষু॑কাম॒-স্স্যা-ত্তস্মা॑ এ॒তামিষ্টি॒-ন্নির্ব॑পে-দ॒গ্নযে॒ ভ্রাজ॑স্বতে পুরো॒ডাশ॑ম॒ষ্টাক॑পালগ্ম্ সৌ॒র্য-ঞ্চ॒রুম॒গ্নযে॒ ভ্রাজ॑স্বতে পুরো॒ডাশ॑-ম॒ষ্টাক॑পালম॒গ্নে র্বৈ চক্ষু॑ষা মনু॒ষ্যা॑ বি- [চক্ষু॑ষা মনু॒ষ্যা॑ বি, প॒শ্য॒ন্তি॒ সূর্য॑স্য] 33
প॑শ্যন্তি॒ সূর্য॑স্য দে॒বা অ॒গ্নি-ঞ্চৈ॒ব সূর্য॑-ঞ্চ॒ স্বেন॑ ভাগ॒ধেযে॒নোপ॑ ধাবতি॒ তাবে॒বাস্মি॒ন্ চক্ষু॑-র্ধত্ত॒-শ্চক্ষু॑ষ্মা-নে॒ব ভ॑বতি॒ যদা᳚গ্নে॒যৌ ভব॑ত॒-শ্চক্ষু॑ষী এ॒বাস্মি॒-ন্ত-ত্প্রতি॑ দধাতি॒ য-থ্সৌ॒র্যো নাসি॑কা॒-ন্তেনা॒ভিত॑-স্সৌ॒র্যমা᳚গ্নে॒যৌ ভ॑বত॒-স্তস্মা॑-দ॒ভিতো॒ নাসি॑কা॒-ঞ্চক্ষু॑ষী॒ তস্মা॒-ন্নাসি॑কযা॒ চক্ষু॑ষী॒ বিধৃ॑তে সমা॒নী যা᳚জ্যানুবা॒ক্যে॑ ভবত-স্সমা॒নগ্ম্ হি চক্ষু॒-স্সমৃ॑দ্ধ্যা॒ উদু॒ত্য-ঞ্জা॒তবে॑দসগ্ম্ স॒প্ত ত্বা॑ হ॒রিতো॒ রথে॑ চি॒ত্র-ন্দে॒বানা॒মুদ॑গা॒দনী॑ক॒মিতি॒ পিণ্ডা॒-ন্প্রয॑চ্ছতি॒ চক্ষু॑-রে॒বাস্মৈ॒ প্রয॑চ্ছতি॒ যদে॒ব তস্য॒ তত্ ॥ 34 ॥
(বি – হ্য॑ – ষ্টাবিগ্ম্॑শতিশ্চ) (অ. 8)
ধ্রু॒বো॑-ঽসি ধ্রু॒বো॑-ঽহগ্ম্ স॑জা॒তেষু॑ ভূযাস॒-ন্ধীর॒শ্চেত্তা॑ বসু॒বি-দ্ধ্রু॒বো॑-ঽসি ধ্রু॒বো॑-ঽহগ্ম্ স॑জা॒তেষু॑ ভূযাস-মু॒গ্রশ্চেত্তা॑ বসু॒বি-দ্ধ্রু॒বো॑-ঽসি ধ্রু॒বো॑-ঽহগ্ম্ স॑জা॒তেষু॑ ভূযাস-মভি॒ভূশ্চেত্তা॑ বসু॒বি-দাম॑ন-ম॒স্যাম॑নস্য দেবা॒ যে স॑জা॒তাঃ কু॑মা॒রা-স্সম॑নস॒স্তান॒হ-ঙ্কা॑মযে হৃ॒দা তে মা-ঙ্কা॑মযন্তাগ্ম্ হৃ॒দা তা-ন্ম॒ আম॑নসঃ কৃধি॒ স্বাহা ঽঽম॑নম॒- [স্বাহা ঽঽম॑নম॒সি, আম॑নস্য] 35
-স্যাম॑নস্য দেবা॒ যা-স্স্ত্রিয॒-স্সম॑নস॒স্তা অ॒হ-ঙ্কা॑মযে হৃ॒দা তা মা-ঙ্কা॑মযন্তাগ্ম্ হৃ॒দা তা ম॒ আম॑নসঃ কৃধি॒ স্বাহা॑ বৈশ্বদে॒বীগ্ম্-সা᳚ঙ্গ্রহ॒ণী-ন্নির্ব॑পে॒দ্গ্রাম॑কামো বৈশ্বদে॒বা বৈ স॑জা॒তা বিশ্বা॑নে॒ব দে॒বান্থ্স্বেন॑ ভাগ॒ধেযে॒নোপ॑ ধাবতি॒ ত এ॒বাস্মৈ॑ সজা॒তা-ন্প্র য॑চ্ছন্তি গ্রা॒ম্যে॑ব ভ॑বতি সাঙ্গ্রহ॒ণী ভ॑বতি মনো॒গ্রহ॑ণং॒-বৈঁস॒গ্রংহ॑ণ॒-ম্মন॑ এ॒ব স॑জা॒তানাং᳚- [এ॒ব স॑জা॒তানা᳚ম্, গৃ॒হ্ণা॒তি॒ ধ্রু॒বো॑-ঽসি] 36
-গৃহ্ণাতি ধ্রু॒বো॑-ঽসি ধ্রু॒বো॑-ঽহগ্ম্ স॑জা॒তেষু॑ ভূযাস॒মিতি॑ পরি॒ধী-ন্পরি॑ দধাত্যা॒শিষ॑মে॒বৈতামা শা॒স্তে-ঽথো॑ এ॒তদে॒ব সর্বগ্ম্॑ সজা॒তেষ্বধি॑ ভবতি॒ যস্যৈ॒বং-বিঁ॒দুষ॑ এ॒তে প॑রি॒ধযঃ॑ পরিধী॒যন্ত॒ আম॑ নম॒স্যাম॑নস্য দেবা॒ ইতি॑ তি॒স্র আহু॑তী র্জুহোত্যে॒তাব॑ন্তো॒ বৈ স॑জা॒তা যে ম॒হান্তো॒ যে ক্ষু॑ল্ল॒কা যা-স্স্ত্রিয॒স্তানে॒বাব॑ রুন্ধে॒ ত এ॑ন॒মব॑রুদ্ধা॒ উপ॑ তিষ্ঠন্তে ॥ 37 ॥
(স্বাহা ঽঽম॑নমসি – সজা॒তানাগ্ম্॑ – রুন্ধে॒ – পঞ্চ॑ চ ) (অ. 9)
যন্নব॒-মৈত্ত-ন্নব॑নীত-মভব॒দ্য-দস॑র্প॒-ত্ত-থ্স॒র্পির॑ভব॒-দ্যদদ্ধি॑যত॒ ত-দ্ঘৃ॒তম॑ভবদ॒শ্বিনোঃ᳚ প্রা॒ণো॑-ঽসি॒ তস্য॑ তে দত্তাং॒-যঁযোঃ᳚ প্রা॒ণো-ঽসি॒ স্বাহেন্দ্র॑স্য প্রা॒ণো॑-ঽসি॒ তস্য॑ তে দদাতু॒ যস্য॑ প্রা॒ণো-ঽসি॒ স্বাহা॑ মি॒ত্রাবরু॑ণযোঃ প্রা॒ণো॑-ঽসি॒ তস্য॑ তে দত্তাং॒-যঁযোঃ᳚ প্রা॒ণো-ঽসি॒ স্বাহা॒ বিশ্বে॑ষা-ন্দে॒বানা᳚-ম্প্রা॒ণো॑-ঽসি॒ [বিশ্বে॑ষা-ন্দে॒বানা᳚-ম্প্রা॒ণো॑-ঽসি॒, তস্য॑ তে] 38
তস্য॑ তে দদতু॒ যেষা᳚-ম্প্রা॒ণো-ঽসি॒ স্বাহা॑ ঘৃ॒তস্য॒ ধারা॑ম॒মৃত॑স্য॒ পন্থা॒মিন্দ্রে॑ণ দ॒ত্তা-ম্প্রয॑তা-ম্ম॒রুদ্ভিঃ॑ । ত-ত্ত্বা॒ বিষ্ণুঃ॒ পর্য॑পশ্য॒-ত্ত-ত্ত্বেডা॒ গব্যৈর॑যত্ ॥ পা॒ব॒মা॒নেন॑ ত্বা॒ স্তোমে॑ন গায॒ত্রস্য॑ বর্ত॒ন্যোপা॒গ্ম্॒শো র্বী॒র্যে॑ণ দে॒বস্ত্বা॑ সবি॒তো-থ্সৃ॑জতু জী॒বাত॑বে জীবন॒স্যাযৈ॑ বৃহ-দ্রথন্ত॒রযো᳚স্ত্বা॒ স্তোমে॑ন ত্রি॒ষ্টুভো॑ বর্ত॒ন্যা শু॒ক্রস্য॑ বী॒র্যে॑ণ দে॒বস্ত্বা॑ সবি॒তো- [সবি॒তোত্, সৃ॒জ॒তু॒ জী॒বাত॑বে] 39
-থ্সৃ॑জতু জী॒বাত॑বে জীবন॒স্যাযা॑ অ॒গ্নেস্ত্বা॒ মাত্র॑যা॒ জগ॑ত্যৈ বর্ত॒ন্যা-ঽঽগ্র॑য॒ণস্য॑ বী॒র্যে॑ণ দে॒বস্ত্বা॑ সবি॒তো-থ্সৃ॑জতু জী॒বাত॑বে জীবন॒স্যাযা॑ ই॒মম॑গ্ন॒ আযু॑ষে॒ বর্চ॑সে কৃধি প্রি॒যগ্ম্ রেতো॑ বরুণ সোম রাজন্ন্ । মা॒ তেবা᳚স্মা অদিতে॒ শর্ম॑ যচ্ছ॒ বিশ্বে॑ দেবা॒ জর॑দষ্টি॒র্যথা-ঽস॑ত্ ॥ অ॒গ্নিরাযু॑ষ্মা॒ন্-থ্স বন॒স্পতি॑ভি॒-রাযু॑ষ্মা॒-ন্তেন॒ ত্বা-ঽঽযু॒ষা-ঽঽযু॑ষ্মন্ত-ঙ্করোমি॒ সোম॒ আযু॑ষ্মা॒ন্-থ্স ওষ॑ধীভি র্য॒জ্ঞ আযু॑ষ্মা॒ন্-থ্স দক্ষি॑ণাভি॒ র্ব্রহ্মা-ঽঽযু॑ষ্ম॒-ত্ত-দ্ব্রা᳚হ্ম॒ণৈরাযু॑ষ্ম-দ্দে॒বা আযু॑ষ্মন্ত॒স্তে॑-ঽমৃতে॑ন পি॒তর॒ আযু॑ষ্মন্ত॒স্তে স্ব॒ধযা-ঽঽযু॑ষ্মন্ত॒স্তেন॒ ত্বা ঽঽযু॒ষা-ঽঽ যু॑ষ্মন্ত-ঙ্করোমি ॥ 40 ॥
(বিশ্বে॑ষা-ন্দে॒বানা᳚-ম্প্রা॒ণো॑-ঽসি – ত্রি॒ষ্টুভো॑ বর্ত॒ন্যা শু॒ক্রস্য॑ বী॒র্যে॑ণ দে॒বস্ত্বা॑ সবি॒তোথ্ – সোম॒ আযু॑ষ্মা॒ন্ – পঞ্চ॑বিগ্ম্শতিশ্চ) (অ. 10)
অ॒গ্নিং-বাঁ এ॒তস্য॒ শরী॑র-ঙ্গচ্ছতি॒ সোম॒গ্ম্॒ রসো॒ বরু॑ণ এনং-বঁরুণপা॒শেন॑ গৃহ্ণাতি॒ সর॑স্বতীং॒-বাঁগ॒গ্নাবিষ্ণূ॑ আ॒ত্মা যস্য॒ জ্যোগা॒ময॑তি॒ যো জ্যোগা॑মযাবী॒ স্যাদ্যো বা॑ কা॒মযে॑ত॒ সর্ব॒মাযু॑রিযা॒মিতি॒ তস্মা॑ এ॒তামিষ্টি॒-ন্নির্ব॑পেদাগ্নে॒য -ম॒ষ্টাক॑পালগ্ম্ সৌ॒ম্য-ঞ্চ॒রুং-বাঁ॑রু॒ণ-ন্দশ॑কপালগ্ম্ সারস্ব॒ত-ঞ্চ॒রুমা᳚গ্নাবৈষ্ণ॒ব-মেকা॑দশকপাল-ম॒গ্নেরে॒বাস্য॒ শরী॑র-ন্নিষ্ক্রী॒ণাতি॒ সোমা॒দ্রসং॑- [সোমা॒দ্রস᳚ম্, বা॒রু॒ণেনৈ॒বৈনং॑-] 41
-বাঁরু॒ণেনৈ॒বৈনং॑-বঁরুণপা॒শা-ন্মু॑ঞ্চতি সারস্ব॒তেন॒ বাচ॑-ন্দধাত্য॒গ্নি-স্সর্বা॑ দে॒বতা॒ বিষ্ণু॑র্য॒জ্ঞো দে॒বতা॑ভিশ্চৈ॒বৈনং॑-যঁ॒জ্ঞেন॑ চ ভিষজ্যত্যু॒ত যদী॒তাসু॒ র্ভব॑তি॒ জীব॑ত্যে॒ব যন্নব॒-মৈত্ত-ন্নব॑নীত-মভব॒-দিত্যাজ্য॒- মবে᳚ক্ষতে-রূ॒পমে॒বাস্যৈ॒-তন্ম॑হি॒মানং॒-ব্যাঁচ॑ষ্টে॒-ঽশ্বিনোঃ᳚ প্রা॒ণো॑-ঽসীত্যা॑হা॒শ্বিনৌ॒ বৈ দে॒বানাং᳚- [দে॒বানা᳚ম্, ভি॒ষজৌ॒] 42
-ভি॒ষজৌ॒ তাভ্যা॑মে॒বাস্মৈ॑ ভেষ॒জ-ঙ্ক॑রো॒তীন্দ্র॑স্য প্রা॒ণো॑ ঽসীত্যা॑হেন্দ্রি॒য- মে॒বাস্মি॑ন্নে॒তেন॑ দধাতি মি॒ত্রাবরু॑ণযোঃ প্রা॒ণো॑-ঽসীত্যা॑হ প্রাণাপা॒নাবে॒- বাস্মি॑ন্নে॒তেন॑ দধাতি॒ বিশ্বে॑ষা-ন্দে॒বানা᳚-ম্প্রা॒ণো॑-ঽসীত্যা॑হ বী॒র্য॑মে॒বাস্মি॑ন্নে॒তেন॑ দধাতি ঘৃ॒তস্য॒ ধারা॑ম॒মৃত॑স্য॒ পন্থা॒মিত্যা॑হ যথায॒জুরে॒বৈত-ত্পা॑বমা॒নেন॑ ত্বা॒ স্তোমে॒নে- [স্তোমে॒নেতি, আ॒হ॒ প্রা॒ণমে॒বাস্মি॑-] 43
-ত্যা॑হ প্রা॒ণমে॒বাস্মি॑-ন্নে॒তেন॑ দধাতি বৃহ-দ্রথন্ত॒রযো᳚স্ত্বা॒ স্তোমে॒নেত্যা॒হৌজ॑ এ॒বাস্মি॑ন্নে॒তেন॑ দধাত্য॒গ্নেস্ত্বা॒ মাত্র॒যেত্যা॑হা॒-ঽঽত্মান॑-মে॒বাস্মি॑ন্নে॒তেন॑ দধাত্যৃ॒ত্বিজঃ॒ পর্যা॑হু॒র্যাব॑ন্ত এ॒বর্ত্বিজ॒স্ত এ॑ন-ম্ভিষজ্যন্তি ব্র॒হ্মণো॒ হস্ত॑মন্বা॒রভ্য॒ পর্যা॑হুরেক॒ধৈব যজ॑মান॒ আযু॑র্দধতি॒ যদে॒ব তস্য॒ তদ্ধির॑ণ্যা- [তদ্ধির॑ণ্যাত্, ঘৃ॒ত-ন্নিষ্পি॑ব॒ত্যাযু॒র্বৈ] 44
-দ্ঘৃ॒ত-ন্নিষ্পি॑ব॒ত্যাযু॒র্বৈ ঘৃ॒তম॒মৃত॒গ্ম্॒ হির॑ণ্যম॒মৃতা॑দে॒বা ঽঽযু॒র্নিষ্পি॑বতি শ॒তমা॑ন-ম্ভবতি শ॒তাযুঃ॒ পুরু॑ষ-শ্শ॒তেন্দ্রি॑য॒ আযু॑ষ্যে॒বেন্দ্রি॒যে প্রতি॑তিষ্ঠ॒ত্যথো॒ খলু॒ যাব॑তী॒-স্সমা॑ এ॒ষ্য-ন্মন্যে॑ত॒ তাব॑ন্মানগ্গ্ স্যা॒-থ্সমৃ॑দ্ধ্যা ই॒মম॑গ্ন॒ আযু॑ষে॒ বর্চ॑সে কৃ॒ধীত্যা॒হা ঽঽযু॑রে॒বাস্মি॒ন্. বর্চো॑ দধাতি॒ বিশ্বে॑ দেবা॒ জর॑দষ্টি॒র্যথা ঽস॒দিত্যা॑ -হ॒ জর॑দষ্টিমে॒বৈন॑-ঙ্করোত্য॒গ্নি-রাযু॑ষ্মা॒নিতি॒ হস্ত॑-ঙ্গৃহ্ণাত্যে॒তে বৈ দে॒বা আযু॑ষ্মন্ত॒স্ত এ॒বাস্মি॒ন্নাযু॑র্দধতি॒ সর্ব॒মাযু॑রেতি ॥ 45 ॥
(রসং॑-দে॒বানা॒গ্॒-স্তোমে॒নেতি॒-হির॑ণ্যা॒-দস॒দিতি॒-দ্বাবিগ্ম্॑শতিশ্চ) (অ. 11)
প্র॒জাপ॑তি॒ র্বরু॑ণা॒যাশ্ব॑মনয॒-থ্স স্বা-ন্দে॒বতা॑মার্চ্ছ॒-থ্স পর্য॑দীর্যত॒ স এ॒তং-বাঁ॑রু॒ণ-ঞ্চতু॑ষ্-কপালমপশ্য॒-ত্ত-ন্নির॑বপ॒-ত্ততো॒ বৈ স ব॑রুণ- পা॒শাদ॑মুচ্যত॒ বরু॑ণো॒ বা এ॒ত-ঙ্গৃ॑হ্ণাতি॒ যো-ঽশ্ব॑-ম্প্রতিগৃ॒হ্ণাতি॒ যাব॒তো-ঽশ্বা᳚-ন্প্রতিগৃহ্ণী॒যা-ত্তাব॑তো বারু॒ণান্ চতু॑ষ্কপালা॒-ন্নির্ব॑পে॒-দ্বরু॑ণমে॒ব স্বেন॑ ভাগ॒ধেযে॒নোপ॑ ধাবতি॒ স এ॒বৈনং॑-বঁরুণপা॒শান্ -মু॑ঞ্চতি॒ [বরুণপা॒শান্ -মু॑ঞ্চতি, চতু॑ষ্কপালা] 46
চতু॑ষ্কপালা ভবন্তি॒ চতু॑ষ্পা॒দ্ধ্যশ্ব॒-স্সমৃ॑দ্ধ্যা॒ এক॒মতি॑রিক্ত॒-ন্নির্ব॑পে॒-দ্যমে॒ব প্র॑তিগ্রা॒হী ভব॑তি॒ যং-বাঁ॒ নাদ্ধ্যেতি॒ তস্মা॑দে॒ব ব॑রুণপা॒শা-ন্মু॑চ্যতে॒ যদ্যপ॑র-ম্প্রতিগ্রা॒হী স্যা-থ্সৌ॒র্যমেক॑কপাল॒মনু॒ নির্ব॑পেদ॒মুমে॒বা ঽঽদি॒ত্যমু॑চ্চা॒র-ঙ্কু॑রুতে॒ ঽপো॑-ঽবভৃ॒থমবৈ᳚ত্য॒ফ্সু বৈ বরু॑ণ-স্সা॒ক্ষাদে॒ব বরু॑ণ॒মব॑ যজতে ঽপোন॒প্ত্রীয॑-ঞ্চ॒রু-ম্পুন॒রেত্য॒ নির্ব॑পেদ॒ফ্সু যো॑নি॒র্বা অশ্ব॒-স্স্বামে॒বৈনং॒-যোঁনি॑-ঙ্গমযতি॒ স এ॑নগ্ম্ শা॒ন্ত উপ॑ তিষ্ঠতে ॥ 47 ॥
(মু॒ঞ্চ॒তি॒ – চ॒রুগ্ম্ – স॒প্তদ॑শ চ) (অ. 12)
যা বা॑মিন্দ্রাবরুণা যত॒ব্যা॑ ত॒নূস্তযে॒মমগ্ম্ হ॑সো মুঞ্চতং॒-যাঁ বা॑মিন্দ্রা বরুণা সহ॒স্যা॑ রক্ষ॒স্যা॑ তেজ॒স্যা॑ ত॒নূস্তযে॒ মমগ্ম্ হ॑সো মুঞ্চতং॒-যোঁ বা॑মিন্দ্রা বরুণা ব॒গ্নৌ স্রাম॒স্তং-বাঁ॑ মে॒ তেনা ব॑যজে॒যো বা॑মিন্দ্রা বরুণা দ্বি॒পাথ্সু॑ প॒শুষু॒ চতু॑ষ্পাথ্সু গো॒ষ্ঠে গৃ॒হেষ্ব॒ফ্স্বোষ॑ধীষু॒ বন॒স্পতি॑ষু॒ স্রাম॒স্তং-বাঁ॑ মে॒ তেনাব॑ যজ॒ ইন্দ্রো॒ বা এ॒তস্যে᳚- [এ॒তস্য॑, ই॒ন্দ্রি॒যেণাপ॑ ক্রামতি॒] 48
-ন্দ্রি॒যেণাপ॑ ক্রামতি॒ বরু॑ণ এনং-বঁরুণপা॒শেন॑ গৃহ্ণাতি॒ যঃ পা॒প্মনা॑ গৃহী॒তো ভব॑তি॒ যঃ পা॒প্মনা॑ গৃহী॒ত-স্স্যা-ত্তস্মা॑ এ॒তামৈ᳚ন্দ্রাবরু॒ণী-ম্প॑য॒স্যা᳚-ন্নির্ব॑পে॒দিন্দ্র॑ এ॒বাস্মি॑-ন্নিন্দ্রি॒য-ন্দ॑ধাতি॒ বরু॑ণ এনং বঁরুণপা॒শা-ন্মু॑ঞ্চতি পয॒স্যা॑ ভবতি॒ পযো॒ হি বা এ॒তস্মা॑-দপ॒ক্রাম॒ত্যথৈ॒ষ পা॒প্মনা॑ গৃহী॒তো য-ত্প॑য॒স্যা॑ ভব॑তি॒ পয॑ এ॒বাস্মি॒-ন্তযা॑ দধাতি পয॒স্যা॑যা- [পয॒স্যা॑যাম্, পুরো॒ডাশ॒মব॑] 49
-ম্পুরো॒ডাশ॒মব॑ দধাত্যাত্ম॒ন্বন্ত॑-মে॒বৈন॑-ঙ্করো॒ত্যথো॑ আ॒যত॑নবন্ত-মে॒ব চ॑তু॒র্ধা ব্যূ॑হতি দি॒ক্ষ্বে॑ব প্রতি॑তিষ্ঠতি॒ পুন॒-স্সমূ॑হতি দি॒গ্ভ্য এ॒বাস্মৈ॑ ভেষ॒জ-ঙ্ক॑রোতি স॒মূহ্যাব॑ দ্যতি॒ যথা-ঽঽবি॑দ্ধ-ন্নিষ্কৃ॒ন্ততি॑ তা॒দৃগে॒ব তদ্যো বা॑মিন্দ্রা-বরুণাব॒গ্নৌ স্রাম॒স্তং-বাঁ॑মে॒তেনাব॑ যজ॒ ইত্যা॑হ॒ দুরি॑ষ্ট্যা এ॒বৈন॑-ম্পাতি॒ যো বা॑ মিন্দ্রা বরুণা দ্বি॒পাথ্সু॑ প॒শুষু॒ স্রাম॒স্তং-বাঁ॑ মে॒ তেনাব॑ যজ॒ ইত্যা॑হৈ॒তাব॑তী॒র্বা আপ॒ ওষ॑ধযো॒ বন॒স্পত॑যঃ প্র॒জাঃ প॒শব॑ উপজীব॒নীযা॒স্তা এ॒বাস্মৈ॑ বরুণপা॒শা-ন্মু॑ঞ্চতি ॥ 50 ॥
(এ॒তস্য॑ – পয॒স্যা॑যাং – পাতি॒ – ষড্বিগ্ম্॑শতিশ্চ ) (অ. 13)
স প্র॑ত্ন॒বন্নি কাব্যেন্দ্রং॑-বোঁ বি॒শ্বত॒-স্পরীন্দ্র॒-ন্নরঃ॑ ॥ ত্ব-ন্ন॑-স্সোম বি॒শ্বতো॒ রক্ষা॑ রাজন্নঘায॒তঃ । ন রি॑ষ্যে॒-ত্ত্বাব॑ত॒-স্সখাঃ᳚ ॥ যা তে॒ ধামা॑নি দি॒বি যা পৃ॑থি॒ব্যাং-যাঁ পর্ব॑তে॒ষ্বোষ॑ধীষ্ব॒ফ্সু ॥ তেভি॑র্নো॒ বিশ্বৈ᳚-স্সু॒মনা॒ অহে॑ড॒-ন্রাজন্᳚-থ্সোম॒ প্রতি॑ হ॒ব্যা গৃ॑ভায ॥ অগ্নী॑ষোমা॒ সবে॑দসা॒ সহূ॑তী বনত॒-ঙ্গিরঃ॑ । স-ন্দে॑ব॒ত্রা ব॑ভূবথুঃ ॥ যু॒ব- [যু॒বম্, এ॒তানি॑ দি॒বি রো॑চ॒নান্য॒গ্নিশ্চ॑] 51
-মে॒তানি॑ দি॒বি রো॑চ॒নান্য॒গ্নিশ্চ॑ সোম॒ সক্র॑তূ অধত্তম্ ॥ যু॒বগ্ম্ সিন্ধূগ্ম্॑ র॒ভিশ॑স্তেরব॒দ্যা-দগ্নী॑ষোমা॒-বমু॑ঞ্চত-ঙ্গৃভী॒তান্ ॥ অগ্নী॑ষোমাবি॒মগ্ম্ সু মে॑ শৃণু॒তং-বৃঁ॑ষণা॒ হব᳚ম্ । প্রতি॑ সূ॒ক্তানি॑ হর্যত॒-ম্ভব॑ত-ন্দা॒শুষে॒ মযঃ॑ ॥ আ-ঽন্য-ন্দি॒বো মা॑ত॒রিশ্বা॑ জভা॒রা-ঽম॑থ্নাদ॒ন্য-ম্পরি॑ শ্যে॒নো অদ্রেঃ᳚ । অগ্নী॑ষোমা॒ ব্রহ্ম॑ণা বাবৃধা॒নোরুং-যঁ॒জ্ঞায॑ চক্রথুরু লো॒কম্ ॥ অগ্নী॑ষোমা হ॒বিষঃ॒ প্রস্থি॑তস্য বী॒তগ্ম্ [বী॒তম্, হর্য॑তং-বৃঁষণা জু॒ষেথা᳚ম্ ।] 52
হর্য॑তং-বৃঁষণা জু॒ষেথা᳚ম্ । সু॒শর্মা॑ণা॒ স্বব॑সা॒ হি ভূ॒তমথা॑ ধত্তং॒-যঁজ॑মানায॒ শং-যোঃ ঁ॥ আপ্যা॑যস্ব॒, স-ন্তে᳚ ॥ গ॒ণানা᳚-ন্ত্বা গ॒ণপ॑তিগ্ম্ হবামহে ক॒বি-ঙ্ক॑বী॒না-মু॑প॒মশ্র॑বস্তমম্ । জ্যে॒ষ্ঠ॒রাজ॒-ম্ব্রহ্ম॑ণা-ম্ব্রহ্মণস্পত॒ আ ন॑-শ্শৃ॒ণ্বন্নূ॒তিভি॑-স্সীদ॒ সাদ॑নম্ । স ইজ্জনে॑ন॒ স বি॒শা স জন্ম॑না॒ স পু॒ত্রৈর্বাজ॑-ম্ভরতে॒ ধনা॒ নৃভিঃ॑ । দে॒বানাং॒-যঃ ঁপি॒তর॑-মা॒বিবা॑সতি [ ] 53
শ্র॒দ্ধাম॑না হ॒বিষা॒ ব্রহ্ম॑ণ॒স্পতি᳚ম্ ॥ স সু॒ষ্টুভা॒ স ঋক্ব॑তা গ॒ণেন॑ ব॒লগ্ম্ রু॑রোজ ফলি॒গগ্ম্ রবে॑ণ । বৃহ॒স্পতি॑-রু॒স্ত্রিযা॑ হব্য॒সূদঃ॒ কনি॑ক্রদ॒দ্- বাব॑শতী॒রুদা॑জত্ ॥ মরু॑তো॒ যদ্ধ॑ বো দি॒বো, যা ব॒-শ্শর্ম॑ ॥ অ॒র্য॒মা ঽঽযা॑তি বৃষ॒ভস্তুবি॑ষ্মা-ন্দা॒তা বসূ॑না-ম্পুরুহূ॒তো অর্হন্ন্॑ । স॒হ॒স্রা॒ক্ষো গো᳚ত্র॒ভি-দ্বজ্র॑বাহুর॒স্মাসু॑ দে॒বো দ্রবি॑ণ-ন্দধাতু ॥ যে তে᳚-ঽর্যম-ন্ব॒হবো॑ দেব॒যানাঃ॒ পন্থা॑নো [পন্থা॑নঃ, রা॒জ॒-ন্দি॒ব আ॒চর॑ন্তি ।] 54
রাজ-ন্দি॒ব আ॒চর॑ন্তি । তেভি॑র্নো দেব॒ মহি॒ শর্ম॑ যচ্ছ॒ শ-ন্ন॑ এধি দ্বি॒পদে॒ শ-ঞ্চতু॑ষ্পদে ॥ বু॒দ্ধ্নাদগ্র॒-মঙ্গি॑রোভি-র্গৃণা॒নো বি পর্ব॑তস্য দৃগ্ম্হি॒তান্যৈ॑রত্ । রু॒জ-দ্রোধাগ্ম্॑সি-কৃ॒ত্রিমা᳚ণ্যেষা॒গ্ম্॒-সোম॑স্য॒ তা-মদ॒ ইন্দ্র॑-শ্চকার ॥ বু॒দ্ধ্না-দগ্রে॑ণ॒ বি মি॑মায॒ মানৈ॒-র্বজ্রে॑ণ॒ খান্য॑তৃণ-ন্ন॒দীনা᳚ম্ । বৃথা॑ ঽসৃজ-ত্প॒থিভি॑ র্দীর্ঘযা॒থৈ-স্সোম॑স্য॒ তা মদ॒ ইন্দ্র॑শ্চকার । ॥ 55 ॥
প্র যো জ॒জ্ঞে বি॒দ্বাগ্ম্ অ॒স্য বন্ধুং॒-বিঁশ্বা॑নি দে॒বো জনি॑মা বিবক্তি । ব্রহ্ম॒ ব্রহ্ম॑ণ॒ উজ্জ॑ভার॒ মদ্ধ্যা᳚ন্নী॒চাদু॒চ্চা স্ব॒ধযা॒-ঽভি প্রত॑স্থৌ ॥ ম॒হা-ন্ম॒হী অ॑স্তভায॒দ্বি জা॒তো দ্যাগ্ম্ সদ্ম॒ পার্থি॑ব-ঞ্চ॒ রজঃ॑ । স বু॒দ্ধ্নাদা᳚ষ্ট জ॒নুষা॒-ঽভ্যগ্র॒-ম্বৃহ॒স্পতি॑ র্দে॒বতা॒যস্য॑ স॒ম্রাট্ ॥ বু॒দ্ধ্নাদ্যো অগ্র॑ম॒ভ্যর্ত্যোজ॑সা॒ বৃহ॒স্পতি॒মা বি॑বাসন্তি দে॒বাঃ । ভি॒নদ্ব॒লং-বিঁ পুরো॑ দর্দরীতি॒ কনি॑ক্রদ॒-থ্সুব॑র॒পো জি॑গায ॥ 56 ॥
(যু॒বং – বীঁ॒তমা॒ – বিবা॑সতি॒ – পন্থা॑নো – দীর্ঘযা॒থৈ-স্সোম॑স্য॒ তা মদ॒ ইন্দ্র॑শ্চকার – দে॒বা – নব॑ চ) (অ. 14)
(আ॒দি॒ত্যেভ্যো॑ – দে॒বা বৈ মৃ॒ত্যো – র্দে॒বা বৈ – স॒ত্রম॑ – র্য॒ম্ণে -প্র॒জাপ॑তে॒স্ত্রয॑স্ত্রিগ্ম্শত্ – প্র॒জাপ॑তি র্দে॒বেভ্যো॒-ঽন্নাদ্যং॑ -দেবাসু॒রাস্তান্ – রজ॑নো – ধ্রু॒বো॑-ঽসি॒ – যন্নব॑ – ম॒গ্নিং-বৈঁ – প্র॒জাপ॑তি॒ র্বরু॑ণায॒ – যা বা॑মিন্দ্রা বরুণা॒ – স প্র॑ত্ন॒ব -চ্চতু॑র্দশ)
(আ॒দি॒ত্যেভ্য॒ – স্ত্বষ্টু॑ – রস্মৈ॒ দান॑কামা – এ॒বাব॑ রুন্ধে॒ – ঽগ্নিং-বৈঁ – স প্র॑ত্ন॒বথ্ – ষট্প॑ঞ্চা॒শত্ )
(আ॒দি॒ত্যেভ্যঃ॒ – সুব॑র॒পো জি॑গায )
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে তৃতীযঃ প্রশ্ন-স্সমাপ্তঃ ॥