কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে পঞ্চমঃ প্রশ্নঃ – ইষ্টিবিধানং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
বি॒শ্বরূ॑পো॒ বৈ ত্বা॒ষ্ট্রঃ পু॒রোহি॑তো দে॒বানা॑মাসী-থ্স্ব॒স্রীযো-ঽসু॑রাণা॒-ন্তস্য॒ ত্রীণি॑ শী॒র্॒ষাণ্যা॑সন্-থ্সোম॒পানগ্ম্॑ সুরা॒পান॑-ম॒ন্নাদ॑ন॒গ্ম্॒ স প্র॒ত্যক্ষ॑-ন্দে॒বেভ্যো॑ ভা॒গম॑বদ-ত্প॒রোক্ষ॒মসু॑রেভ্য॒-স্সর্ব॑স্মৈ॒ বৈ প্র॒ত্যক্ষ॑-ম্ভা॒গং-বঁ॑দন্তি॒ যস্মা॑ এ॒ব প॒রোক্ষং॒-বঁদ॑ন্তি॒ তস্য॑ ভা॒গ উ॑দি॒তস্তস্মা॒দিন্দ্রো॑ ঽবিভেদী॒দৃং-বৈঁ রা॒ষ্ট্রং-বিঁ প॒র্যাব॑র্তয॒তীতি॒ তস্য॒ বজ্র॑মা॒দায॑ শী॒র্॒ষাণ্য॑চ্ছিন॒দ্য-থ্সো॑ম॒পান॒- [-থ্সো॑ম॒পান᳚ম্, আসী॒থ্স] 1
-মাসী॒থ্স ক॒পিঞ্জ॑লো ঽভব॒-দ্য-থ্সু॑রা॒পান॒গ্ম্॒ স ক॑ল॒বিঙ্কো॒ যদ॒ন্নাদ॑ন॒গ্ম্॒ স তি॑ত্তি॒রিস্তস্যা᳚ঞ্জ॒লিনা᳚ ব্রহ্মহ॒ত্যামুপা॑গৃহ্ণা॒-ত্তাগ্ম্ সং॑বঁথ্স॒রম॑বিভ॒স্ত-ম্ভূ॒তান্য॒ভ্য॑ক্রোশ॒-ন্ব্রহ্ম॑হ॒ন্নিতি॒ স পৃ॑থি॒বীমুপা॑সীদদ॒স্যৈ ব্র॑হ্মহ॒ত্যাযৈ॒ তৃতী॑য॒-ম্প্রতি॑ গৃহা॒ণেতি॒ সা-ঽব্র॑বী॒দ্বরং॑-বৃঁণৈ খা॒তা-ত্প॑রাভবি॒ষ্যন্তী॑ মন্যে॒ ততো॒ মা পরা॑ ভূব॒মিতি॑পু॒রা তে॑ [ভূব॒মিতি॑পু॒রা তে᳚, সংবঁথ্স॒রাদপি॑] 2
সংবঁথ্স॒রাদপি॑ রোহা॒দিত্য॑ব্রবী॒-ত্তস্মা᳚-ত্পু॒রা সং॑বঁথ্স॒রা-ত্পৃ॑থি॒ব্যৈ খা॒তমপি॑ রোহতি॒ বারে॑বৃত॒গ্গ্॒ হ্য॑স্যৈ॒ তৃতী॑য-ম্ব্রহ্মহ॒ত্যাযৈ॒ প্রত্য॑গৃহ্ণা॒-ত্ত-থ্স্বকৃ॑ত॒মিরি॑ণমভব॒-ত্তস্মা॒দাহি॑তাগ্নি-শ্শ্র॒দ্ধাদে॑ব॒-স্স্বকৃ॑ত॒ ইরি॑ণে॒ নাব॑ স্যে-দ্ব্রহ্মহ॒ত্যাযৈ॒ হ্যে॑ষ বর্ণ॒-স্স বন॒স্পতী॒নুপা॑সীদদ॒স্যৈ ব্র॑হ্মহ॒ত্যাযৈ॒ তৃতী॑য॒-ম্প্রতি॑ গৃহ্ণী॒তেতি॒ তে᳚-ঽব্রুব॒ন্ বরং॑-বৃঁণামহৈ বৃ॒ক্ণা- [বৃ॒ক্ণাত্, প॒রা॒ভ॒বি॒ষ্যন্তো॑] 3
-ত্প॑রাভবি॒ষ্যন্তো॑ মন্যামহে॒ ততো॒ মা পরা॑ ভূ॒মেত্যা॒ব্রশ্চ॑নাদ্বো॒ ভূযাগ্ম্॑স॒ উত্তি॑ষ্ঠা॒নিত্য॑ব্রবী॒-ত্তস্মা॑দা॒ব্রশ্চ॑না-দ্বৃ॒ক্ষাণা॒-ম্ভূযাগ্ম্॑স॒ উত্তি॑ষ্ঠন্তি॒ বারে॑বৃত॒গ্গ্॒ হ্যে॑ষা॒-ন্তৃতী॑য-ম্ব্রহ্মহ॒ত্যাযৈ॒ প্রত্য॑গৃণ্হ॒ন্থ্স নি॑র্যা॒সো॑ ঽভব॒-ত্তস্মা᳚ন্নির্যা॒সস্য॒ না-ঽঽশ্য॑-ম্ব্রহ্মহ॒ত্যাযৈ॒ হ্যে॑ষ বর্ণো-ঽথো॒ খলু॒ য এ॒ব লোহি॑তো॒ যো বা॒-ঽঽব্রশ্চ॑নান্নি॒র্যেষ॑তি॒ তস্য॒ না-ঽঽশ্য॑- [না-ঽঽশ্য᳚ম্, কাম॑ম॒ন্যস্য॒] 4
-ঙ্কাম॑ম॒ন্যস্য॒ সস্ত্রী॑ষগ্ম্সা॒দ-মুপা॑সীদদ॒স্যৈ ব্র॑হ্মহ॒ত্যাযৈ॒ তৃতী॑য॒-ম্প্রতি॑ গৃহ্ণী॒তেতি॒ তা অ॑ব্রুব॒ন্ বরং॑-বৃঁণামহা॒ ঋত্বি॑যা-ত্প্র॒জাং-বিঁ॑ন্দামহৈ॒ কাম॒মা বিজ॑নিতো॒-স্স-ম্ভ॑বা॒মেতি॒ তস্মা॒দৃত্বি॑যা॒-থ্স্ত্রিযঃ॑ প্র॒জাং বিঁ॑ন্দন্তে॒ কাম॒মা বিজ॑নিতো॒-স্সম্ভ॑বন্তি॒ বারে॑বৃত॒গ্গ্॒ হ্যা॑সা॒-ন্তৃতী॑য-ম্ব্রহ্মহ॒ত্যাযৈ॒ প্রত্য॑গৃহ্ণ॒ন্-থ্সা মল॑বদ্বাসা অভব॒-ত্তস্মা॒-ন্মল॑ব-দ্বাসসা॒ ন সংবঁ॑দেত॒- [সংবঁ॑দেত, ন স॒হা-ঽঽসী॑ত॒] 5
-ন স॒হা-ঽঽসী॑ত॒ নাস্যা॒ অন্ন॑মদ্যা-দ্ব্রহ্মহ॒ত্যাযৈ॒ হ্যে॑ষা বর্ণ॑-ম্প্রতি॒মুচ্যা ঽঽস্তে-ঽথো॒ খল্বা॑হুর॒ভ্যঞ্জ॑নং॒-বাঁব স্ত্রি॒যা অন্ন॑ম॒ভ্যঞ্জ॑নমে॒ব ন প্র॑তি॒গৃহ্য॒-ঙ্কাম॑ম॒ন্যদিতি॒ যা-ম্মল॑ব-দ্বাসসগ্ম্ স॒ভংবঁ॑ন্তি॒ যস্ততো॒ জায॑তে॒ সো॑-ঽভিশ॒স্তো যামর॑ণ্যে॒ তস্যৈ᳚ স্তে॒নো যা-ম্পরা॑চী॒-ন্তস্যৈ᳚ হ্রীতমু॒খ্য॑পগ॒ল্ভো যা স্নাতি॒ তস্যা॑ অ॒ফ্সু মারু॑কো॒ যা- [মারু॑কো॒ যা, অ॒ভ্য॒ঙ্ক্তে] 6
-ঽভ্য॒ঙ্ক্তে তস্যৈ॑ দু॒শ্চর্মা॒ যা প্র॑লি॒খতে॒ তস্যৈ॑ খল॒তির॑পমা॒রী যা-ঽঽঙ্ক্তে তস্যৈ॑ কা॒ণো যা দ॒তো ধাব॑তে॒ তস্যৈ᳚ শ্যা॒বদ॒ন্॒. যা ন॒খানি॑ নিকৃ॒ন্ততে॒ তস্যৈ॑ কুন॒খী যা কৃ॒ণত্তি॒ তস্যৈ᳚ ক্লী॒বো যা রজ্জুগ্ম্॑ সৃ॒জতি॒ তস্যা॑ উ॒-দ্বন্ধু॑কো॒ যা প॒র্ণেন॒ পিব॑তি॒ তস্যা॑ উ॒ন্মাদু॑কো॒ যা খ॒র্বেণ॒ পিব॑তি॒ তস্যৈ॑ খ॒র্বস্তি॒স্রো রাত্রী᳚র্ব্র॒ত-ঞ্চ॑রেদঞ্জ॒লিনা॑ বা॒ পিবে॒দখ॑র্বেণ বা॒ পাত্রে॑ণ প্র॒জাযৈ॑ গোপী॒থায॑ ॥ 7 ॥
(য-থ্সো॑ম॒পানং॑ – তে – বৃ॒ক্ণাত্- তস্য॒ না-ঽঽশ্যং॑ – বঁদেত॒ -মারু॑কো॒ যা -ঽখ॑র্বেণ বা॒ – ত্রীণি॑ চ) (অ. 1)
ত্বষ্টা॑ হ॒তপু॑ত্রো॒ বীন্দ্র॒গ্ম্॒ সোম॒মা-ঽহ॑র॒-ত্তস্মি॒ন্নিন্দ্র॑ উপহ॒বমৈ᳚চ্ছত॒ ত-ন্নোপা᳚হ্বযত পু॒ত্র-ম্মে॑-ঽবধী॒রিতি॒ স য॑জ্ঞবেশ॒স-ঙ্কৃ॒ত্বা প্রা॒সহা॒ সোম॑মপিব॒-ত্তস্য॒ যদ॒ত্যশি॑ষ্যত॒ ত-ত্ত্বষ্টা॑-ঽঽহব॒নীয॒মুপ॒ প্রাব॑র্তয॒-থ্স্বাহেন্দ্র॑শত্রু-র্বর্ধ॒স্বেতি॒ যদব॑র্তয॒-ত্ত-দ্বৃ॒ত্রস্য॑ বৃত্র॒ত্বং-যঁদব্র॑বী॒-থ্স্বাহেন্দ্র॑শত্রু-র্বর্ধ॒স্বেতি॒ তস্মা॑দ॒স্যে- [তস্মা॑দস্য, ইন্দ্র॒-শ্শত্রু॑রভব॒থ্স] 8
-ন্দ্র॒-শ্শত্রু॑রভব॒থ্স স॒ভংবঁ॑ন্ন॒গ্নীষোমা॑ব॒ভি সম॑ভব॒-থ্স ই॑ষুমা॒ত্রমি॑ষুমাত্রং॒-বিঁষ্ব॑ঙ্ঙবর্ধত॒ স ই॒মাং-লোঁ॒কান॑বৃণো॒দ্যদি॒মাং-লোঁ॒কানবৃ॑ণো॒-ত্ত-দ্বৃ॒ত্রস্য॑ বৃত্র॒ত্ব-ন্তস্মা॒দিন্দ্রো॑-ঽবিভে॒-থ্স প্র॒জাপ॑তি॒মুপা॑ধাব॒-চ্ছত্রু॑র্মে-ঽ জ॒নীতি॒ তস্মৈ॒ বজ্রগ্ম্॑ সি॒ক্ত্বা প্রায॑চ্ছদে॒তেন॑ জ॒হীতি॒ তেনা॒ভ্যা॑যত॒ তাব॑ব্রূতাম॒গ্নীষোমৌ॒ মা [ ] 9
প্রহা॑রা॒বম॒ন্ত-স্স্ব॒ ইতি॒ মম॒ বৈ যু॒বগ্গ্স্থ॒ ইত্য॑ব্রবী॒-ন্মাম॒ভ্যেত॒মিতি॒ তৌ ভা॑গ॒ধেয॑মৈচ্ছেতা॒-ন্তাভ্যা॑-মে॒তম॑গ্নীষো॒মীয॒-মেকা॑দশকপাল-ম্পূ॒র্ণমা॑সে॒ প্রায॑চ্ছ॒-ত্তাব॑ব্রূতাম॒ভি সন্দ॑ষ্টৌ॒ বৈ স্বো॒ ন শ॑ক্নুব॒ ঐতু॒মিতি॒ স ইন্দ্র॑ আ॒ত্মন॑-শ্শীতরূ॒রাব॑জনয॒-ত্তচ্ছী॑তরূ॒রযো॒র্জন্ম॒ য এ॒বগ্ম্ শী॑তরূ॒রযো॒র্জন্ম॒ বেদ॒ [বেদ॑, নৈনগ্ম্॑] 10
নৈনগ্ম্॑ শীতরূ॒রৌ হ॑ত॒স্তাভ্যা॑মেনম॒ভ্য॑নয॒-ত্তস্মা᳚-জ্জঞ্জ॒ভ্যমা॑নাদ॒গ্নীষোমৌ॒ নির॑ক্রামতা-ম্প্রাণাপা॒নৌ বা এ॑ন॒-ন্তদ॑জহিতা-ম্প্রা॒ণো বৈ দক্ষো॑-ঽপা॒নঃ ক্রতু॒স্তস্মা᳚-জ্জঞ্জ॒ভ্যমা॑নো ব্রূযা॒ন্মযি॑ দক্ষক্র॒তূ ইতি॑ প্রাণাপা॒নাবে॒বা-ঽঽত্ম-ন্ধ॑ত্তে॒ সর্ব॒মাযু॑রেতি॒ স দে॒বতা॑ বৃ॒ত্রান্নি॒র্॒হূয॒ বার্ত্র॑ঘ্নগ্ম্ হ॒বিঃ পূ॒র্ণমা॑সে॒ নির॑বপ॒-দ্ঘ্নন্তি॒ বা এ॑ন-ম্পূ॒র্ণমা॑স॒ আ- [আ, অ॒মা॒বা॒স্যা॑যাং-] 11
-ঽমা॑বা॒স্যা॑যা-ম্প্যাযযন্তি॒ তস্মা॒-দ্বার্ত্র॑ঘ্নী পূ॒র্ণমা॒সে ঽনূ᳚চ্যেতে॒ বৃধ॑ন্বতী অমাবা॒স্যা॑যা॒-ন্ত-থ্স॒গ্গ্॒স্থাপ্য॒ বার্ত্র॑ঘ্নগ্ম্ হ॒বির্বজ্র॑মা॒দায॒ পুন॑র॒ভ্যা॑যত॒ তে অ॑ব্রূতা॒-ন্দ্যাবা॑পৃথি॒বী মা প্র হা॑রা॒বযো॒র্বৈ শ্রি॒ত ইতি॒ তে অ॑ব্রূতাং॒-বঁরং॑-বৃঁণাবহৈ॒ নক্ষ॑ত্রবিহিতা॒-ঽহমসা॒নীত্য॒সাব॑ব্রবী- চ্চি॒ত্রবি॑হিতা॒- ঽহমিতী॒য-ন্তস্মা॒ন্নক্ষ॑ত্রবিহিতা॒-ঽসৌ চি॒ত্রবি॑হিতে॒-ঽযং-যঁ এ॒ব-ন্দ্যাবা॑পৃথি॒ব্যো- [-দ্যাবা॑পৃথি॒ব্যোঃ, বরং॒-বেঁদৈনং॒-বঁরো॑] 12
-র্বরং॒-বেঁদৈনং॒-বঁরো॑ গচ্ছতি॒ স আ॒ভ্যামে॒ব প্রসূ॑ত॒ ইন্দ্রো॑ বৃ॒ত্রম॑হ॒-ন্তে দে॒বা বৃ॒ত্রগ্ম্ হ॒ত্বা-ঽগ্নীষোমা॑বব্রুবন্. হ॒ব্য-ন্নো॑ বহত॒মিতি॒ তাব॑ব্রূতা॒মপ॑তেজসৌ॒ বৈ ত্যৌ বৃ॒ত্রে বৈ ত্যযো॒স্তেজ॒ ইতি॒ তে᳚-ঽব্রুব॒ন্ ক ই॒দমচ্ছৈ॒তীতি॒ গৌরিত্য॑ব্রুব॒-ন্গৌর্বাব সর্ব॑স্য মি॒ত্রমিতি॒ সা-ঽব্র॑বী॒- [সা-ঽব্র॑বীত্, বরং॑-বৃঁণৈ॒ ময্যে॒ব] 13
-দ্বরং॑-বৃঁণৈ॒ ময্যে॒ব স॒তো-ঽভযে॑ন ভুনজাদ্ধ্বা॒ ইতি॒ ত-দ্গৌরা-ঽহ॑র॒-ত্তস্মা॒-দ্গবি॑ স॒তোভযে॑ন ভুঞ্জত এ॒তদ্বা অ॒গ্নেস্তেজো॒ য-দ্ঘৃ॒তমে॒ত-থ্সোম॑স্য॒ য-ত্পযো॒ য এ॒বম॒গ্নীষোম॑যো॒ স্তেজো॒ বেদ॑ তেজ॒স্ব্যে॑ব ভ॑বতি ব্রহ্মবা॒দিনো॑ বদন্তি কিন্দেব॒ত্য॑-ম্পৌর্ণমা॒সমিতি॑ প্রাজাপ॒ত্যমিতি॑ ব্রূযা॒-ত্তেনেন্দ্র॑-ঞ্জ্যে॒ষ্ঠ-ম্পু॒ত্র-ন্নি॒রবা॑সাযয॒দিতি॒ তস্মা᳚- -জ্জ্যে॒ষ্ঠ-ম্পু॒ত্র-ন্ধনে॑ন নি॒রব॑সাযযন্তি ॥ 14 ॥
(অ॒স্য॒ – মা – বেদা – ঽঽ – দ্যাবা॑পৃথি॒ব্যো – র॑ব্রবী॒ – দিতি॒ তস্মা᳚ – চ্চ॒ত্বারি॑ চ) (অ. 2)
ইন্দ্রং॑-বৃঁ॒ত্র-ঞ্জ॑ঘ্নি॒বাগ্ম্স॒-ম্মৃধো॒-ঽভি প্রাবে॑পন্ত॒ স এ॒তং-বৈঁ॑মৃ॒ধ-ম্পূ॒এণমা॑সে-ঽনুনির্বা॒প্য॑মপশ্য॒-ত্ত-ন্নির॑বপ॒-ত্তেন॒ বৈ স মৃধো-ঽপা॑হত॒ যদ্বৈ॑মৃ॒ধঃ পূ॒র্ণমা॑সে-ঽনুনির্বা॒প্যো॑ ভব॑তি॒ মৃধ॑ এ॒ব তেন॒ যজ॑মা॒নো ঽপ॑ হত॒ ইন্দ্রো॑ বৃ॒ত্রগ্ম্ হ॒ত্বা দে॒বতা॑ভিশ্চেন্দ্রি॒যেণ॑ চ॒ ব্যা᳚র্ধ্যত॒ স এ॒তমা᳚গ্নে॒য-ম॒ষ্টাক॑পাল-মমাবা॒স্যা॑যামপশ্যদৈ॒ন্দ্র-ন্দধি॒ [-দধি॑, ত-ন্নির॑বপ॒-ত্তেন॒] 15
ত-ন্নির॑বপ॒-ত্তেন॒ বৈ স দে॒বতা᳚শ্চেন্দ্রি॒য-ঞ্চাবা॑রুন্ধ॒যদা᳚গ্নে॒যো᳚ ঽষ্টাক॑পালো ঽমাবা॒স্যা॑যা॒-ম্ভব॑ত্যৈ॒ন্দ্র-ন্দধি॑ দে॒বতা᳚শ্চৈ॒ব তেনে᳚ন্দ্রি॒য-ঞ্চ॒ যজ॑মা॒নো-ঽব॑ রুন্ধ॒ ইন্দ্র॑স্য বৃ॒ত্র-ঞ্জ॒ঘ্নুষ॑ ইন্দ্রি॒যং-বীঁ॒র্য॑-ম্পৃথি॒বীমনু॒ ব্যা᳚র্চ্ছ॒-ত্তদোষ॑ধযো বী॒রুধো॑-ঽভব॒ন্থ্স প্র॒জাপ॑তি॒মুপা॑ধাব-দ্বৃ॒ত্র-ম্মে॑ জ॒ঘ্নুষ॑ ইন্দ্রি॒যং-বীঁ॒র্য॑- [বী॒র্য᳚ম্, পৃ॒থি॒বীমনু॒] 16
-ম্পৃথি॒বীমনু॒ ব্যা॑র॒-ত্তদোষ॑ধযো বী॒রুধো॑-ঽভূব॒ন্নিতি॒ স প্র॒জাপ॑তিঃ প॒শূন॑ব্রবীদে॒তদ॑স্মৈ॒ স-ন্ন॑য॒তেতি॒ ত-ত্প॒শব॒ ওষ॑ধী॒ভ্যো ঽধ্যা॒ত্মন্-থ্সম॑নয॒-ন্ত-ত্প্রত্য॑দুহ॒ন্॒. য-থ্স॒মন॑য॒-ন্ত-থ্সা᳚-ন্না॒য্যস্য॑ সান্নায্য॒ত্বং-যঁ-ত্প্র॒ত্যদু॑হ॒-ন্ত-ত্প্র॑তি॒ধুষঃ॑ প্রতিধু॒ক্ত্বগ্ম্ সম॑নৈষুঃ॒ প্রত্য॑ধুক্ষ॒-ন্ন তু মযি॑ শ্রযত॒ ইত্য॑ব্রবীদে॒তদ॑স্মৈ [ ] 17
শৃ॒ত-ঙ্কু॑রু॒তেত্য॑ব্রবী॒-ত্তদ॑স্মৈ শৃ॒ত-ম॑কুর্বন্নিন্দ্রি॒যং-বাঁবাস্মি॑ন্ বী॒র্য॑-ন্তদ॑শ্রয॒-ন্তচ্ছৃ॒তস্য॑ শৃত॒ত্বগ্ম্ সম॑নৈষুঃ॒ প্রত্য॑ধুক্ষঞ্ছৃ॒তম॑ক্র॒-ন্ন তু মা॑ ধিনো॒তীত্য॑ব্রবীদে॒তদ॑স্মৈ॒ দধি॑ কুরু॒তেত্য॑ব্রবী॒-ত্তদ॑স্মৈ॒ দদ্ধ্য॑কুর্ব॒-ন্তদে॑নমধিনো॒-ত্তদ্দ॒দ্ধ্নো দ॑ধি॒ত্ব-ম্ব্র॑হ্মবা॒দিনো॑ বদন্তি দ॒দ্ধ্নঃ পূর্ব॑স্যাব॒দেয॒- [পূর্ব॑স্যাব॒দেয᳚ম্, দধি॒ হি] 18
-ন্দধি॒ হি পূর্ব॑-ঙ্ক্রি॒যত॒ ইত্যনা॑দৃত্য॒ তচ্ছৃ॒তস্যৈ॒ব পূর্ব॒স্যাব॑ দ্যেদিন্দ্রি॒যমে॒বাস্মি॑ন্ বী॒র্যগ্গ্॑ শ্রি॒ত্বা দ॒দ্ধ্নো পরি॑ষ্টাদ্ধিনোতি যথাপূ॒র্বমুপৈ॑তি॒ য-ত্পূ॒তীকৈ᳚র্বা পর্ণব॒ল্কৈর্বা॑ ঽঽত॒ঞ্চ্যা-থ্সৌ॒ম্য-ন্তদ্য-ত্ক্ব॑লৈ রাক্ষ॒স-ন্তদ্য-ত্ত॑ণ্ডু॒লৈর্বৈ᳚শ্বদে॒ব-ন্তদ্যদা॒তঞ্চ॑নেন মানু॒ষ-ন্ত-দ্য-দ্দ॒দ্ধ্না ত-থ্সেন্দ্র॑-ন্দ॒দ্ধ্না ঽঽত॑নক্তি [ত॑নক্তি, সে॒ন্দ্র॒ত্বাযা᳚-] 19
সেন্দ্র॒ত্বাযা᳚-ঽগ্নিহোত্রোচ্ছেষ॒ণম॒ভ্যা-ত॑নক্তি য॒জ্ঞস্য॒ সন্ত॑ত্যা॒ ইন্দ্রো॑ বৃ॒ত্রগ্ম্ হ॒ত্বা পরা᳚-ম্পরা॒বত॑-মগচ্ছ॒-দপা॑রাধ॒মিতি॒ মন্য॑মান॒স্ত-ন্দে॒বতাঃ॒ প্রৈষ॑মৈচ্ছ॒ন্-থ্সো᳚-ঽব্রবী-ত্প্র॒জাপ॑তি॒র্যঃ প্র॑থ॒মো॑-ঽনুবি॒ন্দতি॒ তস্য॑ প্রথ॒ম-ম্ভা॑গ॒ধেয॒মিতি॒ ত-ম্পি॒তরো-ঽন্ব॑বিন্দ॒-ন্তস্মা᳚-ত্পি॒তৃভ্যঃ॑ পূর্বে॒দ্যুঃ ক্রি॑যতে॒ সো॑-ঽমাবা॒স্যা᳚-ম্প্রত্যা-ঽগ॑চ্ছ॒-ত্ত-ন্দে॒বা অ॒ভি সম॑গচ্ছন্তা॒মা বৈ নো॒- [বৈ নঃ॑, অ॒দ্য বসু॑] 20
-ঽদ্য বসু॑ বস॒তীতীন্দ্রো॒ হি দে॒বানাং॒-বঁসু॒ তদ॑মাবা॒স্যা॑যা অমাবাস্য॒ত্ব-ম্ব্র॑হ্মবা॒দিনো॑ বদন্তি কিন্দেব॒ত্যগ্ম্॑ সান্না॒য্যমিতি॑ বৈশ্বদে॒বমিতি॑ ব্রূযা॒-দ্বিশ্বে॒ হি তদ্দে॒বা ভা॑গ॒ধেয॑ম॒ভি স॒মগ॑চ্ছ॒ন্তেত্যথো॒ খল্বৈ॒ন্দ্রমিত্যে॒ব ব্রূ॑যা॒দিন্দ্রং॒-বাঁব তে ত-দ্ভি॑ষ॒জ্যন্তো॒-ঽভি সম॑গচ্ছ॒ন্তেতি॑ ॥ 21 ॥
(দধি॑ – মে জ॒ঘ্নুষ॑ ইন্দ্রি॒যং-বীঁ॒র্য॑ – মিত্য॑ব্রবীদে॒তদ॑স্মা – অব॒দেযং॑ – তনক্তি – নো॒ – দ্বিচ॑ত্বারিগ্ম্শচ্চ) (অ. 3)
ব্র॒হ্ম॒বা॒দিনো॑ বদন্তি॒ স ত্বৈ দ॑॑র্শপূর্ণমা॒সৌ য॑জেত॒ য এ॑নৌ॒ সেন্দ্রৌ॒ যজে॒তেতি॑ বৈমৃ॒ধঃ পূ॒র্ণমা॑সে ঽনুনির্বা॒প্যো॑ ভবতি॒ তেন॑ পূ॒র্ণমা॑স॒-স্সেন্দ্র॑ ঐ॒ন্দ্র-ন্দদ্ধ্য॑মাবা॒স্যা॑যা॒-ন্তেনা॑মাবা॒স্যা॑ সেন্দ্রা॒ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে॒ সেন্দ্রা॑বে॒বৈনৌ॑ যজতে॒ শ্ব-শ্শ্বো᳚-ঽস্মা ঈজা॒নায॒ বসী॑যো ভবতি দে॒বা বৈ য-দ্য॒জ্ঞে ঽকু॑র্বত॒তদসু॑রা অকুর্বত॒ তে দে॒বা এ॒তা- [দে॒বা এ॒তাম্, ইষ্টি॑-মপশ্যন্-] 22
-মিষ্টি॑-মপশ্য-ন্নাগ্নাবৈষ্ণ॒ব-মেকা॑দশকপাল॒গ্ম্॒ সর॑স্বত্যৈ চ॒রুগ্ম্ সর॑স্বতে চ॒রু-ন্তা-ম্পৌ᳚র্ণমা॒সগ্ম্ স॒গ্গ্॒স্থাপ্যানু॒ নির॑বপ॒-ন্ততো॑ দে॒বা অভ॑ব॒-ন্পরা-ঽসু॑রা॒ যো ভ্রাতৃ॑ব্যবা॒ন্থ্স্যা-থ্স পৌ᳚র্ণমা॒সগ্ম্ স॒গ্গ্॒স্থাপ্যৈ॒তামিষ্টি॒মনু॒ নির্ব॑পে-ত্পৌর্ণমা॒সেনৈ॒ব বজ্র॒-ম্ভ্রাতৃ॑ব্যায প্র॒হৃত্যা᳚-ঽঽগ্নাবৈষ্ণ॒বেন॑ দে॒বতা᳚শ্চ য॒জ্ঞ-ঞ্চ॒ ভ্রাতৃ॑ব্যস্য বৃঙ্ক্তে মিথু॒না-ন্প॒শূন্-থ্সা॑রস্ব॒তাভ্যাং॒-যাঁব॑দে॒বাস্যাস্তি॒ ত- [যাব॑দে॒বাস্যাস্তি॒ তত্, সর্বং॑-বৃঁঙ্ক্তে] 23
-থ্সর্বং॑-বৃঁঙ্ক্তে পৌর্ণমা॒সীমে॒ব য॑জেত॒ ভ্রাতৃ॑ব্যবা॒ন্নামা॑বা॒স্যাগ্ম্॑ হ॒ত্বা ভ্রাতৃ॑ব্য॒-ন্না-ঽঽপ্যা॑যযতি সাকম্প্রস্থা॒যীযে॑ন যজেত প॒শুকা॑মো॒যস্মৈ॒ বা অল্পে॑না॒-ঽঽহর॑ন্তি॒ না-ঽঽত্মনা॒ তৃপ্য॑তি॒ নান্যস্মৈ॑ দদাতি॒ যস্মৈ॑ মহ॒তা তৃপ্য॑ত্যা॒ত্মনা॒ দদা᳚ত্য॒ন্যস্মৈ॑ মহ॒তা পূ॒র্ণগ্ম্ হো॑ত॒ব্য॑-ন্তৃ॒প্ত এ॒বৈন॒মিন্দ্রঃ॑ প্র॒জযা॑ প॒শুভি॑স্তর্পযতি দারুপা॒ত্রেণ॑ জুহোতি॒ ন হি মৃ॒ন্ময॒মাহু॑তিমান॒শ ঔদু॑ম্বর- [ঔদু॑ম্বরম্, ভ॒ব॒ত্যূর্গ্বা] 24
-ম্ভব॒ত্যূর্গ্বা উ॑দু॒ম্বর॒ ঊর্-ক্প॒শব॑ ঊ॒র্জৈবাস্মা॒ ঊর্জ॑-ম্প॒শূনব॑ রুন্ধে॒ নাগ॑তশ্রীর্মহে॒ন্দ্রং-যঁ॑জেত॒ ত্রযো॒ বৈ গ॒তশ্রি॑য-শ্শুশ্রু॒বা-ন্গ্রা॑ম॒ণী রা॑জ॒ন্য॑স্তেষা᳚-ম্মহে॒ন্দ্রো দে॒বতা॒ যো বৈ স্বা-ন্দে॒বতা॑মতি॒ যজ॑তে॒ প্রস্বাযৈ॑ দে॒বতা॑যৈচ্যবতে॒ ন পরা॒-ম্প্রাপ্নো॑তি॒ পাপী॑যা-ন্ভবতি সংবঁথ্স॒র-মিন্দ্রং॑-যঁজেত সংবঁথ্স॒রগ্ম্ হি ব্র॒ত-ন্না-ঽতি॒ স্বৈ- [ব্র॒ত-ন্না-ঽতি॒ স্বা, এ॒বৈন॑-ন্দে॒বতে॒জ্যমা॑না॒] 25
-বৈন॑-ন্দে॒বতে॒জ্যমা॑না॒ ভূত্যা॑ ইন্ধে॒ বসী॑যা-ন্ভবতি সংবঁথ্স॒রস্য॑ প॒রস্তা॑দ॒গ্নযে᳚ ব্র॒তপ॑তযে পুরো॒ডাশ॑ম॒ষ্টাক॑পাল॒-ন্নির্ব॑পে-থ্সংবঁথ্স॒রমে॒বৈনং॑-বৃঁ॒ত্র-ঞ্জ॑ঘ্নি॒বাগ্ম্ স॑ম॒গ্নি-র্ব্র॒তপ॑তি-র্ব্র॒তমা ল॑ম্ভযতি॒ ততো-ঽধি॒ কামং॑-যঁজেত ॥ 26 ॥
(এ॒তাং – ত – দৌদু॑ম্বর॒গ্গ্॒ – স্বা – ত্রি॒গ্ম্॒শচ্চ॑ ) (অ. 4)
নাসো॑মযাজী॒ স-ন্ন॑যে॒দনা॑গতং॒-বাঁ এ॒তস্য॒ পযো॒ যো-ঽসো॑মযাজী॒ যদসো॑মযাজী স॒-ন্নযে᳚-ত্পরিমো॒ষ এ॒ব সো-ঽনৃ॑ত-ঙ্করো॒ত্যথো॒ পরৈ॒ব সি॑চ্যতে সোমযা॒জ্যে॑ব স-ন্ন॑যে॒-ত্পযো॒ বৈ সোমঃ॒ পয॑-স্সান্না॒য্য-ম্পয॑সৈ॒ব পয॑ আ॒ত্ম-ন্ধ॑ত্তে॒ বি বা এ॒ত-ম্প্র॒জযা॑ প॒শুভি॑রর্ধযতি ব॒র্ধয॑ত্যস্য॒ ভ্রাতৃ॑ব্যং॒-যঁস্য॑ হ॒বির্নিরু॑প্ত-ম্পু॒রস্তা᳚চ্চ॒ন্দ্রমা॑ [পু॒রস্তা᳚চ্চ॒ন্দ্রমাঃ᳚, অ॒ভ্যু॑দেতি॑] 27
অ॒ভ্যু॑দেতি॑ ত্রে॒ধা ত॑ণ্ডু॒লান্. বি ভ॑জে॒দ্যে ম॑দ্ধ্য॒মা-স্স্যুস্তান॒গ্নযে॑ দা॒ত্রে পু॑রো॒ডাশ॑ম॒ষ্টাক॑পাল-ঙ্কুর্যা॒দ্যে স্থবি॑ষ্ঠা॒স্তানিন্দ্রা॑য প্রদা॒ত্রে দ॒ধগ্গ্শ্চ॒রুং-যেঁ-ঽণি॑ষ্ঠা॒স্তান্. বিষ্ণ॑বে শিপিবি॒ষ্টায॑ শৃ॒তে চ॒রুম॒গ্নিরে॒বাস্মৈ᳚ প্র॒জা-ম্প্র॑জ॒নয॑তি বৃ॒দ্ধামিন্দ্রঃ॒ প্রয॑চ্ছতি য॒জ্ঞো বৈ বিষ্ণুঃ॑ প॒শব॒-শ্শিপি॑র্য॒জ্ঞ এ॒ব প॒শুষু॒ প্রতি॑তিষ্ঠতি॒ ন দ্বে [ন দ্বে, য॒জে॒ত॒ য-ত্পূর্ব॑যা] 28
য॑জেত॒ য-ত্পূর্ব॑যা সম্প্র॒তি যজে॒তোত্ত॑রযা ছ॒ম্বট্কু॑র্যা॒দ্যদুত্ত॑রযা সম্প্র॒তি যজে॑ত॒ পূর্ব॑যা ছ॒ম্বট্কু॑র্যা॒ন্নেষ্টি॒র্ভব॑তি॒ ন য॒জ্ঞস্তদনু॑ হ্রীতমু॒খ্য॑পগ॒ল্ভো জা॑যত॒ একা॑মে॒ব য॑জেত প্রগ॒ল্ভো᳚-ঽস্য জায॒তে ঽনা॑দৃত্য॒ ত-দ্দ্বে এ॒ব য॑জেত যজ্ঞ মু॒খমে॒ব পূর্ব॑যা॒-ঽঽলভ॑তে॒ যজ॑ত॒ উত্ত॑রযা দে॒বতা॑ এ॒ব পূর্ব॑যা ঽবরু॒ন্ধ ই॑ন্দ্রি॒য-মুত্ত॑রযা দেবলো॒কমে॒ব [ ] 29
পূর্ব॑যা-ঽভি॒জয॑তি মনুষ্যলো॒কমুত্ত॑রযা॒ ভূয॑সো যজ্ঞক্র॒তূনুপৈ᳚ত্যে॒ষা বৈ সু॒মনা॒ নামেষ্টি॒র্যম॒দ্যেজা॒ন-ম্প॒শ্চাচ্চ॒ন্দ্রমা॑ অ॒ভ্যু॑দেত্য॒স্মিন্নে॒বাস্মৈ॑ লো॒কে-ঽর্ধু॑ক-ম্ভবতি দাক্ষাযণ য॒জ্ঞেন॑ সুব॒র্গকা॑মো যজেত পূ॒র্ণমা॑সে॒ স-ন্ন॑যে-ন্মৈত্রাবরু॒ণ্যা ঽঽমিক্ষ॑যা ঽমাবা॒স্যা॑যাং-যঁজেত পূ॒র্ণমা॑সে॒ বৈ দে॒বানাগ্ম্॑ সু॒তস্তেষা॑মে॒তম॑র্ধমা॒স-ম্প্রসু॑ত॒স্তেষা᳚-ম্মৈত্রাবরু॒ণী ব॒শা-ঽমা॑বা॒স্যা॑যা-মনূব॒ন্ধ্যা॑ য- [-মনূব॒ন্ধ্যা॑ যত্, পূ॒র্বে॒দ্যু র্যজ॑তে॒] 30
-ত্পূ᳚র্বে॒দ্যু র্যজ॑তে॒ বেদি॑মে॒ব ত-ত্ক॑রোতি॒ য-দ্ব॒থ্সা-ন॑পাক॒রোতি॑ সদোহবির্ধা॒নে এ॒ব স-ম্মি॑নোতি॒ যদ্যজ॑তে দে॒বৈরে॒ব সু॒ত্যাগ্ম্ স-ম্পা॑দযতি॒ স এ॒তম॑র্ধমা॒সগ্ম্ স॑ধ॒মাদ॑-ন্দে॒বৈ-স্সোম॑-ম্পিবতি॒ য-ন্মৈ᳚ত্রাবরু॒ণ্যা ঽঽমিক্ষ॑যা ঽমাবা॒স্যা॑যাং॒-যঁজ॑তে॒ যৈবাসৌ দে॒বানাং᳚-বঁ॒শা-ঽনূ॑ব॒ন্ধ্যা॑ সো এ॒বৈষৈতস্য॑ সা॒ক্ষাদ্বা এ॒ষ দে॒বান॒ভ্যারো॑হতি॒ য এ॑ষাং-যঁ॒জ্ঞ- [য॒জ্ঞম্, অ॒ভ্যা॒রোহ॑তি॒] 31
-ম॑ভ্যা॒রোহ॑তি॒ যথা॒ খলু॒বৈ শ্রেযা॑ন॒ভ্যারূ॑ঢঃ কা॒ময॑তে॒ তথা॑ করোতি॒ যদ্য॑ব॒বিদ্ধ্য॑তি॒ পাপী॑যা-ন্ভবতি॒ যদি॒ নাব॒বিদ্ধ্য॑তি স॒দৃং-ব্যাঁ॒বৃত্কা॑ম এ॒তেন॑ য॒জ্ঞেন॑ যজেত ক্ষু॒রপ॑বি॒র্হ্যে॑ষ য॒জ্ঞস্তা॒জ-ক্পুণ্যো॑ বা॒ ভব॑তি॒ প্র বা॑ মীযতে॒ তস্যৈ॒তদ্ব্র॒ত-ন্নানৃ॑তং-বঁদে॒ন্ন মা॒গ্ম্॒ সম॑শ্ঞীযা॒ন্ন স্ত্রিয॒মুপে॑যা॒ন্নাস্য॒ পল্পূ॑লনেন॒ বাসঃ॑ পল্পূলযেযু -রে॒তদ্ধি দে॒বা-স্সর্ব॒-ন্ন কু॒র্বন্তি॑ ॥ 32 ॥
(চ॒ন্দ্রমা॒ -দ্বে -দে॑বলো॒কমে॒ব – য-দ্য॒জ্ঞং- প॑ল্পূলযেযুঃ॒ -ষট্ চ॑) (অ. 5)
এ॒ষ বৈ দে॑বর॒থো য-দ্দ॑র্শপূর্ণমা॒সৌ যো দ॑র্শপূর্ণমা॒সাবি॒ষ্ট্বা সোমে॑ন॒ যজ॑তে॒ রথ॑স্পষ্ট এ॒বাব॒সানে॒ বরে॑ দে॒বানা॒মব॑ স্যত্যে॒তানি॒ বা অঙ্গা॒পরূগ্ম্॑ষি সংবঁথ্স॒রস্য॒ য-দ্দ॑র্শপূর্ণমা॒সৌ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॒তে-ঽঙ্গা॒পরূগ্॑ষ্যে॒ব সং॑বঁথ্স॒রস্য॒ প্রতি॑ দধাত্যে॒ তে বৈ সং॑বঁথ্স॒রস্য॒ চক্ষু॑ষী॒ য-দ্দ॑র্শপূর্ণমা॒সৌ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে॒ তাভ্যা॑মে॒ব সু॑ব॒র্গং-লোঁ॒কমনু॑ পশ্য- [পশ্যতি, এ॒ষা বৈ] 33
-ত্যে॒ষা বৈ দে॒বানাং॒-বিঁক্রা᳚ন্তি॒ র্য-দ্দ॑র্শপূর্ণমা॒সৌ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে দে॒বানা॑মে॒ব বিক্রা᳚ন্তি॒মনু॒ বিক্র॑মত এ॒ষ বৈ দে॑ব॒যানঃ॒ পন্থা॒ য-দ্দ॑র্শপূর্ণমা॒সৌ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে॒ য এ॒ব দে॑ব॒যানঃ॒ পন্থা॒স্তগ্ম্ স॒মারো॑হত্যে॒তৌ বৈ দে॒বানা॒গ্ম্॒ হরী॒ য-দ্দ॑র্শপূর্ণমা॒সৌ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে॒ যাবে॒ব দে॒বানা॒গ্ম্॒ হরী॒ তাভ্যা॑- [হরী॒ তাভ্যা᳚ম্, এ॒বৈভ্যো॑ হ॒ব্যং-] 34
-মে॒বৈভ্যো॑ হ॒ব্যং-বঁ॑হত্যে॒তদ্বৈ দে॒বানা॑মা॒স্যং॑-যঁ-দ্দ॑র্শপূর্ণমা॒সৌ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে সা॒ক্ষাদে॒ব দে॒বানা॑মা॒স্যে॑ জুহোত্যে॒ষ বৈ হ॑বির্ধা॒নী যো দ॑র্শপূর্ণমাসযা॒জী সা॒যম্প্রা॑তরগ্নিহো॒ত্র-ঞ্জু॑হোতি॒ যজ॑তে দর্শপূর্ণমা॒সা-বহ॑রহর্-হবির্ধা॒নিনাগ্ম্॑ সু॒তো য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে হবির্ধা॒ন্য॑স্মীতি॒ সর্ব॑মে॒বাস্য॑ বর্হি॒ষ্য॑-ন্দ॒ত্ত-ম্ভ॑বতি দে॒বাবা অহ॑- [অহঃ, য॒জ্ঞিয॒-ন্নাবি॑ন্দ॒-ন্তে] 35
-র্য॒জ্ঞিয॒-ন্নাবি॑ন্দ॒-ন্তে দ॑র্শপূর্ণমা॒সাব॑পুন॒-ন্তৌ বা এ॒তৌ পূ॒তৌ মেদ্ধ্যৌ॒ য-দ্দ॑র্শপূর্ণমা॒সৌ য এ॒বং-বিঁ॒দ্বা-ন্দ॑র্শপূর্ণমা॒সৌ যজ॑তে পূ॒তাবে॒বৈনৌ॒ মেদ্ধ্যৌ॑ যজতে॒ নামা॑বা॒স্যা॑যা-ঞ্চ পৌর্ণমা॒স্যা-ঞ্চ॒ স্ত্রিয॒-মুপে॑যা॒দ্য- দু॑পে॒যান্নিরি॑ন্দ্রিয-স্স্যা॒-থ্সোম॑স্য॒ বৈ রাজ্ঞো᳚-ঽর্ধমা॒সস্য॒ রাত্র॑যঃ॒ পত্ন॑য আস॒-ন্তাসা॑মমাবা॒স্যা᳚-ঞ্চ পৌর্ণমা॒সী-ঞ্চ॒ নোপৈ॒- [নোপৈ᳚ত্, তে এ॑নম॒ভি] 36
-ত্তে এ॑নম॒ভি সম॑নহ্যেতা॒-ন্তং-যঁক্ষ্ম॑ আর্চ্ছ॒-দ্রাজা॑নং॒-যঁক্ষ্ম॑ আর॒দিতি॒ ত-দ্রা॑জয॒ক্ষ্মস্য॒ জন্ম॒ য-ত্পাপী॑যা॒নভ॑ব॒-ত্ত-ত্পা॑পয॒ক্ষ্মস্য॒ যজ্জা॒যাভ্যা॒মবি॑ন্দ॒-ত্তজ্জা॒যেন্য॑স্য॒ য এ॒বমে॒তেষাং॒-যঁক্ষ্মা॑ণা॒-ঞ্জন্ম॒ বেদ॒ নৈন॑মে॒তে যক্ষ্মা॑বিন্দন্তি॒ স এ॒তে এ॒ব ন॑ম॒স্যন্নুপা॑ধাব॒-ত্তে অ॑ব্রূতাং॒-বঁরং॑-বৃঁণাবহা আ॒ব-ন্দে॒বানা᳚-ম্ভাগ॒ধে অ॑সাবা॒- [অ॑সাব, আ॒বদধি॑ দে॒বা] 37
-ঽবদধি॑ দে॒বা ই॑জ্যান্তা॒ ইতি॒ তস্মা᳚-থ্স॒দৃশী॑না॒গ্ম্॒ রাত্রী॑ণা-মমাবা॒স্যা॑যা-ঞ্চ পৌর্ণমা॒স্যা-ঞ্চ॑ দে॒বা ই॑জ্যন্ত এ॒তে হি দে॒বানা᳚-ম্ভাগ॒ধে ভা॑গ॒ধা অ॑স্মৈ মনু॒ষ্যা॑ ভবন্তি॒ য এ॒বং-বেঁদ॑ ভূ॒তানি॒ ক্ষুধ॑মঘ্নন্-থ্স॒দ্যো ম॑নু॒ষ্যা॑ অর্ধমা॒সে দে॒বা মা॒সি পি॒তর॑-স্সংবঁথ্স॒রে বন॒স্পত॑য॒-স্তস্মা॒-দহ॑রহ-র্মনু॒ষ্যা॑ অশ॑নমিচ্ছন্তে ঽর্ধমা॒সে দে॒বা ই॑জ্যন্তে মা॒সি পি॒তৃভ্যঃ॑ ক্রিযতে সংবঁথ্স॒রে বন॒স্পত॑যঃ॒ ফল॑-ঙ্গৃহ্ণন্তি॒ য এ॒বং-বেঁদ॒ হন্তি॒ ক্ষুধ॒-ম্ভ্রাতৃ॑ব্যম্ ॥ 38 ॥
(প॒শ্য॒তি॒ – তাভ্যা॒ -মহ॑ – রৈ – দসাব॒ -ফলগ্ম্॑ -স॒প্ত চ॑) (অ. 6)
দে॒বা বৈ নর্চি ন যজু॑ষ্যশ্রযন্ত॒ তে সাম॑ন্নে॒বা-ঽশ্র॑যন্ত॒ হি-ঙ্ক॑রোতি॒ সামৈ॒বা-ঽক॒র্॒হি-ঙ্ক॑রোতি॒ যত্রৈ॒ব দে॒বা অশ্র॑যন্ত॒ তত॑ এ॒বৈনা॒-ন্প্রযু॑ঙ্ক্তে॒ হি-ঙ্ক॑রোতি বা॒চ এ॒বৈষ যোগো॒ হি-ঙ্ক॑রোতি প্র॒জা এ॒ব ত-দ্যজ॑মান-স্সৃজতে॒ ত্রিঃ প্র॑থ॒মামন্বা॑হ॒ ত্রিরু॑ত্ত॒মাং-যঁ॒জ্ঞস্যৈ॒ব তদ্ব॒র্॒স- [তদ্ব॒র্॒সম্, ন॒হ্য॒ত্যপ্র॑স্রগ্ম্সায॒-] 39
-ন্ন॑হ্য॒ত্যপ্র॑স্রগ্ম্সায॒ সন্ত॑ত॒মন্বা॑হ প্রা॒ণানা॑ম॒ন্নাদ্য॑স্য॒ সন্ত॑ত্যা॒ অথো॒ রক্ষ॑সা॒মপ॑হত্যৈ॒ রাথ॑তংরী-ম্প্রথ॒মামন্বা॑হ॒ রাথ॑তংরো॒ বা অ॒যং-লোঁ॒ক ই॒মমে॒ব লো॒কম॒ভি জ॑যতি॒ ত্রির্বি গৃ॑হ্ণাতি॒ ত্রয॑ ই॒মে লো॒কা ই॒মানে॒ব লো॒কান॒ভি জ॑যতি॒ বার্হ॑তীমুত্ত॒মা-মন্বা॑হ॒ বার্হ॑তো॒ বা অ॒সৌ লো॒কো॑-ঽমুমে॒ব লো॒কম॒ভি জ॑যতি॒ প্র বো॒ [প্র বঃ॑, বাজা॒] 40
বাজা॒ ইত্যনি॑রুক্তা-ম্প্রাজাপ॒ত্যামন্বা॑হ য॒জ্ঞো বৈ প্র॒জাপ॑তির্য॒জ্ঞমে॒ব প্র॒জাপ॑তি॒মা র॑ভতে॒ প্রবো॒ বাজা॒ ইত্যন্বা॒হান্নং॒-বৈঁ বাজো-ঽন্ন॑মে॒বাব॑ রুন্ধে॒ প্রবো॒ বাজা॒ ইত্যন্বা॑হ॒ তস্মা᳚-ত্প্রা॒চীন॒গ্ম্॒ রেতো॑ ধীয॒তে-ঽগ্ন॒ আ যা॑হি বী॒তয॒ ইত্যা॑হ॒ তস্মা᳚-ত্প্র॒তীচীঃ᳚ প্র॒জা জা॑যন্তে॒ প্রবো॒ বাজা॒ [বাজাঃ᳚, ইত্যন্বা॑হ॒] 41
ইত্যন্বা॑হ॒ মাসা॒ বৈ বাজা॑ অর্ধমা॒সা অ॒ভিদ্য॑বো দে॒বা হ॒বিষ্ম॑ন্তো॒ গৌর্ঘৃ॒তাচী॑ য॒জ্ঞো দে॒বাঞ্জি॑গাতি॒ যজ॑মান-স্সুম্ন॒যু-রি॒দ-ম॑সী॒দ-ম॒সীত্যে॒ব য॒জ্ঞস্য॑ প্রি॒য-ন্ধামাব॑ রুন্ধে॒ য-ঙ্কা॒মযে॑ত॒ সর্ব॒-মাযু॑-রিযা॒-দিতি॒ প্র বো॒ বাজা॒ ইতি॒ তস্যা॒নূচ্যাগ্ন॒ আ যা॑হি বী॒তয॒ ইতি॒ সন্ত॑ত॒-মুত্ত॑র-মর্ধ॒র্চমা ল॑ভেত [ ] 42
প্রা॒ণেনৈ॒বা-ঽস্যা॑-ঽপা॒ন-ন্দা॑ধার॒ সর্ব॒মাযু॑রেতি॒ যো বা অ॑র॒ত্নিগ্ম্ সা॑মিধে॒নীনাং॒-বেঁদা॑র॒ত্নাবে॒ব ভ্রাতৃ॑ব্য-ঙ্কুরুতে-ঽর্ধ॒র্চৌ স-ন্দ॑ধাত্যে॒ষ বা অ॑র॒ত্নি-স্সা॑মিধে॒নীনাং॒-যঁ এ॒বং-বেঁদা॑র॒ত্নাবে॒ব ভ্রাতৃ॑ব্য-ঙ্কুরুত॒ ঋষের্॑-ঋষে॒র্বা এ॒তা নির্মি॑তা॒ য-থ্সা॑মিধে॒ন্য॑স্তা যদসং॑-যুঁক্তা॒-স্স্যুঃ প্র॒জযা॑ প॒শুভি॒ র্যজ॑মানস্য॒ বি তি॑ষ্ঠেরন্নর্ধ॒র্চৌ স-ন্দ॑ধাতি॒ সং যুঁ॑নক্ত্যে॒বৈনা॒স্তা অ॑স্মৈ॒ সংযুঁ॑ক্তা॒ অব॑রুদ্ধা॒-স্সর্বা॑-মা॒শিষ॑-ন্দুহ্রে ॥ 43 ॥
(ব॒র্সং – বোঁ॑ – জাযন্তে॒ প্রবো॒ বাজা॑ – লভেত – দধাতি॒ সং – দশ॑ চ) (অ. 7)
অয॑জ্ঞো॒ বা এ॒ষ যো॑-ঽসা॒মা-ঽগ্ন॒ আ যা॑হি বী॒তয॒ ইত্যা॑হ রথন্ত॒রস্যৈ॒ষ বর্ণ॒স্ত-ন্ত্বা॑ স॒মিদ্ভি॑রঙ্গির॒ ইত্যা॑হ বামদে॒ব্যস্যৈ॒ষ বর্ণো॑ বৃ॒হদ॑গ্নে সু॒বীর্য॒মিত্যা॑হ বৃহ॒ত এ॒ষ বর্ণো॒ যদে॒ত-ন্তৃ॒চম॒ন্বাহ॑ য॒জ্ঞমে॒ব ত-থ্সাম॑ন্বন্ত-ঙ্করোত্য॒গ্নির॒মুষ্মি॑-ল্লোঁ॒ক আসী॑দাদি॒ত্যো᳚-ঽস্মি-ন্তাবি॒মৌ লো॒কাবশা᳚ন্তা- [লো॒কাবশা᳚ন্তৌ, আ॒স্তা॒-ন্তে দে॒বা] 44
-বাস্তা॒-ন্তে দে॒বা অ॑ব্রুব॒ন্নেতে॒মৌ বি পর্যূ॑হা॒মেত্যগ্ন॒ আ যা॑হি বী॒তয॒ ইত্য॒স্মি-ল্লোঁ॒কে᳚-ঽগ্নিম॑দধু র্বৃ॒হদ॑গ্নে সু॒বীর্য॒মিত্য॒মুষ্মি॑-ল্লোঁ॒ক আ॑দি॒ত্য-ন্ততো॒ বা ই॒মৌ লো॒কাব॑শাম্যতাং॒-যঁদে॒বম॒ন্বাহা॒নযো᳚ র্লো॒কযো॒-শ্শান্ত্যৈ॒ শাম্য॑তো-ঽস্মা ই॒মৌ লো॒কৌ য এ॒বং-বেঁদ॒ পঞ্চ॑দশ সামিধে॒নীরন্বা॑হ॒ পঞ্চ॑দশ॒ [পঞ্চ॑দশ, বা অ॑র্ধমা॒সস্য॒] 45
বা অ॑র্ধমা॒সস্য॒ রাত্র॑যো-ঽর্ধমাস॒শ-স্সং॑বঁথ্স॒র আ᳚প্যতে॒ তাসা॒-ন্ত্রীণি॑ চ শ॒তানি॑ ষ॒ষ্টিশ্চা॒ক্ষরা॑ণি॒ তাব॑তী-স্সংবঁথ্স॒রস্য॒ রাত্র॑যো-ঽক্ষর॒শ এ॒ব সং॑বঁথ্স॒রমা᳚প্নোতি নৃ॒মেধ॑শ্চ॒ পরু॑চ্ছেপশ্চ ব্রহ্ম॒বাদ্য॑মবদেতাম॒স্মি-ন্দারা॑বা॒র্দ্রে᳚-ঽগ্নি-ঞ্জ॑নযাব যত॒রো নৌ॒ ব্রহ্মী॑যা॒নিতি॑ নৃ॒মেধো॒-ঽভ্য॑বদ॒-থ্স ধূ॒মম॑জনয॒-ত্পরু॑চ্ছেপো॒ ঽভ্য॑বদ॒-থ্সো᳚-ঽগ্নিম॑জনয॒দৃষ॒ ইত্য॑ব্রবী॒- [ইত্য॑ব্রবীত্, যথ্স॒মাব॑দ্বি॒দ্ব] 46
-দ্যথ্স॒মাব॑দ্বি॒দ্ব ক॒থা ত্বম॒গ্নিমজী॑জনো॒ নাহমিতি॑ সামিধে॒নীনা॑মে॒বাহং-বঁর্ণং॑-বেঁ॒দেত্য॑ব্রবী॒দ্য-দ্ঘৃ॒তব॑-ত্প॒দম॑নূ॒চ্যতে॒ স আ॑সাং॒-বঁর্ণ॒স্ত-ন্ত্বা॑ স॒মিদ্ভি॑রঙ্গির॒ ইত্যা॑হ সামিধে॒নীষ্বে॒ব তজ্জ্যোতি॑ র্জনযতি॒ স্ত্রিয॒স্তেন॒ যদৃচ॒-স্স্ত্রিয॒স্তেন॒ য-দ্গা॑য॒ত্রিয॒-স্স্ত্রিয॒স্তেন॒ য-থ্সা॑মিধে॒ন্যো॑ বৃষ॑ণ্বতী॒-মন্বা॑হ॒ [বৃষ॑ণ্বতী॒-মন্বা॑হ, তেন॒ পুগ্গ্স্ব॑তী॒স্তেন॒] 47
তেন॒ পুগ্গ্স্ব॑তী॒স্তেন॒ সেন্দ্রা॒স্তেন॑ মিথু॒না অ॒গ্নির্দে॒বানা᳚-ন্দূ॒ত আসী॑দু॒শনা॑ কা॒ব্যো-ঽসু॑রাণা॒-ন্তৌ প্র॒জাপ॑তি-ম্প্র॒শ্ঞমৈ॑তা॒গ্ম্॒ স প্র॒জাপ॑তির॒গ্নি-ন্দূ॒তং-বৃঁ॑ণীমহ॒ ইত্য॒ভি প॒র্যাব॑র্তত॒ ততো॑ দে॒বা অভ॑ব॒-ন্পরা-ঽসু॑রা॒ যস্যৈ॒বং-বিঁ॒দুষো॒-ঽগ্নি-ন্দূ॒তং-বৃঁ॑ণীমহ॒ ইত্য॒ন্বাহ॒ ভব॑ত্যা॒ত্মনা॒ পরা᳚-ঽস্য॒ ভ্রাতৃ॑ব্যো ভবত্যদ্ধ্ব॒রব॑তী॒মন্বা॑হ॒ ভ্রাতৃ॑ব্যমে॒বৈতযা᳚ [ভ্রাতৃ॑ব্যমে॒বৈতযা᳚, ধ্ব॒র॒তি॒ শো॒চিষ্কে॑শ॒স্তমী॑মহ॒] 48
ধ্বরতি শো॒চিষ্কে॑শ॒স্তমী॑মহ॒ ইত্যা॑হ প॒বিত্র॑মে॒বৈত-দ্যজ॑মানমে॒বৈতযা॑ পবযতি॒ সমি॑দ্ধো অগ্ন আহু॒তেত্যা॑হ পরি॒ধিমে॒বৈত-ম্পরি॑ দধা॒ত্যস্ক॑ন্দায॒ যদত॑ ঊ॒র্ধ্বম॑ভ্যাদ॒দ্ধ্যাদ্যথা॑ বহিঃ পরি॒ধি স্কন্দ॑তি তা॒দৃগে॒ব ত-ত্ত্রযো॒ বা অ॒গ্নযো॑ হব্য॒বাহ॑নো দে॒বানা᳚-ঙ্কব্য॒বাহ॑নঃ পিতৃ॒ণাগ্ম্ স॒হর॑ক্ষা॒ অসু॑রাণা॒-ন্ত এ॒তর্হ্যা শগ্ম্॑সন্তে॒ মাং-বঁ॑রিষ্যতে॒ মা- [মাম্, ইতি॑] 49
-মিতি॑ বৃণী॒দ্ধ্বগ্ম্ হ॑ব্য॒বাহ॑ন॒মিত্যা॑হ॒ য এ॒ব দে॒বানা॒-ন্তং-বৃঁ॑ণীত আর্ষে॒যং-বৃঁ॑ণীতে॒ বন্ধো॑রে॒ব নৈত্যথো॒ সন্ত॑ত্যৈ প॒রস্তা॑দ॒র্বাচো॑ বৃণীতে॒ তস্মা᳚-ত্প॒রস্তা॑দ॒র্বাঞ্চো॑ মনু॒ষ্যা᳚-ন্পি॒তরো-ঽনু॒ প্র পি॑পতে ॥ 50 ॥
(অশা᳚ন্তা – বাহ॒ পঞ্চ॑দশা – ব্রবী॒ – দন্বা॑হৈ॒ – তযা॑ – বরিষ্যতে॒ মা – মেকা॒ন্নত্রি॒গ্ম্॒শচ্চ॑) (অ. 8)
অগ্নে॑ ম॒হাগ্ম্ অ॒সীত্যা॑হ ম॒হান্. হ্যে॑ষ যদ॒গ্নি র্ব্রা᳚হ্ম॒ণেত্যা॑হ ব্রাহ্ম॒ণো হ্যে॑ষ ভা॑র॒তেত্যা॑হৈ॒ষ হি দে॒বেভ্যো॑ হ॒ব্য-ম্ভর॑তি দে॒বেদ্ধ॒ ইত্যা॑হ দে॒বা হ্যে॑তমৈন্ধ॑ত॒ মন্বি॑দ্ধ॒ ইত্যা॑হ॒ মনু॒র্হ্যে॑তমুত্ত॑রো দে॒বেভ্য॒ ঐন্ধর্ষি॑ষ্টুত॒ ইত্যা॒হর্ষ॑যো॒ হ্যে॑তমস্তু॑ব॒ন্ বিপ্রা॑নুমদিত॒ ইত্যা॑হ॒ [ইত্যা॑হ, বিপ্রা॒ হ্যে॑তে] 51
বিপ্রা॒ হ্যে॑তে যচ্ছু॑শ্রু॒বাগ্ম্সঃ॑ কবিশ॒স্ত ইত্যা॑হ ক॒বযো॒ হ্যে॑তে যচ্ছু॑শ্রু॒বাগ্ম্সো॒ ব্রহ্ম॑সগ্ম্শিত॒ ইত্যা॑হ॒ ব্রহ্ম॑সগ্ম্শিতো॒ হ্যে॑ষ ঘৃ॒তাহ॑বন॒ ইত্যা॑হ ঘৃতাহু॒তির্হ্য॑স্য প্রি॒যত॑মা প্র॒ণীর্য॒জ্ঞানা॒মিত্যা॑হ প্র॒ণীর্হ্যে॑ষ য॒জ্ঞানাগ্ম্॑ র॒থীর॑দ্ধ্ব॒রাণা॒মিত্যা॑হৈ॒ষ হি দে॑বর॒থো॑-ঽতূর্তো॒ হোতেত্যা॑হ॒ ন হ্যে॑ত-ঙ্কশ্চ॒ন [ ] 52
তর॑তি॒ তূর্ণি॑র্-হব্য॒বাডিত্যা॑হ॒ সর্ব॒গ্গ্॒হ্যে॑ষ তর॒ত্যাস্পাত্র॑-ঞ্জু॒হূর্দে॒বানা॒মিত্যা॑হ জু॒হূর্হ্যে॑ষ দে॒বানা᳚-ঞ্চম॒সো দে॑ব॒পান॒ ইত্যা॑হ চম॒সো হ্যে॑ষ দে॑ব॒পানো॒-ঽরাগ্ম্ ই॑বাগ্নে নে॒মির্দে॒বাগ্স্ত্ব-ম্প॑রি॒ভূর॒সীত্যা॑হ দে॒বান্ হ্যে॑ষ প॑রি॒ভূর্য-দ্ব্রূ॒যাদা ব॑হ দে॒বা-ন্দে॑বয॒তে যজ॑মানা॒যেতি॒ ভ্রাতৃ॑ব্যমস্মৈ [ভ্রাতৃ॑ব্যমস্মৈ, জ॒ন॒যে॒দা ব॑হ] 53
জনযে॒দা ব॑হ দে॒বান্. যজ॑মানা॒যেত্যা॑হ॒ যজ॑মানমে॒বৈতেন॑ বর্ধযত্য॒গ্নিম॑গ্ন॒ আ ব॑হ॒ সোম॒মা ব॒হেত্যা॑হ দে॒বতা॑ এ॒ব ত-দ্য॑থাপূ॒র্বমুপ॑ হ্বযত॒ আ চা᳚গ্নে দে॒বান্. বহ॑ সু॒যজা॑ চ যজ জাতবেদ॒ ইত্যা॑হা॒গ্নিমে॒ব ত-থ্সগ্গ্ শ্য॑তি॒ সো᳚-ঽস্য॒ সগ্ম্শি॑তো দে॒বেভ্যো॑ হ॒ব্যং-বঁ॑হত্য॒গ্নির্-হোতে- [-হোতা᳚, ইত্যা॑হা॒-ঽগ্নির্বৈ] 54
-ত্যা॑হা॒-ঽগ্নির্বৈ দে॒বানা॒গ্ম্॒ হোতা॒ য এ॒ব দে॒বানা॒গ্ম্॒ হোতা॒ তং-বৃঁ॑ণীতে॒স্মো ব॒যমিত্যা॑হা॒-ঽঽত্মান॑মে॒ব স॒ত্ত্ব-ঙ্গ॑মযতি সা॒ধু তে॑ যজমান দে॒বতেত্যা॑হা॒-ঽঽশিষ॑মে॒বৈতামা শা᳚স্তে॒ যদ্ব্রূ॒যা-দ্যো᳚-ঽগ্নিগ্ম্ হোতা॑র॒মবৃ॑থা॒ ইত্য॒গ্নিনো॑ভ॒যতো॒ যজ॑মান॒-ম্পরি॑ গৃহ্ণীযা-ত্প্র॒মাযু॑ক-স্স্যা-দ্যজমানদেব॒ত্যা॑ বৈ জু॒হূর্ভ্রা॑তৃব্য দেব॒ত্যো॑প॒ভৃ- [দেব॒ত্যো॑প॒ভৃত্, যদ্দ্বে ই॑ব] 55
-দ্যদ্দ্বে ই॑ব ব্রূ॒যা-দ্ভ্রাতৃ॑ব্যমস্মৈ জনযে-দ্ঘৃ॒তব॑তীমদ্ধ্বর্যো॒ স্রুচ॒মা-ঽস্য॒স্বেত্যা॑হ॒ যজ॑মান মে॒বৈতেন॑ বর্ধযতি দেবা॒যুব॒মিত্যা॑হ দে॒বান্. হ্যে॑ষা-ঽব॑তি বি॒শ্ববা॑রা॒মিত্যা॑হ॒ বিশ্ব॒গ্গ্॒ হ্যে॑ষা-ঽব॒তীডা॑মহৈ দে॒বাগ্ম্ ঈ॒ডেন্যা᳚ন্নম॒স্যাম॑ নম॒স্যান্॑ যজা॑ম য॒জ্ঞিযা॒নিত্যা॑হমনু॒ষ্যা॑ বা ঈ॒ডেন্যাঃ᳚ পি॒তরো॑ নম॒স্যা॑ দে॒বা য॒জ্ঞিযা॑ দে॒বতা॑ এ॒ব ত-দ্য॑থাভা॒গং-যঁ॑জতি ॥ 56 ॥
(বিপ্রা॑নুমদিত॒ ইত্যা॑হ – চ॒না – ঽস্মৈ॒ – হোতো॑ – প॒ভৃ-দ্- দে॒বতা॑ এ॒ব – ত্রীণি॑ চ) (অ. 9)
ত্রীগ্স্তৃ॒চাননু॑ ব্রূযা-দ্রাজ॒ন্য॑স্য॒ ত্রযো॒ বা অ॒ন্যে রা॑জ॒ন্যা᳚-ত্পুরু॑ষা ব্রাহ্ম॒ণো বৈশ্য॑-শ্শূ॒দ্রস্তানে॒বাস্মা॒ অনু॑কান্ করোতি॒ পঞ্চ॑দ॒শানু॑ ব্রূযা-দ্রাজ॒ন্য॑স্য পঞ্চদ॒শো বৈ রা॑জ॒ন্য॑-স্স্ব এ॒বৈন॒গ্গ্॒ স্তোমে॒ প্রতি॑ষ্ঠাপযতি ত্রি॒ষ্টুভা॒ পরি॑ দদ্ধ্যাদিন্দ্রি॒যং-বৈঁ ত্রি॒ষ্টুগি॑ন্দ্রি॒যকা॑মঃ॒ খলু॒ বৈ রা॑জ॒ন্যো॑ যজতে ত্রি॒ষ্টুভৈ॒বাস্মা॑ ইন্দ্রি॒য-ম্পরি॑ গৃহ্ণাতি॒ যদি॑ কা॒মযে॑ত [কা॒মযে॑ত, ব্র॒হ্ম॒ব॒র্চ॒সম॒স্ত্বিতি॑] 57
ব্রহ্মবর্চ॒সম॒স্ত্বিতি॑ গাযত্রি॒যা পরি॑ দদ্ধ্যা-দ্ব্রহ্মবর্চ॒সং-বৈঁ গা॑য॒ত্রী ব্র॑হ্মবর্চ॒সমে॒ব ভ॑বতি স॒প্তদ॒শানু॑ ব্রূযা॒-দ্বৈশ্য॑স্য সপ্তদ॒শো বৈ বৈশ্য॒-স্স্ব এ॒বৈন॒গ্গ্॒ স্তোমে॒ প্রতি॑ ষ্ঠাপযতি॒জগ॑ত্যা॒ পরি॑ দদ্ধ্যা॒জ্জাগ॑তা॒ বৈ প॒শবঃ॑ প॒শুকা॑মঃ॒ খলু॒ বৈ বৈশ্যো॑ যজতে॒ জগ॑ত্যৈ॒বাস্মৈ॑ প॒শূ-ন্পরি॑ গৃহ্ণা॒ত্যে ক॑বিগ্ম্ শতি॒মনু॑ ব্রূযা-ত্প্রতি॒ষ্ঠাকা॑মস্যৈ কবি॒গ্ম্॒শ-স্স্তোমা॑না-ম্প্রতি॒ষ্ঠা প্রতি॑ষ্ঠিত্যৈ॒ [প্রতি॑ষ্ঠিত্যৈ, চতু॑র্বিগ্ম্শতি॒মনু॑] 58
চতু॑র্বিগ্ম্শতি॒মনু॑ ব্রূযা-দ্ব্রহ্মবর্চ॒স-কা॑মস্য॒ চতু॑র্বিগ্ম্শত্যক্ষরা গায॒ত্রী গা॑য॒ত্রী ব্র॑হ্মবর্চ॒স-ঙ্গা॑যত্রি॒যৈবাস্মৈ᳚ ব্রহ্মবর্চ॒সমব॑ রুন্ধে ত্রি॒গ্ম্॒শত॒মনু॑ ব্রূযা॒দন্ন॑কামস্য ত্রি॒গ্ম্॒শদ॑ক্ষরা বি॒রাডন্নং॑-বিঁ॒রা-ড্বি॒রাজৈ॒বাস্মা॑ অ॒ন্নাদ্য॒মব॑ রুন্ধে॒ দ্বাত্রিগ্ম্॑শত॒মনু॑ ব্রূযা-ত্প্রতি॒ষ্ঠাকা॑মস্য॒ দ্বাত্রিগ্ম্॑শদক্ষরা ঽনু॒ষ্টুগ॑নু॒ষ্টু-প্ছন্দ॑সা-ম্প্রতি॒ষ্ঠা প্রতি॑ষ্ঠিত্যৈ॒ ষট্ত্রিগ্ম্॑শত॒মনু॑ ব্রূযা-ত্প॒শুকা॑মস্য॒ ষট্ত্রিগ্ম্॑শদক্ষরা বৃহ॒তী বার্হ॑তাঃ প॒শবো॑ বৃহ॒ত্যৈবাস্মৈ॑ প॒শূ- [প॒শূন্, অব॑ রুন্ধে॒] 59
-নব॑ রুন্ধে॒ চতু॑শ্চত্বারিগ্ম্শত॒মনু॑ ব্রূযাদিন্দ্রি॒যকা॑মস্য॒ চতু॑শ্চত্বারিগ্ম্শদক্ষরা ত্রি॒ষ্টুগি॑ন্দ্রি॒য-ন্ত্রি॒ষ্টু-প্ত্রি॒ষ্টুভৈ॒বাস্মা॑ ইন্দ্রি॒যমব॑ রুন্ধে॒ ঽষ্টাচ॑ত্বারিগ্ম্ শত॒মনু॑ ব্রূযা-ত্প॒শুকা॑মস্যা॒ষ্টাচ॑ত্বারিগ্ম্শদক্ষরা॒ জগ॑তী॒ জাগ॑তাঃ প॒শবো॒জগ॑ত্যৈ॒বাস্মৈ॑ প॒শূনব॑ রুন্ধে॒ সর্বা॑ণি॒ ছন্দা॒গ্॒ স্যনু॑ ব্রূযা-দ্বহুযা॒জিন॒-স্সর্বা॑ণি॒ বা এ॒তস্য॒ ছন্দা॒গ্॒স্য ব॑রুদ্ধানি॒ যো ব॑হুযা॒জ্যপ॑রিমিত॒মনু॑ ব্রূযা॒দপ॑রিমিত॒স্যা ব॑রুধ্যৈ ॥ 60 ॥
(কা॒মযে॑ত॒ – প্রতি॑ষ্ঠিত্যৈ – প॒শূন্থ্ – স॒প্তচ॑ত্বারিগ্ম্শচ্চ) (অ. 10)
নিবী॑ত-ম্মনু॒ষ্যা॑ণা-ম্প্রাচীনাবী॒ত-ম্পি॑তৃ॒ণামুপ॑বীত-ন্দে॒বানা॒মুপ॑ ব্যযতে দেবল॒ক্ষ্মমে॒ব ত-ত্কু॑রুতে॒ তিষ্ঠ॒ন্নন্বা॑হ॒ তিষ্ঠ॒ন্ন্॒. হ্যাশ্রু॑ততরং॒-বঁদ॑তি॒ তিষ্ঠ॒ন্নন্বা॑হ সুব॒র্গস্য॑ লো॒কস্যা॒ভিজি॑ত্যা॒ আসী॑নো যজত্য॒স্মিন্নে॒ব লো॒কে প্রতি॑তিষ্ঠতি॒ য-ত্ক্রৌ॒ঞ্চম॒ন্বাহা॑-ঽঽসু॒র-ন্ত-দ্যন্ম॒ন্দ্র-ম্মা॑নু॒ষ-ন্তদ্যদ॑ন্ত॒রা ত-থ্সদে॑বমন্ত॒রা-ঽনূচ্যগ্ম্॑ সদেব॒ত্বায॑ বি॒দ্বাগ্ম্সো॒ বৈ [ ] 61
পু॒রা হোতা॑রো-ঽভূব॒-ন্তস্মা॒-দ্বিধৃ॑তা॒ অদ্ধ্বা॒নো-ঽভূ॑ব॒-ন্ন পন্থা॑ন॒-স্সম॑রুক্ষন্নন্তর্বে॒দ্য॑ন্যঃ পাদো॒ ভব॑তি বহির্বে॒দ্য॑ন্যো-ঽথান্বা॒হাদ্ধ্ব॑নাং॒-বিঁধৃ॑ত্যৈ প॒থামসগ্ম্॑ রোহা॒যাথো॑ ভূ॒তঞ্চৈ॒ব ভ॑বি॒ষ্যচ্চাব॑ রু॒ন্ধে-ঽথো॒ পরি॑মিত-ঞ্চৈ॒বাপ॑রিমিত॒-ঞ্চাব॑ রু॒ন্ধে-ঽথো᳚ গ্রা॒ম্যাগ্শ্চৈ॒ব প॒শূনা॑র॒ণ্যাগ্শ্চাব॑ রু॒ন্ধে-ঽথো॑ [রু॒ন্ধে-ঽথো᳚, দে॒ব॒লো॒ক-ঞ্চৈ॒ব] 62
দেবলো॒ক-ঞ্চৈ॒ব ম॑নুষ্য লো॒ক-ঞ্চা॒ভি জ॑যতি দে॒বা বৈ সা॑মিধে॒নীর॒নূচ্য॑ য॒জ্ঞ-ন্নান্ব॑পশ্য॒ন্থ্স প্র॒জাপ॑তিস্তূ॒ষ্ণী-মা॑ঘা॒রমা ঽঘা॑রয॒-ত্ততো॒ বৈ দে॒বা য॒জ্ঞমন্ব॑পশ্য॒ন্॒. য-ত্তূ॒ষ্ণীমা॑ঘা॒র-মা॑ঘা॒রয॑তি য॒জ্ঞস্যানু॑খ্যাত্যা॒ অথো॑ সামিধে॒নীরে॒বাভ্য॑-ন॒ক্ত্যলূ᳚ক্ষো ভবতি॒ য এ॒বং-বেঁদাথো॑ ত॒র্পয॑ত্যে॒বৈনা॒-স্তৃপ্য॑তি প্র॒জযা॑ প॒শুভি॒- [প॒শুভিঃ॑, য এ॒বং-বেঁদ॒] 63
-র্য এ॒বং-বেঁদ॒ যদেক॑যা ঽঽঘা॒রযে॒দেকা᳚-ম্প্রীণীযা॒দ্য-দ্দ্বাভ্যা॒-ন্দ্বে প্রী॑ণীযা॒দ্য-দ্তি॒সৃভি॒রতি॒ তদ্রে॑চযে॒ত্মন॒সা ঽঽঘা॑রযতি॒ মন॑সা॒ হ্যনা᳚প্তমা॒প্যতে॑ তি॒র্যঞ্চ॒মা ঘা॑রয॒ত্যছ॑ম্বট্কারং॒-বাঁক্চ॒ মন॑শ্চা ঽঽর্তীযেতাম॒হ-ন্দে॒বেভ্যো॑ হ॒ব্যং-বঁ॑হা॒মীতি॒ বাগ॑ব্রবীদ॒হ-ন্দে॒বেভ্য॒ ইতি॒ মন॒স্তৌ প্র॒জাপ॑তি-ম্প্র॒শ্ঞমৈ॑তা॒গ্ম্॒ সো᳚-ঽব্রবী- [সো᳚-ঽব্রবীত্, প্র॒জাপ॑তির্দূ॒তীরে॒ব] 64
-ত্প্র॒জাপ॑তির্দূ॒তীরে॒ব ত্ব-ম্মন॑সো-ঽসি॒ যদ্ধি মন॑সা॒ ধ্যায॑তি॒ তদ্বা॒চা বদ॒তীতি॒ ত-ত্খলু॒ তুভ্য॒-ন্ন বা॒চা জু॑হব॒ন্নিত্য॑ব্রবী॒-ত্তস্মা॒ন্মন॑সা প্র॒জাপ॑তযে জুহ্বতি॒মন॑ ইব॒ হি প্র॒জাপ॑তিঃ প্র॒জাপ॑তে॒রাপ্ত্যৈ॑ পরি॒ধীন্থ্স-ম্মা᳚র্ষ্টি পু॒নাত্যে॒বৈনা॒ন্ত্রির্ম॑দ্ধ্য॒ম-ন্ত্রযো॒ বৈ প্রা॒ণাঃ প্রা॒ণানে॒বাভি জ॑যতি॒ ত্রির্দ॑ক্ষিণা॒র্ধ্যং॑ ত্রয॑ [-ত্রযঃ॑, ই॒মে লো॒কা] 65
ই॒মে লো॒কা ই॒মানে॒ব লো॒কান॒ভি জ॑যতি॒ ত্রিরু॑ত্তরা॒র্ধ্য॑-ন্ত্রযো॒ বৈ দে॑ব॒যানাঃ॒ পন্থা॑ন॒স্তানে॒বাভি জ॑যতি॒ ত্রিরুপ॑ বাজযতি॒ ত্রযো॒ বৈ দে॑বলো॒কা দে॑বলো॒কানে॒বাভি জ॑যতি॒ দ্বাদ॑শ॒ স-ম্প॑দ্যন্তে॒ দ্বাদ॑শ॒ মাসা᳚-স্সংবঁথ্স॒র-স্সং॑বঁথ্স॒রমে॒ব প্রী॑ণা॒ত্যথো॑ সংবঁথ্স॒রমে॒বাস্মা॒ উপ॑ দধাতি সুব॒র্গস্য॑ লো॒কস্য॒ সম॑ষ্ট্যা আঘা॒রমা ঘা॑রযতি তি॒র ই॑ব॒ [তি॒র ই॑ব, বৈ সু॑ব॒র্গো] 66
বৈ সু॑ব॒র্গো লো॒ক-স্সু॑ব॒র্গমে॒বাস্মৈ॑ লো॒ক-ম্প্ররো॑চযত্যৃ॒জুমা ঘা॑রযত্যৃ॒জুরি॑ব॒ হি প্রা॒ণ-স্সন্ত॑ত॒মা ঘা॑রযতি প্রা॒ণানা॑ম॒ন্নাদ্য॑স্য॒ সন্ত॑ত্যা॒ অথো॒ রক্ষ॑সা॒মপ॑হত্যৈ॒ য-ঙ্কা॒মযে॑ত প্র॒মাযু॑ক-স্স্যা॒দিতি॑ জি॒হ্ম-ন্তস্যা ঽঽঘা॑রযে-ত্প্রা॒ণমে॒বাস্মা᳚জ্জি॒হ্ম-ন্ন॑যতি তা॒জ-ক্প্রমী॑যতে॒শিরো॒ বা এ॒ত-দ্য॒জ্ঞস্য॒ যদা॑ঘা॒র আ॒ত্মা ধ্রু॒বা- [আ॒ত্মা ধ্রু॒বা, আ॒ঘা॒রমা॒ঘার্য॑] 67
-ঽঽঘা॒রমা॒ঘার্য॑ ধ্রু॒বাগ্ম্ সম॑নক্ত্যা॒ত্মন্নে॒ব য॒জ্ঞস্য॒ শিরঃ॒ প্রতি॑ দধাত্য॒গ্নি-র্দে॒বানা᳚-ন্দূ॒ত আসী॒-দ্দৈব্যো-ঽসু॑রাণা॒-ন্তৌ প্র॒জাপ॑তি-ম্প্র॒শ্ঞ-মৈ॑তা॒গ্ম্॒ স প্র॒জাপ॑তি র্ব্রাহ্ম॒ণ-ম॑ব্রবী-দে॒তদ্বি ব্রূ॒হীত্যা শ্রা॑ব॒যেতী॒দ-ন্দে॑বা-শ্শৃণু॒তেতি॒ বাব তদ॑ব্রবী-দ॒গ্নি র্দে॒বো হোতেতি॒ য এ॒ব দে॒বানা॒-ন্তম॑বৃণীত॒ ততো॑ দে॒বা [দে॒বাঃ, অভ॑ব॒-ন্পরা-ঽসু॑রা॒] 68
অভ॑ব॒-ন্পরা-ঽসু॑রা॒ যস্যৈ॒বং-বিঁ॒দুষঃ॑ প্রব॒র-ম্প্র॑বৃ॒ণতে॒ ভব॑ত্যা॒ত্মনা॒ পরা᳚-ঽস্য॒ ভ্রাতৃ॑ব্যো ভবতি॒ যদ্ব্রা᳚হ্ম॒ণশ্চা ব্রা᳚হ্মণশ্চ প্র॒শ্ঞ-মে॒যাতা᳚-ম্ব্রাহ্ম॒ণাযাধি॑ ব্রূযা॒-দ্য-দ্ব্রা᳚হ্ম॒ণাযা॒-ঽদ্ধ্যাহা॒ ঽঽত্মনে-ঽদ্ধ্যা॑হ॒ যদ্ব্রা᳚হ্ম॒ণ-ম্প॒রাহা॒-ঽঽত্মান॒-ম্পরা॑-ঽঽহ॒ তস্মা᳚-দ্ব্রাহ্ম॒ণো ন প॒রোচ্যঃ॑ ॥ 69 ॥
(বা – আ॑র॒ণ্যাগ্শ্চাব॑ রু॒ন্ধে-ঽথো॑ – প॒শুভিঃ॒ – সো᳚-ঽব্রবী-দ্- দক্ষিণা॒র্ধ্যং॑ ত্রয॑ -ইব – ধ্রু॒বা – দে॒বা – শ্চ॑ত্বারি॒গ্ম্॒শচ্চ॑ ) (অ. 11)
আযু॑ষ্ট আযু॒র্দা অ॑গ্ন॒ আ প্যা॑যস্ব॒ স-ন্তে ঽব॑ তে॒ হেড॒ উদু॑ত্ত॒ম-ম্প্রণো॑ দে॒ব্যা নো॑ দি॒বো ঽগ্না॑ বিষ্ণূ॒ অগ্না॑বিষ্ণূ ই॒ম-ম্মে॑ বরুণ॒-তত্ত্বা॑ যা॒ ম্যু দু॒ত্য-ঞ্চি॒ত্রম্ ॥ অ॒পা-ন্নপা॒দা হ্যস্থা॑-দু॒পস্থ॑-ঞ্জি॒হ্মানা॑-মূ॒র্ধ্বো বি॒দ্যুতং॒-বঁসা॑নঃ । তস্য॒ জ্যেষ্ঠ॑-ম্মহি॒মানং॒-বঁহ॑ন্তী॒র্॒ হির॑ণ্যবর্ণাঃ॒ পরি॑ যন্তি য॒হ্বীঃ ॥ স- [সম্, অ॒ন্যা যন্ত্যুপ॑] 70
-ম॒ন্যা যন্ত্যুপ॑ যন্ত্য॒ন্যা-স্স॑মা॒নমূ॒র্ব-ন্ন॒দ্যঃ॑ পৃণন্তি । তমূ॒ শুচি॒গ্ম্॒ শুচ॑যো দীদি॒বাগ্ম্ স॑ম॒পা-ন্নপা॑ত॒-ম্পরি॑তস্থু॒রাপঃ॑ । তমস্মে॑রা যুব॒তযো॒ যুবা॑ন-ম্মর্মৃ॒জ্যমা॑নাঃ॒ পরি॑ য॒ন্ত্যাপঃ॑ ॥ স শু॒ক্রেণ॒ শিক্ব॑না রে॒বদ॒গ্নির্দী॒দাযা॑নি॒দ্ধ্মো ঘৃ॒তনি॑র্ণিগ॒ফ্সু ॥ ইন্দ্রা॒বরু॑ণযোর॒হগ্ম্স॒ম্রাজো॒রব॒ আ বৃ॑ণে । তা নো॑ মৃডাত ঈ॒দৃশে᳚ ॥ ইন্দ্রা॑বরুণা যু॒বম॑দ্ধ্ব॒রায॑ নো [যু॒বম॑দ্ধ্ব॒রায॑ নঃ, বি॒শে জনা॑য॒] 71
বি॒শে জনা॑য॒ মহি॒ শর্ম॑ যচ্ছতম্ । দী॒র্ঘপ্র॑যজ্যু॒মতি॒ যো ব॑নু॒ষ্যতি॑ ব॒য-ঞ্জ॑যেম॒ পৃত॑নাসু দূ॒ঢ্যঃ॑ ॥ আ নো॑মিত্রাবরুণা॒, প্রবা॒হবা᳚ ॥ ত্ব-ন্নো॑ অগ্নে॒ বরু॑ণস্য বি॒দ্বা-ন্দে॒বস্য॒ হেডো-ঽব॑ যাসি সীষ্ঠাঃ । যজি॑ষ্ঠো॒ বহ্নি॑ তম॒-শ্শোশু॑চানো॒ বিশ্বা॒ দ্বেষাগ্ম্॑সি॒ প্রমু॑মুগ্ধ্য॒স্মত্ ॥ স ত্বন্নো॑ অগ্নে-ঽব॒মো ভ॑বো॒তী নেদি॑ষ্ঠো অ॒স্যা উ॒ষসো॒ ব্যু॑ষ্টৌ । অব॑ যক্ষ্ব নো॒ বরু॑ণ॒গ্ম্॒ [নো॒ বরু॑ণম্, ররা॑ণো বী॒হি] 72
ররা॑ণো বী॒হি মৃ॑ডী॒কগ্ম্ সু॒হবো॑ ন এধি ॥ প্রপ্রা॒যম॒গ্নির্ভ॑র॒তস্য॑ শৃণ্বে॒ বি য-থ্সূর্যো॒ ন রোচ॑তে বৃ॒হদ্ভাঃ । অ॒ভি যঃ পূ॒রু-ম্পৃত॑নাসু ত॒স্থৌ দী॒দায॒ দৈব্যো॒ অতি॑থি-শ্শি॒বো নঃ॑ ॥ প্র তে॑ যক্ষি॒ প্র ত॑ ইযর্মি॒ মন্ম॒ ভুবো॒ যথা॒ বন্দ্যো॑ নো॒ হবে॑ষু । ধন্ব॑ন্নিব প্র॒পা অ॑সি॒ ত্বম॑গ্ন ইয॒ক্ষবে॑ পূ॒রবে᳚ প্রত্ন রাজন্ন্ ॥ 73 ॥
বি পাজ॑সা॒ বি জ্যোতি॑ষা ॥ স ত্বম॑গ্নে॒ প্রতী॑কেন॒ প্রত্যো॑ষ যাতুধা॒ন্যঃ॑ । উ॒রু॒ক্ষযে॑ষু॒ দীদ্য॑ত্ ॥ তগ্ম্ সু॒প্রতী॑কগ্ম্ সু॒দৃশ॒গ্গ্॒ স্বঞ্চ॒-মবি॑দ্বাগ্ম্সো বি॒দুষ্ট॑রগ্ম্ সপেম । স য॑ক্ষ॒-দ্বিশ্বা॑ ব॒যুনা॑নি বি॒দ্বা-ন্প্র হ॒ব্য-ম॒গ্নি-র॒মৃতে॑ষু বোচত্ ॥ অ॒গ্ম্॒হো॒মুচে॑ বি॒বেষ॒ যন্মা॒ বিন॑ ই॒ন্দ্রে-ন্দ্র॑ ক্ষ॒ত্রমি॑ন্দ্রি॒যাণি॑ শতক্র॒তো ঽনু॑ তে দাযি ॥ 74 ॥
(য॒হ্বী-স্স – ম॑ধ্ব॒রায॑ নো॒ – বরু॑ণগ্ম্ – রাজ॒গ্গ্॒ -তু॑শ্চত্বারিগ্ম্শচ্চ) (অ. 12)
(বি॒শ্বরূ॑প॒ – স্ত্বষ্টে – ন্দ্রং॑-বৃঁ॒ত্রং – ব্র॑হ্মবা॒দিন॒-স্স ত্বৈ – না-ঽসো॑মযাজ্যে॒ – ষ বৈ দে॑বর॒থো – দে॒বা বৈ নর্চি না – য॒জ্ঞো – ঽগ্নে॑ ম॒হান্ – ত্রীন্ – নিবী॑ত॒ – মাযু॑ষ্টে॒ – দ্বাদ॑শ)
(বি॒শ্বরূ॑পো॒ – নৈনগ্ম্॑ শীতরূ॒রা – ব॒দ্য বসু॑ – পূর্বে॒দ্যু – র্বাজা॒ ইত্য – গ্নে॑ ম॒হান্ – নিবী॑ত – ম॒ন্যা যন্তি॒ – চতু॑-স্সপ্ততিঃ )
(বি॒শ্বরূপো॒, ঽনু॑ তে দাযি)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ন্দ্বিতীযকাণ্ডে পঞ্চমঃ প্রশ্ন-স্সমাপ্তঃ ॥