কৃষ্ণ যজুর্বেদীয তৈত্তিরীয সংহিতাযাং ষষ্ঠকাণ্ডে দ্বিতীযঃ প্রশ্নঃ – সোমমন্ত্রব্রাহ্মণনিরূপণং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
যদু॒ভৌ বি॒মুচ্যা॑-ঽঽতি॒থ্য-ঙ্গৃ॑হ্ণী॒যা-দ্য॒জ্ঞং-বিঁচ্ছি॑ন্দ্যা॒-দ্যদু॒ভাব-বি॑মুচ্য॒ যথা-ঽনা॑গতাযা-ঽঽতি॒থ্য-ঙ্ক্রি॒যতে॑ তা॒দৃগে॒ব ত-দ্বিমু॑ক্তো॒-ঽন্যো॑-ঽন॒ড্বা-ন্ভব॒ত্য বি॑মুক্তো॒-ঽন্যো-ঽথা॑-ঽঽতি॒থ্য-ঙ্গৃ॑হ্ণাতি য॒জ্ঞস্য॒ সন্ত॑ত্যৈ॒ পত্ন্য॒ন্বার॑ভতে॒ পত্নী॒ হি পারী॑ণহ্য॒স্যেশে॒ পত্নি॑যৈ॒ বানু॑মত॒-ন্নির্ব॑পতি॒ যদ্বৈ পত্নী॑ য॒জ্ঞস্য॑ ক॒রোতি॑ মিথু॒ন-ন্তদথো॒ পত্নি॑যা এ॒বৈ- [পত্নি॑যা এ॒ব, এ॒ষ] 1
-ষ য॒জ্ঞস্যা᳚ন্বার॒ভোং ঽন॑বচ্ছিত্ত্যৈ॒ যাব॑-দ্ভি॒র্বৈ রাজা॑-ঽনুচ॒রৈরা॒গচ্ছ॑তি॒ সর্বে᳚ভ্যো॒ বৈ তেভ্য॑ আতি॒থ্য-ঙ্ক্রি॑যতে॒ ছন্দাগ্ম্॑সি॒ খলু॒ বৈ সোম॑স্য॒ রাজ্ঞো॑-ঽনুচ॒রাণ্য॒গ্নে-রা॑তি॒থ্যম॑সি॒ বিষ্ণ॑বে॒ ত্বেত্যা॑হ গাযত্রি॒যা এ॒বৈতেন॑ করোতি॒ সোম॑স্যা-ঽঽতি॒থ্যম॑সি॒ বিষ্ণ॑বে॒ ত্বেত্যা॑হ ত্রি॒ষ্টুভ॑ এ॒বৈতেন॑ করো॒ত্যতি॑থেরাতি॒থ্যম॑সি॒ বিষ্ণ॑বে॒ ত্বেত্যা॑হ॒ জগ॑ত্যা [জগ॑ত্যৈ, এ॒বৈতেন॑] 2
এ॒বৈতেন॑ করোত্য॒গ্নযে᳚ ত্বা রাযস্পোষ॒দাব্ন্নে॒ বিষ্ণ॑বে॒ ত্বেত্যা॑হানু॒ষ্টুভ॑ এ॒বৈতেন॑ করোতি শ্যে॒নায॑ ত্বা সোম॒ভৃতে॒ বিষ্ণ॑বে॒ ত্বেত্যা॑হ গাযত্রি॒যা এ॒বৈতেন॑ করোতি॒ পঞ্চ॒ কৃত্বো॑ গৃহ্ণাতি॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধে ব্রহ্মবা॒দিনো॑ বদন্তি॒ কস্মা᳚-থ্স॒ত্যা-দ্গা॑যত্রি॒যা উ॑ভ॒যত॑ আতি॒থ্যস্য॑ ক্রিযত॒ ইতি॒ যদে॒বা-ঽদ-স্সোম॒মা- [যদে॒বা-ঽদ-স্সোম॒মা, আহ॑র॒-ত্তস্মা᳚-] 3
-ঽহ॑র॒-ত্তস্মা᳚-দ্গাযত্রি॒যা উ॑ভ॒যত॑ আতি॒থ্যস্য॑ ক্রিযতে পু॒রস্তা᳚চ্চো॒ পরি॑ষ্টাচ্চ॒ শিরো॒ বা এ॒ত-দ্য॒জ্ঞস্য॒ যদা॑তি॒থ্য-ন্নব॑কপালঃ পুরো॒ডাশো॑ ভবতি॒ তস্মা᳚ন্নব॒ধা শিরো॒ বিষ্যূ॑ত॒-ন্নব॑কপালঃ পুরো॒ডাশো॑ ভবতি॒ তে ত্রয॑স্ত্রিকপা॒লাস্ত্রি॒বৃতা॒ স্তোমে॑ন॒ সম্মি॑তা॒স্তেজ॑স্ত্রি॒বৃ-ত্তেজ॑ এ॒ব য॒জ্ঞস্য॑ শী॒র্॒ষ-ন্দ॑ধাতি॒ নব॑কপালঃ পুরো॒ডাশো॑ ভবতি॒ তে ত্রয॑স্ত্রিকপা॒লাস্ত্রি॒বৃতা᳚ প্রা॒ণেন॒ সম্মি॑তাস্ত্রি॒বৃদ্বৈ [ ] 4
প্রা॒ণ-স্ত্রি॒বৃত॑মে॒ব প্রা॒ণম॑ভিপূ॒র্বং-যঁ॒জ্ঞস্য॑ শী॒র্॒ষ-ন্দ॑ধাতি প্র॒জাপ॑তে॒র্বা এ॒তানি॒ পক্ষ্মা॑ণি॒ যদ॑শ্ববা॒লা ঐ᳚ক্ষ॒বী তি॒রশ্চী॒ যদাশ্ব॑বালঃ প্রস্ত॒রো ভব॑ত্যৈক্ষ॒বী তি॒রশ্চী᳚ প্র॒জাপ॑তেরে॒ব তচ্চক্ষু॒-স্সম্ভ॑রতি দে॒বা বৈ যা আহু॑তী॒রজু॑হবু॒স্তা অসু॑রা নি॒ষ্কাব॑মাদ॒-ন্তে দে॒বাঃ কা᳚র্ষ্ম॒র্য॑মপশ্যন্ কর্ম॒ণ্যো॑ বৈ কর্মৈ॑নেন কুর্বী॒তেতি॒ তে কা᳚র্ষ্মর্য॒মযা᳚-ন্পরি॒ধী- [-ন্পরি॒ধীন্, অ॒কু॒র্ব॒ত॒ তৈর্বৈ] 5
-ন॑কুর্বত॒ তৈর্বৈ তে রক্ষা॒গ্॒স্যপা᳚ঘ্নত॒ য-ত্কা᳚র্ষ্মর্য॒মযাঃ᳚ পরি॒ধযো॒ ভব॑ন্তি॒ রক্ষ॑সা॒মপ॑হত্যৈ॒ সগ্গ্ স্প॑র্শযতি॒ রক্ষ॑সা॒মন॑ন্ব-বচারায॒ ন পু॒রস্তা॒-ত্পরি॑ দধাত্যাদি॒ত্যো হ্যে॑বোদ্য-ন্পু॒রস্তা॒-দ্রক্ষাগ্॑স্যপ॒হন্ত্যূ॒র্ধ্বে স॒মিধা॒বা দ॑ধাত্যু॒পরি॑ষ্টাদে॒ব রক্ষা॒গ্॒স্যপ॑ হন্তি॒ যজু॑ষা॒-ঽন্যা-ন্তূ॒ষ্ণীম॒ন্যা-ম্মি॑থুন॒ত্বায॒ দ্বে আ দ॑ধাতি দ্বি॒পা-দ্যজ॑মানঃ॒ প্রতি॑ষ্ঠিত্যৈ ব্রহ্মবা॒দিনো॑ বদ- [বদন্তি, অ॒গ্নিশ্চ॒ বা] 6
-ন্ত্য॒গ্নিশ্চ॒ বা এ॒তৌ সোম॑শ্চ ক॒থা সোমা॑যা-ঽঽতি॒থ্য-ঙ্ক্রি॒যতে॒ নাগ্নয॒ ইতি॒ যদ॒গ্নাব॒গ্নি-ম্ম॑থি॒ত্বা প্র॒হর॑তি॒ তেনৈ॒বাগ্নয॑ আতি॒থ্য-ঙ্ক্রি॑য॒তে ঽথো॒ খল্বা॑হুর॒গ্নি-স্সর্বা॑ দে॒বতা॒ ইতি॒ যদ্ধ॒বিরা॒সাদ্যা॒গ্নি-ম্মন্থ॑তি হ॒ব্যাযৈ॒বা-ঽঽস॑ন্নায॒ সর্বা॑ দে॒বতা॑ জনযতি ॥ 7 ॥
(পত্নি॑যা এ॒ব – জগ॑ত্যা॒ – আ – ত্রি॒বৃদ্বৈ – প॑রি॒ধীন্ – ব॑দ॒ন্ত্যে – ক॑চত্বারিগ্ম্শচ্চ) (অ. 1)
দে॒বা॒সু॒রা-স্সংযঁ॑ত্তা আস॒-ন্তে দে॒বা মি॒থো বিপ্রি॑যা আস॒-ন্তে᳚-ঽ(1॒)ন্যো᳚-ঽন্যস্মৈ॒ জ্যৈষ্ঠ্যা॒যাতি॑ষ্ঠমানাঃ পঞ্চ॒ধা ব্য॑ক্রামন্ন॒গ্নির্বসু॑ভি॒-স্সোমো॑ রু॒দ্রৈরিন্দ্রো॑ ম॒রুদ্ভি॒-র্বরু॑ণ আদি॒ত্যৈ-র্বৃহ॒স্পতি॒-র্বিশ্বৈ᳚র্দে॒বৈস্তে॑ ঽমন্য॒ন্তাসু॑রেভ্যো॒ বা ই॒দ-ম্ভ্রাতৃ॑ব্যেভ্যো রদ্ধ্যামো॒ যন্মি॒থো বিপ্রি॑যা॒-স্স্মো যা ন॑ ই॒মাঃ প্রি॒যাস্ত॒নুব॒স্তা-স্স॒মব॑দ্যামহৈ॒ তাভ্য॒-স্স নির্-ঋ॑চ্ছা॒দ্যো [নির্-ঋ॑চ্ছা॒দ্যঃ, নঃ॒ প্র॒থ॒মো᳚(1॒)-ঽন্যো᳚] 8
নঃ॑ প্রথ॒মো᳚(1॒)-ঽন্যো᳚-ঽন্যস্মৈ॒ দ্রুহ্যা॒দিতি॒ তস্মা॒দ্য-স্সতা॑নূনপ্ত্রিণা-ম্প্রথ॒মো দ্রুহ্য॑তি॒ স আর্তি॒মার্চ্ছ॑তি॒ য-ত্তা॑নূন॒প্ত্রগ্ম্ স॑মব॒দ্যতি॒ ভ্রাতৃ॑ব্যাভিভূত্যৈ॒ ভব॑ত্যা॒ত্মনা॒ পরা᳚-ঽস্য॒ ভ্রাতৃ॑ব্যো ভবতি॒ পঞ্চ॒ কৃত্বো-ঽব॑দ্যতি পঞ্চ॒ধা হি তে ত-থ্স॑ম॒বাদ্য॒ন্তাথো॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধ॒ আপ॑তযে ত্বা গৃহ্ণা॒মীত্যা॑হ প্রা॒ণো বা [প্রা॒ণো বৈ, আপ॑তিঃ] 9
আপ॑তিঃ প্রা॒ণমে॒ব প্রী॑ণাতি॒ পরি॑পতয॒ ইত্যা॑হ॒ মনো॒ বৈ পরি॑পতি॒র্মন॑ এ॒ব প্রী॑ণাতি॒ তনূ॒নপ্ত্র॒ ইত্যা॑হ ত॒নুবো॒ হি তে তা-স্স॑ম॒বাদ্য॑ন্ত শাক্ব॒রাযেত্যা॑হ॒ শক্ত্যৈ॒ হি তে তা-স্স॑ম॒বাদ্য॑ন্ত॒ শক্ম॒-ন্নোজি॑ষ্ঠা॒যেত্যা॒হৌজি॑ষ্ঠ॒গ্ম্॒ হি তে ত দা॒ত্মন॑-স্সম॒বাদ্য॒ন্তা–না॑ধৃষ্ট-মস্যনাধৃ॒ষ্য-মিত্যা॒হা-ঽনা॑ধৃষ্ট॒গ্গ্॒ হ্যে॑তদ॑নাধৃ॒ষ্য-ন্দে॒বানা॒-মোজ॒ [দে॒বানা॒-মোজঃ॑, ইত্যা॑হ] 10
ইত্যা॑হ দে॒বানা॒গ্॒ হ্যে॑তদোজো॑-ঽভিশস্তি॒পা অ॑নভিশস্তে॒ন্যমিত্যা॑হা-ভিশস্তি॒পা হ্যে॑তদ॑ -নভিশস্তে॒ন্যমনু॑ মে দী॒ক্ষা-ন্দী॒ক্ষাপ॑তি-র্মন্যতা॒মিত্যা॑হ যথায॒জুরে॒বৈত-দ্ঘৃ॒তং-বৈঁ দে॒বা বজ্র॑-ঙ্কৃ॒ত্বা সোম॑মঘ্ন-ন্নন্তি॒কমি॑ব॒ খলু॒ বা অ॑স্যৈ॒তচ্চ॑রন্তি॒ য-ত্তা॑নূন॒প্ত্রেণ॑ প্র॒চর॑ন্ত্য॒গ্ম্॒ শুরগ্ম্॑ শুস্তে দেব সো॒মা-ঽঽ প্যা॑যতা॒-মিত্যা॑হ॒ য- [-মিত্যা॑হ॒ যত্, এ॒বাস্যা॑-] 11
-দে॒বাস্যা॑-পুবা॒যতে॒ যন্মীয॑তে॒-তদে॒বাস্যৈ॒তেনা-ঽঽ প্যা॑যয॒ত্যা তুভ্য॒মিন্দ্রঃ॑ প্যাযতা॒মা ত্বমিন্দ্রা॑য প্যায॒স্বেত্যা॑-হো॒ভাবে॒বেন্দ্র॑-ঞ্চ॒ সোম॒-ঞ্চা-ঽঽপ্যা॑যয॒ত্যা প্যা॑যয॒ সখী᳚ন্-থ্স॒ন্যা মে॒ধযেত্যা॑হ॒র্ত্বিজো॒ বা অ॑স্য॒ সখা॑য॒স্তা-নে॒বা-ঽঽপ্যা॑যযতি স্ব॒স্তি তে॑ দেব সোম সু॒ত্যাম॑শী॒যে- [সু॒ত্যাম॑শী॒য, ইত্যা॑হা॒ ঽঽশিষ॑-] 12
-ত্যা॑হা॒ ঽঽশিষ॑-মে॒বৈতামা শা᳚স্তে॒ প্র বা এ॒তে᳚-ঽস্মা-ল্লো॒কাচ্চ্য॑বন্তে॒ যে সোম॑মা-প্যা॒যয॑ন্ত্য-ন্তরিক্ষদেব॒ত্যো॑ হি সোম॒ আপ্যা॑যিত॒ এষ্টা॒ রাযঃ॒ প্রেষে ভগা॒যেত্যা॑হ॒ দ্যাবা॑পৃথি॒বীভ্যা॑মে॒ব ন॑ম॒স্কৃত্যা॒স্মি-ল্লোঁ॒কে প্রতি॑ তিষ্ঠন্তি দেবাসু॒রা-স্সংযঁ॑ত্তা আস॒-ন্তে দে॒বা বিভ্য॑তো॒-ঽগ্নি-ম্প্রাবি॑শ॒-ন্তস্মা॑দাহুর॒গ্নি-স্সর্বা॑ দে॒বতা॒ ইতি॒ তে᳚- [দে॒বতা॒ ইতি॒ তে, অ॒গ্নিমে॒ব] 13
-ঽগ্নিমে॒ব বরূ॑থ-ঙ্কৃ॒ত্বা ঽসু॑রান॒ভ্য॑ভব-ন্ন॒গ্নিমি॑ব॒ খলু॒ বা এ॒ষ প্রবি॑শতি॒ যো॑-ঽবান্তরদী॒ক্ষামু॒পৈতি॒ ভ্রাতৃ॑ব্যাভিভূত্যৈ॒ ভব॑ত্যা॒ত্মনা॒ পরা᳚-ঽস্য॒ ভ্রাতৃ॑ব্যো ভবত্যা॒ত্মান॑মে॒ব দী॒ক্ষযা॑ পাতি প্র॒জাম॑বান্তরদী॒ক্ষযা॑ সন্ত॒রা-ম্মেখ॑লাগ্ম্ স॒মায॑চ্ছতে প্র॒জা হ্যা᳚ত্মনো-ঽন্ত॑রতরা ত॒প্তব্র॑তো ভবতি॒ মদ॑ন্তীভির্মার্জযতে॒ নির্হ্য॑গ্নি-শ্শী॒তেন॒ বায॑তি॒ সমি॑দ্ধ্যৈ॒ যা তে॑ অগ্নে॒ রুদ্রি॑যা ত॒নূরিত্যা॑হ॒ স্বযৈ॒বৈন॑-দ্দে॒বত॑যা ব্রতযতি সযোনি॒ত্বায॒ শান্ত্যৈ᳚ ॥ 14 ॥
(যো – বা – ওজ॑ – আহ॒ য – দ॑শী॒যে – তি॒ তে᳚ – ঽগ্ন॒ – একা॑দশ চ) (অ. 2)
তেষা॒মসু॑রাণা-ন্তি॒স্রঃ পুর॑ আস-ন্নয॒স্ম-য্য॑ব॒মা-ঽথ॑ রজ॒তা-ঽথ॒ হরি॑ণী॒ তা দে॒বা জেতু॒-ন্নাশ॑ক্নুব॒-ন্তা উ॑প॒সদৈ॒বাজি॑গীষ॒-ন্তস্মা॑দাহু॒র্যশ্চৈ॒বং-বেঁদ॒ যশ্চ॒ নোপ॒সদা॒ বৈ ম॑হাপু॒র-ঞ্জ॑য॒ন্তীতি॒ ত ইষু॒গ্ম্॒ সম॑স্কুর্বতা॒- গ্নিমনী॑ক॒গ্ম্॒ সোমগ্ম্॑ শ॒ল্যং-বিঁষ্ণু॒-ন্তেজ॑ন॒-ন্তে᳚-ঽব্রুব॒ন্ ক ই॒মাম॑সিষ্য॒তীতি॑ [ ] 15
রু॒দ্র ইত্য॑ব্রুব-ন্রু॒দ্রো বৈ ক্রূ॒র-স্সো᳚-ঽস্য॒ত্বিতি॒ সো᳚-ঽব্রবী॒-দ্বরং॑-বৃঁণা অ॒হমে॒ব প॑শূ॒না-মধি॑পতিরসা॒নীতি॒ তস্মা᳚-দ্রু॒দ্রঃ প॑শূ॒না-মধি॑পতি॒স্তাগ্ম্ রু॒দ্রো-ঽবা॑সৃজ॒-থ্স তি॒স্রঃ পুরো॑ ভি॒ত্ত্বৈভ্যো লো॒কেভ্যো- ঽসু॑রা॒-ন্প্রাণু॑দত॒ যদু॑প॒সদ॑ উপস॒দ্যন্তে॒ ভ্রাতৃ॑ব্যপরাণুত্যৈ॒ নান্যামাহু॑তি-ম্পু॒রস্তা᳚-জ্জুহুযা॒-দ্যদ॒ন্যামাহু॑তি-ম্পু॒রস্তা᳚-জ্জুহু॒যা- [-জ্জুহু॒যাত্, অ॒ন্যন্মুখ॑-ঙ্কুর্যা-] 16
-দ॒ন্যন্মুখ॑-ঙ্কুর্যা-থ্স্রু॒বেণা॑-ঽঘা॒রমা ঘা॑রযতি য॒জ্ঞস্য॒ প্রজ্ঞা᳚ত্যৈ॒ পরাং॑অতি॒ক্রম্য॑ জুহোতি॒ পরা॑চ এ॒বৈভ্যো লো॒কেভ্যো॒ যজ॑মানো॒ ভ্রাতৃ॑ব্যা॒-ন্প্র ণু॑দতে॒ পুন॑রত্যা॒ক্রম্যো॑প॒সদ॑-ঞ্জুহোতি প্র॒ণুদ্যৈ॒বৈভ্যো লো॒কেভ্যো॒ ভ্রাতৃ॑ব্যাঞ্জি॒ত্বা ভ্রা॑তৃব্যলো॒ক-ম॒ভ্যারো॑হতি দে॒বা বৈ যাঃ প্রা॒তরু॑প॒সদ॑ উ॒পাসী॑দ॒-ন্নহ্ন॒স্তাভি॒রসু॑রা॒-ন্প্রাণু॑দন্ত॒ যা-স্সা॒যগ্ম্ রাত্রি॑যৈ॒ তাভি॒র্য-থ্সা॒য-ম্প্রা॑ত-রুপ॒সদ॑- [-রুপ॒সদঃ॑, উ॒প॒স॒দ্যন্তে॑] 17
উপস॒দ্যন্তে॑ ঽহোরা॒ত্রাভ্যা॑মে॒ব ত-দ্যজ॑মানো॒ ভ্রাতৃ॑ব্যা॒-ন্প্র ণু॑দতে॒ যাঃ প্রা॒তর্যা॒জ্যা᳚-স্স্যুস্তা-স্সা॒য-ম্পু॑রো-ঽনুবা॒ক্যাঃ᳚ কুর্যা॒দযা॑তযামত্বায তি॒স্র উ॑প॒সদ॒ উপৈ॑তি॒ ত্রয॑ ই॒মে লো॒কা ই॒মানে॒ব লো॒কা-ন্প্রী॑ণাতি॒ ষট্-থ্স-ম্প॑দ্যন্তে॒ ষড্বা ঋ॒তব॑ ঋ॒তূনে॒ব প্রী॑ণাতি॒ দ্বাদ॑শা॒হীনে॒ সোম॒ উপৈ॑তি॒ দ্বাদ॑শ॒ মাসা᳚-স্সংবঁথ্স॒র-স্স॑বন্থ্স॒রমে॒ব প্রী॑ণাতি॒ চতু॑র্বিগ্ম্শতি॒-স্স- [চতু॑র্বিগ্ম্শতি॒-স্সম্, প॒দ্য॒ন্তে॒ চতু॑র্বিগ্ম্শতি-] 18
-ম্প॑দ্যন্তে॒ চতু॑র্বিগ্ম্শতি-রর্ধমা॒সা অ॑র্ধমা॒সানে॒ব প্রী॑ণা॒ত্যারা᳚গ্রা-মবান্তরদী॒ক্ষা-মুপে॑যা॒দ্যঃ কা॒মযে॑তা॒-ঽস্মি-ন্মে॑ লো॒কে-ঽর্ধু॑কগ্গ্ স্যা॒দিত্যেক॒মগ্রে-ঽথ॒ দ্বাবথ॒ ত্রীনথ॑ চ॒তুর॑ এ॒ষা বা আরা᳚গ্রা ঽবান্তরদী॒ক্ষা ঽস্মিন্নে॒বাস্মৈ॑ লো॒কে-ঽর্ধু॑ক-ম্ভবতি প॒রোব॑রীযসী-মবান্তরদী॒ক্ষা-মুপে॑যা॒দ্যঃ কা॒মযে॑তা॒মুষ্মি॑-ন্মে লো॒কে-ঽর্ধু॑কগ্গ্ স্যা॒দিতি॑ চ॒তুরো-ঽগ্রে ঽথ॒ ত্রীনথ॒ দ্বাবথৈক॑মে॒ষা বৈ প॒রোব॑রীযস্য-বান্তরদী॒ক্ষা ঽমুষ্মি॑ন্নে॒বাস্মৈ॑ লো॒কে-ঽর্ধু॑ক-ম্ভবতি ॥ 19 ॥
(অ॒সি॒ষ্য॒তীতি॑ – জুহু॒যাথ্ – সা॒য-ম্প্রা॑তরুপ॒সদ॒ – শ্চতু॑র্বিগ্ম্শতি॒-স্সং – চ॒তুরো-ঽগ্রে॒ – ষোড॑শ চ) (অ. 3)
সু॒ব॒র্গং-বাঁ এ॒তে লো॒কং-যঁ॑ন্তি॒ য উ॑প॒সদ॑ উপ॒যন্তি॒ তেষাং॒-যঁ উ॒ন্নয॑তে॒ হীয॑ত এ॒ব স নোদ॑নে॒ষীতি॒ সূ᳚ন্নীযমিব॒ যো বৈ স্বা॒র্থেতাং᳚-যঁ॒তাগ্ শ্রা॒ন্তো হীয॑ত উ॒ত স নি॒ষ্ট্যায॑ স॒হ ব॑সতি॒ তস্মা᳚-থ্স॒কৃদু॒ন্নীয॒ নাপ॑র॒মুন্ন॑যেত দ॒দ্ধ্নোন্ন॑যেতৈ॒তদ্বৈ প॑শূ॒নাগ্ম্ রূ॒পগ্ম্ রূ॒পেণৈ॒ব প॒শূনব॑ রুন্ধে [ ] 20
য॒জ্ঞো দে॒বেভ্যো॒ নিলা॑যত॒ বিষ্ণূ॑ রূ॒প-ঙ্কৃ॒ত্বা স পৃ॑থি॒বী-ম্প্রাবি॑শ॒-ত্ত-ন্দে॒বা হস্তা᳚ন্-থ্স॒গ্ম্॒ রভ্যৈ᳚চ্ছ॒-ন্তমিন্দ্র॑ উ॒পর্যু॑প॒র্যত্য॑ক্রাম॒-থ্সো᳚-ঽব্রবী॒-ত্কো মা॒-ঽযমু॒পর্যু॑প॒র্যত্য॑ক্রমী॒-দিত্য॒হ-ন্দু॒র্গে হন্তেত্যথ॒ কস্ত্বমিত্য॒হ-ন্দু॒র্গাদাহ॒র্তেতি॒ সো᳚-ঽব্রবী-দ্দু॒র্গে বৈ হন্তা॑-ঽবোচথা বরা॒হো॑-ঽযং-বাঁ॑মমো॒ষ- [-বাঁ॑মমো॒ষঃ, স॒প্তা॒না] 21
-স্স॑প্তা॒না-ঙ্গি॑রী॒ণা-ম্প॒রস্তা᳚দ্বি॒ত্তং-বেঁদ্য॒মসু॑রাণা-ম্বিভর্তি॒ ত-ঞ্জ॑হি॒ যদি॑ দু॒র্গে হন্তা-ঽসীতি॒ স দ॑র্ভপুঞ্জী॒লমু॒-দ্বৃহ্য॑ স॒প্ত গি॒রী-ন্ভি॒ত্ত্বা তম॑হ॒ন্-থ্সো᳚-ঽব্রবী-দ্দু॒র্গাদ্বা আহ॑র্তাবোচথা এ॒তমা হ॒রেতি॒ তমে᳚ভ্যো য॒জ্ঞ এ॒ব য॒জ্ঞমা-ঽহ॑র॒দ্য-ত্তদ্বি॒ত্তং-বেঁদ্য॒মসু॑রাণা॒-মবি॑ন্দন্ত॒ তদেকং॒-বেঁদ্যৈ॑ বেদি॒ত্ব-মসু॑রাণাং॒- [-মসু॑রাণাম্, বা ই॒যমগ্র॑] 22
-বাঁ ই॒যমগ্র॑ আসী॒-দ্যাব॒দাসী॑নঃ পরা॒পশ্য॑তি॒ তাব॑-দ্দে॒বানা॒-ন্তে দে॒বা অ॑ব্রুব॒ন্নস্ত্বে॒ব নো॒-ঽস্যামপীতি॒ কিয॑দ্বো দাস্যাম॒ ইতি॒ যাব॑দি॒যগ্ম্ স॑লাবৃ॒কী ত্রিঃ প॑রি॒ক্রাম॑তি॒ তাব॑ন্নো দ॒ত্তেতি॒ স ইন্দ্র॑-স্সলাবৃ॒কী রূ॒প-ঙ্কৃ॒ত্বেমা-ন্ত্রি-স্স॒র্বতঃ॒ পর্য॑ক্রাম॒-ত্তদি॒মাম॑বিন্দন্ত॒ যদি॒মামবি॑ন্দন্ত॒ ত-দ্বেদ্যৈ॑ বেদি॒ত্বগ্ম্ [বেদি॒ত্বম্, সা বা ই॒যগ্ম্] 23
সা বা ই॒যগ্ম্ সর্বৈ॒ব বেদি॒রিয॑তি শক্ষ্যা॒মীতি॒ ত্বা অ॑ব॒মায॑ যজন্তে ত্রি॒গ্ম্॒শ-ত্প॒দানি॑ প॒শ্চা-ত্তি॒রশ্চী॑ ভবতি॒ ষট্ত্রিগ্ম্॑শ॒-ত্প্রাচী॒ চতু॑র্বিগ্ম্শতিঃ পু॒রস্তা᳚-ত্তি॒রশ্চী॒ দশ॑দশ॒ সম্প॑দ্যন্তে॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজৈ॒বান্নাদ্য॒মব॑ রুন্ধ॒ উদ্ধ॑ন্তি॒ যদে॒বাস্যা॑ অমে॒দ্ধ্য-ন্তদপ॑ হ॒ন্ত্যুদ্ধ॑ন্তি॒ তস্মা॒দোষ॑ধযঃ॒ পরা॑ ভবন্তি ব॒র্॒হি-স্স্তৃ॑ণাতি॒ তস্মা॒দোষ॑ধযঃ॒ পুন॒রা ভ॑ব॒ন্ত্যুত্ত॑র-ম্ব॒র্॒হিষ॑ উত্তরব॒র্॒হি-স্স্তৃ॑ণাতি প্র॒জা বৈ ব॒র্॒হির্যজ॑মান উত্তর ব॒র্॒হি র্যজ॑মান-মে॒বা-য॑জমানা॒দুত্ত॑র-ঙ্করোতি॒ তস্মা॒-দ্যজ॑মা॒নো ঽয॑জমানা॒দুত্ত॑রঃ ॥ 24 ॥
(রু॒ন্ধে॒ – বা॒ম॒মো॒ষো – বে॑দি॒ত্বমসু॑রাণাং – বেঁদি॒ত্বং – ভ॑বন্তি॒ – পঞ্চ॑বিগ্ম্শতিশ্চ) (অ. 4)
যদ্বা অনী॑শানো ভা॒রমা॑দ॒ত্তে বি বৈ স লি॑শতে॒ য-দ্দ্বাদ॑শ সা॒হ্নস্যো॑প॒সদ॒-স্স্যুস্তি॒স্ত্রো॑-ঽহীন॑স্য য॒জ্ঞস্য॒ বিলো॑ম ক্রিযেত তি॒স্র এ॒ব সা॒হ্নস্যো॑প॒সদো॒ দ্বাদ॑শা॒হীন॑স্য য॒জ্ঞস্য॑ সবীর্য॒ত্বাযাথো॒ সলো॑ম ক্রিযতে ব॒থ্সস্যৈক॒-স্স্তনো॑ ভা॒গী হি সো-ঽথৈক॒গ্গ্॒ স্তনং॑-ব্রঁ॒তমুপৈ॒ত্যথ॒ দ্বাবথ॒ ত্রীনথ॑ চ॒তুর॑ এ॒তদ্বৈ [ ] 25
ক্ষু॒রপ॑বি॒ নাম॑ ব্র॒তং-যেঁন॒ প্র জা॒তা-ন্ভ্রাতৃ॑ব্যা-ন্নু॒দতে॒ প্রতি॑ জনি॒ষ্যমা॑ণা॒নথো॒ কনী॑যসৈ॒ব ভূয॒ উপৈ॑তি চ॒তুরো-ঽগ্রে॒ স্তনা᳚ন্ ব্র॒তমুপৈ॒ত্যথ॒ ত্রীনথ॒ দ্বাবথৈক॑মে॒তদ্বৈ সু॑জঘ॒ন-ন্নাম॑ ব্র॒ত-ন্ত॑প॒স্যগ্ম্॑ সুব॒র্গ্য॑মথো॒ প্রৈব জা॑যতে প্র॒জযা॑ প॒শুভি॑র্যবা॒গূ রা॑জ॒ন্য॑স্য ব্র॒ত-ঙ্ক্রূ॒রেব॒ বৈ য॑বা॒গূঃ ক্রূ॒র ই॑ব [ক্রূ॒র ই॑ব, রা॒জ॒ন্যো॑ বজ্র॑স্য] 26
রাজ॒ন্যো॑ বজ্র॑স্য রূ॒পগ্ম্ সমৃ॑দ্ধ্যা আ॒মিক্ষা॒ বৈশ্য॑স্য পাকয॒জ্ঞস্য॑ রূ॒প-ম্পুষ্ট্যৈ॒ পযো᳚ ব্রাহ্ম॒ণস্য॒ তেজো॒ বৈ ব্রা᳚হ্ম॒ণস্তেজঃ॒ পয॒স্তেজ॑সৈ॒ব তেজঃ॒ পয॑ আ॒ত্ম-ন্ধ॒ত্তে ঽথো॒ পয॑সা॒ বৈ গর্ভা॑ বর্ধন্তে॒ গর্ভ॑ ইব॒ খলু॒ বা এ॒ষ য-দ্দী᳚ক্ষি॒তো যদ॑স্য॒ পযো᳚ ব্র॒ত-ম্ভব॑ত্যা॒ত্মান॑মে॒ব ত-দ্ব॑র্ধযতি॒ ত্রিব্র॑তো॒ বৈ মনু॑রাসী॒-দ্দ্বিব্র॑তা॒ অসু॑রা॒ এক॑ব্রতা [এক॑ব্রতাঃ, দে॒বাঃ প্রা॒তর্ম॒দ্ধ্যন্দি॑নে] 27
দে॒বাঃ প্রা॒তর্ম॒দ্ধ্যন্দি॑নে সা॒য-ন্ত-ন্মনো᳚র্ব্র॒তমা॑সী-ত্পাকয॒জ্ঞস্য॑ রূ॒প-ম্পুষ্ট্যৈ᳚ প্রা॒তশ্চ॑ সা॒য-ঞ্চাসু॑রাণা-ন্নির্ম॒দ্ধ্য-ঙ্ক্ষু॒ধো রূ॒প-ন্তত॒স্তে পরা॑-ঽভব-ন্ম॒দ্ধ্যন্দি॑নে মদ্ধ্যরা॒ত্রে দে॒বানা॒-ন্তত॒স্তে॑-ঽভবন্-থ্সুব॒র্গং-লোঁ॒কমা॑য॒ন্॒. যদ॑স্য ম॒দ্ধ্যন্দি॑নে মদ্ধ্যরা॒ত্রে ব্র॒ত-ম্ভব॑তি মদ্ধ্য॒তো বা অন্নে॑ন ভুঞ্জতে মদ্ধ্য॒ত এ॒ব তদূর্জ॑-ন্ধত্তে॒ ভ্রাতৃ॑ব্যাভিভূত্যৈ॒ ভব॑ত্যা॒ত্মনা॒ [ভব॑ত্যা॒ত্মনা᳚, পরা᳚-ঽস্য॒ ভ্রাতৃ॑ব্যো] 28
পরা᳚-ঽস্য॒ ভ্রাতৃ॑ব্যো ভবতি॒ গর্ভো॒ বা এ॒ষ য-দ্দী᳚ক্ষি॒তো যোনি॑ র্দীক্ষিতবিমি॒তং-যঁ-দ্দী᳚ক্ষি॒তো দী᳚ক্ষিতবিমি॒তা-ত্প্র॒বসে॒-দ্যথা॒ যোনে॒র্গর্ভ॒-স্স্কন্দ॑তি তা॒দৃগে॒ব তন্ন প্র॑বস্ত॒ব্য॑মা॒ত্মনো॑ গোপী॒থাযৈ॒ষ বৈ ব্যা॒ঘ্রঃ কু॑লগো॒পো যদ॒গ্নিস্তস্মা॒-দ্য-দ্দী᳚ক্ষি॒তঃ প্র॒বসে॒-থ্স এ॑নমীশ্ব॒রো॑-ঽনূ॒ত্থায॒ হন্তো॒র্ন প্র॑বস্ত॒ব্য॑মা॒ত্মনো॒ গুপ্ত্যৈ॑ দক্ষিণ॒ত-শ্শ॑য এ॒তদ্বৈ যজ॑মানস্যা॒ ঽঽযত॑ন॒গ্গ্॒স্ব এ॒বা-ঽঽযত॑নে শযে॒ ঽগ্নিম॑ভ্যা॒বৃত্য॑ শযে দে॒বতা॑ এ॒ব য॒জ্ঞম॑ভ্যা॒বৃত্য॑ শযে ॥ 29 ॥
(এ॒তদ্বৈ-ক্রূ॒র ই॒বৈ-ক॑ব্রতা-আ॒ত্মনা॒-যজ॑মানস্য॒-ত্রযো॑দশ চ) (অ. 5)
পু॒রোহ॑বিষি দেব॒যজ॑নে যাজযে॒দ্য-ঙ্কা॒মযে॒তোপৈ॑ন॒মুত্ত॑রো য॒জ্ঞো ন॑মেদ॒ভি সু॑ব॒র্গং-লোঁ॒ক-ঞ্জ॑যে॒দিত্যে॒তদ্বৈ পু॒রোহ॑বির্দেব॒যজ॑নং॒-যঁস্য॒ হোতা᳚ প্রাতরনুবা॒ক -ম॑নুব্রু॒ব-ন্ন॒গ্নিম॒প আ॑দি॒ত্যম॒ভি বি॒পশ্য॒ত্যুপৈ॑ন॒মুত্ত॑রো য॒জ্ঞো ন॑মত্য॒ভি সু॑ব॒র্গং-লোঁ॒ক-ঞ্জ॑যত্যা॒প্তে দে॑ব॒যজ॑নে যাজযে॒–দ্ভ্রাতৃ॑ব্যবন্ত॒-ম্পন্থাং᳚-বাঁ-ঽধিস্প॒র্॒শযে᳚-ত্ক॒র্তং-বাঁ॒ যাব॒ন্নান॑সে॒ যাত॒বৈ [ ] 30
ন রথা॑যৈ॒তদ্বা আ॒প্ত-ন্দে॑ব॒যজ॑নমা॒প্নোত্যে॒ব ভ্রাতৃ॑ব্য॒-ন্নৈন॒-ম্ভ্রাতৃ॑ব্য আপ্নো॒ত্যেকো᳚ন্নতে দেব॒য॑জনে যাজযে-ত্প॒শুকা॑ম॒-মেকো᳚ন্নতা॒দ্বৈ দে॑ব॒যজ॑না॒দঙ্গি॑রসঃ প॒শূন॑সৃজন্তান্ত॒রা স॑দোহবির্ধা॒নে উ॑ন্ন॒তগ্গ্ স্যা॑দে॒তদ্বা একো᳚ন্নত-ন্দেব॒যজ॑ন-ম্পশু॒মানে॒ব ভ॑বতি॒ ত্র্যু॑ন্নতে দেব॒যজ॑নে যাজযে-থ্সুব॒র্গকা॑ম॒-ন্ত্র্যু॑ন্নতা॒দ্বৈ দে॑ব॒যজ॑না॒দঙ্গি॑রস-স্সুব॒র্গং-লোঁ॒কমা॑য-ন্নন্ত॒রা ঽঽহ॑ব॒নীয॑-ঞ্চ হবি॒র্ধান॑-ঞ্চো- [হবি॒র্ধান॑-ঞ্চ, উ॒ন্ন॒তগ্গ্ স্যা॑দন্ত॒রা] 31
-ন্ন॒তগ্গ্ স্যা॑দন্ত॒রা হ॑বি॒র্ধান॑-ঞ্চ॒ সদ॑শ্চান্ত॒রা সদ॑শ্চ॒ গার্হ॑পত্য-ঞ্চৈ॒তদ্বৈ ত্র্যু॑ন্নত-ন্দেব॒যজ॑নগ্ম্ সুব॒র্গমে॒ব লো॒কমে॑তি॒ প্রতি॑ষ্ঠিতে দেব॒যজ॑নে যাজযে-ত্প্রতি॒ষ্ঠাকা॑মমে॒তদ্বৈ প্রতি॑ষ্ঠিত-ন্দেব॒যজ॑নং॒-যঁ-থ্স॒র্বত॑-স্স॒ম-ম্প্রত্যে॒ব তি॑ষ্ঠতি॒ যত্রা॒ন্যা অ॑ন্যা॒ ওষ॑ধযো॒ ব্যতি॑ষক্তা॒-স্স্যুস্ত-দ্যা॑জযে-ত্প॒শুকা॑মমে॒তদ্বৈ প॑শূ॒নাগ্ম্ রূ॒পগ্ম্ রূ॒পেণৈ॒বাস্মৈ॑ প॒শূ- [প॒শূন্, অব॑ রুন্ধে] 32
-নব॑ রুন্ধে পশু॒মানে॒ব ভ॑বতি॒ নির্-ঋ॑তিগৃহীতে দেব॒যজ॑নে যাজযে॒দ্য-ঙ্কা॒মযে॑ত॒ নির্-ঋ॑ত্যাস্য য॒জ্ঞ-ঙ্গ্রা॑হযেয॒মিত্যে॒তদ্বৈ নির্-ঋ॑তিগৃহীত-ন্দেব॒যজ॑নং॒-যঁ-থ্স॒দৃশ্যৈ॑ স॒ত্যা॑ ঋ॒ক্ষ-ন্নির্-ঋ॑ত্যৈ॒বাস্য॑ য॒জ্ঞ-ঙ্গ্রা॑হযতি॒ ব্যাবৃ॑ত্তে দেব॒যজ॑নে যাজযে-দ্ব্যা॒বৃত্কা॑মং॒-যঁ-ম্পাত্রে॑ বা॒ তল্পে॑ বা॒ মীমাগ্ম্॑সের-ন্প্রা॒চীন॑মাহব॒নীযা᳚-ত্প্রব॒ণগ্গ্ স্যা᳚-ত্প্রতী॒চীন॒-ঙ্গার্হ॑পত্যাদে॒তদ্বৈ ব্যাবৃ॑ত্ত-ন্দেব॒যজ॑নং॒-বিঁ পা॒প্মনা॒ ভ্রাতৃ॑ব্যে॒ণা- ঽঽব॑র্ততে॒ নৈন॒-ম্পাত্রে॒ ন তল্পে॑ মীমাগ্ম্ সন্তে কা॒র্যে॑ দেব॒যজ॑নে যাজযে॒-দ্ভূতি॑কাম-ঙ্কা॒যা॑ বৈ পুরু॑ষো॒ ভব॑ত্যে॒ব ॥ 33 ॥
(যাত॒বৈ – হ॑বি॒র্ধান॑-ঞ্চ – প॒শূন্ – পা॒প্মনা॒ – ঽষ্টাদ॑শ চ) (অ. 6)
তেভ্য॑ উত্তরবে॒দি-স্সি॒গ্ম্॒হী রূ॒প-ঙ্কৃ॒ত্বোভযা॑-নন্ত॒রা-ঽপ॒ক্রম্যা॑তিষ্ঠ॒-ত্তে দে॒বা অ॑মন্যন্ত যত॒রান্. বা ই॒যমু॑পাব॒র্থ্স্যতি॒ ত ই॒দ-ম্ভ॑বিষ্য॒ন্তীতি॒ তামুপা॑মন্ত্রযন্ত॒ সা-ঽব্র॑বী॒-দ্বরং॑-বৃঁণৈ॒ সর্বা॒-ন্মযা॒ কামা॒ন্ ব্য॑শ্ঞবথ॒ পূর্বা॒-ন্তু মা॒-ঽগ্নেরাহু॑তিরশ্ঞবতা॒ ইতি॒ তস্মা॑দুত্তরবে॒দি-ম্পূর্বা॑ম॒গ্নে- র্ব্যাঘা॑রযন্তি॒ বারে॑বৃত॒গ্গ্॒ হ্য॑স্যৈ॒ শম্য॑যা॒ পরি॑ মিমীতে॒ [মিমীতে, মাত্রৈ॒বা-ঽস্যৈ॒] 34
মাত্রৈ॒বা-ঽস্যৈ॒ সাথো॑ যু॒ক্তেনৈ॒ব যু॒ক্তমব॑ রুন্ধে বি॒ত্তায॑নী মে॒-ঽসীত্যা॑হ বি॒ত্তা হ্যে॑না॒নাব॑-ত্তি॒ক্তায॑নী মে॒-ঽসীত্যা॑হ তি॒ক্তান্. হ্যে॑না॒নাব॒দব॑তান্মা নাথি॒তমিত্যা॑হ নাথি॒তান্. হ্যে॑না॒নাব॒দব॑তান্মা ব্যথি॒তমিত্যা॑হ ব্যথি॒তান্. হ্যে॑না॒নাব॑-দ্বি॒দে-র॒গ্নি-র্নভো॒ নামা- [-র্নভো॒ নামা॑, অগ্নে॑ অঙ্গির॒ ইতি॒] 35
-ঽগ্নে॑ অঙ্গির॒ ইতি॒ ত্রির্হ॑রতি॒ য এ॒বৈষু লো॒কেষ্ব॒গ্নয॒-স্তানে॒বাব॑ রুন্ধে তূ॒ষ্ণী-ঞ্চ॑তু॒র্থগ্ম্ হ॑র॒ত্যনি॑-রুক্তমে॒বাব॑ রুন্ধে সি॒গ্ম্॒হীর॑সি মহি॒ষীর॒সীত্যা॑হ সি॒গ্ম্॒হীর্হ্যে॑ষা রূ॒প-ঙ্কৃ॒ত্বোভযা॑-নন্ত॒রা ঽপ॒ক্রম্যাতি॑ষ্ঠদু॒রু প্র॑থস্বো॒রু তে॑ য॒জ্ঞপ॑তিঃ প্রথতা॒মিত্যা॑হ॒ যজ॑মানমে॒ব প্র॒জযা॑ প॒শুভিঃ॑ প্রথযতি ধ্রু॒বা- [ধ্রু॒বা, অ॒সীতি॒ সগ্ম্ হ॑ন্তি॒] 36
-ঽসীতি॒ সগ্ম্ হ॑ন্তি॒ ধৃত্যৈ॑ দে॒বেভ্য॑-শ্শুন্ধস্ব দে॒বেভ্য॑-শ্শুম্ভ॒স্বেত্যব॑ চো॒ক্ষতি॒ প্র চ॑ কিরতি॒ শুদ্ধ্যা॑ ইন্দ্রঘো॒ষস্ত্বা॒ বসু॑ভিঃ পু॒রস্তা᳚-ত্পা॒ত্বিত্যা॑হ দি॒গ্ভ্য এ॒বৈনা॒-ম্প্রোক্ষ॑তি দে॒বাগ্শ্চেদু॑-ত্তরবে॒দিরু॒পাব॑বর্তী॒হৈব বি জ॑যামহা॒ ইত্যসু॑রা॒ বজ্র॑মু॒দ্যত্য॑ দে॒বান॒ভ্যা॑যন্ত॒ তানি॑ন্দ্রঘো॒ষো বসু॑ভিঃ পু॒রস্তা॒দপা॑- [পু॒রস্তা॒দপা॑, অ॒নু॒দ॒ত॒ মনো॑জবাঃ] 37
-নুদত॒ মনো॑জবাঃ পি॒তৃভি॑ র্দক্ষিণ॒তঃ প্রচে॑তা রু॒দ্রৈঃ প॒শ্চা-দ্বি॒শ্বক॑র্মা-ঽঽদি॒ত্যৈরু॑ত্তর॒তো যদে॒বমু॑ত্তরবে॒দি-ম্প্রো॒ক্ষতি॑ দি॒গ্ভ্য এ॒ব ত-দ্যজ॑মানো॒ ভ্রাতৃ॑ব্যা॒-ন্প্র ণু॑দত॒ ইন্দ্রো॒ যতী᳚ন্-থ্সালাবৃ॒কেভ্যঃ॒ প্রায॑চ্ছ॒-ত্তা-ন্দ॑ক্ষিণ॒ত উ॑ত্তরবে॒দ্যা আ॑দ॒ন্॒ য-ত্প্রোক্ষ॑ণীনা-মু॒চ্ছিষ্যে॑ত॒ ত-দ্দ॑ক্ষিণ॒ত উ॑ত্তরবে॒দ্যৈ নি ন॑যে॒-দ্যদে॒ব তত্র॑ ক্রূ॒র-ন্ত-ত্তেন॑ শমযতি॒ য-ন্দ্বি॒ষ্যা-ত্ত-ন্ধ্যা॑যেচ্ছু॒চৈ বৈন॑মর্পযতি ॥ 38 ॥
(মি॒মী॒তে॒ – নাম॑ – ধ্রু॒বা – ঽপ॑ – শু॒চা – ত্রীণি॑ চ) ( আ7)
সোত্ত॑রবে॒দির॑ব্রবী॒-থ্সর্বা॒-ন্মযা॒ কামা॒ন্ ব্য॑শ্ঞব॒থেতি॒ তে দে॒বা অ॑কাময॒ন্তাসু॑রা॒-ন্ভ্রাতৃ॑ব্যান॒ভি ভ॑বে॒মেতি॒ তে॑-ঽজুহবু-স্সি॒গ্ম্॒হীর॑সি সপত্নসা॒হী স্বাহেতি॒ তে-ঽসু॑রা॒-ন্ভ্রাতৃ॑ব্যা-ন॒ভ্য॑ভব॒-ন্তে-ঽসু॑রা॒-ন্ভ্রাতৃ॑ব্যা-নভি॒ভূযা॑কামযন্ত প্র॒জাং-বিঁ॑ন্দেম॒হীতি॒ তে॑-ঽজুহবু-স্সি॒গ্ম্॒হীর॑সি সুপ্রজা॒বনি॒-স্স্বাহেতি॒ তে প্র॒জাম॑বিন্দন্ত॒ তে প্র॒জাং-বিঁ॒ত্ত্বা- [প্র॒জাং-বিঁ॒ত্ত্বা,অ॒কা॒ম॒য॒ন্ত॒ প॒শূন্. ] 39
-ঽকা॑মযন্ত প॒শূন্. বি॑ন্দেম॒হীতি॒ তে॑-ঽজুহবু-স্সি॒গ্ম্॒হীর॑সি রাযস্পোষ॒বনি॒-স্স্বাহেতি॒ তে প॒শূন॑বিন্দন্ত॒ তে প॒শূন্. বি॒ত্ত্বা-ঽকা॑মযন্ত প্রতি॒ষ্ঠাং-বিঁ॑ন্দেম॒হীতি॒ তে॑-ঽজুহবু-স্সি॒গ্ম্॒হী-র॑স্যাদিত্য॒বনি॒-স্স্বাহেতি॒ ত ই॒মা-ম্প্র॑তি॒ষ্ঠাম॑বিন্দন্ত॒ ত ই॒মা-ম্প্র॑তি॒ষ্ঠাং-বিঁ॒ত্ত্বা-ঽকা॑মযন্ত দে॒বতা॑ আ॒শিষ॒ উপে॑যা॒মেতি॒ তে॑-ঽজুহবু-স্সি॒গ্ম্॒হীর॒স্যা ব॑হ দে॒বা-ন্দে॑বয॒তে [ ] 40
যজ॑মানায॒ স্বাহেতি॒ তে দে॒বতা॑ আ॒শিষ॒ উপা॑য॒-ন্পঞ্চ॒ কৃত্বো॒ ব্যাঘা॑রযতি॒ পঞ্চা᳚ক্ষরা প॒ঙ্ক্তিঃ পাঙ্ক্তো॑ য॒জ্ঞো য॒জ্ঞমে॒বাব॑ রুন্ধে ঽক্ষ্ণ॒যা ব্যাঘা॑রযতি॒ তস্মা॑দক্ষ্ণ॒যা প॒শবো-ঽঙ্গা॑নি॒ প্রহ॑রন্তি॒ প্রতি॑ষ্ঠিত্যৈ ভূ॒তেভ্য॒স্ত্বেতি॒ স্রুচ॒মুদ্গৃ॑হ্ণাতি॒ য এ॒ব দে॒বা ভূ॒তাস্তেষা॒-ন্ত-দ্ভা॑গ॒ধেয॒-ন্তানে॒ব তেন॑ প্রীণাতি॒ পৌতু॑দ্রবা-ন্পরি॒ধী-ন্পরি॑ দধাত্যে॒ষাং- [দধাত্যে॒ষাম্, লো॒কানাং॒-বিঁধৃ॑ত্যা] 41
-লোঁ॒কানাং॒-বিঁধৃ॑ত্যা অ॒গ্নেস্ত্রযো॒ জ্যাযাগ্ম্॑সো॒ ভ্রাত॑র আস॒-ন্তে দে॒বেভ্যো॑ হ॒ব্যং-বঁহ॑ন্তঃ॒ প্রামী॑যন্ত॒ সো᳚-ঽগ্নির॑বিভেদি॒ত্থং-বাঁব স্য আর্তি॒মা-ঽরি॑ষ্য॒তীতি॒ স নিলা॑যত॒ স যাং-বঁন॒স্পতি॒ষ্বব॑স॒ত্তা-ম্পূতু॑দ্রৌ॒ যামোষ॑ধীষু॒ তাগ্ম্ সু॑গন্ধি॒তেজ॑নে॒ যা-ম্প॒শুষু॒ তা-ম্পেত্ব॑স্যান্ত॒রা শৃঙ্গে॒ ত-ন্দে॒বতাঃ॒ প্রৈষ॑মৈচ্ছ॒-ন্তমন্ব॑বিন্দ॒-ন্ত-ম॑ব্রুব॒- [-ম॑ব্রুবন্ন্, উপ॑ ন॒ আ] 42
-ন্নুপ॑ ন॒ আ ব॑র্তস্ব হ॒ব্য-ন্নো॑ ব॒হেতি॒ সো᳚-ঽব্রবী॒-দ্বরং॑-বৃঁণৈ॒ যদে॒ব গৃ॑হী॒তস্যাহু॑তস্য বহিঃপরি॒ধি স্কন্দা॒-ত্তন্মে॒ ভ্রাতৃ॑ণা-ম্ভাগ॒ধেয॑-মস॒দিতি॒ তস্মা॒-দ্য-দ্গৃ॑হী॒তস্যা-ঽহু॑তস্য বহিঃপরি॒ধি স্কন্দ॑তি॒ তেষা॒-ন্ত-দ্ভা॑গ॒ধেয॒-ন্তানে॒ব তেন॑ প্রীণাতি॒ সো॑-ঽমন্যতা-ঽস্থ॒ন্বন্তো॑ মে॒ পূর্বে॒ ভ্রাত॑রঃ॒ প্রামে॑ষতা॒-ঽস্থানি॑ শাতযা॒ ইতি॒ স যা- [স যানি॑, ] 43
-ন্য॒স্থান্যশা॑তযত॒ ত-ত্পূতু॑দ্র্ব-ভব॒-দ্যন্মা॒গ্ম্॒ সমুপ॑মৃত॒-ন্ত-দ্গুল্গু॑লু॒ যদে॒তান্-থ্স॑ভাং॒রান্-থ্স॒-ম্ভর॑ত্য॒গ্নিমে॒ব ত-থ্সম্ভ॑রত্য॒গ্নেঃ পুরী॑ষ-ম॒সীত্যা॑হা॒-ঽগ্নের্হ্যে॑ত-ত্পুরী॑ষং॒-যঁ-থ্স॑ম্ভা॒রা অথো॒ খল্বা॑হুরে॒তে বাবৈন॒-ন্তে ভ্রাত॑রঃ॒ পরি॑ শেরে॒ য-ত্পৌতু॑দ্রবাঃ পরি॒ধয॒ ইতি॑ ॥ 44 ॥
(বি॒ত্ত্বা – দে॑বয॒ত – এ॒ষা – ম॑ব্রুব॒ন্ – যানি॒ – চতু॑শ্চত্বারিগ্ম্শচ্চ) (অ. 8)
ব॒দ্ধমব॑ স্যতি বরুণপা॒শাদে॒বৈনে॑ মুঞ্চতি॒ প্রণে॑নেক্তি॒ মেদ্ধ্যে॑ এ॒বৈনে॑ করোতি সাবিত্রি॒যর্চা হু॒ত্বা হ॑বি॒র্ধানে॒ প্র ব॑র্তযতি সবি॒তৃপ্র॑সূত এ॒বৈনে॒ প্র ব॑র্তযতি॒ বরু॑ণো॒ বা এ॒ষ দু॒র্বাগু॑ভ॒যতো॑ ব॒দ্ধো যদক্ষ॒-স্স যদু॒-থ্সর্জে॒-দ্যজ॑মানস্য গৃ॒হা-ন॒ভ্যুথ্স॑র্জে-থ্সু॒বাগ্দে॑ব॒ দুর্যা॒গ্ম্॒ আ ব॒দেত্যা॑হ গৃ॒হা বৈ দুর্যা॒-শ্শান্ত্যৈ॒ প- [দুর্যা॒-শ্শান্ত্যৈ॒ পত্নী᳚, উপা॑নক্তি॒] 45
-ত্ন্যুপা॑নক্তি॒ পত্নী॒ হি সর্ব॑স্য মি॒ত্র-ম্মি॑ত্র॒ত্বায॒ যদ্বৈ পত্নী॑ য॒জ্ঞস্য॑ ক॒রোতি॑ মিথু॒ন-ন্তদথো॒ পত্নি॑যা এ॒বৈষ য॒জ্ঞস্যা᳚-ন্বার॒ভোং-ঽন॑বচ্ছিত্ত্যৈ॒ বর্ত্ম॑না॒ বা অ॒ন্বিত্য॑ য॒জ্ঞগ্ম্ রক্ষাগ্ম্॑সি জিঘাগ্ম্সন্তি বৈষ্ণ॒বীভ্যা॑মৃ॒গ্ভ্যাং-বঁর্ত্ম॑নো র্জুহোতি য॒জ্ঞো বৈ বিষ্ণু॑র্য॒জ্ঞাদে॒ব রক্ষা॒গ্॒স্যপ॑ হন্তি॒ যদ॑দ্ধ্ব॒র্যু-র॑ন॒গ্না-বাহু॑তি-ঞ্জুহু॒যা-দ॒ন্ধো᳚-ঽদ্ধ্ব॒র্যু-স্স্যা॒-দ্রক্ষাগ্ম্॑সি য॒জ্ঞগ্ম্ হ॑ন্যু॒র্॒- [য॒জ্ঞগ্ম্ হ॑ন্যুঃ, হির॑ণ্য-মু॒পাস্য॑] 46
-হির॑ণ্য-মু॒পাস্য॑ জুহোত্যগ্নি॒বত্যে॒ব জু॑হোতি॒ নান্ধো᳚-ঽদ্ধ্ব॒র্যুর্ভব॑তি॒ ন য॒জ্ঞগ্ম্ রক্ষাগ্ম্॑সি ঘ্নন্তি॒ প্রাচী॒ প্রেত॑মদ্ধ্ব॒র-ঙ্ক॒ল্পয॑ন্তী॒ ইত্যা॑হ সুব॒র্গমে॒বৈনে॑ লো॒ক-ঙ্গ॑ময॒ত্যত্র॑ রমেথাং॒-বঁর্ষ্ম॑-ন্পৃথি॒ব্যা ইত্যা॑হ॒ বর্ষ্ম॒ হ্যে॑ত-ত্পৃ॑থি॒ব্যা য-দ্দে॑ব॒যজ॑ন॒গ্ম্॒ শিরো॒ বা এ॒ত-দ্য॒জ্ঞস্য॒ যদ্ধ॑বি॒র্ধান॑-ন্দি॒বো বা॑ বিষ্ণবু॒ত বা॑ পৃথি॒ব্যা [পৃথি॒ব্যাঃ, ইত্যা॒শীর্প॑দয॒র্চা] 47
ইত্যা॒শীর্প॑দয॒র্চা দক্ষি॑ণস্য হবি॒র্ধান॑স্য মে॒থী-ন্নি হ॑ন্তি শীর্ষ॒ত এ॒ব য॒জ্ঞস্য॒ যজ॑মান আ॒শিষো-ঽব॑ রুন্ধে দ॒ণ্ডো বা ঔ॑প॒রস্তৃ॒তীয॑স্য হবি॒র্ধান॑স্য বষট্কা॒রে-ণাক্ষ॑-মচ্ছিন॒-দ্যত্-তৃ॒তীয॑-ঞ্ছ॒দির্-হ॑বি॒র্ধান॑যো-রুদাহ্রি॒যতে॑ তৃ॒তীয॑স্য হবি॒র্ধান॒স্যাব॑রুদ্ধ্যৈ॒ শিরো॒ বা এ॒ত-দ্য॒জ্ঞস্য॒ যদ্ধ॑বি॒র্ধানং॒-বিঁষ্ণো॑ র॒রাট॑মসি॒ বিষ্ণোঃ᳚ পৃ॒ষ্ঠম॒সীত্যা॑হ॒ তস্মা॑দেতাব॒দ্ধা শিরো॒ বিষ্যূ॑তং॒-বিঁষ্ণো॒-স্স্যূর॑সি॒ বিষ্ণো᳚র্ধ্রু॒বম॒সীত্যা॑হ বৈষ্ণ॒বগ্ম্ হি দে॒বত॑যা হবি॒র্ধানং॒-যঁ-ম্প্র॑থ॒ম-ঙ্গ্র॒ন্থি-ঙ্গ্র॑থ্নী॒যাদ্য-ত্ত-ন্ন বি॑স্র॒গ্ম্॒ সযে॒দমে॑হেনাদ্ধ্ব॒র্যুঃ প্রমী॑যেত॒ তস্মা॒-থ্স বি॒স্রস্যঃ॑ ॥ 48 ॥
(পত্নী॑ -হন্যু-র্বা পৃথি॒ব্যা-বিষ্যূ॑তং॒-বিঁষ্ণোঃ॒-ষড্বিগ্ম্॑শতিশ্চ) (অ. 9)
দে॒বস্য॑ ত্বা সবি॒তুঃ প্র॑স॒ব ইত্যভ্রি॒মা দ॑ত্তে॒ প্রসূ᳚ত্যা অ॒শ্বিনো᳚ র্বা॒হুভ্যা॒মিত্যা॑হা॒শ্বিনৌ॒ হি দে॒বানা॑মদ্ধ্ব॒র্যূ আস্তা᳚-ম্পূ॒ষ্ণো হস্তা᳚ভ্যা॒মিত্যা॑হ॒ যত্যৈ॒ বজ্র॑ ইব॒ বা এ॒ষা যদভ্রি॒রভ্রি॑রসি॒ নারি॑র॒সীত্যা॑হ॒ শান্ত্যৈ॒ কাণ্ডে॑ কাণ্ডে॒ বৈ ক্রি॒যমা॑ণে য॒জ্ঞগ্ম্ রক্ষাগ্ম্॑সি জিঘাগ্ম্সন্তি॒ পরি॑লিখিত॒গ্ম্॒ রক্ষঃ॒ পরি॑লিখিতা॒ অরা॑তয॒ ইত্যা॑হ॒ রক্ষ॑সা॒-মপ॑হত্যা [রক্ষ॑সা॒-মপ॑হত্যৈ, ই॒দম॒হগ্ম্] 49
ই॒দম॒হগ্ম্ রক্ষ॑সো গ্রী॒বা অপি॑ কৃন্তামি॒ যো᳚-ঽস্মা-ন্দ্বেষ্টি॒ য-ঞ্চ॑ ব॒য-ন্দ্বি॒ষ্ম ইত্যা॑হ॒ দ্বৌ বাব পুরু॑ষৌ॒ য-ঞ্চৈ॒ব দ্বেষ্টি॒ যশ্চৈ॑ন॒-ন্দ্বেষ্টি॒ তযো॑-রে॒বা-ঽন॑ন্তরায-ঙ্গ্রী॒বাঃ কৃ॑ন্ততি দি॒বে ত্বা॒-ঽন্তরি॑ক্ষায ত্বা পৃথি॒ব্যৈ ত্বেত্যা॑হৈ॒ভ্য এ॒বৈনাং᳚-লোঁ॒কেভ্যঃ॒ প্রোক্ষ॑তি প॒রস্তা॑-দ॒র্বাচী॒-ম্প্রোক্ষ॑তি॒ তস্মা᳚- [তস্মা᳚ত্, প॒রস্তা॑-] 50
-ত্প॒রস্তা॑-দ॒র্বাচী᳚-ম্মনু॒ষ্যা॑ ঊর্জ॒মুপ॑ জীবন্তি ক্রূ॒রমি॑ব॒ বা এ॒ত-ত্ক॑রোতি॒ য-ত্খন॑ত্য॒পো-ঽব॑ নযতি॒ শান্ত্যৈ॒ যব॑মতী॒রব॑ নয॒ত্যূর্গ্বৈ যব॒ ঊর্গু॑দু॒বংর॑ ঊ॒র্জৈবোর্জ॒গ্ম্॒ সম॑র্ধযতি॒ যজ॑মানেন॒ সম্মি॒তৌদু॑বংরী ভবতি॒ যাবা॑নে॒ব যজ॑মান॒স্তাব॑তী-মে॒বাস্মি॒-ন্নূর্জ॑-ন্দধাতি পিতৃ॒ণাগ্ম্ সদ॑নম॒সীতি॑ ব॒র্॒হিরব॑ স্তৃণাতি পিতৃদেব॒ত্যা᳚(1॒)গ্গ্॒- [পিতৃদেব॒ত্যা᳚ম্, হ্যে॑ত-দ্যন্নিখা॑তং॒-] 51
-হ্যে॑ত-দ্যন্নিখা॑তং॒-যঁ-দ্ব॒র্॒হি-রন॑বস্তীর্য মিনু॒যা-ত্পি॑তৃদেব॒ত্যা॑ নিখা॑তা স্যা-দ্ব॒র্॒হি-র॑ব॒স্তীর্য॑ মিনোত্য॒স্যা-মে॒বৈনা᳚-ম্মিনো॒ত্যথো᳚ স্বা॒রুহ॑-মে॒বৈনা᳚-ঙ্করো॒ত্যু-দ্দিবগ্গ্॑ স্তভা॒না-ঽঽন্তরি॑ক্ষ-ম্পৃ॒ণেত্যা॑হৈ॒ষাং-লোঁ॒কানাং॒-বিঁধৃ॑ত্যৈ দ্যুতা॒নস্ত্বা॑ মারু॒তো মি॑নো॒ত্বিত্যা॑হ দ্যুতা॒নো হ॑ স্ম॒ বৈ মা॑রু॒তো দে॒বানা॒-মৌদু॑বংরী-ম্মিনোতি॒ তেনৈ॒বৈ- [তেনৈ॒ব, এ॒না॒-ম্মি॒নো॒তি॒ ব্র॒হ্ম॒বনি॑-ন্ত্বা] 52
-না᳚-ম্মিনোতি ব্রহ্ম॒বনি॑-ন্ত্বা ক্ষত্র॒বনি॒মিত্যা॑হ যথায॒জুরে॒বৈত-দ্ঘৃ॒তেন॑ দ্যাবাপৃথিবী॒ আ পৃ॑ণেথা॒মিত্যৌদু॑বংর্যা-ঞ্জুহোতি॒ দ্যাবা॑পৃথি॒বী এ॒ব রসে॑নানক্ত্যা॒-ন্তম॒ন্ব-ব॑স্রাবযত্যা॒ন্তমে॒ব যজ॑মান॒-ন্তেজ॑সা-নক্ত্যৈ॒ন্দ্রম॒সীতি॑ ছ॒দিরধি॒ নি দ॑ধাত্যৈ॒ন্দ্রগ্ম্ হি দে॒বত॑যা॒ সদো॑ বিশ্বজ॒নস্য॑ ছা॒যেত্যা॑হ বিশ্বজ॒নস্য॒ হ্যে॑ষা ছা॒যা য-থ্সদো॒ নব॑ছদি॒ [নব॑ছদি, তেজ॑স্কামস্য] 53
তেজ॑স্কামস্য মিনুযা-ত্ত্রি॒বৃতা॒ স্তোমে॑ন॒ সম্মি॑ত॒-ন্তেজ॑স্ত্রি॒বৃ-ত্তে॑জ॒স্ব্যে॑ব ভ॑ব॒-ত্যেকা॑দশ-ছদীন্দ্রি॒যকা॑ম॒-স্যৈকা॑দশাক্ষরা ত্রি॒ষ্টুগি॑ন্দ্রি॒য-ন্ত্রি॒ষ্টুগি॑ন্দ্রিযা॒ব্যে॑ব ভ॑বতি॒ পঞ্চ॑দশছদি॒ ভ্রাতৃ॑ব্যবতঃ পঞ্চদ॒শো বজ্রো॒ ভ্রাতৃ॑ব্যাভিভূত্যৈ স॒প্তদ॑শছদি প্র॒জাকা॑মস্য সপ্তদ॒শঃ প্র॒জাপ॑তিঃ প্র॒জাপ॑তে॒রাপ্ত্যা॒ এক॑বিগ্ম্শতিছদি প্রতি॒ষ্ঠাকা॑ম-স্যৈকবি॒গ্ম্॒শ-স্স্তোমা॑না-ম্প্রতি॒ষ্ঠা প্রতি॑ষ্ঠিত্যা উ॒দরং॒-বৈঁ সদ॒ ঊর্গু॑দু॒বংরো॑ মদ্ধ্য॒ত ঔদু॑বংরী-ম্মিনোতি মদ্ধ্য॒ত এ॒ব প্র॒জানা॒মূর্জ॑-ন্দধাতি॒ তস্মা᳚- [তস্মা᳚ত্, ম॒দ্ধ্য॒ত ঊ॒র্জা] 54
-ন্মদ্ধ্য॒ত ঊ॒র্জা ভু॑ঞ্জতে যজমানলো॒কে বৈ দক্ষি॑ণানি ছ॒দীগ্ম্ষি॑ ভ্রাতৃব্যলো॒ক উত্ত॑রাণি॒ দক্ষি॑ণা॒ন্যুত্ত॑রাণি করোতি॒ যজ॑মান-মে॒বা-য॑জমানা॒দুত্ত॑র-ঙ্করোতি॒ তস্মা॒-দ্যজ॑মা॒নো-ঽয॑জমানা॒দুত্ত॑রো ঽন্তর্ব॒র্তান্ ক॑রোতি॒ ব্যাবৃ॑ত্ত্যৈ॒ তস্মা॒দর॑ণ্য-ম্প্র॒জা উপ॑ জীবন্তি॒ পরি॑ ত্বা গির্বণো॒ গির॒ ইত্যা॑হ যথায॒জুরে॒বৈতদিন্দ্র॑স্য॒ স্যূর॒সীন্দ্র॑স্য ধ্রু॒বম॒সীত্যা॑হৈ॒ন্দ্রগ্ম্ হি দে॒বত॑যা॒ সদো॒ য-ম্প্র॑থ॒ম-ঙ্গ্র॒ন্থি-ঙ্গ্র॑থ্নী॒যাদ্য-ত্ত-ন্ন বি॑স্র॒গ্ম্॒ সযে॒দমে॑হেনাদ্ধ্ব॒র্যুঃ প্রমী॑যেত॒ তস্মা॒-থ্স বি॒স্রস্যঃ॑ ॥ 55 ॥
(অপ॑হত্যৈ॒ – তস্মা᳚ত্ – পিতৃদেব॒ত্যং॑ – তেনৈ॒ব – নব॑ছদি॒ – তস্মা॒থ্ – সদঃ॒ – পঞ্চ॑দশ চ) (অ. 10)
শিরো॒ বা এ॒ত-দ্য॒জ্ঞস্য॒ যদ্ধ॑বি॒র্ধান॑-ম্প্রা॒ণা উ॑পর॒বা হ॑বি॒র্ধানে॑ খাযন্তে॒ তস্মা᳚-চ্ছী॒র্॒ষ-ন্প্রা॒ণা অ॒ধস্তা᳚-ত্খাযন্তে॒ তস্মা॑-দ॒ধস্তা᳚-চ্ছী॒র্ষ্ণঃ প্রা॒ণা র॑ক্ষো॒হণো॑ বলগ॒হনো॑ বৈষ্ণ॒বা-ন্খ॑না॒মীত্যা॑হ বৈষ্ণ॒বা হি দে॒বত॑যোপর॒বা অসু॑রা॒ বৈ নি॒র্যন্তো॑ দে॒বানা᳚-ম্প্রা॒ণেষু॑ বল॒গা-ন্ন্য॑খন॒-ন্তা-ন্বা॑হুমা॒ত্রে-ঽন্ব॑বিন্দ॒-ন্তস্মা᳚-দ্বাহুমা॒ত্রাঃ খা॑যন্ত ই॒দম॒হ-ন্তং-বঁ॑ল॒গ-মুদ্ব॑পামি॒ [ ] 56
য-ন্ন॑-স্সমা॒নো যমস॑মানো নিচ॒খানেত্যা॑হ॒ দ্বৌ বাব পুরু॑ষৌ॒ যশ্চৈ॒ব স॑মা॒নো যশ্চাস॑মানো॒ যমে॒বাস্মৈ॒ তৌ ব॑ল॒গ-ন্নি॒খন॑ত॒স্ত-মে॒বোদ্ব॑পতি॒ সন্তৃ॑ণত্তি॒ তস্মা॒-থ্সন্তৃ॑ণ্ণা অন্তর॒তঃ প্রা॒ণা ন স-ম্ভি॑নত্তি॒ তস্মা॒-দস॑ভিন্ন্নাঃ প্রা॒ণা অ॒পো-ঽব॑ নযতি॒ তস্মা॑-দা॒র্দ্রা অ॑ন্তর॒তঃ প্রা॒ণা যব॑মতী॒-রব॑ নয॒- [-রব॑ নযতি, ঊর্গ্বৈ] 57
-ত্যূর্গ্বৈ যবঃ॑ প্রা॒ণা উ॑পর॒বাঃ প্রা॒ণেষ্বে॒বোর্জ॑-ন্দধাতি ব॒র্॒হিরব॑ স্তৃণাতি॒ তস্মা᳚ল্লোম॒শা অ॑ন্তর॒তঃ প্রা॒ণা আজ্যে॑ন॒ ব্যাঘা॑রযতি॒ তেজো॒ বা আজ্য॑-ম্প্রা॒ণা উ॑পর॒বাঃ প্রা॒ণেষ্বে॒ব তেজো॑ দধাতি॒ হনূ॒ বা এ॒তে য॒জ্ঞস্য॒ যদ॑ধি॒ষব॑ণে॒ ন স-ন্তৃ॑ণ॒ত্ত্য স॑তৃংণ্ণে॒ হি হনূ॒ অথো॒ খলু॑ দীর্ঘসো॒মে স॒তৃন্দ্যে॒ ধৃত্যৈ॒ শিরো॒ বা এ॒ত-দ্য॒জ্ঞস্য॒ যদ্ধ॑বি॒র্ধান॑- [যদ্ধ॑বি॒র্ধান᳚ম্, প্রা॒ণা উ॑পর॒বা হনূ॑] 58
-ম্প্রা॒ণা উ॑পর॒বা হনূ॑ অধি॒ষব॑ণে জি॒হ্বা চর্ম॒ গ্রাবা॑ণো॒ দন্তা॒ মুখ॑মাহব॒নীযো॒ নাসি॑কো-ত্তরবে॒দি-রু॒দর॒গ্ম্॒ সদো॑ য॒দা খলু॒ বৈ জি॒হ্বযা॑ দ॒থ্স্বধি॒ খাদ॒ত্যথ॒ মুখ॑-ঙ্গচ্ছতি য॒দা মুখ॒-ঙ্গচ্ছ॒ত্যথো॒দর॑-ঙ্গচ্ছতি॒ তস্মা᳚দ্ধবি॒র্ধানে॒ চর্ম॒ন্নধি॒ গ্রাব॑ভিরভি॒ষুত্যা॑-ঽঽহব॒নীযে॑ হু॒ত্বা প্র॒ত্যঞ্চঃ॑ প॒রেত্য॒ সদ॑সি ভক্ষযন্তি॒ যো বৈ বি॒রাজো॑ যজ্ঞমু॒খে দোহং॒-বেঁদ॑ দু॒হ এ॒বৈ না॑মি॒যং-বৈঁ বি॒রা-ট্তস্যৈ॒ ত্বক্চর্মোধো॑-ঽধি॒ষব॑ণে॒ স্তনা॑ উপর॒বা গ্রাবা॑ণো ব॒থ্সা ঋ॒ত্বিজো॑ দুহন্তি॒ সোমঃ॒ পযো॒ য এ॒বং-বেঁদ॑ দু॒হ এ॒বৈনা᳚ম্ ॥ 59 ॥
(ব॒পা॒মি॒-যব॑মতী॒রব॑ নযতি-হবি॒র্ধান॑-মে॒ব-ত্রযো॑বিগ্ম্শতিশ্চ) (অ. 11)
(যদু॒ভৌ – দে॑বাসু॒রাঃ মি॒থ – স্তেষাগ্ম্॑ – সুব॒র্গং – যঁদ্বা অনী॑শানঃ – পু॒রোহ॑বিষি॒ – তেভ্যঃ॒ – সোত্ত॑রবে॒দি – র্ব॒দ্ধন্ – দে॒বস্যা-ঽভ্রিং॒-বঁজ্রঃ – শিরো॒ বা – একা॑দশ )
(যদু॒ভা – বিত্যা॑হ দে॒বানাং᳚ – যঁ॒জ্ঞো দে॒বেভ্যো॒ – ন রথা॑য॒ – যজ॑মানায – প॒রস্তা॑দ॒র্বাচী॒ – ন্নব॑ পঞ্চা॒শত্)
(যদু॒ভৌ, দু॒হ এ॒বৈনা᳚ম্)
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযাং ষষ্ঠকাণ্ডে দ্বিতীযঃ প্রশ্ন-স্সমাপ্তঃ ॥