কৃষ্ণ যজুর্বেদীয তৈত্তিরীয সংহিতাযাং সপ্তমকাণ্ডে দ্বিতীযঃ প্রশ্নঃ – ষড্ রাত্রাদ্যানা-ন্নিরূপণং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হ॒রিঃ॒ ওম্ ॥
সা॒দ্ধ্যা বৈ দে॒বা-স্সু॑ব॒র্গকা॑মা এ॒তগ্ম্ ষ॑ড্-রা॒ত্রম॑পশ্য॒-ন্তমা-ঽহ॑র॒-ন্তেনা॑যজন্ত॒ ততো॒ বৈ তে সু॑ব॒র্গং-লোঁ॒কমা॑য॒ন্॒. য এ॒বং-বিঁ॒দ্বাগ্ম্স॑-ষ্ষড্-রা॒ত্রমাস॑তে সুব॒র্গমে॒ব লো॒কং-যঁ॑ন্তি দেবস॒ত্রং-বৈঁ ষ॑ড্-রা॒ত্রঃ প্র॒ত্যক্ষ॒গ্গ্॒ হ্যে॑তানি॑ পৃ॒ষ্ঠানি॒ য এ॒বং-বিঁ॒দ্বাগ্ম্স॑-ষ্ষড্-রা॒ত্রমাস॑তে সা॒ক্ষাদে॒ব দে॒বতা॑ অ॒ভ্যারো॑হন্তি॒ ষড্-রা॒ত্রো ভ॑বতি॒ ষ-ড্বা ঋ॒তব॒-ষ্ষট্ পৃ॒ষ্ঠানি॑ [ ] 1
পৃ॒ষ্ঠৈরে॒বর্তূন॒-ন্বারো॑হন্ত্যৃ॒তুভি॑-স্সংবঁথ্স॒র-ন্তে সং॑বঁথ্স॒র এ॒ব প্রতি॑ তিষ্ঠন্তি বৃহ-দ্রথন্ত॒রাভ্যাং᳚-যঁন্তী॒যং-বাঁব র॑থন্ত॒রম॒সৌ বৃ॒হদা॒ভ্যামে॒ব য॒ন্ত্যথো॑ অ॒নযো॑রে॒ব প্রতি॑ তিষ্ঠন্ত্যে॒তে বৈ য॒জ্ঞস্যা᳚ঞ্জ॒সায॑নী স্রু॒তী তাভ্যা॑মে॒ব সু॑ব॒র্গং-লোঁ॒কং-যঁ॑ন্তি ত্রি॒বৃদ॑গ্নিষ্টো॒মো ভ॑বতি॒ তেজ॑ এ॒বাব॑ রুন্ধতে পঞ্চদ॒শো ভ॑বতীন্দ্রি॒যমে॒বাব॑ রুন্ধতে সপ্তদ॒শো [সপ্তদ॒শঃ, ভ॒ব॒ত্য॒ন্নাদ্য॒স্যা-ঽব॑রুদ্ধ্যা॒] 2
ভ॑বত্য॒ন্নাদ্য॒স্যা-ঽব॑রুদ্ধ্যা॒ অথো॒ প্রৈব তেন॑ জাযন্ত একবি॒গ্ম্॒শো ভ॑বতি॒ প্রতি॑ষ্ঠিত্যা॒ অথো॒ রুচ॑মে॒বা-ঽঽত্ম-ন্দ॑ধতে ত্রিণ॒বো ভ॑বতি॒ বিজি॑ত্যৈ ত্রযস্ত্রি॒গ্ম্॒শো ভ॑বতি॒ প্রতি॑ষ্ঠিত্যৈ সদোহবির্ধা॒নিন॑ এ॒তেন॑ ষড্-রা॒ত্রেণ॑ যজের॒ন্নাশ্ব॑ত্থী হবি॒র্ধান॒-ঞ্চা-ঽঽগ্নী᳚দ্ধ্র-ঞ্চ ভবত॒স্তদ্ধি সু॑ব॒র্গ্য॑-ঞ্চ॒ক্রীব॑তী ভবত-স্সুব॒র্গস্য॑ লো॒কস্য॒ সম॑ষ্ট্যা উ॒লূখ॑লবুদ্ধ্নো॒ যূপো॑ ভবতি॒ প্রতি॑ষ্ঠিত্যৈ॒ প্রাঞ্চো॑ যান্তি॒ প্রাঙি॑ব॒ হি সু॑ব॒র্গো [হি সু॑ব॒র্গঃ, লো॒ক-স্সর॑স্বত্যা] 3
লো॒ক-স্সর॑স্বত্যা যান্ত্যে॒ষ বৈ দে॑ব॒যানঃ॒ পন্থা॒স্ত-মে॒বা-ন্বারো॑হন্ত্যা॒ক্রোশ॑ন্তো যা॒ন্ত্যব॑র্তি-মে॒বান্যস্মি॑-ন্প্রতি॒ষজ্য॑ প্রতি॒ষ্ঠা-ঙ্গ॑চ্ছন্তি য॒দা দশ॑ শ॒ত-ঙ্কু॒র্বন্ত্যথৈক॑-মু॒ত্থানগ্ম্॑ শ॒তাযুঃ॒ পুরু॑ষ-শ্শ॒তেন্দ্রি॑য॒ আযু॑ষ্যে॒বেন্দ্রি॒যে প্রতি॑ তিষ্ঠন্তি য॒দা শ॒তগ্ম্ স॒হস্র॑-ঙ্কু॒র্বন্ত্যথৈক॑-মু॒ত্থানগ্ম্॑ স॒হস্র॑সম্মিতো॒ বা অ॒সৌ লো॒কো॑-ঽমুমে॒ব লো॒কম॒ভি জ॑যন্তি য॒দৈ -ষা᳚-ম্প্র॒মীযে॑ত য॒দা বা॒ জীযে॑র॒ন্নথৈক॑-মু॒ত্থান॒-ন্তদ্ধি তী॒র্থম্ ॥ 4 ॥
(পৃ॒ষ্ঠানি॑-সপ্তদ॒শঃ-সু॑ব॒র্গো-জ॑যন্তি য॒দৈ – কা॑দশ চ) (অ. 1)
কু॒সু॒রু॒বিন্দ॒ ঔদ্দা॑লকি-রকামযত পশু॒মান্-থ্স্যা॒মিতি॒ স এ॒তগ্ম্ স॑প্তরা॒ত্র-মা-ঽহ॑র॒-ত্তেনা॑যজত॒ তেন॒ বৈ স যাব॑ন্তো গ্রা॒ম্যাঃ প॒শব॒স্তানবা॑-রুন্ধ॒ য এ॒বং-বিঁ॒দ্বান্-থ্স॑প্তরা॒ত্রেণ॒ যজ॑তে॒ যাব॑ন্ত এ॒ব গ্রা॒ম্যাঃ প॒শব॒স্তা-নে॒বাব॑ রুন্ধে সপ্তরা॒ত্রো ভ॑বতি স॒প্ত গ্রা॒ম্যাঃ প॒শব॑-স্স॒প্তা-ঽঽর॒ণ্যা-স্স॒প্ত ছন্দাগ্॑-স্যু॒ভয॒স্যা-ব॑রুদ্ধ্যৈ ত্রি॒বৃ-দ॑গ্নিষ্টো॒মো ভ॑বতি॒ তেজ॑ [তেজঃ॑, এ॒বা-ঽব॑ রুন্ধে] 5
এ॒বা-ঽব॑ রুন্ধে পঞ্চদ॒শো ভ॑বতীন্দ্রি॒যমে॒বাব॑ রুন্ধে সপ্তদ॒শো ভ॑বত্য॒ন্নাদ্য॒স্যা ব॑রুদ্ধ্যা॒ অথো॒ প্রৈব তেন॑ জাযত একবি॒গ্ম্॒শো ভ॑বতি॒ প্রতি॑ষ্ঠিত্যা॒ অথো॒ রুচ॑মে॒বা-ঽঽত্ম-ন্ধ॑ত্তে ত্রিণ॒বো ভ॑বতি॒ বিজি॑ত্যৈ পঞ্চবি॒গ্ম্॒শো᳚-ঽগ্নিষ্টো॒মো ভ॑বতি প্র॒জাপ॑তে॒-রাপ্ত্যৈ॑ মহাব্র॒তবা॑-ন॒ন্নাদ্য॒স্যা ব॑রুদ্ধ্যৈ বিশ্ব॒জি-থ্সর্ব॑পৃষ্ঠো ঽতিরা॒ত্রো ভ॑বতি॒ সর্ব॑স্যা॒ভিজি॑ত্যৈ॒ য-ত্প্র॒ত্যক্ষ॒-ম্পূর্বে॒ষ্বহ॑স্সু পৃ॒ষ্ঠান্যু॑পে॒যুঃ প্র॒ত্যক্ষং॑- [প্র॒ত্যক্ষ᳚ম্, বি॒শ্ব॒জিতি॒ যথা॑] 6
-বিঁশ্ব॒জিতি॒ যথা॑ দু॒গ্ধা-মু॑প॒সীদ॑ত্যে॒বমু॑ত্ত॒ম-মহ॑-স্স্যা॒ন্নৈক॑রা॒ত্রশ্চ॒ন স্যা᳚-দ্বৃহ-দ্রথন্ত॒রে পূর্বে॒ষ্বহ॒স্সূপ॑ যন্তী॒যং-বাঁব র॑থন্ত॒রম॒সৌ বৃ॒হদা॒ভ্যামে॒ব ন য॒ন্ত্যথো॑ অ॒নযো॑রে॒ব প্রতি॑ তিষ্ঠন্তি॒ য-ত্প্র॒ত্যক্ষং॑-বিঁশ্ব॒জিতি॑ পৃ॒ষ্ঠান্যু॑প॒যন্তি॒ যথা॒ প্রত্তা᳚-ন্দু॒হে তা॒দৃগে॒ব তত্ ॥ 7 ॥
(তেজ॑ – উপে॒যুঃ প্র॒ত্যক্ষং॒ – দ্বিচ॑ত্বারিগ্ম্শচ্চ) (অ. 2)
বৃহ॒স্পতি॑-রকামযত ব্রহ্মবর্চ॒সী স্যা॒মিতি॒ স এ॒ত-ম॑ষ্টরা॒ত্র-ম॑পশ্য॒-ত্তমা-ঽহ॑র॒-ত্তেনা॑যজত॒ ততো॒ বৈ স ব্র॑হ্মবর্চ॒স্য॑ভব॒দ্য এ॒বং-বিঁ॒দ্বা-ন॑ষ্টরা॒ত্রেণ॒ যজ॑তে ব্রহ্মবর্চ॒স্যে॑ব ভ॑বত্যষ্টরা॒ত্রো ভ॑বত্য॒ষ্টাক্ষ॑রা গায॒ত্রী গা॑য॒ত্রী ব্র॑হ্মবর্চ॒স-ঙ্গা॑যত্রি॒যৈব ব্র॑হ্মবর্চ॒সমব॑ রুন্ধে-ঽষ্টরা॒ত্রো ভ॑বতি॒ চত॑স্রো॒ বৈ দিশ॒শ্চত॑স্রো ঽবান্তরদি॒শা দি॒গ্ভ্য এ॒ব ব্র॑হ্মবর্চ॒সমব॑ রুন্ধে [ ] 8
ত্রি॒বৃ-দ॑গ্নিষ্টো॒মো ভ॑বতি॒ তেজ॑ এ॒বাব॑ রুন্ধে পঞ্চদ॒শো ভ॑বতীন্দ্রি॒যমে॒বাব॑ রুন্ধে সপ্তদ॒শো ভ॑বত্য॒ন্নাদ্য॒স্যা-ব॑রুদ্ধ্যা॒ অথো॒ প্রৈব তেন॑ জাযত একবি॒গ্ম্॒শো ভ॑বতি॒ প্রতি॑ষ্ঠিত্যা॒ অথো॒ রুচ॑মে॒বা-ঽঽত্ম-ন্ধ॑ত্তে ত্রিণ॒বো ভ॑বতি॒ বিজি॑ত্যৈ ত্রযস্ত্রি॒গ্ম্॒শো ভ॑বতি॒ প্রতি॑ষ্ঠিত্যৈ পঞ্চবি॒গ্ম্॒শো᳚-ঽগ্নিষ্টো॒মো ভ॑বতি প্র॒জাপ॑তে॒রাপ্ত্যৈ॑ মহাব্র॒তবা॑-ন॒ন্নাদ্য॒স্যা ব॑রুদ্ধ্যৈ বিশ্ব॒জি-থ্সর্ব॑পৃষ্ঠো-ঽতিরা॒ত্রো ভ॑বতি॒ সর্ব॑স্যা॒ভিজি॑ত্যৈ ॥ 9 ॥
(দি॒গ্ভ্য এ॒ব ব্র॑হ্মবর্চ॒সমব॑ রুন্ধে॒ – ঽভিজি॑ত্যৈ) (অ. 3)
প্র॒জাপ॑তিঃ প্র॒জা অ॑সৃজত॒ তা-স্সৃ॒ষ্টাঃ, ক্ষুধ॒-ন্ন্যা॑য॒ন্থ্স এ॒ত-ন্ন॑বরা॒ত্র-ম॑পশ্য॒-ত্তমা-ঽহ॑র॒-ত্তেনা॑যজত॒ ততো॒ বৈ প্র॒জাভ্যো॑-ঽকল্পত॒ যর্হি॑ প্র॒জাঃ, ক্ষুধ॑-ন্নি॒গচ্ছে॑যু॒-স্তর্হি॑ নবরা॒ত্রেণ॑ যজেতে॒মে হি বা এ॒তাসাং᳚-লোঁ॒কা অকৢ॑প্তা॒ অথৈ॒তাঃ, ক্ষুধ॒-ন্নি গ॑চ্ছন্তী॒মা-নে॒বা-ঽঽভ্যো॑ লো॒কান্ ক॑ল্পযতি॒ তান্ কল্প॑মানা-ন্প্র॒জাভ্যো-ঽনু॑ কল্পতে॒ কল্প॑ন্তে- [কল্প॑ন্তে, অ॒স্মা॒ ই॒মে লো॒কা] 10
-ঽস্মা ই॒মে লো॒কা ঊর্জ॑-ম্প্র॒জাসু॑ দধাতি ত্রিরা॒ত্রেণৈ॒বেমং-লোঁ॒ক-ঙ্ক॑ল্পযতি ত্রিরা॒ত্রেণা॒ন্তরি॑ক্ষ-ন্ত্রিরা॒ত্রেণা॒মুং-লোঁ॒কং-যঁথা॑ গু॒ণে গ॒ণ-ম॒ন্বস্য॑ত্যে॒বমে॒ব তল্লো॒কে লো॒কমন্ব॑স্যতি॒ ধৃত্যা॒ অশি॑থিলম্ভাবায॒ জ্যোতি॒র্গৌরাযু॒রিতি॑ জ্ঞা॒তা-স্স্তোমা॑ ভবন্তী॒যং-বাঁব জ্যোতি॑র॒ন্তরি॑ক্ষ॒-ঙ্গৌর॒সা-বাযু॑রে॒ষ্বে॑ব লো॒কেষু॒ প্রতি॑ তিষ্ঠন্তি॒ জ্ঞাত্র॑-ম্প্র॒জানা᳚- [জ্ঞাত্র॑-ম্প্র॒জানা᳚ম্, গ॒চ্ছ॒তি॒ ন॒ব॒রা॒ত্রো] 11
-ঙ্গচ্ছতি নবরা॒ত্রো ভ॑বত্যভিপূ॒-র্বমে॒বা-ঽস্মি॒-ন্তেজো॑ দধাতি॒ যো জ্যোগা॑মযাবী॒ স্যা-থ্স ন॑বরা॒ত্রেণ॑ যজেত প্রা॒ণা হি বা এ॒তস্যা ধৃ॑তা॒ অথৈ॒তস্য॒ জ্যোগা॑মযতি প্রা॒ণানে॒বাস্মি॑-ন্দাধারো॒ত যদী॒তাসু॒র্ভব॑তি॒ জীব॑ত্যে॒ব ॥ 12 ॥
(কল্প॑ন্তে-প্র॒জনাং॒ – ত্রয॑স্ত্রিগ্ম্শচ্চ) (অ. 4)
প্র॒জাপ॑তি-রকামযত॒ প্র জা॑যে॒যেতি॒ স এ॒ত-ন্দশ॑হোতারমপশ্য॒-ত্তম॑জুহো॒-ত্তেন॑ দশরা॒ত্রম॑সৃজত॒ তেন॑ দশরা॒ত্রেণ॒ প্রা জা॑যত দশরা॒ত্রায॑ দীক্ষি॒ষ্যমা॑ণো॒ দশ॑হোতার-ঞ্জুহুযা॒-দ্দশ॑হোত্রৈ॒ব দ॑শরা॒ত্রগ্ম্ সৃ॑জতে॒ তেন॑ দশরা॒ত্রেণ॒ প্র জা॑যতে বৈরা॒জো বা এ॒ষ য॒জ্ঞো যদ্দ॑শরা॒ত্রো য এ॒বং-বিঁ॒দ্বান্-দ॑শরা॒ত্রেণ॒ যজ॑তে বি॒রাজ॑মে॒ব গ॑চ্ছতি প্রাজাপ॒ত্যো বা এ॒ষ য॒জ্ঞো য-দ্দ॑শরা॒ত্রো [য-দ্দ॑শরা॒ত্রঃ, য এ॒বং-বিঁ॒দ্বান্-দ॑শরা॒ত্রেণ॒] 13
য এ॒বং-বিঁ॒দ্বান্-দ॑শরা॒ত্রেণ॒ যজ॑তে॒ প্রৈব জা॑যত॒ ইন্দ্রো॒ বৈ স॒দৃ-ন্দে॒বতা॑ভিরাসী॒-থ্স ন ব্যা॒বৃত॑মগচ্ছ॒-থ্স প্র॒জাপ॑তি॒-মুপা॑ধাব॒-ত্তস্মা॑ এ॒ত-ন্দ॑শরা॒ত্র-ম্প্রায॑চ্ছ॒-ত্তমা-ঽহ॑র॒-ত্তেনা॑যজত॒ ততো॒ বৈ সো᳚-ঽন্যাভি॑-র্দে॒বতা॑ভি-র্ব্যা॒বৃত॑মগচ্ছ॒দ্য এ॒বং-বিঁ॒দ্বা-ন্দ॑শরা॒ত্রেণ॒ যজ॑তে ব্যা॒বৃত॑মে॒ব পা॒প্মনা॒ ভ্রাতৃ॑ব্যেণ গচ্ছতি ত্রিক॒কুদ্বা [ত্রিক॒কুদ্বৈ, এ॒ষ য॒জ্ঞো য-দ্দ॑শরা॒ত্রঃ] 14
এ॒ষ য॒জ্ঞো য-দ্দ॑শরা॒ত্রঃ ক॒কু-ত্প॑ঞ্চদ॒শঃ ক॒কুদে॑কবি॒গ্ম্॒শঃ ক॒কু-ত্ত্র॑যস্ত্রি॒গ্ম্॒শো য এ॒বং-বিঁ॒দ্বা-ন্দ॑শরা॒ত্রেণ॒ যজ॑তে ত্রিক॒কুদে॒ব স॑মা॒নানা᳚-ম্ভবতি॒ যজ॑মানঃ পঞ্চদ॒শো যজ॑মান একবি॒গ্ম্॒শো যজ॑মান-স্ত্রযস্ত্রি॒গ্ম্॒শঃ পুর॒ ইত॑রা অভিচ॒র্যমা॑ণো দশরা॒ত্রেণ॑ যজেত দেবপু॒রা এ॒ব পর্যূ॑হতে॒ তস্য॒ ন কুত॑শ্চ॒নোপা᳚ব্যা॒ধো ভ॑বতি॒ নৈন॑মভি॒চরন্᳚-থ্স্তৃণুতে দেবাসু॒রা-স্সংযঁ॑ত্তা আস॒-ন্তে দে॒বা এ॒তা [এ॒তাঃ, দে॒ব॒পু॒রা অ॑পশ্য॒ন্॒] 15
দে॑বপু॒রা অ॑পশ্য॒ন্॒ য-দ্দ॑শরা॒ত্রস্তাঃ পর্যৌ॑হন্ত॒ তেষা॒-ন্ন কুত॑শ্চ॒নোপা᳚ব্যা॒ধো॑ ঽভব॒-ত্ততো॑ দে॒বা অভ॑ব॒-ন্পরা-ঽসু॑রা॒ যো ভ্রাতৃ॑ব্যবা॒ন্-থ্স্যা-থ্স দ॑শরা॒ত্রেণ॑ যজেত দেবপু॒রা এ॒ব পর্যূ॑হতে॒ তস্য॒ ন কুত॑শ্চ॒নোপা᳚ব্যা॒ধো ভ॑বতি॒ ভব॑ত্যা॒ত্মনা॒ পরা᳚-ঽস্য॒ ভ্রাতৃ॑ব্যো ভবতি॒ স্তোম॒-স্স্তোম॒স্যোপ॑স্তির্ভবতি॒ ভ্রাতৃ॑ব্যমে॒বোপ॑স্তি-ঙ্কুরুতে জা॒মি বা [জা॒মি বৈ, এ॒ত-ত্কু॑র্বন্তি॒] 16
এ॒ত-ত্কু॑র্বন্তি॒ যজ্জ্যাযাগ্ম্॑স॒গ্গ্॒ স্তোম॑মু॒পেত্য॒ কনী॑যাগ্ম্সমুপ॒যন্তি॒ যদ॑গ্নিষ্টো-মসা॒মান্য॒বস্তা᳚চ্চ প॒রস্তা᳚চ্চ॒ ভব॒ন্ত্যজা॑মিত্বায ত্রি॒বৃদ॑গ্নিষ্টো॒মো᳚ ঽগ্নি॒ষ্টুদা᳚গ্নে॒যীষু॑ ভবতি॒ তেজ॑ এ॒বাব॑ রুন্ধে পঞ্চদ॒শ উ॒ক্থ্য॑ ঐ॒ন্দ্রীষ্বি॑ন্দ্রি॒যমে॒বাব॑ রুন্ধে ত্রি॒বৃদ॑গ্নিষ্টো॒মো বৈ᳚শ্বদে॒বীষু॒ পুষ্টি॑মে॒বাব॑ রুন্ধে সপ্তদ॒শো᳚-ঽগ্নিষ্টো॒মঃ প্রা॑জাপ॒ত্যাসু॑ তীব্রসো॒মো᳚ ঽন্নাদ্য॒স্যা-ব॑রুদ্ধ্যা॒ অথো॒ প্রৈব তেন॑ জাযত [তেন॑ জাযতে, এ॒ক॒বি॒গ্ম্॒শ উ॒ক্থ্য॑-স্সৌ॒রীষু॒] 17
একবি॒গ্ম্॒শ উ॒ক্থ্য॑-স্সৌ॒রীষু॒ প্রতি॑ষ্ঠিত্যা॒ অথো॒ রুচ॑মে॒বা-ঽঽত্ম-ন্ধ॑ত্তে সপ্তদ॒শো᳚-ঽগ্নিষ্টো॒মঃ প্রা॑জাপ॒ত্যাসূ॑পহ॒ব্য॑ উপহ॒বমে॒ব গ॑চ্ছতি ত্রিণ॒বাব॑গ্নিষ্টো॒মাব॒ভিত॑ ঐ॒ন্দ্রীষু॒ বিজি॑ত্যৈ ত্রযস্ত্রি॒গ্ম্॒শ উ॒ক্থ্যো॑ বৈশ্বদে॒বীষু॒ প্রতি॑ষ্ঠিত্যৈ বিশ্ব॒জি-থ্সর্ব॑পৃষ্ঠো-ঽতিরা॒ত্রো ভ॑বতি॒ সর্ব॑স্যা॒ভিজি॑ত্যৈ ॥ 18 ॥
(প্র॒জা॒প॒ত্যো বা এ॒ষ য॒জ্ঞো য-দ্দ॑শরা॒ত্র – স্ত্রি॑ক॒কুদ্ধা – এ॒তা – বৈ – জা॑যত॒ – এক॑ত্রিগ্ম্শচ্চ) (অ. 5)
ঋ॒তবো॒ বৈ প্র॒জাকা॑মাঃ প্র॒জা-ন্না-ঽবি॑ন্দন্ত॒ তে॑-ঽকামযন্ত প্র॒জাগ্ম্ সৃ॑জেমহি প্র॒জামব॑ রুন্ধীমহি প্র॒জাং-বিঁ॑ন্দেমহি প্র॒জাব॑ন্ত-স্স্যা॒মেতি॒ ত এ॒তমে॑কাদশরা॒ত্রম॑পশ্য॒-ন্তমা-ঽহ॑র॒-ন্তেনা॑যজন্ত॒ ততো॒ বৈ তে প্র॒জাম॑সৃজন্ত প্র॒জামবা॑রুন্ধত প্র॒জাম॑বিন্দন্ত প্র॒জাব॑ন্তো-ঽভব॒ন্ত ঋ॒তবো॑-ঽভব॒-ন্তদা᳚র্ত॒বানা॑-মার্তব॒ত্ব-মৃ॑তূ॒নাং-বাঁ এ॒তে পু॒ত্রা-স্তস্মা॑- [পু॒ত্রা-স্তস্মা᳚ত্, আ॒র্ত॒বা উ॑চ্যন্তে॒] 19
-দার্ত॒বা উ॑চ্যন্তে॒ য এ॒বং-বিঁ॒দ্বাগ্ম্স॑ একাদশরা॒ত্রমাস॑তে প্র॒জামে॒ব সৃ॑জন্তে প্র॒জামব॑ রুন্ধতে প্র॒জাং-বিঁ॑ন্দন্তে প্র॒জাব॑ন্তো ভবন্তি॒ জ্যোতি॑রতিরা॒ত্রো ভ॑বতি॒ জ্যোতি॑রে॒ব পু॒রস্তা᳚-দ্দধতে সুব॒র্গস্য॑ লো॒কস্যা-নু॑খ্যাত্যৈ॒ পৃষ্ঠ্য॑-ষ্ষড॒হো ভ॑বতি॒ ষ-ড্বা ঋ॒তব॒-ষ্ষট্ পৃ॒ষ্ঠানি॑ পৃ॒ষ্ঠৈরে॒বর্তূন॒-ন্বারো॑হন্ত্যৃ॒তুভি॑-স্সংবঁথ্স॒র-ন্তে সং॑বঁথ্স॒র এ॒ব প্রতি॑ তিষ্ঠন্তি চতুর্বি॒গ্ম্॒শো ভ॑বতি॒ চতু॑র্বিগ্ম্শত্যক্ষরা গায॒ত্রী [গায॒ত্রী, গা॒য॒ত্র-ম্ব্র॑হ্মবর্চ॒স-] 20
গা॑য॒ত্র-ম্ব্র॑হ্মবর্চ॒স-ঙ্গা॑যত্রি॒যামে॒ব ব্র॑হ্মবর্চ॒সে প্রতি॑ তিষ্ঠন্তি চতুশ্চত্বারি॒গ্ম্॒শো ভ॑বতি॒ চতু॑শ্চত্বারিগ্ম্শদক্ষরা ত্রি॒ষ্টুগি॑ন্দ্রি॒য-ন্ত্রি॒ষ্টু-প্ত্রি॒ষ্টুভ্যে॒বেন্দ্রি॒যে প্রতি॑ তিষ্ঠন্ত্যষ্টাচত্বারি॒গ্ম্॒শো ভ॑বত্য॒ষ্টাচ॑ত্বারিগ্ম্শদক্ষরা॒ জগ॑তী॒ জাগ॑তাঃ প॒শবো॒ জগ॑ত্যামে॒ব প॒শুষু॒ প্রতি॑ তিষ্ঠন্ত্যে-কাদশরা॒ত্রো ভ॑বতি॒ পঞ্চ॒ বা ঋ॒তব॑ আর্ত॒বাঃ পঞ্চ॒র্তুষ্বে॒বা-ঽঽর্ত॒বেষু॑ সংবঁথ্স॒রে প্র॑তি॒ষ্ঠায॑ প্র॒জামব॑ রুন্ধতে ঽতিরা॒ত্রাব॒ভিতো॑ ভবতঃ প্র॒জাযৈ॒ পরি॑গৃহীত্যৈ ॥ 21 ॥
(তস্মা᳚-দ্- গায॒ত্র্যে – কা॒ন্নপ॑ঞ্চা॒শচ্চ॑) (অ. 6)
ঐ॒ন্দ্র॒বা॒য॒বাগ্রা᳚-ন্গৃহ্ণীযা॒দ্যঃ কা॒মযে॑ত যথা পূ॒র্ব-ম্প্র॒জাঃ ক॑ল্পের॒ন্নিতি॑ য॒জ্ঞস্য॒ বৈ কৢপ্তি॒মনু॑ প্র॒জাঃ ক॑ল্পন্তে য॒জ্ঞস্যা-ঽকৢ॑প্তি॒মনু॒ ন ক॑ল্পন্তে যথা পূ॒র্বমে॒ব প্র॒জাঃ ক॑ল্পযতি॒ ন জ্যাযাগ্ম্॑স॒-ঙ্কনী॑যা॒নতি॑ ক্রামত্যৈন্দ্রবায॒বাগ্রা᳚-ন্গৃহ্ণীযাদামযা॒বিনঃ॑ প্রা॒ণেন॒ বা এ॒ষ ব্যৃ॑দ্ধ্যতে॒ যস্যা॒-ঽঽময॑তি প্রা॒ণ ঐ᳚ন্দ্রবায॒বঃ প্রা॒ণেনৈ॒বৈন॒গ্ম্॒ সম॑র্ধযতি মৈত্রাবরু॒ণাগ্রা᳚-ন্গৃহ্ণীর॒ন্॒ যেষা᳚-ন্দীক্ষি॒তানা᳚-ম্প্র॒মীযে॑ত [প্র॒মীযে॑ত, প্রা॒ণা॒পা॒নাভ্যাং॒-বাঁ এ॒তে] 22
প্রাণাপা॒নাভ্যাং॒-বাঁ এ॒তে ব্যৃ॑দ্ধ্যন্তে॒ যেষা᳚-ন্দীক্ষি॒তানা᳚-ম্প্র॒মীয॑তে প্রাণাপা॒নৌ মি॒ত্রাবরু॑ণৌ প্রাণাপা॒নাবে॒ব মু॑খ॒তঃ পরি॑ হরন্ত আশ্বি॒নাগ্রা᳚-ন্গৃহ্ণীতা ঽঽনুজাব॒রো᳚-ঽশ্বিনৌ॒ বৈ দে॒বানা॑মানুজাব॒রৌ প॒শ্চেবাগ্র॒-ম্পর্যৈ॑তা-ম॒শ্বিনা॑বে॒তস্য॑ দে॒বতা॒ য আ॑নুজাব॒র-স্তাবে॒বৈন॒মগ্র॒-ম্পরি॑ ণযত-শ্শু॒ক্রাগ্রা᳚-ন্গৃহ্ণীত গ॒তশ্রীঃ᳚ প্রতি॒ষ্ঠাকা॑মো॒-ঽসৌ বা আ॑দি॒ত্য-শ্শু॒ক্র এ॒ষো-ঽন্তো-ঽন্তং॑ মনু॒ষ্য॑- [এ॒ষো-ঽন্তো-ঽন্তং॑ মনু॒ষ্যঃ॑, শ্রি॒যৈ গ॒ত্বা নি] 23
-শ্শ্রি॒যৈ গ॒ত্বা নি ব॑র্ত॒তে ঽন্তা॑দে॒বা-ঽন্ত॒মা র॑ভতে॒ ন ততঃ॒ পাপী॑যা-ন্ভবতি মন্থ্য॑গ্রা-ন্গৃহ্ণীতা-ভি॒চর॑-ন্নার্তপা॒ত্রং-বাঁ এ॒ত-দ্য-ন্ম॑ন্থিপা॒ত্র-ম্মৃ॒ত্যুনৈ॒বৈন॑-ঙ্গ্রাহযতি তা॒জগার্তি॒মার্চ্ছ॑ত্যা-গ্রয॒ণাগ্রা᳚-ন্গৃহ্ণীত॒ যস্য॑ পি॒তা পি॑তাম॒হঃ পুণ্য॒-স্স্যাদথ॒ তন্ন প্রা᳚প্নু॒যা-দ্বা॒চা বা এ॒ষ ই॑ন্দ্রি॒যেণ॒ ব্যৃ॑দ্ধ্যতে॒ যস্য॑ পি॒তা পি॑তাম॒হঃ পুণ্যো॒ [পুণ্যঃ॑, ভব॒ত্যথ॒ তন্ন] 24
ভব॒ত্যথ॒ তন্ন প্রা॒প্নোত্যুর॑ ইবৈ॒ত-দ্য॒জ্ঞস্য॒ বাগি॑ব॒ যদা᳚গ্রয॒ণো বা॒চৈবৈন॑মিন্দ্রি॒যেণ॒ সম॑র্ধযতি॒ ন ততঃ॒ পাপী॑যা-ন্ভবত্যু॒ক্থ্যা᳚গ্রা-ন্গৃহ্ণীতাভিচ॒র্যমা॑ণ॒-স্সর্বে॑ষাং॒-বাঁ এ॒ত-ত্পাত্রা॑ণামিন্দ্রি॒যং-যঁদু॑ক্থ্যপা॒ত্রগ্ম্ সর্বে॑ণৈ॒বৈন॑মিন্দ্রি॒যেণাতি॒ প্রযু॑ঙ্ক্তে॒ সর॑স্বত্য॒ভি নো॑ নেষি॒ বস্য॒ ইতি॑ পুরো॒রুচ॑-ঙ্কুর্যা॒-দ্বাগ্বৈ [ ] 25
সর॑স্বতী বা॒চৈবৈন॒মতি॒ প্রযু॑ঙ্ক্তে॒ মা ত্ব-ত্ক্ষেত্রা॒ণ্যর॑ণানি গ॒ন্মেত্যা॑হ মৃ॒ত্যোর্বৈ ক্ষেত্রা॒ণ্যর॑ণানি॒ তেনৈ॒ব মৃ॒ত্যোঃ, ক্ষেত্রা॑ণি॒ ন গ॑চ্ছতি পূ॒র্ণা-ন্গ্রহা᳚-ন্গৃহ্ণীযাদামযা॒বিনঃ॑ প্রা॒ণান্ বা এ॒তস্য॒ শুগৃ॑চ্ছতি॒ যস্যা॒ ঽঽময॑তি প্রা॒ণা গ্রহাঃ᳚ প্রা॒ণানে॒বাস্য॑ শু॒চো মু॑ঞ্চত্যু॒ত যদী॒তাসু॒র্ভব॑তি॒ জীব॑ত্যে॒ব পূ॒র্ণা-ন্গ্রহা᳚-ন্গৃহ্ণীযা॒-দ্যর্হি॑ প॒র্জন্যো॒ ন বর্ষে᳚-ত্প্রা॒ণান্ বা এ॒তর্হি॑ প্র॒জানা॒গ্ম্॒ শুগৃ॑চ্ছতি॒ যর্হি॑ প॒র্জন্যো॒ ন বর্ষ॑তি প্রা॒ণা গ্রহাঃ᳚ প্রা॒ণানে॒ব প্র॒জানাগ্ম্॑ শু॒চো মু॑ঞ্চতি তা॒জ-ক্প্র ব॑র্ষতি ॥ 26 ॥
(প্র॒মীযে॑ত – মনু॒ষ্য॑ – ঋদ্ধ্যতে॒ যস্য॑ পি॒তা পি॑তাম॒হঃ পুণ্যো॒-বাগ্বা-এ॒ব পূ॒র্ণা-ন্গ্রহা॒ন্-পঞ্চ॑বিগ্ম্শতিশ্চ) (অ. 7)
গা॒য॒ত্রো বা ঐ᳚ন্দ্রবায॒বো গা॑য॒ত্র-ম্প্রা॑য॒ণীয॒-মহ॒স্তস্মা᳚-ত্প্রায॒ণীযে-ঽহ॑ন্নৈন্দ্রবায॒বো গৃ॑হ্যতে॒ স্ব এ॒বৈন॑মা॒যত॑নে গৃহ্ণাতি॒ ত্রৈষ্টু॑ভো॒ বৈ শু॒ক্রস্ত্রৈষ্টু॑ভ-ন্দ্বি॒তীয॒-মহ॒স্তস্মা᳚-দ্দ্বি॒তীযে-ঽহ॑ঞ্ছু॒ক্রো গৃ॑হ্যতে॒ স্ব এ॒বৈন॑মা॒যত॑নে গৃহ্ণাতি॒ জাগ॑তো॒ বা আ᳚গ্রয॒ণো জাগ॑ত-ন্তৃ॒তীয॒-মহ॒স্তস্মা᳚-ত্তৃ॒তীযে-ঽহ॑ন্নাগ্রয॒ণো গৃ॑হ্যতে॒ স্ব এ॒বৈন॑মা॒যত॑নে গৃহ্ণাত্যে॒তদ্বৈ [ ] 27
য॒জ্ঞমা॑প॒-দ্যচ্ছন্দাগ্॑স্যা॒প্নোতি॒ যদা᳚গ্রয॒ণ-শ্শ্বো গৃ॒হ্যতে॒ যত্রৈ॒ব য॒জ্ঞমদৃ॑শ॒-ন্তত॑ এ॒বৈন॒-ম্পুনঃ॒ প্রযু॑ঙ্ক্তে॒ জগ॑ন্মুখো॒ বৈ দ্বি॒তীয॑স্ত্রিরা॒ত্রো জাগ॑ত আগ্রয॒ণো যচ্চ॑তু॒র্থে-ঽহ॑ন্নাগ্রয॒ণো গৃ॒হ্যতে॒ স্ব এ॒বৈন॑-মা॒যত॑নে গৃহ্ণা॒ত্যথো॒ স্বমে॒ব ছন্দো-ঽনু॑ প॒র্যাব॑র্তন্তে॒ রাথ॑ন্তরো॒ বা ঐ᳚ন্দ্রবায॒বো রাথ॑ন্তর-ম্পঞ্চ॒ম-মহ॒-স্তস্মা᳚-ত্পঞ্চ॒মে-ঽহ॑- [-স্তস্মা᳚-ত্পঞ্চ॒মে-ঽহন্ন্॑, ঐ॒ন্দ্র॒বা॒য॒বো গৃ॑হ্যতে॒] 28
-ন্নৈন্দ্রবায॒বো গৃ॑হ্যতে॒ স্ব এ॒বৈন॑-মা॒যত॑নে গৃহ্ণাতি॒ বার্হ॑তো॒ বৈ শু॒ক্রো বার্হ॑তগ্ম্ ষ॒ষ্ঠ-মহ॒-স্তস্মা᳚-থ্ষ॒ষ্ঠে-ঽহ॑ঞ্ছু॒ক্রো গৃ॑হ্যতে॒ স্ব এ॒বৈন॑-মা॒যত॑নে গৃহ্ণাত্যে॒তদ্বৈ দ্বি॒তীযং॑-যঁ॒জ্ঞমা॑প॒-দ্যচ্ছন্দাগ্॑স্যা॒প্নোতি॒ যচ্ছু॒ক্র-শ্শ্বো গৃ॒হ্যতে॒ যত্রৈ॒ব য॒জ্ঞ-মদৃ॑শ॒-ন্তত॑ এ॒বৈন॒-ম্পুনঃ॒ প্রযু॑ঙ্ক্তে ত্রি॒ষ্টুঙ্মু॑খো॒ বৈ তৃ॒তীয॑-স্ত্রিরা॒ত্র-স্ত্রৈষ্টু॑ভ- [-স্ত্রৈষ্টু॑ভঃ, শু॒ক্রো] 29
-শ্শু॒ক্রো য-থ্স॑প্ত॒মে-ঽহ॑ঞ্ছু॒ক্রো গৃ॒হ্যতে॒ স্ব এ॒বৈন॑মা॒যত॑নে গৃহ্ণা॒ত্যথো॒ স্বমে॒ব ছন্দো-ঽনু॑ প॒র্যাব॑র্তন্তে॒ বাগ্বা আ᳚গ্রয॒ণো বাগ॑ষ্ট॒মমহ॒-স্তস্মা॑দষ্ট॒মে-ঽহ॑ন্নাগ্রয॒ণো গৃ॑হ্যতে॒ স্ব এ॒বৈন॑মা॒যত॑নে গৃহ্ণাতি প্রা॒ণো বা ঐ᳚ন্দ্রবায॒বঃ প্রা॒ণো ন॑ব॒ম-মহ॒স্তস্মা᳚ন্নব॒মে ঽহ॑ন্নৈন্দ্রবায॒বো গৃ॑হ্যতে॒ স্ব এ॒বৈন॑মা॒যত॑নে গৃহ্ণাত্যে॒ত- [গৃহ্ণাত্যে॒তত্, বৈ তৃ॒তীযং॑-] 30
-দ্বৈ তৃ॒তীযং॑-যঁ॒জ্ঞমা॑প॒-দ্যচ্ছন্দাগ্॑স্যা॒প্নোতি॒ যদৈ᳚ন্দ্রবায॒ব-শ্শ্বো গৃ॒হ্যতে॒ যত্রৈ॒ব য॒জ্ঞমদৃ॑শ॒-ন্তত॑ এ॒বৈন॒-ম্পুনঃ॒ প্রযু॒ঙ্ক্তে ঽথো॒ স্বমে॒ব ছন্দো-ঽনু॑ প॒র্যাব॑র্তন্তে প॒থো বা এ॒তে-ঽদ্ধ্যপ॑থেন যন্তি॒ যে᳚-ঽন্যেনৈ᳚ন্দ্রবায॒বা-ত্প্র॑তি॒পদ্য॒ন্তে-ঽন্তঃ॒ খলু॒ বা এ॒ষ য॒জ্ঞস্য॒ য-দ্দ॑শ॒ম-মহ॑র্দশ॒মে ঽহ॑ন্নৈন্দ্রবায॒বো গৃ॑হ্যতে য॒জ্ঞস্যৈ॒- [য॒জ্ঞস্য॑, এ॒বান্ত॑-ঙ্গ॒ত্বা] 31
-বান্ত॑-ঙ্গ॒ত্বা ঽপ॑থা॒-ত্পন্থা॒মপি॑ য॒ন্ত্যথো॒ যথা॒ বহী॑যসা প্রতি॒সারং॒-বঁহ॑ন্তি তা॒দৃগে॒ব তচ্ছন্দাগ্॑স্য॒ন্যো᳚-ঽন্যস্য॑ লো॒কম॒ভ্য॑দ্ধ্যায॒-ন্তান্যে॒তেনৈ॒ব দে॒বা ব্য॑বাহযন্নৈন্দ্রবায॒বস্য॒ বা এ॒তদা॒যত॑নং॒-যঁচ্চ॑তু॒র্থ-মহ॒স্তস্মি॑-ন্নাগ্রয॒ণো গৃ॑হ্যতে॒ তস্মা॑-দাগ্রয॒ণস্যা॒ ঽঽযত॑নে নব॒মে-ঽহ॑ন্নৈন্দ্রবায॒বো গৃ॑হ্যতে শু॒ক্রস্য॒ বা এ॒তদা॒যত॑নং॒-যঁ-ত্প॑ঞ্চ॒ম- [য-ত্প॑ঞ্চ॒মম্, অহ॒স্তস্মি॑-ন্নৈন্দ্রবায॒বো] 32
-মহ॒স্তস্মি॑-ন্নৈন্দ্রবায॒বো গৃ॑হ্যতে॒ তস্মা॑-দৈন্দ্রবায॒বস্যা॒-ঽঽযত॑নে সপ্ত॒মে-ঽহ॑ঞ্ছু॒ক্রো গৃ॑হ্যত আগ্রয॒ণস্য॒ বা এ॒তদা॒যত॑নং॒-যঁ-থ্ষ॒ষ্ঠমহ॒-স্তস্মি॑ঞ্ছু॒ক্রো গৃ॑হ্যতে॒ তস্মা᳚-চ্ছু॒ক্রস্যা॒ ঽঽযত॑নে-ঽষ্ট॒মে-ঽহ॑ন্নাগ্রয॒ণো গৃ॑হ্যতে॒ ছন্দাগ্॑স্যে॒ব তদ্বি বা॑হযতি॒ প্র বস্য॑সো বিবা॒হমা᳚প্নোতি॒ য এ॒বং-বেঁদাথো॑ দে॒বতা᳚ভ্য এ॒ব য॒জ্ঞে সং॒বিঁদ॑-ন্দধাতি॒ তস্মা॑দি॒দ-ম॒ন্যো᳚-ঽন্যস্মৈ॑ দদাতি ॥ 33 ॥
(এ॒তদ্বৈ – প॑ঞ্চ॒মে-ঽহ॒ন্ – ত্রৈষ্টু॑ভ – এ॒ত-দ্- গৃ॑হ্যতে য॒জ্ঞস্য॑ – পঞ্চ॒ম – ম॒ন্যস্মা॒ – এক॑ঞ্চ) (অ. 8)
প্র॒জাপ॑তিরকামযত॒ প্র জা॑যে॒যেতি॒ স এ॒ত-ন্দ্বা॑দশরা॒ত্র-ম॑পশ্য॒-ত্তমা-ঽহ॑র॒-ত্তেনা॑যজত॒ ততো॒ বৈ স প্রাজা॑যত॒ যঃ কা॒মযে॑ত॒ প্র জা॑যে॒যেতি॒ স দ্বা॑দশরা॒ত্রেণ॑ যজেত॒ প্রৈব জা॑যতে ব্রহ্মবা॒দিনো॑ বদন্ত্যগ্নিষ্টো॒মপ্রা॑যণা য॒জ্ঞা অথ॒ কস্মা॑দতিরা॒ত্রঃ পূর্বঃ॒ প্র যু॑জ্যত॒ ইতি॒ চক্ষু॑ষী॒ বা এ॒তে য॒জ্ঞস্য॒ যদ॑তিরা॒ত্রৌ ক॒নীনি॑কে অগ্নিষ্টো॒মৌ য- [অগ্নিষ্টো॒মৌ যত্, অ॒গ্নি॒ষ্টো॒ম-ম্পূর্ব॑-] 34
-দ॑গ্নিষ্টো॒ম-ম্পূর্ব॑-ম্প্রযুঞ্জী॒র-ন্ব॑হি॒র্ধা ক॒নীনি॑কে দদ্ধ্যু॒স্তস্মা॑-দতিরা॒ত্রঃ পূর্বঃ॒ প্র যু॑জ্যতে॒ চক্ষু॑ষী এ॒ব য॒জ্ঞে ধি॒ত্বা ম॑দ্ধ্য॒তঃ ক॒নীনি॑কে॒ প্রতি॑ দধতি॒ যো বৈ গা॑য॒ত্রী-ঞ্জ্যোতিঃ॑পক্ষাং॒-বেঁদ॒ জ্যোতি॑ষা ভা॒সা সু॑ব॒র্গং-লোঁ॒কমে॑তি॒ যাব॑গ্নিষ্টো॒মৌ তৌ প॒ক্ষৌ যে-ঽন্ত॑রে॒-ঽষ্টা-বু॒ক্থ্যা᳚-স্স আ॒ত্মৈষা বৈ গা॑য॒ত্রী জ্যোতিঃ॑পক্ষা॒ য এ॒বং-বেঁদ॒ জ্যোতি॑ষা ভা॒সা সু॑ব॒র্গং-লোঁ॒ক- [সু॑ব॒র্গং-লোঁ॒কম্, এ॒তি॒ প্র॒জাপ॑তি॒র্বা] 35
-মে॑তি প্র॒জাপ॑তি॒র্বা এ॒ষ দ্বা॑দশ॒ধা বিহি॑তো॒ য-দ্দ্বা॑দশরা॒ত্রো যাব॑তিরা॒ত্রো তৌ প॒ক্ষৌ যে-ঽন্ত॑রে॒-ঽষ্টা-বু॒ক্থ্যা᳚-স্স আ॒ত্মা প্র॒জাপ॑তি॒র্বাবৈষ সন্থ্সদ্ধ॒ বৈ স॒ত্রেণ॑ স্পৃণোতি প্রা॒ণা বৈ স-ত্প্রা॒ণানে॒ব স্পৃ॑ণোতি॒ সর্বা॑সাং॒-বাঁ এ॒তে প্র॒জানা᳚-ম্প্রা॒ণৈরা॑সতে॒ যে স॒ত্রমাস॑তে॒ তস্মা᳚-ত্পৃচ্ছন্তি॒ কিমে॒তে স॒ত্রিণ॒ ইতি॑ প্রি॒যঃ প্র॒জানা॒ মুত্থি॑তো ভবতি॒ য এ॒বং বেঁদ॑ ॥ 36 ॥
(অ॒গ্নি॒ষ্টো॒মৌ যথ্ – সু॑ব॒র্গং-লোঁ॒কং – প্রি॒যঃ প্র॒জানাং॒ – পঞ্চ॑ চ) (অ. 9)
ন বা এ॒ষো᳚-ঽন্যতো॑বৈশ্বানর-স্সুব॒র্গায॑ লো॒কায॒ প্রাভ॑বদূ॒র্ধ্বো হ॒ বা এ॒ষ আত॑ত আসী॒-ত্তে দে॒বা এ॒তং-বৈঁ᳚শ্বান॒র-ম্পর্যৌ॑হন্-থ্সুব॒র্গস্য॑ লো॒কস্য॒ প্রভূ᳚ত্যা ঋ॒তবো॒ বা এ॒তেন॑ প্র॒জাপ॑তিমযাজয॒-ন্তেষ্বা᳚র্ধ্নো॒দধি॒ তদৃ॒দ্ধ্নোতি॑ হ॒ বা ঋ॒ত্বিক্ষু॒ য এ॒বং-বিঁ॒দ্বা-ন্দ্বা॑দশা॒হেন॒ যজ॑তে॒ তে᳚-ঽস্মিন্নৈচ্ছন্ত॒ স রস॒মহ॑ বস॒ন্তায॒ প্রায॑চ্ছ॒- [প্রায॑চ্ছত্, যব॑-ঙ্গ্রী॒ষ্মাযৌষ॑ধী-] 37
-দ্যব॑-ঙ্গ্রী॒ষ্মাযৌষ॑ধী-র্ব॒র্॒ষাভ্যো᳚ ব্রী॒হীঞ্ছ॒রদে॑ মাষতি॒লৌ হে॑মন্তশিশি॒রাভ্যা॒-ন্তেনেন্দ্র॑-ম্প্র॒জাপ॑তিরযাজয॒-ত্ততো॒ বা ইন্দ্র॒ ইন্দ্রো॑-ঽভব॒-ত্তস্মা॑দাহু-রানুজাব॒রস্য॑ য॒জ্ঞ ইতি॒ স হ্যে॑তেনা-ঽগ্রে-ঽয॑জতৈ॒ষ হ॒ বৈ কু॒ণপ॑মত্তি॒ য-স্স॒ত্রে প্র॑তিগৃ॒হ্ণাতি॑ পুরুষকুণ॒প-ম॑শ্বকুণ॒প-ঙ্গৌর্বা অন্নং॒-যেঁন॒ পাত্রে॒ণান্ন॒-ম্বিভ্র॑তি॒ য-ত্তন্ন নি॒র্ণেনি॑জতি॒ ততো-ঽধি॒ [ততো-ঽধি॑, মল॑-ঞ্জাযত॒ এক॑ এ॒ব] 38
মল॑-ঞ্জাযত॒ এক॑ এ॒ব য॑জে॒তৈকো॒ হি প্র॒জাপ॑তি॒-রার্ধ্নো॒-দ্দ্বাদ॑শ॒ রাত্রী᳚র্দীক্ষি॒ত-স্স্যা॒-দ্দ্বাদ॑শ॒ মাসা᳚-স্সংবঁথ্স॒র-স্সং॑বঁথ্স॒রঃ প্র॒জাপ॑তিঃ প্র॒জাপ॑তি॒র্বাবৈষ এ॒ষ হ॒ ত্বৈ জা॑যতে॒ যস্তপ॒সো-ঽধি॒ জায॑তে চতু॒র্ধা বা এ॒তাস্তি॒স্রস্তি॑স্রো॒ রাত্র॑যো॒ য-দ্দ্বাদ॑শোপ॒সদো॒ যাঃ প্র॑থ॒মা য॒জ্ঞ-ন্তাভি॒-স্স-ম্ভ॑রতি॒ যা দ্বি॒তীযা॑ য॒জ্ঞ-ন্তাভি॒রা র॑ভতে॒ [য॒জ্ঞ-ন্তাভি॒রা র॑ভতে, যাস্তৃ॒তীযাঃ॒] 39
যাস্তৃ॒তীযাঃ॒ পাত্রা॑ণি॒ তাভি॒র্নির্ণে॑নিক্তে॒ যাশ্চ॑তু॒র্থীরপি॒ তাভি॑রা॒ত্মান॑-মন্তর॒ত-শ্শু॑ন্ধতে॒ যো বা অ॑স্য প॒শুমত্তি॑ মা॒গ্ম্॒সগ্ম্ সো᳚-ঽত্তি॒ যঃ পু॑রো॒ডাশ॑-ম্ম॒স্তিষ্ক॒গ্ম্॒ স যঃ প॑রিবা॒প-ম্পুরী॑ষ॒গ্ম্॒ স য আজ্য॑-ম্ম॒জ্জান॒গ্ম্॒ স য-স্সোম॒গ্গ্॒ স্বেদ॒গ্ম্॒ সো-ঽপি॑ হ॒ বা অ॑স্য শীর্ষ॒ণ্যা॑ নি॒ষ্পদঃ॒ প্রতি॑ গৃহ্ণাতি॒ যো দ্বা॑দশা॒হে প্র॑তিগৃ॒হ্ণাতি॒ তস্মা᳚-দ্দ্বাদশা॒হেন॒ ন যাজ্য॑-ম্পা॒প্মনো॒ ব্যাবৃ॑ত্ত্যৈ ॥ 40 ॥
(অয॑চ্ছ॒ – দধি॑ – রভতে – দ্বাদশা॒হেন॑ – চ॒ত্বারি॑ চ) (অ. 10)
এক॑স্মৈ॒ স্বাহা॒ দ্বাভ্যা॒গ্॒ স্বাহা᳚ ত্রি॒ভ্য-স্স্বাহা॑ চ॒তুর্ভ্য॒-স্স্বাহা॑ প॒ঞ্চভ্য॒-স্স্বাহা॑ ষ॒ড্ভ্য-স্স্বাহা॑ স॒প্তভ্য॒-স্স্বাহা᳚ ঽষ্টা॒ভ্য-স্স্বাহা॑ ন॒বভ্য॒-স্স্বাহা॑ দ॒শভ্য॒-স্স্বাহৈ॑ -কাদ॒শভ্য॒-স্স্বাহা᳚ দ্বাদ॒শভ্য॒-স্স্বাহা᳚ ত্রযোদ॒শভ্য॒-স্স্বাহা॑ চতুর্দ॒শভ্য॒-স্স্বাহা॑ পঞ্চদ॒শভ্য॒-স্স্বাহা॑ ষোড॒শভ্য॒-স্স্বাহা॑ সপ্তদ॒শভ্য॒-স্স্বাহা᳚ ঽষ্টাদ॒শভ্য॒-স্স্বাহৈ-কা॒ন্ন বিগ্ম্॑শ॒ত্যৈ স্বাহা॒ নব॑বিগ্ম্শত্যৈ॒ স্বাহৈ-কা॒ন্ন চ॑ত্বারি॒গ্ম্॒শতে॒ স্বাহা॒ নব॑চত্বারিগ্ম্শতে॒ স্বাহৈ-কা॒ন্ন ষ॒ষ্ট্যৈ স্বাহা॒ নব॑ষষ্ট্যৈ॒ স্বাহৈ -কা॒ন্নাশী॒ত্যৈ স্বাহা॒ নবা॑শীত্যৈ॒ স্বাহৈকা॒ন্ন শ॒তায॒ স্বাহা॑ শ॒তায॒ স্বাহা॒ দ্বাভ্যাগ্ম্॑ শ॒তাভ্যা॒গ্॒ স্বাহা॒ সর্ব॑স্মৈ॒ স্বাহা᳚ ॥ 41 ॥
(নব॑চত্বারিগ্ম্শতে॒ স্বাহৈ-কা॒ন্নৈক॑বিগ্ম্শতিশ্চ) (অ. 11)
এক॑স্মৈ॒ স্বাহা᳚ ত্রি॒ভ্য-স্স্বাহা॑ প॒ঞ্চভ্য॒-স্স্বাহা॑ স॒প্তভ্য॒-স্স্বাহা॑ ন॒বভ্য॒-স্স্বাহৈ॑- কাদ॒শভ্য॒-স্স্বাহা᳚ ত্রযোদ॒শভ্য॒-স্স্বাহা॑ পঞ্চদ॒শভ্য॒-স্স্বাহা॑ সপ্তদ॒শভ্য॒-স্স্বাহৈকা॒ন্ন বিগ্ম্॑শ॒ত্যৈ স্বাহা॒ নব॑বিগ্ম্শত্যৈ॒ স্বাহৈকা॒ন্ন চ॑ত্বারি॒গ্ম্॒শতে॒ স্বাহা॒ নব॑চত্বারিগ্ম্শতে॒ স্বাহৈকা॒ন্ন ষ॒ষ্ট্যৈ স্বাহা॒ নব॑ষষ্ট্যৈ॒ স্বাহৈকা॒ন্না শী॒ত্যৈ স্বাহা॒ নবা॑শীত্যৈ॒ স্বাহৈকা॒ন্ন শ॒তায॒ স্বাহা॑ শ॒তায॒ স্বাহা॒ সর্ব॑স্মৈ॒ স্বাহা᳚ ॥ 42 ॥
(এক॑স্মৈ ত্রি॒ভ্যঃ – প॑ঞ্চা॒শত্) (অ. 12)
দ্বাভ্যা॒গ্॒ স্বাহা॑ চ॒তুর্ভ্য॒-স্স্বাহা॑ ষ॒ড্ভ্য-স্স্বাহা᳚ ঽষ্টা॒ভ্য-স্স্বাহা॑ দ॒শভ্য॒-স্স্বাহা᳚ দ্বাদ॒শভ্য॒-স্স্বাহা॑ চতুর্দ॒শভ্য॒-স্স্বাহা॑ ষোড॒শভ্য॒-স্স্বাহা᳚ ঽষ্টাদ॒শভ্য॒-স্স্বাহা॑ বিগ্ম্শ॒ত্যৈ স্বাহা॒ ঽষ্টান॑বত্যৈ॒ স্বাহা॑ শ॒তায॒ স্বাহা॒ সর্ব॑স্মৈ॒ স্বাহা᳚ ॥ 43 ॥
(দ্বাভ্যা॑ম॒ষ্টান॑বত্যৈ॒ – ষড্বিগ্ম্॑শতিঃ) (অ. 13)
ত্রি॒ভ্য-স্স্বাহা॑ প॒ঞ্চভ্য॒-স্স্বাহা॑ স॒প্তভ্য॒-স্স্বাহা॑ ন॒বভ্য॒-স্স্বাহৈ॑-কাদ॒শভ্য॒-স্স্বাহা᳚ ত্রযোদ॒শভ্য॒-স্স্বাহা॑ পঞ্চদ॒শভ্য॒-স্স্বাহা॑ সপ্তদ॒শভ্য॒-স্স্বাহৈকা॒ন্ন বিগ্ম্॑শ॒ত্যৈ স্বাহা॒ নব॑বিগ্ম্শত্যৈ॒ স্বাহৈকা॒ন্ন চ॑ত্বারি॒গ্ম্॒শতে॒ স্বাহা॒ নব॑চত্বারিগ্ম্শতে॒ স্বাহৈকা॒ন্ন ষ॒ষ্ট্যৈ স্বাহা॒ নব॑ষষ্ট্যৈ॒ স্বাহৈকা॒ন্না ঽশী॒ত্যৈ স্বাহা॒ নবা॑শীত্যৈ॒ স্বাহৈকা॒ন্ন শ॒তায॒ স্বাহা॑ শ॒তায॒ স্বাহা॒ সর্ব॑স্মৈ॒ স্বাহা᳚ ॥ 44 ॥
(ত্রি॒ভ্যো᳚ – ঽষ্টাচত্বারি॒গ্ম্॒শত্) (অ. 14)
চ॒তুর্ভ্য॒-স্স্বাহা᳚ ঽষ্টা॒ভ্য-স্স্বাহা᳚ দ্বাদ॒শভ্য॒-স্স্বাহা॑ ষোড॒শভ্য॒-স্স্বাহা॑ বিগ্ম্শ॒ত্যৈ স্বাহা॒ ষণ্ণ॑বত্যৈ॒ স্বাহা॑ শ॒তায॒ স্বাহা॒ সর্ব॑স্মৈ॒ স্বাহা᳚ ॥ 45 ॥
(চ॒তুর্ভ্য॒-ষ্ষণ্ণ॑বত্যৈ॒ – ষোড॑শ) (অ. 15)
প॒ঞ্চভ্য॒-স্স্বাহা॑ দ॒শভ্য॒-স্স্বাহা॑ পঞ্চদ॒শভ্য॒-স্স্বাহা॑ বিগ্ম্শ॒ত্যৈ স্বাহা॒ পঞ্চ॑নবত্যৈ॒ স্বাহা॑ শ॒তায॒ স্বাহা॒ সর্ব॑স্মৈ॒ স্বাহা᳚ ॥ 46 ॥
(প॒ঞ্চভ্যঃ॒ পঞ্চ॑নবত্যৈ॒ – চতু॑র্দশ) (অ. 16)
দ॒শভ্য॒-স্স্বাহা॑ বিগ্ম্শ॒ত্যৈ স্বাহা᳚ ত্রি॒গ্ম্॒শতে॒ স্বাহা॑ চত্বারি॒গ্ম্॒শতে॒ স্বাহা॑ পঞ্চা॒শতে॒ স্বাহা॑ ষ॒ষ্ট্যৈ স্বাহা॑ সপ্ত॒ত্যৈ স্বাহা॑ ঽশী॒ত্যৈ স্বাহা॑ নব॒ত্যৈ স্বাহা॑ শ॒তায॒ স্বাহা॒ সর্ব॑স্মৈ॒ স্বাহা᳚ ॥ 47 ॥
(দ॒শভ্যো॒ – দ্বাবিগ্ম্॑শতিঃ) (অ. 17)
বি॒গ্ম্॒শ॒ত্যৈ স্বাহা॑ চত্বারি॒গ্ম্॒শতে॒ স্বাহা॑ ষ॒ষ্ট্যৈ স্বাহা॑ ঽশী॒ত্যৈ স্বাহা॑ শ॒তায॒ স্বাহা॒ সর্ব॑স্মৈ॒ স্বাহা᳚ ॥ 48 ॥
(বি॒গ্ম্॒শ॒ত্যৈ – দ্বাদ॑শ) (অ. 18)
প॒ঞ্চা॒শতে॒ স্বাহা॑ শ॒তায॒ স্বাহা॒ দ্বাভ্যাগ্ম্॑ শ॒তাভ্যা॒গ্॒ স্বাহা᳚ ত্রি॒ভ্য-শ্শ॒তেভ্য॒-স্স্বাহা॑ চ॒তুর্ভ্য॑-শ্শ॒তেভ্য॒-স্স্বাহা॑ প॒ঞ্চভ্য॑-শ্শ॒তেভ্য॒-স্স্বাহা॑ ষ॒ড্ভ্য-শ্শ॒তেভ্য॒-স্স্বাহা॑ স॒প্তভ্য॑-শ্শ॒তেভ্য॒-স্স্বাহা᳚ ঽষ্টা॒ভ্য-শ্শ॒তেভ্য॒-স্স্বাহা॑ ন॒বভ্য॑-শ্শ॒তেভ্য॒-স্স্বাহা॑ স॒হস্রা॑য॒ স্বাহা॒ সর্ব॑স্মৈ॒ স্বাহা᳚ ॥ 49 ॥
(প॒ঞ্চা॒শতে॒ – দ্বাত্রিগ্ম্॑শত্) (অ. 19)
শ॒তায॒ স্বাহা॑ স॒হস্রা॑য॒ স্বাহা॒ ঽযুতা॑য॒ স্বাহা॑ নি॒যুতা॑য॒ স্বাহা᳚ প্র॒যুতা॑য॒ স্বাহা ঽর্বু॑দায॒ স্বাহা॒ ন্য॑র্বুদায॒ স্বাহা॑ সমু॒দ্রায॒ স্বাহা॒ মদ্ধ্যা॑য॒ স্বাহা ঽন্তা॑য॒ স্বাহা॑ পরা॒র্ধায॒ স্বাহো॒ষসে॒ স্বাহা॒ ব্যু॑ষ্ট্যৈ॒ স্বাহো॑দেষ্য॒তে স্বাহো᳚দ্য॒তে স্বাহোদি॑তায॒ স্বাহা॑ সুব॒র্গায॒ স্বাহা॑ লো॒কায॒ স্বাহা॒ সর্ব॑স্মৈ॒ স্বাহা᳚ ॥ 50 ॥
(শ॒তাযা॒-ঽষ্টাত্রিগ্ম্॑শত্) (অ. 20)
(সা॒ধ্যা-ষ্ষ॑ড্ রা॒ত্রং – কু॑সুরু॒বিন্দ॑-স্সপ্তরা॒ত্রং – বৃহ॒স্পতি॑রষ্টরা॒ত্রং – প্র॒জাপ॑তি॒স্তাঃ, ক্ষুধ॑ন্নবরা॒ত্রং – প্র॒জাপ॑তিরকামযত॒ দশ॑হোতারাত্র – মৃ॒তব॑ – ঐন্দ্রবায॒বাগ্রা᳚ন্ – গায॒ত্রো বৈ – প্র॒জাপ॑তি॒-স্স দ্বা॑দশরা॒ত্রং – ন বা -এক॑স্মা॒ – এক॑স্মৈ॒ – দ্বাভ্যাং᳚ – ত্রি॒ভ্যঃ – চ॒তুর্ভ্যঃ॑ – প॒ঞ্চভ্যো॑ – দ॒শভ্যো॑ – বিগ্ম্শ॒ত্যৈ – প॑ঞ্চা॒শতে॑ – শ॒তায॑ – বিগ্ম্শ॒তিঃ )
(সা॒ধ্যা – অ॑স্মা ই॒মে লো॒কা – গা॑য॒ত্রং – বৈঁ তৃ॒তীয॒ – মেক॑স্মৈ – পঞ্চা॒শত্ )
(সা॒ধ্যা, স্সর্ব॑স্মৈ॒ স্বাহা᳚ )
॥ হরিঃ॑ ওম্ ॥
॥ কৃষ্ণ যজুর্বেদীয তৈত্তিরীয সংহিতাযাং সপ্তমকাণ্ডে দ্বিতীযঃ প্রশ্ন-স্সমাপ্তঃ ॥