অচ্যুতং কেশবং রামনারাযণং
কৃষ্ণদামোদরং বাসুদেবং হরিম্ ।
শ্রীধরং মাধবং গোপিকা বল্লভং
জানকীনাযকং রামচংদ্রং ভজে ॥ 1 ॥
অচ্যুতং কেশবং সত্যভামাধবং
মাধবং শ্রীধরং রাধিকা রাধিতম্ ।
ইংদিরামংদিরং চেতসা সুংদরং
দেবকীনংদনং নংদজং সংদধে ॥ 2 ॥
বিষ্ণবে জিষ্ণবে শংকনে চক্রিণে
রুক্মিণী রাগিণে জানকী জানযে ।
বল্লবী বল্লভাযার্চিতা যাত্মনে
কংস বিধ্বংসিনে বংশিনে তে নমঃ ॥ 3 ॥
কৃষ্ণ গোবিংদ হে রাম নারাযণ
শ্রীপতে বাসুদেবাজিত শ্রীনিধে ।
অচ্যুতানংত হে মাধবাধোক্ষজ
দ্বারকানাযক দ্রৌপদীরক্ষক ॥ 4 ॥
রাক্ষস ক্ষোভিতঃ সীতযা শোভিতো
দংডকারণ্যভূ পুণ্যতাকারণঃ ।
লক্ষ্মণোনান্বিতো বানরৈঃ সেবিতো
অগস্ত্য সংপূজিতো রাঘবঃ পাতু মাম্ ॥ 5 ॥
ধেনুকারিষ্টকোঽনিষ্টকৃদ্দ্বেষিণাং
কেশিহা কংসহৃদ্বণ্শিকাবাদকঃ ।
পূতনাকোপকঃ সূরজাখেলনো
বালগোপালকঃ পাতু মাং সর্বদা ॥ 6 ॥
বিদ্যুদুদ্যোতবত্প্রস্ফুরদ্বাসসং
প্রাবৃডংভোদবত্প্রোল্লসদ্বিগ্রহম্ ।
বন্যযা মালযা শোভিতোরঃস্থলং
লোহিতাংঘ্রিদ্বযং বারিজাক্ষং ভজে ॥ 7॥
কুংচিতৈঃ কুংতলৈ ভ্রাজমানাননং
রত্নমৌলিং লসত্-কুংডলং গংডযোঃ ।
হারকেযূরকং কংকণ প্রোজ্জ্বলং
কিংকিণী মংজুলং শ্যামলং তং ভজে ॥ 8 ॥
অচ্যুতস্যাষ্টকং যঃ পঠেদিষ্টদং
প্রেমতঃ প্রত্যহং পূরুষঃ সস্পৃহম্ ।
বৃত্ততঃ সুংদরং কর্তৃ বিশ্বংভরঃ
তস্য বশ্যো হরি র্জাযতে সত্বরম্ ॥
॥ ইতি শ্রীশংকরাচার্যবিরচিতমচ্যুতাষ্টকং সংপূর্ণম্ ॥