অপরাধসহস্রাণি ক্রিযংতেঽহর্নিশং মযা ।
দাসোঽযমিতি মাং মত্বা ক্ষমস্ব পরমেশ্বরি ॥ 1 ॥
আবাহনং ন জানামি ন জানামি বিসর্জনম্ ।
পূজাং চৈব ন জানামি ক্ষম্যতাং পরমেশ্বরি ॥ 2 ॥
মংত্রহীনং ক্রিযাহীনং ভক্তিহীনং সুরেশ্বরি ।
যত্পূজিতং মযা দেবি পরিপূর্ণং তদস্তু মে ॥ 3 ॥
অপরাধশতং কৃত্বা জগদংবেতি চোচ্চরেত্ ।
যাং গতিং সমবাপ্নোতি ন তাং ব্রহ্মাদযঃ সুরাঃ ॥ 4 ॥
সাপরাধোঽস্মি শরণং প্রাপ্তস্ত্বাং জগদংবিকে ।
ইদানীমনুকংপ্যোঽহং যথেচ্ছসি তথা কুরু ॥ 5 ॥
অজ্ঞানাদ্বিস্মৃতের্ভ্রাংত্যা যন্ন্যূনমধিকং কৃতম্ ।
বিপরীতং চ তত্সর্বং ক্ষমস্ব পরমেশ্বরি ॥ 6 ॥
কামেশ্বরি জগন্মাতঃ সচ্চিদানংদবিগ্রহে ।
গৃহাণার্চামিমাং প্রীত্যা প্রসীদ পরমেশ্বরি ॥ 7 ॥
যদক্ষরপদভ্রষ্টং মাত্রাহীনং চ যদ্ভবেত্ ।
তত্সর্বং ক্ষম্যতাং দেবি প্রসীদ পরমেশ্বরি ॥ 8 ॥
গুহ্যাতিগুহ্যগোপ্ত্রী ত্বং গৃহাণাস্মত্কৃতং জপম্ ।
সিদ্ধির্ভবতু মে দেবি ত্বত্প্রসাদান্মহেশ্বরি ॥ 9 ॥
সর্বরূপমযী দেবী সর্বং দেবীমযং জগত্ ।
অতোঽহং বিশ্বরূপাং ত্বাং নমামি পরমেশ্বরীম্ ॥ 10 ॥
ইতি অপরাধক্ষমাপণস্তোত্রং সমাপ্তম্ ॥