উদ্ধবগীতা – একাদশোঽধ্যাযঃDownload PDF

অথ একাদশোঽধ্যাযঃ ।

শ্রীভগবান্ উবাচ ।
বদ্ধঃ মুক্তঃ ইতি ব্যাখ্যা গুণতঃ মে ন বস্তুতঃ ।
গুণস্য মাযামূলত্বাত্ ন মে মোক্ষঃ ন বংধনম্ ॥ 1॥

শোকমোহৌ সুখং দুঃখং দেহাপত্তিঃ চ মাযযা ।
স্বপ্নঃ যথা আত্মনঃ খ্যাতিঃ সংসৃতিঃ ন তু বাস্তবী ॥ 2॥

বিদ্যা অবিদ্যে মম তনূ বিদ্ধি উদ্ধব শরীরিণাম্ ।
মোক্ষবংধকরী আদ্যে মাযযা মে বিনির্মিতে ॥ 3॥

একস্য এব মম অংশস্য জীবস্য এব মহামতে ।
বংধঃ অস্য অবিদ্যযা অনাদিঃ বিদ্যযা চ তথা ইতরঃ ॥ 4॥

অথ বদ্ধস্য মুক্তস্য বৈলক্ষণ্যং বদামি তে ।
বিরুদ্ধধর্মিণোঃ তাত স্থিতযোঃ একধর্মিণি ॥ 5॥

সুপর্ণৌ এতৌ সদৃশৌ সখাযৌ
যদৃচ্ছযা এতৌ কৃতনীডৌ চ বৃক্ষে ।
একঃ তযোঃ খাদতি পিপ্পলান্নম্
অন্যঃ নিরন্নঃ অপি বলেন ভূযান্ ॥ 6॥

আত্মানং অন্যং চ সঃ বেদ বিদ্বান্
অপিপ্পলাদঃ ন তু পিপ্পলাদঃ ।
যঃ অবিদ্যযা যুক্ স তু নিত্যবদ্ধঃ
বিদ্যামযঃ যঃ স তু নিত্যমুক্তঃ ॥ 7॥

দেহস্থঃ অপি ন দেহস্থঃ বিদ্বান্ স্বপ্নাত্ যথা উত্থিতঃ ।
অদেহস্থঃ অপি দেহস্থঃ কুমতিঃ স্বপ্নদৃক্ যথা ॥ 8॥

ইংদ্রিযৈঃ ইংদ্রিযার্থেষু গুণৈঃ অপি গুণেষু চ ।
গৃহ্যমাণেষু অহংকুর্যাত্ ন বিদ্বান্ যঃ তু অবিক্রিযঃ ॥ 9॥

দৈবাধীনে শরীরে অস্মিন্ গুণভাব্যেন কর্মণা ।
বর্তমানঃ অবুধঃ তত্র কর্তা অস্মি ইতি নিবধ্যতে ॥ 10॥

এবং বিরক্তঃ শযনঃ আসনাটনমজ্জনে ।
দর্শনস্পর্শনঘ্রাণভোজনশ্রবণাদিষু ॥ 11॥

ন তথা বধ্যতে বিদ্বান্ তত্র তত্র আদযন্ গুণান্ ।
প্রকৃতিস্থঃ অপি অসংসক্তঃ যথা খং সবিতা অনিলঃ ॥ 12॥

বৈশারদ্যেক্ষযা অসংগশিতযা ছিন্নসংশযঃ ।
প্রতিবুদ্ধঃ ইব স্বপ্নাত্ নানাত্বাত্ বিনিবর্ততে ॥ 13॥

যস্য স্যুঃ বীতসংকল্পাঃ প্রাণেংদ্রিযমনোধিযাম্ ।
বৃত্তযঃ সঃ বিনির্মুক্তঃ দেহস্থঃ অপি হি তত্ গুণৈঃ ॥ 14॥

যস্য আত্মা হিংস্যতে হিংস্র্যৈঃ যেন কিংচিত্ যদৃচ্ছযা ।
অর্চ্যতে বা ক্বচিত্ তত্র ন ব্যতিক্রিযতে বুধঃ ॥ 15॥

ন স্তুবীত ন নিংদেত কুর্বতঃ সাধু অসাধু বা ।
বদতঃ গুণদোষাভ্যাং বর্জিতঃ সমদৃক্ মুনিঃ ॥ 16॥

ন কুর্যাত্ ন বদেত্ কিংচিত্ ন ধ্যাযেত্ সাধু অসাধু বা ।
আত্মারামঃ অনযা বৃত্ত্যা বিচরেত্ জডবত্ মুনিঃ ॥ 17॥

শব্দব্রহ্মণি নিষ্ণাতঃ ন নিষ্ণাযাত্ পরে যদি ।
শ্রমঃ তস্য শ্রমফলঃ হি অধেনুং ইব রক্ষতঃ ॥ 18॥

গাং দুগ্ধদোহাং অসতীং চ ভার্যাম্
দেহং পরাধীনং অসত্প্রজাং চ ।
বিত্তং তু অতীর্থীকৃতং অংগ বাচম্
হীনাং মযা রক্ষতি দুঃখদুঃখী ॥ 19॥

যস্যাং ন মে পাবনং অংগ কর্ম
স্থিতিউদ্ভবপ্রাণ নিরোধনং অস্য ।
লীলাবতারীপ্সিতজন্ম বা স্যাত্
বংধ্যাং গিরং তাং বিভৃযাত্ ন ধীরঃ ॥ 20॥

এবং জিজ্ঞাসযা অপোহ্য নানাত্বভ্রমং আত্মনি ।
উপারমেত বিরজং মনঃ মযি অর্প্য সর্বগে ॥ 21॥

যদি অনীশঃ ধারযিতুং মনঃ ব্রহ্মণি নিশ্চলম্ ।
মযি সর্বাণি কর্মাণি নিরপেক্ষঃ সমাচর ॥ 22॥

শ্রদ্ধালুঃ মে কথাঃ শ‍ঋণ্বন্ সুভদ্রা লোকপাবনীঃ ।
গাযন্ অনুস্মরন্ কর্ম জন্ম চ অভিনযন্ মুহুঃ ॥ 23॥

মদর্থে ধর্মকামার্থান্ আচরন্ মদপাশ্রযঃ ।
লভতে নিশ্চলাং ভক্তিং মযি উদ্ধব সনাতনে ॥ 24॥

সত্সংগলব্ধযা ভক্ত্যা মযি মাং সঃ উপাসিতা ।
সঃ বৈ মে দর্শিতং সদ্ভিঃ অংজসা বিংদতে পদম্ ॥ 25॥

উদ্ধব উবাচ ।
সাধুঃ তব উত্তমশ্লোক মতঃ কীদৃগ্বিধঃ প্রভো ।
ভক্তিঃ ত্বযি উপযুজ্যেত কীদৃশী সদ্ভিঃ আদৃতা ॥ 26॥

এতত্ মে পুরুষাধ্যক্ষ লোকাধ্যক্ষ জগত্ প্রভো ।
প্রণতায অনুরক্তায প্রপন্নায চ কথ্যতাম্ ॥ 27॥

ত্বং ব্রহ্ম পরমং ব্যোম পুরুষঃ প্রকৃতেঃ পরঃ ।
অবতীর্ণঃ অসি ভগবন্ স্বেচ্ছাউপাত্তপৃথক্ বপুঃ ॥ 28॥

শ্রীভগবান্ উবাচ ।
কৃপালুঃ অকৃতদ্রোহঃ তিতিক্ষুঃ সর্বদেহিনাম্ ।
সত্যসারঃ অনবদ্যাত্মা সমঃ সর্বোপকারকঃ ॥ 29॥

কামৈঃ অহতধীঃ দাংতঃ মৃদুঃ শুচিঃ অকিংচনঃ ।
অনীহঃ মিতভুক্ শাংতঃ স্থিরঃ মত্ শরণঃ মুনিঃ ॥ 30॥

অপ্রমত্তঃ গভীরাত্মা ধৃতিমাংজিতষড্গুণঃ ।
অমানী মানদঃ কল্পঃ মৈত্রঃ কারুণিকঃ কবিঃ ॥ 31॥

আজ্ঞায এবং গুণান্ দোষান্মযাদিষ্টান্ অপি স্বকান্ ।
ধর্মান্ সংত্যজ্য যঃ সর্বান্ মাং ভজেত সঃ সত্তমঃ ॥ 32॥

জ্ঞাত্বা অজ্ঞাত্বা অথ যে বৈ মাং যাবান্ যঃ চ অস্মি
যাদৃশঃ ।
ভজংতি অনন্যভাবেন তে মে ভক্ততমাঃ মতাঃ ॥ 33॥

মল্লিংগমদ্ভক্তজনদর্শনস্পর্শনার্চনম্ ।
পরিচর্যা স্তুতিঃ প্রহ্বগুণকর্ম অনুকীর্তনম্ ॥ 34॥

মত্কথাশ্রবণে শ্রদ্ধা মত্ অনুধ্যানং উদ্ধব ।
সর্বলাভ উপহরণং দাস্যেন আত্মনিবেদনম্ ॥ 35॥

মজ্জন্মকর্মকথনং মম পর্বানুমোদনম্ ।
গীততাংডববাদিত্রগোষ্ঠীভিঃ মদ্গৃহ উত্সবঃ ॥ 36॥

যাত্রা বলিবিধানং চ সর্ববার্ষিকপর্বসু ।
বৈদিকী তাংত্রিকী দীক্ষা মদীযব্রতধারণম্ ॥ 37॥

মম অর্চাস্থাপনে শ্রদ্ধা স্বতঃ সংহত্য চ উদ্যমঃ ।
উদ্যান উপবনাক্রীডপুরমংদিরকর্মণি ॥ 38॥

সংমার্জন উপলেপাভ্যাং সেকমংডলবর্তনৈঃ ।
গৃহশুশ্রূষণং মহ্যং দাসবদ্যদমাযযা ॥ 39॥

অমানিত্বং অদংভিত্বং কৃতস্য অপরিকীর্তনম্ ।
অপি দীপাবলোকং মে ন উপযুংজ্যাত্ নিবেদিতম্ ॥ 40॥

যত্ যত্ ইষ্টতমং লোকে যত্ চ অতিপ্রিযং আত্মনঃ ।
তত্ তত্ নিবেদযেত্ মহ্যং তত্ আনংত্যায কল্পতে ॥ 41॥

সূর্যঃ অগ্নিঃ ব্রাহ্মণঃ গাবঃ বৈষ্ণবঃ খং মরুত্ জলম্ ।
ভূঃ আত্মা সর্বভূতানি ভদ্র পূজাপদানি মে ॥ 42॥

সূর্যে তু বিদ্যযা ত্রয্যা হবিষাগ্নৌ যজেত মাম্ ।
আতিথ্যেন তু বিপ্রাগ্র্যঃ গোষ্বংগ যবসাদিনা ॥ 43॥

বৈষ্ণবে বংধুসত্কৃত্যা হৃদি খে ধ্যাননিষ্ঠযা ।
বাযৌ মুখ্যধিযা তোযে দ্রব্যৈঃ তোযপুরস্কৃতৈঃ ॥ 44॥

স্থংডিলে মংত্রহৃদযৈঃ ভোগৈঃ আত্মানং আত্মনি ।
ক্ষেত্রজ্ঞং সর্বভূতেষু সমত্বেন যজেত মাম্ ॥ 45॥

ধিষ্ণ্যেষু এষু ইতি মদ্রূপং শংখচক্রগদাংবুজৈঃ ।
যুক্তং চতুর্ভুজং শাংতং ধ্যাযন্ অর্চেত্ সমাহিতঃ ॥ 46॥

ইষ্টাপূর্তেন মাং এবং যঃ যজেত সমাহিতঃ ।
লভতে মযি সদ্ভক্তিং মত্স্মৃতিঃ সাধুসেবযা ॥ 47॥

প্রাযেণ ভক্তিযোগেন সত্সংগেন বিনা উদ্ধব ।
ন উপাযঃ বিদ্যতে সধ্র্যঙ্ প্রাযণং হি সতাং অহম্ ॥ 48॥

অথ এতত্ পরমং গুহ্যং শ্রুণ্বতঃ যদুনংদন ।
সুগোপ্যং অপি বক্ষ্যামি ত্বং মে ভৃত্যঃ সুহৃত্ সখা ॥ 49॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
একাদশপূজাবিধানযোগো নাম একাদশোঽধ্যাযঃ ॥ 11॥

অথ দ্বাদশোঽধ্যাযঃ ।
শ্রীভগবান্ উবাচ ।
ন রোধযতি মাং যোগঃ ন স্সাংখ্যং ধর্মঃ এব চ ।
ন স্বাধ্যাযঃ তপঃ ত্যাগঃ ন ইষ্টাপূর্তং ন দক্ষিণা ॥ 1॥

ব্রতানি যজ্ঞঃ ছংদাংসি তীর্থানি নিযমাঃ যমাঃ ।
যথা অবরুংধে সত্সংগঃ সর্বসংগ অপহঃ হি মাম্ ॥ 2॥

সত্সংগেন হি দৈতেযা যাতুধানঃ মৃগাঃ খগাঃ ।
গংধর্ব অপ্সরসঃ নাগাঃ সিদ্ধাঃ চারণগুহ্যকাঃ ॥ 3॥

বিদ্যাধরাঃ মনুষ্যেষু বৈশ্যাঃ শূদ্রাঃ স্ত্রিযঃ অংত্যজাঃ ।
রজঃ তমঃ প্রকৃতযঃ তস্মিন্ তস্মিন্ যুগে অনঘ ॥ 4॥

বহবঃ মত্পদং প্রাপ্তাঃ ত্বাষ্ট্রকাযাধবাদযঃ ।
বৃষপর্বা বলিঃ বাণঃ মযঃ চ অথ বিভীষণঃ ॥ 5॥

সুগ্রীবঃ হনুমান্ ঋক্ষঃ গজঃ গৃধ্রঃ বণিক্পথঃ ।
ব্যাধঃ কুব্জা ব্রজে গোপ্যঃ যজ্ঞপত্ন্যঃ তথা অপরে ॥ 6॥

তে ন অধিতশ্রুতিগণাঃ ন উপাসিতমহত্তমাঃ ।
অব্রতাতপ্ততপসঃ মত্সংগাত্ মাং উপাগতাঃ ॥ 7॥

কেবলেন হি ভাবেন গোপ্যঃ গাবঃ নগাঃ মৃগাঃ ।
যে অন্যে মূঢধিযঃ নাগাঃ সিদ্ধাঃ মাং ঈযুঃ অংজসা ॥ 8॥

যং ন যোগেন সাংখ্যেন দানব্রততপঃ অধ্বরৈঃ ।
ব্যাখ্যাঃ স্বাধ্যাযসংন্যাসৈঃ প্রাপ্নুযাত্ যত্নবান্ অপি ॥ 9॥

রামেণ সার্ধং মথুরাং প্রণীতে
শ্বাফল্কিনা মযি অনুরক্তচিত্তাঃ ।
বিগাঢভাবেন ন মে বিযোগ
তীব্রাধযঃ অন্যং দদৃশুঃ সুখায ॥ 10॥

তাঃ তাঃ ক্ষপাঃ প্রেষ্ঠতমেন নীতাঃ
মযা এব বৃংদাবনগোচরেণ ।
ক্ষণার্ধবত্ তাঃ পুনরংগ তাসাং
হীনা মাযা কল্পসমা বভূবুঃ ॥ 11॥

তাঃ ন অবিদন্ মযি অনুষংগবদ্ধ
ধিযঃ স্বমাত্মানং অদঃ তথা ইদম্ ।
যথা সমাধৌ মুনযঃ অব্ধিতোযে
নদ্যঃ প্রবিষ্টাঃ ইব নামরূপে ॥ 12॥

মত্কামা রমণং জারং অস্বরূপবিদঃ অবলাঃ ।
ব্রহ্ম মাং পরমং প্রাপুঃ সংগাত্ শতসহস্রশঃ ॥ 13॥

তস্মাত্ ত্বং উদ্ধব উত্সৃজ্য চোদনাং প্রতিচোদনাম্ ।
প্রবৃত্তং চ নিবৃত্তং চ শ্রোতব্যং শ্রুতং এব চ ॥ 14॥

মাং একং এব শরণং আত্মানং সর্বদেহিনাম্ ।
যাহি সর্বাত্মভাবেন মযা স্যাঃ হি অকুতোভযঃ ॥ 15॥

উদ্ধবঃ উবাচ ।
সংশযঃ শ্রুণ্বতঃ বাচং তব যোগেশ্বর ঈশ্বর ।
ন নিবর্ততঃ আত্মস্থঃ যেন ভ্রাম্যতি মে মনঃ ॥ 16॥

শ্রীভগবান্ উবাচ ।
সঃ এষ জীবঃ বিবরপ্রসূতিঃ
প্রাণেন ঘোষেণ গুহাং প্রবিষ্টঃ ।
মনোমযং সূক্ষ্মং উপেত্য রূপং
মাত্রা স্বরঃ বর্ণঃ ইতি স্থবিষ্ঠঃ ॥ 17॥

যথা অনলঃ খে অনিলবংধুঃ ঊষ্মা
বলেন দারুণ্যধিমথ্যমানঃ ।
অণুঃ প্রজাতঃ হবিষা সমিধ্যতে
তথা এব মে ব্যক্তিঃ ইযং হি বাণী ॥ 18॥

এবং গদিঃ কর্মগতিঃ বিসর্গঃ
ঘ্রাণঃ রসঃ দৃক্ স্পর্শঃ শ্রুতিঃ চ ।
সংকল্পবিজ্ঞানং অথ অভিমানঃ
সূত্রং রজঃ সত্ত্বতমোবিকারঃ ॥ 19॥

অযং হি জীবঃ ত্রিবৃত্ অব্জযোনিঃ
অব্যক্তঃ একঃ বযসা সঃ আদ্যঃ ।
বিশ্লিষ্টশক্তিঃ বহুধা এব ভাতি
বীজানি যোনিং প্রতিপদ্য যদ্বত্ ॥ 20॥

যস্মিন্ ইদং প্রোতং অশেষং ওতং
পটঃ যথা তংতুবিতানসংস্থঃ ।
যঃ এষ সংসারতরুঃ পুরাণঃ
কর্মাত্মকঃ পুষ্পফলে প্রসূতে ॥ 21॥

দ্বে অস্য বীজে শতমূলঃ ত্রিনালঃ
পংচস্কংধঃ পংচরসপ্রসূতিঃ ।
দশ একশাখঃ দ্বিসুপর্ণনীডঃ
ত্রিবল্কলঃ দ্বিফলঃ অর্কং প্রবিষ্টঃ ॥ 22॥

অদংতি চ একং ফলং অস্য গৃধ্রা
গ্রামেচরাঃ একং অরণ্যবাসাঃ ।
হংসাঃ যঃ একং বহুরূপং ইজ্যৈঃ
মাযামযং বেদ সঃ বেদ বেদম্ ॥ 23॥

এবং গুরু উপাসনযা একভক্ত্যা
বিদ্যাকুঠারেণ শিতেন ধীরঃ ।
বিবৃশ্চ্য জীবাশযং অপ্রমত্তঃ
সংপদ্য চ আত্মানং অথ ত্যজ অস্ত্রম্ ॥ 24॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
দ্বাদশোঽধ্যাযঃ ॥ 12॥

অথ ত্রযোদশোঽধ্যাযঃ ।
শ্রীভগবান্ উবাচ ।
সত্ত্বং রজঃ তমঃ ইতি গুণাঃ বুদ্ধেঃ ন চ আত্মনঃ ।
সত্ত্বেন অন্যতমৌ হন্যাত্ সত্ত্বং সত্ত্বেন চ এব হি ॥ 1॥

সত্ত্বাত্ ধর্মঃ ভবেত্ বৃদ্ধাত্ পুংসঃ মদ্ভক্তিলক্ষণঃ ।
সাত্বিক উপাসযা সত্ত্বং ততঃ ধর্মঃ প্রবর্ততে ॥ 2॥

ধর্মঃ রজঃ তমঃ হন্যাত্ সত্ত্ববৃদ্ধিঃ অনুত্তমঃ ।
আশু নশ্যতি তত্ মূলঃ হি অধর্মঃ উভযে হতে ॥ 3॥

আগমঃ অপঃ প্রজা দেশঃ কালঃ কর্ম চ জন্ম চ ।
ধ্যানং মংত্রঃ অথ সংস্কারঃ দশ এতে গুণহেতবঃ ॥ 4॥

তত্ তত্ সাত্বিকং এব এষাং যত্ যত্ বৃদ্ধাঃ প্রচক্ষতে ।
নিংদংতি তামসং তত্ তত্ রাজসং তত্ উপেক্ষিতম্ ॥ 5॥

সাত্ত্বিকানি এব সেবেত পুমান্ সত্ত্ববিবৃদ্ধযে ।
ততঃ ধর্মঃ ততঃ জ্ঞানং যাবত্ স্মৃতিঃ অপোহনম্ ॥ 6॥

বেণুসংঘর্ষজঃ বহ্নিঃ দগ্ধ্বা শাম্যতি তত্ বনম্ ।
এবং গুণব্যত্যযজঃ দেহঃ শাম্যতি তত্ ক্রিযঃ ॥ 7॥

উদ্ধবঃ উবাচ ।
বিদংতি মর্ত্যাঃ প্রাযেণ বিষযান্ পদং আপদাম্ ।
তথা অপি ভুংজতে কৃষ্ণ তত্ কথং শ্ব খর অজাবত্ ॥ 8॥

শ্রীভগবান্ উবাচ ।
অহং ইতি অন্যথাবুদ্ধিঃ প্রমত্তস্য যথা হৃদি ।
উত্সর্পতি রজঃ ঘোরং ততঃ বৈকারিকং মনঃ ॥ 9॥

রজোযুক্তস্য মনসঃ সংকল্পঃ সবিকল্পকঃ ।
ততঃ কামঃ গুণধ্যানাত্ দুঃসহঃ স্যাত্ হি দুর্মতেঃ ॥ 10॥

করোতি কামবশগঃ কর্মাণি অবিজিতেংদ্রিযঃ ।
দুঃখোদর্কাণি সংপশ্যন্ রজোবেগবিমোহিতঃ ॥ 11।
রজঃ তমোভ্যাং যত্ অপি বিদ্বান্ বিক্ষিপ্তধীঃ পুনঃ ।
অতংদ্রিতঃ মনঃ যুংজন্ দোষদৃষ্টিঃ ন সজ্জতে ॥ 12॥

অপ্রমত্তঃ অনুযুংজীতঃ মনঃ মযি অর্পযন্ শনৈঃ ।
অনির্বিণ্ণঃ যথাকালং জিতশ্বাসঃ জিতাসনঃ ॥ 13॥

এতাবান্ যোগঃ আদিষ্টঃ মত্ শিষ্যৈঃ সনক আদিভিঃ ।
সর্বতঃ মনঃ আকৃষ্য ময্যদ্ধা আবেশ্যতে যথা ॥ 14॥

উদ্ধবঃ উবাচ ।
যদা ত্বং সনক আদিভ্যঃ যেন রূপেণ কেশব ।
যোগং আদিষ্টবান্ এতত্ রূপং ইচ্ছামি বেদিতুম্ ॥ 15॥

শ্রীভগবান্ উবাচ ।
পুত্রাঃ হিরণ্যগর্ভস্য মানসাঃ সনক আদযঃ ।
পপ্রচ্ছুঃ পিতরং সূক্ষ্মাং যোগস্য ঐকাংতিকীং গতিম্ ॥

16॥

সনক আদযঃ ঊচুঃ ।
গুণেষু আবিশতে চেতঃ গুণাঃ চেতসি চ প্রভো ।
কথং অন্যোন্যসংত্যাগঃ মুমুক্ষোঃ অতিতিতীর্ষোঃ ॥ 17॥

শ্রীভগবান্ উবাচ ।
এবং পৃষ্টঃ মহাদেবঃ স্বযংভূঃ ভূতভাবনঃ ।
ধ্যাযমানঃ প্রশ্নবীজং ন অভ্যপদ্যত কর্মধীঃ ॥ 18॥

সঃ মাং অচিংতযত্ দেবঃ প্রশ্নপারতিতীর্ষযা ।
তস্য অহং হংসরূপেণ সকাশং অগমং তদা ॥ 19॥

দৃষ্ট্বা মাং ত উপব্রজ্য কৃত্বা পাদ অভিবংদনম্ ।
ব্রহ্মাণং অগ্রতঃ কৃত্বা পপ্রচ্ছুঃ কঃ ভবান্ ইতি ॥ 20॥

ইতি অহং মুনিভিঃ পৃষ্টঃ তত্ত্বজিজ্ঞাসুভিঃ তদা ।
যত্ অবোচং অহং তেভ্যঃ তত্ উদ্ধব নিবোধ মে ॥ 21॥

বস্তুনঃ যদি অনানাত্বং আত্মনঃ প্রশ্নঃ ঈদৃশঃ ।
কথং ঘটেত বঃ বিপ্রাঃ বক্তুঃ বা মে কঃ আশ্রযঃ ॥ 22॥

পংচাত্মকেষু ভূতেষু সমানেষু চ বস্তুতঃ ।
কঃ ভবান্ ইতি বঃ প্রশ্নঃ বাচারংভঃ হি অনর্থকঃ ॥ 23॥

মনসা বচসা দৃষ্ট্যা গৃহ্যতে অন্যৈঃ অপি ইংদ্রিযৈঃ ।
অহং এব ন মত্তঃ অন্যত্ ইতি বুধ্যধ্বং অংজসা ॥ 24॥

গুণেষু আবিশতে চেতঃ গুণাঃ চেতসি চ প্রজাঃ ।
জীবস্য দেহঃ উভযং গুণাঃ চেতঃ মত্ আত্মনঃ ॥ 25॥

গুণেষু চ আবিশত্ চিত্তং অভীক্ষ্ণং গুণসেবযা ।
গুণাঃ চ চিত্তপ্রভবাঃ মত্ রূপঃ উভযং ত্যজেত্ ॥ 26॥

জাগ্রত্ স্বপ্নঃ সুষুপ্তং চ গুণতঃ বুদ্ধিবৃত্তযঃ ।
তাসাং বিলক্ষণঃ জীবঃ সাক্ষিত্বেন বিনিশ্চিতঃ ॥ 27॥

যঃ হি সংসৃতিবংধঃ অযং আত্মনঃ গুণবৃত্তিদঃ ।
মযি তুর্যে স্থিতঃ জহ্যাত্ ত্যাগঃ তত্ গুণচেতসাম্ ॥ 28॥

অহংকারকৃতং বংধং আত্মনঃ অর্থবিপর্যযম্ ।
বিদ্বান্ নির্বিদ্য সংসারচিংতাং তুর্যে স্থিতঃ ত্যজেত্ ॥ 29॥

যাবত্ নানার্থধীঃ পুংসঃ ন নিবর্তেত যুক্তিভিঃ ।
জাগর্তি অপি স্বপন্ অজ্ঞঃ স্বপ্নে জাগরণং যথা ॥ 30॥

অসত্ত্বাত্ আত্মনঃ অন্যেষাং ভাবানাং তত্ কৃতা ভিদা ।
গতযঃ হেতবঃ চ অস্য মৃষা স্বপ্নদৃশঃ যথা ॥ 31॥

যো জাগরে বহিঃ অনুক্ষণধর্মিণঃ অর্থান্
ভুংক্তে সমস্তকরণৈঃ হৃদি তত্ সদৃক্ষান্ ।
স্বপ্নে সুষুপ্তঃ উপসংহরতে সঃ একঃ
স্মৃতি অন্বযাত্ ত্রিগুণবৃত্তিদৃক্ ইংদ্রিয ঈশঃ ॥ 32॥

এবং বিমৃশ্য গুণতঃ মনসঃ ত্র্যবস্থা
মত্ মাযযা মযি কৃতা ইতি নিশ্চিতার্থাঃ ।
সংছিদ্য হার্দং অনুমানস্ত্ উক্তিতীক্ষ্ণ
জ্ঞানাসিনা ভজতঃ মা অখিলসংশযাধিম্ ॥ 33॥

ঈক্ষেত বিভ্রমং ইদং মনসঃ বিলাসম্
দৃষ্টং বিনষ্টং অতিলোলং অলাতচক্রম্ ।
বিজ্ঞানং একং উরুধা ইব বিভাতি মাযা
স্বপ্নঃ ত্রিধা গুণবিসর্গকৃতঃ বিকল্পঃ ॥ 34॥

দৃষ্টিং ততঃ প্রতিনিবর্ত্য নিবৃত্ততৃষ্ণঃ
তূষ্ণীং ভবেত্ নিজসুখ অনুভবঃ নিরীহঃ ।
সংদৃশ্যতে ক্ব চ যদি ইদং অবস্তুবুদ্ধ্যা
ত্যক্তং ভ্রমায ন ভবেত্ স্মৃতিঃ আনিপাতাত্ ॥ 35॥

দেহং চ নশ্বরং অবস্থিতং উত্থিতং বা
সিদ্ধঃ ন পশ্যতি যতঃ অধ্যগমত্স্বরূপম্ ।
দৈবাত্ অপেতং উত দৈবশাত্ উপেতম্
বাসঃ যথা পরিকৃতং মদিরামদাংধঃ ॥ 36॥

দেহঃ অপি দৈববশগঃ খলু কর্ম যাবত্
স্বারংভকং প্রতিসমীক্ষতঃ এব সাসুঃ ।
তং অপ্রপংচং অধিরূঢসমাধিযোগঃ
স্বাপ্নং পুনঃ ন ভজতে প্রতিবুদ্ধবস্তুঃ ॥ 37॥

মযা এতত্ উক্তং বঃ বিপ্রাঃ গুহ্যং যত্ সাংখ্যযোগযোঃ ।
জানীতং আগতং যজ্ঞং যুষ্মত্ ধর্মবিবক্ষযা ॥ 38॥

অহং যোগস্য সাংখ্যস্য সত্যস্যর্তস্য তেজসঃ ।
পরাযণং দ্বিজশ্রেষ্ঠাঃ শ্রিযঃ কীর্তেঃ দমস্য চ ॥ 39॥

মাং ভজংতি গুণাঃ সর্বে নির্গুণং নিরপেক্ষকম্ ।
সুহৃদং প্রিযং আত্মানং সাম্য অসংগ আদযঃ গুণাঃ ॥ 40॥

ইতি মে ছিন্নসংদেহাঃ মুনযঃ সনক আদযঃ ।
সভাজযিত্বা পরযা ভক্ত্যা অগৃণত সংস্তবৈঃ ॥ 41॥

তৈঃ অহং পূজিতঃ সম্যক্ সংস্তুতঃ পরম ঋষিভিঃ ।
প্রত্যেযায স্বকং ধাম পশ্যতঃ পরমেষ্ঠিনঃ ॥ 42॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
হংসগীতানিরূপণং নাম ত্রযোদশোঽধ্যাযঃ ॥ 13॥

অথ চতুর্দশোঽধ্যাযঃ ।
উদ্ধবঃ উবাচ ।
বদংতি কৃষ্ণ শ্রেযাংসি বহূনি ব্রহ্মবাদিনঃ ।
তেষাং বিকল্পপ্রাধান্যং উত অহো একমুখ্যতা ॥ 1॥

ভবত্ উদাহৃতঃ স্বামিন্ ভক্তিযোগঃ অনপেক্ষিতঃ ।
নিরস্য সর্বতঃ সংগং যেন ত্বযি আবিশেত্ মনঃ ॥ 2॥

শ্রীভগবান্ উবাচ ।
কালেন নষ্টা প্রলযে বাণীযং বেদসংজ্ঞিতা ।
মযা আদৌ ব্রহ্মণে প্রোক্তা ধর্মঃ যস্যাং মদাত্মকঃ ॥ 3॥

তেন প্রোক্তা চ পুত্রায মনবে পূর্বজায সা ।
ততঃ ভৃগু আদযঃ অগৃহ্ণন্ সপ্তব্রহ্মমহর্ষযঃ ॥ 4॥

তেভ্যঃ পিতৃভ্যঃ তত্ পুত্রাঃ দেবদানবগুহ্যকাঃ ।
মনুষ্যাঃ সিদ্ধগংধর্বাঃ সবিদ্যাধরচারণাঃ ॥ 5॥

কিংদেবাঃ কিন্নরাঃ নাগাঃ রক্ষঃ কিংপুরুষ আদযঃ ।
বহ্ব্যঃ তেষাং প্রকৃতযঃ রজঃসত্ত্বতমোভুবঃ ॥ 6॥

যাভিঃ ভূতানি ভিদ্যংতে ভূতানাং মতযঃ তথা ।
যথাপ্রকৃতি সর্বেষাং চিত্রাঃ বাচঃ স্রবংতি হি ॥ 7॥

এবং প্রকৃতিবৈচিত্র্যাত্ ভিদ্যংতে মতযঃ নৃণাম্ ।
পারংপর্যেণ কেষাংচিত্ পাখংডমতযঃ অপরে ॥ 8॥

মন্মাযামোহিতধিযঃ পুরুষাঃ পুরুষর্ষভ ।
শ্রেযঃ বদংতি অনেকাংতং যথাকর্ম যথারুচি ॥ 9॥

ধর্মং একে যশঃ চ অন্যে কামং সত্যং দমং শমম্ ।
অন্যে বদংতি স্বার্থং বা ঐশ্বর্যং ত্যাগভোজনম্ ।
কেচিত্ যজ্ঞতপোদানং ব্রতানি নিযম অন্যমান্ ॥ 10॥

আদি অংতবংতঃ এব এষাং লোকাঃ কর্মবিনির্মিতাঃ ।
দুঃখ উদর্কাঃ তমোনিষ্ঠাঃ ক্ষুদ্র আনংদাঃ শুচ অর্পিতাঃ ॥

11॥

মযি অর্পিত মনঃ সভ্য নিরপেক্ষস্য সর্বতঃ ।
মযা আত্মনা সুখং যত্ তত্ কুতঃ স্যাত্ বিষয আত্মনাম্ ॥

12॥

অকিংচনস্য দাংতস্য শাংতস্য সমচেতসঃ ।
মযা সংতুষ্টমনসঃ সর্বাঃ সুখমযাঃ দিশঃ ॥ 13॥

ন পারমেষ্ঠ্যং ন মহেংদ্রধিষ্ণ্যম্
ন সার্বভৌমং ন রসাধিপত্যম্ ।
ন যোগসিদ্ধীঃ অপুনর্ভবং বা
মযি অর্পিত আত্মা ইচ্ছতি মত্ বিনা অন্যত্ ॥ 14॥

ন তথা মে প্রিযতমঃ আত্মযোনিঃ ন শংকরঃ ।
ন চ সংকর্ষণঃ ন শ্রীঃ ন এব আত্মা চ যথা ভবান্ ॥ 15॥

নিরপেক্ষং মুনিং শাতং নির্বৈরং সমদর্শনম্ ।
অনুব্রজামি অহং নিত্যং পূযেযেতি অংঘ্রিরেণুভিঃ ॥ 16॥

নিষ্কিংচনা মযি অনুরক্তচেতসঃ
শাংতাঃ মহাংতঃ অখিলজীববত্সলাঃ ।
কামৈঃ অনালব্ধধিযঃ জুষংতি যত্
তত্ নৈরপেক্ষ্যং ন বিদুঃ সুখং মম ॥ 17॥

বাধ্যমানঃ অপি মদ্ভক্তঃ বিষযৈঃ অজিতেংদ্রিযঃ ।
প্রাযঃ প্রগল্ভযা ভক্ত্যা বিষযৈঃ ন অভিভূযতে ॥ 18॥

যথা অগ্নিঃ সুসমৃদ্ধ অর্চিঃ করোতি এধাংসি ভস্মসাত্ ।
তথা মদ্বিষযা ভক্তিঃ উদ্ধব এনাংসি কৃত্স্নশঃ ॥ 19॥

ন সাধযতি মাং যোগঃ ন সাংখ্যং ধর্মঃ উদ্ধব ।
ন স্বাধ্যাযঃ তপঃ ত্যাগঃ যথা ভক্তিঃ মম ঊর্জিতা ॥ 20॥

ভক্ত্যা অহং একযা গ্রাহ্যঃ শ্রদ্ধযা আত্মা প্রিযঃ সতাম্ ।
ভক্তিঃ পুনাতি মন্নিষ্ঠা শ্বপাকান্ অপি সংভবাত্ ॥ 21॥

ধর্মঃ সত্যদযা উপেতঃ বিদ্যা বা তপসান্বিতা ।
মদ্ভ্ক্ত্যাপেতং আত্মানং ন সম্যক্ প্রপুনাতি হি ॥ 22॥

কথং বিনা রোমহর্ষং দ্রবতা চেতসা বিনা ।
বিনানংদ অশ্রুকলযা শুধ্যেত্ ভক্ত্যা বিনাশযঃ ॥ 23॥

বাক্ গদ্গদা দ্রবতে যস্য চিত্তম্
রুদতি অভীক্ষ্ণং হসতি ক্বচিত্ চ ।
বিলজ্জঃ উদ্গাযতি নৃত্যতে চ
মদ্ভক্তিযুক্তঃ ভুবনং পুনাতি ॥ 24॥

যথা অগ্নিনা হেম মলং জহাতি
ধ্মাতং পুনঃ স্বং ভজতে চ রূপম্ ।
আত্মা চ কর্মানুশযং বিধূয
মদ্ভক্তিযোগেন ভজতি অথঃ মাম্ ॥ 25॥

যথা যথা আত্মা পরিমৃজ্যতে অসৌ
মত্পুণ্যগাথাশ্রবণ অভিধানৈঃ ।
তথা তথা পশ্যতি বস্তু সূক্ষ্মম্
চক্ষুঃ যথা এব অংজনসংপ্রযুক্তম্ ॥ 26॥

বিষযান্ ধ্যাযতঃ চিত্তং বিষযেষু বিষজ্জতে ।
মাং অনুস্মরতঃ চিত্তং মযি এব প্রবিলীযতে ॥ 27॥

তস্মাত্ অসত্ অভিধ্যানং যথা স্বপ্নমনোরথম্ ।
হিত্বা মযি সমাধত্স্ব মনঃ মদ্ভাবভাবিতম্ ॥ 28॥

স্ত্রীণাং স্ত্রীসংগিনাং সংগং ত্যক্ত্বা দূরতঃ আত্মবান্ ।
ক্ষেমে বিবিক্তঃ আসীনঃ চিংতযেত্ মাং অতংদ্রিতঃ ॥ 29॥

ন তথা অস্য ভবেত্ ক্লেশঃ বংধঃ চ অন্যপ্রসংগতঃ ।
যোষিত্ সংগাত্ যথা পুংসঃ যথা তত্ সংগিসংগতঃ ॥ 30॥

উদ্ধবঃ উবাচ ।
যথা ত্বাং অরবিংদাক্ষ যাদৃশং বা যদাত্মকম্ ।
ধ্যাযেত্ মুমুক্ষুঃ এতত্ মে ধ্যানং মে বক্তুং অর্হসি ॥ 31॥

শ্রীভগবান্ উবাচ ।
সমঃ আসনঃ আসীনঃ সমকাযঃ যথাসুখম্ ।
হস্তৌ উত্সংগঃ আধায স্বনাসাগ্রকৃত ঈক্ষণঃ ॥ 32॥

প্রাণস্য শোধযেত্ মার্গং পূরকুংভকরেচকৈঃ ।
বিপর্যযেণ অপি শনৈঃ অভ্যসেত্ নির্জিতেংদ্রিযঃ ॥ 33॥

হৃদি অবিচ্ছিন্নং ওংকারং ঘংটানাদং বিসোর্ণবত্ ।
প্রাণেন উদীর্য তত্র অথ পুনঃ সংবেশযেত্ স্বরম্ ॥ 34॥

এবং প্রণবসংযুক্তং প্রাণং এব সমভ্যসেত্ ।
দশকৃত্বঃ ত্রিষবণং মাসাত্ অর্বাক্ জিত অনিলঃ ॥35॥

হৃত্পুংডরীকং অংতস্থং ঊর্ধ্বনালং অধোমুখম্ ।
ধ্যাত্বা ঊর্ধ্বমুখং উন্নিদ্রং অষ্টপত্রং সকর্ণিকম্ ॥ 36॥

কর্ণিকাযাং ন্যসেত্ সূর্যসোমাগ্নীন্ উত্তরোত্তরম্ ।
বহ্নিমধ্যে স্মরেত্ রূপং মম এতত্ ধ্যানমংগলম্ ॥ 37॥

সমং প্রশাংতং সুমুখং দীর্ঘচারুচতুর্ভুজম্ ।
সুচারুসুংদরগ্রীবং সুকপোলং শুচিস্মিতম্ ॥ 38॥

সমান কর্ণ বিন্যস্ত স্ফুরন্ মকর কুংডলম্ ।
হেম অংবরং ঘনশ্যামং শ্রীবত্স শ্রীনিকেতনম্ ॥ 39॥

শংখ চক্র গদা পদ্ম বনমালা বিভূষিতম্ ।
নূপুরৈঃ বিলসত্ পাদং কৌস্তুভ প্রভযা যুতম্ ॥ 40॥

দ্যুমত্ কিরীট কটক কটিসূত্র অংগদ অযুতম্ ।
সর্বাংগ সুংদরং হৃদ্যং প্রসাদ সুমুখ ঈক্ষণম্ ॥ 41॥

সুকুমারং অভিধ্যাযেত্ সর্বাংগেষু মনঃ দধত্ ।
ইংদ্রিযাণি ইংদ্রিযেভ্যঃ মনসা আকৃষ্য তত্ মনঃ ।
বুদ্ধ্যা সারথিনা ধীরঃ প্রণযেত্ মযি সর্বতঃ ॥ 42॥

তত্ সর্ব ব্যাপকং চিত্তং আকৃষ্য একত্র ধারযেত্ ।
ন অন্যানি চিংতযেত্ ভূযঃ সুস্মিতং ভাবযেত্ মুখম্ ॥ 43॥

তত্র লব্ধপদং চিত্তং আকৃষ্য ব্যোম্নি ধারযেত্ ।
তত্ চ ত্যক্ত্বা মদারোহঃ ন কিংচিত্ অপি চিংতযেত্ ॥ 44॥

এবং সমাহিতমতিঃ মাং এব আত্মানং আত্মনি ।
বিচষ্টে মযি সর্বাত্মত্ জ্যোতিঃ জ্যোতিষি সংযুতম্ ॥ 45॥

ধ্যানেন ইত্থং সুতীব্রেণ যুংজতঃ যোগিনঃ মনঃ ।
সংযাস্যতি আশু নির্বাণং দ্রব্য জ্ঞান ক্রিযা ভ্রমঃ ॥ 46॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
ভক্তিরহস্যাবধারণযোগো নাম চতুর্দশোঽধ্যাযঃ ॥ 14॥

অথ পংচদশোঽধ্যাযঃ ।
শ্রীভগবান্ উবাচ ।
জিতেংদ্রিযস্য যুক্তস্য জিতশ্বাসস্য যোগিনঃ
মযি ধারযতঃ চেতঃ উপতিষ্ঠংতি সিদ্ধযঃ ॥ 1॥

উদ্ধবঃ উবাচ ।
কযা ধারণযা কাস্বিত্ কথংস্বিত্ সিদ্ধিঃ অচ্যুত ।
কতি বা সিদ্ধযঃ ব্রূহি যোগিনাং সিদ্ধিদঃ ভবান্ ॥ 2॥

শ্রীভগবান্ উবাচ ।
সিদ্ধযঃ অষ্টাদশ প্রোক্তা ধারণাযোগপারগৈঃ ।
তাসাং অষ্টৌ মত্ প্রধানাঃ দশঃ এব গুণহেতবঃ ॥ 3॥

অণিমা মহিমা মূর্তেঃ লঘিমা প্রাপ্তিঃ ইংদ্রিযৈঃ ।
প্রাকাম্যং শ্রুতদৃষ্টেষু শক্তিপ্রেরণং ঈশিতা ॥ 4॥

গুণেষু অসংগঃ বশিতা যত্ কামঃ তত্ অবস্যতি ।
এতাঃ মে সিদ্ধযঃ সৌম্য অষ্টৌ উত্পত্তিকাঃ মতাঃ ॥ 5॥

অনূর্মিমত্ত্বং দেহে অস্মিন্ দূরশ্রবণদর্শনম্ ।
মনোজবঃ কামরূপং পরকাযপ্রবেশনম্ ॥ 6॥

স্বচ্ছংদমৃত্যুঃ দেবানাং সহক্রীডানুদর্শনম্ ।
যথাসংকল্পসংসিদ্ধিঃ আজ্ঞাপ্রতিহতা গতিঃ ॥ 7॥

ত্রিকালজ্ঞত্বং অদ্বংদ্বং পরচিত্তাদি অভিজ্ঞতা ।
অগ্নি অর্ক অংবু বিষ আদীনাং প্রতিষ্টংভঃ অপরাজযঃ ॥ 8॥

এতাঃ চ উদ্দেশতঃ প্রোক্তা যোগধারণসিদ্ধযঃ ।
যযা ধারণযা যা স্যাত্ যথা বা স্যাত্ নিবোধ মে ॥ 9॥

ভূতসূক্ষ্ম আত্মনি মযি তন্মাত্রং ধারযেত্ মনঃ ।
অণিমানং অবাপ্নোতি তন্মাত্র উপাসকঃ মম ॥ 10॥

মহতি আত্মন্ মযি পরে যথাসংস্থং মনঃ দধত্ ।
মহিমানং অবাপ্নোতি ভূতানাং চ পৃথক্ পৃথক্ ॥ 11॥

পরমাণুমযে চিত্তং ভূতানাং মযি রংজযন্ ।
কালসূক্ষ্মাত্মতাং যোগী লঘিমানং অবাপ্নুযাত্ ॥ 12॥

ধারযন্ মযি অহংতত্ত্বে মনঃ বৈকারিকে অখিলম্ ।
সর্বেংদ্রিযাণাং আত্মত্বং প্রাপ্তিং প্রাপ্নোতি মন্মনাঃ ॥ 13॥

মহতি আত্মনি যঃ সূত্রে ধারযেত্ মযি মানসম্ ।
প্রাকাম্যং পারমেষ্ঠ্যং মে বিংদতে অব্যক্তজন্মনঃ ॥ 14॥

বিষ্ণৌ ত্র্যধি ঈশ্বরে চিত্তং ধারযেত্ কালবিগ্রহে ।
সঃ ঈশিত্বং অবাপ্নোতি ক্ষেত্রক্ষেত্রজ্ঞচোদনাম্ ॥ 15॥

নারাযণে তুরীযাখ্যে ভগবত্ শব্দশব্দিতে ।
মনঃ মযি আদধত্ যোগী মত্ ধর্মাঃ বহিতাং ইযাত্ ॥ 16॥

নির্গুণে ব্রহ্মণি মযি ধারযন্ বিশদং মনঃ ।
পরমানংদং আপ্নোতি যত্র কামঃ অবসীযতে ॥ 17॥

শ্বেতদীপপতৌ চিত্তং শুদ্ধে ধর্মমযে মযি ।
ধারযন্ শ্বেততাং যাতি ষডূর্মিরহিতঃ নরঃ ॥ 18॥

মযি আকাশ আত্মনি প্রাণে মনসা ঘোষং উদ্বহন্ ।
তত্র উপলব্ধা ভূতানাং হংসঃ বাচঃ শ্রুণোতি অসৌ ॥ 19॥

চক্ষুঃ ত্বষ্টরি সংযোজ্য ত্বষ্টারং অপি চক্ষুষি ।
মাং তত্র মনসা ধ্যাযন্ বিশ্বং পশ্যতি সূক্ষ্মদৃক্ ॥ 20॥

মনঃ মযি সুসংযোজ্য দেহং তদনু বাযুনা ।
মদ্ধারণ অনুভাবেন তত্র আত্মা যত্র বৈ মনঃ ॥ 21॥

যদা মনঃ উপাদায যত্ যত্ রূপং বুভূষতি ।
তত্ তত্ ভবেত্ মনোরূপং মদ্যোগবলং আশ্রযঃ ॥ 22॥

পরকাযং বিশন্ সিদ্ধঃ আত্মানং তত্র ভাবযেত্ ।
পিংডং হিত্বা বিশেত্ প্রাণঃ বাযুভূতঃ ষডংঘ্রিবত্ ॥ 23॥

পার্ষ্ণ্যা আপীড্য গুদং প্রাণং হৃত্ উরঃ কংঠ মূর্ধসু ।
আরোপ্য ব্রহ্মরংধ্রেণ ব্রহ্ম নীত্বা উত্সৃজেত্ তনুম্ ॥ 24॥

বিহরিষ্যন্ সুরাক্রীডে মত্স্থং সত্ত্বং বিভাবযেত্ ।
বিমানেন উপতিষ্ঠংতি সত্ত্ববৃত্তীঃ সুরস্ত্রিযঃ ॥ 25॥

যথা সংকল্পযেত্ বুদ্ধ্যা যদা বা মত্পরঃ পুমান্ ।
মযি সত্যে মনঃ যুংজন্ তথা তত্ সমুপাশ্নুতে ॥ 26॥

যঃ বৈ মদ্ভাবং আপন্নঃ ঈশিতুঃ বশিতুঃ পুমান্ ।
কুতশ্চিত্ ন বিহন্যেত তস্য চ আজ্ঞা যথা মম ॥ 27॥

মদ্ভক্ত্যা শুদ্ধসত্ত্বস্য যোগিনঃ ধারণাবিদঃ ।
তস্য ত্রৈকালিকী বুদ্ধিঃ জন্ম মৃত্যু উপবৃংহিতা ॥ 28॥

অগ্নি আদিভিঃ ন হন্যেত মুনেঃ যোগং অযং বপুঃ ।
মদ্যোগশ্রাংতচিত্তস্য যাদসাং উদকং যথা ॥ 29॥

মদ্বিভূতিঃ অভিধ্যাযন্ শ্রীবত্স অস্ত্রবিভূষিতাঃ ।
ধ্বজাতপত্রব্যজনৈঃ সঃ ভবেত্ অপরাজিতঃ ॥ 30॥

উপাসকস্য মাং এবং যোগধারণযা মুনেঃ ।
সিদ্ধযঃ পূর্বকথিতাঃ উপতিষ্ঠংতি অশেষতঃ ॥ 31॥

জিতেংদ্রিযস্য দাংতস্য জিতশ্বাস আত্মনঃ মুনেঃ ।
মদ্ধারণাং ধারযতঃ কা সা সিদ্ধিঃ সুদুর্লভা ॥ 32॥

অংতরাযান্ বদংতি এতাঃ যুংজতঃ যোগং উত্তমম্ ।
মযা সংপদ্যমানস্য কালক্ষেপণহেতবঃ ॥ 33॥

জন্ম ওষধি তপো মংত্রৈঃ যাবতীঃ ইহ সিদ্ধযঃ ।
যোগেন আপ্নোতি তাঃ সর্বাঃ ন অন্যৈঃ যোগগতিং ব্রজেত্ ॥ 34॥

সর্বাসাং অপি সিদ্ধীনাং হেতুঃ পতিঃ অহং প্রভুঃ ।
অহং যোগস্য সাংখ্যস্য ধর্মস্য ব্রহ্মবাদিনাম্ ॥ 35॥

অহং আত্মা অংতরঃ বাহ্যঃ অনাবৃতঃ সর্বদেহিনাম্ ।
যথা ভূতানি ভূতেষু বহিঃ অংতঃ স্বযং তথা ॥ 36॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
সিদ্ধনিরূপণযোগো নাম পংচদশোঽধ্যাযঃ ॥ 15॥

অথ ষোডশোঽধ্যাযঃ ।
উদ্ধবঃ উবাচ ।
ত্বং ব্রহ্ম পরমং সাক্ষাত্ অনাদি অনংতং অপাবৃতম্ ।
সর্বেষাং অপি ভাবানাং ত্রাণস্থিতি অপ্যয উদ্ভবঃ ॥ 1॥

উচ্চাবচেষু ভূতেষু দুর্জ্ঞেযং অকৃত আত্মভিঃ ।
উপাসতে ত্বাং ভগবন্ যাথাতথ্যেন ব্রাহ্মণাঃ ॥ 2॥

যেষু যেষু চ ভাবেষু ভক্ত্যা ত্বাং পরমর্ষযঃ ।
উপাসীনাঃ প্রপদ্যংতে সংসিদ্ধিং তত্ বদস্ব মে ॥ 3॥

গূঢঃ চরসি ভূতাত্মা ভূতানাং ভূতভাবন ।
ন ত্বাং পশ্যংতি ভূতানি পশ্যংতং মোহিতানি তে ॥ 4॥

যাঃ কাঃ চ ভূমৌ দিবি বৈ রসাযাম্
বিভূতযঃ দিক্ষু মহাবিভূতে ।
তাঃ মহ্যং আখ্যাহি অনুভাবিতাঃ তে
নমামি তে তীর্থ পদ অংঘ্রিপদ্মম্ ॥ 5॥

শ্রীভগবান্ উবাচ ।
এবং এতত্ অহং পৃষ্টঃ প্রশ্নং প্রশ্নবিদাং বর ।
যুযুত্সুনা বিনশনে সপত্নৈঃ অর্জুনেন বৈ ॥ 6॥

জ্ঞাত্বা জ্ঞাতিবধং গর্হ্যং অধর্মং রাজ্যহেতুকম্ ।
ততঃ নিবৃত্তঃ হংতা অহং হতঃ অযং ইতি লৌকিকঃ ॥ 7॥

সঃ তদা পুরুষব্যাঘ্রঃ যুক্ত্যা মে প্রতিবোধিতঃ ।
অভ্যভাষত মাং এবং যথা ত্বং রণমূর্ধনি ॥ 8॥

অহং আত্মা উদ্ধব আমীষাং ভূতানাং সুহৃত্ ঈশ্বরঃ ।
অহং সর্বাণি ভূতানি তেষাং স্থিতি উদ্ভব অপ্যযঃ ॥ 9॥

অহং গতিঃ গতিমতাং কালঃ কলযতাং অহম্ ।
গুণানাং চ অপি অহং সাম্যং গুণিন্যা উত্পত্তিকঃ গুণঃ ॥ 10॥

গুণিনাং অপি অহং সূত্রং মহতাং চ মহান্ অহম্ ।
সূক্ষ্মাণাং অপি অহং জীবঃ দুর্জযানাং অহং মনঃ ॥ 11॥

হিরণ্যগর্ভঃ বেদানাং মংত্রাণাং প্রণবঃ ত্রিবৃত্ ।
অক্ষরাণাং অকারঃ অস্মি পদানি ছংদসাং অহম্ ॥ 12॥

ইংদ্রঃ অহং সর্বদেবানাং বসূনামস্মি হব্যবাট্ ।
আদিত্যানাং অহং বিষ্ণূ রুদ্রাণাং নীললোহিতঃ ॥ 13॥

ব্রহ্মর্ষীণাং ভৃগুঃ অহং রাজর্ষীণাং অহং মনুঃ ।
দেবর্ষিণাং নারদঃ অহং হবির্ধানি অস্মি ধেনুষু ॥ 14॥

সিদ্ধেশ্বরাণাং কপিলঃ সুপর্ণঃ অহং পতত্রিণাম্ ।
প্রজাপতীনাং দক্ষঃ অহং পিতৄণাং অহং অর্যমা ॥ 15॥

মাং বিদ্ধি উদ্ধব দৈত্যানাং প্রহ্লাদং অসুরেশ্বরম্ ।
সোমং নক্ষত্র ওষধীনাং ধনেশং যক্ষরক্ষসাম্ ॥ 16॥

ঐরাবতং গজেংদ্রাণাং যাদসাং বরুণং প্রভুম্ ।
তপতাং দ্যুমতাং সূর্যং মনুষ্যাণাং চ ভূপতিম্ ॥ 17॥

উচ্চৈঃশ্রবাঃ তুরংগাণাং ধাতূনাং অস্মি কাংচনম্ ।
যমঃ সংযমতাং চ অহং সর্পাণাং অস্মি বাসুকিঃ ॥ 18॥

নাগেংদ্রাণাং অনংতঃ অহং মৃগেংদ্রঃ শ‍ঋংগিদংষ্ট্রিণাম্ ।
আশ্রমাণাং অহং তুর্যঃ বর্ণানাং প্রথমঃ অনঘ ॥ 19॥

তীর্থানাং স্রোতসাং গংগা সমুদ্রঃ সরসাং অহম্ ।
আযুধানাং ধনুঃ অহং ত্রিপুরঘ্নঃ ধনুষ্মতাম্ ॥ 20॥

ধিষ্ণ্যানাং অস্মি অহং মেরুঃ গহনানাং হিমালযঃ ।
বনস্পতীনাং অশ্বত্থঃ ওষধীনাং অহং যবঃ ॥ 21॥

পুরোধসাং বসিষ্ঠঃ অহং ব্রহ্মিষ্ঠানাং বৃহস্পতিঃ ।
স্কংদঃ অহং সর্বসেনান্যাং অগ্রণ্যাং ভগবান্ অজঃ ॥ 22॥

যজ্ঞানাং ব্রহ্মযজ্ঞঃ অহং ব্রতানাং অবিহিংসনম্ ।
বাযু অগ্নি অর্ক অংবু বাক্ আত্মা শুচীনাং অপি অহং শুচিঃ ॥ 23॥

যোগানাং আত্মসংরোধঃ মংত্রঃ অস্মি বিজিগীষতাম্ ।
আন্বীক্ষিকী কৌশলানাং বিকল্পঃ খ্যাতিবাদিনাম্ ॥ 24॥

স্ত্রীণাং তু শতরূপা অহং পুংসাং স্বাযংভুবঃ মনুঃ ।
নারাযণঃ মুনীনাং চ কুমারঃ ব্রহ্মচারিণাম্ ॥ 25॥

ধর্মাণাং অস্মি সংন্যাসঃ ক্ষেমাণাং অবহিঃ মতিঃ ।
গুহ্যানাং সূনৃতং মৌনং মিথুনানাং অজঃ তু অহম্ ॥ 26॥

সংবত্সরঃ অস্মি অনিমিষাং ঋতূনাং মধুমাধবৌ ।
মাসানাং মার্গশীর্ষঃ অহং নক্ষত্রাণাং তথা অভিজিত্ ॥ 27॥

অহং যুগানাং চ কৃতং ধীরাণাং দেবলঃ অসিতঃ ।
দ্বৈপাযনঃ অস্মি ব্যাসানাং কবীনাং কাব্যঃ আত্মবান্ ॥ 28॥

বাসুদেবঃ ভগবতাং ত্বং ভাগবতেষু অহম্ ।
কিংপুরুষাণাং হনুমান্ বিদ্যাঘ্রাণাং সুদর্শনঃ ॥ 29॥

রত্নানাং পদ্মরাগঃ অস্মি পদ্মকোশঃ সুপেশসাম্ ।
কুশঃ অস্মি দর্ভজাতীনাং গব্যং আজ্যং হবিষ্ষু অহম্ ॥

30॥

ব্যবসাযিনাং অহং লক্ষ্মীঃ কিতবানাং ছলগ্রহঃ ।
তিতিক্ষা অস্মি তিতিক্ষণাং সত্ত্বং সত্ত্ববতাং অহম্ ॥ 31॥

ওজঃ সহোবলবতাং কর্ম অহং বিদ্ধি সাত্ত্বতাম্ ।
সাত্ত্বতাং নবমূর্তীনাং আদিমূর্তিঃ অহং পরা ॥ 32॥

বিশ্বাবসুঃ পূর্বচিত্তিঃ গংধর্ব অপ্সরসাং অহম্ ।
ভূধরাণাং অহং স্থৈর্যং গংধমাত্রং অহং ভুবঃ ॥ 33॥

অপাং রসঃ চ পরমঃ তেজিষ্ঠানাং বিভাবসুঃ ।
প্রভা সূর্য ইংদু তারাণাং শব্দঃ অহং নভসঃ পরঃ ॥ 34॥

ব্রহ্মণ্যানাং বলিঃ অহং বিরাণাং অহং অর্জুনঃ ।
ভূতানাং স্থিতিঃ উত্পত্তিঃ অহং বৈ প্রতিসংক্রমঃ ॥ 35॥

গতি উক্তি উত্সর্গ উপাদানং আনংদ স্পর্শ লক্ষণম্ ।
আস্বাদ শ্রুতি অবঘ্রাণং অহং সর্বেংদ্রিয ইংদ্রিযম্ ॥ 36॥

পৃথিবী বাযুঃ আকাশঃ আপঃ জ্যোতিঃ অহং মহান্ ।
বিকারঃ পুরুষঃ অব্যক্তং রজঃ সত্ত্বং তমঃ পরম্ ।
অহং এতত্ প্রসংখ্যানং জ্ঞানং সত্ত্ববিনিশ্চযঃ ॥ 37॥

মযা ঈশ্বরেণ জীবেন গুণেন গুণিনা বিনা ।
সর্বাত্মনা অপি সর্বেণ ন ভাবঃ বিদ্যতে ক্বচিত্ ॥ 38॥

সংখ্যানং পরমাণূনাং কালেন ক্রিযতে মযা ।
ন তথা মে বিভূতীনাং সৃজতঃ অংডানি কোটিশঃ ॥ 39॥

তেজঃ শ্রীঃ কীর্তিঃ ঐশ্বর্যং হ্রীঃ ত্যাগঃ সৌভগং ভগঃ ।
বীর্যং তিতিক্ষা বিজ্ঞানং যত্র যত্র স মে অংশকঃ ॥ 40॥

এতাঃ তে কীর্তিতাঃ সর্বাঃ সংক্ষেপেণ বিভূতযঃ ।
মনোবিকারাঃ এব এতে যথা বাচা অভিধীযতে ॥ 41॥

বাচং যচ্ছ মনঃ যচ্ছ প্রাণানি যচ্ছ ইংদ্রিযাণি চ ।
আত্মানং আত্মনা যচ্ছ ন ভূযঃ কল্পসে অধ্বনে ॥ 42॥

যঃ বৈ বাক্ মনসি সম্যক্ অসংযচ্ছন্ ধিযা যতিঃ ।
তস্য ব্রতং তপঃ দানং স্রবত্যামঘটাংবুবত্ ॥ 43॥

তস্মাত্ মনঃ বচঃ প্রাণান্ নিযচ্ছেত্ মত্ পরাযণঃ ।
মত্ ভক্তি যুক্তযা বুদ্ধ্যা ততঃ পরিসমাপ্যতে ॥ 44॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
বিভূতিযোগো নাম ষোডশোঽধ্যাযঃ ॥ 16॥

অথ সপ্তদশোঽধ্যাযঃ ।
উদ্ধবঃ উবাচ ।
যঃ ত্বযা অভিতঃ পূর্বং ধর্মঃ ত্বত্ ভক্তিলক্ষণঃ ।
বর্ণাশ্রম আচারবতাং সর্বেষাং দ্বিপদাং অপি ॥ 1॥

যথা অনুষ্ঠীযমানেন ত্বযি ভক্তিঃ নৃণাং ভবেত্ ।
স্বধর্মেণ অরবিংদাক্ষ তত্ সমাখ্যাতুং অর্হসি ॥ 2॥

পুরা কিল মহাবাহো ধর্মং পরমকং প্রভো ।
যত্ তেন হংসরূপেণ ব্রহ্মণে অভ্যাত্থ মাধব ॥ 3॥

সঃ ইদানীং সুমহতা কালেন অমিত্রকর্শন ।
ন প্রাযঃ ভবিতা মর্ত্যলোকে প্রাক্ অনুশাসিতঃ ॥ 4॥

বক্তা কর্তা অবিতা ন অন্যঃ ধর্মস্য অচ্যুত তে ভুবি ।
সভাযাং অপি বৈরিংচ্যাং যত্র মূর্তিধরাঃ কলাঃ ॥ 5॥

কর্ত্রা অবিত্রা প্রবক্ত্রা চ ভবতা মধুসূদন ।
ত্যক্তে মহীতলে দেব বিনষ্টং কঃ প্রবক্ষ্যতি ॥ 6॥

তত্ত্বং নঃ সর্বধর্মজ্ঞ ধর্মঃ ত্বত্ ভক্তিলক্ষণঃ ।
যথা যস্য বিধীযেত তথা বর্ণয মে প্রভো ॥ 7॥

শ্রীশুকঃ উবাচ ।
ইত্থং স্বভৃত্যমুখ্যেন পৃষ্টঃ সঃ ভগবান্ হরিঃ ।
প্রীতঃ ক্ষেমায মর্ত্যানাং ধর্মান্ আহ সনাতনান্ ॥ 8॥

শ্রীভগবান্ উবাচ ।
ধর্ম্যঃ এষ তব প্রশ্নঃ নৈঃশ্রেযসকরঃ নৃণাম্ ।
বর্ণাশ্রম আচারবতাং তং উদ্ধব নিবোধ মে ॥ 9॥

আদৌ কৃতযুগে বর্ণঃ নৃণাং হংসঃ ইতি স্মৃতঃ ।
কৃতকৃত্যাঃ প্রজাঃ জাত্যাঃ তস্মাত্ কৃতযুগং বিদুঃ ॥ 10॥

বেদঃ প্রণবঃ এব অগ্রে ধর্মঃ অহং বৃষরূপধৃক্ ।
উপাসতে তপোনিষ্ঠাং হংসং মাং মুক্তকিল্বিষাঃ ॥ 11॥

ত্রেতামুখে মহাভাগ প্রাণাত্ মে হৃদযাত্ ত্রযী ।
বিদ্যা প্রাদুঃ অভূত্ তস্যাঃ অহং আসং ত্রিবৃন্মখঃ ॥ 12॥

বিপ্র ক্ষত্রিয বিট্ শূদ্রাঃ মুখ বাহু উরু পাদজাঃ ।
বৈরাজাত্ পুরুষাত্ জাতাঃ যঃ আত্মাচারলক্ষণাঃ ॥ 13॥

গৃহাশ্রমঃ জঘনতঃ ব্রহ্মচর্যং হৃদঃ মম ।
বক্ষঃস্থানাত্ বনে বাসঃ ন্যাসঃ শীর্ষণি সংস্থিতঃ ॥ 14॥

বর্ণানাং আশ্রমাণাং চ জন্মভূমি অনুসারিণীঃ ।
আসন্ প্রকৃতযঃ নৄণাং নীচৈঃ নীচ উত্তম উত্তমাঃ ॥ 15॥

শমঃ দমঃ তপঃ শৌচং সংতোষঃ ক্ষাংতিঃ আর্জবম্ ।
মদ্ভক্তিঃ চ দযা সত্যং ব্রহ্মপ্রকৃতযঃ তু ইমাঃ ॥ 16॥

তেজঃ বলং ধৃতিঃ শৌর্যং তিতিক্ষা ঔদার্যং উদ্যমঃ ।
স্থৈর্যং ব্রহ্মণি অত ঐশ্বর্যং ক্ষত্রপ্রকৃতযঃ তু ইমাঃ ॥

17॥

আস্তিক্যং দাননিষ্ঠা চ অদংভঃ ব্রহ্মসেবনম্ ।
অতুষ্টিঃ অর্থ উপচযৈঃ বৈশ্যপ্রকৃতযঃ তু ইমাঃ ॥ 18॥

শুশ্রূষণং দ্বিজগবাং দেবানাং চ অপি অমাযযা ।
তত্র লব্ধেন সংতোষঃ শূদ্রপ্রকৃতযঃ তু ইমাঃ ॥ 19॥

অশৌচং অনৃতং স্তেযং নাস্তিক্যং শুষ্কবিগ্রহঃ ।
কামঃ ক্রোধঃ চ তর্ষঃ চ স্বভাবঃ অংতেবসাযিনাম্ ॥ 20॥

অহিংসা সত্যং অস্তেযং অকামক্রোধলোভতা ।
ভূতপ্রিযহিতেহা চ ধর্মঃ অযং সার্ববর্ণিকঃ ॥ 21॥

দ্বিতীযং প্রাপ্য অনুপূর্ব্যাত্ জন্ম উপনযনং দ্বিজঃ ।
বসন্ গুরুকুলে দাংতঃ ব্রহ্ম অধীযীত চ আহুতঃ ॥ 22॥

মেখলা অজিন দংড অক্ষ ব্রহ্মসূত্র কমংডলূন্ ।
জটিলঃ অধৌতদদ্বাসঃ অরক্তপীঠঃ কুশান্ দধত্ ॥ 23॥

স্নান ভোজন হোমেষু জপ উচ্চারে চ বাগ্যতঃ ।
ন চ্ছিংদ্যাত্ নখ রোমাণি কক্ষ উপস্থগতানি অপি ॥ 24॥

রেতঃ ন অবরিকেত্ জাতু ব্রহ্মব্রতধরঃ স্বযম্ ।
অবকীর্ণে অবগাহ্য অপ্সু যতাসুঃ ত্রিপদীং জপেত্ ॥ 25॥

অগ্নি অর্ক আচার্য গো বিপ্র গুরু বৃদ্ধ সুরান্ শুচিঃ ।
সমাহিতঃ উপাসীত সংধ্যে চ যতবাক্ জপন্ ॥ 26॥

আচার্যং মাং বিজানীযাত্ ন অবমন্যেত কর্হিচিত্ ।
ন মর্ত্যবুদ্ধি আসূযেত সর্বদেবমযঃ গুরুঃ ॥ 27॥

সাযং প্রাতঃ উপানীয ভৈক্ষ্যং তস্মৈ নিবেদযেত্ ।
যত্ চ অন্যত্ অপি অনুজ্ঞাতং উপযুংজীত সংযতঃ ॥ 28॥

শুশ্রূষমাণঃ আচার্যং সদা উপাসীত নীচবত্ ।
যান শয্যা আসন স্থানৈঃ ন অতিদূরে কৃতাংজলিঃ ॥ 29॥

এবংবৃত্তঃ গুরুকুলে বসেত্ ভোগবিবর্জিতঃ ।
বিদ্যা সমাপ্যতে যাবত্ বিভ্রত্ ব্রতং অখংডিতম্ ॥ 30॥

যদি অসৌ ছংদসাং লোকং আরোক্ষ্যন্ ব্রহ্মবিষ্টপম্ ।
গুরবে বিন্যসেত্ দেহং স্বাধ্যাযার্থং বৃহত্ ব্রতঃ ॥ 31॥

অগ্নৌ গুরৌ আত্মনি চ সর্বভূতেষু মাং পরম্ ।
অপৃথক্ ধীঃ উপাসীত ব্রহ্মবর্চস্বী অকল্মষঃ ॥ 32॥

স্ত্রীণাং নিরীক্ষণ স্পর্শ সংলাপ ক্ষ্বেলন আদিকম্ ।
প্রাণিনঃ মিথুনীভূতান্ অগৃহস্থঃ অগ্রতঃ ত্যজেত্ ॥ 33॥

শৌচং আচমনং স্নানং সংধ্যা উপাসনং আর্জবম্ ।
তীর্থসেবা জপঃ অস্পৃশ্য অভক্ষ্য অসংভাষ্য বর্জনম্ ॥

34॥

সর্ব আশ্রম প্রযুক্তঃ অযং নিযমঃ কুলনংদন।
মদ্ভাবঃ সর্বভূতেষু মনোবাক্কায সংযমঃ ॥ 35॥

এবং বৃহত্ ব্রতধরঃ ব্রাহ্মণঃ অগ্নিঃ ইব জ্বলন্ ।
মদ্ভক্তঃ তীব্রতপসা দগ্ধকর্ম আশযঃ অমলঃ ॥ 36॥

অথ অনংতরং আবেক্ষ্যন্ যথা জিজ্ঞাসিত আগমঃ ।
গুরবে দক্ষিণাং দত্ত্বা স্নাযত্ গুরু অনুমোদিতঃ ॥ 37॥

গৃহং বনং বা উপবিশেত্ প্রব্রজেত্ বা দ্বিজ উত্তমঃ ।
আশ্রমাত্ আশ্রমং গচ্ছেত্ ন অন্যথা মত্পরঃ চরেত্ ॥ 38॥

গৃহার্থী সদৃশীং ভার্যাং উদ্বহেত্ অজুগুপ্সিতাম্ ।
যবীযসীং তু বযসা যাং সবর্ণাং অনুক্রমাত্ ॥ 39॥

ইজ্য অধ্যযন দানানি সর্বেষাং চ দ্বিজন্মনাম্ ।
প্রতিগ্রহঃ অধ্যাপনং চ ব্রাহ্মণস্য এব যাজনম্ ॥ 40॥

প্রতিগ্রহং মন্যমানঃ তপঃ তেজোযশোনুদম্ ।
অন্যাভ্যাং এব জীবেত শিলৈঃ বা দোষদৃক্ তযোঃ ॥ 41॥

ব্রাহ্মণস্য হি দেহঃ অযং ক্ষুদ্রকামায ন ইষ্যতে ।
কৃচ্ছ্রায তপসে চ ইহ প্রেত্য অনংতসুখায চ ॥ 42॥

শিলোংছবৃত্ত্যা পরিতুষ্টচিত্তঃ
ধর্মং মহাংতং বিরজং জুষাণঃ ।
মযি অর্পিতাত্মা গৃহঃ এব তিষ্ঠন্
ন অতিপ্রসক্তঃ সমুপৈতি শাংতিম্ ॥ 43॥

সমুদ্ধরংতি যে বিপ্রং সীদংতং মত্পরাযণম্ ।
তান্ উদ্ধরিষ্যে ন চিরাত্ আপদ্ভ্যঃ নৌঃ ইব অর্ণবাত্ ॥ 44॥

সর্বাঃ সমুদ্ধরেত্ রাজা পিতা ইব ব্যসনাত্ প্রজাঃ ।
আত্মানং আত্মনা ধীরঃ যথা গজপতিঃ গজান্ ॥ 45॥

এবংবিধঃ নরপতিঃ বিমানেন অর্কবচসা ।
বিধূয ইহ অশুভং কৃত্স্নং ইংদ্রেণ সহ মোদতে ॥ 46॥

সীদন্ বিপ্রঃ বণিক্ বৃত্ত্যা পণ্যৈঃ এব আপদং তরেত্ ।
খড্গেন বা আপদাক্রাংতঃ ন শ্ববৃত্ত্যা কথংচন ॥ 47॥

বৈশ্যবৃত্ত্যা তু রাজন্ যঃ জীবেত্ মৃগযযা আপদি ।
চরেত্ বা বিপ্ররূপেণ ন শ্ববৃত্ত্যা কথংচন ॥ 48॥

শূদ্রবৃত্তিং ভজেত্ বৈশ্যঃ শূদ্রঃ কারুকটপ্রিযাম্ ।
কৃচ্ছ্রাত্ মুক্তঃ ন গর্হ্যেণ বৃত্তিং লিপ্সেত কর্মণা ॥ 49॥

বেদ অধ্যায স্বধা স্বাহা বলি অন্ন আদ্যৈঃ যথা উদযম্ ।
দেবর্ষি পিতৃভূতানি মদ্রূপাণি অন্বহং যজেত্ ॥ 50॥

যদৃচ্ছযা উপপন্নেন শুক্লেন উপার্জিতেন বা ।
ধনেন অপীডযন্ ভৃত্যান্ ন্যাযেন এব আহরেত্ ক্রতূন্ ॥ 51॥

কুটুংবেষু ন সজ্জেত ন প্রমাদ্যেত্ কুটুংবি অপি ।
বিপশ্চিত্ নশ্বরং পশ্যেত্ অদৃষ্টং অপি দৃষ্টবত্ ॥ 52॥

পুত্র দারা আপ্ত বংধূনাং সংগমঃ পাংথসংগমঃ ।
অনুদেহং বিযংতি এতে স্বপ্নঃ নিদ্রানুগঃ যথা ॥ 53॥

ইত্থং পরিমৃশন্ মুক্তঃ গৃহেষু অতিথিবত্ বসন্ ।
ন গৃহৈঃ অনুবধ্যেত নির্মমঃ নিরহংকৃতঃ ॥ 54॥

কর্মভিঃ গৃহং এধীযৈঃ ইষ্ট্বা মাং এব ভক্তিমান্ ।
তিষ্ঠেত্ বনং বা উপবিশেত্ প্রজাবান্ বা পরিব্রজেত্ ॥ 55॥

যঃ তু আসক্তং অতিঃ গেহে পুত্র বিত্তৈষণ আতুরঃ ।
স্ত্রৈণঃ কৃপণধীঃ মূঢঃ মম অহং ইতি বধ্যতে ॥ 56॥

অহো মে পিতরৌ বৃদ্ধৌ ভার্যা বালাত্মজা আত্মজাঃ ।
অনাথাঃ মাং ঋতে দীনাঃ কথং জীবংতি দুঃখিতাঃ ॥ 57॥

এবং গৃহ আশয আক্ষিপ্ত হৃদযঃ মূঢধীঃ অযম্ ।
অতৃপ্তঃ তান্ অনুধ্যাযন্ মৃতঃ অংধং বিশতে তমঃ ॥ 58॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
ব্রহ্মচর্যগৃহস্থকর্মধর্মনিরূপণে সপ্তদশোঽধ্যাযঃ ॥

17॥

অথ অষ্টাদশোঽধ্যাযঃ ।
শ্রীভগবান্ উবাচ ।
বনং বিবিক্ষুঃ পুত্রেষু ভার্যাং ন্যস্য সহ এব বা ।
বনঃ এব বসেত্ শাংতঃ তৃতীযং ভাগং আযুষঃ ॥ 1॥

কংদমূলফলৈঃ বন্যৈঃ মেধ্যৈঃ বৃত্তিং প্রকল্পযেত্ ।
বসীত বল্কলং বাসঃ তৃণপর্ণ অজিনানি চ ॥ 2॥

কেশরোমনখশ্মশ্রুমলানি বিভৃযাত্ অতঃ ।
ন ধাবেত্ অপ্সু মজ্জেত ত্রিকালং স্থংডিলেশযঃ ॥ 3॥

গ্রীষ্মে তপ্যেত পংচাগ্নীন্ বর্ষাস্বাসারষাড্ জলে ।
আকংঠমগ্নঃ শিশিরঃ এবংবৃত্তঃ তপশ্চরেত্ ॥ 4॥

অগ্নিপক্বং সমশ্নীযাত্ কালপক্বং অথ অপি বা ।
উলূখল অশ্মকুট্টঃ বা দংত উলূখলঃ এব বা ॥ 5॥

স্বযং সংচিনুযাত্ সর্বং আত্মনঃ বৃত্তিকারণম্ ।
দেশকালবল অভিজ্ঞঃ ন আদদীত অন্যদা আহৃতম্ ॥ 6॥

বন্যৈঃ চরুপুরোডাশৈঃ নির্বপেত্ কালচোদিতান্ ।
ন তু শ্রৌতেন পশুনা মাং যজেত বনাশ্রমী ॥ 7॥

অগ্নিহোত্রং চ দর্শঃ চ পূর্ণমাসঃ চ পূর্ববত্ ।
চাতুর্মাস্যানি চ মুনেঃ আম্নাতানি চ নৈগমৈঃ ॥ 8॥

এবং চীর্ণেন তপসা মুনিঃ ধমনিসংততঃ ।
মাং তপোমযং আরাধ্য ঋষিলোকাত্ উপৈতি মাম্ ॥ 9॥

যঃ তু এতত্ কৃচ্ছ্রতঃ চীর্ণং তপঃ নিঃশ্রেযসং মহত্ ।
কামায অল্পীযসে যুংজ্যাত্ বালিশঃ কঃ অপরঃ ততঃ ॥ 10॥

যদা অসৌ নিযমে অকল্পঃ জরযা জাতবেপথুঃ ।
আত্মনি অগ্নীন্ সমারোপ্য মচ্চিত্তঃ অগ্নিং সমাবিশেত্ ॥ 11॥

যদা কর্মবিপাকেষু লোকেষু নিরয আত্মসু ।
বিরাগঃ জাযতে সম্যক্ ন্যস্ত অগ্নিঃ প্রব্রজেত্ ততঃ ॥ 12॥

ইষ্ট্বা যথা উপদেশং মাং দত্ত্বা সর্বস্বং ঋত্বিজে ।
অগ্নীন্ স্বপ্রাণঃ আবেশ্য নিরপেক্ষঃ পরিব্রজেত্ ॥ 13॥

বিপ্রস্য বৈ সংন্যসতঃ দেবাঃ দারাদিরূপিণঃ ।
বিঘ্নান্ কুর্বংতি অযং হি অস্মান্ আক্রম্য সমিযাত্ পরম্ ॥ 14॥

বিভৃযাত্ চেত্ মুনিঃ বাসঃ কৌপীন আচ্ছাদনং পরম্ ।
ত্যক্তং ন দংডপাত্রাভ্যাং অন্যত্ কিংচিত্ অনাপদি ॥ 15॥

দৃষ্টিপূতং ন্যসেত্ পাদং বস্ত্রপূতং পিবেত্ জলম্ ।
সত্যপূতাং বদেত্ বাচং মনঃপূতং সমাচরেত্ ॥ 16॥

মৌন অনীহা অনিল আযামাঃ দংডাঃ বাক্ দেহ চেতসাম্ ।
নহি এতে যস্য সংতি অংগঃ বেণুভিঃ ন ভবেত্ যতিঃ ॥ 17॥

ভিক্ষাং চতুষু বর্ণেষু বিগর্হ্যান্ বর্জযন্ চরেত্ ।
সপ্তাগারান্ অসংক্লৃপ্তান্ তুষ্যেত্ লব্ধেন তাবতা ॥ 18॥

বহিঃ জলাশযং গত্বা তত্র উপস্পৃশ্য বাগ্যতঃ ।
বিভজ্য পাবিতং শেষং ভুংজীত অশেষং আহৃতম্ ॥ 19॥

একঃ চরেত্ মহীং এতাং নিঃসংগঃ সংযতেংদ্রিযঃ ।
আত্মক্রীডঃ আত্মরতঃ আত্মবান্ সমদর্শনঃ ॥ 20॥

বিবিক্তক্ষেমশরণঃ মদ্ভাববিমলাশযঃ ।
আত্মানং চিংতযেত্ একং অভেদেন মযা মুনিঃ ॥ 21॥

অন্বীক্ষেত আত্মনঃ বংধং মোক্ষং চ জ্ঞাননিষ্ঠযা ।
বংধঃ ইংদ্রিযবিক্ষেপঃ মোক্ষঃ এষাং চ সংযমঃ ॥ 22॥

তস্মাত্ নিযম্য ষড্বর্গং মদ্ভাবেন চরেত্ মুনিঃ ।
বিরক্তঃ ক্ষুল্লকামেভ্যঃ লব্ধ্বা আত্মনি সুখং মহত্ ॥ 23॥

পুরগ্রামব্রজান্ সার্থান্ ভিক্ষার্থং প্রবিশন্ চরেত্ ।
পুণ্যদেশসরিত্ শৈলবন আশ্রমবতীং মহীম্ ॥ 24॥

বানপ্রস্থ আশ্রম পদেষু অভীক্ষ্ণং ভৈক্ষ্যং আচরেত্ ।
সংসিধ্যত্যাশ্বসংমোহঃ শুদ্ধসত্ত্বঃ শিলাংধসা ॥ 25॥

ন এতত্ বস্তুতযা পশ্যেত্ দৃশ্যমানং বিনশ্যতি ।
অসক্তচিত্তঃ বিরমেত্ ইহ অমুত্র চিকীর্ষিতাত্ ॥ 26॥

যত্ এতত্ আত্মনি জগত্ মনোবাক্প্রাণসংহতম্ ।
সর্বং মাযা ইতি তর্কেণ স্বস্থঃ ত্যক্ত্বা ন তত্ স্মরেত্ ॥ 27॥

জ্ঞাননিষ্ঠঃ বিরক্তঃ বা মদ্ভক্তঃ বা অনপেক্ষকঃ ।
সলিংগান্ আশ্রমাং ত্যক্ত্বা চরেত্ অবিধিগোচরঃ ॥ 28॥

বুধঃ বালকবত্ ক্রীডেত্ কুশলঃ জডবত্ চরেত্ ।
বদেত্ উন্মত্তবত্ বিদ্বান্ গোচর্যাং নৈগমঃ চরেত্ ॥ 29॥

বেদবাদরতঃ ন স্যাত্ ন পাখংডী ন হৈতুকঃ ।
শুষ্কবাদবিবাদে ন কংচিত্ পক্ষং সমাশ্রযেত্ ॥ 30॥

ন উদ্বিজেত জনাত্ ধীরঃ জনং চ উদ্বেজযেত্ ন তু ।
অতিবাদান্ তিতিক্ষেত ন অবমন্যেত কংচন ।
দেহং উদ্দিশ্য পশুবত্ বৈরং কুর্যাত্ ন কেনচিত্ ॥ 31॥

একঃ এব পরঃ হি আত্মা ভূতেষু আত্মনি অবস্থিতঃ ।
যথা ইংদুঃ উদপাত্রেষু ভূতানি একাত্মকানি চ ॥ 32॥

অলব্ধ্বা ন বিষীদেত কালে কালে অশনং ক্বচিত্ ।
লব্ধ্বা ন হৃষ্যেত্ ধৃতিং আনুভযং দৈবতংত্রিতম্ ॥ 33॥

আহারার্থং সমীহেত যুক্তং তত্ প্রাণধারণম্ ।
তত্ত্বং বিমৃশ্যতে তেন তত্ বিজ্ঞায বিমুচ্যতে ॥ 34॥

যত্ ঋচ্ছযা উপপন্নাত্ অন্নং অদ্যাত্ শ্রেষ্ঠং উত অপরম্ ।
তথা বাসঃ তথা শয্যাং প্রাপ্তং প্রাপ্তং ভজেত্ মুনিঃ ॥ 35॥

শৌচং আচমনং স্নানং ন তু চোদনযা চরেত্ ।
অন্যান্ চ নিযমান্ জ্ঞানী যথা অহং লীলযা ঈশ্বরঃ ॥ 36॥

নহি তস্য বিকল্পাখ্যা যা চ মদ্বীক্ষযা হতা ।
আদেহাংতাত্ ক্বচিত্ খ্যাতিঃ ততঃ সংপদ্যতে মযা ॥ 37॥

দুঃখ উদর্কেষু কামেষু জাতনির্বেদঃ আত্মবান্ ।
অজিজ্ঞাসিত মদ্ধর্মঃ গুরুং মুনিং উপাব্রজেত্ ॥ 38॥

তাবত্ পরিচরেত্ ভক্তঃ শ্রদ্ধাবান্ অনসূযকঃ ।
যাবত্ ব্রহ্ম বিজানীযাত্ মাং এব গুরুং আদৃতঃ ॥ 39॥

যঃ তু অসংযত ষড্বর্গঃ প্রচংড ইংদ্রিয সারথিঃ ।
জ্ঞান বৈরাগ্য রহিতঃ ত্রিদংডং উপজীবতি ॥ 40॥

সুরান্ আত্মানং আত্মস্থং নিহ্নুতে মাং চ ধর্মহা ।
অবিপক্ব কষাযঃ অস্মাত্ উষ্মাত্ চ বিহীযতে ॥ 41॥

ভিক্ষোঃ ধর্মঃ শমঃ অহিংসা তপঃ ঈক্ষা বনৌকসঃ ।
গৃহিণঃ ভূতরক্ষ ইজ্যাঃ দ্বিজস্য আচার্যসেবনম্ ॥ 42॥

ব্রহ্মচর্যং তপঃ শৌচং সংতোষঃ ভূতসৌহৃদম্ ।
গৃহস্থস্য অপি ঋতৌ গংতুঃ সর্বেষাং মদুপাসনম্ ॥ 43॥

ইতি মাং যঃ স্বধর্মেণ ভজন্ নিত্যং অনন্যভাক্ ।
সর্বভূতেষু মদ্ভাবঃ মদ্ভক্তিং বিংদতে অচিরাত্ ॥ 44॥

ভক্ত্যা উদ্ধব অনপাযিন্যা সর্বলোকমহেশ্বরম্ ।
সর্ব উত্পত্তি অপি অযং ব্রহ্ম কারণং মা উপযাতি সঃ ॥ 45॥

ইতি স্বধর্ম নির্ণিক্ত সত্ত্বঃ নির্জ্ঞাত্ মদ্গতিঃ ।
জ্ঞান বিজ্ঞান সংপন্নঃ ন চিরাত্ সমুপৈতি মাম্ ॥ 46॥

বর্ণাশ্রমবতাং ধর্মঃ এষঃ আচারলক্ষণঃ ।
সঃ এব মদ্ভক্তিযুতঃ নিঃশ্রেযসকরঃ পরঃ ॥ 47॥

এতত্ তে অভিহিতং সাধো ভবান্ পৃচ্ছতি যত্ চ মাম্ ।
যথা স্বধর্মসংযুক্তঃ ভক্তঃ মাং সমিযাত্ পরম্ ॥ 48॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
বানপ্রস্থসংন্যাসধর্মনিরূপণং নামাষ্টাদশোঽধ্যাযঃ ॥ 18॥

অথ একোনবিংশঃ অধ্যাযঃ ।
শ্রীভগবান্ উবাচ ।
যঃ বিদ্যাশ্রুতসংপন্নঃ আত্মবান্ ন অনুমানিকঃ ।
মাযামাত্রং ইদং জ্ঞাত্বা জ্ঞানং চ মযি সংন্যসেত্ ॥ 1॥

জ্ঞানিনঃ তু অহং এব ইষ্টঃ স্বার্থঃ হেতুঃ চ সংমতঃ ।
স্বর্গঃ চ এব অপবর্গঃ চ ন অন্যঃ অর্থঃ মদৃতে প্রিযঃ ॥ 2॥

জ্ঞানবিজ্ঞানসংসিদ্ধাঃ পদং শ্রেষ্ঠং বিদুঃ মম ।
জ্ঞানী প্রিযতমঃ অতঃ মে জ্ঞানেন অসৌ বিভর্তি মাম্ ॥ 3॥

তপঃ তীর্থং জপঃ দানং পবিত্রাণি ইতরাণি চ ।
ন অলং কুর্বংতি তাং সিদ্ধিং যা জ্ঞানকলযা কৃতা ॥ 4॥

তস্মাত্ জ্ঞানেন সহিতং জ্ঞাত্বা স্বাত্মানং উদ্ধব ।
জ্ঞানবিজ্ঞানসংপন্নঃ ভজ মাং ভক্তিভাবতঃ ॥ 5॥

জ্ঞানবিজ্ঞানযজ্ঞেন মাং ইষ্ট্বা আত্মানং আত্মনি ।
সর্বযজ্ঞপতিং মাং বৈ সংসিদ্ধিং মুনযঃ অগমন্॥ 6॥

ত্বযি উদ্ধব আশ্রযতি যঃ ত্রিবিধঃ বিকারঃ
মাযাংতরা আপততি ন আদি অপবর্গযোঃ যত্ ।
জন্মাদযঃ অস্য যত্ অমী তব তস্য কিং স্যুঃ
আদি অংতযোঃ যত্ অসতঃ অস্তি তত্ এব মধ্যে ॥ 7॥

উদ্ধবঃ উবাচ ।
জ্ঞানং বিশুদ্ধং বিপুলং যথা এতত্
বৈরাগ্যবিজ্ঞানযুতং পুরাণম্ ।
আখ্যাহি বিশ্বেশ্বর বিশ্বমূর্তে
ত্বত্ ভক্তিযোগং চ মহত্ বিমৃগ্যম্ ॥ 8॥

তাপত্রযেণ অভিহতস্য ঘোরে
সংতপ্যমানস্য ভবাধ্বনীশ ।
পশ্যামি ন অন্যত্ শরণং তবাংঘ্রি
দ্বংদ্ব আতপত্রাত্ অমৃত অভিবর্ষাত্ ॥ 9॥

দষ্টং জনং সংপতিতং বিলে অস্মিন্
কালাহিনা ক্ষুদ্রসুখোঃ উতর্ষম্ ।
সমুদ্ধর এনং কৃপযা অপবর্গ্যৈঃ
বচোভিঃ আসিংচ মহানুভাব ॥ 10॥

শ্রীভগবান্ উবাচ ।
ইত্থং এতত্ পুরা রাজা ভীষ্মং ধর্মভৃতাং বরম্ ।
অজাতশত্রুঃ পপ্রচ্ছ সর্বেষাং নঃ অনুশ্রুণ্বতাম্ ॥ 11॥

নিবৃত্তে ভারতে যুদ্ধে সুহৃত্ নিধনবিহ্বলঃ ।
শ্রুত্বা ধর্মান্ বহূন্ পশ্চাত্ মোক্ষধর্মান্ অপৃচ্ছত ॥

12॥

তান্ অহং তে অভিধাস্যামি দেবব্রতমুখাত্ শ্রুতান্ ।
জ্ঞানবৈরাগ্যবিজ্ঞানশ্রদ্ধাভক্তি উপবৃংহিতান্ ॥ 13॥

নব একাদশ পংচ ত্রীন্ ভাবান্ ভূতেষু যেন বৈ ।
ঈক্ষেত অথ একং অপি এষু তত্ জ্ঞানং মম নিশ্চিতম্ ॥ 14॥

এতত্ এব হি বিজ্ঞানং ন তথা একেন যেন যত্ ।
স্থিতি উত্পত্তি অপি অযান্ পশ্যেত্ ভাবানাং ত্রিগুণ আত্মনাম্ ॥

15॥

আদৌ অংতে চ মধ্যে চ সৃজ্যাত্ সৃজ্যং যত্ অন্বিযাত্ ।
পুনঃ তত্ প্রতিসংক্রামে যত্ শিষ্যেত তত্ এব সত্ ॥ 16॥

শ্রুতিঃ প্রত্যক্ষং ঐতিহ্যং অনুমানং চতুষ্টযম্ ।
প্রমাণেষু অনবস্থানাত্ বিকল্পাত্ সঃ বিরজ্যতে ॥ 17॥

কর্মণাং পরিণামিত্বাত্ আবিরিংচাত্ অমংগলম্ ।
বিপশ্চিত্ নশ্বরং পশ্যেত্ অদৃষ্টং অপি দৃষ্টবত্ ॥ 18॥

ভক্তিযোগঃ পুরা এব উক্তঃ প্রীযমাণায তে অনঘ ।
পুনঃ চ কথযিষ্যামি মদ্ভক্তেঃ কারণং পরম্ ॥ 19॥

শ্রদ্ধা অমৃতকথাযাং মে শশ্বত্ মত্ অনুকীর্তনম্ ।
পরিনিষ্ঠা চ পূজাযাং স্তুতিভিঃ স্তবনং মম ॥ 20॥

আদরঃ পরিচর্যাযাং সর্বাংগৈঃ অভিবংদনম্ ।
মদ্ভক্তপূজাভ্যধিকা সর্বভূতেষু মন্মতিঃ ॥ 21॥

মদর্থেষু অংগচেষ্টা চ বচসা মদ্গুণেরণম্ ।
ময্যর্পণং চ মনসঃ সর্বকামবিবর্জনম্ ॥ 22॥

মদর্থে অর্থ পরিত্যাগঃ ভোগস্য চ সুখস্য চ ।
ইষ্টং দত্তং হুতং জপ্তং মদর্থং যত্ ব্রতং তপঃ ॥ 23॥

এবং ধর্মৈঃ মনুষ্যাণাং উদ্ধব আত্মনিবেদিনাম্ ।
মযি সংজাযতে ভক্তিঃ কঃ অন্যঃ অর্থঃ অস্য অবশিষ্যতে ॥ 24॥

যদা আত্মনি অর্পিতং চিত্তং শাংতং সত্ত্ব উপবৃংহিতম্ ।
ধর্মং জ্ঞানং সবৈরাগ্যং ঐশ্বর্যং চ অভিপদ্যতে ॥ 25॥

যত্ অর্পিতং তত্ বিকল্পে ইংদ্রিযৈঃ পরিধাবতি ।
রজস্বলং চ আসন্ নিষ্ঠং চিত্তং বিদ্ধি বিপর্যযম্ ॥ 26॥

ধর্মঃ মদ্ভক্তিকৃত্ প্রোক্তঃ জ্ঞানং চ একাত্ম্যদর্শনম্ ।
গুণেষু অসংগঃ বৈরাগ্যং ঐশ্বর্যং চ অণিং আদযঃ ॥ 27॥

উদ্ধবঃ উবাচ ।
যমঃ কতিবিধঃ প্রোক্তঃ নিযমঃ বা অরিকর্শন ।
কঃ শমঃ কঃ দমঃ কৃষ্ণ কা তিতিক্ষা ধৃতিঃ প্রভো ॥ 28॥

কিং দানং কিং তপঃ শৌর্যং কিং সত্যং ঋতং উচ্যতে ।
কঃ ত্যাগঃ কিং ধনং চেষ্টং কঃ যজ্ঞঃ কা চ দক্ষিণা ॥

29॥

পুংসঃ কিংস্বিত্ বলং শ্রীমন্ ভগঃ লাভঃ চ কেশব ।
কা বিদ্যা হ্রীঃ পরা কা শ্রীঃ কিং সুখং দুঃখং এব চ ॥

30॥

কঃ পংডিতঃ কঃ চ মূর্খঃ কঃ পংথাঃ উত্পথঃ চ কঃ ।
কঃ স্বর্গঃ নরকঃ কঃ স্বিত্ কঃ বংধুঃ উত কিং গৃহম্ ॥ 31॥

কঃ আঢ্যঃ কঃ দরিদ্রঃ বা কৃপণঃ কঃ ঈশ্বরঃ ।
এতান্ প্রশ্নান্ মম ব্রূহি বিপরীতান্ চ সত্পতে ॥ 32॥

শ্রীভগবান্ উবাচ ।
অহিংসা সত্যং অস্তেযং অসংগঃ হ্রীঃ অসংচযঃ ।
আস্তিক্যং ব্রহ্মচর্যং চ মৌনং স্থৈর্যং ক্ষমা অভযম্ ॥

33।
শৌচং জপঃ তপঃ হোমঃ শ্রদ্ধা আতিথ্যং মত্ অর্চনম্ ।
তীর্থাটনং পরার্থেহা তুষ্টিঃ আচার্যসেবনম্ ॥ 34॥

এতে যমাঃ সনিযমাঃ উভযোঃ দ্বাদশ স্মৃতাঃ ।
পুংসাং উপাসিতাঃ তাত যথাকামং দুহংতি হি ॥ 35॥

শমঃ মত্ নিষ্ঠতা বুদ্ধেঃ দমঃ ইংদ্রিযসংযমঃ ।
তিতিক্ষা দুঃখসংমর্ষঃ জিহ্বা উপস্থজযঃ ধৃতিঃ ॥ 36॥

দংডন্যাসঃ পরং দানং কামত্যাগঃ তপঃ স্মৃতম্ ।
স্বভাববিজযঃ শৌর্যং সত্যং চ সমদর্শনম্ ॥ 37॥

ঋতং চ সূনৃতা বাণী কবিভিঃ পরিকীর্তিতা ।
কর্মস্বসংগমঃ শৌচং ত্যাগঃ সংন্যাসঃ উচ্যতে ॥ 38॥

ধর্মঃ ইষ্টং ধনং নৄণাং যজ্ঞঃ অহং ভগবত্তমঃ ।
দক্ষিণা জ্ঞানসংদেশঃ প্রাণাযামঃ পরং বলম্ ॥ 39॥

ভগঃ মে ঐশ্বরঃ ভাবঃ লাভঃ মদ্ভক্তিঃ উত্তমঃ ।
বিদ্যা আত্মনি ভিদ অবাধঃ জুগুপ্সা হ্রীঃ অকর্মসু ॥ 40॥

শ্রীঃ গুণাঃ নৈরপেক্ষ্য আদ্যাঃ সুখং দুঃখসুখ অত্যযঃ ।
দুঃখং কামসুখ অপেক্ষা পংডিতঃ বংধমোক্ষবিত্ ॥ 41॥

মূর্খঃ দেহ আদি অহং বুদ্ধিঃ পংথাঃ মত্ নিগমঃ স্মৃতঃ ।
উত্পথঃ চিত্তবিক্ষেপঃ স্বর্গঃ সত্ত্বগুণ উঅদযঃ ॥ 42॥

নরকঃ তমঃ উন্নহঃ বংধুঃ গুরুঃ অহং সখে ।
গৃহং শরীরং মানুষ্যং গুণাঢ্যঃ হি আঢ্যঃ উচ্যতে ॥ 43॥

দরিদ্রঃ যঃ তু অসংতুষ্টঃ কৃপণঃ যঃ অজিতেংদ্রিযঃ ।
গুণেষু অসক্তধীঃ ঈশঃ গুণসংগঃ বিপর্যযঃ ॥ 44॥

এতঃ উদ্ধব তে প্রশ্নাঃ সর্বে সাধু নিরূপিতাঃ ।
কিং বর্ণিতেন বহুনা লক্ষণং গুণদোষযোঃ ।
গুণদোষ দৃশিঃ দোষঃ গুণঃ তু উভযবর্জিতঃ ॥ 45॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে ভগবদুধবসংবাদে
একোনবিংশোঽধ্যাযঃ ॥ 19॥

অথ বিংশঃ অধ্যাযঃ ।
উদ্ধবঃ উবাচ ।
বিধিঃ চ প্রতিষেধঃ চ নিগমঃ হি ঈশ্বরস্য তে ।
অবেক্ষতে অরবিংদাক্ষ গুণং দোষং চ কর্মণাম্ ॥ 1॥

বর্ণাশ্রম বিকল্পং চ প্রতিলোম অনুলোমজম্ ।
দ্রব্য দেশ বযঃ কালান্ স্বর্গং নরকং এব চ ॥ 2॥

গুণ দোষ ভিদা দৃষ্টিং অংতরেণ বচঃ তব ।
নিঃশ্রেযসং কথং নৄণাং নিষেধ বিধি লক্ষণম্ ॥ 3॥

পিতৃদেবমনুষ্যাণাং বেদঃ চক্ষুঃ তব ঈশ্বর ।
শ্রেযঃ তু অনুপলব্ধে অর্থে সাধ্যসাধনযোঃ অপি ॥ 4॥

গুণদোষভিদাদৃষ্টিঃ নিগমাত্ তে ন হি স্বতঃ ।
নিগমেন অপবাদঃ চ ভিদাযাঃ ইতি হি ভ্রমঃ ॥ 5॥

শ্রীভগবান্ উবাচ ।
যোগাঃ ত্রযঃ মযা প্রোক্তা নৄণাং শ্রেযোবিধিত্সযা ।
জ্ঞানং কর্ম চ ভক্তিঃ চ ন উপাযঃ অন্যঃ অস্তি কুত্রচিত্ ॥

6॥

নির্বিণ্ণানাং জ্ঞানযোগঃ ন্যাসিনাং ইহ কর্মসু ।
তেষু অনির্বিণ্ণচিত্তানাং কর্মযোগঃ তি কামিনাম্ ॥ 7॥

যদৃচ্ছযা মত্ কথা আদৌ জাতশ্রদ্ধঃ তু যঃ পুমান্ ।
ন নির্বিণ্ণঃ ন অতিসক্তঃ ভক্তিযোগঃ অস্য সিদ্ধিদঃ ॥ 8॥

তাবত্ কর্মাণি কুর্বীত ন নির্বিদ্যেত যাবতা ।
মত্ কথাশ্রবণ আদৌ বা শ্রদ্ধা যাবত্ ন জাযতে ॥ 9॥

স্বধর্মস্থঃ যজন্যজ্ঞৈঃ অনাশীঃ কামঃ উদ্ধব ।
ন যাতি স্বর্গনরকৌ যদি অন্যত্র সমাচরেত্ ॥ 10॥

অস্মিন্ লোকে বর্তমানঃ স্বধর্মস্থঃ অনঘঃ শুচিঃ ।
জ্ঞানং বিশুদ্ধং আপ্নোতি মদ্ভক্তিং বা যদৃচ্ছযা ॥ 11॥

স্বর্গিণঃ অপি এতং ইচ্ছংতি লোকং নিরযিণঃ তথা ।
সাধকং জ্ঞানভক্তিভ্যাং উভযং তত্ অসাধকম্ ॥ 12॥

ন নরঃ স্বর্গতিং কাংক্ষেত্ নারকীং বা বিচক্ষণঃ ।
ন ইমং লোকং চ কাংক্ষেত দেহ আবেশাত্ প্রমাদ্যতি ॥ 13॥

এতত্ বিদ্বান্ পুরা মৃত্যোঃ অভবায ঘটেত সঃ ।
অপ্রমত্তঃ ইদং জ্ঞাত্বা মর্ত্যং অপি অর্থসিদ্ধিদম্ ॥ 14॥

ছিদ্যমানং যমৈঃ এতৈঃ কৃতনীডং বনস্পতিম্ ।
খগঃ স্বকেতং উত্সৃজ্য ক্ষেমং যাতি হি অলংপটঃ ॥ 15॥

অহোরাত্রৈঃ ছিদ্যমানং বুদ্ধ্বাযুঃ ভযবেপথুঃ ।
মুক্তসংগঃ পরং বুদ্ধ্বা নিরীহ উপশাম্যতি ॥ 16॥

নৃদেহং আদ্যং সুলভং সুদুর্লভম্
প্লবং সুকল্পং গুরুকর্ণধারম্ ।
মযা অনুকূলেন নভস্বতেরিতম্
পুমান্ ভবাব্ধিং ন তরেত্ সঃ আত্মহা ॥ 17॥

যদা আরংভেষু নির্বিণ্ণঃ বিরক্তঃ সংযতেংদ্রিযঃ ।
অভ্যাসেন আত্মনঃ যোগী ধারযেত্ অচলং মনঃ ॥ 18॥

ধার্যমাণং মনঃ যঃ হি ভ্রাম্যদাশু অনবস্থিতম্ ।
অতংদ্রিতঃ অনুরোধেন মার্গেণ আত্মবশং নযেত্ ॥ 19॥

মনোগতিং ন বিসৃজেত্ জিতপ্রাণঃ জিতেংদ্রিযঃ ।
সত্ত্বসংপন্নযা বুদ্ধ্যা মনঃ আত্মবশং নযেত্ ॥ 20॥

এষঃ বৈ পরমঃ যোগঃ মনসঃ সংগ্রহঃ স্মৃতঃ ।
হৃদযজ্ঞত্বং অন্বিচ্ছন্ দম্যস্য এব অর্বতঃ মুহুঃ ॥ 21॥

সাংখ্যেন সর্বভাবানাং প্রতিলোম অনুলোমতঃ ।
ভব অপি অযৌ অনুধ্যযেত্ মনঃ যাবত্ প্রসীদতি ॥ 22॥

নির্বিণ্ণস্য বিরক্তস্য পুরুষস্য উক্তবেদিনঃ ।
মনঃ ত্যজতি দৌরাত্ম্যং চিংতিতস্য অনুচিংতযা ॥ 23॥

যম আদিভিঃ যোগপথৈঃ আন্বীক্ষিক্যা চ বিদ্যযা ।
মম অর্চোপাসনাভিঃ বা ন অন্যৈঃ যোগ্যং স্মরেত্ মনঃ ॥ 24॥

যদি কুর্যাত্ প্রমাদেন যোগী কর্ম বিগর্হিতম্ ।
যোগেন এব দহেত্ অংহঃ ন অন্যত্ তত্র কদাচন ॥ 25॥

স্বে স্বে অধিকারে যা নিষ্ঠা সঃ গুণঃ পরিকীর্তিতঃ ।
কর্মণাং জাতি অশুদ্ধানাং অনেন নিযমঃ কৃতঃ ।
গুণদোষবিধানেন সংগানাং ত্যাজনেচ্ছযা ॥ 26॥

জাতশ্রদ্দঃ মত্কথাসু নির্বিণ্ণঃ সর্বকর্মসু ।
বেদ দুঃখাত্মকান্ কামান্ পরিত্যাগে অপি অনীশ্বরঃ ॥ 27॥

ততঃ ভজেত মাং প্রীতঃ শ্রদ্ধালুঃ দৃঢনিশ্চযঃ ।
জুষমাণঃ চ তান্ কামান্ দুঃখ উদর্কান্ চ গর্হযন্ ॥ 28॥

প্রোক্তেন ভক্তিযোগেন ভজতঃ মা অসকৃত্ মুনেঃ ।
কামাঃ হৃদয্যাঃ নশ্যংতি সর্বে মযি হৃদি স্থিতে ॥ 29॥

ভিদ্যতে হৃদযগ্রংথিঃ ছিদ্যংতে সর্বসংশযাঃ ।
ক্ষীযংতে চ অস্য কর্মাণি মযি দৃষ্টে অখিল আত্মনি ॥ 30॥

তস্মাত্ মদ্ভক্তিযুক্তস্য যোগিনঃ বৈ মত্ আত্মনঃ ।
ন জ্ঞানং ন চ বৈরাগ্যং প্রাযঃ শ্রেযঃ ভবেত্ ইহ ॥ 31॥

যত্ কর্মভিঃ যত্ তপসা জ্ঞানবৈরাগ্যতঃ চ যত্ ।
যোগেন দানধর্মেণ শ্রেযোভিঃ ইতরৈঃ অপি ॥ 32॥

সর্বং মদ্ভক্তিযোগেন মদ্ভক্তঃ লভতে অংজসা ।
স্বর্গ অপবর্গং মত্ ধাম কথংচিত্ যদি বাংছতি ॥ 33॥

ন কিংচিত্ সাধবঃ ধীরাঃ ভক্তাঃ হি একাংতিনঃ মম ।
বাংছতি অপি মযা দত্তং কৈবল্যং অপুনর্ভবম্ ॥ 34॥

নৈরপেক্ষ্যং পরং প্রাহুঃ নিঃশ্রেযসং অনল্পকম্ ।
তস্মাত্ নিরাশিষঃ ভক্তিঃ নিরপেক্ষস্য মে ভবেত্ ॥ 35॥

ন মযি একাংতভক্তানাং গুণদোষ উদ্ভবাঃ গুণাঃ ।
সাধূনাং সমচিত্তানাং বুদ্ধেঃ পরং উপেযুষাম্ ॥ 36॥

এবং এতত্ মযা আদিষ্টান্ অনুতিষ্ঠংতি মে পথঃ ।
ক্ষেমং বিংদংতি মত্ স্থানং যত্ ব্রহ্ম পরমং বিদুঃ ॥ 37॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে ভগবদুদ্ধবসংবাদে
বেদত্রযীবিভাগযোগো নাম বিংশোঽধ্যাযঃ ॥ 20॥

অথ একবিংশঃ অধ্যাযঃ ।
শ্রীভগবান্ উবাচ ।
যঃ এতান্ মত্পথঃ হিত্বা ভক্তিজ্ঞানক্রিযাত্মকান্ ।
ক্ষুদ্রান্ কামান্ চলৈঃ প্রাণৈঃ জুষংতঃ সংসরংতি তে ॥ 1॥

স্বে স্বে অধিকারে যা নিষ্ঠা সঃ গুণঃ পরিকীর্তিতঃ ।
বিপর্যযঃ তু দোষঃ স্যাত্ উভযোঃ এষঃ নিশ্চযঃ ॥ 2॥

শুদ্ধি অশুদ্ধী বিধীযেতে সমানেষু অপি বস্তুষু ।
দ্রব্যস্য বিচিকিত্সার্থং গুণদোষৌ শুভ অশুভৌ ॥ 3॥

ধর্মার্থং ব্যবহারার্থং যাত্রার্থং ইতি চ অনঘ ।
দর্শিতঃ অযং মযা আচারঃ ধর্মং উদ্বহতাং ধুরম্ ॥ 4॥

ভূমি অংবু অগ্নি অনিল আকাশাঃ ভূতানাং পংচ ধাতবঃ ।
আব্রহ্ম স্থাবর আদীনাং শরীরাঃ আত্মসংযুতাঃ ॥ 5॥

বেদেন নামরূপাণি বিষমাণি সমেষু অপি ।
ধাতুষু উদ্ধব কল্প্যংতঃ এতেষাং স্বার্থসিদ্ধযে ॥ 6॥

দেশ কাল আদি ভাবানাং বস্তূনাং মম সত্তম ।
গুণদোষৌ বিধীযেতে নিযমার্থং হি কর্মণাম্ ॥ 7॥

অকৃষ্ণসারঃ দেশানাং অব্রহ্মণ্যঃ অশুচিঃ ভবেত্ ।
কৃষ্ণসারঃ অপি অসৌবীর কীকট অসংস্কৃতেরিণম্ ॥ 8॥

কর্মণ্যঃ গুণবান্ কালঃ দ্রব্যতঃ স্বতঃ এব বা ।
যতঃ নিবর্ততে কর্ম সঃ দোষঃ অকর্মকঃ স্মৃতঃ ॥ 9॥

দ্রব্যস্য শুদ্ধি অশুদ্ধী চ দ্রব্যেণ বচনেন চ ।
সংস্কারেণ অথ কালেন মহত্ত্ব অল্পতযা অথবা ॥ 10॥

শক্ত্যা অশক্ত্যা অথবা বুদ্ধ্যা সমৃদ্ধ্যা চ যত্ আত্মনে ।
অঘং কুর্বংতি হি যথা দেশ অবস্থা অনুসারতঃ ॥ 11॥

ধান্য দারু অস্থি তংতূনাং রস তৈজস চর্মণাম্ ।
কাল বাযু অগ্নি মৃত্তোযৈঃ পার্থিবানাং যুত অযুতৈঃ ॥ 12॥

অমেধ্যলিপ্তং যত্ যেন গংধং লেপং ব্যপোহতি ।
ভজতে প্রকৃতিং তস্য তত্ শৌচং তাবত্ ইষ্যতে ॥ 13॥

স্নান দান তপঃ অবস্থা বীর্য সংস্কার কর্মভিঃ ।
মত্ স্মৃত্যা চ আত্মনঃ শৌচং শুদ্ধঃ কর্ম আচরেত্ দ্বিজঃ ॥ 14॥

মংত্রস্য চ পরিজ্ঞানং কর্মশুদ্ধিঃ মদর্পণম্ ।
ধর্মঃ সংপদ্যতে ষড্ভিঃ অধর্মঃ তু বিপর্যযঃ ॥ 15॥

ক্বচিত্ গুণঃ অপি দোষঃ স্যাত্ দোষঃ অপি বিধিনা গুণঃ ।
গুণদোষার্থনিযমঃ তত্ ভিদাং এব বাধতে ॥ 16॥

সমানকর্ম আচরণং পতিতানাং ন পাতকম্ ।
ঔত্পত্তিকঃ গুণঃ সংগঃ ন শযানঃ পততি অধঃ ॥ 17॥

যতঃ যতঃ নিবর্তেত বিমুচ্যেত ততঃ ততঃ ।
এষঃ ধর্মঃ নৄণাং ক্ষেমঃ শোকমোহভয অপহঃ ॥ 18॥

বিষযেষু গুণাধ্যাসাত্ পুংসঃ সংগঃ ততঃ ভবেত্ ।
সংগাত্ তত্র ভবেত্ কামঃ কামাত্ এব কলিঃ নৄণাম্ ॥ 19॥

কলেঃ দুর্বিষহঃ ক্রোধঃ তমঃ তং অনুবর্ততে ।
তমসা গ্রস্যতে পুংসঃ চেতনা ব্যাপিনী দ্রুতম্ ॥ 20॥

তযা বিরহিতঃ সাধো জংতুঃ শূন্যায কল্পতে ।
ততঃ অস্য স্বার্থবিভ্রংশঃ মূর্চ্ছিতস্য মৃতস্য চ ॥ 21॥

বিষযাভিনিবেশেন ন আত্মানং বেদ ন অপরম্ ।
বৃক্ষজীবিকযা জীবন্ ব্যর্থং ভস্ত্র ইব যঃ শ্বসন্ ॥ 22॥

ফলশ্রুতিঃ ইযং নৄণাং ন শ্রেযঃ রোচনং পরম্ ।
শ্রেযোবিবক্ষযা প্রোক্তং যথা ভৈষজ্যরোচনম্ ॥ 23॥

উত্পত্তি এব হি কামেষু প্রাণেষু স্বজনেষু চ ।
আসক্তমনসঃ মর্ত্যা আত্মনঃ অনর্থহেতুষু ॥ 24॥

ন তান্ অবিদুষঃ স্বার্থং ভ্রাম্যতঃ বৃজিনাধ্বনি ।
কথং যুংজ্যাত্ পুনঃ তেষু তান্ তমঃ বিশতঃ বুধঃ ॥ 25॥

এবং ব্যবসিতং কেচিত্ অবিজ্ঞায কুবুদ্ধযঃ ।
ফলশ্রুতিং কুসুমিতাং ন বেদজ্ঞাঃ বদংতি হি ॥ 26॥

কামিনঃ কৃপণাঃ লুব্ধাঃ পুষ্পেষু ফলবুদ্ধযঃ ।
অগ্নিমুগ্ধা ধুমতাংতাঃ স্বং লোকং ন বিংদংতি তে ॥ 27॥

ন তে মাং অংগঃ জানংতি হৃদিস্থং যঃ ইদং যতঃ ।
উক্থশস্ত্রাঃ হি অসুতৃপঃ যথা নীহারচক্ষুষঃ ॥ 28॥

তে মে মতং অবিজ্ঞায পরোক্ষং বিষযাত্মকাঃ ।
হিংসাযাং যদি রাগঃ স্যাত্ যজ্ঞঃ এব ন চোদনা ॥ 29॥

হিংসাবিহারাঃ হি অলব্ধৈঃ পশুভিঃ স্বসুখেচ্ছযা ।
যজংতে দেবতাঃ যজ্ঞৈঃ পিতৃভূতপতীন্ খলাঃ ॥ 30॥

স্বপ্ন্ উপমং অমুং লোকং অসংতং শ্রবণপ্রিযম্ ।
আশিষঃ হৃদি সংকল্প্য ত্যজংতি অর্থান্ যথা বণিক্ ॥ 31॥

রজঃসত্ত্বতমোনিষ্ঠাঃ রজঃসত্ত্বতমোজুষঃ ।
উপাসতঃ ইংদ্রমুখ্যান্ দেবাদীন্ ন তথা এব মাম্ ॥ 32॥

ইষ্ট্বা ইহ দেবতাঃ যজ্ঞৈঃ গত্বা রংস্যামহে দিবি ।
তস্য অংতঃ ইহ ভূযাস্মঃ মহাশালা মহাকুলাঃ ॥ 33॥

এবং পুষ্পিতযা বাচা ব্যাক্ষিপ্তমনসাং নৄণাম্ ।
মানিনান্ চ অতিস্তব্ধানাং মদ্বার্তা অপি ন রোচতে ॥ 34॥

বেদাঃ ব্রহ্মাত্মবিষযাঃ ত্রিকাংডবিষযাঃ ইমে ।
পরোক্ষবাদাঃ ঋষযঃ পরোক্ষং মম চ প্রিযম্ ॥ 35॥

শব্দব্রহ্ম সুদুর্বোধং প্রাণ ইংদ্রিয মনোমযম্ ।
অনংতপারং গংভীরং দুর্বিগাহ্যং সমুদ্রবত্ ॥ 36॥

মযা উপবৃংহিতং ভূম্না ব্রহ্মণা অনংতশক্তিনা ।
ভূতেষু ঘোষরূপেণ বিসেষু ঊর্ণ ইব লক্ষ্যতে ॥ 37॥

যথা ঊর্ণনাভিঃ হৃদযাত্ ঊর্ণাং উদ্বমতে মুখাত্ ।
আকাশাত্ ঘোষবান্ প্রাণঃ মনসা স্পর্শরূপিণা ॥ 38॥

ছংদোমযঃ অমৃতমযঃ সহস্রপদবীং প্রভুঃ ।
ওংকারাত্ ব্যংজিত স্পর্শ স্বর উষ্ম অংতস্থ ভূষিতাম্ ॥

39॥

বিচিত্রভাষাবিততাং ছংদোভিঃ চতুর উত্তরৈঃ ।
অনংতপারাং বৃহতীং সৃজতি আক্ষিপতে স্বযম্ ॥ 40॥

গাযত্রী উষ্ণিক্ অনুষ্টুপ্ চ বৃহতী পংক্তিঃ এব চ ।
ত্রিষ্টুপ্ জগতী অতিচ্ছংদঃ হি অত্যষ্টি অতিজগত্ বিরাট্ ॥ 41॥

কিং বিধত্তে কিং আচষ্টে কিং অনূদ্য বিকল্পযেত্ ।
ইতি অস্যাঃ হৃদযং লোকে ন অন্যঃ মত্ বেদ কশ্চন ॥42॥

মাং বিধত্তে অভিধত্তে মাং বিকল্প্য অপোহ্যতে তু অহম্ ।
এতাবান্ সর্ববেদার্থঃ শব্দঃ আস্থায মাং ভিদাম্ ।
মাযামাত্রং অনূদ্য অংতে প্রতিষিধ্য প্রসীদতি ॥ 43॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে ভগবদ্দ্ধবসংবাদে
বেদত্রযবিভাগনিরূপণং নাম একবিংশোঽধ্যাযঃ ॥ 21॥

অথ দ্বাবিংশঃ অধ্যাযঃ ।
উদ্ধবঃ উবাচ ।
কতি তত্ত্বানি বিশ্বেশ সংখ্যাতানি ঋষিভিঃ প্রভো ।
নব একাদশ পংচ ত্রীণি আত্থ ত্বং ইহ শুশ্রুম ॥ 1॥

কেচিত্ ষড্বিংশতিং প্রাহুঃ অপরে পংচবিংশতিম্ ।
সপ্ত একে নব ষট্ কেচিত্ চত্বারি একাদশ অপরে ।
কেচিত্ সপ্তদশ প্রাহুঃ ষোডশ একে ত্রযোদশ ॥ 2॥

এতাবত্ ত্বং হি সংখ্যানাং ঋষযঃ যত্ বিবক্ষযা ।
গাযংতি পৃথক্ আযুষ্মন্ ইদং নঃ বক্তুং অর্হসি ॥ 3॥

শ্রীভগবান্ উবাচ ।
যুক্তং চ সংতি সর্বত্র ভাষংতে ব্রাহ্মণাঃ যথা ।
মাযাং মদীযাং উদ্গৃহ্য বদতাং কিং নু দুর্ঘটম্ ॥ 4॥

ন এতত্ এবং যথা আত্থ ত্বং যত্ অহং বচ্মি তত্ তথা ।
এবং বিবদতাং হেতুং শক্তযঃ মে দুরত্যযাঃ ॥ 5॥

যাসাং ব্যতিকরাত্ আসীত্ বিকল্পঃ বদতাং পদম্ ।
প্রাপ্তে শমদমে অপি এতি বাদস্তমনু শাম্যতি ॥ 6॥

পরস্পরান্ অনুপ্রবেশাত্ তত্ত্বানাং পুরুষর্ষভ ।
পৌর্ব অপর্য প্রসংখ্যানং যথা বক্তুঃ বিবক্ষিতম্ ॥ 7॥

একস্মিন্ অপি দৃশ্যংতে প্রবিষ্টানি ইতরাণি চ ।
পূর্বস্মিন্ বা পরস্মিন্ বা তত্ত্বে তত্ত্বানি সর্বশঃ ॥ 8॥

পৌর্ব অপর্যং অতঃ অমীষাং প্রসংখ্যানং অভীপ্সতাম্ ।
যথা বিবিক্তং যত্ বক্ত্রং গৃহ্ণীমঃ যুক্তিসংভবাত্ ॥ 9॥

অনাদি অবিদ্যাযুক্তস্য পুরুষস্য আত্মবেদনম্ ।
স্বতঃ ন সংভবাত্ অন্যঃ তত্ত্বজ্ঞঃ জ্ঞানদঃ ভবেত্ ॥ 10॥

পুরুষ ঈশ্বরযোঃ অত্র ন বৈলক্ষণ্যং অণু অপি ।
তত্ অন্যকল্পনাপার্থা জ্ঞানং চ প্রকৃতেঃ গুণঃ ॥ 11॥

প্রকৃতিঃ গুণসাম্যং বৈ প্রকৃতেঃ ন আত্মনঃ গুণাঃ ।
সত্ত্বং রজঃ তমঃ ইতি স্থিতি উত্পত্তি অংতহেতবঃ ॥ 12॥

সত্ত্বং জ্ঞানং রজঃ কর্ম তমঃ অজ্ঞানং ইহ উচ্যতে ।
গুণব্যতিকরঃ কালঃ স্বভাবঃ সূত্রং এব চ ॥ 13॥

পুরুষঃ প্রকৃতিঃ ব্যক্তং অহংকারঃ নভঃ অনিলঃ ।
জ্যোতিঃ আপঃ ক্ষিতিঃ ইতি তত্ত্বানি উক্তানি মে নব ॥ 14॥

শ্রোত্রং ত্বক্ দর্শনং ঘ্রাণঃ জিহ্বা ইতি জ্ঞানশক্তযঃ ।
বাক্ পাণি উপস্থ পাযু অংঘ্রিঃ কর্মাণ্যংগ উভযং মনঃ ॥ 15॥

শব্দঃ স্পর্শঃ রসঃ গংধঃ রূপং চ ইতি অর্থজাতযঃ ।
গতি উক্তি উত্সর্গ শিল্পানি কর্ম আযতন সিদ্ধযঃ ॥ 16॥

সর্গ আদৌ প্রকৃতিঃ হি অস্য কার্য কারণ রূপিণী ।
সত্ত্ব আদিভিঃ গুণৈঃ ধত্তে পুরুষঃ অব্যক্তঃ ঈক্ষতে ॥ 17॥

ব্যক্ত আদযঃ বিকুর্বাণাঃ ধাতবঃ পুরুষ ঈক্ষযা ।
লব্ধবীর্যাঃ সৃজংতি অংডং সংহতাঃ প্রকৃতেঃ বলাত্ ॥ 18॥

সপ্ত এব ধাতবঃ ইতি তত্র অর্থাঃ পংচ খাদযঃ ।
জ্ঞানং আত্মা উভয আধারঃ ততঃ দেহ ইংদ্রিয আসবঃ ॥ 19॥

ষড্ ইতি অত্র অপি ভূতানি পংচ ষষ্ঠঃ পরঃ পুমান্ ।
তৈঃ যুক্তঃ আত্মসংভূতৈঃ সৃষ্ট্বা ইদং সমুপাবিশত্ ॥ 20॥

চত্বারি এব ইতি তত্র অপি তেজঃ আপঃ অন্নং আত্মনঃ ।
জাতানি তৈঃ ইদং জাতং জন্ম অবযবিনঃ খলু ॥ 21॥

সংখ্যানে সপ্তদশকে ভূতমাত্র ইংদ্রিযাণি চ ।
পংচপংচ এক মনসা আত্মা সপ্তদশঃ স্মৃতঃ ॥ 22॥

তদ্বত্ ষোডশসংখ্যানে আত্মা এব মনঃ উচ্যতে ।
ভূতেংদ্রিযাণি পংচ এব মনঃ আত্মা ত্রযোদশঃ ॥ 23॥

একাদশত্বঃ আত্মা অসৌ মহাভূতেংদ্রিযাণি চ ।
অষ্টৌ প্রকৃতযঃ চ এব পুরুষঃ চ নব ইতি অথ ॥ 24॥

ইতি নানা প্রসংখ্যানং তত্ত্বানাং ঋষিভিঃ কৃতম্ ।
সর্বং ন্যায্যং যুক্তিমত্বাত্ বিদুষাং কিং অশোভনম্ ॥ 25॥

উদ্ধবঃ উবাচ ।
প্রকৃতিঃ পুরুষঃ চ উভৌ যদি অপি আত্মবিলক্ষণৌ ।
অন্যোন্য অপাশ্রযাত্ কৃষ্ণ দৃশ্যতে ন ভিদা তযোঃ ।
প্রকৃতৌ লক্ষ্যতে হি আত্মা প্রকৃতিঃ চ তথা আত্মনি ॥ 26॥

এবং মে পুংডরীকাক্ষ মহাংতং সংশযং হৃদি ।
ছেত্তুং অর্হসি সর্বজ্ঞ বচোভিঃ নযনৈপুণৈঃ ॥ 27॥

ত্বত্তঃ জ্ঞানং হি জীবানাং প্রমোষঃ তে অত্র শক্তিতঃ ।
ত্বং এব হি আত্ম মাযাযা গতিং বেত্থ ন চ অপরঃ ॥ 28॥

শ্রীভগবান্ উবাচ ।
প্রকৃতিঃ পুরুষঃ চ ইতি বিকল্পঃ পুরুষর্ষভ ।
এষঃ বৈকারিকঃ সর্গঃ গুণব্যতিকরাত্মকঃ ॥ 29॥

মম অংগ মাযা গুণমযী অনেকধা
বিকল্পবুদ্ধীঃ চ গুণৈঃ বিধত্তে ।
বৈকারিকঃ ত্রিবিধঃ অধ্যাত্মং একম্
অথ অধিদৈবং অধিভূতং অন্যত্ ॥ 30॥

দৃক্ রূপং আর্কং বপুঃ অত্র রংধ্রে
পরস্পরং সিধ্যতি যঃ স্বতঃ খে ।
আত্মা যত্ এষং অপরঃ যঃ আদ্যঃ
স্বযা অনুভূত্য অখিলসিদ্ধসিদ্ধিঃ ।
এবং ত্বক্ আদি শ্রবণাদি চক্ষুঃ
জিহ্ব আদি নাস আদি চ চিত্তযুক্তম্ ॥ 31॥

যঃ অসৌ গুণক্ষোভকৃতৌ বিকারঃ
প্রধানমূলাত্ মহতঃ প্রসূতঃ ।
অহং ত্রিবৃত্ মোহবিকল্পহেতুঃ
বৈকারিকঃ তামসঃ ঐংদ্রিযঃ চ ॥ 32॥

আত্মাপরিজ্ঞানমযঃ বিবাদঃ
হি অস্তি ইতি ন অস্তি ইতি ভিদার্থনিষ্ঠঃ ।
ব্যর্থঃ অপি ন এব উপরমেত পুংসাং
মত্তঃ পরাবৃত্তধিযাং স্বলোকাত্ ॥ 33॥

উদ্ধবঃ উবাচ ।
ত্বত্তঃ পরাবৃত্তধিযঃ স্বকৃতৈঃ কর্মভিঃ প্রভো ।
উচ্চ অবচান্ যথা দেহান্ গৃহ্ণংতি বিসৃজংতি চ ॥ 34॥

তত্ মম আখ্যাহি গোবিংদ দুর্বিভাব্যং অনাত্মভিঃ ।
ন হি এতত্ প্রাযশঃ লোকে বিদ্বাংসঃ সংতি বংচিতাঃ ॥ 35॥

শ্রীভগবান্ উবাচ ।
মনঃ কর্মমযং নৃণাং ইংদ্রিযৈঃ পংচভিঃ যুতম্ ।
লোকাত্ লোকং প্রযাতি অন্যঃ আত্মা তত্ অনুবর্ততে ॥ 36॥

ধ্যাযন্ মনঃ অনুবিষযান্ দৃষ্টান্ বা অনুশ্রুতান্ অথ ।
উদ্যত্ সীদত্ কর্মতংত্রং স্মৃতিঃ তত্ অনুশাম্যতি ॥ 37॥

বিষয অভিনিবেশেন ন আত্মানং যত্ স্মরেত্ পুনঃ ।
জংতোঃ বৈ কস্যচিত্ হেতোঃ মৃত্যুঃ অত্যংতবিস্মৃতিঃ ॥ 38॥

জন্ম তু আত্মতযা পুংসঃ সর্বভাবেন ভূরিদ ।
বিষয স্বীকৃতিং প্রাহুঃ যথা স্বপ্নমনোরথঃ ॥ 39॥

স্বপ্নং মনোরথং চ ইত্থং প্রাক্তনং ন স্মরতি অসৌ ।
তত্র পূর্বং ইব আত্মানং অপূর্বং চ অনুপশ্যতি ॥ 40॥

ইংদ্রিয আযন সৃষ্ট্যা ইদং ত্রৈবিধ্যং ভাতি বস্তুনি ।
বহিঃ অংতঃ ভিদাহেতুঃ জনঃ অসত্ জনকৃত্ যথা ॥ 41॥

নিত্যদা হি অংগঃ ভূতানি ভবংতি ন ভবংতি চ ।
কালেন অল্ক্ষ্যবেগেন সূক্ষ্মত্বাত্ তত্ ন দৃশ্যতে ॥ 42॥

যথা অর্চিষাং স্রোতসাং চ ফলানাং বা বনস্পতেঃ ।
তথা এব সর্বভূতানাং বযঃ অবস্থা আদযঃ কৃতাঃ ॥ 43॥

সঃ অযং দীপঃ অর্চিষাং যদ্বত্ স্রোতসাং তত্ ইদং জলম্ ।
সঃ অযং পুমান্ ইতি নৃণাং মৃষাঃ গীঃ ধীঃ মৃষা
আযুষাম্ ॥ 44॥

মা স্বস্য কর্মবীজেন জাযতে সঃ অপি অযং পুমান্ ।
ম্রিযতে বামরঃ ভ্রাংত্যা যথা অগ্নিঃ দারু সংযুতঃ ॥ 45॥

নিষেকগর্ভজন্মানি বাল্যকৌমারযৌবনম্ ।
বযোমধ্যং জরা মৃত্যুঃ ইতি অবস্থাঃ তনোঃ নব ॥ 46॥

এতাঃ মনোরথমযীঃ হি অন্যস্য উচ্চাবচাঃ তনূঃ ।
গুণসংগাত্ উপাদত্তে ক্বচিত্ কশ্চিত্ জহাতি চ ॥ 47॥

আত্মনঃ পিতৃপুত্রাভ্যাং অনুমেযৌ ভবাপ্যযৌ ।
ন ভবাপ্যযবস্তূনাং অভিজ্ঞঃ দ্বযলক্ষণঃ ॥ 48॥

তরোঃ বীজবিপাকাভ্যাং যঃ বিদ্বাত্ জন্মসংযমৌ ।
তরোঃ বিলক্ষণঃ দ্রষ্টা এবং দ্রষ্টা তনোঃ পৃথক্ ॥ 49॥

প্রকৃতেঃ এবং আত্মানং অবিবিচ্য অবুধঃ পুমান্ ।
তত্ত্বেন স্পর্শসংমূঢঃ সংসারং প্রতিপদ্যতে ॥ 50॥

সত্ত্বসংগাত্ ঋষীন্ দেবান্ রজসা অসুরমানুষান্ ।
তমসা ভূততির্যক্ত্বং ভ্রামিতঃ যাতি কর্মভিঃ ॥ 51॥

নৃত্যতঃ গাযতঃ পশ্যন্ যথা এব অনুকরোতি তান্ ।
এবং বুদ্ধিগুণান্ পশ্যন্ অনীহঃ অপি অনুকার্যতে ॥ 52॥

যথা অংভসা প্রচলতা তরবঃ অপি চলাঃ ইব ।
চক্ষুষা ভ্রাম্যমাণেন দৃশ্যতে ভ্রমতি ইব ভূঃ ॥ 53॥

যথা মনোরথধিযঃ বিষযানুভবঃ মৃষা ।
স্বপ্নদৃষ্টাঃ চ দাশার্হ তথা সংসারঃ আত্মনঃ ॥ 54॥

অর্থে হি অবিদ্যমানে অপি সংসৃতিঃ ন নিবর্ততে ।
ধ্যাযতঃ বিষযান্ অস্য স্বপ্নে অনর্থ আগমঃ যথা ॥ 55॥

তস্মাত্ উদ্ধব মা ভুংক্ষ্ব বিষযান্ অসত্ ইংদ্রিযৈঃ ।
আত্মা অগ্রহণনির্ভাতং পশ্য বৈকল্পিকং ভ্রমম্ ॥ 56॥

ক্ষিপ্তঃ অবমানিতঃ অসদ্ভিঃ প্রলব্ধঃ অসূযিতঃ অথবা ।
তাডিতঃ সংনিবদ্ধঃ বা বৃত্ত্যা বা পরিহাপিতঃ ॥ 57॥

নিষ্ঠিতঃ মূত্রিতঃ বহুধা এবং প্রকংপিতঃ ।
শ্রেযস্কামঃ কৃচ্ছ্রগতঃ আত্মনা আত্মানং উদ্ধরেত্ ॥ 58॥

উদ্ধবঃ উবাচ ।
যথা এবং অনুবুদ্ধ্যেযং বদ নঃ বদতাং বর ।
সুদুঃসহং ইমং মন্যঃ আত্মনি অসত্ অতিক্রমম্ ॥ 59॥

বিদুষং অপি বিশ্বাত্মন্ প্রকৃতিঃ হি বলীযসী ।
ঋতে ত্বত্ ধর্মনিরতান্ শাংতাঃ তে চরণালযান্ ॥ 60॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে ভগবদুদ্ধবসংবাদে
দ্বাবিংশোঽধ্যাযঃ ॥ 22॥

অথ ত্রযোবিংশঃ অধ্যাযঃ ।
বাদরাযণিঃ উবাচ ।
সঃ এবং আশংসিতঃ উদ্ধবেন
ভাগবতমুখ্যেন দাশার্হমুখ্যঃ ।
সভাজযন্ বৃত্যবচঃ মুকুংদঃ
তং আবভাষে শ্রবণীযবীর্যঃ ॥ 1॥

শ্রীভগবান্ উবাচ ।
বর্হস্পত্য সঃ বৈ ন অত্র সাধুঃ বৈ দুর্জন্ ঈরিতৈঃ ।
দুরুক্তৈঃ ভিন্নং আত্মানং যঃ সমাধাতুং ঈশ্বরঃ ॥ 2॥

ন তথা তপ্যতে বিদ্ধঃ পুমান্ বাণৈঃ সুমর্মগৈঃ ।
যথা তুদংতি মর্মস্থাঃ হি অসতাং পরুষেষবঃ ॥ 3॥

কথযংতি মহত্পুণ্যং ইতিহাসং ইহ উদ্ধব ।
তং অহং বর্ণযিষ্যামি নিবোধ সুসমাহিতঃ ॥ 4॥

কেনচিত্ ভিক্ষুণা গীতং পরিভূতেন দুর্জনৈঃ ।
স্মরতাঃ ধৃতিযুক্তেন বিপাকং নিজকর্মণাম্ ॥ 5॥

অবনিষু দ্বিজঃ কশ্চিত্ আসীত্ আঢ্যতমঃ শ্রিযা ।
বার্তাবৃত্তিঃ কদর্যঃ তু কামী লুব্ধঃ অতিকোপনঃ ॥ 6॥

জ্ঞাতযঃ অতিথযঃ তস্য বাঙ্মাত্রেণ অপি ন অর্চিতাঃ ।
শূন্য অবসথঃ আত্মা অপি কালে কামৈঃ অনর্চিতঃ ॥ 7॥

দুঃশীলস্য কদর্যস্য দ্রুহ্যংতে পুত্রবাংধবাঃ ।
দারা দুহিতরঃ ভৃত্যাঃ বিষণ্ণাঃ ন আচরন্ প্রিযম্ ॥ 8॥

তস্য এবং যক্ষবিত্তস্য চ্যুতস্য উভযলোকতঃ ।
ধর্মকামবিহীনস্য চুক্রুধুঃ পংচভাগিনঃ ॥ 9॥

তত্ অবধ্যান বিস্রস্ত পুণ্য স্কংধস্য ভূরিদ ।
অর্থঃ অপি অগচ্ছন্ নিধনং বহু আযাস পরিশ্রমঃ ॥ 10॥

জ্ঞাতযঃ জগৃহুঃ কিংচিত্ কিংচিত্ অস্যবঃ উদ্ধব ।
দৈবতঃ কালতঃ কিংচিত্ ব্রহ্মবংধোঃ নৃপার্থিবাত্ ॥ 11॥

সঃ এবং দ্রবিণে নষ্টে ধর্মকামবিবর্জিতঃ ।
উপেক্ষিতঃ চ স্বজনৈঃ চিংতাং আপ দুরত্যযাম্ ॥ 12॥

তস্য এবং ধ্যাযতঃ দীর্ঘং নষ্টরাযঃ তপস্বিনঃ ।
খিদ্যতঃ বাষ্পকংঠস্য নির্বেদঃ সুমহান্ অভূত্ ॥ 13॥

সঃ চ আহ ইদং অহো কষ্টং বৃথা আত্মা মে অনুতাপিতঃ ।
ন ধর্মায ন কামায যস্য অর্থ আযাসঃ ঈদৃশঃ ॥ 14॥

প্রাযেণ অর্থাঃ কদর্যাণাং ন সুখায কদাচন ।
ইহ চ আত্মোপতাপায মৃতস্য নরকায চ ॥ 15॥

যশঃ যশস্বিনাং শুদ্ধং শ্লাঘ্যাঃ যে গুণিনাং গুণাঃ ।
লোভঃ স্বল্পঃ অপি তান্ হংতি শ্বিত্রঃ রূপং ইব ইপ্সিতম্ ॥ 16॥

অর্থস্য সাধনে সিদ্ধঃ উত্কর্ষে রক্ষণে ব্যযে ।
নাশ উপভোগঃ আযাসঃ ত্রাসঃ চিংতা ভ্রমঃ নৃণাম্ ॥ 17॥

স্তেযং হিংসা অনৃতং দংভঃ কামঃ ক্রোধঃ স্মযঃ মদঃ ।
ভেদঃ বৈরং অবিশ্বাসঃ সংস্পর্ধা ব্যসনানি চ ॥ 18॥

এতে পংচদশান্ অর্থাঃ হি অর্থমূলাঃ মতাঃ নৃণাম্ ।
তস্মাত্ অনর্থং অর্থাখ্যং শ্রেযঃ অর্থী দূরতঃ ত্যজেত্ ॥ 19॥

ভিদ্যংতে ভ্রাতরঃ দারাঃ পিতরঃ সুহৃদঃ তথা ।
একাস্নিগ্ধাঃ কাকিণিনা সদ্যঃ সর্বে অরযঃ কৃতাঃ ॥ 20॥

অর্থেন অল্পীযসা হি এতে সংরব্ধা দীপ্তং অন্যবঃ ।
ত্যজংতি আশু স্পৃধঃ ঘ্নংতি সহসা উত্সৃজ্য সৌহৃদম্ ॥

21॥

লব্ধ্বা জন্ম অমরপ্রার্থ্যং মানুষ্যং তত্ দ্বিজ অগ্র্যতাম্ ।
তত্ অনাদৃত্য যে স্বার্থং ঘ্নংতি যাংতি অশুভাং গতিম্ ॥

22॥

স্বর্গ অপবর্গযোঃ দ্বারং প্রাপ্য লোকং ইমং পুমান্ ।
দ্রবিণে কঃ অনূষজ্জেত মর্ত্যঃ অনর্থস্য ধামনি ॥ 23॥

দেবর্ষি পিতৃ ভূতানি জ্ঞাতীন্ বংধূন্ চ ভাগিনঃ ।
অসংবিভজ্য চ আত্মানং যক্ষবিত্তঃ পততি অধঃ ॥ 24॥

ব্যর্থযা অর্থেহযা বিত্তং প্রমত্তস্য বযঃ বলম্ ।
কুশলাঃ যেন সিধ্যংতি জরঠঃ কিং নু সাধযে ॥ 25॥

কস্মাত্ সংক্লিশ্যতে বিদ্বান্ ব্যর্থযা অর্থেহযা অসকৃত্ ।
কস্যচিত্ মাযযা নূনং লোকঃ অযং সুবিমোহিতঃ ॥ 26॥

কিং ধনৈঃ ধনদৈঃ বা কিং কামৈঃ বা কামদৈঃ উত ।
মৃত্যুনা গ্রস্যমানস্য কর্মভিঃ বা উত জন্মদৈঃ ॥ 27॥

নূনং মে ভগবান্ তুষ্টঃ সর্বদেবমযঃ হরিঃ ।
যেন নীতঃ দশাং এতাং নির্বেদঃ চ আত্মনঃ প্লবঃ ॥ 28॥

সঃ অহং কলৌ অশেষেণ শোষযিহ্হ্যে অংগং আত্মনঃ ।
অপ্রমত্তঃ অখিলস্বার্থে যদি স্যাত্ সিদ্ধঃ আত্মনি ॥ 29॥

তত্র মাং অনুমোদেরন্ দেবাঃ ত্রিভুবনেশ্বরাঃ ।
মুহূর্তেন ব্রহ্মলোকং খট্বাংগঃ সমসাধযত্ ॥ 30॥

শ্রীভগবান্ উবাচ ।
ইতি অভিপ্রেত্য মনসা হি আবংত্যঃ দ্বিজসত্তমঃ ।
উন্মুচ্য হৃদযগ্রংথীন্ শাংতঃ ভিক্ষুঃ অভূত্ মুনিঃ ॥ 31॥

সঃ চচার মহীং এতাং সংযত আত্মেংদ্রিয অনিলঃ ।
ভিক্ষার্থং নগর গ্রামান্ অসংগঃ অলক্ষিতঃ অবিশত্ ॥ 32॥

তং বৈ প্রবযসং ভিক্ষুং অবধূতং অসজ্জনাঃ ।
দৃষ্ট্বা পর্যভবন্ ভদ্রঃ বহ্বীভিঃ পরিভূতিভিঃ ॥ 33॥

কেচিত্ ত্রিবেণুং জগৃহুঃ একে পাত্রং কমংডলুম্ ।
পীঠং চ একে অক্ষসূত্রং চ কংথাং চীরাণি কেচন ॥ 34॥

প্রদায চ পুনঃ তানি দর্শিতানি আদদুঃ মুনেঃ ।
অন্নং চ ভৈক্ষ্যসংপন্নং ভুংজানস্য সরিত্ তটে ॥ 35॥

মূত্রযংতি চ পাপিষ্ঠাঃ ষ্ঠীবংতি অস্য চ মূর্ধনি ।
যতবাচং বাচযংতি তাডযংতি ন বক্তি চেত্ ॥ 36॥

তর্জযংতি অপরে বাগ্ভিঃ স্তেনঃ অযং ইতি বাদিনঃ ।
বধ্নংতি রজ্জ্বা তং কেচিত্ বধ্যতাং বধ্যতাং ইতি ॥ 37॥

ক্ষিপংতি একে অবজানংতঃ এষঃ ধর্মধ্বজঃ শঠঃ ।
ক্ষীণবিত্তঃ ইমাং বৃত্তিং অগ্রহীত্ স্বজন উজ্ঝিতঃ ॥ 38॥

অহো এষঃ মহাসারঃ ধৃতিমান্ গিরিঃ আডিব ।
মৌনেন সাধযতি অর্থং বকবত্ দৃঢনিশ্চযঃ ॥ 39॥

ইতি একে বিহসংতি এনং একে দুর্বাতযংতি চ ।
তং ববংধুঃ নিরুরুধুঃ যথা ক্রীডনকং দ্বিজম্ ॥ 40॥

এবং সঃ ভৌতিকং দুঃখং দৈবিকং দৈহিকং চ যত্ ।
ভোক্তব্যং আত্মনঃ দিষ্টং প্রাপ্তং প্রাপ্তং অবুধ্যত ॥ 41॥

পরিভূতঃ ইমাং গাথাং অগাযত নরাধমৈঃ ।
পাতযদ্ভিঃ স্বধর্মস্থঃ ধৃতিং আস্থায সাত্বিকীম্ ॥ 42॥

দ্বিজঃ উবাচ ।
ন অযং জনঃ মে সুখদুঃখহেতুঃ
ন দেবতাত্মা গ্রহকর্মকালাঃ ।
মনঃ পরং কারণং আমনংতি
সংসারচক্রং পরিবর্তযেত্ যত্ ॥ 43॥

মনঃ গুণান্ বৈ সৃজতে বলীযঃ
ততঃ চ কর্মাণি বিলক্ষণানি ।
শুক্লানি কৃষ্ণানি অথ লোহিতানি
তেভ্যঃ সবর্ণাঃ সৃতযঃ ভবংতি ॥ 44॥

অনীহঃ আত্মা মনসা সমীহতা
হিরণ্মযঃ মত্সখঃ উদ্বিচষ্টে ।
মনঃ স্বলিংগং পরিগৃহ্য কামান্
জুষন্ নিবদ্ধঃ গুণসংগতঃ অসৌ ॥ 45॥

দানং স্বধর্মঃ নিযমঃ যমঃ চ
শ্রুতং চ কর্মাণি চ সদ্ব্রতানি ।
সর্বে মনোনিগ্রহলক্ষণাংতাঃ
পরঃ হি যোগঃ মনসঃ সমাধি ॥ 46॥

সমাহিতং যস্য মনঃ প্রশাংতম্
দানাদিভিঃ কিং বদ তস্য কৃত্যম্ ।
অসংযতং যস্য মনঃ বিনশ্যত্
দানাদিভিঃ চেত্ অপরং কিমেভিঃ ॥ 47॥

মনোবশে অন্যে হি অভবন্ স্ম দেবাঃ
মনঃ চ ন অন্যস্য বশং সমেতি ।
ভীষ্মঃ হি দেবঃ সহসঃ সহীযান্
যুংজ্যাত্ বশে তং সঃ হি দেবদেবঃ ॥ 48॥

তং দুর্জযং শত্রুং অসহ্যবেগং
মরুংতুদং তত্ ন বিজিত্য কেচিত্ ।
কুর্বংতি অসত্ বিগ্রহং অত্র মর্ত্যৈঃ
মিত্রাণি উদাসীন রিপূন্ বিমূঢাঃ ॥ 49॥

দেহং মনোমাত্রং ইমং গৃহীত্বা
মম অহং ইতি অংধ ধিযঃ মনুষ্যাঃ ।
এষঃ অহং অন্যঃ অযং ইতি ভ্রমেণ
দুরংতপারে তমসি ভ্রমংতি ॥ 50॥

জনঃ তু হেতুঃ সুখদুঃখযোঃ চেত্
কিং আত্মনঃ চ অত্র হ ভৌমযোঃ তত্ ।
জিহ্বাং ক্বচিত্ সংদশতি স্বদদ্ভিঃ
তত্ বেদনাযাং কতমায কুপ্যেত্ ॥ 51॥

দুঃখস্য হেতুঃ যদি দেবতাঃ তু
কিং আত্মনঃ তত্র বিকারযোঃ তত্ ।
যত্ অংগং অংগেন নিহন্যতে ক্বচিত্
ক্রুধ্যেত কস্মৈ পুরুষঃ স্বদেহে ॥ 52॥

আত্মা যদি স্যাত্ সুখদুঃখহেতুঃ
কিং অন্যতঃ তত্র নিজস্বভাবঃ ।
ন হি আত্মনঃ অন্যত্ যদি তত্ মৃষা স্যাত্
ক্রুধ্যেত কস্মাত্ ন সুখং ন দুঃখম্ ॥ 53॥

গ্রহাঃ নিমিত্তং সুখদুঃখযোঃ চেত্
কিং আত্মনঃ অজস্য জনস্য তে বৈ ।
গ্রহৈঃ গ্রহস্য এব বদংতি পীডাম্
ক্রুধ্যেত কস্মৈ পুরুষঃ ততঃ অন্যঃ ॥ 54॥

কর্মাঃ তু হেতুঃ সুখদুঃখযোঃ চেত্
কিং আত্মনঃ তত্ হি জডাজডত্বে ।
দেহঃ তু অচিত্পুরুষঃ অযং সুপর্ণঃ
ক্রুধ্যেত কস্মৈ ন হি কর্মমূলম্ ॥ 55॥

কালঃ তু হেতুঃ সুখদুঃখযোঃ চেত্
কিং আত্মনঃ তত্র তত্ আত্মকঃ অসৌ ।
ন অগ্নেঃ হি তাপঃ ন হিমস্য তত্ স্যাত্
ক্রুধ্যেত কস্মৈ ন পরস্য দ্বংদ্বম্ ॥ 56॥

ন কেনচিত্ ক্ব অপি কথংচন অস্য
দ্বংদ্ব উপরাগঃ পরতঃ পরস্য ।
যথাহমঃ সংসৃতিরূপিণঃ স্যাত্
এবং প্রবুদ্ধঃ ন বিভেতি ভূতৈঃ ॥ 57॥

এতাং সঃ আস্থায পরাত্মনিষ্ঠাম্
অধ্যাসিতাং পূর্বতমৈঃ মহর্ষিভিঃ ।
অহং তরিষ্যামি দুরংতপারম্
তমঃ মুকুংদ অংঘ্রিনিষেবযা এব ॥ 58॥

শ্রীভগবান্ উবাচ ।
নির্বিদ্য নষ্টদ্রবিণঃ গতক্লমঃ
প্রব্রজ্য গাং পর্যটমানঃ ইত্থম্ ।
নিরাকৃতঃ অসদ্ভিঃ অপি স্বধর্মাত্
অকংপিতঃ অমুং মুনিঃ আহ গাথাম্ ॥ 59॥

সুখদুঃখপ্রদঃ ন অন্যঃ পুরুষস্য আত্মবিভ্রমঃ ।
মিত্র উদাসীনরিপবঃ সংসারঃ তমসঃ কৃতঃ ॥ 60॥

তস্মাত্ সর্বাত্মনা তাত নিগৃহাণ মনো ধিযা ।
মযি আবেশিতযা যুক্তঃ এতাবান্ যোগসংগ্রহঃ ॥ 61॥

যঃ এতাং ভিক্ষুণা গীতাং ব্রহ্মনিষ্ঠাং সমাহিতঃ ।
ধারযন্ শ্রাবযন্ শ্রুণ্বন্ দ্বংদ্বৈঃ ন এব অভিভূযতে ॥ 62॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে ভগবদুদ্ধবসংবাদে
বিক্ষুগীতনিরূপণং নাম ত্রযোবিংশোঽধ্যাযঃ ॥ 23॥

অথ চতুর্বিংশোঽধ্যাঃ ।
শ্রীভগবান্ উবাচ ।
অথ তে সংপ্রবক্ষ্যামি সাংখ্যং পূর্বৈঃ বিনিশ্চিতম্ ।
যত্ বিজ্ঞায পুমান্ সদ্যঃ জহ্যাত্ বৈকল্পিকং ভ্রমম্ ॥ 1॥

আসীত্ জ্ঞানং অথঃ হি অর্থঃ একং এব অবিকল্পিতম্ ।
যদা বিবেকনিপুণাঃ আদৌ কৃতযুগে অযুগে ॥ 2॥

তত্ মাযাফলরূপেণ কেবলং নির্বিকল্পিতম্ ।
বাঙ্মনঃ অগোচরং সত্যং দ্বিধা সমভবত্ বৃহত্ ॥ 3॥

তযোঃ একতরঃ হি অর্থঃ প্রকৃতিঃ সোভযাত্মিকা ।
জ্ঞানং তু অন্যতরঃ ভাবঃ পুরুষঃ সঃ অভিধীযতে ॥ 4॥

তমঃ রজঃ সত্ত্বং ইতি প্রকৃতেঃ অভবন্ গুণাঃ ।
মযা প্রক্ষোভ্যমাণাযাঃ পুরুষ অনুমতেন চ ॥ 5॥

তেভ্যঃ সমভবত্ সূত্রং মহান্ সূত্রেণ সংযুতঃ ।
ততঃ বিকুর্বতঃ জাতঃ যঃ অহংকারঃ বিমোহনঃ ॥ 6॥

বৈকারিকঃ তৈজসঃ চ তামসঃ চ ইতি অহং ত্রিবৃত্ ।
তন্মাত্র ইংদ্রিয মনসাং কারণং চিত্ অচিত্ মযঃ ॥ 7॥

অর্থঃ তন্মাত্রিকাত্ জজ্ঞে তামসাত্ ইংদ্রিযাণি চ ।
তৈজসাত্ দেবতাঃ আসন্ একাদশ চ বৈকৃতাত্ ॥ 8॥

মযা সংচোদিতাঃ ভাবাঃ সর্বে সংহতি অকারিণঃ ।
অংডং উত্পাদযামাসুঃ মম আযতনং উত্তমম্ ॥ 9॥

তস্মিন্ অহং সমভবং অংডে সলিলসংস্থিতৌ ।
মম নাভ্যাং অভূত্ পদ্মং বিশ্বাখ্যং তত্র চ আত্মভূঃ ॥

10॥

সঃ অসৃজত্ তপসা যুক্তঃ রজসা মত্ অনুগ্রহাত্ ।
লোকান্ সপালান্ বিশ্বাত্মা ভূঃ ভুবঃ স্বঃ ইতি ত্রিধা ॥ 11॥

দেবানাং ওকঃ আসীত্ স্বঃ ভূতানাং চ ভুবঃ পদম্ ।
মর্ত্য আদীনাং চ ভূঃ লোকঃ সিদ্ধানাং ত্রিতযাত্ পরম্ ॥

12॥

অধঃ অসুরাণাং নাগানাং ভূমেঃ ওকঃ অসৃজত্ প্রভুঃ ।
ত্রিলোক্যাং গতযঃ সর্বাঃ কর্মণাং ত্রিগুণ আত্মনাম্ ॥ 13॥

যোগস্য তপসঃ চ এব ন্যাসস্য গতযঃ অমলাঃ ।
মহঃ জনঃ তপঃ সত্যং ভক্তিযোগস্য মদ্গতিঃ ॥ 14॥

মযা কালাত্মনা ধাত্রা কর্মযুক্তং ইদং জগত্ ।
গুণপ্রবাহঃ এতস্মিন্ উন্মজ্জতি নিমজ্জতি ॥ 15॥

অণুঃ বৃহত্ কৃশঃ স্থূলঃ যঃ যঃ ভাবঃ প্রসিধ্যতি ।
সর্বঃ অপি উভযসংযুক্তঃ প্রকৃত্যা পুরুষেণ চ ॥ 16॥

যঃ তু যস্য আদিঃ অংতঃ চ সঃ বৈ মধ্যং চ তস্য সন্ ।
বিকারঃ ব্যবহারার্থঃ যথা তৈজস পার্থিবাঃ ॥ 17॥

যত্ উপাদায পূর্বঃ তু ভাবঃ বিকুরুতে অপরম্ ।
আদিঃ অংতঃ যদা যস্য তত্ সত্যং অভিধীযতে ॥ 18॥

প্রকৃতিঃ হি অস্য উপাদানং আধারঃ পুরুষঃ পরঃ ।
সতঃ অভিব্যংজকঃ কালঃ ব্রহ্ম তত্ ত্রিতযং তু অহম্ ॥ 19॥

সর্গঃ প্রবর্ততে তাবত্ পৌর্ব অপর্যেণ নিত্যশঃ ।
মহান্ গুণবিসর্গ অর্থঃ স্থিতি অংতঃ যাবত্ ঈক্ষণম্ ॥ 20॥

বিরাট্ মযা আসাদ্যমানঃ লোককল্পবিকল্পকঃ ।
পংচত্বায বিশেষায কল্পতে ভুবনৈঃ সহ ॥ 21॥

অন্নে প্রলীযতে মর্ত্যং অন্নং ধানাসু লীযতে ।
ধানাঃ ভূমৌ প্রলীযংতে ভূমিঃ গংধে প্রলীযতে ॥ 22॥

অপ্সু প্রলীযংতে গংধঃ আপঃ চ স্বগুণে রসে ।
লীযতে জ্যোতিষি রসঃ জ্যোতী রূপে প্রলীযতে ॥ 23॥

রূপং বাযৌ সঃ চ স্পর্শে লীযতে সঃ অপি চ অংবরে ।
অংবরং শব্দতন্মাত্রঃ ইংদ্রিযাণি স্বযোনিষু ॥ 24॥

যোনিঃ বৈকারিকে সৌম্য লীযতে মনসি ঈশ্বরে ।
শব্দঃ ভূতাদিং অপি এতি ভূতাদিঃ মহতি প্রভুঃ ॥ 25॥

সঃ লীযতে মহান্ স্বেষু গুণেষু গুণবত্তমঃ ।
তে অব্যক্তে সংপ্রলীযংতে তত্কলে লীযতে অব্যযে ॥ 26॥

কালঃ মাযামযে জীবে জীবঃ আত্মনি মযি অজে ।
আত্মা কেবলঃ আত্মস্থঃ বিকল্প অপায লক্ষণঃ ॥ 27॥

এবং অন্বীক্ষমাণস্য কথং বৈকল্পিকঃ ভ্রমঃ ।
মনসঃ হৃদি তিষ্ঠেত ব্যোম্নি ইব অর্ক উদযে তমঃ ॥ 28॥

এষঃ সাংখ্যবিধিঃ প্রোক্তঃ সংশযগ্রংথিভেদনঃ ।
প্রতিলোম অনুলোমাভ্যাং পরাবরদৃশা মযা ॥ 29॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
প্রকৃতিপুরুষসাংখ্যযোগো নাম চতুর্বিংশোঽধ্যাযঃ ॥ 24॥

অথ পংচবিংশোঽধ্যাযঃ ।
শ্রীভগবানুবাচ ।
গুণানাং অসমিশ্রাণাং পুমান্যেন যথা ভবেত্ ।
তন্মে পুরুষবর্য ইঅদং উপধারয শংসতঃ ॥ 1॥

সমঃ দমঃ তিতিক্ষা ঈক্ষা তপঃ সত্যং দযা স্মৃতিঃ ।
তুষ্টিঃ ত্যাগঃ অস্পৃহা শ্রদ্ধা হ্রীঃ দযা আদিঃ স্বনির্বৃতিঃ ॥ 2॥

কামঃ ঈহা মদঃ তৃষ্ণা স্তংভঃ আশীঃ ভিদা সুখম্ ।
মদ উত্সাহঃ যশঃ প্রীতিঃ হাস্যং বীর্যং বল উদ্যমঃ ॥ 3॥

ক্রোধঃ লোভঃ অনৃতং হিংসা যাংচা দংভঃ ক্লমঃ কলিঃ ।
শোকমোহৌ বিষাদার্তী নিদ্রা আশা ভীঃ অনুদ্যমঃ ॥ 4॥

সত্ত্বস্য রজসঃ চ এতাঃ তমসঃ চ অনুমূর্বশঃ ।
বৃত্তযঃ বর্ণিতপ্রাযাঃ সংনিপাতং অথঃ শ্রুণু ॥ 5॥

সংনিপাতঃ তু অহং ইতি মম ইতি উদ্ধব যা মতিঃ ।
ব্যবহারঃ সংনিপাতঃ মনোমাত্র ইংদ্রিযাসুভিঃ ॥ 6॥

ধর্মে চ অর্থে চ কামে চ যদা অসৌ পরিনিষ্ঠিতঃ ।
গুণানাং সংনিকর্ষঃ অযং শ্রদ্ধাঃ অতিধনাবহঃ ॥ 7॥

প্রবৃত্তিলক্ষণে নিষ্ঠা পুমান্ যঃ হি গৃহাশ্রমে ।
স্বধর্মে চ অনুতিষ্ঠেত গুণানাং সমিতিঃ হি সা ॥ 8॥

পুরুষং সত্ত্বসংযুক্তং অনুমীযাত্ শম আদিভিঃ ।
কামাদিভী রজোযুক্তং ক্রোধাদ্যৈঃ তমসা যুতম্ ॥ 9॥

যদা ভজতি মাং ভক্ত্যা নিরপেক্ষঃ স্বকর্মভিঃ ।
তং সত্ত্বপ্রকৃতিং বিদ্যাত্ পুরুষং স্ত্রিযং এব বা ॥ 10॥

যদা আশিষঃ আশাস্য মাং ভজেত স্বকর্মভিঃ ।
তং রজঃপ্রকৃতিং বিদ্যাত্ হিংসাং আশাস্য তামসম্ ॥ 11॥

সত্ত্বং রজঃ তমঃ ইতি গুণাঃ জীবস্য ন এব মে ।
চিত্তজা যৈঃ তু ভূতানাং সজ্জমানঃ নিবধ্যতে ॥ 12॥

যদেতরৌ জযেত্ সত্ত্বং ভাস্বরং বিশদং শিবম্ ।
তদা সুখেন যুজ্যেত ধর্মজ্ঞান আদিভিঃ পুমান্ ॥ 13॥

যদা জযেত্ তমঃ সত্ত্বং রজঃ সংগং ভিদা চলম্ ।
তদা দুঃখেন যুজ্যেত কর্মণা যশসা শ্রিযা ॥ 14॥

যদা জযেত্ রজঃ সত্ত্বং তমঃ মূঢঃ লযং জডম্ ।
যুজ্যেত শোকমোহাভ্যাং নিদ্রযা হিংসযা আশযা ॥ 15॥

যদা চিত্তং প্রসীদেত ইংদ্রিযাণাং চ নির্বৃতিঃ ।
দেহে অভযং মনোসংগং তত্ সত্ত্বং বিদ্ধি মত্পদম্ ॥ 16॥

বিকুর্বন্ ক্রিযযা চ অধীর নির্বৃতিঃ চ চেতসাম্ ।
গাত্রাস্বাস্থ্যং মনঃ ভ্রাংতং রজঃ এতৈঃ নিশাময ॥ 17॥

সীদত্ চিত্তং বিলীযেত চেতসঃ গ্রহণে অক্ষমম্ ।
মনঃ নষ্টং তমঃ গ্লানিঃ তমঃ তত্ উপধারয ॥ 18॥

এধমানে গুণে সত্ত্বে দেবানাং বলং এধতে ।
অসুরাণাং চ রজসি তমসি উদ্ধব রক্ষসাম্ ॥ 19॥

সত্ত্বাত্ জগরণং বিদ্যাত্ রজসা স্বপ্নং আদিশেত্ ।
প্রস্বাপং তমসা জংতোঃ তুরীযং ত্রিষু সংততম্ ॥ 20॥

উপর্যুপরি গচ্ছংতি সত্ত্বেন আব্রহ্মণঃ জনাঃ ।
তমসা অধঃ অধঃ আমুখ্যাত্ রজসা অংতরচারিণঃ ॥ 21॥

সত্ত্বে প্রলীনাঃ স্বঃ যাংতি নরলোকং রজোলযাঃ ।
তমোলযাঃ তু নিরযং যাংতি মাং এব নির্গুণাঃ ॥ 22॥

মদর্পণং নিষ্ফলং বা সাত্বিকং নিজকর্ম তত্ ।
রাজসং ফলসংকল্পং হিংসাপ্রাযাদি তামসম্ ॥ 23॥

কৈবল্যং সাত্বিকং জ্ঞানং রজঃ বৈকল্পিকং চ যত্ ।
প্রাকৃতং তামসং জ্ঞানং মন্নিষ্ঠং নির্গুণং স্মৃতম্ ॥ 24॥

বনং তু সাত্বিকঃ বাসঃ গ্রামঃ রাজসঃ উচ্যতে ।
তামসং দ্যূতসদনং মন্নিকেতনং তু নির্গুণম্ ॥ 25॥

সাত্বিকঃ কারকঃ অসংগী রাগাংধঃ রাজসঃ স্মৃতঃ ।
তামসঃ স্মৃতিবিভ্রষ্টঃ নির্গুণঃ মদপাশ্রযঃ ॥ 26॥

সাত্ত্বিকী আধ্যাত্মিকী শ্রদ্ধা কর্মশ্রদ্ধা তু রাজসী ।
তামস্যধর্মে যা শ্রদ্ধা মত্সেবাযাং তু নির্গুণা ॥ 27॥

পথ্যং পূতং অনাযঃ তং আহার্যং সাত্ত্বিকং স্মৃতম্ ।
রাজসং চ ইংদ্রিযপ্রেষ্ঠং তামসং চ আর্তিদ অশুচি ॥ 28॥

সাত্ত্বিকং সুখং আত্মোত্থং বিষযোত্থং তু রাজসম্ ।
তামসং মোহদৈনোত্থং নির্গুণং মদপাশ্রযম্ ॥ 29॥

দ্রব্যং দেশঃ ফলং কালঃ জ্ঞানং কর্ম চ কারকাঃ ।
শ্রদ্ধা অবস্থা আকৃতিঃ নিষ্ঠা ত্রৈগুণ্যঃ সর্বঃ এব হি ॥

30॥

সর্বে গুণমযাঃ ভাবাঃ পুরুষ অব্যক্ত ধিষ্ঠিতাঃ ॥ 31॥

এতাঃ সংসৃতযঃ পুংসঃ গুণকর্মনিবংধনাঃ ।
যেন ইমে নির্জিতাঃ সৌম্য গুণাঃ জীবেন চিত্তজাঃ ।
ভক্তিযোগেন মন্নিষ্ঠঃ মদ্ভাবায প্রপদ্যতে ॥ 32॥

তস্মাত্ অহং ইমং লব্ধ্বা জ্ঞানবিজ্ঞানসংভবম্ ।
গুণসংগং বিনির্ধূয মাং ভজংতু বিচক্ষণাঃ ॥ 33॥

নিঃসংগঃ মাং ভজেত্ বিদ্বান্ অপ্রমত্তঃ জিতেংদ্রিযঃ ।
রজঃ তমঃ চ অভিজযেত্ সত্ত্বসংসেবযা মুনিঃ ॥ 34॥

সত্ত্বং চ অভিজযেত্ যুক্তঃ নৈরপেক্ষ্যেণ শাংতধীঃ ।
সংপদ্যতে গুণৈঃ মুক্তঃ জীবঃ জীবং বিহায মাম্ ॥ 35॥

জীবঃ জীববিনির্মুক্তঃ গুণৈঃ চ আশযসংভবৈঃ ।
মযা এব ব্রহ্মণা পূর্ণঃ ন বহিঃ ন অংতরঃ চরেত্ ॥ 36॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
গুণনির্গুণনিরূপণং নাম পংচবিংশোঽধ্যাযঃ ॥ 25॥

অথ ষড্বিংশোঽধ্যাযঃ ।
শ্রীভগবান্ উবাচ ।
মত্ লক্ষণং ইমং কাযং লব্ধ্বা মদ্ধর্মঃ আস্থিতঃ ।
আনংদং পরমাত্মানং আত্মস্থং সমুপৈতি মাম্ ॥1॥

গুণময্যাঃ জীবযোন্যাঃ বিমুক্তঃ জ্ঞাননিষ্ঠযা ।
গুণেষু মাযামাত্রেষু দৃশ্যমানেষু অবস্তুতঃ ।
বর্তমানঃ অপি ন পুমান্ যুজ্যতে অবস্তুভিঃ গুণৈঃ ॥ 2॥

সংগং ন কুর্যাত্ অসতাং শিশ্ন উদর তৃপাং ক্বচিত্ ।
তস্য অনুগতঃ তমসি অংধে পততি অংধ অনুগাংধবত্ ॥ 3॥

ঐলঃ সম্রাট্ ইমাং গাথাং অগাযত বৃহচ্ছ্রবাঃ ।
উর্বশী বিরহাত্ মুহ্যন্ নির্বিণ্ণঃ শোকসংযমে ॥ 4॥

ত্যক্ত্বা আত্মানং ব্রজংতীং তাং নগ্নঃ উন্মত্তবত্ নৃপঃ ।
বিলপন্ অন্বগাত্ জাযে ঘোরে তিষ্ঠ ইতি বিক্লবঃ ॥ 5॥

কামান্ অতৃপ্তঃ অনুজুষন্ ক্ষুল্লকান্ বর্ষযামিনীঃ ।
ন বেদ যাংতীঃ ন অযাংতীঃ উর্বশী আকৃষ্টচেঅতনঃ ॥ 6॥

ঐলঃ উবাচ ।
অহো মে মোহবিস্তারঃ কামকষ্মলচেতসঃ ।
দেব্যাঃ গৃহীতকংঠস্য ন আযুঃখংডাঃ ইমে স্মৃতাঃ ॥ 7॥

ন অহং বেদ অভিনির্মুক্তঃ সূর্যঃ বা অভ্যুদিতঃ অমুযা ।
মুষিতঃ বর্ষপূগানাং বত অহানি গতানি উত ॥ 8॥

অহো মে আত্মসংমোহঃ যেন আত্মা যোষিতাং কৃতঃ ।
ক্রীডামৃগঃ চক্রবর্তী নরদেবশিখামণিঃ ॥ 9॥

সপরিচ্ছদং আত্মানং হিত্বা তৃণং ইব ঈশ্বরম্ ।
যাংতীং স্ত্রিযং চ অন্বগমং নগ্নঃ উন্মত্তবত্ রুদন্ ॥ 10॥

কুতঃ তস্য অনুভাবঃ স্যাত্ তেজঃ ঈশত্বং এব বা ।
যঃ অন্বগচ্ছং স্ত্রিযং যাংতীং খরবত্ পাদতাডিতঃ ॥ 11॥

কিং বিদ্যযা কিং তপসা কিং ত্যাগেন শ্রুতেন বা ।
কিং বিবিক্তেন মৌনেন স্ত্রীভিঃ যস্য মনঃ হৃতম্ ॥ 12॥

স্বার্থস্য অকোবিদং ধিঙ্ মাং মূর্খং পংডিত মানিনম্ ।
যঃ অহং ঈশ্বরতাং প্রাপ্য স্ত্রীভিঃ গো খরবত্ জিতঃ ॥ 13॥

সেবতঃ বর্ষপূগাত্ মে উর্বশ্যঃ অধরাসবম্ ।
ন তৃপ্যতি আত্মভূঃ কামঃ বহ্নিঃ আহুতিভিঃ যথা ॥ 14॥

পুংশ্চল্যা অপহৃতং চিত্তং কোন্বন্যঃ মোচিতুং প্রভুঃ ।
আত্মারামেশ্বরং ঋতে ভগবংতং অধোক্ষজম্ ॥ 15॥

বোধিতস্য অপি দেব্যা মে সূক্তবাক্যেন দুর্মতেঃ ।
মনোগতঃ মহামোহঃ ন অপযাতি অজিতাত্মনঃ ॥ 16॥

কিং এতযা নঃ অপকৃতং রজ্জ্বা বা সর্পচেতসঃ ।
রজ্জুস্বরূপ অবিদুষঃ যঃ অহং যত্ অজিতেংদ্রিযঃ ॥ 17॥

ক্ব অযং মলোমসঃ কাযঃ দৌর্গংধি আদি আত্মকঃ অশুচিঃ ।
ক্ব গুণাঃ সৌমনস্য আদ্যাঃ হি অধ্যাসঃ অবিদ্যযা কৃতঃ ॥ 18॥

পিত্রোঃ কিং স্বং নু ভার্যাযাঃ স্বামিনঃ অগ্নেঃ শ্বগৃধ্রযোঃ ।
কিং আত্মনঃ কিং সুহৃদাং ইতি যঃ ন অবসীযতে ॥ 19॥

তস্মিন্ কলেবরে অমেধ্যে তুচ্ছনিষ্ঠে বিষজ্জতে ।
অহো সুভদ্রং সুনসং সুস্মিতং চ মুখং স্ত্রিযঃ ॥ 20॥

ত্বঙ্ মাংস রুধির স্নাযু মেদো মজ্জা অস্থি সংহতৌ ।
বিণ্মূত্রপূযে রমতাং কৃমীণাং কিযত্ অংতরম্ ॥ 21॥

অথ অপি ন উপসজ্জেত স্ত্রীষু স্ত্রৈণেষু চ অর্থবিত্ ।
বিষয ইংদ্রিয সংযোগাত্ মনঃ ক্ষুভ্যতি ন অন্যথা ॥ 22॥

অদৃষ্টাত্ অশ্রুতাত্ ভাবাত্ ন ভাবঃ উপজাযতে ।
অসংপ্রযুংজতঃ প্রাণান্ শাম্যতি স্তিমিতং মনঃ ॥ 23॥

তস্মাত্ সংগঃ ন কর্তব্যঃ স্ত্রীষু স্ত্রৈণেষু চ ইংদ্রিযৈঃ ।
বিদুষাং চ অপি অবিশ্রব্ধঃ ষড্বর্গঃ কিমু মাদৃশাম্ ॥

24॥

শ্রীভগবান্ উবাচ ।
এবং প্রগাযন্ নৃপদেবদেবঃ
সঃ উর্বশীলোকং অথঃ বিহায ।
আত্মানং আত্মনি অবগম্য মাং বৈ
উপারমত্ জ্ঞানবিধূতমোহঃ ॥ 25॥

ততঃ দুঃসংগং উত্সৃজ্য সত্সু সজ্জেত বুদ্ধিমান্ ।
সংতঃ এতস্য ছিংদংতি মনোব্যাসংগমুক্তিভিঃ ॥ 26॥

সংতঃ অনপেক্ষাঃ মচ্চিত্তাঃ প্রশাংতাঃ সমদর্শিনঃ ।
নির্মমাঃ নিরহংকারাঃ নির্দ্বংদ্বাঃ নিষ্পরিগ্রহাঃ ॥ 27॥

তেষু নিত্যং মহাভাগঃ মহাভাগেষু মত্কথাঃ ।
সংভবংতি হিতা নৄণাং জুষতাং প্রপুনংতি অঘম্ ॥ 28॥

তাঃ যে শ্রুণ্বংতি গাযংতি হি অনুমোদংতি চ অদৃতাঃ ।
মত্পরাঃ শ্রদ্দধানাঃ চ ভক্তিং বিংদংতি তে মযি ॥ 29॥

ভক্তিং লব্ধবতঃ সাধোঃ কিং অন্যত্ অবশিষ্যতে ।
মযি অনংতগুণে ব্রহ্মণি আনংদ অনুভব আত্মনি ॥ 30॥

যথা উপশ্রযমাণস্য ভগবংতং বিভাবসুম্ ।
শীতং ভযং তমঃ অপি এতি সাধূন্ সংসেবতঃ তথা ॥ 31॥

নিমজ্জ্য উন্মজ্জ্যতাং ঘোরে ভবাব্ধৌ পরম অযনম্ ।
সংতঃ ব্রহ্মবিদঃ শাংতাঃ নৌঃ দৃঢ ইব অপ্সু মজ্জতাম্ ॥ 32॥

অন্নং হি প্রাণিনাং প্রাণঃ আর্তানাং শরণং তু অহম্ ।
ধর্মঃ বিত্তং নৃণাং প্রেত্য সংতঃ অর্বাক্ বিভ্যতঃ অরণম্ ॥

33॥

সংতঃ দিশংতি চক্ষূংষি বহিঃ অর্কঃ সমুত্থিতঃ ।
দেবতাঃ বাংধবাঃ সংতঃ সংতঃ আত্মা অহং এব চ ॥ 34॥

বৈতসেনঃ ততঃ অপি এবং উর্বশ্যা লোকনিঃস্পৃহঃ ।
মুক্তসংগঃ মহীং এতাং আত্মারামঃ চচার হ ॥ 35॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
ঐলগীতং নাম ষড্বিংশোঽধ্যাযঃ ॥ 26॥

অথ সপ্তবিংশোঽধ্যাযঃ ।
উদ্ধবঃ উবাচ ।
ক্রিযাযোগং সমাচক্ষ্ব ভবত্ আরাধনং প্রভো ।
যস্মাত্ ত্বাং যে যথা অর্চংতি সাত্বতাঃ সাত্বতর্ষভ ॥ 1॥

এতত্ বদংতি মুনযঃ মুহুঃ নিঃশ্রেযসং নৃণাম্ ।
নারদঃ ভগবান্ ব্যাসঃ আচার্যঃ অংগিরসঃ সুতঃ ॥ 2॥

নিঃসৃতং তে মুখাংভোজাদ্যত্ আহ ভগবান্ অজঃ ।
পুত্রেভ্যঃ ভৃগুমুখ্যেভ্যঃ দেব্যৈ চ ভগবান্ ভবঃ ॥ 3॥

এতত্ বৈ সর্ববর্ণানাং আশ্রমাণাং চ সংমতম্ ।
শ্রেযসাং উত্তমং মন্যে স্ত্রীশূদ্রাণাং চ মানদ ॥ 4॥

এতত্ কমলপত্রাক্ষ কর্মবংধবিমোচনম্ ।
ভক্তায চ অনুরক্তায ব্রূহি বিশ্বেশ্বর ঈশ্বর ॥ 5॥

শ্রীভগবান্ উবাচ ।
নহি অংতঃ অনংতপারস্য কর্মকাংডস্য চ উদ্ধব ।
সংক্ষিপ্তং বর্ণযিষ্যামি যথাবত্ অনুপূর্বশঃ ॥ 6॥

বৈদিকঃ তাংত্রিকঃ মিশ্রঃ ইতি মে ত্রিবিধঃ মখঃ ।
ত্রযাণাং ঈপ্সিতেন এব বিধিনা মাং সমর্চযেত্ ॥ 7॥

যদা স্বনিগমেন উক্তং দ্বিজত্বং প্রাপ্য পূরুষঃ ।
যথা যজেত মাং ভক্ত্যা শ্রদ্ধযা তত্ নিবোধ মে ॥ 8॥

অর্চাযাং স্থংডিলে অগ্নৌ বা সূর্যে বা অপ্সু হৃদি দ্বিজঃ ।
দ্রব্যেণ ভক্তিযুক্তঃ অর্চেত্ স্বগুরুং মাং অমাযযা ॥ 9॥

পূর্বং স্নানং প্রকুর্বীত ধৌতদংতঃ অংগশুদ্ধযে ।
উভযৈঃ অপি চ স্নানং মংত্রৈঃ মৃদ্গ্রহণাদিনা ॥ 10॥

সংধ্যা উপাস্তি আদি কর্মাণি বেদেন অচোদিতানি মে ।
পূজাং তৈঃ কল্পযেত্ সম্যক্ সংকল্পঃ কর্মপাবনীম্ ॥ 11॥

শৈলী দারুমযী লৌহী লেপ্যা লেখ্যা চ সৈকতী ।
মনোমযী মণিমযী প্রতিমা অষ্টবিধা স্মৃতা ॥ 12॥

চল অচল ইতি দ্বিবিধা প্রতিষ্ঠা জীবমংদিরম্ ।
উদ্বাস আবাহনে ন স্তঃ স্থিরাযাং উদ্ধব অর্চনে ॥ 13॥

অস্থিরাযাং বিকল্পঃ স্যাত্ স্থংডিলে তু ভবেত্ দ্বযম্ ।
স্নপনং তু অবিলেপ্যাযাং অন্যত্র পরিমার্জনম্ ॥ 14॥

দ্রব্যৈঃ প্রসিদ্ধ্যৈঃ মত্ যাগঃ প্রতিমাদিষু অমাযিনঃ ।
ভক্তস্য চ যথালব্ধৈঃ হৃদি ভাবেন চ এব হি ॥ 15॥

স্নান অলংকরণং প্রেষ্ঠং অর্চাযাং এব তু উদ্ধব ।
স্থংডিলে তত্ত্ববিন্যাসঃ বহ্নৌ আজ্যপ্লুতং হবিঃ ॥ 16॥

সূর্যে চ অভ্যর্হণং প্রেষ্ঠং সলিলে সলিল আদিভিঃ ।
শ্রদ্ধযা উপাহৃতং প্রেষ্ঠং ভক্তেন মম বারি অপি ॥ 17॥

ভূর্যপি অভক্ত উপহৃতং ন মে তোষায কল্পতে ।
গংধঃ ধূপঃ সুমনসঃ দীপঃ অন্ন আদ্য চ কিং পুনঃ ॥ 18॥

শুচিঃ সংভৃতসংভারঃ প্রাক্ দর্ভৈঃ কল্পিত আসনঃ ।
আসীনঃ প্রাক্ উদক্ বা অর্চেত্ অর্চাযাং অথ সংমুখঃ ॥ 19॥

কৃতন্যাসঃ কৃতন্যাসাং মদর্চাং পাণিনা মৃজেত্ ।
কলশং প্রোক্ষণীযং চ যথাবত্ উপসাধযেত্ ॥ 20॥

তত্ অদ্ভিঃ দেবযজনং দ্রব্যাণি আত্মানং এব চ ।
প্রোক্ষ্য পাত্রাণি ত্রীণি অদ্ভিঃ তৈঃ তৈঃ দ্রব্যৈঃ চ সাধযেত্ ॥ 21॥

পাদ্য অর্ঘ আচমনীযার্থং ত্রীণি পাত্রাণি দৈশিকঃ ।
হৃদা শীর্ষ্ণা অথ শিখযা গাযত্র্যা চ অভিমংত্রযেত্ ॥

22॥

পিংডে বাযু অগ্নি সংশুদ্ধে হৃত্পদ্মস্থাং পরাং মম ।
অণ্বীং জীবকলাং ধ্যাযেত্ নাদ অংতে সিদ্ধভাবিতাম্ ॥ 23॥

তযা আত্মভূতযা পিংডে ব্যাপ্তে সংপূজ্য তন্মযঃ ।
আবাহ্য অর্চ আদিষু স্থাপ্য ন্যস্ত অংগং মাং প্রপূজযেত্ ॥

24॥

পাদ্য উপস্পর্শ অর্হণ আদীন্ উপচারান্ প্রকল্পযেত্ ।
ধর্মাদিভিঃ চ নবভিঃ কল্পযিত্বা আসনং মম ॥ 25॥

পদ্মং অষ্টদলং তত্র কর্ণিকাকেসর উজ্জ্বলম্ ।
উভাভ্যাং বেদতংত্রাভ্যাং মহ্যং তু উভযসিদ্ধযে ॥ 26॥

সুদর্শনং পাংচজন্যং গদাসীষুধনুঃ হলান্ ।
মুসলং কৌস্তুভং মালাং শ্রীবত্সং চ অনুপূজযেত্ ॥ 27॥

নংদং সুনংদং গরুডং প্রচংডং চংডং এব চ ।
মহাবলং বলং চ এব কুমুদং কুমুদেক্ষণম্ ॥ 28॥

দুর্গাং বিনাযকং ব্যাসং বিষ্বক্সেনং গুরূন্ সুরান্ ।
স্বে স্বে স্থানে তু অভিমুখান্ পূজযেত্ প্রোক্ষণ আদিভিঃ ॥ 29॥

চংদন উশীর কর্পূর কুংকুম অগরু বাসিতৈঃ ।
সলিলৈঃ স্নাপযেত্ মংত্রৈঃ নিত্যদা বিভবে সতি ॥ 30॥

স্বর্ণঘর্ম অনুবাকেন মহাপুরুষবিদ্যযা ।
পৌরুষেণ অপি সূক্তেন সামভীঃ রাজনাদিভিঃ ॥ 31॥

বস্ত্র উপবীত আভরণ পত্র স্রক্ গংধ লেপনৈঃ ।
অলংকুর্বীত সপ্রেম মদ্ভক্তঃ মাং যথা উচিতম্ ॥ 32॥

পাদ্যং আচমনীযং চ গংধং সুমনসঃ অক্ষতান্ ।
ধূপ দীপ উপহার্যাণি দদ্যাত্ মে শ্রদ্ধযা অর্চকঃ ॥ 33॥

গুডপাযসসর্পীংষি শষ্কুলি আপূপ মোদকান্ ।
সংযাব দধি সূপাং চ নৈবেদ্যং সতি কল্পযেত্ ॥ 34॥

অভ্যংগ উন্মর্দন আদর্শ দংতধৌ অভিষেচনম্ ।
অন্নদ্য গীত নৃত্যাদি পর্বণি স্যুঃ উতান্বহম্ ॥ 35॥

বিধিনা বিহিতে কুংডে মেখলাগর্তবেদিভিঃ ।
অগ্নিং আধায পরিতঃ সমূহেত্ পাণিনা উদিতম্ ॥ 36॥

পরিস্তীর্য অথ পর্যুক্ষেত্ অন্বাধায যথাবিধি ।
প্রোক্ষণ্যা আসাদ্য দ্রব্যাণি প্রোক্ষ্যাগ্নৌ ভাবযেত মাম্ ॥ 37॥

তপ্তজাংবূনদপ্রখ্যং শংখচক্রগদাংবুজৈঃ ।
লসত্ চতুর্ভুজং শাংতং পদ্মকিংজল্কবাসসম্ ॥ 38॥

স্ফুরত্ কিরীট কটক কটিসূত্রবর অংগদম্ ।
শ্রীবত্সবক্ষসং ভ্রাজত্ কৌস্তুভং বনমালিনম্ ॥ 39॥

ধ্যাযন্ অভ্যর্চ্য দারূণি হবিষা অভিঘৃতানি চ ।
প্রাস্য আজ্যভাগৌ আঘারৌ দত্ত্বা চ আজ্যপ্লুতং হবিঃ ॥ 40॥

জুহুযাত্ মূলমংত্রেণ ষোডশর্চ অবদানতঃ ।
ধর্মাদিভ্যঃ যথান্যাযং মংত্রৈঃ স্বিষ্টিকৃতং বুধঃ ॥ 41॥

অভ্যর্চ্য অথ নমস্কৃত্য পার্ষদেভ্যঃ বলিং হরেত্ ।
মূলমংত্রং জপেত্ ব্রহ্ম স্মরন্ নারাযণ আত্মকম্ ॥ 42॥

দত্ত্বা আচমনং উচ্ছেষং বিষ্বক্সেনায কল্পযেত্ ।
মুখবাসং সুরভিমত্ তাংবূলাদ্যং অথ অর্হযেত্ ॥ 42॥

উপগাযন্ গৃণন্ নৃত্যন্ কর্মাণি অভিনযন্ মম ।
মত্কথাঃ শ্রাবযন্ শ্রুণ্বন্ মুহূর্তং ক্ষণিকঃ ভবেত্ ॥ 44।
স্তবৈঃ উচ্চাবচৈঃ স্তোত্রৈঃ পৌরাণৈঃ প্রকৃতৈঃ অপি ।
স্তুত্বা প্রসীদ ভগবন্ ইতি বংদেত দংডবত্ ॥ 45॥

শিরঃ মত্ পাদযোঃ কৃত্বা বাহুভ্যাং চ পরস্পরম্ ।
প্রপন্নং পাহি মাং ঈশ ভীতং মৃত্যুগ্রহ অর্ণবাত্ ॥ 46॥

ইতি শেষাং মযা দত্তাং শিরসি আধায সাদরম্ ।
উদ্বাসযেত্ চেত্ উদ্বাস্যং জ্যোতিঃ জ্যোতিষি তত্ পুনঃ ॥ 47॥

অর্চাদিষু যদা যত্র শ্রদ্ধা মাং তত্র চ অর্চযেত্ ।
সর্বভূতেষু আত্মনি চ সর্ব আত্মা অহং অবস্থিতঃ ॥ 48॥

এবং ক্রিযাযোগপথৈঃ পুমান্ বৈদিকতাংত্রিকৈঃ ।
অর্চন্ উভযতঃ সিদ্ধিং মত্তঃ বিংদতি অভীপ্সিতাম্ ॥ 49॥

মদর্চাং সংপ্রতিষ্ঠাপ্য মংদিরং কারযেত্ দৃঢম্ ।
পুষ্প উদ্যানানি রম্যাণি পূজা যাত্রা উত্সব আশ্রিতান্ ॥ 50॥

পূজাদীনাং প্রবাহার্থং মহাপর্বসু অথ অন্বহম্ ।
ক্ষেত্রাপণপুরগ্রামান্ দত্ত্বা মত্ সার্ষ্টিতাং ইযাত্ ॥ 51॥

প্রতিষ্ঠযা সার্বভৌমংসদ্মনা ভুবনত্রযম্ ।
পূজাদিনা ব্রহ্মলোকং ত্রিভিঃ মত্ সাম্যতাং ইযাত্ ॥ 52॥

মাং এব নৈরপেক্ষ্যেণ ভক্তিযোগেন বিংদতি ।
ভক্তিযোগং সঃ লভতে এবং যঃ পূজযেত মাম্ ॥ 53॥

যঃ স্বদত্তাং পরৈঃ দত্তং হরেত সুরবিপ্রযোঃ ।
বৃত্তিং সঃ জাযতে বিড্ভুক্ বর্ষাণাং অযুতাযুতম্ ॥ 54॥

কর্তুঃ চ সারথেঃ হেতোঃ অনুমোদিতুঃ এব চ ।
কর্মণাং ভাগিনঃ প্রেত্য ভূযঃ ভূযসি তত্ফলম্ ॥ 55॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে শ্রীকৃষ্ণোদ্ধবসংবাদে
সপ্তবিংশোঽধ্যাযঃ ॥ 27॥

অথ অষ্টবিংশঃ অধ্যাযঃ ।
শ্রীভগবান্ উবাচ ।
পরস্বভাবকর্মাণি ন প্রশংসেত্ ন গর্হযেত্ ।
বিশ্বং একাত্মকং পশ্যন্ প্রকৃত্যা পুরুষেণ চ ॥ 1॥

পরস্বভাবকর্মাণি যঃ প্রশংসতি নিংদতি ।
সঃ আশু ভ্রশ্যতে স্বার্থাত্ অসত্য অভিনিবেশতঃ ॥ 2॥

তৈজসে নিদ্রযা আপন্নে পিংডস্থঃ নষ্টচেতনঃ ।
মাযাং প্রাপ্নোতি মৃত্যুং বা তদ্বত্ নানার্থদৃক্ পুমান্ ॥ 3॥

কিং ভদ্রং কিং অভদ্রং বা দ্বৈতস্য অবস্তুনঃ কিযত্ ।
বাচা উদিতং তত্ অনৃতং মনসা ধ্যাতং এব চ ॥ 4॥

ছাযাপ্রত্যাহ্বযাভাসা হি অসংতঃ অপি অর্থকারিণঃ ।
এবং দেহাদযঃ ভাবাঃ যচ্ছংতি আমৃত্যুতঃ ভযম্ ॥ 5॥

আত্মা এব তত্ ইদং বিশ্বং সৃজ্যতে সৃজতি প্রভুঃ ।
ত্রাযতে ত্রাতি বিশ্বাত্মা হ্রিযতে হরতি ঈশ্বরঃ ॥ 6॥

তস্মাত্ নহি আত্মনঃ অন্যস্মাত্ অন্যঃ ভাবঃ নিরূপিতঃ ।
নিরূপিতেযং ত্রিবিধা নির্মূলা ভাতিঃ আত্মনি ।
ইদং গুণমযং বিদ্ধি ত্রিবিধং মাযযা কৃতম্ ॥ 7॥

এতত্ বিদ্বান্ মদুদিতং জ্ঞানবিজ্ঞাননৈপুণম্ ।
ন নিংদতি ন চ স্তৌতি লোকে চরতি সূর্যবত্ ॥ 8॥

প্রত্যক্ষেণ অনুমানেন নিগমেন আত্মসংবিদা ।
আদি অংতবত্ অসত্ জ্ঞাত্বা নিঃসংগঃ বিচরেত্ ইহ ॥ 9॥

উদ্ধবঃ উবাচ ।
ন এব আত্মনঃ ন দেহস্য সংসৃতিঃ দ্রষ্টৃদৃশ্যযোঃ ।
অনাত্মস্বদৃশোঃ ঈশ কস্য স্যাত্ উপলভ্যতে ॥ 10॥

আত্মা অব্যযঃ অগুণঃ শুদ্ধঃ স্বযংজ্যোতিঃ অনাবৃতঃ ।
অগ্নিবত্ দারুবত্ দেহঃ কস্য ইহ সংসৃতিঃ ॥ 11॥

শ্রীভগবান্ উবাচ ।
যাবত্ দেহ ইংদ্রিয প্রাণৈঃ আত্মনঃ সংনিকর্ষণম্ ।
সংসারঃ ফলবান্ তাবত্ অপার্থঃ অপি অবিবেকিনঃ ॥ 12॥

অর্থে হি অবিদ্যমানে অপি সংসৃতিঃ ন নিবর্ততে ।
ধ্যাযতঃ বিষযান্ অস্য স্বপ্নে অনর্থ আগমঃ যথা ॥ 13॥

যথা হি অপ্রতিবুদ্ধস্য প্রস্বাপঃ বহু অনর্থভৃত্ ।
সঃ এব প্রতিবুদ্ধস্য ন বৈ মোহায কল্পতে ॥ 14॥

শোক হর্ষ ভয ক্রোধ লোভ মোহ স্পৃহাদযঃ ।
অহংকারস্য দৃশ্যংতে জন্ম মৃত্যুঃ চ ন আত্মনঃ ॥ 15॥

দেহ ইংদ্রিয প্রাণ মনঃ অভিমানঃ
জীবঃ অংতরাত্মা গুণকর্ম মূর্তিঃ ।
সূত্রং মহান্ ইতি উরুধা ইব গীতঃ
সংসারঃ আধাবতি কালতংত্রঃ ॥ 16॥

অমূলং এতত্ বহুরূপ রূপিতং
মনোবচঃপ্রাণশরীরকর্ম ।
জ্ঞানাসিনা উপাসনযা শিতেন
ছিত্ত্বা মুনিঃ গাং বিচরতি অতৃষ্ণঃ ॥ 17॥

জ্ঞানং বিবেকঃ নিগমঃ তপঃ চ
প্রত্যক্ষং ঐতিহ্যং অথ অনুমানম্ ।
আদি অংতযোঃ অস্য যত্ এব কেবলম্
কালঃ চ হেতুঃ চ তত্ এব মধ্যে ॥ 18॥

যথা হিরণ্যং স্বকৃতং পুরস্তাত্
পশ্চাত্ চ সর্বস্য হিরণ্মযস্য ।
তত্ এব মধ্যে ব্যবহার্যমাণম্
নানাপদেশৈঃ অহং অস্য তদ্বত্ ॥ 19॥

বিজ্ঞানং এতত্ ত্রিযবস্তং অংগ
গুণত্রযং কারণ কার্য কর্তৃ ।
সমন্বযেন ব্যতিরেকতঃ চ
যেন এব তুর্যেণ তত্ এব সত্যম্ ॥ 20॥

ন যত্ পুরস্তাত্ উত যত্ ন পশ্চাত্
মধ্যে চ তত্ ন ব্যপদেশমাত্রম্ ।
ভূতং প্রসিদ্ধং চ পরেণ যদ্যত্
তত্ এব তত্ স্যাত্ ইতি মে মনীষা ॥ 21॥

অবিদ্যমানঃ অপি অবভাসতে যঃ
বৈকারিকঃ রাজসসর্গঃ এষঃ ।
ব্রহ্ম স্বযংজ্যোতিঃ অতঃ বিভাতি
ব্রহ্ম ইংদ্রিয অর্থ আত্ম বিকার চিত্রম্ ॥ 22॥

এবং স্ফুটং ব্রহ্মবিবেকহেতুভিঃ
পরাপবাদেন বিশারদেন ।
ছিত্ত্বা আত্মসংদেহং উপারমেত
স্বানংদতুষ্টঃ অখিল কামুকেভ্যঃ ॥ 23॥

ন আত্মা বপুঃ পার্থিবং ইংদ্রিযাণি
দেবাঃ হি অসুঃ বাযুজলং হুতাশঃ ।
মনঃ অন্নমাত্রং ধিষণা চ সত্ত্বম্
অহংকৃতিঃ খং ক্ষিতিঃ অর্থসাম্যম্ ॥ 24॥

সমাহিতৈঃ কঃ করণৈঃ গুণাত্মভিঃ
গুণঃ ভবেত্ মত্সুবিবিক্তধাম্নঃ ।
বিক্ষিপ্যমাণৈঃ উত কিং ন দূষণম্
ঘনৈঃ উপেতৈঃ বিগতৈঃ রবেঃ কিম্ ॥ 25॥

যথা নভঃ বাযু অনল অংবু ভূ গুণৈঃ
গতাগতৈঃ বর্তুগুণৈঃ ন সজ্জতে ।
তথা অক্ষরং সত্ত্ব রজঃ তমঃ মলৈঃ
অহংমতেঃ সংসৃতিহেতুভিঃ পরম্ ॥ 26॥

তথাপি সংগঃ পরিবর্জনীযঃ
গুণেষু মাযারচিতেষু তাবত্ ।
মদ্ভক্তিযোগেন দৃঢেন যাবত্
রজঃ নিরস্যেত মনঃকষাযঃ ॥ 27॥

যথা আমযঃ অসাধু চিকিত্সিতঃ নৃণাম্
পুনঃ পুনঃ সংতুদতি প্ররোহন্ ।
এবং মনঃ অপক্ব কষয কর্ম
কুযোগিনং বিধ্যতি সর্বসংগম্ ॥ 28॥

কুযোগিনঃ যে বিহিত অংতরাযৈঃ
মনুষ্যভূতৈঃ ত্রিদশ উপসৃষ্টৈঃ ।
তে প্রাক্তন অভ্যাসবলেন ভূযঃ
যুংজংতি যোগং ন তু কর্মতংত্রম্ ॥ 29॥

করোতি কর্ম ক্রিযতে চ জংতুঃ
কেনাপি অসৌ চোদিতঃ আনিপাতাত্ ।
ন তত্র বিদ্বান্প্রকৃতৌ স্থিতঃ অপি
নিবৃত্ত তৃষ্ণঃ স্বসুখ অনুভূত্যা ॥ 30॥

তিষ্ঠংতং আসীনং উত ব্রজংতম্
শযানং উক্ষংতং অদংতং অন্নম্ ।
স্বভাবং অন্যত্ কিং অপি ইহমানম্
আত্মানং আত্মস্থমতিঃ ন বেদ ॥ 31॥

যদি স্ম পশ্যতি অসত্ ইংদ্রিয অথ
নানা অনুমানেন বিরুদ্ধং অন্যত্ ।
ন মন্যতে বস্তুতযা মনীষী
স্বাপ্নং যথা উত্থায তিরোদধানম্ ॥ 32॥

পূর্বং গৃহীতং গুণকর্মচিত্রম্
অজ্ঞানং আত্মনি অবিবিক্তং অংগ ।
নিবর্ততে তত্ পুনঃ ঈক্ষযা এব
ন গৃহ্যতে ন অপি বিসৃজ্য আত্মা ॥ 33॥

যথা হি ভানোঃ উদযঃ নৃচক্ষুষাম্
তমঃ নিহন্যাত্ ন তু সদ্বিধত্তে ।
এবং সমীক্ষা নিপুণা সতী মে
হন্যাত্ তমিস্রং পুরুষস্য বুদ্ধেঃ ॥ 34॥

এষঃ স্বযংজ্যোতিঃ অজঃ অপ্রমেযঃ
মহানুভূতিঃ সকলানুভূতিঃ ।
একঃ অদ্বিতীযঃ বচসাং বিরামে
যেন ঈশিতা বাক্ অসবঃ চরংতি ॥ 35॥

এতাবান্ আত্মসংমোহঃ যত্ বিকল্পঃ তু কেবলে ।
আত্মন্ নৃতে স্বমাত্মানং অবলংবঃ ন যস্য হি ॥36॥

যত্ নাম আকৃতিভিঃ গ্রাহ্যং পংচবর্ণং অবাধিতম্ ।
ব্যর্থেন অপি অর্থবাদঃ অযং দ্বযং পংডিতমানিনাম্ ॥ 37॥

যোগিনঃ অপক্বযোগস্য যুংজতঃ কাযঃ উত্থিতৈঃ ।
উপসর্গৈঃ বিহন্যেত তত্র অযং বিহিতঃ বিধিঃ ॥ 38॥

যোগধারণযা কাংশ্চিত্ আসনৈঃ ধারণ অন্বিতৈঃ ।
তপোমংত্রৌষধৈঃ কাংশ্চিত্ উপসর্গান্ বিনির্দহেত্ ॥ 39॥

কাংশ্চিত্ মম অনুধ্যানেন নামসংকীর্তন আদিভিঃ ।
যোগেশ্বর অনুবৃত্ত্যা বা হন্যাত্ অশুভদান্ শনৈঃ ॥ 40॥

কেচিত্ দেহং ইমং ধীরাঃ সুকল্পং বযসি স্থিরম্ ।
বিধায বিবিধ উপাযৈঃ অথ যুংজংতি সিদ্ধযে ॥ 41॥

ন হি তত্ কুশলাত্ দৃত্যং তত্ আযাসঃ হি অপার্থকঃ ।
অংতবত্ত্বাত্ শরীরস্য ফলস্য ইব বনস্পতেঃ ॥ 42॥

যোগং নিষেবতঃ নিত্যং কাযঃ চেত্ কল্পতাং ইযাত্ ।
তত্ শ্রদ্দধ্যাত্ ন মতিমান্ যোগং উত্সৃজ্য মত্পরঃ ॥ 43॥

যোগচর্যাং ইমাং যোগী বিচরন্ মত্ ব্যপাশ্রযঃ ।
ন অংতরাযৈঃ বিহন্যেত নিঃস্পৃহঃ স্বসুখানুভূঃ ॥ 44॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে ভগবদুদ্ধবসংবাদে
পরমার্থনির্ণযো নাম অষ্টাবিংশোঽধ্যাযঃ ॥ 28॥

অথ একোনত্রিংশঃ অধ্যাযঃ ।
সুদুস্তরাং ইমাং মন্যে যোগচর্যাং অনাত্মনঃ ।
যথা অংজসা পুমান্ সিহ্যেত্ তত্ মে ব্রূহি অংজসা অচ্যুত ॥ 1॥

প্রাযশঃ পুংডরীকাক্ষ যুংজংতঃ যোগিনঃ মনঃ ।
বিষীদংতি অসমাধানাত্ মনোনিগ্রহকর্শিতাঃ ॥ 2॥

অথ অতঃ আনংদদুঘং পদাংবুজম্
হংসাঃ শ্রযেরন্ অরবিংদলোচন ।
সুখং নু বিশ্বেশ্বর যোগকর্মভিঃ
ত্বত্ মাযযা অমী বিহতাঃ ন মানিনঃ ॥ 3॥

কিং চিত্রং অচ্যুত তব এতত্ অশেষবংধঃ
দাসেষু অনন্যশরণেষু যত্ আত্ম সাত্ত্বম্ ।
যঃ অরোচযত্সহ মৃগৈঃ স্বযং ঈশ্বরাণাম্
শ্রীমত্ কিরীট তট পীডিত পাদ পীঠঃ ॥ 4॥

তং ত্বা অখিল আত্মদযিত ঈশ্বরং আশ্রিতানাম্
সর্ব অর্থদং স্বকৃতবিত্ বিসৃজেত কঃ নু ।
কঃ বা ভজেত্ কিং অপি বিস্মৃতযে অনু ভূত্যৈ
কিং বা ভবেত্ ন তব পাদরজোজুষাং নঃ ॥ 5॥

ন এব উপযংতি অপচিতিং কবযঃ তব ঈশ
ব্রহ্মাযুষা অপি কৃতং ঋধমুদঃ স্মরংতঃ ।
যঃ অংতর্বহিঃ তনুভৃতাং অশুভং বিধুন্বন্
আচার্যচৈত্যবপুষা স্বগতং ব্যনক্তি ॥ 6॥

শ্রীশুকঃ উবাচ ।
ইতি উদ্ধবেন অতি অনুরক্ত চেতসা
পৃষ্টঃ জগত্ক্রীডনকঃ স্বশক্তিভিঃ ।
গৃহীত মূর্তিত্রযঃ ঈশ্বর ঈশ্বরঃ
জগাদ সপ্রেম মনোহরস্মিতঃ ॥ 7॥

শ্রীভগবান্ উবাচ ।
হংত তে কথযিষ্যামি মম ধর্মান্ সুমংগলাম্ ।
যান্ শ্রদ্ধযা আচরন্ মর্ত্যঃ মৃত্যুং জযতি দুর্জযম্ ॥ 8॥

কুর্যাত্ সর্বাণি কর্মাণি মদর্থং শনকৈঃ স্মরন্ ।
মযি অর্পিত মনঃ চিত্তঃ মত্ ধর্ম আত্মমনোরতিঃ ॥ 9॥

দেশান্ পুণ্যান্ আশ্রযেত মদ্ভক্তৈঃ সাধুভিঃ শ্রিতান্ ।
দেব আসুর মনুষ্যেষু মদ্ভক্ত আচরিতানি চ ॥ 10॥

পৃথক্ সত্রেণ বা মহ্যং পর্বযাত্রা মহোত্সবান্ ।
কারযেত্ গীতনৃত্য আদ্যৈঃ মহারাজ বিভূতিভিঃ ॥ 11॥

মাং এব সর্বভূতেষু বহিঃ অংতঃ অপাবৃতম্ ।
ঈক্ষেত আত্মনি চ আত্মানং যথা খং অমল আশযঃ ॥ 12॥

ইতি সর্বাণি ভূতানি মদ্ভাবেন মহাদ্যুতে ।
সভাজযন্ মন্যমানঃ জ্ঞানং কেবলং আশ্রিতঃ ॥ 13॥

ব্রাহ্মণে পুল্কসে স্তেনে ব্রহ্মণ্যে অর্কে স্ফুলিংগকে ।
অক্রূরে ক্রূরকে চ এব সমদৃক্ পংডিতঃ মতঃ ॥ 14॥

নরেষু অভীক্ষ্ণং মদ্ভাবং পুংসঃ ভাবযতঃ অচিরাত্ ।
স্পর্ধা অসূযা তিরস্কারাঃ সাহংকারাঃ বিযংতি হি ॥ 15॥

বিসৃজ্য স্মযমানান্ স্বান্ দৃশং ব্রীডাং চ দৈহিকীম্ ।
প্রণমেত্ দংডবত্ ভূমৌ আশ্ব চাংডাল গো খরম্ ॥ 16॥

যাবত্ সর্বেষু ভূতেষু মদ্ভাবঃ ন উপজাযতে ।
তাবত্ এবং উপাসীত বাঙ্ মন কায বৃত্তিভিঃ ॥ 17॥

সর্বং ব্রহ্মাত্মকং তস্য বিদ্যযা আত্ম মনীষযা ।
পরিপশ্যন্ উপরমেত্ সর্বতঃ মুক্ত সংশযঃ ॥ 18॥

অযং হি সর্বকল্পানাং সধ্রীচীনঃ মতঃ মম ।
মদ্ভাবঃ সর্বভূতেষু মনোবাক্কাযবৃত্তিভিঃ ॥ 19॥

ন হি অংগ উপক্রমে ধ্বংসঃ মদ্ধর্মস্য উদ্ধব অণু অপি ।
মযা ব্যবসিতঃ সম্যক্ নির্গুণত্বাত্ অনাশিষঃ ॥ 20॥

যঃ যঃ মযি পরে ধর্মঃ কল্প্যতে নিষ্ফলায চেত্ ।
তত্ আযাসঃ নিরর্থঃ স্যাত্ ভযাদেঃ ইব সত্ত্ম ॥ 21॥

এষা বুদ্ধিমতাং বুদ্ধিঃ মনীষা চ মনীষিণাম্ ।
যত্ সত্যং অনৃতেন ইহ মর্ত্যেন আপ্নোতি মা অমৃতম্ ॥ 22॥

এষ তে অভিহিতঃ কৃত্স্নঃ ব্রহ্মবাদস্য সংগ্রহঃ ।
সমাসব্যাসবিধিনা দেবানাং অপি দুর্গমঃ ॥ 23॥

অভীক্ষ্ণশঃ তে গদিতং জ্ঞানং বিস্পষ্টযুক্তিমত্ ।
এতত্ বিজ্ঞায মুচ্যেত পুরুষঃ নষ্টসংশযঃ ॥ 24॥

সুবিবিক্তং তব প্রশ্নং মযা এতত্ অপি ধারযেত্ ।
সনাতনং ব্রহ্মগুহ্যং পরং ব্রহ্ম অধিগচ্ছতি ॥ 25॥

যঃ এতত্ মম ভক্তেষু সংপ্রদদ্যাত্ সুপুষ্কলম্ ।
তস্য অহং ব্রহ্মদাযস্য দদামি আত্মানং আত্মনা ॥ 26॥

যঃ এতত্ সমধীযীত পবিত্রং পরমং শুচি ।
সঃ পূযেত অহঃ অহঃ মাং জ্ঞানদীপেন দর্শযন্ ॥ 27॥

যঃ এতত্ শ্রদ্ধযা নিত্যং অব্যগ্রঃ শ্রুণুযাত্ নরঃ ।
মযি ভক্তিং পরাং কুর্বন্ কর্মভিঃ ন সঃ বধ্যতে ॥ 28॥

অপি উদ্ধব ত্বযা ব্রহ্ম সখে সমবধারিতম্ ।
অপি তে বিগতঃ মোহঃ শোকঃ চ অসৌ মনোভবঃ ॥ 29॥

ন এতত্ ত্বযা দাংভিকায নাস্তিকায শঠায চ ।
অশুশ্রূষোঃ অভক্তায দুর্বিনীতায দীযতাম্ ॥ 30॥

এতৈঃ দোষৈঃ বিহীনায ব্রহ্মণ্যায প্রিযায চ ।
সাধবে শুচযে ব্রূযাত্ ভক্তিঃ স্যাত্ শূদ্র যোষিতাম্ ॥ 31॥

ন এতত্ বিজ্ঞায জিজ্ঞাসোঃ জ্ঞাতব্যং অবশিষ্যতে ।
পীত্বা পীযূষং অমৃতং পাতব্যং ন অবশিষ্যতে ॥ 32॥

জ্ঞানে কর্মণি যোগে চ বার্তাযাং দংডধারণে ।
যাবান্ অর্থঃ নৃণাং তাত তাবান্ তে অহং চতুর্বিধঃ ॥ 33॥

মর্ত্যঃ যদা ত্যক্ত সমস্তকর্মা
নিবেদিতাত্মা বিচিকীর্ষিতঃ মে ।
তদা অমৃতত্বং প্রতিপদ্যমানঃ
মযা আত্মভূযায চ কল্পতে বৈ ॥ 34॥

শ্রীশুকঃ উবাচ ।
সঃ এবং আদর্শিত যোগমার্গঃ
তদা উত্তম শ্লোকবচঃ নিশম্য ।
বদ্ধ অংজলিঃ প্রীতি উপরুদ্ধ কংঠঃ
ন কিংচিত্ ঊচেঃ অশ্রু পরিপ্লুত অক্ষঃ ॥ 35॥

বিষ্টভ্য চিত্তং প্রণয অবঘূর্ণম্
ধৈর্যেণ রাজন্ বহু মন্যমানঃ ।
কৃতাংজলিঃ প্রাহ যদুপ্রবীরম্
শীর্ষ্ণা স্পৃশন্ তত্ চরণ অরবিংদম্ ॥ 36॥

উদ্ধবঃ উবাচ ।
বিদ্রাবিতঃ মোহ মহা অংধকারঃ
যঃ আশ্রিতঃ মে তব সন্নিধানাত্ ।
বিভাবসোঃ কিং নু সমীপগস্য
শীতং তমঃ ভীঃ প্রভবংতি অজ অদ্য ॥ 37॥

প্রত্যর্পিতঃ মে ভবতা অনুকংপিনা
ভৃত্যায বিজ্ঞানমযঃ প্রদীপঃ ।
হিত্বা কৃতজ্ঞঃ তব পাদমূলম্
কঃ অন্যত্ সমীযাত্ শরণং ত্বদীযম্ ॥ 38॥

বৃক্ণঃ চ মে সুদৃঢঃ স্নেহপাশঃ
দাশার্হ বৃষ্ণি অংধক সাত্বতেষু ।
প্রসারিতঃ সৃষ্টিবিবৃদ্ধযে ত্বযা
স্বমাযযা হি আত্ম সুবোধ হেতিনা ॥ 39॥

নমঃ অস্তু তে মহাযোগিন্ প্রপন্নং অনুশাধি মাম্ ।
যথা ত্বত্ চরণ অংভোজে রতিঃ স্যাত্ অনপাযিনী ॥ 40॥

শ্রীভগবান্ উবাচ ।
গচ্ছ উদ্ধব মযা আদিষ্টঃ বদরি আখ্যং মম আশ্রমম্ ।
তত্র মত্ পাদ তীর্থোদে স্নান উপস্পর্শনৈঃ শুচিঃ ॥ 41॥

ঈক্ষযা অলকনংদাযা বিধূত অশেষ কল্মষঃ ।
বসানঃ বল্কলানি অংগ বন্যভুক্ সুখ নিঃস্পৃহঃ ॥ 42॥

তিতিক্ষৌঃ দ্বংদ্বমাত্রাণাং সুশীলঃ সংযতেংদ্রিযঃ ।
শাংতঃ সমাহিতধিযা জ্ঞানবিজ্ঞানসংযুতঃ ॥ 43॥

মত্তঃ অনুশিক্ষিতং যত্ তে বিবিক্তমনুভাবযন্ ।
মযি আবেশিত বাক্ চিত্তঃ মদ্ধর্ম নিরতঃ ভব ।
অতিব্রজ্য গতীঃ তিস্রঃ মাং এষ্যসি ততঃ পরম্ ॥ 44॥

শ্রীশুকঃ উবাচ ।
সঃ এবং উক্তঃ হরিমেধসা উদ্ধবঃ
প্রদক্ষিণং তং পরিসৃত্য পাদযোঃ ।
শিরঃ নিধায অশ্রুকলাভিঃ আর্দ্রধীঃ
ন্যষিংচত্ অদ্বংদ্বপরঃ অপি উপক্রমে ॥ 45॥

সুদুস্ত্যজ স্নেহ বিযোগ কাতরঃ
ন শক্নুবন্ তং পরিহাতুং আতুরঃ ।
কৃচ্ছ্রং যযৌ মূর্ধনি ভর্তৃপাদুকে
বিভ্রন্ নমস্কৃত্য যযৌ পুনঃ পুনঃ ॥ 46॥

ততঃ তং অংতর্হৃদি সংনিবেশ্য
গতঃ মহাভাগবতঃ বিশালাম্ ।
যথা উপদিষ্টাং জগত্ একবংধুনা
ততঃ সমাস্থায হরেঃ অগাত্ গতিম্ ॥ 47॥

যঃ এঅতত্ আনংদ সমুদ্র সংভৃতম্
জ্ঞানামৃতং ভাগবতায ভাষিতম্ ।
কৃষ্ণেণ যোগেশ্বর সেবিতাংঘ্রিণা
সচ্ছ্রদ্ধযা আসেব্য জগত্ বিমুচ্যতে ॥ 48॥

ভবভয অপহংতুং জ্ঞানবিজ্ঞানসারম্
নিগমকৃত্ উপজহে ভৃংগবত্ বেদসারম্ ।
অমৃতং উদধিতঃ চ অপাযযত্ ভৃত্যবর্গান্
পুরুষং ঋষভং আদ্যং কৃষ্ণসংজ্ঞং নতঃ অস্মি ॥ 49॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে ভগবদুদ্ধবসংবাদে
পরমার্থপ্রাপ্তিসুগমোপাযকথনোদ্ধববদরিকাশ্রমপ্রবেশো
নাম একোনত্রিংশোঽধ্যাযঃ ॥ 29॥

অথ ত্রিংশঃ অধ্যাযঃ ।
রাজা উবাচ ।
ততঃ মহাভাগবতে উদ্ধবে নির্গতে বনম্ ।
দ্বারবত্যাং কিং অকরোত্ ভগবান্ ভূতভাবনঃ ॥ 1॥

ব্রহ্মশাপ উপসংসৃষ্টে স্বকুলে যাদবর্ষভঃ ।
প্রেযসীং সর্বনেত্রাণাং তনুং সঃ কথং অত্যজত্ ॥ 2॥

প্রত্যাক্রষ্টুং নযনং অবলা যত্র লগ্নং ন শেকুঃ
কর্ণাবিষ্টং ন সরতি ততঃ যত্ সতাং আত্মলগ্নম্ ।
যত্ শ্রীঃ বাচাং জনযতি রতিং কিং নু মানং কবীনাম্
দৃষ্ট্বা জিষ্ণোঃ যুধি রথগতং যত্ চ তত্ সাম্যম্
ঈযুঃ ॥ 3॥

ঋষিঃ উবাচ ।
দিবি ভুবি অংতরিক্ষে চ মহোত্পাতান্ সমুত্থিতান্ ।
দৃষ্ট্বা আসীনান্ সুধর্মাযাং কৃষ্ণঃ প্রাহ যদূন্ ইদম্ ॥ 4॥

শ্রীভগবান্ উবাচ ।
এতে ঘোরাঃ মহোত্পাতাঃ দ্বার্বত্যাং যমকেতবঃ ।
মুহূর্তং অপি ন স্থেযং অত্র নঃ যদুপুংগবাঃ ॥ 5॥

স্ত্রিযঃ বালাঃ চ বৃদ্ধাঃ চ শংখোদ্ধারং ব্রজংত্বিতঃ ।
বযং প্রভাসং যাস্যামঃ যত্র প্রত্যক্ সরস্বতী ॥ 6॥

তত্র অভিষিচ্য শুচয উপোষ্য সুসমাহিতাঃ ।
দেবতাঃ পূজযিষ্যামঃ স্নপন আলেপন অর্হণৈঃ ॥7॥

ব্রাহ্মণান্ তু মহাভাগান্ কৃতস্বস্ত্যযনা বযম্ ।
গো ভূ হিরণ্য বাসোভিঃ গজ অশ্বরথ বেশ্মভিঃ ॥ 8॥

বিধিঃ এষঃ হি অরিষ্টঘ্নঃ মংগল আযনং উত্তমম্ ।
দেব দ্বিজ গবাং পূজা ভূতেষু পরমঃ ভবঃ ॥ 9॥

ইতি সর্বে সমাকর্ণ্য যদুবৃদ্ধাঃ মধুদ্বিষঃ ।
তথা ইতি নৌভিঃ উত্তীর্য প্রভাসং প্রযযূ রথৈঃ ॥ 10॥

তস্মিন্ ভগবতা আদিষ্টং যদুদেবেন যাদবা ।
চক্রুঃ পরভযা ভক্ত্যা সর্বশ্রেয উপবৃংহিতম্ ॥ 11॥

ততঃ তস্মিন্ মহাপানং পপুঃ মৈরেযকং মধু ।
দিষ্ট বিভ্রংশিত ধিযঃ যত্ দ্রবৈঃ ভ্রশ্যতে মতিঃ ॥ 12॥

মহাপান অভিমত্তানাং বীরাণাং দৃপ্তচেতসাম্ ।
কৃষ্ণমাযা বিমূঢানাং সংঘর্ষঃ সুমহান্ অভূত্ ॥ 13॥

যুযুধুঃ ক্রোধসংরব্ধা বেলাযাং আততাযিনঃ ।
ধনুভিঃ অসিভিঃ মল্লৈঃ গদাভিঃ তাং অরর্ষ্টিভিঃ ॥ 14॥

পতত্পতাকৈ রথকুংজরাদিভিঃ
খর উষ্ট্র গোভিঃ মহিষৈঃ নরৈঃ অপি ।
মিথঃ সমেত্য অশ্বতরৈঃ সুদুর্মদা
ন্যহন্ শরর্দদ্ভিঃ ইব দ্বিপা বনে ॥ 15॥

প্রদ্যুম্ন সাংবৌ যুধি রূঢমত্সরৌ
অক্রূর ভোজৌ অনিরুদ্ধ সাত্যকী ।
সুভদ্র সংগ্রামজিতৌ সুদারুণৌ
গদৌ সুমিত্রা সুরথৌ সমীযতুঃ ॥ 16॥

অন্যে চ যে বৈ নিশঠ উল্মুক আদযঃ
সহস্রজিত্ শতজিত্ ভানু মুখ্যাঃ ।
অন্যোন্যং আসাদ্য মদাংধকারিতা
জঘ্নুঃ মুকুংদেন বিমোহিতা ভৃশম্ ॥ 17॥

দাশার্হ বৃষ্ণি অংধক ভোজ সাত্বতা
মধু অর্বুদা মাথুরশূরসেনাঃ ।
বিসর্জনাঃ কুকুরাঃ কুংতযঃ চ
মিথঃ ততঃ তে অথ বিসৃজ্য সৌহৃদম্ ॥ 18॥

পুত্রাঃ অযুধ্যন্ পিতৃভিঃ ভ্রাতৃভিঃ চ
স্বস্ত্রীয দৌহিত্র পিতৃব্যমাতুলৈঃ ।
মিত্রাণি মিত্রৈঃ সুহৃদঃ সুহৃদ্ভিঃ
জ্ঞাতীংস্ত্বহন্ জ্ঞাতযঃ এব মূঢাঃ ॥ 19॥

শরেষু ক্ষীযমাণেষু ভজ্যমানেষু ধন্বসু ।
শস্ত্রেষু ক্ষীযমাণেষু মুষ্টিভিঃ জহ্রুঃ এরকাঃ ॥ 20॥

তাঃ বজ্রকল্পাঃ হি অভবন্ পরিঘাঃ মুষ্টিনাঃ ভৃতাঃ ।
জঘ্নুঃ দ্বিষঃ তৈঃ কৃষ্ণেন বার্যমাণাঃ তু তং চ তে ॥ 21॥

প্রত্যনীকং মন্যমানাঃ বলভদ্রং চ মোহিতাঃ ।
হংতুং কৃতধিযঃ রাজন্ আপন্নাঃ আততাযিনঃ ॥ 22॥

অথ তৌ অপি সংক্রুদ্ধৌ উদ্যম্য কুরুনংদন ।
এরকা মুষ্টি পরিঘৌ জরংতৌ জঘ্নতুঃ যুধি ॥ 23॥

ব্রহ্মশাপ উপসৃষ্টানাং কৃষ্ণমাযাবৃত আত্মনাম্ ।
স্পর্ধাক্রোধঃ ক্ষযং নিন্যে বৈণবঃ অগ্নিঃ যথা বনম্ ॥ 24॥

এবং নষ্টেষু সর্বেষু কুলেষু স্বেষু কেশবঃ ।
অবতারিতঃ ভুবঃ ভারঃ ইতি মেনে অবশেষিতঃ ॥ 25॥

রামঃ সমুদ্রবেলাযাং যোগং আস্থায পৌরুষম্ ।
তত্ ত্যাজ লোকং মানুষ্যং সংযোজ্য আত্মানং আত্মনি ॥ 26॥

রামনির্যাণং আলোক্য ভগবান্ দেবকীসুতঃ ।
নিষসাদ ধরোপস্থে তূষ্ণীং আসাদ্য পিপ্পলম্ ॥ 27॥

বিভ্রত্ চতুর্ভুজং রূপং ভ্রাজিষ্ণু প্রভযা স্বযা ।
দিশঃ বিতিমারাঃ কুর্বন্ বিধূমঃ ইব পাবকঃ ॥ 28॥

শ্রীবত্সাংকং ঘনশ্যামং তপ্ত হাটক বর্চসম্ ।
কৌশেয অংবর যুগ্মেন পরিবীতং সুমংগলম্ ॥ 29॥

সুংদর স্মিত বক্ত্র অব্জং নীল কুংতল মংডিতম্ ।
পুংডরীক অভিরামাক্ষং স্ফুরন্ মকর কুংডলম্ ॥ 30॥

কটিসূত্র ব্রহ্মসূত্র কিরীট কটক অংগদৈঃ ।
হার নূপুর মুদ্রাভিঃ কৌস্তুভেন বিরাজিতম্ ॥ 31॥

বনমালা পরীতাংগং মূর্তিমদ্ভিঃ নিজ আযুধৈঃ ।
কৃত্বা উরৌ দক্ষিণে পাদং আসীনং পংকজ অরুণম্ ॥ 32॥

মুসলৌ অশেষাযঃ খংডকৃতেষুঃ লুব্ধকঃ জরাঃ ।
মৃগাস্য আকারং তত্ চরণং বিব্যাধ মৃগশংকযা ॥ 33॥

চতুর্ভুজং তং পুরুষং দৃষ্ট্বা সঃ কৃত কিল্বিষঃ ।
ভীতঃ পপাত শিরসা পাদযোঃ অসুরদ্বিষঃ ॥ 34॥

অজানতা কৃতং ইদং পাপেন মধুসূদন ।
ক্ষংতুং অর্হসি পাপস্য উত্তমশ্লোকঃ মে অনঘ ॥ 35॥

যস্য অনুস্মরণং নৄণাং অজ্ঞান ধ্বাংত নাশনম্ ।
বদংতি তস্য তে বিষ্ণো মযা অসাধু কৃতং প্রভো ॥ 36॥

তত্ মা আশু জহি বৈকুংঠ পাপ্মানং মৃগ লুব্ধকম্ ।
যথা পুনঃ অহং তু এবং ন কুর্যাং সত্ অতিক্রমম্ ॥ 37॥

যস্য আত্ম যোগ রচিতং ন বিদুঃ বিরিংচঃ
রুদ্র আদযঃ অস্য তনযাঃ পতযঃ গিরাং যে ।
ত্বত্ মাযযা পিহিত দৃষ্টযঃ এতত্ অংজঃ
কিং তস্য তে বযং অসত্ গতযঃ গৃণীমঃ ॥ 38॥

শ্রীভগবান্ উবাচ ।
মা ভৈঃ জরে ত্বং উত্তিষ্ঠ কামঃ এষঃ কৃতঃ হি মে ।
যাহি ত্বং মত্ অনুজ্ঞাতঃ স্বর্গং সুকৃতিনাং পদম্ ॥ 39॥

ইতি আদিষ্টঃ ভগবতা কৃষ্ণেন ইচ্ছা শরীরিণা ।
ত্রিঃ পরিক্রম্য তং নত্বা বিমানেন দিবং যযৌ ॥ 40॥

দারুকঃ কৃষ্ণপদবীং অন্বিচ্ছন্ অধিগম্যতাম্ ।
বাযুং তুলসিকামোদং আঘ্রায অভিমুখং যযৌ ॥ 41॥

তং তত্র তিগ্মদ্যুভিঃ আযুধৈঃ বৃতম্
হি অশ্বত্থমূলে কৃতকেতনং পতিম্ ।
স্নেহপ্লুতাত্মা নিপপাত পাদযো
রথাত্ অবপ্লুত্য সবাষ্পলোচনঃ ॥ 42॥

অপশ্যতঃ ত্বত্ চরণ অংবুজং প্রভো
দৃষ্টিঃ প্রণষ্টা তমসি প্রবিষ্টা ।
দিশঃ ন জানে ন লভে চ শাংতিম্
যথা নিশাযং উডুপে প্রণষ্টে ॥ 43॥

ইতি ব্রুবতে সূতে বৈ রথঃ গরুডলাংছনঃ ।
খং উত্পপাত রাজেংদ্র সাশ্বধ্বজঃ উদীক্ষতঃ ॥ 44॥

তং অন্বগচ্ছন্ দিব্যানি বিষ্ণুপ্রহরণানি চ ।
তেন অতি বিস্মিত আত্মানং সূতং আহ জনার্দনঃ ॥ 45॥

গচ্ছ দ্বারবতীং সূত জ্ঞাতীনাং নিধনং মিথঃ ।
সংকর্ষণস্য নির্যাণং বংধুভ্যঃ ব্রূহি মত্ দশাম্ ॥ 46॥

দ্বারকাযাং চ ন স্থেযং ভবদ্ভিঃ চ স্ববংধুভিঃ ।
মযা ত্যক্তাং যদুপুরীং সমুদ্রঃ প্লাবযিষ্যতি ॥ 47॥

স্বং স্বং পরিগ্রহং সর্বে আদায পিতরৌ চ নঃ ।
অর্জুনেন আবিতাঃ সর্ব ইংদ্রপ্রস্থং গমিষ্যথ ॥ 48॥

ত্বং তু মত্ ধর্মং আস্থায জ্ঞাননিষ্ঠঃ উপেক্ষকঃ ।
মন্মাযা রচনাং এতাং বিজ্ঞায উপশমং ব্রজ ॥ 49॥

ইতি উক্তঃ তং পরিক্রম্য নমস্কৃত্য পুনঃ পুনঃ ।
তত্ পাদৌ শীর্ষ্ণি উপাধায দুর্মনাঃ প্রযযৌ পুরীম্ ॥ 50॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে যদুকুলসংক্ষযো নাম
ত্রিংশোঽধ্যাযঃ ॥ 30॥

অথ একত্রিংশঃ অধ্যাযঃ ।
শ্রীশুকঃ উবাচ ।
অথ তত্র আগমত্ ব্রহ্মা ভবান্যা চ সমং ভবঃ ।
মহেংদ্রপ্রমুখাঃ দেবাঃ মুনযঃ সপ্রজেশ্বরাঃ ॥ 1॥

পিতরঃ সিদ্ধগংধর্বাঃ বিদ্যাধর মহোরগাঃ ।
চারণাঃ যক্ষরক্ষাংসি কিংনর অপ্সরসঃ দ্বিজাঃ ॥ 2॥

দ্রষ্টুকামাঃ ভগবতঃ নির্বাণং পরম উত্সুকাঃ ।
গাযংতঃ চ গৃণংতঃ চ শৌরেঃ কর্মাণি জন্ম চ ॥ 3॥

ববর্ষুঃ পুষ্পবর্ষাণি বিমান আবলিভিঃ নভঃ ।
কুর্বংতঃ সংকুলং রাজন্ ভক্ত্যা পরমযা যুতাঃ ॥ 4॥

ভগবান্ পিতামহং বীক্ষ্য বিভূতিঃ আত্মনঃ বিভুঃ ।
সংযোজ্য আত্মনি চ আত্মানং পদ্মনেত্রে ন্যমীলযত্ ॥ 5॥

লোকাভিরামাং স্বতনুং ধারণা ধ্যান মংগলম্ ।
যোগধারণযা আগ্নেয্যা অদগ্ধ্বা ধাম আবিশত্ স্বকম্ ॥ 6॥

দিবি দুংদুভযঃ নেদুঃ পেতুঃ সুমনঃ চ খাত্ ।
সত্যং ধর্মঃ ধৃতিঃ ভূমেঃ কীর্তিঃ শ্রীঃ চ অনু তং বযুঃ ॥ 7॥

দেব আদযঃ ব্রহ্মমুখ্যাঃ ন বিশংতং স্বধামনি ।
অবিজ্ঞাতগতিং কৃষ্ণং দদৃশুঃ চ অতিবিস্মিতাঃ ॥ 8॥

সৌদামন্যাঃ যথা আকাশে যাংত্যাঃ হিত্বা অভ্রমংডলম্ ।
গতিঃ ন লক্ষ্যতে মর্ত্যৈঃ তথা কৃষ্ণস্য দৈবতৈঃ ॥ 9॥

ব্রহ্ম রুদ্র আদযঃ তে তু দৃষ্ট্বা যোগগতিং হরেঃ ।
বিস্মিতাঃ তাং প্রশংসংতঃ স্বং স্বং লোকং যযুঃ তদা ॥ 10॥

রাজন্ পরস্য তনুভৃত্ জননাপ্যযেহা
মাযাবিডংবনং অবেহি যথা নটস্য ।
সৃষ্ট্বা আত্মনা ইদং অনুবিশ্য বিহৃত্য চ অংতে
সংহৃত্য চ আত্ম মহিনা উপরতঃ সঃ আস্তে ॥ 11॥

মর্ত্যেন যঃ গুরুসুতং যমলোকনীতম্
ত্বাং চ আনযত্ শরণদঃ পরম অস্ত্র দগ্ধম্ ।
জিগ্যে অংতক অংতকং অপি ঈশং অসৌ অবনীশঃ
কিং স্বাবনে স্বরনযন্ মৃগযুং সদেহম্ ॥ 12॥

তথা অপি অশেশা স্থিতি সংভব অপি
অযেষু অনন্য হেতুঃ যত্ অশেষ শক্তিধৃক্ ।
ন ইচ্ছত্ প্রণেতুং বপুঃ অত্র শেষিতম্
মর্ত্যেন কিং স্বস্থগতিং প্রদর্শযন্ ॥ 13॥

যঃ এতাং প্রাতঃ উত্থায কৃষ্ণস্য পদবীং পরাম্ ।
প্রযতঃ কীর্তযেত্ ভক্ত্যা তাং এব আপ্নোতি অনুত্তমাম্ ॥ 14॥

দারুকঃ দ্বারকাং এত্য বসুদেব উগ্রসেনযোঃ ।
পতিত্বা চরণাবস্রৈঃ ন্যষিংচত্ কৃষ্ণবিচ্যুতঃ ॥ 15॥

কথযামাস নিধনং বৃষ্ণীনাং কৃত্স্নশঃ নৃপ ।
তত্ শ্রুত্বা উদ্বিগ্ন হৃদযাঃ জনাঃ শোক বিমূর্চ্ছিতাঃ ॥ 16॥

তত্র স্ম ত্বরিতা জগ্মুঃ কৃষ্ণ বিশ্লেষ বিহ্বলাঃ ।
ব্যসবাঃ শেরতে যত্র জ্ঞাতযঃ ঘ্নংতঃ আননম্ ॥ 17॥

দেবকী রোহিণী চ এব বসুদেবঃ তথা সুতৌ ।
কৃষ্ণ রাম অবপশ্যংতঃ শোক আর্তাঃ বিজহুঃ স্মৃতিম্ ॥ 18॥

প্রাণান্ চ বিজহুঃ তত্র ভগবত্ বিরহ আতুরাঃ ।
উপগুহ্য পতীন্ তাত চিতাং আরুরুহুঃ স্ত্রিযঃ ॥ 19॥

রামপত্ন্যঃ চ তত্ দেহং উপগুহ্য অগ্নিং আবিশন্ ।
বসুদেবপত্ন্যঃ তত্ গাত্রং প্রদ্যুম্ন আদীন্ হরেঃ স্নুষাঃ ।
কৃষ্ণপত্ন্যঃ আবিশন্ অগ্নিং রুক্মিণি আদ্যাঃ তদাত্মিকাঃ ॥ 20॥

অর্জুনঃ প্রেযসঃ সখ্যুঃ কৃষ্ণস্য বিরহ আতুরঃ ।
আত্মানং সাংত্বযামাস কৃষ্ণগীতৈঃ সদুক্তিভিঃ ॥ 21॥

বংধূনাং নষ্টগোত্রাণাং অর্জুনঃ সাংপরাযিকম্ ।
হতানাং কারযামাস যথাবত্ অনুপূর্বশঃ ॥ 22॥

দ্বারকাং হরিণা ত্যক্তা সমুদ্রঃ অপ্লাবযত্ ক্ষণাত্ ।
বর্জযিত্বা মহারাজ শ্রীমত্ ভগবত্ আলযম্ ॥ 23॥

নিত্যং সংনিহিতঃ তত্র ভগবান্ মধুসূদনঃ ।
স্মৃত্যা অশেষা অশুভহরং সর্ব মংগলং অমংগলম্ ॥ 24॥

স্ত্রী বাল বৃদ্ধান্ আদায হতশেষান্ ধনংজযঃ ।
ইংদ্রপ্রস্থং সমাবেশ্য বজ্র তত্র অভ্যষেচযত্ ॥ 25॥

শ্রুত্বা সুহৃত্ বধং রাজন্ অর্জুনাত্ তে পিতামহাঃ ।
ত্বাং তু বংশধরং কৃত্বা জগ্মুঃ সর্বে মহাপথম্ ॥ 26॥

যঃ এতত্ দেবদেবস্য বিষ্ণোঃ কর্মাণি জন্ম চ ।
কীর্তযেত্ শ্রদ্ধযা মর্ত্যঃ সর্বপাপৈঃ প্রমুচ্যতে ॥ 27॥

ইত্থং হরেঃ ভগবতঃ রুচির অবতার
বীর্যাণি বালচরিতানি চ শংতমানি ।
অন্যত্র চ ইহ চ শ্রুতানি গৃণন্ মনুষ্যঃ
ভক্তিং পরাং পরমহংসগতৌ লভেত ॥ 28॥

ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে মৌসলোপাখ্যানং নাম
একত্রিংশোঽধ্যাযঃ ॥ 31॥

॥ ইতি উদ্ধবগীতা নাম একাদশস্কংধঃ সমাপ্তঃ ॥