অথ তৃতীযোঽধ্যাযঃ ।
পরস্য বিষ্ণোঃ ঈশস্য মাযিনাম অপি মোহিনীম্ ।
মাযাং বেদিতুং ইচ্ছামঃ ভগবংতঃ ব্রুবংতু নঃ ॥ 1॥
ন অনুতৃপ্যে জুষন্ যুষ্মত্ বচঃ হরিকথা অমৃতম্ ।
সংসারতাপনিঃতপ্তঃ মর্ত্যঃ তত্ তাপ ভেষজম্ ॥ 2॥
অংতরিক্ষঃ উবাচ ।
এভিঃ ভূতানি ভূতাত্মা মহাভূতৈঃ মহাভুজ ।
সসর্জোত্ চ অবচানি আদ্যঃ স্বমাত্রপ্রসিদ্ধযে ॥ 3॥
এবং সৃষ্টানি ভূতানি প্রবিষ্টঃ পংচধাতুভিঃ ।
একধা দশধা আত্মানং বিভজন্ জুষতে গুণান্ ॥ 4॥
গুণৈঃ গুণান্ সঃ ভুংজানঃ আত্মপ্রদ্যোদিতৈঃ প্রভুঃ ।
মন্যমানঃ ইদং সৃষ্টং আত্মানং ইহ সজ্জতে ॥ 5॥
কর্মাণি কর্মভিঃ কুর্বন্ সনিমিত্তানি দেহভৃত্ ।
তত্ তত্ কর্মফলং গৃহ্ণন্ ভ্রমতি ইহ সুখৈতরম্ ॥ 6॥
ইত্থং কর্মগতীঃ গচ্ছন্ বহ্বভদ্রবহাঃ পুমান্ ।
আভূতসংপ্লবাত্ সর্গপ্রলযৌ অশ্নুতে অবশঃ ॥ 7॥
ধাতু উপপ্লবঃ আসন্নে ব্যক্তং দ্রব্যগুণাত্মকম্ ।
অনাদিনিধনঃ কালঃ হি অব্যক্তায অপকর্ষতি ॥ 8॥
শতবর্ষাঃ হি অনাবৃষ্টিঃ ভবিষ্যতি উল্বণা ভুবি ।
তত্ কাল উপচিত উষ্ণ অর্কঃ লোকান্ ত্রীন্ প্রতপিষ্যতি ॥9॥
পাতালতলং আরভ্য সংকর্ষণমুখ অনলঃ ।
দহন্ ঊর্ধ্বশিখঃ বিষ্বক্ বর্ধতে বাযুনা ঈরিতঃ ॥ 10॥
সাংবর্তকঃ মেঘগণঃ বর্ষতি স্ম শতং সমাঃ ।
ধারাভিঃ হস্তিহস্তাভিঃ লীযতে সলিলে বিরাট্ ॥ 11॥
ততঃ বিরাজং উত্সৃজ্য বৈরাজঃ পুরুষঃ নৃপ ।
অব্যক্তং বিশতে সূক্ষ্মং নিরিংধনঃ ইব অনলঃ ॥ 12॥
বাযুনা হৃতগংধা ভূঃ সলিলত্বায কল্পতে ।
সলিলং তত্ ধৃতরসং জ্যোতিষ্ট্বায উপকল্পতে ॥ 13॥
হৃতরূপং তু তমসা বাযৌ জ্যোতিঃ প্রলীযতে ।
হৃতস্পর্শঃ অবকাশেন বাযুঃ নভসি লীযতে ।
কালাত্মনা হৃতগুণং নবঃ আত্মনি লীযতে ॥ 14॥
ইংদ্রিযাণি মনঃ বুদ্ধিঃ সহ বৈকারিকৈঃ নৃপ ।
প্রবিশংতি হি অহংকারং স্বগুণৈঃ অহং আত্মনি ॥ 15॥
এষা মাযা ভগবতঃ সর্গস্থিতি অংতকারিণী ।
ত্রিবর্ণা বর্ণিতা অস্মাভিঃ কিং ভূযঃ শ্রোতুং ইচ্ছসি ॥ 16॥
রাজা উবাচ ।
যথা এতাং ঐশ্বরীং মাযাং দুস্তরাং অকৃতাত্মভিঃ ।
তরংতি অংজঃ স্থূলধিযঃ মহর্ষঃ ইদং উচ্যতাম্ ॥ 17॥
প্রবুদ্ধঃ উবাচ ।
কর্মাণি আরভমাণানাং দুঃখহত্যৈ সুখায চ ।
পশ্যেত্ পাকবিপর্যাসং মিথুনীচারিণাং নৃণাম্ ॥ 18॥
নিত্যার্তিদেন বিত্তেন দুর্লভেন আত্মমৃত্যুনা ।
গৃহ অপত্যাপ্তপশুভিঃ কা প্রীতিঃ সাধিতৈঃ চলৈঃ ॥
19॥
এবং লোকং পরং বিদ্যাত্ নশ্বরং কর্মনির্মিতম্ ।
সতুল্য অতিশয ধ্বংসং যথা মংডলবর্তিনাম্ ॥ 20॥
তস্মাত্ গুরুং প্রপদ্যেত জিজ্ঞাসুঃ শ্রেযঃ উত্তমম্ ।
শাব্দে পরে চ নিষ্ণাতং ব্রহ্মণি উপশমাশ্রযম্ ॥ 21॥
তত্র ভাগবতান্ ধর্মান্ শিক্ষেত্ গুরুআত্মদৈবতঃ ।
অমাযযা অনুবৃত্যা যৈঃ তুষ্যেত্ আত্মা আত্মদঃ হরিঃ ॥ 22॥
সর্বতঃ মনসঃ অসংগং আদৌ সংগং চ সাধুষু ।
দযাং মৈত্রীং প্রশ্রযং চ ভূতেষু অদ্ধা যথা উচিতম্ ॥ 23॥
শৌচং তপঃ তিতিক্ষাং চ মৌনং স্বাধ্যাযং আর্জবম্ ।
ব্রহ্মচর্যং অহিংসাং চ সমত্বং দ্বংদ্বসংজ্ঞযোঃ ॥ 24॥
সর্বত্র আত্মেশ্বর অন্বীক্ষাং কৈবল্যং অনিকেততাম্ ।
বিবিক্তচীরবসনং সংতোষং যেন কেনচিত্ ॥ 25॥
শ্রদ্ধাং ভাগবতে শাস্ত্রে অনিংদাং অন্যত্র চ অপি হি ।
মনোবাক্ কর্মদংডং চ সত্যং শমদমৌ অপি ॥ 26॥
শ্রবণং কীর্তনং ধ্যানং হরেঃ অদ্ভুতকর্মণঃ ।
জন্মকর্মগুণানাং চ তদর্থে অখিলচেষ্টিতম্ ॥ 27॥
ইষ্টং দত্তং তপঃ জপ্তং বৃত্তং যত্ চ আত্মনঃ প্রিযম্ ।
দারান্ সুতান্ গৃহান্ প্রাণান্ যত্ পরস্মৈ নিবেদনম্ ॥ 28॥
এবং কৃষ্ণাত্মনাথেষু মনুষ্যেষু চ সৌহৃদম্ ।
পরিচর্যাং চ উভযত্র মহত্সু নৃষু সাধুষু ॥ 29॥
পরস্পর অনুকথনং পাবনং ভগবত্ যশঃ ।
মিথঃ রতিঃ মিথঃ তুষ্টিঃ নিবৃত্তিঃ মিথঃ আত্মনঃ ॥ 30॥
স্মরংতঃ স্মারযংতঃ চ মিথঃ অঘৌঘহরং হরিম্ ।
ভক্ত্যা সংজাতযা ভক্ত্যা বিভ্রতি উত্পুলকাং তনুম্ ॥ 31॥
ক্বচিত্ রুদংতি অচ্যুতচিংতযা ক্বচিত্
হসংতি নংদংতি বদংতি অলৌকিকাঃ ।
নৃত্যংতি গাযংতি অনুশীলযংতি
অজং ভবংতি তূষ্ণীং পরং এত্য নির্বৃতাঃ ॥ 32॥
ইতি ভাগবতান্ ধর্মান্ শিক্ষন্ ভক্ত্যা তদুত্থযা ।
নারাযণপরঃ মাযং অংজঃ তরতি দুস্তরাম্ ॥ 33॥
রাজা উবাচ ।
নারাযণ অভিধানস্য ব্রহ্মণঃ পরমাত্মনঃ ।
নিষ্ঠাং অর্হথ নঃ বক্তুং যূযং হি ব্রহ্মবিত্তমাঃ ॥ 34॥
পিপ্পলাযনঃ উবাচ ।
স্থিতি উদ্ভবপ্রলযহেতুঃ অহেতুঃ অস্য
যত্ স্বপ্নজাগরসুষুপ্তিষু সত্ বহিঃ চ ।
দেহ ইংদ্রিযাসুহৃদযানি চরংতি যেন
সংজীবিতানি তত্ অবেহি পরং নরেংদ্র ॥ 35॥
ন এতত্ মনঃ বিশতি বাগুত চক্ষুঃ আত্মা
প্রাণেংদ্রিযাণি চ যথা অনলং অর্চিষঃ স্বাঃ ।
শব্দঃ অপি বোধকনিষেধতযা আত্মমূলম্
অর্থ উক্তং আহ যদৃতে ন নিষেধসিদ্ধিঃ ॥ 36॥
সত্বং রজঃ তমঃ ইতি ত্রিবৃদেকং আদৌ
সূত্রং মহান্ অহং ইতি প্রবদংতি জীবম্ ।
জ্ঞানক্রিযা অর্থফলরূপতযোঃ উশক্তি
ব্রহ্ম এব ভাতি সত্ অসত্ চ তযোঃ পরং যত্ ॥ 37॥
ন আত্মা জজান ন মরিষ্যতি ন এধতে অসৌ
ন ক্ষীযতে সবনবিত্ ব্যভিচারিণাং হি ।
সর্বত্র শস্বদনপাযি উপলব্ধিমাত্রং
প্রাণঃ যথা ইংদ্রিযবলেন বিকল্পিতং সত্ ॥ 38॥
অংডেষু পেশিষু তরুষু অবিনিশ্চিতেষু
প্রাণঃ হি জীবং উপধাবতি তত্র তত্র ।
সন্নে যত্ ইংদ্রিযগণে অহমি চ প্রসুপ্তে
কূটস্থঃ আশযমৃতে তত্ অনুস্মৃতিঃ নঃ ॥ 39॥
যঃ হি অব্জ নাভ চরণ এষণযোঃ উভক্ত্যা
চেতোমলানি বিধমেত্ গুণকর্মজানি ।
তস্মিন্ বিশুদ্ধঃ উপলভ্যতঃ আত্মতত্ত্বম্
সাক্ষাত্ যথা অমলদৃশঃ সবিতৃপ্রকাশঃ ॥ 40॥
কর্মযোগং বদত নঃ পুরুষঃ যেন সংস্কৃতঃ ।
বিধূয ইহ আশু কর্মাণি নৈষ্কর্ম্যং বিংদতে পরম্ ॥ 41॥
এবং প্রশ্নং ঋষিন্ পূর্বং অপৃচ্ছং পিতুঃ অংতিকে ।
ন অব্রুবন্ ব্রহ্মণঃ পুত্রাঃ তত্র কারণং উচ্যতাম্ ॥ 42॥
আবির্হোত্রঃ উবাচ ।
কর্ম অকর্মবিকর্ম ইতি বেদবাদঃ ন লৌকিকঃ ।
বেদস্য চ ঈশ্বরাত্মত্বাত্ তত্র মুহ্যংতি সূরযঃ ॥ 43॥
পরোক্ষবাদঃ বেদঃ অযং বালানাং অনুশাসনম্ ।
কর্মমোক্ষায কর্মাণি বিধত্তে হি অগদং যথা ॥ 44॥
ন আচরেত্ যঃ তু বেদ উক্তং স্বযং অজ্ঞঃ অজিতেংদ্রিযঃ ।
বিকর্মণা হি অধর্মেণ মৃত্যোঃ মৃত্যুং উপৈতি সঃ ॥ 45॥
বেদ উক্তং এব কুর্বাণঃ নিঃসংগঃ অর্পিতং ঈশ্বরে ।
নৈষ্কর্ম্যাং লভতে সিদ্ধিং রোচনার্থা ফলশ্রুতিঃ ॥ 46॥
যঃ আশু হৃদযগ্রংথিং নির্জিহীষুঃ পরাত্মনঃ ।
বিধিনা উপচরেত্ দেবং তংত্র উক্তেন চ কেশবম্ ॥ 47॥
লব্ধ অনুগ্রহঃ আচার্যাত্ তেন সংদর্শিতাগমঃ ।
মহাপুরুষং অভ্যর্চেত্ মূর্ত্যা অভিমতযা আত্মনঃ ॥ 48॥
শুচিঃ সংমুখং আসীনঃ প্রাণসংযমনাদিভিঃ ।
পিংডং বিশোধ্য সংন্যাসকৃতরক্ষঃ অর্চযেত্ হরিম্ ॥ 49॥
অর্চাদৌ হৃদযে চ অপি যথালব্ধ উপচারকৈঃ ।
দ্রব্যক্ষিতিআত্মলিংগানি নিষ্পাদ্য প্রোক্ষ্য চ আসনম্ ॥ 50॥
পাদ্যাদীন্ উপকল্প্যা অথ সংনিধাপ্য সমাহিতঃ ।
হৃত্ আদিভিঃ কৃতন্যাসঃ মূলমংত্রেণ চ অর্চযেত্ ॥ 51॥
সাংগোপাংগাং সপার্ষদাং তাং তাং মূর্তিং স্বমংত্রতঃ ।
পাদ্য অর্ঘ্যাচমনীযাদ্যৈঃ স্নানবাসঃবিভূষণৈঃ ॥ 52॥
গংধমাল্যাক্ষতস্রগ্ভিঃ ধূপদীপহারকৈঃ ।
সাংগং সংপূজ্য বিধিবত্ স্তবৈঃ স্তুত্বা নমেত্ হরিম্ ॥ 53॥
আত্মাং তন্মযং ধ্যাযন্ মূর্তিং সংপূজযেত্ হরেঃ ।
শেষাং আধায শিরসি স্বধাম্নি উদ্বাস্য সত্কৃতম্ ॥ 54॥
এবং অগ্নি অর্কতোযাদৌ অতিথৌ হৃদযে চ যঃ ।
যজতি ঈশ্বরং আত্মানং অচিরাত্ মুচ্যতে হি সঃ ॥ 55॥
ইতি শ্রীমদ্ভাগবতে মহাপুরাণে পারমহংস্যাং
সংহিতাযামেকাদশস্কংধে নিমিজাযংতসংবাদে
মাযাকর্মব্রহ্মনিরূপণং তৃতীযোঽধ্যাযঃ ॥