সা ব্রহ্মেতি হোবাচ ব্রহ্মণো বা এতদ্বিজযে মহীযধ্বমিতি ততো হৈব বিদাংচকার ব্রহ্মেতি ॥ 1॥
তস্মাদ্বা এতে দেবা অতিতরামিবান্যাংদেবান্যদগ্নির্বাযুরিংদ্রস্তে হ্যেনন্নেদিষ্ঠং পস্পর্শুস্তে হ্যেনত্প্রথমো বিদাংচকার ব্রহ্মেতি ॥ 2॥
তস্মাদ্বা ইংদ্রোঽতিতরামিবান্যাংদেবান্স হ্যেনন্নেদিষ্ঠং পস্পর্শ স হ্যেনত্প্রথমো বিদাংচকার ব্রহ্মেতি ॥ 3॥
তস্যৈষ আদেশো যদেতদ্বিদ্যুতো ব্যদ্যুতদা(3) ইতীন্ ন্যমীমিষদা(3) ইত্যধিদৈবতম্ ॥ 4॥
অথাধ্যাত্মং-যঁদ্দেতদ্গচ্ছতীব চ মনোঽনেন চৈতদুপস্মরত্যভীক্ষ্ণং সংকল্পঃ ॥ 5॥
তদ্ধ তদ্বনং নাম তদ্বনমিত্যুপাসিতব্যং স য এতদেবং-বেঁদাভি হৈনগ্ম্ সর্বাণি ভূতানি সংবাংঁছংতি ॥ 6॥
উপনিষদং ভো ব্রূহীত্যুক্তা ত উপনিষদ্ব্রাহ্মীং-বাঁব ত উপনিষদমব্রূমেতি ॥ 7॥
তসৈ তপো দমঃ কর্মেতি প্রতিষ্ঠা বেদাঃ সর্বাংগানি সত্যমাযতনম্ ॥ 8॥
যো বা এতামেবং-বেঁদাপহত্য পাপ্মানমনংতে স্বর্গে লোকে জ্যেযে প্রতিতিষ্ঠতি প্রতিতিষ্ঠতি ॥ 9॥
॥ ইতি কেনোপনিষদি চতুর্থঃ খংডঃ ॥
ওং আপ্যাযংতু মমাংগানি বাক্প্রাণশ্চক্ষুঃ শ্রোত্রমথো বলমিংদ্রিযাণি চ সর্বাণি । সর্বং ব্রহ্মৌপনিষদং মাঽহং ব্রহ্ম নিরাকুর্যাং মা মা ব্রহ্ম নিরাকরোদনিরাকরণমস্ত্বনিরাকরণং মেঽস্তু । তদাত্মনি নিরতে য উপনিষত্সু ধর্মাস্তে মযি সংতু তে মযি সংতু ।
ওং শাংতিঃ॒ শাংতিঃ॒ শাংতিঃ॑ ॥
॥ ইতি কেনোপনিষত্ ॥