ক্রিযাসিদ্ধিঃ সত্ত্বে ভবতি মহতান্নোপকরণে ।
সেবাদীক্ষিত ! চিরপ্রতিজ্ঞ !
মা বিস্মর ভো সূক্তিম্ ॥
ন ধনং ন বলং নাপি সংপদা ন স্যাজ্জনানুকংপা
সিদ্ধা ন স্যাত্ কার্যভূমিকা ন স্যাদপি প্রোত্সাহঃ
আবৃণোতু বা বিঘ্নবারিধিস্ত্বং মা বিস্মর সূক্তিম্ ॥ 1 ॥
আত্মবলং স্মর বাহুবলং ধর পরমুখপ্রেক্ষী মা ভূঃ
ক্বচিদপি মা ভূদাত্মবিস্মৃতিঃ ন স্যাল্লক্ষ্যাচ্চ্যবনম্ ।
আসাদয জনমানসপ্রীতিং সুচিরং সংস্মর সূক্তিম্ ॥ 2 ॥
অরুণসারথিং বিকলসাধনং সূর্যং সংস্মর নিত্যং
শূরপূরুষান্ দৃঢানজেযান্ পদাত্পদং স্মর গচ্ছন্
সামান্যেতরদৃগ্ভ্যস্সোদর, সিধ্যতি কার্যমপূর্বম্ ॥ 3 ॥
রচন: শ্রী জনার্দন হেগ্ডে