মহানারাযণ উপনিষদ্

তৈত্তিরীয অরণ্যক – চতুর্থঃ প্রশ্নঃ

ওং স॒হ না॑ ববতু । স॒হ নৌ॑ ভুনক্তু । স॒হ বী॒র্যং॑ করবাবহৈ । তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥
ওং শাংতিঃ॒ শাংতিঃ॒ শাংতিঃ॑ ॥

অংভস্যপারে (4.1)
অংভ॑স্য পা॒রে ভুব॑নস্য॒ মদ্ধ্যে॒ নাক॑স্য পৃ॒ষ্ঠে ম॑হ॒তো মহী॑যান্ । শু॒ক্রেণ॒ জ্যোতীগ্​ম্॑ষি সমনু॒প্রবি॑ষ্টঃ প্র॒জাপ॑তিশ্চরতি॒ গর্ভে॑ অং॒তঃ । যস্মি॑ন্নি॒দগ্​ম্ সংচ॒ বিচৈতি॒ সর্বং॒-যঁস্মি॑ন্ দে॒বা অধি॒ বিশ্বে॑ নিষে॒দুঃ । তদে॒ব ভূ॒তং তদু॒ ভব্য॑মা ই॒দং তদ॒ক্ষরে॑ পর॒মে ব্যো॑মন্ন্ । যেনা॑ বৃ॒তং খংচ॒ দিবং॑ ম॒হীংচ॒ যেনা॑দি॒ত্য-স্তপ॑তি॒ তেজ॑সা॒ ভ্রাজ॑সা চ । যমং॒তঃ স॑মু॒দ্রে ক॒বযো॒ বযং॑তি॒ যদ॒ক্ষরে॑ পর॒মে প্র॒জাঃ । যতঃ॑ প্রসূ॒তা জ॒গতঃ॑ প্রসূতী॒ তোযে॑ন জী॒বান্ ব্যচ॑সর্জ॒ (ব্যস॑সর্জ॒) ভূম্যা᳚ম্ । যদোষ॑ধীভিঃ পু॒রুষা᳚ন্ প॒শূগ্গ্​শ্চ॒ বিবে॑শ ভূ॒তানি॑ চরাচ॒রাণি॑ । অতঃ॑ পরং॒ নান্য॒-দণী॑যসহি॒ পরা᳚ত্ পরং॒-যঁন্ মহ॑তো ম॒হাংত᳚ম্ । যদে॑ক-ম॒ব্যক্ত॒-মনং॑তরূপং॒-বিঁশ্বং॑ পুরা॒ণং তম॑সঃ॒ পর॑স্তাত্ ॥ 1.5 (তৈ. অর. 6.1.1)

তদে॒বর্তং তদু॑ স॒ত্যমা॑হু॒-স্তদে॒ব ব্রহ্ম॑ পর॒মং ক॑বী॒নাম্ । ই॒ষ্টা॒পূ॒র্তং ব॑হু॒ধা জা॒তং জায॑মানং-বিঁ॒শ্বং বি॑ভর্তি॒ ভুব॑নস্য॒ নাভিঃ॑ । তদে॒বাগ্নি-স্তদ্বা॒যু-স্তথ্সূর্য॒স্তদু॑ চং॒দ্রমাঃ᳚ । তদে॒ব শু॒ক্রম॒মৃতং॒ তদ্ব্রহ্ম॒ তদাপঃ॒ স প্র॒জাপ॑তিঃ । সর্বে॑ নিমে॒ষা জ॒জ্ঞিরে॑ বি॒দ্যুতঃ॒ পুরু॑ষা॒দধি॑ । ক॒লা মু॑হূ॒র্তাঃ কাষ্ঠা᳚শ্চাহো-রা॒ত্রাশ্চ॑ সর্ব॒শঃ । অ॒র্ধ॒মা॒সা মাসা॑ ঋ॒তবঃ॑ সং​বঁথ্স॒রশ্চ॑ কল্পংতাম্ । স আপঃ॑ প্রদু॒ঘে উ॒ভে ই॒মে অং॒তরি॑ক্ষ॒-মথো॒ সুবঃ॑ । নৈন॑-মূ॒র্ধ্বং ন তি॒র্যং চ॒ ন মদ্ধ্যে॒ পরি॑জগ্রভত্ । ন তস্যে॑শে॒ কশ্চ॒ন তস্য॑ নাম ম॒হদ্যশঃ॑ ॥ 1.10 (তৈ. অর. 6.1.2)

ন স॒দৃংশে॑ তিষ্ঠতি॒ রূপ॑মস্য॒ ন চক্ষু॑ষা পশ্যতি॒ কশ্চ॒নৈন᳚ম্ । হৃ॒দা ম॑নী॒ষা মন॑সা॒ঽভি ক্লৃ॑প্তো॒ য এ॑নং-বিঁ॒দু-রমৃ॑তা॒স্তে ভ॑বংতি । অ॒দ্ভ্যঃ সংভূ॑তো হিরণ্যগ॒র্ভ ইত্য॒ষ্টৌ । এ॒ষ হি দে॒বঃ প্র॒দিশোঽনু॒ সর্বাঃ॒ পূর্বো॑ হি জা॒তঃ স উ॒ গর্ভে॑ অং॒তঃ । স বি॒জায॑মানঃ সজনি॒ষ্যমা॑ণঃ প্র॒ত্যং-মুখা᳚ স্তিষ্ঠতি বি॒শ্বতো॑মুখঃ । বি॒শ্বত॑শ্চ-ক্ষুরু॒ত বি॒শ্বতো॑ মুখো বি॒শ্বতো॑ হস্ত উ॒ত বি॒শ্বত॑স্পাত্ । সং বা॒হুভ্যাং॒ নম॑তি॒ সং পত॑ত্রৈ॒-র্দ্যাবা॑ পৃথি॒বী জ॒নয॑ন্ দে॒ব একঃ॑ । বে॒নস্তত্ পশ্য॒ন্. বিশ্বা॒ ভুব॑নানি বি॒দ্বান্. যত্র॒ বিশ্বং॒ ভব॒ত্যেক॑-নীলম্ । যস্মি॑ন্নি॒দগ্​ম্ সংচ॒ বিচৈক॒গ্​ম্॒ স ওতঃ॒ প্রোত॑শ্চ বি॒ভুঃ প্র॒জাসু॑ । প্রতদ্বো॑চে অ॒মৃত॒ন্নু বি॒দ্বান্ গং॑ধ॒র্বো নাম॒ নিহি॑তং॒ গুহা॑সু ॥ 1.15 (তৈ. অর. 6.1.3)

ত্রীণি॑ প॒দা নিহি॑তা॒ গুহা॑সু॒ যস্তদ্বেদ॑ সবি॒তুঃ পি॒তাঽস॑ত্ । স নো॒ বংধু॑-র্জনি॒তা স বি॑ধা॒তা ধামা॑নি॒ বেদ॒ ভুব॑নানি॒ বিশ্বা᳚ । যত্র॑ দে॒বা অ॒মৃত॑মান-শা॒নাস্তৃ॒তীযে॒ ধামা᳚ন্য॒-ভ্যৈর॑যংত । পরি॒ দ্যাবা॑পৃথি॒বী যং॑তি স॒দ্যঃ পরি॑ লো॒কান্ পরি॒ দিশঃ॒ পরি॒ সুবঃ॑ । ঋ॒তস্য॒ তংতুং॑-বিঁততং-বিঁ॒চৃত্য॒ তদ॑পশ্য॒ত্ তদ॑ভবত্ প্র॒জাসু॑ । প॒রীত্য॑ লো॒কান্ প॒রীত্য॑ ভূ॒তানি॑ প॒রীত্য॒ সর্বাঃ᳚ প্র॒দিশো॒ দিশ॑শ্চ । প্র॒জাপ॑তিঃ প্রথম॒জা ঋ॒তস্যা॒ত্মনা॒-ঽঽত্মান॑-ম॒ভি-সংব॑ভূব । সদ॑স॒স্পতি॒-মদ্ভু॑তং প্রি॒যমিংদ্র॑স্য॒ কাম্য᳚ম্ । সনিং॑ মে॒ধা ম॑যাসিষম্ । উদ্দী᳚প্যস্ব জাতবেদো ঽপ॒ঘ্নন্নির্​ঋ॑তিং॒ মম॑ ॥ 1.19 (তৈ. অর. 6.1.4)

প॒শূগ্গ্​শ্চ॒ মহ্য॒মাব॑হ॒ জীব॑নংচ॒ দিশো॑ দিশ । মানো॑ হিগ্​ম্সী জ্জাতবেদো॒ গামশ্বং॒ পুরু॑ষং॒ জগ॑ত্ । অবি॑ভ্র॒দগ্ন॒ আগ॑হি শ্রি॒যা মা॒ পরি॑পাতয ॥ 1.21 (তৈ. অর. 6.1.5)

গাযত্রী মংত্রাঃ (4.2)
পুরু॑ষস্য বিদ্ম সহস্রা॒ক্ষস্য॑ মহাদে॒বস্য॑ ধীমহি । তন্নো॑ রুদ্রঃ প্রচো॒দযা᳚ত্ ॥
তত্পুরু॑ষায বি॒দ্মহে॑ মহাদে॒বায॑ ধীমহি । তন্নো॑ রুদ্রঃ প্রচো॒দযা᳚ত্ ॥।
তত্পুরু॑ষায বি॒দ্মহে॑ বক্রতুং॒ডায॑ ধীমহি । তন্নো॑ দংতিঃ প্রচো॒দযা᳚ত্ ॥
তত্পুরু॑ষায বি॒দ্মহে॑ চক্রতুং॒ডায॑ ধীমহি । তন্নো॑ নংদিঃ প্রচো॒দযা᳚ত্ ॥
তত্পুরু॑ষায বি॒দ্মহে॑ মহাসে॒নায॑ ধীমহি । তন্নঃ॑ ষণ্মুখঃ প্রচো॒দযা᳚ত্ ॥
তত্পুরু॑ষায বি॒দ্মহে॑ সুবর্ণপ॒ক্ষায॑ ধীমহি । তন্নো॑ গরুডঃ প্রচো॒দযা᳚ত্ ॥
বে॒দা॒ত্ম॒নায॑ বি॒দ্মহে॑ হিরণ্যগ॒র্ভায॑ ধীমহি । তন্নো᳚ ব্রহ্ম প্রচো॒দযা᳚ত্ ॥
না॒রা॒য॒ণায॑ বি॒দ্মহে॑ বাসুদে॒বায॑ ধীমহি । তন্নো॑ বিষ্ণুঃ প্রচো॒দযা᳚ত্ ॥
ব॒জ্র॒ন॒খায॑ বি॒দ্মহে॑ তীক্ষ্ণ-দ॒গ্গ্॒ষ্ট্রায॑ ধীমহি । তন্নো॑ নারসিগ্​ম্হঃ প্রচো॒দযা᳚ত্ ॥
ভা॒স্ক॒রায॑ বি॒দ্মহে॑ মহদ্দ্যুতিক॒রায॑ ধীমহি । তন্নো॑ আদিত্যঃ প্রচো॒দযা᳚ত্ ॥
বৈ॒শ্বা॒ন॒রায॑ বি॒দ্মহে॑ লালী॒লায॑ ধীমহি । তন্নো॑ অগ্নিঃ প্রচো॒দযা᳚ত্ ॥
কা॒ত্যা॒য॒নায॑ বি॒দ্মহে॑ কন্যকু॒মারি॑ ধীমহি । তন্নো॑ দুর্গিঃ প্রচো॒দযা᳚ত্ ॥ 1.33 (তৈ. অর. 6.1.5-7)

দূর্বা সূক্তং (4.3)
স॒হ॒স্র॒পর॑মা দে॒বী॒ শ॒তমূ॑লা শ॒তাংকু॑রা । সর্বগ্​ম্॑ হরতু॑ মে পা॒পং॒ দূ॒র্বা দুঃ॑স্বপ্ন॒ নাশ॑নী । কাংডা᳚ত্ কাংডাত্ প্র॒রোহং॑তী॒ পরু॑ষঃ পরুষঃ॒ পরি॑ ।

এ॒বা নো॑ দূর্বে॒ প্রত॑নু স॒হস্রে॑ণ শ॒তেন॑ চ । যা শ॒তেন॑ প্রত॒নোষি॑ স॒হস্রে॑ণ বি॒রোহ॑সি । তস্যা᳚স্তে দেবীষ্টকে বি॒ধেম॑ হ॒বিষা॑ ব॒যম্ । অশ্ব॑ক্রাং॒তে র॑থক্রাং॒তে॒ বি॒ষ্ণুক্রাং᳚তে ব॒সুংধ॑রা । শিরসা॑ ধার॑যিষ্যা॒মি॒ র॒ক্ষ॒স্ব মাং᳚ পদে॒ পদে ॥ 1.37 (তৈ. অর. 6.1.8)

মৃত্তিকা সূক্তম্ (4.4)
ভূমি-র্ধেনু-র্ধরণী লো॑কধা॒রিণী । উ॒ধৃতা॑ঽসি ব॑রাহে॒ণ॒ কৃ॒ষ্ণে॒ন শ॑ত বা॒হুনা । মৃ॒ত্তিকে॑ হন॑ মে পা॒পং॒-যঁ॒ন্ম॒যা দু॑ষ্কৃতং॒ কৃতম্ । মৃ॒ত্তিকে᳚ ব্রহ্ম॑দত্তা॒ঽসি॒ কা॒শ্যপে॑নাভি॒মংত্রি॑তা । মৃ॒ত্তিকে॑ দেহি॑ মে পু॒ষ্টিং॒ ত্ব॒যি স॑র্বং প্র॒তিষ্ঠি॑তম্ ॥ 1.39

মৃ॒ত্তিকে᳚ প্রতিষ্ঠি॑তে স॒র্বং॒ ত॒ন্মে নি॑র্ণুদ॒ মৃত্তি॑কে । তযা॑ হ॒তেন॑ পাপে॒ন॒ গ॒চ্ছা॒মি প॑রমাং॒ গতিম্ ॥ 1.40 (তৈ. অর. 6.1.9)

শত্রুজয মংত্রাঃ (4.5)
যত॑ ইংদ্র॒ ভযা॑মহে॒ ততো॑ নো॒ অভ॑যং কৃধি । মঘ॑বন্ ছ॒গ্ধি তব॒ তন্ন॑ ঊ॒তযে॒ বিদ্বিষো॒ বিমৃধো॑ জহি । স্ব॒স্তি॒দা বি॒শস্পতি॑-র্বৃত্র॒হা বিমৃধো॑ ব॒শী । বৃষেংদ্রঃ॑ পু॒র এ॑তু নঃ স্বস্তি॒দা অ॑ভযংক॒রঃ । স্ব॒স্তি ন॒ ইংদ্রো॑ বৃ॒দ্ধশ্র॑বাঃ স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্যো॒ অরি॑ষ্টনেমিঃ স্ব॒স্তি নো॒ বৃহ॒স্পতি॑-র্দধাতু । আপাং᳚ত-মন্যুস্তৃ॒পল॑প্রভর্মা॒ ধুনিঃ॒ শিমী॑বাং॒-ছরু॑মাগ্​ম্ ঋজী॒ষী । সোমো॒ বিশ্বা᳚ন্যত॒সা বনা॑নি॒ নার্বাগিংদ্রং॑ প্রতি॒মানা॑নি দেভুঃ ॥ 1.44

ব্রহ্ম॑ জজ্ঞা॒নং প্র॑থ॒মং পু॒রস্তা॒দ্-বিসী॑ম॒তঃ সু॒রুচো॑ বে॒ন আ॑বঃ । স বু॒ধ্নিযা॑ উপ॒মা অ॑স্য বি॒ষ্ঠাঃ স॒তশ্চ॒ যোনি॒-মস॑তশ্চ॒ বিবঃ॑ । স্যো॒না পৃ॑থিবি॒ ভবা॑ নৃক্ষ॒রা নি॒বেশ॑নী । যচ্ছা॑ নঃ॒ শর্ম॑ স॒প্রথাঃ᳚ । গং॒ধ॒দ্বা॒রাং দু॑রাধ॒র্​ষাং॒ নি॒ত্যপু॑ষ্টাং করী॒ষিণী᳚ম্ । ঈ॒শ্বরীগ্​ম্॑ সর্ব॑ভূতা॒নাং॒ তামি॒হোপ॑হ্বযে॒ শ্রিযম্ । শ্রী᳚র্মে ভ॒জতু । অলক্ষ্মী᳚র্মে ন॒শ্যতু । বিষ্ণু॑মুখা॒ বৈ দে॒বাঃ ছংদো॑-ভিরি॒মাং​ল্লোঁ॒কা-ন॑নপজ॒য্য-ম॒ভ্য॑জযন্ন্ । ম॒হাগ্​ম্ ইংদ্রো॒ বজ্র॑বাহুঃ ষোড॒শী শর্ম॑ যচ্ছতু ॥ 1.48 (তৈ. অর. 6.1.10)

স্ব॒স্তি নো॑ ম॒ঘবা॑ করোতু॒ হংতু॑ পা॒প্মানং॒-যোঁ᳚ঽস্মান্ দ্বেষ্টি॑ । সো॒মান॒গ্গ্॒ স্বর॑ণং কৃণু॒হি ব্র॑হ্মণস্পতে । ক॒ক্ষীবং॑তং॒-যঁ ঔ॑শি॒জম্ । শরী॑রং-যঁজ্ঞশম॒লং কুসী॑দং॒ তস্মি᳚ন্ থ্সীদতু॒ যো᳚ঽস্মান্ দ্বেষ্টি॑ । চর॑ণং প॒বিত্রং॒-বিঁত॑তং পুরা॒ণং-যেঁন॑ পূ॒ত-স্তর॑তি দুষ্কৃ॒তানি॑ । তেন॑ প॒বিত্রে॑ণ শু॒দ্ধেন॑ পূ॒তা অতি॑ পা॒প্মান॒-মরা॑তিং তরেম । স॒জোষা॑ ইংদ্র॒ সগ॑ণো ম॒রুদ্ভিঃ॒ সোমং॑ পিব বৃত্রহংছূর বি॒দ্বান্ । জ॒হি শত্রূ॒গ্​ম্॒ রপ॒ মৃধো॑ নুদ॒স্বাথাভ॑যং কৃণুহি বি॒শ্বতো॑ নঃ । সু॒মি॒ত্রা ন॒ আপ॒ ওষ॑ধযঃ সংতু দুর্মি॒ত্রাস্তস্মৈ॑ ভূযাসু॒-র্যা᳚ঽস্মান্ দ্বেষ্টি॒ যংচ॑ ব॒যং দ্বি॒ষ্মঃ । আপো॒ হিষ্ঠা ম॑যো॒ ভুব॒স্তা ন॑ ঊ॒র্জে দ॑ধাতন । 1.53 (তৈ. অর. 6.1.11)

ম॒হেরণা॑য॒ চক্ষ॑সে । যো বঃ॑ শি॒বত॑মো॒ রস॒-স্তস্য॑ ভাজযতে॒ হ নঃ॑ । উ॒শ॒তী-রি॑ব মা॒তরঃ॑ । তস্মা॒ অরং॑গমামবো॒ যস্য॒ ক্ষযা॑য॒ জিন্ব॑থ । আপো॑ জ॒নয॑থা চ নঃ ॥ 1.54 (তৈ. অর. 6.1.12)

অঘমর্​ষণ সূক্তম্ (4.6)
হির॑ণ্যশৃংগং॒-বঁরু॑ণং॒ প্রপ॑দ্যে তী॒র্থং মে॑ দেহি॒ যাচি॑তঃ । য॒ন্মযা॑ ভু॒ক্ত-ম॒সাধূ॑নাং পা॒পেভ্য॑শ্চ প্র॒তিগ্র॑হঃ । যন্মে॒ মন॑সা বা॒চা॒ ক॒র্ম॒ণা বা দু॑ষ্কৃতং॒ কৃতম্ । তন্ন॒ ইংদ্রো॒ বরু॑ণো॒ বৃহ॒স্পতিঃ॑ সবি॒তা চ॑ পুনংতু॒ পুনঃ॑ পুনঃ । নমো॒ঽগ্নযে᳚-ঽফ্সু॒মতে॒ নম॒ ইংদ্রা॑য॒ নমো॒ বরু॑ণায॒ নমো বারুণ্যৈ॑ নমো॒ঽদ্ভ্যঃ ॥ 1.57

যদ॒পাং ক্রূ॒রং-যঁদ॑মে॒দ্ধ্যং-যঁদ॑শাং॒তং তদপ॑গচ্ছতাত্ । অ॒ত্যা॒শ॒না-দ॑তীপা॒না॒-দ্য॒চ্চ উ॒গ্রাত্ প্র॑তি॒গ্রহা᳚ত্ । তন্নো॒ বরু॑ণো রা॒জা॒ পা॒ণিনা᳚ হ্যব॒মর্​শ॑তু । সো॑ঽহম॑পা॒পো বি॒রজো॒ নির্মু॒ক্তো মু॑ক্তকি॒ল্বিষঃ । নাক॑স্য পৃ॒ষ্ঠমারু॑হ্য॒ গচ্ছে॒-দ্ব্রহ্ম॑সলো॒কতাম্ । যশ্চা॒॑ফ্সু বরু॑ণঃ॒ স পু॒নাত্ব॑ঘমর্​ষ॒ণঃ । ই॒মং মে॑ গংগে যমুনে সরস্বতি॒ শুতু॑দ্রি॒ স্তোমগ্​ম্॑ সচতা॒ পরু॒ষ্ণিযা । অ॒সি॒ক্নি॒যা ম॑রুদ্বৃধে বি॒তস্ত॒যা-ঽঽর্জী॑কীযে শৃণু॒হ্যা সু॒ষোম॑যা । ঋ॒তংচ॑ স॒ত্যংচা॒-ভী᳚দ্ধা॒ ত্তপ॒সোঽদ্ধ্য॑জাযত । ততো॒ রাত্রি॑-রজাযত॒ ততঃ॑ সমু॒দ্রো অ॑র্ণ॒বঃ ॥ 1.63 (তৈ. অর. 6.1.13)

স॒মু॒দ্রা-দ॑র্ণ॒বা-দধি॑ সং​বঁথ্স॒রো অ॑জাযত । অ॒হো॒রা॒ত্রাণি॑ বি॒দধ॒-দ্(মি॒দধ॒দ্) বিশ্ব॑স্য মিষ॒তো ব॒শী । সূ॒র্যা॒চং॒দ্র॒মসৌ॑ ধা॒তা য॑থা পূ॒র্ব ম॑কল্পযত্ । দিবং॑চ পৃথি॒বীং চাং॒তরি॑ক্ষ॒ মথো॒ সুবঃ॑ । যত্ পৃ॑থি॒ব্যাগ্​ম্ রজ॑স্স্ব॒ মাংতরি॑ক্ষে বি॒রোদ॑সী । ই॒মাগ্গ্​ স্তদা॒পো ব॑রুণঃ পু॒নাত্ব॑ঘমর্​ষ॒ণঃ । পু॒নংতু॒ বস॑বঃ পু॒নাতু॒ বরু॑ণঃ পু॒নাত্ব॑ঘমর্​ষ॒ণঃ । এ॒ষ ভূ॒তস্য॑ ম॒দ্ধ্যে ভুব॑নস্য গো॒প্তা । এ॒ষ পু॒ণ্যকৃ॑তাং-লোঁ॒কা॒নে॒ষ মৃ॒ত্যো-র্​হি॑র॒ণ্ময᳚ম্ । দ্যাবা॑পৃথি॒ব্যো-র্​হি॑র॒ণ্ময॒গ্​ম্॒ সগ্গ্​শ্রি॑ত॒গ্​ম্॒ সুবঃ॑ । 1.66 (তৈ. অর. 6.1.14)

স নঃ॒ সুবঃ॒ সগ্​ম্ শি॑শাধি । আর্দ্রং॒ জ্বল॑তি॒ জ্যোতি॑-র॒হম॑স্মি । জ্যোতি॒-র্জ্বল॑তি॒ ব্রহ্মা॒হম॑স্মি । যো॑ঽহম॑স্মি॒ ব্রহ্মা॒হম॑স্মি । অ॒হম॑স্মি॒ ব্রহ্মা॒হম॑স্মি । অ॒হমে॒বাহং মাং জু॑হোমি॒ স্বাহা᳚ । অ॒কা॒র্য॒-কা॒র্য॑ব কী॒র্ণী স্তে॒নো ভ্রূ॑ণ॒হা গু॑রুত॒ল্পগঃ । বরু॑ণো॒-ঽপাম॑ঘমর্​ষ॒ণ-স্তস্মা᳚ত্ পা॒পাত্ প্রমু॑চ্যতে । র॒জোভূমি॑স্ত্ব॒মাগ্​ম্ রোদ॑যস্ব॒ প্রব॑দংতি॒ ধীরাঃ᳚ । আক্রাং᳚থ্-সমু॒দ্রঃ প্র॑থ॒মে বিধ॑র্ম-ংজ॒নয॑ন্ প্র॒জা ভুব॑নস্য॒ রাজা᳚ । বৃষা॑ প॒বিত্রে॒ অধি॒সানো॒ অব্যে॑ বৃ॒হথ্ সোমো॑ বাবৃধে সুবা॒ন ইংদুঃ॑ ॥ 1.70

(পুর॑স্তা॒-দ্- যশো॒ – গুহা॑সু॒ – মম॑ – চক্রতুং॒ডায॑ ধীমহি – তীক্ষদ॒গ্গ্॒ষ্ঠ্রায॑ ধীমহি॒ – পরি॑ – প্র॒তিষ্ঠি॑তং – দেভু–র্ যচ্ছতু – দধাতনা॒- দ্ভ্যো᳚ – ঽর্ণ॒বঃ – সুবো॒ – রাজৈকং॑ চ) (আ1)

দুর্গা সূক্তম্ (4.7)
জা॒তবে॑দসে সুনবাম॒ সোম॑-মরাতীয॒তো নিদ॑হাতি॒ বেদঃ॑ । স নঃ॑ পর্​ষ॒দতি॑ দু॒র্গাণি॒ বিশ্বা॑ না॒বেব॒ সিংধুং॑ দুরি॒তাঽত্য॒গ্নিঃ ।তাম॒গ্নিব॑র্ণাং॒ তপ॑সা জ্বলং॒তীং-বৈঁ॑রোচ॒নীং ক॑র্মফ॒লেষু॒ জুষ্টা᳚ম্ । দু॒র্গাং দে॒বীগ্​ম্ শর॑ণম॒হং প্রপ॑দ্যে সু॒তর॑সি তরসে॒ নমঃ॑ ।অগ্নে॒ ত্বং পা॑রযা॒ নব্যো॑ অ॒স্মাংথ্ স্ব॒স্তি-ভি॒রতি॑ দু॒র্গাণি॒ বিশ্বা᳚ । পূশ্চ॑ পৃ॒থ্বী ব॑হু॒লা ন॑ উ॒র্বী ভবা॑ তো॒কায॒ তন॑যায॒ শং​যোঁঃ । বিশ্বা॑নি নো দু॒র্গহা॑ জাতবেদঃ॒ সিংধুং॒ ন না॒বা দু॑রি॒তাঽতি॑পর্​ষি । অগ্নে॑ অত্রি॒বন্ মন॑সা গৃণা॒নো᳚ঽস্মাকং॑ বোদ্ধ্যবি॒তা ত॒নূনা᳚ম্ । পৃ॒ত॒না॒জিত॒গ্​ম্॒ সহ॑মান-মু॒গ্রম॒গ্নিগ্​ম্ হু॑বেম পর॒মাথ্ স॒ধস্থা᳚ত্ । স নঃ॑ পর্​ষ॒দতি॑ দু॒র্গাণি॒ বিশ্বা॒ ক্ষাম॑দ্দে॒বো অতি॑ দুরি॒তাঽত্য॒গ্নিঃ । প্র॒ত্নোষি॑-ক॒মীড্যো॑ অদ্ধ্ব॒রেষু॑ স॒নাচ্চ॒ হোতা॒ নব্য॑শ্চ॒ সথ্সি॑ । স্বাংচা᳚গ্নে ত॒নুবং॑ পি॒প্রয॑স্বা॒স্মভ্যং॑চ॒ সৌভ॑গ॒মায॑জস্ব । গোভি॒-র্জুষ্ট॑ম॒যুজো॒ নিষি॑ক্তং॒ তবেং᳚দ্র বিষ্ণো॒-রনু॒সংচ॑রেম । নাক॑স্য পৃ॒ষ্ঠম॒ভি সং॒​বঁসা॑নো॒ বৈষ্ণ॑বীং-লোঁ॒ক ই॒হ মা॑দযংতাম্ ॥ 2.7 (দু॒রি॒তাঽত্য॒গ্নিশ্চ॒ত্বারি॑ চ) (তৈ. অর. 6.2.1)

[ ওং কা॒ত্যা॒য॒নায॑ বি॒দ্মহে॑ কন্যকু॒মারি॑ ধীমহি । তন্নো॑ দুর্গিঃ প্রচো॒দযা᳚ত্ ॥ ]

ব্যাহৃতি হোম মংত্রাঃ (4.8)
ভূ-রন্ন॑-ম॒গ্নযে॑ পৃথি॒ব্যৈ স্বাহা॒, ভুবোঽন্নং॑-বাঁ॒যবে॒ঽংতরি॑ক্ষায॒ স্বাহা॒, সুব॒রন্ন॑-মাদি॒ত্যায॑ দি॒বে স্বাহা॒, ভূর্ভুব॒স্সুব॒-রন্নং॑ চং॒দ্রম॑সে দি॒গ্ভ্যঃ স্বাহা॒, নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুব॒-রন্ন॒মোম্ ॥ 3.1 (তৈ. অর. 6.3.1)

ভূ-র॒গ্নযে॑ পৃথি॒ব্যৈ স্বাহা॒, ভুবো॑ বা॒যবে॒ঽংতরি॑ক্ষায॒ স্বাহা॒ ,
সুব॑রাদি॒ত্যায॑ দি॒বে স্বাহা॒, ভূ-র্ভুব॒স্সুব॑-শ্চং॒দ্রম॑সে দি॒গ্ভ্যঃ স্বাহা॒, নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুব॒-রগ্ন॒ ওম্ ॥ 4.1

ভূ-র॒গ্নযে॑ চ পৃথি॒ব্যৈ চ॑ মহ॒তে চ॒ স্বাহা॒, ভুবো॑ বা॒যবে॑ চাং॒তরি॑ক্ষায চ মহ॒তে চ॒ স্বাহা॒, সুব॑রাদি॒ত্যায॑ চ দি॒বে চ॑ মহ॒তে চ॒ স্বাহা॒, ভূ-র্ভুব॒স্সুব॑-শ্চং॒দ্রম॑সে চ॒ নক্ষ॑ত্রেভ্যশ্চ দি॒গ্ভ্যশ্চ॑ মহ॒তে চ॒ স্বাহা॒, নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুব॒-র্মহ॒রোম্ ॥ 5.1 (তৈ. অর. 6.4.1)

জ্ঞানপ্রাপ্ত্যর্থা হোমমংত্রাঃ (4.9)
পাহি নো অগ্ন এন॑সে স্বা॒হা । পাহি নো বিশ্ববেদ॑সে স্বা॒হা । যজ্ঞং পাহি বিভাব॑সো স্বা॒হা । সর্বং পাহি শতক্র॑তো স্বা॒হা ॥ 6.1 (তৈ. অর. 6.7.1)

পা॒হি নো॑ অগ্ন॒ এক॑যা । পা॒হ্যু॑ত দ্বি॒তীয॑যা । পা॒হ্যূর্জং॑ তৃ॒তীয॑যা । পা॒হি গী॒র্ভি-শ্চ॑ত॒সৃভি॑-র্বসো॒ স্বাহা᳚ ॥ 7.1 (তৈ. অর. 6.6.1)

বেদাবিস্মরণায জপমংত্রাঃ (4.10)
যঃ ছংদ॑সা-মৃষ॒ভো বি॒শ্বরূ॑পঃ॒ ছংদো᳚ভ্যঃ॒ ছংদাগ্গ্॑স্যা বি॒বেশ॑ । সচাগ্​ম্ শিক্যঃ পুরো বাচো॑পনি॒ষ-দিংদ্রো᳚ জ্যে॒ষ্ঠ ইং॑দ্রি॒যায॒ ঋষি॑ভ্যো॒ নমো॑ দে॒বেভ্যঃ॑ স্ব॒ধা পি॒তৃভ্যো॒ ভূর্ভুব॒স্সুবঃ॒ ছংদ॒ ওম্ ॥ 8.1 (তৈ. অর. 6.8.1)

নমো॒ ব্রহ্ম॑ণে ধা॒রণং॑ মে অ॒স্ত্ব-নি॑রাকরণং-ধা॒রযি॑তা ভূযাসং॒ কর্ণ॑যোঃ শ্রু॒তং মাচ্যো᳚ঢ্বং॒ মমা॒মুষ্য॒ ওম্ ॥ 9.1 (তৈ. অর. 6.9.1)

তপঃ প্রশংসা (4.11)
ঋ॒তং তপঃ॑ স॒ত্যং তপঃ॑ শ্রু॒তং তপঃ॑ শাং॒তং তপো॒ দম॒ স্তপঃ॒ শম॒স্তপো॒ দানং॒ তপো॒ যজ্ঞং॒ তপো॒ ভূর্ভুব॒স্সুব॒-র্ব্রহ্মৈ॒-তদুপা᳚স্যৈ॒-তত্তপঃ॑ ॥ 10.1 (তৈ. অর. 6.10.1)

বিহিতাচরণ প্রশংসা নিষিদ্ধাচরণ নিংদা চ (4.12)
যথা॑ বৃ॒ক্ষস্য॑ স॒পুংষ্পি॑তস্য দূ॒রা-দ্গং॒ধো বা᳚ত্যে॒বং পুণ্য॑স্য ক॒র্মণো॑ দূ॒রা-দ্গং॒ধো বা॑তি॒ যথা॑ঽসিধা॒রাং ক॒র্তেঽব॑হিতা-মব॒ক্রামে॒ যদ্যুবে॒ যুবে॒ হবা॑ বি॒হ্বযি॑ষ্যামি ক॒র্তং প॑তিষ্যা॒মীত্যে॒ব-ম॒মৃতা॑-দা॒ত্মানং॑ জু॒গুফ্সে᳚ত্ ॥ 11.1 (তৈ. অর. 6.11.1)

দহর বিদ্যা (4.13)
অ॒ণো-রণী॑যান্ মহ॒তো মহী॑যা-না॒ত্মা গুহা॑যাং॒ নিহি॑তোঽস্য জং॒তোঃ । তম॑ক্রতুং পশ্যতি বীতশো॒কো ধা॒তুঃ প্র॒সাদা᳚ন্-মহি॒মান॑মীশম্ । স॒প্ত প্রা॒ণাঃ প্র॒ভবং॑তি॒ তস্মা᳚থ্ স॒প্তার্চিষঃ॑ স॒মিধঃ॑ স॒প্ত জি॒হ্বাঃ । স॒প্ত ই॒মে লো॒কা যেষু॒ চরং॑তি প্রা॒ণা গু॒হাশ॑যা॒-ন্নিহি॑তাঃ স॒প্ত স॑প্ত । অতঃ॑ সমু॒দ্রা গি॒রয॑শ্চ॒ সর্বে॒ঽস্মাথ্ স্যংদং॑তে॒ সিংধ॑বঃ॒ সর্ব॑রূপাঃ । অত॑শ্চ॒ বিশ্বা॒ ওষ॑ধযো॒ রসা᳚চ্চ॒ যেনৈ॑ষ ভূ॒ত-স্তি॑ষ্ঠত্যংতরা॒ত্মা । ব্র॒হ্মা দে॒বানাং᳚ পদ॒বীঃ ক॑বী॒না-মৃষি॒-র্বিপ্রা॑ণাং মহি॒ষো মৃ॒গাণা᳚ম্ । শ্যে॒নো গৃধ্রা॑ণা॒গ্গ্॒ স্বধি॑তি॒-র্বনা॑না॒গ্​ম্॒ সোমঃ॑ প॒বিত্র॒ মত্যে॑তি॒ রেভন্ন্॑ । অ॒জা মেকাং॒-লোঁহি॑ত-শুক্ল-কৃ॒ষ্ণাং ব॒হ্বীং প্র॒জাং জ॒নযং॑তী॒গ্​ম্॒ সরূ॑পাম্ । অ॒জো হ্যেকো॑ জু॒ষমা॑ণোঽনু॒শেতে॒ জহা᳚ত্যেনাং ভু॒ক্ত-ভো॑গা॒মজো᳚ঽন্যঃ ॥ 12.5 (তৈ. অর. 6.12.1)

হ॒গ্​ম্॒স-শ্শু॑চি॒ষ-দ্বসু॑-রংতরিক্ষ॒-সদ্ধোতা॑ বেদি॒ষ-দতি॑থি-র্দুরোণ॒সত্ । নৃ॒ষ-দ্ব॑র॒স-দৃ॑ত॒স-দ্ব্যো॑ম॒স-দ॒ব্জা গো॒জা ঋ॑ত॒জা অ॑দ্রি॒জা ঋ॒তং বৃ॒হত্ । ঘৃ॒তং মি॑মিক্ষিরে ঘৃ॒তম॑স্য॒ যোনি॑-র্ঘৃ॒তে শ্রি॒তো ঘৃ॒তমু॑বস্য॒ ধাম॑ । অ॒নু॒ষ্ব॒ধমাব॑হ মা॒দয॑স্ব॒ স্বাহা॑ কৃতং-বৃঁষভ বক্ষি হ॒ব্যম্ । স॒মু॒দ্রা দূ॒র্মি-র্মধু॑মা॒গ্​ম্॒ উদা॑র-দুপা॒গ্​ম্॒শুনা॒ সম॑মৃত॒ত্ব মা॑নট্ । ঘৃ॒তস্য॒ নাম॒ গুহ্যং॒-যঁদস্তি॑ জি॒হ্বা দে॒বানা॑-ম॒মৃত॑স্য॒ নাভিঃ॑ । ব॒যং নাম॒ প্রব্র॑বামা ঘৃ॒তেনা॒স্মিন্. য॒জ্ঞে ধা॑রযামা॒ নমো॑ভিঃ । উপ॑ ব্র॒হ্মা শৃ॑ণবচ্ছ॒স্যমা॑নং॒ চতুঃ॑ শৃংগো ঽবমী-দ্গৌ॒র এ॒তত্ । চ॒ত্বারি॒ শৃংগা॒ ত্রযো॑ অস্য॒ পাদা॒ দ্বে শী॒র॒.ষে স॒প্ত হস্তা॑সো অ॒স্য । ত্রিধা॑ ব॒দ্ধো বৃ॑ষ॒ভো রো॑রবীতি ম॒হো দে॒বো মর্ত্যা॒গ্​ম্॒ আবি॑বেশ ॥ 12.10 (তৈ. অর. 6.12.2)

ত্রিধা॑ হি॒তং প॒ণিভি॑-র্গু॒হ্যমা॑নং॒ গবি॑-দে॒বাসো॑ ঘৃ॒তমন্ব॑বিংদন্ন্ । ইংদ্র॒ এক॒গ্​ম্॒ সূর্য॒ একং॑ জজান বে॒না দেকগ্গ্॑ স্ব॒ধযা॒ নিষ্ট॑তক্ষুঃ । যো দে॒বানাং᳚ প্রথ॒মং পু॒রস্তা॒-দ্বিশ্বা॒ধিযো॑ রু॒দ্রো ম॒হর্​ষিঃ॑ । হি॒র॒ণ্য॒গ॒র্ভং প॑শ্যত॒ জায॑মান॒গ্​ম্॒ সনো॑ দে॒বঃ শু॒ভযা॒ স্মৃত্যা॒ সং​যুঁ॑নক্তু । যস্মা॒ত্পরং॒ নাপ॑র॒ মস্তি॒ কিংচি॒দ্যস্মা॒ন্ নাণী॑যো॒ ন জ্যাযো᳚ঽস্তি॒ কশ্চি॑ত্ । বৃ॒ক্ষ ই॑ব স্তব্ধো দি॒বি তি॑ষ্ঠ॒-ত্যেক॒স্তেনে॒দং পূ॒র্ণং পুরু॑ষেণ॒ সর্ব᳚ম্ ॥ 12.13

(সন্যাস সূক্তম্)
ন কর্ম॑ণা ন প্র॒জযা॒ ধনে॑ন॒ ত্যাগে॑নৈকে অমৃত॒ত্ব-মা॑ন॒শুঃ । পরে॑ণ॒ নাকং॒ নিহি॑তং॒ গুহা॑যাং-বিঁ॒ভ্রাজ॑দে॒ত-দ্যত॑যো বি॒শংতি॑ ॥ বে॒দাং॒ত॒ বি॒জ্ঞান॒-সুনি॑শ্চিতা॒র্থাঃ সন্যা॑স যো॒গাদ্যত॑যঃ শুদ্ধ॒ সত্ত্বাঃ᳚ । তে ব্র॑হ্মলো॒কে তু॒ পরাং᳚তকালে॒ পরা॑মৃতা॒ত্ পরি॑মুচ্যংতি॒ সর্বে᳚ । দ॒হ্রং॒-বিঁ॒পা॒পং প॒রমে᳚শ্ম ভূতং॒-যঁত্ পুং॑ডরী॒কং পু॒রম॑দ্ধ্য স॒গ্গ্॒স্থম্ ।
ত॒ত্রা॒পি॒ দ॒হ্রং গ॒গনং॑-বিঁশোক॒-স্তস্মি॑ন্. যদং॒তস্ত-দুপা॑সিত॒ব্যম্ ॥ যো বেদাদৌ স্ব॑রঃ প্রো॒ক্তো॒ বে॒দাংতে॑ চ প্র॒তিষ্ঠি॑তঃ । তস্য॑ প্র॒কৃতি॑-লীন॒স্য॒ যঃ॒ পরঃ॑ স॒ ম॒হেশ্ব॑রঃ ॥ 12.17 (তৈ. অর. 6.12.3)

(অজো᳚ঽন্য॒ – আবি॑বেশ॒ – সর্বে॑ চ॒ত্বারি॑ চ)

নারাযণ সূক্তং (4.14)

স॒হ॒স্র॒শীর্​ষং॑ দে॒বং॒-বিঁ॒শ্বাক্ষং॑-বিঁ॒শ্ব শং॑ ভুবম্ । বিশ্বং॑ না॒রায॑ণং দে॒ব॒ম॒ক্ষরং॑ পর॒মং প॒দম্ । বি॒শ্বতঃ॒ পর॑মান্নি॒ত্যং॒-বিঁ॒শ্বং না॑রায॒ণগ্​ম্ হ॑রিম্ । বিশ্ব॑মে॒বেদং পুরু॑ষ॒-স্ত-দ্বিশ্ব॒মুপ॑জীবতি । পতিং॒-বিঁশ্ব॑স্যা॒ত্মেশ্ব॑র॒গ্​ম্॒ শাশ্ব॑তগ্​ম্ শি॒বম॑চ্যুতম্ । না॒রায॒ণং ম॑হাজ্ঞে॒যং॒-বিঁ॒শ্বাত্মা॑নং প॒রায॑ণম্ । না॒রায॒ণ প॑রো জ্যো॒তি॒রা॒ত্মা না॑রয॒ণঃ প॑রঃ । না॒রায॒ণ প॑রং ব্র॒হ্ম॒ ত॒ত্ত্বং না॑রায॒ণঃ প॑রঃ । না॒রায॒ণ প॑রো ধ্যা॒তা॒ ধ্যা॒নং না॑রায॒ণঃ প॑রঃ । যচ্চ॑ কিং॒চিজ্-জ॑গথ্ স॒র্বং॒ দৃ॒শ্যতে᳚ শ্রূয॒তেঽপি॑ বা । 13.4 (তৈ. অর. 6.13.1)

অংত॑-র্ব॒হিশ্চ॑ তথ্ স॒র্বং॒-ব্যাঁ॒প্য না॑রায॒ণঃ স্থি॑তঃ । অনং॑ত॒ মব্য॑যং ক॒বিগ্​ম্ স॑মু॒দ্রেঽংতং॑-বিঁ॒শ্ব শ॑ভুং​বঁম্ । প॒দ্ম॒কো॒শ-প্র॑তীকা॒শ॒গ্​ম্॒ হৃ॒দযং॑ চাপ্য॒ধোমু॑খম্ । অধো॑ নি॒ষ্ট্যা বি॑তস্ত্যাং॒তে॒ না॒ভ্যামু॑পরি॒ তিষ্ঠ॑তি । জ্বা॒ল॒মা॒লা কু॑লং ভা॒তী॒ বি॒শ্বস্যা॑যত॒নং ম॑হত্ । সংত॑তগ্​ম্ শি॒লাভি॑স্তু॒ লংব॑ত্যা কোশ॒সন্নি॑ভম্ । তস্যাংতে॑ সুষি॒রগ্​ম্ সূ॒ক্ষ্মং তস্মিং᳚থ্ স॒র্বং প্রতি॑ষ্ঠিতম্ । তস্য॒ মদ্ধ্যে॑ ম॒হান॑গ্নি-র্বি॒শ্বার্চি॑-র্বি॒শ্বতো॑ মুখঃ । সোঽগ্র॑ভু॒গ্ বিভ॑জন্ তি॒ষ্ঠ॒ন্-নাহা॑র-মজ॒রঃ ক॒বিঃ । তি॒র্য॒গূ॒র্ধ্ব ম॑ধঃ শা॒যী॒ র॒শ্ময॑স্তস্য॒ সংত॑তা । সং॒তা॒পয॑তি স্বং দে॒হমাপা॑দতল॒ মস্ত॑কঃ । তস্য॒ মদ্ধ্যে॒ বহ্নি॑শিখা অ॒ণীযো᳚র্ধ্বা ব্য॒বস্থি॑তঃ । নী॒লতো॑ যদ॑ মদ্ধ্য॒স্থা॒-দ্বি॒দ্যুল্লে॑খেব॒ ভাস্ব॑রা । নী॒বার॒ শূক॑বত্ত॒ন্বী॒ পী॒তা ভা᳚স্বত্য॒ণূপ॑মা । তস্যাঃ᳚ শিখা॒যা ম॑দ্ধ্যে প॒রমা᳚ত্মা ব্য॒বস্থি॑তঃ । স ব্রহ্ম॒ স শিবঃ॒ স হরিঃ॒ সেংদ্রঃ॒ সোঽক্ষ॑রঃ পর॒মঃ স্ব॒রাট্ ॥ 13.12 (তৈ. অর. 6.13.2)
(অপি॑ বা॒ – সংত॑তা॒ ষট্ চ॑)

আদিত্য মংডলে পরব্রহ্মোপাসনং (4.15)
আ॒দি॒ত্যো বা এ॒ষ এ॒তন্ মং॒ডলং॒ তপ॑তি॒ তত্র॒ তা ঋচ॒স্তদৃ॒চা মং॑ডল॒গ্​ম্॒ স ঋ॒চাং-লোঁ॒কোঽথ॒য এ॒ষ এ॒তস্মি॑ন্ মং॒ডলে॒ঽর্​চি-র্দী॒প্যতে॒ তানি॒ সামা॑নি॒ স সা॒ম্নাং-লোঁ॒কোঽথ॒ য এ॒ষ এ॒তস্মি॑ন্ মং॒ডলে॒ঽর্চিষি॒ পুরু॑ষ॒স্তানি॒ যজূগ্​ম্॑ষি॒ স যজু॑ষা মংডল॒গ্​ম্॒ স যজু॑ষাং-লোঁ॒কঃ সৈষা ত্র॒য্যেব॑ বি॒দ্যা ত॑পতি॒ য এ॒ষো᳚ঽংত-রা॑দি॒ত্যে হি॑র॒ণ্মযঃ॒ পুরু॑ষঃ ॥ 14.1 (তৈ. অর. 6.14.1)

আদিত্যপুরুষস্য সর্বাত্মকত্ব প্রদর্​শনং (4.16)
আ॒দি॒ত্যো বৈ তেজ॒ ওজো॒ বলং॒-যঁশ॒-শ্চক্ষুঃ॒ শ্রোত্র॑মা॒ত্মা মনো॑ ম॒ন্যু-র্মনু॑-র্মৃ॒ত্যুঃ স॒ত্যো মি॒ত্রো বা॒যুরা॑কা॒শঃ প্রা॒ণো লো॑কপা॒লঃ কঃ কিং কং তথ্ স॒ত্যমন্ন॑-ম॒মৃতা॑ জী॒বো বিশ্বঃ॑ কত॒মঃ স্ব॑য॒ভুং ব্রহ্মৈ॒ তদমৃ॑ত এ॒ষ পুরু॑ষ এ॒ষ ভূ॒তানা॒-মধি॑পতি॒-র্ব্রহ্ম॑ণঃ॒ সাযু॑জ্যগ্​ম্ সলো॒কতা॑-মাপ্নো-ত্যে॒তাসা॑মে॒ব দে॒বতা॑না॒গ্​ম্॒ সাযু॑জ্যগ্​ম্ সা॒র্​ষ্টিতাগ্​ম্॑ সমান লো॒কতা॑-মাপ্নোতি॒ য এ॒বং-বেঁদে᳚ত্যুপ॒নিষত্ ॥ 15.1 (তৈ. অর. 6.15.1)

শিবোপাসন মংত্রাঃ (4.17)
নিধ॑নপতযে॒ নমঃ । নিধ॑নপতাংতিকায॒ নমঃ ।
ঊর্ধ্বায॒ নমঃ । ঊর্ধ্বলিংগায॒ নমঃ ।
হিরণ্যায॒ নমঃ । হিরণ্যলিংগায॒ নমঃ ।
সুবর্ণায॒ নমঃ । সুবর্ণলিংগায॒ নমঃ ।
দিব্যায॒ নমঃ । দিব্যলিংগায॒ নমঃ । 16.1 (তৈ. অর. 6.16.1)

ভবায॒ নমঃ । ভবলিংগায॒ নমঃ ।
শর্বায॒ নমঃ । শর্বলিংগায॒ নমঃ ।
শিবায॒ নমঃ । শিবলিংগায॒ নমঃ ।
জ্বলায॒ নমঃ । জ্বললিংগায॒ নমঃ ।
আত্মায॒ নমঃ । আত্মলিংগায॒ নমঃ ।
পরমায॒ নমঃ । পরমলিংগায॒ নমঃ ।
এতথ্সোমস্য॑ সূর্য॒স্য॒ সর্বলিংগগ্গ্॑ স্থাপ॒য॒তি॒ পাণিমংত্রং॑ পবি॒ত্রম্ ॥ 16.1 (তৈ. অর. 6.16.2)

পশ্চিমবক্ত্র প্রতিপাদক মংত্রঃ (4.18)
তৈ. অর. 6.17.1
স॒দ্যোজা॒তং প্র॑পদ্যা॒মি॒ স॒দ্যোজা॒তায॒ বৈ নমো॒ নমঃ॑ । ভ॒বে ভ॑বে॒ নাতি॑ভবে ভবস্ব॒ মাম্ । ভ॒বোদ্ভ॑বায॒ নমঃ॑ ॥ 17.1

উত্তর বক্ত্র প্রতিপাদক মংত্রঃ (4.19)
বা॒ম॒দে॒বায॒ নমো᳚ জ্যে॒ষ্ঠায॒ নমঃ॑ শ্রে॒ষ্ঠায॒ নমো॑ রু॒দ্রায॒ নমঃ॒ কালা॑য॒ নমঃ॒ কল॑বিকরণায॒ নমো॒ বল॑বিকরণায॒ নমো॒ বলা॑য॒ নমো॒ বল॑প্রমথনায॒ নমঃ॒ সর্ব॑ভূতদমনায॒ নমো॑ ম॒নোন্ম॑নায॒ নমঃ॑ ॥ 18.1 (তৈ. অর. 6.18.1)

দক্ষিণ বক্ত্র প্রতিপাদক মংত্রঃ (4.20)
অ॒ঘোরে᳚ভ্যোঽথ॒ ঘোরে᳚ভ্যো॒ ঘোর॒ঘোর॑তরেভ্যঃ ।
সর্বে᳚ভ্যঃ সর্ব॒ শর্বে᳚ভ্যো॒ নম॑স্তে অস্তু রু॒দ্ররূ॑পেভ্যঃ ॥ 19.1 (তৈ. অর. 6.19.1)

প্রাগ্বক্ত্র প্রতিপাদক মংত্রঃ (4.21)
তত্পুরু॑ষায বি॒দ্মহে॑ মহাদে॒বায॑ ধীমহি । তন্নো॑ রুদ্রঃ প্রচো॒দযা᳚ত্ ॥ 20.1 (তৈ. অর. 6.20.1)

ঊর্ধ্ব বক্ত্র প্রতিপাদক মংত্রঃ (4.22)
ঈশানঃ সর্ব॑বিদ্যা॒না॒- মীশ্বরঃ সর্ব॑ভূতা॒নাং॒ ব্রহ্মাধি॑পতি॒-র্ব্রহ্ম॒ণোঽধি॑পতি॒-র্ব্রহ্মা॑ শি॒বো মে॑ অস্তু সদাশি॒বোম্ ॥ 21.1 (তৈ. অর. 6.21.1)

নমস্কারার্থ মংত্রাঃ (4.23)
নমো হিরণ্যবাহবে হিরণ্যবর্ণায হিরণ্যরূপায হিরণ্যপতযে ঽবিংকাপতয উমাপতযে পশুপতযে॑ নমো॒ নমঃ ॥ 22.1 (তৈ. অর. 6.22.1)

ঋ॒তগ্​ম্ স॒ত্যং প॑রং ব্র॒হ্ম॒ পু॒রুষং॑ কৃষ্ণ॒পিংগ॑লম্ । ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায॒ বৈ নমো॒ নমঃ॑ ॥ 23.1 (তৈ. অর. 6.23.1)

সর্বো॒ বৈ রু॒দ্রস্তস্মৈ॑ রু॒দ্রায॒ নমো॑ অস্তু । পুরু॑ষো॒ বৈ রু॒দ্রঃ সন্ম॒হো নমো॒ নমঃ॑ । বিশ্বং॑ ভূ॒তং ভুব॑নং চি॒ত্রং ব॑হু॒ধা জা॒তং জায॑মানং চ॒ যত্ । সর্বো॒ হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু ॥ 24.1 (তৈ. অর. 6.24.1)

কদ্রু॒দ্রায॒ প্রচে॑তসে মী॒ঢুষ্ট॑মায॒ তব্য॑সে । বো॒চেম॒ শংত॑মগ্​ম্ হৃ॒দে ॥ সর্বো॒হ্যে॑ষ রু॒দ্রস্তস্মৈ॑ রু॒দ্রায॒ নমো॑ অস্তু ॥ 25.1 (তৈ. অর. 6.25.1)

অগ্নিহোত্র হবণ্যাঃ উপযুক্তস্য বৃক্ষ বিশেষ-স্যাভিধানম্ (4.24-25)
যস্য॒ বৈ কং॑কত্যগ্নি-হোত্র॒হব॑ণী ভবতি॒ প্রত্যে॒বা-স্যাহু॑তয-স্তিষ্ঠং॒ত্যথো॒ প্রতি॑ষ্ঠিত্যৈ ॥ 26.1 (তৈ. অর. 6.26.1)

ভূদেবতাক মংত্রঃ (4.26)
অদি॑তি-র্দে॒বা গং॑ধ॒র্বা ম॑নু॒ষ্যাঃ᳚ পি॒তরো-ঽসু॑রা॒-স্তেষাগ্​ম্॑ সর্ব ভূ॒তানাং᳚ মা॒তা মে॒দিনী॑ মহ॒তা ম॒হী সা॑বি॒ত্রী গা॑য॒ত্রী জগ॑ত্যু॒র্বী পৃ॒থ্বী ব॑হু॒লা বিশ্বা॑ ভূ॒তা ক॑ত॒মা কাযা সা স॒ত্যে-ত্য॒মৃতেতি॑ বসি॒ষ্ঠঃ ॥ 28.1 (তৈ. অর. 6.28.1)

সর্বা দেবতা আপঃ (4.27)
আপো॒ বা ই॒দগ্​ম্ সর্বং॒-বিঁশ্বা॑ ভূ॒তান্যাপঃ॑ প্রা॒ণা বা আপঃ॑ প॒শব॒ আপোঽন্ন॒মাপো -ঽমৃ॑ত॒মাপঃ॑ স॒ম্রাডাপো॑ বি॒রাডাপঃ॑ স্ব॒রাডাপঃ॒
ছংদা॒গ্গ্॒স্যাপো॒ জ্যোতী॒গ্গ্॒ষ্যাপো॒ যজূ॒গ্গ্॒ষ্যাপঃ॑ স॒ত্যমাপঃ॒ সর্বা॑
দে॒বতা॒ আপো॒ ভূর্ভুব॒স্সুব॒রাপ॒ ওম্ ॥ 29.1 (তৈ. অর. 6.29.1)

সংধ্যাবংদন মংত্রাঃ (4.28)
আপঃ॑ পুনংতু পৃথি॒বীং পৃ॑থি॒বী পূ॒তা পু॑নাতু॒ মাম্ । পু॒নংতু॒ ব্রহ্ম॑ণ॒স্পতি॒-র্ব্রহ্ম॑ পূ॒তা পু॑নাতু॒ মাম্ । যদুচ্ছি॑ষ্ট॒-মভো᳚জ্যং॒-যঁদ্বা॑ দু॒শ্চরি॑তং॒ মম॑ । সর্বং॑ পুনংতু॒ মামাপো॑-ঽস॒তাংচ॑ প্রতি॒গ্রহ॒গ্গ্॒ স্বাহা᳚ ॥ 30.2 (তৈ. অর. 6.30.1)

অগ্নিশ্চ মা মন্যুশ্চ মন্যুপতযশ্চ মন্যু॑কৃতে॒ভ্যঃ । পাপেভ্যো॑ রক্ষং॒তাম্ । যদহ্না পাপ॑মকা॒র্॒ষম্ । মনসা বাচা॑ হস্তা॒ভ্যাম্ । পদ্ভ্যা-মুদরে॑ণ শি॒শ্না । অহ॒স্তদ॑বলু॒পংতু । যত্কিংচ॑ দুরি॒তং মযি॑ । ইদমহ-মামমৃ॑ত যো॒নৌ । সত্যে জ্যোতিষি জুহো॑মি স্বা॒হা ॥ 31.1 (তৈ. অর. 6.31.1)

সূর্যশ্চ মা মন্যুশ্চ মন্যুপতযশ্চ মন্যু॑কৃতে॒ভ্যঃ । পাপেভ্যো॑ রক্ষং॒তাম্ । যদ্রাত্রিযা পাপ॑মকা॒র্॒ষম্ । মনসা বাচা॑ হস্তা॒ভ্যাম্ । পদ্ভ্যা-মুদরে॑ণ শি॒শ্না । রাত্রি॒-স্তদ॑বলু॒পংতু । যত্কিংচ॑ দুরি॒তং মযি॑ । ইদমহ-মামমৃ॑ত যো॒নৌ । সূর্যে জ্যোতিষি জুহো॑মি স্বা॒হা ॥ 32.1 (তৈ. অর. 6.32.1)

প্রণবস্য ঋষ্যাদি বিবরণং (4.29)
ওমিত্যেকাক্ষ॑রং ব্র॒হ্ম । অগ্নির্দেবতা ব্রহ্ম॑ ইত্যা॒র্​ষম্ । গাযত্রং ছংদং পরমাত্মং॑ সরূ॒পম্ । সাযুজ্যং-বিঁ॑নিযো॒গম্ ॥ 33.1 (তৈ. অর. 6.33.1)

গাযত্র্যাবাহন মংত্রাঃ (4.30)
আযা॑তু॒ বর॑দা দে॒বী॒ অ॒ক্ষরং॑ ব্রহ্ম॒ সংমি॑তম্ । গা॒য॒ত্রীং᳚ ছংদ॑সাং মা॒তেদং ব্র॑হ্ম জু॒ষস্ব॑ মে । যদহ্না᳚ত্ কুরু॑তে পা॒পং॒ তদহ্না᳚ত্ প্রতি॒মুচ্য॑তে । য-দ্রাত্রিযা᳚ত্ কুরু॑তে পা॒পং॒ ত-দ্রাত্রিযা᳚ত্ প্রতি॒মুচ্য॑তে । সর্ব॑ ব॒র্ণে ম॑হাদে॒বি॒ সং॒ধ্যা বি॑দ্যে স॒রস্ব॑তি ॥ 34.2 (তৈ. অর. 6.34.1)

ওজো॑ঽসি॒ সহো॑ঽসি॒ বল॑মসি॒ ভ্রাজো॑ঽসি দে॒বানাং॒ ধাম॒নামা॑॑ঽসি॒ বিশ্ব॑মসি বি॒শ্বাযুঃ॒ সর্ব॑মসি স॒র্বাযু-রভিভূরোং-গাযত্রী-মাবা॑হযা॒মি॒ সাবিত্রী-মাবা॑হযা॒মি॒ সরস্বতী-মাবা॑হযা॒মি॒ ছংদর্​ষী-নাবা॑হযা॒মি॒ শ্রিয-মাবা॑হযা॒মি॒ গাযত্রিযা গাযত্রী ছংদো বিশ্বামিত্র ঋষিঃ সবিতা দেবতাঽগ্নির্মুখং ব্রহ্মা শিরো বিষ্ণুর্​হৃদযগ্​ম্ রুদ্রঃ শিখা পৃথিবীযোনিঃ প্রাণাপান-ব্যানোদান-সমানা সপ্রাণা শ্বেতবর্ণা সাংখ্যাযন-সগোত্রা গাযত্রী চতুর্বিগ্​ম্শত্যক্ষরা ত্রিপদা॑ ষট্কু॒ক্ষিঃ॒ পংচ শীর্​ষোপনযনে বি॑নিযো॒গ॒, ওং ভূঃ । ওং ভুবঃ । ওগ্​ম্ সুবঃ । ওং মহঃ । ওং জনঃ । ওং তপঃ । ওগ্​ম্ স॒ত্যম্ । ওং তথ্ স॑বি॒তুর্বরে᳚ণ্যং॒ ভর্গো॑ দে॒বস্য॑ ধীমহি । ধিযো॒ যো নঃ॑ প্রচো॒দযা᳚ত্ । ওমাপো॒ জ্যোতী॒ রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ॥ 35.2 (তৈ. অর. 6.35.1)

গাযত্রী উপস্থান মংত্রাঃ (4.31)
উ॒ত্তমে॑ শিখ॑রে জা॒তে॒ ভূ॒ম্যাং প॑র্বত॒ মূর্ধ॑নি । ব্রা॒হ্মণে᳚ভ্যো-ঽভ্য॑নুজ্ঞা॒তা॒ গ॒চ্ছ দে॑বি য॒থাসু॑খম্ । স্তুতো মযা বরদা বে॑দমা॒তা॒ প্রচোদযংতী পবনে᳚ দ্বিজা॒তা । আযুঃ পৃথিব্যাং-দ্রবিণং ব্র॑হ্মব॒র্চ॒সং॒ মহ্যং দত্বা প্রজাতুং ব্র॑হ্মলো॒কম্ ॥ 36.2 (তৈ. অর. 6.36.1)

আদিত্যদেবতা মংত্রঃ (4.32)
ঘৃণিঃ॒ সূর্য॑ আদি॒ত্যো ন প্রভা॑-বা॒ত্যক্ষ॑রম্ । মধু॑ক্ষরংতি॒ ত-দ্র॑সম্ । স॒ত্যং-বৈঁ ত-দ্রস॒-মাপো॒ জ্যোতী॒রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ॥ 37.1 (তৈ. অর. 6.37.1)

ত্রিসুপর্ণমংত্রাঃ (4.33)
ব্রহ্ম॑ মেতু॒ মাম্ । মধু॑ মেতু॒ মাম্ । ব্রহ্ম॑-মে॒ব মধু॑ মেতু॒ মাম্ । যাস্তে॑ সোম প্র॒জাব॒থ্সো-ঽভি॒সো অ॒হম্ । দুঃষ্ব॑প্ন॒হন্ দু॑রুষ্বহ । যাস্তে॑ সোম প্রা॒ণাগ্গ্​স্তাং জু॑হোমি । ত্রিসু॑পর্ণ॒ মযা॑চিতং ব্রাহ্ম॒ণায॑ দদ্যাত্ । ব্র॒হ্ম॒হ॒ত্যাং-বাঁ এ॒তে ঘ্নং॑তি । যে ব্রা᳚হ্ম॒ণা-স্ত্রিসু॑পর্ণং॒ পঠং॑তি । তে সোমং॒ প্রাপ্নু॑বংতি । আ॒স॒হ॒স্রাত্ প॒ক্তিং পুনং॑তি । ওম্ ॥ 38.1 (তৈ. অর. 6.38.1)

ব্রহ্ম॑ মে॒ধযা᳚ । মধু॑ মে॒ধযা᳚ । ব্রহ্ম॑মে॒ব মধু॑ মে॒ধযা᳚ । অ॒দ্যা নো॑ দেব সবিতঃ প্র॒জাব॑থ্সাবীঃ॒ সৌভ॑গম্ । পরা॑ দুঃ॒ষ্বপ্নি॑যগ্​ম্ সুব । বিশ্বা॑নি দেব সবিত-র্দুরি॒তানি॒ পরা॑সুব । য-দ্ভ॒দ্রং তন্ম॒ আসু॑ব । মধু॒বাতা॑ ঋতায॒তে মধু॑ক্ষরংতি॒ সিংধ॑বঃ । মাদ্ধ্বী᳚র্নঃ সং॒ত্বোষ॑ধীঃ । মধু॒নক্ত॑ মু॒তোষসি॒ মধু॑ম॒ত্ পার্থি॑ব॒গ্​ম্॒ রজঃ॑ । মধু॒দ্যৌর॑স্তু নঃ পি॒তা । মধু॑মান্নো॒ বন॒স্পতি॒-র্মধু॑মাগ্​ম্ অস্তু॒ সূর্যঃ॑ । মাদ্ধ্বী॒ র্গাবো॑ ভবংতু নঃ । য ই॒মং ত্রিসু॑পর্ণ॒-মযা॑চিতং ব্রাহ্ম॒ণায॑ দদ্যাত্ । ভ্রূ॒ণ॒হ॒ত্যাং-বাঁ এ॒তে ঘ্নং॑তি । যে ব্রা᳚হ্ম॒ণা-স্ত্রিসু॑পর্ণং॒ পঠং॑তি । তে সোমং॒ প্রাপ্নু॑বংতি । আ॒স॒হ॒স্রাত্ প॒ক্তিং পুনং॑তি । ওম্ ॥ 39.7 (তৈ. অর. 6.39.1)

ব্রহ্ম॑ মে॒ধবা᳚ । মধু॑ মে॒ধবা᳚ । ব্রহ্ম॑মে॒ব মধু॑ মে॒ধবা᳚ । ব্র॒হ্মা দে॒বানাং᳚ পদ॒বীঃ ক॑বী॒না-মৃষি॒-র্বিপ্রা॑ণাং মহি॒ষো মৃ॒গাণা᳚ম্ । শ্যে॒নো গৃদ্ধ্রা॑ণা॒গ্গ্॒ স্বধি॑তি॒-র্বনা॑না॒গ্​ম্॒ সোমঃ॑ প॒বিত্র॒-মত্যে॑তি॒ রেভন্ন্॑ । হ॒গ্​ম্॒সঃ শু॑চি॒ষ-দ্বসু॑রংতরিক্ষ॒ সদ্ধোতা॑- বেদি॒ষ-দতি॑থি-র্দুরোণ॒সত্ । নৃ॒ষদ্ব॑র॒-সদৃ॑ত॒-স-দ্ব্যো॑ম॒-সদ॒ব্জা- গো॒জা ঋ॑ত॒জা অ॑দ্রি॒জা ঋ॒তং বৃ॒হত্ । ঋ॒চেত্বা॑ রু॒চেত্বা॒ সমিথ্ স্র॑বংতি স॒রিতো॒ ন ধেনাঃ᳚ । অং॒ত-র্​হৃ॒দা মন॑সা পূ॒যমা॑নাঃ । ঘৃ॒তস্য॒ ধারা॑ অ॒ভিচা॑কশীমি । হি॒র॒ণ্যযো॑ বেত॒সো মদ্ধ্য॑ আসাম্ । তস্মিং᳚থ্ সুপ॒র্ণো ম॑ধু॒কৃত্ কু॑লা॒যী ভজ॑ন্নাস্তে॒ মধু॑ দে॒বতা᳚ভ্যঃ । তস্যা॑ সতে॒ হর॑যঃ স॒প্ততীরে᳚ স্ব॒ধাং দুহা॑না অ॒মৃত॑স্য॒ ধারা᳚ম্ । য ই॒দং ত্রিসু॑পর্ণ॒-মযা॑চিতং ব্রাহ্ম॒ণায॑ দদ্যাত্ । বী॒র॒হ॒ত্যাং-বাঁ এ॒তে ঘ্নং॑তি । যে ব্রা᳚হ্ম॒ণা-স্ত্রিসু॑পর্ণং॒ পঠং॑তি । তে সোমং॒ প্রাপ্নু॑বংতি । আ॒স॒হ॒স্রাত্ পং॒ক্তিং পুনং॑তি । ওম্ ॥ 40.6 (তৈ. অর. 6.40.1)

মেধা সূক্তং (4.34)
মে॒ধাদে॒বী জু॒ষমা॑ণা ন॒ আগা᳚-দ্বি॒শ্বাচী॑ ভ॒দ্রা সু॑মন॒স্য মা॑না । ত্বযা॒ জুষ্টা॑ নু॒দমা॑না দু॒রুক্তা᳚ন্ বৃ॒হদ্ব॑দেম বি॒দথে॑ সু॒বীরাঃ᳚ । ত্বযা॒ জুষ্ট॑ ঋ॒ষি-র্ভ॑বতি দেবি॒ ত্বযা॒ ব্রহ্মা॑ঽঽগ॒তশ্রী॑ রু॒ত ত্বযা᳚ । ত্বযা॒ জুষ্ট॑শ্চি॒ত্রং-বিঁং॑দতে বসু॒ সা নো॑ জুষস্ব॒ দ্রবি॑ণো নমেধে ॥ 41.1 (তৈ. অর. 6.41.1)

মে॒ধাং ম॒ ইংদ্রো॑ দদাতু মে॒ধাং দে॒বী সর॑স্বতী । মে॒ধাং মে॑ অ॒শ্বিনা॑-বু॒ভাবাধ॑ত্তাং॒ পুষ্ক॑রস্রজা ॥ অ॒ফ্স॒রাসু॑ চ॒ যা মে॒ধা গং॑ধ॒র্বেষু॑ চ॒ যন্মনঃ॑ । দৈবীং᳚ মে॒ধা সর॑স্বতী॒ সা মাং᳚ মে॒ধা সু॒রভি॑-র্জুষতা॒গ্গ্॒ স্বাহা᳚ ॥ 42.1 (তৈ. অর. 6.42.1)

আমাং᳚ মে॒ধা সু॒রভি॑-র্বি॒শ্বরূ॑পা॒ হির॑ণ্যবর্ণা॒ জগ॑তী জগ॒ম্যা । ঊর্জ॑স্বতী॒ পয॑সা॒ পিন্ব॑মানা॒ সা মাং᳚ মে॒ধা সু॒প্রতী॑কা জুষংতাম্ ॥ 43.1 (তৈ. অর. 6.43.1)

মযি॑ মে॒ধাং মযি॑ প্র॒জাং ময্য॒গ্নিস্তেজো॑ দধাতু॒ মযি॑ মে॒ধাং মযি॑ প্র॒জাং মযীংদ্র॑ ইংদ্রি॒যং দ॑ধাতু॒ মযি॑ মে॒ধাং মযি॑ প্র॒জাং মযি॒ সূর্যো॒ ভ্রাজো॑ দধাতু ॥ 44.1 (তৈ. অর. 6.44.1)

মৃত্যুনিবারণ মংত্রাঃ (4.35)
অপৈ॑তু মৃ॒ত্যু-র॒মৃত॑ন্ন॒ আগ॑ন্. বৈবস্ব॒তো নো॒ অভ॑যংকৃণোতু । প॒র্ণং-বঁন॒স্পতে॑ রিবা॒ভিনঃ॑ শীযতাগ্​ম্ র॒যিঃ সচ॑তান্নঃ॒ শচী॒পতিঃ॑ ॥ 45.1 (তৈ. অর. 6.45.1)

পরং॑ মৃত্যো॒ অনু॒ পরে॑হি॒ পংথাং॒-যঁস্তে॒স্ব ইত॑রো দেব॒যানা᳚ত্ । চক্ষু॑ষ্মতে শৃণ্ব॒তে তে᳚ ব্রবীমি॒ মানঃ॑ প্র॒জাগ্​ম্ রী॑রিষো॒ মোত বী॒রান্ ॥ 46.1 (তৈ. অর. 6.46.1)

বাতং॑ প্রা॒ণং মন॑সা॒ ন্বার॑ভামহে প্র॒জাপ॑তিং॒-যোঁ ভুব॑নস্য গো॒পাঃ । সনো॑ মৃ॒ত্যো স্ত্রা॑যতাং॒ পাত্বগ্​ম্হ॑সো॒ জ্যোগ্ জী॒বা জ॒রাম॑শীমহি ॥ 47.1 (তৈ. অর. 6.47.1)

অ॒মু॒ত্র॒ ভূযা॒দধ॒ যদ্য॒মস্য॒ বৃহ॑স্পতে অ॒ভিশ॑স্তে॒র মুং॑চঃ । প্রত্যৌ॑হতা ম॒শ্বিনা॑ মৃ॒ত্যু ম॑স্মা-দ্দে॒বানা॑মগ্নে ভি॒ষজা॒ শচী॑ভিঃ ॥ 48.1 (তৈ. অর. 6.48.1)

হরি॒গ্​ম্॒ হরং॑ত॒- মনু॑যংতি দে॒বা বিশ্ব॒স্যেশা॑নং-বৃঁষ॒ভং ম॑তী॒নাম্ । ব্রহ্ম॒ সরূ॑প॒-মনু॑মে॒দমা॑গা॒-দয॑নং॒ মা বিব॑ধী॒-র্বিক্র॑মস্ব ॥ 49.1 (তৈ. অর. 6.49.1)

শল্কৈ॑র॒গ্নি-মিং॑ধা॒ন উ॒ভৌ লো॒কৌ স॑নেম॒হম্ । উ॒ভযো᳚ র্লো॒কযা॑-র্​ঋ॒ধ্দ্বাঽতি॑ মৃ॒ত্যুং ত॑রাম্য॒হম্ ॥ 50.1 (তৈ. অর. 6.50.1)

মা ছি॑দো মৃত্যো॒ মা ব॑ধী॒র্​মা মে॒ বলং॒-বিঁবৃ॑হো॒ মা প্রমো॑ষীঃ । প্র॒জাং মা মে॑ রীরিষ॒ আযু॑রুগ্র নৃ॒চক্ষ॑সং ত্বা হ॒বিষা॑ বিধেম ॥ 51.1 (তৈ. অর. 6.51.1)

মা নো॑ ম॒হাংত॑মু॒ত মা নো॑ অর্ভ॒কং মা ন॒ উক্ষং॑তমু॒ত মা ন॑ উক্ষি॒তম্ । মা নো॑ বধীঃ পি॒তরং॒ মোত মা॒তরং॑ প্রি॒যা মা ন॑স্ত॒নুবো॑ রুদ্র রীরিষঃ ॥ 52.1 (তৈ. অর. 6.52.1)

মা ন॑স্তো॒কে তন॑যে॒ মা ন॒ আযু॑ষি॒ মা নো॒ গোষু॒ মা নো॒ অশ্বে॑ষু রীরিষঃ । বী॒রান্মা নো॑ রুদ্র ভামি॒তোব॑ধী-র্​হ॒বিষ্মং॑তো॒ নম॑সা বিধেম তে ॥ 53.1 (তৈ. অর. 6.53.1)

প্রজাপতি-প্রার্থনা মংত্রঃ (4.36)
প্রজা॑পতে॒ ন ত্বদে॒তা-ন্য॒ন্যো বিশ্বা॑ জা॒তানি॒ পরি॒তা ব॑ভূব । যত্ কা॑মাস্তে জুহু॒মস্তন্নো॑ অস্তু ব॒যগ্গ্​ স্যা॑ম॒ পত॑যো রযী॒ণাম্ ॥ 54.1 (তৈ. অর. 6.54.1)

ইংদ্রপ্রার্থনা মংত্রঃ (4.37)
স্ব॒স্তি॒দা বি॒শস্পতি॑-র্বৃত্র॒হা বিমৃধো॑ ব॒শী । বৃষেংদ্রঃ॑ পু॒র এ॑তু নস্স্বস্তি॒দা অ॑ভযং ক॒রঃ ॥ 55.1 (তৈ. অর. 6.55.1)

মৃত্যুংজয মংত্রাঃ (4.38)
ত্র্যং॑বকং-যঁজামহে সুগং॒ধিং পু॑ষ্টি॒বর্ধ॑নম্ । উ॒র্বা॒রু॒কমি॑ব॒ বংধ॑নান্-মৃ॒ত্যো-র্মু॑ক্ষীয॒ মাঽমৃতা᳚ত্ ॥ 56.1 (তৈ. অর. 6.56.1)

যে তে॑ স॒হস্র॑ম॒যুতং॒ পাশা॒ মৃত্যো॒ মর্ত্যা॑য॒ হংত॑বে । তান্. য॒জ্ঞস্য॑ মা॒যযা॒ সর্বা॒নব॑ যজামহে । মৃ॒ত্যবে॒ স্বাহা॑ মৃ॒ত্যবে॒ স্বাহা᳚ ॥ 58.1 (তৈ. অর. 6.57-58)

পাপনিবারকা মংত্রাঃ (4.39)
দে॒বকৃ॑ত॒স্যৈন॑সো-ঽব॒যজ॑নমসি॒ স্বাহা᳚ ।
ম॒নু॒ষ্য॑কৃত॒স্যৈন॑সো ঽব॒যজ॑নমসি॒ স্বাহা᳚ ।
পি॒তৃকৃ॑ত॒স্যৈন॑সো ঽব॒যজ॑নমসি॒ স্বাহা᳚ ।
আ॒ত্মকৃ॑ত॒স্যৈন॑সো ঽব॒যজ॑নমসি॒ স্বাহা᳚ ।
অ॒ন্যকৃ॑ত॒স্যৈন॑সো ঽব॒যজ॑নমসি॒ স্বাহা᳚ ।
অ॒স্মত্কৃ॑ত॒স্যৈন॑সো ঽব॒যজ॑নমসি॒ স্বাহা᳚ ।
যদ্দি॒বা চ॒ নক্তং॒ চৈন॑শ্চকৃ॒ম তস্যা॑ ব॒যজ॑নমসি॒ স্বাহা᳚ ।
যথ্ স্ব॒পংত॑শ্চ॒ জাগ্র॑ত॒-শ্চৈন॑শ্চ-কৃ॒ম তস্যা॑ ব॒যজ॑নমসি॒ স্বাহা᳚ ।
যথ্ সু॒ষুপ্ত॑শ্চ॒ জাগ্র॑ত॒-শ্চৈন॑শ্চ-কৃ॒ম তস্যা॑ ব॒যজ॑নমসি॒ স্বাহা᳚ ।
য-দ্বি॒দ্বাগ্​ম্স॒শ্চা বি॑দ্বাগ্​ম্স॒শ্চৈন॑শ্চ-কৃ॒ম তস্যা॑ ব॒যজ॑নমসি॒ স্বাহা᳚ ।
এনস এনসো বযজনম॑সি স্বা॒হা ॥ 59.1 (তৈ. অর. 6.59.1)

বসু-প্রার্থনা মংত্রঃ (4.40)
যদ্বো॑ দেবাশ্চকৃ॒ম জি॒হ্বযা॑ গু॒রুমন॑সো বা॒ প্রযু॑তী দেব॒ হেড॑নম্ । অরা॑বা॒যো নো॑ অ॒ভিদু॑চ্ছুনা॒যতে॒ তস্মি॒ন্ তদেনো॑ বসবো॒
নিধে॑তন॒ স্বাহা᳚ ॥ 60.1 (তৈ. অর. 6.60.1)

কামোঽকার্​ষীত্ – মন্যুরকার্​ষীত্ মংত্রঃ (4.41)
কামোঽকার্​ষী᳚ন্ নমো॒ নমঃ । কামোঽকার্​ষীত্ কামঃ করোতি নাহং করোমি কামঃ কর্তা নাহং কর্তা কামঃ॑ কার॒যিতা নাহং॑ কার॒যিতা এষ তে কাম কামা॑য স্বা॒হা ॥ 61.1 (তৈ. অর. 6.61.1)

মন্যুরকার্​ষী᳚ন্ নমো॒ নমঃ । মন্যুরকার্​ষীন্ মন্যুঃ করোতি নাহং করোমি মন্যুঃ কর্তা নাহং কর্তা মন্যুঃ॑ কার॒যিতা নাহং॑ কার॒যিতা এষ তে মন্যো মন্য॑বে স্বা॒হা ॥ 62.1 (তৈ. অর. 6.62.1)

বিরজা হোম মংত্রাঃ (4.42)
তিলাংজুহোমি সরসাগ্​ম্ সপিষ্টান্ গংধার মম চিত্তে রমং॑তু স্বা॒হা । গাবো হিরণ্যং ধনমন্নপানগ্​ম্ সর্বেষাগ্গ্​ শ্রি॑যৈ স্বা॒হা । শ্রিযংচ লক্ষ্মিংচ পুষ্টিংচ কীর্তিং॑ চা নৃ॒ণ্যতাম্ । ব্রহ্মণ্যং ব॑হুপু॒ত্রতাম্ । শ্রদ্ধামেধে প্রজাঃ সংদদা॑তু স্বা॒হা ॥ 63.3 (তৈ. অর. 6.63.1)

তিলাঃ কৃষ্ণা-স্তি॑লাঃ শ্বে॒তা॒-স্তিলাঃ সৌম্যা ব॑শানু॒গাঃ । তিলাঃ পুনংতু॑ মে পা॒পং॒-যঁত্কিংচি-দ্দুরিতং ম॑যি স্বা॒হা । চোর॒স্যান্নং ন॑বশ্রা॒দ্ধং॒ ব্র॒হ্ম॒হা গু॑রুত॒ল্পগঃ । গোস্তেযগ্​ম্ স॑রাপা॒নং॒ ভ্রূণহত্যা তিলা শাংতিগ্​ম্ শমযং॑তু স্বা॒হা । শ্রীশ্চ লক্ষ্মীশ্চ পুষ্টীশ্চ কীর্তিং॑ চা নৃ॒ণ্যতাম্ । ব্রহ্মণ্যং ব॑হুপু॒ত্রতাম্ । শ্রদ্ধামেধে প্রজ্ঞাতু জাতবেদঃ সংদদা॑তু স্বা॒হা ॥ 64.3 (তৈ. অর. 6.64.1)

প্রাণাপান-ব্যানোদান-সমানা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । বাং-মন-শ্চক্ষুঃ-শ্রোত্র-জিহ্বা-ঘ্রাণ-রেতো-বুদ্ধ্যাকূতিঃ সংকল্পা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । ত্বক্-চর্ম-মাগ্​ম্স-রুধির-মেদো-মজ্জা-স্নাযবো-ঽস্থীনি মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । শিরঃ পাণি পাদ পার্​শ্ব পৃষ্ঠো-রূদর-জংঘ-শিশ্র্নোপস্থ পাযবো মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । উত্তিষ্ঠ পুরুষ হরিত-পিংগল লোহিতাক্ষি দেহি দেহি দদাপযিতা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ॥ 65.5 (তৈ. অর. 6.65.1)

পৃথিব্যাপ স্তেজো বাযু-রাকাশা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । শব্দ-স্পর্​শ-রূপরস-গংধা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । মনো-বাক্-কায-কর্মাণি মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । অব্যক্তভাবৈ-র॑হংকা॒র॒-র্জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । আত্মা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । অংতরাত্মা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । পরমাত্মা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ । ক্ষু॒ধে স্বাহা᳚ । ক্ষুত্পি॑পাসায॒ স্বাহা᳚ । বিবি॑ট্যৈ॒ স্বাহা᳚ । ঋগ্বি॑ধানায॒ স্বাহা᳚ । ক॒ষো᳚ত্কায॒ স্বাহা᳚ । ক্ষু॒ত্পি॒পা॒সাম॑লং জ্যে॒ষ্ঠা॒ম॒ল॒ক্ষ্মী-র্না॑শযা॒ম্যহম্ । অভূ॑তি॒-মস॑মৃদ্ধিং॒চ॒ সর্বাং (সর্বা) নির্ণুদ মে পাপ্মা॑নগ্গ্​ স্বা॒হা । অন্নময-প্রাণময-মনোময-বিজ্ঞানময-মানংদময-মাত্মা মে॑ শুদ্ধ্যং॒তাং॒ জ্যোতি॑ র॒হং-বিঁ॒রজা॑ বিপা॒প্মা ভূ॑যাস॒গ্গ্॒ স্বাহা᳚ ॥ 66.10 (তৈ. অর. 6.66.1)

বৈশ্বদেব মংত্রাঃ (4.43)
অ॒গ্নযে॒ স্বাহা᳚ । বিশ্বে᳚ভ্যো দে॒বেভ্যঃ॒ স্বাহা᳚ । ধ্রু॒বায॑ ভূ॒মায॒ স্বাহা᳚ । ধ্রু॒ব॒ক্ষিত॑যে॒ স্বাহা᳚ । অ॒চ্যু॒ত॒ক্ষিত॑যে॒ স্বাহা᳚ । অ॒গ্নযে᳚ স্বিষ্ট॒কৃতে॒ স্বাহা᳚ । ধর্মা॑য॒ স্বাহা᳚ । অধ॑র্মায॒ স্বাহা᳚ । অ॒দ্ভ্যঃ স্বাহা᳚ । ও॒ষ॒ধি॒ব॒ন॒স্প॒তিভ্যঃ॒ স্বাহা᳚ । 67.1 (তৈ. অর. 6.67.1)

র॒ক্ষো॒দে॒ব॒জ॒নেভ্যঃ॒ স্বাহা᳚ ।
গৃহ্যা᳚ভ্যঃ॒ স্বাহা᳚ । অ॒ব॒সানে᳚ভ্যঃ॒ স্বাহা᳚ । অ॒ব॒সান॑পতিভ্যঃ॒ স্বাহা᳚ । স॒র্ব॒ভূ॒তেভ্যঃ॒ স্বাহা᳚ । কামা॑য॒ স্বাহা᳚ । অং॒তরি॑ক্ষায॒ স্বাহা᳚ । যদেজ॑তি॒ জগ॑তি॒ যচ্চ॒ চেষ্ট॑তি॒ নাম্নো॑ ভা॒গোঽযং নাম্নে॒ স্বাহা᳚ । পৃ॒থি॒ব্যৈ স্বাহা᳚ । অং॒তরি॑ক্ষায॒ স্বাহা᳚ । 67.2 (তৈ. অর. 6.67.2)

দি॒বে স্বাহা᳚ । সূর্যা॑য॒ স্বাহা᳚ । চং॒দ্রম॑সে॒ স্বাহা᳚ । নক্ষ॑ত্রেভ্যঃ॒ স্বাহা᳚ । ইংদ্রা॑য॒ স্বাহা᳚ । বৃহ॒স্পত॑যে॒ স্বাহা᳚ । প্র॒জাপ॑তযে॒ স্বাহা᳚ । ব্রহ্ম॑ণে॒ স্বাহা᳚ । স্ব॒ধা পি॒তৃভ্যঃ॒ স্বাহা᳚ । নমো॑ রু॒দ্রায॑ পশু॒পত॑যে॒ স্বাহা᳚ । 67.3 (তৈ. অর. 6.67.3)

দে॒বেভ্যঃ॒ স্বাহা᳚ । পি॒তৃভ্যঃ॑ স্ব॒ধাঽস্তু॑ । ভূ॒তেভ্যো॒ নমঃ॑ । ম॒নু॒ষ্যে᳚ভ্যো॒ হংতা᳚ । প্র॒জাপ॑তযে॒ স্বাহা᳚ । প॒র॒মে॒ষ্ঠিনে॒ স্বাহা᳚ । যথা কূ॑পঃ শ॒তধা॑রঃ স॒হস্র॑ধারো॒ অক্ষি॑তঃ । এ॒বা মে॑ অস্তু ধা॒ন্যগ্​ম্ স॒হস্র॑ধার॒-মক্ষি॑তম্ । ধন॑ধান্যৈ॒ স্বাহা᳚ ॥ যে ভূ॒তাঃ প্র॒চরং॑তি॒ দিবা॒নক্তং॒ বলি॑-মি॒চ্ছংতো॑ বি॒তুদ॑স্য॒ প্রেষ্যাঃ᳚ । তেভ্যো॑ ব॒লিং পু॑ষ্টি॒কামো॑ হরামি॒ মযি॒ পুষ্টিং॒ পুষ্টি॑পতি-র্দধাতু॒ স্বাহা᳚ ॥ 67.4 (তৈ. অর. 6.67.4)

(ও॒ষ॒ধি॒ব॒ন॒স্প॒তিভ্যঃ॒ স্বাহা॒ – ঽংতরি॑ক্ষায॒ স্বাহা॒ – নমো॑ রু॒দ্রায॑ পশু॒পত॑যে॒ স্বাহা॑ – বি॒তুদ॑স্য॒ প্রেষ্যা॒ একং॑ চ)

ওং᳚ ত-দ্ব্র॒হ্ম । ওং᳚ ত-দ্বা॒যুঃ । ওং᳚ তদা॒ত্মা । ওং᳚ তথ্ স॒ত্যম্ । ওং᳚ তথ্ সর্ব᳚ম্ । ওং᳚ তত্ পুরো॒-র্নমঃ । অংতশ্চরতি॑ ভূতে॒ষু॒ গুহাযাং-বিঁ॑শ্ব মূ॒র্তিষু । ত্বং-যঁজ্ঞস্ত্বং-বঁষট্কারস্ত্ব-মিদ্রস্ত্বগ্​ম্ রুদ্রস্ত্বং​বিঁষ্ণুস্ত্বং ব্রহ্মত্বং॑ প্রজা॒পতিঃ । ত্বং ত॑দাপ॒ আপো॒ জ্যোতী॒ রসো॒ঽমৃতং॒ ব্রহ্ম॒ ভূর্ভুব॒স্সুব॒রোম্ ॥ 68.2 (তৈ. অর. 6.68.1)

4.44 প্রাণাহুতি মংত্রাঃ
শ্র॒দ্ধাযাং᳚ প্রা॒ণে নিবি॑ষ্টো॒ঽমৃতং॑ জুহোমি ।
শ্র॒দ্ধাযা॑মপা॒নে নিবি॑ষ্টো॒ঽমৃতং॑ জুহোমি ।
শ্র॒দ্ধাযাং᳚-ব্যাঁ॒নে নিবি॑ষ্টো॒ঽমৃতং॑ জুহোমি ।
শ্র॒দ্ধাযা॑মুদা॒নে নিবি॑ষ্টো॒ঽমৃতং॑ জুহোমি ।
শ্র॒দ্ধাযাগ্​ম্॑ সমা॒নে নিবি॑ষ্টো॒ঽমৃতং॑ জুহোমি ।
ব্রহ্ম॑ণি ম আ॒ত্মাঽমৃ॑ত॒ত্বায॑ ॥
অ॒মৃ॒তো॒প॒স্তর॑ণমসি ॥
শ্র॒দ্ধাযাং᳚ প্রা॒ণে নিবি॑ষ্টো॒ঽমৃতং॑ জুহোমি ।
শি॒বো মা॑ বি॒শাপ্র॑দাহায । প্রা॒ণায॒ স্বাহা᳚ ।
শ্র॒দ্ধাযা॑মপা॒নে নিবি॑ষ্টো॒ঽমৃতং॑ জুহোমি ।
শি॒বো মা॑ বি॒শাপ্র॑দাহায । অ॒পা॒নায॒ স্বাহা᳚ ।
শ্র॒দ্ধাযাং᳚-ব্যাঁ॒নে নিবি॑ষ্টো॒ঽমৃতং॑ জুহোমি ।
শি॒বো মা॑ বি॒শাপ্র॑দাহায । ব্যা॒নায॒ স্বাহা᳚ ।
শ্র॒দ্ধাযা॑-মুদা॒নে নিবি॑ষ্টো॒ঽমৃতং॑ জুহোমি ।
শি॒বো মা॑ বি॒শাপ্র॑দাহায । উ॒দা॒নায॒ স্বাহা᳚ ।
শ্র॒দ্ধাযাগ্​ম্॑ সমা॒নে নিবি॑ষ্টো॒ঽমৃতং॑ জুহোমি ।
শি॒বো মা॑ বি॒শাপ্র॑দাহায । স॒মা॒নায॒ স্বাহা᳚ ।
ব্রহ্ম॑ণি ম আ॒ত্মাঽমৃ॑ত॒ত্বায॑ ॥
অ॒মৃ॒তা॒পি॒ধা॒নম॑সি ॥ 69.4 (তৈ. অর. 6.69.1)

ভুক্তান্নাভিমংত্রণ মংত্রাঃ (4.45)
শ্র॒দ্ধাযাং᳚ প্রা॒ণে নিবি॑শ্যা॒ঽমৃতগ্​ম্॑ হু॒তম্ । প্রা॒ণ মন্নে॑নাপ্যাযস্ব ।
শ্র॒দ্ধাযা॑মপা॒নে নিবি॑শ্যা॒ঽমৃতগ্​ম্॑ হু॒তম্ । অ॒পা॒ন মন্নে॑নাপ্যাযস্ব ।
শ্র॒দ্ধাযাং᳚-ব্যাঁ॒নে নিবি॑শ্যা॒ঽমৃতগ্​ম্॑ হু॒তম্ । ব্যা॒ন মন্নে॑নাপ্যাযস্ব ।
শ্র॒দ্ধাযা॑-মুদা॒নে নিবি॑শ্যা॒ঽমৃতগ্​ম্॑ হু॒তম্ । উ॒দা॒ন মন্নে॑নাপ্যাযস্ব ।
শ্র॒দ্ধাযাগ্​ম্॑ সমা॒নে নিবি॑শ্যা॒ঽমৃতগ্​ম্॑ হু॒তম্ । স॒মান॒ মন্নে॑নাপ্যাযস্ব ॥ 70.1 (তৈ. অর. 6.70.1)

ভোজনাংতে আত্মানুসংধান মংত্রাঃ (4.46)
অংগুষ্ঠমাত্রঃ পুরুষোঽংগুষ্ঠংচ॑ সমা॒শ্রিতঃ । ঈশঃ সর্বস্য জগতঃ প্রভুঃ প্রীণাতি॑ বিশ্ব॒ভুক্ ॥ 71.1 (তৈ. অর. 6.71.1)

অবযবস্বস্থতা প্রার্থনা মংত্রঃ (4.47)
বাংম॑ আ॒সন্ন্ । ন॒সোঃ প্রা॒ণঃ । অ॒ক্ষ্যো-শ্চক্ষুঃ॑ । কর্ণ॑যোঃ॒ শ্রোত্র᳚ম্ । বা॒হু॒বো-র্বল᳚ম্ । ঊ॒রু॒বো রোজঃ॑ । অরি॑ষ্টা॒ বিশ্বা॒ন্যংগা॑নি ত॒নূঃ । ত॒নুবা॑ মে স॒হ নম॑স্তে অস্তু॒ মা মা॑ হিগ্​ম্সীঃ ॥ 72.1 (তৈ. অর. 6.72.1)

ইংদ্র সপ্তর্​ষি সং​বাঁদ মংত্রঃ (4.48)
বযঃ॑ সুপ॒র্ণা উপ॑সেদু॒রিংদ্রং॑ প্রি॒য মে॑ধা॒ ঋষ॑যো॒ নাধ॑মানাঃ । অপ॑দ্ধ্বাং॒ত মূ᳚র্ণু॒হি পূ॒র্ধি চক্ষু॑-র্মুমু॒গ্ধ্য॑স্মান্ নি॒ধযে॑ ঽবব॒দ্ধান্ ॥ 73.1 (তৈ. অর. 6.73.1)

হৃদযালংভন মংত্রঃ (4.49)
প্রাণানাং গ্রংথিরসি রুদ্রো মা॑ বিশাং॒তকঃ । তেনান্নেনা᳚-প্যায॒স্ব ॥ 74.1 (তৈ. অর. 6.74.1)

দেবতা প্রাণনিরূপণ মংত্রঃ (4.50)
নমো রুদ্রায বিষ্ণবে মৃত্যু॑র্মে পা॒হি ॥ 75.1 (তৈ. অর. 6.75.1)

অগ্নি স্তুতি মংত্রঃ (4.51)
ত্বম॑গ্নে॒ দ্যুভি॒-স্ত্বমা॑শু-শু॒ক্ষণি॒-স্ত্বম॒দ্ভ্য-স্ত্বমশ্ম॑ন॒স্পরি॑ । ত্বং-বঁনে᳚ভ্য॒-স্ত্বমোষ॑ধীভ্য॒-স্ত্বং নৃ॒ণাং নৃ॑পতে জাযসে॒ শুচিঃ॑ ॥ 76.1 (তৈ. অর. 6.76.1)

অভীষ্ট যাচনা মংত্রঃ (4.52)
শি॒বেন॑ মে॒ সংতি॑ষ্ঠস্ব স্যো॒নেন॑ মে॒ সংতি॑ষ্ঠস্ব সুভূ॒তেন॑ মে॒ সংতি॑ষ্ঠস্ব ব্রহ্মবর্চ॒সেন॑ মে॒ সংতি॑ষ্ঠস্ব য॒জ্ঞস্যর্ধি॒ মনু॒ সংতি॑ষ্ঠ॒ স্বোপ॑ তে যজ্ঞ॒ নম॒ উপ॑ তে॒ নম॒ উপ॑ তে॒ নমঃ॑ ॥ 77.1 (তৈ. অর. 6.77.1)

পর তত্ত্ব নিরূপণং (4.53)
স॒ত্যং পরং॒ পরগ্​ম্॑ স॒ত্যগ্​ম্ স॒ত্যেন॒ ন সু॑ব॒র্গা-ল্লো॒কাচ্চ্য॑বংতে
ক॒দাচ॒ন স॒তাগ্​ম্ হি স॒ত্যং তস্মা᳚থ্ স॒ত্যে র॑মংতে॒,
তপ॒ ইতি॒ তপো॒ নানশ॑না॒ত্ পরং॒-যঁদ্ধি পরং॒ তপ॒স্ত-দ্দুধ॑র্​ষং॒
ত-দ্দুরা॑ধর্​ষং॒ তস্মা॒ত্ তপ॑সি রমংতে॒,
দম॒ ইতি॒ নিয॑তং ব্রহ্মচা॒রিণ॒-স্তস্মা॒-দ্দমে॑ রমংতে॒,
শম॒ ইত্যর॑ণ্যে মু॒নয॒-স্তস্মা॒চ্ছমে॑ রমংতে,
দা॒নমিতি॒ সর্বা॑ণি ভূ॒তানি॑ প্র॒শগ্​ম্সং॑তি দা॒নান্নাতি॑ দু॒শ্চরং॒ তস্মা᳚-দ্দা॒নে র॑মংতে,
ধ॒র্ম ইতি॒ ধর্মে॑ণ॒ সর্ব॑মি॒দং পরি॑গৃহীতং ধ॒র্মান্নাতি॑-দু॒ষ্করং॒ তস্মা᳚-দ্-ধ॒র্মে র॑মংতে,
প্র॒জন॒ ইতি॒ ভূযাগ্​ম্॑॑স॒-স্তস্মা॒-দ্ভূযি॑ষ্ঠাঃ॒ প্রজা॑যংতে॒ তস্মা॒-দ্ভূযি॑ষ্ঠাঃ প্র॒জন॑নে রমংতে॒,
ঽগ্নয॒ ইত্যা॑হ॒ তস্মা॑-দ॒গ্নয॒ আধা॑তব্যা অগ্নিহো॒ত্র-মিত্যা॑হ॒ তস্মা॑-দগ্নিহো॒ত্রে র॑মংতে,
য॒জ্ঞ ইতি॑ য॒জ্ঞো হি দে॒বা স্তস্মা᳚-দ্য॒জ্ঞে র॑মংতে,
মান॒স-মিতি॑ বি॒দ্বাগ্​ম্স॒-স্তস্মা᳚-দ্বি॒দ্বাগ্​ম্স॑ এ॒ব মা॑ন॒সে র॑মংতে,
ন্যা॒স ইতি॑ ব্র॒হ্মা ব্র॒হ্মা হি পরঃ॒ পরো॑ হি ব্র॒হ্মা তানি॒ বা এ॒তান্যব॑রাণি॒ পরাগ্​ম্॑সি ন্যা॒স এ॒বাত্য॑রেচয॒-দ্য এ॒বং-বেঁদে᳚ত্যুপ॒নিষত্ ॥ 78.11 (তৈ. অর. 6.78.1)

4.54 জ্ঞান সাধন নিরূপণং
প্রা॒জা॒প॒ত্যো হারু॑ণিঃ সুপ॒র্ণেযঃ॑ প্র॒জাপ॑তিং পি॒তর॒-মুপ॑সসার॒ কিং ভ॑গবং॒তঃ প॑র॒মং-বঁ॑দং॒তীতি॒ তস্মৈ॒ প্রো॑বাচ,
স॒ত্যেন॑ বা॒যুরাবা॑তি স॒ত্যে-না॑দি॒ত্যো রো॑চতে দি॒বি স॒ত্যং-বাঁ॒চঃ প্র॑তি॒ষ্ঠা স॒ত্যে স॒র্বং প্রতি॑ষ্ঠিতং॒ তস্মা᳚থ্ স॒ত্যং প॑র॒মং-বঁদং॑তি॒,
তপ॑সা দে॒বা দে॒বতা॒-মগ্র॑ আয॒ন্ তপ॒সর্​ষ॑যঃ॒ সুব॒রন্ব॑-বিংদ॒ন্ তপ॑সা স॒পত্না॒ন্ প্রণু॑দা॒-মারা॑তী॒ স্তপ॑সি স॒র্বং প্রতি॑ষ্ঠিতং॒ তস্মা॒ত্ তপঃ॑ পর॒মং-বঁদং॑তি॒,
দমে॑ন দাং॒তাঃ কি॒ল্বিষ॑-মবধূ॒ন্বংতি॒ দমে॑ন ব্রহ্মচা॒রিণঃ॒ সুব॑রগচ্ছ॒ন্ দমো॑ ভূ॒তানাং᳚ দুরা॒ধর্​ষং॒ দমে॑ স॒র্বং প্রতি॑ষ্ঠিতং॒ তস্মা॒-দ্দমঃ॑ পর॒মং-বঁদং॑তি॒,
শমে॑ন শাং॒তাঃ শি॒ব-মা॒চরং॑তি॒ শমে॑ন না॒কং মু॒নযো॒-ঽন্ববিং॑দ॒ন্ ছমো॑ ভূ॒তানাং᳚ দুরা॒ধর্​ষং॒ ছমে॑ স॒র্বং প্রতি॑ষ্ঠিতং॒ তস্মা॒চ্ছমঃ॑ পর॒মং-বঁদং॑তি,
দা॒নং-যঁ॒জ্ঞানাং॒-বঁরূ॑থং॒ দক্ষি॑ণা লো॒কে দা॒তারগ্​ম্॑ সর্ব ভূ॒তান্যু॑পজী॒বংতি॑ দা॒নেনারা॑তী॒-রপা॑নুদংত দা॒নেন॑ দ্বিষং॒তো মি॒ত্রা ভ॑বংতি দা॒নে স॒র্বং প্রতি॑ষ্ঠিতং॒ তস্মা᳚-দ্দা॒নং প॑র॒মং-বঁদং॑তি,
ধ॒র্মো বিশ্ব॑স্য॒ জগ॑তঃ প্রতি॒ষ্ঠা লো॒কে ধ॒র্মিষ্ঠং॑ প্র॒জা উ॑পস॒র্পংতি॑ ধ॒র্মেণ॑ পা॒প-ম॑প॒নুদ॑তি ধ॒র্মে স॒র্বং প্রতি॑ষ্ঠিতং॒ তস্মা᳚-দ্ধ॒র্মং প॑র॒মং-বঁদং॑তি,
প্র॒জন॑নং॒-বৈঁ প্র॑তি॒ষ্ঠা লো॒কে সা॒ধু প্র॒জাযা᳚ স্তং॒তুং-ত॑ন্বা॒নঃ পি॑তৃ॒ণা ম॑নৃ॒ণো ভব॑তি॒ তদে॑ব ত॒স্যা অনৃ॑ণং॒ তস্মা᳚ত্ প্র॒জন॑নং পর॒মং-বঁদং॑ত্য॒,
গ্নযো॒ বৈ ত্রযী॑ বি॒দ্যা দে॑ব॒যানঃ॒ পংথা॑ গার্​হপ॒ত্য ঋক্-পৃ॑থি॒বী র॑থংত॒র-ম॑ন্বাহা-র্য॒পচ॑নং॒-যঁজু॑রং॒তরি॑ক্ষং-বাঁমদে॒ব্য মা॑হব॒নীযঃ॒ সাম॑সুব॒র্গো লো॒কো বৃ॒হত্-তস্মা॑-দ॒গ্নীন্ প॑র॒মং-বঁদং॑ত্য,
গ্নিহো॒ত্রগ্​ম্ সা॑যং প্রা॒ত-র্গৃ॒হাণাং॒-নিষ্কৃ॑তিঃ॒ স্বি॑ষ্টগ্​ম্ সুহু॒তং-যঁ॑জ্ঞক্রতূ॒নাং প্রায॑ণগ্​ম্ সুব॒র্গস্য॑ লো॒কস্য॒ জ্যোতি॒-স্তস্মা॑-দগ্নিহো॒ত্রং প॑র॒মং-বঁদং॑তি,
য॒জ্ঞ ইতি॑ য॒জ্ঞেন॒ হি দে॒বা দিবং॑ গ॒তা য॒জ্ঞেনাসু॑রা॒-নপা॑নুদংত য॒জ্ঞেন॑ দ্বিষং॒তো মি॒ত্রা ভ॑বংতি য॒জ্ঞে স॒র্বং প্রতি॑ষ্ঠিতং॒ তস্মা᳚-দ্য॒জ্ঞং প॑র॒মং-বঁদং॑তি,
মান॒সং-বৈঁ প্রা॑জাপ॒ত্যং প॒বিত্রং॑ মান॒সেন॒ মন॑সা সা॒ধু প॑শ্যতি মান॒সা ঋষ॑যঃ প্র॒জা অ॑সৃজংত মান॒সে স॒র্বং প্রতি॑ষ্ঠিতং॒ তস্মা᳚ন্ মান॒সং প॑র॒মং-বঁদং॑তি,
ন্যা॒স ই॒ত্যাহু॑-র্মনী॒ষিণো᳚ ব্র॒হ্মাণং॑ ব্র॒হ্মা বিশ্বঃ॑ কত॒মঃ স্ব॑য॒ভুংঃ প্র॒জাপ॑তিঃ সং​বঁথ্সর॒ ইতি॑, সং​বঁথ্স॒রো॑ ঽসাবা॑দি॒ত্যো য এ॒ষ আ॑দি॒ত্যে পুরু॑ষঃ॒ স প॑রমে॒ষ্ঠী ব্রহ্মা॒ত্মা,

যাভি॑রাদি॒ত্য-স্তপ॑তি র॒শ্মিভি॒স্তাভিঃ॑ প॒র্জন্যো॑ বর্​ষতি প॒র্জন্যে॑-নৌষধি-বনস্প॒তযঃ॒ প্রজা॑যংত ওষধি-বনস্প॒তিভি॒-রন্নং॑ ভব॒ত্যন্নে॑ন প্রা॒ণাঃ প্রা॒ণৈ-র্বলং॒ বলে॑ন॒ তপ॒-স্তপ॑সা শ্র॒দ্ধা শ্র॒দ্ধযা॑ মে॒ধা মে॒ধযা॑ মনী॒ষা ম॑নী॒ষযা॒ মনো॒ মন॑সা॒ শাংতিঃ॒ শাংত্যা॑ চি॒ত্তং চি॒ত্তেন॒ স্মৃতি॒গ্গ্॒ স্মৃত্যা॒ স্মার॒গ্গ্॒ স্মারে॑ণ বি॒জ্ঞানং॑-বিঁ॒জ্ঞানে॑-না॒ত্মানং॑-বেঁদযতি॒ তস্মা॑দ॒ন্নং দদং॒থ্ সর্বা᳚ণ্যে॒তানি॑ দদা॒-ত্যন্না᳚ত্ প্রা॒ণা ভ॑বংতি,
ভূ॒তানাং᳚ প্রা॒ণৈ-র্মনো॒ মন॑সশ্চ বি॒জ্ঞানং॑-বিঁ॒জ্ঞানা॑-দানং॒দো ব্র॑হ্ম যো॒নিঃ স বা এ॒ষ পুরু॑ষঃ পংচ॒ধা পং॑চা॒ত্মা যেন॒ সর্ব॑মি॒দং প্রোতং॑ পৃথি॒বী চাং॒তরি॑ক্ষং চ॒ দ্যৌশ্চ॒ দিশ॑শ্চাবাংতরদি॒শাশ্চ॒ স বৈ সর্ব॑মি॒দং জগ॒থ্স স॒ভূতগ্​ম্॑ স ভ॒ব্যং জি॑জ্ঞাস ক্লৃ॒প্ত ঋ॑ত॒জা রযি॑ষ্ঠা,
শ্র॒দ্ধা স॒ত্যো মহ॑স্বান্ ত॒পসো॒ পরি॑ষ্ঠা॒দ্ (বরি॑ষ্ঠা॒দ্) জ্ঞাত্বা॑ তমে॒বং মন॑সা হৃ॒দা চ॒ ভূযো॑ ন মৃ॒ত্যু-মুপ॑যাহি বি॒দ্বান্ তস্মা᳚-ন্ন্যা॒স-মে॒ষাং তপ॑সা-মতিরিক্ত॒মাহু॑-র্বসুর॒ণ্বো॑ বি॒ভূর॑সি প্রা॒ণে ত্বমসি॑ সংধা॒তা
ব্রহ্ম॑ন্ ত্বমসি॑ বিশ্ব॒ধৃত্তে॑-জো॒দাস্ ত্বম॑স্য॒গ্নি-র॑সি বর্চো॒দা-স্ত্বম॑সি॒ সূর্য॑স্য দ্যুম্নো॒দা স্ত্বম॑সি চং॒দ্রম॑স উপযা॒মগৃ॑হীতোঽসি ব্র॒হ্মণে᳚ ত্বা॒ মহস॒,
ওমিত্যা॒ত্মানং॑-যুংঁজীতৈ॒তদ্বৈ ম॑হোপ॒নিষ॑দং দে॒বানাং॒ গুহ্যং॒-যঁ এ॒বং-বেঁদ॑ ব্র॒হ্মণো॑ মহি॒মান॑-মাপ্নোতি॒ তস্মা᳚-দ্ব্র॒হ্মণো॑ মহি॒মান॑-মিত্যুপ॒নিষত্ ॥ 79.20 (তৈ. অর. 6.79.1)

জ্ঞানযজ্ঞঃ (4.55)
তস্যৈ॒বং-বিঁ॒দুষো॑ য॒জ্ঞস্যা॒ত্মা যজ॑মানঃ-শ্র॒ধ্দাপত্নী॒ শরী॑র-মি॒দ্ধ্মমুরো॒
বেদি॒-র্লোমা॑নি ব॒র॒ঃই-র্বে॒দঃ-শিখা॒ হৃদ॑যং॒-যূঁপঃ॒ কাম॒ আজ্যং॑ ম॒ন্যুঃ প॒শু-স্তপো॒ঽগ্নি-র্দমঃ॑ শমযি॒তা দক্ষি॑ণা॒-বাগ্ঘোতা᳚ প্রা॒ণ
উ॑দ্গ॒তা চক্ষু॑রধ্ব॒র্যু-র্মনো॒ ব্রহ্মা॒ শ্রোত্র॑ম॒গ্নী-ধ্যাব॒ধ্দ্রিয॑তে॒ সা দী॒ক্ষা যদশ্র্না॑তি॒ তধ্দবি॒-র্যত্পিব॑তি॒ তদ॑স্য সোমপা॒নং-যঁদ্রম॑তে॒ তদু॑প॒সদো॒ যথ্ সং॒চর॑-ত্যুপ॒বিশ॑-ত্যু॒ত্তিষ্ঠ॑তে চ॒ সপ্র॑ব॒র্গ্যো॑ যন্মুখং॒ তদা॑হব॒নীযো॒ যা ব্যাহৃ॑তি-রাহু॒তি-র্যদ॑স্য বি॒জ্ঞানং॒ তজ্জু॒হোতি॒ যথ্সা॒যং প্রা॒তর॑ত্তি॒ তথ্স॒মিধং॒-যঁত্প্রা॒ত-র্ম॒দ্ধ্যংদি॑নগ্​ম্ সা॒যং চ॒ তানি॒ সব॑নানি॒ যে অ॑হোরা॒ত্রে তে দ॑র্​শপূর্ণমা॒সৌ যে᳚ঽর্ধমা॒সাশ্চ॒ মাসা᳚শ্চ॒ তে চা॑তুর্মা॒স্যানি॒ য ঋ॒তব॒স্তে প॑শুবং॒ধা যে সং॑​বঁথ্স॒রাশ্চ॑ পরিবথ্স॒রাশ্চ॒ তেঽহ॑র্​গ॒ণাঃ স॑র্ব বেদ॒সং-বাঁ এ॒তথ্ স॒ত্রং-যঁন্মর॑ণং॒ তদ॑ব॒ভৃথ॑
এ॒তদ্বৈ জ॑রামর্য-মগ্নিহো॒ত্রগ্​ম্ স॒ত্রং-যঁ এ॒বং-বিঁ॒দ্বা-নু॑দ॒গয॑নে প্র॒মীয॑তে
দে॒বানা॑মে॒ব ম॑হি॒মানং॑ গ॒ত্বাঽঽদি॒ত্যস্য॒ সাযু॑জ্যং গচ্ছ॒ত্যথ॒ যো দ॑ক্ষি॒ণে প্র॒মীয॑তে পিতৃ॒ণা-মে॒ব ম॑হি॒মানং॑ গ॒ত্বা চং॒দ্রম॑সঃ॒ সাযু॑জ্যগ্​ম্ সলো॒কতা॑-মাপ্নোত্যে॒তৌ বৈ সূ᳚র্যা চংদ্র॒মসৌ᳚-র্মহি॒মানৌ᳚ ব্রাহ্ম॒ণো বি॒দ্বা-ন॒ভিজ॑যতি॒ তস্মা᳚-দ্ব্র॒হ্মণো॑ মহি॒মান॑মাপ্নোতি॒ তস্মা᳚-দ্ব্র॒হ্মণো॑ মহি॒মান॑-মিত্যুপ॒নিষত্ ॥ 80.1 (তৈ. অর. 6.80.1)

স॒হ না॑ ববতু । স॒হ নৌ॑ ভুনক্তু । স॒হ বী॒র্যং॑ করবাবহৈ । তে॒জ॒স্বিনা॒ বধী॑তমস্তু॒ মা বি॑দ্বিষা॒বহৈ᳚ ॥
॥ ওং শাংতিঃ॒ শাংতিঃ॒ শাংতিঃ॑ ॥

ইতি মহানারাযণোপনিষত্ সমাপ্তা

(অংভ॒স্যৈক॑পংচা॒শচ্ছ॒তং – জা॒তবে॑দসে॒ চতু॑র্দশ॒ – ভূরন্নং॒ – ভূর॒গ্নযে॒ – ভূর॒গ্নযে॒ চৈক॑মেকং – পাহি – পা॒হি চ॒ত্বারি॑ চত্বারি॒ – যঃ ছংদ॑সাং॒ দ্বে – নমো॒ ব্রহ্ম॑ণে – ঋ॒তং তপো॒ – যথা॑ বৃ॒ক্ষস্যৈক॑ মেক – ম॒ণোরণী॑যা॒গ্গ্॒ শ্চতু॑স্ত্রিগ্​ম্শথ্ – সহস্র॒শী॑ষ॒গ্​ম্॒ ষট্বি॑গ্​ম্শতি – রাদি॒ত্যো বা এ॒ষ – আ॑দি॒ত্যো বৈ তেজ॒ এক॑মেকং॒ – নিধ॑নপতযে॒ ত্রযো॑বিগ্​ম্শতিঃ – স॒দ্যোজা॒তং ত্রীণি॑ – বামদে॒বাযৈক॑ – ম॒ঘোরে᳚ভ্য॒ – স্তত্পুরু॑ষায॒ দ্বে দ্বে॒ – ঈশানো – নমো হিরণ্যবাহব॒ এক॑মেক – মৃ॒তগ্​ম্ স॒ত্যং দ্বে – সর্বো॒ বৈ চ॒ত্বারি॒ – কদ্রু॒দ্রায॒ ত্রীণি॒ – যস্য॒ বৈ কংক॑তী – কৃণু॒ষ্ব পাজো – ঽদি॑তি॒ – রাপো॒ বা ই॒দগ্​ম্ সর্ব॒ মেক॑মেক॒ – মাপঃ॑ পুনংতু চ॒ত্বা – র্যগ্নিশ্চ – সূর্যশ্চ নব॑ – ন॒বোমিতি॑ চ॒ত্বা – র্যাযা॑তু॒ পচৌ – জো॑ঽসি॒ দশো॒ – ত্তমে॑ চ॒ত্বারি॒ – ঘৃণি॒স্ত্রীণি॒ – ব্রহ্ম॑মেতু॒ মাং-যাঁস্তে᳚ ব্রহ্মহ॒ত্যাং দ্বাদ॑শ॒ – ব্রহ্ম॑ মে॒ধযা॒ঽদ্যা ন॑ ই॒মং ভ্রূ॑ষহ॒ত্যাং – ব্রহ্ম॑ মে॒ধবা᳚ ব্র॒হ্মা দে॒বানা॑মি॒দং-বীঁ॑রহ॒ত্যামেকা॒ন্ন বি॑গ্​ম্শতি॒ রেকা॒ন্নবি॑গ্​ম্শতি–র্ মে॒ধা দে॒বী – মে॒ধাং ম॒ ইংদ্র॑শ্চ॒ত্বারি॑ চত্বা॒র্যা – মাং᳚ মে॒ধা দ্বে – মযি॑ মে॒ধা মেক॒- মপৈ॑তু॒ – পরং॒ – ​বাঁতং॑ প্রা॒ণ – ম॑মুত্র॒ভূযা॒-দ্- দ্ধরি॒গ্​ম্॒ – শল্কৈ॑র॒গ্নিং – মা ছি॑দো মৃত্যো॒ – মা নো॑ ম॒হাংতং॒ – মান॑স্তো॒কে – প্রজা॑পতে – স্বস্তি॒দা – ত্র্যং॑বকং॒ – ​যেঁ তে॑ স॒হস্রং॒ দ্বে দ্বে – মৃ॒ত্যবে॒ স্বাহৈকং॑ – দে॒বকৃ॑ত॒স্যৈকা॑দশ॒ – যদ্বো॑ দেবাঃ॒ – কামোঽকার্​ষী॒ন্ – মন্যুরকার্​ষী॒-দ্দ্বে দ্বে॒ – তিলাংজুহোমি গাবঃ শ্রিযং প্র॑জাঃ পংচ॒ – তিলাঃ কৃণ্ষাশ্চোর॑স্য॒ শ্রীঃ প্রজ্ঞাতু জাতবে॑দঃ স॒প্ত – প্রাণ বাক্ ত্বক্ ছির উত্তিষ্ঠ পুরুষ॑ পংচ॒ – পৃথিবী শব্দ মনো বাগ্ ব্যক্তাঽঽত্মাঽংতরাত্মা পরমাত্মা মে᳚ ক্ষু॒ধেঽন্নময॒ পংচ॑দশা॒ – গ্নযে॒ স্বাহৈক॑চত্বারি॒গ্​ম্॒শ – র্দো᳚ ংতদ্ব্র॒হ্ম নব॑ – শ্র॒দ্ধাযাং᳚ প্রা॒ণে নিবিষ্ট॒ শ্চতু॑র্বিগ্​ম্শতিঃ – শ্র॒দ্ধাযাং॒ দশা – ংগুষ্ঠ মাত্রঃ পুরুষো দ্বে – বাংম॑ আ॒সন্ন॒ষ্টৌ – বযঃ॑ সুপ॒র্​ষাঃ – প্রাণানাং গ্রংথিরসি দ্বে দ্বে – নমো রুদ্রাযৈকং॒ – ত্বম॑গ্নে॒ দ্যুভির্॒ দ্বে – শি॒বেন॑ মে॒ সংতি॑ষ্ঠস্ব – স॒ত্যং – প্রা॑জাপ॒ত্য – স্তস্যৈ॒ব মেক॑ মেক॒ মশতিঃ)